"Oʻzbekistonlik. Podcast"нинг биринчи эпизоди намойиш этилди
Бир неча фойдали ва йирик лойиҳалари билан хориждаги муваффақиятли ватандошларимизни таништирган ва уларнинг муваффақият йўлларини очиб берган Uzbekistan's Club жамоасининг янги лойиҳаси — "Oʻzbekistonlik. Podcast"нинг биринчи эпизоди тармоққа жойланипти. Лойиҳанинг илк эпизодида кўпчилигимизга таниш бўлган бир нечта IT бизнеслар эгаси Бобир Акилханов ҳамда Колумбия Университети профессори Азиза Шоназаровалар меҳмон бўлишган. Подкастни "Oʻzbekistonlik" фильмининг илк эпизоди қаҳрамонларидан бири – техника фанлари доктори, Асқарали Каримов олиб борибди. Лойиҳа ҳомийси эса "Uzum" миллий рақамли экотизими.
"Oʻzbekistonlik. Podcast" лойиҳасининг биринчи эпизодида суҳбат асосан илм-фан ва технологиялар мавзусида бўлган. Шунингдек, мавзу доирасида Асқарали Каримов технологияларнинг тилимизга таъсири масаласини ўртага ташлаб, суҳбатдошларининг бу борадаги фикрлари билан қизиқди. Йиғилганлар сунъий интеллект (AI)нинг ижобий ва салбий томонлари, яқин истиқболда рўй бериши мумкин бўлган тахминларини билдиришган.
Биринчи эпизоддаёқ қамров кенг олинибди дейиш мумкин. Ёритилган мавзулар глобал дунё учун, хусусан Ўзбекистон каби ривожланаётган мамлакатлар учун ҳам жуда долзарб. Чунки 21 асрда сунъий интеллект, илм-фан ва технологияларсиз ҳеч қандай тараққиёт юз бермайди.
Суҳбатни эса бу ерда тўлиқ тинглашингиз мумкин.
2023 йилда консолидациялашган бюджет дефицити 59 трлн. сўм ёки ЯИМнинг 5,5%ини ташкил этган. Ўтган йилларга нисбатан солиштирганда дефицит рекорд даражада ошган.
Давлат ҳокимияти ва бошқаруви ҳаражатлари 2022 йилга нисбатан 3,3 трлн. сўмга ошиб кетиб 17 трлн. сўмни ташкил қилган.
Амалдорларимизни ҳаражатлари ва орзу-истаклари йилдан-йилга ўсиб бормоқда. Вазирга қўшилиб унинг шотири ҳам самолётда бизнес-классда учиши, гостиницада люкс хонада ётиши керак. Ўнқир-чўнқир йўлларда кети оғриб қолмаслиги учун премиум-классдаги машинада юрмаса бўлмайди. Ўзи юргани, майли, хорижлик меҳмонларни олдида пул кетса-кетсин, лекин обрў кетмасин дейишгандир. Аммо уларнинг оиласи ҳам қўни-қўшнилар олдида обрў билан юришлари учун PPP рақамли служебкалар берилган.
Амалдорларни расходи ҳақида ёзсам чўзилиб кетади, шунинг эътиборни яна бир бошқа масалага қаратайлик.
Хўп, амалдорларнинг расходи ошиб кетибди, энди Иқтисодиёт ва молия вазирлиги нима қилмоқчи?
Вазир-у ҳокимларнинг расходларини камайтириш ўрнига таълим ва соғлиқни соҳасида «қора ишчилар»штатларини қисқартирмоқчи. Масалан, вазирлик тез ёрдам бригадаларида врач штат бирлигини, фельдшерлик тез ёрдам бригадаларида фельдшер штат бирилиги кабиларни қисқартиришни таклиф қиляпти.
Кўп тармоқли марказий поликлиника ва марказий шифохоналарда бир хил турдаги тиббий хизматларни, шаҳар ва қишлоқ оилавий поликлиникаларни қисқартиришни ҳам таклиф қилган. Исталган поликлиникага борсангиз, турна қатор навбатларни кўрасиз. Бу навбатларни оиласи билан бирга Ҳукумат поликлинкасига борадиган Джамшид Кучкаров ёки Германияга бориб даволанадиган чиновниклар қайдан кўрсин? Депутатлар, уйғонинглар! Мана шу таълим ва соғлиқни сақлаш тизими ходимлари сайлов пайтида, керак бўлса, уйма-уй юриб сизларга овоз йиғиб беришган. Уларни ҳимоя қилинглар!
@mufasa_mh
Қурилиш ва уй-жой коммунал хўжалиги вазирлиги ҳамда бошқарув ташкилотлари томонидан «Бир болага бир дарахт» лойиҳаси асосида кўп қаватли уйлар атрофига мевали ва манзарали дарахт кўчатлари ўтказилмоқда экан.
@mufasa_mh
Катта халқа йўлида одатдаги ёмғирли кунларнинг бири. Доимгидек свет ўчган, светафор ишламяпти. Халқаро даражадаги йўл. Свет ўчса Бектемир туманида «давлат ва ҳукумат тугаши»ни ҳис этадиган фуқаролар бу сафар тайёргарлик кўриб, ҳаракатни тартибга солиш учун қуролланиб чиқишган. Қўлида «жезл» ва ҳуштак. Акага респект!
ГАИлар қани дейсизми? ГАИлар Эркин исмли крутой командири билан ёмғирдан кейин қўзиқориндек пайдо бўлишади. Олим Чориевич шунақа пайтларда сизда «испанский стыд» пайдо бўладими-йўқми? Фуқароларни ўзлари ГАИларсиз ҳам бир яхши эплашаркан, унда солиқ тўлаб буларни ушлаб туриб нима қиламиз?
UPD. Ҳа айтганча, бу чорраҳани тартибга солиш учун доим пойтахт ва унинг вилоятини ГАИлари бир-бирига ағдаради. Эгаси йўқ. Йўлни нариги тарафи Тошкент вилояти, Ўрта Чирчиқ тумани. Икки ҳудудни ГАИлари икки томонда туриб олиб «ўлжа» кутишади, лекин свет ўчиши билан гумдон бўлишади. Ўрта Чирчиқни Суҳроб деган началник ГАИси Бектемирни Эркин деган началник ГАИсидан қолишмайди. Иккаласи ҳам крутой. Катта одамлар.
@mufasa_mh
Тошкент вилоятида дарахт кўчати экиш бўйича чет эл тажрибасидан келиб чиқиб, инновацион ғоя илгари сурилмоқда. Яъни, табиат ва экологияга ўз ҳиссасини қўшмоқчи бўлганлар дарахт кўчати сотиб олади ва уни рўйхатдан ўтказади. Ҳар бир кўчатга QR берилади. Агар ушбу кўчат қуриб қолса ёки шикатланса ҳокимият уч баробар миқдорда компенсация тўлаб беради.
Лойиҳа номи “Яшил келажак” дея номланган. Буни “Тошкентимизани экологиясини пўқи чиқиб кетвотти” деб нолийдиганлар учун махсус лойиҳа деса ҳам бўлади. Болла билан “Бочка”га кетвотканда, ифторли учун кўк сомса и шашлига Паркентга борвотканда – шундоқ бетонкада ер ва кўчатлар тайёрлаб қўйилган. Сотволиб экса бўлди, холос. Котта болладан Она табиатмиззага эҳсон-де буям.
@mufasa_mh
Эковазирлик Андижондаги бозор ва унга туташ ҳудудларда рейд ўтказибди.
Анжан чиновниклари яна бир пас ўйнаб ётишса, салкам Деҳлига айланаркан.
@mufasa_mh
Москва шаҳрининг "Крокус Сити Холл" мажмуида мудхиш террорчилар хунрезлигидан бугун ҳамма хабардор.
Тармоқлардаги фойдаланувчиларимизнинг фикрини ўрганиб кўрсам, кимдир жабрланган ва халок бўлганларнинг яқинларига ҳамдардлик билдирган, кимдир айбдорларга ўлим жазосини белгилаш керак дейилган, кимдир Украинани қоралаган бўлса, яна кимдир эса ушбу хунрезликни РФ Хукуматининг навбатдаги режаси деб бахолаган (конспирология назарияси башоратчилари).
Бир нарса аниқ, террористик хуруж бегуноҳ инсонларнинг ҳаётига зомин бўлди ва бу мудхиш ҳақиқат барчамизни сергак тортиши зарур. Охирги хабарларга қараганда, ушбу хуруж иштирокчилари Тожикистон фуқаролари экан. Уларнинг бу хатти-ҳаракатларига албатта ҳуқуқий бахо берилади деб ўйлайман. Шу аснода мени ўйлантираётган бошқа масалалар пайдо бўляпти, яъни Ўзбекистон фуқароларининг хавфсизлиги нуқтаи назаридан.
Биринчидан, бизларнинг чегараларимиздан кунига неча минглаб чет эл фуқаролари ўтиб келаётганидан бир мунча хабардормиз. Уларни орасида Афғонистон фуқаролари ҳам, Тожикистон фуқаролари ҳам ва бошқа (террорчилар ҳудудида бемалол айланиб юрган, масалан Туркия) давлатлар фуқаролари ҳам мавжуд. Буларни юртимизга кириб келганида ўзи бирор ташкилот ёки кучишлатар тизимларимиз назоратга оладими? Ёки чегарадан ўтаётганларида обдон текшириб, сўров сухбат ўтказишадими? Шу ишлар амалга оширилган бўлса, уларни орасидан нечта террорчиликда гумонланган ёки қидирувда бўлган шахслар ушланган?
Иккинчидан, юртимиздаги ёки пойтахтимиздаги "Крокус Сити Холл"га ўхшаш ўнлаб мажмуаларимиздаги хавфсизлик тизими (металл детекторлари, текширувчи таркиб, қуролланган қўриклаш хизмати, видео кузатув тизими ва хоказо) қанчалик ишончли ёки йўлга қўйилганми ўзи? Бу тизим фаолияти талабга жавоб беришига ким кафолат беради?
Учинчидан, "Крокус Сити Холл"даги мудхиш воқеа бизнинг юртимизда содир бўлмаслигига ким кафил? Фуқароларимиздан тортиб, куч ишлатар тизимларимиз бундай вазиятларда ўзини қандай тутиш кераклигини билишадими?
Ўйлайманки юқоридаги саволлар хозирги вақтда жуда актуал. Уларга жавобни эса кутмайман. Шунчаки, тегишлилиги бўйича ҳар бир ташкилот ёки фуқаро ўзига бериб кўрсин. Жавоби қониқтирса, қандини урсин. Агар қандайдир шубҳа пайдо бўлса, хавфсизлик тизимларини талаб даражасига олиб чиқиш учун хали ҳам кеч эмас деб ўйлайман.
Бир қанча профессионал тарғибот, ўқув машқлари ва ахоли орсида тушунтириш ишлари, кутилмаган вазиятларда катта роль ўйнаши мумкинлигига ишончим комил.
@mufasa_mh
Тошкент шаҳар ҳокимияти «Ягона буюртмачи хизмати ИК» ДУК Нукус шаҳри ва шимолий туманларда оғир шароитдаги оилаларга тегишли уйларнинг том қисмини таъмирлаш (ёпиш) ва авария ҳолатдаги уйларни янгидан қуриш ишларини амалга ошириш учун «AGRO FOOD NUKUS» МЧЖ билан танлов (тендер) савдоларисиз, тўғридан-тўғри шартнома тузган. Шартноманинг умумий қиймати - 55,6 млрд сўмни ташкил этади.
Тошкент шаҳар ҳокимияти «Ягона буюртмачи хизмати ИК» ва «AGRO FOOD NUKUS» МЧЖ ўртасида махсус ахборот порталга танлов ўтказиш бўйича эълон жойлаштирилмасдан, харид қилиш тартиб-таомилларини электрон шаклда рўйхатдан ўтказмасдан тўғридан-тўғри шартнома тузиш учун Ўзбекистон Республикаси Вазирлар Маҳкамасининг 2023 йил 2 февралдаги 52-сон қарори ва Қорақалпоғистон Вазирлар Кенгашининг 2023 йил 7 июлдаги мажлис баёни асос бўлган.
«AGRO FOOD NUKUS» МЧЖ — ихтисослашмаган дўконларда асосан озиқ-овқат маҳсулотлари, жумладан ичимликлар, ва тамаки маҳсулотлари чакана савдоси фаолиятини амалга оширади. Устав капитали - 10 млн сўм. Шунингдек, соҳавий қурилиш-пудрат ташкилотлари рейтингида мазкур корхонага оид маълумотлар топилмади. Яъни, «AGRO FOOD NUKUS» МЧЖ аввал ҳам, ҳозир ҳам қурилиш ишлари фаолияти билан шуғулланмаган.
Қурилиш ишларидан «бехабар» корхонага 55,6 млрд сўмлик қурилиш ишлари қайси мезон ва ўлчовларга асосан «тортиқ» қилинган?
Манба
@mufasa_mh
Алишер Қодиров ўқишга киролмаган ўғил болаларни мажбуран армияга юборишни таклиф қилди
Қодировни фикрича, мактабни тугатган, ўқишга кирганлардан ташқари барча ўғил болаларни тўловларсиз, бир йиллик мажбурий ҳарбий хизматга жалб қилиш лозим. Тартиб ва масъулиятни мактаб ва ҳарбий хизматда ўргатилмаса, қамоқхонада ҳеч қачон ўргатиб бўлмайди.
Шунингдек, Ўзбекистонни эркинликни ҳадсизлик деб биладиган, атлас костюм хунасалар эмас, ўз қадрини биладиган, тафаккур қиладиган ўғил-қизлар ривожлантиради, демоқда.
@mufasa_mh
Карманада жойлашган оилавий меҳрибонлик уйидаги шароитлар ўрганилди
Ижтимоий ҳимоя миллий агентлиги вакиллари Навоий вилояти Кармана туманига бориб, у ердаги оилавий меҳрибонлик уйларидан бирига кирди ва шароитларни ўрганди. Хонадон бекаси кутилмаган ташрифдан ҳайратланганини айтган.
Видеода мазкур хонадонда тарбияланаётган болаларни кўриш мумкин.
@mufasa_mh
Шеф Сергели туманидаги қарийб 76 гектар майдонда барпо этилаётган «Ёшлар боғи»да жамоатчилик вакиллари билан бирга баҳорги дарахт экиш тадбирида иштирок этди.
Даже Президент ва Бош вазир қўлига лопатка олиб дарахт экяпти. Сен эса ҳалиям уйда сассиб ётибсан! Тур, баҳор келди. Кўчага чиқиб дарахт кўчати эк!
@mufasa_mh
Бугунги кун бир-биридан қизиқ хабарлар билан бошланди. Бухорода наша сотаётган иккита «барига» қўлга тушибди. «Барига»лар ҳам бегона эмас биттаси «ОУР» — ИИБ Жиноят қидирув бўлими бошлиғи, иккинчиси антиноркамания отделини опери. Гиёҳванд моддалар савдосига қарши курашувчиларни ўзи гиёҳванд моддалар сотувчиси бўлиб чиқиши унчалик ҳам ҳайратланарли нарса эмас, аслида. Негаки, яқин тарихда ҳуқуқни муҳофаза қилувчи органлардаги коррупцияга қарши курашувчиларнинг энг катталарини ўзлари коррупционер бўлиб чиқишган ва қамалишган. Контрабанда қарши курашувчини уйига меҳмонга бориб кўринг, дастурхонда фақат нон контарбанда эмас, холос. Лекин у нонни уни ҳам Қозоғистондан контрабанда орқали кириб келган ундан ёпилган.
Кейинги хабар эса бундан ҳам қизиқ. Олмалиқда «Қабристонларни сақлаш» бўлими бошлиғи тадбиркордан дафн маросимларини ўтказиш хизматини кўрсатишга рухсат бериши эвазига 2 000 АҚШ доллари талаб қилиб, шундан 800 АҚШ долларини олган вақтида ушланган. Бундан аввал 200 АҚШ долларини олган. Тарихда любой нарсадан соққа қилган авлод сифатида қолсак ажаб эмас. Фарқи йўқ, у қабристонми, зиёратгоҳми ёки масжидми — қўлга илинган ва кўзга кўринган нарса ўғирланади. Одамлар ўзларича ният қилиб фалончи отани зиёратгоҳига бориб жонлиқ сўяди, бу жонлиқни эса маданий мерос агентлигидан вакил қилиб тайинланганлар қозон кабоб қилиб ейди. Эҳсон қутисига ташланган пулдан эса «яримта» олиб, соҳиби эҳсон ҳақига дуо қилиб қўйишади.
Юқоридаги каби жиноятлар билан курашиш давлатни функцияси бўлса-да, кўряпмизки, бу шарафли вазифалар топширилганларни ўзлари хиёнат қилишмоқда. Шунинг учун ҳар бир соҳада кучли жамоатчилик назорати ўрнатилиши лозим.
@mufasa_mh
Кун сурати. Одамлар орасидаги одамни танидингизми?
«Tashkent City Mall» савдо маркази
@mufasa_mh
Янги йил байрами арафасида Сенат томонидан «еб-ичар»га 1 млрд сўмдан зиёд маблағ сарфланган (ош бўлсин 🤲). Зиёфатни ташкиллаштириш учун ўша «машҳур сомсапаз» – «Скай Эвентс»га буюртма берилган.
Шартнома тўғридан-тўғри. Бош вазир ўша пайтда бюджет пулларидан корпоратив ўтказишни тақиқлаган эди. Қадимги римликлар ўйлаб топган қоида бўйича Сенат алоҳида мустақил ҳокимият. Ҳукуматга бўйсунмайди, қозони алоҳида. Демократия дейдилар буни дея ўзимни ўзим овутмоқчи эдим, қарасам фармойиш ВМники экан.
Балки, корпоратив эмас, бирорта хорижлик олий даражадаги меҳмонни кутиб олишгандир. Лекин буни билиш имконсиз. Негаки, шартномага ҳавола кўрсатилган бўлса-да, аммо у ерда ҳеч нарса йўқ. Сенатдагилар бу сафар нечи пуллик сомса ейишганини, рекорд янгиландими-йўқми, буни асло билолмаймиз.
Очиқлик бўлса бўлсин-да деб, бир нечта «давлат харидлари махсус портал»лари очиб ташлангани сабабли бошқа сайтларни ҳам қараб кўрдим. xarid.uzex.uz’да юқоридаги давлат харидига оид ҳеч бало йўқ. Адашиб тендер ўтказишганмикан дея ҳаяжонланиб у ерга ҳам кўз ташладим, ҳеч вақо йўқ. Жим-жит.
Биттагина давлат харидини ортидан шунча саволлар пайдо бўляпти. Иқтисодиёт ва молия вазирлиги давлат харидлари порталларини тартибга келтириши керак. Ëки энди ҳеч қандай маъулмотлар бўлмайди, бори шу деб очиқ айтишса, ғинг демасдан нарироқда ўйнаб турардик.
@mufasa_mh
Эковазирлик томонидан атмосфера ҳавосига етказилган зарар учун «Ангрен ИЭС»га ярим миллиарддан кўпроқ компенсация тўлови белгиланибди.
«Ангрен иссиқлик электр станцияси» атмосферага паррилатиб заҳарли моддалар чиқараётгани етмагандек, Д.М. исмли ходими эковазирлик ходимларига қаршилик кўрсатибди. Унга нисбатан МЖтКнинг 197-моддаси билан баённома расмийлаштирилган.
@mufasa_mh
29 ёшли йигит зам министр бўлди
Искандар Қутбиддинов Экология, атроф-муҳитни муҳофаза қилиш ва иқлим ўзгариши вазири ўринбосари лавозимига тайинланди.
Искандар Қутбиддинов 1995 йилда Андижон вилояти, Андижон шаҳрида туғилган.
Маълумоти - олий, 2017 йилда Тошкент давлат юридик университетининг бакалавриат ва 2023 йилда Тошкент давлат иқтисодиёт университетининг бакалавриат (сиртқи) босқичини тамомлаган.
Меҳнат фаолиятини 2017 йилда Адлия вазирлиги катта маслаҳатчиси лавозимида бошлаган.
2018–2021 йилларда Вазирлар Маҳкамасида, 2021 йилдан Ўзбекистон Республикаси Президенти Администрациясида ишлаб келган.
@mufasa_mh
Энди суд раислари халқ депутатлари маҳаллий кенгашларига ҳисобот бермас экан. Бу бўйича қонун маъқулланибди. Ҳоким буваларга қийин бўлибди. Энди бирорта ҳокимни жияни “01”билан тушиб қолса, қози бувага “правасини бервор” деб қанақиб телефон қилади? Тинчгина соққасини бериб ҳал қилишдан бошқа чораси қолмайди.
@mufasa_mh
“Автомобилсиз кун” лойиҳасида Ҳукумат ва Парламент аъзолари жамоат транспортидан фойдаланмоқдалар.
Суратларда эковазир А.Абдуҳакимов ва ОМҚП спикери ўринбосари, депутат Одилжон Тожиев.
@mufasa_mh
«Яшил макон» умуммиллий лойиҳаси доирасида Бекободда «Ўзметкомбинат 80 йиллиги боғи» ташкил этилибди.
@mufasa_mh
🌳 Бугун экилган ҳар бир дарахт Ер юзидаги яшил ҳаётни сақлаб қолиш ва фарзандларимизнинг соғлом келажагини таъминлашга хизмат қилади. Шундай экан, табиатни нафс йўлида қурбон қилмасдан, уни асраб-авайлашимиз, дарахт экишни ўзимизнинг эзгу ва савобли бурчимиз деб билишимиз лозим.
Экология вазирлиги ва Экопрокуратура
Расман: «Бой-ота» олти йилга кесилди
2024 йил 19 март куни жиноят ишлари бўйича Миробод туман судида С.Абдувалиев (1950 йилда Тошкент шаҳрида туғилган, маълумоти олий, жамоатчилик асосида Миллий олимпия қўмитаси раиси ўринбосари ва Ўзбекистон спорт курашлари ассоциацияси раиси лавозимларида ишлаган, нафақахўр, муқаддам судланмаган) га оид жиноят ишини кўриб чиқиш бўйича суд жараёни якунланиб, суд ҳукми эълон қилинди.
Эълон қилинган суд ҳукмига мувофиқ С. Абдувалиев Жиноят кодексининг 246-моддаси (контрабанда) 1-қисми билан жиноий жавобгарликка тортиш муддати ўтиб кетганлиги сабабли жиноий жавобгарликдан озод этилиб, жиноят ишининг шу қисми Жиноят-процессуал кодексининг 84-моддаси (айблилик тўғрисидаги масалани ҳал қилмай туриб жиноят ишини тугатиш учун асослар) 1-қисми 1-бандига асосан тугатилди.
С. Абдувалиев Жиноят кодексининг 248-моддаси (ўқотар қуролнинг, ўқ-дориларнинг, ўқотар қурол асосий қисмларининг, портловчи моддаларнинг, портлатиш воситаларининг ёки портлатиш қурилмаларининг қонунга хилоф муомаласи) 2-қисмида назарда тутилган жиноятни содир қилганликда айбдор, деб топилиб, унга 6 йил муддатга озодликдан маҳрум қилиш жазоси тайинланди.
Тайинланган жазони умумий тартибли колонияда ўтаттирилиш белгиланди.
@mufasa_mh
Ўзбекистонда 25 март — «Ер соати» куни муносабати билан махсус акция ўтказиларкан. Бу куни барча давлат ташкилотларида электр энергияси бир соатга ўчирилади.
Эковазирлик барчани ушбу акцияда фаол қатнашишга чақиряпти экан.
Ия, биз шундоғам «Ҳудудий электр тармоқлари» АЖ томонидан ҳар йили қишда ўтказиб келинаётган «ер фасли» акциясида фаол иштирок этиб келяпмиз-ку, она сайёрамизни сақлаб қоламиз деб.
Ўша куни ҳам энергетикларимиз бутун дунёга намуна кўрсатиб бира тўла кун бўйи светни ўчириб қўйиб «ер куни»ни нишонлашса керак-а 😄 ёмғир ва шамол кўп бўляпти деб «ер ҳафтаси» акциясини ўтказиб юборишмаса ҳали.
@mufasa_mh
Ўзбекистонни ҳавоси деярли топ-тоза экан. Бўлди, тарқаламиз 😁
Ўзбекистон БМТнинг ҳаво сифати бўйича халқаро рейтингида 134 мамлакат ичида 23-ўринни (ёмондан яхшига қараб) эгаллабди.
Жаҳондаги 134 мамлакатдан фақатгина еттитаси халқаро ҳаво сифати стандартларига жавоб бераркан: Австралия, Эстония, Финляндия, Гренада, Исландия, Маврикий ва Янги Зеландия.
PM2,5 зарарли зарралари билан боғлиқ энг оғир вазият Бангладеш, Покистон, Ҳиндистон, Тожикистон ва Буркина-Фасода кузатилмоқда экан.
@mufasa_mh
Ногиронлиги бўлган болалар учун мўлжалланган 1-сонли «Мурувват» интернат уйидаги самимий мулоқот.
Меҳрибонлик ва мурувват уйларидан кўпроқ хабар олиб туриш керак. Айниқса, Рамазон ойдида савоби янада кўпроқ бўлади. Бундай жойларда ўзларига боғлиқ бўлмаган сабаблар билан келиб қолган болажонлар тарбияланади. Уларнинг ягона таячни давлат ва меҳрли халқимиз.
Давлат раҳбарини ташрифи эса уларнинг мурғак қалбларини янада қувончга тўлдиради, алабатта. Бундан ташқари, бундай тарғиботлар бошқалар учун мотивация бўлади. Масалан, боя Ижтимоий ҳимоя миллий агентлиги вакилларини Карманадаги оилавий меҳрибонлик уйига ташрифи акс этган видеони жойлаштирганимдан сўнг, бир нечта таниш тадбиркорлар қўнғироқ қилиб, «ака, мана шундай меҳрибонлик уйларини билсангиз айтинг, биз ҳам бориб уларни кўнглидан хабар олайлик» деган мазмунда сўрашди. Кўнглим кўтарилди, рости. Хурсанд бўлдим, меҳр-оқибатли халқимиз бор.
@mufasa_mh
«X factor» ортидан Ўзбекистонга «The Voice» лойиҳаси кириб келди. Хусусий телеканаллар орасида яхшигина рақобат кетяпти ва бу сифат даражасини оширишга хизмат қилади.
ЗўрТВ телеканали «The Voice» телешоусининг франшизасини олибди. Ўзбекистонда энди бу лойиҳа «Овоз» деб номланади. Бу телешоуни мамлакатимизга олиб кириш учун ЗўрТВчилар икки йил тер тўкиб, Нидерландия компанияси билан олиб борган музокаралари натижасида Ўзбекистон ушбу телелойиҳани намойиш этиш ҳуқуқини қўлга киритган дунёдаги 76-мамлакатга айланди.
Лойиҳада бир мавсум 4 ой давом этади. Ҳар бир мавсум ғолиби KIA автомобили билан тақдирланади.
Маданият вазирига ҳам яхши иш топилибди. Озодбек Назарбеков ҳам шу телешоуда Фарруҳ Зокиров, Севара Назархон ва Тоҳир Содиқов каби «устоз» бўлиб ўтиради. Бир тарафдан яхши-да, кабинетда ўтириб миллиард-миллиард сўм пулларни 10 минутлик клип олиш учун сарфлаб юборгандан кўра.
@mufasa_mh
Ўзбекистонлик болани Россиядан қайтариш чоралари кўрилмоқда
Тошкент шаҳрида яшовчи аёл икки ёшли невараси ҳозирда Россиянинг Люберетский туманидаги васийлик органида 1 ойдан бери сақланаётгани, бунга сабаб, боланинг онаси болани энагага қолдиргани ва уни олиб кетмагани учун энага полиция чақирган бўлиб, полиция эса болани васийлик органига топширганини билдирган. Фуқаро васийлик органи неварасини ташландиқ бола сифатида расмийлаштириб, унга янгидан исм-фамилия берилганидан хабар топиб, неварасининг Ўзбекистонга қайтарилишида амалий ёрдам сўраган.
Маълум қилинишича, Ижтимоий ҳимоя миллий агентлиги томонидан Ташқи ишлар вазирлиги билан ҳамкорликда мазкур ҳолат юзасидан комплекс ўрганиш ишлари бошланган.
Бола ҳеч бир ҳужжатларсиз вақтинчалик парвариш қилиш марказига олиб кетилган бўлиб, шу туфайли Россия томони боланинг онаси билан муносабатларини тасдиқлаш учун ДНК тестини тайинлаш орқали судда боланинг шахсини аниқлаш кераклиги маълум қилинган. Ҳозирда боланинг бувиси ташаббуси билан фуқаро қизи билан оилавий муносабатларни расмий тасдиқлаш учун Россияда тегишли тартибда судга ариза берган.
Тошкент шаҳар Мирзо Улуғбек тумани “Инсон” ижтимоий хизматлар маркази томонидан фуқаронинг вояга етмаган набирасини унинг васийлигига ўтказиш учун зарур ҳужжатлар Россиянинг васийлик ва ҳомийлик органларига юборилди.
@mufasa_mh
Шаҳноза Мирзиёева: «Қонун устувор – жазо муқаррар»
15 март куни Самарқандда юз берган воқеага ишониш қийин бўлса-да, ҳар қандай муаммонинг ечими уни қабул қилишдан бошланишини тушунишимиз керак. Мажбурий равишда кишанбанд қилинган ўсмирга малакали психологлар томонидан зарур ёрдам кўрсатилмоқда, айни пайтда унинг саломатлигига ҳеч нарса таҳдид солаётгани йўқ.
Қонунбузарга нисбатан Жиноят кодексининг 138-моддаси (Зўрлик ишлатиб ғайриқонуний равишда озодликдан маҳрум қилиш) билан жиноят иши қўзғатилган ҳамда ҳозирда тергов ҳаракатлари олиб борилмоқда.
Жамоатчиликни ларзага келтирган бу ҳодиса кўрилаётган чора-тадбирлар болаларга нисбатан зўравонлик ҳолатларига барҳам бериш учун ҳали етарли эмаслигини кўрсатиб қўйди. Қолаверса, бу қонунбузарлик барчамиз учун муборак Рамазон ойида содир этилгани кишини баттар қайғуга солади.
Юртимизда бирорта ҳам вояга етмаган шахс бундай ҳолатга тушиб қолмаслиги учун жамиятимизда болаларга нисбатан зўравонликнинг ҳар қандай кўринишига нисбатан муросасиз муносабат шаклланиши йўлидаги саъй-ҳаракатларимизни давом эттирамиз.
Кези келганда айтишим керакки, мазкур жиноят фош бўлишига ҳисса қўшган, ўз вақтида ички ишлар органларига хабар берган ҳушёр ва ғамхўр жамоатчилик вакилларидан чин дилдан миннатдорман. Уларнинг ёрдами билан ўсмир учун янада аянчлироқ зўравонликларга дучор бўлишининг олди олинди.
Самарқандда рўй берган воқеа Ижтимоий ҳимоя миллий агентлиги томонидан назоратга олинган. Бироқ биз қуруқ баёнот билан чекланиб қолмай, жабрланувчининг соғломлаштирилиши, таълим олиши ва нормал шароитда яшаши учун барча зарур шароитлар яратилиши учун ғамхўрлик кўрсатади. Ким бўлишидан қатъи назар қонунбузарга нисбатан жазо муқаррарлиги таъминланишига ишонтириб қоламан.
@mufasa_mh
Абдулла акам, Зойир тоғам ва Азиз акам Бўстонлиқда ҳашарда.
Ҳашарда Кабминни бутун состави қатнашиб, 3 гектардан зиёдроқ майдонга қарийб икки мингга яқин эман, қайрағоч, терак, ўрик, бодом сингари мевали ва манзарали дарахт кўчатлари экишибди. Мана булар ҳам фойдали иш қиларкан-у, онда-сонда бўлса ҳам…)
@mufasa_mh
Депутатлар фаолияти кенгроқ ёритилиши керак. Шу репортажни кўргунча аксарият депутатлар ялпи мажлис бўлмаган вақтларда у бу жойда йиғилиб контр страйк ўнайб ўтиришади деб ўйлардим (албатта ҳазил). «Синопсис» жамоаси Навоий вилоятининг Хатирчи туманидан сайланган депутат Ўктам Исломовнинг бир куни қандай ўтишини кўрсатиб беришга ҳаракат қилибди.
Видеони охиригача кўришни тавсия қиламан.
@mufasa_mh
АИ-80 нархи ошади
2024 йил 1 апрелдан АИ-80 маркали бензин учун қўлланиладиган акциз солиғи миқдори кўтарилади.
Шу санадан бошлаб нефть маҳсулотлари ва бошқа акциз тўланадиган товарлар ва хизматларга нисбатан солиқ ставкалари қуйидагича ўзгаради:
1. Нефть маҳсулотларини ишлаб чиқаришдаги акциз солиғи:
– АИ-80 бензини маҳсулотининг 1 тоннаси учун 303 000 сўмдан 340 000 сўмга (37 000 сўмга);
– авиакеросин (синтетикдан ташқари) маҳсулотининг 1 тоннаси учун 242 000 сўмдан 271 000 сўмга (29 000 сўмга);
– дизель ёқилғиси (синтетикдан ташқари) маҳсулотининг 1 тоннаси учун 291 000 сўмдан 326 000 сўмга (35 000 сўмга);
– ЭКО дизель ёқилғиси (синтетикдан ташқари) маҳсулотининг 1 тоннаси учун 262 000 сўмдан 293 000 сўмга (31 000 сўмга);
2. Нефть маҳсулотларини ва суюлтирилган газни якуний истеъмолчига реализация қилишда акциз солиғи:
– АИ-80 бензин учун маҳсулотининг 1 тоннаси учун 565 000 сўмдан 633 000 сўмга (68 000 сўмга);
– дизель ёқилғиси (синтетикдан ташқари) маҳсулотининг 1 тоннаси учун 516 000 сўмдан 578 000 сўмга (68 000 сўмга);
– суюлтирилган газ маҳсулотининг 1 тоннаси учун 807 500 сўмдан 904 000 сўмга (96 500 сўмга) ошиши белгиланган.
«Ўзбекнефтгаз» АЖ нефть маҳсулотлари ва суюлтирилган газини биржа савдолари орқали сотишдаги бошланғич нархлари 2024 йил 1 апрелдан бошлаб акциз солиғи ўзгариши инобатга олинган ҳолда шакллантирилган бошланғич нархларда амалга оширилади.
@mufasa_mh
