1504
آدرس اینیستاگرام http://www.instagram.com/motavasselan1 رجز نوحه های تصویری صوتی اشعارحسینی شور ارتباط با آدمین تبادل ارسال مطلب @YaAliAkbarMadadi
دوشجک مجلسه غوغا آچا بیلسم دردی
اصغرون قانی یره شال مصیبت سردی
قوزی قربانی حسین خیمه لره قیتردی
یاری یولدیدی هله دل نگران اولدی آقا
هر نه فکر ایلدی گوردی گیده بیلمور قاباقا
تیر غم سینه پر دردینی آز قالدی بوله
آتش آهینی بیر آنیده یایدی او چوله
دیدی ممکندی رباب اوخ یاراسین گورسه اوله
ایتدی اندیشه او بانوی نجیبون حالینا
الده آهوسی گلوب خیمه سرالر دالینا
قویدی آهسته یره اصغرینی زار و نزار
قازدی شمشیرین اوجیلا اونا بیر خیردا مزار
ایستدی دفن ایلیه غنچه نی سلب اولدی قرار
نه قدر جهد ایلدی اولمادی حاکم صبره
قوزی قربانینی گوردی قویا بیلمور قبره.
بو چتین لحظه ده چوخ سوز و گداز ایتدی امام
خالق سرمدیلن راز و نیاز ایتدی امام
ایکی رکعت اتگی قانلی نماز ایتدی امام
پیر احرار جهان عشقون او غوغا سالانی
دوشلوگی قانلی قویوب قبره اودیلسیز بالانی
لطف حقدن که اله سالدی حسین صبر جمیل
الده کی لاله نی تا تپراقا تاپشوردی خلیل
گوردی سس گلدی حسین صود امرون قدرینی بیل
چکمه چوخ غم الون اوسته بالوون اولمگینه
جنتی ویردیم اونا اوچ پر اوخا گولمگینه
استادسیفی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کربلایی حجت مرتضایی
مولا اباالفضل ع
سقای حسین زینبه دلبردی ابالفضل
آزاده لرین جمعینه سروردی ابالفضل
دشمن قاباقیندااله بیل حیدر کرار
میداندا اوزی یک تنه لشکردی ابالفضل.....
معنای وفادی شرف اهل ولادی
عالم بیلوری شیعیه رهبردی ابالفضل
گنجینه عشقین شرفی نور هدادی
رزمنده دی چون رزمینی ازبردی ابالفضل.....
بازولرینی اوپدی علی تاپدی شهامت
مین لشکر وگردانه برابردی ابالفضل
دعواده ویروب مارده بیر ضربه سنگین
میدان شجاعتده دلاوردی ابالفضل....
سرهنگ حسین علقمده ایلدی طوفان
چون شیر ژیان جنگیده حیدردی ابالفضل
دردی اولانا نسخه دی بو باب الحوایج
چون جلوه رحمانی داوردی ابالفضل.....
اخیامیده هامی چاغیرور دی گوزل آدین
لب تشنه لره ساقی ویاوردی ابالفضل
زهرا آناسی روز جزا ده دیه جاقدی
قوللاری قلم شافع محشردی ابالفضل....
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
مرحوم سید جواد ذاکر
هییت متوسلین حضرت علی اکبر(ع)تبریز
/channel/motavasselan
بوحسين كيمدي هجوم ايلدي ابليسه طرف
بوحسين كيمدي ياييپ هر طرفه درس شرف
بوحسين كيمدي كه فخرائتدي اونا شاه نجف
بوحسين كيمدي عدالت اونا مديوندي فقط
بوحسين كيمدي كه عشاق اونا مجنوندي فقط
بوحسين كيمدي خدايا بئله اعجاز ائلدي
بوحسين كيمدي شفاعت قاپسين باز ائله دي
بوحسين كيمدي كه روحي گويه پرواز ائله دي
بوحسين كيمدي كه آغلاتدي غمي ماملكي
بوحسين كيمدي تحيرده قويوب نه فلكي
بوحسين كيمدي كه ظلمون قباقندا دوردي
بوحسين كيمدي كه اهريمنه سيلي ووردي
بوحسين كيمدي كه بو خيمه وحدت قوردي
بوحسين كيمدي كه عشاق اورگين ياندردي
بوحسين كيمدي يزيدين بئليني سيندردي
بوحسين كيمدي كه قنداقي گويه ناز ائلييب
بوحسين كيمدي كه زهراني سرافراز ائلييب
بوحسين كيمدي كه عشق آيه سين آغازائلييب
بوحسين كيمدي كه الله آدينا عاشق اولوب
بوحسين كيمدي كه سرنيزده ده ناطق اولوب
بوحسين كيمدي كه اسلام ائوين اباد ائلدي
بوحسين كيمدي اوزي فطرسي آزاد ائلدي
بوحسين كيمدي عدوفكريني برباد ائلدي
بوحسين كيمدي عزيز دل خاتمدي حسين
بوحسين كيمدي كه درداهلينه محرمدي حسين
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
پوزدی غم خیمه ده شاه شهدا سیماسین
گَلدی میدانیده اللردن آلوب عباسین
چکدی آغوشینه قوللاری دوشن اعضاسین
دئدی امدادوه گلدیم اویان ای مرد کریم
پیکروندن نجه بیربیر دگن اوخلاری دریم
یاره لر گور نه کیچیلدوبدی رسا قامتووی
پارچا پارچا ایلیوب قوم دغا قامتووی
نیلرم گورسه بئله آلعبا قامتووی
فخر ائدوب قامتووه قارداش اوتوز دورد ائیل ائلیم
قسم اولسون کَسیلن قوللاروا سیندی بِلیم
استادمعزی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
اعلامیه مراسم چهلم مرحوم حاج کاظم جباری عموی گرامی آقای عدالت جباری
روحش شاد و یادش گرامی
روضه دردناک امام حسین
حاج_ابراهیم_رهبر
هییت متوسلین حضرت علی اکبر(ع)تبریز
/channel/motavasselan
احوالات حضرت رقیه (سلام الله)
دیردی زینبه مقتول ظلم آل امیّه
حسین فاطمه نین سوگُلی بالاسی رقیّه
ندور علاج من زار و دل فکاره ای عمّه
یاتانمورام، آجام، ایله بو درده چاره ای عمّه
آجیمدان عمّه دیزیم گَلموری دوروم دولانوم من
اولوب بو غصّه سبب سلب اختیاره ای عمّه
ویروب محاصره تشکیل، جسم مملکتینده
سالوبدی لشکر غم گوگلیمی حصاره ای عمّه
ویروبدی هنگ بلایه امیر غم بیله فرمان
آلا آرایه منی قویمیا کناره ای عمّه
محالیدور بو جهاندا منیم یوزیم گُله بیرده
گرک اَلونجه گَلم داد و آه و زاره ای عمّه
می مقدّر اولاندا مقدّرات عوالم
یازوب قضا قلمی لوحه بخت قاره ای عمّه
بهار عیشیمی دوندردی غم سمومی خزانه
خزان اولان گُله من اُلموشام هزاره ای عمّه
بابام خزابیه گَلمور سالوب ندن منی گوزدن
هایاندادور، نه گَلوبدور او شهریاره ای عمّه
گَلور خیاله یتیم اَُلموشام ایویم یخلوبدور
آتام اَلوبدور اگر، سویله آشکارا ای عمّه
یتیم اوشاق کیمی هر کس گَلور وورور منه سیلی
ترحّم ایلین اولمور بو دلفکاره ای عمّه
ایدوبدی گور نجه سیلی یری جمالیمی نیلی
آنام باخاندا یانار نیل رنگ عذاره ای عمّه
یانوبدی زر کیمی غم بوته سینده جسم ضعیفیم
ووروب بلا محکی کاملاً عیاره ای عمّه
اگر منیم چکه تصویریمی صحیفیه نقّاش
مثال و جسمیمی سیچمز ایدن نظاره ای عمّه
باخان دیر که بو تشریح محض دور ید قدرت
چکوب خرابه ده تمثالینی جداره ای عمّه
گیدوب بابام دیوسن کعبیه صباح گَله جاقدور
سبب ندور دِه گوروم بس بو انکسار ای عمّه
بیریسی کعبیه گیتسه مگر سویالّا عیالین
سالولّا باشی آچوق دشت و کوهساره ای عمّه
ووروبدیلار او قَدَر تازیانه باشیمه یولدا
که سوزشی جگریمه سالوب شراره ای عمّه
گهی یخوب دَوه دن ساربان گئجه یول ایدنده
پیاده آت دوشونه گَه سالوب سواره ای عمّه
ایدوب ایاقلاریمی یولدا یاره خار مُغیلان
دوشاخه مرهم اولوب جسم زخمداره ای عمّه
هانی رشید عموم عبّاس، نولدی قارداشیم اکبر
که شمر آپاردی بیزی مجلس قِماره ای عمّه
اوتورموشم اوزیمی ایلیوبدی غصّه گلوگیر
ایدنمورم غمیمی بیر به بیر اشاره ای عمّه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
#مــرحوم_خوندل
بابا او گون که بو ویرانه نی مقام ایلدیم
تمام درد و بلانی اوزومه رام ایلدیم
خیال تار زلف علی اکبریله بابا
ایشیق گونی گوزومه لیله ی ظلام ایلدیم
دیدیم اُلونجه علی قارداشیم گَلر گورّم
قضایه باخ منه باخ، گور نه فکر خام ایلدیم
اگرچه ایلمدیم پیشواز معذورم
بیله خیال ایلمه ترک احترام ایلدیم
دیزیمده اولمادی طاقت دورانمادیم اَیاقا
اگرچه دورماقا هر قدر اهتمام ایلدیم
پناهی سَن هامی عالم لرین دیوب عمّم
اودور که دامنیوه منده اعتصام ایلدیم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ای رقیه ای دوشن گوشواره سی الدن اله
ای سالان شاماته قارداش وای سسیله ولوله
ایندی ده قبرونده گوزلورسن علی اکبر گله
ای سفیر زینب کبری سلام اولسون سنه
»»»»»»»»»»»»»»»»»»»»»»»»»
گذدی نقدر چوللری اواره رقیه ویرانه ده جان وردی او بیچاره رقیه
مییت هامسی قبره گدیب اغ کفنیل
اغ اولمادی گییدی کفنی قاره رقیه
»»»»»»»»»»»»»»»»»»»»»»»»»
هرگلن عاشیق ایستیور لطف و صفا رقیه دن
دردی اولانلار اختارور درده دوا رقیه دن
اغ کفن اولمادی خانم قاره کفنله دفن اولوب
فخری دی اغ کفن بیزه اولسا عطا رقیه دن
هییت متوسلین حضرت علی اکبر(ع)تبریز
/channel/motavasselan
من حسین عاشقی ام عشقیمی دنیا بیلسون
گؤزیاشیم قطره دی مقصودیمی دریا بیلسون
یا حسین سسلیورم آدی مقدس دی منه
عشقیمون پایه سینی قوی أؤزی مولا بیلسون
ثبت نام ایله میشم مکتب عاشوراده
منه بسدور آدیمی حضرت زهرا بیلسون
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال جناب امّ کلثوم (س) در شهادت مادر
.
.
سبک :دولانور علی قیزی مقتلی
.
مرحوم غمکش
.
ویرک اَل اله دور اخا حسن
ننه‌میز گیدوب هارا گلمدی
قاباقا دوشوم گرگ ایندی من
ننه‌میز گیدوب هارا گلمدی
.
.
بیزی تک قویوب اوزی منتظر
اوتوروب یوبانمازیدی ننه‌م
بیله استراحت و فکریلن
دایانوب دورانمازیدی ننه‌م
اؤره گی دولیدی ملالیلن
بولورم دایانمازیدی ننه‌م
توکوب اشگی صورته دیده‌دن
ننه‌میز گیدوب هارا گلمدی
.
.
چون اسوب خزان یلی گلشنه
سارالان ساری گله بنزیور
گل و گلستان پوزولوب چمن
ننه‌م اوردا سنبله بنزیور
پوزولان چمن داغیلان گلی
پری بسته بلبله بنزیور
ایله خوش بیان ایله خوش سخن
ننه‌میز گیدوب هارا گلمدی
.
.
رَهِ چاره وار نه ره علاج
تاپولور نه بو ایوه بیر گلن
ننه‌میز اوزی گله بولموری
نه الین دوتان نه خبر ویرن
نه سسیمزه بیری سس ویره
نه باخوب بو حالیمزی گورن
چکوب اَل گوز اشگیمزی سیلن
ننه‌میز گیدوب هارا گلمدی
.
.
بو قدر جفایه دوزوب ننه‌م
دوزه بولمز اهل جهان تمام
بابا وای دیوب یانوب آغلیوب
توکوب اشگ تر یوزه صبح و شام
قوروب عندلیب پیمبره
ستم اهلی دست ستمله دام
قفسه دوشن بابا وای دِین
ننه‌میز گیدوب هارا گلمدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
سید محمد عاملی
گینه بیرهفته سایدیم گلمدون سن
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حضرت امام زمان (عج)
نیلیوم یارب صفای قلب زاریم گلمدی
مایه آرامش جان فکاریم گلمدی
گوزلریم یولدا گیجه گوندوز نگاری گوزلرم
گوزله ماقدان جانه دویدوم گلعذاریم گلمدی
نه ئوزی گلدی نه بیر نامه نه بیر نام و نشان
اعتباریم شهرتیم نام و نشانیم گلمدی
یاریمون هجرینده دوندی شام تاره گوندوزوم
غصه دن قان اولدی قلب داغداریم گلمدی
آدی دلده یادی دلده عشقی یورقون سینه ده
منتظر قالدیم ولی افسوس یاریم گلمدی
انتظار اولماق چتین بیر دردیدی هر عاشقه
آه و صد افسوس باشه انتظاریم گلمدی
عزتیم شانیم جلالیم شوکتیم تاج سریم
جان جانانیم منیم دار و نداریم گلمدی
سایه سالدی ابر ظلمت گلشن امیدیمه
باغ امیدیم خزان اولدی بهاریم گلمدی
طلعت رخشان حُسنین گورماقا شام و سحر
بیقرار و دیده گریانم قراریم گلمدی
گوزده گوز یاشیم گلور موجه بسان بحر غم
کاسه صبریم جالاندی غمگساریم گلمدی
یاریمون یارب غمینده دلده یارا قالمادی
طاقتیم الدن اولوبدور اختیاریم گلمدی
هجر ایوینده روز و شب زار و پریشان دیده تر
یوللارا باخدیم گله نازلی نگاریم گلمدی
مسجدیم دیریم کلیسا و کنشتیم معبدیم
صومعه م کعبه م ولیّ کردگاریم گلمدی
«یاسری» سالدی ایاقدان یوسف زهرا غمی
کاسه خون اولدی چشم اشکباریم گلمدی
شاعر : کربلایی یاسر رستگار
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یا مهدی
.
مرحوم عابد تبریزی
.
دلبریم پابند اولوب بیر دلبر شیرین دله
اوزگه عالمدور بو عالم عاشق اولموش گل گله
.
اشک دریاسینده غرق اولدوم سینان کشتی کیمی
آچ طناب زلفوی چک بو غریقی ساحله
.
جلوه حسنون منی دلدن سالور دیداریده
گُل اگر چه جلوه سینن دل وئرور هر بلبله
.
عقل معیار بلادور فهم میزان ملال
بو کشاکشده نئجه دیوانه گولمز عاقله ؟
.
شوق رخسارونله دل زنجیر زلفه بند اولوب
ماهتاب اولسا دل شبده یول ایلر قافله
.
کودک دل آختارور لعل رطیبونن رطب
خوشدی یتسین نخل حسنونن مرادی حاصله
.
اشک چشمیم هجریده راز دلی فاش ایلدی
شهرت حسنون کیمی دوشدی آدیم دلدن دله
.
بیر نفسدور فرصت گل نوبهار عمرده
ای خزان ابری آماندور آعلاما قوی بیر گوله
.
سید تاجیله عطاری گجه مهمانیدی
بو غزل تنظیم اولاندا «عابد» شیرین دله
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
مدح و مصیبت حضرت زهرا (س)
.
.
علومی تبریزی
.
مشعل دینی فروزان ایلین فاطمه دی
شأنی عالملری حیران ایلین فاطمه دی
مرتضانین بو گئدنده ائوینه شام زفاف
کوینگین سائله احسان ایلین فاطمه دی
.
.
هجر طاهاده باشا قاره سالان فاطمه دی
گول کیمی گلشن عمری سارالان فاطمه دی
چوخ مصیبت گورن آز عمریله بو دنیاده
غصّه دن بیر نچه گونده قوجالان فاطمه دی
.
.
بو همان درگهی ظلمیله یانان فاطمه دی
در و دیوار آراسیندا دایانان فاطمه دی
یوخیدی کیمسه گلوب ثانیِ خونخواره دیه
ویرما پیغمبره بو روح و روان فاطمه دی
.
.
دار دنیاده بو طاهایه نشان فاطمه دی
حسنینون آناسی فخر زنان فاطمه دی
امّتین پشت پناهی بودی روز عرصات
باخما قالمشدی کمکسیز بو همان فاطمه دی
.
.
زینبون باشینه بو قاره سالان فاطمه دی
بیت الاحزانیده شوری اوجالان فاطمه دی
ایستین ئوز ئولومون هر گئجه اللهیندن
نصف شب لرده مناجاته دوران فاطمه دی
.
.
بو همان پردۀ عصمتده قالان فاطمه دی
شوریله عالمی غوغایه سالان فاطمه دی
کفنیندن ایکی قولّارینی خارج ایلین
حسنینی گئنه آغوشه آلان فاطمه دی
.
.
بو همان عالمی غم خانه ائدن فاطمه دی
آدی هر سینه ده اسباب محن فاطمه دی
قورتولان عمری گونوز اون بیر امامین آناسی
نصف شب قبرینه تابوتی گئدن فاطمه دی
.
.
سند ملکنی دشمندن آلان فاطمه دی
منزل حیدره سرعتله روان فاطمه دی
یثربین کوچه لرینده ستم ثانی دن
قسم اللهه یول اوسته یخلان فاطمه دی
.
.
بو همان حیدری غوغایه سالان فاطمه دی
مصطفادن صورا گوز یاشلی قالان فاطمه دی
نجه گیزلندی مقام و شرفی دنیاده
اؤزی تک قبریده گیزلینده قالان فاطمه دی
.
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
راه شام
قویوبلا چولده آی بابا آنام باجیم ملرمنی
سالوبلا ئوزگه لر کیمین گوزیندن عمه لرمنی
نجه ئوزین ورار سودا ساقا صولا سنق گمی
او حاله قالمیشام باباگوزوم گورنده کولگمی
نه آی چخور نه کهکشان ایتورمشم دوشرگمی
اجل بهانه آختارور سراغ ایدوب گزر منی
قویوب گور ایندی بو گجه فلک کیمیله باش باشا
بیر اوچ یاشندا قورخولی قزی سالوبدی داغ داشا
ایاق یارالی چاتمور ال نه باجیا نه قارداشا
من ئولمسمده ئولدورر مشقت سفر منی
بو آیدا چخمور از قضا بیر آز ایشیقدا آغلیام
ایاقمون تیکانلارین چکوب جهانی داغلیام
آچوب بو کهنه معجری بولوب یارانی باغلیام
اورکده چوخدی طاقتیم ایاقیم اینجدر منی
ئوزوه مسند ایتموسن اوجادا نوک نیزه نی
ایاقون آلتدا گورموسن ایاقلانان ضعیفه نی
گوزوندن اشگ تک دوشن بالون گنه گزورسنی
یتش هرایه بوشلامور سیاهی خطرمنی
غرض قضائیلن قدر سالوب اله بهانه نی
گجیله زجر بیحیا تاپوپ او نازدانه نی
سلام وردی تتردی گورنده تازیانه نی
دیدی گوزتله ورما ایلعین فتنه گر منی
قلم الیمده ایستمور سوزی سوزه هدر قاتا
رقیه تک هوسلنور او کاروانه تز چاتا
گیدور که تیر غمزه سین گوزیله نیزیه آتا
دیه دوشنده ناقه دن گوزتله مختصر منی
دینمرم نه لر چکوب بو کاروانه گلمشم
بو داشلقی تیکانلقی گلینجه جانه گلمیشم
فقط یارالی باشوی ایدوب بهانه گلمشم
دیدیم جداده سیر ایدن یارالی چوخ سویر منی
ئوزومی موج محنت و غم و بلایه ورمشام
گزوب تاننمیان یولی بو خسته جانی یورمشام
قوولمشام یخلمشام گنه دوباره دورمشام
بو فکریلن که زجر دون یوبانسام ئولدوررمنی
بیور دمشقه بویولون نقدر وار مسافتی
اگر یوخوندی ویرمیوم بو کاروانه زحمتی
اوزاخدی تاپشور عمه مه دوباره بو امانتی
دی کوچ ایدنده ایلسون اققلی باخبر منی
تیکان باتوب ایاقمه گل آچدی بلبل آغلادی
دوزنمدی فراقوه یانوب شیرین دل آغلادی
اولوبدی فاطمه آنام دچار مشکل آغلادی
یتشدی باسدی باغرینا او زار دیده تر منی
دوشور منیم خیالمه وطنده کی مناظریم
قبیله قونشی تای توشوم مقابلیم مجاوریم
او عزتیم بو ذلتیم او اولیم بو آخریم
مدینه لی ئوپر منی بو کوفه لی دویر منی
مدینه ده دائیلاریم ایدنده خواهش عجزیله
ئوزوی راضی ایتمدون گجه گیدم دائیم گیله
نجه دوزرسن ایندی سن قزوون بابا دوشه چوله
حسینه سویگلی بلن ایاقلیوب گچر منی
آنام دیردی هی منه اوزاقه گیتمه گوزدیر
گوزیلن اوخلار آی بالا گوزل جمالی بدنظر
گوزل لیگون طراوتین خزانه ویردی قمچیلر
بونیلی صورتیم داخی یتیمه بنزه درمنی
رقیه جان ضریحوه رواقوه فدا اولوم
سپنمدیم مزاروه گوزوم یاشین دولوم دولوم
دیر همیشه "منزوی "او قبره دوشمدی یولوم
اقللی جان ورن زمان سن ایله مفتخر منی
مرحوم منزوی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج_بهرام_عراقیزاده
روضه خرابه شام
@motavasselan
🌸 ديوانهٔ عشق حسینی 🌸
ياررام باشيمي عاشق مستانه منم من
وورام باشا شمشيريمي دیوانه منم من
عشقين داشينا شیشه جاندان گئچرم من
باشيمدان آخان قرمزی قاندان گئچرم من
باش جان ندی عشقيمده جهاندان گئچرم من
باشلاردا گرک جوشه گله شور حسینی
تا زنده قالا صحنهٔ عاشور حسینی
من بسلمشم مغزده انديشهٔ عشقی
جان مزرعه سينده اکرم ريشهٔ عشقی
وورام باشا فرهاد کيمي تيشهٔ عشقی
من جان به کف صحبت شیرین حسينم
سودازدهٔ عاشق ديرين حسينم
درويشم ايکي گوز دولوسي اشک تریم وار
کشکول صفا قولدا اليمده تبريم وار
عنوان عزايه سند معتبريم وار
ارکان وجوديم او ياريلمش باشا قربان
اوخ یاره سينون اوستونه دگمش داشا قربان
بلبلده اولان عشق مجازيدي فسانه
عاشقدي بهاره ولی من فصل خزانه
ئوز عشقيمي اثبات ائدرم کلّ جهانه
گلشنده جفادن سارالان لاله لريم وار
سولموش چمن کرب و بلاده نظريم وار
باش قاني گوزوم ياشي گرک آخسين عذاره
باش يارماقيلان شاید ائدم درديمه چاره
باش يارمادا تقلید ائدرم زینب زاره
قارداش باشينا باخدي گلوبدي ديله زینب
الله دئدي ووردي باشيني محمله زینب
من عاشق جانباز فداکار حسينم
من یار حسينم دئمه اغیار حسينم
عمريم نقدر اولسا عزادار حسينم
ارشاديمه خوش خرقه دی اگنيمده کي قاره
خوشدور بو قرائيله گئدم کُنج مزاره
اسلام علمی پرچم والای حسيندي
حق دينمون ارکانی تولّای حسيندي
انسان دئماق اولماز او که منهای حسيندي
منهای حسین عشق و محبّت نيه لازم
اسلام اولا منهای ولایت نيه لازم
بير گوندي بو گون بارش غم ياغدي زمينه
سکّان سما قاره چکوب عرش برينه
جبریل امين مرثیه خوان اولدي حسینه
زهرا خانما نه فلک آغلار ملک آغلار
حسرتله يانار کرب و بلايه فدک آغلار
استاد کریمی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زینب گلور اما؟
زینب گلور اما باشینا قاره سالوبدی
زینب گلور اما اورگین غملر الوبدی
زینب گلور اما ائله بیل چوخ قوجالوبدی
هر دم وئرور اللهی قسم صبر حسینه
جان چیخمیا سالم یتیشه قبر حسینه
*
زینب گلور اما هله بیر کلمه دانیشمور
قارداشسیز اونا دنیا بهشت اولسا یاپیشمور
مدتدی کوسوب نهر فراتیله باریشمور
حسرتله سووا خیره لنور نیمه نگاهی
سسلور انامون اوغلی سوسوز ئولدی الهی
*
زینب گلور اما اوجالور ناله دلیندن
زینب گلور اما یاپشوب فضه الیندن
مشکل قدم اتسین الینی چکسه بئلیندن
الله بو خانم هر یره گئتدی گئجه گئتدی
تندیس حیا شمریله شامه نجه گئتدی
*
زینب گلور اما ائله بیل چوخ سوزی واردی
زهرا قیزیدی قبر حسینده گوزی واردی
هر یرده که زینب اولا زهرا اوزی واردی
سسلور الیمی دوت انا دل درده گلوبدی
قبری منه گورست گوزیمه پرده گلوبدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج_محمد_باقر_منصوری
عمه جان درده درمان گلیبدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
السلام علیک یا ابوالفضل العباس (ع)
کیمدی عباس حسین لشکرینون سرداری
کیمدی عباس وجودی شرفون معیاری
گول دیمه معرفت و منزلتین گلزاری
دار خلقتده بونون یوخدی نظیری آری
کاخ اسلامه ستون اولدی اوزون قوللاری
کیمدی عباس قویوب تاج شرافت باشینا
گوهر خالص اونون فخر ایلیر گوز یاشینا
عمرینون شیشه سینی چالدی شهادت داشینا
حیدر اوغلی دی ولی نوکر اولوب قارداشینا
طول تاریخیده تای سیزدی بونون ایثاری
کیمدی عباس آدی لرزه سالور هر بدنه
نفسی روح صفا بذل ایلیور هر چمنه
آند اولا فاطمه اولادی حسین و حسنه
کیم اهانت ایلیه ساقی دشت محنه
بیله بیر شخصیده یوخدور شرفون آثاری
بو ابوالفضلی کی عاشق لری شیدا ایلیوب
حق اونی حشره کیمین شیعیه مولا ایلیوب
غیرتین چشمه سینی بوندا هویدا ایلیوب
ادبی بو آقانی شهره دنیا ایلیوب
بیزه الگودی او دریای کرم رفتاری
قلبینون صافیدی آیینه سی بی ریب و کلک
تک قالان شاهه اولوب روز بلا یاور ، تک
قانیلن یازدی تراب اوسته بودا اکبر تک
ئوله جک آل معاویه حسین ئولمیه جک
ایندی اثباته چاتوبدور او مهون گفتاری
بو حسیندن سورا آیری کسه مولا دیمه دی
کفره تعظیم ایلیوب نان حرامی یمه دی
مال دنیایه گوره شاهینی ترک ایلمه دی
ویردیلر رتبه ولی رد ایله دی ایستمه دی
دیدی رهبردی فقط کرب وبلا سالاری
روز عاشوریده بو باخدی یاتان لشکرینه
لیلینون اکبرینه ، قاسمینون پیکرینه
خرداجا طفل لرون مشکی دوتان اللرینه
یتیروب فورا اوزون سرورینون محضرینه
دیدی ویر اذن گیدوم عرصیه سن بیل تاری
تا اونون محنتینی درک ایله دی میر جنان
لشکریمدن دیدی سن سن قالانیم گیتمه دایان
خیمه ده قالسون اگر قیزلاریم اولماز نگران
جنگه ده گیتسون اگر گوزله بیر اوچ پر اوخدان
الون اولماز سیله سن قان بوروسه رخساری
گوره سن بیرده گورر چشم تریم پیکرووی
سرو تک قامتووی صورت خوش منظرووی
سنده اکبر تک آتورسان بو قوجا رهبرووی
گیدوسن ایندی کی قارداش قوی اوپوم گوزلرووی
گیت ولی سو گتی سیراب ایله عطشانلاری
اذن میدانی آلوب تاخلف شاه نجف
غملی قیزلاردیدیلر ایتمه عمو وقتی تلف
تاچیخوب تله باخوب نهرخروشانه طرف
عرصیه قصدایلیوب فوری گله ماه شرف
تلی سرعتله انور عشق حسین بیماری
کیم گوروب هیبتینی سسلدی صفدردی گلن
بعضی لرسسلدیلر کشته دیگردی گلن
دیمیون شمردیدی تکجه بیرافسردی گلن
دیمه عباس دئنن عرصیه لشگردی گلن
ایلیرقانوزیلن نهرخروشان جاری
تاگلوب عرصه میدانه اوسرداروفا
گلجگین باشلادی علقم یولونی نورخدا
باغلامیشدی قولونی خیمه ده سلطان ولا
فکرجنگی یوخودی تکجه گلوب سوآپارا
تاکی اخیامیده دلشادایلسون احراری
کیم اولوب سدرهی عالم اونا تاراولدی
گردنی طعمه شمشیر علمداراولدی
آغلیوب گویده باشی جسمه عزاداراولدی
روزمحشرایله بیل اوردا پدیداراولدی
گورمیوب چرخ کهنسال بیله پیکاری
فن پیکاری بونون طنطنه افلاکه سالوب
بعضی القانه باتوب بعضی ایاق آلتدا قالوب
بارک الله سسی تلیدن عرشه اوجالوب
مرحبا نوکره کی احسنی مولادن آلوب
دلبره خوشدی کی راضی ایلسون دلداری
بیری دی یاللعجب شیوه پیکاره باخون
بیری دی شیر دوتان خنجر خونخواره باخون
جنگی بوشلا بیری دی قوه لی قوللاره باخون باخون
دیدی احزابی گورن حیدر کراره باخون
بو علی مثلی سالار تپراقا مین سرداری
میمنه میسرنی ویردی غرض بیر بیرینه
لشکرون لرزه سالوب ماه وفا ، پیکرینه
ساق صولی توش ایله دی خنجر مرگ آورینه
روبرو ده دایانان اولدی فدا گوزلرینه
درک ایدوب قوم دنی مرحله ی دشواری
داغیلوب دور و بره لشکرکین،خصم زمان
ناگهان دیده ی سقایه اولوب علقم عیان
یتیروب فورا اوزون نهره او زیبنده جوان
آلجاقین علقمی سسلندی ایا شاه جهان
نهری تسخیر ایله دیم آگه ایله قیزلاری
دیمورم نهریله سقای لب عطشان سوزونی
نهری ترک ایله دی اخیامه یتیرسون اوزونی
نخل زار ایچره اوپوب بیر سه پر اوخ ساق گوزونی
اوخ داغیتدی گوز ایوین قان بورودی گول یوزونی
حیدرون یاسی اولوب لاله لرون اوخشاری
من یازوم هانسی غمی بو محن اکبردن
ویردیلار ظلمیله قوللاری دوشوب پیکردن
دیدی معناده علی حیف او گوزل اللردن
یاندی زهرا اورگی بیر محن دیگردن
آتدی ایمانی عدو دوتدی زر و دیناری
جسم سقانی بیراوخ اوت مثلی یاندیردی
ظلمینی چرخ فلک ماخلقه آندیردی
بیرشرف سیز اوزمان مشگینه بیراوخ ویردی
شیشه عزت سرداری اواوخ سیندیردی
سویی سوزدوگجه سولوب جودوکرم گلزاری
باشینی اگدی چیخاتسون اوخی گوزدن سقا
کلهی دوشدی باشیندان بورودی عرشی نوا
بیر عمود الده گلوب نوفل ظالم قاباقا
ایسته دی عرصه ده بیر محشر کبرا یارادا
هییت متوسلین حضرت علی اکبر(ع)تبریز
/channel/motavasselan
فراق اودوندا یانما چوخ = دور بالا بابان گلدی 2
دیموشدی گلم خرابیه = دور بالا بابان گلدی 2
گل یاراسینی باغلا ***** اوپ دواقونی آغلا
—------------------------------------—
بابان یارالی خسته دی = قلبینی آلشدرما 2
دوباره گویلونی اونون = غملره سالوشدورما 2
دودقلاری یاره لی دی = سعی ایله دانشدرما 2
گلوب گوره خرابده = دور سنی بابان گلدی
گل یاراسینی باغلا ***** اوپ دواقونی آغلا
—----------------------------------------------
قیزا قوناق گلسه با با = جاننی فدا ایلر 2
اورکده کی دردوغمون =اوز باباسینه سویلر 2
باباسینین یارسی اولا = گور بالاسی بس نیلر 2
یارالی حالین بابا – دور سنه قوناق گلدی
گل یاراسینی باغلا ***** اوپ دواقونی آغلا
—------------------------------------
دوزینت ایت خرابی = ای منیم بالام یانما 2
چوخ استه دون منن اونی = گلدی دور بالا یاتما 2
او آغلیوب فراقیوه = سن اونی چوخ آغلاتما 2
محبت ایله گویلون آل = یاره لی بابان گلدی
گل یاراسینی باغلا ***** اوپ دواقونی آغلا
—------------------------------------—
گلنده باش خرابیه = دادیله فغان اولدی
چوخالدی زینبون غمی = اشگیله فشان اولدی
آلوب اوباشی قوجاقونا = زوفلرون بالا یولدی
یوزونن اوپدی سویلدی = عمه جان بابام گلدی
گل یاراسینی باغلا ***** اوپ دواقونی آغلا
—----------------------------------
ددی گذشت ایت بابامنیم = منزلیم کی ویراندی
قونا قه قربان کسل لر = قربانوم فقط جاندی
فراقیوه چوخ آغلادوم = گوزلریم یاشی قاندی
مریض خسته جانیدیم = دردیمه دوا گلدی
گل یاراسینی باغلا ***** اوپ دواقونی آغلا
—----------------------------------------
من آغلیاندا آی بابا =گوز یاشوم سیلیب عمم
آلوب قوجاقینه منی = رافت ایلیوب عمم
خرابده کیم آغلیوب = ساکت ایلیوب عمم
فغان وناله اتمرم = شکراولا بابام گلدی
گل یاراسینی باغلا ***** اوپ دواقونی آغلا
دلنوشته کربلای قربان مطلبی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
كربلاي حسين عيني فرد
يوخدي الله منيم بير كسيم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
آنانین اولمه سی انسانی پریشان ائیلر
اود ویرار قلبلره گوزلری گریان ائیلر
هرکیمین کی آناسی وار دیزینین طاقتی وار
دانیشان وقتیده خوش لحنیلی هم صحبتی وار
غم دوتان وقتیده قلبی سوزه خوش فرصتی وار
هر کیمین یوخ آناسی غصه دن افغان ائیلر
آنانین اولمه سی انسانی پریشان ائیلر
یوخ محبتده یقینا" آنانین همتاسی
اولاد اوسته اودا یانماقدا یوخی پرواسی
یوخ نظیری بوجهاندا آنانین لالاسی
اوندان آیریلما چتیندی اوره گی قان ائیلر
آنانین اولمه سی انسانی پریشان ائیلر
مهربان روح و رواندی هامی انسانه آنا
بالا چون شمعیدی روشن اونا پروانه آنا
حیف دور کی یتیره عمرونی پایانه آنا
بالانی آیریلیقی دهریده نالان ائیلر
آنانین اولمه سی انسانی پریشان ائیلر
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
روضه شهادت حضرت فاطمه زهرا(س)
ائلده بیر قائده وار یاخجی بولر اهل نظر
بیرینین ئولسه جوان عورتی دنیاده اگر
قوم وهمسایه اشیدسه توکولوب هامی گلر
بئله ساعتده اولار سینه لرین داغلالار
گوشولوب یاسلیا ایوده ئولنه آغلالار
خاصه کی تیر بلیاته نشان اولسا ئولن
ئوزی خردا بالالی دل نگران اولسا ئولن
همسری لایق وشایسته توان اولسا ئولن
یاندرار عالمی بو درد ومصیبت علنی
آغلادار ئوز ئوزونه محنتی یاسه گلنی
مطلبی من دیدیم آلدون دیلیوه غم دولدی
قائد اعظم شرعون قیزی گل تک سولدی
ئولدی زهراولی بو قائده برعکس اولدی
دیمورم ئولماقنی بولدوله یا بولمه دیلر
بوقدر واردی کی تشیعینده گلمدیلر
ئولنین اولسا نچه طفلی اورک داغلالار
یوزه گوز یاشلارینی حسرتیله باغلالار
اوجادان وای آناوای ذکر الیوب آغلالار
(بیرنفره ایندیه جا دیمیبلر ننوه اوجادان آغلاما اله ورار دیزینه سسلر ایوای ننم ایوای)
فاطمه گلری راحتله نفس چکمدیلر
ماتمینده آنانون بیر اوجا سس چکمدیلر
دیدی مولا دیمیرم سینه زی سیز داغلامیون
ماتمینده آنازون اشکی یوزه باغلامیون
بولوسوز مشکلوموز وار اوجادان آغلامیون
امر مولایه گئجه هامی اطاعت اله دی
آیری طرزیله بودستوری رعایت اله دی
(گوره سن بیر خانواده نون بوجور ایشی ایلر؟)
راوی سلماندی دییر گچمیشیدی چوخ گئجه دن
ایوده مشغول نماز شبیدیم غرق محن
اوگئجه چوخ نگرانیدیم اله فاطمه دن
قاپی آهسته دویولدی اورگیم دیسگیندی
دیدم الله گوره سن خیر اولا ایندی کیمدی؟
حجره نی ترک ایلدیم دیلده بسی شور ونوا
نگران چخدم اتاقدان گوره سن کیمدی خدا؟
خبر آلدیم گئجه نین عالمی کیم سن قاپدا؟
فوری بولدوم اوزمان نور خدا جلوه سیدور
سسلرینن تاندیم کی حسنینین سسیدور
دیدی آهسته عمو آچ قاپنی من حسنم
بیر سوزوم وار سن اوچون غرق بلا ومحنم
گلیسن گل داخی تأخیر المه ئولدی ننم
الغرض باشلادی غسلون گئجه نون وقتی علی
(راوی دییر باخردیم گوردوم امیرالمومنین زهرایه غسل ویریر الین غسلدان چکدی یوزون قویدی دیواره اله بتر آغلور عرض الدیم علی زهرانون آیرلیقنا آغلوسان یانه؟ گوردوم دیدی یوخ الیم دیدی زهرانون تازیانه یرلرینه گوردوم زهرانون یوزی قره لیب ایوای منه وای منه)
غرض سیلی یری مستور اولوب زلف معنبردن
یوزون گیزلتدی بیر مدت خانم اولاد وهمسردن
ولیکن وقت او،وقت اولدی ویریلسین غسل زهرایه
چخاردبلار لباسون مغسل اوسته ماه پیکردن
قالوب اینیده بیرجه ئوز وصیت ایتدقی کوینک
مبادا مرتضی آگاه اولا قنفذ وران یردن
دریغا غسلونا مشغول اولاندا ساقی کوثر
آیون نوری نهان محنتلری فاش ایلدی بیردن
علیدن گیزلنن سیلی یری نهان اولدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
استاد سیفی
یا حسین (ع)
چالشدیم عُمر بوئی تا نگاریم اولدی حسین
دُعای واجب لیل و نهاریم اولدی حسین
سالاندا تنگه منی جاهلون مَلامت اوخی
انیس راز دلِ بیقرایم اولدی حسین...
اَل ئوزدوم الفتِ دنیای کینه پَروردن
ویروبدی بخت مَدد شهریاریم اولدی حسین
جنون عشقیمه طعنه ورآندا خام رقیب
کرامت ایلدی تز غمگساریم اولدی حسین....
بوعشقِ نابیده به به غریبه معجزه وار
گوروب ارادتیمی ، اعتباریم اولدی حسین
اویاق قالوب گئجه لر سوگوار اولاندا دلیم
ایشیق سَپَن قَمَرِ لیلِ تاریم اولدی حسین....
یتشدی یوسفِ صدّیقه گر صدارتِ مصر
منیمده دهریده دار و نداریم اولدی حسین....
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ای پناه بی پناهان
سبک: من مانده ام تنها ی تنها
ای پناه بی پناهان یابن زهرا یابن زهرا
زینت اقصار رضوان یابن زهرا یابن زهرا
جوروظلمیله بو دنیا دولدی مولا دولدی مولا
گل گلن یولارا قربان یابن زهرا یابن زهرا
رهبر اهل جهانسان پور حیدر پور حیدر
منتظردی اهل ایمان یابن زهرا یابن زهرا
گل عدالت پرچمین سن سرفراز ایت سرفراز ایت
ظلم ایدوب دنیاده طغیان یابن زهرا یابن زهرا
شیعه لر ایلیور غم احساس ای حسینون یادگاری یادگاری
جان سنه قربان آقاجان یابن زهرا یابن زهرا
جان ویروب نهر اوسته سقا زنده قالسون دین قرآن
اولدی بوغمده اورک قان یابن زهرا یابن زهرا
شیعه نون آرام و جانی گل آقاجان گل آقاجان
ای اولان عالمده سلطان یابن زهرا یابن زهرا
پرچم قرآن الینده گل بیزی قورتار بو غمدن
شیعه نی یوردی بو هجران یابن زهرا یابن زهرا
منتظر گوزلر قالوبدی یولدا مولا یولدا مولا
یول گوزتلور اهل قرآن یابن زهرا یابن زهرا
سن گلن یولاره قربان یابن زهرا یابن زهرا
شمع سن پروانه بوجان یابن زهرا یابن زهرا
مهدی ملکی زنجانی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
سلام به امام زمان
اي امام منتظر مرآت يزدان السلام
گل ئوزون ائيله بودنياني چراغان السلام
السلام اي مهدي صـاحـب زمان
السلام اي جـدينون قانيـن آلان
سن او وجه الله باقي سن که اي شاه غيور
طلعت حسنوندن ائيلر ماه و انجم کسب نور
آتش هجرونده ياندوخ ائيله تعجيل ظهور
ابرغيبتـده قالان اي مـاه تا بان السلام
يئر يوزون دولدوردي جور و ظلم ياصاحب زمان
گلستان دينه هر دمده اَسور باد خزان
کسمه لطفون گُل لروندن اي وفالي باغبان
قيل نظر گلـزار دينه اولدي خندان السلام
غيبتون طول اولدي اي شمس هدي والا مقام
مدّت عمرون اولوب مين يوز اوتوز بير ايل تمام
شيعه لردائم فراقوندا سيزيلدار صبح و شام
اي وجودي پيـکر قرآن ايچون جان السلام
کشتي دينه ازلدن سنسن آخر ناخدا
دم بدم موجه گلور دريا کيمي بحر بلا
کشتي دين آزقالور غرق اولسون اي شمس هدا
السلام اي ناجي کشتـي قرآن السلام
انتظار مقدمونله اولدي بو ديللرکباب
هانسي ساعتدور اولا بوقانلي ديللر کا مياب
قيل ظهور اي چرخ دينه بير ايشقلي آفتاب
اي جمالين روحبخش مهر رخشان السلام
اسم پاکي حجّت حق مهدي قائم لقب
آغليان جدي حسينون ماتمين ده روز و شب
قويما جدّون قاني قالسون يئرده اي والانسب
السلام اي منتقم وي صاحب قان السلام
ايليوب ايما (اشاره) بومعنايه خداي لاينام
هرکسي مظلوم اُله آلسين وليسي انتقام
يئرده قالسين تابکي خون امام مستظام
اي ايدن عدليله بوعالمده ديوان السلام
ظلم دشت کربلادن اي اولان خونين جگر
روز شب غمدن توکن گُل عارضه اشک بصر
قيل ظهورون اي وليّ حق امام منتظر
وي ظهوري شيعيانه لطف شايان السلام
حاج جواد آدلو بوشعره باني اولدي مدحيا
قسمتي اولسـا سنيله گـرديـار کربـلا
اوردا بئيله ذکر ائله اولسون سنيله همصدا
عرض ائله ياحجت الله شاه عطشان السلام
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
پنجشنبہ است
" شاخه گلے" بفرستيم
براےتمام آنهايے
ڪہ دربين مانيستند
ولے"دعاهایشان" هنوزڪارگشاست
و يادشان هميشه با ماست
"روحشان شاد ويادشان گرامےباد"
@motavasselan