1504
آدرس اینیستاگرام http://www.instagram.com/motavasselan1 رجز نوحه های تصویری صوتی اشعارحسینی شور ارتباط با آدمین تبادل ارسال مطلب @YaAliAkbarMadadi
حاج محسن رستگاری
حضرت رقیه(س)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
نوحه شهادت حضرت رقیه (س)
سبک .... گلپونه ها...
آچ گؤزلرین یورقون قوناقیم
یورقون بالام دوشدی نفسدن
آغلا قارداش
آغلا قارداش
من سسلیوم لایلای رقیه
زهرایه بنذر گؤزلرین سن
باغلا قارداش
باغلا قارداش
جان وئردی زهرای سه ساله
قلبی یاره قلبی یاره
ئوز اللرینلن دور بالامی
قوی مزاره قوی مزاره
بو دختر شیرین زبانین
الله بیلور من خاطرین چوخ
ایستیردیم
ایستیردیم
زهرا ننم یاده دوشنده
زیبا جمالیندن ئوپردیم
جان دییردیم
جان دییردیم
گؤز تیکمیشم شام بلاده
آشنایه آشنایه
ایکاش ننم زهرا گلیدی
بوعزایه بوعزایه
ویرانه ده باب الحوایج
جان وئردی یا باب الحوایج
گل اماندی
گل اماندی
زینب باجون قاره باشیندا
بیر نوحه خوانین ماتمینده
نوحه خواندی
نوحه خواندی
ویرانسرا دوشدی صفادن
آی ابالفضل آی ابالفضل
دور شامه گل کرب و بلادن
آی ابالفضل آی ابالفضل
ابوالفضل_عباسی_معروفان_اهری
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
قطره ای از دریای شجاعت عباس(ع)
کیمدور بو مینوب مرکبه میدانه رواندی
خورشید زمان اولماسا سلطان زماندی
سیمای پسندیده سی زیبا و فرحبخش
کیپریکلری پیکان کیمی قاشلاری کماندی
احساس اولونور گوزلری کانون حیادی
دریای شرف لبلرینون آلتدا نهان دی
بازولری سرسخت و قوی قامتی رعنا
بیر الده دوتوپ پرچم اسلامی جواندی
افسانه لره چوخ یازیلوب شرح حماسی
اما هامی آگاهیدی افسانه یالاندی
کیم ایستسه بیر شیر قوی پنجه نی گورسون
باخسون بو علمداره کی عیناً بو هماندی
بیر نوعی چکور نعره دیین وقتیده تکبیر
عرش اهلی دیوللر کی مگر وقت اذان دی
گل چهره سی بشاشیدی میدانیده اما
اخیامه باخاندا بیلینور چوخ نگران دی
تل اوسته گورور قیزلاری اللرده سوجامی
گوزیاشلاری باران کیمی میدانه رواندی
سسلور آقا قیزلاری آپار خیمه سرایه
غیرت منی ئولدوردی بولار طعنه ویراندی
یوز دوتدی غرض لشکر اشراره ابوالفضل
حیدر کیمی میداندا صداسی اوجالندی
فریاد ائلدی من خلف شیر خدایم
زهرانون عزیز اوغلونا لب تشنه فدایم
هییت متوسلین حضرت علی اکبر(ع)تبریز
/channel/motavasselan
حاج محمدباقر منصوری
احوالات حضرت ابوالفضل(ع)
هییت متوسلین حضرت علی اکبر(ع)تبریز
/channel/motavasselan
روضه_حضرت_فاطمه_زهرا
دایاقیدون منه داغ مثلی الیمده سپریم
آدون هر جنگیده سسلردیم اولاردی ظفریم
(زهرا سن منه فقط همسر دیردون فقط بالالاریمون ننه سی دیردون تک همسریمی الیمدن ویرسیدیم بیر بئله یانمازدم )
دایاقیدون منه داغ مثلی الیمده سپریم
آدون هر جنگیده سسلردیم اولاردی ظفریم
ذوالفقار الده بهانیدی سنیدون کسریم
قال الله تبارک و تعالی فی یوم القیامه
عرصات محشرده غیبیدن الله تبارم تعالی نین طرفینن سس گلر
أيها الناس غضوا ابصارکم
آی مردم گوزوزی یومون
گورلر بیرمحضون نوا گلر
جاءت شفیعة المحشر
جاءت ام الحسن والحسین
جاءت فاطمة الزهرا
آی مردم گوزوزی یومون حسینون ننه سی گلیر
هامی گوزون یومار مگر سادات مگر زهرا زاده لر
اما فقط سیدلر یوخ
علامه امینی بویورور قرار دییر سید اولاسان خانمی ئوزوه ننه بوله سن باخ اورگیوه گور زهرانی نقدر چوخ ایستیرسن
اگر خانمین محبتی اولسا سنده ننه دیه بولرسن
خانم وارد اولار تمام انبیا ، اولیا ، اوسیا پیغمبر رحمت بویورار فداها ابو ها قیزیم آتان سنه قربان بالا
اییلر خانمن الینن اوپر دیر قیزیم هرکسی آتاسینان تانیالار اما منه پیغمبر گتدیم معراجه گوردوم ملکلر بیر بیرینن زمزمه الیلر یول ویرین زهرانین باباسی گلور
قیزیم امتیمین شفاعتینه نه گتیریبسن بالا
خانم دایانار
وقالت فاطمة الزهرا یارسول الله
بابا ایستیرسن بوله سن نه گتیرمیشم
شفانی یدانه المقوئتانل العباس
بابا ابوالفضلیمین کسیلن الرین گتیرمیشم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
#حضرت_رقیه
کیم اولسا درده مبتلا رقیه دامنین دوتار
گلر مریض بی دوا رقیه دامنین دوتار
ویروب مدال افتخار او مه جماله فاطمه
آلاندا شامی آدینه یازوب قباله فاطمه
علم وروب خرابیه همان سه ساله فاطمه
گیدر غریب و آشنا رقیه دامنین دوتار
گر ایتسه خاک پاسینه نظر بو اوچ یاشندا قیز
ایدر نظرده تپراقی گهر بو اوچ یاشندا قیز
دی حاجتون نه ایسته سن ویرر بو اوچ یاشندا قیز
غم اهلی دلده مین نوا رقیه دامنین دوتار
اگر مریض عشقیسن واروندی تربته نیاز
توسل ایله صدقیله رقییه پس از نماز
ئوزی او قبری گورمیوب ولی سنه یازار جواز
که عاشقان کربلا رقیه دامنین دوتار
نجه سه ساله عاشقی من اوخشادیم اوشاقلارا
اوشاق مگر باخا بیلر قانا باتان دوداقلارا
سلام او راه شامیده قباراولان ایاقلارا
ادبله سالک وفا رقیه دامنین دوتار
سلام او نازدانه نین جلال و افتخارینه
که دردمندلر گیدوب دخیل اولار مزارینه
گر اولسا معنوی گوزون باخارسان اعتبارینه
فرشتگان نه سما رقیه دامنین دوتار
اوخوردا قبری که سالوب شعاعی شامه شعشعه
کیچیک رواقمیش صورا تاپودی بیله توسعه
هامی بلور بو مطلبین نیازی یوخدی مرجعه
ایشیتسه کیم یانایانا رقیه دامنین دوتار
مصمم اولدی شیعه لر اوگون که عزته چاتا
هامی مجاور ایولری آلوب خرابیه قاتا
دیولله بیر نفر ایوین موافق اولمادی ساتا
که غافلیدی، اولیا رقیه دامنین دوتار
گیچوبدی بیر زمان ایشی اونوندا دوشدی مشگله
واریدی بیر گوزل قیزی چوخ اوخشاداردیلار گوله
ایله مریض اولوب او قیز گروبله آز قالور ئوله
اونا کیم ایستسه شفا رقیه دامنین دوتار
زبسکه نا امید اولوب الینده چاره قالمادی
عریضه یازدی هر یره مریضه سی ساغالمادی
گلوبدی شیعه بیر طبیب دوا یازوب پول آلمادی
دیدی غم اهلی بینوا، رقیه دامینن دوتار
بس اعتقادی سُستیدی دیدی قبول ایدیم نجه
منیم قیزیما هیچ طبیب ایدنمیوب معالجه
رقیه گلدی از قضا بوخوسونا همان گجه
آتا باخور مریض بالا رقیه دامنین دوتار
سوروشدی کیم سن ای خانم که مایلم یوزون گورم
بویوردی دختر حسین من اوچ یاشیندا دکترم
عقیدن اولسا گلمیشم مریضوه شفا ویرم
دیمه ندندی هر گدا رقیه دامنین دوتار
رقییم سیزه گوره قبار اولوب ایاقلاریم
ایونده یوخ گوزوم منیم کهوار بهشته باغلاریم
حرم کیچیکدی زحمته دوشور گلن قوناقلاریم
گورورسن اهل هر قُرا رقیه دامنین دوتار
ئوزون ایتوردی اول قیزین گورنده منقلب حالین
سؤوندی دوردی باغلادی بئلینه شیعه لیق شالین
تشکر ایتماقا قاچوب خرابیه ایاق یالین
اولوبدی حاجتی روا رقیه دامنین دوتار
دیدی فدا اولوم خانم جلال و عزّ و جاهیوه
اجازه ویرسن اوزقویوم شرفلی بارگاهیوه
عنایتیله ایلدون نظر بو خاک راهیوه
یا سائل ایندی بی ریا رقیه دامنین دوتار
من ایندی دستخالیم نه وار خانم سنونکیدی
ایویمون ارزشی ندور منیم جانیم سنونکیدی
قیزیم کنیز ئوزوم غلام ادیم سانم سنونکیدی
آتا بالا گیوب قرا رقیه دامنین دوتار
بلی آدی رقیه نین هزار درده چاره دی
نو نکته لی سوز عاقله کنایه و اشاره دی
یری خرابه اولسادا ایشقلی بیر ستاره دی
سهیل و زهرا و سها رقیه دامنین دوتار
همین ستاره بیر گیجه گوروشدی آفتابیلن
طبقده گون طلوع ایدوب یوزونده قان حجابیلن
وفالی میزبان یودی او قانلی اشگنابیلن
دیدی فراق اودی بابا رقیه دامنین دوتار
بو خسته عاشقه بابا دوباره جان گتورموسن
معّیّتونده نه قوشون نه پاسبان گتورموسن
سفرده ارمغان منه دوداقدا قان گتورموسن
باخاندا نار ابتلا رقیه دامنین دوتار
خرابه ده داریخمشام یوخومدی همدم آی بابا
باشیمسز اوستن ایلمه بو سایه نی کم آی بابا
اوقدریس آختاروب سنی قوجالدی عمم آی بابا
بو غمده شعله بلا رقیه دامنین دوتار
من آشیانه سی یانوب قفسده پر چالان قوشام
یوروبدی اؤچلار منی قنادلاری یانان قوشام
گوروبسن هیچ یارالی قوش؟ یارالی من همان قوشام
شرار ظلم اشقیا رقیه دامنین دوتار
گجه گیچوبدی یا حسین سحر اذانه آز قالور
((کلامی)) الده بیر قلم خرابه نی یادا سالور
گوزی سنون الونده دی گدا کیمی قاپی چالور
دوشنده مشکله اودا رقیه دامنین دوتار
کلامی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
قارداشون یخوبلا قولسوز ای شه زمن یارالی
باش یارالی گوز یارالی یوز یارا بدن یارالی
بسکه بد نظر توخوندی هاشمی قمر جماله
ووردی چشم زخم الیندن قانلی توپراقیله هاله
قورخورام دیم او بدرون دوندی ایشگه بیر هلاله
آز قالور جداده گورسون هر گیدن گلن یارالی
من غلام خانه زادم نوکرم سنه وفالی
سندن اخذ ایدوب ابوالفضل هر فضیلت و کمالی
محضرونده خدمتیمده اولمیوب قصور اولالی
تک بو گون اولوب که دوشدوم اقتداریدن یارالی
سیّدی سنه بُلورسن من صدیق جان نثارم
آستان عزّتونده بیر ذلیل خاکسارم
بیر قصور خدمت اوسته سرفکنده شرمسارم
روی خجلتیم یر اوسته سورتولوب گیدن یارالی
مندن اینجیمه که یتموب خدمتیم بو چولده باشه
چنگ ووردوم ال چاتونجا ذیل و همّت و تلاشه
آخِر اللریم کسیلدی کشمکش دایاندی باشه
وار هنوز او کشمکشلر باشیم اوسته من یارالی
من او شیریدیم که مین لر شیر شرزه لر شکاریم
دشمنین بیلین قراردی قانلی پنجه دن فشاریم
ایمدی پنجه سی کسیلموش شیره دوندی روزگاریم
دسته ی شغال الینده دست و پنجه دن یارالی
قان آخور یارالاریمدان هر نفس نفس آلاندا
خاصّه باشیمی کسنلر زحمته منی سالاندا
روحیم ایستوری که اوچسون حالدن حالا قالاندا
پیکریمده تاپماز امّا روزن اولمین یارالی
من یارالیه غریبه قان اگرچه داغ داش آغلار
پیکریمده گوز گوز اولموش یاره لرده قارداش آغلار
اوز گوزوم ولی سنون بو نسگلونده قانیاش آغلار
سن بیلی بوکولموش اولدون من بیلی بوکن یارالی
