1504
آدرس اینیستاگرام http://www.instagram.com/motavasselan1 رجز نوحه های تصویری صوتی اشعارحسینی شور ارتباط با آدمین تبادل ارسال مطلب @YaAliAkbarMadadi
⤵️زبانحال حضرت زینب (س) به حضرت رقیّه (س) در هنگام کوچ از شام
شکسته نی کیمی وار دلده غم نواسی قیزیم
دوشوبدی باشیمه کرب و بلا هواسی قیزیم
گیدوم تدارک ایدوم اوردا محفل ماتم
یاخونلاشوب باباوین اربعین عزاسی قیزیم
گَلَنده قبره قویام اولمادی منه فرصت
گیدوم گوروم نجه دور قبرینون بناسی قیزیم
علاوه قیرخیدی، لازمدی قبری اوسته گیده
دویونجا آغلاماقا اکبرین آناسی قیزیم
رباب چوخ داریخوب اصغرین فراقینده
گیدور گوره نجه دور حلقینون یاراسی قیزیم
گرک گیدم آپارام قارداشیم علمداره
ودیعه دور منه دلدن عمون لواسی قیزیم
سنون یولوندا قالوبدور بابان گوزی نگران
گیدوم دیوم که ندور باشیوین بلاسی قیزیم
بو قبر پاکیوه هر کس گَله بصیرتیله
گَلر قولاقینه بیر حق طلب صداسی قیزیم
دیمه خرابه ده من اولموشام غریبه مزاریدی
قبیله کوچ ایدوری قالمور آشناسی قیزیم
بو قبریوی ایدر آباد شیعه ی دیندار
بو بارگاهین اولار گنبد طلاسی قیزیم
خدا بُلور که سنی گوزدن آتمارام هرگز
آزالمیوبدی سنه قلبیمون وفاسی قیزیم
ولیک گیتماقا مجبورم اینجیمه مندن
مریض ایدوبدی منی شامیان جفاسی قیزیم
علاجی اولمیان امراضه وار بو یرده دوا
علاوه اوردادی بو قلبیمون صفاسی قیزیم
یوخومدی شالِ عزا سالماقا او قبر اوسته
مزارینه سالارام منده بو لباسی قیزیم
اگرچه پاره لَنوب، قانیله اولوب الوان
خدا بُلور که ندور کوینگون بهاسی قیزیم
حسین زیارتیدور چون علامت ایمان
بو فیض اولوبدی منه خالقون عطاسی قیزیم
نماز شبده برات زیارت ایسته میشم
که استجابت اولوب عمّه وین دعاسی قیزیم
دوباره سندن اوتور شامه ایلرم رجعت
اگر نصیب ایده بو حکمت اقتضاسی قیزیم
منیم اَلیمدن آلار آخِرت جزاسی قیزیم
بو قطعه بانیسی «یعقوبیه» اوزون صله ویر
عزیز عالم اولا تا بابان گداسی قیزیم
عنایت ایت اولاری قورتولا شماتتدن
که یوخدی هیچ بیرینون خانه و سراسی قیزیم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
هارداسان گل آ ماندی قارداش
حالتیم بیل یاماندی قارداش
اوخ دگوب آ لنیما حسین جان
صاق گوزوم جمله قاندی قارداش
بو سینان باشیمی حسین آ ل دیزیوه
قوی باخسین یارلی گوزوم گوزیوه
دئنن عطشان علمداریم
دوشن علقمده سرداریم
مشگیمی اوخ ایدوبدی پاره
قلبیم اودلاندی یاندی ناره
یوخ سویوم خیمیه گلمم
بو غمه منده یوخدی چاره
مشگیمین گل سویی داغیلدی چوللره
اصغرین سوغاتی توکولدی یرلره
دئنن ساقی عطشانیم
اولان گل جسمی القانیم
دشمنیم چوخدی قارداشیم گل
گوزللریم اوخدی قارداشیم گل
هر گلن یاره ویردی قارداش
قوللاریم یوخدی قارداشیم گل
قلبیمه تیر غم ویروبلار ئولورم
دورمی خصم دین آ لوبلار ئولورم
دئنن قولسوز یاتان لای لای
دئنن قانه باتان لای لای
سسله گلسون هرایه زینب
آ گه اولسون نوایه زینب
قیزلاری جمع ایدوب خیامه
قاره گیسون عزایه زینب
ایستورم گوزللریم قانیین سیله باجیم
دردیمی تا گوروب ئوزی بیله باجیم
دئنن قولسوز علمداریم
اویان یاتما سپهداریم
دوشدی سقا کمنده زینب
صاف یری یوخ بدنده زینب
بو سوزی بیلمسین آ ناسی
واریاراسی گوزونده زینب
قارداشون ئولدی زینبیم آ غلا باجی
گوللریم سولدی زینبیم ساخلا باجی
دئنن عطشان علمداریم
اویان گریان سپهداریم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
تا کی به تمنای وصال تو یگانه...
امام زمان
حاج محسن رستگاری
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
اکبر استجلو زنجانی
یا زهرا(س)
بیزلره دِلده صفانی حضرت زهرا وئروب
دردیمیز اولسا دوانی حضرت زهرا وئروب
خلق اولوب جِن و مَلک عالمده زهرایه گوره
الده موسایه عصانی حضرت زهرا وئروب.....
عشقینه خاطر سالوب درده اوزون جاندان گئچوب
باغ عشقه ار غوانی حضرت زهرا وئروب
عاشق دین و خُدادی عالمه عشق اورگدیب
عاشقه عشق خُدانی حضرت زهرا وئروب....
اهلبیتین درگهیندن چوخلی حاجت آلموشوخ
هرزمان بو اقتضانی حضرت زهرا وئروب
واردی بیمارین اگر دوگمه مطب دروازه سین
هرمریضه چون شفانی حضرت زهرا وئروب.....
ائلیوب دائم عنایت شیعیان احمده
شیعه یه کرببلانی حضرت زهرا وئروب
نه فقط کرببلانی بلکه بی حد بذلی وار
ایرانا موسی الرضانی حضرت زهرا وئروب....
مریم و هاجر گلوبدی مکتبیندن درس آلا
زینبه درس حیانی حضرت زهرا وئروب
کیمدی زیبا روی عالم عرصه چرخ فلکده
هرپری یه مه لقانی٬حضرت زهرا وئروب...
فتح خیبر ائلیوب یا فاطمه دیلده علی
قدرت شیر خُدانی حضرت زهرا وئروب
یازماقا عاجزقالار حتماً قلملر مدحینه
هرسوزه هرمُحتوانی حضرت زهرا وئروب....
بیزده وار ایمان مُحکم ناروا یول گئتمروخ
اعتقاد پُر بهانی حضرت زهرا وئروب
مکتب الزهرایه گل دُخت نبی گورسون سنی
وعدهٔ روز جزانی حضرت حضرت زهرا وئروب....
نور٬زهرادی یقین خورشید اونا وابسته دی
چون سمایه بوشُعانی حضرت زهرا وئروب
توی لباسین بذل ائدوبدور توی گونونده بو خانم
سائله لطف وعطانی حضرت زهراوئروب....
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
مرحوم حاج محمد باقر منصوری
روضه حضرت زهرا (س)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زنده یاد حاج محمدباقر منصوری
ایام فاطمیه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت زهرا سلام الله علیها
سبک :ای منی آواره قویان...
گل ئولورم چوخدی سوزوم
عم اوغلی عم اوغلی
آغلا منه باغلا گوزوم
عم اوغلی عم اوغلی
من گل پرپر شدۀ
فراقم فراقم
دای بو نفس چکماقا یوخ
علاقم علاقم
ایوده سنه آخشاما چان
قوناقم قوناقم
بیردی گجیلن گونوزوم
عم اوغلی عم اوغلی
اوندا که اود چکدی شرر
قاپومدا قاپومدا
ووردی قضا زنگ خطر
قاپومدا قاپومدا
فضّه بیلر اولدی نلر
قاپومدا قاپومدا
ایندیده بیمارم ئوزوم
عم اوغلی عم اوغلی
گوش دلیم سنده دی بیر
مقال ائت مقال ائت
غصه لی قلبی گینه پُر
ملال ائت ملال ائت
زینبه خاطر منی گَل
حلال ائت حلال ائت
گول ئوزومه گولسون ئوزوم
عم اوغلی عم اوغلی
آیریلیرام آیریلیقا
نه چاره نه چاره
دای گوره بیلمم یوزیوی
دوباره دوباره
دوشدی بو یورقون نفسیم
شماره شماره
وای نئجه سندن اَل ئوزوم
عم اوغلی عم اوغلی
ناله وی مَغسَلده گویه
اوجاتما اوجاتما
غسلیمی ویرسن باشیوا
اَل آتما اَل آتما
تندن عزا کوینگیمی
چیخاتما چیخاتما
پرده لی قالسون بو سوزوم
عم اوغلی عم اوغلی
دردیمی دلدن آقا سان
بیلَرسن بیلَرسن
تک اوتوروب گوزیاشیوی
الَرسن الَرسن
قبریمون اوسته گئجه لر
گلَرسن گلَرسن
آیریلیقا یوخدی دوزوم
عم اوغلی عم اوغلی
منسیز اوشاقلار که فغان
سالالّار سالالّار
عطریمی یانمیش قاپودان
آلالّار آلالّار
بو گئجه دن دای آناسیز
قالالّار قالالّار
قالدی حسینیمده گوزوم
عم اوغلی عم اوغلی
کلامی_زنجانی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت علی (ع) در سر مزار حضرت زهرا (س)
.
سبک_آتدان_یره_چون_دوشدی
.
مرحوم معزی اردبیلی
.
صدیقه نشان زهرا پهلوسی سنان زهرا
گیزلنجه گتوردوم یات قبرونده جوان زهرا
.
.
سوز دور دلیمه گلدی بیر کلمه جوان ئولدون
شرحینده یانار عالم قلبون دولی قان ئولدون
سن قدی کمان ئولدون سن چوخ نگران ئولدون
غم غصه یدیم زهرا منزلده دیدیم زهرا
روحیم داریخوب سنسیز قبر اوسته گیدیم زهرا
.
.
چوخ ایستدی اطفالون آغلار قالالار قالدى
گتدیم سنی دفن ایتدیم گریان بالالار قالدى
سینونده قابورقوندا ئولدون یارالار قالدى
مندن آرالی زهرا سینه یارالی زهرا
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
💠حاج محمد باقر منصوری
✅به یاد مرحوم سید جواد ذاکر،خوی
☑️شادی روحش صلوات
@motavasselan
کربلایی مسعود غفرانی
ماجرای انار خواستن حضرت زهرا(س)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
شهادت حضرت فاطمه زهرا سلام الله علیها
سيد محمد عاملی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
يخماق اولمازدي ركابيندن او سرداري يره
يخدي شرمنده ليگ عباس علمداري يره
دگدي محكم يخيلان وقتيده رخساري يره
گورجگين آهن عمودي بورودي قلبيني آه
اگدي باشين دئدي احسان ابا عبدالله
قويمارام مجمر احساسيمه قلبيم توكه عود
يازمارام سالدي نه حاله او باشي آهن عمود
باش داغيلميشدي،داغيلموردي هله قوم عنود
هره بير سمتيده آهنگ غمي باشلوردي
او سينيق باشي اوزاقدان دايانوب داشلوردی
@motavasselan
دلخوشام مرقدیوه گر آقا دعوت یازاسان
گینه من نوکریوم گر یازاسان یازمیاسان
تک‌آدون بسدی منه‌گرباخسان باخمویاسان
سنون عشقونده دیوللر منه دیوانه حسین
🌹🌹🌹🌹🌹🌹🌹
آندوروخ ایاقون آتدا یاتان اکبریوه
سینه‌وون اوسته یاتان دلسیزعلی اصغریوه
نهر علقمده یاتان قولسوز علم پروریوه
بیزیده دعوت ایله قبریوه دیداره حسین
🌹🌹🌹🌹🌹🌹🌹
_______________________
@motavasselan
زبان حال حضرت امیرالمؤمنین (ع) در شهادت حضرت زهرا (س)
سبک : ایران اگر دل تو را شکستند
.
اصغر الماسی اهری
.
.
زهرا
یارالیسان یارالیسان سن (4)
.
.
زهرا
مدینه نون مارالی زهرا
شکسته پر بلالی زهرا
گونوز ئولوب گئدن گجیله
مزارینه یارالی زهرا
.
.
زهرا
دایان آخان ستاره گتمه
سینونده چوخدی یاره گتمه
نه تز علینی تک قویورسان
یارالیسان مزاره گتمه
.
.
زهرا
جهاندا گول کیمی سارالدین
یارلی سینووه غم آلدین
منی حلال ائله عزیزیم
بو دوقوز ایلده تز قوجالدین
.
.
زهرا
بالالارون ساقین صولوندا
گوزوم قالیر گئدن یولوندا
قویاندا مغسل اوسته گوردوم
واریدی غمچی صاق قولوندا
.
.
زهرا
ندن یوزون اولوبدی نیلی
بو غصه نین نَدور دلیلی
گجیله غسل ائدنده گوردوم
دئیوبدی صورتیوه سیلی
.
.
زهرا
غمونده سینه داغلاسیدیم
داریخمازیدیم آغلاسیدیم
بو تزلیگیله ئولمه زیدین
یارالاریوی باغلاسیدیم
.
.
زهرا
بلای حسرته بویاندین
قالیب قاپی دالیندا یاندین
یارالاریوی همدمیندن
ئولونجه گیزلدوب اوتاندین
.
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
🔰کربلایی حسین عینی فرد🔰
💠صحبت های در مورد سید جواد ذاکر طباطبایی-بسیار زیبا💠
هییت متوسلین حضرت علی اکبر(ع)تبریز
/channel/motavasselan
دور سنه قوربان گئدورم رقیّه ،رقیّه
گور نه پریشان گئدورم رقّیه ،رقیّه
دور بالا عمّون قولونی آچوبلار،آچوبلار
هم صاقینی هم صولون آچوبلار،آچوبلار
کرب و بلانین یولونی آچوبلار،آچوبلار
اکبره مهمان گئدورم رقیّه،رقیّه
دور ئوزوم آلّلام گوزون قاداسین،قاداسین
الده قالوب غارت اولان اساسین، اساسین
من کیمه سوغات آپاروم لباسین، اساسین
دیده سی گریان گئدورم رقیّه،رقیّه
گون که باتار روشن اولار چراغلار، چراغلار
کیم سنی غربتده گلوب سراغلار، چراغلار
قبرورون اوسته اوتوروب کیم آغلار، چراغلار
من که یانوندان گئدورم رقیّه،رقیّه
گئتدون ئوزون قالدی آدون دیلیمده، دیلیمده
یوخدی فراقونده توان دلیمده ، دیلیمده
خورداجا گوشواره قالوب الیمده، دیلیمده
قلبیم اولوب قان گئدورم رقیّه،رقیّه
وای منی گوزدن نیه بس آتوبسان، آتوبسان
خون دلیم گوزیاشیما قاتوبسان، آتوبسان
قبریده یورقون یارالی یاتوبسان، آتوبسان
من ولی نالان گئدورم رقیّه،رقیّه
وادی بطحا یولووی گوزتلور، گوزتلور
عترت طاها یولوی گوزتلور، گوزتلور
غمزده صغرا یولوی گوزتلور، گوزتلور
ایلورم افغان گئدورم رقیّه،رقیّه
گوزلرون آچ بیر بیره وور دوداقون، دوداقون
سویله عزیزیم نجه دی ایاقون ، دوداقون
وای بالا ئولدوردی منی فراقون، دوداقون
مونس هجران گئدورم رقیّه،رقیّه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
گیدورم شامه حسین سرور و سرلشگرسیز
سروریم یات یارالی کرب و بلاده سرسیز
سندیرار ابر گلی گلشنه توکسه دولونی
تازیانه ایله سندیرمش اوشاقلار قولونی
بودا بیرقافله دور باشلیوب عشقین یولونی
زنگی بیر خورداجا قیز ناخوشی وار بسترسیز
وار قاباقدا یورولان قیزلارا طولانی مسیر
زندگیدن گورورم عترت پیغمبری سیر
شهدانون آنالارین ایلیوب شمراسیر
صود دوشونده ملیورغملی رباب اصغرسیز
قوجالان وقته آناعمری اولاربی پایه
سرو قد اوغلی سالارباشینون اوسته سایه
اوغلونون بیرتلینی ویرمزیدی دنیایه
لیلیه چاره ندورشامه گیدوراکبرسیز
مرحوم‌استادانور
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
سید محمد عاملی
گینه بیرهفته سایدیم گلمدون سن
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ای قلم سوزلرونده اثر یوخ
شعر معروف امام زمان(عج)
ای قلم سوزلرونده اثر یوخ
اشنادن منه بیر خبر یوخ
گلدی بوجمعده گیتدی الله
فاطمه یوسفینن خبر یوخ
یاندی پروانه لر شمع سوندی
ایریلقدان اورک قانه دوندی
شانیده رتبه ده بی بدلسن
هرگوزلدن اقا سن گوزلسن
کیم دییر ایریلیق درده سالماز
عاشقین صبرینی الدن الماز
ای گوزوم یولارا باخ داریخما
گون همیشه بولود التدا قالماز
شانیده رتبه بی بدلسن
هرگوزلدن اقا سن گوزلسن
غنچه گوللر نه اندازه سولسون
قلبیلر قویما قانیله دولسون
گلدی بوجمعده گیتدی الله
کیم ساییب جمعه دیگر اولسون
شانیده رتبه ده بی بدلسن
هرگوزلدن اقا سن گوزلسن
ای (صفایی) هله دوز فراقه
یول سال بیزده بیرده عراقه
قلبیلر غصه دن داغلی قالدی
یا امام زمان گل اماندی
صفایی زنجانی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
روضه حضرت زهرا سلام الله علیها
گل اوتور واردی سنه سرلی سوزوم
سنده ننن کیمی یارانبسان مصیبته
من ئولمه میش سنی ئوزومه نائب ایلیرم
بسکه لیاقتین بولورم وار نیابته
گوندوز لرین آغلار گچه جاخ قیزیم
کیپریکلرین توکجاخ یوزوه اشک آل قیزیم
زینب ای فاطمه نین مظهر تقواسی قیزیم
وی علینین مثل صبر و شکیباسی قیزیم
آغلاما آغلاماقون آرتیراجاخ رگتیوی
گیدجاخ خاطریوین قدرت و یاراسی قیزیم
گل اشیت آخر عمرومده وصیتلریمی
آناوین واردی ثمر بخش وصایاسی قیزیم
قیزلارین عفت و تقوادی قیزیم
زیب و زری
زینتی عصمت و اخلاق سجایاسی قیزیم
فتنه لر یاغسادا صبر ایله ایتیرمه ئوزوی
سنده قوی صورته صبرین دوشه معناسی قیزیم
مندن آیریلماقا صبر ایت بو ایوین چون سن اوزون
من
الندن صورا سن سن بو ایوین زهراسی قیزیم
سن بوگوندن اولاجاقسان آناسیزلار آناسی
واردی سندن آناوین نچه تمناسی قیزیم
آنالیق ایله حسینیله حسن قارداشوا
(فضه دییر سحر دوردوم گوردوم خانم دوروب ایاقا منه دییر فضه ایستیرم بیر استحمام الیم اله بو سوزی ایشیدماخ همین گوردوم زینب اول ایشی کی گوردی ننه نین یرین جمع ایلدی الله ننم دوردی ایاقا اله بیر )
واردی سندن آناوین نچه تمناسی قیزیم
آنالیق ایله حسینیله حسن قارداشوا
آنا لازمدی اولا عاطفه دریاسی قیزیم
همدم گرمیله گرم ایله علی محفلیتی
هم بو کاشانه نین اول انجمن آراسی قیزیم
اولمویا خاطر آزاد علی غصه لنه
(قیزیم بابانان چوخ مواظب اول من بو حالا دوشموشم علی آغلامیا)
همدم گرمیله گرم ایله علی محفلیتی
هم بو کاشانه نین اول انجمن آراسی قیزیم
اولمویا خاطر آزاد علی غصه لنه
بابان آدامسیزدی اونا خدمتین تمام ایله خدمتین تمام ایله
ایوه گلنده ادبا دور قیزیم قیام ایله دور قیزیم قیام ایله
سلام ائدن یوخدی اونا دور قیزیم سلام ایله دور قیزیم سلام ایله
همدم گرمیله گرم ایله علی محفلیتی
هم بو کاشانه نین اول انجمن آراسی قیزیم
اولمویا خاطر آزاد علی غصه لنه
غصه لنسه اولاجاخ روحومون ایزاسی قیزیم
منکه آز عمرومی صرف ایلمیشم خدمتینه
حالتیمدی بوسوزون شاهد گویاسی قیزیم
بیعت اوستونده علی خاطرینه ئولدی بالام
هم بوکولدی آناوین قامت رعناسی قیزیم
بیرده بیر گون گوره سن لعل لبینده حسنین
باتاجاخ یاسه اونون یاسمن و یاسی قیزیم
اگر من ئولسم عذاریوه سیل اشکیوی آچما سیل اشکیوی آچما
فراقیمه صب ایله قیزیم قلبه تیر غم ساچما قلبه تیر غم ساچما
حسن یانندا گوزل بالا کوچه صحبتین آچما کوچه صحبتین آچما
(قوی حسنین یادنان چخسین بالا )
بیرده بیر گون گوره سن لعل لبینده حسنین
باتاجاخ یاسه اونون یاسمن و یاسی قیزیم
بیرده بو کلثوم کی چوخ فکریمی مشغول الیب
چوخ کیچیکدی یوخ اونون غصه تواناسی قیزیم
بیرده سن سن کی ئوزون نایبه سن سنده منه
سنده وار فاطمه نین سیرت و سیماسی قیزیم
(خانم یانایانا دیدی قیزیم)
دیگر برای ماندن مادر دعا نکن
من هم عروس بودمو مادر نداشتم
شرکتین وار بو حسینیله قیامه گیده سن
او قیامیله اولار محشر کبراسی قیزیم
گر قاپیم یاندی سنینده یاناجاخ خیمه لرین
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
مصیبت حضرت زهرا (س)
.
.
سبک : عباسیم علمداریم ...
.
.
علومی تبریزی
.
شاد اولمادی بیر لحظه
دنیاده خانم زهرا
اولدی ستم و غمدن
افتاده خانم زهرا
.
.
بو دخت شه لولاک صدّیقۀ کبرادی
ریحانۀ پیغمبر محبوبۀ یکتادی
کیمدور بو جلالتده زهرائیله همتادی
بی مثل گلوب یعنی ایجاده خانم زهرا
.
.
ریحانۀ پیغمبر دارای شهامتدی
هم صاحب عفتدی هم معدن عصمتدی
بانوی گرامیدی خاتون قیامتدی
لطفی یتوشر خلقه عقباده خانم زهرا
.
.
بیر بیله مقامیله بیر بیله جلالیله
اون سگّیز ایل عمر ائتدی افسرده خیالیله
فریاد فغانیله اندوه و ملالیله
اولموشدی مماتینه آماده خانم زهرا
.
.
گئتدی آتاسی اشگین رخسارینه باغلاردی
گوز یاشلو خانم هر آن قاره باشا باغلاردی
گولمزدی یوزی غمدن آغلاردی چوخ آغلاردی
دینجلمدی بیر لحظه دنیاده خانم زهرا
.
.
ثانی ویروب اود یاندی درگاهی چکوب افغان
بطنینده کی سقط اولدی گلزاری اولوب ویران
آرتدی غمی ظلمینده شرم ایلمدی دونان
هر شام و سحر گلدی فریاده خانم زهرا
.
.
یارب بحق زهرا ریحانۀ پیغمبر
لطف ایله «علومیدن» غملر گئده سرتاسر
طدقیله دیه نوحه گوز یاشلی ائده ازبر
مقبول ائده اشعارین معناده خانم زهرا
.
.
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کربلایی احمد پوریا شریف آبادی
یا فاطمه (س)
عصمتون پایه ی حُسن و شرفی فاطمه دی
مرتضانون بلی یار هدفی فاطمه دی
بو خانم نور دل حضرت پیغمبردی
خیر نسوان جهان پاک دل و اطهردی
وصفینه من نه یازوم اوز ابینه مادردی
فخری وار ام ابیهای نبی فاطمه دی
احمدین دیلده بلی تاب و تَبی فاطمه دی
ذات حق فاطمه نی افضل و والا یارادوب
رتبه سی برتریدی عالی و اعلا یارادوب
اوزی تکدی اونیده خلقیده تنها یارادوب
ایکی عالم صدف اولسا گُهری فاطمه دی
خَلَق و ماخلقین سیم و زری فاطمه دی
معدن حُجب و حیا معنی کوثردی خانم
اوزی هم کفو علی شافع محشردی خانم
نیروی بازوی حیدر یل خیبردی خانم
نور انوار حق لم یزلی فاطمه دی
دلبر و مونس و هم یار علی فاطمه دی
نجه زهرا هامی گفتارلری عرفاندی
شانینه سوره گلوبدور سَندی قراندی
نجه زهرا بالاسی ما خلقه سلطاندی
اگمین ظالمه باش حَقّی دیَن فاطمه دی
اوغلونا کرب و بلا درسی ویرن فاطمه دی
نجه زهرا که اونا نور دیسم باجادی
پاره ی جسم نبی بند دل طاهادی
بو خانم همسر والا نصب مولادی
هم رسولین هم علینون نفسی فاطمه دی
حشریده شیعه لرون داد رسی فاطمه دی
بو خانم نُه فلکه جلوه ویرن طلعتدی
عرشه و فرشه او مبارک نفسی عزتدی
باعث خلقت عالمدی گُل ِ جنَّتدی
سالک مهر و وفا پایه ی دین فاطمه دی
حیدره همسر و دلدار و معین فاطمه دی
دوزدی الله نفسی اول دَم عیسایه ویروب
ید بیضانی ویا حضرت موسایه ویروب
حضرت فاطمه بیر پایدی که طاهایه ویروب
مریمون عزتی ، طاها بالاسی فاطمه دی
زینبین و حسنینون آناسی فاطمه دی
حُرمتی فاطمه نون حوریلره لازمه دی
چوخ ولاییدی خانم رهبرینه دافعه دی
قیزی زینب اوزی بیر مُجتهد و عالمه دی
بجروب زینبی حیدر کیمی بی واهمه دی
زینبون غیرتینون شاهرگی فاطمه دی
حق علینون دی دیدی حقینی سیز غصب ایلدوز
پرچم حق یرینه کُفر علمون نصب ایلدوز
جام ِکین و گُنَهی مکریله سیز کسب ایلدوز
حیدرون غیرتینه دالدالانان فاطمه دی
فدکین ملکونی غاصبدن آلان فاطمه دی
جنگ خندقده رشادت ایلین حیدردور
فقرایه بلی احسان ایلین حیدردور
خیبری قدرتیلن فتح ایلین حیدردور
ایندی بو لحظده مولایه کمک فاطمه دی
مالک اصلی بُستان فدک فاطمه دی
گلوری فاطمه اوغلیله حسن گوزده تَری
سند باغ فدک الده دی خونین جگری
حقی ظالمدن آلوب کوچیه دوشدی گذری
یولونون اوسته او بی شرمی گورن فاطمه دی
ذکر یا حیدری لبلرده دین فاطمه دی
عفو ایله یابن الحسن سوز آچوخ اولدی خیلی
ایلدی ثانی جسارت یوزی اولدی نیلی
نه حالا سالدی آنون شدت ضرب سیلی
قولاقیندان یره گوشواره دوشن فاطمه دی
کوچه ده دگدی یره غرق محن فاطمه دی
غملیدور یابن الحسن قلبیده وادور محنیم
ایاقا دوردی آنون سسلدی ای وای حسنیم
گوزو گورموردی ننون یوخ دیدی الدن دوتانیم
اوزمان اوغلونی آغوشه آلان فاطمه دی
گل کیمی رنگی صولوب هم سارالان فاطمه دی
دیدی شکر اللهه سالم سن حسن یاندیم اوغول
الی شل اولسون اونون قلبیدن اوتلاندیم اوغول
قور خدوم اول ضربه سنه دگسی الولاندیم اوغول
حسنین باغرینی چوخ قان ایلین فاطمه دی
کوچده قلبینی سوزان ایلین فاطمه دی
دیدی سن ایتمه اشاره بابا وا کوچه غمین
علی مظلومیدی یوخدور اونا بیر یارو معین
کان غیرتدی بابان چوخ غمینی ایتمه درین
همسیرین غصه سینی جانه آلان فاطمه دی
گلشن عمری اولان فصل خزان فاطمه دی
(پورِیا )یاز بو سوزی ای گُلِ حیدر، زهرا
نه حالا قالمیشیدون سیلی وراندا اعدا
یا علی دیلده دیدون دردین آزالدی گویا
حیدرون گوزیاشین القان ایلین فاطمه دی
قبرینون اوسته پریشان ایلین فاطمه دی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یا فاطمه الزهرا سلام الله علیها
➖➖➖➖➖➖➖➖➖➖➖
تاپمادیم دردیمه عالمده دوا یازهرا
گلمیشم درگهیوه دلده نوا یازهرا
سائلم درگه احسان تانورام بو قاپونی
قیل کرم نوکره ای کان سخا یا زهرا
ئوپورم خاک دروندن منه احسان ائده‌سن
بیلمیشم درگهووی باب رجا یا زهرا
آند وئرّم سنی اوز عفّتیوه عصمتیوه
نا امید ائتمه ، دوا ایله عطا یازهرا
قلبیمی غم بوریوب سینمی آلام یوروب
حاجتیم چوخدی خانم ایله روا یازهرا
آند وئرّم سنی محسن بالاوین تربتینه
بیلمدیک قبری اونون اولدی هارا یازهرا
هم مزاری بالاوین همده سنون گیزلین اولوب
هاردا دفن ایتدی سیزی شیر خدا یا زهرا
بیزه نیسگیلدی بو سوز حشره کیمی یاندوراجاق
ثانیه نیله میشیدی او بالا یا زهرا
قیل دعا مهدی بالون تئز گله بو قانی آلا
شیعه نین قلبی تاپا بلکه صفا یا زهرا
ثانینین ظلم و جفاسیندن اورک درده گلوب شیعه»آغلار بو غمه صبح و مسا یا زهرا
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
اکبر استجلو زنجانی
یا زهرا(س)
بیزلره دِلده صفانی حضرت زهرا وئروب
دردیمیز اولسا دوانی حضرت زهرا وئروب
خلق اولوب جِن و مَلک عالمده زهرایه گوره
الده موسایه عصانی حضرت زهرا وئروب.....
عشقینه خاطر سالوب درده اوزون جاندان گئچوب
باغ عشقه ار غوانی حضرت زهرا وئروب
عاشق دین و خُدادی عالمه عشق اورگدیب
عاشقه عشق خُدانی حضرت زهرا وئروب....
اهلبیتین درگهیندن چوخلی حاجت آلموشوخ
هرزمان بو اقتضانی حضرت زهرا وئروب
واردی بیمارین اگر دوگمه مطب دروازه سین
هرمریضه چون شفانی حضرت زهرا وئروب.....
ائلیوب دائم عنایت شیعیان احمده
شیعه یه کرببلانی حضرت زهرا وئروب
نه فقط کرببلانی بلکه بی حد بذلی وار
ایرانا موسی الرضانی حضرت زهرا وئروب....
مریم و هاجر گلوبدی مکتبیندن درس آلا
زینبه درس حیانی حضرت زهرا وئروب
کیمدی زیبا روی عالم عرصه چرخ فلکده
هرپری یه مه لقانی٬حضرت زهرا وئروب...
فتح خیبر ائلیوب یا فاطمه دیلده علی
قدرت شیر خُدانی حضرت زهرا وئروب
یازماقا عاجزقالار حتماً قلملر مدحینه
هرسوزه هرمُحتوانی حضرت زهرا وئروب....
بیزده وار ایمان مُحکم ناروا یول گئتمروخ
اعتقاد پُر بهانی حضرت زهرا وئروب
مکتب الزهرایه گل دُخت نبی گورسون سنی
وعدهٔ روز جزانی حضرت حضرت زهرا وئروب....
نور٬زهرادی یقین خورشید اونا وابسته دی
چون سمایه بوشُعانی حضرت زهرا وئروب
توی لباسین بذل ائدوبدور توی گونونده بو خانم
سائله لطف وعطانی حضرت زهراوئروب....
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
در مدح و شهادت حضرت صدیقهٔ کبری (س)
گریز به زبانحال حضرت_رباب (س) در شام_غریبان
..
..
..
..
مرحوم انور اردبیلی
..
..
..
..
صبح عصمت پدیده سی زهرا
طاهراتون چکیده سی زهرا
..
آدمون مایه ی مباهاتی
خاتمون نور دیده سی زهرا
..
گوز آچان خانه ی رسالتده
مهد حق پروریده سی زهرا
..
معنی کلمه ی ذوالقربا
همدم و هم عقیده سی زهرا
..
حسنینیله زینبینه آنا
امّهاتون سعیده سی زهرا
..
دشمن غاصبی ائدن رسوا
علوی لر رشیده سی زهرا
..
یارینه یار اولان یامان گونده
بار محنت خمیده سی زهرا
..
صحنه ی ظلم و زور و طغیانون
رنج و محنت کشیده سی زهرا
..
مهبط پیک رب الاعلاده
خط سرخین شهیده سی زهرا
..
..
..
..
فخر لعیا انیسه ی حورا
لقبی آسماندا منصورا
..
..
..
..
بحر توحید گوهری زهرا
جان تجرید جوهری زهرا
..
اُحدون سلسبیل جوشانی
احمدون حوض کوثری زهرا
..
مالک یوم دینه محبوبه
خلقتین زیب دفتری زهرا
..
ئوزی گون اون بیر اولدوزون اما
صاف و پاکیزه محوری زهرا
..
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
🔰کربلایی حسین عینی فرد🔰
💠لطمه زنی در مجمع حیدریون زنجان💠
هییت متوسلین حضرت علی اکبر(ع)تبریز
/channel/motavasselan
سلام صبح آچلنجاق ربابي آغلادانا
رقيه نون اورگين ناله سيله داغلادانا
سلام اولا قوريان دوشلري دوتوب اَمَنَه
آناسينون سينه سين درناقيلا زخم ائدنه
سلام ،رشته جانين عطش كسن بالييا
او خردا لبلري غنچا كيمين اَسن بالييا
سلام اولا بو جهاندا ديل آشميان بالييا
آنا قوجاقينه بير دفعه قاشميان بالييا
سلام ،كوره عشقي ،بلاسي ياندرانا
سوسوز دوداقلاري عباسي چوخ اوتاندرانا
سلام او آلتي آي عمرينده چوللري گزنه
ئوزي قالب ،بَلَگي قانلي يثربه گئدنه
سلام اولا بوقازين اوچ پر اوخ بيچن بالييا
ئولنده سو يرينه ئوز قانين ايچن بالييا
سلام اولا محن و غصه سي جَلي اولانا
آتاسنون اَلي دنياده مَقتَلي اولانا
سلام او حرمله نون تيرينه شكار اولانا
آناسي فاطيمه دردينده سوگوار اولانا
سلام عرض ائدورم من حسينون اصغرينه
سلام ،طشت گذاريده ياره حنجرينه
دگنده اصغره اوخ ،پارچالاندي وجدانلار
قان آغليار بو محنده شرفلي انسانلار
دگيبدي اوخ بالييا ،پيكري اولوب القان
آتا قالبدي آدامسيز ،اولوبدي چوخ حيران
باسبدي سينه سينه غملي آفتاب اوغلون
سوسوزدي تز تزئوپور ،مير مستطاب اوغلون
باخور ياراسنا،قلبينده ياره سي چوخالور
گورور الينده غم و درده مين كتاب اوغلون
ئولوب بالا ،دوداقندا قالب ولي لبخند
طريق عشقيده شه بيلدي كامياب اوغلون
گولوردي حرمله ميداندا قدي خم آقاما
گوزونده ياش آقاميز ايلدي خطاب اوغلون:
يامان بلايه دوشوبدي غريب آتون،الان
بوياندربدي قانا ،فرقه عذاب ،اوغلون
دورانمورام بو مكاندا باخور منه دشمن
چكور منيم گوزومه ،خانه سي خراب اوغلون
خيامه گئتمگه ده گلميور يوزوم چونكي
گوزتليور بير آنا اوردا ،دُرّ ناب اوغلون
آقردي مشگلوم اوغلوم ،ائله كمك آتووا
آتا بيلر ئوزونه چونكي صبر وتاب اوغلون
توكل آلاها ،وار خيمه ده گنه زينب
آنامدا ياري ائدر ،اوردا؛ دل كباب اوغلون
خلاصه ،خيمه گهه ساري ايلدي حركت
آپاردي گور نجه ليكن او ارزياب ،اوغلون
همان عبا كي علي اكبري اونا بوكدي
آپاردي خيمه لره اوندا ماهتاب اوغلون ،
همان عباني ،علي اصغرون چكيب يوزونه
عبانون آلتدا نهان ائتدي اول جناب اوغلون
عبانون آلتدا بالا ،چاتدي خيميه ؛گويا
قوجاخلامشدي كرامتلي بير سحاب اوغلون
خيامون اهلي حسيني گوروبدولر تنها
گورنميوردي اولار چون او باصواب اوغلون
به جز رباب سوروشدي هامي :پس اصغر هاني ؟
آقر سواله بيلوردي حسين ،جواب اوغلون
حسين سكوت ائلدي ،ناگهان اسيب بير يل
عبا كناره گئديبدي ،گوروب رباب اوغلون
گوروبدي حنجره دلفكار و خونپاشي
گوروبدي بير دَريدَن آسلانب اوغول باشي
اگرچي ياندي ديلي درد بيشماريلن
گوز آلتي زينبه باخدي دوروب وقاريلن
اگر چي ديزلرينون قدرتي اولوب تحليل
فغان و ناليه امّا او يرده آچمادي ديل
اگرچي دوتدي الو ،تار و پود واكبادي
داياندي داغ كيمي تا جاودان قالا آدي
سرشگه قويمادي بير ذره گوزلري بويانا
ددي :من آغلاسام ،امكاني وار آقام اوتانا
بويرده ساخلادي ئوز اشگ وناله سين آهين
اوجالتدي شام غريباندا سوز جانكاهين
بيلوردي خيمه دالندا بالاسي دفن اولونوب
وَ باغبانون اليلن لالاسي دفن اولونوب
دوزَنمدي اورگي ،قوزانبدي افغاني
اجازه ايسته دي زينبدن اول وفا كاني
بو اولدي قصدي بالا قبرينه گئده ناگاه
رقيه نونده ياپشدي الين ،ائديب همراه
آنا محبتي اعجاز ائديبدي نيمه ي شب
مسير مدفني ديل، باز ائديبدي نيمه ي شب
تاپب مزاري ئوزون اوستونه غمين سالدي
قوجاقينه بالانون خردا قبريني آلدي
رقيه نونده گليب بحر محنتي جوشه
آلب اوّدا او پريشان مزاري آغوشه
اياقه دوردي ،بوياندي او نازلي گوز ياشنا
دولاندي قارداشنون خردا قبرينون باشنا
خياميده او زمان كي سو تاپدلار اسرا
رباب غمزده بير جرعه سو ايچيبدور تا ؛
دوشوبدي رشته جاني ،ايچنده سو ،دوگونه
سو قويدي ئوز اثراتين ،دولوبدي سود دوشونه
اوغولسوزون ايشي بير مشگله دوباره دوشوب
اَمَن يوخيدي سودون ،سينه سي فشاره دوشوب
اوئيدي قبره چاتاندا سحابي تك ياقدي
دوشونده كي سودوني ،قبر ِاصغره ساقدي
https://telegram.me/joinchat/BQ1CKT3x959rXnaj_Kjibw
روضه_حضرت_زهرا
گل اگلش یانیمدا حجازین یَلی
سونور شمع عمریم عم اوغلی علی
گل ای نورعینیم
مه عالمینیم
ئولور فاطمه
بوآخیرنفسده
دی گلسون حسینیم
ئولور فاطمه
نه نیسگیللی نه باغریقانم علی
نه حسرتدیَم چوخ جوانم علی
حسیندن فقط ناگرانم علی
ائلیندن آرالی
وئرر جان یارالی
منیم سویگولوم
یتنده زوالی
آخار اشک ِ آلی
منیم سویگولوم
حسینون غمی شیعه قلبین سیخار
اونون نهضتی کاخ ظلمی ییخار
کسیک باشی نوک جدایه چیخار
جدایه چیخان باش
ائدر سّرلار فاش
عم اوغلی علی
او اشرار و اوباش
او باشه وُرار داش
عم اوغلی علی
منیم یوسفیم پیرهنسیز قالار
گولوم کربلاده چمن سیز قالار
که یعنی حسینیم کفن سیز قالار
ائدللر جسارت
او قوم ضلالت
عم اوغلی علی
اولان وقت غارت
قوپاربیرقیامت
عم اوغلی علی
گولوم گوزله برگ تراوسته یاتا
مدارا ائله بستر اوسته یاتا
مبادا کی خاکستر اوسته یاتا
اولاربیر زمان فاش
بومهتاب جانپاش
محاقه باتار
جهانی آتان باش
سینمده یاتان باش
کول اوسته یاتار
گولوم کربلانی گلستان ائدر
او توپراقی قانیله الوان ائدر
اولان چاره سیزدردی درمان ائدر
دئنن درد اولانلار
خزاندا سولانلار
دئسون یاحسین
غم ایچره یانانلار
دواسیز قالانلار
دئسون یاحسین
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کربلایی محمد فیروزی
حسین عاشقی....
من ایاغدان باشا احساسم حسین عاشقیم
آری گلشنده. گل. یاسم. حسین عاشقیم
اتمشام عقل داشین عشق اولا دیوانه لیگه
نیلیوم عشقیمه وسواسم حسین عاشقیم...
تانیسون قوی هامی دیوانه منی عیب المز
منده بو شهرته حساسم حسین عاشقیم
سرزنش ایلمیون هرکسه سلطان دمرم
دمورم اطیب الانفاسم حسین عاشقیم....
آدی بوینومدا مدال شرف و غیرتدی
ریشه دشمنینه داسم حسین عاشقیم
ورلر کُرسی قدرت منه لا سَسلنرم
چون غلام در عباسم حسین عاشقیم...
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
آرزوی کربلا( بدرقه زائر کربلا)
گئدن زیارته ای کربلایه زائر اولان
گئدن قدملریوه یوللارا ئوزم قربان
نقدر آرتوخ اولار یوللارین غم و رنجی
گلایه ایلمه که رَنجبَر تاپار گنجی
همان او گنج اوزی بس رنجلر خزینه سیدی
آدی حسین دی پیمبر سُرور سینه سیدی
ازل او یرده دایان کاظمین دور آدی
او شهر ایچینده سراغ ائت غریب بغدادی
گیرنده روضۀ غمناکینه یانا یانه
غریب امامه سلام عرض قیل غریبانه
یانیندا یاتمیش امام جوادی گور مسموم
او بیر ضریحیده همدرد اولوب ایکی مظلوم
ایکی سینین یادا سال نسگلین ئورک داغلا
آدامسیز ئولدوله سس چک دویونجا بیر آغلا
سفر تدارکی گور کربلایه ایله گذر
او آلتی گوشه لی قبره یتنده ایله نظر
گورنده روضه ده غمدن گونون قرا گئجه دی
سلامدن صورا عرض ائت یارالارون نئجه دی
ایاق طرفده مراعات احترام ایله
جوانلارین دیلیجه اکبره سلام ایله
اوزووه بو سوزومی هر دقیقه فرض ایله
قوجالاریندا سلامین حبیبه عرض ایله
اون اوچ یاشیندا جوانلار که چوخ گلور داده
یتور سلاملرین حجله گهده داماده
باخ اون یاشیندا جوانلار ئورک یارالارینا
یتور سلاملرین زینبین بالالارینا
بو خوردا قیزلاری دا مقضی المرام ایله
سوسوز ئولن ایکی خوردا قیزا سلام ایله
اونوتما سود امر اطفالی آل گلن نظره
اوشاقلاریندا سلامین یتور او سود امَره
مُخَدَّره آنالاردا بو خواهشی ایلر
آناسیز اصغره لایلای سفارشی ایلر
فرات اوسته یتنده حریم سرداره
سلام عرض ایله یالقیز یاتان علمداره
بو روسیاهه ده لطفون حَدِ تمامه یتور
منیم سلامیمیده اول قره غلامه یتور
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw