قصيدة ( مشتاكه الك ) الى السيده رقيه بنت الامام الحسين عليهما السلام
مشتاگــه ألك شيوصفه شوگ الفاكده
مشتاگــه ألك عينـي تشوفــك رايــده
شوگ اليفارگ جمــره
بالوّنــه يخلـص عمـره
**
يـا بويــه مشتــاگه شكــثر
لگلمــة يبـــويه الدافيـه
وأتمنى انـــه بهــل المسه
بحضنك أمأمنـه وغافيه
يلــي شلتنـي أعلــى المتن
عالجمـر اركــض حافيه
يابويه مــن يــوم الـــرحت
ماتـت أبـروحي العافيـه
تــدري شكــثر بيّــه حــنين ولهفـــه
تــدري شكـثر أتمنــى يمـــك اغفــه
بگليبي ظلت عبـــره
شوگ اليفارگ جمره
*
يابـويــه چفــي ألـــي چنــت
كــل ساعــه انتــه تشمّــه
يالغالــي هســه مــن الحبـل
يــا بــويـه ينـــزف دمـــه
ظليت أخـــاف مـــن الهوى
جـــرحـــي يبويــه يلچمـه
ما تدري بالسـوط أنضــرب
كلمــا صحـــت يـــا عمّــه
ســوط العده اشســوه يبويه بحالي
ســوط العده يلـــوعني بويه الغالي
ومتوني صارت حمره
شوگ اليفــارگ جمره
*
يـا بـويه تــرچيتي الذهب
البيــدك جبتــها أتــذكــر
سلبوهــا بالطــف العــده
ومنها يصــب دم احمــر
يــا بويه دمــي الي جـره
نفسه الجـره مـن المنحر
نــار وعطش خيل وشتم
واركض يبــويه واعثــر
خيل العده الرضت يبويه أبصدرك
خيل العده اتعنتنه واحنــه انعذرك
بحالي يبويه انته أدره
شوگ اليفــارگ جمره
*
ريتك تجيني بهـل المسه
ونفســك يمــر بأنفــاســي
وتشـاهــد بعينـــك ذبـــل
مـن الفرگه وردي وياسي
مرنـي يمن انت الهــوى
وأغلــى واعــز كل ناسي
وأتمنى لو جيت أبدمــع
تمســح بأيـــدك راسـي
مرني بحلم اقبــل يبــويـــه بهــايه
مرني بحلم صــارت عليه أهـوايه
وأبخدي شوف السطره
شوگ اليفــارگ جمره
*
ألفــرگــه اشــد مــن النبــل
مـرنــي يبويــه الغـــالي
كـل ساعــه وتمرني صّــور
وتغـفــه يبــويه أبــالــي
بصدرك شفت غافي السهم
ماخــذ مكــاني الخــالي
وي نحــرك الينزف دمــه
انذبحت يبـويــه آمــالي
غافي السهم ليش أبمكاني أشمالــه
غافي السهم وماخذ گلب مــو مالــه
نايم عــزيــز الــزهره
شــوگ اليفــارگ جمره
**
يـــا بـويه مريت وعدل
خضّــر ربيــع اسنينـي
گتلك يبواليمه أبــدمــع
چــا عــدمــن مخليــني
مــا ادري بـويه بالحلم
طيفــك نظــرتـه بعينـي
فزيت لن طشت الذهب
بي راســك يحــاچينـي
بويــه العمر أتلچمه وتذبحه أحـلامه
بويــه العمر بـراســك گضت أيـــامه
وبلهفـه اشمّــن عطــــره
شــوگ اليفــارگ جمره
*
الشاعر
موسى البديري
تفتت گلبي بــس روحي شفتها
رقيــه بيـوم مـا گعــدت شفتها
على خــد السبــط خلت شفتها
وتگلــه أتاخــرت بويــه عليه
***
الشاعر
موسى البديري
نعي لرقيه عزيزة الحسين ع في الخرابه
نعي للسيده رقيه عليها السلام
طفله وشاهدت والـــدها بالنــــوم
تگله وين يــــــا بويـــــه يجيدوم
علينه يبويه انــــــــــدارت الگوم
وبعد عينك يبويه الگلب يسعر
*
فـــــزت مــــن حلمها اتصيح عمه
چـــــان اهنــــــاه ابوي وجنت يمه
ونمت بحضانه عمه وگمت اشمه
وسألته اعلى الرضيع وعلي الاكبر
*
تگلهــــا زينب ودمعتها بالــــعين
يعمه أعلينــــــه كل اهلچ بعيدين
ولن نــــــادت رقيه بويه يحسين
أريدنك يبويه لحـــــــــــالي تحضر
*
أراويك بويــــه شحــــــال متني
واگلك هـــــــــاي گوم العذبتني
من الماي يا بــــــويه أحرمتني
ومثـــــل گلبك يبويه الگلب وجر
*
تقول لها زينب
____
ابــــوچ امسافــــــر يطول غيابه
وبعد عيناه عمه احنـــه ابخرابه
نــــادت وين عني رحـــــت يابه
أخذني ويـــــــاك عن فرگاك مگدر
***
ويـــــــزيد ابحقد وده الراس ليها
ومذبـــــوح نظــــرتله وليهــــــــا
وعلى راس الولـــــي زادت بجيه
وعمرها أعلى الولي هاليوم گوطر
___
وعندما قال الامام السجاد (عليه السلام) للسيده زينب عمي نحي الطفل فقد ماتت على راس والدي كأني بالسيده زينب قالت ...
أنــــه زينب أبظهري السوط وشام
وكبر حزني لمصاب السبي والشام
علــــى راسك هوّت يحسين وتشم
عزيــــزت گلبك ومـــــاتت رقيــــه
موسى البديري
قصيدة ( قائده ) الى بطلة كربلاء وقائدة الركب السماوي
قائده ونعم القياده نادت بهمــه وأراده
كـدْ بكيّدك وأسعه سعيك
تبقه لحسين السياده
*---------------*---------------*
كلمـــه گالتهه العقيلـــــــه
لهل الوكت يدوي صداهه
واجب نحللـــهه خاطـــــر
نوصل أحنـه لمحتواههــه
أبنظرة أصحاب السياسـه
ننظـــــر لواســـع مــداهـه
مـن حچتـهه لهسه تــدوي
شمس مـا تحجب ضواهه
كلمه سر الباري بيهـه آيه يترتل حچيهـه
بت محمد .... ألهه يشهد
يا قصـــــــــر هدّت عماده
تبقــه لــحسين السيــــاده
*---------------*---------------*
قـادة الثـــوره بوعيهــــه
بت علـــــي وبت الزچيه
يا مــره الصــارت مثلهـه
واصلت أعظـــم قضيـــه
أبــد ما ذلــــــــت عزيـزه
عــــزه مـن خير البريــــه
لــو يمــر عالقـاده أسمهـه
واجـــــب أتأدي التحيـــه
منهه ضباط ومراتب تاخذ أدروس المحارب
من صبرهه. .... ومن نصرهه
تفهــــــم أدروس الاراده
تبقــه لحسين السيـــاده
*---------------*---------------*
فجــرت ثــــوره عظيمــه
أعلن الجـــور أنتكاســـــه
هايـــه زيــنب يالتناشـــد
راضعــــه بثدي القداســه
قـــادة الثــــوره أبسالــــه
ومن علي ثوب الفراســـه
ذلــــت أيــزيــد وأميــــــه
أوضحت بعــد السياســـه
هزت أعروش آل أميه هايه بت حـامي الحميه
للفراســـــه .... وللسياسه
زينب أطروحه وشهـــاده
تبقـــه لــحسين السيــاده
*---------------*---------------*
صــــوت دوّهَ من العقيلـــه
حـاصـر الشـــام وحكمهـــه
صوت نهضه أعلى الضلاله
وللنصــر رفعَـــت علمـهــــه
كد بكيدك وأسعــه سعيــك
أنخرست وسكتــت زلمهــه
هـــزت أعـــــروش الضلاله
ثــــــوره زينــب للفهـمــهـه
كمّلـت دور الامامــه بعــزه وبهمّه وشهامه
آيـــه بالطـــف....بأرقـه مصحـف
وضّحتْ معنى العبـــــاده
تبقـــه لـحسين السيـــاده
*---------------*---------------*
كل محرم يدوي صوتـــچ
يفجر أعلى الباغي ثـــوره
چـن محمد طـــــه يُبعــث
والله للــــــــدين وينشـره
نهَضتّــچ نهضّـــت محمد
وثورتچ من منهـج أمــره
عالظلم لمــــــــن خطبتي
حسين أعلـن ثوره نحــره
خطبتچ أول شـراره أعلــن الــدم أنتصـاره
عالميــــه .... للبريــــــــه
أسست مبدء جهـــــــاده
تبقــه لحــسين السيـــاده
*---------------*---------------*
الشاعر
موسى البديري
من البحــر للنحــر رايــه تــدگ بـــرايه
والمــــلا لكــربلــه كلها اجــت مشــايه
رايـــة نصــــر رفــعــت ألـك
باقي انته بس خصمك هـلك
*---------------*---------------*
أمتدينا مــن حدْ البحـر حــدْ كربله أبلهفـه
مشايــه نيـران العشگ يم حضـرتك تطفه
يا أجمل وأقـدس عشگ ما نگدر أنوصفـه
لليــوم حيـرهـا الــدول ســر حبك وطفّـه
نعتـرف يختـلف حبــك عجيبــه إســراره
بلهفتـه و جمـرته تحرگنه ونحــب نــــاره
المـــــا حَبــك بــربّـــه شـــرك
باقي انته بس خصمك هـلك
*---------------*---------------*
سر جاذبيتك سيدي محتـاره بيها الكـون
ونيوتن بهذا الـزمن لو شـاهــد اليـمشون
چا خلّه گبتك مصدره أّورد غيّــر القانون
يتعنّا مركزهــا مشــي وي الــذي يزورون
واعتلـــه لكربلـــه صوتــه ويصيـــح أبعبره
هل الجَـذب للمحـب مصــدرهـا منْ الحضره
أبـگبّتـــك محــتــار الفــــلك
باقي انته بس خصمك هـلك
*---------------*---------------*
يحسين من كــل الــدول رفعــت ألك رايه
وگصـدت بشـوگ لجنتـك مـولاي مشايـه
ما همها خوف ولا تعب يا قبلـه يـا غايـه
قــران انتـــه للعشـــگ واليخّدمــك أيـــه
واليحــب بالــدرب دمعاتــه ألك مــذروفــه
يا عشگ من صدگ تسحرنه حتى أحروفــه
والمِــلك غيــرك مــا مِــلك
باقي انته بس خصمك هـلك
*---------------*---------------*
گصدتلك أقطــاب الأرض مشــايه للحضـره
بقطب الشمالي المنجمد موجـوده ألك جمره
يحسين سر هذا العشگ محّـد عـرف ســـره
قــــران ربنـــا منحــرك مـــا نگــدر أنفســره
والبشــر بالنحــر كلها أصبَحت حيــرانه
من انگطع وارتفــع رتـــل نصــر إيمــانــه
حگـــه يحيّــــر الــوصّفــــك
باقي انته بس خصمك هـلك
*---------------*---------------*
رايـــه بأثــر رايـــه ألك يحسين مــرفــوعــه
وچانت گـبل يــا سيدي من أعـداك ممنوعه
وموسوعة العالم (غنيس) تحتاج موسوعه
محتاره تحسب هل العشگ مذهوله بجموعه
ترتعـــد مــن تصــد دربــك يمــوج أبطولــه
عالــوعد والعــدد محتــار بيــه مذهولــه
مــو بس بشــر يمشي المَلك
باقي انته بس خصمك هـلك
*---------------*---------------*
الشاعر
موسى البديري
ميمر للامام السجاد عليه السلام
ويـــلاه يـــا گلـب السجاد
مستعــره ظلت نـــاره
*
لــو ردت أوصــف محنتــه وآلامــه
بيش ابتدي بجــروحه لـو بسهامــه
ابطف كربلــه لــو بالسبي وأيـامــه
كله جرح گبل الذبح لو احچي ما يوفي الشرح
جــــرح البگلب السجاد
مـــا تنمحـــي أثــــاره
*
ابطف كربله ابـدي وأعــد أجروحه
چــم مـره عالغبـره يشــاهد روحـه
فـوگ التــرب انصار اله مذبــوحه
بعابس كبّر بگلبه الأثر وجون وبرير أضحو وذر
ومن وگع شيخ الأنصار
بحسره نعّــه أنصــــاره
*
جرحــه نــزف للأكبــر وطعناتــه
وابن الحسن زيّــد عليـــه آهاتـه
من شاهد حسين ونظـــر دمعاته
بگلبه سهم عِلٍّه وألم وچم بدر عالغبره انخذم
وينظر لبو اليمه يلوع
وبگلبــه تسعــر نـــاره
*
ولمّن سمــع عمّه الگمر عالغبره
وي والـــده السجــاد لازم ظهـره
بحيــره يشاهـــد عمّتــه منتظـره
صوب النهر تربي النظر محتاره ما رد الگمر
منه رجع محني حسين
وعيــونه دم تتجــاره
*
لمّــن سمع نــار الضمه مشتعله
بگلب الطفل لا دمــع حتى يهلـه
بچفوف أبوه ويرتوي من النبله
گلبه انفجع نحره انگطع ومثل الطفل هوه أنصرع
چم مره مـر بيه الموت
ضامــي أوِرد أنهـــــاره
*
ومن ودّعه حسين وبـرز للعسكــر
وفوگ الرمح ينظرله دامي المنحر
نــاده لوَّن جسمــي يبويــه اتــوذر
وفوگ الارض شاهد ترض خيل العده صدر الفرض
نــاده يريت أعلى الگاع
جسمي صفــت اكتــــاره
*
شاهــد خيّــم بعـــد الذبـح مستعره
وشاهد حرم مچتوفه كلها وأسـره
أهنــاه علي السجاد مــات بحسره
حسرة الم لجل الحرم لمن وگــع راعي العلم
ما چانــت ابدن عالبال
تظل الحــرم محتـــاره
*
نــــار السبــي مــا تنطفــي أبدلالــه
بقصر الرجس شاهد ابحسره أعياله
بعينـــه يشـاهـــد منشـــرح چتــالــه
انوبــه نَظر ذاك الثَغَر من الخيزرانه أعليه اثَـر
ويضحك وفرحان أيزيد
ينظــر دمـــاه اتجـــاره
*
آه السبي يــا محنتــه ويــا هضمه
كـــل المصـــايب بالسبـــي ملتمـه
مــن الخرابــه جرحـه ينزف دمّه
بصوت الحزنْ طفله توّن تغفه تريد ألها بحظن
كله دفــو بس يا حيف
مــاتت ابشوگ إخبـاره
*
الشاعر
موسى البديري
ميمر للامام السجاد عليه السلام
ويـــلاه يـــا گلـب السجاد
مستعــره ظلت نـــاره
*
لــو ردت أوصــف محنتــه وآلامــه
بيش ابتدي بجــروحه لـو بسهامــه
ابطف كربلــه لــو بالسبي وأيـامــه
كله جرح گبل الذبح لو احچي ما يوفي الشرح
جــــرح البگلب السجاد
مـــا تنمحـــي أثــــاره
*
ابطف كربله ابـدي وأعــد أجروحه
چــم مـره عالغبـره يشــاهد روحـه
فـوگ التــرب انصار اله مذبــوحه
بعابس كبّر بگلبه الأثر وجون وبرير أضحو وذر
ومن وگع شيخ الأنصار
بحسره نعّــه أنصــــاره
*
جرحــه نــزف للأكبــر وطعناتــه
وابن الحسن زيّــد عليـــه آهاتـه
من شاهد حسين ونظـــر دمعاته
بگلبه سهم عِلٍّه وألم وچم بدر عالغبره انخذم
وينظر لبو اليمه يلوع
وبگلبــه تسعــر نـــاره
*
ولمّن سمــع عمّه الگمر عالغبره
وي والـــده السجــاد لازم ظهـره
بحيــره يشاهـــد عمّتــه منتظـره
صوب النهر تربي النظر محتاره ما رد الگمر
منه رجع محني حسين
وعيــونه دم تتجــاره
*
لمّــن سمع نــار الضمه مشتعله
بگلب الطفل لا دمــع حتى يهلـه
بچفوف أبوه ويرتوي من النبله
گلبه انفجع نحره انگطع ومثل الطفل هوه أنصرع
چم مره مـر بيه الموت
ضامــي أوِرد أنهـــــاره
*
ومن ودّعه حسين وبـرز للعسكــر
وفوگ الرمح ينظرله دامي المنحر
نــاده لوَّن جسمــي يبويــه اتــوذر
وفوگ الارض شاهد ترض خيل العده صدر الفرض
نــاده يريت أعلى الگاع
جسمي صفــت اكتــــاره
*
شاهــد خيّــم بعـــد الذبـح مستعره
وشاهد حرم مچتوفه كلها وأسـره
أهنــاه علي السجاد مــات بحسره
حسرة الم لجل الحرم لمن وگــع راعي العلم
ما چانــت ابدن عالبال
تظل الحــرم محتـــاره
*
نــــار السبــي مــا تنطفــي أبدلالــه
بقصر الرجس شاهد ابحسره أعياله
بعينـــه يشـاهـــد منشـــرح چتــالــه
انوبــه نَظر ذاك الثَغَر من الخيزرانه أعليه اثَـر
ويضحك وفرحان أيزيد
ينظــر دمـــاه اتجـــاره
*
آه السبي يــا محنتــه ويــا هضمه
كـــل المصـــايب بالسبـــي ملتمـه
مــن الخرابــه جرحـه ينزف دمّه
بصوت الحزنْ طفله توّن تغفه تريد ألها بحظن
كله دفــو بس يا حيف
مــاتت ابشوگ إخبـاره
*
الشاعر
موسى البديري
قصيدة (يا ابو حمزه ) حينما قال أبو حمزه الثمالي للإمام السجاد القتل لكم عاده وكرامتكم من الله الشهاده قال له الامام وهل سبي النساء لنا عاده
مصابــي بسمّلــة كــل الحــــزن
مصابــي حگي مــن عنــده اون
أبدمعــة امفــارگ حبيبه المغـربيه
أبنوح طفله أمحيره وراحت سبيه
يا أبو حمزه يا أبو حمزه
**
يا ابو حمزه أتلـوم دمعاتـي الجـريه
ويصعد أبأنفـاسي جمّــر الغاضـريـه
انسه يالــوعه واعــوفن يــا رزيــه
انسه طف حسين لــو عمتي السبيه
دموعي هيـه تشرح قصتي
دموعي مــا تطّفي جمرتي
وجمّــر نيــران المخيم يســري بيِـه
أبدمعــة امفــارگ حبيبه المغـربيه
**
عــــاده عــدنه الموت ادري والمنايا
ابـــد مـو عــاده حـــرم النه سبــايــا
عمــي شـــرويلك بعد صعبه الروايه
عمتــي عالناگــه تميــل مــن الرزايا
حسافه ابزينب اشسوه الدهر
حسافه عنها من غاب الگمر
صاحت أبدمعة عتــــب يهل الحميه
أبدمعــة امفــارگ حبيبه المغـربيه
**
تلـوم روحـي التنتحـب بالهـم فجيـعـه
وبين أديــه حسين ذبحـولــه رضيـعـه
ضاگـت أبعينه الأرض هــاي الوسيعه
يوم شاف اچفـوف ابو فاضل ﮔطيعه
يخويه صعبــه اردن للخيـم
يخويه وبيدي جودك والعلم
شرد اسولف خويه عن هاي الرزيه
أبدمعــة امفــارگ حبيبــه المغـربيه
**
راح اعوف الطف انه وجمرة مصـابه
وراح اسولفلك علــى الشــام وعذابـه
راس أبويه بالطشـت والــدمْ خضـابـه
وعمتي زينب ﮔـاعده ابذيـچ الخرابه
ورقيه يــوم راسـه شافتــه
رقيه بلهفـه لمّـن شبكتــه
ليش ابــويه أتأخرت جيتــك عليــه
أبدمعــة امفــارگ حبيبه المغـربيه
**
الفاگــد أحبابـه يابو حمـزه أبحياتـه
بلهفـه يتنطــر تجـي ساعــة وفاتـه
شـرّدْ اسولف عــن زماني ونايباته
عمتـي زينــب توﮔـف أبين الشماته
سبيه الگبل ما شافت بشر
سبيه صعبه عملات الدهـر
وسفـه بيها اتشمـتت اجــلاف أميـه
أبدمعــة امفــارگ حبيبــه المغـربيه
**
الشاعر
موسى البديري
شفـــت آهــــــات سبي و مــأســـاة
يجابــــر كثــــره آلامــــــي
**
يجابــر محنــة العــاشر
خلــت بالگلب حسره
وجمـرات المحـن عمي
طـول الـوكت مستعـره
ريحــانــة رســول الله
بالسيف انگطـع نحره
وتسّلـب ثوبــه يا وسفه
وثلــث تيــام عالغبره
بــــلا تكفيـــن ظـــل حســـين
يجابر كثــــره آلامــــــي
****
منين ابـدي بمحن گلبـي
حگي لـو أظل حاير
يعمـــي بكـل كتــر بــيّ
ألم مــن محنـة العــاشر
يا هـو المثلي شاف آلام
أبوه يسحگه چم حافر
الصعد صدر الرسول شلون
تحت خيل الكفر صاير
تحــت الخيـــل دمـــاه تسيـــل
يجابر كثـــــره آلامــــــي
**
يجابــر عمّــي العبــــاس
طـاح وطاحن ازنــوده
وعطـاشه بالخيّـم تتنـاه
وبكتـدره أنذبـــح جوده
وعينه البيها خله حسين
تالـي بسهـم ممـروده
وفّــه عالشريعـه الحيد
وبالدم ثبــت أعهـوده
حـــرم تتنـــــاه بحيــــره وآه
يجابر كثـــــره آلامـــــــي
*
يعمـــي جمــرة الشبـــان
تظل أبكل وكــت تسعـر
نــار لجـــاســم العــريس
صــارت حوفته العسكر
وشبيه المصطفى مخضب
تسعــر جمــرت الأكبــر
ومن عدها الگلب مفجوع
آ يــا نبلــــت المنحـــر
طفـــل ظــــامي ونحـــر دامـــــي
يجابر كثــــره آلامـــــــي
*
اشد محنه التهد الحيل
ابد ما چانت أعلـى البال
حرم تمشي اسيره شلون
ومچتوفـه الحرم بحبال
ويا لــوعة دليل أهناك
من اسمع بچي الأطفـال
وگيد النــايبه بـأيدي
وأصد عمتي ودمعها السال
علـــى الحـــره اجــــر حســــره
يجابر كثــــره آلامـــــي
**
الشاعر
موسى البديري
ابوذيه الى الامام السجاد عليه السلام حين دخول الشام
الناس أمعّيـد فـرحــانه شفاها
وينظر عمّتــه الشـامت شفاها
شاف أيزيد مـن يضرب شفاها
وتشمّت بالنبي وأله سويه
الشاعر موسى البديري
١_شبيها
٢_نظرها
٣_شفتي الحسين
٢_
الامام السجاد بعد لقاءه بجابر ابن عبدالله الانصاري يشرح ما رأى من مآسي الطف
آه يـــا جــابــر تنــاشــد عـالجـــره
منين اسـولف والله روحـي مّحيره
*
منين أبـديلك واسولف يــا مصـاب
مــن مصــايـب كــربله دلالـي ذاب
عن أبــوي حسين لــو عن الشباب
اجســوم ظلت مــن دمـاهـا أمعفره
*
أرد اسولفلك علــى حسين شسده
بعــد ذبحــه داستـه أخيـول العـده
وجثتــه ظلت عالـرمـال أمــوسده
بعــد مــــا گطعــت أميــه منحــره
*
آه يــا جابــر بعــد عيني شتشـوف
عالشريعه الگمر مگطوع الچفوف
قِبلِــه صــايــر للنــبال وللسيـــوف
وجثتــه عالشــاطــي بگت متوذره
*
أهنــا يجابر طـاح الأكبر عالتـراب
وجاسم ابكتـره دماه أصبح خضـاب
يا مصــاب الطفل مـــا مثلـه مصاب
آه يــــا نبلـــة ضــمـــاه امـــوجــره
*
آه يـــا جــابــر شسـولــف يــا الــم
يــوم شــبت نــارهم وســـط الخـّيم
عمي بالطف هجـتْ أطفــال وحـرم
وين تشرد والطفـــوف أمحـاصـره
*
آه يــا سهـم ألــي صــوّب مهجتّــي
يمْ يــزيــد بحســره وگفــت عمّــتي
شلــون يــا جــابـر أبطــل دمعـتّــي
وگلب زينــب نــار تلهــب مسعـره
*
آه يــا شــام الشمــاتــه وحســرتّــه
تبقى حــد المــوت تسعـــر جمـرتّـه
يا مصاب احچيــه روحـي الشـافـتّه
عن رقيه أمصــاب مــا مثلـه جــره
*
آه يــا جابــر جمــر مـــا أظـن يهيد
روس فوگ أرمــاح وبأيدي الحديد
ابتشر يـا وسفــه وشمّت بينـا يزيد
تبقى جمـــراتـي لحّــدْ الاخــــره
*
الشاعر
موسى البديري
ميمر ( دولة خدم ) على الخادم أن يكون متواضع لا يبحث عن الشهره عليه أن يبحث عن الاخلاص لمن يخدمه
دولــة خدّم كــون أِنصيـر
واحــد يحــب الثــانـــــي
****
بنفسي ابتدي لـَـ تفكـر استثنيها
لجل الخدمْ اهــدم غــرور البيها
لــو غايتي حسين الربـح تاليها
والغانمّــه لليخدّمــه
حسين بكـــرامه يِقدمّه
بدولة حسين المظلوم
خــادم فخــر خـــلاّني
*
دولة خدمْ كون احنه لجـل الخدمه
رايتنــا وحــــده والخلـگ ملتــمــه
يهمنا الهدف مو واحد اسمه يهمـه
نرفع علم دولة خدّم
بيها الحسين أسمى القيّم
والهدف لو هَمّنه يصير
مـــا نفتـرگ يخوانــي
*
دولة خــدم معروفه شنهي الغايــه
بأسـم الحسين أنعَلّي كــون الـرايه
بوَّجـه اليضد كل احنه فد احچايه
بوَّجه اليضدْ بعّز نتحد
اواحـدنــه للثانـــي يشــد
كون أنتّوَحــد بحسين
مــو همــنه انته وانـي
*
دولة خــدمْ كون احنه نصبح قدوه
ولجل الهــدف كـــل النقدمه فـدوه
يَسوه الحسين ودونـه محّـد يسوه
بِغيره وشرف يبقى الهدف
لـــو دمنــه مــن اجله نـــزف
كون الهدف حب حسين
ميهمنـــه كـــل سفيانـي
*
ناخــذ درس من الگمــر وإصـراره
رغــم الضمّــه قدم بَحــث إيثـاره
چنَه عــداوه وهمنــه كلمن ثـــاره
درس الگمر طول الدهر
نفتهمه كــون أعلـــى النهر
لا ألطم أعلـى العبــاس
لــو درسه مــا همــاني
*
درس الاخــوه لـو خـدم نحترمه
يــوم الگمــر ثبت أصوله أبدمــه
موكبنــه واحـــد والخلگ ملتـمه
والمستهل واحد يـظل
يحسين تبقه انــته الأمل
وموكـــب يشّد الـرادود
وإحــزانه مــن إحزاني
*
دولة خدم مــو بس اســم ونرفعه
للفاجعــه كــون الهـــدف بالــدمعه
موش الاسم معـروف يلله أنسمعه
لكلمّن قــره نـوگف ســره
مـــو شـــرط بث وكــامـره
كون أستمع للخــدّام
لــو بالهــدف إيمــانـي
*
كون الــدرس تقــراه جميع الخـدّام
ثورة إصلاح حسين مو بس إعلام
من تِخدّمه لا تسدد أبصدره إسهام
بصدره نبل وحسره لطفل
وظهـره انكسر لجــل الكــفل
لـَـ نخلي الحسين أربــاح
خلــي الربـــــح ربــانــي
*
الخادم صدگ يعكس صور أسياده
لا يغــتــر ويتعــالـى لا يتمــاده
يصــبح عبــد كــون بفخــر للساده
لآل النبي يحّبي حبّي
لا عالي جاهي ومنصبي
خل يتواضــع ويگــول
حسين اليعلي شــانــي
*
الشاعر
موسى البديري
https://youtube.com/watch?v=4fqqOhWlFH4&feature=share9
Читать полностью…
https://youtube.com/watch?v=BZYr37GQOvo&feature=share
Читать полностью…
الى سيدتي العقيله زينب عليها السلام
جبـــل صبــري تعالـــه لو عِلّى الشام
وعلى الطف انه انوحن لو على الشام
تظـــل بالــروح يهلــي لــوعه للشام
اشــد مـــن لـــوعتـــي بالغاضـــريه
الشاعر
موسى البديري
بديها احبــال بـس أزرگ متنها
زغيـره وعـن بـواچيهـا متنها
الــف موتــه مصايبها متنها
وأشدهن فـــارگت روح الزچيه
الشاعر
موسى البديري
ميمر ( درب حسين ) إلى زوار الاربعين
جنـة عــدنْ درب حسـين
مــن تگصــد المشايـــه
*
جنـة عــدن درب الزيــاره أنحسبـه
بيــه المشّـــه لحسين طايــح ذنبــه
لكن شرط يبقى أعلى نهجه ودربه
يمحي الذنب هذا الدرب من يلتزم بيه المحب
درب الله درب المشاي
لو لـــزم نهجه ورايــه
*
جنة عــدن هــل الــدرب للّي يفهمه
منّــه اليحــب عطــر الحبيب يشمّـه
فــاز الـــذي نــال الشرف بالخدمـه
الخدمه شرف وأعظم هدف وبموكب العزه وگف
ويـرحــب بهـل الـــزوار
وألهم يــدگ الثـــايــــه
*
جنـة عـدن وشلون اعــوف الجنـه
بهــذا الــدرب كــل الخلــگ تتمنـه
مشـايــه ولطــف كـــربلــه تتعنـه
كل الملا لطف كربله تتعنه تمشي راجله
بهذا الــدرب كلها تريد
لحسين تــرفع رايــه
*
هــذا الــدرب محّد عــرف إســراره
بگلب المحب كل ساعه تلهب نـاره
بي تنشغف كـل مــا تزيد إخطــاره
الموكب كبّر رغم الخطر چنه استمع صوت النحر
موكبنا داس أعلى الموت
ويهتـف حسين الغــايــه
**
من تخلص الخدمــه ونوو للرجعــه
كــل الخــدّم تهمــل بحسره الدمعـه
من الجنه مو موكب يحس أمطلعـه
بلهف وألم تبچي الخدّم لو طيحو ذيچ الخيّم
يتجدد أمصاب حسين
لــو خَلصت المشــايــه
*
نحسب سنه لدرب المشـي ونعـدلـه
جنـــة عــدن هــــذا الـــدرب ننـدلّــه
ومن تبتدي الخطـوه أبفخر نگصدله
من البُعد لدربك نرد نلتم مثل روضة ورد
يا جنـة الله أعلـى الگاع
يا سر خلــود ألأيـــه
*
الشاعر
موسى البديري
قصيدة ( دولة المواكب ) لمناسبة زيارة الأربعين
هــا هنـــا دولـــة المـــواكب
هــا هنـــا ثامــن العجــــائب
من تگصد الصوبين يفــرح عراق حسين
*
بس بالعــراق مـا لا يطاق منْ الكرم
مو بس فنون حد الجنون بي للخدم
من الحسن اخذو درس معنى العزوبيه
مـدو السفره لكربله السفــره الحسينيه
مو دوله لا خــلّ تعتنينا الكره الارضيه
نطعـمـهـا وأحنه أعلى الوعد بالاربعينه
هــا هنــــا دولـة الامامـه
هــا هنــــا منبع الخدامـه
لو تعتنينا الصــين يفرح عراق حسين
**
كــل البــلاد تعلن جهــاد الخــدمتــك
والعـاشقين بـالأربعيــن لـو گصدتك
يا سيدي اتشوف العجب في دولتــك هـايه
متجــوع لــو كـــل الـــدول تتعنــه مشـايه
الينظــر مواكــب خدمتـــك يتحيـّـر بــرايه
بمصحف غرامك سيدي هالخدمه چـن ايه
هــا هنـــا دولــة العجائب
هـــا هنــا تسمو بالمراتب
ابخــدمتنا مفتخــرين يفرح عراق حسين
**
في كربــلاء سر السمــاء ســر الأرض
لكل الوجود ارض الخلود صارت نبض
ثامــن عجيبه دولتــك يحسـين مـوصـوفــه
أول بلـد تتعــارك أهلــه لخدمـــة أضيـوفـه
ولــو تخلص الخدمه تظـل دمعاته مـذروفه
ويتــاني جيت أزيــارتك وبــروح ملهوفــه
هــا هنــا منبع الابــائي
هــا هنــا يُـرفع الندائي
خل المسير اسنين يفرح عراق حسين
**
لجــل الإمــام دولـة غرام من تنوصف
سرها عجيب لجل الحبيب مـــا تختلف
هذا العشگ محد عــرف بالعالم إسـراره
حتــى الفقيــر بدولتــه ميعــوفه خطــاره
لو يعتني العالم مشي بكل ناسه وأقطاره
بالاربعينـــه تظـــل بالكــرم محتــــاره
هــا هنــا جنة السمائي
هــا هنــا دولــة ألولائي
بالخدمه گرت عين يفرح عراق حسين
*
چم فيلسوف لمن يشوف هــذا الشعــب
بيهـم يحيــر لمــن يسير بأرض العجب
ما چنه يمشي أعلى الأرض من ينظر الخدمه
چنـه مشــه بجنــة عـــدن والنـــاس ملتمّـــه
وأهــل المــواكــب للمشو تهتــف فــرد كلمـه
أتفضــل يزاير يــا هـــلا بفردوس أبــو اليمه
هــا هنــا دولــة العـوابس
هــا هنــا ما مــن منافس
للخدمــه مخلوقين يفرح عراق حسين
*
الشاعر
موسى البديري
قصيدة ( جرح الشام ) تقرأ بطريقة التراث قصيدة حمزه الزغير الماي شلون اشربنه او بطريقه حديثه
جــرح الشــام فــلا يلتــام
تسعـــر جمـــــرة أمصــابه
*---------------*---------------*
جـــرح الشام مـا يهجع
ولا يگطع ابـــد نــزفــه
جــرح الفــاگده إخـوتها
ابـــد لا تعتقــد يشفــه
مو سهله الحرم بالسوگ
الشــامت بيــها يتشــفه
ولا بالعشره اظـم وجهي
وعــن الگـــوم اتخــفــه
وتشــوف الناس أخـــت عباس
تمشي ويــاهـــا ســــلابــه
*---------------*---------------*
جــرح الشــام يــاذيني
ويظل يلچمهن أجروحي
اشــد كــل نايبــات البين
جمــر يتــلاهب أبروحي
نوحــي لغيبت الخــــوان
يبقى لجرحه اشد نوحي
لان ذبـاح يمشــي ويــاي
ويمـــي راس مذبـوحــي
تجــري العيـــن لاخــوي حسين
من اشوفن شيبت اخضابه
*---------------*---------------*
جــرح الشــام اشــد وأكلف
من جرح الطفوف أضعـاف
شــافــو زينــب الشمـــات
وگبــل چـانت ولا تنشـــاف
مسبيه أعله هــزل النــــوگ
وعلى البلدان ظــل تنطـاف
گلبي مــن الطفــوف ينـوح
وعليه جـرح السبي ينظاف
جـــرح نـــزفـــه فـــلا يشفــــــه
بگلبي يوجــــع أصــــوابـــه
*---------------*---------------*
جرح الشـام ظـل للـدوم
يصعــد بالنفـس نيــران
اشـد مــن نــار خيمــاتي
لمّن طــاحـــوا الخّــوان
بيــت الطبـــه جــبرائيـل
أطبه امچتفــه بـديـوان
گلبي مــن الحزن مذبوح
ويضحك ابن أبو سفيان
نظـــر لينـــا شمــت بينـــا
وگلبــي راد غيـــابـــــــه
*---------------*---------------*
جــرح الشـام منــه يلـوع
گلبـــي ولا يكــف ويهيــد
مــن طبينا لأرض الشـــام
بسبينا الناس عدهم عيـد
وشفت ثغر العميد حسين
يضربــه ابخيزرانه أيـزيد
وشفت رايــة گمــر هاشم
يوسفه انحملت أبغير أيــد
صحــت وسفــه لـــون چفـــه
يـــرد ويشــاهـــد أحبـــابـــه
**
الشاعر
موسى البديري
جبـــل صبــري تعالـــه لو عِلّى الشام
وعلى الطف انه انوحن لو على الشام
تظـــل بالــروح يهلــي لــوعه للشام
اشــد مـــن لـــوعتـــي بالغاضـــريه
*
الشاعر
موسى البديري
بقيــوده ويجـــرن دمعــــاتـــه
☼ـــــــــــ☼ــــــــــ☼
الله يســاعـــد گلبــه وروحـــه
مــا بطـــل دمعــاتــه ونــوحـه
چم رگبه يشـاهـــد مذبــوحــه
السجــاد يـذبحــن عبـــاراتــه
☼ـــــــــــ☼ــــــــــ☼
شاهـد جسم حســين اتگطــع
وبالطف مـن الخيـل أتـــوزع
من دم حگه يسيــل المدمــع
مــا تبــرد تسعـــــر جمــراته
☼ـــــــــــ☼ــــــــــ☼
شاهــد بالطــف جـسم الأكبـر
چــن طــاها أمــوزع ومطبـر
وعبدالله اتــروه مــن المنحر
وبالنبلـه انذبحــت ضحكـاته
☼ـــــــــــ☼ــــــــــ☼
شــاهد بـــدر القــاسم بالطــف
شلون أسيــوف البيهن يِنـزَف
أبــدم الهامــه يحنّــون الچــف
وبــالعــاشر طفـــو شمعــاتــه
☼ـــــــــــ☼ــــــــــ☼
شاهــد بالدمعـــه المــذروفـه
الكافـل عمــه أبــلايا چفـوفـه
طايح والغيـره مــن اجروفـه
عالكــافــل تـكبـــر شـوغاتـه
☼ـــــــــــ☼ــــــــــ☼
شاهـد حــرگ أخيــام الخــدّر
يوم الهجمت وسفه العســكر
أيتـــام يشـــاهــدهــم بالبـــر
وتضحــك يسمعهــم شمـاته
☼ـــــــــــ☼ــــــــــ☼
شاهـــد عمتـه مـن يگيـدوها
وعـالهَـزّل گــام يــركبــوهــا
گلبــه أتفطــر مـن شتمــوها
والســـوط أيلـــوع عمــاتــه
☼ـــــــــــ☼ــــــــــ☼
بيده الگيــد ويصعــب حــاله
وينظـــر بالــدمعـات أطفــاله
وروس أهله مرفوعه اگباله
تكثــر مــن يصــد آهـــاتـــه
☼ـــــــــــ☼ــــــــــ☼
چم مـره مات مـن الحسـره
من شاهــد مچتوفـه الحـره
خــدّر راحت للشـام أســره
مــات السجــاد بلوعــاتـــه
☼ـــــــــــ☼ــــــــــ☼
الشاعر
موسى البديري
قصيدة ( الوضوء ) كل ما غسل الامام علي بن الحسين عضوا للوضوء أو مسحه يتذكر عطش أبيه
تـرد عليه نـايبـاتي بالـوضوء لكل صلاتي
ينرســم طف كــربلاء
وتنزل أدمـوع العـزاء
بالــوضوء لكل صلاتي
**
أبكل وضـوء الطـف جمــر يصعد لهيبه
ومـن جديــد تــرد علـيّ ذيـچ المصيبه
أبدمعـه اذكــر والـــدي وجثتـه السليبه
هــذا مـــاي وشيبتــه ظلــت خضـيبـه
بالرزيه الماي لــو أشوف بوضوئي بالرزيه
والعزيه تردلي كل فرض أبصلاتي والعزيه
بالوضوء يمرني ذكره
اشعر أبدلاله جمــره
تلتهب صبح ومساء تنزل أدموع العزاء
**
مـن أشيــل المـاي انــه أبيــن أديـه
بكــل وضوء أتشـب خيام الهاشميه
وجهي لو اغسله تهل دمعـه جـريه
عالبقه خده تــريب أعلى الـــوطيه
دامي خـده بالوضوء اذكـر أبويه دامي خده
ضامي بعده من أشوف الماي اذكر ضامي بعده
بالوضوء يمر مصابه
اذكر أهمومه وعذابه
حگي أموت من البكاء تنزل أدموع العزاء
**
مــن اغسل اچــفوفي تمــر بيـه الفجيعه
اذكــر العبــاس وچــفــوفــه الــگطيعــه
مــاي يجــري ومــا شرب من الشريعـه
ضامي يـدري حسين بالخيمه ورضيعه
ظل ينطره يدري گلب حسين حاير ظل ينطره
گلبه جمره من گصد صوب الشريعه گلبه جمره
عمي اذكره ودمعي يجري
بس طفوف حسين عمري
اذكـر اچفوف ولـواء تنزل أدموع العزاء
**
امسح أبراسي وتموت أبصدري عبـره
وتهمل أدمــوع النوظر گطــره گطـــره
اذكــر حسين الغــريب الــدامي نحــره
عالرمح راسه وخضيبه الشيبه حمـره
شيبه دامي من نَزِف دمه حسافه شيبه دامي
بعده ضامي من أشوف اشفافه ادري بعده ضامي
ظامي ظل ابن الزچيه
بكل وضوء انصب عـزيه
عالخذو منـه الـرداء تنزل أدموع العزاء
**
امسح اجدامي الدمـع من عيني ساچب
تجـري بفكاري وتـمر ذيــچ المصايــب
عمتــي اذكــر حايـــره أبيـن الأجــانـب
كل وضوئي يصير بس لوعه ونــوايب
يا مصابي. ابكل فرض تجري المدامع يا مصابي
يا عذابي. عمري بالـدمعات ضايع يا عذابي
بكل فرض عمتي سبيه
بالوضوء انصب عزيه
وسفه بت خير النساء تنزل أدموع العزاء
*
الشاعر
موسى البديري
https://youtube.com/watch?v=7g9TUjRYuEk&feature=share9
Читать полностью…
عندما قال الامام السجاد لأبن حذلم رحم الله اباك كان شاعرا قم وانعى الحسين
على حالـي لوّن أتــريد تنشاد
عليل آنــه واديه بگيـد تنشاد
كون أبطور فگد الأهل تنشـد
يبن حذلم نعــي للغاضــريه
الشاعر
موسى البديري
بيت ابوذيه إلى الامام السجاد عليه السلام
عليل وگيد وسفــه صـار بيـداه
وچم آه التسلمــه اليــوم بيد آه
يصد للحرم تمشي بگـاع ⃰ بيـداه
بعـــد عيـن الكفل تحديها أميه
الشاعر موسى البديري
⃰ صحراء
كــون أمـوتن بالمجــالس تغمض العيــن
وآخر أحروف أعلى شفتي اسم الحسين
مــنْ أبواليمـه شأريد
خادم أتسمى وشهيد
*---------------*---------------*
ريت عمري يگضي خدمـه
مـن زغــر حــد المشيب
وريت يخلص كلـه مجلس
نــوح للشيـب الخضــيب
عمري لـو مــا بي خدمتك
چني عــايش بي غـريب
آنـه أعمى وأنتــه شمعــه
بمجلسك روحـي تطيــب
ريــت اظلــن بالمجــالــس كـــل السنيـن
وآخر أحروف أعلى شفتي اسم الحسين
عمري بالمجلس جديد
خــادم أتسمى وشهيــد
*---------------*---------------*
شنهي عمري بلا مجالس
شنهي عمري بـلا عزاء
والله أحس مخنوگه ريتي
بمجلسـك اشــتم هــــواء
الدنيا ما أحــس بيها دنيا
لــوّن مــــا بيهــا بكــــاء
الدنيا وحشه أتصيـر كلها
بغيــر تـــربــة كــربــلاء
كــون أمــوت بموكب وبيــن الضريحين
وآخر أحروف أعلى شفتي اسم الحسين
والله احّسنْ بيها عيــد
خــادم أتسمى وشهيــد
*---------------*---------------*
كل شخص يعشگ دليلـه
يبقــى هــايــم للمــــات
ويلهــج أبأســـم اليحبــه
ويحلم ابذيــچ الصفــات
هذا حقه أهــل البصــائـر
تــروي في هـاي الحياة
حقــي يحسين بغـــرامك
حـيّـرت كـــــل اللغــــات
عمــري فـــدوه لمجلــسك يبن الميامين
وآخر أحروف أعلى شفتي اسم الحسين
رغم كــل حاقـــد عنيد
خــادم أتسمى وشهيــد
*---------------*---------------*
والله يحســين أمنيـــاتــي
خــادمــك آنـــه أصيـــر
يــا أمـيـــر الــدنيـا كلــها
واليخدمـــك هــم أميـــر
عبد خليني أعلــى بـابـك
حتــى باچـــر مـا أحيـر
وكون بالمجس أمـــوتن
والله حظـي شگد چبيــر
والله حظــي شكبــره أموتـن مــنْ الونين
وآخر أحروف أعلى شفتي اسم الحسين
بذكــرك المــيت سعيــد
خــادم أتسمى وشهيــد
*---------------*---------------*
گالــــوا اليعشــگ حبيــبه
تلهــج أبذكــره الشفــاه
ويبچي من وجده وغرامه
ويسهــر الليـــل لجفــاه
عمره يــرخص لليــــوده
ويفدي محبوبه أبدمـاه
يـــا عشـــگ ذوّب دليلي
ابــد مـــا اريــدن سـواه
يــــا عشـــگ حيّــر جـميــــع العــــالميـن
وآخر أحروف أعلى شفتي اسم الحسين
ينـبض بحبــه الــــوريد
خــادم أتسمى وشهيــد
*---------------*---------------*
ريت مـلك الموت باچــر
ياخــذ أسنــين الـعـمـــر
لكن أبمجلــس عــزائــك
أمنــيه وبيــهــا افتـخــر
كــون دمعــاتي بعيــوني
واثر لطمه أعلى الصدر
وكون من اسمع أمــوتن
يــرفس أبصـدرك شمر
مقتلك ريت مــن اسمعــه تغمــض العين
وآخر أحروف أعلى شفتي اسم الحسين
وأظـــل مثـك عالصعيد
خــادم أتسمى وشهيــد
*---------------*---------------*
الشاعر
موسى البديري
قصيدة ( ما چانت ابدن عالبال ) ايام السبي التي مرت بالسيده زينب عليها السلام من الارشيف
مـــا چـانت أبــداً عالبال زينـب سبــيه
ومچتفه أتطـب اشلون ديـــوان أمــيه
بعد الكفلهه زينب بعد الكفلهه
*-----------*-----------*
زينب للخدر معروفه هيــه الســاس
وما واحد نظر ظل إلهه بين النــاس
نادت بالحزن يا خويه يا عبـــــــاس
ترضاهه أنسبي ياخويه بين أرجاس
ترضى انسبي يا عباس من عگب عينك
وتشمتت بيــه النــاس يــا خـويه وينك
مايل حملهه زينب مايل حملهه
*-----------*-----------*
زينــب والحــزن وارثتــه مـــن البـــاب
مــن هامت علــي الطبروهه بالمحـراب
من چبد الحسن بالسم تشوفه إنصـاب
لمصاب العاشر إمصابه اشــد إمصــاب
البــاب وتشــوف بأحـزان هامــت وليــهه
مصاب الحسن ويــه حسين نـزلت عليهه
مصاب الكفلهه زينب مصاب الكفلهه
*-----------*-----------*
شد بيهه الضـــعن مسبية للكـــوفه
وشافت زينب الما واحده أتشوفـه
مــرت عالجثث والدمعــه مذروفـه
صــدت للكفيل إمگطعـــه چفوفــه
چفوف الكفيل إعلى الگاع ضلت گطيعه
لمــن وگــع راعـي الــزود يــم الشــريعه
واگع أملهه زينــب واگــع أملهه
*-----------*-----------*
من الكوفة الضعن طوح گصد لبعيد
للـشام الضعــن گاصــد لعنــد أيزيــد
وصلنه الشام خويه ولنه عدهم عيد
وعلي كلهه اتفـرج ترضى يالصنديد
زينــب تگــول الشمــات غايــب گمــرهه
عگــب الكفلهه العــباس شامــت نظرهه
من عگب أهلهه زينب من عگب أهلهه
*-----------*-----------*
خــويه الشـام بگليبي لهب نيـــران
لان تدري يخويه الشام ألي عدوان
وينظرلي يــزيد وأنـــه بالــــديوان
يگـلي وين زينـب راحوا الولـيـــان
وبچفه يضرب ياحيف ثغر أبو اليمه
والهادي چان وتدريه يقــبله ويلثمه
أبدمعه يهلهه زينب أبدمعه يهلهه
*-----------*-----------*
بخــرابه أيزيد أمــر خــويه بالعيلــه
ولـن فــزت رقيـه أبمـدمــع أتسيلـــه
عمــه أتگـــول أريــد حسين هاليـلـه
منين حسين أجيبه وحـزني أشكيله
ومنين أجيب المظلوم هــاي المسيه
ولن راس أبوهه المذبوح تنظر رقيه
وشافت أجلهه زينب وشافت أجلهه
*-----------*-----------*
الشاعر
موسى البديري
قصيدة ( جرحهم زينبي ) كل الائمه عليهم السلام كان يبكون لمصيبة كربلاء ولكن اصعب جرح هو سبي السيده زينب عليها السلام
جمــر يلهب. سبي زينـب گلب ال النبي
جــرح نزفه فــلا يشفه جرحهم زينبي
بگلب المهدي تسعر والله جمراته
مــا تهده ابـــد عالحـــره آهــــاته
**
جرح يلهب يظل طول الدهر جمـره
اشــد مـن الوگــع عطشان عالغبــره
اشد مــن الخيــول الـرضت أبصدره
سبي عمـته العقيــله زينـب الـحــره
جرح ينزف يظل يهتف يهــز كــل الملا
سبي الحره اشد جمره ابمصايب كربله
يظل طول الدهر يجـريها عبراته
مـــا تهده ابـــد عالحره آهــــاته
*
جرح سبي العقيله يصعــب انــروفه
اشد من الوگــع ومگطعــه اچفــوفه
اشد مـــن العمـود ومـن سهم شوفه
عمته بيا وكت يا وسفــه مچتوفـــه
اشد وأصعب سبـي زيـنب گَطِعْ چف الگمر
الخدر جرحه صعب شرحه أبدليل المنتـظر
جرح كل يوم تكثر والله لچماته
مـــا تهده ابـــد عالحره آهــــاته
*
جــرح بالمهدي ظــل طول الدهر يَكبر
مثـل جمـــراته ذيــچ البالگـــلب تسعر
اشــد مــــن جمـــرة العبــاس والأكبــر
شخص زينب حسافه يشاهده العسكر
خيّم وجــت حـرم هجت بـلا كافل صفت
الف وسفه العدو اتشفه العقيلـه اتسلبّت
بعــد عين الكفلها وذيــچ صولاته
مــا تهده ابـــد عالحـــره آهــــاته
**
جـــرح سبي العقيله المهدي بيه عالم
يهـون اگبالــه فگد ابن الحسن جاسم
مثــل خدْ الــورد فـــوگ التـــرب نايم
لچــن سبــي العقيــلـه يلچــم القــائـم
يجر حسره على الحره جمــرهـــا يلتهب
على عمته دمع سكته علـى الباغي تطب
وللديوان صعبــــه تفــوت عماتــه
مــا تهده ابـــد عالحـــره آهــــاته
**
جـــرح بالمهدي ما أظن واحد يحمّـله
تظـل أعيونــه لجــله المدمــع اتهمــله
اشــد مــن الـــرضيع الفطمــته النبلـه
تطــب للسوگ عمّتـه هــايه مو سهـله
تصيح الناس أخت عباس بعد عين الكفل
آ يــالشـــام اشد أسهام على القائم تظل
شحاله ألي مشــه مــابين شمّــاته
مــا تهده ابـــد عالحـــره آهــــاته
**
الشاعر
موسى البديري
https://youtube.com/watch?v=rW4h7VC4Rbs&feature=share9
Читать полностью…