بیر سو صحبتی اولوندی تلّی من آشان زماندا
گوزلیم سو اوسته قالدی گوزده سو داشان زماندا
برق تیغیمیله دریا لشکره جوشان زماندا
بو شرارده دردیم اولدی سوزی سونمین یارالی
اسدی صرصر مخالف قوپدی بیر مهیب طوفان
قورخودان قاچان الیندن تنگ اولوب وسیع میدان
خطّ سیرینی ایتوردی گویده هر خدنگ پرّان
یول آزان خدنگلردن اولدی چوخ دوشن یارالی
بیر قیامت اولدی سالماز مثلینی زمانه یاده
بیر بیرین قاچور ایاخلور چه سواره چه پیاده
چوخلارین بو چولده گیتدی خرمن حیاتی باده
چوخلاری یخلدی یرده شیون ایلین یارالی
من او گیر و دار ایچینده فوراً آت بیلینده یاتدیم
کیپریگیم کیمی دوزولموش اوخلاری گوزومدن آتدیم
آت سالوب سو اوسته بیر باش یول آچوب فراته چاتدیم
من سویوندوم ایتدی دشمن قلبیمی محن یارالی
من فراتدن چخاندا خیمیه ساری شتابان
اوخ آتانلارا او ساعت سعدین اوغلی ویردی فرمان
ایلیون بو هاشمینی ای گروه تیر باران
اوخلیون بو شاهبازی دوشدون اوخ یین یارالی
دوتدی بیر قرا بولود تک اوخ فضای کارزاری
چالدی اودلی اِلدیریملار هر خدنگ جانشکاری
یاغدی چوخلی قان یاغشلار، قانلی سیل لر اولدی جاری
ایلدی منی او سیل لر سرو ریشه کن یارالی
موج ووردی قانلی سیل لر که منی خوب آپارسون
داغ کیمی دایاندیقیمدان ریشه می قازوب قوپارسون
آتدیم اللریمی بلکه غرقه دن منی قوتارسون
اللریمده گیتدی اولدوم قان آرا اوزَن یارالی
قول بوداق لاری وورولموش دوشدی سرو بوستانین
گللریم سارالدی سولدی، گیتدی ذوقی گلستانین
هانسی گلدی گوگلون آلسون دلشکسته باغبانین
دلدن اولدی لاله داغلی یاس و یاسمن یارالی
سیّدی دیولّه هر کیم بسلیه سنه ارادت
جان ویرن زمانی ایلر گل جمالیوی زیارت
لطف قیل منیمده اولسون قسمتیمده بو سعادت
بو قتیل کویون اولسون عارضون گورن یارالی
من دیمم بو کمترینه لطفیوی زیادت ایله
لیک من غلامه شانون قدریجه عنایت ایله
گیتدیم الدن اولسا ممکن گَل منی عیادت ایله
قبله سینی گورسون اُلسون صاق صولا دونن یارالی
هر نفسده مرغ روحیم واردی اوچماقا هوسده
منده ایلرم تامّل بیر دقیقه هر نفسده
ایستورم بیر آز یوبانسون روحیمون قوشی قفسده
روحینی باش اوسته گورسون بیرده جان ویرن یارالی
سن بُلورسن انتظارین دردی چوخ یاماندی قارداش
اُلدوم انتظار الیندن دورموری گوزومده قانیاش
قورخورام که سن گَلینجه آیریلا گیده سنان باش
من اُلم دیسونله اُلدی حسرتون چکن یارالی
لطفون اولسا ایله سن گر سرفراز عیادتیمدن
هیچ یره منی آپارما مصرع شهادتیمدن
قوی یوزوم قوری یر اوسته من اُلوم خجالتیمدن
اِللریم دیسونله ایللر وای خجل اُلن یارالی
گورسن اوخلی گوز قان آغلار آغلادان منی او اوخدی
نه بو یاره لردی کاری که ستاره دنده چوخدی
اوخلی مشکیده سو یوخدی آغلادان منی او یوخدی
مشکی اوخلاناندا سقّا اوخشار آغلین یارالی
غم یمه که بیرقون من ساخلیانمادیم سرافراز
قانلی پرچمیم اُلمده قبریده یاتامدا یاتماز
ضامنم اوزوم که بیر دم اهتزازدن دایانماز
حشر اولونجا قبریم اوسته گورسنر اسن یارالی
نوفل ایلین ستمدن عرشه ظلملر دایاندی
ایسّی قان سپیلدی باشدان دشمنیم آلشدی یاندی
پرچمیم باشمدان اُپدی قرمزی قانا بویاندی
پرچمیمده منده اولدوخ القان آغلین یارالی
بس او یارم اولدی کاری رختی صبریمین سویولدی
ال هانی باشا قویِیدیم اورگیم باشی اویولدی
گَلدی مرتضی نجفدن باشیمه الی قویولدی
دیدی یوز یوزه قویاق گَل من یارالی سن یارالی
🏴کانال هیئت متوسلین حضرت علی اکبر(ع)تبریز🏴
https://telegra
مجلس یزید
چون حسینون باشینی گویدی مقابلده یزید
باخدی قانلی باشا گولدی او پلید اوغلی پلید
خیزرانی اسرا گوردیله قان آغلادیلار
یومدیلار گوزلرینی سینه لرین داغلادیلار
کیم تیکان اوسته قاچا چون ایاقی یاره اولار
ایاق اوسته دورا بیلمز یره فورا یخیلار
هندین اوغلی نجه گور حرمت ائدوبدور قوناقا
خیزارانیله ویروب طشتیده قانلی دوداقا
باخدی قیزلار اوزمان زینبه اول مأواده
باخدی زینب ده قولی باغلی آقام سجاده
دِی یزید ورمیا دای قارداشیمون لبلرینه
هرقدر ویرسا منی وورسون حسینون یرینه
یوز دوتوب غیضیله زینب دئدی یبن الطلقا
وور نقدری ووراجاقسان او یارالی دوداقا
منه چوخ باخما گلان برج حیا اولدوزیام
فاطمه نائبی ام شیرخدانین قیزیام
بئله فکر ائتمه بو مجلسده اسیرم سنه من
اگمرم اگممیشم باشیمی اهریمنه من
چوخ تکبرله اوتورما سنی من خوار ائلرم
قدرت اللّهیله مین درده گرفتار ائدرم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ای جماعت ویرمیشم بو جانی قربان مشگیمه
خیمه لرده گوز تیکوب بیر عدّه عطشان مشگیمه
وورمیون آخر نهال عیشیمه غم تیشه سی
اولمیون راضی شکست اولسون امیدیم شیشه سی
بسته دور واللهی بیر بو مشگه روحیم ریشه سی
آیریلار روحیم بدندن دگسه پیکان مشگیمه
من بولوردیم ایندی بو شام اهلی یالقوزلار منی
خیمه لرده گوزلوری والله اوغلسوزلار منی
آختارور الده سوجامی تشنه لب قیزلار منی
منتظردور ایندی بیر جمع پریشان مشگیمه
من دیمم چوخ وورمیون اوخ ای گروه کینه جو
قورخورام دگسین بو مشگه نقد جانیمدور بو سو
آرتیرار عباسه بو زهرا یانیندا آبرو
جانیمی قیلام سپر هر لحظه هر آن مشگیمه
یوخ رجوعیم وورمیسوز چوخ یاره ای لشگر منه
ساق صولومدان پر آچوب اوخلار اولوب شهپر منه
راضیم وورساز نقدری نیزه اوخ خنجر منه
قویمارام اوخ دگسین اما حتی الامکان مشگیمه
گر دیسوز من ئولماقیمدان قورخورام ای کوفیان
بیر نفر آلسون بو مشگی خیمیه ایتسون روان
چکمه سون باری سوسوزدان خیردا قیزلار الامان
سو یرینه دولدورون اوندان صورا قان مشگیمه
من گلنده اصغرین آچمیشدی قنداقین رباب
عرض ایدیردی بارالها اصغریم اولدی کباب
بو سببدن خیمیه گیتماقدا قیلّام چوخ شتاب
منتظر دور خیمه لرده آل عمران مشگیمه
چگنیمه فخریله سردوش شهادت وورمشام
وعده گاه عشقیده مردانه ثابت دورمشام
چوخ امیدیله بو مشگی نهریدن دولدورمشام
سیز بولورسوز دولمیوبدور بو سو آسان مشگیمه
وارد اولدوم نهره گوردوم وار سودا خوش منظره
اوجومی شوقیله دولدوردوم یتوردوم لبلره
عکسینی گوردوم حسینون ایچمدیم توکدوم یره
انقلاب خیمه گاهی ایتدیم اعلان مشگیمه
نفسیمی هرگز صحابه قیزلاریندان سئچمرم
هر قدر گورسم جفا راه وفادن گئچمرم
یر یوزین دولدورسا سو یاننام سوسوزدان ایچمرم
چون رقیّم گوز تیکوبدور دیده گریان مشگیمه
ایچمسه سو شهریاریم من اوزوم میل ایتمرم
ویرمسم سو اصغره اصل مرامه یتمرم
مشگیمه اوخ دگسه ئوللم خیمه گاهه گیتمرم
شرم ایدن اوخ وورمیون ای قوم عدوان مشگیمه
بو سویون وجهینده هر نه ایستسوز الآن ویروم
راضیم اوچ بو سویون قدری اورکدن قان ویروم
اولمیون راضی حسینیمدن خجالت جان ویروم
اوخلاری یاغدیرمیون چون ابر باران مشگیمه
افتخاریم وار بو گون دورد منصبیله دلخوشام
هم وزیرم هم علمدارم حسینه قارداشام
هم حسین اطفالینه بو چولده سقّا اولموشام
غبطه ایلر منزلتده آب حیوان مشگیمه
رد اولون لشگر یولومدان نه دوتوبسوزساق صولی
ویرمیشم قربان بو بیر مشک سویا بیر جوت قولی
شل اولیدی اوخ آتان ال گوزلریم گورمور یولی
یتمیه اهل جفادن بلکه نقصان مشگیمه
هر طرفدن اوخ گلنده قلبیم ایلر اضطراب
قورخورام دگسین بو مشگه عرشه سالسین انقلاب
بو سو مشگین اهلبیته ویرسم اولام کامیاب
مشتری دور خیمه ده بیر جمع نالان مشگیمه
مایلم اولسون (( کریمی)) عشقمون دیوانه سی
یاسیمی دوتسون جهانی ایلسون غم خانه سی
ایسترم قبرینده اولسون شمعیمون پروانه سی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
عزاداری در بین الحرمین
حاج یعقوب حقیقت پور
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت ز ینب در بالین حضرت حسین(ع)
ای میر کاروان گوزون آچ کاروان گئدیر
گور در به در بناتیوی بی ساربان گئدیر
دور سال یولا ذراری زهرانی وئر اذان
عریان کجاوه لر ده هامی باغریقان گئدیر
نوک جداده سیره چیخوب آفتاب عشق
بزم یزیده قانلی باشون ارمغان گئدیر
قربان اولوم طریق وفا رهروانینه
سر نیزه لرده نظمیله پیر و جوان گئدیر
گر چه قطار وقری چکور بی حیا قشون
زینب حیالی قیزلاروا پاسبان گئدیر
گلمیشدیم آل هاشمیله بو چوله ولی
ایندی یانیمجا خولی و زجر و سنان گئدیر
قیرخا یاخون عزالی غزاله ملر قالوب
هفت آسمانه شیون و داد و فغان گئدیر
هر بلبل اوز سولان گلینه نغمه ساز اولوب
بی اختیار اتکلره اشک روان گئدیر
کرب و بلاده قویمادیلار آغلیاق سیزه
ویرانیه رقیه قیزون نوحه خوان گئددر
سنسیز بلالی باشلارا غم شالی باغلاروق
دلدن گلوب نوایه گئجه گوندوز آغلاروق
سید حمید موسوی میانجی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
هر کیمسه حسین مجلیسینه مستقر اولماز
داعش صفت انسان بو غمه مفتخر اولماز
گؤز یاشی توکن شیعه آلار مُهر شفاعت
گؤز یاشی کی عباسه توکولسه هدر اولماز
گؤز یاشی اُلار بوردا بهشتیله برابر
بازار حسین بن علی ده ضرر اولماز
نیت دوز اُلا بیل بو گئجه ارزشی چوخدور
بازار جواهیرده بو قیمتده زر اولماز
گر جمله اَطبا یغیلا تا یازا نسخه
امضای حسین اُولماسا، اُوندا اثر اولماز
سؤندوردی چراغلاری کی هر کس گِئدی گئدسین
دنیاده بو صورتده حقوق بشر اولماز
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
روضه مقتل امام حسین
«حاج نادرجوادی»
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یاعلی اصغر (ع)
نه روا غملی نشانون منه بیر قنداق اولا
آنویین خاطره سی قانه باتان دیرناق اولا
سنه گهواره دی نیزه اوجی باشون صاق اولا
اوچ گجه یوخلامیوبسان سنه منده تای علی
نیزه باشینده گوزون یوم بالا یات لای لای علی
لای لای اصغریم لای لای
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یاصاحب الزمان ادرکنی
آهنگ:ایران اگر دل توراشکستند
آقا
دوشوب اورک تلاطمه گل
