1504
آدرس اینیستاگرام http://www.instagram.com/motavasselan1 رجز نوحه های تصویری صوتی اشعارحسینی شور ارتباط با آدمین تبادل ارسال مطلب @YaAliAkbarMadadi
من فاطمه دلبندى ام، جور زماندان قورخمارام
هند اوغلونا باش اگمرم،شمر و سناندان قورخمارام
راه شرفده راهى ام ابلیسیاندان قورخمارام
دم ویررام حقدن تا ابد، بو عشقیله سوداگرم
زینب بو شام شومه گر،اود ویرماسا زینب دگول
گویدن بلا بو شهره گر،یاغدیرماسا زینب دگول
گردنکشانین گردنین، سیندیرماسا زینب دگول
کفریله سازش ائتمرم، کفّاره فرصت وئرمرم
بو شهر شومه گلمیشم، حق اوسته ثابت قالماقا
داد عدالت ویرماقا، مظلومین حقین آلماقا
سیمرغ تک پر چالماقا، تختدن یزیدى سالماقا
پاتختوى فتح ایلرم، چون حیدره من مظهرم
https://telegram.me/joinchat/BQ1CKT3x959rXnaj_Kjibw
امام زمان(عج)
یا امام زمان گل هرایه
قوی قدم سن بو ماتمسرایه
قویما یاتسون قرا قانلی پرچم
اند وئررم سنی مصطفایه
میوه بندقلب علیسن
شیعلر منتظر چون ولیسن.
پرچمه چوخ اهانت ائدوللر
بیزلره چوخ شکایت ائدوللر
گه دیوللر بوسوزلر یالاندی
اجنبیدن حمایت ائدوللر
ائت نظر یادگار علیسن
شیعلرمنتظر چون ولیسن
پرچمون قدری سنسا اقا جان
شیعلر قلبینی ایلیر قان
زینبوندن قالوب یادگاری
زحمتیلن آلوب حالینه یان
گل آقا صاحب پرچمی سن
شیعلر منتظر چون ولیسن
یاامام زمان سن گلنده
شاد اولار عندلیبان چمنده
سایووی باشیمیزه سالارسان
شیعه لر یوللارا گل سپنده
یر یوزونده اولان رهبری سن
شیعه لر منتظر چون ولیسن
داع ش وکافره بیر نظر ائت
گل اول سن بقیعه سریع گئت
قبرزهرایه سن چک حصاری
یاغدورور آتش وموشک وجت
باوقارو دلیرو قویسن
شیعلر منتظر چون ولیسن
ای (شفایی) ئورک دوندی قانه
صبرائله اغلاما یانه یانه
صبری سن گل سراب ایلمه چون
رهبرونده گلر بی بهانه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
من کیمم، من کربلانین تشنه لب سقّاسی ام
من کیمم،من ماسوانین تاج کرّمناسی ام
من کیمم، یئتمیش ایکی مَشکین سوسوز رؤیاسی ام
من کیمم، قاندان بزه نمیش نهضتین معناسی ام
من کیمم، معناده عاشورانین عاشوراسی ام
من کیمم،عطری یاییلمیش بوستانین یاسی؟ یوخ
من کیمم، یازدا گول آچمیش غنچه نین احساسی؟ یوخ
من کیمم، نازدان سوزولموش گوزلرین الماسی؟ یوخ
من کیمم، زاهدلرین واعظ لرین عباسی؟ یوخ
من فقط دیلسیز لرین، دیلسیز لرین عباسی ام
من کیمم، رؤیا، سوسوز دریالرین آئینه سی
من کیمم، دریا، شیرین رؤیالرین آئینه سی
من کیمم، قولسوز، کسیک طوبالرین آئینه سی
من کیمم، ای وای حسینیم والرین آئینه سی
من سوسوزلارین حسینیم وا، حسینیم واسی ام
من کیمم، انّا فتحنا شهرینین دروازه سی
من کیمم، نصر و من الله شرحنین شیرازه سی
من کیمم، مین دورد یوزایللیک کهنه عشقین تازه سی
من ابوالفضلم قوجا عشقین جوان سیماسی ام
من ابوالفضلم تیکیب اهل حرم گؤز مشکیمه
دولدوروب آب فراتین حسرتی کؤز مشکیمه
نیله رم سالسا سوسوز قیزلار سودان سؤز مشکیمه
دولدورام گؤز یاشیمی اوندا گره ک اؤز مشکیمه
من ابوالفضلم سوسوز آهولرین سقّاسی ام
من ابوالفضلم منی آهیله سسله های وئریم
هر نه ایسترسن دئنن بیر یول حسینیم وای وئریم
بیر باخیملیق اولدوز ایسته مین گونش لیک آی وئریم
بیر سئخیم گوز یاشی تؤک عشقیمده سئل سئل پای وئریم
من ابوالفضلم کرم طومارینین امضاسی ام
من ابوالفضلم ویروب چوخ یاره لر نوفَل منه
خوش گونومده چوخ دییردی چوخ لاری گَل گَل منه
ایندی کی قلبیم سینیبدور قالمیوبدور اَل منه
اوخ شماتت دن یاغاندا گؤز تیکر اوّل منه
من ابوالفضلم بلا لولاسینون معناسی ام
من ابوالفضلم گوزوم اوخلاندی مولا جان دئدی
داغ داغیلدی دامن صحرایه، صحرا جان دئدی
من دئدیم یاندیم آنا، سسله ندی زهرا جان دئدی
بیر جهان جان سیز ییخیلدی بیر جهاندا جان دئدی
من ابوالفضلم حسینین دوغرانان اعضا سی ام
هییت متوسلین حضرت علی اکبر(ع)تبریز
/channel/motavasselan
حضرت ابوالفضل العباس (ع)
غیرتیمدن وار یری یاپراق مثالینده اسم
کیم حسینه چکسه خنجر ریشه کفرین کسم
کیمده جرات وار منیله تن به تن جنگ ایلیه
یا منیم تک عر صه گاهی دشمنه تنگ ایلیه
من اوشاقلوقدان تن اعدایه وحشت سالموشام
حیدر کرار الیندن لوح غیرت آلموشام
حاجتیم یوخدور اوزومدن دم ورام بو حینیده
جنگیمی شمر ابن ذی الجوشن گوروب صفینیده
جنگیلرده گیچمزیدیم شاه خیبردن قاباخ
مرکبی فوری مینردیم مالک اشتر دن قاباخ
گر احدده مرتضا یار اولدی شاه محشره
کربلاده منده سردارم حسین تک رهبره
مرتضا خندقده گر عمر اولدوروب تکفیریلن
من عمر سعدین گرک قبرین قازام شمشیریلن
گل میشم حیدر بابامدان چوخ بو گون کافر قیرام
کربلاده کافر اولدورمک رکوردین سیندیرام
گلمیشم حیدر مثالی مرحب و امر اولدورم
مارد اولدورمکده تمرین ایلیم شمر اولدورم
هییت متوسلین حضرت علی اکبر(ع)تبریز
/channel/motavasselan
حضرت علی اصغر(ع)
آلدی آغوشه حسین بن علی گول دسته سین
باخدی او عطشان دوداقلاره، اؤپوبدی سینه سین
شه آپاردی سمت میدانه شرف آیینه سین
شه گیدیر اما دالیجا لشگر حورا گلور
ناگهان صفدن چیخوبدی، الده تیری حرمله
تیتردی ارکان خلقت، عرشه سالدی زلزله
اوچ پر اوخ قویدی کمانه، باخدی گول الده گوله
گوردی شاهی اللرینده بیر گل زیبا گلور
تیری چکدی،صول گوزون یومدی، دیزین ویردی یره
بیر حسینه باخدی بیرده باخدی دیلسیز اصغره
اوخ اوتورلندی کماندان بوسه ویردی حنجره
سو اوتاندی،نالیه قانه دونن دریا گلور
ایلدی راحت او طفلی قانیلن گهواره سی
گولدی، یاتدی چیخمادی شهزاده نین اصلا سسی
عرش و فرشی داغلادی اما ربابین ناله سی
وا علی اصغر نواسی ایندیده گویا گلور
هییت متوسلین حضرت علی اکبر(ع)تبریز
/channel/motavasselan
«زبانحال شاه کربلابربالین شهزاده علی اکبر»
دور ایاقه منیم صف شکن اوغلوم
حق یولوندا جانیندان گئچن اوغلوم
روح وروانیم ورد زبانیم
دشت بلاده سنیدون راحت جانیم
یاعلی جان(4)
دور ایاقه گل باغ پیمبر
اوجا بوی قامتین حیدره بنزر
آتاوی آتدون باشین اوجاتدون
نه باصفا وصال پیغمبره چاتدون
زادۀ لیلی ِ خون جگر اکبر
گوزیوی آچ رقیّه ن کوسر اکبر
صفای جانان شهید قرآن
آتان اولیدی اوجا بوی قدّیوه قربان
سنون احوالیوه عرش حق آغلار
قان دولان گوزلره نُه طبق آغلار
لیلیه دلبر شبه پیمبر
صولت وهیبت ده بابام حیدره بنزر
رزمگاه ایچره سن قانه باتوبسان
عرصۀ حقده غوغا یارادوبسان
ای گل زیبا قامتی طوبا
ایله دی صدپاره سنون جسمیوی اعدا
دور ایاقه منیم روح و روانیم
قالاجاقدی آدون ورد زبانیم
نیّررحمت قلبیمه قوّت
جنته جدیم ائلیوبدور سنی دعوت
ای «مصیّب»سنون دادرسین وار
سسله اکبر آدین تا نفسین وار
نور ولادی شمس ضُحادی
پاک آدینی سسله کی هردرده دوادی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
سلام او سینیه‌کی اوخ دگنده اوخ دئمه‌دی
سلام او اللره کی ساربانه یوخ دئمه‌دی
سلام او شخصه‌که عشقینده پر اراده‌ایدی
بدنی قوملارون اوسته باشی جداده ایدی
سلام او سالکه اسلامی سرفراز ائلدی
سلام او لبلره که خیزرانه ناز ائلدی
سلام او شاهده قانه بوروندی مقتلده
وئروب شعار عدالت سوروندی مقتلده
سلام او مسته آدین جلوهٔ‌ی حیات ائلدی
اورگینون یاراسی جبرئیلی مات ائلدی
ائدنده لبلری قانلی نگاری یاد حسین
ملک‌لر عرشیده سسلندی زنده‌باد حسین
گنه‌ده مرغ خیالیم رهِ ولاده گزور
قلمده دایره ی دشت کربلاده گزور
نه کربلا که ملک آستانینه باش ایَر
نه کربلا که تماشاسی مین بهشته دگر
نه کربلا غمی مردان عشق قدین اگوب
رباب و لیلیه‌ده اوردا تازیانه دگوب
نه کربلا که گداسینده شاه منصبی وار
گورَن بیلر نه گوزلیکده تلّ زینبی وار
استادسید تقی سیفی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
🍃🌹🍃🌹🍃
🌹 🍃 🌹
🍃 🌹
🌹
✳️زبانحال حضرت علی اصغر (ع)
🍃 🌹
دولان قانیله قونداقی
علی لای لای ،بالام لای لای
قیزاردان قانی توپراقی
علی لای لای ،بالام لای لای
🍃🌹
گلستانون گولی سولسون
پوزولسون پایمال اولسون
بالا سنسیز رباب ئولسون
علی لای لای ،بالام لای لای
🍃🌹
الیمدن کیم سنی آلدی
بئله توپراقلارا سالدی
آنا یاخشی ملر قالدی
علی لای لای ،بالام لای لای
🍃🌹
آنا دهرون بلاسیندن
دؤنرمیش ئوز بلاسیندن
من آیریلدیم بالا سندن
علی لای لای ،بالام لای لای
🍃🌹
ایشیقلی أولدوزوم آتدون
منی،توپراقیده یاتدون
نه تئز چیخدون،نه تئز باتدون
علی لای لای ،بالام لای لای
🍃 🌹
آنان بو حالت زارون
گؤروب اولدی گرفتارون
دی گل بوش قالدی گهوارون
علی لای لای ،بالام لای لای
🍃🌹
سنی بی حال ائدن اوخدور
یانان بو حالده چوخدور
ولی لای لای دئین یوخدور
علی لای لای ،بالام لای لای
🍃🌹
کؤنول دردینله سرخوشدور
قوجاقیمده یئرون بوشدور
ئوزوم لا ی لای دئیم،خوش دور
علی لای لای ،بالام لای لای
🍃🌹
مگر دشمن امان وئردی
سنه رحمین نشان وئردی
گؤروب سود یوخدی قان وئردی
علی لای لای ،بالام لای لای
🍃🌹
علی سنسیز سنی آندیم
سمندر تک اودا یاندیم
سئسیمه سس وئر،اودلاندیم
علی لای لای ،بالام لای لای
🍃🌹
شیل اولسون قاتلون آخر
خزان ائتدی گولون آخر
نولوب شیرین دیلون آخر؟
علی لای لای ،بالام لای لای
🍃🌹
اویان درد و بلان آللام
دورنجا سن اویاخ قاللام
کشیکچون من ئوزوم اوللام
علی لای لای ،بالام لای لای
🍃🌹
دور ای شمع شبستانیم
بهار و باغ و بستانیم
سودیلن دولدی پستانیم
علی لای لای ،بالام لای لای
🍃🌹
بو صرّاف سیه نامه
یئتیردی شعرین اتمامه
گینه باشدان یازار خامه
علی لای لای ،بالام لای لای
هییت متوسلین حضرت علی اکبر(ع)تبریز
/channel/motavasselan
شادروان سید جواد ذاکر
https://telegram.me/joinchat/BQ1CKT3x959rXnaj_Kjibw
زبانحال حضرت زینب (س)به حضرت رباب (س)
((آغلاما بو قدر ائتمه اورکلری کباب،بسدی رباب
الله ائلسین حرمله نین ائوین خراب،بسدی رباب))
سسلمه علی اصغریوی ائتمه بو قدر آه و فغان
اصغر گئدلی رعشه دوشوبدور بو دل و جانه اینان
گهواره نی ترپتمه بئله قلبیلری ایلمه قان
بوش گهواره ایله اوزووی ایله مجاب بسدی رباب
"الله ائلسین حرمله نین ائوین خراب بسدی رباب"
آنامون ادبلی گلینی ایتمه بوقدر ناله و زار
سن آغلیوسان دولور بوتون قلبلره غملی شرار
بالاما اولوب حسینیمون سینه سینون اوستی مزار
قانیله اولوب صود امرین یوزی خضاب بسدی رباب
"الله ائلسین حرمله نین ائوین خراب بسدی رباب"
گلشنیمیزه باد خزان اسدی رباب بسدی رباب
امانیمیزی ناله لرون کسدی رباب بسدی رباب
ناله و فغان ائتمه داخی بسدی رباب بسدی رباب
ناله لرویلن منه سن وئرمه عذاب بسدی رباب
"الله ائلسین حرمله نین ائوین خراب بسدی رباب"
آغلاما بو قدر ائتمه اورگلری کباب
بسدی رباب
خیردا بالالار زحمتیله ایله دفاع
بسدی رباب
الله السین حرمله نین ائوین خراب
بسدی رباب
آنانون آرزولاری جدا اوغول بیلمه لیدی
بعضی سی آغلامالی بعضی لری گولملیدی
آلتی آیدا نه بلیدیم کی بالام اولملیدی
بسدی رباب
آتارام محنت هجرانی داخی آغلامارام
سینه می یاره له سنده الیوی باغلامارام
بسدی رباب
حق لی سن گلمیسن چون سنی خوش ساخلامادیم
کور اولونجان گرک آغلایدیم ولی آغلادیم
الیوی باغلادیم اما یاراوی باغلامادیم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
گل شامه ابوالفضل نگران زینبه باش چک
غم غصه یوران قدی کمان زینبه باش چک
ای اللری اللرده قالان تیتریور اعضام
باش کوفده محملده یاران زینبه باش چک
گورسون تانیماسان اریدوب جسمیمی غملر
غم یورقونی زلفی آغاران زینبه باش چک
قارداش باجوام گل منه یاس ساخلاابوالفضل
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
دریا حسینه قربان
صحرا سینه قربان
طاها حسینه قربان
حیدر حسینه قربان
ویرانده سه ساله
زهرا حسینه قربان
قولسوز یاتان سو اوسته سقا حسینه قربان
یرلر حسینه قربان
گولر حسینه قربان
گلزار کربلاده گلر حسینه قربان
پیغمبرون شبیهی اکبر حسینه قربان
اوز گوز قانا بویانموش اصغر حسینه قربان
سو اوستکی کسیلمیش اللر حسینه قربان
دریای قانه باتمیش لشگر حسینه قربان
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
هانی بس طوی حناسی اللروندن
مبارکدور طویون شهزاده قاسیم
هویدا دور سوسوزلوق لبلروندن
مبارکدور طویون شهزاده قاسیم
نه طویدور اولدی ماتمدن بناسی
مبدل اولدی یاسه طوی اساسی
عروسون قان اولوب طویدا حناسی
مبارکدور طویون شهزاده قایسم
بو طویدا باشه زینب قاره باغلار
دیر لیلا علی اکبر قان اغلار
سریه نالسی امکانی داغلار
