1542
آدرس اینیستاگرام http://www.instagram.com/motavasselan1 رجز نوحه های تصویری صوتی اشعارحسینی شور ارتباط با آدمین تبادل ارسال مطلب @YaAliAkbarMadadi
شاخسی
كربلايي_يوسف_پرنيان
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
حق جلوه سیدور جلوه رخساری حسینون
پاینده دی حشره کیمی آثار حسینون
نورانی ائدوب جنتی انواری حسینون
آزاده لیگون درسی دی افکاری حسینون
حیرتده قویوب عالمی ایثار حسینون
مرآت خداونددی سیماسی اوشاهون
روشن ائلیوب عرشی تجلاسی اوشاهون
تکدی شرف وغیرت وتقواسی اوشاهون
اولماز بیری عالم بوئی همتاسی اوشاهون
گلمز داخی بوعالمه اوخشاری حسینون
هییت متوسلین حضرت علی اکبر(ع)تبریز
/channel/motavasselan
وارد شدن حضرت ابالفضل العباس علیه السلام به فرات
مرحوم یحیوی
.
.
نهر علقمه قویدی چون قدم
کربلا وزیری
تاجدار اباالفضل
.
تشنه لب لره سو آپارماقا
جان و دلدن ائتدی
افتخار اباالفضل
.
تاپدی خضر عطشان
چشمۀ حیاتی
تشنه لر ائشیتدی
نالۀ فراتی
.
.
.
گوردی نهرده موج ائدر سوئی
خود سرانه اولموش
پهن و دشته جاری
.
آتدی اول سودان بیر قدر گویه
دوندی باخدی ناگه
خیمه گاهه ساری
.
یعنی قورخمیون نهری آلمیشام
خیمیه یتورم
مشک آبداری
.
آلدی اوجونا ایچمدی سودان
ایلدی فراتی
شرمسار اباالفضل
.
.
.
خیردا اصغرون تشنه لب لری
یا سکینه حالی
صبرین الدن آلدی
.
حال زارینه اول هنرورین
باطناً فراتون
ناله سی اوجالدی
.
مشکین اندیروب دولدوروب سودان
چیگنینه سو مشکین
همتیله سالدی
.
دوندروب یوزین چخدی نهریدن
اولدی خیمه گاهه
رهسپار اباالفضل
.
.
.
ازدحامیلن ائتدیلر هجوم
صاحب لوانین
اوسته قوم کافر
.
تیغ تیزیلن اول جماعت
بی حیایه ائتدی
حملۀ مکرر
.
الحذر سسی چخدی گویلره
بیر شجاعتیلن
جنگ ایدوب او سرور
.
قدسیان گلوب نالیه دئدی
آفرین بو شصته
نامدار اباالفضل
.
.
.
دوندروب یولون نخلزاریدن
آتش قتاله
ویردیلر ادامه
.
ائتدیلر کمین هر ایکی الین
سالدیلار بدندن
یتدیلر مرامه
.
باخ همیّته باخ فتوّته
سعی ایدوب یتورسون
مشکی تا خیامه
.
قویمادی علم سرنگون اولا
دوتدی سینه سینده
پایدار اباالفضل
.
.
.
گه رکابدن بیر ایاقینی
ایلیوردی خالی
دشمنی یخاردی
.
گاهی ساغ طرف گاهی صول طرف
قان ایکی قولوندان
سو کیمی آخاردی
.
اول وفا شِیَم معدن کرم
حسرتیله مشکه
دمبدم باخاردی
.
سو یتورمگه خیمیه اولوب
تشنه لردن آرتوق
انتظار اباالفضل
.
.
.
فرصت ال ویروب اوخ آتانلارا
دورت مین اوخ قویولدی
چلۀ کمانه
.
یاغدیا وتسونه دورت طرفدن اوخ
شهپر آچدی اوخدان
فارس یگانه
.
مشگنون سویی خونِ دل کیمی
توپراقا توکولدی
رنگی دوندی قانه
.
خیمه سمتینون ترکین ایلدی
گوردی ئوز حیاتین
ناگوار اباالفضل
.
.
.
یوخ بدنده قول دشمن ال تاپوب
بیر تصور ایله
یوز ویرور نه حالت
.
بو مصیبتون شرح آخرین
قانه دوندی قلبیم
ائتمرم کتابت
.
یازدی «یحیوی» بو کلامینی
خاطرینده مکنون
نیت زیارت
.
آستانۀ پاکه یوز قویا
اولسا لطف اوزیله
یارکار اباالفضل
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ﯾﺜﺮﯾﺒﺪﻩ ﮔﯿﺠﻢ ﺗﮏ ﮔﻮﻧﻮﺯﻭﻡ ﻗﺎﺭﺍﺩﻭﺭ ﺍﺻﻐﺮ
ﻣﺤﻨﺖ ﺍﺛﺮﯾﻨﺪﻥ ﺍﻭﺭﮔﯿﻢ ﯾﺎﺭﻩ ﺩﻭﺭ ﺍﺻﻐﺮ
ﻫﯿﭻ ﺍﻭﺧﻼﻧﺎﻥ ﺁﻫﻮ ﯾﺎﺭﺍﺳﯿﻨﺪﺍ ﺳﻨﻪ ﭼﺎﺗﻤﺎﺯ
ﻫﯿﭻ ﺍﻭﻏﻠﯽ ﺍﻟﻦ ﺑﯿﺮ ﺁﻧﺎ ﺍﻭﻏﻠﻮﻡ مﻨﻪ ﭼﺎﺗﻤﺎﺯ
ﺻﯿﺎﺩﻟﺮ ﺍﻫﻮﯾﻪ ﮐﯽ ﭼﻮﻟﺪﻩ ﺍﻭﺥ ﺍﺗﺎﻻﺭ
ﺑﻮ ﺭﺳﻤﯿﺪﯼ ﻗﺎﭼﺴﺎ ﺍﻭﻧﺎ ﻓﻮﺭﺍ ﺍﻭﺥ ﺍتاﻻﺭ
ﻭﻭﺭﻣﺎﺯﻻﺭ ﻓﺮﺍﺭ ﺍﯾﻠﻤﺴﻪ ﺯﻧﺪﻩ ﺩﻭﺗﺎﻟﻼﺭ
ﻫﯿﭻ ﻇﻠﻢ ﺍﯾﻠﯿﻦ ﺣﺮﻣﯿﻠﯿﻪ ﻇﻠﻤﯿﺪﻩ ﭼﺎﺗﻤﺎﺯ
ﻫﯿﭻ ﺍﻭﭼﯽ ﺍﻭﻏﻮﻝ ﻗﺎﭼﻤﯿﺎﻥ ﺍﻫﻮﯾﻪ ﺍﻭﺥ ﺁﺗﻤﺎﺯ
ﻗﻮﯾﻤﻮﺵ ﻏﻢ ﻭ ﺩﺭﺩﻭﻥ ﻣﻨﯽ ﮔﻮﺯ ﯾﺎﺷﻠﯽ ﻭﻃﻨﺪﻩ
ﺭﻭﺣﯿﻢ ﯾﻮﺭﻭﻟﻮﺏ ﺧﺴﺘﻪ ﺩﯼ ﺑﻮ ﺧﺴﺘﻪ ﺑﺪﻧﺪﻩ
ﺍﯾﮑﺎﺵ ﺍﻭ ﮔﻮﻥ ﻣﻨﺪﻩ ﺍﻟﯿﺪﻭﻡ ﺳﻦ ﺍﻟﻨﺪﻩ
ﺭﻭﺡ ﻋﺎﻟﻤﯽ ﺭﻭﺣﻮﻥ ﻣﻨﯿﻠﻪ ﺗﺰ ﺑﺎﺭﯾﺸﯿﺪﯼ
ﺗﭙﺮﺍﻗﯿﻢ ﺍﻭﻏﻮﻝ ﺧﺎﮎ ﺷﻔﺎﯾﻪ ﻗﺎﺭﯾﺸﯿﺪﯼ
مرحوم استاد انور
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
معجزه حضرت رقیه(س)
ماجرای مریضی دختر مسیحی
حاج محمد باقرمنصوری
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
🍃🌹🍃🌹🍃
🌹 🍃 🌹
🍃 🌹
🌹
زبانحال حضرت رباب (س) به حضرت علی اصغر(ع)
علی باشدان سو فکرین آت بالام لایلای گُلوم لایلای
آز آغلا آز منی آغلات بالام لایلای گُلوم لایلای
🍃🌹
سزادور آه جانسوزیم اگر یاندیرسا دنیانی
نه صود وار اودلی سینمده نه خرگهده[1] سو امکانی
سوسوزلوق دردینون اولماز اوغول بو چولده درمانی
آز آغلا آز منی آغلات بالام لایلای گُلوم لایلای
🍃🌹
نه بیر لایلای دئدوم باخدون اوغول نه بیرجه خواب ائتدون
او قدری آغلادون یاندون او قدری اضطراب ائتدون
او حسرتلی باخیشلاردان اورک باشین کباب ائتدون
آز آغلا آز منی آغلات بالام لایلای گُلوم لایلای
🍃🌹
سو فکریله بو خرگاهی گوزی یاشلی دولانّام من
اَله بیر شربه سو گلمز اوغول یانّام دایانّم من
او آغلار گوزلره قربان سنه باخدوقجا یانّام من
آز آغلا آز منی آغلات بالام لایلای گُلوم لایلای
🍃🌹
دوتوب سو یوللارون لشکر اوغول یوخ رحم دشمنده
اوزومده تشنه ام سن تک بو درده چاره یوخ منده
سویوم یوخ آغلیوب سنده منی چوخ ائتمه شرمنده
آز آغلا آز منی آغلات بالام لایلای گُلوم لایلای
🍃🌹
ائله حالیم پریشاندور که بیر کس حالیمی بولمز
اگر مین گُل آچا بیرده منیم هرگز یوزوم گولمز
عطشدن سن هلاک اولدون عجبدور بو رباب ئولمز
آز آغلا آز منی آغلات بالام لایلای گُلوم لایلای
🍃🌹
علی سوز نگاهونله دل افلاکی یاندیرما
علی چشم گهربارون بئله حسرت دولاندیرما
علی اوز خجلتیم بسدی منی آرتوق اوتاندیرما
آز آغلا آز منی آغلات بالام لایلای گُلوم لایلای[2]
🍃🌹
هییت متوسلین حضرت علی اکبر(ع)تبریز
/channel/motavasselan
زبانحال امام حسین درشهادت حضرت قاسم (ع)
یاتما بو چولده اوغول دور باغریمی قان ایلمه
هرنه وار دردون بیان ایت دیلده پنهان ایلمه
آچگوزون دلبند مادر گلموشم گور نالیه
اوز دیلونله من آنایه سویله افغان ایلمه
باغبان تک سن گلی من بسلدیم شادان گورم
دورگولوم گول بوآنان پژ مده گریان ایلمه
مجتبادن درس آلوب اولدون بوگون دینه فدا
ای مه تابان من ترک شبستان ایلمه
عقده لر وار بو دیلیمده قانلی زلفون تک اوغول
عقده می آچ باخماقونلا دل پریشان ایلمه
یاتموسان نازیله سن من زارو هم سرگشته وم
گل منی سرگشتۀ دشت و بیابان ایلمه
سسلورم سس ویرموسن ای قانه غلطانیم بالا
آتش غمده یانان بو قلبی سوزان ایلمه
لیلی تک مجنون ایدوب سالما منی بوچوللره
گل آناوی مبتلای درد هجران ایلمه
من دیردیم توی دوتوب قول بوینوا سالام اوزوم
بو گویول آباده سین دور یاتما ویران ایلمه
قلبیده وار آرزوسی هر آنا گورسون عروس
دورمنی یوسف کیمی یعقوب کنعان ایلمه
باخورام یاره لره گل کیمی اوخدان پرآچوب
باغ و گلشندی وجودون ترک رضوان ایلمه
هرگلون بیرعطری وارکاشانۀ دل دوربو تن
گل بو دل کاشانه سین سن لیل ظلمان ایلمه
ایت آنالیق حقی بیر دفعه آچ بو گوزلرون
من باخوم سن باخ منه ترک سرو جان ایلمه
بیرنگاهونلا بالا دینجد منی چوخ خستیم
غرق دریای غم و اندوه و حرمان ایلمه
بیر باخوش باخسان بسیمدی گل محبت ایله باخ
من اسیرم کاروان یولاندی لنگان ایلمه
پیچ و خم وار شام و کوفه یولاریندا دردو رنج
آچماموش گوز سن روان شام ویران ایلمه
) بیرالتفات ایله دیورچوخ قورخورام
یالواروردادارینه محشر ده نالان ایلمه
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
« آچ گوزون قاسم »
جمالی ای قانیلن الوان
جان وئرن عطشان
قاسمیم یاتما
تقرب تاجین قویان باشه
پیکری شان شان
قاسمیم یاتما
((دورای شمع ِ بزم احساسیم
گلستان غمده کی یاسیم
آچ گوزون قاسم (۲))
*
دور ای برج عشقیده ماهیم
عزّت و جاهیم - باوفا قاسم
نه تئز ائتدون سن جلای وطن
یادگار حَسَن- دلربا قاسم
علی اکبردن صورا من ایچون
اکبریم سنیدون - مه لقا قاسم
((سنیدون تنویر انفاسیم
شجاعت ده شبه عباسیم
آچ گوزون قاسم (۲))
*
گلوب جوشه رگده کی قانین
خنجرآچدون- قوم لعین اوسته
وُروب بیرملعون یارا باشیوا
مرکبیندن دوشدون زمین اوسته
هجوم ائتدی قوم کین پرور
آت چاپوب دشمن-سینه وین اوسته
^
((دوشن آتدان اشجع الناسیم
سینان ای تندیس اجلاسیم
آچ گوزون قاسم (۲))
*
سنون عشقون مشق اولار باشاباش
عرش وفرشیده ای-عشق اودوندا یانان
سنیدون برج وفا شفقی
یوخدی کس سنه-تای-قانینه بویانان
ایاقه دور خیمه گاهه گئداخ
باشیوه دولانا- قلبی یاره آنان
((کسیلدی گلبانگ اخلاصیم
سالوب دیلدن فرقۀ خاصم
آچ گوزون قاسم(2)
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
مدح حضرت علی اکبر(ع)
قلم ایستوریازا اَبروی علی اکبردن
ایلیورشرم وحیاروی علی اکبردن
چوخ تعجبدی که بیرلیلی،هزاران مجنون
باغلانوب حلقه گیسوی علی اکبردن
هرنه اندازه که دیوانه سی وار،منده بیری
نه ایتم غایب اولام کوی علی اکبردن
باشلورام من بوسوزی مژده الهامی ولی
ایستورم لعل سخنگوی علی اکبردن
ایشیدوب گرچه هامی حُسنینون اوصافیندن
قدسرو و خم ابروی علی اکبردن
نه وجاهت نه لطافت نه ملاحت نه ادب
آقالیق نوری یاغور روی علی اکبردن
باخسا یوز یوسف او زهرا بینن گوزلرینه
مست اولارنرگس جادوی علی اکبردن
چکه لرشامه اگرلیلینی یوزیول قاچماز
قوللاری باغلیدی چون موی علی اکبردن
پهلوانلار بیراشاریله دوشرتپراقه
خوار اولار قدرت بازوی علی اکبردن
https://telegram.me/joinchat/BQ1CKT3x959rXnaj_Kjibw
شجاعت حضرت اباالفضل
تا واردی جهان عالمه مولادی اباالفضل
دلبند علی رتبه سی والادی اباالفضل
سر مشقیدی عاشق لر ایچینده گوزل آدی
عشق عالمینه عاشق شیدادی اباالفضل
درماندی آدی دردیمیزه دار فناده
دردون وار اگر درده مداوادی اباالفضل
دریای کرم شهرتی وار باب الحوائج
اون یتدی اولان منصبه دارادی اباالفضل
ایثاری اونون باشین اوجالتدی ملکوته
اهل حرمه دهریده سقادی اباالفضل
هر واژه یازام وصفینه قطره اولا بیلمز
عاجزدی قلم وصفینه دریادی اباالفضل
شأنی شرفی همتی شخصیتی تکدی
عالمده اودور یکه و تنهادی اباالفضل
صولتده صلابتده آقام حیدره بنذر
غیرتده شجاعتده یکتادی اباالفضل
سعد اوغلی اوگون مارده چوخ فخر ائلیردی
بولموردی مگر شیر صف آرادی اباالفضل
تا چاتدی خبر مارده که ای ائوی بر باد
میدانه گلوب جنگه مهیادی اباالفضل
نخوتله گلوب مارد او گون عرصه جنگه
فکر ایلمدی فارس هیجادی اباالفضل
تا اولدی مقابل او زمان کفریله ایمان
عرض ائتدی او کافر بو نه غوغادی اباالفضل
بو لشکر ایچینده بونی بیل یوخ منه همتا
بیعت ائلسن سنله مدارادی اباالفضل
جنگ ائتسن اگر قانیوه غلطان اولاجاقسان
مدفن سنه بو قورخولی صحرادی اباالفضل
رحم ائت اوزووه باتما قانا بیکس علمدار
باخ لشکریمه موجلی دریادی اباالفضل
هرکس منیله جنگ ائده جان قورتارا بیلمز
ال چکسن حسیندن گنه باجادی اباالفضل
انشاد ائلیوبدور رجزین مارد کافر
بولموردی که بیر مرد توانادی اباالفضل
فرمایش ائدوب حیدرین عالی نصب اوغلی
دنیاده حسینیله هم آوادی اباالفضل
باطل نظرون بوشلا حسین شاه جهاندی
عالم بوئی بیل نوکر مولادی اباالفضل
باغلا دلیوی آچ الیوی وقت جدلدی
روباهه باش اگمز یل دنیادی اباالفضل
مین لشکر اولا عزم ائلسم بیر بیره وورام
آچ گوزلریوی گور نجه عنقادی اباالفضل
سوز چاتدی بورا مارده سوز دگدی بیر اوخ تک
عباسه آتوب نیزنی بینادی اباالفضل
غیظیله آقام نیزه سینی دوتدی هواده
جنگین نئجه گور فنینه دارادی اباالفضل
ئوز نیزه سینی ماریدین ئوز حلقینه ووردی
لشکرده گوروب فاتح دعوادی اباالفضل
ئولدوردی او نامردی علینون غضب اوغلی
احسن او گوزل همته یکتادی اباالفضل
لشکر داغیلوب فتح ائلدی نهر فراتی
آلدی سویی عالمده توانادی اباالفضل
دولدوردی اودم مشکی خیامه یولا دوشدی
لشکر سایا گلمز ولی تنهادی اباالفضل
قصدی بویودی سو آپارا خیمه سرایه
سو قولی وئروب قیزلارا سقادی اباالفضل
روبه صفتان حیله قوروب ووردولا یاره
قولاری دوشوب حالی غم افزادی اباالفضل
اوخلاندی سو مشکی الی هر یردن اوزولدی
شرمنده اولوب حالی هویدادی اباالفضل
یوز خیمیه دوتدی دئدی قارداش ئولورم گل
قربان کسیله گر سنه باجادی اباالفضل
وئردوم ایکی قول بیر گوزومی من سووا خاطر
گورسن دیه جکسن بو نه سودادی اباالفضل..
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
مکالمه راوی با شمر در قتلگاه امام حسین(ع)
.
.
مرحوم حاج عبداله رضایی (غمکش)
.
راوی دیور باخوردوم میدان کربلاده
بیر باش تجلّی ایلور گوردوم سر جداده
.
.
قانلی دوداقلاریندان گوردوم که قان آخوردی
اُول باش که اهلی بیتی باخدوقجا آغلادوردی
وحشتله شمر ظالم قانلی باشا باخوردی
اکبر آدین او سرور گوز یاشلی سسلنردی
قیزلار قناد آچاردی زینب هوسلنردی
.
.
بیر قانلی خنجری تا شمرین الینده گوردوم
اللرده قان شقاوت غفلت دلینده گوردوم
آغلوردی فکر ایدردیم خنجر بلینده گوردوم
ویردوم ایک(ی) اللی باشه سسلندیم ای جفاجو
آیا دیدیم بیلورسن کیمدی بو مرد حق گو
.
.
بو باش کیمیندی نوک نی ده تلاوت ایلیر
قرآنی آیه آیه حقّه شهادت ایلیر
اعجازیله همان باش لطف و عنایت ایلیر
اسدیکجه قاره یللر طوفان گلور نوایه
بیز گورموروک ائمه یکسر گلوب عزایه
.
.
گوز اشگینی عذاره باغلار جداده بو باش
قانی آخار ترابه آغلار جداده بو باش
هر قلب اولا اگر داش داغلار جداده بو باش
گل پیکری یارالی قوم اوسته تپراق اوسته
قیزلاری آغلاشولار دورینده دل شکسته
.
.
عریاندی گل جنازه معناده حیدر آغلار
بو جسمیله بو باشه ایندی پیمبر آغلار
ال سینده یارالی زهرای اطهر آغلار
اوخلار سالوبدی سایه میداندا گل بدنده
غارت اولوبدی بو گل گلشنده هم چمنده
.
.
نهر فراته ساری سرلشگری گیدیبدی
الدن بونون شبیه پیغمبری گیدیبدی
بیلم نه جرمه خاطر انگشتری گیدیبدی
بیر بیر همین بو باشین انصاری دوغرانوبدی
شش ماهه سی اَل اوسته میداندا اوخلانوبدی
.
.
اطرافینی گزولّر هی قمریان خوش گو
پربسته بالی بسته دللرده ذکر یا هو
جاری اولور فراته آغلور حسینه گر سو
عطشانلارین پناهی قولسوزدی باغری قاندی
زینب نه لر چکوبدی گوز یاشلی ناگراندی
.
.
شمره دیدیم مسلمان ایتمز بیله جنایت
ای بد شیم ویروب یوز سندن بیله خیانت
پیغمبر اوغلونا وار سنده بیله عداوت
قربانی ذبح ایدر کیم دریا یانیندا عطشان؟
جانلار بونا فدادی عالم حسینه قربان
.
.
وئردی بیله جوابیم آخرده اُول ستمگر
نامی حسیندی جدّی مشهور دور پیمبر
صدّیقه دور آناسی زهرا بتول اطهر
کسدیم باشین قفادن ظلمیله من حسینون
معناده ئوز آناسی آغلوردی نور عینون
.
.
تا وعده ی ریاست آلدیم تاپوب اِراده
عریان یارالی نعشی قالدی بونون اراده
گوردون یارالی باشی نصب ایتمیشم جداده
من زادۀ زیادین هر امرینه امینم
یاز دهریده بیلینسون من قاتل حسینم
.
.
تکلیف اولوندی اوّل ایتسون یزیده بیعت
دوشدی بو فکره ایتسون دنیایه بو ریاست
ئولدورموشوق حسینی اخیامی اولدی غارت
شامه یارالی باشی بیز ارمغان آپارّوق
لبلرده قان گوزونده اشک روان آپارّوق
.
.
امر ایلدیم بو باشی ووردی سنان سنانه
قول باغلی اهل عیالی اولسون گرک روانه
شام اهلی غبطه ایلر بو جنگ کوفیانه
بیر کیمسنه یزیده جرأت داخی ایدنمز
بیر سیلدی بو حکومت داغ گلسه سد ایدنمز
.
.
بو باش اولار گلنده داشلار هله نشانه
طشت طلا ایچینده مجلسده خیزرانه
تا سالمیا ریاست عشقین بیری گمانه
راوی دیور دایاندیم باخدیم او قانلی باشه
غرق اولموشیدی گوردوم دیدَمده قانلی یاشه
.
.
شمر الده قمچی گلدی نعره چکوبدی بیردن
تیتروردی گوردوم اوندا بی شرم دون غضبدن
سسلندی اعتراضون وار اولما بو سببدن
بیردن دیدیم که ظالم قوم پلیده لعنت
ابن زیاده لعنت ظالم یزیده لعنت
.
.
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زنده یادحاج محمد باقر منصوری
مجلس یزید
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
زهرا بالاسی روحون شاد اولسون
https://telegram.me/joinchat/BQ1CKT3x959rXnaj_Kjibw
ای دردی اولان شیعه گل آواره دولانما
آل چاره حسیندن بیله بیچاره دولانما
🌹🌹🌹🌹
هر درد نهانون بودی واللهی دواسی
آواره دوشوب دامن کهساره دولانما
🌹🌹🌹🌹
گز کوچه و بازاری حسین وای دی دمادم
قان ایله دل عالمی بیکاره دولانما
🌹🌹🌹🌹
ایله گجه لر قاسم و عباسیله صحبت
غفلت ائلیوب مجلس اغیاره دولانما
🌹🌹🌹🌹
پروانه شاه شهدایه دئمک اولماز
اودلار قنادون شعله لری ناره دولانما
🌹🌹🌹🌹
قانه بویانان طرّه طرارون علی جان
بو گردن لیلای دل افکاره دولانما
🌹🌹🌹🌹
ای کاش اولیدی دیین اول شمر لعینه
ای زاغ سیه جانب گلزاره دولانما
🌹🌹🌹🌹
شرم ایله حسین فاطمه دلبندیدور آخر
حلقین وئروب اول خنجر خونخواره دولانما
🌹🌹🌹🌹
میداندا گوروب زینب محزون گلور سس
گل ائتمه باجی قلبیمی صد پاره دولانما
🌹🌹🌹🌹
گوداله گلوب اولما باجی این الاخا گو
وار چارون اگر گل ائله بیر چاره دولانما
🌹🌹🌹🌹
بیضایه مباهات وئروب پیر حقیقی
فرمایش ائدوب سوی گنهکاره دولانما
🌹🌹🌹🌹
https://telegram.me/joinchat/BQ1CKT3x959rXnaj_Kjibw
فراق یار
گینه دلگیرم آقایابن الزهرا
گینه دردفراقون جان مولا
امیرعالمین ال چک بوقلبه
ایله بوقلب زاری بیرنظرله
ئوزون آرام عزیزجان طاها
فراقوندن اورکلرقاندی آقا
تمام عالمین سسلرسنی جان
پناه عالمین ای خلقه سلطان
گل آرام ایله سن بوقلب زاری
فراقیندن ایدیردل بی قراری
اگر لایق اولام نوکرلیگه من
واگرلایق اولام دیداریوه من
سنه جان ایلرم قربان امیریم
ایاقیوه دوشَنَّم ای طبیبیم
اولوب ذکردل زاریم گل آقا
گل ایله مادرین قبرین هویدا
بقیعده بیرحرم ایله بناسن
قبوراطهره ویربیرجلاسن
قالوب داغی اورکده قلبی داغلار
حسینین انتقامین سن آلارسان
تماماً شیعه قلبین شادایدرسن
اوقیرمیزپرچمی سن اندیررسن
یرینه بیرق سبزی قویارسان
حسینین انتقامین سن آلارسان
گلربیرگون گورم من ای بهاریم
گلیبسن یابن حیدرای نگاریم
خزان عمرومی گل ایت بهاری
گل ای زهرانین ایستکلی نگاری
کریم عزیزی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
شادروان سید جواد ذاکر
https://telegram.me/joinchat/BQ1CKT3x959rXnaj_Kjibw
زبانحال حضرت زینب (س)به حضرت رباب (س)
((آغلاما بو قدر ائتمه اورکلری کباب،بسدی رباب
الله ائلسین حرمله نین ائوین خراب،بسدی رباب))
سسلمه علی اصغریوی ائتمه بو قدر آه و فغان
اصغر گئدلی رعشه دوشوبدور بو دل و جانه اینان
گهواره نی ترپتمه بئله قلبیلری ایلمه قان
بوش گهواره ایله اوزووی ایله مجاب بسدی رباب
"الله ائلسین حرمله نین ائوین خراب بسدی رباب"
آنامون ادبلی گلینی ایتمه بوقدر ناله و زار
سن آغلیوسان دولور بوتون قلبلره غملی شرار
بالاما اولوب حسینیمون سینه سینون اوستی مزار
قانیله اولوب صود امرین یوزی خضاب بسدی رباب
"الله ائلسین حرمله نین ائوین خراب بسدی رباب"
گلشنیمیزه باد خزان اسدی رباب بسدی رباب
امانیمیزی ناله لرون کسدی رباب بسدی رباب
ناله و فغان ائتمه داخی بسدی رباب بسدی رباب
ناله لرویلن منه سن وئرمه عذاب بسدی رباب
"الله ائلسین حرمله نین ائوین خراب بسدی رباب"
آغلاما بو قدر ائتمه اورگلری کباب
بسدی رباب
خیردا بالالار زحمتیله ایله دفاع
بسدی رباب
الله السین حرمله نین ائوین خراب
بسدی رباب
آنانون آرزولاری جدا اوغول بیلمه لیدی
بعضی سی آغلامالی بعضی لری گولملیدی
آلتی آیدا نه بلیدیم کی بالام اولملیدی
بسدی رباب
آتارام محنت هجرانی داخی آغلامارام
سینه می یاره له سنده الیوی باغلامارام
بسدی رباب
حق لی سن گلمیسن چون سنی خوش ساخلامادیم
کور اولونجان گرک آغلایدیم ولی آغلادیم
الیوی باغلادیم اما یاراوی باغلامادیم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
گل شامه ابوالفضل نگران زینبه باش چک
غم غصه یوران قدی کمان زینبه باش چک
ای اللری اللرده قالان تیتریور اعضام
باش کوفده محملده یاران زینبه باش چک
گورسون تانیماسان اریدوب جسمیمی غملر
غم یورقونی زلفی آغاران زینبه باش چک
قارداش باجوام گل منه یاس ساخلاابوالفضل
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
دریا حسینه قربان
صحرا سینه قربان
طاها حسینه قربان
حیدر حسینه قربان
ویرانده سه ساله
زهرا حسینه قربان
قولسوز یاتان سو اوسته سقا حسینه قربان
یرلر حسینه قربان
گولر حسینه قربان
گلزار کربلاده گلر حسینه قربان
پیغمبرون شبیهی اکبر حسینه قربان
اوز گوز قانا بویانموش اصغر حسینه قربان
سو اوستکی کسیلمیش اللر حسینه قربان
دریای قانه باتمیش لشگر حسینه قربان
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
هانی بس طوی حناسی اللروندن
مبارکدور طویون شهزاده قاسیم
هویدا دور سوسوزلوق لبلروندن
مبارکدور طویون شهزاده قاسیم
نه طویدور اولدی ماتمدن بناسی
مبدل اولدی یاسه طوی اساسی
عروسون قان اولوب طویدا حناسی
مبارکدور طویون شهزاده قایسم
بو طویدا باشه زینب قاره باغلار
دیر لیلا علی اکبر قان اغلار
سریه نالسی امکانی داغلار
مبارکدور طویون شهزاده قاسیم
نه شوریله گلور بلبل گل اوسته
ائدر ناله عروس دل شکسته
عم اوغلی وای دیندن نعشون اوسته
مبارک دور طویون شهزاده قاسیم
نه لر اولموش بو دشت کربلاده
عروس کربلا قالمیش اراده
گزردی حجله گاهی پا پیاده
مبارکدور طویون شهزاده قاسیم
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ایدون سرشکوزی جاری مدام ابوالفضله
سَبیل اشک ایلیون تشنه کام ابوالفضله
اجازه گوز یاشینا سیل تک تمام ویرون
او غملی روضه سینی یاد ایدوب سلام ویرون
همیشه گوز یاشین حسرت گوزیله جویا دور
سوور آخان سویی هر یرده اولسا سقّادور
سکینه دن سو خصوصینده گر چه خجلتی وار
خدا یانیندا ولکن بیوک جلالتی وار
او گونکه امر خداوندیله قیامت اولور
ایکی کسیک الی سرمایۀ شفاعت اولور
آناسی فاطمه ائیکه اُمید امّت دور
دیر شفاعته عبّاس الی کفایت دور
نقدر فکر ایده سن عزّتین محال اولماز
اولوم جلالنه قربان بئله جلال اولماز
تصوّر ایله رعیت ده بیر جلالته باخ
مقام و مرتبه سین سیر قیل رعیّته باخ
اوزی رعیتدی گور نه قدر جاه آپاروب
امام کرب و بلاده اونا پناه آپاروب
او هانسی ساعتیدی عالمین پناهی حسین
پناه آپاردی ابوالفضله سیّد حرمین
همان او وقتیدی باتمشدی قانه انصاری
قالوردی بیر علمی بیرده بو علمداری
اسوردی تا نقدر اَلده پرچم علمی
یوخیدی فاطمه قیزلارینون مَلال و غمی
ولیک اوچ گونودی خیمه لرده سو یوخودی
بو باره دن حرم عصمتون غمی چوخودی
دولیدی شیونیلن خیمه و جلال حسین
سیزیلداشوردی سوسوزدان تمام عیال حسین
سوسوز بالالار اَلنده گورنده بوش جامی
دولوب پیالۀ چشمی کسیلدی آرامی
گلوبدی خاطری درده حرم نواسیندن
توکندی صبر دلی العطش صداسیندن
غَیور طبعینه گنجیده اولمادی باخسون
سوسوزلوق آتش اطفالی یاندیروب یاخسون
مشّرف اولدی حضور امامه چوخ دلتنگ
چوخ عِجز قیلدی که بلکه آلا اجازۀ جنگ
امام ویرمدی اذن جدال عَلمداره
بویوردی سنسیز ایدیم من بو چولده نه جاره
منیم بو گون بو بیاباندا سن پناهیم سن
رئیس لشگر و سر کردۀ سپاهیم سن
منیم بو گون علمیم پایدار دور سنیلن
بو خیمه لر بو حرم بر قراریدور سنیلن
کُمکلریم کیمی یتسن شهادته سَنده
اولور منیم داخی جمعیتیم پراکنده
دوباره عرض ایدوب عبّاس که ای امام زمان
نجه گوروم سنی یالقوز اولوم سنه قربان
اجازه ویر منه یوخدور حیاتمه هَوسیم
دوشوبدی کثرت غمدن شماریه نفسیم
نجه روادی فراتین یولونی باغلیلر
سوسوز قالوب بالالار خیمه لرده آغلیلر
نجه روادی منیم قولّاریم سلامت اولا
دوروب باخام سوسوزوندان سکینه رنگی سولا
اگر چه دامنوه بیرده بیر اَلیم یتمز
بله حیاتی ندیم غیرتیم قبول ایتمز
شهیدلر یری بزم قتالیده خوشدور
غمیم زیاده دی چونکه منیم یریم بوشدور
قوروبلا مجلس شورا قوجا جوان یکسر
کَسیک باشیله صباح ایلسونله شامه سفر
ویروبله رأی تماماً چوخ اکثریت وار
بو گون اورا اِیده رم منده ده بو نیّت وار
مرخّص ایله گلن عشق بیدقین گوتوروم
گیدوم او مجلسه منده مرامیمی یتوروم
مگر بو قدر غمیله دایانا بوللّم من
مرخص ایلمسن غیرتیمدن اوللّم من
امام عصر گلوگیر گوردی عبّاسی
گَلوبدی لرزیه تترر تمام اعضاسی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
استمداد حضرت قاسم
ای سرور عالم یتش امداده عموجان
من گوزلیورم سن گَله سن داده عموجان
دریای بلا موج ائلیوب عرصه ده داشدی
توفان بلا باشدان عمو سیل تک آشدی
دورت سمتیدن اعدا بودل افکاره اَل آشدی
فرصت یتشوب فرقه ی بیداده عموجان
اکبر ئولنی یوخدی داخی میل حیاتیم
خوشدور گله بالینمه تئز پیک مماتیم
ئولمکدَه دی چونکه بیلورم راهِ نجاتیم
واردور نظریم عزّتِ عقباده عموجان
گوزلور علی اکبر منی منده سنی الان
گل باشیم اوجالسون گویه ای آیت یزدان
گلدی ئوز آتام قتلگهَه گوزلری گریان
لطف ایلدی بو خاطری ناشاده عموجان
اوندانکی آتام اولدی شهیدِ رهِ جانان
سایونده منی ساخلادون ای سرور دوران
وئردون منه اوغلون سیاقی عزّتی شایان
الاندا عنایت ائله گل داده عموجان
ای قصدِ قیام و هدفی عالمه اَظهر
لبخندی رضای حقِ سبحانه برابر
گل گورنجه عشقونده باتوب قانه بوپیکر
قان ایچره شناوردی بوآزاده عموجان
قورتاردی داخی غملی باشیم دردوبلادن
اکبردالسیجا گیدورم کرب وبلادن
مرغ دل آچوب پر اوچا بو دار جفادن
قالمور داخی روحیم قوشی دنیاده عموجان
سیندی سوموگوم آتلار ایاقینده گل ای جان
نازک بدنه بستر اولوب گورنجه آلقان
تئز گل ائلیوم جانیمی رخساریووه قربان
ای رهبر اولان عالم ایجاده عموجان
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
ای دردیمون دواسی یاسیدی یا عباس
سيد محمد_عاملي
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
تقدیم به عاشقان دلسوخته حضرت ابی عبدالله الحسین(ع)
حسینون آدی گلنده صفا تاپار اورگیم
هوای گلشن خیره النساتاپار اورگیم
حسینون آدی گلنده گوزوم دولار بوشالار
آخار سرشکیم عذاره جلا تاپار اورگیم
حسینون آدی گلنده سمایه روحیم اوچار
او آدیلن کی رموز خدا تاپار اورگیم
حسینون آدینه قربان دینده اطیب آدین
ملک ئوپر دوداقیمنان ضیا تاپار اورگیم
همای طبعیم اوچاندا سمای علقمیه
نوالی نی کیمی غملی نواتاپار اورگیم
باخاندا دیده قلبیم اوقانلی صحرایه
شکوه عشقیدن آیری نما تاپار اورگیم
https://telegram.me/joinchat/BQ1CKT3x959rXnaj_Kjibw
حسینه نوکر اولماخ همت ایستر
ابولفضلی چاغیرماق غیرت ایستر
دیریتدی شور عاشورا غدیری
علی دن آد گتورماخ جرعت ایستر
رسول الله گلوب کرب و بلایه
حسین عاشقلریندن بیعت ایستر
باخار مهدی ولی الله اعظم
دِنن لبیک حسین لبیک ابوالفضل
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
یا حسین (ع)
.
شراب عشق حسین مست ایدوب دوباره منی
شماتت ایلمیون قلب داغداره منی
.
حسینون عاشقیم یوخ نیازیم ئوزگه لره
گلون چکون بوگوزل عشقون اوسته داره منی
.
گرک ئولونجه گوزوم یاشینی توکم یوزومه
فقط بوعشقه آنام گتدی روزگاره منی
.
حسینه نوحه دیوب قاتدی گوز یاشین صودونه
او دادلی صود یتوروب اوج اعتباره منی
.
یخلجاقون دیرم یاحسین،دوزلّم من
ایدوبدی بیمه آنام میر تاجداره منی
.
سالوبدی کرب و بلا کائناتی رونقدن
فراق یار سالوب حال احتضاره منی
.
حسینون عاشقینه نینیر جهنم اوتی
اینانموسوز دولیون نار پرشراره منی
.
حسین حسین چاغیروب آتشینی سوندورّم
چکر آقام بیلورم امن،بیر حصاره منی
.
حسینه ایندی نه من ،کعبه ده قراگینوب
بوقاره کوینگیلن تاپشورون مزاره منی
.
قوتاردی غسل و کفن قاره سون چکون یوزومه
حسین آدیلا قویون قبر تنگ و تاره منی
.
مزاریم اوسته یازون کربلا اسیریدی بو
کناریده دایانون ایلیون نظاره منی
.
یقین ایدون سالاجاق نوکرینی یاده حسین
دوباره مست ایده جک ، نرگس خماره منی
.
موکّلان عذابه دیر دورون دالیا
سفارش ایلیه جاق حی کردگاره منی
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
عاشقم بیر گوله من عاشق اونا گوللردی
گول نه گول صورتی آیینه ی پیغمبردی
مین خزان گلسه ده سولماز بو گل حیدردی
سایه سینده بو گولون مُلک و مَلک دالدالانور
گونده مین دفعه اونون باشینه دنیا دولانور
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
نَقَـــــــدرخالقِ عالـم سني زيبايـاراديب
اوقَدَرعـــاشق شوريده وشــيدا ياراديب
منــه گلسين قاداسي گوزلروون بيرباخشي
اورگيمـده نجه دنيابـويي غوغـا ياراديب
نرگسي گؤزلره قربان دييه سن خالق عشق
اولاري صبر و قرار آلمـاقـا شهلا ياراديب
هاني درد اهلي دييم درديمي بلـــکه آزالا
مني غم چکماقا غم صاحبي تنها ياراديب
نَقَـدرآتش هجـرانه يانيـم ، منــــده مگر؟
نَقَدرتــاب وتوان حيّ توانــــــا يـاراديب
يوخ گلايه يئري امّا ئوزي اوّل گونــــــدن
عاشقين خالقي ، معشوقي شکيبايـاراديب
حقليم شام وسحرکـويوي ماوا ائلســــــم
کوي ياري ، يارادان عاشقــه ماوا ياراديب
حدّسيزحمدوثناصنعونه صورتگـــــــروون
که بو صورتده نه عالم نئجه معنا یارادیب
بونه صورتدي ، نه قامتدي کـه خلّاق ازل
عالـمي قامتـوه محـو تماشا يـــــاراديب
بيربئله حسن خداداديله اي آيت حُــسن
کيم دييرحُسنده خالق سنه همتاياراديب
غبطه ايلرله وجاهتده گؤزللرسنه ، چـون
اولسالارقطره گوزللر ، سني دريا يـاراديب
وئرخبرپيک صبا يوسف مصـــري گله تا
گؤره نه جلوه نه فريوسف زهــرا ياراديب
حدّاعلاده دي حُسنون سنون اي حُسنه مَثَل
جلوةحُسننه خالق سني مَجــلا ياراديب
سن، او ، بيتُ الغزلِ شعرِ وفاســن که سني
خالق شعرئوزونه دلکش وشيــوا ياراديب
هاني صهباي محبّت ، وئيره ساقيِّ وفـــــــا
گؤره دُرديلره ،نه دَرد، اوصـــهبايـاراديب
چوخالير عمر چوخالديقجا تمّنا دئيه ســـن
باشدا سوداي جـوانليق بوتمّنـــايـاراديب
چوخ دئديم گويلومه پروا ائله عاشيق ليقدان
دئـدي خـلاّق مگرعاشقه پروا يـــاراديب
دئديم افراط ائلمه عشقده رسواي اولاســـان
ياردان سويلدي عاشقلري رسوا يـاراديب
عشق اگـراولماسا آيا ندي معناي حــــيات؟
بشري عشقيلـه تــوأم حق يکتا ياراديب
عشق مولانـي خدايـا اليميـزدن آلــــــــما
دل احبّايه صفايِ غــــــــمِ مــولا ياراديب
دلده گرنور ولا اولماسا دل، يوخ ،گِلــــــدي
گـوهرجـانه بهـا نـور تــولّا يـــــــــاراديب
عاقل اولماق سنه ايش وئرمدي دنياده حزين
ئوزونه اهل جنون گؤر نجه دنيــــا يــاراديب
حيدرخسرو شاهي
🏴کانال هیئت متوسلین حضرت علی اکبر(ع)تبریز🏴
https://telegram.me/joinchat/BQ1CKT3x959rXnaj_Kjibw
پنجشنبہ است
" شاخه گلے" بفرستيم
براےتمام آنهايے
ڪہ دربين مانيستند
ولے"دعاهایشان" هنوزڪارگشاست
و يادشان هميشه با ماست
"روحشان شاد ويادشان گرامےباد"
@motavasselan