Mufasa

22 Apr 2025 19:31

Қонунда тенглик йўқолса, адолат қаерда қолади?

Қонунчилик палатасида Агросаноатни ривожлантириш агентлиги томонидан судга даъво киритилганда давлат божидан озод этиш масаласи муҳокама қилинмоқда. Бу деярли барча хўжалик юритувчи субъектлар — тадбиркорлар, фермерлар, хусусий сектор вакиллари учун тенгсизлик яратади, албатта

Халқ демократик партияси етакчиси ўринли эътироз билдиряпти. Давлат божини ким тўлашини судда қайси томон ютишига қараб ҳал этилади. Суд ҳал қилув қарорини чиқамасидан аввал давлат божини иккинчи томонга юклаб қўйилиши адолатсизлик, айниқса, давлат манфаатини ифода этувчи органга бевосита имтиёз бериш — қонун олдидаги тенглик принципига зиддир.

Бунақа норма қабул қилинса, суд муҳокамаларида давлат органи автоматик равишда афзал позицияга эга бўлади. Шунингдек, асоссиз даъволарни кўпайишига олиб келади. Бу эса тадбиркор учун нафақат молиявий юк, балки ишончни йўқотадиган сигналга айланиши мумкин.

Қонунда имтиёз эмас, нейтраллик ва тенглик биринчи ўринда бўлиши шарт.

Mufasa

22 Apr 2025 05:47

Туман ММТБ, ФВБ, Экология бўлими бошлиқлари ва божхона инспектори пора билан қўлга тушди

Пойтахт туманлардан бирининг мактабгача ва мактаб таълими бўлими бошлиғи умумий ўрта таълим мактабида тарих фанидан сабоқ берувчи ўқитувчини мазкур тумандаги мактаблардан бирига директор лавозимига тайинлаш эвазига ўз хизмат хонасида 3 минг АҚШ доллари олган вақтида;

«Янгийўл» ТИФ божхона пости инспектори қўшни давлатдан темир йўл орқали олиб кирилаётган буғдой маҳсулотлари ортилган вагонларни божхона кўриги ва расмийлаштирувидан муоммосиз ўтказиб бериш эвазига учинчи шахс орқали 2700 АҚШ доллари олган вақтида;

Самарқанд вилояти Жомбой тумани Фавқулодда вазиятлар бўлими бошлиғи ўз фуқарога яшаш хонадонида хусусий мактабгача таълим муассасаси очиши учун унинг турар-жойини ёнғин хавфсизлиги талабларига мувофиқлиги тўғрисида хулоса бериш ва келгусида раҳнамолик қилиш эвазига таъмагирлик йўли билан 200 АҚШ доллари олган вақтида;

Самарқанд вилояти Пахтачи тумани Экология, атроф муҳитни муҳофаза қилиш ва иқлим ўзгариши бўлими бошлиғи маҳаллий масъулияти чекланган жамиятга туманда каръер фаолиятини амалга ошириши учун экологик хулоса бериш, Қарнаб қишлоғидаги “Наквойсой” ҳудудидан тош-шағал қазиб олишига рухсат бериш ҳамда келгусида МЧЖ фаолиятига раҳнамолик қилиш учун 2 минг АҚШ доллари олган вақтида ушланган.

Mufasa

21 Apr 2025 13:42

2025 йилнинг май-июль ойларида мамлакатимизда фуқаролар йиғини раиси сайловлари ўтказилади.

Ўзбекистон маҳаллари уюшмаси сайловда сиз ҳам фаол иштирок этишга чақиряпти.

Mufasa

20 Apr 2025 11:01

Миграция агентлиги фирибгарлик ҳолатларидан огоҳлантирмоқда

Агентлик хабарида сўнгги пайтларда «хорижда ишга жойлаштириб қўямиз» деган баҳона билан ваколатсиз ташкилотлар томонидан амалга оширилаётган фирибгарлик ҳолатлари кўпайиб бораётгани маълум қилган.

Шу муносабат билан юртдошларимиздан ваколати бўлмаган «консалтинг» ва «агентлик»ларга ишонмаслик, ҳеч қандай расмий кафолатсиз шартномаларга имзо қўймаслик сўралмоқда.

Бугунги кун ҳолатига кўра, мамлакатимизда фаолият юритаётган (лицензияга эга) хорижда бандликка жойлаштириш агентликлари рўйхати эълон қилинган.

Mufasa

18 Apr 2025 14:29

Энди дунёда «ҳамма учун очиқ» бозор бўлмайди
 
Бугун бўлиб ўтган йиғилишда Президент мутасаддиларни жиддий ҳушёрликка чақирди.
 
Давлатимиз раҳбари томонидан юқори бож ва савдо тўсиқлари туфайли халқаро савдо ҳажми 3,5 трлн долларгача камайиши, инфляция даражаси 8 фоизгача кўтарилиши мумкинлигига эътибор қаратилди.
 
Президент бекорга жаҳон иқтисодидаги таҳликали вазиятни очиқ ва кескин баён қилмади. Бу — ҳар бир ишлаб чиқарувчи, тадбиркор, экспортчи учун огоҳлантирувчи «қўнғироқ». Минглаб фабрикалар тўхташи, ишсизлик кўпайиши, озиқ-овқат, техникалар нархи ошиши мумкин.
 
Бу тебранишлар Ўзбекистонга ҳам қийинчилик туғдириди, албатта. Сабаби, энди «ҳамма учун очиқ бозор» бўлмайди. Ўзига нисбатан энг катта импорт божлари қўйилган давлатлар агрессив савдо сиёсатини юритиши турган гап.
 
Бундай шароитда биз дунёга шунчаки «экспортчи» эмас, сиёсий, технологик ва иқтисодий жавоблари бор давлат сифатида чиқишимиз керак. Импорт ҳимояси, тармоқли дипломатия, рақамли савдо разведкаси, ички занжирлар барқарорлиги... хуллас «ҳақиқий тайёргарлик»керак.
 
Чунки жаҳон бозорида бугун ўзгараётган конъюнктурада фақатгина кучли иқтисодий стратегияга эга давлатлар ютади!

Mufasa

18 Apr 2025 13:10

Давлат раҳбари: Курьерлик хизмати корхоналари мопед олиб келиб, одамларни ишли қилаётгани, лекин мопеднинг ўзи 300 доллар турса, уни стандартдан ўтказиб, сертификат олишга яна шунча маблағ кетмоқда.

Хусусий клиникалар «Ўзбекистонга илк бор олиб келинаётган айрим тиббий ускуналарни Фармқўмитада рўйхатдан ўтказиш харажати уларнинг нархидан 10 карра қиммат», демоқда.

Шунингдек, қўмитада оддий термометрни ҳам, МРТ ускунасини ҳам рўйхатдан ўтказишга 4-5 ой вақт кетмоқда.

Давлатимиз раҳбари бундай тўлов ва тартиботлар мутасаддилар томонидан нақадар чуқур ўйланганини савол остига қўйди:

«Бу ёндашув тўғрими? Албатта йўқ. Мураккаблиги ва хавфлилик даражасига қараб, тиббий ускуна, тиббий буюм ва дори-дармон учун алоҳида-алоҳида муддат белгилаш керак»

Mufasa

17 Apr 2025 12:37

🇭🇷 Хорватияда жароҳат олган юртдошимиз Ватанга қайтарилди

Хорватияда машина уриб кетиб, оғир жароҳат олган юртдошимиз Ватанга олиб келинди. Ҳозирда у Тошкентдаги Республика шошилинч тиббий ёрдам марказида даволанмоқда.

Миграция агентлиги унга шифо тилаб, хорижда юрибдиган барча юртдошларимизга мурожаат қилди:

Сиз бегона юртдасиз — ҳар бир қадам, ҳар бир ҳаракат масъулиятли бўлиши шарт!

Агар муаммога дуч келсангиз, агентлик томонидан қуйидаги ёрдамлар кўрсатилиши мумкин:

💰моддий ёрдам
⚖️ ҳуқуқий ҳимоя
🧠 психологик ва ижтимоий кўмак

Алоқа учун:

📞(71) 202-33-55
📞1282 — қисқа рақам (24/7 ишлайди, хориждан ҳам бепул)

🔗 Хориждан қўнғироқ қилиш учун махсус рақамлар: /channel/uzmigration/416

Mufasa

16 Apr 2025 09:27

Ш.Мирзиёев: Андижон ҳамма соҳада ислоҳотлар ижросига астойдил киришиб, одамларнинг кундалик ҳаётига ижобий ўзгаришларни тез олиб кираётган ҳудудлардан бири.

Ўтган йили вилоятда 4 мингдан зиёд янги тадбиркор иш бошлади, 51 та корхона кичикдан ўрта тоифага ўтди, 13 таси йириклашди. Бир йилда 450 минг аҳоли ишли бўлди.

Вилоятда 1,5 миллион квадрат метр турар жой ва 850 минг квадрат метр нотурар объектлар қад кўтарди. Бунинг ҳисобига ўтган йили савдо ва хизматлар 13 фоизга, саноат 7,5 фоизга ошди.

Вилоятга қўшимча 1 триллион сўм йўналтирилади.

Mufasa

15 Apr 2025 18:12

Бугун Хива шаҳрида Ўзбекистон ва Тожикистон Ҳукумати раҳбарлари ҳамраислигида икки мамлакат ўртасидаги савдо-иқтисодий ҳамкорлик бўйича Ҳукуматлараро комиссиянинг навбатдаги йиғилиши бўлиб ўтибди.

А.Арипов тожикистонлик ҳамкасби билан «очиқ осмон остидаги музей»ни айланибди.

Mufasa

15 Apr 2025 13:08

Яшил энергия, тоза муҳит: Андижонда бошланган янги йўналиш

Президент Шавкат Мирзиёевнинг Андижонга ташрифи — шунчаки очилишлар ёки ленталарни кесиш эмас, балки барқарор ривожланиш, тоза муҳит ва экологик ёндашувга жиддий эътиборнинг бошланиши бўлди.

Ташриф давомида тақдим этилган лойиҳалар вилоят саноатида «яшил» ёндашув устувор йўналишга айланаётганини кўрсатяпти.

Масалан, 2025 йилгача 65 мегаватт қувватга эга қайта тикланадиган энергия манбалари ишга туширилиши режалаштирилмоқда.

Президент иштирокида очилган «WBM Fabrics» тўқимачилик кластерида эса сувни тозалаш бўйича замонавий иншоотлар жорий қилинган.

Бу дегани — янги корхоналар фақат иш ўринлари эмас, балки табиат билан ҳисоблашувни ҳам ўз ичига олмоқда. Ислоҳотлар фақат рақам учун эмас, инсон ва муҳит учун эканини ана шундай лойиҳалар тасдиқлаяпти.

Mufasa

14 Apr 2025 15:31

Янги қўмита миллатлараро муносабатларни яхшилаш учун қандай вазифаларни бажариши керак?
 
Президентнинг тегишли фармони билан Миллатлараро муносабатлар ва хориждаги ватандошлар масалалари бўйича қўмита ташкил этилган эди.

Қўмита нима иш қилади?

Унга қуйидаги асосий вазифалар юклатилган:

✓ жамиятда ўзаро ҳамжиҳатлик, бағрикенглик ва бирдамликни мустаҳкамлаш, миллатлараро муносабатларни уйғунлаштириш;

✓ Ўзбекистонда яшовчи барча миллат ва элатларнинг ҳуқуқлари ва қонуний манфаатларини таъминлаш, уларни умуммиллий тараққиётга дахлдорлигини кучайтириш;

✓ халқ дипломатияси механизмлари орқали хорижий мамлакатлар билан ижтимоий-маданий ва дўстлик алоқаларини ривожлантириш;

✓ хориждаги ватандошларнинг ижтимоий-иқтисодий салоҳиятини Ватанимиз ривожига сафарбар этишларини қўллаб-қувватлаш;

✓ Ўзбекистон халқи ҳамда хориждаги ватандошларнинг жамиятнинг муштарак мақсадлари йўлида бирдамлиги, умуммиллий ҳамжиҳатлик масалаларини тизимли таҳлил қилиш.

Бу ҳақда бугун АОКАда бўлиб ўтган матбуот анжуманида маълум қилинди.

Mufasa

13 Apr 2025 16:04

Япон тилини ўрганиш ва «Tokutei Ginou» визасини олиш учун янги имконият!

Миграция агентлиги ва Япониянинг «Office Wise» таълим ташкилоти ўртасида имзоланган ҳамкорлик меморандуми асосида, эндиликда юртдошларимиз Японияда талаб юқори бўлган соҳалар бўйича япон тилини ўрганиш имкониятига эга бўлади!

Дастурнинг афзалликлари:

▪️Япон тилини 6 ойда N4 даражагача ўрганиш
▪️10 йиллик амал қилиш муддатига эга сертификат
▪️«Tokutei Ginou» (махсус малакали ишчи) визасига тайёргарлик
▪️Японияда талаб юқори соҳаларга йўналтирилган таълим

Ўқув марказлари:

▪️ Ҳозирча: Тошкент шаҳри
▪️Яқин кунларда: Андижон, Наманган, Самарқанд

Манзил:

📍 Тошкент шаҳри, Яккасарой тумани, Абдулла Қаҳҳор кўчаси, 9-уй (локация)

➡️ Рўйхатдан ўтиш учун ҳаволага босинг

📞 +998 (93) 184-81-11

Mufasa

11 Apr 2025 14:48

Саида Мирзиёева: «Фарзандларимизнинг томоша қилаётган контенти асосан чет эл маҳсулотларидан иборат»

Саида Мирзиёеванинг таъкидлашича, бугунги кунда болалар томоша қилаётган контентнинг асосий қисмини хорижий маҳсулотлар ташкил этади. Унинг фикрича, миллий ва сифатли контент, айниқса ўзбек тилидаги қўшиқлар, қадриятларимизга мос мультфильмлар ҳамда таълимий дастурлар етарли эмас.

Шу сабабли, Саида Мирзиёева мазкур йўналишда фаолият олиб бораётган «Доноча» каби лойиҳаларни қўллаб-қувватлашини билдирди. У бундай donocha?si=jTdk15XC__O23lqB">лойиҳаларни янада кенг ривожлантириш зарурлигини айтмоқда.

Унга кўра, болалар адабиёти, миллий эртаклар ва халқ қаҳрамонлари образларини қайта жонлантириш ҳам болалар онги ва тарбиясида муҳим ўрин тутади.

«Ишонаманки, биргаликда болаларимиз учун миллий руҳда, замонавий ёндашув асосида ва энг муҳими — ўзимизники бўлган мазмунли контент ярата оламиз», — дея қайд этган Саида Мирзиёева.

Mufasa

09 Apr 2025 13:20

Францияга ташрифда 14 та янги замонавий “Airbus” самолётини харид қилиш, яна 5 тасини ижарага олишга келишилган, “Boeing” компанияси билан 12 та самолёт олиб келиш бўйича музокара бошланган.

Mufasa

08 Apr 2025 14:23

Ўзбекистонлик ҳамширалар АҚШ ишлаш имкониятига эга бўлади

Миграция агентлиги ва Тошкент шаҳридаги «Webster» университетининг таълим дастурларини амалга ошириш маркази билан учрашув бўлиб ўтибди.

Унда «Ҳамширалик иши» (BSN), «Рўйхатдан ўтган ҳамшира» (RN), «Лицензияланган амалиётчи-ҳамшира» (LPN) ва «Сертификатланган ҳамшира ёрдамчиси» (CNA) каби қўшма таълим дастурларини Ўзбекистонда жорий этиш масалалари муҳокама қилинган.

Шунингдек, NCLEX-PN/RN халқаро тест синовларига тайёрлов курслари ташкил этилиши ва имтиҳондан муваффақиятли ўтган номзодларни АҚШ, Канада, Австралия, Янги Зеландия каби мамлакатларда ишга жойлаштириш кўзда тутилмоқда.

Ҳозирда Тошкент, Бухоро, Самарқанд ва Қорақалпоғистондаги тиббиёт муассасалари билан ҳамкорликда ушбу дастурларни амалга ошириш ишлари олиб борилмоқда.

Маълумот учун: АҚШда 2030 йилгача 1 млн. ҳамширага эҳтиёж бор. Йиллик маош: 80–120 минг доллар. Ҳар йили 44 минг ишчи виза ажратилади.

Учрашув якунида «Webster» университети ва Миграция агентлиги ўртасида ҳамкорлик меморандуми имзоланган.

Mufasa

22 Apr 2025 19:10

#Янги_қарор

Хорижий давлатларда вақтинча меҳнат фаолиятини амалга ошираётган фуқароларни моддий ва ижтимоий қўллаб-қувватлаш кучайтирилмоқда

2025 йил 22 апрелдаги 252-сон Ҳукумат қарорига асосан:

– Молиявий қийин аҳволга тушган фуқароларга бериладиган бир марталик ёрдам пули миқдори БҲМнинг 2 баробаридан 5 баробаригача оширилади.

– Вақтинчалик яшаш жойи (хостел) учун харажатлар 300 доллардан 500 долларгача қоплаб берилади.

– Суғурта мукофотини қоплаш 300 минг сўмгача бўлади.

– Оғир касаллик ёки бахтсиз ҳодисалар ҳолатида даволаниш харажатлари 1000 доллардан 1500 долларгача оширилади.

– Молиявий қийин аҳволга тушган хотин-қизлар ва уларнинг вояга етмаган фарзандлари Ватанга беғараз қайтарилади.

Mufasa

21 Apr 2025 19:58

Осиё кубогида ғолибликни қўлга киритган Ўзбекистон U-17 терма жамоасини тантанали кутиб олиш маросими бўлиб ўтди.

Президент Шавкат Мирзиёевнинг Ўзбекистон терма жамоасига йўллаган табрикларини Бош вазир ўқиб эшиттириб, футболчилар ва бош мураббийига Давлат мукофотлари ҳамда мамлакатимизда ишлаб чиқарилган автомобиллар топширилди.

Mufasa

20 Apr 2025 13:18

Президент матбуот котиби Шерзод Асадов "Чимилдиқ" фильми ҳақида

Фильмда барчамиз оилани муқаддас билишимиз, уни асраб-авайлашимиз кераклиги каби муҳим мавзулар комедия орқали замонавий, барчага тушунарли тилда, ёрқин образлар орқали ёритилган экан. Ёшларимиз ҳақида, оилавий томоша учун яхши фильм бўлибди. Зал томошабинларга тўлган, бир ярим соат вақт кўз очиб юмгудек ўтиб кетди.

Давлатимиз бу соҳага қаратаётган эътибор натижасида томошабинга қизиқарли бўлибгина қолмай, қадриятларимизни тараннум этадиган миллий контент кўпайиб бораётгани хурсанд қилади. Эътиборли жиҳати, ушбу фильм рус, қозоқ ва озар тилларига профессионал дубляж қилиниб, Қозоғистон ва Озарбайжоннинг йирик кинотеатр тармоқларида ҳам намойиш этила бошланган экан. Бу ҳам, ўйлайманки, кинематографимизнинг муҳим ютуғи.

Қолаверса, анъанавий оилавий қадриятларни асраш, жамиятимизнинг энг муҳим бўғини бўлмиш оилани мустаҳкамлаш - давлат сиёсатининг ажралмас йўналиши. "Чимилдиқ"дек фильмлар бу жараёнга ўз ҳиссасини қўшишига ишонаман.

Президентимиз айтганларидек, давлат хизматчилари вақт ажратиб, оила аъзолари, ҳамкасблари билан биргаликда театр ва кинога тез-тез бориб туришлари керак. Бу нафақат ҳордиқ чиқариш, балки бугунги ҳаётимиз, жамиятимиздаги ўзгаришлар ва инсоний қадриятларни яхшироқ англаш имконини беради.

Mufasa

18 Apr 2025 16:54

Олий Мажлис Қонунчилик палатасининг навбатдаги «Ҳукумат соати»да Соғлиқни сақлаш вазир ўринбосари Олим Омонов соҳада коррупцион омилларнинг олдини олиш бўйича ҳисобот берибди.

Унинг маълум қилишича, соҳада DMED номли ягона тиббиёт ахборот тизими яратилган. У орқали 24 миллион фуқаронинг электрон тиббий картаси юритиляпти экан.

Ушбу тизимда «Электрон рецепт» модули ҳам бор — дори-дормонни электрон тарзда ёзиб бериш, унинг ҳаракатини кузатиш, дозаси ва шаклини назорат қилиш имкони яратилган. Бундан шифокорлар ва дорихоналар ўртасидаги «ўзара келишув»ларга чек қўйилиши кўзланган.

DMED ҳозирча 2 475 та тиббий муассасада ишлаяпти. Мобил иловалар тайёр, шифокорлар ўқитиляпти, маълумотлар базага киритиляпти. Асосий мақсад — тизимни шаффоф, ишончли ва коррупциядан холи қилиш.

Mufasa

18 Apr 2025 13:31

Андижон вилояти ҳокими Шуҳратбек Абдураҳмонов:

«Тадбиркорлик фаолиятини йўлга қўяман деган фуқароларимиз бўлса, фаолият олиб боришига тўсқинлик қилаётган муаммоли масалалари бўлса, турли қийинчиликларга учраётган бўлса, 18 апрелдан бошлаб ҳар куни соат 18:00 дан бошлаб  эшитишга, қабул қилишга тайёрмиз. Керак бўлса ухламай қабул қиламиз!»

Манба

Mufasa

18 Apr 2025 11:51

Гарвард университети таҳлилига кўра, ўтган беш йилда Иқтисодий мураккаблик индексида Ўзбекистоннинг ўрни 25 поғона яхшиланиб, 105-ўриндан 80-ўринга кўтарилди.

Бугунги кунда 162 турдаги миллий маҳсулотларимиз “дунё бозорларида рақобат устунлигига эга” деб эътироф этилаяпти.

Натижада охирги йилларда экспорт 2,2 баробар ошди. Ташқи савдо айланмаси ялпи ички маҳсулотга нисбатан 57 фоизга етди.

“Бу – иқтисодиётимиз ташқи бозорларга қанчалик боғлиқ эканини кўрсатадиган жуда катта рақам” — Мирзиёев

Mufasa

16 Apr 2025 13:22

Шавкат Мирзиёев Булоқбошида йиғилиш ўтказгандан сўнг, йўлда кетар экан, бир таъзияли хонадонга кўзи тушиб қолибди.

Бу хонадонда оиланинг табаррук онахони — Мамлакатхон ая вафоти муносабати билан маросим бўлиб ўтаётган экан.

Давлат раҳбари таъзияда иштирок этиб, хонадон аҳлидан кўнгил сўраб, чуқур ҳамдардлигини билдирибди.

Mufasa

16 Apr 2025 08:28

🌱 Харобадан яшил боғгача: Биринчи жамоат яшил парки аҳолининг севимли масканларидан бирига айланади

Юқоридаги видеода бир пайтлар хароба ва қараовсиз ҳолда бўлган ҳудуднинг бугун яшил жамоатчилик боғига айлантирилаётгани акс этган. Тошкент шаҳри Юнусобод туманида жойлашган ушбу боғ ҳудуди 2020 йилга қадар ташландиқ ҳолатда бўлган.

Ҳозирда эса бу ерда 1200 дан ортиқ дарахт ва 23 минг тўп буталар экилиб, 7,5 гектар майдонда яшил боғ барпо этилмоқда.

🔗 https://gov.uz/oz/eco/news/view/46090

Mufasa

15 Apr 2025 15:32

Ялпи мажлисни бугун кўзимни узмасдан кузатдим. Ҳақиқий жараён ижтимоий тармоқларда тарқаладиган юзаки видеолардан анча фарқ қилади.

Кўз тегмасин, ҳаммаси анча жонли ўтди. Маъмурий жавобгарлик бўйича битта масала атрофида деярли икки соат савол-жавоб бўлди.

Энг яхши томони — барча бир хил фикрда эмас. Бир фракция бутунлай қарши чиқса, бошқаси қонунни маъқулламоқда. Ҳатто Халқ демократик партияси (ХДП) фракцияси қолган барчага қарши чиқдиган ҳолат ҳам бўлди.

Демак, қонун шунчаки қабул қилинмайди. Агар бундай жараёнда қарама-қаршилик, танқид ва муҳокама бўлмаса, ишдан самара чиқмайди.

Mufasa

15 Apr 2025 10:03

Нодавлат нотижорат ташкилотларининг жамоатчилик олдида фаолият шаффофлиги ва ҳисобдорлиги оширилмоқда.

Қонун лойиҳасига кўра, нодавлат нотижорат ташкилотлар хорижий манбалардан олган пул маблағлари ва мол-мулк ҳамда улардан фойдаланиш тўғрисидаги ахборотни жамоатчиликка эълон қилиши лозим.

PS. Биратўла «иноагент»лар тўғрисидаги қонунни қабул қивориш керак. Шу баҳона анча-мунча «миллат ойдинлари ва ойдиналари»ни таниб қолардик 😁

Mufasa

14 Apr 2025 12:35

Раҳимжон Ҳакимов: «Бу — қаҳрамонлик эмас, қонунсизлик. Ва бу каби ҳолатлар қатъий жазога лойиқ»

Қонунчилик палатаси Спикери ўринбосари Раҳимжон Ҳакимов Андижон вилоятида бир фуқаро томонидан 52 та радар қурилмаси милтиқ билан ўққа тутиб синдирилгани ҳақидаги ҳолатга муносабат билдирди.

Унга кўра, бу каби қонунбузарликни ҳеч қандай баҳона билан оқлаб бўлмайди ва уни «қаҳрамонлик» сифатида тарғиб этиш — ҳуқуқий нигилизмнинг намоёнидир.

Ҳакимовни таъкидлашича, бундай ўзбошимчалик жамият учун хавфли. Агар бундай қилмишга нисбатан қатъий ҳуқуқий чора кўрилмаса, эртага бу каби шахслар бошқаларнинг мулкига, ҳуқуқ ва эркинлигига ҳам таҳдид солиши мумкин.

У, шунингдек, Ўзбекистон ҳуқуқий давлат эканини, унда қонун устувор ва жазо муқаррар бўлиши шартлигини алоҳида таъкидлаган.

Mufasa

12 Apr 2025 12:15

Ижтимоий тармоқларда Қонунчилик палатаси Халқаро масалалар, мудофаа ва хавфсизлик масалалари қўмитаси раиси, депутат Улуғбек Шерматовнинг уч тилда эркин гаплашаётгани муҳокама қилиняпти.

Мен ҳам кўриб, очиғи, тан бердим. Бугунги кунда рус ва инглиз тилларини биладиганлар кам эмас, аммо япончада ҳам эркин сўзлашиш — бу тамоман бошқа даража. Докторлик диссертацияни ҳам чет элда ёқлаб келган экан.

Улуғбек Шерматов асли оҳангаронлик экан. Оҳангаронни яхши биламан — у ерда кўп ёшлар цементни «компот» қилиб, тез бойиб кетишни орзу қилишади. Аммо ҳозирда «кучинский» эмас, ақлли ва билимли бўлиш, тил ва ҳунар ўрганиш трендда. Тил ўрганинглар, дунё эшиклари очилади.

Mufasa

10 Apr 2025 12:00

Бекободнинг янги ҳокими

Бекобод туманига яқинда тайинланган янги ҳоким — Зайнилобиддин Низомиддинов ишни аҳоли билан мулоқотдан бошлабди. Ҳар ҳолда, ижтимоий тармоқларда тарқалган видео шундай изоҳланган. Нима бўлганда ҳам ишни халқ билан мулоқотдан бошлаши — ўринли қадам. Қаддини урсин!

Зайнилобиддин Шаҳобиддиновични қанчалик қудратли шахс сифатида тасвирлашмасин, қандай муҳим вазифаларда ишлаган бўлмасин, шахсан мен уни қандай сиёсатчи сифатида баҳолашни билмайман. Чунки у бу вақтгача халқ билан бевосита мулоқот қилмаган, оддий одамлар уни фақатгина катта амалдор сифатида биларди, холос. Балки у масъулиятли ва тажрибали ижрочи бўлгандир, аммо бағи бизга қоронғу.

Аввал унинг фаолиятига фақат раҳбарият баҳо берган бўлса, энди ҳар бир қадамини халқ ҳам баҳолайди. У нафақат раҳбариятнинг ишончини, балки бекободликларнинг ҳам меҳри ва ҳурматини қозониши лозим.

Бекобод — Тошкент вилоятининг энг чекка, чегара олдидаги туманларидан бири. Бу ерда саноат ва ишлаб чиқариш деярли йўқ, асосан қишлоқ хўжалиги ер майдонларидан иборат. Иқтисодиёти суст, «ўлик» ҳолда. Ҳокимлар бу ерда қўнимсиз — тез-тез алмашиб туради.

Низомиддинов учун эса бу туман синов майдони. У бор салоҳияти ва имкониятларини ишга солиб, одамлар билан очиқ мулоқотга кириб, муаммоларни эшитиб, уларни ҳал этиш орқали нафақат туман келажагига ҳисса қўшиши, балки ўз сиёсий юзини ҳам шакллантириши мумкин. Бу лавозим — унинг учун шунчаки мансаб эмас, балки сиёсат дарсхонасидаги имтиҳон.

Бу синовдан қандай ўтади? Қандай баҳоланади? Айта олмайман. Аммо бир нарса аниқ: агар у чин кўнгилдан, ҳалол ва сидқидилдан ишласа, халқнинг меҳрини қозониши мумкин. Келажакда яна саройга қайтса ҳам, Бекобод унинг ҳаётидаги энг муҳим ва энг севимли манзиллардан бирига айланади. Бекободликлар эса уни туман тарихидаги энг яхши ҳоким сифатида ёдда сақлашади. Албатта, буни вақт кўрсатади.

Mufasa

09 Apr 2025 10:08

Депутат Шахноза Холмахатованинг маълум қилишича, «Менинг фикрим» веб-порталига «Таълим тизимини тўлиқ 5 кунлик иш ва ўқиш режимига ўтказиш»га оид мурожаат ҳозиргача 153 829 марта кўрилган, 657 та изоҳ қолдирилган ва 6 кун ичида 12 660 та овоз тўплаган.

Ушбу овозларнинг 98,9 фоизи қўллаб-қувватловчи бўлгани боис, мазкур мурожаат Вазирлар Маҳкамасига расмий тарзда юборилган.

Шунингдек, депутат фуқароларни «Менинг фикрим» платформасида фаол иштирок этишга, ўз таклиф ва ташаббуслари орқали ислоҳотларга ҳисса қўшишга чақирмоқда.

Mufasa

08 Apr 2025 10:55

⚡️ЭНЕРГИЯ ТАРИФЛАРИДА ИМТИЁЗ — ЭҲТИЁЖМАНД ОИЛАЛАРГА ДАВЛАТ ЁРДАМИ!

Муҳим янгилик! Президентимиз томонидан ёқилғи-энергетика соҳасида аҳолининг эҳтиёжманд қатламларини қўллаб-қувватлашга оид муҳим қарор қабул қилинди.

📈 Энергия ресурслари нархининг ошиши муносабати билан
камбағал оилаларга 1 миллион сўм миқдорида бир марталик моддий ёрдам берилади.

💰Моддий ёрдам миқдори:
1 000 000 сўм

🗓 Ёрдам қачондан бошланади?
2025/2026 йилги иситиш мавсуми учун — 2025 йил ноябрдан.

👥 Кимлар ёрдам олиши мумкин?

✅ Реестрга киритилган оилалар
✅ Реестрга киритилмаган, бироқ ёрдамга муҳтож деб топилган оилалар

📌 Бундан ташқари, “Маҳалла еттилиги” томонидан қўшимча рўйхат тузилади. Унда қуйидаги тоифалар устувор ҳисобланади:

– Боқувчисини йўқотганлар
– I ёки II гуруҳ ногиронлари бор оилалар
– Ногирон фарзанд тарбиялаётганлар
– Узоқ муддатли даволанишга муҳтожлар
– Ёлғиз кексалар ва ногиронлиги бўлган шахслар
– Бир хонадонда 3 та ёки ундан ортиқ оила яшайдиганлар
– Газ ва иситиш тизими мавжуд бўлмаган кўп қаватли уйда яшовчилар

Бу ёрдам аҳоли молиявий юкини енгиллаштириш учун муҳим қадам ҳисобланади.

📢 Яқинларингизга ҳам етказинг