184
قناة الرادود منير القريشي لنشر وتلحين القصائد
راح النبي راح __بالهم والاجراح __يافاطمه اليوم
_____
النبي راح __وگبل ليروح عينه لفاطمه اتدير
النبي راح ___بس يعرف بهاي الروحه شيصير
النبي راح ___وعلي من بعده راح يعاشر البير
والله يافگد التحبهم غربه
وي محمد علي دافن گلبه
صعبه يافرگة محمد صعبه
راح النبي راح __بالهم والاجراح __يافاطمه اليوم
_____
اعله جسمه__طاحت فاطمه وتصيح ويلاه
اعله جسمه__العمر بعدك يبويه انخلصه بس اه
اعله جسمه___هوت واتگول كون انموت وياه
فدوه بويه لطولك ولعيونك
والله موسهله نعيش ابدونك
بيا ذنب من بنتك ايحرمونك
راح النبي راح __بالهم والاجراح __يافاطمه اليوم
_____
يبويه ____شنو ضلتي يبويه بهاي دنياي
يبويه ____دگلي فاطمه هسه امشي وياي
يبويه ____باچر على بابي اليبغضك جاي
وقنفذ يطگني يبويه بعيني
وانظر اگبالي يموت اجنيني
ليش بويه لوحدي تخليني
راح النبي راح __بالهم والاجراح __يافاطمه اليوم
_____
بچينه___يبويه امن البجي وشلنه العيون
بچينه____صدگ بويه النحبهم مايضلون
بچينه___اتلث اشهر لچن اگضيهن اشلون
اسنين احسها بويه شيگظيها
ابغربه بنتك فاطمه اتخليها
امن الهوه اتخاف انته چنت اعليها
راح النبي راح __بالهم والاجراح __يافاطمه اليوم
_____
ابدمعنه. انتلاگه بكربله يم مذبح حسين
ابدمعنه. اندور على الخنصر وين ماوين
ابدمعنه. يبويه ابكربله نعميها هالعين
انطفي بخيامه اذا حرگوها
ونركض لزينب لون ضربوها
انهود الاطفال لو بچوها
راح النبي راح __بالهم والاجراح __يافاطمه اليوم
_____
✍️احمد علي البغدادي
قصيدة في وداع شهر محرم الحرام
بالسلامة ... إنْشوفك بعد عام
بالسلامة ... وكل إحنـه خدّام
أيّــامـــــك وليــاليـــك ..
جِرَحنه كل جرح بيك ..
يا مُحرّم
.....................................................................................
يشهر النايبه وعدنه الحزن عاده
حزن من الله بينه وللسبط راده
لطمنه عالحسين واحنـــه أولاده
وهلّينه الدمـــوع العمّــت الساده
للقيامه ... نار الحزن نار
للقيامه .. ترسمهه الأعبار
تحاچينه ونحاچيك ..
جِرَحنه كل جرح بيك ..
يا مُحرّم
.....................................................................................
ليليه اعله حب حسين من نلتم
يلمنه بخيـمــتـه يا شهر المحرّم
نشب بنار من نحچي اعله المخيّم
نود كون الدامع من تهل من دم
چم علامه .. من طف الدموع
چم علامه .. نحنيهه الضلوع
تغادر مســـرع شـبيك..
جِرَحنه كل جرح بيك ..
يا مُحرّم
.....................................................................................
تجينه ومن وكت يا شهر نتحضّر
ننصب خـيـمــة الأحـــزان والمنبر
عليش بسرعه رايح راح نتحسر
عليك وعالوداع بساع ما نگدر
هالكرامه .. من الله نعمه
هالكرامه .. وحسين رحمه
بدموع أحباب نحييك ..
جِرَحنه كل جرح بيك ..
يا مُحرّم
....................................................................................
بوداعك والموالي صب دمع عينه
ذاك اليوم بهلالك تلاگينه
تروح تخلي بعدك چم جرح بينه
هاك إسمع لطم خدام أبو سكينه
مو ندامه .. نلطم عالحسين
مو ندامه .. بل فوز دارين
تواسينه ونواسيك ..
جِرَحنه كل جرح بيك ..
يا مُحرّم
.....................................................................................
صدگ هالليله آخر ليله وتسافر
صدگ ماكو عزاء ولا لطم باچر
صدگ وحشه تصير لكل محب حاضر
بعد ما نشفت الدمعه على العاشر
وبتمامه ... أيامك تروح
وبتمامه .. يامالك الروح
صعب نصبر نتانيك ..
جِرَحنه كل جرح بيك ..
يا مُحرّم
.....................................................................................
يشهر الفاجعه ندعي الله سبحانه
كل خادم العاش حسين واحزانه
رضا عنّه الحسين وقبل برهانه
وبدفتر الخدمه كتب عنوانه
عالي هامه ...كل خادم هنا
عالي هامه .. وحسين مولاه
بدمعنه من نوافيك ...
جِرَحنه كل جرح بيك ..
يا مُحرّم
.....................................................................................
خادم الحسين عليه السلام
عمار هليل الواسطي
نزلة الليله الاولى
.
.
.
مادگ بــاب غيـــرك وانـته تــدريها
ابابــك حاجــتي يحسيــن ابديــها
***
مــادگ بــاب غيرك سيدي واســئل
أخــاف اتفشــل وماتــقبـل اتفــشل
اليدگ بالبوب هذا الوكت ينذل ذل
مـــاسويتــــها ولانــــاوي اســـويها
***
ماســـويــتها بـزودك يـــراعي الخير
اليعوفك ياحسين اشيلگه عند الغير
يالبخـــيرك شبــع مولاي حتى الطير
اسولف بيـــك ياهــي وياهي اخليها
***
يالــتارس شـليلي وخــيـرك اتطــشر
يالمتروس مـــن جسـمك شـليل البر
الينــطي هواي يزغر وانـته شو تكبر
أيـــدك بالعــــلو مــحــــد يـــساويها
***
يباب الله الوسيع المانســد ابــيوم
يالتشتري ماي الوجه قبــل الـسوم
اليوم وياي هيــچ وباچــر وللـدوم
احمـولي اعله الصحن كلـما اتچيها
***
اهمومي اثكال وتعنيـتلك مايوس
وتخلــبصت بيه وضيعيت الروس
الفارغ مارحتله جيــت للمــتروس
هـــيه الخابطـه أنتــه التـــصفيها
***
تصــفيها وتگلـــي بيــهـا لاتهـــتم
وانته المشـــكلاتي دومـك محزم
تدري باليـجول بخاطــري وتعـلم
گبل مايــمك احچــي تفـتهم بيها
***
گبل مايمك احچي تگلي مگضيه
بشر مامــرني هيـــج ولايمــر بيه
يـــبو رقيه عـــليك ابـداعة ارقيه
جــمرتك بيـــه اريــدن ماتطـفيها
***
كلـــمة انطيــتك ومــا اخلف الكلمة
اي شي دنيـوي ما اطلبه بس خدمه
اريد عـيوني كون مـن البچــي تعمه
عليـك بـــداعة الســـلبو تــراچـــيها
***
حيدر تركي الكربلائي
نوح ومدامع...رحلة سبينه
ابنفس المواجع...رحنه وإجينه
زينب آنه وشرد اسولف ياجرح ياهَم
وآنه نار ابگلبي تشبه نار المخيم
ابلوعتي التاكل ابروحي خالقي يعلم
الشاف مثلي حگه يجري دمعته من دم
لگبور الاحباب...بالهم لفينه
ابنفس المواجع...رحنه وإجينه
اطلعنه من الغاضريه وحيل مابينه
عفنه الاجساد ومشينه ابروس اهالينه
بالسَّبي صَب المصايب صَبَّت اعلينه
والهظم زايد علينه ابيوم ردينه
حمول النوايب...ثگلت علينه
ابنفس المواجع....رحنه وإجينه
أربعين امن الليالي فارگيناكم
من بعد رحلة سبينه اليوم اجيناكم
يكسر الخاطر وضعنه اخلاف عيناكم
والأشد واصعب علينه من وصلناكم
شفنه المگابر...واشگد بچينه
ابنفس المواجع...رحنه وإجينه
إلكم احچي اهموم گلبي يهلي خلوني
چم مصيبه وچم رزيه شافت اعيوني
لو أموت امن البواچي لا تلوموني
گبلي هم ماتت رقيه وخابت اضنوني
بالحسره والآه...هالعاودينه
ابنفس المواجع...رحنه وإجينه
ريت اموت اليوم يمكم ها يولياني
ولا أرد لرض المدينه ابلايه خُوَّاني
راح يشتبهون بيه امن اوصل اوطاني
من كثر ماغيِّرتني اهمومي واحزاني
واتهيج الاجروح....برض المدينه
ابنفس المواجع....رحنه وإجينه
سيد علي الموسوي
للمشايه
أهل السمه إبخدمتك وأهل الأرض زارتك
حتى المطر لـو نــزل يـتــشـرف إبگبتك
ــــــــــــــــــــــــــــــــــــ
مجـرات وكــواكب ... إلك طلعن مواكب
اجتـك ما يــقـراب ... ملايين الــوفــــود
الخضار البالطبيعه ... لبس ثوب الفجيعه
طــريقـك ما نبيعه ... وحـگ ذيچ الــزنـود
شفنه البيارغ ســوه يتلاطمن بالهوه
حولك يطوف الضوه وإيقـبـل إبعتبتـك
ــــــــــــــــــــــــــــــــــــــ
الطقس بالغــاضــريه ... إختلــف عـن البقيه
أظــن هـاي الــزچيه ... إلـــك نصبت عــزاء
الطرق مزدحمه كلهه ... الملائك من حولهه
ولا يحــصــل مثلـهـه ... زيـــارة كـــربــــلاء
شــي تطــبـــخ وتفتـخـر وشي تلطم اعله الصدر
وشي تمشي الفوگ جمر وشي عاكفه إبحضرتك
ــــــــــــــــــــــــــــــــــــــ
الغيوم البالمعالــــي ... إلك يمشن يغالي
شبر ماتگله خالـــي ... طريقـك كله ناس
حمامـات الزيـــــاره ... يبـوسن بالمـنـاره
إبگلبنه أتضل حراره ... يمظلــوم وحماس
بيت الله أسـود لبس والطف بواچي إنترس
جسم الرسول إنرفس من طاحــت إعمامتك
ــــــــــــــــــــــــــــــــــــــ
إبحنــانــك وفـقـتـنه ... لضـريحـك يالجبتنه
إشكبر حضنه وبختنه ... نــــزورك ياحسيــن
إجينالك قـــــوافـــل ... نصلي الحب نوافل
إعله حبـك ما نجامل ... وحــــــق أم البنين
عشگك عشگ أوحدي حـزنك حـزن سرمـدي
مـــاردنـه ياسيــــدي إمن الدنيه بس رحمتك
ــــــــــــــــــــــــــــــــــــــ
وصلنـه إنشـم عبــاتك ... ونقـــدس تضحياتك
إغتسلنه إبمي فـراتك ... ومثل جابـــر نـــزور
إغتسلنه إمن الخطايه ... أبطريقك صرنه رايه
يــعــالــم بالـنــــوايـا ... وما تخفـي الصــدور
سجلنه يمك خدم بالدمعه نطفي الخيم
ومنك نطلع سهم انـضــمــد ابچـثـتـك
ــــــــــــــــــــــــــــــــــــــ
جمــاهــيــرك يقائد ... مع المهدي نجاهد
حشد كل أحنه واحد ... عله السـاتر نصيح
إبكـــلام المـرجعيه ... رفعنه البنــدقـــيـه
وتحيـه عســـكــريه ... اخـذنه للضــــريح
مرجعنه وجــه أمــر ودگينه فوگ الصدر
سوينه بالطف حشر وأتكــررت ثــورتك
#العبدالحسيني_محمدالجماسي
((علي وياچ))
چبير الحـــب يمولاي
وأنه مــو گدها مشاي
وأنته القـــررت هــاي
وأجيت بجرحي عناي
يلاگيني المعزب هاك (ما) هاك
ويترسني هلا وچلمةّ عـلي وياك
أطب البيته يفرش حـتى العيون
وياخذني خيالي للسبي أهنـــاك
علي وياچ .. محد گالهه وهيه بهزيله
علي وياچ .. تلگوها بحجر ويلي العقيله
علي وياچ .. صح وياچ بس دمعه يسيله
على احبالچ يون
ويتــــنفس حزن
مـــــــــولايه علي
مهدول المـــــتن
واويلاه ... ام الخدر
"""""""""""""""""""""""""""""""""
مشيت وآنه مرتاح
ماعندي طفل ناح
لاعـــثرات لا ضيم
ولاسبوني بصــياح
مرتاح وأنامن مــــن يجي الليل
مافزيت مره ولا صــــحت خيل
متغــــــطي بنعيمك يابو الانعام
موش اسياط فوگي طشو الهيل
مسافات .. هايه كربله ويادمعي أعيده
مسافات .. بس الشام ياوادم بعيده
مسافات .. بعيده وسكنه مچتوفه بحميده
ويگص بيهن حبل
وسيــــاط الماتمل
ربيــــبات الخـــدر
مشن فوگ الهــزل
واويلاه ... ام الخدر
"""""""""""""""""""""""""""""""""
تعب ياسيدي يهون
ولا زرگات المــتون
ولا شمات واحــجار
ولا دف ويطــــبلون
لا آثــــــار ســـــوط ولا أثـــــر نـار
ولا بچفوفي أشاگف عن الاحـجار
محــــد ســـــب أبوي ولا تـــأذيت
ولا من عندي تاهت حرمه وأزغار
ينامون .. واحد شابگ الثاني بالونين
ينامون .. ويتلاگه دمعهم عين بالعين
ينامون .. وتناشغ رقيه أتصيح يحسين
رقــيه ورادته
أبوها وطلبته
وجابو منحره
وماتت طفلته
واويلاه ... ام الخدر
"""""""""""""""""""""""""""""""""
اجيت وراسي مرفوع
لا عطشان لا جُـــــوّعّ
اخوي ويــــــاي مشاي
اخوي بصدره الضلوع
ماعايف أخوي امگطع اوصـــال
خلو بيدي خيرك موش الاحبال
يــــازينب هضيمه بغـــربةّ الشام
وهيه المشــكله ويــــاها العــيال
شتيمات .. صعبه مگيده الچانت حبيبه
شتيمات .. وعگب اخوانها صارت غريبه
شتيمات .. أسيره شلون بت حيدر عجيبه
أسيره أم الخدر
وكبر بيها العمر
تمشي محـــدبه
تعب من اليــسر
واويلاه ... ام الخدر
عبد زينب
محمد الابراهيمي
گــواج الله زينب گــد ما تونين
وي الثمانين
ماتستراحين
ــــــــــــــــــــــــــــــــــــــ
جلـد الارض من گـد ونينچ كــزبر
والحبـــل بأيدچ الف مــره استغفر
عظم الچفوف إمن السياط إتكسر
ظل يوگع إمن إمتونچن لـون احمر
سوط الشمر أذاچ وبيدچ تشگفين
وي الثمانين
ماتستراحين
ــــــــــــــــــــــــــــــــــــــ
فــوگــاچ راس الگــطــعــو چفينـه
همــزين عالي الرمــــح وتشوفينه
شــوفيهه ذيـچ النبلــه ذيــچ إبعينه
چاوي الرمح بإحساسه عم إسكينه
وماي الزعل من طاح يوزن فـراتين
وي الثمانين
ماتستراحين
ــــــــــــــــــــــــــــــــــــــ
عباس راســـه أينگـط اعليچن هيل
ما أذته من داست إبصـــدره الخيل
أذته أم عبد الله التــــدور بالليــــل
طلعت الحرمه أتكلف أتهـد الحيل
هاي الحاله كسرت بخاصرته ضلعين
وي الثمانين
ماتستراحين
ــــــــــــــــــــــــــــــــــــــ
تعبـانه بس رايـچ يظــل أفضـل راي
مذبـوحـه بس مذبوحه سكته وبهداي
بـوجهج رمـاد الخيمه يابت مـــولاي
خلصت العركه وإنتي زاعلتي الماي
وچهج ينگط إرماد بس ماتغسلين
وي الثمانين
ماتستراحين
ــــــــــــــــــــــــــــــــــــــ
ذريتي الإرمـــاد إبوجــه كـل حرمه
يعنـــي المـــلامح لــو تبين زحمه
يحسين صحتي إبريني خويه الذمه
برگــع رقيــــه جـــره ذاك الــزلمه
وحتى إمن التراچي حرموهه يحسين
وي الثمانين
ماتستراحين
ــــــــــــــــــــــــــــــــــــــ
من الصبــح للعصــر بــس تتباچن
بالليــل نمتن چــا منـو اليــرعاچن
يمكن علي إبوصلـت سمه غطاچن
والمهدي حـد هذا الوكــت ينعاچن
گالو يبچي من دم كل هاي الاسنين
وي الثمانين
ماتستراحين
ــــــــــــــــــــــــــــــــــــــ
لمــن وگفتن قـــــرب باب الساعات
رف شـــارب العبــــاس يالعـــلـويات
راس الحسين إبشعـره طلعن شيبات
من طببــــوچن بالقصـــــر مسبيات
حتى الدمع معصوم لابس حجابين
وي الثمانين
ماتستراحين
#العبدالحسيني_محمدالجماسي
آ يزينب آ يزينب
باول اسنينچ يزينب..تبتدي الرحله الطويله
ومن بعد موت الزچيه..شِلتي الهموم الثجيله
والله صعبه انگول عَنِّچ..بت علي حامي دخيله
تالي ماتالي سِبِيَّه..وتركب النَّاگه الهزيله
آ يزينب...آ يزينب
إسمچ المعروف زينب...واسمچ الثاني الحبيبه
ويلي تالي اتبدَّل اسمچ...من حبيبه للغريبه
مو عجيبه ايموت گلبچ...لاكن اتحمَّل عجيبه
جبتي كل عمرچ مصايب...امصيبه اصعب من مصيبه
آ يزينب...آ يزينب
بعد اخوتچ زين عشتي...فتره ياروح الزچيه
عشتي لاچن عشتي ميته...من مصاب الغاضريه
خلصت انفاسچ يزينب...امن السبي وديوان اميَّه
اصعب اثنين اعله اخوتچ...جرحچ وموتت رقيه
آ يزينب....آ يزينب
ياهو مثلچ يالحزينه...ذبحو اهله وكل حياته
وگلبچ المكسور شَيَّب...من عذابه ونايباته
عادت التگرب منيته...تحظر احبابه ابمماته
صعبه من انگول زينب...ماتت ابديرة شماته
آ يزينب...آ يزينب
سيد علي الموسوي
يمته...نذبح الوحشه ونسويلك صحن
يمته..قطع نكتب من هنا قبر الحسن
يمته ياسبط النبي وروح الزچيه
نعتنيك افواج من الغاضريه
نوگف اعله الباب ونأدي التحيه
بالدمع نقره الزياره الحسنيه
يمته..والاجدام الحظرتك يتسابگن
يمته..قطع نكتب من هنا قبر الحسن
يمته يالوالي تخف اجروح الاسنين
وبحظرتك تجتمع كل المحبين
تملي كل الدنيه رايات الموالين
حاظرين وداعتك خدام الحسين
يمته..عالي رايات العزاء ايرفرفن
يمته..قطع نكتب من هنا قبر الحسن
والله حسره وشوگ بينه للزياره
يمته ويه المهدي تلفيك الحياره
هذه ولدك يالحسن كلهم غياره
الا يبنولك مناره ابصف مناره
يمته..ياولينه ويشهد اعلينه الزمن
يمته..قطع نكتب من هنا قبر الحسن
شيعتك يابن علي وكلنه ابخدمتك
لو نبيع ارواحنه ونبني حظرتك
احنه حشدك ياولينه وتحت امرتك
امن النجف حد مرقدك نفرش سفرتك
يمته...اي وحگ حيدر نذل اهل الفتن
يمته..قطع نكتب من هنا قبر الحسن
ياكريم آل النبي ابلهفه اعتنينه
والعزائك سيدي الليله اجينه
ابمجلسك يبن الزچيه انمد ادينه
والنعم منك يبن حيدر علينه
يمته..نخلص امن آلامنه وهاي المحن
يمته..قطع نكتب من هنا قبر الحسن
سيد علي الموسوي
اشتياق لحد الاختناق من العقيلة للحسين عليهم السلام ..
يالهادِم رِكِن حَيلي .. يمغَيِر تَفاصيلِي
لِعيونك ذِبَحني الشوگ .. مِنّك نَظره وَدّيلي
°°°°° °°°°° °°°°° °°°°° °°°°°
وين ايصِد نَظَرهه العين تِطلَع صورتك يحسين
وانظُر بيهه واتلهَف
الصوره تنشبُگ ياريت وتِحچي وتسمَع اتمنيت
چا ثِگْل المَواجع خَف
چا گِتلك حبيبي اهواي مشتاگاتلك عيناي
وبچَم موقف احتاجيت طولك كون چان اوياي
ابدونك غارت اعيوني .. وشِكْلي اتغير ولوني
يالمالَك عوض بالكون .. الفگدك چاره سَوّيلي
°°°°° °°°°° °°°°° °°°°° °°°°° °°°°°
عيني اليا كتر تندار تلگه الحضرتك تذكار
احچايه اهنا اهنا ضِحكه
ابطولي تارك انت آثار ينشافن جروحي اكبار
دونك عيشتي ضنكه
چنت الراحه والبسمه وصرت الآه واللَچمه
منّك فرحتي وحزني دونك تخنِگ النسمه
روح اختك يجارحهه .. يمغيّر ملامحهه
ما ظل عندي غير الآه .. ويا وسفه وأيا وَيلي
°°°°° °°°°° °°°°° °°°°° °°°°° °°°°°
إلمن ظلّتي إلمن وليش اعيوني ما يعمَن
لو ما شوفك اگبالي
شِلّي ابصوتي يالمبعِد لو ما بسمك ايردد
لتظن صوتي يهنالي
غير اسمك ولايرهم بيه الساني يتكلّم
احچي ابيقضتي ابطاريك ولو نِمْت ابهواك احلم
ابروحي ما بقت كل روح .. ظلّت بس بَقايه اجروح
وشوَية نظَر وانفاس .. واشواگي وتِواسيلي
°°°°° °°°°° °°°°° °°°°° °°°°° °°°°°
ظَل كلمن يشاهدني ياهِي انتي يناشدني
شَكلي اتغير اهوايه
لا إنت ولا عباس وتتفرج عليه الناس
لا خيمه ولا رايه
اتهوِّن كل مصيباتي واجروحي ومعاناتي
لاچن فرگتك مَتهُون هي اكبر عذاباتي
مرّات السبي انساه ابكل هضمه وعُظُم بلواه
بس ما أنسه عطرك لا ياوِردِي وتراتيلي
°°°°° °°°°° °°°°° °°°°° °°°°° °°°°°
اذكر وآنه عالناگه راسك يمّي واشتاگه
شگد حاولت اشبگنه
ابچي والعِده يضحكون ما يدرون ما يدرون
خيّي اشگد اعشگنه
خويه وجارت الايام بالكوفه وبعد بالشام
ما بيهم حميه الناس لو شَمّات لو شَتّام
عثرت ناگتي مرّه وما صارت علي عثره
طاحت بت علي ايصيحون وشفت الناگه تبچيلي
°°°°° °°°°° °°°°° °°°°° °°°°° °°°°°
لگبرك صرت احِن كل يوم يَمنَسّيني معنى النوم
ارد اوصل واطوفنّك
تِنشَم انت ما تنشاف يالمِثلك ولا ينعاف
چا ليش اني اعوفنّك
ربّي العن شمر وايزيد الحد ما جرح اخويه ايهيد
همَّ الفارگوني اوياه وخَلّو جسمه عني ابعيد
امن الطف انه ميته اِعليك .. شفتك ترفس ابرجليك
ابهالحاله وعليَّه اتخاف .. ابچَفّك رِجعِي تَومِيلي
°°°°° °°°°° °°°°° °°°°° °°°°° °°°°°
ياسر حسن
رقية بنت الحسين (عليها السلام)
ليش آنه من دون البنات
ماعـندي ظلّت أمنيات
الصبح عالناگه انام
وباليل بالهيمه ابات
وين ابوي وين ابوي وين ابوي
أمنيات
ــــــــــــــــــــــــــــــــــــــ
چم قصه ابقصه وموقف مر بيه
راح ابدي وياكم باحساس ابنيه
آنه ايسمّوني ازغر مسبيه
ومن ركض العاشر تعبن رجليه
طفله ازغيرونه .. ومارحموني
وامنگع طولي .. ابدمع اعيوني
واصرخ ياعمه .. مامبري الذمه
ذاك الابسوطه .. اذه امتوني
خليني انامن عالتراب
بس لايوگعون الحجاب
آنه رقيه وبت أمام
واحجابي للعالم صلاة
وين ابوي وين ابوي وين ابوي
امنيات
ــــــــــــــــــــــــــــــــــــــ
جو الطف حار وكلش خانگني
الخيل اتخوفني أمن اركض تلحگني
لو اشرد من النار التحرگني
الشمر ايسبني وخولي بسوطه ايطگني
والـمثلي ازغيره .. ابعمر الورده
يوجعهه الجفه .. اعليهه ايمده
ماتحمل سطره .. اتخوفهه الخزره
يغـمه اعلي مده .. واگعد مده
گلولي وين الغالي وين
وتدرون ابوي اشگد حنين
يگلب الدنيه لو يشوف
اجدامي واديه امحرگات
وين ابوي وين ابوي وين ابوي
امنيات
ــــــــــــــــــــــــــــــــــــــ
ارقيه الـماواحد چان ايبجيني
شمامة گلبي احسين ايسميني
ايحبني أمن امتوني ومن اذني وعيني
ومن ازعل چان ابوسه ايراضيني
چان ايسولفلي .. عن ابنيه
سافر والدهه .. وظلت هيه
راح وخلاهه .. نجمه وطفاهه
واشكد هالقصه .. تجرح بيه
وهسه افتهمت القصه زين
من چتفو مني الادين
الابنيه لو والدهه راح
تكره طعم هاي الحياة
وين ابوي وين ابوي وين ابوي
امنيات
ــــــــــــــــــــــــــــــــــــــ
الناگه التتعثر خاف اتوگعني
ومن اوگع ادري الحادي ايضيعني
احبال الـمربوطه بچفي اتلوعني
وامتوني أمن الطگ كلش توجعني
عالروس انه انظر .. چنهم اهلي
شو بيهن واحد .. يتلفتلي
اتعلق بي گلبي .. سترك ياربي
بس لا راس احسين الينظرلي
كلما يضربوني يميل
وادموعه من اصرخ تسيل
نظراته احس بيهن حنان
بي من ابوي اشگد صفات
وين ابوي وين ابوي وين ابوي
امنيات
ــــــــــــــــــــــــــــــــــــــ
ابنيات الكوفه ازغار اشمحلاهن
اتمنيت انه اشگد العب وياهن
بس هنه ابراحه ومحد اذاهن
لاطگهن سوط ولا حر جواهن
ومن صار المغرب .. كلهن راحن
يارقيه وباچر .. نرجع صاحن
كلتلهن باچر .. للشام انسافر
ومن شافن خدي .. الازرگ ناخن
كل وحده ابوهه اوياهه راح
للبيت اخذهه تستراح
ابهاللحظه حنيت الابوي
آ يا هذيچ الذكريات
وين ابوي وين ابوي وين ابوي
امنيات
ــــــــــــــــــــــــــــــــــــــ
وبالشام انختمت اخر ايامي
ومن گد اهاتي ونوحي والامي
غمضت اعيوني وشفته باحلامي
بس شفته امجرح وامبين ضامي
مديت اچفوفي .. بس بحرگه
طفله ومحتاجه .. الهاي الشبگه
وناداني الغالي .. يبنيتي تعالي
وفزيت ورجعت .. نفس الفرگه
تالي ابطشت جابوه ذبيح
ابنص القصر ضليت أصيح
شميته من ثغره وغفيت
واعله النحر كل حلمي مات
وين ابوي وين ابوي وين ابوي
أمنيات
محمد الجماسي
#اللهم_عجل_لوليك_الفرج
#تراث
زينب يـالتنشدوني عليها
زينب بالخرابه منزليها
ياهند اشتنشدين...... وانه الجنت زينب
ــــــــــــــــــــــــــــــــــــــ
بالله ياهند ارد انشدچ صدّي ليّه وجاوليني
ليش غيرني زماني وليش كون تضيعيني
راح يوم الچنت زينب بيه وإنتِ التخدميني
وراح الدلال البيه عشت
وإنصبت بالطف إنصبت
إشچنتي ياهند وشچنت
واصبحت ماتعرفيني
هم يخطر إبالچ ياهند چان
زينب تنسبي وتوگف بديوان
آنه واليسر وين... وانه الجنت زينب
ــــــــــــــــــــــــــــــــــــــ
هند من عالكرسي طاحت وصرخت والگلب يلهب
ليش متغيره رسومچ يالعلي والله يزينب
وين البيوت المزهره راحت والخدر المرتب
الله الله شجره
بهلچ وحالچ غيره
صاحت وديعة حيدره
ماعلى المحتوم معتب
دهري هدّم بيوتي عليّه
وتدرين شعفت بالغاضريه
عفت أهلي مطاعين.... وانه الجنت زينب
ــــــــــــــــــــــــــــــــــــــ
شلون صدّت فزع صدّت هند تصرخ يالعقيلة
ليش مـا تنشف عيونچ وليش حسراتچ تجيله
وين ذاك الخدر راح وين ابوفاضل چفيله
صاحت بصوت الفاجعه
عباس ظل عالمشرعه
ومنه الچفوف مگطعه
وهدّمت لحسين حيله
يوم الچان ابوفـاضل وجوده
سالم والعلم ملتزم جوده
من چانت الچفين.....وانه الجنت زينب
ــــــــــــــــــــــــــــــــــــــ
ياهند گطّعت گلبي غربتي بشفرة الونه
ضمدي جروح البچبدي ولا تنشديني اعله اهلنا
ومادريتي شلون نزله بكربله يوم النزلنه
صعدت صواويـن الإبه
وخدور بيها مرتبه
بسيوف أهلها محجبه
والفلك گطبه بنزلنه
ويدير الفلك گطب الفراسه
والعباس فاروق الحراسه
وبذيچ الصواوين.... وانه الجنت زينب
ــــــــــــــــــــــــــــــــــــــ
آخ يبيوت المزهره وآه يابدور المضيه
گبل ماچانت ضحايه جسومهم فوگ الوطيه
مغسله بدم الشهاده مچفنه بثوب الحميه
چانت حياتي مأمنه
وحرّاس بيتي معينه
وماچنت هيچ مدوهنه
ودوهنتني الغاضريه
ومن چانت صناديد الرساله
تنهى وتامر بسبف العداله
ومن حي چان الحسين.....وانه الجنت زينب
ـــــــــــــــــــــــــــــــــــــ
ياهند وانـصاب گلبي بطبره من طبرات الأكبر
آه ياجمرة شبابه بالگلب لساعه تسعر
گبال عيني ومن اشوفه ضلع من جسمي يتكسر
وهـدمت حيلي كربله
وگيدت عليل بسلسله
وفجر عيوني حرمله
من وريد الطفل فجر
وبحبال اليسر زرني زماني
وسهم العلگمـي صكني وعماني
وطفي شمعة العين.... وانه الجنت زينب
ــــــــــــــــــــــــــــــــــــــ
ياهند شحمل بعيني ويه سيل الدمع ساجم
حمر ويخضّب چفوفي مثل حنة عرس جاسم
زفته وحسرة شبابه جمر بگلوب الفواطم
ياهند يكفيچ اليسر
وجرعت بالكوفه الصبر
والشام أصعب كل أمر
أچفي ظالم وأجي الظالم
وظهري بالرماح مكسرينه
ومتني بالسياط موسمينه
وهذا على الدهر دين.....وانه الجنت زينب
الشاعر المرحوم
كاظم المنظور الكربلائي
#اللهم_عجل_لوليك_الفرج
شور للسبي
آ يخويه. يابو فاضل. آيخويه
……
من اجيتك خايفه وترجف اديه
نام حارسهم واخاف يفز عليه
هاي اول مره اطلع تدري بيه
بيه مابيه وصلتك للخويه
آ يخويه. يابو فاضل. آيخويه
…….
خويه تدري بعون ابنهه عثرت اختك
ولاوجعني وليدي بس توجع فركتك
من عمت عيني وصلتك ماعرفتك
دنيا ليل وانته وسهامك حضنتك
آ يخويه. يابو فاضل. آيخويه
……..
يالحنين الما يگصر ويه اخته
آنه اول تالي اسولف وانته سكته
كل نعي الفكدت اخوهه اني كلته
ياخسارتنه الجبيره خويه انته
آ يخويه. يابو فاضل. آيخويه
…….
چفك الدللني عاتبته اعله وضعي
والله تعبانه وردت يمسحلي دمعي
واحچي شلعان الگلب واشكيله وضعي
من السبي يرجف دليلي جوه ضلعي
آ يخويه. يابو فاضل. آيخويه
……..
جابو الماي الوكع لجله علمنه
انه وسكينه بچينه وماشربنه
والله دنيا المو بشر توصل ضعنّه
تدري من المستحه چم موته متنه
آ يخويه. يابو فاضل. آيخويه
………
خويه مبري الذمه ما كصرت ادري
ومدري بخلافك اكضّي شلون عمري
رايحه ودرب السبي يكسرلي ظهري
في امان الله اعوفنك يذخري
آ يخويه. يابو فاضل. آيخويه
……..
الشاعر حسين صادق العقابي
عن مقتلك عَشر سنين .. مَرّت وزينب كِل حين
تبچي اغيابك
يالمجتبه وبذكراك .. بوسط الخرايب تنعاك
وتحيي امصابك
∞∞∞ ∞∞∞ ∞∞∞ ∞∞∞
بعد ما دفنت رقيه والگلب منهه انفطر
وگِضَن من مجلس عزاهه وشِكَن هَمهن للنحَر
بِدَت تعزيّه جديده ليوم سابع من صَفَر
لـ اللَطم آثار سوّن وبيهن من السوط اثَر
تنادي بگلبهه المالوم .. آ يالحسَن يا مسموم
بگلبي اصوابَك
يالمجتبه وبذكراك .. بوسط الخَرايب تنعاك
وتحيي امصابك
∞∞∞ ∞∞∞ ∞∞∞ ∞∞∞
ويّه راس حسين تِحچي وراس حمّاي الضَعَن
شلون اگله البقه براسه الراسه فصلو عالبدن
عظم الباري اجركم يخوتي بيوم الحسن
بمثل هذه اليوم اخونه بغرقد الآه اندفن
اختك وابد ما تنساك .. تتذكر ارباهه اوياك
تحن لترابك
يالمجتبه وبذكراك .. بوسط الخرايب تنعاك
وتحيي امصابك
∞∞∞ ∞∞∞ ∞∞∞ ∞∞∞
وي راس القاسم ابنك تحچي مخنوگة نفِس
اليوم سبعه بصَفَر عمّه وتذكر شصار بأمِس
امس حرموك من ابوك و هسه حرموك العرس
وذِبل لونك يا وسافه بتُرب وبدَم وشمس
تواسي الحسين وجسّام .. وكل بني هاشم الاكرام
وكل احبابك
يالمجتبه وبذكراك .. بوسط الخرايب تنعاك
وتحيي امصابك
∞∞∞ ∞∞∞ ∞∞∞ ∞∞∞
للحَرَم صدّت ونادت بالدموع اللاهِبه
گومن نواسيهه رَمله على امصاب المُجتبه
لا إبن لا والي ظلّت باليسر متعذبه
بين كوفه وشام تمشي وراس ابنهه تعاتبه
عفتوني لا خِل لا بيت .. انتّ وكريم اهل البيت
شنَفعَه إعتابك
يالمجتبه وبذكراك .. بوسط الخرايب تنعاك
وتحيي امصابك
∞∞∞ ∞∞∞ ∞∞∞ ∞∞∞
ها يخويه يبو محمد بالخرابه اتذّكّرِت
من اجيتك بالمنيه وعنّي ضمّيت الطشِت
بطشِت هذا راس اخويه شُوف خافن ما شفِت
وعالرماح اهلي واشوفن غالي كل صوب التفِت
بمذبح حبيبي اتعنيت .. وبنحري گتله ياريت
دم خضابك
يالمجتبه وبذكراك .. بوسط الخرايب تنعاك
وتحيي امصابك
∞∞∞ ∞∞∞ ∞∞∞ ∞∞∞
حسين ظل يالحسن وَحْده وچان حيل بعازتك
يحشّم بهَل من مُناصر وصحبك وكل اخوتك
موذرين اعله الوطيه ونار حرگو خيمتك
وخوف نِص الهيمه ركضن فُرجه صارت عيلتك
الما شافو الهن اخيال .. يتعثرن بين ارجال
هَم بحسابك
يالمجتبه وبذكراك .. بوسط الخرايب تنعاك
وتحيي امصابك
∞∞∞ ∞∞∞ ∞∞∞ ∞∞∞
من بعيد بكل شجوني للبقيع ابعث سلام
من عذاب الشام اوّدي اشواگ ودموع هيام
راح ارِد للغاضريه شگد اكو بصدري كلام
اربعين من الليالي امرافگه اولاد الحرام
راح اشتكي للخوّان .. وامنيتي اوصلّك چان
واشكي ابابك
يالمجتبه وبذكراك .. بوسط الخرايب تنعاك
وتحيي امصابك
∞∞∞ ∞∞∞ ∞∞∞ ∞∞∞
ياسر حسن
صفر ¹⁴⁴⁵
اليوم اجينه أمن الشام
لكبور اهلنه
وين اخونه العباس
خل يفزعلنه
....
اليوم من درب اليسر ردينه
يم مكابرهم سوه التمينه
صحنه وين الكطعو جفينه
للوطن عباس يرجع بينه
من ابونه الكرار
هوه الكفلنه
وين اخونه العباس
خل يفزعلنه
....
لويكول السهم طفه اعيوني
آنه زينب ورمولي امتوني
لويكول ابهامتي طبروني
آنه اكلله بحبل جروني
أمن السفر تعبانين
يهل المحنه
وين اخونه العباس
خل يفزعلنه
...
عادة اليرجع يلاكي اخوانه
واحنه شو ماواحد اتلكانه
مامش امعزب فرش ديوانه
وين ابوالغيره اليكف اردانه
نكعد اعله التربان
لو يفرشلنه
وين اخونه العباس
خل يفزعلنه
....
خل يكوم وكبره يفتح بابه
لو اغرك بالدموع اترابه
ليش ماحاسب اخوي احسابه
حتى ماباني خيم لحبابه
بالخيم لسه النار
توجع كلبنه
وين اخونه العباس
خل يفزعلنه
....
انه اخته وهوه اخوي الغالي
وارد اسولفله اعله شلت حالي
هند مهيوبه بقصرهه العالي
وآنه كل السوك شاف اخيالي
دنيه من غير اخوان
مابيهه معنه
وين اخونه العباس
خل يفزعلنه
...
اليوم اسوي اعله الفرات اقرايه
وانه اصيرن عالكمر ملايه
الشام خنكتني واريد الرايه
اشم بيهه ذكريات اهوايه
رايتك يالكفال
جانت تلمنه
وين اخونه العباس
خل يفزعلنه
.....
اللهم عجل لوليك الفرج
محمد الجماسي
قصيدة للامام الرضا ع
السلام على السلطان الرؤوف
الذي هيج احزان الطفوف
ياعلي الرضا. ياعلي الرضا
……….
ياسلام الله على الحبل المتين
يا انيس ارواح خدام الحسين
بنفس ثوب الاسود من الاربعين
بالدمع لمصابك احنه معتنين
اقبلت ارواحنا نحو العزاء
وننادي ياغريب الغرباء
ياعلي الرضا. ياعلي الرضا
……..
انته تحقيق الحلم والامنيات
يل كضيت العمر آه ونايبات
بغربه انت ودم دموعك تجري دوم
عالذي عطشان مات اعله الفرات
ايها القلب الذي عاش المصاب
وقضى العمر بحزنٍ واكتئاب
ياعلي الرضا. ياعلي الرضا
……….
وصل لانفاسي عطر من حضرتك
وهيّج بكلبي عشك لزيارتك
اعقد النيه واجي اشتم هواك
راحه نفسيه من اشوفن كبتك
ايها المدفون في احضان طوس
يا اماناً للقلوب والنفوس
ياعلي الرضا. ياعلي الرضا.
…….
ماترد سائل واعرفك من اجيك
بحاجتي من اجي واوكف بين اديك
كبل ما احچي البكلبي تكلي هاك
ياسلام الله وملائكته عليك
انني والله فيكم مهتدي
ارتضيني خادما ياسيدي
ياعلي الرضا. ياعلي الرضا.
……..
خدمتي عندك امانه يالحبيب
يارجائي ولو صبح موتي قريب
الكبر غربه ولا عرف الكالي غاد
سيدي وحگ الغريب اعله الغريب
انني ذلك المسكين الفقير
راجياً مولاي تقرير المصير
ياعلي الرضا. ياعلي الرضا
…..
حسين صادق العقابي
مِن عاوِدَت مِن الشَّام..ومِن وصلت الولياهه
زينب على گبر حسين..صَبَّت دمع عيناهه
ومن كثر مامشتاگه...حَنَّت اوياهه الناگه
صبت دمع عيناهه
اليسمع ردت امن الشام مَحنيَّه
حَگَّه ايگول زينب هِيَّه مو هِيَّه
الفگدت كل اهلهه ومشت مسبيه
زين وطوّلت للأربعينيه
أم الخدر والنوماس..ذبحتهه طبت الكوفه
زين وبگت عدهه انفاس...زين ودربهه اتشوفه
مِنهه الدَّلاَل اشباگه...حنت اوياهه الناگه
صبت دمع عيناهه
خَذَو درب الطفوف وسارو ابهِمَّه
وزينب نادت السجاد ياعمَّه
خَبِّرني اعله گبر حسين ابو اليمه
تره گلبي بعد ماينحمل هَمَّه
ياروحي مليانه اجروح..شبعت هظم ياروحي
من اشكي يم الوليان..بلچن تهيد اجروحي
نار اليسر حراگه...حنت اوياهه الناگه
صبت دمع عيناهه
زينب هاي بنت اليامن ادخيله
تالي اميسَّره والمدمع اتسيله
رَدَّت من سبيهه احمولهه اثجيله
لخوهه اتريد عن الصار تشكيله
صاحت علي يالسجاد..ياعَمَّه شو دلِّيني
گاللهه ياهو اتريدين...گالتله اريد حسيني
واشلون صار املاگه...حَنَّت اوياهه الناگه
صبت دمع عيناهه
وصلو كربله واگبورهم لاحت
واعله الناگه زينب وَنَّت او ناحت
وصلت للحسين وعالگبر طاحت
على الدنيا العفه ياهيبتي صاحت
يحسين لا تسألني...عن بنتك العفناهه
ماتت رقيه وبالشام...ياخويه خليناهه
ذاب الگلب بَشواگه...حنت اوياهه الناگه
صبت دمع عيناهه
كل حرمه الوليهه عقدت اقرايه
ومشو بجروحهم للعلگمي ومايه
كلهه اتصيح ها ياصاحب الرايه
هاي اضعونكم من اليسر جايه
زينب تدگ اعله الراس...ياخويه ياوالينه
لرض الوطن ياعباس...ياريتك اترد بينه
واعليهه طال افراگه...حنت اوياهه الناگه
صبت دمع عيناهه
سيد علي الموسوي
ميمر
.
.
.
ام الوفه .. والعاطفه .. يسمـوها بحـر المعرفه
يانـــاس وام الــعباس حيـــره شنسـولف بيها
***
حيره شنجيب من السـوالف شنحط
ام عباس هاي الحچي موش اتسفط
كــون الــثگــال نلگـــط الهـــا تلــكط
بيرغ يرف ..ام الكلف.. ذل صارمه سبعين الف
والعـــدها مثـــل الـــعبـاس ياميــمر ايـوفـــيها
***
ياميــمر اليوصل فضــلها ويندل
ام الوفه البــيها الــوفه مــاوشل
غـزلت زلم ماغــزل مـنها المـغزل
لاخلصو .. لاخلبصو .. ودمهم لخوهم رخصو
طــف كربله مــن الروس تـرسو تـرس واديها
***
طف كربله يسولف عليـها هوايه
امربيه زلم بس شنهو من تربايه
واحـدهم اگبـــاله البـــحر كشايه
لاينطلس .. لاينــدرس .. بالعسكر يخمس خمس
ميمـــنة جيــش اهـل الشـــام عالميــسره يبديها
***
ربت زلم والزلم مــو يـاهو الچــان
خزرات واحدهــم اتطـيح الفرسان
التاخذ علي بلاشك تخلف شجعان
بــأم الكمر .. تحله الصور .. ام الذي يسبي النهر
تســـتاهل ام العبــاس يهـــل الـــرحم نـطـــريها
***
وتستاهل وتستاهل وتستاهل
ام الـذي بكـــربله رد الــــعايل
ام ابــوفاضل والنـعم بالـكافل
راعي العلم ..قاسم قسم ..يفدي الخيم واهل الخيم
موصيـته هيــچ ام عبـــاس وگالتلــه يبــني احميها
***
كربله كلــها بكيفـــكـم وانتـــو الكيف
كــعو العساكر بالحـــرب كــع بلـسـيف
عيشو الزلم جيثيوم يخنگ مـو طيف
كون الـوره .. تلزم سره .. بلا مغتسل للمقبره
الگــدام حصت العــباس صمصامه الــيمشيها
***
مرة الابو للوالد مـــن تنـطــي الزاد
عجبه شكبرها وتعتبــر بنـت اجواد
ماشايف ام لابن الرجل تفـدي أولاد
ومتروعه .. ومصدعه .. لحـسين مو للاربعه
ماشايف ولا ماشـوف أي مــرة أبو اتـجاريها
***
حيدر تركي الكربلائي
خُذني مَعاك حباً وعشقـاً أبـَــدي
خُذني مَعاك الى الطفوفِ سَيدي
خُذني مَعاك مَشياً لِذاكَ المرقَدي
يامهدي ... ... يامهدي
ــــــــــــــــــــــــــــــــــــــ
رايه إبچفك إحملني ... إو يم الحضره وصلني
أبسجل الظامي سجلني ... بـهـاي الاربعينيه
وكون إويانه ناخــذله ... الفرات وهم نهر دجله
وريحة مسـجــد السهله ... ودمعه جمكــرانيه
نمشي حُفاة فلنبتَدأ بالـفـــــاتحه
نمشي حُفاة نشمُ عِطرَ الأضرحه
نمشي حُفاة كـفُ الـوفاءْ نُصافحه
يامهدي ... ... يامهدي
ــــــــــــــــــــــــــــــــــــــ
نمـر مــن مأتم المــأتم ... بدعـــاء النــدبه نتحزم
أني وأنت نبچي مــن دم ... عله المذبوح وإمصابه
وعيسى إمن السمه نازل ... وعلم چف الخضر شايل
ويتلـگـــانه أبو فــاضـــل ... لمن نوصــــل البابه
وفي الضريح ننسى الجراح والتعب
وفي الضريح لَما نرى ذاكَ الـذَهـب
وفي الضريح نـزورُ ماخلفَ الخشب
يامهدي ... ... يامهدي
ــــــــــــــــــــــــــــــــــــــ
أخذني سبحه بچفوفك ... ناذر نــذر ما أعــوفك
يالمهدي إذا أشــوفك ... آنه أنجن مثل عابس
أريــــــدنك تــــزورني ... وأبنــورك تطهـــرني
مو ثوب أسـود اعـذرني ... خيمه الجيتك لابس
وفي الطريق أنـــا اصيـرُ سائِلك
وفي الطريق ورايـــــةٌ تُضِـلـلـك
وفي الطريق إكتبُ من ذا عَطّلك
يامهدي ... ... يامهدي
ــــــــــــــــــــــــــــــــــــــ
حلـم نتعنه مشــايه ... وسوه نحضر بالإقرايه
وتتطــوعلك الــرايه ... وإيصير الهـوه جندي
الموكب ناكل إبزاده ... وآنه افرشلك إوساده
وزينب عمة السـاده ... نتلگاهه يالمهــــدي
إلى الحُسين ياوجهُ ربي نَقصدُ
إلى الحُسين سُجودِ حباً نسجدُ
إلى الحُسين أنتمـاؤنا نُـــــرددُ
يامهدي ... ... يامهدي
ــــــــــــــــــــــــــــــــــــــ
دربكــم لــــو يچـــوينه ... تطگك خلهه رجلينه
مــواسـاةٌ يمــــهــدينه ... للمـشــوهـه مسبيه
نعطش ماي مانشــرب ... نتـــروة بأسـم زينب
الذاك الجسم الإمسلب ... صــرختنه فـــدائيـه
بالإنتظار ثلاُثمائهُ حيــــــدري
بالإنتضار ثمَّ ثلاثةْ عَشـــــري
بالإنتضار فداكَ يابنَ العسكري
يامهدي ... ... يامهدي
ــــــــــــــــــــــــــــــــــــــ
تعـــال وإنته مـو غــايب ... حضورك واجب الواجب
عله إعيوني صرت كاتب ... قيامك كلنه ننتظره
كتبنـالك ألــــف رقــعــه ... بچينالك الـف دمعه
بأدينه ذابت الشــمــعــه ... گطره إتعاتب إبگطره
يومَ الظهور في كــربلاءُ نجتمع
يومَ الظهور نورُ السمـواتِ يَشع
يومَ الظهور حبلُ الظلامِ يَنقطع
يامهدي ... ... يامهدي
#العبدالحسيني_محمدالجماسي
ميمر
منك الك يامولاي. درب العشك ممشانه
..................
نمشيلك وكل كلب رافع رايه
ممشه الدمه بشريان وانته الغايه
ان الذين امنو المشايه
من كلب ولسان وياك. ونظراتك انته ويانه
..............
السبعه العجايب مو عجيبه الفكره
تبقه انته الاعجب والله يبن الزهره
مركز العالم صار وسط الحضره
ومن كربلاء الاحرار. صار الفلك دورانه
.................
بس الك معقوده تظل النيه
ياملك وزيارتك مليونيه
حزام احنه صرنه عالكره الارضيه
بكل اتجاه وكل صوب. مشايتك تلكانه
................
ياخامس اصحاب الكساء الازهر
كلشي ايتغير ونته ماتتغير
يوم اربعينك جنه يابو الاكبر
كل الرسل والاملاك تتعنه الك مولانه
................
متفضل انته وكل فضل ما عدنه
ومن خيرك احنه نخدم وعزبنه
نلوگ لخدمتك وانته التلوگ النه
والخادم انعرفه شلون ؟. اسمك بطرف لسانه
....................
بمدرسة حبك خادمك متعلم
قانون بيهه الخدمه للمتفهم
حِب واسكت وحِب واعمل وحِب واخدم
العارف بحقك مولاي. انته صرت قرآنه
حسين صادق العقابي
اهي رحله وگلتلي اتهون
بالچ عاليتامه ام عون
...................................
تذكر من گعدنه ابراگ الخيام*
وتذكر من سألتك خويه عالشام*
واعيونك شفتهه تغورگ ادموع*
ما گتلي اسافر بس بالايتام*
يحسين السوالف چانت اهواي*
يغص چان الحچي من نذكر الماي*
المخلوق اعله مودك ينمنع ليش*
بس چان الامان وانته وياي*
چنت اتمنى يبقى الليل
خوفي اتهد علينه الخيل
.................................
يحسين الحچي حسيته مخنوگ*
ما گتلي اشوفك خويه مسحوگ*
مملوحه السوالف كلهه وياك*
بس ما گتلي بعدك ندخل السوگ*
اتسد اعيونك اشما اجيبه طرواك*
ما تحچي اشيصير اهناكه وياك*
تتحسر احس من اسأل اشلون*
يحسين امشي لو انه ابقى وياك*
اذكر بس تسد العين
چن اتگلي اي تمشين
.................................
وابسرعه الصبح يالضامي شو صار*
وشفتك طايح وچان الرمل حار*
مدري اركض عليك ابفزعة الخيل*
مدري ارجع والم يا خويه الزغار*
انه اركض واشوفنهم يضحكون*
وفزعو عالخيم كلهم يسلبون*
خيمه خيمه وجن خويه بالنار*
واسمع عاليتامه لحگي يم عون*
كلهه اتنادي عمه اهناك
وانظر عالشمر من جاك
................................
خلصت خويه وامشينه بهالدروب*
وانته اعله الرمل خليتك اتذوب*
كل سوگ الندخله نجرع الموت*
ومن حچي الشماته اتذوب الگلوب*
كل ديره النطبهه اتدگ بالطبول*
واعلينه الخوارج وادم اتگول*
يحسين اليتامه چانو اهواي*
وحداية ضعنه اعليهم اتجول*
شي تشمر علينه احجار
وشيّ اترشنه ماي الحار
................................
يمك هالرجعنه خويه يحسين*
ولا تسألني عن بنتك بقت وين*
ردينه ضعن بس فاگد احباب*
گوم اتلگه ضعنك وانته الحنين*
هاك اخذ الامانه وخلي ارتاح*
ورد ليّه الخدر تدري الخدر راح*
راسك انه اجيت وجبته وياي*
ورجعلي الامان المن طحت طاح*
ابنياتك جبتهه وجيت
مكسوره الظهر رديت
علاء المياحي
الفاتحه لروح والدي
للاربعين
.
.
.
عطشانه اهـواي .. بـس مـو للـماي
الوجهك يحسين
عطـشانه اهـواي
_____________
صــار اچــم يـوم امفـارگني
وخدي امن المدمع يحرگني
اســئــل عــنــك يـامـاي الله
يـالوجــهـك چـان امــغرگني
محــروگــه ابــدلالي الـخيمه
وگـلــي اســئل عـنك ياغيمه
يـامــاي اعيــوني الشـيــلمك
يـالمــتبدي بحظــن الـهــيمه
اشتاگت عيناي .. بـس مـو للـماي
الوجهك يحسين
عطـشانه اهـواي
_____________
ميته امن الشوگ امخليني
مـن عذبك يمــته اتـرويني
حارگني افــراگـك حارگني
ومحـد ياخــويه ايطـفيني
شمـات اهــواي الـشـافوني
وعنـك كـل ساع ايسئلوني
يابس حسيته امن اغيابك
يابو اليمه السان اعيــوني
ثــق يارجـواي .. بـس مـو للـماي
الوجهك يحسين
عطـشانه اهـواي
_____________
احتاجيتك بــدروب الــغربه
چــتالــك من مـتنـي ايظربه
دورت اعــلــيـك ابأشــيــائي
المــاضلت منهن بــس تــربه
سلبـوهن كـلهــن مــن عنـدي
وضلت بس دمـعاتي ابخدي
اشعر كل دمعه امـن افـراگك
يمـكن يابــو اليــمــه ابگــدي
احچـيلك هاي .. بس مو للماي
الوجهك يحسين
عطشانه اهواي
_____________
بحچايـاتــك جــاي اتــذكر
وافـرك بچفـوفي واتحـسر
من سمعت حسراتي الناگه
شـو گامـت تمشي وتتـعثر
شــوگك موتنــي وتدريني
راح اغـفـه وبلـكت تلفـيني
اول مــاغمــضت اعــيوني
لن سوط ابمـتني ايوعيني
هـمــي وبلـواي .. بـس مـو للـماي
الوجهك يحسين
عطـشانه اهـواي
_____________
اشتاگيــتك ياروحــي وعــمري
وشوگك مدري اشسوه بصدري
اعلــه افــراگـك لا مـامتــعـوده
وكلــش زيــن ابـزيــنب تــدري
ابهجـرك مــدري اشـصاير بــيه
اختــك بخـــلافــــك مــعـــميه
مــن يـوم الشـفــتك عالغـــبـره
اتطــشــر وانـــلـــم يــــومـــيه
ملهوفه اعظاي .. بـس مـو للـماي
الوجهك يحسين
عطـشانه اهـواي
_____________
تعــبنـــي افراگــك تـعــبني
شمـعه وهجــرانـك ذوبــني
احلــم ترجع واگـعـد والـگه
راس گــدامــي ايــعـــذبـني
راسك من ابـچي ايضــمونه
ومن اسكت همه ايطــلعونه
ماكفــاهـم جــرح امــتوني
رادو دلالـــي ايجـــرحــونه
نوحي ومبچاي .. بـس مـو للـماي
الوجهك يحسين
عطـشانه اهـواي
_____________
تمت والحمد لله
حيدر تركي الكربلائ
للاربعين
.
.
.
هاج الحنين بروحي .. سولفلي يامذبوحي
احچيلي عن جرح الرمح
وانه احچي عن اجروحي
----------------------------
يالنابت ابـراسك رمـح .. شلونك يبعـد اعيوني
لونك احسه امن التعب .. يشبه امن الحر لوني
متاذي گلي امن الرمح .. لومن حچي الگادوني
بعيونك الذبلانه احس .. نظـرة الـــم لمتـــوني
كل هذا وتحس بيه .. يالمــنترس حــنيه
گلــبك اليه منفتح
وانه احچي عن اجروحي
-----------------
البيه وحقك مو جرح .. واحــد ولاهـــن مـيه
الف وتسع ميــه الذي .. يحــسين صـارن بـيه
بالرايه مأساتي بـدت .. مــن طاحــت الحـنيه
ونختمت ابشام الحزن .. من غفت عين ارقيه
ابنــادم المايحــملـــهن .. طاحن على اختك كلهن
وحدتهن اتگول الملح
وانه احچي عن اجروحي
-----------------
خويه الشفتهن بالدرب .. ماينحچن يالغالي
ياهي الاسولـفها الك .. وياهي التضل ابالي
زينب يبو اليمه تطب .. ديــــوان اول تـالي
وتصور ابنــص الزلم .. حرمـه بلايـــه والي
ثق مقتلك حسيته .. الديون من طبيته
واستوعبتها منذبح
وانه احچي عن اجروحي
-------------------
رمحــك يـخويه بالارض .. لو گعـــدو اينبتــونه
ايذبحوني كل ما ريضو .. راسك امن ايحركونه
چم مره من عدهم وگع .. ياخــويه ويــشـيلونه
يتعـــمدون ابهالـــفعل .. گلب اختك ايحرگونه
شحچيلك وشحچيلك .. ومن ياهي خويه اشكيلك
والصار لاماينصلح
وانه احچي عن اجروحي
-----------------
كلما اســولف عالسبي .. ابصدري الحچي يتكسر
وليش الملامــح يالاخــو .. ابوجهك احس تتغير
بس وحده اسولفها وبعد .. ما احچي يابو الاكبر
خــويه خــذوني للســـبي .. بنــاگه تــگوم وتعـثر
كل ماتهل اعيوني .. ايضربوها ويضربوني
لاليلي ليل اولا صبح
وانه احچي عن اجروحي
_
حيدر تركي الكربلائي
لمولاي الامام الحسن المجتبى ع
مشتاگه الاعيون بلكت يردون
الما أنسه عشرتهم طـولت سفرتهم
بلكت يردون
ــــــــــــــــــــــــــــــــــــــ
ننتظرهم ولــو نــدري مـايجــونه
بالليالي شــمــوع نشعل عـودونه
جدنه وآمنه فاطمه وحيدر ابونه
وآخر المشوار راح الغالي اخـونه
گالولي هيهات مايرجع المات
ارضي ابنهايتهم طـولت سفرتهم
بلكت يردون
ــــــــــــــــــــــــــــــــــــــ
المگبـره مـن تاخــذ احــد مــاتــرده
عالرمــل مايرجــع الوســدنه خــده
بالطشت ضـل الحسن ممرود چبده
وباچر الگه احسين عالتربان وحده
الحسن مسموم واحسين مظلوم
الطيبه مــودتــهم طـولـت سفرتهم
بلكت يردون
ــــــــــــــــــــــــــــــــــــــ
ردت اموت اعله الطشت بس موبديه
مـثـل مـا مـاتـت عـلـه المـنـحـر رقيـه
عـود مـتـفـقيـن كـــل احــنــه سـويـه
اربـعـتـنـه انـروح لارض الـغـاضـريــه
بس حُكم الايام مانعرف اشضام
والدنيه غــــدرتهم طـولت سفرتهم
بلكت يردون
ــــــــــــــــــــــــــــــــــــــ
يم ضـريــح الهـادي ماقبلـو نـدفنه
بالـنـبـل يرمـوه مـو مـسـلــم كــانه
هذا نعش الورد ليش انكسر غصنه
نِده وريحة هيـل ضـل ايطيح منه
راعي الكرم شال وگلبوهه الإدلال
وسَـــدّو مضايفهم طـولت سفرتهم
بلكت يردون
ــــــــــــــــــــــــــــــــــــــ
مات بس شيموت الذكره ابگلبنه
ياما ويــاهــم تــقــاسمنه ابتعبنه
عله ارموش العين يادنيه كتبنه
مانصب الدمعه هيه اللي تصبنه
ارحم بالاعزاز ريض يجناز
مو هينه فرگتهم طـولت سفرتهم
بلكت يردون
ــــــــــــــــــــــــــــــــــــــ
گمت اشوف الحسن صوره ابعين جاسم
بــي اشــم ريــحــة اعــزوبيه ومــكــارم
نـاذره وبالــــطــــف اوفــي الــنــذر لازم
كــون احني اچــفــوف عريس الهواشم
واصرخ يمسموم عرس ابنك اليوم
والــحــلــوه لمتهم طـولــت سفرتهم
بلكت يردون
#العبدالحسيني_محمدالجماسي
تمشي واتمر السنيـــــن وزينب ام گلب الحزين
كل سنه اتهيج الـجروح من تمــــــــر الاربعين
................................................................
سنة ماالهه شبيـــه ولامثلهـــــــه
بيهه زينب يثگل اعليهه حملهــه
يوم عشرين ابصفر ردت لهلهه
اكبر من الگاع دمعات التهلهـــه
آه يادرب اليســــــر يشبــــه اسياط الشمر
ومثل حسرة فاطمة حين وصلت للحسين
.............................................................
عمـه يالسجاد وين حسين صاحت
گلهه ذيج اگبور اهلنه وهيه ناحت
ابكثر مامشتاگـة من الناگة طاحت
چن احس روح العقيلة اهناك راحت
تنعة گامت بلشجن وينعه وياهه الضعن
والرباب ابلا شعور اتصيح ياعبدالله وين
...............................................................
حسين گلبه اتفطر ابهاية العزية
يسمع اختة اشلون تنعه الهاشمية
ويلي ماحظرت ابها المجلس رقية
ماإجت بالشام وافتـــهه المنيــــــة
احسن اتموت ابسفر ماتجي وتشبع قهر
راس ابوهه حضنته اتگله كاتلني الحنين
..........................................................
اه يازين العباد اشلون حاير
شاف جابر ينحب ابـنص الــمگابر
گله عن الحال لاتسال يجابر
اهنانه كل اجروحنه وكسر الخواطر
ضل يعددلـه الجروح وجابر ايون وينوح
اهنا عمرنه كله ضاع وانفگد نور المبين
........................................................
يافجيعه المامثلـه اتــصح فجيعـــه
حين راحو يم گبر راعي الشريعه
زينب اتنادي يبو اچفوف الگطيعه
حسرتي أكبر يخويه امن الوسيعــه
سامحتكم يخوتي لكن ابقه ابحسرتــي
للمدينه من اروح اشراح اگل لم الــبنين
..........................................................
سيد علي الموسوي
قصيدة للسبي
ضموني جوه جروحكم خاف. خويه
امشي سبيه وطولي ينشاف. خويه
لا مو بديه . امشي سبيه
....
والله ماظل حيل بيه. الهوه لو يدفعني اطيح
بلا اخو بين الشماته. خويه بعد المن اصيح
هنا رماد هنا جثثكم. وين اكعد واستريح
واسمعت جوه الحوافر. صوت من نحر الذبيح
راح اليكول الچلمه بحساس. زينب
مو حلوه بس بلسان عباس. زينب
بضيم العليه. امشي سبيه
.....
بالچثث كل خطوه اعثر. وعالوجه لن طايحه
چم صلاة الوحشة اصلي. وكل اخوتي مذبحه
كمت ما لحّك يهلنه. اقره آنه الفاتحه
نوّمت آنه رقيه . ولبو فاضل رايحه
شفته وصحتله راسك الحار. وينه
جسمك مغطه سهام وحجار. وينه
بهاي المنيه. امشي سبيه.
........
رايده احچي وياك وانته. بس نحر شابع نبل
يابو فاضل ضمني يمك. حضرو خويه الهزل
كبال راسك همه صاحو. لخته حضرنه الحبل
إلذبح والرمح عدهم. منه مايسلم طفل
تعبانه يابعد اختك هواي. تدري
مشكوله ذمت العطش والماي. تدري
وبلا خويّه. امشي سبيه.
......
حسين تدري شلون اجاني. من طحت يم النهر
بأيد يتوچه اعله سيفه. وخله ايد اعله الظهر
كتله ها يابعد اخيتك. صاحلي مات الكمر
مو ظهر مكسور منه. كل الحسين انكسر
صابغ لحيته الشيب الحسين. ينحب
من كتله ننطي وجوهنه وين. ينحب
عيني جريه. امشي سبيه
.......
الفجر طر وآنه اشوفن. صعد كل راس برمح
اظل المن يابو فاضل. امشي كل خطوه بجرح
عالرماح انظر اخوتي وين ابو الوجه السمح
وهاي قافلة السبايا. انتصارات الذبح
الوجهه اليسومر ابيض يصير. كلبه
الله يذكره حسين بالخير. كلبه
. امشي سبيه
.........
نسألكم الدعاء
حسين صادق العقابي
مقدمة عزاء
.
.
.
زيـنـب ابـگــد مابـچـت لـخـوانـها
شيبت حتى السمه امـن احزانـها
يازينب .. يازينب .. يازينب
___
مـن كـثـر دمـعـات زينـب عالــوجن
شـيدت بـخـدودهــا بـيـت الــحـزن
مـثـل زيـنــب مانـظــن احــد يــون
كربــلـه مــاطـاحـت امــن الـسـانـها
يازينب .. يازينب .. يازينب
___
الدنـيه تـصفن لـو عـلـى زينـب تـمر
وكـل حـزنهـا ماوصـل عـشـر الـعشر
الدمـعه من دمعـات عـيـن ام الخدر
اتـظـعـظع الدنـيه وتـــهـز اركــانــها
يازينب .. يازينب .. يازينب
___
اعيون زيـنب چـانت ابگـد ماتسيل
چــوت ابدمعــاتـها ظــهــر الـهــزيل
وبالاخص من يـنذكر طاري الكفـيل
يـنـفــجر مــن عــينــهــا بــركــانــها
يازينب .. يازينب .. يازينب
___
الشمر چان ابسوطه يظربها اشكثر
وسود خلـه امتـونـها سـوط الشـمر
اتمـنت العـباس ابـو زنــود الـســمر
حـاظـر ويـنـظــر فــعـل عــدوانــها
يازينب .. يازينب .. يازينب
___
سولفــت فــوگ الـهــزل ســالـوفه
انـدار راس حســين چـان اتشوفه
اتــگلـه تقــبل بالحــبـل مچـتــوفه
زينـــب الــچــان الخــدر عنــوانـها
يازينب .. يازينب .. يازينب
___
طالــعه انه اويــاك مـن نـفـس الـعـرگ
واعـدتــنـي وگــتــلــي لا مـانـفــتــرگ
مـن صـحــت ويـنك خيمــنه تحــترگ
مــاشــفـت غــيــر الـــخـيـم دخــانــها
يازينب .. يازينب .. يازينب
___
الفاگده اخوتها عجيبه اتـشـم هوه
هيـه والمــيـت يحـسبــوهــا ســوه
الـزينـب ابـهـا الـحاله يـنـفع يـادوه
اشـيــنــف وذَبــحـو كــل ولـيــانـها
يازينب .. يازينب .. يازينب
___
جــرح عـيــنـي اشــما اســده يـنــفتح
خـويـه كـل مـاشــوف راسـك عالرمح
اسـئل الليـل اعــله زيـنــب والصــبـح
واسـئــل ابــدربـك حــبـــل ذرعــانــها
يازينب .. يازينب .. يازينب
___
الحالي شــفت العدو يبــچي والصديق
اخــتــك الــبــس الــدلال الـهـا يــلـــيق
شـلــون وي ذبـاحك اتخـلص الطــريق
ونـاگـــتي يــاخـويـه بـيــده اعــنـــانها
يازينب .. يازينب .. يازينب
___
حقـها زينـب تبـقــه تـنـعــه ومـاهــدت
اخيول عشره اتـدوس اخـوها شاهدت
الشمـر مــن شــافـتــه هـيــه اتــأكــدت
حــسيــن مـيــرد وزمـــنـــهـا خــانــهـــا
يازينب .. يازينب .. يازينب
___
حيدر تركي الكربلائي
يهدا ثوابها الى روح الشهيد خادم الحسين ع
سيدكريم الموسوي
تنامن لو الي خاطر// وراجن ليلت العاشر
خيمه ماكو من باجر// بويه بويه نامن
=========================
نامن بناتي من وكت _ وتهنن بهل النومه
والساتر الله آمن الصبح _ العاشر يحير يومه
باجر تركضن من عصر _و تتطشرن بالحومه
باجر ابوجن ينذبح _ وتنسلب حتى هدومه
بيه هسه اعزيجن // بعبيجن مااوصيجن
الليل شكد يبجيجن// بويه بويه نامن
=========================
ركضن سوه وكت الحرك _ علويه وي علويه
من هسه اكللجن تره _ ظمن شكو ترجيه
ولو شفتن اخيول العده _ كامن يسحكن بيه
غطن وجهجن بالعبي _ ولا توصل اي ابنيه
الحافر باجر انه ادري // يشيل وياه لحم صدري
بالي يمجن وفكري // بويه بويه نامن
=========================
العدهه ابن غالي الابن _ تحسب بعد متشوفه
والعدهه اخو مثل الكمر _ باجر تضيع اجفوفه
شماتي كلها امنكبه _ شماتي شام وكوفه
نيتهم ايموت الخدر _ بس الله حامي احروفه
يابس ريجي واللساني// ماتو ولدي واخواني
وانه براسي شي ثاني // بويه بويه نامن
=========================
اي وحده لتحاول تجي _ لمن اون تسمعني
تشوفني ازحف للخيم _ بس الشمر يمنعني
تصيحني ووكف منحني _ ثكل الرمح لوعني
بس زينب ارخصهه تجي _ تندل شنو اليوجعني
زينب يابعد روحي // ماينحسبن اجروحي
لحالج ونتي ونوحي // بويه بويه نامن
=========================
باجر اظلن بالشمس _ من تنكطع انفاسي
بس اطئنن بالسبي _ يمشي وياجن راسي
شجاب الدلاال اعله الحبل _ ادري بحبلهم قاسي
تموتن خجل طول الدرب _ شيطيبه جرح احساسي
جاي اتخيل المنظر// سم الله الكل طفل يعثر
سبايه تمشن ابهالبر// بويه بويه نامن
=========================
لهذا السبب نامن كلت _ مادام انه يمجن عدل
باجر بناتي اتحظرن _ ليل اليمرجن مو سهل
عبدالله جيبنه الي _ بيه تعلق هالطفل
شوفنه هذا شكد ترف _ باجر تره هم ينكتل
الله يساعد اكليبي // من هسه وكثر شيبي
يروحي من الهظم غيبي// بويه بويه نامن
=========================
تمت _ علاء الزيدي