نعي عن الأمام موسى أبن جعفر (عليه السلام ) شعر موسى البديري
.
نفس الكسروا أضلوع الزچيه
يجدي خلــــوا أگيود بأديـــــه
نفس گيـــود حماي الحميــــه
علينه أردود هالموقف تكرر
*
نفس ليل هدعش عالغبره الحيـود
موحــش عالعقيله وجفن مرمــود
خذو موسى ابن جعفر بيده الگيود
بليل اظلم وللبصره سرو بيــــه
****
مشو بالكاظم من ارض المدينه
وكل شيعي عليه هملــت عينــه
صاحو وين يا عزنه اولينــــــه
مثل ضعن العقيله الشمر يحديه
*
مثل گيد العليل أمگيـده أچفوفـه
وعلى البلدان عــدوانه تطــوفه
تسيل أدمـــوم عين الي تشـوفه
راهب ال هاشم بيده الگيود
*
.الباغي أبسم أبن جعفر يـوّصيه
وأملاك السمه تخدمه وتحن ليه
بأمر حكـم السقيفه يأتمــــر بيه
بسم وسيف كون الآل يگضون
* * *
سم چبد الحسن ردوه الأنذال
يـــوميـــــه يــرد يســمم الإل
ولا چن جدهم الشافع بالإعمال
باچر بالحشر المن ينظرون
****
.لسجن بغداد وسفه أنوب جابوه
وحديد بأيده مــا فد يـــوم شالوه
بسجن مظلم أنـــوب أعداه خلوه
وأمر محد يصل يمه ويزوره
* * *
مــن سجن لسجن طال أنتظـاره
بسجن مــا ينعرف ليله ونهـاره
وگلبه أعلى الأهل مشتعله نـاره
بعيدين الأهــل محد يزوره
*
بسجن أضلم وابن شــاهك تولاه
ما رحم موسى ابن جعفر يويلاه
يضربــه أبلا رحم وأنوبه شتماه
تذكر حال زينــــب والنساوين
*
.ألك تنقـــاد كلهه الانس والجــــان
ومن هيبت طلعتك خضعت التيجان
أظن گلبه حجــر يا سيدي السجـان
يضربك وأنتــــــــــه سر الله ونبيه
*
يعاني السم يعاني ومحد أحــــذاه
والا واحد من أهله الگصد شافاه
ومثـــل سم الحســـن لحشاه فتاه
يريت أشبول هاشم جانت ويــــاه
تصــل يمـــه أبصوارمهه أتعنــاه
وتفك باب السجن بالحسره والاه
وتجبّل راســــه وتغمضله عينــاه
وعلـــى الكاظم فرد ونه يونـون
*
يگلي الشامت من النوح كف اه
وگلبي النوح أبد مايوم كفـــــاه
على المات ويلف الگيد كفــــاه
وبقت فوك الجسر جثته رميـــه
*
لما رأى علي ابن سويد الأمام
وعدّنه شوكت يا مولاي ينشده وهلت الدمعــــه
يبن أسويد گلالـــه جريبـــه تصير هالطلعـــــــه
على جسر الرصافه يصير موعدنه الظهر جمعه
وأبن أسويد دلالـــــه فرح ولهل الخــبـــر سره
لما وضعو الجنازه على الجسر ورئ الطبيب المسيحي
أحلفك بالمسيح أعليك تصد وتشاهد الحالــــه
تشوف ألنه الغريب أشبيه حتى أنخبر أعياله
ونظر ليه الطبيب وكال خل أهلـــــه أتعنالــــه
تطلب ثار لن مسموم وبـلب الجبــــــد أثـــــــر
أجابه أبن سويد
وين أهله وعمامــه وين
وين أشبول أهـــل عدنان
تگصد موسى هذا الحيـن
وتشوف أفعال هالسجان
وين أشبول هاشم ويــن
تگصد موسى أبن جعفر
وتطلب ثاره أبثـــــارات
ثار لچبده التفطــــــــــر
صدگ باب الحوئج مات
باب المايرد مضطــــــر
نشيعه أحنه بمهج ورواح
فوگ الجسر نفديلــــــه
الشاعر
موسى البديري
أبكي على بابِ الرجـا بالسجنِ واويـــلاه
والدمعُ من عيني جرى حزناً على بلواه
دمـــعٌ تفجـــر ينعى أبنَ جعفر
حزناً على بلواه
* * *
يسلطان الصبر والنوح والدمعــه
ويا سابع أمام أتنوح ألك سبعـــه
يا سر الإلــه ومنهجـــه وشـرعه
عليك أملاك تنحب والعرش ينعه
العرشُ ينعى فقدكَ بالنـــوحِ والأمـــلاك
والأرض تبكي والسما بالحزن أذ تنعاك
والكـــونُ كبـــــرّ ينعى أبنَ جعفر
* * *
دمعـــات الجفـــــن تتفايض بعبـــره
ولو حسره گضت نورث ألف حسره
للگضّــه بضلامــات السجن عمــره
تسعـــر للأبد مـــا بـردت الجمــــره
جمرُ الأسى لمصابه تسري بهِ الأحشاء
جمرًُ توارثَ نارهُ من محنتِ الزهـــراء
والقلب يسعــر ينعى أبنَ جعفـر
* * *
يا دمع النواظــر هـــل على مصابه
من داره لسجن طاغي العصر جابه
عليه تســأل هله وتتنطـــره أحبابه
البدر عن شيعته شوه طول أغيابه
البدرُ طالَ غيابهُ فـــي ظلمـــةِ السجـــان
وَسمي الكليمِ شبابهُ في زحمتِ القضبان
سجنٌ تكـــدّر ينعى أبنَ جعفر
*
يا وارث علي ويه الزچيـــه أمـــك
شابهت الحسن يــا سيدي بسمـــك
وثلث أيام مثل حسين ظل جسمـك
بقيود العليل أصبــــح نـزف دمـك
نفس القيودِ تشابهت في معصمِ السجاد
قد قيدوا كــف الهدى بالسجن في بغداد
قيــــدٌ تكــرر ينعى أبن جعفر
* * *
يا مسمـــوم مثلك بالسجـــن سمـــوه
وعدوانه بقيوده يـــا وسف شالـــوه
بچفوفه السناسل عالجســـر خلـــوه
ونادو بالنعش بس أهله ما حضروه
هــــذا وريثُ محمدٍ هـــــذا ولــــي الله
ملقاً على جسر الأسى بالقيد من ينعاه
جبريلُ يحضر ينعى أبن جعفر
* * *
مسجون الدمع حزنك كتبله أفراج
يا بحر الصبر صار الدمع أمــواج
يا باب الحوائــــج جيتك ومحتـاج
وليا باب تگصد سيدي الأفــــواج
باب الحوائج والرجا جئناك بالحاجات
والدمعُ منا أنهراً يجري مع العبـرات
قلبٌ تفطـــــر ينعى أبنَ جعفر
* * **
لشاعر
موسى البديري
أجيت لمرقدك يا سيدي بلهفه
وأدري كل عليل بحضرتك يشفه
أجيت لمــرقدك وهمـومي مـــا تنعـد
أجـيت ودمعـي لمصابك يهل عالخـد
أذا مـــا جيك ألمن سيــدي المقصـد
أروحاً وين كثـره أجروحـي وكلفـه
كلفـــه أجروحي بيهن معتـني لبابــك
وتطيب أجِروحي والله بشمت أعتابك
يديـــوان الكــرم يمعـــزب أحـبابـــك
وكـل محتاج ألك لازم يمــــد چـفـــه
كـــل محتاج لـــو جار الزمان آوياه
يگصــد حضـرتك يشكيلك مـن ألاه
ولبابك يمد يــا أبــو الرضــا يمنــاه
وي مـــدت يمينه مدمعـه يــذرفــه
يذرف مـــو دمــع لا يذرف أبروحــه
وي دمــع اليسيل أجروحه مسفوحه
يــا أعظم طبيب وتنظـــر أجروحـــه
طبيبه أنته وعلاجه ومرقدك وصفه
وصفه أنته وتطيب كل شخص معلول
وتطيب ألي يجيـك بعلتـــه والمشلــول
وأجيت أبلوعتي يا أبو الرضا شتكــول
عجـز كـــل طـــب علينه وطبك نعرفــه
طبك سيدي كــــل طــــب عجز عنـــه
النبي عيسى أبن مريم والله أخذ منه
أظل أنخاك لا مـــــا أگطــــع الضنــه
ظامــي وأطلبك يــــا سيدي أبرشفــه
رشفــــه أبسلسبيلك روحـــي تحييهه
ونظــــره لروحي ما يبقه جـرح بيهه
علتي شما تطــــول أنتــــه التداويهـه
وجرح گلبي بحضرتك ينگطـع نزفــه
***
الشاعر
موسى البديري
ابوذيه الى الامام علي عليه السلام
علي البــاري يوصّف حبه جُنّه
وعلــي المختار گايـل حبه جَنّه
علـــي عگلي بغرامه حبه جنّه
تسودن بالعشگ حد المنيه
1- أمان
2- الجنه
3- الجنون
4-
الشاعر
موسى البديري
أيا محرابَ حيدرَ ما الذي يجري كتابَ اللهِ دامٍ ساعـــة الفجـــرِ
أصابوا فرض بارينا أم رأســا لهادينـــا
**** **** **** ****
يا محــــراب حيــــدر أســألك هاليـــوم
يا هامه التسيل وتجــري منهه أدمــوم
فرض الباري صابوه وي شهر الصوم
لــــو قــــرأن ربنــــه الواحـــد القيــوم
هوى التوحيدُ والإخلاصِ في الأرضِ أم هــذي دماءُ الدينِ والفرضِ
أصابوا هامة الدينا أم رأســـا لهادينـــا
**** **** **** ****
أسأل وأنشد وجاوبنـــــي يالمحراب
هذا الدين طايـــح وبدماه أخضـــاب
لو حيدر علي بذكر الفجـــر ينصاب
أدري الدين حيدر يعني فد أمصــاب
دمُ التوحيدَ في المحــرابِ قد سالا ونال السيفُ من علياهُ مـــــانلا
دمُ المحراب يهدينا أم رأســــا لهادينـــا
**** **** **** ****
يا محــراب حاجيني أجيت أنشــــد
يا راس أنطبــــر جاوب لتتـــــردد
صابوا راس حيدر لو نبينــه أحمد
ركن الباري صابوه وحسافه أنهد
دينُ الله هُدت منــهُ أركـــانا وفي المحرابِ دامٍ طاحَ قرآنا
نارُ الفقد تكوينا أم رأسا لهادينا
**** **** **** ****
يا محراب حيدر من هوى القـــــرآن
هوت سورة محمد والله والإنســــان
هوت قاف وزمر فوگاهن الفرقــــان
وهتف جبريل ينعى أبعبره وأبحزان
عليُ الطهرِ في المحرابِ قد غيلا وينعاهُ بصوتِ الحُزنِ جبريــلا
ينعى فقد والينا أم رأسا لهادينا
**** **** **** ****
يا محراب مقصوده الصـــــلاه والدين
وكلهــــه تجمعـــت والله ببوالحسنيــن
أنصابن بالفجــــر من زمـــرة الباغين
بغدرهم هامته أنشطرت أسـف نصيـن
نصفٌ وحد الباري مدى العمرِ ونصفٌ يعشقُ المولى مــع الذكر
دمُ الكرار يروينا أم رأسا لهادينا
**********************************************
الشاعر
موسى البديري
بويــه علــي مخنوگه تدري أنفاســـي
بويــه علــي امســح أبيـدك راســـــي
يا بــويه مثــل الفقــره أبابــك علـــــي منتظره
*****
يا بــويه حيّرني الــزمن يــوم ابن ملجم صابـك
مشاتگه اشوفن بسمتّـك منتظــره بويــه أبــابك
يا بــويه گالــولي صدگ دمــك يغالــي اخضابك
يــا شمسي الما غـرّبــت مـو هسه وكت أغيابك
ليل الحزن مــا تنگضـــي آهاتــــه
ليل الحزن يتــلاهبـن جمـــراتـــه
وشيطفي بويــه الجمره أبابـــك علــي منتظره
*****
يوم الشلت چفي بحــزن ودمــع المــوادع نازل
وبچف أبو فاضل صفت وگتله يبــويه الكــافـل
زينــب وصيّـــة والــدك لا يمــر بيــها العــايـل
أعيوني رسمتلك نعــش عن گلبي باچـــر شايل
انرسمتْ خيّم بدمـــوعــك السچابـــه
انرسمتْ خيّم أبنـــار العــّده الّهـــابه
بگلبـــي الخيّم مستعره أبابــك علـــــي منتظره
*****
يــا بويــه وي النــايبــه عشت انه تدري ابزغري
يــوم المشّت ام الحسن حسّيتـه غـــادر دهــــري
محلاتـــه يمك يـــا الابو لو ينگضي كـــل عمري
وبحضنك الـــدافي علي أمنيتـــي اظلن تــــدري
محله العمر يا بــويه وانتــه اگبالي
محله العمر لــو يگضي وي الغالي
بدلالــي ظلت حســـره أبابــك علـــــي منتظره
*****
وي المــوادع مـــن زغــر دلالّـي عَــاشـر همّـــه
وماتت على أشفاف الحزن چلمــة يــزينــب يــمّـه
وچلمــة يبويـه يــا علــــي يــا بويه أحس متيتمه
بين أمـــي وفــراگ الابـــو دلالّــي طــف يـرسمه
عشت اليتم من عمر خمس اسنيني
عشت اليتم كل ساعه أشوفه بعيني
وراسي شبگته بعشره أبابــك علـــــي منتظره
*****
خيمه يبويـه مــن المـحن لـــو عــاكســت أيامــي
أحلامي بيها اگضي العمر انهدمت يوسفه أحلامي
چم خيمه بعــدك تحتــرگ يا علــي كــل أخيــامي
اليوم انته بيتامك حـــّرت بالطــف تحّيـَـر أيتامـي
بويه اليتم يكسـر دليـل الفــاگــد
بويه اليتم باچــر يمر چم واحــد
لو رحنه باچر أســره أبابــك علـــــي منتظره
*****
عيد المبــارك يـــا علــي باچـر تمــوت إخلافـــك
يا بويه چن طعــم الشهد لـو تطلــع من اشفافــك
جفني يمــر بيـــه العمى باچــر لوّن مــا شافــك
الموت لو يرضه أبـــدل ياخذنـــي ريتـه وعافـك
دونك علي ريت الأجـــل وافانـي
دونك علي ولا بالدمــع خلانــي
فگــد الابــو شيجبــره أبابــك علـــــي منتظره
*****
الشاعر
موسى البديري
(( حشدك يالحسن ))
صبرا يالحسن چف الحشد موجود
بحر غيض الحشد تتلاطم أمواجه
الهدّم كبّتك نهدمله والله أقصــــور
ونسحله امدنك ويخضع الك تاجه
اليكفرني مـــن أجيلك الا يا مولاي
يمد أيـــده يتوسل منـــك افراجه
زحف يتعنه گبــــرك للبقيع يروح
ما تحميه قصوره وجيشه وابراجه
وما اعوفه وعلي الخله البقيع اتراب
الا مـــن الذهـــب يبنيلك أسيـاجـه
وتأذن أهل المواكب بالمنــاره أهناك
اشهد للحسن هالدنيا محتـــاجه
وياخذلك تحيه الجيش والضباط
وحشد الله تلبي أبصحنك أفواجــه
موسى البديري
أهازيج للامام الحسن المجتبى ع شعر موسى البديري
آنـــه بمـــولدك مديــت اليك چفـــوف
يسلطان الكــرم باب الكـــرم معروف
فــز مني الگلــب متعنــي ليك يطوف
(( وبابك يطلب حاجاته ))
***
كــون بكربـله يالحـــسن يم حسين
نبنيــلك ضـــريـــح بين هالــگبتــين
ونگصدلك زحف لو تنگطع رجلين
(( ونلبي وخل يسمعونه ))
***
ألك حضره بگلب كل شيعي مبنيه
اطوفنها أبدمـــوع العين يــــوميــه
خـــل ابغيضها أتمــــوت الوهابيه
(( ونطوف الحضره أبكل ساعه ))
***
ال سعــــود صبراً والزمان يــدور
چف المهدي يهدم يالبغايا أقصــور
ويبني للحسن گبـه وضريــح ينور
(( وبالحضره يردد آذانه ))
تتويجه رباني أمـــامي المنتظــــر
وبحبه غذاني أمـــامي المنتظـــر
تستاهــــل البيعـــه يـــا يا قائد الشيعه
******
مّن الله هذا التاج لا مو ذهب لا عاج
تــــــاج الأمــــــامــــه
توّجك ربــك بيه للمهدي گال أنِطيه
عـــزه وكـــــرامـــه
لأبن النبي المختار وارث علي الكرار
اتلــوگ الزعـــــامه
ياسر وجود الكون بمّحَبتــك مفتــون
ﮔلبــي وغـــرامــــه
سر حبه إيماني إمــامي المنتظر
تتويجـــه رباني أمامـــي المنتظر
تستاهل البيعه يـــا يا قائد الشيعه
*****
منْ الوصي الكــرار بالحسن هالسر صار
وانـــوبـــه بحسيــن
صـار بعلي السجاد وبالباقــر السر عاد
ولصــــادق الديِــن
وبالكاظم المحبوس للرضا ساكن طوس
بصلب الجـــواديــن
وبالهادي سر النور وللعسكري هالدور
نـــور الميـــــامين
ساكن أبوجـــداني أمامـــي المنتظر
تتويجــــه ربــاني أمامـــي المنتظر
تستــــاهل البيعه يـــا يا قائد الشيعه
*****
تقشع ظلام الجور وتمليها عـــدل ونور
تمليهـــا أحســـــاس
نورك يشع بالكون أنكحل ابجيته أعيون
ونــعــطــر أنفـــــاس
سيدي يالموعـــود يا يــوم لينه أتعـــود
يا عطـر ورد ويــاس
والرايــه يالقـــائم من چف گمر هاشم
هل الرايه من عباس
بالعـــزه وصاني أمامي المنتظر
تتويجه ربــــاني أمامي المنتظر
تستاهل البيعه يـــا يا قائد الشيعه
*****
وي الحشد شفناه بيده يعلّي ألــــواه
ما احسبه غايب
راية علي ابيمناه ترهب اگلوب أعداه
تـــرعب كتايب
والگال ما موجود امنين هذا الـــزود
هــــز النواصب
المهدي الحشد وياه ما يربح العاداه
ابن الغــــوالب
يا نبض شرياني أمامي المنتظر
تتويجه ربــــاني أمامي المنتظر
تستهل البيعه يـــا يا قائد الشيعه
*****
الشاعر
موسى البديري
https://youtube.com/watch?v=8ZQT511nqZ4&feature=share
Читать полностью…
شعبان هل لينه بفرح وي هلت أهلاله
ميـــلاد أنـــوار الهدى البكون تتلالـــه
أتهل علينه أعياد لو بينه مر ميلاد
******
وي هلت أهلالــه بفـرح هـــل بالسما هــلالين
اهــــلال شعبان البــزغ والثاني هـــل لحسين
ومو مره مولود السبط لا منولـــد مــــرتيـــن
بثلاثـــه شعبـــان أنولـد وبالعاشر أحيــا الدين
جبريل هز بيه المهد سبط النبي المختـار
وفرحانه أملاك السمه وتنثر ورد وزهار
وتنادي أبو السجاد لو بينه مر ميلاد
******
لحيدر علـي أزهر بدر بالرابــــــع بشعبــــان
للخوه مضــرب للمــثل بيه حـــارت الأذهــان
عباس راعي ألمرجله جَوده صبــح عنوان
من زغره سماه الگمـر يزهر گمــر عدنــــان
غيره وشجاعه ومرجله يتفايض واحساس
سماه گمر هاشم علي راعي الوفه العبـاس
للخوه وفّه وزاد لو بينه مر ميلاد
******
وبخامس أيامــه انولـد للعتره رابــع نــــور
زين العبــاد ومولــــده أسعـــد أنس والحور
رابع أمام أعلى الخلگ للدين اصبـــــح سور
نور اليشع مـن جبهته نــور الله بيه منشور
بنواره دنيانه أشرقت طيبه وعدل وأيمان
أيرتل أياتــــــه بفــــرح بالمولد القـــران
وينادي يالسجاد لو بينه مر ميلاد
******
عاشگ وهمن بالمحـب وگليبي بيه هـــأيــم
نار انتظاري ليا وكـت تسعـر يبو القـــاسم
دلالي كل نبضه يـــدك يالمهـــدي يالقـائــم
جفن اليحب ليا وكــت عــن شوفتك صايـم
يمته ترفرف رايتك بيهه بعزم تحدي
كل يوم أنادي للفرج قائمنا يالمهدي
منك نريد مراد لوبينه مر ميلاد
******
الشاعر
موسى البديري
هذا رزق ربي هذا اليوم الى سيدي ومولاي ابي عبدالله الحسين عليه السلام
يهوى الله بعظمته من هوه حسين
وحگها الريه تشهگ من هوه حسين
تدري شصار بالطف من هوه حسين
هوّت چنها السما فوگ الوطيه
الشاعر
موسى البديري
المشكاة
من هيبة محمد صاغ رب الكــــون
هيبه وجللاهه بقدرته وأمــــره
وأخذ من حيدره عزمه وأباء البيه
وعزم حيدر عزم ما واحد ينكره
وصاغه بنور قدسي يضوي بالمشكاة
وأصل هالنور كله بفاطمه الزهره
***
وأخذ من الحسن چف الكرم والجود
وبحر چف الحسن ما واحد يعبره
وأخذ ذاك التفاني والبه من حسين
وصبغ لون الاباء بدمه وبنحره
ومن غيرة الكافل صاغله المعبود
ثوب الغيره كله وفصله أبگدره
***
وأخذ أنوار تسعه تضوي عرش الله
كونهه أبشخص سبحانه وبامره
وبعزمه وقدرته كوناه أنسان
أبوصالح المهدي وقائمه العتره
شعر موسى البديري
أنتصر گيدك على الطغيان يالكاظم
سجنـــك وينـــه والسجـان يالكاظم
ألك مرقد *** أله يشهد
كل إنسان *** يالكاظم
*
يا ســـر الإلـه المحـــد يفســـره
يا سـر النبا وطور وحِمد وأقره
يــا وارث محمـد والله يـا سـره
يالكاظم تظل أعلى الظلم ثوره
تظل ثوره تهز أجبال ـ يالكاظم
منهه ترتوي ألاجيال ـ يالكاظم
يا فرقد **** أله يشهد
كل أنسان*** يالكاظم
*
وين أهل العقول أتوضح الصوره
ياهو ألي أنتصر والباقي دستوره
ويـن الارشيد وجيشــه وقصـوره
وهذا الكاظم يسحرك وهـج نوره
تظل موسى ابن جعفر نور ـ يالكاظم
تجلي كل ظلام الجور ـ يالكاظم
يتوقد *** أله يشهد
كل أنسان *** يالكاظم
*
ياهو الي أنسجن لـو تنظر بحكمه
وأنظــر للدليـــل الظاهـــر وفهمـه
أذا هـارون وينه بيا كتـــر رسمـه
وموسى الكاظم أصبح قبله للأمـة
ألك مرقد يهز الكون ـ يالكاظم
وين بيا كتر هارون ـ يالكاظم
البغي أتقيد*** أله يشهد
كل أنسان *** يالكاظم
*
مطاميـــر السجون أتحـولت أنـوار
وصارت حضرتك قبله وتحج زوار
خصـــك بالكـرامــه الواحـد القهـار
وبني العباس خصهم باللعن والعار
عرشك بالگلب موجود ــ يالكاظم
يتباها ابكرامه وجود ــ يالكاظم
من الاوحد *** أله يشهد
كل أنسان *** يالكاظم
*
ألك گبتين تسحـــر عيــن الينظـــرون
ومنايـــر مـــن ذهب يفتــرن بهالكون
ويـــن أعــداك وين الچانو يحكمــون
ياهو الي صبح هسه بسجن مسجون
وين الحاربك ما وين ــ يالكاظم
يشخص من يصد بالعين ــ يالكاظم
النظر يرمد *** أله يشهد
كل أنسان *** يالكاظم
*
مـــو بيدي اذا للمـــرقـــد أتعنـــه
جنه أشلون أعوفـك والله يا جنه
بابــــك سيدي بالحاجـــه أدگنـــه
أرد فرحان لا ما أگطــــع الضنه
طبعك ما ترد مهموم ــ يالكاظم
تظل باب الحوائج دوم ــ يالكاظم
ما ينسد *** أ له يشهد
كل أنسان *** يالكاظم
**
الشاعر
موسى البديري
ميمر مجنس الى الامام الكاظم عليه السلام
حالي أعَرضّه يا أبو الرضا الأرض ضاگت والفضا
ولبابك آنــه اتعنيت يالما تــرد طلّابك
*
روحي أجت بس منكسر خاطرها
وبس الحزن يــا سيدي خـاطرها
اقسـم عليـك بــأمــك وخــاطـرها
لحالي تصدْ يالما تردْ حتى اليندبك من بعدْ
وأبابــك آنه وانخاك وبگلبي نار أمصابك
*
اسمــك كرامــه وبالگلـب دگـيتــه
وبــابـك يا أبو طلبـه بدمع دگيته
علگتــه همـي أبحضــرتك دگيته
وادري الفرج يبن الحجج يا مهجتي وكل المهج
ويمــك تهّيد الأرواح من تسجد أعلى أعتابك
**
لبـابــك أمــدن بالــدمع كـفّينـي
عــوّز البشر يــا سيــدي كـفّينـي
حبـــك كنـز وبــدنيتــي يكفّينـي
ما افتقـر حبك ذخـر بالدنيا والله وبالحشر
حبــك ربـــح بالدارين يا سيدي لأحبابك
*
جبت الحـزن يم حضــرتـك هدّيته
ومــن التعــب گلبي بفــرح هدّيته
اهدي الدمع وانته أبفخــر أهديته
كل اليسر بعد العسر أبابك يرد ومبتشر
باب الله بابك مولاي وبوجهي متسد بابك
*
هذا الوكت حطني وطحني أبراحه
ومتعني بابـك بـس أعض بالراحه
بابــك وصلته وگلبي حس ابراحه
ماي ونزل ابگلبي الذبل رد وَرّد وشع الأمل
بــاب السماء المفتوح جنه وأشم بـأطيابك
*
يم گبرك وروحي أرفعّت كفّـاها
نــادت يمولاي الحــزن كفّــاهـا
چفــك أحـسّـه للشـدد كـفّــاهــا
تجلي الشدد ها يا الأسد حتى الذهب يمك سجِدْ
ينادي أبنظرتك مولاي خليني أشمْ أتـرابك
*
الشاعر
موسى البديري
شلون أودعك يا علي بهاي المسيـه
شلون أودعك بويه يا حامي الحميه
شلون عيدي وانته غايب يصعب أوداع الحبايب
***
بويه قصتي ويه المواجع ابدمعه خطاها الدهر
أول أوداع الرمــاني يــــوم ضلع أمــي انكسر
وهسه بويه وداعــك انتـه منـــه دلالي انفطــر
بويه يا طاري الوداع شخله ابكليبي من اثــــر
آه يگلبي يودع ابلوعــه الأهـــل
آه يگلبي ابطاري الوداع أنـذهل
من الزغر شفت المصايب يصعــــب اوداع الحبايب
***
گلبي چن نار الخليل اتزيد كل ساعه اضطرام
بويه و إبـــراهيم نــاره أّصبحت بـــرد وسلام
وانــه نـــار الباب بيــه تستعـــــر منهه الخيام
أوني مــا يبطل يبويه لــــو بطل نوحه الحمام
بويه وني يشكي للباري المجيب
بويه وني يزيد لــو أودع حبيب
دهري شوفني العجايب يصعب اوداع الحبايب
***
گلبي چن يعگوب نـوحـه فارگ ابنـــه شگد نعـاه
ونوح يعگوب اعلى يوسف خلص ساعة ما لگاه
ودمعي بويــه مـــن عفتني ما أظن واحــــد بچاه
بويه يا حيدر زمانــــي بجمــــــرة افراگك چــواه
ناري تسعر نـــار المـــوادع عــذاب
ناري تسعر مــن اصد شيبك خضاب
تزيد ناري وانته غايب يصعـــــب أوداع الحبايب
بويـــه ودعــت الزچيه وگلبي شاب مـن المصـاب
عمري خمس أسنين بويــــه رافگت طاري العذاب
بويه بعد أعيوني تنظر دمعه مرسومه اعلى بـاب
وريت تعمه أعيوني بويه ولا شفت شيبك خضـاب
بويه جرحي لا تظن بعــدك يطيـــب
بويه جرحي يبقه حد عمر المشيب
گلبي من لوعاته ذايب يصعب أوداع الحبايب
***
ودعتني بنظـــره تشــرح بويــه نظــراتك تگــول
بويـــه يا زينب مصابچ تعجـــز اتوصفـه العقـول
شلون حالــچ لــو نظرتي حسين ينـــداس بخيـول
ونـــار بخيامــــچ يــزينب نـــار مــــن باب البتول
دمعه تشرح انه أظل أبـــلا كفيل
دمعه تشرح نسه وأطفال وعليل
وأنه مچتوفه بخرايب يصعب اوداع الحبايب
***
الشاعر
موسى البديري
طبيب الـــوالي گلي شحالهــا الطبره
روحي وي اليتامـــه أبنــار مستعره
*****
حگها أدموع زينــب تجري معذوره
وي كــل اليتامــــه أتانــي دكتـــوره
أبونه أيطيب يمّته ونرجــع أنـزوره
اليتامـه ابلا علي يــا همهم اشكبره
*****
اليتامــه وگلبــي ونّتهم فــرد ونّــــه
وعلى باب الولي ما نگطــع الضنـه
يبويــه وي اليتــامـــه گلبـي يتمنــه
لـــون سالـــم ترد يا سلوة الفقــره
*****
لــون سالــم تــرد واتگـــوم هاليلـه
وتمســـح دمع العيون الذي أنسيله
يــاهــو غيرك احنـــه الليله ندعيله
يـــّرد انـــه بسلامــه وسالم أنظره
*****
سالم كــون تنهض يــا علــي وتگــوم
أوُيانّــه تتم يــا بويـــه شهـر الصــوم
يبويه العيد مو نشري جديده اهــدوم
العيد اويانـــه أبونــه سالـــم بعمـــره
*****
سالـــم كــون بويـــه طولك اگبــالي
يــا عيـــد اليمرني وغايــب إهــلالي
خيــــام أبـنـــار ملتهبــه اتــراوالي
وخيل أدوس صــدر حسين وتكسره
*****
خيل أدوس صــدره وخيل تحرك نـار
وتنادي ابصوت جنها نرده ذاك الثار
يبــويه ألـــي گطعهم سيفـــك البتــار
عَتّبــه الهم يبـــويه من بني الزهره
*****
عتبه أهل الكفـــر عدّهم يبو الحسنين
ومنــك بويـــه لابد مـــا يـــرد الـــدين
بعد هامك يبويه انشوف راس حسين
مگطوع وجثته بويه تظل على الغبره
*****
الشاعر
موسى البديري
قصيدة (( شوك ارتوي)) من وزن الميمر المجنس
گلبي اليدگ ينبض عشگ يا حبي يا عشگ الصدگ
هذا الگلب شوفه شلون بأسمك علـــي دگـــاتــه
*
نبض الگلــب بأسمــك يظل للتالي
أيــة عشـگ مــن تنقــري للتــالي
المبغض تحيّـر ظــل ينــادي تالـي
كتله أبفخر نار وسقر للعاده حيدر بالسوّر
دين الله بي تم للناس اقــــره بحكـم آياتـــه
*
أبدّرت نجيبه وطاهـــره يــا حي در
انــه أرضعت حبــك علــي يـا حيدر
دارك صفت وسط الگلب يا حي دار
رغم اليضد وأهل الحقد بگلبي تظل قبلة مجد
بنبض الگلب يا كرار كـــل عاشــگ بلهفاته
*
شوگ ارتوي بگبرك علي لـو قَبلَــه
حـايــر شوصفــك دنيتــي لــو قَبلــه
وي الخلگ انتــه صـرت لـــو قَبلــه
قبل الملأ نورك ملّه هذا الوجـــود أبأوله
نورك ونــور المختار ســر الوجـــود وذاته
*
انته الأســـد غيــر أسد مــا عـدها
ألامــه بيمينك بالنصــر مــو عدها
وعمــر ابن ود گبلك زلم ما عدها
نادى الخصم وين الزلم بس انته ناديت أبعزم
انــه علـــي وذو الفقار مــا تنّســي صــولاتـــه
*
خيـــول العــده أبــدم الكـفـــر حجّــلها
ومن غيــرك لهاي البشــر حجـه الها
عونه الگصد ارض النجف حجه الها
وطاف وسعى أبركنك دعا يا رحمة الله الواسعــه
يا حجة الله أعلى الناس عاشگ گصد بآهــاتــه
*
نــاس التبغضـك يا علــي مــا أودها
وغيــرك ولــي كـل شيعتك مـا ودها
لغيرك ابــد چلمـة عشگ مــا اودها
خير الوره يا حيدره دنيانه انتــه وآخـــره
أول عشگ مر بالروح نشعر طعم شــوغـاتـه
*
الشاعر
موسى البديري
أنــوح مــن الرزيـــه يحمــاي الحميـــه
*****
أنـــوح أعليك حامــي أحماي والجار
ودليلي أبنـــار بويــه أعليــك وجّــار
روحــي امچتفــه بحســرات وتجـــر
مــــدري ليـــا كتــــر دنيــــاي بيـــه
*****
النــوح لــروحي مـــا ينفــع شفه الها
وطبرتــك بويه مــا يحصل شفـه الهـا
يبــويــه أحبـــال بچفــوفــي شفلـها
اذا بــاچــــر لفتنـــي الغـــاضـــريــه
*****
علــّي دنيــاي بـالإحـــزان هــامـــات
وطبـرت يا علي منــك وسف هامات
مــن نــاده المنــادي والــدچ هـامات
متت ويـــاك ريــــت بهـــل المســيه
*****
علـّـي سيــف النــوايب دوم منسال
دمــــك يـــوم بالمحـــراب منســـال
علينــا نـــادت الأيتـــام مـــن ســال
يتـــامى صـرنـــه يـــا حيدر سويـه
*****
الوكــت بعـدك لبــس يا حيـف ويهين
وأحــس بالگلــب نــار أجفـاك ويهـن
جرحـــك لا تظـــن يطيـــب ويهــون
يظــــل ينـــزف الـــم حــد الــمنيـــه
*****
حسافــه العيــد منـــي يشيل ويروح
وترك بالروح كثره أجروح ويـروح
لــوّن روحي مشت هاليـوم وي روح
أبــوي ولا ضگــت طعــم الـرزيـــه
*****
الشاعر موسى البديري
16 رمضان 1442
مـــن البعد روحــي تحن لتراب گبرك يالحسن
عاشگ عاشگ عاشگ لتراب گبرك يالحسن
***
عاشگ ومحبويب سكن ديره غريبــه
وطبع اليحب يشتاگ كل ساعه لحبيبه
ياربي ادعـــي بكل وكت طيفــه يجيبه
ياريــــــت اشوفنه بحلم واهوه على أترابه واشم
عاشگ عاشگ عاشگ لتـــراب گبـــرك يالحسن
***
مجنـون عذالــــي علّي گالـــــو يِغالِي
مـا همني عني شما حچو لا لن أبالي
عاشگ واسمك يالحسن ساكـن خيالي
ساكن برحي ويه النبض ورسمك بجفني شما غمض
عاشگ عاشـگ عاشگ لتــــراب گبـــــرك يالحسن
***
گمت انشد أنـوار الشمس كل ما تجيني
لمحبوبي يا نـــور الشمس وصل أنيني
وحچيله عن حبي اله وشوگي وحنيني
بلـــغ سلامـــــي للمحـب گله سكن وسط الگلـب
عاشگ عاشگ عاشگ لتــراب گبرك يالحسن
***
گمت انشد أطيور التمر كل ساعه بيه
وصليلي اشواگ الگلـب لابن الزچيه
ياريــــــت محبوبي اندفن بالغاضريه
ياريتــــه يمنـــه ابكربله وتـرابه جفني يكحله
عاشگ عاشگ عاشگ لتراب گبرك يالحسن
***
هدّموا گبرك يالحسن ضنـــو اعـــوفك
كل لحظه بشواگ الگلب اگصد اطوفك
طبعك كريم ومــــا تـــرد طلبت ظيوفك
مديت أديــــه أبـــدمعتي وادريك تگضي حاجتي
عاشگ عاشگ عاشگ لتـــراب گبرك يالحسـن
***********
الشاعر
موسى البديري
تعــال وشــوف گلبـي شمله لحسين
خـدامــه ودوم ينعـــه شمل الحسين
عـــونــه الهســـه زاره وشم للحسـين
تـرابـــه البيــه عطـــر أمـــه الزچيــه
♠️♠️♠️♠️
✍ موسى البديري
بفرحـــه المحب نـــــادى هاليلـــــــــه ميــــــــلاده
قائم العتره شعت أنواره قائم العتره شعت أنواره
***************************************
بخمسطعش شعبان
فرحانه أنس وجان
نور الخلايق بـــان
لشيعة محمد تحله البشاره
*** *** *** *** ***
هالفرحه محلاهــه
بيهه أحنه نتباهــه
بشرنه بيــه طـــه
دور الصحاح الرايد أخباره
*** *** *** *** ***
بلوعتنه نادينــــه
أظهــر يـوالينـــه
لا مو جرح بينه
آلاف بينه وكلهه تتجــــاره
*** *** *** *** ***
نتعنــــه مشايــــه
لحسين وفايــــــه
نرفع ألف رايـــه
ترفعهه بسم المهدي أنصــاره
*** *** *** *** ***
نتعنه للحضــــــره
لحسين أبوالعتـره
ونهني الزهـــــره
بمولد القائم تحله البشــــاره
وين الوعــد وينـــه
وينـــك يمهدينـــــه
تدرينــــه حنينــــه
والمحب گلبه تلاهبت نـــــــاره
*****************************************
الشاعر
موسى البديري
مقطوعه ( حب غايب )
سفينه آنه بغيابك ما لگت مرسه
وعلى الموعد اتاني وأنطر لهسه
مر بيّه بغرامك عذباني الشوگ
يخنگني الهوه الما چفك يلمسه
مر بيّه شتاك شسوه يالمحبوب
طويل الليل وانه اتنطر لشمسه
يا اجمل عشگ رغم الشماته اهواي
الشامت من غيابك يرفع أبحسه
يگول الغايب المحجوب ما مر ليش
مرني وصوتهم بس صوتك يخرسه
مو شرط اليحب يتلاگه وي اهواه
بأحساسه يتلاگه بروحه ويحسه
العشگ يكبر اذا غايب عزيز الروح
والعيشگ صدگ هيهات ما ينسه
الشاعر
موسى البديري
مولود لعلي بخمسطعش شعبان
أية ثورته موجوده بالقرآن
(ونريد ان نمن ) ونسحك الطغيان
(( ومن يكدر يمحيها الايه ))
الشاعر
موسى البديري
الى قمر العشيره أبي الفضل العباس عليه السلام
گمر وســط الحــرب وجهه لعـــبّاس
لعــب جــوله بثنايا الطف لعب بّاس
المراجـل ورث مــن حيدر لعّبـــاس
اوســام انطــاه كفيل الهاشميه
✍ موسى البديري
https://t.me/joinchat/DBhlt0Q_jmWQpnfqPqqyew
Читать полностью…
وحگ العل النفس همـه يولون
المهدي وغيره ما واحد يولون
النكـــرو مــولدك خلهم يولون
على اللوح انكتب يبن الزچيه
✍️موسى البديري
١-أولى من المؤمنين بأنفسهم
٢-اي لم يجعلوا غيرك والي في هذا الزمن
٣-خليهم يروحون
ياهـــو لغيــر ألـــه لافتـــى الهم .
وروحي ابزغر حنّٓت لا فـت الهم .
انه السويت گلبــي لافٓتـِــه الهم .
عليها أكتبـٰـت خـــادم للمنيـــه .
١- فقط لأل محمد لافتى الا علي
٢- اي لم تستدير لغير طريقهم
٣-لافته قطع كتب عليها
الشاعر
موسى البديري