وئر انتظاره خاتمه گل
یانور شرار غمده شبعه
یوبانما جان فاطمه گل
اقا
عزیز جان هایانداسان گل
شه جهان هایانداسان گل
اقا
اگرچه عاصی وحقیرم
ئوزوم گناهیمه خبیرم
منی باغیشلا هرنه اولسام
کمند عشقیوه اسیرم
اقا
عزیز جان هایانداسان گل
شه جهان هایانداسان گل
اقا
گل ای امیداهل عالم
آلوب آرایه لشگر غم
هرایه گلمسن،مسلم
بودرد فرقتیله ئوللم
اقا
عزیزجان هایانداسان گل
شه جهان هایانداسان گل
اقا
بیرعده لر جنانی ایستر
بهارو گلستانی ایستر
ولی منیم بو مرغ روحیم
همیشه کربلانی ایستر
اقا
عزیزجان هایانداسان گل
شه جهان هایانداسان گل
آقا
دئمم وصاله لایقم من
ره وفاده صادقم من
یوزوم قرادی گر الیم بوش
ولی حسینه عاشقم من
اقا
عزبزجان هایانداسان گل
شه جهان هایانداسان گل
اقا
بوآیریلیق منه گراندی
عذاره گوزیاشیم رواندی
دونوب زمانه یابن زهرا
عنایت ایله گل اماندی
اقا
عزیز جان هایانداسان گل
شه جهان هایانداسان گل
حسین فتاح
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
واردور مسافریم اودی یول گوزلورم گله
خرابیه ایاق قویانان رقیه هی یانا یانا دییردی عمه بابام منه قول ویریب خرابیه گله
واردور مسافریم اودی یول گوزلورم گله
ویرانه یرده گون سایرام تابابام گله
شامین خانملارینان اونا ایلرم گله
گلسه بابام فراق اوتونا بیرده یانمارام
ویرانه گوشه سینده پریشان دولانمارام
آخروداعیده ذوالجناحین قاباقین کستی رقیه:دیدی باباآتونان ان یره اورگیم چرپنیر آیرلیقوا دوزنمورم بابا
قیزیم:حیدره خاطر پیاده مسجده قاشدی ننم
سنده گلدین مندن اوتری قلبیده منلر دوغم
بالا سن منیم خردا ننم سن من گرک آتدان انم
دیدی بابا بیرده سنی هارداگوروم آی بابا
دیدی قیزیم شامیده ویرانیه گلم بالا
القصه آرزوسینه چاتدی اونور عین
ازبس کی یاندی آغلادی باآه وشوروشین
گلدی خرابه منزله اوغلی ئولن حسین
گوردی طبقده تا آتا باشین اودلربا
ویرانه منزله دیدی خوش گلدین آی بابا
شرمنده ایلدی منی بوگلمگین بابا
جان رشتمه دوشوبدی آغیر بیر دوگون بابا
ایله دعا بوغصه لی ایوده بوگون بابا
تیرغمیلیه بویارلی قلبی بولوم بابا
آغوشه یارلی باشیوی آلجاخ ئولوم بابا
ایله دعا یاسیم بابا گوزیاشسیز اولماسین
هیچ غملی خانواده بئله باشسیز اولماسین
هیچ بیر باجی بی بیم کیمی قارداشسیز اولماسین
غم قرعه سی اونون آدینا چخدی آی بابا
غملر اوقهرمان بی بیمی یخدی آی بابا
اوقدر آغلادی یارالی باش بیریانا دوشدی رقیه بیریانا زینب بالانی آلدی قوجاقینه
قیزیم
دائم قره معجر سالان عمون سنه قربان
آرامینی غملر آلان عمون سنه قربان
قارداشسیز اوغولسوز قالان عمون سنه قربان
دیدی سجادیم بالا دینن یزیده
ئولدی رقیه دهریده هیچ گلمسین یوزون
غساله گوندر عملریم ئولدورور ئوزون
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
السلام وعلیک یابنت الحسین (ع)
بیر سه ساله دخترم من؛ زینبین شاگردیم
عشقیده نام اورم من ؛زینبین شاگردیم
اوچ امامه دلبرم من؛زینبین شاگردیم
یادگار حیدرم من؛زینبین شاگردیم
قلبیده حب الحسین جزو اصول الدینیدور
من اونا یارم وظیفم اوزگه دن سنگینیدور
گوزلری چخسون کیم آل عصمته بدبینیدور
حق یولومدان دونمرم من زیببین شاگردیم
من دمشقی آلمیشام اعلان ایدون کافر لره
یادگار حیدرم. من زینبین شاگردیم
آند اولا شاه شهیدین قانلی عاشوراسینه
آند ولا شبه پیمبر اکبرین تقواسینه
آند اولا عباس عمومون بانگ یا زهراسینه
عمه مه هم سنگرم من زینبین شاگردیم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
شجاعت حضرت علی اکبر (ع)
قـلب مـیدانیده یــا ربّ مه انور دایـــــانوب
ماه یوخ سهو ائلدیم، شمس منور دایانوب
بـــی مثل خــــــلق ائلییبدور بونـــی رب ازلــــی
مست ائدور هر گوره نی عرصه ده طاها گوزلی
دایــــــانوب سینــه ی میدانیده طــــوبی مثلـــــــی
کیم گورور فکر ائلیور سرو صنوبر دایانوب
هامی بیر خنجریلن رزم ائدرای اهل شعور
ولی اوچ خنجریلن رزمه گـلیب زاده ی نور
بیری الده ،ایکیسی لــــیک جمالینده گــــلور
گول یوزینده نئجه گورباش باشا خنجردایانوب
آتانین بوسه سی چیگنینده اولوب سردوشی
آغــزی صندوق گــهر، غنچه لبی درپوشی
ســـاقی اکبردی اولوب اکبر اول می نوشی
مستیدور لیک گینه طالب کوثر دایانوب
ائلیوب نقشه ی رخساری بوتون عالمی مات
گورجگین مه یوزونی شوره گلیب نهر فرات
مست ائـدوب لشگر اعــدانی بو عالیه صفات
صف به صف صورتینه باخماقا لشگر دایانوب
باشدا عمـّـــامه ی خاتم، یوزی بشاش و جلی
بیر سوز اما بورییب صحنه ی جنگ وجدلی
هیبتیندن هــــــامی سسلندی گلوب جنگه علی
جنگ خیبردی مگر فاتح خیبر دایانوب
بیــری دئی سینه ی میدانیده حیدر دایـانوب
بیری دئی سهو ائلمه ختم پیمبر دایـــــانوب
بیری دئی صاحب علم شیر دلاور دایانوب
سعدین اوغلی دئدی یوخ، عرصه ده اکبر دایانوب
آچـــدی لعل لبینی اکــبر او دم گفتــاره
دوتدی یوز لشگر بی عاطفه و اشراره
آدیمـــی قؤی دئدی اعلان ائلییم اغیاره
صحنه ده تا بیلینه هانسی هنرور دایانوب
ای سپـاه اموی ، شبه پیمبردی آدیم
وارث شیرخدا ،حیدره بنذردی آدیم
اختر برج وفایم ،علی اکبردی آدیم
روبرو دشمنیلن عشق مصور دایانوب
ملکوت اهلی بیلور مظهراحساسم من
فقهـــا سـرورییم دشمن خنّــاسم مـــن
دانش آمـوخته ی مکتب عبــــاسم من
تلین اوستونده او استاد موقر دایانوب
هییت متوسلین حضرت علی اکبر(ع)تبریز
/channel/motavasselan
حاج رضا اکبری
شب شهادت خانم رقیه (س)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
سبک ای منیم نازنین نگاریم
گل بابا سلب اولوب توانیم – عرشه اوج ایلوری فغانیم
یاخجی وقته بابا گلوبسن – گور چخور هاردا خسته جانیم
قلبیمی تیر درد و غمله بولورم
گل دوشوبدور نفس شماره اولورم
مظلوم بابا
روزگاریم بابا قرادی –دوشموشم درده بی دوادی
هیچ سنی بیله گورمه میشدیم – وای منه لبلرون یارادی
کیم سنی سالدی بیله احواله بابا
قان چکوب گل جمالیوه حاله بابا
مظلوم بابا
ای اولان غملره نشانه – گلمیشم نی کیمی فغانه
گوزلرینن ایراق یارالی – چوخ یوروبدی منی زمانه
فرقتونده غم اوسته غم آلدی قیزین
گل بابا گور نه گونلره قالدی قیزین
مظلوم بابا
شامیان بزم قوروبلا – کینه اوسته بابا دوروبلا
کربلادن یتونجه شامه – آغلیاندا بابا ویروبلا
زجر ویردی ئوزومه بیر سیلی بابا
آچ گوزین باخ ئوزیم اولوب نیلی بابا
مظلوم بابا
چوخ محن وار بابا سوزیمده – چوخ اثر ایلیوب اوزومده
ضربت سیلدن آنام تک – قان قالوبدی بابا گوزیمده
عمه مین حالینی مراعات ایلورم
معجرین آتدا ئوزیمی گیزلیرم
مظلوم بابا
آچ گوزین ای سوسوز قوناقیم – گورداغلمیش نجه تفاقیم
بس کی قاچدیم تکانلار اوسته – آبله باغلیوب ایاقیم
یولدا چوخ دویدوله منی قوم دنی
گتدیلر پا پیاده شاماته منی
مظلوم بابا
قوی ائدیم بو غمه اشاره – ایلین یوخ بو درده چاره
کاش بابا غارت اولمییدی – دست ظلمیله گاهواره
چوخ گیجه غصه تیر غم قلبه ساچوب
حال رویاده گورم اصغر دل آچوب
مظلوم بابا
غم منی ایلیوبدی دلگیر – اولموشام باش و جانیدن سیر
آزقالور جان چخا دوداقدان – گردنیمده قالوبدی زنجیر
یوخ دین شیمره دردیمی سان ویریرم
تا بو زنجیری آچا من جان ویرورم
مظلوم بابا
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زنده یاد حاج محمد باقر منصوری
شهادت حضرت رقیه(س)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حضرت رقیه سلام الله علیها
مرحوم انور
ال سینه ده ویرانه بوجاقینده رقیّه
جان ویردی آتا باشی قوجاقینده رقیّه
غسّاله گلوب غسل ایده اول جسم ضعیفه
گوردی ایله پژمرده یاتوبدور او عفیفه
نه بالشی واردور نه وار اوستونده قدیفه
چوخ ناله ایدوب آغلیوب آخِر نفسینده
گویا قنادی باغلی قوش ئولموش قفسینده
تل تل توکولوب طرّه لری ماه لقایه
گیسولر سنبلدی باتوب خاک فنایه
بنزر دهنی غنچه پر عطر و صفایه
لعلی دوداقی قامت رعناسی گوزلدی
ابرولری کیپریکلری سیماسی گوزلدی
بیر کهنه قبادی صورا یوخ آیری لباسی
باشیندا آتا قارداشینون واردی قراسی
گاهی بیبیسی اوخشور اونا گاهی آناسی
غم گردینه آلوده اولوب چهره ی آفاق
بیر عدّه یتیمه سووورور باشینه توپراق
زینبدن آلوب عورت غسّاله اجازه
غسل ایلیه دلبند شهنشاه حجازه
تا ایستدی وورسون الینی اول گل نازه
آهسته سویوندور دیدی خاتون مکرّم
غسّاله مراعات ایله یورقوندی رقیّم
سالموش نه حالا گور بالامی درد اسارت
زندانی ایدوب چکمدی شام اهلی خجالت
ئولمزدی بو مظلوم بالا ئولدوردی شماتت
آز عمر ایلدی قلبی غمیله دولی گیتدی
زهرا آناما بنزدی زهرا یولی گیتدی
اول گونکه قدم محبس اغیاره قویوبدی
گوندوزلری هجران غمی آواره قویوبدی
زیبا یوزونی چوخ گجه دیواره قویوبدی
دائم بالاجا اللری بوینوندا قالوبدی
گیتموبدی طنابین یری بوینونا قالوبدی
آگهدی بو مظلوم بالانون دردینه زینب
شاماته کیمی زجر ایلیوب یولدا معذّب
سن غسل ویرنده بوله جاقسان ندی مطلب
بو سهلیدی گل تک یوزونون رنگی سولوبدی
قمچی اثریندن بدنی یول یول اولوبدی
غسّاله سویوندوردی او مظلومه بالانی
گورسندی گوزه قمچی لرین ردّ و نشانی
زهرا قیزینون قلبیده آرتدی ضربانی
ال آتدی خانملار باشنا گلدی نوایه
غسّاله ده سس ویردی قوشولدی اسرایه
سوز چوخدی اگر یازسام اورکلر اولی شان شان
تشریحینه مشکلدی دوام ایلیه انسان
غسّاله غرض ویردی اونون غسلینه پایان
عرض ایلدی خلعت گتیرون تا کفن اولسون
زینب دیدی آق یوخدی قرا پیرهن اولسون
سوز چکدی سوزی خامه بو مشکل سوزی یازدی
مین ایلده اکر عمر ایلسوق آغلاسوق آزدی
دیلر بالاجا قبرین اونون عمّه سی قازدی
اول قبر که مشتاقی اونون چوخدی دوزلدی
کفن ایلدیلر نوبه صورا دفنینه گلدی
اشک اسرا طعنه ووروب بارش ابره
بیر سوز دیدی زینب دوشوب اود خرمن صبره
بو نازلی رقیّمدی گیدور خانه ی قبره
دویسا هامی بوندان بولوسوز عمّه سی دویماز
ایستکلی سینی قبره بو آسانلوقا قویماز
حسرتله آخوب شامیده بیر کوکب اقبال
قبری اولاجاق شیعه لره کعبه ی آمال
شهزاده دی دفنینده گرکدی اولا اجلال
نوحه ایله اولار هر ئولونون بزمی مجلّل
کلثوم بو مظلوم بالانی اوخشاسون اوّل
زهرا قیزی زهرا قیزینون یاندی سوزوندن
اوّل خم اولوبدور بالانون ئوپدی یوزوندن
بیر یاندریجی سوز دیدی اشک آخدی گوزوندن
ای بیر ائلون ایستکلیسی تیز دویدون ائلوندن
صغرایه نشان ویر آپاروم قاره تلوندن
مشق آلدی سکینه گوزی یاشلی بیبی سیندن
گَتدی دله بیر سوز اسرا ایلدی شیون
دلدن نه دوشوبسن باجی گل بیر دله دللن
غم گلشنینون بلبلی سن نغمه وی کسمه
اکبر یاننا گیتماقا بو قدری تلسمه
نوبت یتیشوب تازه گلین ایلدی گفتار
افسوس گلینلیق آدی اوستومده منیم وار
باش آچمورام علّت اودی بو بزمیده ناچار
قورخوم بودی محنتلی سریّه سنا مندن
امّا اورگیم نیلیوم آیریلموری سندن
بیر بیر هاموسی اوخشادی اول غنچه ی نازی
قورتاردی یانان شمعلرین سوز و گدازی
زینب چاغیروب همسر سلطان حجازی
یوز دوتدی ربابه دیدی ای ماه حجیزیم
بیز نوحه دیدوق سن نیه دینمورسن عزیزیم
عرض ایتدی خانم دردیمه گیزلینده یانوردوم
ویرانه بوجاقینده گیدوب دالدالانوردوم
نیلوم قاباقا گلماقا سندن اوتانوردوم
ای شمس حیا بانوی محبوب و عزیزه
یاخشی کرم ایتدون بو اورک داغلی کنیزه
هر چند خانم بحر مصیباتیده غرقم
غمدن صورا یوخدور بو گونی قاریه همدم
چوخ سوز دیمرم چونکه مسافردی رقیّم
کافیدی بو صحبت اورگون ایستین ئولدی
باشون صاق اولا اصغره لایلای دین ئولدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
بئلــه نظمیلـه گــزَن گُنبـد دواره قسم
عـرش و هم فـرشَ قسم ثابت و سیاره قسم
دینـی احیــا الییـن احمـد مختاره قسم
نـائـب ختـم نبـی حیـدر کـراره قسم
حـامـلِ پـرچـم دیـن جعفـر طیاره قسم
حمـزه و مـالکِ بی بـاک و سپه داره قسم
کوفـه شهرینـده قالان مسلم بی یاره قسم
هم حبیـب بـن مظـاهـر او فـداکاره قسم
علقم اوستونده یاتان قولسوز علمداره قسم
عشـق حیـدر بیزه هم قیمت و هم عزتدی
مرتضـا حقینـی انکـار الیـن مُـرتـدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ای عمه سین آغلار گویان
سیدمحمدعاملی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
جواب حضرت ابوالفضل(ع)
وار هر سوزون ای شاه فلک فر گوزوم اوسته
ویردون منی قارداشیمه نوکر گوزوم اوسته
هر امر مطاعون اولا من عبد مطیعم
گر گلشن عمریم اولا پرپر گوزوم اوسته
مین ایل یاشاسام ملک سلیمان منیم اولسا
بیر اللی ایدم دهری مسخر گوزوم اوسته
گر سکه ورا آدیملن مصریده فرعون
تسلیم اولا یا رومده قیصر گوزوم اوسته
عرشه دایانا دولت اقبال و جلالیم
من عبدم حسیندور منه سرور گوزوم اوسته
دنیایه اگر بیر توکونی ورسم حسینون
بو باشه دگن زهریلی خنجر گوزوم اوسته
ئولسمده حسینعشقی بوشالماز اورگیمدن
قانیله اگر دولسا بو گوزلر گوزوم اوسته
سنده منی تاپشور قاپودان قوماسون اوغلون
ایتسون نه وظیفمدی مقرر گوزوم اوسته
یا آخر صفده ویره سرباز مقامی
یا اول صفده یازا افسر گوزوم اوسته
یا مشک ویروب آدیمه سقا دیه قزلار
یا ایلیه فرمانده لشکر گوزوم اوسته
یا سو گتورم خیمهلره یا ویرم الدن
سو اوسته گیده بو اوزون اللر گوزوم اوسته
تا واردی علی قانی منیم شاهرگیمده
واحدی حسین عشقی آزالماز ئورگیمده
سنده بابا تعیین اولان منزله تز گل
کشتی وجودیم یخلان ساحله تز گل
ئوز قولیمون استه باشاجاق دوز گئدرم من
بوینومدا اولان عشق حسین سلسله تز گل
قالسام باش آچیق آهن عمود آلتدا یوبانما
سن ویرمه امان قاتل سنگین دله تز گل
تقدیر ئوز آغزیندان آلوب درسینی گویا
سسلندی علی اوغلی، بو سرمنزله تز گل
آخرده بیر ایش گوردی فلک سسلدی عباس
یتدی بابا مقصود دلیم حاصله تز گل
گلمور یوزوم آخر سن ئوزون سسله حسینی
ویر بیرده کسوک اللریلن ال اله تز گل
القصه علیدنده قاباق فطمه گلدی
قوللارین آچ.ب سسلدی ایتمه گله تز گل
سنده منیم اوغلومسان عزیزیمسن حسین تک
بو یسنه مجروحییمه دردون گله، تز گل
زهرا سسینی لدی هوسلندی ابالفضل
یوز خیمیه توتدی بیله سسلندی ابوالفضل
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
احـــوالات خـــرابــــهٔ شـــام
اکبریم گلینجه اولسم دفنیمی یوباندیر عمّه
نعشیمی آلیب ال اوسته، باشینه دولاندیر عمّه
یوخ سوزوم بو اولمک عمّه «امر حیّ لم» یزل‌‌دی
باجیلار اولنده امّا قارداشی اولا گوزلدی
ائیلیین بیر آزجا تأخیر، بلکه اکبریمده گلدی
کفن و دفنیمی بیر آز سن ساخلا ال یوباندیر عمّه
گوزلرون فداسی اوللام خسته سن بیبی آز آغلا
اولدورر اوزون حَرَملر آز بو قلب زاری داغلا
اللرون قاداسین آللام گل بو گوزلریمی باغلا
قانلی اشگیلن سارالمیش رنگون آز بویاندیر عمّه
گرچه قاره گون الینده قورتارور بو بختی قاره
وار ولی بیر عمده دردیم، گل سنه ائدیم اشاره
ناگهانی گلسه اکبر، گوزلریمی آچ دوباره
اکبری منیله بیر آن روبرو دایاندیر عمّه
شئمری سن چاغیرما عمّه قلبیده جراحتیم وار
قولدان آچماسین طنابیم دیلده آیری نیّتیم وار
قبره قوی بو حالتیلن جدّیمه شکایتیم وار
سنده خلقه ظلم شمری، نطقیویله آندیر عمّه
باشون آچما ائتمه ناله، قلبیم اولدو غصه دن قان
سن منه آنالیق ائتدون جانیوه رقیّه قربان
باشیم آلما سینون اوسته، توپراق اوسته قوی وئریم جان
زحمتیمی چوخ چکیبسن، آز منی اوتاندیر عمّه
آغلاما دئمه غریبیبی‌وطن، رقیّه لایلای
هئچ دیله گتیرمه جیسمی، بی‌کفن رقیّه لایلای
سسله شئمر شوم الیندن، دینجلن رقیّه لایلای
قلب اهل شامی، آه آتشیمه یاندیر عمّه
بی‌سبب دئنن بو غمده قانه گوز یاشیم دولانماز
الده اولدوروب بو طفلی شمریدون گینه اوتانماز
قمچیلر یئرینی امّا گورمیینجه خلق اینانماز
کوینگیم چیخارت بو خلقی سن اوزون ایناندیر عمّه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کربلایی رسول زندی
هییت متوسلین حضرت علی اکبر(ع)تبریز
/channel/motavasselan
یا عباس
ای منیم آرخام ائلیم صاحب عنوان قارداش
آچ گوزون غصه لی جانیم سنه قربان قارداش
غم گونی ای منیم الدن دوتانیم غمخواریم
آدی دیللرده قالان پرچمداریم
دور گدک خیمیه گوزلور یولوی قزلاریم
غارته گلسه قوشون یوخدی نگهبان قارداش
ای سوسوز نهره گیدوب تشنه چیخان دریادن
ایلدون عالمی حیران بو گوزل سِودادن
عشقوین خلعتنی آلدون آنام زهرادن
بیچدی اوخلار سنه بیر جامه الوان قارداش
دشمن یری وار یانسا بو احوالیمه قارداش
اما دیمورم باخ منیم اوز حالیمه قارداش
رحم ایت گوزی یولدا قالان اطفالیمه قارداش
جام الده تمامی نگراندی آتام اوغلی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یا مهدی(عج)
گل ای امید دل منتظران
باخروخ یولا نگران نگران
آل اله حسین علمین آقاجان
گوزوموزه قوی قدمون آقاجان
یر قدمونَّن ئوپر
گوی علمونَّن ئوپر
یِل کی اسر تلیوون
پیچ و خَمینَّن ئوپر
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4 )
گوزلریم آقا یولارووا باخور
سنسیز ئورگیم دارخور دارخور
انتظارون الیندن دینجلمدون
گِچدی بو جمعه گلمدون گلمدون
قویما هجرونده یانیم
جانیوه قربان جانیم
گل قدمونن ئوپوم
گل باشووا دولانیم
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4 )
گل ای یگانه یادگار علی
گل ای وارث ذوالفقار علی
گل ای مرات حق لم یزلی
گل ای جهاندا گوزللر گوزلی
یر قدمونَّن ئوپر
گوی علمونَّن ئوپر
یِل کی اسر تلیوون
پیچ و خَمینَّن ئوپر
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4 )
ای کرامتی ئورکدن حاتمه
بو فراقه گل ویر آقا خاتمه
گون کیمی بولوت آتدا قالما نهان
بیز هئچ منتظردی یارالی آنان
یر قدمونَّن ئوپر
گوی علمونَّن ئوپر
یِل کی اسر تلیوون
پیچ و خَمینَّن ئوپر
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4 )
ئورگیمده وار بیر عمده نیتیم
ایت دعا اولا کربلا قسمتیم
کام دله گر یتمسم ئولرم
کربلایه گر گیتمسم ئولرم
یر قدمونَّن ئوپر
گوی علمونَّن ئوپر
یِل کی اسر تلیوون
پیچ و خَمینَّن ئوپر
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4 )
هاچان گلیسن آقا قان آلاسان
دشمنلرین جانینه اوت سالاسان
شیعه لر گزلور گلسن گلسن
هارداسان غریب آقا یابن الحسن
گل یتیش امدادیمه
ایله نظر حالیمه
بیزلری ایله دعا
سن بیل آنان فاطمه
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4 )
چوللری پریشان دولانما آقا
عالمی سراسر توتوبدی جفا
یاندرور ئورک لری درد و ملال
شیعه لرین قانی اولوبدی حلال
گل دوش ئوزون قاباقا
شیعه دورا ایاقا
سنله پیاده گداخ
کرب و بلایه آقا
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4 )
غموزده آقا بیز ئورک داغلاروخ
محرم اولاندا قرا باغلاروخ
جانیمیز قربان گوزلرون یاشینا
سن آغلاما چوخ آقا بیز آغلاروخ
یر قدمونَّن ئوپر
گوی علمونَّن ئوپر
یِل کی اسر تلیوون
پیچ و خَمینَّن ئوپر
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4 )
گلزارولانین گوزل گولوسن
ئورگیم نجه دارخیب بولوسن
ردای اسر له نقابون باخاخ یوزوه
قربان اولاخ حیدر باخش گوزوه
یر قدمونَّن ئوپر
گوی علمونَّن ئوپر
یِل کی تلیوون
پیچ و خَمینَّن ئوپر
ای درد عشقون درمانی
وی ملک عشقون سلطانی
عشقونده مولا نالانم من گریانم
عشق آتشینده سوزانم من نالانم
( عزیز زهرا یامهدی ) ( 4
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
پنجشنبہ است
" شاخه گلے" بفرستيم
براےتمام آنهايے
ڪہ دربين مانيستند
ولے"دعاهایشان" هنوزڪارگشاست
و يادشان هميشه با ماست
"روحشان شاد ويادشان گرامےباد"
@motavasselan