-
قناة لخدمة الحسين عليه السلام
استشهاد الرسول محمد عليه وعلى اله افضل الصلاة والسلام
ياهو الكال موت الله هـــاي الوادم اتوهم
+++++++
رسول الله انجتل ياناس واحنه المغزى ندريبة
رادوا منصب وكرسي كلمن فكر بجيبة
الجانوا همه خط اول منهم طلعت العيبة
كالوا سيف ماينفع علينه يوجه الريبه
وادم ما تحب الله
بس تريد تتعله
نبي..معصوم ميهمهم اليهم تصعد وتحكم
ياهو الكال موت الله هاي الوادم اتوهم
++++++++++
هذا وذاك والشله واول باغي حط فكرة
كال السيف وكت الضيج والسم للقوي نغدره
نبديها ب محمد سر حدما تخلص العتره
حيه مامش اطباع الذيب شتقدمله و ينكرة
ريائيين نكارة
قبل الدين خمارة
طبع الحيه ناعم حيل بس بداخله يبخ سم
ياهو الكال موت الله هاي الوادم اتوهم
++++++++++++
سوي كلشي يحلالك دامك ماتخاف الله
دامك بلرياء استاذ ينغش بيك عبدالله
الخافي نيته عن الناس يوصل مبتغه غله
جانوا بل سرة الاول بلسبحة ولمصلة
دكات الصحب تخذل
ميسويها المعدل
هو الما يحب دينــه شتسويله هـــم يخم
ياهو الكال موت الله هـــاي الوادم اتوهم
++++++++
جبير وكلبه كد اسمه نبينه وماقبل يعلن
لكن خوفه عن الدين خلاه كلهن يضمهن
اسنون الحقد مرات تكدر انت تكسرهن
لكن مستحه امن الناس والصحبه تغض عنهن
هاي الوادم شبيها
تعض ايدين راعيها
ازدواجية بلا مبدأ بست اوجوه تتوسم
ياهو الكال موت الله هـــاي الوادم اتوهم
++++++++
طــه بلغه لحيدر وكله يا علــــي اتركهم
حتى الدين ما ينضار خلي الناس تكشفهم
هاي وصيتي ياكــــرار بلمحشر نحاسبهم
وإلا جان ابو الحسنين مثل الماي طشرهم
وين يروح بلمحشر
مني ومن ابو الاكبر
سم العترة وي الطف هناك الدم يجي بلدم
ياهو الكال موت الله هـــاي الوادم اتوهم
+++++++++++
الشاعر مصطفى الربيعي
2023/9/11
الخدمه وتجديد البيعه
هاي الشعائر خالدة .. هاي الشعائر
بكل المصادر واردة .. هاي الشعائر
كل الديانات
بيهن ثقافات .. واحنا ثقافتنه اللطم
############
خل يبقى عيسى بدينه لو موسى شتريدون ؟
محد ابدالي ايتحاسب بيها تدرون
شلكم غرض لو جا عمت لحسين العيون ؟
خل ياكل الزنجيل قابل بيها المتون
لاتشكل وياي
مانطلع براي
من راسي شيطلع الخيم
واحنا ثقافتنه اللطم
#############
تركوني اسلطن ع النعي وصوت الرواديد
شمحلاها جوه المنبر اكعد واسمع ونيد
نعيدها انوب احنه غير حسين منريد
ما ينفع ويانه الحطب واحبال بلجيد
بلخدمه باقين
بدروب الحسين
خدامه منهم والنعم
واحنا ثقافتنه اللطم
#############
هو العمر مابي طعم جا لولا الحسين
وليكول عندي عيون انه الماعامي اله العين
باجر فرض يوم الحشر من تحجي الادين
تشهد على الي مالطم اجفوفه الاثنين
رب السماوات
بي خله ميزات
خصصله جنة للخدم
#############
انه لحسين اتنفسه وبريتي اضم بي
لو ابجي ليليه بحر لا ما اجازي ؟
امتانه يعكوب اولده هلشهر اتاني
مثل المضيع هوه وبلمجلس الكي
توجعني الامتون
من اذكر ام عون
لو بيدي الطم بالسهم
#############
هاي المجالس عامرة دامن اكو انفاس
مرفوعه رايتنه مثل رايات عباس
روج المواكب ماركد يرطم بالاحساس
بين اللطم والي خدم واليطبر الراس
لليخدمه اعدام
كالاهه صدام
ضلت ويحسين الزلم
احنه ثقافتنه اللطم
#############
عند اليحب لا ما تلاكي مفردة خوف
عابس شمر هدمه وانه شمرت الاجفوف
شكثر ذاك الطاغي حط بركابنه سيوف
مايدري عيد الشيعه من بحضرته نطوف
فرطنه بلروح
وصحنه يمذبوح
شكم خادم بخادم عدم
احنه ثقافتنه اللطم
الشاعر الحسيني مصطفى الربيعي
جرح الامام علي ع و استشهاده
ياريت اني انطبر بمجانك ياعلي
خافن من تنجرح مايبقالي ولي
##########
لو رد بيه الزمن تجهبلك خطوتي
بيديه انطيها الك روحي وي جبهتي
كلبي بيك انوله ويامكبر دمعتي
انت اكبر من عشگ يلماخذ صفنتي
علي علي علي علي علي
من اتذكر ونينك
والدم سال اعله عينك
زينب تجي اعله بالي
من باوعت جبينك
وي دمعات الحسن ياهم لاتنجلي
ياريت اني انطبر بمجانك ياعلي
############
يامولاي الدمع ينزل من السمه
لا حسبالك مطر.. جا دمعة فاطمه
بجت هي الفلك دمعة بلون الدمه
مجلس فوك انصبت حزنانه ولاطمه
علي علي علي علي علي
اصعب لحظه بطبرتك
من اتخايل نظرتك
ومن توصي حسينآ
خل بالك اعله اخيتك
باجر من تنسبي وع تل من تعتلي
ياريت اني انطبر بمجانك ياعلي
#############
يعصر گلبي شكثر رمضانك ماكمل
وانت هلال العشگ يم بابك جا نزل
وماتتسحر بعد وسفه يخير العمل
عيد الله لو يجي مابي لذة يضل
علي علي علي علي علي
مو بس احنه بجينه
املاك الله ونبينه
وشكم نبي فجعته
ويم جرحك ابكى عينه
ياركن امن الهدى وسفه جا تنولي
ياريت اني انطبر بمجانك ياعلي
###########
كمنه نحس بليتم ياخيمة شيعتك
ما تروينه الصور لو نحضن صورتك
نار وبينه تشب تطفي من نظرتك
يابير ومانشف اتروينه امحبتك
علي علي علي علي علي
يا كافل اليتامه
صرنه تره بظلامه
خسفت شمس ضحكتك
من طبرة العمامة
ركن الكعبه جره دم وي عرش العلي
ياريت اني انطبر بمجانك علي
###########
عمر الدمع يشيعه ميرجع اليسافر
لو رجعلها ابوها مثل العليله اناطر
بس المشه يشيعه مترجعه المقابر
راح الولي وبقينه ع ظنه يجي باجر
علي علي علي علي علي
لا مايرد ولينه
غررب بعد علينه … علي
حنيته هسه راحت
ياوسفه من ادينه
الي يعوض علي ياشيعه بس علي
ياريت اني انطبر بمجانك ياعلي
الشاعر الحسيني مصطفى الربيعي
رجوع السبايا .. رجوع الركب الحسيني
جبت وياي الماي وجيت
من الشام الكم رديت
كوموا تلكوني
جبت وياي العلويات
مسبيات و تعبانات
اتلكوا اضعوني
قصتنه خلصت قصتنه خلصت
--------------------------------------
اعله هونك ياگلب للملگه لا تعجل
استجنن ياجدم هو اليسر كمــــل
وصلنا نفترض ووكفنه يم التـــل
اخو ماكو بعد وينـــوخ الهــزل
كظوا كلهم مثل ما تنكظي الشمعـــة
الدخل جوه الترب ياروحي شيطلعة
طفوا مثل الشمع بس كلبي شيقنعـة
رجعت امن اليسر
و كلبي منكسر
ولا واحد حضر .. ولا واحد حضر
ذبلانه عيوني ..
كوموا تلكوني ..
--------------------------------------
بقت ذيج الصور مرسومة نص بالي
عفتكم ع الارض غالي بكتر غالــي
اختكم هلأجت شوفوهــا لحوالــي
انه امشي ويلجتل خواني من تالــي
خذوني اعله الهزل والحادي مايرحم
اكلهــم بت علــي كلولــي ما نهتــم
صحت علويه أنه صاح الشمر نعلم
منو يفازع الي
وذبح راحو هلي
اكلهم بت علي .. اكلهم بت علي
محنيه متوني ..
كوموا تلكوني ..
--------------------------------------
وصلت لكربله وهاضن عليّ كلهن
شكو ذكرة وجرح جيب اليسكتهن
اناظر للخيم و ارماد اشوفنهــن
اجر حسرة كمت يقهرني منظرهن
هنا سكنة اركظت واتباوع اعليــه
هضمة اعله الجمر من تركض ابنيه
العاشر والسبـي خلنــي محنيــــه
يا هل الدمع
شلع عيني شلع
عشتهن بلفجع .. عشتهن بلفجع
كلهــم بجونـي ..
كوموا اتلكوني ..
--------------------------------------
مشيت اعله الثرة وضل بالي يتذكر
هنا شفت الحسين من العطش مصفر
وهنا شفت النحر وهنا شفت خنصر
وهنا لملميـت اضلاعـــه لمّ الــدّر
وخر يا شمر من صدرة صحتنه
حز نحرة وضحك جدامي اشوفنه
يوجعني الحجي لمن اذكرنه
اجيت لكربله
وجبتها القافله
مامش عايله .. مامش عايله
فشلانه ضنوني ..
كوموا تلكوني ..
--------------------------------------
لمكان البي بديّ انطيته المطهم
رحت هلبت عطر بمجانه ضل ينشم
جيمت المكان البي كعدنا بدم
لكيت دموعنا الطاحت بلمخيم
اصفنت صفنه هوه وعباس صحتنه
ياهو امن الهزل عكبك ينزلنـــه
رجعنا من اليسر بس خويه مو كلنه
رقيه ما اجت
بلغربه بقت
جتلها هلطشت .. جتلها هلطشت
خويه ضهدوني ..
كوموا تلكوني ..
--------------------------------------
نسألكم الدعاء
الشاعر الحسيني مصطفى الربيعي
السيدة رقيه عليها السلام
بويـــه التفتلــــي خل رمحك يدير
مشتاكه انه هواي لذيج التعابيــر
عالي الرمح .. مالوحك
فدوة رحت .. لروحـك
عالي الرمح .. عالي الرمح
**************************
حالي يا حال ودموعي تارسات عيوني
فاكدة حسين وشكلهم لمن يسكتوني
العزيزه اني يبويه اعله الجمر مشوني
الحادي عمدة يجيب راسك رادوا يبجوني
دمعتي
لهفتي
اعله راسك
حسرتي
بويه التفت .. بجروحك
عالي الرمح .. مالوحك
**************************
كلشي يخنكني اشوفه بويه حتى انفاسي
استحي ع الرمح اباوع واني سالم راسي
تعصر عيوني نظرتي المنظر شكد قاسي
الرمح هو حديدة بس ذبحلي احساسي
نظرتك
حسرتك
اعله بنتك
دمعتك
يابويه أحس .. بنـوحك
عالي الرمح .. ما لوحك
**************************
هاي وادم موش اوادم والحقد ماليهم
اكبالي ضل يخفگ براسك عمدتآ حاديهم
واحد يكولن للأخر خل نعاند بيهم
طفله ماراعوا شعوري ماصعبت اعليهم
صغيرة
وجبيرة
يبونه
اسيرة
راح الخدر .... ابروحَك
عالي الرمح .. مالوحك
**************************
من دخلت اني الخرابه بلا وعي هل الدمع
كلشي اخرس صار بيه عدا دمعي الينسمع
ضلمة بس راسك يبويه بلعجل نور شمع
لذنه وحدة بسد الاخره حدر عمتي ننجمع
حدرها
بكترها
انسترنا
بسترها
ليه نزل .. هل موحك
عالي الرمح .. مالوحك
**************************
وصلنا للديوان لاجن تختلف هاي البشر
وادم تهلهل شفتها ووادم اطك بلحجر
دوريتك وافتهمني الطاغي باين بلنظر
جيبو ابوها كال هو وجيتني انت بس نحر
حضنتك
نظرتك
تون ليش
اعله بنتك
روحي اصعدت .. وي روحك
عالي الرمح .... مالة لوحك
**************************
الشاعر الحسيني مصطفى الربيعي
طور ادور اعليك يبن امي / علي السجاد عليه السلام
ياخذنـــي الجــرح للطف و للمنحر يودينــي
على هلحاله عشت اسنين بين ونيني وونيني
____________________
بگــى هـذا الجــــرح بيه ضل عايش ابدلالي
اون وانحب مسيت غروب بجاي انشده حالي
يضيم الطف سحن روحي ماخله ولا غالــــي
يراويني صدر مهشوم
نحر يبست عليه ادموم
ورمل وسط الجرح مضموم
ورمح وسط الضهر مشجوخ صور ماتنمحي بعيني
ياخذنـــي الجــرح للطف و للمنحر يودينــي
____________________
انه السجاد وبيه آلام آلام اسحنت روحي
محرم كل ما يلفيني يخضر بلكلب نوحي
عشت قصه ويرمح حسين والعنوان بجروحي
جرح ما يشفى لا والله
وين التفت اني الكـــاه
توجع ذكرته وطـــرواه
جرح كد السما واكبر جا شنهي الينسيني
ياخذنـــي الجــرح للطف و للمنحر يودينــي
____________________
كل ما غمضت عيني يجي جدامي عبدالله
جدامي السهم شفته توضه وبلنحر صله
غفه بوداجه مثل الطير آمن والجنح فله
من شفت امه مهضومه
وجهي بادت ارسومه
بجيت ودمعي ما لومه
حط ايده اعله خاصرته بجيت لحيرة حسيني
ياخذنـــي الجــرح للطف و للمنحر يودينــي
____________________
هواي الطف كصه بيه نار وتحرك طيوفه
انه السجاد وزحمة هواي ايديه بحبل مجتوفه
رحت وي عمتي اعله النوك رحلة يسر للكوفه
شذكر والجروح هواي
سكنه وزينب بلا ماي
وانه المرض دك اعضاي
واخوتي اعله الرماح شموس كل شويه تجويني
ياخذنـــي الجــرح للطف و للمنحر يودينــي
____________________
اذكر من صعدنه النوك دارت عمتي اعليه
جنها تكلي عمك وين صدت ع النهر هيه
حتى الناكه تبجي وياي من حسرة المسبيه
صدت للرمح بحساس
صاحت ترضى ياعباس
شفت بعيني نز الراس
مسبي لجن موش الكوم جرح العمه سابيني
ياخذنـــي الجــرح للطف و للمنحر يودينــي
____________________
اهي مكتوبه ويل الطاغوت نعيش ومنه مانسلم
ما كفه الجرة اعليه جملوا جرحي همه بسم
صرت مثل الحسن مسموم مفطر جبدي ماينلم
على هاشم على السادة
مخطط بيّن و ابادة
كرامتنا احنا الشهادة
الشمس ماتنطفي بلماي يلطاغي ماتطفيني
ياخذنـــي الجــرح للطف و للمنحر يودينــي
____________________
الشاعر الحسيني مصطفى الربيعي
علي السجاد عليه السلام
الله يعيـــــن گلبــك بعيونك شفتهم
شالوا راس الحسين للشام برمحهم
يزين العابدين ..
يزين العابدين ..
يزين العابدين ..
***********************
منو مثلك جرح شايل يمولاي
وانذبحوا هلك ماشربوا الماي
الله يعين كلبك سيدي بهاي
من شفت الحسين ابعازة افياي
اجروحك جبيرة
من جبت الحصيرة
دمعتك .. حسرتك .. ثكيله
تلمن قطعه قطعه
ما تكدر تجمعـــة
جروحك .. ونوحك .. تطيله
وين البي محنه بيدك لملمتهم
شالوا راس الحسين للشام برمحهم
*************************
منين اني ابتدي وجروحك اثكال
من جرح الخيم لو جرح الاحبال
لو من الرمح كدامك اشال
لو صرخه ضمه تصرخها الاطفال
من ذبح الهواشم
ال سبي الفواطم
والزنود .. بالقيود … عصرها
تباوع ماكو ناصر
والعسكر تجاسر
يسجاد .. الاصفاد .. قفلها
لا تترجه فازوع كظوا كلهم نحبهم
شالوا راس الحسين للشام برمحهم
*************************
بيك الطف بقى عايش يسجاد
وذكرى كربله يوميه تنعاد
وبريتك اثر دخان وارماد
وصورة حافر اتشلبه ع الأفاد
كظت بلطف حياتك
ذكرى بوسط ذاتك
عشتها .. وشفتها .. بعيونك
توجع ذكرياتك ذكرة ناكه هزله
عشتها لحد مماتك
بالاحلام .. والاوهام .. يجونك
جرحك للأبد ضال مايشفى جرحهم
شالوا راس الحسين للشام برمحهم
*************************
بعيونك شفت محنيه ام عون
تركض ع الجمر والكل يشوفون
عليل وماكو جاره تفزع شلون
ظهرك منحني ومهدله الامتون
هنا دمعك تسيله
من شفت العقيله
تصيحن .. تكولن .. يعمه
فز طولك عليها
حتى اطفي اديها
من النار .. جمر حار .. تلزمه
وايتامك بالاخيام ضل بس الله الهم
شالوا راس الحسين للشام برمحهم
***********************
عشت عمرك دمع متوسد ألهــم
جــرح كبــر السما لكـن بـلا دم
ومن جاك ألاجل منك تجدم
لگه جبدك وذر واتعذر السم
من الطف تفطر
جبدك بلضمه انطر
بلا ماي .. يمولاي .. تشطر
الضمه عاش ويذاتك
لن اذى خواتك
بلهموم .. يمسموم .. تفطر
كظه عمرك يبجاي دمع تسولفلهم
شالوا راس الحسين للشام برمحهم
***********************
الشاعر الحسيني مصطفى الربيعي
اللحن غير اساسي ممكن تلحنوها انتم بأكثر من لحن
علي الاكبر ع والحشد الشعبي
موشح .. نزله منبري .. تقرأ زنجيل ثكيل و سريع
طب الاكبر وانجفت بأركانها
الارض تعرِف وقع فرسانهــا
_________________________
طب الاكبر وانشده جيش الكفر
تيهوا المشراد ودروب المفر
هذا حمزه لو علي لولا الكمر
ضيعت السبعين الف حسبانها
________________________
اشبه الخلق بمحمد طلعته
تضوي مثل الكمرة هي جبهته
الشمس وي الكمر من جهبته
رادته يصعد يضوي امجانها
______________________
دخل للطف والهوه بظهره ايلعب
هاشمي والهاشمي يهوه الحرب
حيد يشبه حيدره من ايغضب
العدة اضل تبلع بريجانها
____________________
وكف بلميدان واستهوى القتال
نادى وين الحيد يبرز للنزال
ضمضموا همه الركب مامش رجال
خافت جيوش العده واعوانها
______________________
عاد بلطف حادثة جده علي
وي ابن ود والغبر من تنجلي
اعله صدرك يابكر جا معتلي
ضعضع ايمان العده بفرسانها
______________________
علمخيم باوع وذب اللثام
صاح زينب عمتي ابعثلج سلام
اني الاكبر ياهو يدنيها الخيام
يبگى مامون الخدر وضعونها
_____________________
سطر الاكبر ملاحم تنشهد
توارثوها انصاره ابطال الحشد
كملوا هاي المسيرة للمجد
وادم اعله الحك تشجل اردانها
___________________
عدنا حشد اليملي عينج ياشمس
وادم تسابك تضحي بلنفس
ذوله درع المرجعية والحرس
ذول وادم من صدك شجعانها
_________________
الشاعر الحسيني مصطفى الربيعي
نسألكم الدعاء
ملاحظه .. الروايه تقول ان
مولانا علي الاكبر عليه السلام قَتل ابرز ما في جيش عمر بن سعد وهو ( بكر بن غانم )
.. السبي .. رئيسية
يامهدي شحجيلك
و منيــــن ابــديلك
ماينحجي البيه
الحادي من نادة
ياعمـــه الســادة
تمشين مسبيـــه
يامهـــــــدي •• يامهــــــدي
*********************
اه يمهدي الصار بيه ميتسولف بليســر
طحت قرأن ويوادم زينهم بؤرة كفـــر
ماكو للشيبه احترام وما يقدرون العمر
وكت كدامي يتجاسر بن سعد وي الشمر
عمه نزلــت دمعتي •• جدام الارجاس
طلــع للوادم لسـن •• من طاح عباس
يعمه .. ولــــوني
يعمه .. سبونـــي
يعمه .. اضربوني
بلسوط محنيـــه
تمشين مسبيـــه
********************
وسفه بت حيدر يمهدي توكف اكبال الشمر
وانه المحد شاف ضلها بخير ما دامه الكمـر
جنت اميرة وتاجي ستري والعرش جان الخدر
الهاشميــه العلويــه شلـون خـدي ينسطـــر
يمشي كدامي الضعن •• بي روس اهلنه
روس ماتنزف دمه •• تنــــزف محنــــه
يمهدي دمعنه
يمهدي افتركنه
يمهدي انجرحنه
يسبـّـون علويـــه
تمشين مسبيـــه
******************
وانه فوك الناكه عمه حايره وكلي جـــرح
شفت راس حسين يبجي دمع ينزل منذبح
ليــه باوع دار وجهه بلعجل مــال الرمــــح
شاف متني والعبايه امن الضرب صارن ملح
بحيرة ضليت ودمـــــع •• كل فكري يمــه
يطيح خاف امن الرمح •• ياهــو اليلزمه
عبينه .. محروكه
عبينه .. مبيوكـه
عبينه .. مشكوكه
والعلم خاچيــة
تمشين مسبيـــه
******************
عمه نظرات الشماته اعلينه توكع جن سهم
كمنـه بيدينـه انتلثــم لجـن شيفيـد اللثـم
البعـض مــن الفواطـم ستـر ســـون بالعلـم
كلشي عنده عيون صار واحنه مجموعه حرم
لأبوفاضل درته وجهي •• شاربه اهتز
اختاض ويباوع عليه •• والرمح نز
يباوع .. عليــه
يباوع .. لديـــه
يباوع .. رقيــه
زنــوده ما هيـه
تمشين مسبيـــه
*******************
اه يا هضم الخرايب حيلي من عدها انهدم
جبير وصغير بعباتي لاذت شكد الحرم
كمت اندس روحي بلجت هذا مو واقع حلم
شنو الجارة يابو صالح والضعينه تنسكم
انخبط جلدي وعباتي •• عمه فد لون
انحني لمن اكومن •• واني ام عون
ثكيله اسياطهم
ثكيله جلماتهم
ثكيله نظراتهم
من ماتت ارقيه
تمشين مسبيـــه
*********************
تمت بعون الله
الشاعر الحسيني مصطفى الربيعي
نسألكم الدعاء
مابعد ( المقتل ) -- ( السبي )
رايحه مسبيه
ياا ابو الحنيه
راح امد اديــه
مدلي جفك يا حسيـــــن
*********************
طيحتك طعنة رمح
ماخلت انفــاس
ذبحتلي الأحساس
يلتشبه الياس
ياحبيبي
جيت اودعنك لچــن
بلحيره ضليت
ماكو انت من جيت
بس خنصر الكيت
زاد شيبـي
الخيل منك اشخذت جاوبني يحسين
انباك من صدرك ضلع تندله جا وين ؟
حوافــــر .. نهشت هلأضلاع
حوافــــر .. مسحوكـه بلكاع
وين ضلعك
مدلي جفك يا حسيـــــن
*********************
بيــك شمسويه العـدة
نايم علتـــراب
عاري بلا ثياب
عجبن السلاب
من سلبهن
حسين نزلت دمعتي
من شفتك بساع
مجفي على الكاع
من جسمك شضاع ؟
حتى المـــهن
ردت كتر بلا جـــــرح حتى احضنه بشوك
من الاظفـــر للنحـــر بجــروح محيــــوك
اويلـــي .. منيــن اني الزمك
اويلـــي .. اطيح ثلمه منك
خل المــك
مدلي جفك يا حسيـــــن
*********************
راح اروحن لليســر
مجتوفه علنوك
بس بينه متلوك
من ندخل السوك
و الخرايب
بين زجــرات وشتـــم
وسياط وصياح
خويه المتن راح
وانتم علرمــاح
يلحبايب
تدري برقيه من الهزل جم مرة طاحت
كلما تبـــاوع للنحـــر نكـــول ماتــــــت
حبيبـــي .. تحجي ويرمحك
حبيبـــي .. خليني احضنــك
تريد خــدك
مدلي جفك يا حسيـــــن
******************
صبرني شي بس بليســر
راسك يمذبوح
حسيته بي روح
يندبنه وينحوح
دمعتك دم
شفتك تصدلي ومختنـــك
بلعبره يحسين
ماعندك اثنين
لا صدر وايدين
حتى تلطم
عوفك من الوان العبي عاين عل ايـــدين
ركز شويه اعله الحبل شمسوي يحسيــن
يخويــــه .. محزوزة ايــدي
يخويــــه .. مجرح وريـــدي
خويــه احلفك
مدلي جفـــك يا حسيـــــن
*********************
وين اضمن وجهي انـــه
كلهم يشوفون
ليه و يظحكون
بيه يشتمــــون
العواذل
يأشرون اعله الحبــل
وبهمسه يحجون
ادري شيكولون
مو هاي ام عــون ؟
ع الهزايل
زفونه جن زفه عرس ياخويه للشام
وادم اتصفك والبقت بيديها دمـــام
مصيبـــه .. علويــــه اني
مصيبـــه .. لكن سبونــي
متت بعـدك
مدلي جفـك يا حسيـــــن
********************
الشاعر الحسيني مصطفى الربيعي
نسألكم الدعاء
قصيدة الشهداء
رايحين وبسلامـــه مودعين
نلتقي يحبابنا عند الحسين
من وكت صار الهجر
هذا مو وكت الگبــر
رايحيــن رايحيـــن
************
شكثر يعقوب انتظر
وفارك عيونه النظر
لچن تاليته فرح
والدفن غالي بگبر
هذا گلي شينتظر
شينتظر غير الجرح
صغار لسه اعله اللحد
يا ارق من الــورد
اللحد بيكـــم ربـــح
مسافرين .. لديره مابيها محنه ولا ضوه
مسافرين ..فارگــونا عگــب ما جنه سوه
ما بـقى بيه صبــر
هذا مو وكت الگبر
************
ليش يومية نزف
چم شهيد وچم ترف
بس شباب التندفن
يا زمن شنهي الجرة
احبابي سكنوا مگبرة
وانه ساكني الحزن
الراح نعرف ما يرد
كلهم بعمر الورد
الورد يمهم خشن
عايفيـن .. ذكريات وضحكه وشويت صور
عايفين .. تلجم العين شكثر من تنذكـــر
راحوا احباب العمر
هذا مو وكت الكبر
..........................
شكم كمر طاح وخسف
حاضن تراب النجف
صار بخت المكبرة
ابو الوكـفه والوفه
راح يا دنيــا آفــه
الزمن ميكــــرره
راحوا اعزازي ومشوا
للمنايا توكلـــوا
كلبي الله يصبره
مناطرين .. روحي تنطركم لجن مدري شتريد
مناطرين .. تعتقد من مگبرة يرجع شهيد
ها يمر ها ما يمر
هذا مو وكت الكبر
........................
من اعاين ع الصور
يلتوي بعيني النظر
واغرك اني بحسرتي
بكل فرع وبكل درب
معلكه صوره محب
ذوله كلهم اخوتي
لبو لحيدر نداء
قدموا كلشي فداء
روحهم وي دمعتي
وين وين .. رايحين وعايفيني بدمعتي
وين وين .. اختنك كلما تذكر صحبتي
دمعتي تنزل جمر
هذا مو وكت الكبر
.................
شيگظي عمري بلهجر
وراحت اعزاز العمــــر
فاركونه ياعلـــي
اختنك وكت المسه
والونين اني احبسه
شوگ بيه يعتلي
صار يخنكني الهوه
ومات بعيوني الضوه
همي مااظن ينجلي
عايشين .. بروحي مثل الشمعه لمن تعتلگ
عايشين .. بيه واني احجيلكم عن الفرگ
امنياتي اني شكثر
هذا مو وكت الكبر
الشاعر الحسيني مصطفى الربيعي
استقبال محرم .. الخدمة
شحلات اسمي اذا ب اسمك يلقبوني
الحسيني فلان افرح من يصيحوني
###########
انذرت عمري بخدمتك وانه ممنونك
تسجلني بسجل وي الي يخدمونك
فضل منك اذا تحسبني مجنونـــــك
العمر سفرة وخلاصي شفته بعيونك
انه خادم
فلا نادم
على الخدمة
ضوه انت
وانه اجهبته
من الظلمة
اعشگنك وصرت شوفي الي بعيوني
شحلات اسمي اذا ب اسمك يلقبوني
#############
لون حيلي ركد وامشي اعله عكازة
اضل خادم لحد ما اصبح جنازه
جبت دناي مامعتاز بس شباجك اعتازه
انه بأسمك افك ضيجي من اتوازه
احشمنك
اكلفنك
وتحلنها
احبنك
اتبعنك
يلروحي تفهمنها
وكت ضنكاي اكلهم يمه ودوني
شحلات اسمي اذا بأسمك يلقبوني
##########
يماي اجبال افرفح من تجي ابالي
انه العابد واشوفك انت شوالي
اعترف اسمك صيت هواي سوالي
يم الله اليخدمنك يقينآ ينحسب غالي
عشك فقرة
على الفطرة
هويتنك
برياحيني
ونظر عيني
لكيتنك
عن امحبتك شجاوب من يسألوني ؟
شحلات اسمي اذا ب اسمك يلقبوني
##########
شفيع انت وتنور ظلمه المحشر
واليخدمك ضواه مثل الكمر و اكمر
ووجوه الماتحبك تسود و تصفر
الماباجي دمع لجلك يم الله شكثر يصغر
هوى شلتك
تنفستك
انه بريتي
عشت طفك
وشفت جرحك
اعله لاهيتي
يمر طاريك اشوغ وينخطف لوني
شحلات اسمي اذا ب اسمك يلقبوني
##########
رزق انت واشكرك ربي يوميه
نعمته انت ووجوبآ احمد اعليه
احبنك لأن شفتك جريم تعرف شبيه
اضل خادم وعد بي نكهه شيعيه
وعد كلته
وجددته
ويخدامك
طبع روحي
تحب نوحي
عله مصابك
اله بجاي اضل كل عمري خلوني
شحلات اسمي اذا بسمك يلقبوني
الشاعر الحسيني مصطفى الربيعي
استشهاد امير المؤمنين علي عليه السلام
الابو راح
الگلب ناح
من الهجر بينه علامه
بطبرة الهام
صرنه ايتام
ضلت الشيعه يتامه
##################
ياعلي صعب الهجر
جنه نار ويستعر
مابين الاضلاع
الموت ميرجع احد
لو توسد باللحد
شيفيد الاوداع
دموعنه بيها ثگب مثل البراكين
تترك بجريانها اعله الخد نياشين
كلي شنهو الي يردك يا قرابين
علي راح ..
مايرد بعد بسلامة
الابو راح
الگلب ناح
من الهجر بينه علامه
################
هو شيفيد العمر
من امامك ينطبر
صعبه و ثكيله
ابمجانه لو يصح
بينه خلينه الجرح
والدم نسيله
جروح ميحسها بشر ماساهر الليل
جروح المفارك علي بلمدمع تعيل
ياابونه الليله دم محرابك يسيل
العرش صاح..
اه واويلاه من نزف العمامه
الابو راح
الگلب ناح
من الهجر بينه علامه
###################
يكتل افراكك علي
حزنه ماظن ينجلي
يندس بلنياط
بحزني يعقوب اكثره
انه مفارك حيدره
مامفارك اسباط
جروح مايفهمها ابد بس المفاكيد
جروح يفهمها الينام بمكبرة بعيد
جروح جن بركان تتنافر ولاتهيد
جن ارماح..
وغافيه بصدر اليتامه
الابو راح
الگلب ناح
من الهجر بينه علامه
################
هسه ياهو الضل اله
اليتيم ويسأله
عكبك يبو تراب
ياهو يتلثم بعد
ويتصدق يا مدد
من خلف الحجاب
انت يا خبزة فقير وخيمة ايتام
وسفه يابوحسين مثلك بلحد نام
لهذا يومك تطعم بسر خلف الالثام
علي طاح ..
ولسه ماطايح لثامة
الابو راح
الگلب ناح
من الهجر بينه علامه
#################
الابو خيمه ترة
لو خذته المكبرة
تفكد حنانه
علي خيمتنه مشه
الدنيا صارت موحشه
ياهو بمجانه
التاكل بروحي بقت نظرات الحسين
يركض يضمد جرح لو يدمع العين
اه يا نظرات زينب بيهن ونين
الاجراح ..
بينه ماخلت اثر من ابتسامه
الابو راح
الگلب ناح
من الهجر بينه علامه
الشاعر الحسيني مصطفى الربيعي
رجوع السبايا ..
ملاحظه /بعض الخدام يطلبون المستهل القصير والبعض يعتبروه لايهم ان كان المستهل طويل او قصير لذلك كتبت مستهلان والاختيار متروك للرادود في اختيار احدهما
رديت امن اليسر 👉 مستهل أول
ماشفتك تنتظر
مو طبعك يلكمر
ما تتلكاني .. ما تتلكاني
عني بطيت واني تدري متانيه
عدة شهر ذبحتني بي كل ثانيه 👉مستهل ثاني
رجعت امن اليسر
ماشفتك تنتظر
مو طبعك يلكمر
___________________
گلــي شنهي العطلاك ومااجيت اعليه
اني اعرفك زين خويه انت ابو الحنيه
ردت اشوفك حتى انسى كل جروح البيه
بين جرحي وبين هجرك راح اضل محنيه
يعباس .. الاخت ما الها بس اخوها
يعباس .. سند يصبح لو رحل ابوها
ماضل عندي علي
عافوني كل هلي
يمته الهم ينجلي
عاصر گلبي عصر
مو طبعك يلكمر
_______________
ضلن ابالي امنيات امنيتي احققها اني
جود ماريد اني اريدك انت تتلكاني
تدري تعبانه اخيتك واليسر اذاني
شمة وحدة من لحيتك امنية بوجداني
يعباس .. والله هنه اليوجعني هوايه
يعباس .. جفوفك وراح اختصرها بهايه
رديت لكربله
طحت اني بمشكله
ماهي العايله
محد ليه حضر
مو طبعك يلكمر
_______________
الدرب كله افكر هم نجي و نشوفه
يوكف اعله التل يلوح للضعن بجفوفه
وبيدي اتلمس جبهته ولحيته وزلوفه
شوغه ماتبقى بدليلي وگلبي يهجر خوفه
يعباس .. واحضنك حدما تطيب متوني
يعباس .. تصفن بوجهك دهر عيونـــي
واكف يم الخيم
امتاني ومبتسم
ماكو بعينك سهم
ما مبيــوك النظر
مو طبعك يلكمر
_______________
روحي من ساعة عفتكم بيّس الهم بيها
صعبة من الطير يهجر عشه اظن تدريها
شايله بأيدي جروحي و ردتك اداويها
ردت تنشدني اعله ايديه الحبل جا ماذيها
يعباس .. ردت اثار الحبـل تمحيها
يعباس .. تختفي لمن تمسد اعليها
ياخويه وضنوتي
كوم امسح دمعتي
استقبل جيتي
كاسر روحي الهجر
مو طبعك يلكمر
_______________
رحت لمجان الكلتلك بــي مــودع يلكمر
هناك وشتميت اديه الكيت لجفوفك عطر
تذكرت خويه حجينه وگلبي مرة أخرى انكسر
ومن ركظت اني بوراك وجدمي ساعتها عثر
يعباس .. جنت ضلي واني ضلك وسفه
يعباس .. والله دنيا الفاركتنه صلفه
تذكر من اركظت ؟
جم مرة اني اعثرت ؟
ارجع خويه صحت
لا تمشي للنهـــر
مو طبعك يلكمر
_______________
الشاعر الحسيني مصطفى الربيعي
نسألكم الدعاء
هواي اطوار ترهم على القصيدة ..
Читать полностью…
طور ادور اعليك يبن امي للمرحوم ياسين الرميثي
Читать полностью…
مشايه .. المشايه
امشيله .. للغالي .. وما اتعــب لا والله
علمني .. ع الهيبه .. ورافعني امن الذله
*************************
هاي مر اجم شهر
ومتاني
بوجداني
بشرياني
امشيلك
روحي عطشانه وتريد
زيارة
منهارة
محتارة
توميلك
مشي مشي .. اني استلذ لو جدمي ينلاح بتعب
مشي مشي ..لذه العاشك لمن يلاكي المحب
كل عاشك .. يتعنى .. لمحبوبه ويوصله
امشيله .. للغالي.. ومااتعب لا والله
************************
شايل الرايه اعله متني
وحامي
اجدامي
للضامي
تتعنه
دربه درب الله يكول
الصادق ع
الصادق
متوافق
ويلجنه
مشي مشي .. ويايه تمشي فاطمة وام البنين
مشي مشي .. ضل بعبيهن يصنعن للزائرين
يرونّي .. يحرسنّي .. منهن جود يتدله
امشيله .. للغالي .. ومااتعب لا والله
**************************
حسيــن دربك منه اخذ
صيتي
تربيتي
شخصيتي
مدرستي
انت قرأن وتلتك
روحي
يا روحي
مذبوحي
وكل قصتي
مشي مشي .. نعتبرة اذان العشق لليمشي اله
مشي مشي .. نسمعها كلنا هلا بلزاير هلا
خدامه .. شمحلاهم .. والخادم بي يعله
امشيله .. للغالي .. ومااتعب لا والله
*************************
بلدرب عاشك يكل
لعاشك
نتلاحگ
نتسابگ
ع النيه
بلعجل خل اوصل
لمحبوبي
بعيوبي
وذنوبي
ممحيه
مشي مشي .. كل طائفة بهذا الدرب تمشي الك
مشي مشي .. سني ومسيحي وشيعي كلها توصلك
بعتابك .. كلها تهيم .. عشاكك تتجلى
امشيله .. للغالي .. ومااتعب لا والله
***********************
منفرض انت اعله كلبي
وشوكه
معشوكه
بعروكه
تمشي انت
بربعينك تلفي روحي
الهيمه
جن غيمه
علخيمه
تون سكته
مشي مشي .. اني ادري كل خطوة تداويلك جروح
مشي مشي .. ولهسبب امشي على اهدابي وانوح
الكاها .. اني لزينب .. اتعزب بلدله
امشيله .. للغالي .. ومااتعب لا والله
*************************
مرة اجبيرة بلضهر
محنيه
حجيه
بعوجيه
تهدبلك
وشايب يتجي اعله حيله
ويدبي
لو يحبّي
يا دربي
طول دربك
مشي مشي .. اه ياسفينه عاطفه اليصعدها هام
مشي مشي .. اصغير و جبير انوخذ من الغرام
يلسرك .. ماافسرة .. سرك من سر الله
امشيله .. للغالي .. ومااتعب لا والله
**********************
الشاعر الحسيني مصطفى الربيعي
المشايه ..
شعيرة المشي .. شعيرة قدسيه
قانون الآهي .. امشي اعله رجليه
بالأربعين بالأربعين بالأربعين
***********************
ياجنة الله اعله الارض
من الله جا هذا الفرض
لبينـــــه
لبيك صحنا اعله المشي
لو من زحل چا هم نجي
برجلينـــه
حاط بيك الله محبه هوايه
خلاك قبلة اطوفــك المشايه
من كل ارض من كتر عنايه
مابي شوائب حبنه وبلا غايه
مشي مشي .. كل انبياء الله تجيك لكربله
مشي مشي .. بشباجك تحط العلك وتقبله
وتهلي بزايرك وتعزّبه أميــه
شعيرة المشي شعيرة قدسيه
**********************
دوخنه هل وادم صـــدك
ترجمنه وش يعني العشك
بمصابك
لن ضامي مكطوع النحر
كل موكب يــوزع نهـــر
بثوابك
كل ساع تسمع هلا بلزاير هله
هلا بخطار الحسين وكربله
يعزبون عيونهم لليمشي اله
وادم بحب الحُسين مكبله
هلا هلا .. واحد يمسدلك جدم واخر متن
هلا هلا .. مايعرفك لكن يلاكيك بحضــن
ويكلك استريح بلموكب شويه
شعيرة المشي شعيرة قدسيه
*******************
شاب وصغير ويل كهل
وعجيزة وحديثه وطفل
تمشيلك
يتسابگون اعله الدرب
بوجوههم صفنه محب
توفيلك
طبع اليحب ميعطلنه ادروبه
لو علجمر هم يوصل لمحبوبه
واحدنه عابس بلعشك شك ثوبه
مشايتك يم الله عدهم حوبـــه
يحج يحج .. المفروض مو زاير يسمون اليجيك
يحج يحج .. يكلوله حاج الزايرك والمعتنيك
حجه وي كل خطوة بلكتب مرويه
شعيرة المشي شعيرة قدسيه
**********************
يم بابك تهيم الخلك
ارواحهم تصبح علك
بعتابك
كل الطوائف تمشي الك
حتى القساوس تكصدك
بمصابك
يا بوعلي مشايه يتعنولك
سني ومسيحي وصابئي يكصدولك
والغايه وحدة هي يتشكرونك
رمز ألاباء والعزه يعتبرونك
الك الك.. جبريل ميكائيل وي طه الامين
الك الك.. وفاطمة تمشي وتجيب ام البنين
يموحد الامم ادماك ثوريــه
شعيرة المشي شعيرة قدسيه
**********************
شكلوا علينه احنه البعض
حجتهم يشـــعن مرض
كورونا
ما يعرفون اسمك دوه
نشتمه طلسم بل هوه
عوفونا
من جان اليزورك يكطعون اجفوفه
ماخفنا من الطاغي ومن سيوفه
ننطي ضريبة ارواحنا ومنعوفه
كورونا ما تمنع جدم ملهوفه
افه افه .. يهتز كياني والك ماتمشي الجدم
افه افه .. كل خطوة مني اطفي نار البلخيم
انفرح ام عون ماتمشي مسبيه
شعيرة المشي شعيرة قدسيه
************************
الشاعر الحسيني مصطفى الربيعي
يامهدي
أداء ملا هيثم اللامي
للشاعر مصطفى الربيعي
طور .. شطت للتل يبويه بحركتي وناديت
Читать полностью…
موشح السبي
زينب يــوادم انخذت مسبيـه
بت حيدر امست ياخلك محنيه
يبو الاكبر اخذوها زينب مجتوفـه
رحله اطويله بين الشام وبين الكوفه
ماخلوها جسمك يا مـــولاي اطوفه
ذيج الاميــرة ما بگت محميـه
*************************
هي بحيرة مابين ايتامك والضمـــه
جدمها الطاهر عكبك ضل يجري دمه
من الشوك لجمر الخيم بت فاطمــه
المــن تصـد والمـن تفازع هيــه
**********************
بزجر وشتم اخذوها جيش الارجاس
وخدها الشريف امن الشمر سطرة انجاس
تتلفت ضلت هلبت يفزع عباس
علمشرعه اثنين اديّ مرميه
*********************
مابين حادي وشامت زينب جا بقـت
متعوبه من ركض الخيم نوب انسبت
بلعاشر من جويّ الجمر هي اتعبت
حتى العبايه بلجمــر مجويــه
**********************
عدها صبر ما ينوصف هذا الصبر
فوك الهزل وتصد على اخوتها النظر
فوك الرمح محموله ايات النحر
ايقونه صارت للعفه العلويه
*********************
مجتوفه راحت بلحبل اخذوها
تمشي ويجتال اخوتها خلوها
زينـب يوادم كلهــم يشتموهــا
من الحبل ايديها جا مدميه
**********************
وصلت الشام وچنه بلشام العيد
بدف وهلاهل دخلوها ليزيد
تجري دمعتها والدمع لا ميهيد
اباب القصر هي احضنت رقيه
*******************
كد كيدك واسعي شماردت ماتكدر
آل البيت احنه امن الشمس حتى انور
عدنا النبي وي فاطمه وي حيدر
جدنا النبي وانت جدك آميه
الشاعر الحسيني مصطفى الربيعي
نسألكم الدعاء
.. فزاعيه ..
عباس وين جفوفك حسين صاح اعله النهــر
___________
يركض وذب اعمامتــه .. حسين صاح اعله النهر
فيض الطف بدمعتــــه
بلخيم زينب سمعتـــه
من صاح ياخوووي الگمر
عباس وين جفوفك حسين صاح اعله النهــر
_____________
يركض وگلبه منچــوي
معذور امفارك خـــوي
جرح الاخو جدا قوي
خنجر وينــدج بالظهـر
عباس وين جفوفك حسين صاح اعله النهــر
_____________
كلاله يا شيــــخ الزلـــم
للخوه ماضــل اي طعم
من شاجخ بعينك سهــم
جا ويـــن ذنيج السمــــــر
عباس وين جفوفك حسين صاح اعله النهر
_____________
الآن قلت حيلتــــــــي
من طاح نكهه دنيتـي
يا سند روحي وتجوتي
أبطيحتك كلشــي انكســـر
عباس وين جفوفك حسين صاح اعله النهــر
____________
الأخــو ياوادم سنــد
لا ميتعوض لا ابــــد
ميحل مجانه الف ولد
لو مات شيفيــد العمــــر
عباس وين جفوفك حسين صاح اعله النهــر
___________
يا ويلي سبع الگنطـــرة
اثنيــن آديـك مبتـــــرة
الميمنــــه والميســـرة
ومثلــــث بعينك عبــر
عباس وين جفوفك حسين صاح اعله النهــر
____________
لملم زنـــودك يا نفــل
ماتقبل لوحدي اضــل
كوم انتفض يبن الفحل
كوم انتقاسم بلنظــر
عباس وين جفوفك حسين صاح اعله النهــر
____________
يا وسفه من عندي رحت
كوم اكشخ بطولك ردت
هادود هاشم جا جنت
خل سيفك يرذرذ جمر
عباس وين جفوفك حسين صاح اعله النهــر
الشاعر الحسيني مصطفى الربيعي
نسألكم الدعاء
محاورة بين السيدة زينب والعباس عليهما السلام
دموعـــي .. من الخيمة حد زنودك
دموعــي .. عوف الشريعه وجودك
الحــك عليـه مجتــوفه اديـه
يابوفاضــــــل يابوفاضـــــــل
***********
السيدة عليها السلام تقول
يادمعي ماخله جفن
طبكن بلخدود
من البجي سود اه يا عيوني
كل دمعة تجريلك ترة
بيها محنـــه
ياعطر اهلنه و رجوة ظنوني
جروح بيه اني شكثر لو تدري جا جيت
ابيــرغ الخيمه انه جـم عــــكدة سويت
حنيني حنيني ياجافل شلون
حنيني حنيني ذبلن هلعيــون
يابوفاضل يابوفاضل
************
يرد العباس عليه السلام
يختي اني اسف تيهت
دربــج يلخيــام
بعيني السهم نام بعيوني نابت
ردت اني اجيلج للخيم
ازحفلج ازحوف
تدريني ماشوف وزنودي طاحت
ابيش جودي اني احمله ماعندي ايدين
بسنوي شلته واركظت لخيام الحسين
يزينب يزينب طاحن سويــه
يزينب يزينب جودي واديــه
يابوفاضل يابوفاضل
***********
ترد السيدة عليها السلام
يلعازتك مثل الهوه
تبعد اموتن
تگرب اعيشن وحدك دوايه
يا نسمه بيه من تهب
تحييني عباس
اشتمك انفاس انت هوايه
كدما حنتني فركتك كـــد ما تأذيت
احزام من حبل الخيم بي ظهري شديت
يكافل يكافل ارحم حنيني
يكافل يكافل ردتك تجيني
يابوفاضل يابوفاضل
***********
يرد العباس عليه السلام
زينب لوّن عندي زند
اركظلج افياي
للخيمة بلماي وليمج اوصل
لو بيه حيل اكدر اجي
اتأخر شلون
غير انتي العيون بس حيل ماضل
گصرت خطوتي والدرب ياكل بالاحلام
ثكلت اجدامي والسبب اثگيله الاسهام
مصيبه مصيبه مكطوعه الأزنود
مصيبه مصيبه بلجبهه عامود
يابوفاضل يابوفاضل
**********
ترد السيدة زينب عليها السلام
ياخويه صحتك والشمر
واكف امامي
ويسب امامي ردتك تجيني
ردت اكشخ بطولك لجن
كلولي طايح
خيمة فواتح يا ضوه عيني
ماترضى خدي ينسطر من اردئ الناس
اكبالي ويصّيح الشمر ماعدها عبـاس
يخويه يخويه جرحك ذبحني
يخويه يخويه هجرك جرحني
يابوفاضل يابوفاضل
************
نسألكم الدعاء
الشاعر الحسيني مصطفى الربيعي