1504
آدرس اینیستاگرام http://www.instagram.com/motavasselan1 رجز نوحه های تصویری صوتی اشعارحسینی شور ارتباط با آدمین تبادل ارسال مطلب @YaAliAkbarMadadi
ای جماعت ویرمیشم بو جانی قربان مشگیمه
خیمه لرده گوز تیکوب بیر عدّه عطشان مشگیمه
وورمیون آخر نهال عیشیمه غم تیشه سی
اولمیون راضی شکست اولسون امیدیم شیشه سی
بسته دور واللهی بیر بو مشگه روحیم ریشه سی
آیریلار روحیم بدندن دگسه پیکان مشگیمه
من بولوردیم ایندی بو شام اهلی یالقوزلار منی
خیمه لرده گوزلوری والله اوغلسوزلار منی
آختارور الده سوجامی تشنه لب قیزلار منی
منتظردور ایندی بیر جمع پریشان مشگیمه
من دیمم چوخ وورمیون اوخ ای گروه کینه جو
قورخورام دگسین بو مشگه نقد جانیمدور بو سو
آرتیرار عباسه بو زهرا یانیندا آبرو
جانیمی قیلام سپر هر لحظه هر آن مشگیمه
یوخ رجوعیم وورمیسوز چوخ یاره ای لشگر منه
ساق صولومدان پر آچوب اوخلار اولوب شهپر منه
راضیم وورساز نقدری نیزه اوخ خنجر منه
قویمارام اوخ دگسین اما حتی الامکان مشگیمه
گر دیسوز من ئولماقیمدان قورخورام ای کوفیان
بیر نفر آلسون بو مشگی خیمیه ایتسون روان
چکمه سون باری سوسوزدان خیردا قیزلار الامان
سو یرینه دولدورون اوندان صورا قان مشگیمه
من گلنده اصغرین آچمیشدی قنداقین رباب
عرض ایدیردی بارالها اصغریم اولدی کباب
بو سببدن خیمیه گیتماقدا قیلّام چوخ شتاب
منتظر دور خیمه لرده آل عمران مشگیمه
چگنیمه فخریله سردوش شهادت وورمشام
وعده گاه عشقیده مردانه ثابت دورمشام
چوخ امیدیله بو مشگی نهریدن دولدورمشام
سیز بولورسوز دولمیوبدور بو سو آسان مشگیمه
وارد اولدوم نهره گوردوم وار سودا خوش منظره
اوجومی شوقیله دولدوردوم یتوردوم لبلره
عکسینی گوردوم حسینون ایچمدیم توکدوم یره
انقلاب خیمه گاهی ایتدیم اعلان مشگیمه
نفسیمی هرگز صحابه قیزلاریندان سئچمرم
هر قدر گورسم جفا راه وفادن گئچمرم
یر یوزین دولدورسا سو یاننام سوسوزدان ایچمرم
چون رقیّم گوز تیکوبدور دیده گریان مشگیمه
ایچمسه سو شهریاریم من اوزوم میل ایتمرم
ویرمسم سو اصغره اصل مرامه یتمرم
مشگیمه اوخ دگسه ئوللم خیمه گاهه گیتمرم
شرم ایدن اوخ وورمیون ای قوم عدوان مشگیمه
بو سویون وجهینده هر نه ایستسوز الآن ویروم
راضیم اوچ بو سویون قدری اورکدن قان ویروم
اولمیون راضی حسینیمدن خجالت جان ویروم
اوخلاری یاغدیرمیون چون ابر باران مشگیمه
افتخاریم وار بو گون دورد منصبیله دلخوشام
هم وزیرم هم علمدارم حسینه قارداشام
هم حسین اطفالینه بو چولده سقّا اولموشام
غبطه ایلر منزلتده آب حیوان مشگیمه
رد اولون لشگر یولومدان نه دوتوبسوزساق صولی
ویرمیشم قربان بو بیر مشک سویا بیر جوت قولی
شل اولیدی اوخ آتان ال گوزلریم گورمور یولی
یتمیه اهل جفادن بلکه نقصان مشگیمه
هر طرفدن اوخ گلنده قلبیم ایلر اضطراب
قورخورام دگسین بو مشگه عرشه سالسین انقلاب
بو سو مشگین اهلبیته ویرسم اولام کامیاب
مشتری دور خیمه ده بیر جمع نالان مشگیمه
مایلم اولسون (( کریمی)) عشقمون دیوانه سی
یاسیمی دوتسون جهانی ایلسون غم خانه سی
ایسترم قبرینده اولسون شمعیمون پروانه سی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
عزاداری در بین الحرمین
حاج یعقوب حقیقت پور
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت ز ینب در بالین حضرت حسین(ع)
ای میر کاروان گوزون آچ کاروان گئدیر
گور در به در بناتیوی بی ساربان گئدیر
دور سال یولا ذراری زهرانی وئر اذان
عریان کجاوه لر ده هامی باغریقان گئدیر
نوک جداده سیره چیخوب آفتاب عشق
بزم یزیده قانلی باشون ارمغان گئدیر
قربان اولوم طریق وفا رهروانینه
سر نیزه لرده نظمیله پیر و جوان گئدیر
گر چه قطار وقری چکور بی حیا قشون
زینب حیالی قیزلاروا پاسبان گئدیر
گلمیشدیم آل هاشمیله بو چوله ولی
ایندی یانیمجا خولی و زجر و سنان گئدیر
قیرخا یاخون عزالی غزاله ملر قالوب
هفت آسمانه شیون و داد و فغان گئدیر
هر بلبل اوز سولان گلینه نغمه ساز اولوب
بی اختیار اتکلره اشک روان گئدیر
کرب و بلاده قویمادیلار آغلیاق سیزه
ویرانیه رقیه قیزون نوحه خوان گئددر
سنسیز بلالی باشلارا غم شالی باغلاروق
دلدن گلوب نوایه گئجه گوندوز آغلاروق
سید حمید موسوی میانجی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
هر کیمسه حسین مجلیسینه مستقر اولماز
داعش صفت انسان بو غمه مفتخر اولماز
گؤز یاشی توکن شیعه آلار مُهر شفاعت
گؤز یاشی کی عباسه توکولسه هدر اولماز
گؤز یاشی اُلار بوردا بهشتیله برابر
بازار حسین بن علی ده ضرر اولماز
نیت دوز اُلا بیل بو گئجه ارزشی چوخدور
بازار جواهیرده بو قیمتده زر اولماز
گر جمله اَطبا یغیلا تا یازا نسخه
امضای حسین اُولماسا، اُوندا اثر اولماز
سؤندوردی چراغلاری کی هر کس گِئدی گئدسین
دنیاده بو صورتده حقوق بشر اولماز
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
روضه مقتل امام حسین
«حاج نادرجوادی»
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یاعلی اصغر (ع)
نه روا غملی نشانون منه بیر قنداق اولا
آنویین خاطره سی قانه باتان دیرناق اولا
سنه گهواره دی نیزه اوجی باشون صاق اولا
اوچ گجه یوخلامیوبسان سنه منده تای علی
نیزه باشینده گوزون یوم بالا یات لای لای علی
لای لای اصغریم لای لای
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یاصاحب الزمان ادرکنی
آهنگ:ایران اگر دل توراشکستند
آقا
دوشوب اورک تلاطمه گل
وئر انتظاره خاتمه گل
یانور شرار غمده شبعه
یوبانما جان فاطمه گل
اقا
عزیز جان هایانداسان گل
شه جهان هایانداسان گل
اقا
اگرچه عاصی وحقیرم
ئوزوم گناهیمه خبیرم
منی باغیشلا هرنه اولسام
کمند عشقیوه اسیرم
اقا
عزیز جان هایانداسان گل
شه جهان هایانداسان گل
اقا
گل ای امیداهل عالم
آلوب آرایه لشگر غم
هرایه گلمسن،مسلم
بودرد فرقتیله ئوللم
اقا
عزیزجان هایانداسان گل
شه جهان هایانداسان گل
اقا
بیرعده لر جنانی ایستر
بهارو گلستانی ایستر
ولی منیم بو مرغ روحیم
همیشه کربلانی ایستر
اقا
عزیزجان هایانداسان گل
شه جهان هایانداسان گل
آقا
دئمم وصاله لایقم من
ره وفاده صادقم من
یوزوم قرادی گر الیم بوش
ولی حسینه عاشقم من
اقا
عزبزجان هایانداسان گل
شه جهان هایانداسان گل
اقا
بوآیریلیق منه گراندی
عذاره گوزیاشیم رواندی
دونوب زمانه یابن زهرا
عنایت ایله گل اماندی
اقا
عزیز جان هایانداسان گل
شه جهان هایانداسان گل
حسین فتاح
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج ابراهیم رهبر
هییت متوسلین حضرت علی اکبر(ع)تبریز
/channel/motavasselan
شهادت حضرت رقیه(سلام الله علیها)
شاعر : مرحوم منزوی
حسین حسین گوزون آچ جان ویرور وفالی قیزون
چخاتمادی بو قرا کوینگی عزالی قزون
دوداقلاروندا نه وار ئوپدی راحت اولدی بالام
نه تز گتودی اله شربت وصالی قزون
یاتانمینده آجندان منه دیَردی فقط
دیمزدی دردینی بیر کیمسیه حیالی قزون
چکیلممشدی یوزیندن هنوز سیلی یری
آنام بتولیله همرنگیدی جمالی قزون
غروب وقتی مسافر دعاسی ایلردی
توکردی گل یوزینه گوزدن اشک آلی قزون
دیردی هاردادی یا رب بابام سلامت ایله
هزار امیدیله سسلردی ذوالجلالی قزون
اورک سوزینی دیردی وفالی عمّه لره
دلنده جاری ایدردی بو عرضحالی قزون
بقیعه دوشسه گزاروز آنام بتوله دیون
دیار شامیده جان ویردی بیر وفالی قزون
ولی او خردا قزی قویدیلار سنون گونوه
اوقدری قمچی دگوب سندی پرّ و بالی قزون
ویرنده غسلنی غسّاله اعتراض ایلدی
دیدی دیوبله ئولوب الده بو یارالی قزون
او طفلون ایندی منی یاندران شیرین دیلیدی
دوشنده یاده ایدر قدّیمی هلالی قزون
بو خط سیریده اوچ یول ایتورمشم او قزی
که هر اوچونده تاپوپ بهترین مجالی قزون
یانان چادر دا بیر اوّل گجه ایتوردوم اونی
گجیله سالدی بلایه منی بلالی قزون
آنام بتولون اگر اولماسیدی ناله سسی
گزردی صبحه کیمی عرصه ی قتالی قزون
ساغا صولا قاچوپ هی سسلدیم رقیه بالا
الیمدن آلدی سکوتیله اعتدالی قزون
چوخور یره یتشوب سینون اوسته گوردوم اونی
باخاردی حالوه سسلردی لایزالی قزون
دیدیم سنی بورا کیم گتدی ظلمت شبده
دیدی آناسی اولار همدمی عزالی قزون
آنام بتول چاغوردی بابامی ویردی نشان
یارالی سینده ممکن گوروب محالی قزون
ایکمجی شام یولندا ایتوردیلر بالامی
دوشوبدی چوللره باشلاندی قیل و قالی قزون
اوقدری زجرون الندن شکایتی واریدی
پوزاردی هر داش اورک شخصی شرح حالی قزون
او چو مجسی سنی گوردی ئوزین ایتوردی بالام
سنون یوزوندن آلوب رمز ارتحالی قزون
بالام بو دفعه ایله گیتمدی تاپوپ گتورم
قفسدن اوچدی گوزل طوطیلر مثالی قزون
بالا که ئولدی سپهره اوجالدی افغانلار
آلوب آپاردی یارالی باشی نگهبانلار
اقللی بیر دیین اولمادی گیتمیون دایانون
بالاسی ئولدی قباقنده شرم ایدون اوتانون
قویون خرابه نشینلر عزا سیاقنده
دویونجا اوخشیالار بو قزی قباقنده
ویرون او باشه باخوب بیر دویونجا آغلیالار
یانقلی سینه ده بیر جان کیمی قوجاقلیالار
آپارمیون اونی قصره چخون بیابانه
گورون دالیجا دوشور کیملری یانا یانه
اگر آپارسوز او باشی یزیده خواهش ایدون
بیزیمده بیر سوزوموز وار اونا سفارش ایدون
دیون وراندا عناد اوسته بیر بله دورما
بیزی گل ئولدور اونی قاننه بویاندرما
غرض که ایتمدیلر اعتنا جسارتلن
آپاردیلار او باشی منتهای سرعتلن
اولار گیدوب آرادا درد و داغ تازه قالوب
خرابه نون وسطنده او گل جنازه قالوب
باجیلار عمه لر اولدی اودم ایکی دسته
جنازه نی گوتوروب عمه سی الی اوسته
خرابه نی دولانوب دسته دسته بانولر
توکولدی عارض ماهه گجیله گیسولر
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت زینب کبری در شهادت حضرت رقیه (س)
ای منیم دلبریم
نازلی نیلوفریم
آناما بنزریم
آچ اوگوزل گوزلریوی یاتما رقیّه
هم‌دادیم هم‌دوزوم
سُوزولن اولدوزوم
غربت اِئلده قیزیم
بو بینوا عمّه وی آغلاتما رقیّه
وای- نجه بو گوزلریوی باغلاسین عمّون
وای- آنام ایوای چاغوروب آغلاسون عمّون
وای رقیّم ایوای (3) ایوای رقیّم
ای اسیر مُحن
یورولان غُصه‌دن
اشکی قانه دُونَن
قلبینی تیر غم بولن رقیّم ایوای
ای صفای حرم
دردی چوخ عُمری کم
دیرم دَمبَدم
قمچیلر آلتیندا ئولن رقیّم ایوای
وای - گوزون آچ که قورتاروب غم فراقون
وای- ایاقا دور گوزلیم گلوب قوناقون
وای رقیّم ایوای (3) ایوای رقیّم
وای بلالی باشیم
اولدی قان گوزیاشیم
یارالی یولداشیم
دردیوه درمان گتوروب اویان رقیّم
یانارام آغلارام
عالمی داغلارام
گوزیوی باغلارام
دور دیلیمون اَزبَری اولدی جان رقیّم
کاش- بوقدر عشقیده زینب یارئییدی
کاش- بو قرا تلّلری بیرده دارئییدی
وای رقیّم ایوای (3) ایوای رقیّم
ای حسینون گُلی
یورولان بلبلی
اکبرین سویگُلی
کاش باشون اوستونده سنون دلبر اولیدی
منه آرام جان
ای بَلالر یوران
سن ویرن وقته جان
آلماقا آغوشه سنی اکبر اولیدی
وای- غصّه‌لَردن بیلورم که دینجلردون
وای- اکبرین گوزلرینه باخوب گولردون
وای رقیّم ایوای (3) ایوای رقیّم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
درد دل با حضرت فاطمه زهرا (سلام الله)
دییرم تانفسیم وار آدیوی یازهرا
إیلرم من سنه قربان جانیمی یازهرا
نچه ایلدی بالاوا نوکر اولوب آغلاموشام
باخ حسین خاطرینه نوکریوه یازهرا
یوخدی سیزدن صورا آیری کسی میز دنیاده
اودی هی یالواروخ باخ بیزه سن یازهرا
باخماسوز گربیزه سیز چوخلی شمادت گورروخ
اودی هر آن دییروخ لطف ایلیون یازهرا
سنی ورروخ بیز قسم آتان رسول‌الله
بیر آنی کسمه اوزون سایوی گل یا زهرا
قاپوون گداسیوخ گل آدوون فداسیوخ
حیدرین خاطرینه بیزلره باخ یازهرا
وارمریضیم چوخ چتیندی مرضی درمان اولا
ویرشفاسین سنی زینب جانی گل یازهرا
هرقدر وار یری یازاسان(تقوی) سوزلرون
ولی قورتال سوزی سسله گنه یازهرا
بوخانم نومید إیدمز بیرکسی بو قاپودان
وار یری دوز گئدسن دوز دیسن یازهرا
احمد تقوی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج ابراهیم رهبر
کانال هیئت متوسلین حضرت علی اکبر(ع)تبریز
/channel/motavasselan
زبانحال حضرت زینب (س)
نه دلنشینیدی لحن قرائتون یارالی
نه دلنوازیدی صوت تلاوتون یارالی
ندای‌حقدی‌نه‌جان‌بخشدورسسون‌قارداش
صفای قلبدی سبک عبارتون یارالی
بوحسن صوتیله داود آل یاسین سن
گتوردی روحیمی شوره فصاحتون یارالی
عجیبدور قویوب اصحاب کهفی حیرتده
سنون بو غصه لی غملی حکایتون یارالی
فضای عشقی بِکُلّی مسخر ایلموسن
قناد آچوبدی همای سعادتون یارالی
غلام اولور سنه عشق عالمینده یحیالر
بهشت جوانلارینا وار سیادتون یارالی
کلیمی جذب ائلین نورسن تجلاده
دوشوبدی کوفیه نور هدایتون یارالی
آتام آتالیق ائدن ملته اوخی قرآن
جدانون اوسته بولونسون جلالتون یارالی
آیردی خولی سنی بیزدن عصرعاشورا
دیال کوفیه دوشدی اقامتون یارالی
فلک منه باشوون سایه سینده چوخ گوردی
چوخ اولدی غملی باجوندان مسافتون یارالی
یاتان یرینده آنام اوغلی اولما کول واریمیش
پوزولموسان نه پریشاندی حالتون یارالی
باجوندا نصفی یانان خیمه ده صباح ائلیوب
یوروبدی روحینی صحن شهادتون یارالی
گلنده هئچ دئمدون کوفیه قوناق گیدورم
خصوصی اولدی نه علت ضیافتون یارالی
عجب‌یتیشدون‌حسین‌دادیمه‌داریخمیشدوم
همیشه زینبه واردور کرامتون یارالی
اسیروم منه باش چکمسیدین ئولموشدوم
مریض عشقی دیریلتدی عیادتون یارالی
شکسته دل باجوون قلبینی گتوردون اله
اوجاتدی باشیمی لطف وعنایتون یارالی
خیالیدن آتورام غصه می ئورکلنیرم
دوشنده باشیمه ظل حمایتون یارالی
باشوی وئرسه عدو کعبه تک طواف ائدرم
نصیبیم اولموری نیلوم زیارتون یارالی
سنی قوناق چاغور‌انلاردی باشوه داش آتور
گزوی آچماقا یوخدور فراغتون یارالی
شل اولمادی باشوی سنگسار ائدن اللر
باشوندا تازه لنوبدور جراحتون یارالی
همیشه خوار ائلیوبدور بیزی بوکوفه لیلر
صفاسی یوخدی سنه بو ولایتون یارالی
سنیله کوفه نون اهلی نیه عداوت ائدور
سنونکی یوخدی بیریله عداوتون یارالی
یاراوی خشک ائلمور بی وفا مسلمانلار
وفالی راهبه قالدی طبابتون یارالی
باشیمی محمله چالدوم یاریلدی درک ائده لر
باجوندی عاشق بی صبر و طاقتون یارالی
جسارت ایلمرم باغلا یاره می سن ئوزون
یارووی باغلیانا واردی حاجتون یارالی
ولی گلین قیزیوون دیندیر حالینی خبرآل
گیدوب خزانه گل با طراوتون یارالی
توجه ائتمیوسن اکبرون آناسینه
واروندی لیلیدن اولما خجالتون یارالی
رقیه دن نگران اولما نازینی چکورم
یاتوبدی سینه مون اوسته‌امانتون یارالی
▫◽◻⬜⬜◻◽▫
جواب حضرت اباعبدالله الحسین (ع)
مناسبیدی حسین نیزه ده ائده گفتار
یورولما قوی باشا یتسون ریاضتون یارالی
ئوزینی قیزلاریم ئولدوردی چاره قیل ئوزوه
یارووی باغلا،گیدر استقامتون یارالی
محاسنیم کیمی غمدن نه تز آغاردی باشون
نه تز خم اولدی فراقیمده قامتون یارالی
باشوی یاردون اولا آشنالره سرمشق
باشوندا چوخ گوزل اولدی علامتون یارالی
باشیم دالیجا گلوب باخما طعن اغیاره
داریخما صبرائله خوشدور نهایتون یارالی
خوش اولدی بزم جفایه یارالی گئتمگیمیز
عجب سفرده خوشیمیش رفاقتون یارالی
یامان گونون آز اولور عمری آغلاما زینب
حضور جدیمه قالسون شکایتون یارالی
همیشه قلبی سنقلار سنق کجاوه مینر
اگرچه واردی روان تخته عادتون یارالی
شکسته دل گرک اولسون شکسته منزلده
روان کجاوه سی اولماز اسارتون یارالی
غم ائتمه مشتری یوخدور بوشهریده سوزووه
سوزوی دئ اولا روشن اصالتون یارالی
باشووا کول توکن اشخاصه ایلمه نفرین
وورولماقا گرک اولسون رضایتون یارالی
گوزوی یوم باشیما داش وورانلارا باخما
مقام غصه ده اولسون شهامتون یارالی
مسیح عشق اولانی دارون اوسته داشلادیلار
رفاهی اولماز اسیر عدالتون یارالی
نه داش نه کول هله من خیزرانه مشتریم
سنونده واردی قاباقدا قیامتون یارالی
ئورکلی گئت باجی ابن زیاد مجلسینه
سخلما خلقه بولونسون شجاعتون یارالی
ائله دانیش ایشیدن سویلسون علی دانشور
ائله دانیش اولا واضح لیاقتون یارالی
ائله دانیش باجی فرض ایله ئولمیوب عباس
دوروب یانوندا او کان رشادتون یارالی
ائله دانیش اولا مغلوب والی کوفه
نه سوز دئسون دئ واروندی وکالتون یارالی
چاغورسا مجلسه جلاد ایلمه پروا
آماندی قویما آزالسون متانتون یارالی
سن آغلاسان بالاجا قیزلاریم ئوزون ایتورر
گلر نوایه پریشان جماعتون یارالی
سو وئرسه کوفه نون اهلی یو قانلی ساچلاروی
آنام بتوله چتیندور بوحالتون یارالی
@motavasselan
حضرت زهرا(س) نبش قبر
زهرانی تاکه دفن ائلدی شاه لافتی
اگلشدی قبری اوسته بیرآز ایلدی نوا
دار و ندارینی گئجه دفن ایلدی علی
گنج نهان عزّتینی قویدی توپراقا
ایستوردی یاریله اوزی بیر صحبت ایله‌سین
اصحابی قِیتروب او زمان میر مقتدا
اگلشدی باش طرفده بیرآز آغلادی اوزی
گویا اوشاق کیمی او شه آغلوردی بی صدا
قلبین بوشاتدی دوردی ایاقه یواش یواش
یول باشلیوبدی منزلینه فخر اولیا
گر اولماسِیدی ائوده اوشاقلار گمانیمه
گَلمزدی بیرده هیچ او ائوه میر ماسوا
هم روحاً اینجیوب،همی کوسموشدی شهریدن
مایل دگلدی فاطمه‌سیز، شهریده قالا
دنیایه اوچ طلاق وئرن نیلوری ائوی
زهراسیز ائو نه لذّتی وار گر بهشت اولا
القصّه آیریلوبدی بقیعدن شه زمن
بیر نحویله خلاصه ائوه گَلدی مرتضا
اطفالی یاتماموشدی،گوزتلوردیلر یولون
بیر انجمن خصوصی قوروب دوتدولار عزا
تا صبح اولونجا هئچ بیریسی یوممادی گوزین
صبح اولدی،گون چیخوب وئریلوب عالمه صفا
ثانی یغوبدی باشینه بیر عدّه جیره‌خوار
گَلدی بقیعه تا گینه‌ده خلقی تولیا
پیغمبرین قیزی دئدی گیزلینجه دفن اولوب
نبش ایلیون،خلیفه نمازین گرک قیلا
گَلدی خبر که یاعلی بس هاردا قالموسان
آز قالدی قبر فاطمه‌نی بو دنی آچا
یتجاق بو سوز قولاقینه اُول خسته دل شهون
چوخ هولیله ایاقه دوروب شاه اوصیا
گَلدی تموّجه شرف حیدریّتی
دریا کیمی تلاطم ائدوب بحر هَل اَتی
حالی دولاندی،یکسره قان دوتدی گوزلرین
گویا که قان ایچیردوب اونا ساقی بلا
بوینوندا عقده‌لندی عروق حمیّتی
اَل ذوالفقاره آتدی شهنشاه قُل کَفی
باغلوبدی باشینه ساری دستمالی غیظیله
چوخ سرعتیله ائودن او لحظه دوشوب یولا
زینب دوروب ایاقه او دم باخدی آغلادی
یاندوردی مرتضانی،دیله گَلدی گوئیا
سندن‌صورا داخی آنامون یوخدی بیر کسی
چک ذوالفقاریوی سنه قربان اولوم بابا
تک گیتمه،ویر اجازه که قارداشلاریم گَله
