أبيات الى الامام الكاظم (عليه السلام) شعر موسى البديري
يدهري بزغـري عالونـــه وعينه
دساعد كلبـــــي عالحسره وعينه
على الجثته بسجـن ضلت وعينه
على الباب ويتاني أهل الحميه
**************
أبمصابه أنصــــاب دلالي وشاله
ودمع عيني بعــــد مابيـه وشاله
على السجانه كض نعشه وشاله
بسلاسل عالجسر خلوه رميه
*************
يگلي اللأيم مــن الضـــيم كف آه
وگلبي النوح أبـــد ما يوم كفـــاه
على الشدو بحـد الگيـــد كفـــاه
لنــوح أعليــه اضلن للمنيه
***********
أون أعلى السجين الغـــاب خـــلاه
سهم فگـــده بدليل المحـب خـــلاه
نعشه أعلى الجسر سجان خــلاه
وصاح أبصوت وين الجعفـريه
الشاعر
موسى البديري
سَـــلام الله على گلب العقيله سَــــلامْ الله على صبرْ العقيله
****
منين ابديلــچ سلامـــي هــالمسيــه
وأنتي كـل دمعچ طفـوف الغاضريه
يالورثتي أبنـوح كـل حــزن الزچيه
البــاب والمحـراب والطـــف ورقيه
سَلام الله علــى دمــع العقيله سَلامْ الله علــى صبــرْ العقيله
*****
يالـورثتي الباب وهمـومه وعــذابه
ليش وكتـچ مــا يسد يالحــره بابـه
الله يــا زينــب يعينــچ عـالخـــرابه
رجع يوم العاشر وحزنه ومصابـه
سـلام الله علـــى جرح العقيله سَلامْ الله علــى صبــرْ العقيله
*****
يا مُصــابْ التنتحب وتــريد أبـوهـا
منين يـــا زينب يجــون الفــارگـوها
وسفـــه بحبــال الــورود يگيــدوها
ومن تنوح أبسوط ليش يسكتـوها
سَـلام الله علــى نَوح العقيله سَلامْ الله علــى صبــرْ العقيله
*****
يـا رقيـــه ويــا الــم محنــتْ سبيـها
بالخـــرابه ورادت الــوالــي يجيـهـا
فـزّتْ أبدمعــه وتــوّنْ زايــد بچيــها
سافــرْ أتگلها العقيله تحــاچي بيهـا
ســـلام الله علـــى همْ العقيله سَلامْ الله علــى صبــرْ العقيله
*****
نامــتْ وفــــزّت تـــَوّنْ ونّــه ثجيــله
هســه بحضــانه چنـــت هــا يالعقيله
عمّه شفت السهم غافي أبنص دليله
امشينــه يا عمـــه نــروح ونعتنيلـه
سلام الله على جَمـــرْ العقيله سَلامْ الله علــى صبــرْ العقيله
*****
لحظه والــراس ابطشت گامت تنظـره
شيبه من دم النحــر مصبوغه حمــره
وين أمه الزهــره خّـَـلْ يمّــي تحضره
هوّت فوگه وماتت الطفله أعلى نحره
سلام الله علـــى ونْ العقيله سَلامْ الله علــى صبــرْ العقيله
******
الشاعر موسى البديري
استمع صوت العقيله عالمباشــر مــن قنــاة الحـره عبر أهل الضماير
انتقل عبـــر الزمـــن صــوت واضــح للعلن
عالـمبـــاشـــر
*****
انتقـل ويه العقيله وبـث مباشـــر حــوّلــه
ألف واربعميه واضــح هـل التـــردد للمله
واحـــد وستين هجــره بعــد عاشر كربله
أستمــع صوت العقيله والبيـــان أتــأملـه
أعلنـــت أول بيان بكــل أراده انتصــار الــدم خبـــر من القيـــاده
قائـــده بـــرغم المحن صــوت واضــح للعلن
عالـمبـــاشـــر
*****
بعــد طــف حسين ذاك وانتصارات الدمــاء
صـوت زينب صـار ثــوره امتداد لكــربــلاء
والحسب زينب ذليله بس مدامع بس عزاء
خلـه يسمع صــوت زينب حتى يتعلم آبـــاء
ما تذل بـت حيـدره تبقى الاميره ودرب الحسين بفخــر خطّــتْ مسيره
رغم أصحاب الوثن صوت واضح للعلن
عالمباشر
*****
دخلت الشـــام العقيله وبث الإعـــلام الخبـر
ﮔالــو الدخلو خـــوارج حاولــو خلط الصور
خورس أعلام الضلاله صوت بركان انفجر
صــوت زينب عالمباشـــر حيرت كل البشر
نقلت الصوره برغم أهل الضلاله وصوت زينب حاولو منع انتقاله
رغم كيــد أهــل الفتــن صــوت واضــح للعلن
عالـمبـــاشـــر
*****
شلون صنــع الله شفتي بيــچ يـا بت حيدره
تگله كــل الصـــار بينه بعين بــارينه تــره
كـد بكيدك يــا يزيد واسعـــه انتـــه بمقدره
بس ذكرنـــه اليبقه رغما والله حد الاخــره
تعله بالطف راية العز والكرامه رايه غــذاها أبفخر دم الامامه
بينا يهتف كل وطن صوت واضــح للعلن
عالـمبـــاشـــر
*****
وﮔفـــت أبديوان أميــه شامخــه مثـل الجبل
والشماته تحيط بيها وكــل سفارات الــدول
آنــه مــن بيت النبوه أبيتي وحي الله نــزل
وأنت ابن مرجانه تعرف لكن منين الخجـل
فضحت أيزيد وزمرته بكل بساله ونقلــت أخبار العقيله كــل وكالـه
لهل الخبر كلهن رون صــوت واضح للعلن
عالـمبـــاشـــر
*****
الشاعر
موسى البديري
ايةُ الصبرِ قبلةُ الخدرِ في مدى الدهر
أنها زينب أنها زينب
*
على زينب لون تكتب شعــر وبحــور
شـــرط كل القوافي مطــرزات ابنــور
زينب يعنـــي زينب واقعـــة عاشــور
بنت البسمله والنقطــه بنت الطـــور
اُمُها الفجر سورة الدهري من اذا تدري
أنها زينب أنها زينب
*
اسمهـــا مـــن تكتبه خطــــه بالإحساس
وخلي أحروف اسمها كون بين اقواس
ودنگ مـــن تكتبه وهبــــط الها الـراس
لا تنظـــر اسمها المـــا تصدهــا الناس
ايةُ الباري خدِرُها الدار رمزُ أشعاري
أنها زينب أنها زينب
*
العاشــر يا التناشــد هيـــه عنوانـــــه
صموده وكبـــريائه وصبــره وايمانـه
ايه مـــن الصبـــر ذاكـــرهـا قـــرانــه
ويمها ايــوب كلها اتــلاشت احزانــه
حزنهُ صــلا للذي حـــلا فيها تجـــلا
أنها زينب أنها زينب
*
أنتوضـه لبيت ربنه وننــوي عالقبلــه
وزينب بيت عفّـــه مــــا يصــح مثلــه
يتوضـــه الشاعـــر الـــي راد يكتبلــه
ولا يخدش اسمهـــا يِوّصفـــه بالذلــه
زينبٌ حيــدر امُها الكوثــر للعزِ مصــدر
أنها زينب أنها زينب
*
العمـر كلــه العقيلــه مــا تطــخ الهـام
واذا رايد شهود الشــاهد الهــا الشـام
گبل ذلت يزيــد وهسـه كثــره اقـــزام
بالك لا تخـط اعلــى العقيلـه اوهـــام
علمها القرأن مصدرُ الإيمان علةُ الأكوان
أنها زينب أنها زينب
*
الشاعر
موسى البديري
***
هذه القصيدة ميمر مجنس + كربلائي
يالمنفجــع حــان الدمــع للورثت الطف والضلع
لام الحــزن يحلّه النــوح وتحلّه المــدامــع حمــره
**
لأم الحــزن حـگــها المدامــــع حمــــره
مـــنّ الــزغــر شافت مصــاب وحســره
مــن الدمع حگه النظر كفْ ألها
ذكــرت عدوها من ربط كف الها
مـــاتت غــريبه لا حضــر كافلها
بدمــع النــزل ويـن الكفــل نــادت گبــل ذاك الأجـــل
ريتــك ياخــو زينــب ريــت يــومي يخــويه أتحضره
*
عـمـــر العقيــلـــه بـــس حـــزن گاضيتـــه
لا مـــره مـــــر بيــــچ الفـــرح لا صيتـــه
وكتي ضگت مــن الزغــر بس مـــره
ردت الفـــرح بيّــه يمـــر بــس مره
بصــدري نبت يــوم الدفــع بسمــاره
مات الفرح وگلبي أنجرح بصدر أمي أحس هوه أنذبح
وبـــس الحـــزن والآلام خلتلــي ذيــــچ الـعصّــــره
**
يا ام الحـــزن يا جمــره ظلــت تسعــر
نـــادت احسهه والدمــع صــبْ احمــر
زينب انه وهــذا الحزن خاواني
ومن النحب لأمي بزغر خوّاني
للباب انوحن لو أنوح أخــواني
متحيره ومتمرمــره المــن انوحــن يـــا تــره
مــن الضلـع و البسمــار گمـــت انـــه أهـِل العبّره
*
صـعبـــه يــزينــب محنتـــــچ ارويهــــا
ونــار السبــي حســــرات تلهـــب بيها
نــار بدليلــي تستعــر مـــن طفـها
ميته عساني وي الأهل من طفهه
يا حسره زينب والشمر من طفها
بين الــدول عگب الأهل أبديــوان اطبن عالچتـــل
وگفتــي اگبـــال الشمـــات صعـــب الأمــر شيفسره
*
يمّ الـصبــر أيـــوب صبـــره أتحــيّـــر
صبــرچ يشوفـــه عالنــوايـــب اكبــر
من النحب بــرج الصبـر هــديّته
وگلبي بزغر بس الدمــع هاديته
كون الفـرات أعلى الخيّم هـديته
ويطفي الخيّم يستر حـــرم يــا وسفه من طــاح العلم
هجمّــت خيــول العـــدوان ولا ذاري خــدري يستــره
**
منيتــچ يـــا زينــب كــــل محــب يــدريها
لكــن يــا حـــره أنتــي بــلّله احچيـهـــا
بين أخوتي أمنيتي اندفن ودي آني
بـس الــزمن لأرض الغِــرب وداني
القاصي لمصابي خـل يون والداني
يهل مدمعـــه للفاجعـــه يوميــه أشوف المشرعه
وبأرض الغـــرب انــه أهناك حســره تجــر بحــســره
**
الشاعر
موسى البديري
ميمر مجنس + كربلائي للسيده زينب عليها السلام
زينب القائده
رغم السـدّه ورغم العــدّه زينب أميــره وقائــده
مــا ذلــت أنــذل الجيش مــن زيــنب الثــوريه
♠️♠️♠️♠️♠️
يـــا قائده وجيش الكفــر مـــا همها
يــا عالــمّــه جــــلْ الـــذي علّمــها
هيبـــة علـــي رب العرش راسمها
هيبه وفخر اخت الگمر من وضحّت سر النحر
هالنحر صوت أحرار هــز الكره الارضيه
♠️♠️♠️♠️♠️
ســر الزچيــــه فاطمـــه مــن ســـرها
وحيدر بطوله ومفخــره مــن ســرها
عالمصرع الحادي غصب من سارها
لا ما تذل فوگ الهزل مهيوبه والدمعه تهل
گلتله يا ابو الأحرار تبقى النصر راعيه
♠️♠️♠️♠️♠️
يــــا بسملـــة طــــف النصــر يالحـــره
يـــا طلسم المنحــر صمــوده ونصــره
طــف كربله ابصـــوتچ بقى يشع بدره
يا بسمله لطف كربله طول الزمان أنرتله
يـــا آيـــة ظلـــت لليوم لكـــن ولا مقـــريــــه
♠️♠️♠️♠️♠️
آيـــه صمــودچ يـــا شخــص تاليها
وصــوت الدمـه بسمج هـتف تاليها
ودم النحـر ثــق ينتصـــر تــاليـــها
رغم الألم دمــه رسم لكل الخلگ ثورة قيم
بصوت العقيله لهل اليوم حسين انتصـــر تاليـــه
♠️♠️♠️♠️♠️
تــرجمــة زينــب للمنــاحــر كلــمــه
لاء الــرفض لحسين خطهــا أبدمــه
منها العقيله أيزيد كســرت خشمــه
صوت الدمه الكل يفهمه ثوره يظل وقائمه
ثورة نحور الأطهار يرسم أبه وحــريــــه
♠️♠️♠️♠️♠️
سيف الكــلام لبت علــي ماضــي الها
تعرف ألامه أعلى النبي مــاضي الها
أي والـذي أبحــر الشمس مـــا ظلها
هيبة علـي مــا تنولي رغم الألم ظل تعتلي
والدرســـاها الكــرار بالله تظــل محمــــيه
♠️♠️♠️♠️♠️
مچتوفـــه ضنـــو بالحبــل ذلتــها
بت حيدره اخشوم الزلم سحگتها
ثوره تظل طـــول الدهــر خطبتها
بت حيدره ما چن مره گلبتها يـــوم الاخـــره
كد كيدك أتصيح أبصوت أيامـــك المگضـــيه
♠️♠️♠️♠️♠️
طبــت أميــره والفخــر عـاده الها
ويا ويله كلمن بت علي عاده الها
بيــرغ گمــر عدنان مـن عاد الها
بعزة نفس أنطت درس ما يعلا ابد صوت الرجس
بس تبقى لائك حسين مثــل الهوى بالــريـّـــه
♠️♠️♠️♠️♠️
الشاعر
موسى البديري
19 محرم 1442 هجريه
بيت موال لمناسبة ولادة الإمام علي عليه السلام
لمن أجــــت بت أسد للبيت أجـــت قبلتــه
وصاحت يربي بعلـــي وأنشگ ركن قبلته
يا شخص بعده أجه وياهو الذي قبلـه أته
أبيت الله ياهو أنولد بس الوصي قل هوه
والضده ضـــاع وخسر لا بل كفرقل هوى
أرد أقسم بهل أتـى والهاكم وقــــــل هوه
الكعبه قبلت علي وأي شخص مــا قبلته
الشاعر
موسى البديري
ابوذيات الى السيده زينب عليها السلام
أهــــل دمعـــي واجــرن آه وي آه
ودليلـي أبنـار زينــب ريـت ويــــاه
تمنــت لــو نعشــها الاخــو ويــــاه
مشه ويصرخ يخيّتي الهاشميه
*
اجـيبن يــا يتيــم يخـــــاف ويهــــاي *١
وعگب عباس اديرن وين ويهـــاي
اطفــي ابهــاي رد الشمــر وي هاي
خيامي ولا اخــو اليفــــزع اليـــه
___________
١_ويهاي/ وهيج
*
الشاعر
موسى البديري
يالهادي يامسموم يالهادي يامسموم
********************
هاي صرخـــه مــن الضماير تنتفض
بوجه أهـل الجور وتنـــادي بــرفض
الهادي بالشريان يمشي ويه النبض
حبــــه بالشــــريـــان دوم يـــــدوره
* * *
الهادي مو مرقد ولا گبه وضريــح
الهادي يعني الدين والكون الفسيح
صوته حق وبالضماير ظل يصيــح
صوته صوت حسين في عاشــوره
* * *
الهادي نور من الرسول يظل يشـع
الهادي أصل الدين والهادي الفرع
الهادي دين ومنهج وحق وشــرع
هــــوه دين الله ونهــــج دستـوره
* * *
الشعـــر حاير لــــو يريد يوصفــه
الهادي بحـــر مـن العلم والمعرفه
رغم كل الجور نــــوره مــــا طفه
نوره قدسي ودوم يسطــــــع نوره
وحــــگ ســـم الگطع أصال الچبد
نبقــــه عشاگــك أمـــامــي للأبـــد
لـــــو توذر لجــــل حبك هالجسد
لحبــــك أرواح ومهــــج منذوره
* * *
صوت يالهادي لـولائك نرفعــــه
صوت من الشيعه والكل يسمعه
عهد حبــــك بالدمــــاء أنوقعـــه
بشمس حبكم تشرق المعمـــوره
* * *
نقسم أحنه بحبك وذاك الگـبـــر
ونقسم بذاك الضريح ألي أنفجر
ثارك يــــرده الامــــام المنتظـــر
وكل بني العباس يقلع جـــــوره
***********************************
الشاعر
موسى البديري
على الهادي يعيني ادمـــــوم هملاي
ويجدمي صوب صحنه بعجل هم لي
أريـــد أبابـــه اشكي اليـــــوم هم لي
واكله ادخيلك وعينك عليه
***
موسى البديري
قصائد الامام علي الهادي عليها السلام من الارشيف
Читать полностью…
هوسات لولادة الزهراء عليها السلام
ايه مــن السماء ونزلت الزهــره 🌺
ضوت عالارض والعالم أبأسره 🌺
الانس والجان بالميلاد مبتشـره 🌺
(( ميلاد الزهره اعظم ايه ))
@@@@@
حجه اعلى الحجج سر القلم والنون ْ🌺
ام حســين هاي البيها سر مكنــــون 🌺
مشكات الأنوار الشعت اعلى الكون 🌺
( والأيه بمحكّم تنزيله )
بقلم✍️
موسى البديري
ومضه بمناسبة ولادة سيدة نساء العالمين السيده فاطمة الزهراء عليها السلام
تفاحة الجنه وزهرة اهل الكون.
وسماها الاله بأطهر الاسماء.
سماها البتول الطاهره وبعدين.
صديقه وعفيفه وراضيه وحوراء.
من اسرى الاله ابطاها منه شراد.
روح اقره وتأمل رحلة الاسراء.
يأكل ثمر جنه ويهبط اعلى الگاع.
ومن نوره أتكون فاطمه الزهراء.
الشاعر
موسى البديري
للمنيـــه حسين بــس انتــه الحــزن
للمنيـــه اذكــــــر أمصابــــك وون
يـــا أبــا عبـــدالله يـــا أبــا عبـــدالله
♠️♠️♠️♠️♠️
يالبقيــت أعلـــى الثــرى بالغاضريـــه
بـلا غســل يحسين يـــا روح الزچيـه
يالغـريــب وحتــى ســاعــات المنـيــه
غمضــت عينـــاك يبنــي الاعـــوجيه
ريت دونك بالعراء مغسله ابفيض الدماء شلون تبقه بكربلاء
يـــا أبــا عبـــدالله يـــا أبــا عبـــدالله
♠️♠️♠️♠️♠️
يبني حــد آخــر نفـس يالغالـي تـــدري
اذكــر أمصابــك ييمه ودمعــي يجري
لون خيل السحگتك سحگتلـي صـدري
حتى افني بخدمتــك يالغالـــي عمــري
كون دونك عالصعيد أمغسله أبدم الوريد يبني يحسين الشهيد
يـــا أبــا عبـــدالله يـــا أبــا عبـــدالله
♠️♠️♠️♠️♠️
اي وحگ عبــاس وچفوفــه الگطيعه
گلبـي حــد المــوت تــاذيــه الفجيعــه
بــلا غسـل ظليت يـــا روح الوديعــه
ومهر أمــك فاطمــه مــاي الشريعــه
دمعي لمصابك يهل من اذكر أبلايا غسل غسلك وسفه الرمل
يـــا أبــا عبـــدالله يـــا أبــا عبـــدالله
♠️♠️♠️♠️♠️
كون جسمي أعلى الثره دونــك يغالي
ولا بقــه جسمــك على الغبــره ليـالي
وراســك المــرفــوع برمــاح العـوالي
للمنيه هـــل الرمـــح عذبلــي حــالــي
وسفه من بعد الذبح راسك أنشال أبرمح تارك ابگلبي جرح
يـــا أبــا عبـــدالله يـــا أبــا عبـــدالله
♠️♠️♠️♠️♠️
فـــدوه ألك يحسين ضحيـــت أبنينــي
سالــم أتمنيــت تــرجعلــي وتجينـــي
گلــت انتـه تعــود وتغمضلــي عينـي
يـــوم مـــا رديـــت مــوتنــي حنينـي
فدوه نذريت الولد كون الي سالم ترد لكن أنصــاب الچبــد
يـــا أبــا عبـــدالله يـــا أبــا عبـــدالله
♠️♠️♠️♠️♠️
الشاعر
موسى البديري
27/1/2021
قصائد الامام موسى بن جعفر عليها السلام
من الارشيف وكذلك الجديده
لا تســولـف عالـــعبــي بيهن أتــراب الســبـي
لا تنــزل دمعتي أِبــذل العقيله خلي راسي أبكل مواقفها أشيله
****
من تسولف عالعقيله وعــن سبيهـا
لا تگلــي أنــذلــت وعالـــي بچيهــا
طالـــع المضمـــون وأتفهم حچيهــا
هـــاي ريحانـــة محمد تـــدري بيها
مــا تــذل ام الخــدر التــرجمة أعظم نصـــر
دم الحسين النصر سجل مسيله خلي راسي أبكل مواقفها أشيله
*****
عالعبايه اتسولــف وعفـت الجلالـه
بيها هيبة جــدها ضــد أهل الجهالـه
لا تنــزل دمعتـــي بالـــذلـــه لالــه
وهيه ذلــت جيش بخيوله ورجالــه
العزه ثوب الها أنوجد غيــره مــا يـــرهم ابد
والعزيزه اشلون توصفها ذليله خلي راسي أبكل مواقفها أشيله
*****
صعدت التل بت علي وظل تلها عالي
شــرفـت حتـــى الأرض بنت الغوالي
لا تگـــول أنذلــت ومــا عــدها والي
شمس زينـــب مـــا تغطيهــا اليالــي
بالطفوف أعظم شمس مـــا تغيـــب وتندرس
شمس زينـــب للظلم زالتله ليله خلــــي راسي أبكل مواقفها أشيلــه
*****
لا تگلــي أتــراب متـــروسه العبــايــه
وبيها سـورة (هـــل اتى) مكتوبه أيه
بيها ســـر البسمــلــه لكـــل البــريــا
يعنــي زينب تـــرجمة أصـــل الهدايه
ترجمة طـــف كـــربله والـدمـــــاء الســـايلــــه
ولمواقفها الفخر ظـــل يعتنيله خلي راسي أبكل مواقفها أشيله
*****
ردت اكتـــب ذلّــه ببيـــات القصيـــده
والعبــــايه امتــربـــه لبنــت الصميده
چنــه كــافلها يگلــي وطـــگ وريـده
اليكتــب الحــــره ذليله اگطـــــع أيده
ما تذل اخـــت الگمــر وهيه تـــاج أهــــل الفخر
وهيه من بعد الگمر صارت كفيله خلي راسي أبكل مواقفها أشيله
*****
أِقـِـــره عالحــــره العقيـلــه الهاشميه
بثـــورة الشــــام وتفهّــمْ هل القضيه
لا تگلـــي راحـــت امــدنگـــه وسبيه
بالقصــر خطبتهـــا ذلــــت ا ل أمــيه
خـــورست كـــل الــزلم هـــاي زينـــب والنعـــم
ابد ما هزَتهَا الِخطوبْ الثجيلــه خلي راسي أبكل مواقفها أشيله
*****
الشاعر موسى البديري
زينب الحــــوراء يـــا أخــــت الحسين
أنتــي ثــــوره بــوجــه كـــــل الظالميـن
♠️♠️♠️♠️♠️
حسين ثـــــار الله وأنتي ألاججــــــه
حسين نـــــور الله وأنتي الوهجـــــه
حسين حـــــق وأنتي ثبــت منهجـــه
حسين قربان الجليــل حسين ديــــن
♠️♠️♠️♠️♠️
حسين دمه السال وأنتــي الفجــــره
حسين صوته الصاح وأنتي الفسره
حسين هــز أيزيد وأنتي الحاصـره
وبعده صوتچ يدوي ضد الضالمين
♠️♠️♠️♠️♠️
أنتي أخت عباس يعني أنتي الإبــــاء
وأنتــــي ثبتي رســـــــالات السمــاء
بيوم رادت تنـدثر فــــــي كربـــــلاء
أبدم أخوچ حسين ويــــــــه الأكرميـن
♠️♠️♠️♠️♠️
لأن چــف عباس گطعــوه الطغــاة
گيدو چفـــج لان چفــــج حيــــــــاة
ولان چفج وارث أچفـــوف الأبــاة
حــــاولوا يثنــــوچ لا مــا تنثنـين
♠️♠️♠️♠️♠️
صبرچ أحرج مريم وعيسى أنرفــــع
وأنتي شفتي حسين عالغبره أنصرع
وعيسى لا مصيوب لا چفــــه أنگطع
وأنتي أخوتـــچ عالرمـــال مگطعين
♠️♠️♠️♠️♠️
هاجر أعلى الماي ركضــت بالســعي
روت أسماعيـــل رد ألهــــــه الوعــي
وزينب بيـــــا حــال يا دنيا أسمعـــي
تسعـــي بين أخوتهه عبـاس وحسين
♠️♠️♠️♠️♠️
الشاعر
موسى البديري
ويــن أخـــوان زينب تحضـر الليله
تشيــل أجنـــازتي والمـدمــع تسيله
*
وين أخــوان زينب يـا أسـود الغاب
بغـربه والدمع فوگ الوجن سچاب
على أفــراش المنيه آنــه يالاحباب
وتمّنيت الكــوافــل نعشــي أتشيـله
*
تمنيّت الكـــوافـــل يمّــي تـتـعنــه
وتشاهد يا سهم آنــه انصبت منه
سهم حسين بعــده ابگلبي احسّنه
وي سهم العطش دلالي هــدّ حيله
*
وي سهم العطش سهم الذبِح جمره
هدّم حيلي اخـوي وخنصره ونحره
يا جرحي الأبــد مـــا يشفه لا يبره
راواني المنيــه العـــاشـــر وليلــه
*
هدّ حيلـــي الطفــوف أوســدّاني البين
وصوبني أبسهم من صاب ذيچ العين
مِنيِتي بيوم طــاحــن عالارض چفيـن
وردتـــه بچفــه عـــود أترابي اليهيله
*
ردته أيشــيل نعشــي ابچفه كفّالــي
وردت بعيونه كــون أدموعه أتلالي
اخـــوي وردته تالـي الشيب يبرالي
نعشي بغير اخوتي الغــربه توميله
*
الجنازه أبغيــر أهلها شـّده شــدتها
والأصعب لو چفوف الغـربه شالته
العدها أخــوه يخويه هـاي عازتـه
وإخوتي أسباع لا ما تغفه عالعيله
*
الشاعر موسى البديري
زينب والزمن ظل ألها رافع تل
أخت عباس والعباس ما تنذل
*
زينب ثـوره زينب مــا تطــخ الــراس
معاويــل الدهر لا مــا تصدع المــاس
مهيوبـــه تظل للــدوم أخـت عبــــاس
ذو الفقــار هــي وصعبه مــن يــزعل
*
ذو الفـقــار چنهــا الباشـــط بحــده
تگــص خشــم اليـريـد أعليــها يتعـده
زود مـــن الصميـده العايــل أتـــرده
الكوفـه تزلزلت والبــاغــي اتـــزلــزل
*
زلــــزال وتفجّــر چنهــا بالكـــوفــه
بــتْ حيــدر علــي بالعــزه معــروفــه
جيش أهـل الكفر مرعوب مــن خوفه
زلمهم ظـلــت مّــن الخـــوف تتخـتــل
*
ضنـــو بالسبــي بـــت الفحـــل تخضــع
أسـد والكــوم منها بكـل وكــت تفــــزع
قائد لــو مشــت والجيــش ألـه يسمـــع
هيبــــة حيــدره بــالحــــره تتـمثـــل
*
هيبـــة حيدره ودخلــت لراضــي الشام
شمّــــات وكفـــــر متحــزمين أحــــزام
خطبــت بــت علــي وارتعـدت الظـــلام
علَــتْ ويـــزيــد مّــن الخــوف يتنــزل
*
أيِتنزل والعقيلـه أعلــى الــزلم خطبـت
علي الكـرار چنهـا أبساعـــة الغضـبت
وجـــوه الگـوم صفره لزينـب انگلبـت
وكــل ساعـــه الوجـوه أّبلـونْ تتحول
*
الشاعر موسى البديري
ومضه بمناسبة ولادة اسد الله واسد رسوله الامام علي ابن ابي طالب عليه السلام .
.........
نور الباري من نوره أخذ هالنور
ورد أنوب شگه وقسمه لنصين .
نص كون محمد سيد الاكوان
والثاني التكون منه ابوالحسنين .
من نجمع عدد شوف النتيجه تزيد
بس ليش العكس من نجمع النورين .
نور المصطفى ونور الوصي الكرار
يطلع نور واحد ما يصير اثنين
✍🏻 موسى البديري
قصائد ولادة الإمام علي عليه السلام
الكعبه نادت نادت يا علي وبت أسد نادت نادت يا علي
بهاي الــــــولاده علـــي الكون نــــــاده علي
*
أعظم ولاده الكون سجلهه بفخر
ما مرت بناس ولا مـر هالخبر
الكعبه للحيد ركن منهه أنفطـر
هالباقي لليـوم بالكعبـــــه أثــر
هذا الاثر ما ينجلـــي الكعبه نادت يا علـــي
يا نبي بهل اليوم بالكعبه أنولــــد
مو هذا تاريخ فلا يذكر أحـــــــد
بس علي الكرار صارتله مهـــد
لــــو رايد أخبار نثبتهه بسنـــد
بكل الصحاح أصبح جلي الكعبه نادت يا علــــــــي
*
خـــــل المعاند تكبـــر حيرتـــــه
ويه أم علي النوب ياهي الحملته
الكعبـــــه بعلي أيام والله شالتــه
وگبل أمه لتجيب طلگت جابتــه
بيت الله ظل بيه ظل معتلي الكعبه نادت ياعلــــــي
*
من نشد سلمان طه شـــرد ألـــــــه
ربنه شخلق حار بأمـــر المسئلـــه
نـــور النبــــــوه ربــــك كملـــــه
ومن نوري حيدر ربك فصلــــه
من نوري شگ نور الولي الكعبه نادت يا علـــــي
*
حگه الموالي لــــــو حـب حيدره
الحبه ترى يفوز دنيا وأخـــــــره
شيعي وظل دوم خل كـل الورى
تسمعني مجنون أبقـــــى بحيـدره
علينه وأسمه مـــن العلي الكعبه نادت يا علـــــي
******
الشاعر
موسى البديري
.
ياهو صله الوحشه يا زينب عليچ
ياهو غمض عينــچ وسبل اديـــچ
حسين مگطوع النحر أبـــلايا چفين الگمـــر
**
يالعقيله منين ابدي آنه ابمصابــچ هالمسيه
يالعقيله وگبل يومــچ هــذا ضگتيها المنيــه
من مصاب الباب شفتي أول ممــاتچ
يالعقيله وبس محن خلصت حيــاتـچ
چم منيـه بيها مذبوحــه امنيــاتـــچ
شگد رخيصه الدمعه يالماكو بغلاتچ
يالحياتــچ لـــوعــه وهمــــوم ونحيـــب
مـــن زغـــر دمعـــة يتم حــــدّ المشيب
حسره وهموم وقهر أبـــلايا چفين الگمـــر
*
چم منيه شفتي من ساعة كسر ضلع الزچيه
چم منيه آه يــا حـــره بمصــاب الغاضـــريه
چــم منيه شــاف يـــا زينب دليلـچ
سهم گلب حسين وي طيحت كفيلچ
آه مــن ذيـــچ المنيه وحشــه ليلچ
لـــو رقيـــه النادت أبحسره دخيلچ
يــــا منيــه المـــرتــچ گـبــل الممــات
مــن نظرتي الحـــرم وسفـه امسلبات
أندار شوفـــچ للنهـــر أبـــلايا چفين الگمـــر
*
آه يزينب ادري اليموت الأهل تحضــر وفاته
آه يزينب وأنتــي دهــرچ عَــوّد أبكل ذكرياته
لا غمض عينچ اخــو آه يالغــريبه
ولا گمــر هاشــم يگلـــچ يالحبيـبه
گبل موتــچ بلله مــرت يــا مصيبه
حسين من طاح وبقت جثته سليبه
چـــانت امنيتـــچ يحضـــرون الابات
وعينـــچ أتصد الهم بحيــن المـمــات
ظلت ابالــچ صـــوّر أبـــلايا چفين الگمـــر
*
دمعه تجري ادري عمرچ صار من اجل الحبايب
دمعه تجري وأنتي تدرين الدمـــع ميردله غايب
بــالمنيــه ومــرت ابالـــچ مــنـاحــر
بالمنيه وشفتي اخــوچ حسين حاير
بالمنيــه امنيتــچ اتشـــوفينه حاضر
بالمنيــه مــاتــت ويــاچ المشـاعـــر
چانــت امنيتــچ لــوّن كلهــم يجـــون
وبــالمدامــع والنحيــب ايشيعـــون
لكن اشسوه القدر أبـــلايا چفين الگمـــر
*
امنياتچ چانت ابطف كربلـه أتصير النهــايه
امنياتچ من ضريح الگمر فوگچ تعله رايه
وما تمرلــچ ابـد لا يالحــره حيــره
ويم گمــر عــدنان گبــرچ يالاميره
وبعد مـا واحد يگول أنتـي أسيـره
لان وسفه الشام ظل ميت ضميره
تبقى زينــب صـــوت بالعــالم يصيــح
والها مبني بكــل گلب ثائـــر ضريــح
حتى لو صاح الدهر أبـــلايا چفين الگمـــر
*
الشاعر
موسى البديري
قصائد الامام علي الهادي عليه السلام
بنيناها بنيناها ذهـــــب گبتــك بنينــاهـا
نضحي أرواح ونادي فــدوه يــا علــي الهادي
ذهـــــب گبتــك بنينــاهـا
*
أمس جيش ابــرهه ردو علـى الحضره
لان كعبــه الضريـــح انعـــادت الكــــرّه
مـــا يخلص حقدهم ضـــد بني الــزهره
لـــو سم لــو ذبـــح لــــو مرقد أتفجـره
عرفناهـــا عرفناهــا سقيفتهــم عـــرفناهـــا
سجل دمـــي أمجــــادي فـــدوه يا علي الهادي
*
علـى أحقـــاد السقيفه شگد بشر تربه
مــــا كفاهــا چبـــدك هـــدمـــو الگبــه
مـــو گبـــه وهـــوَتْ لا هـدمـو الكعبـه
وصعبه ابــلا منايــر عالمحب صعبــه
گصدناها گصدناها حضــرتك من گصدناها
گطعنه چف المرادي فــدوه يـــا علي الهادي
*
مطر غيض الموالي چن حجر سجيل
وبــزود الــــزلم دمـــرنــه ذاك الفـيل
وكِيد اهـــل السقيفـه اصبـــح بتظليل
حشد صرنه ونفـخ عالعايل اسرافيل
گلبنــاهــا گلبنــاها الارض بيهم گلبنــاهــا
بينــه احـتــار اليعادي فـــدوه يا علي الهادي
*
رخصنه اروح الك تــرخص مناحرنه
علـــــى الكلفــــات ربتنــــا منابـــرنه
ابنــادقنــا وحيينــاهـــا شعــائــــرنــه
على الساتــر ننادي انته بضمــايرنه
نذرناهــــا نذرناهــــا يالهـــادي نذرناهــــا
المهج يا خيرت ابلادي فدوه يا علي الهادي
*
غصـبن عالنـــواصـــب گبتــك تلمــــع
خجل نور الشمس من عدها من يطلع
مــن دمه المحــب يالهادي الك وقـــع
مـــا نتـــرك حضـــرتك بيها نتگطـــع
فديناهــــا فديناهــــا الحضـره ابدم فديناهـا
الشهاده دونك امرادي فــدوه يا علي الهادي
*
أِسِمـــعْ يالتعــادي الهــادي والمهــدي
بـالك لا تـــزامـــط والحشــــد عنـــدي
شديـت العلگ مــن مــرقــده ابــزندي
ابدمــي وي امامـــي وقعــــت عهدي
ختمناهــا ختمناهــا العهود ابدم ختمناهــا
ابدمــي وابني واجداي فــدوه يا علي الهادي
*
الشاعر
موسى البديري
بلوعه وبحسره بدمعه وبعبره
عالهادي أنوح اليوم بغربة وطن مسموم
* * *
عاشگ وأبچي عالمحبوب مثــل بچــي الطفل لــمه
وأحناً چن حنين النـــــوگ وأمــن لـــو رحــت يمه
بحضرته تشهگ أنفــاسي وأهيم أبصحنه وأشتمه
وأنادي الهادي يا مـولاي سمــك للمحــــب سمـه
جمرتك تسعر يا شبل حيدر
يالهــــادي يا مظلــــــوم بغـــربة وطـــن مسموم
* * *
ورثت من المحن مـــولاي محن ما تنحصي وتنعــد
ورثت الهامــه والبسمـــار وچم چبد الـــذي تمــرد
ورثت أمصاب طف حسين بگلبــك نـاره مـــا تخمد
وچن خيل التدوسه أهنـاك تدوس أبصدرك وتصعد
تسحگ أجروحك تلچم أبروحـــك
ونبلــــة طفـــل مفطــــوم بغربـــة وطـــن مسموم
* * *
مثل غربـــة أبو الأحــرار عاش الهــادي بالغربــه
لسامره مـــن أرض جـده جابه الطاغيه وحــزبــه
راد يطفـــي نـــــور اللــه ونـــور الهادي من ربـه
وتحمل من سجون الجور مـــا فت وعصــر گلبـه
لوعه كل عمره يا عظـــم صبره
من أهله ظل محروم بغربـــة وطـــن مسموم
عاصر من ملوك الجور ستــــه مـــن بنــي العبـــاس
ظالـــم مــن بعد ظالـــم ورجس بعـده أجــت أرجاس
رادو ذلــــت الهــــادي مـــا ذل دومه عالـــي الراس
ذلهــم بالصبــــر والله شبل من حيدره أصل الساس
هزهه عدوانه صبره عنوانه
بوجهه الصبر مرسوم بغربـــة وطـــن مسمــــوم
* * *
غدر ورثــوه بني العباس ساسه أنعرفه وأصله منين
أرجع وأنظـــر التاريــــخ وركـــز عالمصـــادر زيــن
أصله من السقيفه أهنـاك باغـــي يسلمــــه لبـــاغين
للمعتـــز وصل هالــــدور ســـم الهــادي روح الديــن
ظـــالـم لظـــالم ضد بني هاشم
أمــــر القــــدر محتـــوم بغربـــة وطـــن مسموم
* * *
الحسن لمن نظـــــر للحال سالـــت دمعتـــه أبحـــزان
لبوه دمعه علــــي الهادي ودمعه لمصـــرع العطشان
وذكر جده الغريب أشلون ثلــــث تيــام عـــالتربــــان
لا مــــاي الغسل جسمـــه وذاري الطف صبحله أكفان
مگطعه أوصاله تصعب الحاله
والحسن هـــل أدمـــــوم بغربـــة وطـــن مسموم
* * *
الشاعر
موسى البديري
ياهو صله الوحشه يا زينب عليچ
ياهو غمض عينــچ وسبل اديـــچ
حسين مگطوع النحر أبـــلايا چفين الگمـــر
**
يالعقيله منين ابدي آنه ابمصابــچ هالمسيه
يالعقيله وگبل يومــچ هــذا ضگتيها المنيــه
من مصاب الباب شفتي أول ممــاتچ
يالعقيله وبس محن خلصت حيــاتـچ
چم منيـه بيها مذبوحــه امنيــاتـــچ
شگد رخيصه الدمعه يالماكو بغلاتچ
يالحياتــچ لـــوعــه وهمــــوم ونحيـــب
مـــن زغـــر دمعـــة يتم حــــدّ المشيب
حسره وهموم وقهر أبـــلايا چفين الگمـــر
*
چم منيه شفتي من ساعة كسر ضلع الزچيه
چم منيه آه يــا حـــره بمصــاب الغاضـــريه
چــم منيه شــاف يـــا زينب دليلـچ
سهم گلب حسين وي طيحت كفيلچ
آه مــن ذيـــچ المنيه وحشــه ليلچ
لـــو رقيـــه النادت أبحسره دخيلچ
يــــا منيــه المـــرتــچ گـبــل الممــات
مــن نظرتي الحـــرم وسفـه امسلبات
أندار شوفـــچ للنهـــر أبـــلايا چفين الگمـــر
*
آه يزينب ادري اليموت الأهل تحضــر وفاته
آه يزينب وأنتــي دهــرچ عَــوّد أبكل ذكرياته
لا غمض عينچ اخــو آه يالغــريبه
ولا گمــر هاشــم يگلـــچ يالحبيـبه
گبل موتــچ بلله مــرت يــا مصيبه
حسين من طاح وبقت جثته سليبه
چـــانت امنيتـــچ يحضـــرون الابات
وعينـــچ أتصد الهم بحيــن المـمــات
ظلت ابالــچ صـــوّر أبـــلايا چفين الگمـــر
*
دمعه تجري ادري عمرچ صار من اجل الحبايب
دمعه تجري وأنتي تدرين الدمـــع ميردله غايب
بــالمنيــه ومــرت ابالـــچ مــنـاحــر
بالمنيه وشفتي اخــوچ حسين حاير
بالمنيــه امنيتــچ اتشـــوفينه حاضر
بالمنيــه مــاتــت ويــاچ المشـاعـــر
چانــت امنيتــچ لــوّن كلهــم يجـــون
وبــالمدامــع والنحيــب ايشيعـــون
لكن اشسوه القدر أبـــلايا چفين الگمـــر
*
امنياتچ چانت ابطف كربلـه أتصير النهــايه
امنياتچ من ضريح الگمر فوگچ تعله رايه
وما تمرلــچ ابـد لا يالحــره حيــره
ويم گمــر عــدنان گبــرچ يالاميره
وبعد مـا واحد يگول أنتـي أسيـره
لان وسفه الشام ظل ميت ضميره
تبقى زينــب صـــوت بالعــالم يصيــح
والها مبني بكــل گلب ثائـــر ضريــح
حتى لو صاح الدهر أبـــلايا چفين الگمـــر
*
الشاعر
موسى البديري
يا سر الوجود المخفي ظل سره
لليوم خلك ما كدرت اتفسره
حجه اعلى الحجج معروفه يالزهره
(( والدنيا ابسرج حيرانه ))
الشاعر موسى البديري
ولادة السيده فاطمة الزهراء عليها السلام
🌺🌺🌺🌺
يا زهراء يفاطمه يا زهراء يفاطمه
يا سر الإسرار يا ام الأطهار
* * *
هالليله فرحــان المَلك ومعَيده الأكــــوان
وطشت علـــــى الدنيا ورد وترتل القرآن
ولفاطمه الكوثر أجت وي سورة الإنسان
من نور خالقهه لعلي لا مو أنس لا جـان
كونهه ربهـــه ســـر وحجبهه
يا زهراء يفاطمه
* * *
رب الخليقه من خلق كْون وبسط سبعـــه
وأنشاء سما رب السمه وبحكمته يرفعه
من نور عرشه وقدرته رد كون البضعه
أزهر الكون أبفاطمه لا مو ضوه الشمعه
نـــور الزچيــــه عــــم البريـــه
يا زهراء يفاطمه
* * *
تفاحــــة الجنه صفت أنسيه وحــــوراء
أقرأ الحديث وغايته بسر رحلة الاسراء
ياكل ثمر جنه النبي ويكــــّون الزهــراء
الحور بولادتـــه أجن وي مريم العذراء
مولدهه رحمه مولدهه نعمه
يا زهراء يفاطمه
* * *
بيوم الولاده لفاطمه طـــش الـــورد جبريل
وكتب الله بيهه أتنورت فــــي محكم التنزيل
خل يسمع الضد هل الخبر والعايش أبتظليل
ســــورة الكوثر فاطمه مــا ترهم أي تأويل
مشكاة الأنــــوار مكنونه الإســـرار
يا زهراء يفاطمه
* * *
ياهي الشفيعه للبشـــر بعـــد النبي وحيدر ــــــــ بس فاطمه الكوثر
ولو تعطش أنته يالمحب بيمن تروي الحر ــــــــ بس فاطمه الكوثر
تفطم الشيعه من لضه جـــاوب لا تتحير ــــــــ بس فاطمه الكوثر
ألمن رضا البري رضاه رد طالع المصدر ــــــــ بس فاطمه الكوثر
فـــــاز اليودهه خــــاب اليضدهه
يا زهراء يفاطمه
*************************************
الشاعر
موسى البديري
ام البنين ع تتمنى لو انها ذهبت لكربلاء ودون الحسين وزينب عليهما السلام قتلت
********************
يا يمــه كـون اشبـع ضمّه
و أتغسل أبفيــض الـــدمّه
دونـــك يضنــوة فاطــمـه
حبيبي يا حسين حبيبي يا حسين
*****
كــون متعنيه الطفـوف وابـره ضعنـك بالــدرب
ومـن تحنْ للــزهره يبني آنــه أضمــك للگلـب
ادري يبني حسين خايـف مثـل أمــك أنضــرب
الصار بيها ريته بيه والله يبني شگـد صعب
وبعيني يــا ريت أنسطر
ومثــل الــزچيه أنعصـر
وظلعــي بغدرهم ينكسر
حبيبي يا حسين حبيبي يا حسين
*****
كـــون ويــاكــم ييمّــه آنـــه رحـــت لكــربلــه
ومثــل زينــب واليتــامــه انسبــي وي العايلـه
كــون ســوط الحره زينـب ابمتني انه استقبله
وكون مـو زينب شتمـها لا شتمنـــي حــرملـه
و بأيــدي يــاريته الحبّل
ودون زينـب عل الهزل
ولا شمــتْ بيــها النــذل
حبيبي يا حسين حبيبي يا حسين
*****
كون ضامي اگليبي دونك مــا وصــل گلبك عطش
وكون جسمي الطاح دامي وعالرمل يبني أنفرش
ودون زينب آنــه أنوحن عل الاخــو بليل اهـدعش
شلون وانتــه ابن الزچيه مــا حمل جسمك نعش
دونك يريــت أعلــى الــرمل
أبفيض الدمه جسمي أنغسل
لا والـــي يمّــي ولا أهــــــل
حبيبي يا حسين حبيبي يا حسين
*****
كــــون دونك آنــه اطيحن رضــت أبصدري الخيــول
وريت صدرك يبني سالم وفوگ صدري اتظل تجول
خــايفه أربــــع بنينــي مــــا وفـــــو وي البتــــول
باچــر بيوم القيامـــه شنهو عـــذري وشــرد اگــول
يا وليدي دونك عل الثره
جثتـــي ييمــه امــــوذره
ومن چفي گطعو خنصره
حبيبي يا حسين حبيبي يا حسين
*****
ريت بالطف انه وانظر طيحت ابني أعلى النهر
شلون يــا روح الـزچيه صحت يـا خويه الگمر
انته جيشي أحــزام ظهري وانكسر مني الظهر
كون ظهري انكسر يبني ومني محزوز النحـر
يــا يمه محتــاره بحـرم
من حرگوا علينه الخيم
وماكو رفيف مـن العلم
حبيبي يا حسين حبيبي يا حسين
*****
كـون مسبيه وأروح أعلــى الهــزل متيسره
دون زينب بالضعينه أدروب وحشه ومقفره
و أوگف أبديوان أميـــه بالحـــرم متحيــره
وتبقه بــت حيــدر أميره معــززه ومقـــدره
وبالطشت راس ابني الگمر
يضـربه يــزيد أعلــى الثغر
ومنــك فـــلا گطعـــو نحــر
حبيبي يا حسين حبيبي يا حسين
*****
الشاعر
موسى البديري
