هوسات الى ابي الفضل العباس عليها السلام
شعرت الأكــوان مو بس ام البنين
بهـزه ارضيه بقت حد هل السنين
الگاع رجفـت يـوم ميــلاد الـوفاء
والگمــر ازهــر بعد يــوم الحسين
( فرحانــه الدنــيا بميــلاده )
❣️❣️❣️❣️❣️❣️❣️❣️
الگمر رابع يوم هل وســط السماء
أنولد جــود او ماي وإيثار أوفـــاء
أمعسره ظـلت بي تطلگ كـــربلاء
( ومن جابت طف والله ورايه)
الشاعر
موسى البديري
هوسه الى الامام الحسين عليه السلام
❣️. ❣️. ❣️. ❣️. ❣️. ❣️. ❣️. ❣️
يالمــدوخ الدنيــــا بمولــدك لليـــوم
يا مــولــود غيـرك باقـي عايـش دوم
حبنه شكبره الك حب خادم ومخدوم
( يحسين بحبك جنينه )
❣️. ❣️. ❣️. ❣️. ❣️. ❣️. ❣️. ❣️
هوسه الى الامام السجاد عليه السلام
انولد يا نور يوم الخامس بشعبان
انولد نور الإله وســر وحي القرآن
وســر الحمد والإخـلاص والرحمن
( زين العبًَاد يسمونه )
❣️. ❣️. ❣️. ❣️. ❣️. ❣️. ❣️. ❣️
هوسه للعباس عليه السلام
تلولي ام البنين احتــــارت بأمــره
تصد عباس عينه من الزعل حمره
نام ابيوم ذكـــــرت زينب الحـــره
( وبزينب گام اتلوليله )
❣️. ❣️. ❣️. ❣️. ❣️. ❣️. ❣️. ❣️
الشاعر
موسى البديري
مقطوعه شعريه لميلاد الامام الحسين عليه السلام
تلاكه وياي وجهه أمورد وفرحان
والبسمه اعلى وجهه بسحر منتشره
ياهو انته سألته أورد عليّ شعبان
انه البيه طلكة فاطمه الـــــــــــزهره
وما جابت مثل ما جابت النسوان
مــــــا جابت طفل لا جابت الثـــوره
كبّر بذنه طه وانشد التـــــــوحيد
والتوحيد بيــــــه انصـــــاغ بالقدره
سماه الرسول حسين بأمر الله
ابن ســـــــر الوجود ويا عظم سـره
يهز بيه المهد ويلولي بالقرآن
جبــــريل الامين وعينه اتنظـــــــره
الوادم لو طفل عدهه اتكفل بيه
بس حسين جبريــــل الكفل امـــــره
الشاعر
موسى البديري
حبــك بالـــرحم احنه حسّيناه
غالي اوي اللبن طاهر حسيناه
قسم للموت ما ننسى حسيناه
عهد بالــدم نخــط لابن الزچيه
موسى البديري
سحــر مــاخــذ دليلـي يا هوى حسين
شحلاته بريتي يصعد يا هوى حسين
يســـألني المعـــانــــد يــاهـــو حسين
عـــزيز الله ومحمــد والزچيـــه
الشاعر
موسى البديري
هوسات شعبانيه
نور حسين هـــل وأزهــــــر الاكوان
وفطرس بيه توسل طابن الجنحان
خصاه بالشفاعه الخالــــــق الديان
(لحسين الجنه مخليهه )
*
ألف مبروك يالمهدي أعلى هل الميلاد
هــــل شعبان لينه وهلــــت الاعيــــاد
ميــــــلاد الگمــــر وحسين والسجــاد
(منورينه عرش الله الليله )
**
تطلگ أمـــه تطلگ جابت العبـــــــاس
جابت غيره والله وتضحيه وأحساس
بچفوفه الگمــــــر للخـــوه دگ الساس
(بچفوفه الخوه أموافيهه )
****
تلولي أم البنين وحــــارت بأمـــره
تصد عباس عينه من الزعل حمره
نام بيوم ذكـــــــرت زينب الحـــره
( وبزينب گام تلوليله )
**
أذا تصعب الحاجه و يصعب المطلب
يم واحد أبد هل الحاجه مــا تصعب
للعبــــاس أگصــد حلفــــــه بــــزينب
(وبزينب حلفه ويگضيهه)
***
عيد اليوم عدنه بمنتصف شعبان
ميلاد الامـــام اليسحك الطغيان
كل مؤمن سعيد بمولده وفرحان
(فرحانه الشيعه بميلاده)
*
يكصد كربله ليش وشني الغايه
للعباس يكصد ياخـــذ الرايــــه
مـــــو رايـــه بيمينه للرعب آيه
(مهيوبه بيمينه الرايه)
**
عهد وياك يالمهدي نخطـــه بدم
نكصد كربله وعالمــــوت تنقدم
عطاشه وكربله بيهه بئــر زمزم
(وحسين بحبه يروينه)
****
ترف راية عدل بأذن الله عالاكوان
وياخذ ثار جده المنذبــــح عطشان
يمحي أحفاد أميه وكل بني مروان
(يخبط بسيفه يصفيهه )
****
موسى البديري
هوسات للإمام الكاظم
وحگ گيد البچفك يـــــا أسد بغـــداد
نگصدلك زحف يـــــا وارث الأمجاد
ورثناهه محبتك من أبـــــــــو لاولاد
(نسحگ روس العادو نهجك ــــ يا كعبه ونگصد ونحجك)
* * *
يا كعبة صــبر وتگصـــدك الكونين
مشايه ألك نقســـم بنحــــر حسين
يالحبك فرض يا سيدي من الدين
(مشايه لگبرك نتعنه ـــــــ يالگبرك روضه من الجنه )
* * *
نگصدلك بلهفه وخلــــي نتفجـــر
نار الشوگ بينه بكل وكـت تسعر
عشاگ وننادي موسى أبن جعفـر
(عشاگ ويا موت يردنه ـــــــ وبدمنه الكاظم عاهدنه)
* * *
يا جسر المصايب والنحـــب والنـوح
ياهو الفوگ ظهرك گلي ظل مطروح
نعش موسى أبن جعفر للعوالم روح
مطروح الدين وأركانه ــــــــ ونشيعه وتنظر عدوانه )
* * *
يالكاظم گصدنـــــه بحرگـــــه هــــذا اليوم
سمعنه أعلى الجسر جسم الولي المسموم
نشيعه ولو جرى مـــــن عدنه نهر أدموم
(بدمانه نشيع والينه ـــــــ يالكاظم بسمك نادينه )
* * *
يا باب الحوائـــــج ما تـــــرد عناي
أجيت أنه أشتكيلك من هضم دنياي
أعرفك للحوائـــــــج سيدي گضاي
( الحاجات الكاظم يگضيهه ــ والحاجه أبيدك ينطيهه )
الشاعر
موسى البديري
ميمر مجنس الى الامام الكاظم عليه السلام
حالي أعَرضّه يا أبو الرضا الأرض ضاگت والفضا
ولبابك آنــه اتعنيت يالما تــرد طلّابك
*
روحي أجت بس منكسر خاطرها
وبس الحزن يــا سيدي خـاطرها
اقسـم عليـك بــأمــك وخــاطـرها
لحالي تصدْ يالما تردْ حتى اليندبك من بعدْ
وأبابــك آنه وانخاك وبگلبي نار أمصابك
*
اسمــك كرامــه وبالگلـب دگـيتــه
وبــابـك يا أبو طلبـه بدمع دگيته
علگتــه همـي أبحضــرتك دگيته
وادري الفرج يبن الحجج يا مهجتي وكل المهج
ويمــك تهّيد الأرواح من تسجد أعلى أعتابك
**
لبـابــك أمــدن بالــدمع كـفّينـي
عــوّز البشر يــا سيــدي كـفّينـي
حبـــك كنـز وبــدنيتــي يكفّينـي
ما افتقـر حبك ذخـر بالدنيا والله وبالحشر
حبــك ربـــح بالدارين يا سيدي لأحبابك
*
جبت الحـزن يم حضــرتـك هدّيته
ومــن التعــب گلبي بفــرح هدّيته
اهدي الدمع وانته أبفخــر أهديته
كل اليسر بعد العسر أبابك يرد ومبتشر
باب الله بابك مولاي وبوجهي متسد بابك
*
هذا الوكت حطني وطحني أبراحه
ومتعني بابـك بـس أعض بالراحه
بابــك وصلته وگلبي حس ابراحه
ماي ونزل ابگلبي الذبل رد وَرّد وشع الأمل
بــاب السماء المفتوح جنه وأشم بـأطيابك
*
يم گبرك وروحي أرفعّت كفّـاها
نــادت يمولاي الحــزن كفّــاهـا
چفــك أحـسّـه للشـدد كـفّــاهــا
تجلي الشدد ها يا الأسد حتى الذهب يمك سجِدْ
ينادي أبنظرتك مولاي خليني أشمْ أتـرابك
*
الشاعر
موسى البديري
بعد أن التقى ابن سويد بالأمام الكاظم عليه السلام وقال له الامام أن موعدنا الجمعه على الجسر ببغداد كان متلهف لهذا اللقاء لكنه لم يكن يعلم أن نعش الامام الكاظم سوف يكون هناك
موعد لقائــي آويــاه فوگ الجسر الگاه
ولمـن جاني الصوت ما حسبيت الموت
محبوبـــي بالتابـوت مـوعد لقائي آوياه
**
يا شيعه محبوب الگلب
لمن لگيتــه أبــدمعه
شابگته ودموعي جرن
والروح ذابـت شمعه
يا يـــوم أشوفك سيدي
خبّرَني گـــال الجمعه
فرحان بي راح التقــي
ليش ألتقيــه وأنّعــه
ما حسبت يا ناس هيچ انه أودعــه
وبگلبي تسعر نـــار انتظـــره جمـعه
منتظــره بالآهــــات
گالولي خلگ مـــات
أمصابه اشد أمصاب دمع الجفن سچاب
مـــا ينحمل الغيـاب موعد لقــائي آوياه
**
مختنگ جيتـه للسجــن
هـــوه الهـــوه البــريــه
ودنيـاي ظلمـه بغيبتــه
نـور الله هــوه وضيــه
ابلياه أحس كل شي عدم
دنيـــاي أحــس مگضيه
ضامـي تعنيتـه أبعـطش
الكــوثــر أبوجهه وميّــه
مسجونه كل دنياي مو موسى مسجون
وحگها تسيل ادموم من تبچي العيــون
بشوگــي اله اتعنيت
افديــه أِنــه أتمنيت
لكــن بنـي العبــاس لا ذمــه لا إحــساس
سجنو اعـــز الناس مــوعـد لقائي آوياه
*
مـن شفته حاجيتـه بألـم
وگلبي اليحب ظل حاير
يـــا سيـدي ليــل اليمــر
بيك انــه أحس العاشـر
والگيد بچفوفــك صفــه
مــولاي طبعــت حافــر
هوه السجن درب السبي
تمشيه أحس وحــايــر
بعيونه شفـت الشـــام والله ومصــابه
ويـــوم السجــن يـا ناس چنه الخرابه
عاشــــر محــرم عــاد
چنــه بسجن بغـــداد
بگيد الچفوف أيشوف عمته سبيـه أطوف
وكافل بـلايا اچفـوف موعد لقائي اوياه
*
بوجهه شفت مطبوع اثر
وهلت أدموعي أبحسره
هــذا الأثــر منـــه شفـت
مسطــور خــد الـزهـره
وبگيده چني انظـر علي
مچتوف مــــن الــزمره
يا جمرة الفاگــد أهــــل
تسعــر لهيـب الجمـره
أصــل السجن للبــاب أصـل الـــرزيـه
يــوم الـــذي كســـــروه ضلع الزچيـه
هل السجن أصله أهناك
يــوم السقيفه أنحـاك
بسم جعده چبده يـذوب هذا الأمـر محسوب
من أهــل الغدر مكتوب موعد لقائي آوياه
*
منتظــــر جمعــه أبلهفتــي
وادري يوافي أعهـوده
هسه يجيني أعلى الــوعــد
واشتــم عبيــر أوروده
ولن صوت أجاني عالجسر
جثــه بـقــت ممــدوده
وعالجسر شاهـدت النعش
لكــن تشـــده أقيــوده
فوگ الجسر خلـــوه أربــع حمــاميـل
ومن ثگل ذاك الگيد نعش الولي يميل
وفه أبعهوده اويــاي
شلته أبدمــع عيناي
گلبي الـه مشتــاگ مـا حسبت الفراگ
ليش الضــوه ينبـاگ موعد لقائي آوياه
**
الشاعر
موسى البديري
ابيات طلب حاجه الى موسى بن جعفر عليه السلام
علـيّ دنيــا جابـــت عســـر وي داي
وثگل حمل ارتچه أعلى الگاع ويداي
درت وجهـــي لأسـد بغـــداد وأيــدي
امدهــه لبابه وادري تخــف عليـــه
الشاعر
موسى البديري
١_مرض
٢_دگ للگاع
٣_ارفع يدي بالدعاء
بعد حدوث الزلزال وكان الزوار في ضريح السيده زينب ولاذوا بقبرها الشريف وتذكروا يوم الطف كتبت واعتذر لاني انشرها خارج المناسبه لكن عسى أن تقرأ
أمس لذنا ابضريحچ لوذت الأطفال
يــا بنت الصميده أبســاعة الزلزال
*
امس واحنه ابضريحج لذنه من الخوف
يوم الگــاع طـــافت چن خيـول اتطوف
مثل أيتام صــرنه وحاصــرتها أســيوف
مثـــل ايتامــچ بســـاعه لفتـــها أنــــذال
*
مثــل ايتــامــچ المشهد عليـنا أنعــاد
هيچ أصبح ضريحچ مـأمن الـــوفـاد
لا مـــال النـفـــع لا نفــعـت الأولاد
بس حبكم نفعنه وكل شي عدنا أنزال
*
زلم احنه ورجفنه وأنتي صرتي السور
شحالچ بت علــي لمن خلــص عاشور
وعلــى الأيتــام ظلت خيل آميه أتدور
صرتــي أنتــي الأمان بسـاعة الأهوال
*
لحظه مــن الطفوف أهــناك عشناها
وتذكــرنا الأطفــال شصــار ويــاهــا
لحظـــه ومستحيــل بيـــوم ننسـاها
ولا ننسى مصابچ لو صفينه أوصال
*
عفــه گلبــچ يــزينب يـا صبره مــره
يــوم حســين داســت خيلهم صدره
مـــن طــاح الگمــر لا يمنه لا يسره
مــن لاذت ابســدچ زينــب الأطفـال
*
يظل گبــرچ آمــان تولذ بيها النــاس
نفــس ذاك الأمــان بحضرت العباس
مو بس بــاب حتماً تــربتــچ تنبــاس
يبت حيـدر علــي المجنـدل الإبطـال
***
الشاعر
موسى البديري
لسان حال مجاهدي الحشد الابطال
لموسى ابن جعفــــر ضحينـــــا الأرواح
*
احنــــه حشد الله المقدس نبقه الك وفايـــــه
وعـــد يا موسى ابن جعفر ما نعوف الثايـه
وبالدمـــه أنوقــــع عهدنا ما تطيــــح الرايه
أرواح ننطي أرواح فدوه وتوصل المشايه
دمنه الك يرخص هـــذا الحشد صاح
لموسى ابن جعفــــر ضحينــا الأرواح
*
الراد يوصــل يم ضريحك هسه وين إخباره
الگــــال مــــا تبقه المنايــر مـــا بقت أثاره
الحاقد الهدد حضرتــك دسنه والله أبــداره
بعلگ شدينا الأيادي المذهب احنه أنصـاره
صـــرنـه يــالكاظم بالموزمه أرماح
لموسى ابن جعفــر ضحينــا الأرواح
*
رايه دگينـه لحــدادك رفــت اعلى الساتـــر
حتى تعلى الرايــــه والله بعـــزه بيد الزيار
منهجك مــوسى ابن جعفـــر منهج لكل ثائر
عالسواتــــر هــــذا يومك صار يوم العاشر
بيـــــرغ الثوره ظل عالي ما طاح
*
أنظــل فـــدائيــه لضريحك يـا أســد بغداهـا
والبنــــادق رافضيــــه مــن يثـور أزنادهـا
انـه شيعـــي وبالهويه طــرزيت أمجــادهـا
وبالمــلاگـــه النــاصبيه ردت لأجـــدادهــا
عـــورة البـــاغي بالحرب من طاح
لموسى ابن جعفـر ضحينـا الأرواح
*
أي وحگ گيدك أمامي المذهب احنه أنصاره
أنضحي أرواح وضريحك مـــا تخــف زواره
أنروح فـــدوه لبابـــك احنــه لهيبته وأنواره
احنـــه حشــــد المذهــب احنه تعلم بأسراره
فـــدوه للحضـــره واحدنـــه لو راح
لموسى ابن جعفـر ضحينـــا الأرواح
*
الشاعر
موسى البديري
بيت ابوذيه طلب حاجه الى باب الحوائج موسى بن جعفر عليه السلام
زمانــي ربّــه ألـي يــا حيـــف عـّلاه
وعليّ الچــان دونــي انــوب عـــلاه
اگصدت موسى ابن جعفر ليش علا
اطيحــن والشمـــاته تلـــوچ بيه
الشاعر
موسى البديري
أبيات ابوذيه الى مولاي الإمام الكاظم عليه السلام
السجن وسفه أعلى ناسك حيف حالك
بســــلاســل وبقيـــود اشــــلون حالك
ليــــل اظـلــم نهــــارك صــــار حالك
چن ليل اهــدعش بالغاضـــريه
*
الگلــب ون لمصابـــك هــاي ونتـــاه
وانشــد عـالفـرح. بجفـاك وين تاه
الرجس هارون فوگ العرش وانتـــه
بسجن اظلم يبن خيــر البريـــه
*
الحزن والنــوح لمصابــك بيّ اداك
يمّــن باچـــر تلـــوذ أمــه بـيّـــدك
حســافه أقيـود يالكاظم بيّـــداك
وجســم ناحــل يمّام الـــرافضيه
بي اداك .. تقصف
بيدك .. جدك
بيداك .. يديك
*
الشاعر
موسى البديري
هوسات للإمام الكاظم
وحگ گيد البچفك يـــــا أسد بغـــداد
نگصدلك زحف يـــــا وارث الأمجاد
ورثناهه محبتك من أبـــــــــو لاولاد
(نسحگ روس العادو نهجك ــــ يا كعبه ونگصد ونحجك)
* * *
يا كعبة صــبر وتگصـــدك الكونين
مشايه ألك نقســـم بنحــــر حسين
يالحبك فرض يا سيدي من الدين
(مشايه لگبرك نتعنه ـــــــ يالگبرك روضه من الجنه )
* * *
نگصدلك بلهفه وخلــــي نتفجـــر
نار الشوگ بينه بكل وكـت تسعر
عشاگ وننادي موسى أبن جعفـر
(عشاگ ويا موت يردنه ـــــــ وبدمنه الكاظم عاهدنه)
* * *
يا جسر المصايب والنحـــب والنـوح
ياهو الفوگ ظهرك گلي ظل مطروح
نعش موسى أبن جعفر للعوالم روح
مطروح الدين وأركانه ــــــــ ونشيعه وتنظر عدوانه )
* * *
يالكاظم گصدنـــــه بحرگـــــه هــــذا اليوم
سمعنه أعلى الجسر جسم الولي المسموم
نشيعه ولو جرى مـــــن عدنه نهر أدموم
(بدمانه نشيع والينه ـــــــ يالكاظم بسمك نادينه )
* * *
يا باب الحوائـــــج ما تـــــرد عناي
أجيت أنه أشتكيلك من هضم دنياي
أعرفك للحوائـــــــج سيدي گضاي
( الحاجات الكاظم يگضيهه ــ والحاجه أبيدك ينطيهه )
الشاعر
موسى البديري
موال إلى أبي الفضل العباس عليه السلام
يالعسرة حاجتــــك ذاك الكمـــر راسلـــــه
أبحر المكارم جبل راعي الفخـــــر راسله
وما ظن عجيبه الكمر من حيدره رس أله
محد أبسوح الحرب وجه لوجه جابلـــه
وللساحه لمن نزل جيش الكفر أجاه بله
عطشان لمن سمع كض النهـــــر جابله
بالجربه خلاه واجه رد مرتفع راسلـــه
الشاعر
موسى البديري
ابوذيه الى الإمام الحسين عليه السلام
بدليلي النــار هـــذا الــزمن وجــهه
وغيــرك مــا ألــي يحسـين وجــهه
محب يمــك يــرَخّص مــاي وجـهه
وأعــرفـــك تشتــريه وتـــرده أليــــه
۩♠♠♠♠۩♠♠♠♠۩
الشاعر
موسى البديري
نور العرش هل البان
بالثـالـــث بشعـبـــان
صلاوات صلاوات بالثــالــث بشعبـــان
*
نور العرش شع للخلگ ما ينوصف سحره
مــن نـور طه المصطفى مـن حيدر وبدره
رب ألجلاله كــونه مــن الطاهــره الزهـره
مــا ينوصــف نـــوره ابــد ما ينعرف سره
ســر الله والقــرآن بالثــالــث بشعبــان
*
هاليله ميــلاد الأمــل ميــــلاد أبـــو اليمـه
وجنــة عـــدن نــزلــت اله وبلهفـه تشتمـه
وجبريــل ربه كـــرمه يم مهــده ويخــدمه
وجده النبي بدمعه اليهل من منحره يلثمه
محتاره انس وجان بالثــالث بشعبـــان
*
فطــرس تعنـه أبلهفته يعـرف عظم شـانه
ومن لامس أطراف المهد رجعتله جنحـانه
دنيانه حگها مــن اعتنــت لحسين دنيـانه
جابــت المــــاي أتعنــه وتگلــه عطشــانـه
رواهــا بالإيمــان بالثــالث بشعبــــان
*
مولود ولهذا الوكت ظـل عــايش أنشـوفـه
والكــون كلــه يعتنــي يم مرقـده يطـوفـه
وبتربته إســرار ودوه لكل علّـه موصوفـه
محجوبه ظلت عالبشر سر أربـع أحـروفـه
حيرت كل إنسان بالثــالث بشعبــــان
*
چنك تطب جنـه عـدن لــو مرقــده أتزوره
ونور الشمس من يختفي ما يختفي نـوره
مو حگها لو هاي البشره بأنــواره مسحوره
و أجنون حبه من البشر كـل واحـد وطوره
يمحيــر الأزمــــان بالثــالث بشعبــــان
*
الشاعر
موسى البديري
يمن نــورك شبيه البدر وصفه
وصعب حبك يبو الأحرار. وصفه
عليــل وتربتــك يحسين وصفه
من اشمنها تــرد الـــروح اليه
الشاعر
موسى البديري
هالكــون أبتشــر ---- ميــلاد الــگمـــر
يــا أبــا الفضــل يــا أبــا الفضــل
•••••••
هاليله ميـــلاد الگمـــر والغيـــره والنومــــاس
هاليله شمعات الفرح تضـوي ابصواني الياس
هاليلـــه أمـــلاك السمـــا متعنيه بالاحســــاس
گصـــدت لحيدر هنته فـــي مــــولد العبــــــاس
وبهذا الشهر ----- ميلاد الگمر
يا أبا الفضل - يا أبا الفضل - يا أبا الفضل
•••••••
بميلاده فرحـــانه الشمس مــن نوره مكســـوفه
والگمــر مـــن نور الگمر ما خذهن احـــروفه
وحيدر علـــي ابفــــرحة گلـــب قبلهن أچفــوفه
مـــن حگه لـــو راح الگلــــــب للمرقد يطوفه
وبالحضره اعتمر .... ميلاد الگمر
يا أبا الفضل - يا أبا الفضل - يا أبا الفضل
••••••
مــن زغــره والـرايه ابفخر حيدر علي انطاها
والگمـــر بچفوف البخــــت بالغيـــــره هزاها
لليـــوم هالـــرايه بقـــت عالگـبــه تلگــاهــــا
بچفوفــــه ثبتها الگمــــر مــــا ينحني الــواها
ترف طول الدهر ...... ميلاد الگمر
يا أبا الفضل - يا أبا الفضل - يا أبا الفضل
•••••
بحروفـــه مـــزروع الوفه ما بين كــل حــــرفين
مكتوب اسم زينب شرف مزروع وســــط العين
لــــو گلت عباس الگمر معنـــاه اگـــــول حسين
وين اليشبها بهل الخلگ بس گلي يحصل وين
ما مثله بشر .... ميلاد الگمر
يا أبا الفضل - يا أبا الفضل - يا أبا الفض
••••••
لـــو ضاكــــت الدنيا أبقهر والحاجه متعسره
لباب الحوائــــج اعتني واگصدلـــــه للحضره
يگضيها كـــل حاجـــه الك بس حلفه بالحــره
مـــن عنده تاخـــذ حاجتك والفرحه والبشره
يرد ابكل فخر ..... ميلاد الگمر
يا أبا الفضل - يا أبا الفضل - يا أبا الفضل
**
الشاعر
موسى البديري
شعبان هل لينه بفرح وي هلت أهلاله
ميـــلاد أنـــوار الهدى البكون تتلالـــه
أتهل علينه أعياد لو بينه مر ميلاد
**
وي هلت أهلالــه بفـرح هـل بالسما هـلالين
اهــــلال شعبان البــزغ والثاني هل لحسين
ومو مره مولود السبط لا منولـــد مــــرتيـن
بثلاثـــه شعبـان أنولـد وبالعاشر أحيا الدين
جبريل هز بيه المهد سبط النبي المختار
وفرحانه أملاك السمه وتنثر ورد وزهار
وتنادي أبو السجاد لو بينه مر ميلاد
**
لحيدر علـي أزهر بدر بالرابــــــع بشعبــــان
للخوه مضــرب للـثل بيه حـارت الأذهــان
عباس راعي ألمرجله جَوده صبــح عنوان
من زغره سماه الگمـر يزهر گمــر عدنــان
غيره وشجاعه ومرجله يتفايض واحساس
سماه گمر هاشم علي راعي الوفه العبـاس
للخوه وفّه وزاد لو بينه مر ميلاد
**
وبخامس أيامــه انولـد للعتره رابــع نــــور
زين العبــاد ومولــــده أسعـــد أنس والحور
رابع أمام أعلى الخلگ للدين اصبــــح سور
نور اليشع مـن جبهته نــور الله بيه منشور
بنواره دنيانه أشرقت طيبه وعدل وأيمان
أيرتل أياتــــــه بفــــرح بالمولد القـــران
وينادي يالسجاد لو بينه مر ميلاد
**
عاشگ وهمن بالمحـب وگليبي بيه هـــأيــم
نار انتظاري ليا وكـت تسعـر يبو القـــاسم
دلالي كل نبضه يـــدك يالمهـــدي يالقـائــم
جفن اليحب ليا وكــت عــن شوفتك صايـم
يمته ترفرف رايتك بيهه بعزم تحدي
كل يوم أنادي للفرج قائمنا يالمهدي
منك نريد مراد لوبينه مر ميلاد
**
الشاعر
موسى البديري
الشاعر موسى البديري وقصيدة اسد بغداد
https://youtube.com/watch?v=kUGcI-QIbgM&feature=share
باب الحوائج حضـــــرتك
هيبــة. محمـد هيبتــك
يا مسموم يا أبو الرضا
يا مسموم يا أبو الرضا
*
باب الحوائـــج دمعتــــي أجريهــه
لمصابك أونـــت حــــــزن أنعيهـــه
جمرة مصابــك نار تسعــر بيهــــه
ويا دمعه جمـــرات الحزن تطفيهه
من أذكر مصابك والسجن
أصرخ وأصيح أنه بحــزن
يا مسموم يا أبو الرضا
يا مسموم. يا أبو الرضا
*
ينشدنــي دلالــــي وأظـلــن حيـــران
وين السجـــن وين الظلم والسجــان
وين الطغاة أصبحت وين الجيمـــان
ّيـم عتبتـه ذلــت وخضعــت تيجــان
مثـــل العبيد أتعنتــه
لتــــراب گبرك شمته
يا مسموم يا أبو الرضا
يا مسموم يا أبو الرضا
*
نـــور الإله بحضرتــــك وأسراره
مـــن گبتك شعت جميــع أنواره
العــــــٍالم لهيبت مرقدك محتاره
وسجانــك أنزالت جميع آثــــاره
أنزال السجـن والشــادته
وصحنك أملاك الخدمته
يا مسموم يا أبو الرضا
يا مسموم يا أبو الرضا
*
زوار ألك هـــــاي الخــلگ تتمنــه
يالروضتك موصوفه مـن الجنــه
شگـــــد فجــرو نبقه ألك نتعنــه
ونعلنهــــه حبــٍـك سيدي جننـــه
جننـــه حبـــك يا ذخــــر
ويشهد على الحب الجسر
يا مسموم يا أبو الرضا
يا مسموم يا أبو الرضا
**
باب المـــــراد تحيــرت يا مـــــولاي
متعني بهمومـي لضريحـك شكـــاي
أشكليك آلامـــي ومصــايب دنيــاي
ضامي الدليل وحضرتك أعذب ماي
ضامي الدليل لحضرتك
تروي الگلب يا شوفتك
يا مسموم يا أبو الرضا
يا مسموم يا أبو الرضا
*
الشاعر
موسى البديري
بيت اخر لطب الحاجه الى باب الحوائج عليه السلام
چم دگــه يدهري اويــاي دگيت
وعلى اچتافي ابوشم شمات دگيت
اگصدت باب الكريم وحيــل دگيت
وأعـــرفنه الكــريم يحلــها اليـــه
الشاعر موسى البديري
السلامُ على الكــفِ المقيــد
السلامُ على الكــفِ المقيــد
*
أبدمعــة أعيونـي ألك ابــدي سلامـي
لچفــك وگيــــده اونـن يـــا إمــامـــي
أبسجــن اظلم يــا ابن خيــر الانامـي
نوركَ الوضــاءُ رغمــاً قــــد تــوقـــد
*
مــن مطامير السجـن نـورك تــلالــه
رغم أهــل الجور وأصحــاب الظلاله
هيــچ ربــــك راد سبحانــه وتعـالــى
نـــورُ وجـــه الله فيـــكَ قــد تجســد
*
ابچفــك الأغـلال صلــت والسـلاسل
وابتهــالك سيــدي للبـاري واصــل
رغــم كــل الجـور چـان البيك نـازل
تُــرعـــبُ الطاغــوتَ حيــنَ تتهجــد
*
صاغ رب الكون مــن سجنــــك مناره
وگصدتــك يــا سيـدي العــالم زيــاره
أبابـــك أتنـاجي أبدمــع كـل الحيـاره
بابُــكَ للعـــرشِ حتمـــاً هــــو يمتـــد
*
صــار گيـدك سيــدي مــن الله حضره
وجسرك اصبح للجنان الخضره عبره
ويـن ذاك الطاغي شـو محــد يذكــره
ذكــــرُكَ البـــاقـــيُ دومـــاً يتــــردد
*
أسـد بغــداد أصبحــت تــاج آلها انته
الدنيا ظلمه ومرقدك شمس الله شفته
ضامي جيت ومــرقدك ماي ورشفته
ارتــــوي عشقــاً وحــبـــاً أتـــوقــــد
*
الشاعر
موسى البديري
قصيدة ( ليل اهدعش ) وكان الإمام يتذكر عمته السيده زينب عليها السلام في ظلمة ذلك السجن
ليل السجن ليل اهــدعش بالغاضريـه
كل يــوم بالكاظم تمــر ذيــچ الــرزيه
يتذكــر أطفــال مچتوفه بحبـــال
بالغــاضــريــه
**
آه يـــا ليــل السجن بــالمطاميــر ويـــوّن
عمته يذكــرها العقيله وتجـري عينه
يذكر أطفال وعطـش وخوف من ليل اهدعش
حسره تكسر خاطره وروحه الحنينه
تنرسم كــل المآسي بـروحه
لو ذكر زينب تزيد أجروحه
زينب أسيـره أمحيره بالطــف سبيه
محتاره بأطفــال وحـرم بت الزچيه
تتلاهب الروح كافلها مذبوح
بــالغاضـــريــــه
*
بالسجن تتراوه أِلــه كل مآسي كــربله
كـل تفاصيل المصيبه وصــدر الحسين
الخيل لمّن داستــه عالثرى من رضته
عمته نظرت عالشريعه وهملت العين
أتمـنت العبـــاس يفــــزع ليهـا
يشوف زينب شنهو صاير بيها
بالسجن وينــادي يــا محنت عذابـــچ
بگلبي يــا زينب تظل جمرة مصابــچ
بگليبي جمرات ما تطفه هيهات
بــالغاضـــريــــه
*
ينظر أقيـوده ويّـون عمته يذكرها أبحزن
شلون مچتوفـه بحبــل وي الفواطم
بس حرم وبلا ولي تنادي يابويــه علــي
والكفلها أعلى النهر يا وسفه نايم
ينتحب موسى ابن جعفر دومه
أبالّه حالــة عمتّه مـــرسومــه
ليل المطاميـــر وذكــر ليــل العقيله
من بعـد كافلها صفت هيـه الكفيله
يا حسرة الليل والمدمع يسيل
بــالغاضـــريــــه
*
الكاظــم أبيــوم أنشتم سالت أدموع الألم
ذكر عمته اشلون شتموها بسبيها
نادت أبصوت الهضم انــه زينب ونشتم
وآنه بت الزهـــره ريحــانة أبيها
آنـــه زينب والشــرف بطباعي
وگبل مـا مــر الشتم بسمــاعي
بالكاظم أتمر الصور تلچم جُروّحه
عمته زينب بالسبي يحلاله نوحه
حرمه وغريبه بالطف سليبه
بــالغاضـــريــــه
*
ليــل مَــر بصفنته منّــه زادت ونتّــه
جدد اعلى الكاظم أهمومه وعذابه
ليل ما مثله جـره ناره تبقه اموجره
اشد من ليل اهدعش ليل الخرابه
طفله رادت بس تشوف الغالي
تگله بويه شعطلك يالـــوالي
جابولها الراس ابطشت بنّته الحزينه
عمّــه صاحت ليش أبوي امخضبينه
ليل الخرابه أصله وعذابه
بــالغاضـــريــــه
**
الشاعر
موسى البديري
بيت اخر لطلب الحاجه من باب الحوائج عليه السلام
شمه توصل ليدي بس دهري لها حال
الدنيــا بحـــال تتحـــول لهــا حـــال
گالــوا شدتـــك صــدگ لــهـــا حـــل
حلهــا أهنـــاك بــأرض الكاظميــه
الشاعر
موسى البديري
إذا وكتــك يســد أبوجــهــك البيبــان
چـــفك لا تمــده لكـــائنـــاً مـــن كــان
***
أنصحك يا ألزمانك دار وجهه ويـاك
بــالــك لا تمـــد لكائنـــــاً يمــنـــاك
كـون ألــي تگصده يگول عد عيناك
وينه بهل الوكت ما يحصل الإحسان
*
كــون ألي تگصـــده يگــلك أتفضــل
ما تبقى أعلــى بابك حتى مـــا تنـذل
أدليــك الــدرب خــاف انته مـا تندل
بس بــاب الحــوائج فـاتـــح البيبان
****
اذا عنـك زمانـــك وجهـــك يديـــره
اگصد مــوسى گله طايــح ابحــيره
بابــك سيدي مــا عنــدي ابد غيره
وليا صوب يگصد سيدي الحيران
***
يگصــد بابــك المحتــار مــن تشـتــد
يــا بــاب الحوائــج مــا تـــرد احــــد
يظــل مفتــوح بابــك غيـــرك الينسد
يباب الله الچبيــر الما يـــرد لهفـــان
****
يشري مـا وجهــك بــس ابن جعفــر
وغيــره يــريد وجهــك مايــه يطشر
أســد بغــداد هــذا المـــا يرد مضطر
إذا موجــك عــلا وخــذلنك الذرعان
****
شما هـاج الزمان وطفحت أمواجـه
يظل موسى ابن جعفر باب للحاجـه
ميـرد الچفـــوف الجتّــه محتــاجــه
قبله مــن الكرم معــروف للجوعان
****
الشاعر
موسى البديري
گاصد الك وبدمعه معتنيلك
باب الحوائج تِكرِم اليجيلك
بدموع المصاب
واگف على الباب
*
يبـاب الله اعتنيتك جايـب أجروحي
يسلطان الحـزن يا مهجتي وروحي
الك مولاي دمعي وكل سبب نوحـي
جبــل حزنك عَليَه انهارت أسفوحي
هذا الدمع لجلك علن حداده
گبل الجسد لجلك نزل سواده
وي سود الثياب
واگف على الباب
*
وگفــت أبابــك وعبـــراتي محبوسـه
يهل دمعـي من اصيحن اه يا موسى
أمـــد أيدي أبطلب وتــردها متروسه
هوت عالباب روحي اتشمه وتبوسه
عطر الجنان أشمه منْ تَــرابك
وجبريل أحسه واگف أعلى بابك
ينحب للمصـــاب
واگف على الباب
*
علــى بابـــك تهل أدموعي سچـابه
لان جمــرة مصــــابك تبقه لهــابــه
مـــا اگصد لغيرك وأوصل أعتـــابـه
يـــا بـــاب الحوائــــج لليــدگ بابـه
بابك ادگه ودمعتي اتجاره
أِبشــر يزاير نادت المناره
وبشوغــة أحبـاب
واگف على الباب
*
الطاموره وقيــودك أصبحت حضـره
تطوف أمـــلاك بيها أّتسبـــح وتقــره
تيجــان الملـــوك بحضـــرتك فقـــره
تنادي أبدمعه منك سيـــدي النظـــره
أبابك تدنگ من تجي القياده
رب العرش خـــلالك السياده
من گبرك يهاب
واگف على الباب
*
وين أقصـور خصمــك وين مــاضّيـه
تاهــت يــا أمامــي وضاعــت أعِلّيــه
وهــذا مــرقـــدك قبلــه ويشــع ضّيه
الحوائــج سيدي بالحضــره مگضيه
خصمك هلك ياسيدي ابضلامه
گبرك يشع نــور الله ولأمامه
نورك فلا وغاب
واكف على الباب
*
الشاعر
موسى البديري
واويلاه يمسموم واويلاه
واويلاه يمسموم واويلاه
****
آه يا مسموم يـــــــا عظم المصاب
بسجن أظلم گضه يا وسفه الشباب
واليصد لموسى ينظر بس ثيــــاب
نحل جسمه من القيود الضالمـــه
***
آه يــــا مسموم آه يـــــــــا محنته
آه يــــا صبره وعظيم مصيبتــــه
گيدو يسراه حيـــــــــــــف ليمنته
شابهه السجاد گيده والدمــــــــه
****
آه يا مسموم يـــــــا كهف الصبــــر
شيعته بيا حــــــــال ظلت تنتظـــر
سمعت أجنازه يوسفه أعلى الجسر
نعش أبن جعفر أعلى الجسر أنرمه
***
آه يـــــــــا مسموم محد گبّلـــــــه
ولا غمضله أعيونه واحد من هله
مثل حال حسين وحـــده بكر بله
وهوه سبط الهادي وأمــه فاطمه
***
آه يا مسموم مـــــــــن إلا رشيـد
گبله يــا ميت مسلسل بالحديـد
صار للأحرار أسمه أروع نشيــد
ونور صحنه يصعد لحد السمـــه
***
آه يا مسمــوم يا كعبــــــــــة محن
بصبرك أنذلت تـــراهي أهل الفتن
إلك بغداد أصبحت حضره وصحن
أبذّله ذيـــــــچ أعداك ضلت نايمه
****
شعر
موسى البديري