تک گورمه‌سون اقلّی سنی قوم اشقیا
چوخ سرعتیله چیخدی غرض آستانه دن
یَپراق کیمی اَسوردی غضبدن او مقتدا
یتدی بقیعه ثانی گریبانینی دوتوب
ووردی یره،بویوردی اَیا معدن خطا
زهرا دگول،بو قبریده روحیم یاتوب منیم
باخما زمانه‌ده هله بِش‌گون دولانماقا
زهرا دیه‌دیه هاموزی دوغرارام بوگون
بیر نحویله که بحر کیمی موج ائده دما
باخما اوگونده کوچه‌ده ووردون دانیشمادیم
امر رسولیدی که گرکدور مطاع اولا
غسلین وئرنده گوردوم اوزوم سیلینون یرین
بسدور،حیا ائله داخی ای پست و بی‌حیا
بیر نبش قبره یاعلی سن صبر ائدنمدون
کرب‌وبلایه بس نیه هئچ گَلمدون شها
بیر سینه‌ایکه اوندا اوغول داغی واریدی
آتلار ایاقلادی،داغیدوب مثل توتیا
سینه سناندا فاطمه سسلندی وای اوغول
جنّتده گَلدی نالیه ارواح انبیا
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج عبدالله داداشی
شب وفات حضرت معصومه(س)
حرم حضرت معصومه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ای عمه سین آغلار گویان
سیدمحمدعاملی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
جواب حضرت ابوالفضل(ع)
وار هر سوزون ای شاه فلک فر گوزوم اوسته
ویردون منی قارداشیمه نوکر گوزوم اوسته
هر امر مطاعون اولا من عبد مطیعم
گر گلشن عمریم اولا پرپر گوزوم اوسته
مین ایل یاشاسام ملک سلیمان منیم اولسا
بیر اللی ایدم دهری مسخر گوزوم اوسته
گر سکه ورا آدیملن مصریده فرعون
تسلیم اولا یا رومده قیصر گوزوم اوسته
عرشه دایانا دولت اقبال و جلالیم
من عبدم حسیندور منه سرور گوزوم اوسته
دنیایه اگر بیر توکونی ورسم حسینون
بو باشه دگن زهریلی خنجر گوزوم اوسته
ئولسمده حسینعشقی بوشالماز اورگیمدن
قانیله اگر دولسا بو گوزلر گوزوم اوسته
سنده منی تاپشور قاپودان قوماسون اوغلون
ایتسون نه وظیفمدی مقرر گوزوم اوسته
یا آخر صفده ویره سرباز مقامی
یا اول صفده یازا افسر گوزوم اوسته
یا مشک ویروب آدیمه سقا دیه قزلار
یا ایلیه فرمانده لشکر گوزوم اوسته
یا سو گتورم خیمهلره یا ویرم الدن
سو اوسته گیده بو اوزون اللر گوزوم اوسته
تا واردی علی قانی منیم شاهرگیمده
واحدی حسین عشقی آزالماز ئورگیمده
سنده بابا تعیین اولان منزله تز گل
کشتی وجودیم یخلان ساحله تز گل
ئوز قولیمون استه باشاجاق دوز گئدرم من
بوینومدا اولان عشق حسین سلسله تز گل
قالسام باش آچیق آهن عمود آلتدا یوبانما
سن ویرمه امان قاتل سنگین دله تز گل
تقدیر ئوز آغزیندان آلوب درسینی گویا
سسلندی علی اوغلی، بو سرمنزله تز گل
آخرده بیر ایش گوردی فلک سسلدی عباس
یتدی بابا مقصود دلیم حاصله تز گل
گلمور یوزوم آخر سن ئوزون سسله حسینی
ویر بیرده کسوک اللریلن ال اله تز گل
القصه علیدنده قاباق فطمه گلدی
قوللارین آچ.ب سسلدی ایتمه گله تز گل
سنده منیم اوغلومسان عزیزیمسن حسین تک
بو یسنه مجروحییمه دردون گله، تز گل
زهرا سسینی لدی هوسلندی ابالفضل
یوز خیمیه توتدی بیله سسلندی ابوالفضل
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
احـــوالات خـــرابــــهٔ شـــام
اکبریم گلینجه اولسم دفنیمی یوباندیر عمّه
نعشیمی آلیب ال اوسته، باشینه دولاندیر عمّه
یوخ سوزوم بو اولمک عمّه «امر حیّ لم» یزل‌‌دی
باجیلار اولنده امّا قارداشی اولا گوزلدی
ائیلیین بیر آزجا تأخیر، بلکه اکبریمده گلدی
کفن و دفنیمی بیر آز سن ساخلا ال یوباندیر عمّه
گوزلرون فداسی اوللام خسته سن بی‌بی آز آغلا
اولدورر اوزون حَرَملر آز بو قلب زاری داغلا
اللرون قاداسین آللام گل بو گوزلریمی باغلا
قانلی اشگیلن سارالمیش رنگون آز بویاندیر عمّه
گرچه قاره گون الینده قورتارور بو بختی قاره
وار ولی بیر عمده دردیم، گل سنه ائدیم اشاره
ناگهانی گلسه اکبر، گوزلریمی آچ دوباره
اکبری منیله بیر آن روبرو دایاندیر عمّه
شئمری سن چاغیرما عمّه قلبیده جراحتیم وار
قولدان آچماسین طنابیم دیلده آیری نیّتیم وار
قبره قوی بو حالتیلن جدّیمه شکایتیم وار
سنده خلقه ظلم شمری، نطقیویله آندیر عمّه
باشون آچما ائتمه ناله، قلبیم اولدو غصه دن قان
سن منه آنالیق ائتدون جانیوه رقیّه قربان
باشیم آلما سینون اوسته، توپراق اوسته قوی وئریم جان
زحمتیمی چوخ چکیبسن، آز منی اوتاندیر عمّه
آغلاما دئمه غریبیبی‌وطن، رقیّه لای‌لای
هئچ دیله گتیرمه جیسمی، بی‌کفن رقیّه لای‌لای
سسله شئمر شوم الیندن، دینجلن رقیّه لای‌لای
قلب اهل شامی، آه آتشیمه یاندیر عمّه
بی‌سبب دئنن بو غمده قانه گوز یاشیم دولانماز
الده اولدوروب بو طفلی شمریدون گینه اوتانماز
قمچیلر یئرینی امّا گورمیینجه خلق اینانماز
کوینگیم چیخارت بو خلقی سن اوزون ایناندیر عمّه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کربلایی رسول زندی
هییت متوسلین حضرت علی اکبر(ع)تبریز
/channel/motavasselan
یا عباس
ای منیم آرخام ائلیم صاحب عنوان قارداش
آچ گوزون غصه لی جانیم سنه قربان قارداش
غم گونی ای منیم الدن دوتانیم غمخواریم
آدی دیللرده قالان پرچمداریم
دور گدک خیمیه گوزلور یولوی قزلاریم
غارته گلسه قوشون یوخدی نگهبان قارداش
ای سوسوز نهره گیدوب تشنه چیخان دریادن
ایلدون عالمی حیران بو گوزل سِودادن
عشقوین خلعتنی آلدون آنام زهرادن
بیچدی اوخلار سنه بیر جامه الوان قارداش
دشمن یری وار یانسا بو احوالیمه قارداش
اما دیمورم باخ منیم اوز حالیمه قارداش
رحم ایت گوزی یولدا قالان اطفالیمه قارداش
جام الده تمامی نگراندی آتام اوغلی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یا مهدی(عج)
گل ای امید دل منتظران
باخروخ یولا نگران نگران
آل اله حسین علمین آقاجان
گوزوموزه قوی قدمون آقاجان
یر قدمونَّن ئوپر
گوی علمونَّن ئوپر
یِل کی اسر تلیوون
پیچ و خَمینَّن ئوپر
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4 )
گوزلریم آقا یولارووا باخور
سنسیز ئورگیم دارخور دارخور
انتظارون الیندن دینجلمدون
گِچدی بو جمعه گلمدون گلمدون
قویما هجرونده یانیم
جانیوه قربان جانیم
گل قدمونن ئوپوم
گل باشووا دولانیم
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4 )
گل ای یگانه یادگار علی
گل ای وارث ذوالفقار علی
گل ای مرات حق لم یزلی
گل ای جهاندا گوزللر گوزلی
یر قدمونَّن ئوپر
گوی علمونَّن ئوپر
یِل کی اسر تلیوون
پیچ و خَمینَّن ئوپر
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4 )
ای کرامتی ئورکدن حاتمه
بو فراقه گل ویر آقا خاتمه
گون کیمی بولوت آتدا قالما نهان
بیز هئچ منتظردی یارالی آنان
یر قدمونَّن ئوپر
گوی علمونَّن ئوپر
یِل کی اسر تلیوون
پیچ و خَمینَّن ئوپر
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4 )
ئورگیمده وار بیر عمده نیتیم
ایت دعا اولا کربلا قسمتیم
کام دله گر یتمسم ئولرم
کربلایه گر گیتمسم ئولرم
یر قدمونَّن ئوپر
گوی علمونَّن ئوپر
یِل کی اسر تلیوون
پیچ و خَمینَّن ئوپر
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4 )
هاچان گلیسن آقا قان آلاسان
دشمنلرین جانینه اوت سالاسان
شیعه لر گزلور گلسن گلسن
هارداسان غریب آقا یابن الحسن
گل یتیش امدادیمه
ایله نظر حالیمه
بیزلری ایله دعا
سن بیل آنان فاطمه
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4 )
چوللری پریشان دولانما آقا
عالمی سراسر توتوبدی جفا
یاندرور ئورک لری درد و ملال
شیعه لرین قانی اولوبدی حلال
گل دوش ئوزون قاباقا
شیعه دورا ایاقا
سنله پیاده گداخ
کرب و بلایه آقا
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4 )
غموزده آقا بیز ئورک داغلاروخ
محرم اولاندا قرا باغلاروخ
جانیمیز قربان گوزلرون یاشینا
سن آغلاما چوخ آقا بیز آغلاروخ
یر قدمونَّن ئوپر
گوی علمونَّن ئوپر
یِل کی اسر تلیوون
پیچ و خَمینَّن ئوپر
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4 )
گلزارولانین گوزل گولوسن
ئورگیم نجه دارخیب بولوسن
ردای اسر له نقابون باخاخ یوزوه
قربان اولاخ حیدر باخش گوزوه
یر قدمونَّن ئوپر
گوی علمونَّن ئوپر
یِل کی تلیوون
پیچ و خَمینَّن ئوپر
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
پنجشنبہ است
" شاخه گلے" بفرستيم
براےتمام آنهايے
ڪہ دربين مانيستند
ولے"دعاهایشان" هنوزڪارگشاست
و يادشان هميشه با ماست
"روحشان شاد ويادشان گرامےباد"
@motavasselan
حاج مهدی خادم آذریان
هییت متوسلین حضرت علی اکبر(ع)تبریز
/channel/motavasselan
حضرت رقیه(علیهاالسلام)
حاج غلامرضا عینی فرد زنجانی
ای رقیّه گوزلیم آغلیوب آغلاتما منی
اوزولوب الدن الیم آغلیوب آغلاتما منی
ای غم و غصّه چولنده گزن آواره غزال
آیریلق داشینی آز قلب پراندوهوه چال
کربلا یوللارینا آز او گوزل گوزلری سال
آه چکمه گوزلیم آغلیوب آغلاتما منی
ساری گل تک سارالان رنگیوه قربانم اوزوم
دیمورم آغلاما، آز آغلا،که یوخ منده دوزوم
آتاسزلیق غمی مشگلدی بالایوخدی سوزوم
گوزلیم قاره تلیم آغلیوب آغلاتما منی
قویما دیواره ئوزون توکمه ئوزه اشگ محن
یانیروق بیر اودا با هم بلورم دردیوی من
قورخورام سنده بو غربتده الیمدن گیده سن
اود دوتوب آب و گلیم آغلیوب آغلاتما منی
مه جبین غنچه لبیم گل گُله گللر گل آچا
خسته منقارینی قانه بویانان بلبل آچا
یعنی جنّتده علی اصغریم الان دل آچا
بودی آرزیم، اَملیم آغلیوب آغلاتما منی
دریوی عَمّه وه دی دردیوی جانه آلارام
آلارام سینیه مظلوم بالا لای لای چالارام
سنه بیر صدمه یتشسه بالا یالقوز قالارام
خوشدی سنلن آی_ایلیم آغلیوب آغلاتما منی
قارداشیم عزم ایلین وقتده عالی سفره
سنی تأکیدیله تاپشوردی من خونجگره
او سفردن گلنه جانوی سالما خطره
دی سوزون منده بلیم آغلیوب آغلاتما منی
آتش آهویله قلبیمی یاندیرما بالا
خرمن صبریوی صبر ایله تالاندیرما بالا
او گوزل گوزلری اشگیله بویاندیرما بالا
گل او گوزیاشی سیلیم آغلیوب آغلاتما منی
شام قزلاری گلن وقتیده دیداره بالا
وقریوی پوزما بله باشیوی سالما اشاقا
تز چاغیر عمّه لرون دوز اولاری صاق و صولا
سسله تز منده گلیم ، آغلیوب آغلاتما منی
آنامون گوزلرینه گوزلری بنزر گوزلیم
آنامون صورتینه چهره سی بنزر گوزلیم
اولوسان حیف اولا ویرانه ده پرپر گوزلیم
مرغک خوش غزلیم آغلیوب آغلاتما منی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
اولان شکسته نی کیمی نوالییم عم اوغلی جان
قاپوم یانان زمانیدن یارالییم عم اوغلی جان
دئمم بو ائوده غصه دن بوکولدی بئیله قامتیم
دئمم یاناندا درگهیم قیام ائدوب قیامتیم
ولیک یاندیرار سنی قولومداکی جراحتیم
گوررسن عاقبت نجه یارالییم عم اوغلی جان
ساغالمیاندی سینمون یاراسی یا اباالحسن
تاپولمیاندی دردیمون دواسی یا اباالحسن
آچلمیاندی باشمون قراسی یا اباالحسن
باشیم قراسی تک گونی قرالییم عم اوغلی جان
منی سالان ایاقدان سنون باشون بلاسیدی
دوتوم گلاب اشگیوی که دردیمون دواسیدی
صفالی پاک مقدمون بو منزلین صفاسیدی
صفای حقّی کسب ایدن صفالییم عم اوغلی جان
امید یوخدی قلبدن ادامه حیاتیمه
سن آغلیاندا روحیمون قوشی گلر تلاطمه
تصوّر ائیله گلمیوب بو روزگاره فاطمه
فقط سنون خیالیون خیالییم عم اوغلی جان
یوخومدی طایفم ائلیم ئولنده سینه داغلاسین
باجیم که یوخدی اوخشاسین آنام که یوخدی آغلاسین
آنام باجیمدی زینبیم بویور گوزومی باغلاسین
باشی بلالی باشیدن بلالییم عم اوغلی جان
یوخومدی بیر گلوب گئدن قاپویا باخماسین گوزون
من ئولمه میش سن آغلاما ائتورمه بیله اوز اوزون
الیوی سینم اوسته قوی هله قوجاقلاما دیزون
رهین منّتون اولان نوالییم عم اوغلی جان
بو صون نفس خدا بولور فقط بو حال زاریمی
دیار یاره ایسترم که تئز سالام گذاریمی
گئجیله کفن و دفن ائله ایترگلن مزاریمی
بالالاریمدا بولمه سین هارالییم عم اوغلی جان
آز آغلا آغلیان گوزه اولا ایکی گوزوم فدا
مسیحه دم وئرن دانش گوزل سوزه بو سوزوم فدا
بلالی سینوه سینم سنه اولوم اوزوم فدا
پیمبره اگر چه من سُلالییم عم اوغلی جان
حاج حسین حسنی افشرد
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
اذن میدان حضرت قاسم علیه السلام
.
مرحوم حافظی تبریزی
.
من نجه گوروم تنگ ایدوب عمو
عرصه‌گاهی بو اشقیاسنه
باخ الیمده‌کی دستخطّی گور
اذن ویر اولوم من فدا سنه
ای غریب دشت بلا سنه
.
.
قتلیمه آتام مجتبی یازان
اَلده‌کی بوفرمان اولااولا
یار و یاور آختارماقا گوزون
حسرتیله باخسون صاقا صولا
باشوا دولاندور اجازه ویر
سال عَم‌اوغلوم اکبرکیمی یولا
بو طریق عشق ایچره گوستروم
منده قُدرتیمجه وفا سنه
.
.
باغریمی بلا و مصیبتین
چوخلوقی عمو قانه دوندورب
منله اوز آراسنداکی گُلِ
اُلفتی آنام شاخه‌دن دَروب
اَل چکوبدی مندن کفن سالوب
بوینوما سنه فِدیه گوندروب
ای خلیله وارث اُولان بوگون
تشنه‌لب ذبیحِ مِنا سنه
.
.
ترک ایدن زماندان آتام حسن
بوجهانی سَنلندی زحمتیم
من سنی آتا بولموشم اولوب
دائماً سنه میل و رغبتیم
فرض ایله غلام اکبره منی
قارداش اولماقا یوخ لیاقتیم
بو سوزه گواه ایسته‌سن اولور
بو وصیّت مجتبا سنه
.
.
باخما اِلتجا ایلرم گلوب
خاطریم منیم درده اِی‌عَمو
گوز یاشیم آخور سیل‌تک بیله
متّصل رخ زرده ای‌عمو
غصّه‌لنمه قاسم فدا سنه
تؤکمه گوزیاشون بیرده ای‌عمو
شاهزاده اکبر عم اوغلومون
محنتی ایدر اکتفا سنه
.
.
بو دگل وفا شرطی ای عمو
اَل تاپا بو چولده عدو سنه
من سنی کمَک سیز قویوب باخوم
اکثرّیتِ فوج دشمنه
جانووه قسم حالووی گوروب
یوز ویرور زِبس درد غم منه
علّتی اودور من بو حالیله
ایلرم بیله اِلتجا سنه
.
.
گلمشم بو گلماقدا اولموشام
لطفُوه اورکدن امیدوار
ناامید لطفوندن ایلمه
سنده ای شهنشاه تاجدار
قوی گیدوم باتوب قانه جان‌ویروم
اولمیوم قیامتده شرمسار
افتخار ایدوم فاطمه آنام
سویلسون اوغول مَرحبا سنه
.
.
سن پیمبره نور دیده‌سن
هم آناندی خیرالنّسا سنون
مجتبا آتامدور برادرون
هم آتاندی شیرخدا سنون
بولموری مقامات و شأنوی
دوره‌وی آلان اشقیا سنون
عترتین اؤزون تشنه قالموسان
ایلمور بو قوم اعتنا سنه
.
.
راضیم عمو باش قلج‌لانوب
قان آخا ایکی گوزلریم دولا
باش آچوب آنام نعشیمه باخا
اشگنی توکه زلفنی یولا
لیلی و سرّیه بو دشتده
وای اوغول دیوب همصدا اولا
لیک اولمیه ذرّه‌جه غم و
درد و محنت و ابتلا سنه
.
.
من گرک جلای وطن اولام
آیری بیر یره ایلیم سفر
لیلینون یوزون من گورنمرم
صاق قالوب عمو اؤلمسم اگر
چون اونون جوانی اؤلوب منی
گورسه اکبری یادینه دوشر
زنده دور عم‌اوغلون دیر اوغول
دوتموشام ولی من عزا سنه
.
.
«حافظی» شکایت زمانه‌دن
ایتمه روزگاریله سازش ایت
مجتبی یتیمین خیاله سال
گوز یاشیله دردون گزارش ایت
هاردا بیر یتیم و یتیمه‌وار
رأفت ایله گورسن نوازش ایت
قورخما خالقون مهرباندور
چوخ ویرور جزاده جزا سنه
.
.
.
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
✅ حضرت رقيه ( س )
وقت او وقت اولدی یوموب گوزلرینی بلبل عشق
اسدی طوفان بلا سولدی سارالدی گل عشق
قانلی لبلردن ئوپوب جنته ووردی پل عشق
میزبان ایستمدی تک سالا مهمانی یولا
دیدی دلبر گرک ئوز یارینه قربانی اولا
آلدی تا زحمتیلن قانلی باشی سینه سینه
شام ویراندا یاتانلار اویانوب ناله سینه
وای رقیه سسی ضم اولدی حسین وای سسینه
دل نسوان حرم درد و محندن یاندی
قره معجرلره بیر تازه عزا باشلاندی
اولدی وصلت گجه سی زینبه هجران گجه سی
شامده اولدی به پا شام غریبان گجه سی
بیلمدی نیلیه زهرا قئزی بحران گجه سی
الی قوینوندا گهی سسلدی قارداشیم وای
آغلیوب گاهی دئدی خورداجا یولداشیم وای
دئدی نسگلدی منه بو دل ویرانه حسین
غم و محنت گتیرور قلب پریشانه حسین
دولانوب دووروه از بس بالا پروانه حسین
عشقون عالمده بو عاشق سنه بیلدیردی حسین
قانلی باشون غمی پروانه نی ئولدوردی حسین
نچه گون شامده مهمانیدی بو نازلی بالا
سیلی لر باعثیدی قان گوزونه پرده سالا
قورخورام سن کیمی نعشی بالامون یئرده قالا
کوفیان تک وورا شام اهلی منه دیل دیل یاراسین
تاپماسام چاره کفن ائتملییم باش قاراسین
گون باتان وقتی ووراردی در ویرانیه باش
اگلشوب غصه لرین زمزمه ایلردی یاواش
هی دییردی گؤروشه اکبر و اصغر گله کاش
هم بابام هم عموم عباسی گله خوشلیارام
گلسه لر دای بو خرابه اتگین بوشلیارام
اولمازیدی غمی گوشواره گتیرسیدون اگر
چاره سیز دردینه بیر چاره گتیرسیدون اگر
اکبر و اصغری دیداره گتیرسیدون اگر
سبب اولدون بوشا چئخسون بالامین اللرینی
نه علی اکبری گتدون نه علی اصغریمی
گؤزونون یاشینی خون دلینه قاتدی بالام
سنی مندنده چوخ ایستوردی منی آتدی بالام
گؤردی قانلی گؤزی یومدی گؤزونی یاتدی بالام
نیله سون زینب اگر بو محنه آغلاماسین
سن دعا ایله که الله منی چوخ ساخلاماسین
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
🌹ششماهیه رحم ایلمین گور بیزه نیلر🌹
سس دوشدی حرمخانه ده گریان اولان اولسون ، بیچاره ربابیله نواخوان اولان اولسون
🌹🌹
قاسم طویونا یاخچی حنا ایتدی تهیه
کیم یاخسا حنا اصغره مهمان اولان اولسون
🌹🌹
دقتله و لیکن یاراسین باغلیون اول
خشگ ایلمگه زلفی پریشان اولان اولسون
🌹🌹
دسمالیله آهسته سیلون قانی یوزیندن
سو یوخدی اقلا سر و سامان اولان اولسون
🌹🌹
نسوان حرم آلدیلار اطراف ربابی
سسلندیله غمدن ئورگی قان اولان اولسون
🌹🌹
بیر اوخشاما قیلان ئوزین ئولدوردی سکینه
درد اهلنه همناله و افغان اولان اولسون
🌹🌹
باش یولماقا گوردیله تلاشیله آچور یول
سسلور چکیلون اصغره قربان اولان اولسون
🌹🌹
بیر نخبه روایت اوخودی فلسفی بیر گون
قوی عرض ایلیوم صبر ایوی ویران اولان اولسون
🌹🌹
فرمایش ایدوب گورجک او احوالی اوشاقلار
سسلندیلر آماده طوفان اولان اولسون
🌹🌹
دوغراندی جوانان بنی هاشم و انصار
نوبت یتوب اطفاله گریزان اولان اولسون
🌹🌹
ششماهیه رحم ایلمین گور بیزه نیلر
مخیمده قالوب قاننه غلطان اولان اولسون
🌹🌹
گورسه بیزیده حرمله اوخلار دیری قویماز
تز دالدالانوب خیمده پنهان اولان اولسون
🌹🌹
هییت متوسلین حضرت علی اکبر(ع)تبریز
/channel/motavasselan
آمد این گونه ولی هرچه که آمد نرسید
عشق همواره به مقصود وبه مقصد نرسید
که اویس قرنی هم به محمّد(ص) نرسید
عاقبت حضرت معصومه به مشهد نرسید
فرارسیدن سالروز وفات حضرت معصومه تسلیت باد
@motavasselan
وفات حضرت معصومه (س)
حاج نادرجوادی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw