ثــار يـــا المهدي جمــرته أمــوجــره
أبنص دليلك تبقـــه حـــد الاخـــــره
*
ثــار الك ينــزف علــى طــول الدهر
ظلـــع والطبــره وچبــد والله ونحـر
كلــها تهتــف ويـــن صـــار المنتظــر
جمــره ثــــارك وانته تعــرف بالجـره
*-----*-----*-----*
جمــره ثــــاراتــك تظــل متــلاهبه
تستعـــر بگلــوب كــل أهـــل العبـه
وثـــار الك عمتـــك تـــروح امسلبه
وبـين عــــدوانك يـــوسفه أميسره
*-----*-----*-----*
أميســره ومطـروح قـــرآن الجليــل
ضامــي وبــدمّه صبح وسفه غسيل
وبالحبل مچتـوفــه نســوان وعليـل
وعمّتـــك زينــــب بهـمـها أمحيــــره
*-----*-----*-----*
ثــــار عمتـــك مــا يطيــب ولا يهيــد
حـــره بالــديــوان تـــوگف يم يـزيـد
وبالطشت تنظــر علـــى راس العمـيد
بخيـزرانــــه أيــزيــد يلچــم منحــره
*-----*-----*-----*
بخيزرانــه يضــرب حسين ويگــــول
ألّنه ثـــــار أنــرده مـــن ال الـــرسول
وسفه سادة على الخلگ زمرة سلـول
وابــن خيــر الناس ظــل أعلى الثــره
*-----*-----*-----*
ثـــــار ألــك چــفيـن طـــاحــن للگمـر
غـــاب يـــا وسفـــه اوگـــع يــم النهر
تدري ظهر حسين عالشــاطي انكسـر
يمتــه ثــاره أتــرده يبــن الطــاهــــره
*-----*-----*-----*
يمــته ثـــاره أتـــرده وتشـــيل العلـم
ورايتـــك تعّــلــه علـــى كـــل الأمــم
ومـــن نحـــر عبـدالله اطلــع السهـم
وشنهو ذنبه أتصيــح گطعوا منحــره
*-----*-----*-----*
شنهو ذنبـه أتصيـح ويذبحـه النــبل
ما سلم بالطف عجب حتــى الطـفل
بين نبله وسيــف كــل اهــلك چتــل
وعالتــرب يـا حيــف كلــها أمعفــره
*-----*-----*-----*
أمعفـــره أجســـاد آل المــصطــفى
والعـــدو يــا حيف بالطـف اشتفـه
جمـــر ثـــارك يستعـــر لا مـا طفـه
سيفـــك ايطفـيها نـــار المسعــــره
*-----*-----*-----*
سيفــك ايطفي جمـر سبــط النبي
تطفــه گلي شلــون نيـران السـبي
وألها بالــديــوان صـــدْ الأجنــبي
العفّه ظلــت يـــا وســـف متحيّره
*-----*-----*-----*
الشاعر
موسى البديري
بحصيره حسين جسمه شلون لمه
وخيول اعداه فوگه أصبحت. لمه
مــا كفــت سحــگ يــا حيـــف لما
تهشم صدره بخيول اعوجيه
*----------*----------*
الشاعر
موسى البديري
ســـلام الله علــى رسمــك يابوأليمه
ســـلام الله علــى جسمـك يابوأليمه
*----------*----------*----------*
ســـلام الله علــى جسمـك يبو الأكبـر
علــى الغبــره صريــع وبالدمّـه أمعفـر
ثلث تيــام فـــوگ الغبــره ظـل بالحـر
يــا وسفه طريــح وعل الثـره امطبـر
سلام الله على أجــروحه ونــزف دمه
*----------*----------*----------*
عــزيز الــزهـره انــته يجفنــك ذاري
جسـد خلّـوك لكــن عالــرمـل عــاري
لجّل الــدين كـل شـي انطيت للباري
يــا ســـر الوجـــود الحيّــر أفـكــاري
سلام الله علــى سـرك صعــب فهمه
*----------*----------*----------*
عجيبه اشلـون داست فــوگه خيالـه
وكتاب الله جسمـك گطعــو أوصـاله
جـــدك والـــزچــيه نظــــروا لحــالـه
أمغســـل بالــدمّــه ومسلّـبـه أعيــاله
ســـلام الله عليـها گــامـت أتشمّـــه
*----------*----------*----------*
تشم جسمك أظنها وتجـري دم العين
يا بويه تصيح شحاله شــوف حسين
يا جــرح اليضهدك يبني صـــاير وين
جرح عبدالله الأكبــر گطّعَـت الچفين
ســـلام الله عليـــك أتصيــح يـــايمّه
*----------*----------*----------*
جسد وبــلا راســـه شلــون يالغــالي
يـــريد أيشوف وجهـــك يبني دلّالي
يريت وياك كــون امگطـعـه أوصالي
ومثل حــالك يريت أتصير أحـــوالي
سـلام الله علـى ألـي غيـــرو رسمــّه
*----------*----------*----------*
يبنـي اشلون دفــانــك حفــر لحـدك
أوّســد يا جسـد والـراس مــا عنـدك
يمّن جبريـل جـــان ايلولــي بمهــدك
ولا چنــه محــمد يــا الــولــد جـــدك
ســلام الله على ألــي حـارو أبجسمه
*----------*----------*----------*
الشاعر
موسى البديري
يدفـــان الغــريب حسـين حــاچيني
دفنتــه اشلون أخوي وزهرة اسنيني
*--------------*---------------*
يدفــان الأخــو حاچيني عــن حـاله
گلي اشلون شلته امگطعه أوصــالـه
تــدري ابـــلا رحم سحكتـه الخيالـه
تعَّمــه ولا تشــاهــــد حالــته عينــي
*--------------*---------------*
يدفـــان الاخـــو جـــاوبني أتــرجـاك
أمه الزهره حضرت من دفنته اهـناك
گلي اشلون گلــبك مــن دفنته انطاك
يعمّــه حالـــت المظلــوم تـــاذينـــي
*--------------*---------------*
يدفــان الأخــو جــاوبنـــي بلّه بهـاي
حگه ايحيـر يــا عمّــه حليـم الـــراي
هــم رشيت گبـــره مــن زُلال المـاي
احس نــار العطش البگلبه تچوينـي
*--------------*---------------*
يدفــان الأخــو حگـــه الدلـيل ايلوع
گلي أشــلون شلت الخنصر المگطوع
هــم خلــت يعمّـه الخيل بيه ضلوع
مــن كســر الضلــٕـع مالــومه تـدريني
*--------------*---------------*
مــن كســر الضلع دلالــي بي لوعـــه
بالطف مــو ضلع طحنوهن اظلوعه
حوافــر خيلهم بالــزهــره مطبـــوعه
واحـس نــار الضمــه يا عمه تچـويني
*--------------*---------------*
يدفـــان الأخـــو مختنــگه بالعـــبـره
گلـــي اشلــون لمــن وســـدتْ نحـره
وطفلــه اشلـــون خليتـه على صدره
عــن هــاي المصـايب عمّه حاچيني
*--------------*---------------
الشاعر
موسى البديري
رابط القناة الخاصة بالقصائد الحسينيه لمن يود مشاركته على كروبات أخرى وله الاجر والثواب من محمد وال محمد
Читать полностью…
وصّـه بالعتره الرسول
ليش تنـداس بخيول
حگي لو اصرخ واگول
يا أبا عبدالله. يا أبا عبدالله
**
وصّــه جــدك يـــا حسين وگبلــه قـــرآن الجليل
بعترتــه أنكرمهــا لازم مــو يظـــل دمهــم يسيـل
ومــو بنات الزهره وسفـه امسلبات أعلى الهزيل
عكس مــا وصاها جدك قتل وإحــزان وعويـل
شَافـتْ أنــواع العـــذاب
من مصاب ألهم مصاب
شموس نامــت عالتراب
يا أبا عبدالله يا أبا عبدالله
*
وصّه بيــك الهادي جــدك أمِته طـول وعــرض
گال منــي حسيـن وأصبــح حـبك أعليها فــرض
ليش تحت الخيل جسمــك والحــــوافر بي ترض
وليش ثلــث أيــام تنزف وحــدّك فـــوگ الأرض
أمغسل أبفيض الدمّه
وذابحك سيف وضمه
وانتـــه روح لفاطمه
يا أبا عبدالله ةيا أبا عبدالله
*
وصّــه جـــدك يا حسيـن الناس في كـل العصور
المثله تُحرم باليموت وحتـــى بالكـــلب العقـــور
لــيش علــى الغبـــره صفيو لكــن ابـــلايا نحور
والأشـد مسلوبه جثـتك وسفـه هتكوها الستور
وسفه نايــم عالتــراب
سلبو ذيـــچ الثيـــــاب
ودمك أصبحلك خضاب
يا أبا عبدالله. يا أبا عبدالله
**
وصّــه بيك الهادي جـــدك من چنت بعـدك طفـل
لـيش أطفـــالك ضمايــه أنشـــدو انـوبــه بحــبل
ليش بالطــف صعــدوهم بالســياط أعلـى الهزل
ألامــه بالطـف وي محمد گطعـت أحبال الوصـل
ألامه نـادت بالعــداء
اتوضحت فـي كربلاء
يوم هتكوها الدمـاء
يا أبا عبدالله يا أبا عبدالله
**
الهــادي گــال ألي يمــوت بدفنه كــون أنكرمه
مــو ثلـــث تيــام باقـــي أمغســل بفيـض الدمّه
والأشد من هــذا كلــه أنــذبح من سيف وضمه
والفــرات ومـــايه نـــدري مهــر چــان لفاطمه
عالرمــال ابكـــربله
جسمك أبِحـر الفــلا
وأنته سر البسمله
يا أبا عبدالله يا أبا عبدالله
*
الهــادي بالزهـره يوصّــي هيچ كرمها النبــي
ليش چــا بنت الوديعــه تــالـي بالطف تنسبي
وليش بعـــد ألـي كفلهــا يبـــره ليهـا الأجنبي
وچــان جبريل أبعظمته ما يصــد أعلى العبي
تنسبي بـــت فاطمـــه
سر حجاب أهل السما
بالعفـــاف أمكـرمــــه
يا أبا عبدالله. يا أبا عبدالله
*
الشاعر
موسى البديري
من البعد روحي تحن لتراب گبرك يالحسن
عاشگ عاشگ عاشگ
لتراب گبرك يالحسن
***
عاشگ ومحبوبي سكن ديره غريبــه
وطبع اليحب يشتاگ كل ساعه لحبيبه
ياربي ادعـي بكل وكت طيفــه يجيبه
ياريـت اشوفنه بحلم واهوه على أترابه واشم
عاشگ عاشگ عاشگ
لتـراب گبرك يالحسن
***
مجنـون عذالــــي علّــي گالـــــو يِغالِي
مـا همني عني شمــا حچو لا لـن أبالي
عاشگ واسمك يالحسن ساكـن خيالي
ساكن بروحي ويه النبض ورسمك بجفني شما غمض
عاشگ عاشـگ عاشگ
لتراب گبــرك يالحسن
***
گمت انشد أنـوار الشمس كل ما تجيني
لمحبوبي يا نـــور الشمس وصل أنيني
وحچيله عن حبي اله وشوگي وحنيني
بلـغ سلامي للمحـب گله سكن وسط الگلـب
عاشگ عاشگ عاشگ
لتــراب گبرك يالحسن
***
گمت انشد أطيور التمر كل ساعه بيه
وصليلي اشواگ الگلـب لابن الزچيه
ياريــــــت محبوبي اندفن بالغاضريه
ياريه يمنه ابكربله وتـرابه جفني يكحله
عاشگ عاشگ عاشگ
لتراب گبرك يالحسن
***
هدّموا گبرك يالحسن ضنـــو اعـــوفك
كل لحظه بشواگ الگلب اگصد اطوفك
طبعك كريم ومــــا تـرد طلبت ظيوفك
مديت أديه أبدمعتي وادريك تگضي حاجتي
عاشگ عاشگ عاشگ
لتراب گبرك يالحسـن
***
الشاعر
موسى البديري
قصيده كعديه وعضيه اجتماعيه تضع اليد على بعض المشاكل الاجتماعيه
يـــا ليتنــا كنـا معك كــل احنــه نحچيها
لازم نفكـــر مـــن صــدگ شنهي معانيها
يلّـــي تحب حسين
لازم تفكـــر زيـــن
يـــا ليتنــا كنـا معـك كل احنــه نحچيها
*
كلمـــه كــل جيـــل أتـــردد بالمجـــالس بالمأتــم
كلمه كــل خادم حجاها والنسـاها شلـون خــادم
تبين المعنى الحقيقي وكل شخص يادرب راسم
تحــوي معانــي زاهـــره
لكــل النفــوس العامــره
مـو بس حچي بالحنجره
الله بالتحچيـــه عالــــم
لا تحچي غيــر البگلب واليرضـه بي ربــك
كون التلفضه من صدگ نفس الذي ابگلبك
ميصيــر ألك گلبين
لازم تفكـــر زيـــن
*
هــاي كلــمـه للتمنـي حســين رايــدهـــا حقيقــه
الاخو عينـه أعلى أخيه والصديقه يحب صديقه
هـــذا نهـج حسين واضــح وكلش امبين طريقه
لا تلــبس وجـــوه شكثـر
وتصـــعّب أعليــك الأمـر
ويــن الشبـــه وين الدرر
واضـــح ويلـــمع بـــريقه
حسين رايـــدها البشــر كلها بــوجه واحـــد
لتصير عــابس بالحچي وبيك الشمــر گاعد
لا تصــير ذو وجهيـن
لازم تفكـــــر زيــــن
*
درس خلــونه نفهمـه مـن دروس الغاضريه
درس عـن معنى الاخوه والصفـات الاحمديه
ضحى عباس بأخــوته وبكيانه دون اخيــه
بالطف وضع اكبر أسس
للخــوه ضحاهـا النفس
للناس صار أعظم درس
للــوفــه لكــــل البـــريه
عباس ضحى بالنفس حتى احنه نتـوحد
وهل الموقف يريده الگمر يوميه يتجدد
لجلــه نـــذر چفين
لازم تفكـــر زيـــن
**
حسين راد انه الكــرامه وراد عــزه وراد دين
والله زحمه أعليــه ابچي واللطم بهاي الادين
وانــه خاين جــاري مره وانه أعـق الوالدين
لا والله سوينه الأشــد
الــوالد أيضربه الــولد
أتطول لو نحچي بعـد
احنه وين حسين وين
اصبح حسيني من صدگ من امشي باليريد
لـو درب الحسين اتخذ لــو امشي وي أيزيد
صعبه امشي بالدربين
لازم تفكـــــر زيــــن
*
حسين مو لوحة تمني حسين جوهر هل الأرض
حسين مثل الشمس نوره واضح ابد ما نفترض
حسيـن إنســـانيه كلــه ورادها تصبــح فـــرض
راد المحبــه والــوفــه
راد العلم والمعــرفـــه
لكل البشر تصبح صفه
وعالنفس لابد ننتفض
بالعقل نسمى ونــرتقــي مــا تـرتقي بغيره
دمه رسم أجمــل هــدف مـا يقبل الحيـره
يالتسعى للــدارين
لازم تفكـــر زيـــن
*
لا نخلي حسين سمعه وكـل شخص يتبع يـزيده
ونقتل الثــوره العظيمه الي فداها أبـدم وريده
أنصير مثــل الغـدر مسلم ويتموا بالطف حميـده
كون الحسيني من صدگ
عــن خــط آميــه يفترگ
هـذا الذي يعشگ صـدگ
خـــط أبو اليمه ويريده
كـون الذي يهـــوى الســبط يهوى مضامينه
لجل الهدف يفدي النفس ويضحي لحسينه
يلي تريد حســين
لازم تفكـــر زيـــن
*
الشاعر
موسى البديري
الربيع ازهــر لبو صالح تلاله
يــوم النجمــه بسمانـــه تلاله
ابــوه الحسن يا سـوره تلاله
سورة طه والكوثر سويه
الشاعر
موسى البديري
انولد والكـون كلـه شـع بالحـسين
ويظل مجنون حبه شعب الحسين
هــذا الديـن صـدگ شاع بالحسين
يــوم النــذر دمـه أعلى الوطيه
الشاعر
موسى البديري
اهزوجه إلى علي الاكبر عليه السلام
اذا جــده علي الكــرار يعني شيطلع الأكبــر
نفس الشمره نفس الزود بيهم سيفه اذا كبر
كلها تصيح هـذا الشاب حيـدر چنه يـوم الكر
( من حيدر وارث صولاته )
الشاعر
موسى البديري
ويـــن الگــاك .....؟
اخذ مني الزمن كلش وبقيت اتنـــاك
تــــدري شگالو الشمات
گالو وينه شـو ما اجاك
يا أول عشگ بالروح روحي وإيــاك
يا عشگ الوره الخمسين مــا أنساك
يشوگ العاشـــگ مـــن يهيم هــايم بيك
يا آخــــر نفــس للروحك بيش اشـــريك
يا فـرحة يتيم أبين المعيدين وين الگيك
خلصنا العمــــر لـــوعات أم امفـــارگه الــــواحد
مثــــل أعمــى واريدن نـــور وأنه البيك متـواعد
مثل تايه صرت بالسوگ طفل وبدمعه أظل گاعد
متواعـــد تمـــرني وانــه بالشــوغات منتظـــرك
كل شي انسد وأنه اترجاك وأمتاني يطـــر فجرك
يشمس الله الحجبها الغيم بعدها أعيوني تنتظرك
أختنگنه وغير عطرك ما هوه انه
ألك شـــوگ بگلبنـــه ما هي ونه
الگلب والروح غيرك مــا هونه
يا عشگ الصبا وعشگ المنيه
الشاعر
موسى البديري
بفرحـــه المحب نـــــادى
هاليلـــــــــه ميــــــــلاده
قائم العتره شعت أنواره
قائم العتره شعت أنواره
***
بخمسطعش شعبان
فرحانه أنس وجان
نور الخــلايق بـــان
لشيعة محمد تحله البشاره
* * * * ***
هالفرحه محلاهــه
بيهه أحنه نتباهــه
بشــرنه بيــه طاها
دور الصحاح الرايد أخباره
* * * * ***
بلوعتنه نادينــــه
أظهــر يـوالينـــه
لا مو جــرح بينه
آلاف بينه وكلهه تتجــــاره
* * * * ***
نتعنــــه مشايــــه
لحسين وفايــــــه
نرفع ألـــف رايـــه
ترفعهه بسم المهدي أنصــاره
* * * * ***
نتعنه للحضــــــره
لحسين أبوالعتـره
ونهنــي الزهـــــره
بمولد القائم تحله البشــــاره
وين الوعــد وينـــه
وينـــك يمهدينـــــه
تدرينــــه حنينــــه
والمحب گلبه تلاهبت نـــــــاره
*
الشاعر
موسى البديري
موال للأمام الحجة ابن الحسن ع
گالو ما تجي يا سيدي الشمات .
گلتلهم يچي شما طول أفــراگه🌞 .
گالولي خرافه العشگ للغياب
گلتلهم دليلي يعيش بشــواگه🌞 .
گالولي تحب غايب ابد ميعود
گتلهم يجــي وبلهفه نتلاگــــه🌞 .
گالولي عليك هواي يالمحجوب
برد متلوحه مشراگه🌞.
شما گالو عليك اهواك يا مولاي .
وتظل هالروح مشتاگه🌞
اظل اتناك اظل اهواك اظل وياك
والعاشگ ابد ميعوف عشاگه🌞 .
.......
الك روحي شكثر شهگت وحنيت🌺 .
والك چـــم بـــاب دگيتـــه وحنيت🌺 .
كسر گلبي البعد تــدري وحنيت🌺.
لغيابك چم ظهر يبن الزچيه .
🌹🌹🌹🌹🌹🌹
✍🏻 موسى البديري
من الارشيف
زينب ثورة ولولا صوتها ونهضتها لما وصلت لنا ثورة الحسين عليه السلام كل من يصفها بالذله فإنه مخالف لكلام المعصوم
لا تســولـف عالـــعبــي
بيهن أتــراب الســبـي
لا تنــزل دمعتي أِبــذل العقيله
خلي راسي أبكل مواقفها أشيله
*---------------*---------------*
مــن تسولف عالعقيله وعــن سبيهـا
لا تگلــــي أنــذلــت وعالـــي بچيهــا
طالـــع المضمـــون وأتفهم حچيهــا
هـــاي ريحانـــة محمد تـــدري بيهـا
مــا تــذل ام الخــدر
التـرجمة أعظم نصر
دم الحسين النصر سجل مسيله
خلي راسي أبكل مواقفها أشيله
*---------------*---------------*
عالعبايه اتسولــف وعفـت الجلالـه
بيها هيبة جـدها ضـد أهل الجهالـه
لا تنــزل دمعتـــي بالـــذلـــه لالــه
وهيه ذلــت جيش بخيوله ورجاله
العزه ثوب الها أنوجد
غيــره مــا يـــرهم ابد
والعزيزه اشلون توصفها ذليله
خلي راسي أبكل مواقفها أشيله
*---------------*---------------*
صعدت التل بت علي وظل تلها عالي
شــرفـت حتـــى الأرض بنت الغـوالي
لا تگـــول أنذلــت ومــا عــدها والــي
شمس زينـــب مـــا تغطيهــا اليالــي
بالطفوف أعظم شمس
مـــا تغيـــب وتندرس
شمس زينـــب للظلم زالتله ليله
خلـي راسي أبكل مواقفها أشيله
*---------------*---------------*
لا تگلــي أتــراب متـــروسه العبــايــه
وبيها سـورة (هـــل اتى) مكتوبه أيه
بيهــا ســــر البسمــلــه لكـــل البــريــا
يعنــي زيــنب تـــرجمة أصـل الهدايه
ترجمة طـــف كـــربله
والـدمـــاء الســـايلـه
ولمواقفها الفخــر ظـــل يعتنيله
خلي راسي أبكل مواقفها أشيله
*---------------*---------------*
ردت اكتـــب ذلّــه ببيـــات القصيـده
والعبــــايه امتــربـــه لبنـت الصميده
چنــه كــافلـها يگلــي وطـــگ وريـده
اليكتــب الحــــره ذليله اگطـــع أيده
ما تذل اخـــت الگمــر
وهيه تـاج أهـل الفخر
وهيه من بعد الگمر صارت كفيله
خلي راسي أبكــل مواقفها أشيله
*---------------*---------------*
أِقـِـــره عالحــــره العقيـلــه الهاشميه
بثـــورة الشــــام وتفهّــمْ هل القضيه
لا تگلـــي راحـــت ابــذلـــه سبــيه
بالقصــر خطبتهـــا ذلــــت ال أمــيــه
خـــورست كـــل الــزلم
هـــاي زينـــب والنعـــم
ابد ما هـزَتهَا الِخطوبْ الثجيلــه
خلي راسي أبكل مواقفها أشيله
*---------------*---------------*
الشاعر
موسى البديري
زينــب يــا عظــم ونهـــا يلمها
وعلـى الاحزان لا واحــد يلمها
اخوها مــن الأرض جثته يلمها
علي السجــاد يــا عظـم الــرزيه
*----------*----------*
الشاعر
موسى البديري
ميمر مجنس مع كربلائي للسيده زينب عليها السلام التي ترجمة الدماء التي سالت في ارض كربلاء
رغم السدّه ورغم العدّه زينب أميره وقائده
ما ذلت أنذل الجيش من زينب الثوريه
♠♠♠♠♠
يـــا قائده وجيش الكفــر ما همها
يــا عالــمّــه جــــلْ الـــذي علّمــها
هيبـــة علـــي رب العرش راسمها
هيبه وفخر أخت الگمر من وضحّت سر النحر
هالنحر صوت ألاحرار هـز الكره الارضيه
♠♠♠♠♠
ســر الزچيــــه فاطمـــه مــن ســـرها
وحيدر بطوله ومفخــره مــن ســرها
عالمصرع الحادي غصب من سارها
لا ما تذل فوگ الهزل مهيوبه والدمعه تهل
گلتله يا ابو الأحرار تبقى النصر راعيه
♠♠♠♠♠
يــــا بسملـــة طــــف النصــر يالحـــره
يـــا طلسم المنحــر صمــوده ونصــره
طــف كربله ابصـــوتچ بقى يشع بدره
يا بسمله لطف كربله طول الزمان أنرتله
يـــا آيــة ظلت لليوم لكن ولا مقـريــه
♠♠♠♠♠
آيـــه صمــودچ يـــا شخــص تاليها
وصــوت الدمـه لهذا الوكت تاليها
ودم النحـر ثــق ينتصـــر تــاليـــها
رغم الألم دمه رسم لكل الخلگ ثورة قيم
بصوت العقيله لهل اليوم حسين انتصر تاليـه
♠♠♠♠♠
تــرجمــة زينــب للمنــاحــر كلــمــه
لاء الــرفض لحسين خطهــا أبدمــه
منها العقيله أيزيد كســرت خشمــه
صوت الدمه الكل يفهمه ثوره يظل وقائمه
ثورة نحور الأطهار يرسم أبه وحــريـه
♠♠♠♠♠
سيف الكــلام لبت علـي ماضي الها
تعرف ألامه أعلى النبي مـاضي الها
أي والـذي أبحــر الشمس مـــا ظلها
هيبة علـي ما تنولي رغم الألم ظل تعتلي
والدرسـاها الكرار بالله تظــل محمـيه
♠♠♠♠♠
مچتوفـــه ضنـــو بالحبــل ذلتــها
بت حيدره اخشوم الزلم سحگتها
ثوره تظل طـــول الدهــر خطبتها
بت حيدره ما چن مره گلبتها يـوم الاخره
كد كيدك أتصيح أبصوت أيامـك المگضيه
♠♠♠♠♠
طبــت أميــره والفخــر عـاده الها
ويا ويله كلمن بت علي عـاده الها
بيــرغ گمــر عدنان مـن عـــاد الها
بعزة نفس أنطت درس ما يعلا ابد صوت الرجس
بس تبقى لائك حسين مثل الهوى بالريـّـه
♠♠♠♠♠
الشاعر
موسى البديري
قصيدة ( سيف وضمه ) ميمر لدفن الأجساد الطاهره بعد أن بقيت ثلاثة أيام على رمضاء كربلاء
دمعي دمه سيف وضمّه
عالغبــره ذبحــن فـاطمــه
وبلا غسل لا تكفين روح الزچيـه الزهره
*---------------*---------------*
حگها المدامع مــن دمــه لو تجري
عالغبره شفت حسين زهرة عمري
تاه الگــلب والــراي حايــر فكــري
مــو نحرك المگطوع گطعو نحري
خيّر البشر دامي النحر
والف وسبـــع ميه انطبر
جسمك يبواليمه حسين طبره صفت عالطبره
*---------------*---------------*
ريــت الجســد ويــــاك كون اتخــذّم
ولا شــاهــدت صــدرك يبويه أمهشم
ضامي وجروحك فيض دمهن زمـزم
ذاري التـــراب الغســــلك وي الـــدم
ظل بالفلّه الدم غسلّه
جسمك يا حيف أبكربله
يا وسفه ما صح الماي خاطر يبـرد جمـره
*---------------*---------------*
ادري اليمـوت النــاس كلهـا أتحضره
وتجــري المــدامع أهلــه وي العبــره
ليش الغــريب حسيــن فوگ الغبــره
جسمه صريــع وأهلــه كلهـم أســـره
ويوم الدفن. محد يوّن
يَمـــه ولا صــاح أبحــزن
ريت العقيله أخته أهناه وتجري المدامع حمره
*---------------*---------------*
لا مـــاي يحصـل للغســـل لا دمعـــه
لا أختــه زينب حاضــره أعليه تنعّه
لا بنته سكنــه أهنـاه تشعــل شمعـه
وكت الدفن حايــر دليلي أبوضعــه
أبدم منحره لو خنصره
بـــوصـالــهْ المتنــاثــــره
يا بويه ضاگت دنياي وگلبي تصير أمره
*---------------*---------------*
اكبــــر مصيبــه المــرت أبـــدلالـي
وكت الدفن يا نــاس شـدّهـت بالـي
بـس الجـسد وبــلايـه راس الغــالـي
حگي من أصيح أحياه بويه الـوالـي
بس الجسد گلبي انمرد
راســـك يبويـــه مَنوجد
راسك يبو اليمه حسين متخضب أبدم نحره
*---------------*---------------*
أصعـــب أمـــر يــا بـــويه أصبـح أمرك
لا مـــاي بــويـــه وبيــه ارشــن گبـــرك
وعبدالله يــوم الـوسديتــه أبصــدرك
يا ابويه اسمعه أبصوت يصرخ نحـرك
كون انلچم من السهم
عبدالله بعـده مــا انفطم
لكن يا وسفه ويا حيف نار السهم مستعره
*---------------*---------------*
تجــري المدامــع عالــوجن مــذروفـــه
يــوم الشلـت عمــي وحملت اچفــوفـه
غيــره يتفايض مـــا تحـــده اجــروفـه
ريــت العقيله اويــاي كــون أتشــوفــه
عالمشرعه والفاجعه
منه الچفوف امگطعه
للخوه وفّـه ابچفين وللخدّر ضحه أبعمره
*---------------*---------------*
مــــن شاهـــدت جسـام والله امطبــر
مـــن الحـــزن دلالـــي صـــــاح وكبّـــر
رحــت لعلي ونــاديتــه خــويه الأكبـر
أبفيض الدمّــه يا خويـه لـيش أمعفــر
ابلگلبي اندفن شبل الحسن
ولـــلأكبـــر أعيــونــــي عمّن
اجري الدمع للشبـان وبگلبي تسعر جمره
*---------------*---------------*
شحالــه الدفــن وحــده هلّه وأحبــابه
مــا أظــن مصاب يمــر شبيـه أمصابه
ولا تطـفــــه نــــــاره تستعــر لهــــابــه
تشـــرح مصـــابــــه دمعتـــه السچـابه
دمعي النزل لجل الأهل
كل ساعه ويمرلي الأجل
منْ اذكر أهلي الطيبين بلايه غسل عالغبره
*---------------*---------------*
#الشاعر
موسى البديري
أشما تمر فتن ما اعوف أبو الحسن
عهـد عهــد
حبيبي الأولي أنـــادي يـــا علــي
مــدد مــدد
وعيونــك مــا أخــونك علــي علـــي
*
يردوني اعوفك يا علـي
بأســم التطــور يالـــولي
يردوني أمل مــن عندك
يــوميــه شبهــه تنطرح
يا نسمه وبوكت الصبح
عدواني جــابو ضــدك
كــل ظنهم أتغيـر وأمـل
ضنوني عــن دربك أزل
وأنكــر يحيـدر عهــدك
يـا حجة الله أعلى البشر
وآياتــه وإســرار الســور
بيــمن اقيســـن ودك
يا ابا الحسن صدگ قبله انته للعشگ
تظـل تظـل
حبــك صدگ سحر يخنگـونه ينتشـر
أمــل أمــل
مجنونك ما اخونك علـي علــي
*
يوميه بدعــه اهل الفتـن
جابوها ألي يا ابا الحسن
يردوني اصدگ بيها
هوه الرضــع مــن الزغــر
وصرت انته أله كل العمر
يــا بــدعــه اليمشيها
ملقـــح ولايـه من الأزل
عنهـا فــلا جدمـه يـــزل
مدمــن أظــل أعليها
الما عنـده نــور أولايتك
ظلمـــه بــلايـــا محبتك
يــا نــور اليضـــويهــا
يـا منبع الضوه اتنفسك هـوه
عمــــر عمــــر
يــا حجـــة الملا بكل أيه منزلــه
ذكـــر ذكـــــر
يقرونك ما أخونك علـي علــي
*
من زغري الهــج بالولي
انهض اگولن يا علـــي
هوه العشگ عالفطــره
ياهــو اليغيــر فطــرتي
لا مــــا اعــوف ولايتي
لو طــرح ميت فكــره
ضــد حيدره ألتمت دول
مــن يوم وحي الله نزل
بهذا الحقــد احنــه ادره
فقـــاره چنه القــارعــه
ياهـو البرزلــه يـوزعــه
نصين سيفــه يشطــره
حب حيدر الحياة ما يعرف الممات
هـــــوى هــــوى
حب ساحر الطفل حب تارس العقل
ضـــوه ضـــوه
يـدرونك مـا أخونك علـي علــي
*
يا علي ناس العادتــك
رادوهــا تنــزل رايتك
صار العكس ظل تعله
مّن الله مرفوعـه تظل
يا سيـدي بكـل الـدول
محد عــرف هـل العله
معروفه رايـــات الكفر
يم رايتك مــا تستقــر
سيفــك اخــاف اتسله
راواهــم بيــوم الزعــل
بدر وحنين اوي الجمل
يا علــي معنــى الـــذله
هل الرايه بالنجف للعفه للشرف
عِلّــت عِلًــت
مــا تهــوى لا ابد هالرايه معتقد
بقــت بقـــت
مضمونك ما اخونك علـي علــي
*
گبـرك لان كعبة وسٓــوّر
يا حيــدره طول الدهر
كل حر يجيه ويشمـــه
بفيلـه ابـرهه رد بحقـد
وتعنـه گبــرك مستعــد
كـــل ظنه هوه يهدمه
يا فيل يوصل حضرتك
وبالشدد تعرف شيعتك
عالموزمــه متعلمــه
يا ابا الحسن حبك فرض
أصل المحبه والبغض
كلمــن وعفٌــت أمــــه
يــا سيدي قسم أنفهمه ألي ما فهم
درس درس
نهــزمهم الجمــع وگبتك تظل تشــع
شمس شمس
ظل لـونـك ما أخونك علـي علــي
**
الشاعر
موسى البديري
قصائد لشهادة الامام علي عليه السلام
أيا محرابَ حيدرَ ما الذي يجري
كتابَ اللهِ دامٍ ساعـــة الفجـــرِ
أصابوا فرض بارينا أم رأسـا لهادينـا
___
يا محــــراب حيـدر أســألك هاليـــوم
يا هامه التسيل وتجــري منهه أدموم
فرض الباري صابــوه وي شهر الصوم
لــــو قــــرأن ربنــــه الواحـــد القيـوم
هوى التوحيدُ والإخلاصِ في الأرضِ
أم هــذي دمـــاءُ الـــدينِ والفـــرضِ
أصابوا هامة الدينا أم رأسا لهادينــا
___
أسأل وأنشد وجاوبنـــــي يالمحراب
هذا الدين طايـــح وبدماه أخضــاب
لو حيدر علـي بذكر الفجـــر ينصاب
أدري الدين حيدر يعني فد أمصـاب
دمُ التوحيدَ في المحرابِ قد سالا
ونـــال السيفُ مـن علياهُ مـــــانلا
دمُ المحراب يهدينا أم رأســا لهادينـــا
__
يا محــراب حاجيني أجيت أنشــد
يا راس أنطبــــر جــاوب لتتـــــردد
صابوا راس حيــدر لو نبينــه أحمد
ركن الدين صـابوه وحســافه أنهـد
دينُ الله هُــدت منــهُ أركـــانا
وفي المحرابِ دامٍ طاحَ قرآنا
نارُ الفقد تكوينا أم رأسا لهادينا
_
يا محراب حيدر مـن هوى القـــــرآن
هوت سورة محمد والله والإنســــان
هوت قاف وزمر فوگاهن الفرقــــان
وهتف جبريل ينعى أبعبره وأبحزان
عليُ الطهرِ في المحرابِ قد غيلا
وينعاهُ بصـــوتِ الحُزنِ جبريــلا
ينعى فقد والينا أم رأسا لهادينا
___
يا محراب مقصوده الصـــــلاه والدين
وكلهــــه تجمعـــت والله ببوالحسنيــن
أنصابن بالفجــــر مـــن زمـــرة الباغين
بغدرهم هامته أنشطرت أسـف نصيـن
نصفٌ وحد البـــاري مـدى العمرِ
ونصفٌ يعشقُ المولى مــع الذكر
دمُ الكرار يروينا أم رأسا لهادينا
*
الشاعر
موسى البديري
أنـــه بعالــم خيالــي شفت الحسين
شبگته ودَمـَه تنــزف شفت الحسين
ونْ گلبــــي لـچنــه شفتَه لحسين
احبـــك خادمـــك عبـــدك سويه
الشاعر
موسى البديري
ابيات ابوذيه الى الامام الحجة ابن الحسن عليهما السلام
روحـــي شكثــر لغيابــك تعــدلاه
يمن كــل مايــل بحكـمك تعــدلاه
بجيلي أخبرني يالمهدي تعود لا
بغيــر اجيال تظهــر للبــريه
❣️❣️❣️❣️❣️❣️❣️❣️❣️
ميتــه الــروح وبذكـــراك عـــدله
وغيابك كــل محب بآلام عــدَ له
بيــك البــاري راح يســود عـــدله
وتمحيه الظلم يبن الزچــيه
الشاعر
موسى البديري
نور القائم
من هيبـــة محمد صــــاغ رب الكــــون
هيبـــه وجللاهه بقــــدرته وأمــــره
وأخذ من حيـــدره عــزمه وأباء البيه
وعـــزم حيـــدر عزم ما واحد ينكره
وصاغه بنور قدسي يضوي بالمشكاة
وأصل هالنور كله بفاطمه الــــزهره
***
وأخذ من الحسن چف الكرم والجود
وبحر چف الحسن مـــا واحد يعبــره
وأخذ ذاك التفاني والابه من حسين
وصبـــغ لــــون الاباء بدمــه وبنحــره
ومن غيرة الكافل صاغله المعبود
ثــــوب الغيــــره كله وفصله أبگـدره
***
وأخذ أنوار تسعه تضوي عرش الله
كونهه أبشخص سبحـــانـــه وبامــره
وبعزمه وقدرتــــه كـــــوناه أنسان
أبوصالح المهدي وقائمــــه العتـره
**
شعر موسى البديري
https://youtu.be/zJBBwW4G0Lo
🕊تهل علينا أعياد
متباركين يارب 🌹🌹🌹🌹
يوم اهدعش شعبان فــرحانـــه دنيــانــه
فرحــان ابو السجاد والشيعــه فرحانــه
بعلـي الأكبــر علــي علــي الأكبر علــي
*
لحسين أشــرق يـا بــدر يشبـه بــدر جــده
نفـس المعـانــي والشـبــه والنـــور البخـده
ما مات ابو الزهره ابـد چـي لن علي عنـده
نفس المعاني والخُلـق يعنــي النبـي بعــده
نفس النبي المختار رب العلا انطانه
فرحــان ابو السجاد والشيعه فرحانه
بعلـي الأكبــر علــي علـي الأكبر علـي
*
أمـلاك ربنــا گصدتـه طشـت أريـج ويـاس
صـوره لمحمد بالمهد مـن كـل كتـر تنبـاس
هنت ابــو اليمه بعلي نثــرت ورد عالـراس
بچفوفه هز مهده بفرح عمه الگمر العباس
عمه الگمر فرحــان والحـــره ويانـــه
فرحــان ابو السجاد والشيعه فرحانه
بعلـي الأكبــر علــي عـلي الأكبر علـي
*
بشعبان هـل وجهه البهي يوم اهدعش منه
ومـــن حنّــة الجنـــه المهــد أمــلاك حنّـنه
والجنه گصـدت للمهــد مشتاگــه الـه الجنه
و شمــت بمهده يا عطــر عطـر النبي چنــه
عطــر النبوه أهنــاك مــوجود بركانه
فرحــان ابو السجاد والشيعه فـرحانه
بعلـي الأكبــر علي علــي الأكبر علي
*
حگنــه نصفگ بالفــرح ونهنــي ابـو اليمــه
ونعلگ لهل الفــرحه شمـع ونجـدد البسمه
الحسين نعمــه ونشكــره بارينـه عالنعمــه
الضيع حسين بدنيته صدگني هــذا أعمـه
بي احنــه متمسكين بحسين مولانــه
فرحــان ابو السجاد والشيعه فرحانه
بعلـي الأكبــر علـي علي الأكبر علــي
*
الشاعر
موسى البديري
صوت المحب عالي يالمهدي يالوالي
* * *
يالرايتــك رايــــة علـــي بيمينـه
يالمهدي يالمهدي
بيوم الاحــزاب وخيـبر وصفينـه
يالمهدي يالمهدي
يا ويله كــل حاقد أجـه يعادينـه
يالمهدي يالمهدي
بسيفك تــزيل آثاره يــــا والينه
يالمهدي يالمهدي
يا سعدي وآمالي
يالمهدي يالوالي
* * *
تگطع بـروس الناصبو ضرباتك
يالمهدي يالمهدي
حملات حيدر عالكفـر حمـلاتك
يالمهدي يالمهدي
وصولات عباس الگمر صولاتك
يالمهدي يالمهدي
لثارات جدك خل تـــرف راياتـك
يالمهدي يالمهدي
أرفعهــه للعــالي
يالمهدي يالوالي
* * *
نگصد حسين وخل تشوف أعدانـه
يالمهدي يالمهدي
بعون الله أصحاب الكفر خســرانه
يالمهدي يالمهدي
وشيعة علي بحب الوصي ربحانه
يالمهدي يالمهدي
بقائم محمد خـــل يــــرف الــوانه
يالمهدي يالمهدي
يظل عالي للتالي
يالمهدي يالــوالي
* * *
يا يــــوم تظهــــر للخلگ أنوارك
يالمهدي يالمهدي
من نور طه الباري نور أختارك
يالمهدي يالمهدي
ويزيـل أصحاب الكفـــر بتــارك
يالمهدي يالمهدي
للمــوت نبقــه سيدي أنصـــارك
يالمهدي يالمهدي
يا أغلى كل غالي
يالمهدي يالــوالي
* * *
شما فجــــرو ما گـــدرو يغيرونه
يالمهدي يالمهدي
بمحراب حبكــم خلهم يذبحونــه
يالمهدي يالمهدي
بدمانــــه خطينه عهد مضمــونه
يالمهدي يالمهدي
شيعه وتظل بهل العشگ مجنونه
يالمهدي يالمهدي
هالعشگ يبرالي
يالمهدي يالوالي
* * *
الشاعر
موسى البديري
أحله عشگ مر بينه يالمهدي يا والينه
يالمنتظر يالمنتظر يالمنتظر
❣️❣️❣️❣️❣️❣️❣️❣️❣️
أحله عشگ مــر بالمحب أحله غرام الصار
عاشرنه بالـذر بالمهد غذانه واحنــه زغــار
وعذالي من هذا ألعشگ محتاره مني تغار
منعوفـــه حبــك للأبــد يــا وارث الأطهـار
أبدم الگلب شارينه يالمهدي يـا والينه
يالمنتظر يالمنتظر يالمنتظر
❣️❣️❣️❣️❣️❣️❣️❣️❣️
بشاطي العشگ روحي رست يالمهدي محتاره
وبحــور شوگي بهل العشگ تدريهه تتجـاره
وتــدري الدمع يــا سيدي مــا سكنـت أنهاره
وتــدري اليحب يالمنتظـر مفضوحـه أسراره
تفضحهه دمعة عينه يالمهدي يـا والينه
يالمنتظر يالمنتظر يالمنتظر
❣️❣️❣️❣️❣️❣️❣️❣️❣️
عاشــگ ألك يبن الحسن تدريني يالموعــود
وتـدري اليحب يالمنتظر ينطر حبيبه يعــود
طـال البعد يا سيدي وجفــن اليحب مرمود
وتدري النظر ياسيدي لدرب المحب مشدود
لجيتك عمر تانينه يالمهدي يـــا والينه
يالمنتظر يالمنتظر يالمنتظر
❣️❣️❣️❣️❣️❣️❣️❣️
نبته ونعاني من العطش مـــر بينه يا مـولاي
نحيه ونطگ أحنه ورد يالشوفك أعذب مـاي
يا يوم ينطــر الفجـــر يكشــف ظـلام أعــداي
وأترّجـع الثــار بألـف يالمهـــدي يالوفـــاي
وجدك توافــي لديّنه يالمهدي يا والينه
يالمنتظر يالمنتظر يالمنتظر
❣️❣️❣️❣️❣️❣️❣️❣️
الشاعر
موسى البديري
هالكــون أبتشــر ---- ميــلاد الــگمـــر
يــا أبــا الفضــل يــا أبــا الفضــل
•••••••
هاليله ميـــلاد الگمـــر والغيـــره والنومــــاس
هاليله شمعات الفرح تضـوي ابصواني الياس
هاليلـــه أمـــلاك السمـــا متعنيه بالاحســــاس
گصـــدت لحيدر هنته فـــي مــــولد العبــــــاس
وبهذا الشهر ----- ميلاد الگمر
يا أبا الفضل - يا أبا الفضل - يا أبا الفضل
•••••••
بميلاده فرحـــانه الشمس مــن نوره مكســـوفه
والگمــر مـــن نور الگمر ما خذهن احـــروفه
وحيدر علـــي ابفــــرحة گلـــب قبلهن أچفــوفه
مـــن حگه لـــو راح الگلــــــب للمرقد يطوفه
وبالحضره اعتمر .... ميلاد الگمر
يا أبا الفضل - يا أبا الفضل - يا أبا الفضل
••••••
مــن زغــره والـرايه ابفخر حيدر علي انطاها
والگمـــر بچفوف البخــــت بالغيـــــره هزاها
لليـــوم هالـــرايه بقـــت عالگـبــه تلگــاهــــا
بچفوفــــه ثبتها الگمــــر مــــا ينحني الــواها
ترف طول الدهر ...... ميلاد الگمر
يا أبا الفضل - يا أبا الفضل - يا أبا الفضل
•••••
بحروفـــه مـــزروع الوفه ما بين كــل حــــرفين
مكتوب اسم زينب شرف مزروع وســــط العين
لــــو گلت عباس الگمر معنـــاه اگـــــول حسين
وين اليشبها بهل الخلگ بس گلي يحصل وين
ما مثله بشر .... ميلاد الگمر
يا أبا الفضل - يا أبا الفضل - يا أبا الفض
••••••
لـــو ضاكــــت الدنيا أبقهر والحاجه متعسره
لباب الحوائــــج اعتني واگصدلـــــه للحضره
يگضيها كـــل حاجـــه الك بس حلفه بالحــره
مـــن عنده تاخـــذ حاجتك والفرحه والبشره
يرد ابكل فخر ..... ميلاد الگمر
يا أبا الفضل - يا أبا الفضل - يا أبا الفضل
**
الشاعر
موسى البديري
