1504
آدرس اینیستاگرام http://www.instagram.com/motavasselan1 رجز نوحه های تصویری صوتی اشعارحسینی شور ارتباط با آدمین تبادل ارسال مطلب @YaAliAkbarMadadi
#مــرحوم_خوندل
بابا او گون که بو ویرانه نی مقام ایلدیم
تمام درد و بلانی اوزومه رام ایلدیم
خیال تار زلف علی اکبریله بابا
ایشیق گونی گوزومه لیله ی ظلام ایلدیم
دیدیم اُلونجه علی قارداشیم گَلر گورّم
قضایه باخ منه باخ، گور نه فکر خام ایلدیم
اگرچه ایلمدیم پیشواز معذورم
بیله خیال ایلمه ترک احترام ایلدیم
دیزیمده اولمادی طاقت دورانمادیم اَیاقا
اگرچه دورماقا هر قدر اهتمام ایلدیم
پناهی سَن هامی عالم لرین دیوب عمّم
اودور که دامنیوه منده اعتصام ایلدیم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ای رقیه ای دوشن گوشواره سی الدن اله
ای سالان شاماته قارداش وای سسیله ولوله
ایندی ده قبرونده گوزلورسن علی اکبر گله
ای سفیر زینب کبری سلام اولسون سنه
»»»»»»»»»»»»»»»»»»»»»»»»»
گذدی نقدر چوللری اواره رقیه ویرانه ده جان وردی او بیچاره رقیه
مییت هامسی قبره گدیب اغ کفنیل
اغ اولمادی گییدی کفنی قاره رقیه
»»»»»»»»»»»»»»»»»»»»»»»»»
هرگلن عاشیق ایستیور لطف و صفا رقیه دن
دردی اولانلار اختارور درده دوا رقیه دن
اغ کفن اولمادی خانم قاره کفنله دفن اولوب
فخری دی اغ کفن بیزه اولسا عطا رقیه دن
هییت متوسلین حضرت علی اکبر(ع)تبریز
/channel/motavasselan
من حسین عاشقی ام عشقیمی دنیا بیلسون
گؤزیاشیم قطره دی مقصودیمی دریا بیلسون
یا حسین سسلیورم آدی مقدس دی منه
عشقیمون پایه سینی قوی أؤزی مولا بیلسون
ثبت نام ایله میشم مکتب عاشوراده
منه بسدور آدیمی حضرت زهرا بیلسون
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال جناب امّ کلثوم (س) در شهادت مادر
.
.
سبک :دولانور علی قیزی مقتلی
.
مرحوم غمکش
.
ویرک اَل اله دور اخا حسن
ننه‌میز گیدوب هارا گلمدی
قاباقا دوشوم گرگ ایندی من
ننه‌میز گیدوب هارا گلمدی
.
.
بیزی تک قویوب اوزی منتظر
اوتوروب یوبانمازیدی ننه‌م
بیله استراحت و فکریلن
دایانوب دورانمازیدی ننه‌م
اؤره گی دولیدی ملالیلن
بولورم دایانمازیدی ننه‌م
توکوب اشگی صورته دیده‌دن
ننه‌میز گیدوب هارا گلمدی
.
.
چون اسوب خزان یلی گلشنه
سارالان ساری گله بنزیور
گل و گلستان پوزولوب چمن
ننه‌م اوردا سنبله بنزیور
پوزولان چمن داغیلان گلی
پری بسته بلبله بنزیور
ایله خوش بیان ایله خوش سخن
ننه‌میز گیدوب هارا گلمدی
.
.
رَهِ چاره وار نه ره علاج
تاپولور نه بو ایوه بیر گلن
ننه‌میز اوزی گله بولموری
نه الین دوتان نه خبر ویرن
نه سسیمزه بیری سس ویره
نه باخوب بو حالیمزی گورن
چکوب اَل گوز اشگیمزی سیلن
ننه‌میز گیدوب هارا گلمدی
.
.
بو قدر جفایه دوزوب ننه‌م
دوزه بولمز اهل جهان تمام
بابا وای دیوب یانوب آغلیوب
توکوب اشگ تر یوزه صبح و شام
قوروب عندلیب پیمبره
ستم اهلی دست ستمله دام
قفسه دوشن بابا وای دِین
ننه‌میز گیدوب هارا گلمدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
سید محمد عاملی
گینه بیرهفته سایدیم گلمدون سن
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حضرت امام زمان (عج)
نیلیوم یارب صفای قلب زاریم گلمدی
مایه آرامش جان فکاریم گلمدی
گوزلریم یولدا گیجه گوندوز نگاری گوزلرم
گوزله ماقدان جانه دویدوم گلعذاریم گلمدی
نه ئوزی گلدی نه بیر نامه نه بیر نام و نشان
اعتباریم شهرتیم نام و نشانیم گلمدی
یاریمون هجرینده دوندی شام تاره گوندوزوم
غصه دن قان اولدی قلب داغداریم گلمدی
آدی دلده یادی دلده عشقی یورقون سینه ده
منتظر قالدیم ولی افسوس یاریم گلمدی
انتظار اولماق چتین بیر دردیدی هر عاشقه
آه و صد افسوس باشه انتظاریم گلمدی
عزتیم شانیم جلالیم شوکتیم تاج سریم
جان جانانیم منیم دار و نداریم گلمدی
سایه سالدی ابر ظلمت گلشن امیدیمه
باغ امیدیم خزان اولدی بهاریم گلمدی
طلعت رخشان حُسنین گورماقا شام و سحر
بیقرار و دیده گریانم قراریم گلمدی
گوزده گوز یاشیم گلور موجه بسان بحر غم
کاسه صبریم جالاندی غمگساریم گلمدی
یاریمون یارب غمینده دلده یارا قالمادی
طاقتیم الدن اولوبدور اختیاریم گلمدی
هجر ایوینده روز و شب زار و پریشان دیده تر
یوللارا باخدیم گله نازلی نگاریم گلمدی
مسجدیم دیریم کلیسا و کنشتیم معبدیم
صومعه م کعبه م ولیّ کردگاریم گلمدی
«یاسری» سالدی ایاقدان یوسف زهرا غمی
کاسه خون اولدی چشم اشکباریم گلمدی
شاعر : کربلایی یاسر رستگار
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یا مهدی
.
مرحوم عابد تبریزی
.
دلبریم پابند اولوب بیر دلبر شیرین دله
اوزگه عالمدور بو عالم عاشق اولموش گل گله
.
اشک دریاسینده غرق اولدوم سینان کشتی کیمی
آچ طناب زلفوی چک بو غریقی ساحله
.
جلوه حسنون منی دلدن سالور دیداریده
گُل اگر چه جلوه سینن دل وئرور هر بلبله
.
عقل معیار بلادور فهم میزان ملال
بو کشاکشده نئجه دیوانه گولمز عاقله ؟
.
شوق رخسارونله دل زنجیر زلفه بند اولوب
ماهتاب اولسا دل شبده یول ایلر قافله
.
کودک دل آختارور لعل رطیبونن رطب
خوشدی یتسین نخل حسنونن مرادی حاصله
.
اشک چشمیم هجریده راز دلی فاش ایلدی
شهرت حسنون کیمی دوشدی آدیم دلدن دله
.
بیر نفسدور فرصت گل نوبهار عمرده
ای خزان ابری آماندور آعلاما قوی بیر گوله
.
سید تاجیله عطاری گجه مهمانیدی
بو غزل تنظیم اولاندا «عابد» شیرین دله
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج محسن رستگاری
حضرت رقیه(س)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
نوحه شهادت حضرت رقیه (س)
سبک .... گلپونه ها...
آچ گؤزلرین یورقون قوناقیم
یورقون بالام دوشدی نفسدن
آغلا قارداش
آغلا قارداش
من سسلیوم لایلای رقیه
زهرایه بنذر گؤزلرین سن
باغلا قارداش
باغلا قارداش
جان وئردی زهرای سه ساله
قلبی یاره قلبی یاره
ئوز اللرینلن دور بالامی
قوی مزاره قوی مزاره
بو دختر شیرین زبانین
الله بیلور من خاطرین چوخ
ایستیردیم
ایستیردیم
زهرا ننم یاده دوشنده
زیبا جمالیندن ئوپردیم
جان دییردیم
جان دییردیم
گؤز تیکمیشم شام بلاده
آشنایه آشنایه
ایکاش ننم زهرا گلیدی
بوعزایه بوعزایه
ویرانه ده باب الحوایج
جان وئردی یا باب الحوایج
گل اماندی
گل اماندی
زینب باجون قاره باشیندا
بیر نوحه خوانین ماتمینده
نوحه خواندی
نوحه خواندی
ویرانسرا دوشدی صفادن
آی ابالفضل آی ابالفضل
دور شامه گل کرب و بلادن
آی ابالفضل آی ابالفضل
ابوالفضل_عباسی_معروفان_اهری
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
قطره ای از دریای شجاعت عباس(ع)
کیمدور بو مینوب مرکبه میدانه رواندی
خورشید زمان اولماسا سلطان زماندی
سیمای پسندیده سی زیبا و فرحبخش
کیپریکلری پیکان کیمی قاشلاری کماندی
احساس اولونور گوزلری کانون حیادی
دریای شرف لبلرینون آلتدا نهان دی
بازولری سرسخت و قوی قامتی رعنا
بیر الده دوتوپ پرچم اسلامی جواندی
افسانه لره چوخ یازیلوب شرح حماسی
اما هامی آگاهیدی افسانه یالاندی
کیم ایستسه بیر شیر قوی پنجه نی گورسون
باخسون بو علمداره کی عیناً بو هماندی
بیر نوعی چکور نعره دیین وقتیده تکبیر
عرش اهلی دیوللر کی مگر وقت اذان دی
گل چهره سی بشاشیدی میدانیده اما
اخیامه باخاندا بیلینور چوخ نگران دی
تل اوسته گورور قیزلاری اللرده سوجامی
گوزیاشلاری باران کیمی میدانه رواندی
سسلور آقا قیزلاری آپار خیمه سرایه
غیرت منی ئولدوردی بولار طعنه ویراندی
یوز دوتدی غرض لشکر اشراره ابوالفضل
حیدر کیمی میداندا صداسی اوجالندی
فریاد ائلدی من خلف شیر خدایم
زهرانون عزیز اوغلونا لب تشنه فدایم
هییت متوسلین حضرت علی اکبر(ع)تبریز
/channel/motavasselan
حاج محمدباقر منصوری
احوالات حضرت ابوالفضل(ع)
هییت متوسلین حضرت علی اکبر(ع)تبریز
/channel/motavasselan
روضه_حضرت_فاطمه_زهرا
دایاقیدون منه داغ مثلی الیمده سپریم
آدون هر جنگیده سسلردیم اولاردی ظفریم
(زهرا سن منه فقط همسر دیردون فقط بالالاریمون ننه سی دیردون تک همسریمی الیمدن ویرسیدیم بیر بئله یانمازدم )
دایاقیدون منه داغ مثلی الیمده سپریم
آدون هر جنگیده سسلردیم اولاردی ظفریم
ذوالفقار الده بهانیدی سنیدون کسریم
قال الله تبارک و تعالی فی یوم القیامه
عرصات محشرده غیبیدن الله تبارم تعالی نین طرفینن سس گلر
أيها الناس غضوا ابصارکم
آی مردم گوزوزی یومون
گورلر بیرمحضون نوا گلر
جاءت شفیعة المحشر
جاءت ام الحسن والحسین
جاءت فاطمة الزهرا
آی مردم گوزوزی یومون حسینون ننه سی گلیر
هامی گوزون یومار مگر سادات مگر زهرا زاده لر
اما فقط سیدلر یوخ
علامه امینی بویورور قرار دییر سید اولاسان خانمی ئوزوه ننه بوله سن باخ اورگیوه گور زهرانی نقدر چوخ ایستیرسن
اگر خانمین محبتی اولسا سنده ننه دیه بولرسن
خانم وارد اولار تمام انبیا ، اولیا ، اوسیا پیغمبر رحمت بویورار فداها ابو ها قیزیم آتان سنه قربان بالا
اییلر خانمن الینن اوپر دیر قیزیم هرکسی آتاسینان تانیالار اما منه پیغمبر گتدیم معراجه گوردوم ملکلر بیر بیرینن زمزمه الیلر یول ویرین زهرانین باباسی گلور
قیزیم امتیمین شفاعتینه نه گتیریبسن بالا
خانم دایانار
وقالت فاطمة الزهرا یارسول الله
بابا ایستیرسن بوله سن نه گتیرمیشم
شفانی یدانه المقوئتانل العباس
بابا ابوالفضلیمین کسیلن الرین گتیرمیشم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
#حضرت_رقیه
کیم اولسا درده مبتلا رقیه دامنین دوتار
گلر مریض بی دوا رقیه دامنین دوتار
ویروب مدال افتخار او مه جماله فاطمه
آلاندا شامی آدینه یازوب قباله فاطمه
علم وروب خرابیه همان سه ساله فاطمه
گیدر غریب و آشنا رقیه دامنین دوتار
گر ایتسه خاک پاسینه نظر بو اوچ یاشندا قیز
ایدر نظرده تپراقی گهر بو اوچ یاشندا قیز
دی حاجتون نه ایسته سن ویرر بو اوچ یاشندا قیز
غم اهلی دلده مین نوا رقیه دامنین دوتار
اگر مریض عشقیسن واروندی تربته نیاز
توسل ایله صدقیله رقییه پس از نماز
ئوزی او قبری گورمیوب ولی سنه یازار جواز
که عاشقان کربلا رقیه دامنین دوتار
نجه سه ساله عاشقی من اوخشادیم اوشاقلارا
اوشاق مگر باخا بیلر قانا باتان دوداقلارا
سلام او راه شامیده قباراولان ایاقلارا
ادبله سالک وفا رقیه دامنین دوتار
سلام او نازدانه نین جلال و افتخارینه
که دردمندلر گیدوب دخیل اولار مزارینه
گر اولسا معنوی گوزون باخارسان اعتبارینه
فرشتگان نه سما رقیه دامنین دوتار
اوخوردا قبری که سالوب شعاعی شامه شعشعه
کیچیک رواقمیش صورا تاپودی بیله توسعه
هامی بلور بو مطلبین نیازی یوخدی مرجعه
ایشیتسه کیم یانایانا رقیه دامنین دوتار
مصمم اولدی شیعه لر اوگون که عزته چاتا
هامی مجاور ایولری آلوب خرابیه قاتا
دیولله بیر نفر ایوین موافق اولمادی ساتا
که غافلیدی، اولیا رقیه دامنین دوتار
گیچوبدی بیر زمان ایشی اونوندا دوشدی مشگله
واریدی بیر گوزل قیزی چوخ اوخشاداردیلار گوله
ایله مریض اولوب او قیز گروبله آز قالور ئوله
اونا کیم ایستسه شفا رقیه دامنین دوتار
زبسکه نا امید اولوب الینده چاره قالمادی
عریضه یازدی هر یره مریضه سی ساغالمادی
گلوبدی شیعه بیر طبیب دوا یازوب پول آلمادی
دیدی غم اهلی بینوا، رقیه دامینن دوتار
بس اعتقادی سُستیدی دیدی قبول ایدیم نجه
منیم قیزیما هیچ طبیب ایدنمیوب معالجه
رقیه گلدی از قضا بوخوسونا همان گجه
آتا باخور مریض بالا رقیه دامنین دوتار
سوروشدی کیم سن ای خانم که مایلم یوزون گورم
بویوردی دختر حسین من اوچ یاشیندا دکترم
عقیدن اولسا گلمیشم مریضوه شفا ویرم
دیمه ندندی هر گدا رقیه دامنین دوتار
رقییم سیزه گوره قبار اولوب ایاقلاریم
ایونده یوخ گوزوم منیم کهوار بهشته باغلاریم
حرم کیچیکدی زحمته دوشور گلن قوناقلاریم
گورورسن اهل هر قُرا رقیه دامنین دوتار
ئوزون ایتوردی اول قیزین گورنده منقلب حالین
سؤوندی دوردی باغلادی بئلینه شیعه لیق شالین
تشکر ایتماقا قاچوب خرابیه ایاق یالین
اولوبدی حاجتی روا رقیه دامنین دوتار
دیدی فدا اولوم خانم جلال و عزّ و جاهیوه
اجازه ویرسن اوزقویوم شرفلی بارگاهیوه
عنایتیله ایلدون نظر بو خاک راهیوه
یا سائل ایندی بی ریا رقیه دامنین دوتار
من ایندی دستخالیم نه وار خانم سنونکیدی
ایویمون ارزشی ندور منیم جانیم سنونکیدی
قیزیم کنیز ئوزوم غلام ادیم سانم سنونکیدی
آتا بالا گیوب قرا رقیه دامنین دوتار
بلی آدی رقیه نین هزار درده چاره دی
نو نکته لی سوز عاقله کنایه و اشاره دی
یری خرابه اولسادا ایشقلی بیر ستاره دی
سهیل و زهرا و سها رقیه دامنین دوتار
همین ستاره بیر گیجه گوروشدی آفتابیلن
طبقده گون طلوع ایدوب یوزونده قان حجابیلن
وفالی میزبان یودی او قانلی اشگنابیلن
دیدی فراق اودی بابا رقیه دامنین دوتار
بو خسته عاشقه بابا دوباره جان گتورموسن
معّیّتونده نه قوشون نه پاسبان گتورموسن
سفرده ارمغان منه دوداقدا قان گتورموسن
باخاندا نار ابتلا رقیه دامنین دوتار
خرابه ده داریخمشام یوخومدی همدم آی بابا
باشیمسز اوستن ایلمه بو سایه نی کم آی بابا
اوقدریس آختاروب سنی قوجالدی عمم آی بابا
بو غمده شعله بلا رقیه دامنین دوتار
من آشیانه سی یانوب قفسده پر چالان قوشام
یوروبدی اؤچلار منی قنادلاری یانان قوشام
گوروبسن هیچ یارالی قوش؟ یارالی من همان قوشام
شرار ظلم اشقیا رقیه دامنین دوتار
گجه گیچوبدی یا حسین سحر اذانه آز قالور
((کلامی)) الده بیر قلم خرابه نی یادا سالور
گوزی سنون الونده دی گدا کیمی قاپی چالور
دوشنده مشکله اودا رقیه دامنین دوتار
کلامی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
قارداشون یخوبلا قولسوز ای شه زمن یارالی
باش یارالی گوز یارالی یوز یارا بدن یارالی
بسکه بد نظر توخوندی هاشمی قمر جماله
ووردی چشم زخم الیندن قانلی توپراقیله هاله
قورخورام دیم او بدرون دوندی ایشگه بیر هلاله
آز قالور جداده گورسون هر گیدن گلن یارالی
من غلام خانه زادم نوکرم سنه وفالی
سندن اخذ ایدوب ابوالفضل هر فضیلت و کمالی
محضرونده خدمتیمده اولمیوب قصور اولالی
تک بو گون اولوب که دوشدوم اقتداریدن یارالی
سیّدی سنه بُلورسن من صدیق جان نثارم
آستان عزّتونده بیر ذلیل خاکسارم
بیر قصور خدمت اوسته سرفکنده شرمسارم
روی خجلتیم یر اوسته سورتولوب گیدن یارالی
مندن اینجیمه که یتموب خدمتیم بو چولده باشه
چنگ ووردوم ال چاتونجا ذیل و همّت و تلاشه
آخِر اللریم کسیلدی کشمکش دایاندی باشه
وار هنوز او کشمکشلر باشیم اوسته من یارالی
من او شیریدیم که مین لر شیر شرزه لر شکاریم
دشمنین بیلین قراردی قانلی پنجه دن فشاریم
ایمدی پنجه سی کسیلموش شیره دوندی روزگاریم
دسته ی شغال الینده دست و پنجه دن یارالی
قان آخور یارالاریمدان هر نفس نفس آلاندا
خاصّه باشیمی کسنلر زحمته منی سالاندا
روحیم ایستوری که اوچسون حالدن حالا قالاندا
پیکریمده تاپماز امّا روزن اولمین یارالی
من یارالیه غریبه قان اگرچه داغ داش آغلار
پیکریمده گوز گوز اولموش یاره لرده قارداش آغلار
اوز گوزوم ولی سنون بو نسگلونده قانیاش آغلار
سن بیلی بوکولموش اولدون من بیلی بوکن یارالی
بیر سو صحبتی اولوندی تلّی من آشان زماندا
گوزلیم سو اوسته قالدی گوزده سو داشان زماندا
برق تیغیمیله دریا لشکره جوشان زماندا
بو شرارده دردیم اولدی سوزی سونمین یارالی
اسدی صرصر مخالف قوپدی بیر مهیب طوفان
قورخودان قاچان الیندن تنگ اولوب وسیع میدان
خطّ سیرینی ایتوردی گویده هر خدنگ پرّان
یول آزان خدنگلردن اولدی چوخ دوشن یارالی
بیر قیامت اولدی سالماز مثلینی زمانه یاده
بیر بیرین قاچور ایاخلور چه سواره چه پیاده
چوخلارین بو چولده گیتدی خرمن حیاتی باده
چوخلاری یخلدی یرده شیون ایلین یارالی
من او گیر و دار ایچینده فوراً آت بیلینده یاتدیم
کیپریگیم کیمی دوزولموش اوخلاری گوزومدن آتدیم
آت سالوب سو اوسته بیر باش یول آچوب فراته چاتدیم
من سویوندوم ایتدی دشمن قلبیمی محن یارالی
من فراتدن چخاندا خیمیه ساری شتابان
اوخ آتانلارا او ساعت سعدین اوغلی ویردی فرمان
ایلیون بو هاشمینی ای گروه تیر باران
اوخلیون بو شاهبازی دوشدون اوخ یین یارالی
دوتدی بیر قرا بولود تک اوخ فضای کارزاری
چالدی اودلی اِلدیریملار هر خدنگ جانشکاری
یاغدی چوخلی قان یاغشلار، قانلی سیل لر اولدی جاری
ایلدی منی او سیل لر سرو ریشه کن یارالی
موج ووردی قانلی سیل لر که منی خوب آپارسون
داغ کیمی دایاندیقیمدان ریشه می قازوب قوپارسون
آتدیم اللریمی بلکه غرقه دن منی قوتارسون
اللریمده گیتدی اولدوم قان آرا اوزَن یارالی
قول بوداق لاری وورولموش دوشدی سرو بوستانین
گللریم سارالدی سولدی، گیتدی ذوقی گلستانین
هانسی گلدی گوگلون آلسون دلشکسته باغبانین
دلدن اولدی لاله داغلی یاس و یاسمن یارالی
سیّدی دیولّه هر کیم بسلیه سنه ارادت
جان ویرن زمانی ایلر گل جمالیوی زیارت
لطف قیل منیمده اولسون قسمتیمده بو سعادت
بو قتیل کویون اولسون عارضون گورن یارالی
من دیمم بو کمترینه لطفیوی زیادت ایله
لیک من غلامه شانون قدریجه عنایت ایله
گیتدیم الدن اولسا ممکن گَل منی عیادت ایله
قبله سینی گورسون اُلسون صاق صولا دونن یارالی
هر نفسده مرغ روحیم واردی اوچماقا هوسده
منده ایلرم تامّل بیر دقیقه هر نفسده
ایستورم بیر آز یوبانسون روحیمون قوشی قفسده
روحینی باش اوسته گورسون بیرده جان ویرن یارالی
سن بُلورسن انتظارین دردی چوخ یاماندی قارداش
اُلدوم انتظار الیندن دورموری گوزومده قانیاش
قورخورام که سن گَلینجه آیریلا گیده سنان باش
من اُلم دیسونله اُلدی حسرتون چکن یارالی
لطفون اولسا ایله سن گر سرفراز عیادتیمدن
هیچ یره منی آپارما مصرع شهادتیمدن
قوی یوزوم قوری یر اوسته من اُلوم خجالتیمدن
اِللریم دیسونله ایللر وای خجل اُلن یارالی
گورسن اوخلی گوز قان آغلار آغلادان منی او اوخدی
نه بو یاره لردی کاری که ستاره دنده چوخدی
اوخلی مشکیده سو یوخدی آغلادان منی او یوخدی
مشکی اوخلاناندا سقّا اوخشار آغلین یارالی
غم یمه که بیرقون من ساخلیانمادیم سرافراز
قانلی پرچمیم اُلمده قبریده یاتامدا یاتماز
ضامنم اوزوم که بیر دم اهتزازدن دایانماز
حشر اولونجا قبریم اوسته گورسنر اسن یارالی
نوفل ایلین ستمدن عرشه ظلملر دایاندی
ایسّی قان سپیلدی باشدان دشمنیم آلشدی یاندی
پرچمیم باشمدان اُپدی قرمزی قانا بویاندی
پرچمیمده منده اولدوخ القان آغلین یارالی
بس او یارم اولدی کاری رختی صبریمین سویولدی
ال هانی باشا قویِیدیم اورگیم باشی اویولدی
گَلدی مرتضی نجفدن باشیمه الی قویولدی
دیدی یوز یوزه قویاق گَل من یارالی سن یارالی
🏴کانال هیئت متوسلین حضرت علی اکبر(ع)تبریز🏴
https://telegra
مجلس یزید
چون حسینون باشینی گویدی مقابلده یزید
باخدی قانلی باشا گولدی او پلید اوغلی پلید
خیزرانی اسرا گوردیله قان آغلادیلار
یومدیلار گوزلرینی سینه لرین داغلادیلار
کیم تیکان اوسته قاچا چون ایاقی یاره اولار
ایاق اوسته دورا بیلمز یره فورا یخیلار
هندین اوغلی نجه گور حرمت ائدوبدور قوناقا
خیزارانیله ویروب طشتیده قانلی دوداقا
باخدی قیزلار اوزمان زینبه اول مأواده
باخدی زینب ده قولی باغلی آقام سجاده
دِی یزید ورمیا دای قارداشیمون لبلرینه
هرقدر ویرسا منی وورسون حسینون یرینه
یوز دوتوب غیضیله زینب دئدی یبن الطلقا
وور نقدری ووراجاقسان او یارالی دوداقا
منه چوخ باخما گلان برج حیا اولدوزیام
فاطمه نائبی ام شیرخدانین قیزیام
بئله فکر ائتمه بو مجلسده اسیرم سنه من
اگمرم اگممیشم باشیمی اهریمنه من
چوخ تکبرله اوتورما سنی من خوار ائلرم
قدرت اللّهیله مین درده گرفتار ائدرم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
كربلاي حسين عيني فرد
يوخدي الله منيم بير كسيم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
آنانین اولمه سی انسانی پریشان ائیلر
اود ویرار قلبلره گوزلری گریان ائیلر
هرکیمین کی آناسی وار دیزینین طاقتی وار
دانیشان وقتیده خوش لحنیلی هم صحبتی وار
غم دوتان وقتیده قلبی سوزه خوش فرصتی وار
هر کیمین یوخ آناسی غصه دن افغان ائیلر
آنانین اولمه سی انسانی پریشان ائیلر
یوخ محبتده یقینا" آنانین همتاسی
اولاد اوسته اودا یانماقدا یوخی پرواسی
یوخ نظیری بوجهاندا آنانین لالاسی
اوندان آیریلما چتیندی اوره گی قان ائیلر
آنانین اولمه سی انسانی پریشان ائیلر
مهربان روح و رواندی هامی انسانه آنا
بالا چون شمعیدی روشن اونا پروانه آنا
حیف دور کی یتیره عمرونی پایانه آنا
بالانی آیریلیقی دهریده نالان ائیلر
آنانین اولمه سی انسانی پریشان ائیلر
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
روضه شهادت حضرت فاطمه زهرا(س)
ائلده بیر قائده وار یاخجی بولر اهل نظر
بیرینین ئولسه جوان عورتی دنیاده اگر
قوم وهمسایه اشیدسه توکولوب هامی گلر
بئله ساعتده اولار سینه لرین داغلالار
گوشولوب یاسلیا ایوده ئولنه آغلالار
خاصه کی تیر بلیاته نشان اولسا ئولن
ئوزی خردا بالالی دل نگران اولسا ئولن
همسری لایق وشایسته توان اولسا ئولن
یاندرار عالمی بو درد ومصیبت علنی
آغلادار ئوز ئوزونه محنتی یاسه گلنی
مطلبی من دیدیم آلدون دیلیوه غم دولدی
قائد اعظم شرعون قیزی گل تک سولدی
ئولدی زهراولی بو قائده برعکس اولدی
دیمورم ئولماقنی بولدوله یا بولمه دیلر
بوقدر واردی کی تشیعینده گلمدیلر
ئولنین اولسا نچه طفلی اورک داغلالار
یوزه گوز یاشلارینی حسرتیله باغلالار
اوجادان وای آناوای ذکر الیوب آغلالار
(بیرنفره ایندیه جا دیمیبلر ننوه اوجادان آغلاما اله ورار دیزینه سسلر ایوای ننم ایوای)
فاطمه گلری راحتله نفس چکمدیلر
ماتمینده آنانون بیر اوجا سس چکمدیلر
دیدی مولا دیمیرم سینه زی سیز داغلامیون
ماتمینده آنازون اشکی یوزه باغلامیون
بولوسوز مشکلوموز وار اوجادان آغلامیون
امر مولایه گئجه هامی اطاعت اله دی
آیری طرزیله بودستوری رعایت اله دی
(گوره سن بیر خانواده نون بوجور ایشی ایلر؟)
راوی سلماندی دییر گچمیشیدی چوخ گئجه دن
ایوده مشغول نماز شبیدیم غرق محن
اوگئجه چوخ نگرانیدیم اله فاطمه دن
قاپی آهسته دویولدی اورگیم دیسگیندی
دیدم الله گوره سن خیر اولا ایندی کیمدی؟
حجره نی ترک ایلدیم دیلده بسی شور ونوا
نگران چخدم اتاقدان گوره سن کیمدی خدا؟
خبر آلدیم گئجه نین عالمی کیم سن قاپدا؟
فوری بولدوم اوزمان نور خدا جلوه سیدور
سسلرینن تاندیم کی حسنینین سسیدور
دیدی آهسته عمو آچ قاپنی من حسنم
بیر سوزوم وار سن اوچون غرق بلا ومحنم
گلیسن گل داخی تأخیر المه ئولدی ننم
الغرض باشلادی غسلون گئجه نون وقتی علی
(راوی دییر باخردیم گوردوم امیرالمومنین زهرایه غسل ویریر الین غسلدان چکدی یوزون قویدی دیواره اله بتر آغلور عرض الدیم علی زهرانون آیرلیقنا آغلوسان یانه؟ گوردوم دیدی یوخ الیم دیدی زهرانون تازیانه یرلرینه گوردوم زهرانون یوزی قره لیب ایوای منه وای منه)
غرض سیلی یری مستور اولوب زلف معنبردن
یوزون گیزلتدی بیر مدت خانم اولاد وهمسردن
ولیکن وقت او،وقت اولدی ویریلسین غسل زهرایه
چخاردبلار لباسون مغسل اوسته ماه پیکردن
قالوب اینیده بیرجه ئوز وصیت ایتدقی کوینک
مبادا مرتضی آگاه اولا قنفذ وران یردن
دریغا غسلونا مشغول اولاندا ساقی کوثر
آیون نوری نهان محنتلری فاش ایلدی بیردن
علیدن گیزلنن سیلی یری نهان اولدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
استاد سیفی
یا حسین (ع)
چالشدیم عُمر بوئی تا نگاریم اولدی حسین
دُعای واجب لیل و نهاریم اولدی حسین
سالاندا تنگه منی جاهلون مَلامت اوخی
انیس راز دلِ بیقرایم اولدی حسین...
اَل ئوزدوم الفتِ دنیای کینه پَروردن
ویروبدی بخت مَدد شهریاریم اولدی حسین
جنون عشقیمه طعنه ورآندا خام رقیب
کرامت ایلدی تز غمگساریم اولدی حسین....
بوعشقِ نابیده به به غریبه معجزه وار
گوروب ارادتیمی ، اعتباریم اولدی حسین
اویاق قالوب گئجه لر سوگوار اولاندا دلیم
ایشیق سَپَن قَمَرِ لیلِ تاریم اولدی حسین....
یتشدی یوسفِ صدّیقه گر صدارتِ مصر
منیمده دهریده دار و نداریم اولدی حسین....
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ای پناه بی پناهان
سبک: من مانده ام تنها ی تنها
ای پناه بی پناهان یابن زهرا یابن زهرا
زینت اقصار رضوان یابن زهرا یابن زهرا
جوروظلمیله بو دنیا دولدی مولا دولدی مولا
گل گلن یولارا قربان یابن زهرا یابن زهرا
رهبر اهل جهانسان پور حیدر پور حیدر
منتظردی اهل ایمان یابن زهرا یابن زهرا
گل عدالت پرچمین سن سرفراز ایت سرفراز ایت
ظلم ایدوب دنیاده طغیان یابن زهرا یابن زهرا
شیعه لر ایلیور غم احساس ای حسینون یادگاری یادگاری
جان سنه قربان آقاجان یابن زهرا یابن زهرا
جان ویروب نهر اوسته سقا زنده قالسون دین قرآن
اولدی بوغمده اورک قان یابن زهرا یابن زهرا
شیعه نون آرام و جانی گل آقاجان گل آقاجان
ای اولان عالمده سلطان یابن زهرا یابن زهرا
پرچم قرآن الینده گل بیزی قورتار بو غمدن
شیعه نی یوردی بو هجران یابن زهرا یابن زهرا
منتظر گوزلر قالوبدی یولدا مولا یولدا مولا
یول گوزتلور اهل قرآن یابن زهرا یابن زهرا
سن گلن یولاره قربان یابن زهرا یابن زهرا
شمع سن پروانه بوجان یابن زهرا یابن زهرا
مهدی ملکی زنجانی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
سلام به امام زمان
اي امام منتظر مرآت يزدان السلام
گل ئوزون ائيله بودنياني چراغان السلام
السلام اي مهدي صـاحـب زمان
السلام اي جـدينون قانيـن آلان
سن او وجه الله باقي سن که اي شاه غيور
طلعت حسنوندن ائيلر ماه و انجم کسب نور
آتش هجرونده ياندوخ ائيله تعجيل ظهور
ابرغيبتـده قالان اي مـاه تا بان السلام
يئر يوزون دولدوردي جور و ظلم ياصاحب زمان
گلستان دينه هر دمده اَسور باد خزان
کسمه لطفون گُل لروندن اي وفالي باغبان
قيل نظر گلـزار دينه اولدي خندان السلام
غيبتون طول اولدي اي شمس هدي والا مقام
مدّت عمرون اولوب مين يوز اوتوز بير ايل تمام
شيعه لردائم فراقوندا سيزيلدار صبح و شام
اي وجودي پيـکر قرآن ايچون جان السلام
کشتي دينه ازلدن سنسن آخر ناخدا
دم بدم موجه گلور دريا کيمي بحر بلا
کشتي دين آزقالور غرق اولسون اي شمس هدا
السلام اي ناجي کشتـي قرآن السلام
انتظار مقدمونله اولدي بو ديللرکباب
هانسي ساعتدور اولا بوقانلي ديللر کا مياب
قيل ظهور اي چرخ دينه بير ايشقلي آفتاب
اي جمالين روحبخش مهر رخشان السلام
اسم پاکي حجّت حق مهدي قائم لقب
آغليان جدي حسينون ماتمين ده روز و شب
قويما جدّون قاني قالسون يئرده اي والانسب
السلام اي منتقم وي صاحب قان السلام
ايليوب ايما (اشاره) بومعنايه خداي لاينام
هرکسي مظلوم اُله آلسين وليسي انتقام
يئرده قالسين تابکي خون امام مستظام
اي ايدن عدليله بوعالمده ديوان السلام
ظلم دشت کربلادن اي اولان خونين جگر
روز شب غمدن توکن گُل عارضه اشک بصر
قيل ظهورون اي وليّ حق امام منتظر
وي ظهوري شيعيانه لطف شايان السلام
حاج جواد آدلو بوشعره باني اولدي مدحيا
قسمتي اولسـا سنيله گـرديـار کربـلا
اوردا بئيله ذکر ائله اولسون سنيله همصدا
عرض ائله ياحجت الله شاه عطشان السلام
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
پنجشنبہ است
" شاخه گلے" بفرستيم
براےتمام آنهايے
ڪہ دربين مانيستند
ولے"دعاهایشان" هنوزڪارگشاست
و يادشان هميشه با ماست
"روحشان شاد ويادشان گرامےباد"
@motavasselan
واردور مسافریم اودی یول گوزلورم گله
خرابیه ایاق قویانان رقیه هی یانا یانا دییردی عمه بابام منه قول ویریب خرابیه گله
واردور مسافریم اودی یول گوزلورم گله
ویرانه یرده گون سایرام تابابام گله
شامین خانملارینان اونا ایلرم گله
گلسه بابام فراق اوتونا بیرده یانمارام
ویرانه گوشه سینده پریشان دولانمارام
آخروداعیده ذوالجناحین قاباقین کستی رقیه:دیدی باباآتونان ان یره اورگیم چرپنیر آیرلیقوا دوزنمورم بابا
قیزیم:حیدره خاطر پیاده مسجده قاشدی ننم
سنده گلدین مندن اوتری قلبیده منلر دوغم
بالا سن منیم خردا ننم سن من گرک آتدان انم
دیدی بابا بیرده سنی هارداگوروم آی بابا
دیدی قیزیم شامیده ویرانیه گلم بالا
القصه آرزوسینه چاتدی اونور عین
ازبس کی یاندی آغلادی باآه وشوروشین
گلدی خرابه منزله اوغلی ئولن حسین
گوردی طبقده تا آتا باشین اودلربا
ویرانه منزله دیدی خوش گلدین آی بابا
شرمنده ایلدی منی بوگلمگین بابا
جان رشتمه دوشوبدی آغیر بیر دوگون بابا
ایله دعا بوغصه لی ایوده بوگون بابا
تیرغمیلیه بویارلی قلبی بولوم بابا
آغوشه یارلی باشیوی آلجاخ ئولوم بابا
ایله دعا یاسیم بابا گوزیاشسیز اولماسین
هیچ غملی خانواده بئله باشسیز اولماسین
هیچ بیر باجی بی بیم کیمی قارداشسیز اولماسین
غم قرعه سی اونون آدینا چخدی آی بابا
غملر اوقهرمان بی بیمی یخدی آی بابا
اوقدر آغلادی یارالی باش بیریانا دوشدی رقیه بیریانا زینب بالانی آلدی قوجاقینه
قیزیم
دائم قره معجر سالان عمون سنه قربان
آرامینی غملر آلان عمون سنه قربان
قارداشسیز اوغولسوز قالان عمون سنه قربان
دیدی سجادیم بالا دینن یزیده
ئولدی رقیه دهریده هیچ گلمسین یوزون
غساله گوندر عملریم ئولدورور ئوزون
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
السلام وعلیک یابنت الحسین (ع)
بیر سه ساله دخترم من؛ زینبین شاگردیم
عشقیده نام اورم من ؛زینبین شاگردیم
اوچ امامه دلبرم من؛زینبین شاگردیم
یادگار حیدرم من؛زینبین شاگردیم
قلبیده حب الحسین جزو اصول الدینیدور
من اونا یارم وظیفم اوزگه دن سنگینیدور
گوزلری چخسون کیم آل عصمته بدبینیدور
حق یولومدان دونمرم من زیببین شاگردیم
من دمشقی آلمیشام اعلان ایدون کافر لره
یادگار حیدرم. من زینبین شاگردیم
آند اولا شاه شهیدین قانلی عاشوراسینه
آند ولا شبه پیمبر اکبرین تقواسینه
آند اولا عباس عمومون بانگ یا زهراسینه
عمه مه هم سنگرم من زینبین شاگردیم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
شجاعت حضرت علی اکبر (ع)
قـلب مـیدانیده یــا ربّ مه انور دایـــــانوب
ماه یوخ سهو ائلدیم، شمس منور دایانوب
بـــی مثل خــــــلق ائلییبدور بونـــی رب ازلــــی
مست ائدور هر گوره نی عرصه ده طاها گوزلی
دایــــــانوب سینــه ی میدانیده طــــوبی مثلـــــــی
کیم گورور فکر ائلیور سرو صنوبر دایانوب
هامی بیر خنجریلن رزم ائدرای اهل شعور
ولی اوچ خنجریلن رزمه گـلیب زاده ی نور
بیری الده ،ایکیسی لــــیک جمالینده گــــلور
گول یوزینده نئجه گورباش باشا خنجردایانوب
آتانین بوسه سی چیگنینده اولوب سردوشی
آغــزی صندوق گــهر، غنچه لبی درپوشی
ســـاقی اکبردی اولوب اکبر اول می نوشی
مستیدور لیک گینه طالب کوثر دایانوب
ائلیوب نقشه ی رخساری بوتون عالمی مات
گورجگین مه یوزونی شوره گلیب نهر فرات
مست ائـدوب لشگر اعــدانی بو عالیه صفات
صف به صف صورتینه باخماقا لشگر دایانوب
باشدا عمـّـــامه ی خاتم، یوزی بشاش و جلی
بیر سوز اما بورییب صحنه ی جنگ وجدلی
هیبتیندن هــــــامی سسلندی گلوب جنگه علی
جنگ خیبردی مگر فاتح خیبر دایانوب
بیــری دئی سینه ی میدانیده حیدر دایـانوب
بیری دئی سهو ائلمه ختم پیمبر دایـــــانوب
بیری دئی صاحب علم شیر دلاور دایانوب
سعدین اوغلی دئدی یوخ، عرصه ده اکبر دایانوب
آچـــدی لعل لبینی اکــبر او دم گفتــاره
دوتدی یوز لشگر بی عاطفه و اشراره
آدیمـــی قؤی دئدی اعلان ائلییم اغیاره
صحنه ده تا بیلینه هانسی هنرور دایانوب
ای سپـاه اموی ، شبه پیمبردی آدیم
وارث شیرخدا ،حیدره بنذردی آدیم
اختر برج وفایم ،علی اکبردی آدیم
روبرو دشمنیلن عشق مصور دایانوب
ملکوت اهلی بیلور مظهراحساسم من
فقهـــا سـرورییم دشمن خنّــاسم مـــن
دانش آمـوخته ی مکتب عبــــاسم من
تلین اوستونده او استاد موقر دایانوب
هییت متوسلین حضرت علی اکبر(ع)تبریز
/channel/motavasselan
حاج رضا اکبری
شب شهادت خانم رقیه (س)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
سبک ای منیم نازنین نگاریم
گل بابا سلب اولوب توانیم – عرشه اوج ایلوری فغانیم
یاخجی وقته بابا گلوبسن – گور چخور هاردا خسته جانیم
قلبیمی تیر درد و غمله بولورم
گل دوشوبدور نفس شماره اولورم
مظلوم بابا
روزگاریم بابا قرادی –دوشموشم درده بی دوادی
هیچ سنی بیله گورمه میشدیم – وای منه لبلرون یارادی
کیم سنی سالدی بیله احواله بابا
قان چکوب گل جمالیوه حاله بابا
مظلوم بابا
ای اولان غملره نشانه – گلمیشم نی کیمی فغانه
گوزلرینن ایراق یارالی – چوخ یوروبدی منی زمانه
فرقتونده غم اوسته غم آلدی قیزین
گل بابا گور نه گونلره قالدی قیزین
مظلوم بابا
شامیان بزم قوروبلا – کینه اوسته بابا دوروبلا
کربلادن یتونجه شامه – آغلیاندا بابا ویروبلا
زجر ویردی ئوزومه بیر سیلی بابا
آچ گوزین باخ ئوزیم اولوب نیلی بابا
مظلوم بابا
چوخ محن وار بابا سوزیمده – چوخ اثر ایلیوب اوزومده
ضربت سیلدن آنام تک – قان قالوبدی بابا گوزیمده
عمه مین حالینی مراعات ایلورم
معجرین آتدا ئوزیمی گیزلیرم
مظلوم بابا
آچ گوزین ای سوسوز قوناقیم – گورداغلمیش نجه تفاقیم
بس کی قاچدیم تکانلار اوسته – آبله باغلیوب ایاقیم
یولدا چوخ دویدوله منی قوم دنی
گتدیلر پا پیاده شاماته منی
مظلوم بابا
قوی ائدیم بو غمه اشاره – ایلین یوخ بو درده چاره
کاش بابا غارت اولمییدی – دست ظلمیله گاهواره
چوخ گیجه غصه تیر غم قلبه ساچوب
حال رویاده گورم اصغر دل آچوب
مظلوم بابا
غم منی ایلیوبدی دلگیر – اولموشام باش و جانیدن سیر
آزقالور جان چخا دوداقدان – گردنیمده قالوبدی زنجیر
یوخ دین شیمره دردیمی سان ویریرم
تا بو زنجیری آچا من جان ویرورم
مظلوم بابا
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زنده یاد حاج محمد باقر منصوری
شهادت حضرت رقیه(س)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حضرت رقیه سلام الله علیها
مرحوم انور
ال سینه ده ویرانه بوجاقینده رقیّه
جان ویردی آتا باشی قوجاقینده رقیّه
غسّاله گلوب غسل ایده اول جسم ضعیفه
گوردی ایله پژمرده یاتوبدور او عفیفه
نه بالشی واردور نه وار اوستونده قدیفه
چوخ ناله ایدوب آغلیوب آخِر نفسینده
گویا قنادی باغلی قوش ئولموش قفسینده
تل تل توکولوب طرّه لری ماه لقایه
گیسولر سنبلدی باتوب خاک فنایه
بنزر دهنی غنچه پر عطر و صفایه
لعلی دوداقی قامت رعناسی گوزلدی
ابرولری کیپریکلری سیماسی گوزلدی
بیر کهنه قبادی صورا یوخ آیری لباسی
باشیندا آتا قارداشینون واردی قراسی
گاهی بیبیسی اوخشور اونا گاهی آناسی
غم گردینه آلوده اولوب چهره ی آفاق
بیر عدّه یتیمه سووورور باشینه توپراق
زینبدن آلوب عورت غسّاله اجازه
غسل ایلیه دلبند شهنشاه حجازه
تا ایستدی وورسون الینی اول گل نازه
آهسته سویوندور دیدی خاتون مکرّم
غسّاله مراعات ایله یورقوندی رقیّم
سالموش نه حالا گور بالامی درد اسارت
زندانی ایدوب چکمدی شام اهلی خجالت
ئولمزدی بو مظلوم بالا ئولدوردی شماتت
آز عمر ایلدی قلبی غمیله دولی گیتدی
زهرا آناما بنزدی زهرا یولی گیتدی
اول گونکه قدم محبس اغیاره قویوبدی
گوندوزلری هجران غمی آواره قویوبدی
زیبا یوزونی چوخ گجه دیواره قویوبدی
دائم بالاجا اللری بوینوندا قالوبدی
گیتموبدی طنابین یری بوینونا قالوبدی
آگهدی بو مظلوم بالانون دردینه زینب
شاماته کیمی زجر ایلیوب یولدا معذّب
سن غسل ویرنده بوله جاقسان ندی مطلب
بو سهلیدی گل تک یوزونون رنگی سولوبدی
قمچی اثریندن بدنی یول یول اولوبدی
غسّاله سویوندوردی او مظلومه بالانی
گورسندی گوزه قمچی لرین ردّ و نشانی
زهرا قیزینون قلبیده آرتدی ضربانی
ال آتدی خانملار باشنا گلدی نوایه
غسّاله ده سس ویردی قوشولدی اسرایه
سوز چوخدی اگر یازسام اورکلر اولی شان شان
تشریحینه مشکلدی دوام ایلیه انسان
غسّاله غرض ویردی اونون غسلینه پایان
عرض ایلدی خلعت گتیرون تا کفن اولسون
زینب دیدی آق یوخدی قرا پیرهن اولسون
سوز چکدی سوزی خامه بو مشکل سوزی یازدی
مین ایلده اکر عمر ایلسوق آغلاسوق آزدی
دیلر بالاجا قبرین اونون عمّه سی قازدی
اول قبر که مشتاقی اونون چوخدی دوزلدی
کفن ایلدیلر نوبه صورا دفنینه گلدی
اشک اسرا طعنه ووروب بارش ابره
بیر سوز دیدی زینب دوشوب اود خرمن صبره
بو نازلی رقیّمدی گیدور خانه ی قبره
دویسا هامی بوندان بولوسوز عمّه سی دویماز
ایستکلی سینی قبره بو آسانلوقا قویماز
حسرتله آخوب شامیده بیر کوکب اقبال
قبری اولاجاق شیعه لره کعبه ی آمال
شهزاده دی دفنینده گرکدی اولا اجلال
نوحه ایله اولار هر ئولونون بزمی مجلّل
کلثوم بو مظلوم بالانی اوخشاسون اوّل
زهرا قیزی زهرا قیزینون یاندی سوزوندن
اوّل خم اولوبدور بالانون ئوپدی یوزوندن
بیر یاندریجی سوز دیدی اشک آخدی گوزوندن
ای بیر ائلون ایستکلیسی تیز دویدون ائلوندن
صغرایه نشان ویر آپاروم قاره تلوندن
مشق آلدی سکینه گوزی یاشلی بیبی سیندن
گَتدی دله بیر سوز اسرا ایلدی شیون
دلدن نه دوشوبسن باجی گل بیر دله دللن
غم گلشنینون بلبلی سن نغمه وی کسمه
اکبر یاننا گیتماقا بو قدری تلسمه
نوبت یتیشوب تازه گلین ایلدی گفتار
افسوس گلینلیق آدی اوستومده منیم وار
باش آچمورام علّت اودی بو بزمیده ناچار
قورخوم بودی محنتلی سریّه سنا مندن
امّا اورگیم نیلیوم آیریلموری سندن
بیر بیر هاموسی اوخشادی اول غنچه ی نازی
قورتاردی یانان شمعلرین سوز و گدازی
زینب چاغیروب همسر سلطان حجازی
یوز دوتدی ربابه دیدی ای ماه حجیزیم
بیز نوحه دیدوق سن نیه دینمورسن عزیزیم
عرض ایتدی خانم دردیمه گیزلینده یانوردوم
ویرانه بوجاقینده گیدوب دالدالانوردوم
نیلوم قاباقا گلماقا سندن اوتانوردوم
ای شمس حیا بانوی محبوب و عزیزه
یاخشی کرم ایتدون بو اورک داغلی کنیزه
هر چند خانم بحر مصیباتیده غرقم
غمدن صورا یوخدور بو گونی قاریه همدم
چوخ سوز دیمرم چونکه مسافردی رقیّم
کافیدی بو صحبت اورگون ایستین ئولدی
باشون صاق اولا اصغره لایلای دین ئولدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
بئلــه نظمیلـه گــزَن گُنبـد دواره قسم
عـرش و هم فـرشَ قسم ثابت و سیاره قسم
دینـی احیــا الییـن احمـد مختاره قسم
نـائـب ختـم نبـی حیـدر کـراره قسم
حـامـلِ پـرچـم دیـن جعفـر طیاره قسم
حمـزه و مـالکِ بی بـاک و سپه داره قسم
کوفـه شهرینـده قالان مسلم بی یاره قسم
هم حبیـب بـن مظـاهـر او فـداکاره قسم
علقم اوستونده یاتان قولسوز علمداره قسم
عشـق حیـدر بیزه هم قیمت و هم عزتدی
مرتضـا حقینـی انکـار الیـن مُـرتـدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw