1504
آدرس اینیستاگرام http://www.instagram.com/motavasselan1 رجز نوحه های تصویری صوتی اشعارحسینی شور ارتباط با آدمین تبادل ارسال مطلب @YaAliAkbarMadadi
کوچ از خرابه شام
ای بلبل ایله ناله که فصل چمن گیدر
گلشن پوزولدی موسم سور و سمن گیدر
بیر گل که باشینه دولانوردون صباح و شام
ایمدی سولوبدی گلشنه زاغ و زغن گیدر
گللر سولوب چمن پوزولوب دیده لر دولوب
گوز یاشلاری عذاره چو سیل دَمَن گیدر
بلمم نه واردی شش جهتی دوتموش انقلاب
یردن سپهر طاقینه ناله ندن گیدر
گویا حجاز قافله سی شهر شامدن
پوزقون قطاریله ایدوب عزم وطن گیدر
شمرین الیندن آل پیمبر خلاص اولوب
دشت بلایه آل شه ممتحن گیدر
غم مکتبینده درسین آلوب ازبر ایلیوب
تدریس عشقه درد و بلانی سون گیدر
معمورۀ وفاده غم دل دیماخلیقا
آلتی آی خرابه یرده جفایه دوزن گیدر
استاد عشق زینبه مشق وفا ویروب
اثبات عشقه رام بلا و فتن گیدر
از بسکه تازیانه وروبلار سپاه شام
نیلی اولوبدی قولّاری چون یاسمن گیدر
باشدا قرا دیلینده حسین وای دیه دیه
قارداش حضورینه او مصیبت چکن گیدر
یاسلی عزالی باشی قرالی بدن یانوب
زلفی آقارمیش اگنینه قاره گین گیدر
اللر اورک باشندا توکر قانلو گوز یاشی
جان تک باسوبدی باغرینا بیر پیرهن گیدر
یعقوب دشت کرب و بلا شام یوسفی
کرب و بلانی ایتماقا بیت الحزن گیدر
یعنی غلام تک قولی باغلو اسیر اولان
بازار شامی قولّاری باغلو گزن گیدر
سجاد بوینونون غل و زنجیر یاره سین
ویرماخلیقا حسینه نشانه علن گیدر
داماد قبرینه سو سپه اشگیله عروس
زلف سریله گرد و غبارین سیلن گیدر
کلثوم آلوب الینه ابوالفضل بیرقین
قارداش دیر او غمکش دور زمن گیدر
کرب و بلایه یتدی غرض هاشمیه لر
توضیح عشقه مرقد یاری گورن گیدر
برج حیا ستاره لری ایتدیلر نزول
شمس امامته غمینی بُلدورن گیدر
گون دوره سینده هاله وروب مه جبین لر
دلدار محضرینده گورون اگلشن گیدر؟
بزم وصالده آچیلوب هجر صحبتی
عرشه فغان آل شه مؤتمن گیدر
بی هوش اولان باشنا ووران زلفینی یولان
بیر شیون اولدی سوزی دئمه سینه دن گیدر
قبر حسینه یوز قویوب علیا مُکَرَّمه
هوشه اونون او حالتینی فکر ایدن گیدر
عرض ایلدی حسین باجون ئولسون ایاقه دور
باشسیز عیالون ایلیوب عزم وطن گیدر
بو مشگبو مزاری نجه ترک ایدوم گیدوم؟
بیله یره مگر آنام اوغلی گلن گیدر
سندن سورا او قدر بلا گورمشم دیسم
یتمز تمامه طول اولی طرز سخن گیدر
گوردوم گیدنده شامه بارالی وجودوی
کفار شام یرده قویوب بیکفن گیدر
وارد اولاندا کوفیه قول باغلی دستگیر
گوردوم کسوک باشوی جدا اوسته من، گیدر
باشون گوروردی نیزده، بیگانه مجلسه
بیر دسته باش آچوخ یوزه زلفین توکن گیدر
گوردون اوزون او حالیده بیچاره زینبون
درّ سرشگی اولموش عقیق یمن گیدر
ابن زیاد مجلسنه گیتمدیم اوزوم
هر یانه گیسته روح یانینجا بدن گیدر
آهو کیمی منی باشون ایتمشدی بند قید
هریان چکلسه رسمیدی دامه دوشن گیدر
شامین یولی مُجسّم اولور گوزده دمبدم
دلدن مگر او قدر بلا و محن گیدر
قرآن اوخوردی شامه گیرنده کسوک باشون
گورجک جداده قانلو باشون پیره زن گیدر
بیرداش ووروب جبینوه قان دوتدی صورتون
باخموب اوقانه مذهب و دینی ثمن گیدر
بزم یزیده چکدیله بی پرده، عترتون
دلدن مگر مصیبت اول انجمن گیدر؟
دوشدوقجا یادیمه منیم اول شرب مجلسی
قان گوز یاشیم عذاره چو درّ عدن گیدر
شامی قیزون اسیر گوروب ایسته دی کنیز
کفّاره گور کنیز عروس حسن گیدر؟
جان ویردی بیر قیزون قوری یرده خرابه ده
گوردوم قولوندا مدفنه نقش رسن گیدر
قالدی غریب قبری او توزلی مزارینه
بیر دفعه ایلده بیت خدایه گیدن گیدر
یتمز تمامه آل پیمبر مصیبتی
سوز چوخدی ای(حسینی)نقدری دئسن گیدر
آغلار گوزیله ایسته حسینون زیارتین
قبرین خلوص نیتیله ایستین گیدر
هر چند وار بو شعرده ایطاء قافیه
بیر فنّ دور ولی بو یولی هر بولن گیدر
اثر : سیدرضا حسینی سعدی زمان
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج_علیرضا_وثاقی
روضه سوزناک سیدالشهدا
(حسینه اولمادی امکان مناده کسماغا قوربان)
https://telegram.me/joinchat/BQ1CKT3x959rXnaj_Kjibw
🔰کربلایی حسین عینی فرد🔰
🎥 دهمین سالگرد سید جواد ذاکر طباطبایی
https://telegram.me/joinchat/BQ1CKT3x959rXnaj_Kjibw
یازهرا
حیف اولا بیر کوچه پوزدی حیدرین پرگارینی
دوگدولر شیر خدانین سئوگیلی دلدارینی
دوقّوز ایلده غم قوجاتدی،محرم اسرارینی
دخترِ پیغمبره اولدی جسارت کوچه ده
آشکارا حقّه اولدی،هتک حرمت کوچه ده
قصه ی باغ فدک تاپدی خلاصه خاتمه
مُهر تأیید ویردی بوبکر،وئردی فخرالآدمه
روبرو اول کوچه ده ثانیله اولدی فاطمه
عرض ایدوب هاردان گلور دُخت رسول مصطفیٰ
الده کی اسنادیدن آلدی خبر اول بیحیا
اعتنا ائتموردی ملعونه عزیز مصطفیٰ
عرض ائدوب کامل دگول اسنادین ای خیرالنسا
بولموسن ثانی گرک بیرده اونا امضا ویرا
تا دئدی لازم دگول امضایه،ناموس علی
ناگهان گئتدی هوایه بیحیانین صول الی
ائیله بیر ضربت ویروب عاجزدی دل گفتاریدن
قان گوزونده لخته لندی،دگدی تا رخساریدن
تنگیدی کوچه دگوب بیر ضربه ده دیواریدن
ساغ طرفدن ویردی امّا صول طرف اولدی کبود
گورمه دی گوزلر،یخیلدی تپراقا روح سجود
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت علی علیه السلام در بقیع
.
سبک : ای وئرن ویرانه یرده ... عمه بو ویران سراده ...
.
.
مرحوم علی اکبر حامدی ( حامد تبریزی )
.
فرقت زهرا مؤثر اولدی بس که بوترابه
جسمینی قبره قویاندا بیله تاپشوردی ترابه
.
.
.
ای بقیع تُپراقی ساخلا پیکر زهرانی راحت
گورمیوب خوش گون جهاندا چوخ چکوب جور و مشقت
.
.
.
بو گل باغ جناندور واریدی چوخ چوخ طراوت
سالدی ظلمیله طراوتدن بونی اهل عداوت
آفت ظلمیله سولدی بو گل ختم رسالت
وار یری اوز گردشیندن چرخ دون اولسا خجالت
.
.
.
بو گل گلزار طاهادی حبیبه کردگاره
گلسه مین عالم نظیری بیرده گلمز روزگاره
چوخ گوروب دهرین فشارین سالما چوخ سنده فشاره
نازینی چک خسته دور یورقوندی چوخ گورموش مصیبت
.
.
.
تیره لندی کثرت غمدن جهان آغلار گوزینده
پرده چک رخسارینه جان وار علینین بو سوزینده
گورمسون جدی پیمبر ضرب سیلی صورتینده
نقش بند اولموش عذارینده اسفلی بیر علامت
.
.
.
محنت هجرینده جانه گلمیشم من زار و خسته
سنده چک بیر پرده زهرانین بو جسم زاری اوسته
گورمسون زهرا ملاقات ائتسه اعضاسین شکسته
جدی پیغمبر که یوخ جسمینده بیر جای سلامت
.
.
.
آیریلوب اوغلانلاریندان مطلقا گریاندی روحی
کفن ایدنده جان کیمی آلدی کناره یاندی روحی
آغلادوب اهل سمانی گور نجه اودلاندی روحی
داغ هجرانی قالار دللرده تا روز قیامت
.
.
.
گرچه من دفن ائتدیم اما گور نجه افسرده یاتدی
ضرب سیلیدن یانان یوز تازه دن تپراقه باتدی
چون بلادن فارغ اولدی مطلقا مقصوده چاتدی
بیرده هرگز ایلمز بیر کیمسه آزار و اذیت
.
.
.
نسگلی چوخدور حقیقت کشف اولا دنیانی داغلار
آغلورام من قبری اوسته ائوده ده اطفالی آغلار
ایمدی گوز یاشین حسینی صفحۀ رخساره باغلار
چون گیدوب الدن آناسی ناله سینده واردی شدّت
.
.
.
ایلیوم نچاره گیتماقه ائوه گلمور یوزیمدن
وار یری اشکیم یرینه قان آخا آغلار گوزیمدن
ایلورم حالین قیاس اطفالین آخر اوز اوزیمدن
من بو احواله قالاندا گور اولاردا وار نه حالت
.
.
.
گر ائوه گیتسم حسین ایستر آناسین نیلیوم من
گیتمسم سسلر آنا ایوای ایدر فریاد و شیون
« حامدا » زهرا غمی آل رسولی سالدی دلدن
کیم دوزر بو ابتلایه نیلسون شاه ولایت
.
.
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زنده یادحاج محمدباقر منصوری
بارالها قانا غلطاندی بالام
نوحه حضرت علی اصغر (ع)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
💠حاج محمد باقر منصوری
✅به یاد مرحوم سید جواد ذاکر،خوی
☑️شادی روحش صلوات
@motavasselan
السلام علیک یا اباعبدالله
سنی زیبا یارادان داوره عشق اولسون حسین
ذات پاکونده اولان گوهره عشق اولسون حسین
سنی عرشه آپاران شهپره عشق اولسون حسین
سن کیمی اهل وفارهبره عشق اولسون حسین
یاحسین ذکرایلین دیللره عشق اولسون حسین
آنداولا قزلاروین دلده کی نیسگللرینه
زینبون کرب و بلاده داغلان ایللرینه
اکبرین گوزلرینه قاسموین تللرینه
اوجابوی قارداشوین مشکی دوتان اللرینه
دینی سن حفظ ایلدون یکسره عشق اولسون حسین
شب عاشوریده عشاقه تکان ویردون سن
جنتی خیمیه گتدون هیجان ویردون سن
قوزادون بارماقوی معجزعیان ویردون سن
اولارا جنتی بارماقدا نشان ویردون سن
بارماقوندان گورونن کوثره عشق اولسون حسین
هامی باخدی مگرعباس نوشتیمدی منیم
سن اولان یردیدی کعبمدی کنشتمدی منیم
جنتیم نازلی رقیوندی سرشتیمدی منیم
اکبرین بیرجه قلم قاشی بهشتیمدی منیم
نیلورم جنتی من اکبره عشق اولسون حسین
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
🔰کربلایی حسین عینی فرد🔰
💠صحبت های در مورد سید جواد ذاکر طباطبایی-بسیار زیبا💠
هییت متوسلین حضرت علی اکبر(ع)تبریز
/channel/motavasselan
شجاعت زینبیّه
وورميسان شامه عجب پرچم ارشاد خانم
نه گوزل مکتب آچوبسان ائوون آباد خانم
گرک البته حسينين باجيسي زينب اولا
عفّتی عصمتي شخصیّتی زين اب اولا
پایتخت اُموي ده حرمي مکتب اولا
هر گلن کاخ يزيدين باخا ويرانه سینه
یوز قویا زينب مظلومين عزاخانه سینه
ائوون آباد خانم رتبه وی ممتاز ائلدون
عالم عشقده عشّاقي سر افراز ائلدون
صبری شرمنده ائدوب واقعاً اعجاز ائلدون
آتاوا اولمادي ممکن قویا شاماته قدم
سن ووروبسان دل سوریه ده فتحيله علم
هانسي دکتردي مطبّی تاپا بير بيله رواج
هانسي خاتوندي اولا درگهي ينبوع نتاج
چاره سیز درده خانم شامده سندندي علاج
سکه عشقون اقاليم ده رايجدي خانم
ناامید ائتمه قاپون باب الحوائجدي خانم
نه مطبّون ويزيتي نوبه گئجه گوندوزي وار
نه طبابتده سنه بير جه طبيبون سوزی وار
سن علينون قزيسان سنده جهانين گوزي وار
سن خانم شامده بیچاره لرين چاره سی سن
دوشموسن ائلدن آرالی وطن آواره سی سن
شامدن واردي خانم سنده آجی خاطره لر
باملردن باشووا توکدوله کول فاجره لر
گولدولر حالوه اللرده دف و دایره لر
تيشهٔ عدل خدا ريشهٔ ظلمی کسه جاق
نقدر وار بو جهان پرچم زینب أسه جاق
گینه گلديم قاپووا درديمه درمان ائده سن
اي علی نايبه سی سائلم احسان ائده سن
منی اوز سفرهٔ احسانوه مهمان ائده سن
اهل عالم سيزي مين حاتمه سرور تانيوب
هر نه اولسام منی ده زينبه نوکر تانيوب
https://telegram.me/joinchat/BQ1CKT3x959rXnaj_Kjibw
مدح حضرت زهرا سلام الله علیها
.
مرحوم خوندل
.
آئینۀ صانعدی یقین طلعت زهرا
دنیانی سالوب حیرته شخصیّت زهرا
.
.
یوخ حاجتی تعریفیده اثبات دلیله
بیر نور منزّهدی او بانوی جلیله
اسباب مباهاتدی اولاد خلیله
پیغمبره عزّت گَتیرور عزّت زهرا
.
.
تاویل اولونوبدور آدینا کلمۀ علیا
اوز صدقینه مصداقیدی صدّیقۀ کبری
افلاکیده مشهور اولونوب زهرۀ زهرا
دنیایه معرّفدی همان شهرت زهرا
.
.
مظهردی جلالتده خداوند جلاله
فائزدی کمالاتیده سرحدّ کماله
شایسته دی فخر ایلسه نسوان رجاله
زهرائیله چون نادره دور خلقت زهرا
.
.
عالم متواضعدی بو خاتون عظامه
سرگشته دی تحریرِ مقاماتینه خامه
دنیا یازا مشکل یتیشه مدحی تمامه
مقدور دگل هر دلیله صحبت زهرا
.
.
ماهیّتینی تا یارادوب حیّ توانا
انواری ایدوب چشم عوالمده تجلّی
بیر پرده سالوب نوریدن آخِر حق یکتا
تا قابل ادراک اولونا رویت زهرا
.
.
پیغمبر رحمت شرف عالم امکان
ایستردی ایده بو خانمون شانینی اعلان
دائم بویوراردی آتاسی بو قیزا قربان
بوردان بُلونور وار نه قدر شوکت زهرا
.
.
منصوره ده شخصیّته باخ مظهر آیات
بیر معنی کوثرله ایدر فخر و مباهات
مسجدده گیدوب حقّین ایدن وقتیده اثبات
غاصبلری رسوا ایلدی حجّت زهرا
.
.
بو نکته مسلّمدی تواریخ و مثلدن
بو کج دولانان کج دولانوب روز ازلدن
یارب او جفاجو شل اولیدی ایکی الدن
هتک اولدی همان اللریله حرمت زهرا
.
.
شرم ایتدی نه حقدن و نه زهرادن اوتاندی
گَلدی او ملائک دایانان درده دایاندی
بیر جنگ و جدل باشلادی آخِر قاپی یاندی
فریادینه مستوجب اولوب شدّت زهرا
.
.
اجباریله مرضیّه نون آرامینی آلدی
ناموس و حیا هیکلینی توپراقا سالدی
گَل فضّه سسی دخت پیمبردن اوجالدی
بیتاب ایلدی فضّه نی بو دعوت زهرا
.
.
درک ایتدی بُلوب صورت احوالینی فضّه
مقهور تاپوب شاهد آمالینی فضّه
اوز زلفی تک آشفته ایدوب حالینی فضّه
پوزدی پوزولان حالتینی حالت زهرا
.
.
سسلندی گَل ای شیرخدا حجّت برحق
طغیان ایلدی ظلمیده بو جاهل مطلق
اولدی خانمیم فاطمه نین مرگی محقّق
وار سینه ده قطعی اثر رحلت زهرا
.
.
#خوندل اولا هر کیمسه ده تقوا و فضیلت
توهین ایلمز اوزگیه از روی جهالت
منصوره ده باخ گور نه قَدَر واردی جلالت
دنیانی سالوب حیرته شخصیّت زهرا
.
.
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج محمدباقر منصوری
ای حرمینه ناز ائدن ....
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
در مدح حضرت زینب کبری (سلام الله)
حقیقت آستینینده ید قدرت نما زینب
سنیله پایدار اولدی قیام کربلا زینب
آچان پر قاف وحدتده، ایدن سیمرغ تک پرواز
ووران چون فاخته کوکو شباهنگیله هم آواز
سنق محمل لر اوستونده اسیر انسانِ انسان ساز
اولان ابنای انسانه حقیقتله فدا زینب
یاریلمیش باشیله باشین اوجاتموش عرش اعلادن
ویرن جانسیزلارا جانلار دم دمبخش عیسادن
آلان احیای حقّ اوسته توانا روح یحیادن
کلیم عشقه سیناده عصای کبریا زینب
ایاقدان دوشمین داغ تک یخار طوفان قباقینده
آچان دوزماق گلی غمدن سنق سینموش بوداقینده
یانار اودلار کیمی یانموش مصیبتلر اجاقینده
سمندر تک یانار اوددا ایدن نشو و نما زینب
اَکَن آهی قزل گللر بهشت دین و ایمانه
ویرن سو قانلی گوزیاشی بشرده نخل وجدانه
آخار قان تک آخوب آخموش وجود پاک قرآنه
کتاب آفرینشده زن بی مثل و تا زینب
علی دانشسراسیندن رشادت درسینی آلموش
همای عشقیدن شامه ولایت سایه سین سالموش
یزیده مشت گفتاری آغور گرز گران چالموش
مورّخلر دیوب الحق سنه صدمرحبا زینب
کمال حقّیدن حقّه کمالیله جمال اولموش
کمالیله جمالیله قدح نوش وصال اولموش
گونی خاکستره باتموش کول آلتیندا هلال اولموش
هلالی قدّیله قدّی گینه سرو رسا زینب
گهی دریا کیمی اشکی بلالی چوللره آخموش
آخارگی قانلارا گاهدان گلوب بیر تلّیدن باخموش
گهی قارداشینون قانین آغارموش زلفینه یاخموش
آغارموش زلفینه قویموش قزل قاندان حنا زینب
سوسوزلار خضرینون آخِر نفسده آب حیوانی
خلیل آل طاهانین یانار اوددا گلستانی
یاری یانموش چادرلاردا اوغولسوزلار نگهبانی
نگهبان یتیمان شه کرب و بلا زینب
گلن تیغ بیانیله قصاص خون هابیله
چکن خطّ فراموشی کتاب عمر قابیله
محبّت یولّارین آچموش اسارتله اراذیله
سراپا دفتر مهر و وفا زینب صفا زینب
بلالرده دوزوب دوردی اورکله ایلدی تمکین
ویروب ذکر حسینیله قان اولموش قلبینه تسکین
گیوبدور کعبه تک قاره اولوب بیر عمر ماتم گین
ولایتله بلایایه بیر عمری مبتلا زینب
اگر گون سونسه ده گوندن گونش گوندوزلری سونمز
جداده گون بویی قاخموش هلالیندن یوزی دونمز
گوزی القانیله دولسا حسینیندن گوزی چونمز
حسینین آردیجا دوشموش گیدن یول پا به پا زینب
پریشان زلفینه بنزر پریشانلار پریشانی
گزن حیرت الی باشدا دل شبده بیابانی
شهامتله قویان حیران دهان هر شیر غرّانی
علی شیرخدا صولت ژیان شیرخدا زینب
کمال سینه دن گلموش ملامتلی اوخا آماج
دوزوب صبریله، صبر اولموش دوزوملی صبرینه محتاج
ایدن ویرانسرالردن حریم وحدته معراج
تاپوب وحدت بو کثرتده به سان اوصیا زینب
قالان چاه ملامتده باش اولموش ماه کنعانه
آلان قارداشینون مهرین کلاف رشته ی جانه
دین در دل زارین در و دیوار زندانه
اولان قارداشینه خلوت دل مطبخ سرا زینب
بهار عمری زنداندا یاز اولموشدی سارالموشدی
گونی مطبخ سرالرده کول اوستونده قرالموشدی
اودور که کوفه ده زینب گلوب جانه قوجالموشدی
ولی بوندان بیله دوزدی اسیر اشقیا زینب
سخاوت درسین اُرگنمیش رسول ا... خاتمدن
سخاوتلی الی اللر اوجاتموش دست حاتمدن
یقین بول بوش یولا سالماز سنی «هادی» بو ماتمدن
سَپَر رخساریوه حتماً گلاب مدّعا زینب
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حسينون عاشقيم عشق زينتيم دي منيم
شعاع طلعتي شمع هدايتيم دي منيم
حسينه آغلاماسام نيلورم بوگوزلري من
بو شور گوزياشي شيرين دي شربتيم دي منيم
ادبله باش قراسي باغلارام محرمده
سوروشا كيم دييرم تاج عزتيم دي منيم
بوقاره ني ننم آلتي ياشيندا وئردي منه
چخاتمارام اگرئولسمده خلعتيم دي منيم
نه اورگشوب اورگيم اورگشوبدي زينبدن
مقدس آدي كتابيمده زينتيمدي منيم
https://telegram.me/joinchat/BQ1CKT3x959rXnaj_Kjibw
💠حاج حسین سیب سرخی
✅به یاد مرحوم سید جواد ذاکر
هییت متوسلین حضرت علی اکبر(ع)تبریز
/channel/motavasselan
بو آلتی گوشه قبریوین اولوم فداسی یاحسین
حریم کعبه دن گوزل دوشوب نماسی یاحسین
بیر آن سنون خیالیوی اینان باشیمدان آتمادیم
بلالی باشیمی حسین بیر آیری درده قاتمادیم
اویاق قالوب رقیه وی یاتیدمینجا یاتمادیم
روا دگول عهدیمون اولا خطاسی یاحسین
زمانه آیریلیق سالوب آنا بالا آراسینا
سینه ندن اصغری اویات ویراق رباب آناسینا
توکه سرشکی آلینی،بوغازدا اوخ یاراسینا
دوروب کناریدان باخور ،رباب آناسی یاحسین
سینیق کجاوه لرده من داغی داشی دولانمیشام
دوشنده باشیم اوسته گون،گون ایسی سینده یانمیشام
سالاندا سایه سین باشون جداده،دالدالانمیشام
اولوب اوسایه باشیمون غم آشناسی یا حسین
وفا یولوندا ن اشقیا عجب کناره چیخدیلار
آنام بتولی قلبینی سالوب فشاره سیخدیلار
ورا ورا اوشاقلارین چوخون یول اوسته ییخدیلار
اولنلرین کجاوده دوتولدی یاسی یا حسین،،،
دولی بلوط کیمی گوزوم دیمه غمینده دولمادی
جهاندا آیریلیق گولی هزار حیف سولمادی
قوشا گلاخ زیارته بالان یانیمدا اولمادی،
نقدریمیش زمانه نین منه جفاسی یاحسین
بالاوی دفن ایدن گجه اورک غمیله داغلادیم
یتیم اولان گجه م کیمی ،دیزیمی من قوجاقلادیم
سحر اولونجا قازدیقیم مزارین اوپدوم آغلادیم
گوزوم یاشیلا سونمدی اورک نواسی یاحسین
یازی یازان یازیب بیله یازیمدا،نسگل آغلیام
اودور بو باره دن ویریب منه یانان دل آغلیام
سنه بیر اربعین ندور،سزادی قیرخ ایل آغلیام
ولی چتین بو عمرومون اولاوفاسی یا حسین
صاقا صولا باخا باخا اوزومی من یتیرمیشم
ایتیک دالینجا گوز گزر،بوکلمه دوزدی بیلمیشم
گیدن زمان بو چولده من ایکی بالا ایتیرمیشم
دولانمامیش بو دشتی من،قالوب هاراسی یا حسین؟
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
عباسیم علمداریم
حاج یعقوب حقیقت پور
https://telegram.me/joinchat/BQ1CKT3x959rXnaj_Kjibw
احوالات وداع امیرالمومنین با حضرت زهرا(س)
قویدی تا قبره علی الده ئولن زهرانی
نجه تاپشوردی مزاره یارالی اعضانی
سویلدی من نجه سن سیز قییدیم منزلیمه
دور گداخ فاطمه جان رام ایله تا طفلانی
حیدرمشگل گشایم لیک ئوزوم مشکلدیم
چون سنیدون منه ای دردلریمون درمانی
وای ادامسیزلیق الیندن دلبریم منلن دانیش
قاپومیزتک یانورام انداولا زینب جانی
بوناخاطریانورام یاخچی سنی ساخلامادیم
نه دیوم حشره گلن وقته گورم طاهانی؟؟؟
بیردفعه سویله سه زهرانی بئله ویرمیشدیم
اوندا زهرا نه دیوم اف اولا بو دنیانی
قوللاریم امرپیمبرسوزونه باغلاندی
یوخساقویمازدی علی,نعره چکه اعدانی
سن منه بیرگلودون حیف گلاب ایلدیلر
گلونی ایندی علی دفن ایلیور پنهانی
سنیلن دفن ایلرم روحیمی بوردایارالی
بئله قوی عرض ایلیوم دفن ایلیرم مولانی
غسل ایدنده سنی چوخ سوزلر اچیلدی علییه
هانسی سیندان دیوم اولسون سوزومون عنوانی
نیلی یوزدن دانیشیم یا یارالی سینوندن
ئولوم اولسون علییه,گور,سنه نیلوب ثانی
باشوون معجرینی رد ایلیینده گوردوم
یوزووه سیلی دگوب صاق گوزوون وار قانی.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت علی (ع) در شهادت حضرت زهرا (س)
.
.
فیضی اردبیلی
.
سبک:بزم عزاده گیمیشم قاره یا عباس ...
.
.
سینونده مسمار یاروه
آغلارام زهرا آغلارام زهرا
سیلی دَیَن رُخساروه
آغلارام زهرا آغلارام زهرا
یازهرا – یازهرا
.
.
باشه پیمبر قاره سین
باغلادون زهرا باغلادون زهرا
هجرینده قلب زارووی
داغلادون زهرا داغلادون زهرا
ایوده اوتوردون هر گجه
آغلادون زهرا آغلادون زهرا
اوُل قلب پاره پارووَه
آغلارام زهرا آغلارام زهرا
یازهرا – یازهرا
.
.
سیلی دگنده صورتون
دَیْدی دیواره دَیْدی دیواره
درد و غمه دوشدی حَسَن
قالدی آواره قالدی آواره
سیندی قولاقوندن یره
دوشدی گوشْواره دوشدی گوشْواره
یانّام سینان گوشْواروه
آغلارام زهرا آغلارام زهرا
یازهرا – یازهرا
.
.
سندن صورا حیدره غمه
مبتلا اولدی مبتلا اولدی
شیر خدانون قلبینه
غصّه لر دولدی غصّه لر دولدی
قلبی شکسته قیزلارون
گُل کیمین سولدی گُل کیمین سولدی
سولموش گُل و گلزارووَه
آغلارام زهرا آغلارام زهرا
یازهرا – یازهرا
.
.
غسلون ویرنده بس نَدَن
آغلادی حیدر آغلادی حیدر
بیر حاله قالمیشدی بَدَن
آغلادی حیدر آغلادی حیدر
قانه بویاندی آغ کفن
آغلادی حیدر آغلادی حیدر
اوُل سینهٔ تبداروه
آغلارام زهرا آغلارام زهرا
یازهرا – یازهرا
.
.
سندن صورا زینب قیزون
خانه دار اولدی خانه دار اولدی
فِقدانُوَه هجرانوه
بیقرار اولدی بیقرار اولدی
یاندی گووَرمیش صورته
اشکبار اولدی اشکبار اولدی
زینب کیمی دلداروه
آغلارام زهرا آغلارام زهرا
یازهرا – یازهرا
.
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
هئچ امیرین چـراغی صبحـه کیمی یانمیاجـاخ
جملـه تـاریخ یازانلار بو سوزی دانمیاجـاخ
چوخ شهین باغلی قویوب دورِ زمانه قاپوسین
بیر حسینون قـاپوسی دهـریده بـاغلانمیاجاخ
@motavasselan
♦️سینه زنی بسیار زیبای محمودکریمی
به زبان ترکی برای حضرت علی اصغر(ع)
https://telegram.me/joinchat/BQ1CKT3x959rXnaj_Kjibw
زبانحال حضرت رقیه به حضرت زینب سلام الله علیهما در خرابه شام
شامیدن قورتارسا جانیم آل منه گوشواره عمّه
الده ئولسم قبریم اوسته قوی گوزل گهواره عمّه
بو خرابه یرده بیلّم عمریمون اولماز وفاسی
چونکه قلبیمده ساغالماز ایللریله دیل یاراسی
گر کفن تاپسون ویررسن بیر فقیره بو لباسی
تاپماسون قاره،کفن قیل قالماسن آواره عمّه
اکبریم گلسیدی الآن بو خرابه شامه مهمان
باجی سین قویمازدی والله شهر شام ایچره پریشان
گون به گون تیر شماتت قلبیمی ایتمزدی شان شان
حتما ایلردی بو پوزقون حالیمه بیر چاره عمّه
حالیمی فکر ایتمه عمّه بیر رعایت ایلین وار
بیر تسلّایه گلن یوخ ، مین شماتت ایلین وار
بی ادب قزلار ایچینده چوخ جسارت ایلین وار
بیر نفر مرهم گتورمز دلده وار مین یاره عمّه
شام قزلاری ایدوللر بی سبب چوخ ادّعالر
گونده دیداره گلوللر بی ادب لر بی حیالر
ئوزلرین چوخ گورسدوللر بیزلره بو خودنمالر
من گرک شرمنده لیکدن یوز قویام دیواره عمّه
مرحوم_استاد_منزوی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
واردی باشیمدا یا حسین هوای بین الحرمین....
سید محمد عاملی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
دئمورم نهر فرات اوسته نه طوفان اولدی
نهری آلدیم سویا باخدیم اورگیم قان اولدی
مشکی دولدرماقا اولده بیر امکان اولدی
عطشیمدن دوداقیم اسدی سویا باخدیقجا
ائله یاندیردی منی نهر فرات آخدیقجا
مشکی دولدوردوم حسین تا گتیرم خیمه لره
آتش سوز عطشدن آلیشان صود امره
دورمی آلدیلا سالسینلا سو مشکین خطره
دئمورم هر ایکی قولاریمیده سالدی عدو
آز امیدیم کی واریدی اونودا آلدی عدو
@motavasselan
رجز
خنجریم باشیمه یاز منده حسین عاشقیم
منه اول محرم راز منده حسین عاشقیم
سنیلن رتبه تاپوب عرشه عروج ایلیرم
ائلرم راز و نیاز منده حسین عاشقی ام
دییرم خالقیمه ایتمه میشم سیر سلوک
سن حقِ بنده نواز منده حسین عاشقی ام
باشیمی هم یارارام هم ویررم دین یولونا
دَگلیم اهل حجاز منده حسین عاشقی ام
هره بیر عشقه یانار دهریده پروانه کیمین
بیلون ای اهل مجاز منده حسین عاشقی ام
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
روضه حضرت زینب
سیدمحمدعاملی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
▪️ کوچ از خرابه ▪️
" زبانحال حضرت زینب (س) به حضرت رقیه (س)
به قلم : حاج محمدتقی جابری
رقیه آچ گوزون ای گوزلریم ضیاسی قیزیم
دیزیمده طاقتیم , ای قلبیمون صفاسی قیزیم
نه یاتمیسان بالا ناز ایلمه بو قدر منه
ایاقه دور باجون , عمّن , آنان گیدور وطنه
دور ای ریاض محبتده تک گل نازیم
مدینه‌دن بورا سینمده محرم رازیم
ویروبدی خاتمه خصم دنی خصومتینه
نصیب اولوب گیدیروخ اربعین زیارتینه
بیله مقدّر ایدوبدور خدای جَلَّ علا
گینه بیزه اولا قسمت دیار کربُ بلا
نه کربلا که اورکدن قرار آلان یردور
بنات فاطمه اوچ گون سوسوز قالان یردور
نه کربلا که حسینیم اویرده کامه چاتوب
بیر آلتی گوشه لی قبر ایچره اکبریله یاتوب
علاوه سینه‌سی اوسته آلوبدی اصغرینی
باسوبدی باغرینا جان تک او غنچه‌ی ترینی
نه کربلا که اویر دللر اودلانان یردور
او سودامر بالانین حلقی اوخلانان یردور
نه کربلا که اولوب پرپر اوردا بیر گل یاس
کنار علقمه‌ده دفن اولوب عمون عباس
دیمه عمون یاتوب اوردا خیالی راحتدور
هنوز اهل حرمدن گینه خجالتدور
همان او کربُ بلاده سموم ظلم اسدی
وفالی قارداشیمون شمر باشینی کسدی
همان او یرده جفا تیری قلبیمی دلدی
خیال غارتیله مخیمه قوشون گلدی
مگر چیخار بو یادیمدان که شمر شوم و دنی
خیامه وارد اولاندا ازلده ویردی سنی
سسون قالوبدی قولاقیمده سسلدون بابا گل
دویوللـه قیزلاریوی , فرقه شرور و ظَلَل
او گیر و داریده اول قوم کین جسارتیله
ال آچدی غارته بیر شیونه شرارتیله
بیر آیری ظالم اودمده جهانه اود سالدی
الین آتوبدی ایکی گوشواره‌وی آلدی
خلاصه نادم اولوب ظاهراً یزید عنود
اولوب وسائل غارت شده بیزه مردود
گوتوردی جمله زر و زیورین صغیر و کبیر
بو نسگل ایلوب هامی آل حیدری دلگیــر
قالوبدی یرده فقط بیر سنون نشانه لرون
علی اکبر آلان خـردا گوشواره لرون
ایاقه دورسان اگر قیدیوه اوزوم قالارام
قولاقیوه او ایکی گوشواره‌وی سالارام
هوای وصلیله پر باز ایدوب صفا ایدروخ
توکوب سرشک بصر عزم کربلا ایدروخ
گلوبدی " جابری " یدّی سفر زیارتیوه
گوزین تیکوبدی سنون حشریده شفاعتیوه
زیارت حسرتی وار ایلمه اونی مأیوس
عنایت ایله گلوب ایلسین مزاریوی بوس
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کربلانین تپراقیندا بیلمورم آیا نه وار
ظاهرا باخسون بیرآز داش قومدی گرمادن قیزار
تپراقیندان کیم یسه جان دردینه درمان تاپار
کربلاده چون بیزیم اربابیمز بی سر یاتوب
آلتی گوشه کعبه سینده گللری پرپر یاتوب
تپراقا باشسیزلار اوردا قوم وقارداشسیز یاتوب
گویچگ انگشتر کانه تپراقا قاشسیز یاتوب
صودامردن سورا یتمیش بیرنفر باشسیز یاتوب
کربلاده کیم یاتوب یردن اوجالدوب سر یاتوب
نهرین اوستونده ولی شرمنده بیر افسر یاتوب
اوز اوزیلن چوخ دیر مکه منانین تپراقی
سنده آزدور جاذبه ای اولیانین تپراقی
گورنه آغوشه چکوب کرب وبلانین تپراقی
گورنه قربانگاهیدور قربانلاری یان یان یاتوب
بیر یارالی سینه ده شش ماهه بیر جیران یاتوب
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حک ایلمیشم بو سوزی من لوح دل اوسته
تا وار نفسیم نوکر دربار حسینم
هچ یرده ریاست دالیجا گزممیشم من
عشقیم بودی هیئتده عزادار حسینم
هر صبح و مسا ذکریم حسین فکریم حسیندی
شکر ایلیرم اللهه گرفتارحسینم
سوز یوخ بونا هچ ایتده سایلمام بو عزاده
عشقیم بودی کی گرمی ه بازار حسینم
قاره وورولان یر من اوچون کرب و بلادی
اوپسم او قرا پرچمی زوار حسینم
سرتاسر ایلی من گدرم بزم عزایه
اثبات ائدرم عالمه غمخوار حسینم
بیگانه سوال ائتسه نیه فخر الیورسن
فخریم دیرم نوکر سردار حسینم
ایراد ائدنه ورمیشم اول بو جوابی
یوم اغزیوی مدتی کی بیمار حسینم
هر چند اثری یوخدی بو ناقص عملیمده
اللهه توکل دیرم یار حسینم
اول گون کی منی قویدولا تپراقلارین اتدا
من عاصیم و عاشق دیدار حسینم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یاتما رقیه شامیده
یثربه کاروان گئدر
دوریولا سال باجون گئدر
عمه گئدر آنون گئدر
یوخلاما نازنین باجی
دور گئدیروخ مدینیه
قویما یوزوی تپراقا
دور گتی قوی بو سینیه
اهل وطن سوروشسالا
بس نه گلوب رقییه
نیلرم اوندا قلبیمه
غصه گلر توان گئدر
یاده سالاندا نسگلون
سینمی داغلارام باجی
سیل بهارتک یوزه
اشکمی باغلارام باجی
آج قوری یئرده ئولماقون
یاد ائدوب آغلارام باجی
بیرده یارالی سینه دن
داغ غمون هاچان گئدر
بیر ایلی فرصت اولمادی
ائتماقا شانه زلفووی
دوتدی غبار غم گورن
گلدی فغانه زلفووی
دور یووارام گلابله
ائتمه بهانه زلفووی
عمه لریم سن اولماسان
گئتسه ده ناگران گئدر
گرچه اؤرکده محنتون
چوخدی باشی بلالیسان
قلبووی تیر غم بؤلوب
غصه لی سن یارالیسان
شامیده مسکن ایلمه
سن باجی کربلالیسان
باور ائله سن اولماسان
قافله میز گران گئدر
دور داخی یوخدی ساربان
باغلیا راه چاره وی
شاد ائدرم رقیه من
بو دل پاره پاره وی
وئردیله غارته گئدن
خرداجا گوشواره وی
آل باجی سال قولاقووه
گون دولانار زمان گئدر
اولدی خرابه گوشه سی
حسرتیله وطن سنه
کول باشیما تاپولمادی
شامیده بیر کفن سنه
اولدی کفن بو شهریده
کهنه او پیرهن سنه
قبریوه ایندی هر باخان
آغلار ائدر فغان گئدر
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw