Ботир Зоҳидов камбағалликни қисқартириш ва бандлик вазири лавозимига тасдиқланди.
Маҳаллабай агентлиги тугатилиб, унинг барча вазифалари ҳамда ҳоким ёрдамчилари Камбағалликни қисқартириш ва бандлик вазирлигига ўтади.
@mufasa_mh
🏢 Ўзбекистонда янги хусусий университет фаолиятини бошлади
Вазирлар Маҳкамаси ҳамда Олий таълим, фан ва инновациялар вазирлиги томонидан берилган лицензияга эга САРБОН УНИВEРСИТEТИ янги ўқув йили учун қуйидаги йўналишларда ўқишга қабул эълон қилади:
▪️психология;
▪️филология ва тилларни ўқитиш - ўзбек тили
▪️филология ва тилларни ўқитиш - инглиз тили
▪️филология ва тилларни ўқитиш - хитой тили
▪️миллий ғоя, маънавият асослари ва ҳуқуқ таълими;
▪️тарих;
▪️давлат ва жамият бошқаруви;
▪️ахборот хавфсизлиги;
▪️банк иши;
▪️иқтисодиёт;
▪️архитектура;
▪️бизнесни бошқариш;
▪️бухгалтерия ҳисоби;
▪️дастурий инжиниринг;
▪️жаҳон иқтисодиёти ва халқаро иқтисодий муносабатлар;
▪️маркетинг;
▪️молия ва молиявий технологиялар;
▪️қурилиш муҳандислиги;
▪️сунъий интеллект;
▪️ахборот тизимлари ва технологиялари;
▪️компьютер инжиниринги;
▪️халқаро муносабатлар.
❗️САРБОН УНИВEРСИТEТИ қуйидаги афзалликларга эга:
• янги барпо этилган замонавий ўқув биноси;
• бир йўналишда ўқиб, икки мутахассисликка эга бўлиш;
• чет эллик профессор ва ўқитувчилардан таълим олиш.
☎️ Боғланиш учун телефон:
+998788882288
📲 Онлайн ҳужжат топшириш
📄 Лицензия (№ 397374, 14.09.2024-й)
Telegram | Instagram | Вебсайт | Реклама
Жаҳон иқтисодиёти ва дипломатия университетида (ЖИДУ) Ўзбекистон-Польша ишбилармон аёллари бизнес-форуми ўз ишини бошлабди.
Тадбир Ўзбекистон ва Польша ўртасида давом этаётган ҳамкорлик ҳафталиги доирасида бўлиб ўтмоқда.
Шунингдек, ҳафталик доирасида Хоразм вилоятида Ўзбекистон-Польша қўшма бизнес-форуми, Тошкент ва Урганчда машҳур полшалик хонанда Анна Германнинг Ўзбекистонда яратилган қўшиқларидан иборат "Муҳаббат садоси" концерт дастури, Ўзбекистон ва Польша тарихчилар комиссиясининг йиғилиши, шунингдек, қатор учрашув ва музокаралар ўтказилади.
@mufasa_mh
Энди ёввойи ҳайвонларни уй шароитида, цирк ва шапитоларда сақлаш ҳамда томошаларда фойдаланиш тақиқланади.
Жисмоний шахслар ихтиёридаги ҳамда циркларда сақланувчи бундай жонзотлар ҳайвонот боғларидаги реабилитация марказларига, океанариумлар, питомник ва илмий-тадқиқот муассасаларига топширилади.
@mufasa_mh
Ҳаммамиз мол-мулк дахлсизлиги ҳуқуқига эгамиз. Лекин фуқаролар мулкига тажовузлар доимий учраб турадиган ҳолат. Шер қуёнга сакраган, қарға қарғани кўзини чўқиган...
Бизда боши тошга урилмагунча тушуниб етиш деган нарса қийинроқ, урилганда ҳам қаттиқроқ тошга тегиши керак.
Партия ҳам шундай фикрдами дейман, мулкка зарар етказиш бўйича жиноий жавобгарликни кучайтириш ғоясини таклиф қилишмоқда.
Лекин фокусни фақат аёвсиз жазолашга қаратилиши қанчалик тўғри? Хўп, бошқа жиноятларга катта срок берилади, демак буниям кўпайтириш керак деганимасда.
Бунақа таклифни "либерал"лардан чиққаниям қизиқ. Таклиф мулк дахлсизлигини таъминлашда қанчалик эффектли бўларкин?
@mufasa_mh
#Муносабат
Бугун Қонунчилик палатасининг мажлисида “Ҳайвонларни идентификация қилиш, рўйхатга олиш ва кузатиш тўғрисида”ги қонун лойиҳаси биринчи ўқишда концептуал жиҳатдан кўриб чиқилди.
Мазкур қонун лойиҳаси Қишлоқ хўжалик вазирлиги ҳузуридаги Ветеринария ва чорвачилик қўмитаси томонидан ишлаб чиқилган бўлиб, жорий йилнинг 5 август куни қонун ташаббускори томонидан Қонунчилик палатасига киритилган.
Қонун лойиҳаси билан жисмоний ва юридик шахслар томонидан сақланадиган (парвариш қилинадиган) ва урчитиладиган уй ҳайвонлари – қорамол, қўй ва эчки, чўчқа, от, эшак, туя, ит, мушукни идентификация қилиниши (визуал ёки электрон биркаларни ҳамда электрон микрочипларни ҳайвонларга ўрнатиш) назарда тутилган.
Мазкур қонун лойиҳасини Қонунчилик палатасининг қўмитасида, сиёсий партиялар фракцияларида ва ялпи мажлисида кўриб чиқиш жараёнида депутатлар томонидан эшак, ит ва мушукнинг идентификация қилиниши асослиги бўйича эътирозлар билдирилган.
Эътирозлар қонун ташаббускорлари томонидан қабул қилиниб, лойиҳа биринчи ўқишда маъқулланган тақдирда, иккинчи ўқишга тайёрлаш жараёнида олиб ташланиши қайд этилган.
Қонун лойиҳасида эшак гўштини истеъмол учун ишлатиладиган гўшт тоифасига киритиш назарда тутилмаган.
☝️ Умуман бу қонун “гўшт истеъмоли” ҳақида эмас, балки ҳайвонларни идентификация қилиш, рўйхатга олиш, кузатиш муносабатларини тартибга солади.
Матбуот хабарномасидаги таҳририй хато туфайли тушунмовчилик келиб чиққан.
Одилжон Тожиев
«Мусаффо ҳаво – 2030»дастури
Статистик маълумотларга кўра, Ўзбекистонда тасодифий бўлмаган ўлимларнинг олти фоизига ифлос ҳаво сабаб бўлмоқда экан.
ЎзЛиДеП хориж тажрибасига таянган ҳолда сайловолди дастурида «Барча ҳудудларда атмосфера ҳавосини яхшилаш бўйича «Мусаффо ҳаво – 2030 миллий дастури»ни қабул қилиш» ташаббусини илгари сурмоқда.
Ушбу дастур экологик ҳолатни яхшилашга, аҳоли саломатлигини сақлашга ва келажак авлодлар учун соғлом атроф-муҳит яратишга қаратилган.
Умуман олганда, партиялар бу галги сайловди дастурларида хорижий тажрибалардан келиб чиқиб таклиф ва ташаббуслар билдиришмоқда.
ЛиДеПчилар ҳам «Мусаффо ҳаво – 2030» дастурини қабул қилиш бўйича билдирган таклифида бир қатор ривожланган давлатларда атмосфера ҳавосини яхшилаш бўйича қабул қилган дастурларидан келиб чиққан.
Партия ўз таклифида Германияда «Clean Air Program» дастури орқали йирик шаҳарларда автомашиналар учун махсус «қизил зона»лар жорий этилгани, АҚШда «Clean Air Act» қонунчилиги асосида саноат чиқиндиларини камайтириш, яшил ҳудудларни кўпайтириш тадбирлари амалга оширилаётганини мисол сифатида келтириб ўтган.
@mufasa_mh
«E-Saylov» тизими бўйича семинар
Маълум қилишларича, бу электрон тизим сайлов жараёнларини электрон шаклга ўтказаркан. Масалан, журналистларимизам шу орқали уйдан, ишхонадан чиқмасдан рўйхатдан ўтиб, сайловни ёритишади.
Бу йил сайлов қонунчилигимиз янгиланганди. Қонун-қоида ўзгарибди, демак ОАВ дагиларни ўзигаям билим ва тушунтиришлар керак. Сабаби, янгиликларнинг «юридик» тилини оддий ва тушунарли тарзда халққа етказиш ОАВ вакилларининг иши.
Марказий сайлов комиссиясиям шунинг учун, ОАВдагиларни йиғиб, тушунтириш берибди.
Тўғриямда, ҳозирги пайтда кимни бекор вақти бор. «E-Saylov» харажат ё вақтни тежашини ҳаммаям билиб, англаб бўлди деб ўйламайман.
МСК «E-Saylov» ахборот тизимининг имкониятлари ва уни қанақа қилиб ишлатиш бўйича батафсил тушунтириб берган.
Бунақа нарсаларни онлайн электрон тизимга ўтиши доим яхши. Ҳам ортиқча харажатлардан қутуласан, ҳам асаббузар югур-югурлар йўқолади.
Лекин, нимадур янги нарса қилиш бошқа, уни ҳамма ишлатиши бошқа нарса. Шунинг учун одамларга кўпроқ тушунтириш керак. Нима бу, қанақа ишлатилади. Ана шунда тўғри бўлади.
@mufasa_mh
Икки кун аввал Тошкент вилояти «чекист»лари томонидан Оҳангаронда ўтказилган тадбирда «Gentra» тўхтатилиб, унда бўлган уч нафар фуқаронинг буюмларидан 826 дона «Регопен» кучли таъсир қилувчи дори-воситаси тегишли тартибда расмийлаштириб олинган.
Бу уч нафар «наркобарон»ларни бири Ж.У. – Транспорт вазирлиги ҳузуридаги транспорт назорат инспекцияси масъул ходими лавозимида ишлаб келади. Унинг бошқарувидаги «Gentra» эса қидирувда бўлган.
Транспорт вазирилиги ходими Ж.У. раҳнамолигида тузилган уюшган жиноий тўда Фарғона вилоятидан катта миқдорда кучли таъсир қилувчи дори-воситаларини Тошкент шаҳрига олиб келиб, сотишни йўлга қўйган бўлиб, (бир ойда камида 3-4 маротаба «ходка»қилишган). Тўданинг бошқа аъзоларини қўлга олиш бўйича чоралар кўрилиши бошланган.
ГАИнинг текширувларидан қидирувдаги машина билан “силлиқ” чиқиб кетиш учун жавобгар худдики транспорт воситасини тегишли тартибда расмийлаштириш важини келтириб юрган.
Жаноб Маҳкамов транспорт соҳасида назоратни «эплаб»қўйгандек, ходимларининг ҳам бир неча ўн кунлаб ишга келмасдан, водийга серқатнов бўлиб қолишига аниқлик киритса бўлармиди?
@mufasa_mh
Ижтимоий тармоқларда спортчиларга берилган мукофотларни муҳокамаси бўлаётган пайтда ҳар сафар «Дўстлик-Қўйлиқ» ер усти метроси остидаги дўконлар кўз олдимдан ўтади. Спортчиларимиз, майли, машаққатли меҳнатларини эвазига тақдирланди.
Барча олимпиадачиларга берилган мукофот пулларини қўшиб ҳисоблаганда ҳам метрони тагида қурилган дўконларга сарфланган маблағчалик чиқмайди. Бу дўконларни қуриш учун деярли 5 млн доллар маблағ сарфланган. Йил бўйи ҳувиллаб ётади, ора-орада ташрифлар чоғида безатилиб ясатилади. Жонли томоша ташкил қилинади.
Мана, икки кундан буён бўм-бўш дўконлар тезкорлик билан тўлдирилмоқда, чунки келаси ҳафта бу йўналишдан раҳбарият ўтиши мумкин. Шунга бу ерда гуллаб-яшнаб ётгандек фон яратишмоқчи. Юқори эҳтимол билан тадбиркорлар ушбу томошада ўз истаклари билан иштирок этишмаяпти. Дўконларни тўлдириш солиқчиларга юкланган бўлса керак.
Эслаб қолинг, дўконлар 10-15 кундан кейин яна ўз ҳолига, ташландиқ аҳволига қайтади. Яна ҳувиллаб ётади. Шаҳар ҳокимлиги кимошди савдоси орқали ижарага бермоқчи, лекин оладиган тадбиркор йўқ шекилли. Ёки шапкаси қиммат. Энг яхшиси, бўшаб ётган дўконларни Ижтимоий ҳимоя агентлиги балансига ўтказиб, камбағал оилаларга токи ўзларини эплаб олгунларича текинга ижарага бериш лозим. Ўйлаб кўринглар шу таклифни, дўконларни ҳар сафар безатишдан бир кун ўзинглар ҳам зада бўласизлар!
Камбағалликни қисқартириш вазирлигига эса асло бериб бўлмайди, шу ердан ҳам соққа қилиб юборишади. Қайсидир ҳоким ёрдамчиси пуллаётганда қўлга тушиб, шарманда қилади.
@mufasa_mh
Камбағал оилалар фарзандларини боғча, мактаб, техникум ва олийгоҳларда сифатли таълим олишини ташкил қилиш, уларга ҳар томонлама кўмак бериш масалаларини мувофиқлаштириш Ижтимоий ҳимоя миллий агентлиги директорининг биринчи ўринбосари Шаҳноза Мирзиёева зиммасига юклатилибди. Бундан ташқари, камбағал оила фарзандлари олийгоҳ ва техникумларда ўқишлари учун грант маблағлари ажратиляпти.
Яхши ташаббус. Агар бу амалга ошса, ҳар бир камбағал оиладан камида бир нафар олий маълумотли шахс етишиб чиқади. Келажакда оилани камбағалликдан олиб чиқиши мумкин. Менимча, ОТМларнинг барчасини тўлиқ контрактга ўтказиб, фақатгина камбағал оила вакиллари бўлган ёки ижтимоий ҳимояга муҳтож шахсга давлат томонидан грант маблағлари ажратилиши лозим. Масалан, биз билан бир потокда таҳсил олган «бюджетник»ларни тенг ярмидан кўпи ҳокимзодалар, қолганлари турли даражадаги амалдорларни фарзандлари эди. Бир дона бўлса-да, группада камбағални ёки қийналган оилани боласи бўлмаган. Билими кўп бўлгани учун эмас, кўпроқ пул берганлиги учун грантга илинишганди. Балки ҳозир ҳам шундайдир, бундан бехабарман. Аммо бюджет пулидан бойни эмас, камбағални боласи ўқигани адолатли бўлади, менимча.
@mufasa_mh
«Паралимпия ўйинларида Ўзбекистон жамоаси дунё бўйича энг кучли 15 таликка кирди! Биз 168 давлат орасида 13-ўринни эгалладик».
@mufasa_mh
Дебатларда партия раҳбарларини кўрамизми?
Сайловолди жараёнларининг муҳим босқичи бўлган дебатларга ҳам яқин қолди. Дебатлар сайловларнинг якуний натижаларига таъсир этувчи илғор ва муҳим сиёсий усул ҳисобланади. Халқимиз шу дебатларни кўриб жон куйдирадиган ҳақиқий депутатиниям, ичи "бўшроқ" популистлариниям таниб олади. Шунинг учун дебатларни ҳамма партиялар муҳим деб билиши керак.
Масалан, 🟡Экологик партия раиси Абдушукур Хамзаев дебатларни “марди-майдон” деб атапти. 🟡«Адолат» СДП Кенгаши раиси Робахон Махмудова партия дебатларга ҳар жиҳатдан тайёрлигини таъкидлаб, платформа сайловолди дастурида кўтарилган ғоя ва таклифларнинг қанчалик керакли эканилигини очиб берувчи “ажойиб имконият” сифатида кўрган.
🟡 Халқ демократик партияси етакчиси Улуғбек Иноятов “ғоялар тўқнашуви”га ўз сўзини айта оладиган, амалдаги тажрибага эга депутатларни тайёрлаш муҳим деб ҳисоблайди. Актам Ҳайитов ишонч билан 🟡 “ЎзЛиДеП “ дебатларга анчайин яхши тайёргарлик кўрганини айтган. Алишер Қодиров ҳам бўш келмасдан 🟡 “Миллий тикланиш” демократик партияси ҳам ғоялари бошқалар таклиф қилаётган ғоялардан самаралироқ эканлигини кўрсатиш учун ҳар қандай рақобатга тайёрлигини таъкидлади.
Сўзда ҳамма гап айтилиб бўлибди чоғи, энди навбат амалда кўрсатиб, очиқ дебатларга киришишга.
Нима ҳам деймиз, осон эмас бу майдон ичра турмоқ...
🚀 @deputatlar_nima_deydi саҳифасини кузатиб боринг
«Ҳукумат уйи»да уйқу йўқ, шекилли. Ярим тунда Россия Бош вазири Михаил Мишустинни Ўзбекистонга келиши ҳақида хабар беряпти🥱
Ташрифда икки мамлакатни ҳукуматлараро қўшма комиссиянинг навбатдаги мажлисини ўтказиларкан.
@mufasa_mh
Кеча Экопартиянинг қурултойи бўлиб ўтди. Мафкураси экологизм бўлган партия сиёсий майдонда ўзининг «сўл» позициясида қатъийлик билан қолар экан.
Сайловолди дастурида партия томонидан атроф-муҳитни муҳофазасидан ташқари мамлакатнинг йўл инфратузилмаси учун ажратиладиган сумманинг муайян қисмини мажбурий равишда пиёдалар йўлакчаларини ташкил этишга йўналтириш, автомобиль йўли қатнов қисми ҳисобидан скутерлар ва велосипедларда ҳаракатланиш учун алоҳида йўлаклар ташкил этиш, жамоат транспортидан фойдаланувчи шахслар учун йўл ҳақини арзонлаштириб бориш тизимини йўлга қўйиш каби ташаббусларни илгари сурилмоқда.
Шунингдек, партия шаҳарларда бино ва кўп квартирали уйлар қурилишини мажбурий тартибда жамоатчилик муҳокамасидан ўтказиш механизмларини қонунда аниқ белгилашни таклиф этяпти.
Партия сиёсий майдонда ёш бўлишига қарамай бошқа партиялардан кўра аниқ ва реал ташаббуслар билан чиқяпти.
@mufasa_mh
Куни кеча америкослардан кўрсатма олганларга бугун аста-секинлик билан бўй кўрсатишяпти. Депутатликка номзодларнинг миллати бўйича рақамларнинг эълон қилингани ёқмабди. Мамлакатимизда яшайдиган барча этник гуруҳлар, миллий озликни ташкил қилувчилар ҳам номзодлар ичида бор эканлигига эътироз билдиришни бошлашди.
Иккинчидан, МСК бу йилги сайловларга қанча пул ажратилганлигини ҳеч қаерда кўрмадим, деб жар солмоқда. Айрим шахсларнинг кўрмагани ҳамма бундан беҳабар дегани эмас. Яхшиямки, XXI-аср ахборот технологиялари ривожланган даврда яшамоқдамиз. Шундоқ МСКнинг сайтига кирса ҳамма маълумотлар жойлаштириб қўйилилган. Энди бу «ақлли”ларга маълумот қидириш бўйича мастер класс ёки семинар ташкил қилиш қолди холос. Ўша тополмаганлар учун мана ҳаволаси (рус тилидаги варианти, агар ўзбекчани ўқишга қийналса):
https://saylov.uz/ru/cec_decision/1365-o-zbekiston-respublikasi-oliy-majlisi-qonunchilik-palatasi-qoraqalpog-iston-respublikasi-jo-qorg-i-kengesi-xalq-deputatlari-viloyat-tuman-va-shahar-kengashlari-deputatlari-sayloviga-tayyorgarlik-ko-rish-hamda-uni-o-tkazishga-doir-ayrim-masalalar-to-g-risida
Учинчидан, мамлакатимизда фаолият юритаётган ҳар бир сиёсий партиянинг расмий ва ижтимоий тармоқларда саҳифалари бор. 2024 йилги сайлов жараёнлари билан боғлиқ инфографика, видеоролик, интервью, туркум кўрсатувлар, экспертларнинг фикрлари, мақолалари ва бошқа маълумотларни ўзида мужассамлаштирган /channel/Saylov_2024телеграм канали ташкил этилган шу каналда ҳам маълумотлар мавжуд. Уларда молиялаштириш ва бошқа қизиқтирган маълумотлар ҳам эълон қилиниб борилмоқда.
Тўртинчидан, МСК матбуот маркази ташкил қилинган сайлов жараёнлари билан қизиққан ҳар бир шахс эмин-эркин кириб, сайлов жараёнларига оид маълумотларни олиши мумкин.
PS. Қизиқда, бир вақтнинг ўзида ўзбек ҳукуматидан ҳам, чет эл ташкилот ва ваколатларидан ҳам пул оладиганлар, бир кун тиқилиб ўлмасмикан-а?
@mufasa_mh
АҚШ элчиси 40 дан зиёд ўзбекистонлик журналист ва блогерларни бир байроқ — Америка байроғи остида бирлаштирди
Ўзбекистон ҳукумати ўз бизнеси билан овора, Ташқи ишлар вазирлиги эса «ширин уйқу»да бўлган пайтда АҚШнинг Ўзбекистондаги элчиси 40 дан зиёд журналист ва блогерларни ўз уйида тўплаб, катта зиёфат қилиб берди. Зиёфатдан мақсад оч ва нотавон журножалапларни қорнини тўйғазиш бўлмагани аниқ, албатта.
АҚШ элчиси бир тўда журножалапларни уйида тўплаб, уларга инструктаж бериб, мамлакатни ички ишларига аралашадиган даражадаги суҳбатлар ўтказилишидан на Ўзбекистон ҳукумати ва на унинг ташқи ишлар вазирлиги хавотир билдирди. Бу воқеадан кўпроқ ФСБ хавотирга тушиб қолган шекилли, тадбирда қатнашган «двойной агент»лар томонидан тақдим этилган маълумотларни ўзининг медиа ресурслари орқали сиздирмоқда.
Ўзбекистонни медиа майдонини эгалаб, сўнгра бутун ҳудудини эгаллаш ниятида бўлган куч ва томонлар ўзбек журножалапларини рашк қиляпти. Фақат бизга берсин, маълумотларни дегандек.
Умуман олганда, ўзбек махсус хизматлари йиллар давомида пропоганда учун сарфланган, талон-тарож қилинган триллионлаб маблағларни тафтиш қилиб чиқиш вақти келди. Нима учун ўзбек ҳукумати пропоганда учун шунча маблағ сарфлайди-ю, аммо ўзбек журналист ва блогерларини бир байроқ - Мустақил Ўзбекистон байроғи остида бирлаштиролмайди, деган саволни кўндаланг қўйиши лозим.
Нима учун ҳукумат ва махсус хизматлар билан ҳамкорлик қилган журналист-блогерларга ғарб пропогандаси вакиллари томонидан «халқ душмани», «хоин», «сотқин» деган тамға ёпиштирилади-ю, бироқ чет эл махсус хизматларини югурдагига айланган журножалаплари эса «миллат ойдини», «халқ холоскори», «ватанпарвар» деган ясама мартабаларга эга бўлишади, деган савол билан бошини оғритиши лозим.
Аслида ватанга хизмат қилиш - шараф ва унинг манфаатида йўлида хизмат қилган инсон миллат қаҳрамони, мақсадлари мамлакатдаги вазиятни издан чиқариб, ўзларининг душманларини билан жанг қилиш учун уруш полигони яратиш, наркотрафик учун иккинчи Эквадорга айлантириш бўлган кучларни хизматида юрган ялоқилар – хоин ва сотқин деб очиқчасига аталиши зарур.
@mufasa_mh
Партияларимиз дастурларида жазолаш, жазони кучайтириш деган фикрларни кўп кўряпман. “Миллий тикланиш” демократик партиясиданам шу мавзуда, шу таклиф: тиббий ёрдам кўрсатмаслик, нотўғри ташхис қўйиш ва даволаш бўйича нотўғри маълумотнома берганлик учун жавобгарлик белгилаш.
Ростанам айнан тиббиёт соҳасидаги қайсидур муаммолар “тузалмаётган касаллик” даражасига чиқди. Кейин, малакасиз шифокор ёки нотўғри даволагани деб қанчадан қанча одамларимиз ҳаётдан кўз юмаётганликлари ҳам бор гап.
Шундан келиб чиқиб партия миллий қонунчилигимизда нотўғри ташхис қўйиш ёки сифатсиз тиббий хизмат кўрсатиш учун алоҳида жавобгарлик белгилайлик, деяпти шекилли.
Таклиф чаккимас, бироқ яна айтаман: жазолаш доимам ечиб бўмайди! Бунинг ўрнига қўлидан бир иш кемайдиган ё бўмаса касбига беэътибор шифокорни жазолаб, бошқаларга ибратхона ярата олармиканмиз? Балки улар учун малака ва тажриба ошириш борасида янги лойиҳалар зарурдир?!
@mufasa_mh
Бойсундаги «Мустақилликни 25-йиллиги» газ конида илк авария содир бўлган бери «жиноий иш очилиб, албатта, айбдорлар жазоланади» деган яхши гумонда эдим. Шу сабабли бу мавзуда умуман ёзмадим, қонун устиворку дея ўзимни юпатдим.
Афсуски, такрорий авария содир бўлганига 3 кун бўлди. Техноген ҳолат оқибатида 4 киши ўлибди, бу энг юқори даражада тасдиқланди.
Одатда, бирорта ишлаб чиқариш ёки қурилиш объектларида ўлим билан боғлиқ ҳолатлар, техноген вазиятлар юз берса, зудлик билан жиноий иш очилади. Пудратчи ёки бошқа ташкилотнинг мансабдор шахсларига нисбатан жиноий иш қўзғатишга, майли, юзхотир қилишаётган тақдирда ҳам ҳеч бўлмаса ҳолат юзасидан жиноий иш очилиши (ЖК, 257-модда), агар очилган бўлса, жамоатчилик хабардор қилиб қўйилиши керак-ку!
Шу ҳаёллар билан ухлаб қолгандим. Бир соатлар аввал уйғониб кетдим. Энди яна шу нарсаларни ўйлаб кўзимга уйқу келмаяпти. Менимча, Энергетика вазири ҳам, прокуратура ходимлари ҳам шу ташвишларда ҳозир уйқусиз бедор бўлаётгандир-а?
@mufasa_mh
“Миллий тикланиш” демократик партияси ичида “ГМО”си йўқ нарсаларни оммалаштиришни таклиф қиляпти экан. Партиянинг айтишича, бу соғлом овқатланиш ва жисмоний фаолликни оммалаштиришга хизмат қиларкан.
Ўзи умуман бунақа таклиф берганда, "ГМО" нималигиниям тушунтириб кетишса унданам яхши бўларди. Билишим бўйича, "ГМО" бу гени ўзгартирилган ҳайвон ё бўмаса ўсимликлардан олинган нарсалар. Масалан, аччиқ олма берадиган дарахтни "шиппа" генини ўзгартириб, ширин олма мева берадиган қилса бўлади.
Партия шунақа гени "бузилган" маҳсулотларни камайтириб, табиийларини кўпайтирмоқчи экан.
Ҳозир бутун дунёда бу ГМО масаласига икки хил қарашади: битта гурух "ГМО зарарли!" деса, биттаси "бекор айтибсиз, зарарли эмас!" дейишади. Лекин фикри ожизимча, ГМОнинг + томонларини ҳам ўйлаб кўриш керак. Хозирги замонда ГМО - ўсимлик ва ҳайвонлардан юқори афзалликларга эга маҳсулотни олиш, шуни деб маҳсулотнинг нархини пасайтириш, ҳосилдорлигини кўпайтириш, сақлаш муддатини узайтириш, зараркунандаларга чидамлилигини ошириш учун ишлаб чиқарилади одатда.
Баъзиларда гени ўзгартирилган маҳсулотни еса одам гениям ўзгаради деган энсани қотгиси келадиган фикрлар бор. Аслида унақамас, лекин, масалан аллергик касалликларга сабаб бўлишини инкор қилиб бўлмайди. Дейлик кимнидир ёнғоққа аллергияси бўлса, ёнғоқ чатиштирилган бодом еса, ундаям аллергияси қўзиб қолиши мумкин.
Лекин бу ГМОни бутунлай сиқиб чиқариб ташлашимиз керак деганияммасда. Умуман оганда, партия еган нарсамиз сифатли бўлсин деяпти, яхши бу.
@mufasa_mh
2024 йил 16 сентаябрь куни «Ўзавтосаноат» АЖ тизимидаги «O`Z-TONG HONG KOMPANI» АЖ ҚК томонидан «Дамас автомобиль ўриндиқлари учун «пружина» бутловчи қисмларини харид қилиш юзасидан бошлағич нархи 804 млн сўмлик танлов ўтказилган.
Танловда энг яхши таклифни аниқлаш орқали 800 млн 400 минг сўм нарх таклифини билдирган «XORAZM AVTO NUR» МЧЖ танлов ғолиби, «AUTO SPRING» МЧЖ эса заҳира ғолиби деб топилган.
Мазкур танловда ўзаро аффиланган шахсга тегишли тадбиркорлик субъектлари иштирок этган: «XORAZM AVTO NUR» МЧЖнинг ягона таъсисчиси Рузибаев Ихтиёр Бахтиярович бир вақтнинг ўзида «AUTO SPRING» МЧЖнинг раҳбари ҳисобланади.
@mufasa_mh
Хитойни арзон кийимларини сотадиган бир бало бозор деган дўконлар тармоғи бор эканлигини кеча билдим. Аввал уни рекламаларига кўзим тушганми йўқми билмадим-у, лекин шунақа типа бренд борлигини билмасканман.
Бу кийим дўкони эгалари ўзидан кучинский ясаб, хатога йўл қўйган ёшларни самосуд қилиб жазолашаркан. Афсуски, бундай зўравонлар узоғи билан маъмурий жавобгарликка тортилиши мумкин. Аммо жамият бундай қонунбузарларга ўз позициясини билдириб, товарлари қанчалик арзон бўлмасин бойкот эълон қилиши тўғри бўлади. Бойкот – асли ўзбекча сўз бўлиб, қутирган бойни к*т қилиш, яъни бозордан кетига тепиб ҳайдаш деган маънони англатади. Қонуний жазодан қутулиб қолиши ёки енгил жазо билан сийланиши мумкин бўлган бойларга нисбатан жамиятнинг «самосуд»и ҳисобланади.
Бироқ ҳамма бойлар к*т, қутуриб кетган бўлмайди. Сафия ширинлик тармоғи Тошкент вилоятини энг олис ҳудудларидаги мактабларда «Сафия» синфхоналарини очаётган экан. Бу синфхоналар компания томонидан жиҳозланиб, ўқувчиларга ҳунар ўргатиб, кейин ишга олинаркан. Ишга кирмайман, эрга тегаман деганлари эса тайёр пазанда келинка бўлиб етишиб чиқади.
Умуман олганда, Сафия ширинликлар тармоғи анчагиеа ногирон ёшларни ишга ҳам олган экан. Эшитиб хурсанд бўлдим.
@mufasa_mh
Шу ўринда яна бир фикримни айтиб ўтиб кетмоқчиман: камбағалликни қисқартиришга доир барча функция ва вазифалар — Ижтимоий ҳимоя миллий агентлигига ўтказилиши лозим.
Ҳоким ёрдамчиси деган лавозимни номи ва вазифаси қайта кўриб чиқилиб, уларнинг олдига аниқ мақсадлар қўйилиб Ижтиомий ҳимоя миллий агентлиги тизимига ўтказилиши мақсадга мувофиқ деб ўйлайман.
Камбағалликни қисқартириш вазирлиги раҳбарияти «ҳоким ёрдамчилари» тизимини худди бир вақтлар солиқ тизимида «бозорлар бўлими»ни очиб, барча порахўрларни бир жойга жамлагандек шарманда қилишмоқда. Ҳозирги вақтда айрим ҳоким ёрдамчилари маҳаллабай пора олиш ва тадбиркорликка тўсиқ бўлиш билан шуғулланаётгандек. Бу фикрга келишимга нафақат ОАВларда ёриталаётган хабарлар, балки ёритилмай қолаётган бир қанча салбий ҳолатлар сабаб бўла олади.
Ёки Маҳаллабай ишлаш ва тадбиркорликни ривожлантириш агентлиги Иқтисодиёт ва молия вазирлигига тасарруфига ўтказилсин. Аммо бу вазирликда функция ва вазифалар етарлича, бу тизим ортиқча нагрузка бўлиши мумкин. Энг яхши вариант Ижтимоий ҳимоя миллий агентлигига ўтказилиши, тамом.
@mufasa_mh
Самарқанддаги «Омонқўтон» миллий табиат боғига жами 1 млрд сўмдан ортиқ зарар етказилгани аниқланибди.
Ушбу ҳолатга Эковазирликни матбуот котиби Лола Рахманбаева гувоҳ бўлиб қолган эди. Агар у тасодифан боғ ҳудудига келмаганида табиатга етказиладиган зарар миқдори бундан кўпроқ бўлиши мумкин эди. Вазирлини маткотиби тасодифан бориб қолмаган қўриқхоналарни қисмати қандай кечяпти, ҳайронман. Менимча, ҳар бир қўриқхонага эковазирликка тўғридан-тўғри уланадиган камералар ўрнатилиши зарур. Ҳар бир ҳолатни вазирликдаги виждони бор ходимлар доимий кузатиб, мониторинг олиб боради.
@mufasa_mh
Тошкент вилояти прокурори сифатида ишлаб келган Сирожиддин Эшқувватов эгаллаб турган лавозимидан озод этилиб, Қурилиш ва уй-жой коммунал хўжалиги соҳасида назорат қилиш инспекцияси раҳбари лавозимига тайинланди.
Менимча, қурилиш соҳасидаги коррупциявий ҳолатларга қарши курашишга астойидил бел боғлашди. Сирожиддин ака анча тажрибали, қатъиятли, ўз ишига маъсулиятли, камтар бўлган саноқли прокурорлардан бири. Энди қурилиш соҳасидаги откатчи каламушларни ажалига айланади.
@mufasa_mh
Энергетика вазирлигини «Қуёш панели ўрнатишга мажбурлаш йўқ» деган муносабатини ўқиб, худди бир вақтлар Шерали Жўраев катта даврада Ботир Қодиров уни ўғли эканлигини инкор қилгани эсимга тушиб кетди. Ҳақиқатни инкор қилган билан у йўқ бўлиб қолмайди, барибир бир кун юзага чиқади.
Назаримда, қуёш панелини ўрнатиш бўйича энергетика вазирлиги ва ҳудудий ҳокимликлар етарлича (умуман) тарғибот ишлари билан шуғулланмаяпти. Унинг ўрнига маъмурий буйруқбозлик, ҳудудлар кесимида ҳар хил графиклар тасдиқлаб, уни маҳаллий ҳокимликлардан талаб қилиш билан овора.
Аслида, бунинг тарғиботини, биринчи ўринда, эксклюзив имтиёзлар орқали панел импорти билан шуғулланаётган компаниялар ҳам (адашмасам, ўзи 2 та) йўлга қўйиши мақсадга мувофиқ.
Қуёш панели ўрнатган тадбиркор ва фуқаролардан ҳозиргача ёмон гап эшитмадим. Ижтимоий тармоқларда панел ўрнатиб, ўз эҳтиёжидан ортиб қолган энергияни давлатга «экспорт» қилиб фойда кўраётганлар ҳақида хабарлар учраб турибди.
Бундан ташқари, қуёш панели ўрнатган жисмоний шахслар уч йилгача мол-мулк ва ер солиғидан озод қилинган. Ҳаттоки, шу нарсани аҳолига тушунтиришни, тарғиб қилишни эплашмаган. Бундай имтиёз борлигини ёки бундан қандай фойдаланишни билмаган фуқаролар ижтимоий тармоқ фаоллари (блогер)ларга мурожаат қилишмоқда. Қўлдан келганча тушунтириб, тўғри йўл кўрсатиляпти.
@mufasa_mh
Соғлиги туфайли лавозимидан озод этилган собиқ Қурилиш ва уй-жой коммунал хўжалиги вазири Ботир Зокиров Олимпия шаҳарчасида кўриниш берди.
@mufasa_mh
Зам министр 6 йилга, уни қизи эса 5 йилга кесилди
Қишлоқ хўжалиги вазирини собиқ ўринбосари Алишер Тураев қарийб 10 млрд сўмлик 1 млн дона узум кўчатини етказиб бериш иши бўйича талон-торож қилиш ва мансаб сохтакорлигида айбланиб, 6 йилга озодликдан маҳрум этилди. Унинг етказиб берувчи компанияда ишлаган қизига эса 5 йил 1 ой қамоқ жазоси тайинланди.
@mufasa_mh
Отабек Умаров Осиё Олимпия кенгашининг Марказий Осиё минтақаси бўйича вице-президенти этиб сайланди
Отабек Умаров энди Ўзбекистон, Қозоғистон, Қирғизистон, Тожикистон, Туркманистон, Эрон ва Афғонистондан иборат Марказий Осиё минтақаси бўйича ташкилот вице-президенти сифатида фаолият юритади.
Бунгача Отабек Муҳаммадалиевич Тошкент-2025 ёшлар Осиё ўйинларини ўтказиш бўйича вице-президент эди. Бу вақтинчалик лавозим мусобақа якунигача амал қилса, Марказий Осиё минтақаси бўйича вице-президентлик доимий характерга эга.
@mufasa_mh
Тошкентнинг энг баланд нуқтасида «экопарк» ташкил этилади
Бугун Эковазирликда Юнусобод тумани Осиё кўчасида жойлашган майдонда «Oxygen park» — жамоатчилик паркини ташкил этиш бўйича жамоатчилик эшитуви ўтказилиб, лойиҳа концепцияси муҳокама қилинди. Ушбу боғ аттракционлар, «шашликхона», бало-баттар ва тақир-туқурлардан ҳоли ҳақиқий экотизим ҳудудига айланиши кутилмоқда.
Бу ерда жамоатчилик парки ташкил қилиниши чин маънода жамоатчиликни ютуғи. Негаки, роппа-роса етти йил аввал мазкур ҳудудда «Астрономия ва аэронавтика» боғини ташкил этиш кўзда тутилган эди. Ўша вақтда 6 гектарга яқин майдонни эгаллаган ушбу ҳудуд 49 йилга «турар жой қуриш фаолияти билан» шуғулланувчи «CONTACT INFORM GROUP» берилган. Лойиҳа қиймати 128 млрд сўмга баҳоланиб, 2022 йилда тўлиқ ишга тушиши режа қилинганди. Инвестор лақабли бузувчи-қурувчи ишни парк қуришдан эмас, балки дом қуришдан бошламоқчи бўлган.
Лойиҳани топшириш муддати - 2022 йилга келиб, Тошкент шаҳарни ўша вақтдаги ҳокимини қарори билан бу ҳудудда «Гуллар боғи» ташкил қилиниши белгиланган. Президент қарори ўз кучида бўлса-да, ўша вақтдаги ҳокимни «духи» бор бўлгани учунми қарор устидан қарор чиқарилган.
Аввалги инвестор ўз мажбуриятини нима учун бажармагани ва унга нисбатан қандай чора кўрилгани очиқланмасдан туриб, «Гуллар боғи» лойиҳаси бўйича очиқ танлов ўтказишмоқчи бўлишган. Маҳаллий аҳолини айтишича, иккинчи лойиҳа ҳам яна биринчи лойиҳадаги «инвестор» лақабли дом қурувчига берилган. Шу жойига қойил қолмай иложи йўқ. Аввалги ҳокимни ҳақиқатдан ҳам духи баланд ва любая бизнес хараша бўлган.
Шу билан бу жойда на астрономик, на гуллар парки пайдо бўлди. Аксинча, бор нарса ҳам йўқ бўлди. Дарахтлар қуриди, нобуд бўлди. Фонтан ўрнида «бетономешалка» қад ростлади. Тассавур қиляпсизми, ҳаво ифлосланишини назорат қилувчи станциясига қўшни ҳудудда бетонзавод ишлаб ётибди. Шунинг учун ҳам Тошкентни ҳаво ифлос чиқаверган, Ўзгидромет эса кунда-кунора ҳаво бироз булутли бўлади дея хабар бераверган, шекилли 😁
Хуллас, бу мавзуда гапирса гап кўп. Асосийси, ҳозирда бу майдон тўлиқ равишда Эковазирлик балансига олинди, «инвестор»лар эса лаш-вуши билан қувиб чиқарилди.
@mufasa_mh
