Сайлов яқинлашмоқда. Олдинроқ айтганимдек, бу нафақат сайловда ғалаба қозонадиган партия ва номзодлар учун, балки сайловчилар учун ҳам муҳим кундир. Чунки сайловда ғалаба қозонган номзод депутатга айланади, сайловчиларни ҳаётига таъсир қилувчи қонунлар ишлаб чиқади ва қабул қилади. Шу сабабли, муносиб номзодга овоз бериш ўта муҳим масала ҳисобланади.
27 октябрь куни бўлиб ўтадиган сайловда фаол иштирок этинг, юрт келажагига бефарқ бўлманг!
@mufasa_mh
Вақт тез ўтяпти. Ана-мана дегунча сайлов ҳам яқинлашиб, саноқли кунлар қолди. Ўзи охирги йилларда тез-тез сайловлар бўлиб турганиданми аҳолини сиёсий фаоллиги ошиб бораётгндек.
Авваллари айрим номзодлар ўнқир-чўнқир маҳаллаларга кириб, ун-ёғ тарқатиб сайловчиларни оғдиришга ҳаракат қилишарди. Номзод шу орқали овоз оларди, сайловчини қорни тўярди — кўчалар эса ўнқир-чўнқирлигича қолиб кетаверарди. Бу маслани туман ва вилоят кенгашларида кўтариб чиқиши лозим бўлган депутат кейинги сайловга ун ва ёғ ғамлаб қўяверарди.
Партиялар ҳозирги замон сайловчиларини қуруқ ва олди-қочди ваъдалар, баландпарвоз шиорлар, бир қоп ун билан алдаб бўлмаслигини англаб етишди, менимча. Шу сабабли, пафосдан йироқ, амалга ошириш имкони ва ричаглари мавжуд бўлган, таги-фундаменти бор таклиф ҳамда ташаббуслар билан чиқишмоқда. Қайси номзод ғалаба қозонишидан қатъий назар ҳар бир фуқаро сайловда фаол иштирок этиб, ўз фуқаролик позициясини билдириши зарур деб ўйлайман.
Парламент ва ҳукумат аъзоларида «халқни ўзи сиёсатга қизиқмайди-ю» деган бамайлихотирлик вужудга келишига асло йўл қўйиб бўлмайди. Бундай сиёсий жараёнларда фаоллик туфайли сайловларнинг савияси, парламент ва ҳукуматни ҳушёрлиги ошиб бораверади. Шунинг учун, 27 октябрь куни бўлиб ўтадиган сайловда фаол иштирок этинг, келажак учун овоз беринг!
@mufasa_mh
Протез-ортопедия маҳсулотлари бозорини кенгайтириш бўйича лойиҳа натижалари эълон қилинди
Бундан бир неча ой аввал Ижтимоий ҳимоя миллий агентлиги муҳтож шахсларнинг ижтимоийлашувини таъминлаш мақсадида янги лойиҳа бошлаганди. Муҳтож шахсларни зарур протез ортопедия маҳсулотлари ва реабилитация воситалари билан таъминлашнинг янги рақамли тизими жорий этилиши бир қанча қулайликларга сабаб бўлди.
Масалан, муҳтож шахсларни зарур воситалар билан таъминлаш олдин бюрократик тўсиқлар билан қийинчилик туғдирган: экспертиза текширувидан ўтишдан тортиб гувоҳномалар олиш ва ишлаб чиқарувчилар қабулига етиб боргунга қадар.
Бундай хизматларни кўрсатувчи тадбиркорларнинг аксарияти Тошкент шаҳри ва вилоятларда жойлашган эди. Шу сабабли мажбуриятларнинг тўлиқ бажарилиши билан боғлиқ муаммолар тез-тез юзага келар, бу эса бир йилгача кутишга олиб келарди. Бундан ташқари, муҳтожларни аниқ ҳисобга олишда қийинчиликлар мавжуд эди.
Янги рақамли тизим жорий этилиши билан бу жараён анча соддалашди ва самарали бўлди. Энди муҳтожлик ногиронлик билан бир вақтда ахборот тизими орқали аниқланмоқда. Ҳали бу бўйича ишлар давом эттирилмоқда. Яхши натижалар янада кўпайишига умид қиламиз.
@mufasa_mh
Мактабгача ва мактаб таълими вазирининг биринчи ўринбосари лавозимида ишлаб келаётган Усмон Шарифхўжаев бошқа ишга ўтгани муносабати билан эгаллаб турган лавозимидан озод этилибди.
«Бошқа иш» – Президент ҳузуридаги Ижтимоий ҳимоя миллий агентлиги раҳбарининг ўринсбосари лавозими эканлиги айтилмоқда.
Усмон Улфатович давлат бошқарувидаги ёш ва шижоатли кадрлардан бири ҳисобланади.
@mufasa_mh
Бу Ҳолливуднинг экшен жанридаги фильмдан парча эмас, эковазирлик томонидан саксовулхўрларга қарши ўтказилган рейд жараёни. Биргина Бухорони ўзида охирги 2 ойда шу каби 25 та ҳуқуқбузарлик ҳолати аниқланган.
Балки газ йўқлиги сабабли саксовулни қишда исиниш учун ғамлашаётгандир, билмадим. Аҳолига табиий газ етказиб беришга масъул идоралар ўз ишларини бажармаганлари учун эковазирлик ўз ишини қилишга мажбур бўлади. Уларни вазифаси табиатни асраш.
@mufasa_mh
«Ўзбекистон металлургия комбинати» АЖ бошқарув раиси лавозимига Ахмедов Дилшод Турсункулович тайинланди.
Д.Ахмедов аввал ушбу комбинатда зам бўлиб ишлаган эди, тажрибали кадр. Ҳозирга қадар Инвестициялар, саноат ва савдо вазири зам ўринбосари лавозимида ишлаб келаётганди.
Бундан ташқари, 2024 йил 5 ноябрь куни Комбинат акциядорларининг навбатдан ташқари йиғилиши бўлиб ўтади. Унда Кузатув кенгаши таркибига ўзгартириш киритиш ва ижроия органи раҳбарини тайишлаш каби масалалар кўриб чиқилади.
@mufasa_mh
Тошкент вилоятида анча вақтдан бери сотилмаган 70 та объект пойтахтдаги тадбиркорларга бўлиб-бўлиб тўлашга берилади. Шарти – ишчиларнинг 50 фоизи камбағал оиладан бўлиши керак.
PS. Агар бўлиб-бўлиб тўлашга берилса, Тошкент вилоятининг ўзини тадбиркорлари ҳам олишса керак, менимча. Лекин пойтахтдаги тадбиркорларга беришдан мақсад – вилоятга пойтахт “атмосфераси”ни олиб кириш бўлиши мумкин. Чунки пойтахтнинг биқинида жойлашган айрим ҳудудлари пойтахтдан камида 50 йил орқада қолиб кетган.
@mufasa_mh
Бугун Президент Шавкат Мирзиёев Олмалиқ кон-металлургия комбинатига ташриф буюриб, саноат тармоқлари учун муҳандисларни тайёрлаш мактаби ҳамда «Ёшлик-1» конини ўзлаштириш ишлари билан танишади, мис бойитиш бўйича янги қувватлар қурилишига старт беради.
Шунингдек, Президент раислигида Тошкент вилоятини ижтимоий-иқтисодий ривожлантириш вазифалари юзасидан йиғилиш ўтказилиши режалаштирилган.
@mufasa_mh
Эковазирлик фуқаролар «дарахтфуруш»ларга дуч келганда қандай йўл тутиш лозимлиги бўйича яхши ролик тайёрлабди. Табиатни асраш нақафат давлатнинг ваколатли органини вазифаси, балки ҳар бир фуқарони бурчи. Шу сабабли, табиатга зарар етказилиши ҳолатига гувоҳ бўлганда зудлик билан тегишли органларни хабардор қилиш зарур.
@mufasa_mh
Битта платформада анча нарса ҳал бўляпти
Ҳозир техника асри, ҳаммани қўлида телефон, ёши катталарам биздан яхши ўрганволишяпти гаджетларни.
Шунгами, бу сафарги сайловда янги "E-saylov" электрон платформаси жорий қилинган. Унда шу яқинлашиб келаётган сайлов бўйича анча-мунча маълумот олса бўлади.
Депутатликка номзодлар учун: уқуқий маълумотлар, шу сайлов бўйича ўн хил тушунтириш СМСлари жўнатилади.
Сайловчилар учун: ўзини ҳудудидан ким номзодлиги, уни таржимаи ҳоли, нимани қотириб қўйгани яна кўп керакли информациялар.
Журналистлар учун: сайловни ёритишга рўйхатдан ўтиш (гувоҳноманиям электрон олса бўлади), бутун сайлов бўйича журналистик тушунтириш маълумотлари жойлаштирилган.
Платформада ҳамма маълумот очиқ-ойдин кўрсатилиб, ёзиб қўйилган. Менимча, бу сайловни шаффоф бўлишига хизмат қилади.
@mufasa_mh
Давлат харидлари электрон тизимидаги айрим тўғридан-тўғри шартномалар «махфий» ҳужжатлар тоифасига киритилгани бўйича бирорта ташкилот расмий муносабат билдирмади. На Рақобат қўмитаси, на Коррупцияга қарши курашиш агентлиги ҳолатга ойдинлик киритди. Давлат харидалари соҳасидаги ваколатли орган ҳисобланувчи Иқтисодиёт ва молия вазирлиги мутасаддилари «оғзига толқон» солиб олгандек, гўё. Жуда ғалати. Ҳаттоки, давлат ташкилоти метан газ сотиб олгани ҳақидаги шартнома ҳам «махфий»лаштирилган.
Бугун ҳам давлат харидлари соҳасида қизиқ саргузаштлар рўй берди: кечаги «давлат сирлари ва махфий характерга эга бўлган харид»лар айни пайтда электрон тизимдан буткул йўқолиб қолган. Таг-туги билан йўқ. Лот рақамлари орқали текшириб кўришингиз мумкин: 241100433381480; 24110002338422; 24110002338425.
Шунингдек, бугун давлат харидлари электрон тизимига бирорта тўғридан-тўғри шартномалар орқали амалга оширилган харидлар жойланмади. «Прямой договор»лар ёппасига «махфий»лаштириб юборилдими, нима бало? Ё биринчи «отдел»дан «секретка»га «спец допуск» олиб кейин кўрсак бўладими? Нима қиляпсизлар, айтинглар! Ёки очиқлик ўйни тугади, энди фақат Мунисани очиқ қорнини кўришинглар мумкин, шоу-бизнесга ўтинглар, деган мужда бериляптими? Ҳайронман.
@mufasa_mh
Тошкент кўчаларида рупорлар (овоз кучайтиргич) орқали партия шиорини айтиб юрган велосипедчилар пайдо бўлибди. Бу жараёндан ЎзЛиДеП сайлов тарғиботига креатив усулда ёндашаётганини билиш мумкин.
Партия тарғибот жараёнларига ёшларни жалб этган ҳолда сайловолди дастурида талабаларни дунёнинг ТОП-100 олийгоҳларида ўқиши учун грантлар ажратишни ваъда қилмоқда.
Видеода нафақат ўзимизникилар, чет эллик туристларни ҳам телефонига съёмка қилаётганини кўриш мумкин.
@mufasa_mh
Очиқликдан махфийликка!
Хайрият, шу кунларга ҳам етиб келдик. Ортга шиддат билан қайтишга гувоҳ бўляпмиз. Хабарингиз бор, ҳокимликларни айрим қарорлари жамоатчилик орасида кенг муҳокама бўлавергач, E-qaror тизимида ёпиқ қарорлар пайдо бўла бошлаганди. Ҳозирги кунда қарорларни аксарияти ёпиқ ҳолатда жойлаштирилмоқда.
Мана энди давлат харидлари порталида тўғридан-тўғри тузилган шартномаларда «Давлат сирлари билан боғлиқ ҳамда бошқа махфий характерга эга бўлган харидлар» деган ёзув пайдо бўляпти.
Хусусан, Тошкент шаҳар Уй-жой комуннал бош бошқармаси 40 минут ичида (10.10.2024й. соат 19:00-19:40 оралиғида) «POWER INNOVATION» МЧЖ билан 12,5 млрд. сўмлик, «QIBRAY TRANSFORMATOR» қўшимча масъулиятли жамият билан 16,3 млрд. сўмлик, «MASTER ENGINEERING SERVICES» МЧЖ билан 16,9 млрд сўмлик тўғридан-тўғри шартномаларни тузган. Ушбу шартномалар мазмунини кўриш имкони йўқ — «махфий» грифи қўйилган. Мазкур давлат харидлари қуёш панеллари хариди билан боғлиқ бўлиши мумкин.
Мудофаа ва хавфсизлик масалаларига оид бўлган давлат харидларидан ташқари барча харидлар жамоатчилик учун очиқ бўлиши лозим. Майли, биз-ку кўниб ва кўникиб кетаверамиз, аммо бюджетни қўллаб-қувватлаш учун қарз берган «калта пайпоқлар»га нима дейсизлар?
Бундан ташқари, Президент қарори (ПҚ-249-сон, 10.07.2024й.)га мувофиқ 2024 йил 1 октябрдан бошлаб давлат буюртмачилари томонидан тўғридан-тўғри шартномалар улар тузилишидан олдин камида бир иш куни давомида жамоатчилик муҳокамасидан ўтказилиши лозим. Ҳозирги кунда давлат харидлари порталида тўғридан-тўғри шартномалар бўлимида «муҳокамада» деган жойи пайдо бўлган. Бироқ жамоатчилик муҳокама қилиши учун ҳеч қандай шароит яратилмаган, муҳокама қилиш имконияти мавжуд эмас. Давлат буюртмачилари эса жамоатчиликдан эътирозлар тушмади деган важ билан тўғридан-тўғри шартномалар тузмоқда.
@mufasa_mh
Табиатимиз фақат «порахўр каламушлар»дан иборат эмас, ҳайвонот дунёсига анчагина бой.
Эковазирликни фотоқопқонларига чиябўри, қорақулоқ, Туркистон силовсини, лочин, ёввойи чўчқалар ва бошқалар муҳрланди.
@mufasa_mh
1 кг пахтага 2500 сўм ҳақ тўланади
Бугундан пахта терим нархи (қўл терими учун) ҳар бир килограмм учун 2 500 сўм этиб белгиланди.
Ушбу маблағнинг 2000 сўми Қишлоқ хўжалигини давлат томонидан қўллаб-қувватлаш жамғармаси ҳисобидан, 500 сўми кластер ҳисобидан ажратилади.
Даланинг ўзида теримчиларга тарқатилиши айтиляпти.
@mufasa_mh
Шавкат Мирзиёев: «Келажакда ҳамма соҳа экология билан ҳамоҳанг бўлади»
Давлат раҳбари 21 октябрь куни Марказий Осиё атроф-муҳит ва иқлим ўзгаришини ўрганиш университети – «Green University»да бўлди.
Илгари бу соҳада яхлит олий таълим даргоҳи йўқ эди. Давлатимиз раҳбарининг 2023 йил 31 майдаги қарори асосида ташкил этилган мазкур университетда замонавий экологик йўналишлар қамраб олинган.
450 ўринга мўлжалланган ўқув биноси таъмирланиб, замонавий шароитлар яратилган. Хоналар соҳага доир анжомлар, компьютерлар ва сунъий интеллект ускуналари билан жиҳозланган. Таълим инглиз тилида олиб борилади. Бунинг учун АҚШ, Буюк Британия, Мексика ва Франциядан чет эллик ўқитувчилар ҳам жалб этилган.
Университетнинг имкониятларини кенгайтириш учун келгусида пойтахтнинг Юнусобод туманидаги ҳамда Тошкент вилоятининг Бўстонлиқ туманидаги собиқ коллежлар бинолари таъмирланиб, кампусга айлантирилиши режалаштирилган.
@mufasa_mh
Хоразм миллий табиат боғида ўрнатилган фотоқопқонга қуёнларни ишкали тушиб қолибди.
Шу фотоқопқонларни кузатиб ўтирадиганларга мазза бўлса керак-а?)
@mufasa_mh
25 октябрь куни эковазирликни ташаббуси билан «Қоғозсиз бир кун» эко-акцияси ўтказилади.
«Халқаро қоғозсиз кун» муносабати билан ўтказиладиган акциядан мақсад қоғоздан фойдаланишни камайтириш ва ундан оқилона фойдаланишни тарғиб қилиш экан.
Бу акцияга бизда қанчалик амал қилишади билмадим-у, лекин яхши ташаббус илгари сурилган. Маълумотларга кўра, 1 тонна қоғозни тежаш ёки қайта ишлаш 17 та дарахт, 26 000 литр сув, 3 куб метр ер, 240 литр ёқилғи ва 4000 кВт/соат электр энергиясини «тежаб қолади».
@mufasa_mh
Президент ёрдамчиси Саида Мирзиёева бугун соғлиқни сақлаш соҳасини рақамлаштириш бўйича ишлаб чиқилаётган лойиҳалар билан танишибди.
Маълум қилинишиича, ушбу тизим ишга тушиши натижасида тиббиёт муассасаларидаги барча асосий жараёнлар босқичма-босқич автоматлаштирилади, беморларнинг соғлиғи ҳақида турли манбалардан олинадиган маълумотларни ягона электрон тиббий картага бирлаштириш имконини берувчи дастурий ечимлар жорий этилади.
Шунингдек, иш ҳажмини оптималлаштириш орқали соғлиқни сақлаш муассасаларининг барча бўғинларида фаолият самарадорлиги оширилади.
Саида Шавкатовнани қўшимча қилишича, лойиҳа режадагидек амалга оширилса, барча: соҳа ходимлари учун ҳам, аҳоли учун ҳам манфаатли бўлади.
@mufasa_mh
Охирги пайтларда энг зўр, қойилмақом қилиб бажараётган ишимиз, бу — буллинг бўлиб қолди. Масхара ва калака қилиш, арзимас хатони устидан кулишни қойилатяпмиз, холос.
Олдимизда муҳим сиёсий жараён - сайлов турибди, партияларнинг сайловолди дастурларини муҳокамаси, уларнинг таклифларини асосли танқид қилиш ўрнига Экопартия билан ХДПни иккита баннерида номзодларни исм ва фамиляси хато кетиб қолгани трендда, тавба.
Нега ўша хатони кўрган кўзлар сайловолди дастурларини ўқимайди, эзғилаб гапираётган тиллар уларни муҳокама қилишга фокус қаратмайди? Партиялар илгари сураётган ташаббусларга «тўхта, мана бу фикр нотўғри. Эртага шу мазмундаги қонунлар қабул қилинса, нима бўлади» деган саволларини қўйиш ўрнига техник хатони катастрофа даражасига олиб чиқиб, туппа-тузук, ақли жойида деб кўриладиган одамлар шуни муҳокама қилиб ўтирибди. Ғалатимасми?
Партиялар фақат бешта баннер чиқариб қўйгани йўғу. Сайловолди дастурлар, шу Ўзбекистонни келажагига таъсири қаёқдаги баннердан анчагина катта бўлган таклифлар бор. Онлайн дебатлар, учрашувлар бўляпти ҳар хафта. Фокус шунга қаратилиши керак эмасми, аслида?
@mufasa_mh
Тошкент вилоятини иккита яп-янги зам ҳокими «чопилди»
Тошкент вилояти ҳокимининг қишлоқ хўжалиги бўйича биринчи ўринбосари Б.Алимбеков вилоятнинг қишлоқ хўжалигидаги имкониятлардан фойдалана олмагани, тайёр қилиб берилган тизимни ишлата олмагани учун «учди».
Яна битта биринчи ўринбосар Э.Мухитдинов фаолиятидаги камчиликлар ва соҳадаги ишлар қониқарсиз олиб борилаётгани учун лавозимидан озод этилди.
Иккаласини ҳам тайинланганига унча кўп вақт бўлмаган эди.
@mufasa_mh
Ҳар бир одамда ўзгармайдиган умуминсоний, тоза қадрият ва принциплар бўлиши керак.
Қадрият — бу тарихимиздан, аждодларимиздан олинган тўғри ишлар. Шу қадрият деган нарса хатолардан огоҳлантириб туради одамни.
"Миллий тикланиш" партияси "ўзлигимизни эслатиб турадиган" қадриятларга таянишни ўзини сайловолди мақсади қилиб олган.
Партия янгиликлардан қочмаслигини айтяпти, қадриятларни рад қилмаган ҳолда.
@mufasa_mh
Солиқ қўмитаси раиси Кудбиев номидан телеграмда фейк аккаунт очилган ва хабарлар юборилган. Бу ҳақда ўзи огоҳлантириш билан чиқди.
Кудбиев номли аккаунтдан «соққани палон жойга опке» деган хабар келиб қолса, югуриб ташлаб келманглар, ҳурматли тадбиркорлар!
Эшитишимча, бу юқори даражадаги амалдорлар билан содир бўлган ягона ҳолат эмас. Бир вилоятни зам ҳокимига уч кун давомида вилоят ҳокими номидан очилган фейк аккаунтдан топшириқлар келган. Зам ҳоким «есть, бажарамиз» деб юраверган 😁
Юқоридаги ҳолатлар оддий фирибгарликка ўхшамяпти. Янги «тренд» давлат сирини қўлга киритиш билан боғлиқ бўлиши мумкин.
@mufasa_mh
Ҳозирги кунда Ўзбекистонда 130 тадан ошиқ миллатлар вакиллари истиқомат қилади. Бу сафарги сайловда номзодлар орасида турли хил миллат вакилларини учратиш мумкин. Сайловда миллат ва тилидан қатъий назар барча бир халқ бўлиб, сиёсий фаоллик кўрсатиши лозим деб ўйлайман.
@mufasa_mh
Халқаро қизлар куни муносабати билан Ижтимоий ҳимоя миллий агентлиги яхши ташаббус билан чиқди
11 октябрь — Халқаро қизлар куни муносабати билан Ижтимоий ҳимоя миллий агентлиги, БМТнинг Аҳолишунослик жамғармаси (UNFPA) ва жамоатчилик фаоллари ҳамкорлигида "Қизимга" номли янги медиалойиҳа ишга туширилди.
Ушбу лойиҳа қизлар учун адолатли ва хавфсиз дунё яратиш йўлида муҳим қадам сифатида киритилган. Шунингдек, ижтимоий адолат ва гендер тенглигини таъминлашда ҳам муҳим роль ўйнайди. Лойиҳа оталарнинг қизлар ҳаётидаги беқиёс ўрнини таъкидлашга қаратилган.
Ҳаммамиз бу ташаббусни қўллаб-қувватлашимиз, оталар қизларнинг ўсиши ва ривожланиши учун қанчалик муҳим шахс эканини кўрсатиб беролишимиз керак.
@mufasa_mh
Испания банки «ОКМК»га катта миқдорда кредит ажратди
«Олмалиқ КМК» АЖ Ўзбекистонда илк бор Буюк Британия Экспорт-суғурта агентлиги (UKEF) суғурта қопламаси остида Испаниянинг «Santander» банкининг тўғридан-тўғри 12,6 млн евро миқдоридаги имтиёзли кредитини жалб қилди.
Кредит Шотландиянинг «Weir» компаниясидан ускуналар сотиб олишни қайта молиялаштириш учун ишлатилади.
Бу Испаниянинг «Santander» банки ва Буюк Британиянинг Экспорт-кредит агентлиги (UKEF) учун Ўзбекистондаги биринчи битим ҳисобланади.
@mufasa_mh
Дахшат! Майли, юқоридаги давлат харидида ҳақиқатдан ҳам жамоатчиликка очиқланмаслиги учун қандайдир асос бор, дейлик.
Лекин Халқаро фестиваллар дирекциясини «Бухоро» кафедаги «еб-ичар»ида қандай давлат сири ёки махфий характерга эга ҳолат бор? Бу «ужин» ёки «обед»да давлатнинг мудофаа ва хавфсизлик масаласи муҳокама қилинганми? Нима қиляпсизлар ўзи? Нималар бўляпти? Кимдир тушунтириб берадими?
@mufasa_mh
Бефарқликка ўрин йўқ: болаларга нисбатан зўравонликка қандай курашамиз?
UNICEF маълумотларига кўра, дунёда ҳар йили 1 млрд бола жисмоний, руҳий ёки эмоционал зўравонликка учрайди. Бу нафақат уларнинг соғлиғига, балки келажакдаги ҳаётларига ҳам салбий таъсир кўрсатади.
Болаларга нисбатан зўравонлик бугунги куннинг глобал муаммосига айланган. Айрим мамлакатларда болаларга қарши зўравонлик ҳолатлари давлат идораларига хабар қилинмай, яширин ҳолатда қолади. Афсуски, бизнинг жамиятимизда ҳам бундай ҳолатлар учраб туради.
Болаларни зўравонликдан ҳимоя қилишда ҳар биримизнинг жавобгарлигимиз бор. Сиз бундай ҳолатларга қандай муносабатдасиз? Ижтимоий ҳимоя миллий агентлиги U-Report платформасида болаларга нисбатан зўравонлик ҳақида сўров ўтказмоқда.
Сиз ҳам фикр билдиринг ва келажак учун ҳисса қўшинг: 👉 @UReportUzbBot
@mufasa_mh
Юнусобод тумани прокуратураси катта терговчиси пора сифатида 40 минг АҚШ долларини олиб, тадбир пайтида қочиб кетибди.
Ҳозирда унга нисбатан қидирув эълон қилинган.
Август ойини охирида
Иқтисодий жиноятларга қарши курашиш департаменти Юқори Чирчиқ тумани бошлиғи 40 минг доллар билан қўлга тушган эди.
40 минг — прокуратура тизимидаги ставкага айланяптими, дейман. Тўғрида, ҳозирги айрим прокурорларни шохона ҳаётига, уларни расходига 40 мингни зўрға етказса бўлади. Судьялар билан тенг бўламан деб ўзларини ўққа-чўққа уришяпти. Пойтахтдаги исталган элитный ресторанни тўрида прокурорлар «кар-кар» қилиб ўтирган бўлади.
@mufasa_mh
CPR Talksнинг навбатдаги меҳмони Экологик партиясидан Олий Мажлис Қонунчилик палатаси депутатлигига номзод, Тошкент давлат иқтисодиёт университети бизнес бошқаруви факултети декани ўринбосари Ҳабиба Хидоятова бўлибди. Ҳабиба Хидоятова Leyden университетида бакалавр, London Imperial Collegeда эса магистратура босқичида таҳсил олган.
Мени хурсанд қилган нарса сиёсий майдонимизга интелектуал салоҳиятга эга забардарст йигитларимиз қаторида мана шундай илимли қизларимизнинг ҳам қириб келаётгани бўлаяпти.
Поткастда Ҳабиба Ўзбекистоннинг экологик сиёсати, яшил иқтисодиёт ва иқлим ўзгариши билан боғлиқ долзарб масалалари юзасидан тиниқ фикрлар билдирганлигига гувоҳ бўласиз.
Ўтказилган ушбу суҳбат қайсидир маънода мамлакакатимиз сиёсий ҳаётига хотин-қизларимизнинг дадил қадамлар билан қириб келаётганлигини кўрсатади. Бу эса кўзи ёниб турган ёшларни кашф қилишда Экологик партиянинг ҳам ютуғи бўлса керак.
@mufasa_mh