مبارکدور طویون شهزاده قاسیم
نه شوریله گلور بلبل گل اوسته
ائدر ناله عروس دل شکسته
عم اوغلی وای دیندن نعشون اوسته
مبارک دور طویون شهزاده قاسیم
نه لر اولموش بو دشت کربلاده
عروس کربلا قالمیش اراده
گزردی حجله گاهی پا پیاده
مبارکدور طویون شهزاده قاسیم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ایدون سرشکوزی جاری مدام ابوالفضله
سَبیل اشک ایلیون تشنه کام ابوالفضله
اجازه گوز یاشینا سیل تک تمام ویرون
او غملی روضه سینی یاد ایدوب سلام ویرون
همیشه گوز یاشین حسرت گوزیله جویا دور
سوور آخان سویی هر یرده اولسا سقّادور
سکینه دن سو خصوصینده گر چه خجلتی وار
خدا یانیندا ولکن بیوک جلالتی وار
او گونکه امر خداوندیله قیامت اولور
ایکی کسیک الی سرمایۀ شفاعت اولور
آناسی فاطمه ائیکه اُمید امّت دور
دیر شفاعته عبّاس الی کفایت دور
نقدر فکر ایده سن عزّتین محال اولماز
اولوم جلالنه قربان بئله جلال اولماز
تصوّر ایله رعیت ده بیر جلالته باخ
مقام و مرتبه سین سیر قیل رعیّته باخ
اوزی رعیتدی گور نه قدر جاه آپاروب
امام کرب و بلاده اونا پناه آپاروب
او هانسی ساعتیدی عالمین پناهی حسین
پناه آپاردی ابوالفضله سیّد حرمین
همان او وقتیدی باتمشدی قانه انصاری
قالوردی بیر علمی بیرده بو علمداری
اسوردی تا نقدر اَلده پرچم علمی
یوخیدی فاطمه قیزلارینون مَلال و غمی
ولیک اوچ گونودی خیمه لرده سو یوخودی
بو باره دن حرم عصمتون غمی چوخودی
دولیدی شیونیلن خیمه و جلال حسین
سیزیلداشوردی سوسوزدان تمام عیال حسین
سوسوز بالالار اَلنده گورنده بوش جامی
دولوب پیالۀ چشمی کسیلدی آرامی
گلوبدی خاطری درده حرم نواسیندن
توکندی صبر دلی العطش صداسیندن
غَیور طبعینه گنجیده اولمادی باخسون
سوسوزلوق آتش اطفالی یاندیروب یاخسون
مشّرف اولدی حضور امامه چوخ دلتنگ
چوخ عِجز قیلدی که بلکه آلا اجازۀ جنگ
امام ویرمدی اذن جدال عَلمداره
بویوردی سنسیز ایدیم من بو چولده نه جاره
منیم بو گون بو بیاباندا سن پناهیم سن
رئیس لشگر و سر کردۀ سپاهیم سن
منیم بو گون علمیم پایدار دور سنیلن
بو خیمه لر بو حرم بر قراریدور سنیلن
کُمکلریم کیمی یتسن شهادته سَنده
اولور منیم داخی جمعیتیم پراکنده
دوباره عرض ایدوب عبّاس که ای امام زمان
نجه گوروم سنی یالقوز اولوم سنه قربان
اجازه ویر منه یوخدور حیاتمه هَوسیم
دوشوبدی کثرت غمدن شماریه نفسیم
نجه روادی فراتین یولونی باغلیلر
سوسوز قالوب بالالار خیمه لرده آغلیلر
نجه روادی منیم قولّاریم سلامت اولا
دوروب باخام سوسوزوندان سکینه رنگی سولا
اگر چه دامنوه بیرده بیر اَلیم یتمز
بله حیاتی ندیم غیرتیم قبول ایتمز
شهیدلر یری بزم قتالیده خوشدور
غمیم زیاده دی چونکه منیم یریم بوشدور
قوروبلا مجلس شورا قوجا جوان یکسر
کَسیک باشیله صباح ایلسونله شامه سفر
ویروبله رأی تماماً چوخ اکثریت وار
بو گون اورا اِیده رم منده ده بو نیّت وار
مرخّص ایله گلن عشق بیدقین گوتوروم
گیدوم او مجلسه منده مرامیمی یتوروم
مگر بو قدر غمیله دایانا بوللّم من
مرخص ایلمسن غیرتیمدن اوللّم من
امام عصر گلوگیر گوردی عبّاسی
گَلوبدی لرزیه تترر تمام اعضاسی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
استمداد حضرت قاسم
ای سرور عالم یتش امداده عموجان
من گوزلیورم سن گَله سن داده عموجان
دریای بلا موج ائلیوب عرصه ده داشدی
توفان بلا باشدان عمو سیل تک آشدی
دورت سمتیدن اعدا بودل افکاره اَل آشدی
فرصت یتشوب فرقه ی بیداده عموجان
اکبر ئولنی یوخدی داخی میل حیاتیم
خوشدور گله بالینمه تئز پیک مماتیم
ئولمکدَه دی چونکه بیلورم راهِ نجاتیم
واردور نظریم عزّتِ عقباده عموجان
گوزلور علی اکبر منی منده سنی الان
گل باشیم اوجالسون گویه ای آیت یزدان
گلدی ئوز آتام قتلگهَه گوزلری گریان
لطف ایلدی بو خاطری ناشاده عموجان
اوندانکی آتام اولدی شهیدِ رهِ جانان
سایونده منی ساخلادون ای سرور دوران
وئردون منه اوغلون سیاقی عزّتی شایان
الاندا عنایت ائله گل داده عموجان
ای قصدِ قیام و هدفی عالمه اَظهر
لبخندی رضای حقِ سبحانه برابر
گل گورنجه عشقونده باتوب قانه بوپیکر
قان ایچره شناوردی بوآزاده عموجان
قورتاردی داخی غملی باشیم دردوبلادن
اکبردالسیجا گیدورم کرب وبلادن
مرغ دل آچوب پر اوچا بو دار جفادن
قالمور داخی روحیم قوشی دنیاده عموجان
سیندی سوموگوم آتلار ایاقینده گل ای جان
نازک بدنه بستر اولوب گورنجه آلقان
تئز گل ائلیوم جانیمی رخساریووه قربان
ای رهبر اولان عالم ایجاده عموجان
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
مناجات باامام زمان عج
یابن الحسن ای شه ملک جهان
داده چاغیرر سنی پیرو جوان
جمعه گونی یولدا قالار گوزوموز
یابقیه الله اولار سوزو موز
فاطمنین بالاسی
نرجسین آی پا راسی
گل سنی فاطمه ای شیعه لرین آقاسی
عشقمیزه ای سرمایه
حاکم اول ئوزون دنیا یه
داده گل امان یا مهدی جان یا مهدی
جان سنه قربان یا مهدی جان یا مهدی
گل یرددی خون حسین آقا جان
کرب وبلایه گلجک سن هاچان
گل عمون عباس علمینن آل اله
نهر فراته باخوب ایله گله
سو سوزی دلده قالوب
صبر و قراری آلوب
قولسوزودی باشینا فاطمه سایه سالوب
مین دوت ئوزایلدی آغلاروق
عباسه ماتم ساخلاروق
داده گل امان یا مهدی جان یا مهدی
جان سنه قربان یا مهدی جان یا مهدی
رضاماه پری
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
كربلا معلي بين الحرمين
شب هفتم محرم
حاج ابراهيم رهبر
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
💠اَلسَّلامُ عَلَیْکَ یا اَباعَبْدِاللَّهِ 💠
🌹مناجات حضرت سید الشهدا "ع"
در قتلگاه 🌹
سینه اوسته آغلیور اوخلاردا عطشان عاشقه
نوک پیکاندان آخور قاندا مطهر سو کیمی
🌹🌹
اوخ دیله گلمیش دیور پر وِردی جاهل لرمنه
گوز آچینجاق گورمیشم سینونده سنمش نو کیمی
🌹🌹
اوخلاری يوخدور گورن داشلارین اوسته باش قویوب
گوئيا داشلاراولوب اُول یِرده پرَ قو کیمی
🌹🌹
محضر معشوقیده عاشق گرک دور بیلمیه
چیخسا روحی جسمیدن گر گلشن خود روکیمی
🌹🌹
دیلده یوخ تاب و توان قلبیده سوئلور عاشقم
وار کیمیم سندن صورا من سسَلیوم یا
هوُکیمی
🌹🌹
طور سینادن نشان ویردون حُسینون نورینی موسی اوخشاتدی ولی حَقدن اولان پرتوُکیمی
🌹🌹
ایندی منده قورخورام اَرنی دیمَ مَعبودیمه
عرشیدَن بير سسَ گله اولماز حسین روُ روُکیمی
🌹🌹
عرشیدن ناگه اودَم بير سس گلوبدور یاحسین
يوخدی سنلن فاصله معبود آرا بير موُکیمی
🌹🌹
بير خانمدا تلیدَن میدانه سرُعَتلن گلور
ئوز بالاسین آختاران ويلان قالان آهوُ کیمی
🌹🌹
تَلیلن گودال آرا آواره قیز چوخ گورسنور
هم هوُرولموش موُکیمی هم توُز دوتان گِیسوُکیمی
🌹🌹
شعر عاشوراینی گر اوخشاداق شَهلا گوزه
"راضی " شعرون بنَزیور اُول گوزلره اَبروُکیمی
🌹🌹
هییت متوسلین حضرت علی اکبر(ع)تبریز
/channel/motavasselan
ای جسمی اولان گول كیمی صدپاره حسینیم
بیر جسمده اولماز بو قَدَر یاره حسینیم
ای ناطق قرآن و حبیب شه لولاك
قرآن كیمی شیرازه دن اولموش بو تن پاك
ثاراللَّهی ظلمیله تؤكوب فرقه ی ناپاك
صاحبدی خدا بو تؤكولن ثاره حسینیم
بو قانی تؤكنلر بولوری خون خدادی
«اِنّی دِیَتُك» حق بویوروب،ذاتی بهادی
الله قانینی ظلمیله توكماق نه روادی
لعنت ائله بیر قوم ستمكاره حسینیم
گَلدون بو مرامیله برادر بو دیاره
تا بوردا یارالی گئده سن محضر یاره
هر زخمون اولوب ذبح عظیمه بیر اشاره
مصداقدی فرمایش داداره حسینیم
قانون دوشوب هر قطره یره،یرده یازوب حق
الحق سنیدون حقّ سوزون حقّیدی مطلق
وئردون نه گؤزل دینه بو گون قانیله رونق
وار حشره كیمی رونقی همواره حسینیم
كشتی نجات عالمه مصباح هُداسن
اصحاب وفا رهبری شاه شهداسن
الله ایله ائتدون نه گؤزل بیع و شرا سن
گَتدون هامی سرمایه وی بازاره حسینیم
ظلمیله سنی قانیوه غلطان ایلیوبلر
قانه بویانان نعشوی عریان ایلیوبلر
بو ظلم كی بو فرقه ی عدوان ایلیوبلر
شایسته دییل مُلحِد و كفّاره حسینیم
داش،نیزه،قلج یاره سی چوخدور بدنونده
هر زخمدن آرتوخ اولان اوخدور بدنونده
بیر بوسه یئری زینبه یوخدور بدنونده
آسان دَیی بو غصه،منِ زاره حسینیم
سندن سورا بو دشتیده اولاد پیمبر
كُفّاره اسیر اولدی جفائیله برادر
رحم ائتمدی،شرم ایلمه دی شِمر ستمگر
زنجیر ووروب عابد بیماره حسینیم
باشسیز بدنون یئرده،باشون نوك جداده
گوردوقجا گلور آل علی ناله و داده
اؤلدوردی سنی اهل جفا یتدی مراده
مأموردیلر بیر بئله آزاره حسینیم
نورانی باشون بنزیری قارداش گونه آیه
ناقصدی بو تشبیه،یوخ آی گونده بو پایه
قرآن اوخوسان نیزه ده سن آیه به آیه
منده تؤكرم گؤز یاشی رُخساره حسینیم
هییت متوسلین حضرت علی اکبر(ع)تبریز
/channel/motavasselan
زنده یاد
حاج_محمد_باقر_منصوری
عروسی حضرت زینب(س)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
دریای کرم بخشش و رحمت دی ابالفضل
فرزند علی معنی غیرت دی ابالفضل
الگو دی بیزه جاه و جلالت دی ابالفضل
بو مکتب و اسلامه شرافت دی ابالفضل
یوخ اللری هر درده معالج دی ابالفضل
وار بیر لقبی باب الحوایج دی ابالفضل
موسی لره عیسی لره سروردی ابالفضل
یحیی لره یوسف لره برتردی ابالفضل
نسناس و ستمکاره غضنفردی ابالفضل
میدانیده بیر حیدر دیگردی ابالفضل
ام البنین اولادی ابالفضل دی ابالفضل
استادیلر استادی ابالفضل دی ابالفضل
به به آقامین گور نه گوزل منصبی واردی
پیغمبر خاتم تکی جد و ابی واردی
ایللردی بو ایراندا عظیم مکتبی واردی
شام اهلینی سرکوب ائلین زینبی واردی
کیم دوشسه دخیل درگهینه زجریده قالماز
رد ایلسه کیم آدینی اوندا شرف اولماز
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ویرانه ده بیر قیز دولانور خانه سی یوخدور
زندانه دوشوب منزل وکاشانه سی یوخدی
سوز یوخ که اسیری قولی باغلی آپاراللار
دعواده شه ئولسه قیزینا سیلی ووراللار
ویرانه مکاندا اونی زندانه سالاللار
هچ خانه خرابین بله ویرانه سی یوخدور
اوچ سنیده بیر قیزدی، بو قیز شه دی باباسی
افسوس اولا که کهنه دی اگنینده لباسی
بیر خون جگردور بو قیزون آب و غذاسی
هچ شمعین ائله غصه لی پروانه سی یوخدور
ای باد صبا کرب وبلایه گذر ایله
اللهه گوره اکبره مندن خبر ایله
بیر شامه طرف باجوا خاطر سفر ایله
آخشام چاقی زلفین داریا شانه سی یوخدور
غربتده اسیر اولدی بو قیز قوم جهوله
بی سقف مکان مسکن اولوب آل رسوله
گوندوز گون اذیت ائدور اولاد بتوله
حتی گجه ایمنده قالان خانه سی یوخدور
ئوز ائللرینی یاده رقیه سالار آخشام
قارداشلارینون فکرینه هر گون قالار آخشام
بیر صود امره نازیله لایلای چالار آخشام
افسوس اولا که اصغر دردانه سی یوخدور
هییت متوسلین حضرت علی اکبر(ع)تبریز
/channel/motavasselan
شاخسی
كربلايي_يوسف_پرنيان
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حق جلوه سیدور جلوه رخساری حسینون
پاینده دی حشره کیمی آثار حسینون
نورانی ائدوب جنتی انواری حسینون
آزاده لیگون درسی دی افکاری حسینون
حیرتده قویوب عالمی ایثار حسینون
مرآت خداونددی سیماسی اوشاهون
روشن ائلیوب عرشی تجلاسی اوشاهون
تکدی شرف وغیرت وتقواسی اوشاهون
اولماز بیری عالم بوئی همتاسی اوشاهون
گلمز داخی بوعالمه اوخشاری حسینون
هییت متوسلین حضرت علی اکبر(ع)تبریز
/channel/motavasselan
وارد شدن حضرت ابالفضل العباس علیه السلام به فرات
مرحوم یحیوی
.
.
نهر علقمه قویدی چون قدم
کربلا وزیری
تاجدار اباالفضل
.
تشنه لب لره سو آپارماقا
جان و دلدن ائتدی
افتخار اباالفضل
.
تاپدی خضر عطشان
چشمۀ حیاتی
تشنه لر ائشیتدی
نالۀ فراتی
.
.
.
گوردی نهرده موج ائدر سوئی
خود سرانه اولموش
پهن و دشته جاری
.
آتدی اول سودان بیر قدر گویه
دوندی باخدی ناگه
خیمه گاهه ساری
.
یعنی قورخمیون نهری آلمیشام
خیمیه یتورم
مشک آبداری
.
آلدی اوجونا ایچمدی سودان
ایلدی فراتی
شرمسار اباالفضل
.
.
.
خیردا اصغرون تشنه لب لری
یا سکینه حالی
صبرین الدن آلدی
.
حال زارینه اول هنرورین
باطناً فراتون
ناله سی اوجالدی
.
مشکین اندیروب دولدوروب سودان
چیگنینه سو مشکین
همتیله سالدی
.
دوندروب یوزین چخدی نهریدن
اولدی خیمه گاهه
رهسپار اباالفضل
.
.
.
ازدحامیلن ائتدیلر هجوم
صاحب لوانین
اوسته قوم کافر
.
تیغ تیزیلن اول جماعت
بی حیایه ائتدی
حملۀ مکرر
.
الحذر سسی چخدی گویلره
بیر شجاعتیلن
جنگ ایدوب او سرور
.
قدسیان گلوب نالیه دئدی
آفرین بو شصته
نامدار اباالفضل
.
.
.
دوندروب یولون نخلزاریدن
آتش قتاله
ویردیلر ادامه
.
ائتدیلر کمین هر ایکی الین
سالدیلار بدندن
یتدیلر مرامه
.
باخ همیّته باخ فتوّته
سعی ایدوب یتورسون
مشکی تا خیامه
.
قویمادی علم سرنگون اولا
دوتدی سینه سینده
پایدار اباالفضل
.
.
.
گه رکابدن بیر ایاقینی
ایلیوردی خالی
دشمنی یخاردی
.
گاهی ساغ طرف گاهی صول طرف
قان ایکی قولوندان
سو کیمی آخاردی
.
اول وفا شِیَم معدن کرم
حسرتیله مشکه
دمبدم باخاردی
.
سو یتورمگه خیمیه اولوب
تشنه لردن آرتوق
انتظار اباالفضل
.
.
.
فرصت ال ویروب اوخ آتانلارا
دورت مین اوخ قویولدی
چلۀ کمانه
.
یاغدیا وتسونه دورت طرفدن اوخ
شهپر آچدی اوخدان
فارس یگانه
.
مشگنون سویی خونِ دل کیمی
توپراقا توکولدی
رنگی دوندی قانه
.
خیمه سمتینون ترکین ایلدی
گوردی ئوز حیاتین
ناگوار اباالفضل
.
.
.
یوخ بدنده قول دشمن ال تاپوب
بیر تصور ایله
یوز ویرور نه حالت
.
بو مصیبتون شرح آخرین
قانه دوندی قلبیم
ائتمرم کتابت
.
یازدی «یحیوی» بو کلامینی
خاطرینده مکنون
نیت زیارت
.
آستانۀ پاکه یوز قویا
اولسا لطف اوزیله
یارکار اباالفضل
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ﯾﺜﺮﯾﺒﺪﻩ ﮔﯿﺠﻢ ﺗﮏ ﮔﻮﻧﻮﺯﻭﻡ ﻗﺎﺭﺍﺩﻭﺭ ﺍﺻﻐﺮ
ﻣﺤﻨﺖ ﺍﺛﺮﯾﻨﺪﻥ ﺍﻭﺭﮔﯿﻢ ﯾﺎﺭﻩ ﺩﻭﺭ ﺍﺻﻐﺮ
ﻫﯿﭻ ﺍﻭﺧﻼﻧﺎﻥ ﺁﻫﻮ ﯾﺎﺭﺍﺳﯿﻨﺪﺍ ﺳﻨﻪ ﭼﺎﺗﻤﺎﺯ
ﻫﯿﭻ ﺍﻭﻏﻠﯽ ﺍﻟﻦ ﺑﯿﺮ ﺁﻧﺎ ﺍﻭﻏﻠﻮﻡ مﻨﻪ ﭼﺎﺗﻤﺎﺯ
ﺻﯿﺎﺩﻟﺮ ﺍﻫﻮﯾﻪ ﮐﯽ ﭼﻮﻟﺪﻩ ﺍﻭﺥ ﺍﺗﺎﻻﺭ
ﺑﻮ ﺭﺳﻤﯿﺪﯼ ﻗﺎﭼﺴﺎ ﺍﻭﻧﺎ ﻓﻮﺭﺍ ﺍﻭﺥ ﺍتاﻻﺭ
ﻭﻭﺭﻣﺎﺯﻻﺭ ﻓﺮﺍﺭ ﺍﯾﻠﻤﺴﻪ ﺯﻧﺪﻩ ﺩﻭﺗﺎﻟﻼﺭ
ﻫﯿﭻ ﻇﻠﻢ ﺍﯾﻠﯿﻦ ﺣﺮﻣﯿﻠﯿﻪ ﻇﻠﻤﯿﺪﻩ ﭼﺎﺗﻤﺎﺯ
ﻫﯿﭻ ﺍﻭﭼﯽ ﺍﻭﻏﻮﻝ ﻗﺎﭼﻤﯿﺎﻥ ﺍﻫﻮﯾﻪ ﺍﻭﺥ ﺁﺗﻤﺎﺯ
ﻗﻮﯾﻤﻮﺵ ﻏﻢ ﻭ ﺩﺭﺩﻭﻥ ﻣﻨﯽ ﮔﻮﺯ ﯾﺎﺷﻠﯽ ﻭﻃﻨﺪﻩ
ﺭﻭﺣﯿﻢ ﯾﻮﺭﻭﻟﻮﺏ ﺧﺴﺘﻪ ﺩﯼ ﺑﻮ ﺧﺴﺘﻪ ﺑﺪﻧﺪﻩ
ﺍﯾﮑﺎﺵ ﺍﻭ ﮔﻮﻥ ﻣﻨﺪﻩ ﺍﻟﯿﺪﻭﻡ ﺳﻦ ﺍﻟﻨﺪﻩ
ﺭﻭﺡ ﻋﺎﻟﻤﯽ ﺭﻭﺣﻮﻥ ﻣﻨﯿﻠﻪ ﺗﺰ ﺑﺎﺭﯾﺸﯿﺪﯼ
ﺗﭙﺮﺍﻗﯿﻢ ﺍﻭﻏﻮﻝ ﺧﺎﮎ ﺷﻔﺎﯾﻪ ﻗﺎﺭﯾﺸﯿﺪﯼ
مرحوم استاد انور
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
معجزه حضرت رقیه(س)
ماجرای مریضی دختر مسیحی
حاج محمد باقرمنصوری
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
🍃🌹🍃🌹🍃
🌹 🍃 🌹
🍃 🌹
🌹
زبانحال حضرت رباب (س) به حضرت علی اصغر(ع)
علی باشدان سو فکرین آت بالام لایلای گُلوم لایلای
آز آغلا آز منی آغلات بالام لایلای گُلوم لایلای
🍃🌹
سزادور آه جانسوزیم اگر یاندیرسا دنیانی
نه صود وار اودلی سینمده نه خرگهده[1] سو امکانی
سوسوزلوق دردینون اولماز اوغول بو چولده درمانی
آز آغلا آز منی آغلات بالام لایلای گُلوم لایلای
🍃🌹
نه بیر لایلای دئدوم باخدون اوغول نه بیرجه خواب ائتدون
او قدری آغلادون یاندون او قدری اضطراب ائتدون
او حسرتلی باخیشلاردان اورک باشین کباب ائتدون
آز آغلا آز منی آغلات بالام لایلای گُلوم لایلای
🍃🌹
سو فکریله بو خرگاهی گوزی یاشلی دولانّام من
اَله بیر شربه سو گلمز اوغول یانّام دایانّم من
او آغلار گوزلره قربان سنه باخدوقجا یانّام من
آز آغلا آز منی آغلات بالام لایلای گُلوم لایلای
🍃🌹
دوتوب سو یوللارون لشکر اوغول یوخ رحم دشمنده
اوزومده تشنه ام سن تک بو درده چاره یوخ منده
سویوم یوخ آغلیوب سنده منی چوخ ائتمه شرمنده
آز آغلا آز منی آغلات بالام لایلای گُلوم لایلای
🍃🌹
ائله حالیم پریشاندور که بیر کس حالیمی بولمز
اگر مین گُل آچا بیرده منیم هرگز یوزوم گولمز
عطشدن سن هلاک اولدون عجبدور بو رباب ئولمز
آز آغلا آز منی آغلات بالام لایلای گُلوم لایلای
🍃🌹
علی سوز نگاهونله دل افلاکی یاندیرما
علی چشم گهربارون بئله حسرت دولاندیرما
علی اوز خجلتیم بسدی منی آرتوق اوتاندیرما
آز آغلا آز منی آغلات بالام لایلای گُلوم لایلای[2]
🍃🌹
هییت متوسلین حضرت علی اکبر(ع)تبریز
/channel/motavasselan
زبانحال امام حسین درشهادت حضرت قاسم (ع)
یاتما بو چولده اوغول دور باغریمی قان ایلمه
هرنه وار دردون بیان ایت دیلده پنهان ایلمه
آچگوزون دلبند مادر گلموشم گور نالیه
اوز دیلونله من آنایه سویله افغان ایلمه
باغبان تک سن گلی من بسلدیم شادان گورم
دورگولوم گول بوآنان پژ مده گریان ایلمه
مجتبادن درس آلوب اولدون بوگون دینه فدا
ای مه تابان من ترک شبستان ایلمه
عقده لر وار بو دیلیمده قانلی زلفون تک اوغول
عقده می آچ باخماقونلا دل پریشان ایلمه
یاتموسان نازیله سن من زارو هم سرگشته وم
گل منی سرگشتۀ دشت و بیابان ایلمه
سسلورم سس ویرموسن ای قانه غلطانیم بالا
آتش غمده یانان بو قلبی سوزان ایلمه
لیلی تک مجنون ایدوب سالما منی بوچوللره
گل آناوی مبتلای درد هجران ایلمه
من دیردیم توی دوتوب قول بوینوا سالام اوزوم
بو گویول آباده سین دور یاتما ویران ایلمه
قلبیده وار آرزوسی هر آنا گورسون عروس
دورمنی یوسف کیمی یعقوب کنعان ایلمه
باخورام یاره لره گل کیمی اوخدان پرآچوب
باغ و گلشندی وجودون ترک رضوان ایلمه
هرگلون بیرعطری وارکاشانۀ دل دوربو تن
گل بو دل کاشانه سین سن لیل ظلمان ایلمه
ایت آنالیق حقی بیر دفعه آچ بو گوزلرون
من باخوم سن باخ منه ترک سرو جان ایلمه
بیرنگاهونلا بالا دینجد منی چوخ خستیم
غرق دریای غم و اندوه و حرمان ایلمه
بیر باخوش باخسان بسیمدی گل محبت ایله باخ
من اسیرم کاروان یولاندی لنگان ایلمه
پیچ و خم وار شام و کوفه یولاریندا دردو رنج
آچماموش گوز سن روان شام ویران ایلمه
) بیرالتفات ایله دیورچوخ قورخورام
یالواروردادارینه محشر ده نالان ایلمه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
« آچ گوزون قاسم »
جمالی ای قانیلن الوان
جان وئرن عطشان
قاسمیم یاتما
تقرب تاجین قویان باشه
پیکری شان شان
قاسمیم یاتما
((دورای شمع ِ بزم احساسیم
گلستان غمده کی یاسیم
آچ گوزون قاسم (۲))
*
دور ای برج عشقیده ماهیم
عزّت و جاهیم - باوفا قاسم
نه تئز ائتدون سن جلای وطن
یادگار حَسَن- دلربا قاسم
علی اکبردن صورا من ایچون
اکبریم سنیدون - مه لقا قاسم
((سنیدون تنویر انفاسیم
شجاعت ده شبه عباسیم
آچ گوزون قاسم (۲))
*
گلوب جوشه رگده کی قانین
خنجرآچدون- قوم لعین اوسته
وُروب بیرملعون یارا باشیوا
مرکبیندن دوشدون زمین اوسته
هجوم ائتدی قوم کین پرور
آت چاپوب دشمن-سینه وین اوسته
^
((دوشن آتدان اشجع الناسیم
سینان ای تندیس اجلاسیم
آچ گوزون قاسم (۲))
*
سنون عشقون مشق اولار باشاباش
عرش وفرشیده ای-عشق اودوندا یانان
سنیدون برج وفا شفقی
یوخدی کس سنه-تای-قانینه بویانان
ایاقه دور خیمه گاهه گئداخ
باشیوه دولانا- قلبی یاره آنان
((کسیلدی گلبانگ اخلاصیم
سالوب دیلدن فرقۀ خاصم
آچ گوزون قاسم(2)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw