1480
آدرس اینیستاگرام http://www.instagram.com/motavasselan1 رجز نوحه های تصویری صوتی اشعارحسینی شور ارتباط با آدمین تبادل ارسال مطلب @YaAliAkbarMadadi
احوالات حضرت امام جواد علیه السلام
.
.
مرحوم سید رضا حسینی سعدی زمان
.
بیریسی ایستسه دنیا امورینه رونق
گرک امام جواده دخیل اولا مطلق
.
نقدر وار نفسون ایلمه حسینی قصور
توسّل ایت گله اجدادیوه سِنین و شهور
.
خدا محمّد و آل محمّدین قاپوسین
تانیتدوروب بیزه درد و بلا ایدنده وفور
.
بولاردی امّت مرحومه نین پناهگهی
دوشنده مشکله ایلر ائمّه حلّ امور
.
امیدیله گَلَنی ایلَمز بولار محروم
بولاردی باب کرم، هم شفیع یوم نشور
.
زمانه قویمیوب آل محمّدی راحت
ایدوبدی هر بیرینی بیر نفر شقی مقهور
.
تمام مُفتَرِضُ الطّاعه دور ائمّه ولی
اولوب امام محمّدتقی منه منظور
.
قالوردی بِش ایل ایکی یوز ایلی گِچه هجرت
اولوب زمان ولادت بو سروره مسطور
.
یازولّا نصف مهِ روزه، لیلۀ جمعه(2)
فنا جهانی ایشقیلاندوروب بو مطلع نور
.
سَمّیِّ ختم رسلدور، آدی محمّددور
تقیّ و هادی فاضل، جواددور مشهور
.
عرب ایچینده دیه للر بونا ابی جعفر
لقبده عالّم و مختار و منتخب مزبور
.
آتاسی حضرت موسی الرّضادی، شمس شموس
اونون یوزیندن ایدر کسب نور چرخینده خور
.
آناسی طیّبۀ مغربیّه، خلقتی پاک
مبارک آدی اونون خیزراندی، فطرتی حور
.
بیله یازوبدی مناقبده ابن شهر آشوب
ایدوبدی شیعه لری شادکام اول مبرور
.
حکیمه دختر موسی بن جعفر ایلر نقل
اونون روایتی خوشدور اگر اولا مذکور
.
خانم دیر منی احضار ایدوب بویوردی امام
باجی همین گئجه دونور حقّه وقت ظهور
.
مواظب اول، بو گئجه خیزرانی تک قویما
بو گئجه یوز ویره جاق غصّه لی قلوبه سرور
.
زنان قابله ایله منی سالوب بیر ایوه
چراغ قویدی او ایوده سراج حیّ شکور
.
او وقت اولوب که یتوب خیزرانه وقت قوا
چراغ گِچدی، بیز اولدوخ فسرده حال و حسور
.
طلوع ایدوب افق رحمیدن او دم خورشید
ایشیق گون اولدی به عِینه او لیلۀ دیجور
.
منوّر ایلدی اول حجره نی جمال امام
چراغ اولمادی بِالمَرَّه اهل بیته ضَرور
.
باخاندا طشته نه گوردوم، او پاک مولودین
لباس تک بدنین پرده نور ایدوب مستور
.
آلوب قوجاقیمه ایتدیم کنار او پرده نی من
آتاسی داخل اولوب حُجریه زمان سحور
.
او نور دیده سینین آلدی گوزلرین اوپدی
مرتّب ایلدی گهواره، ویردی بیر دستور
.
سالوب بالاسینی گهواریه بویوردی منه
سنی باجی ایدورم حفظینه بونون مامور
.
او شمع باشینه پروانه تک دولاندیم من
او خدمت ایلدی ویرانه گوگلیمی معمور
.
ولادتین اوچومجی گونی آچوب گوزینی
صاقا صولا گویه باخدی امام هشتمه پور
.
فصیح صوتیله ایتدی شهادتینی اَدا
منی او امر عجب ایتدی خدمته معذور
.
امام محضرینه چوخ شتابیله گَلدیم
دیدیم قضیّه نی، فرمایش ایتدی ایتمه فتور
.
بالامدا چوخدی بو اعجاز و بو کرامتلر
مواظب اول گوره سن دُور ایلدوقجا دُهور
.
حکیمه قارداشینا اوغلینون دیور حالین
دیدوقجا یوز ویروری قلبینه نشاط و سرور
.
بونون شبیهی منیم بیر باجی سراغیم وار
بیان حالینه امّا واریمدی چوخ محذور
.
اوزی نشانۀ زهرادور، آدی زینب دور
زمانه نین گوزی گورموب ایله بلایه صبور
.
حسینه ایستور علیّ اصغرین دیسون حالین
ایدور ملال گلوگیر، اولموری مقدور
.
حیا ایده ایده، چوخ شرمیله خجالتیله
دیور حسین نجه بو حالته تحمّل اولور؟
.
علیّ اصغری گهواریه سالوبدی رباب
حجاز لحنی ایله باشلیوبدی شیون و شور
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
🌺🌺🌺🌺🌺🌺
شهادت حضرت جواد علیه السلام
گریز به شام غریبان
مجید قلعه بیگی ( فقیر خویی )
یاندی اورگیم سینه ده اودلاندی الهی
امداده گلن یوخدی،جگر یاندی الهی
عَموم کیمی قاتل منه ئوز همسریم اولدی
دشمن ئوز ایویمده منه ئوز دلبریم اولدی
نالان بو مصیبتده گینه مادریم اولدی
نالَم بو گجه گویلره قوزاندی الهی
اؤلدوردی منی،دختر مأمون خطاکار
آغلار منیم احوالیمه گویلرده کی قوشلار
شاهددی ئورک سوزلریمه بو در و دیوار
احوالیمه داغ داشدا پریشاندی الهی
عَموم حسنی جعده او گون ایلدی مسموم
جانانه وئرن لحظه ده جان،او شه مظلوم
یانینده اونون حاضریدی زینب و کلثوم
بیکس ئؤله سن دهریده آساندی الهی؟
گر گلسه بوگون شیعه لریم داد و فغانه
گوز یاشلاری دریا کیمی گر اولسا روانه
واردور یری قان آغلویالار شاه جنانه
زهرا بالاسی سینه سی سوزاندی الهی
جنّتده آچوب باشینی چون سید بطحا
کوثرده دوروب گوزلوری یول،حضرت زهرا
چوخ شکر اولا آللاهه اولوب وصل مهیا
گوزلوردوم همین ساعتی، چوخداندی الهی
اولاد بنی هاشمه بو گردش دوران
چوخ چوخلی ستم ایلدی ای خالق رحمان
دوشدی گینه ده یادیمه او شام غریبان
مخیمده بالا قیزلاری عطشاندی الهی
پامال ایلدی چرخ دنی، چرخ ولانی
بیر سمته سالوب قوللاری، بیر سمته لوانی
بیر سمته حسینون توکولوب سو کیمی قانی
بیر سمتیده زینب جگری قاندی الهی
بیر سمتیده شعله چکوب اخیام امامت
بیر سمتیده دشمن ائلوری خیمه نی غارت
گویا او گجه زینب ایچون اولدی قیامت
چوخ سوزلر هله سینه ده پنهاندی الهی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
با عرض تسليت شهادت جواد الائمه (ع)
آدی امام محمّد تقی، آتاسی رضا
هامی غمه اوزینون صبری وار، رضایتی وار
جواد دور لقبی، منبع سخاوت دور
خدا بُلور نجه بیر جوری وار، سخاوتی وار
ایگیرمی بِش ایل ایدوب عمر او سرور مظلوم
جوان اَلوبدی، آز عمرینده چوخ مصیبتی وار
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زبانحال حضرت امام جواد علیه السلام
حیدری زنجانی
الهی غریبم آخور گوزیاشیم
دوشوبدی بلایه بلالی باشیم
من ئولسم کیم آغلار
یانوب سینه داغلار
غریبم خدا
الولاندی لبلر جگر پارچالاندی
وطندن اوزاقم اورک ناگراندی
گرفتار و زارم
شه بی قرارم
منه بیریانان یوخ
اودی داغدارم
غریبم خدا
باشیم اوسته آفت غباری اسیلدی
ره چاره بیردن الهی کسیلدی
بهاریم خزاندی
دلیم اوتدایاندی
وطندن کنارم
بالام ناگراندی
غریبم خدا
مدینه یولوندا گوزوم قالدی باری
گوروم درده دوشسون منیم تک بویاری
جمالیم سارلدی
توانیم آزالدی
نه بیرکس ایشیتدی
سوزوم دیلده قالدی
غریبم خدا
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
احوالات حضرت امام جواد علیه السلام
.
.
مرحوم سید رضا حسینی سعدی زمان
.
بیریسی ایستسه دنیا امورینه رونق
گرک امام جواده دخیل اولا مطلق
.
نقدر وار نفسون ایلمه حسینی قصور
توسّل ایت گله اجدادیوه سِنین و شهور
.
خدا محمّد و آل محمّدین قاپوسین
تانیتدوروب بیزه درد و بلا ایدنده وفور
.
بولاردی امّت مرحومه نین پناهگهی
دوشنده مشکله ایلر ائمّه حلّ امور
.
امیدیله گَلَنی ایلَمز بولار محروم
بولاردی باب کرم، هم شفیع یوم نشور
.
زمانه قویمیوب آل محمّدی راحت
ایدوبدی هر بیرینی بیر نفر شقی مقهور
.
تمام مُفتَرِضُ الطّاعه دور ائمّه ولی
اولوب امام محمّدتقی منه منظور
.
قالوردی بِش ایل ایکی یوز ایلی گِچه هجرت
اولوب زمان ولادت بو سروره مسطور
.
یازولّا نصف مهِ روزه، لیلۀ جمعه(2)
فنا جهانی ایشقیلاندوروب بو مطلع نور
.
سَمّیِّ ختم رسلدور، آدی محمّددور
تقیّ و هادی فاضل، جواددور مشهور
.
عرب ایچینده دیه للر بونا ابی جعفر
لقبده عالّم و مختار و منتخب مزبور
.
آتاسی حضرت موسی الرّضادی، شمس شموس
اونون یوزیندن ایدر کسب نور چرخینده خور
.
آناسی طیّبۀ مغربیّه، خلقتی پاک
مبارک آدی اونون خیزراندی، فطرتی حور
.
بیله یازوبدی مناقبده ابن شهر آشوب
ایدوبدی شیعه لری شادکام اول مبرور
.
حکیمه دختر موسی بن جعفر ایلر نقل
اونون روایتی خوشدور اگر اولا مذکور
.
خانم دیر منی احضار ایدوب بویوردی امام
باجی همین گئجه دونور حقّه وقت ظهور
.
مواظب اول، بو گئجه خیزرانی تک قویما
بو گئجه یوز ویره جاق غصّه لی قلوبه سرور
.
زنان قابله ایله منی سالوب بیر ایوه
چراغ قویدی او ایوده سراج حیّ شکور
.
او وقت اولوب که یتوب خیزرانه وقت قوا
چراغ گِچدی، بیز اولدوخ فسرده حال و حسور
.
طلوع ایدوب افق رحمیدن او دم خورشید
ایشیق گون اولدی به عِینه او لیلۀ دیجور
.
منوّر ایلدی اول حجره نی جمال امام
چراغ اولمادی بِالمَرَّه اهل بیته ضَرور
.
باخاندا طشته نه گوردوم، او پاک مولودین
لباس تک بدنین پرده نور ایدوب مستور
.
آلوب قوجاقیمه ایتدیم کنار او پرده نی من
آتاسی داخل اولوب حُجریه زمان سحور
.
او نور دیده سینین آلدی گوزلرین اوپدی
مرتّب ایلدی گهواره، ویردی بیر دستور
.
سالوب بالاسینی گهواریه بویوردی منه
سنی باجی ایدورم حفظینه بونون مامور
.
او شمع باشینه پروانه تک دولاندیم من
او خدمت ایلدی ویرانه گوگلیمی معمور
.
ولادتین اوچومجی گونی آچوب گوزینی
صاقا صولا گویه باخدی امام هشتمه پور
.
فصیح صوتیله ایتدی شهادتینی اَدا
منی او امر عجب ایتدی خدمته معذور
.
امام محضرینه چوخ شتابیله گَلدیم
دیدیم قضیّه نی، فرمایش ایتدی ایتمه فتور
.
بالامدا چوخدی بو اعجاز و بو کرامتلر
مواظب اول گوره سن دُور ایلدوقجا دُهور
.
حکیمه قارداشینا اوغلینون دیور حالین
دیدوقجا یوز ویروری قلبینه نشاط و سرور
.
بونون شبیهی منیم بیر باجی سراغیم وار
بیان حالینه امّا واریمدی چوخ محذور
.
اوزی نشانۀ زهرادور، آدی زینب دور
زمانه نین گوزی گورموب ایله بلایه صبور
.
حسینه ایستور علیّ اصغرین دیسون حالین
ایدور ملال گلوگیر، اولموری مقدور
.
حیا ایده ایده، چوخ شرمیله خجالتیله
دیور حسین نجه بو حالته تحمّل اولور؟
.
علیّ اصغری گهواریه سالوبدی رباب
حجاز لحنی ایله باشلیوبدی شیون و شور
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
مراسم شهادت امام جواد
مرحوم حاج محمد باقر منصوری
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زنده یادحاج محمد باقر منصوری
شهادت امام جواد(ع)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
اصغر
گوز آچ منیم نگار نازیم
دور ای شهید سرفرازیم
عطش قرارین آلمیشیدی
سنه سه شعبه اوخ نه لازم
لایلای
ستاره مثلی تئز باتوبسان
اوغول مرادوه چاتوبسان
سه شعبه اوخ چالوبدی لایلای
گوزون یوموب بئله یاتوبسان
عطشان
سووا گئدوب عطش گلوبسن
یات ای یارالی دینجلوبسن
بوغازوه دگن زمان اوخ
بیبون دیور اوخا گولوبسن
سن سیز
دوزنمرم ئورکده یاره
تاپانمارام بو درده چاره
بالام گئدوب قالوب نشانه
منه بو خالی گاهواره
اوغلوم
ئورک غمونده داغلادیم من
سوا گئدنده آغلادیم من
خجالتم منی باغیشلا
الون قماطه باغلادیم من
@motavasselan
🌑🔘 زبانحال حضرت ام البنین(س) 🔘
____________________________
آنان ئولور آی اباالفضل
ئورکده نسگلی چوخدور
اورک فقط سنی ایستور
فراقه طاقتی یوخدی
غمه دچارم اباالفضل-یوخومدی چارم اباالفضل
فلک بلایه سالوبدی
گوزوم یولونداقالوبدی
بوغملی قلبیمی اوغلوم
غم مصیبت آلوبدی
غمه دچارم اباالفضل-یوخومدی چارم اباالفضل
اورکده چوخدی غم اوغلوم
گرک غمه دوزم اوغلوم
هایاندا قالدی خدایا
اوصاحب کرم اوغلوم
غمه دچارم اباالفضل-یوخومدی چارم اباالفضل
اجل گلوب گل اباالفضل
یانیمدا دینجل اباالفضل
الیم الیوه یتشمور
یتورمنه ال اباالفضل
غمه دچارم اباالفضل-یوخومدی چارم اباالفضل
____________________________
https://telegram.me/joinchat/BQ1CKT3x959rXnaj_Kjibw
حالات حضرت علی اصغر (ع)
.
مرحوم شهاب_تبریزی
.
گُله که بلبلِ شوریده نون محبّتی وار
محبّت اهلی بولور که نقدر زحمتی وار
.
گورنده بلبلی گلشنده باشلیوب نغمه
دیمه وصاله یتوب هجریدن فراغتی وار
.
گیچن فراقِ غمیله گَلن خزان ستمین
سالور خیالینه مین نوعیلن شکایتی وار
.
علاوه گوز قاباقیندا وصال حالینده
رقیب وار که اونون اوزگه بیر رقابتی وار
.
هنوز غنچه آچوب اولمیوبدی کامل گُل
آلوب کنارینی خارِ جفا ، خیانتی وار
.
ایدوبدی پیرهنین پاره ، برگینی خندان
نه آبرنگ قالوبدور نه حُسنِ صورتی وار
.
گل و گیاهه باخاندا مجازی باخما گوزوم
او باخماقون ندی حظّی ، نه حقیقتی وار؟
.
تشبّهاتیله هر بیر آچان گُله باخسان
تمام مرثیه دور نوحه دور مصیبتی وار
.
او گل که غنچه لوقوندا اولوبدی خاره دچار
حسین الینده علی اصغره شباهتی وار
.
جفا الیله ایله اصغرین پوزوب حالین
نه حالی آغلاماقا گولماقا نه حالتی وار
.
بچوب بوغازینی پیکان آخوبدی قرمزی قان
آتا بالا بویانوب بیر بیریله شراکتی وار
.
گورن حسینون الینده او قانلی قونداقی
تصوّر ایلسه بیر دسته گُلدی نسبتی وار
.
یوزی گوزی الی قنداقی اونّوگی قانلی
چمنده لاله دی گویا آچوب طراوتی وار
.
اوخی امام اوزی چکدی بالا بوغازیندن
شکسته قلبیده گور بیر نقدر طاقتی وار
.
اوخون یریندن آخان قانی دولدوروب الینه
آتوب سمایه طرف بلمورم نه حکمتی وار
.
زبان حالیله عرض ایلسم مناسبدور
حضورِ یاره بالانون گوروبدی دعوتی وار
.
او قانی آتدی سمایه هدیّه قصدیلن
او دعوته بالانون یعنی چوخ رضایتی وار
.
ایدوبدی عرض الهی بو حاله اول شاهد
نقدر یتسه بلا عشقیمون زیادتی وار
.
هامی قضاوه رضایم ، هر امریوه تسلیم
زجاجِ خاطریمون زنگی نه کدورتی وار
.
ولی بو قومِ جفا ، شاهد اول که باخمادیلار
پیمبریله بو بی یاورین قرابتی وار
.
الیمدن آلدیلا بو چولده یار و یاوریمی
منیله گور بو گروهین نقدر عدواتی وار
.
قالوب الیمده بالام ، نعشینی بیر آلان یوخدور
نه اکبر و نه ابوالفضلمون حمایتی وار
.
ایله مؤثر اولوب بارگاهِ قدسه بو سوز
سزادی اهلِ سمانون دیسم که رقّتی وار
.
یتیشدی مصدرِ حقدن ملک لره فرمان
منیم یولومدا حسینون گورون نه خدمتی وار
.
او قانی اخذ ایلیون ، عرشیمه ویرون زینت
حسین هدیّه سیدور ، پر بهادی قیمتی وار
.
گوروب حبیبنی چوخ غملیدور ، خدای خلیل
اوزی تسلّی ویروبدور عجب جلالتی وار
.
خطاب قیلدی حبیبی حسین ، ملول اولما
بو تحفه نون یانیمزدا بیزیم اجابتی وار
.
سنون که عمده غمون امّتون شفاعتیدور
غم ایتمه بو بالانون حشرده کفایتی وار
.
الونده ساخلاما قوی توپراق اوسته جان ویرسون
که یعنی اوخلودی ، رنجوریدی جراحتی وار
.
اونون خیالینی ترک ائت ، حبیبیم ایلمه غم
بهشتده وار اونا دایه ، استراحتی وار
.
حبیبِ صادقه محبوب ، تازه دم ویردی
همیشه عاشقه معشوقون استعانتی وار
.
قویوب یره بالانی حسرتیله بیر باخدی
او باخماقون نه قدر کیم بولور که حسرتی وار
.
دیولّه اللری قنداق ایچینده باغلیدی
بلنمورم بو سوزیکه دیولّه صحّتی وار
.
ایشتدوقومدی بو سوز منده نقلِ قول ایدورم
تصرّفانیدی یا اینکه واقعیّتی وار
.
آناسینون نه صودی نه خیَمده سو واریدی
یانوردی بو بالادا اوچ گونودی شهرتی وار
.
بالیق کیمی چابالوردی آنا قوجاقینده
ایله شدایده آخر نه صبر و طاقتی وار
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج نادر جوادی
مناجات با امام_زمان
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
هارداسان یابن الحسن سینمه ماتم قالانوب /
کاسـه صبریم آقا آیریلیغ نان جالانوب/
هارداسان یابن الحسـن صبریمی غم کسدی آقا/
سنی زهرا جانی گل آیریلیغـون بسدی اقا/
هـارداسان یابن الحسـن گوزلیـور عالم یولووی/
گـل ظهـورایله آلا شیعلرون ساغ صولووی/
هارداسان یابن الحسن شیعه نی غم درده سالوب/
یول گودن چوخلی جوانین کچوب عمری قوجالوب/
گلمـدون سـن غم اوخی قلبیلری بولدی آقا/
قوجالانلار قوجالوب چوخلاریدا ئولدی آقا/
قـورخورام منـده ئـولم گورمیم اما سنی من/
الله عالیمدی کی قورخوم بودی کی گلمیه سن/
گلمسـن گل یـوزووی گورمسـم اوندا نِئدرم/
نجه سن سیز آقاجان خانه قبره گئدرم/
میـن دَنـه غصه و غـم ساخلامـوشام مـن یـادا/
بولـورم گلمگیـوین چاره سی تک اللهدا/
گـرک اللـه بویـورا سنـده ظهـور ایلییـه سن/
تـا کی دنیـانی آقـا مملوء نور ایلییه سن/
گرک اللـه بویـورا سنـده شهـا تـا گلـه سن/
تا کی ظلمون اورگیم فاطمه اوغلی دله سن/
گرگ اللـه اولا راضـی سنـه فـرمان الییه/
یر گـویه تـا کی ظهـورون اوزی اعـلان الییه/
گرک الله بویورا سنـده کی تعجیل ائده سن/
دینـی ناقص الیوبلـر اونی تکمیل ائده سن/
گرک الله بویـورا سنده اجـابت ائده سن/
تا ظهور ایلییـه سن عـالمی راحت ائده سن/
گرک همیشه سنه بیزده دعـا ایلیه غون/
قلبیـوین یاره سینه بلکه دوا ایلیه غون/
نه دیوم گلمغیوین گرچه آقا چوخ ایشی وار/
سنون عشقونده قوجالسامدا شها ارزیشی وار/
دوزدی کـی گلمگیـوه خواست خدا لازمدی/
ولی عشقونده دیلیـم سمت غمه عاضمدی/
دوزدی کی گلمگیـوین امـری او اللـه قالوب/
ولی بیـر غصـه یانان سینه لری درده سالوب/
گرچه امضاء ائده جـاخ گلمگـون اول ذات جلی /
بیـر گلایه الییم ایندی سنه ماه علی/
چون گلاییلـه آقا بو آلیشان سینه دولی/
سنون عشقونده گودور گوزلریم همیشه یولی/
https://telegram.me/joinchat/BQ1CKT3x959rXnaj_Kjibw
یاحضرت زهرا سلام الله علیه
وجودخلقته برهاندی زهرا
سراج محفل ایماندی زهرا
دیمه زهرا آدی قرآندا یوخدی
سراسر معنی قرآندی زهرا
بشر هاردان یازار شان و مقامون
ملائک شانووه حیراندی زهرا
منه چاتماز قاپوزدا نوکر اولما ق
سنه روح الاامین درباندی زهرا
استاد وهاب محمدی میانه ای
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حضرت اباالفضل العباس علیه السلام
سوال و جواب
ابوالفضل عباسی معروفان
سبک :: خبردار ای عاشقان ابالفضل...
▪️ امام::
علمدار لشگریم آی ابالفضل
سئنوب سن سیز شهپریم آی ابالفضل
اوغولسوز قارداشووم منه سس ویر
قالیب بئلده اللریم آی ابالفضل
ایاقه دور قهرمان قارداش
الیمدن دوت مهربان قارداش
▫️ سقا::
گؤزل رهبر گؤزلریم سنه قربان
حسین سئنمیش شهپریم سنه قربان
قولوم اولسیدی دوتاردیم الیندن
قلم اولموش اللریم سنه قربان
اخا درد و محنتیم چوخدی
باغیشلا قارداش الیم یوخدی
▪️ امام::
قولون هدیه دلبره وئرن عباس
سودا اصغر عکسینی گؤرن عباس
ایشیم دوشدی مشکله منه سس وئر
سنی سسلر مشکله دوشن عباس
علمدار لشگریم سن سن
منیم تنها یاوریم سن سن
▫️ سقا::
حسین سنلن درد و غصه قاچاردی
وجودیندن جنت عطری ساچاردی
سالیب اعدا ظلمی یئرده قالیبدی
او ال که هر یئرده مشکل آچاردی
حصار دشمنده یم قارداش
باغیشلا شرمنده یم قارداش
▪️ امام::
گؤزون گؤردوم قلبیمون باشی یاندی
آچانمورسان گؤزلرین دولی قاندی
گوتور مشکون دوش یولا آی ابالفضل
باجیم زینب خیمه ده نگراندی
روا گؤرمه آغلاسون زینب
گئدک یارون باغلاسون زینب
▫️ سقا::
اوجا سروین جسمده خولی یوخدی
منه یوز وورما حسین یولی یوخدی
خیامه گئت زینبه دئ ابالفضل
سو مشکین حمل ائتماقا قولی یوخدی
دئنن عباسون خجالتدی
فرات اوسته غرق محنتدی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حاج نادر جوادی
اِی منی درده سالان
https://telegram.me/joinchat/BQ1CKT3x959rXnaj_Kjibw
جواد آل پیغمبر اولوب مسموم جان وئردی
حسینین سو دیوب جان وئرماقین عینا نشان وئردی
اولوب مسموم جان وئردی
ز بس غم وئردی یوز چکدی همیشه ناله جانکاه
محاقه مایل اولدی چرخ عزتده اولان بیر ماه
چکوب طول مصائب رشته عمرین ایدوب کوتاه
جوان وقتینده جان اول شهریار انس و جان وئردی
ایرمی بش ایل عمرین ایلیوب اهل خبر مرقوم
بو آز عمریله اولدی اول شه دین لیک چوخ مظلوم
ایدوبلر عاقبت غربت ولایتده اونی مسموم
یانوب دلدن اونا هر لحظه یوز سوز نهان وئردی
خزانه تا بهارین صرصر بیدادی دوندردی
قضا گلچینی باغ عمرینین عشرت گلین دردی
سارالدی گلشن دینین عطشدن نو گل وردی
اونون باده صفاسین آفت باد خزان وئردی
اولان ئوز عهدینه عشق عالمینده بند و وابسته
چکردی انتظارین اوغلونون جان اوسته دلخسته
سو جامی الده حاضر اولدی ئوز اوغلی باشی اوسته
آتائیله بالا دل دردینه شرح و بیان وئردی
آتادان گلدی آخر دم اوغول جویای حال اولدی
آتا گوردی جوانین سینه دن زایل ملال اولدی
حسینی جان وئرنده درک ایدن اما هلال اولدی
اورکدن اودلانوب احوالینه نی تک فغان وئردی
گوروب بیر زخمدار آهو کیمی دوشموش او دلخسته
چالور قان ایچره دست و پا , وورالار زخمی زخم اوسته
باخور حسرتله سویلور العطش آهسته آهسته
هلالین قلبینه رقّت بو اندوه گران وئردی
خیال ائتدی ئوزینه حق یولوندا آبرو وئرسین
گل مقصود زهرایه او چولده رنگ و بو وئرسین
او یالقیز بی کس و لب تشنیه جان اوسته سو وئرسین
نشان ئوز همتین گزلین مرام اوسته عیان وئردی
گیدوب سو گتدی سیراب ایلسین اول شاه عطشانی
گلنده گوردی یولدا شمر شوم و نامسلمانی
گوزی یاشلی , الینده قانلی خنجردن آخار قانی
دیدی گیتمه حسینه خنجریم آب روان وئردی
دیدی یوخسا بساط ظلم و کینه قورموسان ظالم
حسینی ئولدوروب زهرا گلین سولدورموسان ظالم
ندن بس اشگویله گوزلرین دولدورموسان ظالم
دوباره دانه اشکین توکوب رخساره سان وئردی
دیدی قان ائتمیشم دوزدور بو چولده قلب زهرانی
بو گون رحم ائتمیوب ئولدورمیشم معنای قرآنی
ولی بو ناله و فریادیمین وار اوزگه عنوانی
دولاندی قانیله دولموش چوخور بیر یر نشان وئردی
باخوب گوردی او یرده بیر اوجا قامت خانم عورت
دوتوبدور خیرداجا بیر قیز الیندن سینه ده حسرت
وورور باشسیز جنازه باشینه دوره او خوش فطرت
دیور قارداش سنون تک هانسی بیر مظلوم جان وئردی
باجون اولسون اورکده قالدی چوخ گزلین سوزون قارداش
دلینده العطش باخدی سویا حسرت گوزون قارداش
آتان ساقی کوثر, تشنه جان وئردون ئوزون قاراش
سنه قان سو یرینه تیغ تیز جانستان وئردی
عزادار حسین "فکری" ائدوب ترغیب اولوب بانی
چکوبدور نظمه «تائب» بو قضایای غم افزانی
نصیب ائت قبرینی یا رب دیاق اوردا بو عنوانی
جواد آل پیغمبر اولوب مسموم جان وئردی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
(یا جوادالائمّه )
امّ فضلین ستمی قلبمی قان ایتدی آنا
آلوب آرامشیمی صلب توان ایتدی آنا
آنا گل حالیمه باخ پوزقون احوالیمه باخ
یار الیندن ئورگیم شعله چکیب اودلانوری
تار و پود بدنیم زهر اثریندن یانوری
آه پر سوز و گدازیم فلکه قوزانوری
فلک ئوز همسریمی دشمن جان ایتدی آنا
کیمه درد دل ایدیم درد ئوزی همدمدی منه
همدمیم ، همنفسیم ، خصمدی دشمندی منه
ئوز ایویم قتلگهیمدی دیمه ایمندی منه
باغ عمرمده اجل بادی وزان ایتدی آنا
کاش بیر کیمسه منیم دردیمه دارو گتوره
بو تواناسی گیدن پیکره نیرو گتوره
جان چخاندا بیر ایچیم باری منه سو گتوره
زهر کین قامتیمی اگدی کمان ایتدی آنا
ئولورم سوز عطشدن دلیم آغزیمدا یانور
یانورام زهر اثریندن جگریم پارچالانور
نه پشیماندی ایشندن حرمیم نه اوتانور
طعنه ووردی منه چوخ زخم زبان ایتدی آنا
هدف اولدی ئورگیم کینه و آزار اوخونا
ریب و انکار اوخونا سمّلی افکار اوخونا
من وورولدوم آنا بیر اهل ستم یار اوخونا
منی ئوز همنفسیم تیره نشان ایتدی آنا
دوشموشم افعی ورانلار کیمی پیچ و خمه من
قویورام گاه الیمی آلنما گه سینمه من
نه روادور بیله پوزقون گیدم اول عالمه من
منی دشمن بئله سی قبره روان ایتدی آنا
بو سوزوزلوق آنا جدّیم عطشین
یاده سالور
ایلورم گوزده مجسّم ئورگ آرامین آلور
زینب عمّه م گورورم اللری باشدان اوجالور
قارداش احوالی اونی دل نگران ایتدی آنا
دیدی ایوای آنا قارداشمی ئولدوردی عدو
جان ویرور تشنه اونا کیمسنه یوخدور ویره سو
خشک اولوبدور دوداقی قان ویروری یاره گلو
ئوز عنادین بو ستمگرلر عیان ایتدی آنا
بوغازین قارداشمین نوک سنان یاره لیوب
سجدگاهنده ستمله داش آتان یاره لیوب
قلبنین قانین اوخ ایلوبدی روان یاره لیوب
اوخ دگیب قلبنه قطع شریان ایتدی آنا
نه (هدایت ) بولر احوالیمی نه یار و حبیب
دردمین چاره سی وار نه ، نه ده درمان و طبیب
نجه بو جور و جفایه ایلیوم صبر و شکیب
باغ صبری ستمین بادی خزان ایتدی آنا
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ياجوادالائمه ادركني
ــــــــــــــــــــــــــــــــ
اي عزيزجناب پيغمبر
ياجوادالائمه ادركني
وي علي سيرت وملك منظر
ياجوادالائمه ادركني
گجه یاری من یوزی قاره
قلم و دفتر الده آواره
یوز دولاندیردیم آسمانه طرف
باشلیام مثل هرشب اشعاره
رخصت آلدیم خدای داوردن
تائوزی یار اولا بوبی یاره
ناگهان غیبدن نداگلدی
اولدی الهام بودل زاره
دیدی یاز دفتره جوادآدینی
قیل توسل اویاره بیچاره
تامحمدجوادآدین یازدیم
نظر اولدی داغلمش افکاره
آدینی یازدیقیجاشکرایلدیم
حضرت ذات حی داداره
دیدیم ای یار هر دل مضطر
یاجوادالائمه ادرکنی
بعضینون آه ووادی زمزمه سی
دردعشقه دوادی زمزمه سی
بعضینون مصطفادی زمزمه سی
بعضینون مرتضادی زمزمه سی
بعضی موسی الرضایه عاشقدی
دیلده موسی الرضادی زمزمه سی
بعضی لرده به عشق کرببلا
دیلده ذکر ودعادی زمزمه سی
یاابوالفضل ویاحسین شهید
کربلاکربلادی زمزمه سی
بعضی لر مشعر ومنا ایستر
مروه دن باش صفادی زمزمه سی
کربلا گورمین آلار ، دیسه گر
یا جوادالائمه ادرکنی
كيم سني سسلسه نزار اولماز
غملره غفلتاًدچاراولماز
بايبنداولساعشقوه هركيم
هركس وناكسيله ياراولماز
هانسي نوكر سني آقابيلسه
دشمني خواراولاراوخواراولماز
كيم جهاندا سنون يولون گيتسه
گوندوزي گوزلرينده تار اولماز
كيم سنه آغلاسائولنده گولر
روزمحشرده اشكباراولماز
هرديل آدون چاغيرساعشقيله
ئوزگه عشقه طلايه دار اولماز
سسلنر عاشقانه شام و سحر
يا جوادالائمه ادركني
يابن زهرا بهار عزت سن
صاحب صولت وصلابت سن
من كيمم شانوي چيكم شعره
سن ئوزون کان معنويت سن
سن جوادالائمه سن،دنيا
بيلورعالمده باسخاوت سن
مبداء وانتهاي رحمت سن
مظهر غيرت وفتوت سن
عاجزم قيل منه عنايت سن
لطف ئوزيله ايله كرامت سن
نه يازوم شانوه ،فقط بيلورم
سن اياقدان باشا قيامت سن
اي قيامت گوني شفاعتگر
يا جوادالائمه ادركني
یابن موسی الرضا کرامت ایله
لطف ایله قیل نظر،عنایت ایله
الی بوش نوکرم یوزوم قاره
قویما من خوار اولوم حمایت ایله
دفترونده منیمده آدیمی یاز
خادم خاندان عصمت ایله
بیت زهرا جوانلارین آدینی
وارد دفتر ولایت ایله
صادر ایله جواز عشاقی
قبریوه دسته جمعی دعوت ایله
بویور ای اهل دل بوسن بوجواز
عشقیله گل منی زیارت ایله
قبرون اوستونده تا دیک یکسر
یاجوادالائمه ادرکنی
ــــــــــــــــــــــــــــ
ابوالفضل_فرهنگی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
چند خط از امام جواد و گریز به حضرت رباب
اولدی همان او زهریله قلب او شه کباب
یاندی شرار ناله سینه ارض و نه قباب
پیغمبرین عزیزینه ظلم ایتدی ام فضل
اما بونون بر عکسینی ثابت ایدوب رباب
گونلر قباقی مسکن اولوبدور او بیکسه
اولسون گوروم دیردی بو دنیای دون خراب
کرب و بلا چولونده آقام تشنه جان ویروب
ایتدی بالام آتا الی اوستونده پیچ و تاب
مندن اوتاندی یاننام امامین او حالینه
مین اصغری فدا ایدر اوز شاهنه رباب
دلجو
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
امام_جواد_علیه_السلام
باش گوتور بیر قبریدن یا فاطمه بغداده گل
جان ویرور اوغلون تقی بیر یالقوز ایوده داده گل
ای خانم بیر باش گوتور قبر شریفوندن اویان
الامان بیر نانجیب عورت الیندن الامان
اوز ایوینده قویموری وئرسون بالان آسوده جان
چوخ سوسوز دور ممکن اولسا ایله سو آماده گل
تک به تک گر چه سنون اوغلانلارون مظلوم اولوب
هر بیری بیر نحویلن بو دهریده مغموم اولوب
بعضی سی مقتول اولوبدور بعضیسی مظلوم اولوب
لیک ام الفضل الیندن بیر اولان بیداده گل
هر کیمه یوز ویرسه هر نوعی غم و درد و بلا
اوز عیالی جدّ و جهد ایلر خانم ائتسون دوا
اوغلوون اما اولوبدور اوز عیالی بی وفا
بیر نفر یوخ قوم و قارداش تا یته امداده گل
اولمادی بیر کیمسه باخسون اوغلوون افغانینه
قالمادی یالقوز ولی اوغلی گلوبدور یانینه
عاقبت بولمم نجه جان ویردی اوز جانانینه
قالدی گول جسمی ولی بو صفحۀ غبراده گل
اوغلوو اوز عورتی هر ظلم ائتدی دویمادی
اوز لباسی من دئمم آیا سویوب یا سویمادی
ئولدوروب راحت گئنه اوز مسکنینده قویمادی
اُفّ اولا لعنت گله بو عالم ایجاده گل
اول خبیثه بُغضینی ایلوب او وقته آشکار
نه دیوم یانسون دلیم نه امر ایدوب اول نابکار
دورمیون بامه بو جسمی حمل ایدون ای اهل نار
بو قضیه باغریوی قان ایلدی معناده گل
وار یقینیم اوج ایده ناله او دمده گوگلره
بولمورم عالم ندن بس دگمیوبدور بیر بیره
بامدن اول جسم پاکی آتدیلار بیردن یره
بو مصیبت شیعه نی آغلار قویوب دنیاده گل
آچ باشون آغلار گوزیله خطّۀ بغداده باخ
داد امّ الفضل الیندن ائتدوقی بیداده باخ
اوچ گجه گوندور قالوبدور کوچه ده گل داده باخ
بیرده بیر اوغلون دوشوب باشسیز قالوب صحراده گل
باش بدنده یوخ حسینون گون ایوی عریان قالوب
زینب مظلومنون آرامنی الدن آلوب
زلفینی ائتدی پریشان نعشینه سایه سالوب
گوردی حدسیزدور یاراسی گلموری تعداده گل
عرض قیلدی بو یارالی نعشیوه زینب فدا
کیم گوروب بیر جسمیده اولسون بیله سانسیز یارا
هر قدر عمریم اولا وردیم اولور ایوای اخا
تسلیت ویرماقلیقا اول زینب ناشاده گل
عالم معناده اولسا #شوریا گر خدمتون
بُول هدر گئتمز یقین دنیا و عقبی زحمتون
بو اماموندن برآورده اولور هر حاجتون
الده عنوان ائتگیلن بو نوحه نی عقباده گل
شوری
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
شهادت_امام_جواد علیه السّلام
گریز به شام غریبان
یالقوز ایوده ویرورم حسرتیله جان آناجان
گل جواد اوغلوا دوت شام غریبان آناجان
اوزعیالیم من خونین دلی مغموم ایله دی
کینه سین ویردی بروزه آنا مظلوم ایله دی
قلبیمی پارچالادی زهریله مسموم ایله دی
قلبیمی زهرجفا ایله دی آلقان آنا جان
اوز الونله آنا گل قبله دوندریوزومی
قویما بو پارچالانان قلبیده گیزلین سوزومی
باغلا اوز معجریوه ایکی آغلار گوزومی
باشیمی آل دیزیوه جان ویروم آسان آنا جان
علتی وار بو قدر گوگلره نالم اوجالوب
صرصر جوروجفادن گل عمروم سارالوب
گل یوزوم یرده گوزوم یولدا سوزوم دیلده قالوب
تیر محنت ایلیوب قلبیمی شانشان آنا جان
سالدی دیلدن من محنت زده نی دردومحن
یوخدی بالینیمه بو حالیده بیر کیمسه گلن
اوغلووام گل ویرورم جان بو غریب الکده من
گوزلریم یولدا قالوب گل سنه قربان آناجان
سن آنا هاردا غریب السه اونون همدمیسن
گوگلون گیزلین اولان محنتینین محرمیسن
غملرغمکشی غربتده سرشگ غمیسن
آلاسان دردینی هر آن دیئس جان آناجان
سالوب اکبادیمه اود زهر جفا اودلانورام
آتش زهریله اودلانماقی آسان سانورام
بیر ایچم سو ویره نیم یوخ دی عطشدن یانورام
سو گتورقویما یانوم چوخ من نالان آنا جان
دیله گتدیم سو آدین گر آنا عفو ایله منی
آغلادارقان اولاسو صحبتی هر یرده سنی
اوغلوا ویرمدی بیر شربه سو اشرار دنی
سو یانیندا سوسوز الدی شه عطشان آنا جان
حسرتیله آنا آخر الیم الدن اوزولوب
جام چشمیمدن اوزه اشگ روانیم سوزولوب
قطره قطره اورگیم قانی دوداقه دوزولوب
غبطه بو قانه ایدر شطه مرجان آنا جان
کیم وطن سیزلره غربتده هواداراولاجاق
دردینی دلدن آلوب محرم اسرار اولاجاق
گلمسسن شام غریبانیم آنا خوار اولاجاق
دوتان اولماز منه بیر شام غریبان آناجان
گوگل آلچاقلیقی هر آنیده ایلر سن آنا
هامی اولاد یوه برپا ایدسن بزم عزا
هارااولسا گیدسن بلده الون دیلده نوا
اولا بغداد و یا شهر خراسان آناجان
سن هامی اوغلون النده گوزونی باغلامیسان
آچمیسان باش یوزه گوز یاشی توکوب آغلامیسان
غم اودوندا دل ماتمزده وی داغلامیسان
سس چکوب ایله میسن ناله و افغان آنا جان
غمی بیر اوغلون اما هامی غمدن باش اولوب
گورموسن غسلی قیزل قان کفنی اوخ داش اولوب
نعشی اوستونده اونون قانیله زلفون یاش اولوب
آغاران ساچلاریوی قان ایدوب الوان آناجان
ساچدون اوردا اوقیزل قانیله بیر گل باشیوا
ایله دی غبطه هامی سوسن و سنبل باشیوا
اوگل اوستونده سووردون نیه بس کول باشیوا
اولا ویرانه گوروم کوفه ویران آناجان
گل منیمده باشیم اوستونده باش آچ ایله فغان
سینه داغلا یوزیوه گوزیاشیوی ایله روان
یوخدی بو حالیده احوالیمه بیر کیمسه یانان
ویرورم حسرتیله جان من نالان آناجان
یازیلان دمده بو اشعار ایکی اکبر واریدی
ناجیان اکبری فرهودی اصغر واریدی
اوزگه اوضاعیدی بیر عالم دیگر واریدی
هامی گوزدن توکوردی دررخشان آنا جان
اوزوفاتیمده بو بش خادم شاه شهدا
پیشنهاد ایله دیلر تاکه بو نوحه یازیلا
« نجمی » و « حافظی » یازدی ایله دی حقین ادا
اولدی بر پا منه بیر شام غریبان آنا جان
مرحومین نجمی و حافظی تبریزی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
روضه شهادت امام جواد علیه السلام
زنده یاد حاج محمد باقر منصوری
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
احوالات حضرت زینب(س)با سرخونین برادر
هاردا بویانوب گل یوزون آیا کوله قارداش
کول سوزشی تاثیر ایلیوبدور گله قارداش
ای گل یوزی دین گلشنینه مایه ی نزهت
وی سنده هویدا هامی اسرار حقیقت
هانسی شل اولان ال اوزونه ویردی جسارت
آغشته جمالون ایلیوبدور کوله قارداش
ای جان جهان فخر زمان آیت سبحان
ای وجهه ی دین مظهر حق هیکل ایمان
ای جانین ایدن شوقیله اوز دینینه قربان
دردون گله ای کاش بو خونین دله قارداش
عرشه یری وار اوج ایلسین ناله ی جانکاه
بیر بیله جفالر که ایدور فرقه ی گمراه
ای ایسّی کول اوستونده خسوفه چکیلن ماه
حالوندی پوزان حالیمی نه سلسله قارداش
کیم گتدی وجوده یارالی باشدا بو حالی
کول بدر جمالوندا سالوب نقش هلالی
دردوندن اولور ایلیه سن زینبی حالی؟
ممکندی اگر لطف ایله گل بیر دله قارداش
گر زینبیوه ایلمیسن لطف و عنایت
گل فاطمه نین حالینی سن ایله رعایت
دیندیر بو صغیره قیزون ای رحمته آیت
قالمور او قدر شدّت غمدن اُله قارداش
ای کعبه ی جان قبله ی دل قائد والا
وی جایگهون دوش نبی عرشیدن اعلی
بیر جلوه ویروب عترتیوه غمده تسلّی
گورجاق سنی جان تاپدی سنق قافله قارداش
ای ایزد یکتایه اولان آیت اعظم
تکریمینه ای قامت افلاک اولان خم
بیکارون اولوب گور نجه آلامیله همدم
هر محنته وار اوندا عجب حوصله قارداش
هرچند که سجّاده اولوب ظلم مکرّر
امّا دلینی شکویه آچموبدی برادر
دیندیر اونی آل گوگلونی ای عالمه سرور
یوخ درد دلین سن کیمی بیر کس بوله قارداش
یوخ بیر نفر امداد ایلیه آل عبایه
یوخ باشیمیز اوسته سالینا مهریله سایه
بو غمده نوامیس حرم دلده نوایه
هرچند گلوب، ایتمیوب امّا گله قارداش
منده گله حاشا ایلیم درد و المدن
هرقدر ستم یتسه اگر اهل ستمدن
امّب خبرون واردی شها صاحب علمدن؟
شهلر یانیجا خوشدی وزیری گله قارداش
انصافیدی باشوندا اولا تازه جراحت
محملده قالا زینبیوین باشی سلامت
گوردوم بو دگل رسم مواسات و شراکت
ووردوم باشیمی شدّتیله محمله قارداش
جانیم اولا قارداش یارالی بیر باشا قربان
خشکیده لبیله اوخوری نیزه ده قرآن
بو طرزیله اوز نیّتینی ایلیه عنوان
جان ویردی سوسوز اگمدی باش باطله قارداش
هر کیمسه که دنیاده گرفتار بلادی
وار بیزده گوزی دردینه محتاج دوادی
«خادمده» بو دربار شه عشقه گدادی
بیر پای اوزون احسان ایله اول سائله قارداش
اثر مرحوم : جوانشیر (خادم)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
نه یاغیش یاغدی نه سو اولدی نه صود ؛ صودامره
گوره سن بس نجه چیخدی او لب عطشان سحره
صبحه جن ئولمدی دوزدی ؛ ولی چالدی ال ایاق
گجه نی صبحه کیمی یومادی گوز قالدی اویاق
تر دوزولدی بالانین آلنینا سیلدی آناسی
مین دفعه صبحه کیمی ئولدی دیریلیدی آناسی
صبحه جن آغلادی؛عطشان بالانین باتدی سسی
آنا گوردی بالانین تنگه دوشوبدور نفسی
الین آتدی ساچینا سسلدی زینب خانیمی
دئدی جانه گتیریب صود امر اوغلوم جانیمی
گلدیلر اهل حرم تا بالانی رام اده لر
هی چالیخلوردی سوسوزدان اونی آرام اده لر
ال اله وئردیله عطشان بالانی بلکه یاتا
دوزدی عطشاندی سو فکرین ولیکن باشدان آتا
ال اله گزدی او قد عمه سینه چاتدی بالا
هامی اهل حرمی یاندیروب آغلاتدی بالا
آغلاماق ناله لری چاتدی او شاهه زمنه
قیدوب سویلدی تئز باجیسینه شیر زنه
دئدی آیا دئمدیم کی اوجادان آغلامیون
آغلیوب شاه شهیدان اورگون داغلامیون
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
کربلایی محمد هوشمند
یا حسین (ع)
ای جهانی یارادان سالما بیزی حرمت دن
نفس آللاتدی بیزی دوشدوق عجب قیمت دن
نه بلادور که دوتوب عالمی یا حی قدیم
اسوری لاله کیمی اهل جهان وحشت دن
نیه نعمت لری بیر بیر آلیسان بیزلردن
اولدی محروم ولا اهلی ندن هئیت دن
بیزده کی یوخدی لیاقت سن اوزون آگهسن
گورمه دیم دوت بیزی ذاتینده اولان رحمت دن
بیزی بیگانیه محتاج ائلمه رحم ائیله
قویما منت ده قالاق قورتار اوزون منت دن
تئز یئتیر حجتیوی عالمی غم چولقالییب
خلق دنیانی خلاص ائیله داخی محنت دن
گینه ده قدرت الین اولدی عیان عالمده
تا که بیر آن اییلا گوزلریمیز غفلت دن
بیزی چکمه محکه ناقص عیاروق بیلیسن
جلوه عشقی عیان ائیله چیخاق حیرت دن
بیز حسین عاشقیوق ائیلمه نومید بیزی
چاره قیل دردیمیزه قانه باتان تربت دن
گئنه بین الحرمین عشقینه مدهوش اولورام
منی سرمست ائله یارب او گوزل وصلت دن...
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
🌹حضرت مهدي علیه السلام🌹
ابوالفضل عباسی معروفان اهری ( معروف )
آرزوی ظهور
بیر گون عالملری آیینه نور ایلر آقا
الده برنامه سی اعلان حضور ایلر آقا
غیبدن ظاهر اولار جامه عدل اگنینده
مسند حقده دوروب رفع امور ایلر آقا
یار و انصاری رکابینده گزر یئر یوزونی
دولانوب عالمی هر ملکه عبور ایلر آقا
هر یئره گئتسه بیر عده چاغورار یا مهدی
باخوب انصارینه احساس غرور ایلر آقا
ظالمه ویرمز امان فاسدی رسوا ائلییر
چشمه فسق و فساد و شری کور ایلر آقا
سالار اوت بار دگر نسل ابو سفیانه
فتنه برنامه لرین زنده بگور ایلر آقا
دولانار حال مکدرله بلا چؤللرینی
کربلا واقعه سین بیرده مرور ایلر آقا
جدینون ماتمینه گؤزدن اولار اشکی روان
ئورگین غصه لره سنگ صبور ایلر آقا
فاطمه قبری نه مدتدی نهاندور آقامیز
گلسه بیربیر آییروب فک قبور ایلر آقا
جمعه لر مهدیه مختصدی زهرا بالاسین
گؤز گؤرنمز ولی دللرده ظهور ایلر آقا
عشقوی ذره کم ائتمه آقیا منتظر اول
اولماسا عشق مگر قلبه خطور ایلر آقا!؟
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
لای لای ننم لای لای
حاج ابراهیم رهبر
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حسینون آرمانیندا گدا و شاه یکساندور
اونا عاشق اولان کیمسه جهاندا اهل ایماندور
او دریای عطوفت دور او کان مهر و رأفت دور
ولایت اهلینه تا وار جهان سالار و سلطان دور
صفا اوندا،سخا اوندا،عطا اوندا،وفا اوندا
اودور که آتش عشقی اورکلرده فروزان دور
جهاندا گر چه گلزار و چمن هر یئرده وار امّا
حسینون گلشنی دائم طراوتلی گلستان دور
ولایت باده سیندن نوش ائدن سرمست اولار دائم
بو مِی بیر مِی دی که هر محنته هر درده درمان دور
نه تنها اوز دیاریمدا حسینی ایستین چوخدور
اونون عشقلری عالمده هر یرده فراوان دور
جفا پیشه جماعتدن، وفاسیز خلقدن بیزار
مرام و مسلکینده پای بند عهد و پیمان دور
ستمدیده اولا هر کیم اونا یاوردی عالمده
ستمگرلر قبالینده او بیر آزاده انسان دور
پیاموندا دیوب هیهاتَ مِن الذلة نی خلقه
اوجالدان قلّۀ عزّه هر انسانی بو فرمان دور
اوزی پروردۀ قرآن اولوب قرآنینه قربان
او سالار شهیداندور شهید راه قرآن دور
او سلطانین عزاسینده ولایت اهلی قان آغلار
بو ماتمده مصیبتده خلایق جمله گریان دور
یانار نار فراقیندا دئیر بیر عمریدور «یاور»
حسینی گر زیارت ائتمه سم حالیم پریشان دور
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حسین قانیله ائتدی فتح بابی
بئله معنا ائدوبدور عشق نابی
حسینون عهدپیمان الستی
تمام ازادگانه وئردی مستی
او قانلا تاپدی عزت کل هستی
تمام انبیا حق پرستی
آچوب یالقوز حسینه دوز حسابی
دلینده ذکر یا سبوح وقدوس
آیین نوری ذبيح اللهه فانوس
عطشلیک ظاهر لبلرده ملموس
ائنر گوگدن ملائک ایلیر بوس
ائدرداور حسینی ارزیابی
دوزبدور یحیوی زیبا لغاتی
حسین پاینده ائدی الصلاتی
اوشاهین قطره قانینون ذکاتی
نئجور حیرتده قویدی کائناتی
اولوب پاینده اللههین کتابی
وجودی مستیدی پروردگاره
دئیور هی یاره اوستن یاره یاره
قبول اولسا حق صاحب وقاره
گییه اهل و عیالی اوردا قاره
کفن گئیدی حریر آفتابی
مرحوم استاد عباسقلی یحیوی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
شجاعت حضرت علی اکبر (ع)
قـلب مـیدانیده یــا ربّ مه انور دایـــــانوب
ماه یوخ سهو ائلدیم، شمس منور دایانوب
بـــی مثل خــــــلق ائلییبدور بونـــی رب ازلــــی
مست ائدور هر گوره نی عرصه ده طاها گوزلی
دایــــــانوب سینــه ی میدانیده طــــوبی مثلـــــــی
کیم گورور فکر ائلیور سرو صنوبر دایانوب
هامی بیر خنجریلن رزم ائدرای اهل شعور
ولی اوچ خنجریلن رزمه گـلیب زاده ی نور
بیری الده ،ایکیسی لــــیک جمالینده گــــلور
گول یوزینده نئجه گورباش باشا خنجردایانوب
آتانین بوسه سی چیگنینده اولوب سردوشی
آغــزی صندوق گــهر، غنچه لبی درپوشی
ســـاقی اکبردی اولوب اکبر اول می نوشی
مستیدور لیک گینه طالب کوثر دایانوب
ائلیوب نقشه ی رخساری بوتون عالمی مات
گورجگین مه یوزونی شوره گلیب نهر فرات
مست ائـدوب لشگر اعــدانی بو عالیه صفات
صف به صف صورتینه باخماقا لشگر دایانوب
باشدا عمـّـــامه ی خاتم، یوزی بشاش و جلی
بیر سوز اما بورییب صحنه ی جنگ وجدلی
هیبتیندن هــــــامی سسلندی گلوب جنگه علی
جنگ خیبردی مگر فاتح خیبر دایانوب
بیــری دئی سینه ی میدانیده حیدر دایـانوب
بیری دئی سهو ائلمه ختم پیمبر دایـــــانوب
بیری دئی صاحب علم شیر دلاور دایانوب
سعدین اوغلی دئدی یوخ، عرصه ده اکبر دایانوب
آچـــدی لعل لبینی اکــبر او دم گفتــاره
دوتدی یوز لشگر بی عاطفه و اشراره
آدیمـــی قؤی دئدی اعلان ائلییم اغیاره
صحنه ده تا بیلینه هانسی هنرور دایانوب
ای سپـاه اموی ، شبه پیمبردی آدیم
وارث شیرخدا ،حیدره بنذردی آدیم
اختر برج وفایم ،علی اکبردی آدیم
روبرو دشمنیلن عشق مصور دایانوب
ملکوت اهلی بیلور مظهراحساسم من
فقهـــا سـرورییم دشمن خنّــاسم مـــن
دانش آمـوخته ی مکتب عبــــاسم من
تلین اوستونده او استاد موقر دایانوب
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw