بالدمـــعِ واويــــلاه
أنعـــى رســول الله
حزنٌ تجدد ينعى محمد
* * *
انــه بيا دمعــه يالوعـه
أنـــوح لسيد الأكـــوان
وأحسه ويالدموع اليوم
بحزنه ينحـب القـرآن
لفگدك كل نبي ومرســل
ينوح أبلوعه وبأحزان
وينـــوح العالم العلــوي
الليله سيدي أوحيران
جبريلُ في مثواه
بالنوح أذ ينعـــاه
صوتٌ تردد ينعى محمد
* * *
مـن فگـدك بـده الإرهــاب
يتسـلل يبــــو العتـــره
البدايـه چانـت مـن البـاب
يـوم الهجمـت الزمـره
وضربــوا يـا ضلـع للدين
ضلع الطاهره الزهـره
وما ندري النهايه أشلون
أحتـار المؤمن أبأمـره
مــن كسرِ يوم البـاب
منهــا بــدا الإرهــاب
والدمــعُ يشهد ينعى محمد
* * *
أبچي أبحــرگت أدـموعي
أبدمـع من دم فـلا ينشف
مــن فگدك علينـه الجـور
بـــذبـح وآلام ظـل يلتف
بدء أبنحر الغريب حسين
أنذبح ضامي أعلى أرض الطف
وچــم منحـــر لجـــل حبــه
أنذبـــح يـــا سيـــدي أبمـرهف
من منحرِ المظلوم
تجري النحورِ دموم
نحرٌ تخلد ينعى محمد
* * *
وصــه الهـــادي بالعتـــره
لچن سـوو عكس ما راد
أبلا جــرم أوذنـــب ياحيف
العتره مـن الأرض تنبــاد
بسّـــم بالسجن والسيـف
خلصوا يا وسف الأمجاد
ومــراقد عتـــرة المختــار
تنــزال بغـــدر واحـقــاد
بالغدرِ تهوى صروح
يسعى إليها الــروح
يهبط ويصعد ينعى محمد
* * *
ما كفــى الذبــح بالسيف
ولا مـــن حـــزو المنـحـر
قــنابل صــــاروا الأنـذال
بينــــه أردود تتـفجـــر
لان يــالهــادي. حبينــــه
عتــرتك فــتـوه تتصــدر
لازم شيـعــــة الكــــرار
نــزف دمهم يظل أحمـر
تجري النحورُ دماء
مــن زمــرةِ الطلقاء
والجــــرحُ ردد ينعى محمد
* * *
الشاعر
موسى البديري
عظم الله لكم الاجر واحسن الله اليكم العزاء في ذكرى أربعينية الإمام الحسين عليه السلام وعودة السبايا
الله يتقبل مواساتكم ويرعاكم جميعا بحق محمد وال محمد
نسأل الله القبول والاثابه لنا ولكم
الله يتقبل الزياره وكذلك الخدمه
نسأل الله العوده علينا وعليكم احبتي
اخوكم الشاعر موسى البديري
آ يـــزينب ... عـوّدت بـالأربعـين ... آ يـــزينب
آ يـــزينب ... ردت أبدمعه وانين ... آ يــزينب
نادت ابلوعه وقهر ..... أخ منك يـــا دهر
*---------------*---------------*
زينـــب بمحنــة دهـرها رجعت لطف كــربلـه
بحســرة مفــارگ تنـــادي والمــدامع سايلـه
ادري المســـافر يخوتي أهـــله مــن تستقبله
وانـــه يا هـو استقبلاني بس نحيـب العايله
وين أهلنه ... عوديــنه لكـربــلاء ... وين أهلنه
رد ضعنه ...بحسره وبلوعه وبكاء ... رد ضعنه
وين عني يا گمر ..... أخ منك يـا دهر
*---------------*---------------*
عمه يالسجــاد نــادت وينـــه دلينــي الغــريـبْ
وين گلــي حسين گبره يِمِّه أريد اشبــع نحيـبْ
أراد اگله الشيب بعده خويه من دمك خضيـبْ
خويه شـاف الماي گلبك لو بعــد جمرك لهيبْ
أنه زينـب .. خويه جيتك للطفوف ..انـه زينب
گلبي يلهب ..مثل گلبك لو تشـوف ..گلبي يلهب
گلبي نيران استعر ..... أخ منـك يـا دهر
*---------------*---------------*
خويــه تنشد عن رقيــه ظلت بديــرت غــرب
منين أبـــديلك محنها خـــويـه يحتــار الگلــب
مـــن تنادي حسين بــويه بسوط بنتك تنظرب
اخ يــا خـــويه الخـــرابه نـــار وبگلبـي تشب
بالخرابــه ... نادتك خويه بأنين ... بالخــرابه
يا مصابـه ...ماتت بلوعه وحنين... يا مصابـه
نظرت لذاك النحر ..... أخ منـك يـــا دهر
*---------------*---------------*
عمه يـــا السجاد أخذنـــي يم كفيلي بحسـرتي
أرد اســـولفله عـــذابي وارد اســولف قصتــي
بدت يـــا خويه المواجــع يـــوم حرگو خيمتي
خويه مچتوفه أعّلىَ هزلْ من طحت يـا هيبتي
والله وسفه ..امشي تالي لليسر .. والله وسفه
هاي كلفه... يحدي بضعوني الشمر ...هاي كلفه
درّت عيني للنهر ..... أخ منك يـــا دهر
*---------------*---------------*
خــويه جمـر الشام يسعــر بالگلــب لتظن يهيد
وانـــه خـــدر الله بعباتي شلون ينظرلي يـــزيد
خويه بيده الخيزرانـه ويظـرب ابــراس الشهيد
صحت يــا خويه أبحسرتي وين عبــاس العنيد
خويه وينك...صحت بدموع العذاب...خويه وينك
ريت عينك...تنظـر لهـذا المصـــاب ... ريت عينـك
يضرب أبأعظم ثغر .... أخ منـك يـــا دهر
*---------------*---------------*
خـويه يا عباس أحلفك بالضلـع مّــنْ انكسـر
خويه وبحيدر أبونه وهامـه ساعة مـا انطبـر
تشاهــد أسيـاط الأعادي شخلت أبمتني اثــر
ادري صاب السهم عينــك اخــذ عيني يا گمر
هايه عيني ... بيها انظر يا گـمر ... هايه عيني
لو تجيني ..تشوف حالي من القهر .. لو تجيني
زينب انه ام الفخر ..... أخ منـك يا دهر
*---------------*---------------*
الشاعر
موسى البديري
قصيدة ( خلصت الخدمه ) حال اهل المواكب بعد اكمال الخدمه
يبدي امصابنه لو خلصَت الخدمه
وشنو نفعه العمر لو مـا ابــو اليمه
*
يبـــدي أمصابنــه وتهــل مــدامعنه
لــو مــن المــواكب يخلــه شارعنـه
چنه مــنْ الجنــان الــوكت طلعنـه
سنـه نبقـــه نتــاني هبـّــت النسمه
*
سنه نفارگ النسمه التنعش الريــه
بس نسمــة الخدمــه الكلها حنيـه
من تگضي نحسها الدنيا مگـضيه
ونعد اعمارنه مــن تبتدي الخدمه
* ****
عمــر وبلا خدامه شينفــع شيسوه
مــِرّه ايامنه وكــت المشــي حلـوه
الخوه بخدمتك تختلف هل الخوه
مــو خــوة مصالــح خـــوة النعـمه
*
يا وسفه الخدّامه خلصت ابسرعــه
ومــن تفــرغ موكابنــه نهــل دمعــه
الگاصــد كربلـه ويعبرنــه شيرجعـه
تظـــل أعيونــه تتــرقـــب لجدمـــه
*
تطيح اعمارنــه لــو طـاحت الـــرايه
وتگضي لــو گضـت لحسين مشــايه
عطشانين نبقـــه لخــدمتــه ومايــه
نبع حب الحسين الضاگه مـا يضـمه
*
ليلـة وحشــه چنهــا بالگلــب تـرهـب
لــو گالـــو نســـده بــاچــر المـــوكـب
وي دمــع الجفن للخدمه من نحسب
سنه انتاني عطر هل الخدمه نشتمه
****
الشاعر
موسى البديري
قصيدة ( بيا موكب ) إلى السيده زينب عليها بعد عودتها إلى كربلاء بمناسبة الأربعين
بيا مــوكب گعــدتي تهل العــيون
ياهــو استقبلچ مــثل الــيزورون
من وصلتي لكربله والمدامــع هامله
بيا مــوكب گعــدتي تهل العيــون
*---------------*---------------*
عــادت الســافر يزينــب يحــن دلاله لهله
ولو يـرد من بعد غيبه أهله مــن تستقبله
لا أهــل تانت ضعنكم من رجعتـي لكربله
لا مواكــب تنظــركم تحيّي يالــزاير هلـه
وحدّچ لمن رجعتي بحسره وبآه
وضعنــــچ بالهـــلا محــد تلگــاه
لا كفيل استقبله والمدامــع هاملــه
*---------------*---------------*
يا هــو گال يعينـچ الله مــن رجعتـي بالنسه
ويا هــو گال اهنا يحره بـــاتي لو حل المسه
زينب ومركب عذابــچ آه بالطـف مــن رســه
ليش ضعنچ راد وحــده لا كفــيل اليحــرسه
رد ضعنج يزينب لوعته وياه
وماكو وياج زينب ناس تنعاه
ظعن رد ابلا هله والمدامع هامله
*---------------*---------------*
عــادت اليمشي يزينـب بالمـواكب يستـريح
وكلها يالزيار تنــادي بيــك يــا اهــلا تصيـح
يعينك الله راح توصل شوـيه باقي للضريح
ودمعــج ابطول الزياره قطعه ماكو للذبيح
تمشين ودمعــوچ تــارسه العين
وكل خطوة جدم ياخويه يحسين
خويه جيت لكربله والمدامـــع هامله
*---------------*---------------*
فاگده اهلچ رجعتي وروس جبتي ويه الضعن
شكبره صبرچ يالعقيله اصله من صبر الحسن
ويه الربــاب ورمله انتــي ويه ليلى مـن بچن
عيونــچ ابكــثر البواچــي زين والله وما عمن
رد الطـف عليكم زينــب اردود
رد ذاك الذبـح والنحر والجـود
ونحر نبلة حرمله والمدامـــع هاملـــه
*---------------*---------------*
من مصــابچ يالعقيله انتقــل عبــر السنــين
لــو نظرنــا أطفال هسه بالمواكـب ضائعين
ينادي الموكــب عليهم نرجـع لطف الحسين
شحالچ بعاشر مــحرم ويــه يــوم الاربعين
بالحرم محتاره بالطـف ويتــامه
يا ظلامه الما اجت منها ظلامه
حيــرت كــل الملا والمدامــــع هاملـه
*---------------*---------------*
بضعنچ انجمعت عجايب واحتوه اغرب صور
ضعنچ اول ضعن ضــامي يمشي ويـاه النــهر
كـل أمــان الله يــزينب يمــچ وخــوف وسهر
شگد عجيبه انتـي يزينب بيچ محتــار الـدهر
رغم كل الصار من رحتي اسيــره
نصرچ لهل اليوم ما شفنه نظيره
الكــون كله رتله والمدامــع هامـــله
*---------------*---------------*
الشاعر
موسى البديري
قصيدة ( انطي الوجه وين ) من الارشيف تحكي حال خدمة الحسين وشوقهم بعد الموت للزياره والخدمة
أنطـي الوجـــــه ويـــــن
مــــن تغمـــض العيـــــن
والله حيــره حيــرتي لـو مسيت أبحفـرتي
*----------*----------*----------*
باچـــر أعيونـــي تغمض باچــر يلفنـي الأجـل
واتـــرك أمـــوالي وبنيني واترك أحباب وأهل
أي صحيح الخوف يذبح يعتري روحي الوجل
وحشه يا أبو اليمه گبري واذكر انه المستهل
احنـــه غير حسين مــا عدنــه وسيله
الذنــوب أهــــــواي چفتهــا ثچيـــلــه
وغدا يبدو لنا سداٍ منيعا
هــذه آرائنــا فيها جميعا
أبگبري وأنــــادي هــــذا اعتقادي
حسين أنت سلوتي
لو مسيت أبحفرتي
*----------*----------*----------*
وحشه يا ابو اليمه گبري مو لان صرت ابگبر
لان مــــا بيها المگابـــر مجلس ليــوم الحشـر
شلون لو مـرت مواكــب يمي واسمــك ينذكر
يا چفن يربط أديــه ومـــا ادگ أعلـى الصدر
أتحرك أتــــراب وأللطـم للمصــاب
مــا أبطــل عبــرتي
لو مسيت أبحفرتي
*----------*----------*----------*
يبواليمه أحضــرني باچـــر لون بالبــرزخ أحير
مــو لان منكـــر يجينــي يبــواليمــه ولا نكيــر
شلــون لــو مــرني محرم والچفن ابيض حرير
انــه أريــد الچفن اسود لجل حزنك خل يصير
حزنــي علامـــه ليــوم القيامـــه
أنـت حزني ولوعتي
لو مسيت أبحفرتي
*----------*----------*----------*
شلون لو جتني الـــزياره وانـه بالغبــره دفين
واسمــع الــزوار تمشـــي كلها يـــوم الأربعين
واسمـــع المشايه تهتف يالي ثــارات الحسين
حگي يا ابو اليمه اصرخ وين عني اليوم وين
أتـمنــه مشــاي خادم واصب ماي
للــزيـــاره لهفتـــي
لو مسيت بحفرتي
*----------*----------*----------*
وحشه يا ابواليمه گبري لـون مــا شفت العلم
وما سمعت المقتل انــه وگلبك وحــرگ الخيم
يبواليمه طلبه عندي سجل اسمــي ويه الخدم
وبالگبر مجلس انصبه واجـري أدموعي بألم
دمعــي أسيلــه لحــزن العقيلــه
المجلس ايرد وحشتي
لــو مسيت ابحفـــرتي
*----------*----------*----------*
الشاعر
موسى البديري
قصيدة ( شكرا ) للدور البطولي الذي قادته السيده زينب عليها السلام في اظهار واقعة الطف وانتشار اهداف الحسين عليه السلام
شكــــراً يــا زينــب الثوريه
شكـــراً أنتي النصــر راعيه
يا بت علي الضرغام ذليتي كــل الشـــام
شكـــــــــــــــــــــراً
*-----------*----------*
الف شكـــرا يالعقيله عــالابــاء وعالنصــر
الف شكـــرا للتحدي والبطولـــه والخـــدر
من دخلتي الشام ثوره هزت أركان القصر
يالعقيله لهذا يومچ كل ظلم مـــا مستقـــر
ظنــــوا زينب مشـت مسبيه
ظنــــوا بس للمــدامع هيـه
ثـــوره مشت بأيتام ذليتي كــل الشـــام
*-----------*----------*
ألف شكرا يالعظيمـه للنصـر فــي كـــربــــلاء
أنتــي حققتــي ابنظالــچ حـلم كــل الأنبيـاء
شگــد قــرابين بعقيــده قــدميتــي للسمـــاء
وثوره بعد الطف صبحتي حاربيتي الأدعياء
ثـــوره بت حيدره معروفــه
ثـــوره بالشام وي الكوفــه
شما جارت الأيام ذليتي كــل الشـــام
*-----------*----------*
شكـرا نگــول أبمـدامع ويــه يـوم الأربعيـن
يا نصــر حققتي بالطــف يكبــر بمر السنين
هل النصر رادوه خساره يصير كل الظالمين
حاولوا لكن عجيبه مستمـر نصـــر الحسين
نصـــره بصوتــچ بقى للتالي
نصـــره خليتي راسچ عالي
ظل عالي دوم الهام ذليتي كــل الشـــام
*-----------*----------*
شكـــراً وعـــذراً يحره انگولها بــآه ونـــدم
احنه وصفنـاچ زينب بس مآسي وبس ألم
ومــن قريناچ ابحقيقه انته ثوره من القَيّم
چنّــچ العباس واگــف للنصــر رافــــع علم
زينـــب ثــوره فــــلا ذليتــي
زينـــب منذوره الـــچ قافيتي
شما تكتب الأقـــلام ذليتي كــل الشـــام
*-----------*----------*
كــدْ بكيدك من هتفتي رجفيتي ابــن الــدعي
آنـــه بت آيـــة محمد انتـــه ابن مــن تــدّعـي
آيــه صوتــچ يالعقيله لهسه يـــدوي بمسمعي
مــن نوصّفــچ كـون نخجل نكتب بعفه أوعي
حـــره ذليتـي قصــر الجائـر
حــره بيها الــزمن ظل حاير
مـــا همتـــچ ظلام ذليتي كــل الشـــام
۩•••۩•••۩•••۩•••۩
الشاعر
موسى البديري
بعد رجوع ظعن العقيله زينب عليها السلام للمدينه استقبلتها العليله وتسألها عن أهلها
عمّه مــاردو أهلنه وين گليلي المحنّه
يعمّــه يزينب يعمّـــه
*----------------*---------------*
أنتي زينب عمتي لــو هــذا خيالچ
عمــه متغيــره اخبــريني شجرالچ
ليش زرگه ايمينچ وتنزف شمــالچ
شعجب وحدچ جايه ياهو البقالچ
بس علي السجاد شفته
محني اخوي وما عرفته
يعمّــه يزينب يعمّـــه
*----------------*---------------*
بمـــاي عمــه اليــوم رشيـت الثنيه
گلــت هســه والـــدي يعّــود أليــه
شعجب متــأخر بقــه بالغاضــريه
عمه ليش الدمعه من عينچ جريه
أعيوني منتظره تشوفه
ليش مـانعتــه ظــروفه
يعمّــه يزينب يعمّـــه
*----------------*---------------*
عمــه مهـــد الطفــل حضــرته وألــولي
شكثر گلبي وروحي عن طوله حچـولي
وينــه عبــدالله يعمــه ارچــوچ گولــي
يمن فــدوه لطوله كـــون يـروح طولي
والله مشتاگه لضحكته
لهسه صعبـه مــا نظـرته
يعمّــه يزينب يعمّـــه
*----------------*---------------*
عمــه محنيّـه شعجب بنــت الوديعـه
ليش اشوف ابعينچ انرسمت فجيعه
عمّـه جفنــچ يشبه أهـواي الشــريعه
وين عمي الچــان كـل امــرچ يطيعه
عمه لا مــو هــذا طبعه
صوته زينب ما نسمعه
يعمّــه يزينب يعمّـــه
*----------------*---------------*
شعجب ليلى اليوم ما وياها الأكبـر
نزلـــت مــن الناگــه وبهمهــا أتعــثر
ومـو طبـع جسام عــن أمــه يتأخـر
بلهفه چــانـت رملــه تتـرجاه يكبــر
بحسرتـــه دلالــي حــــايــر
بهل السفر شنهو الي صاير
يعمّــه يزينب يعمّـــه
*----------------*---------------*
عمّــه شــو ويــاچ مــا ردت رقيـــه
وانــه أِمّني الـروح ترجع هالمسيه
أرد اگلها اشصار مــن بعدت عليه
عمّــه أحسّنْ بالسفــر مشتـاگه ليه
اشصار يا عمه بسفركم
ابكربلــه اطشــر شملكم
يعمّــه يزينب يعمّـــه
*----------------*---------------*
الشاعر
موسى البديري
السحگ ما كفه ذاك بصدر الحسين
گمنــا اعليـــه نسحــگ بالقصــائــد
متهمنــا العقيــله وحــرگ الخيــام
يهمنه فــلان صــار اترنده صــاعـد
موسى البديري
صرخه وهموم
چنها من طف كربلاء صرخه وهموم
آه يمسمـــــوم
فيــك قــد جُل العزاء آه يمسمــــوم
صرخه وهموم آه يمسمــوم
***
ابشوگ عاشگ للحسين ومـا يفـارگ حضرته
بشوگ يم بـــاب الضريــح بحزن سالت دمعته
جيت أواسـي حسين للطــف بالحسن وبمحنته
چني اسمـــع صوت عبره وگلبي زادت ونّتِه
عــالحسن آه .. چنه صوت من الضريح
عالحسن اه
خـويه ويلاه . نــاده أحسنّه الـذبيـح .
خويه ويلاه
گلبي ملچوم آه يمسوم
***
گتله چني ودمعي يجري شلون ودعـت الحسن
شحــال ابومحمد نظرته واسمع ارتــج الصحن
بالطشت انظـــر چبدته أعيوني أحسنهن عمن
هـــذا بحـــر الجــود كلـــه اخ منـــك يـــا زمن
بحـر الأمجاد . چبده سموه الطغاة .
بحر الأمجاد
وأهل الأحقاد .. شربوه كاس الممات
وأهل الأحقاد
چبدته ادموم آ يمسموم
****
سيدي دمــع المواجـــع گام من عيني يصب
تذكــرت نعش ابو محمد بالنبل مــن ينظرب
نبل مــن ذيــچ الفجيعه صوبك وسط الگلب
وانه من طف المدامع للحسن گمت انتحب
عبره تجري ..للحسن من الطفوف .
عبره تجري
أه يدهـــري . بين مسموم وسيوف .
آه يدهـــري
تجري لليوم آه يمسموم
*----------*----------*
وي دمع عيني التفايض عالوجن من دم يسيح
چني اسمع صوت عبره چنها مـن نحر الذبيـح
ريــت شباچــي هــديه لبو محمد والضــريــــح
وللبقيــع اگصد أزوره ويم صحن گبـره أصيح
يالحســن آه . صوت مخنوگ أبعزاء
يالحسن آه
ريتك اهنــاه . خويـــــه يمي بكربلاء ريتك اهناه
أوحّده الرسوم آه يمسموم
***
أتذكـــرت ودمـوعي تجـري زينـب وزاد النحيب
شلــون شـافت چبد أخـــوها وجمــر البگلبه لهيب
ولنه صــوت يگلي زينب شاهـدة شيبـي الخضـيب
وشافت اعلى الغبره جسمي بالطفوف اصبح سليب
زينـب شلــون شاهدت فيض الدماء
زينـــب شلون
تجري العيون مــن وگع ذاك اللواء
تجري العيون
دمعه للدوم آه يمسموم
****
الشاعر
موسى البديري
هوسات ميمر الى الامام الحسن عليه السلام
يمته الحسن يعلى بــذهب بنيانـه
ومــنْ المنــايــر يـــرتفــع آذانــــه
وتگصد مشي كل شيعته حـزنانه
( وتهتف يا عزنه أوالينه )
*----------*----------*
مـــنْ البقيــع لـــكــربلــه نتعنــه
مشــايه نگصد مــا نظــل نتمنـه
من جنه نطلع ندخل احنه جنــه
( ومشايه انطب يا ابو محمد )
*----------*----------*
غصباً على الضدك نشيد حضره
ممتده مــن گبــرك لحـد الـزهـره
شوفت منارتهـا الدليــل أتســره
( والمهدي يعليها الحضره )
*----------*----------*
بــاب الكـريم الما يــرد خطـاره
باچــر تگصده بكل فخــر زواره
باچــر نلــوذ ونحتمـي بأسـواره
( وبابه مگضيه الحاجه )
*----------*----------*
ننصب مواكب خدمـة المشايــه
مــن كربلــه حــد گبتـك وفــايـه
ومو رايه نرفــع رايـه تتبـع رايه
( وتموج الگاع أبزوارك )
*
الشاعر
موسى البديري
يا محنت رقيـه ويا عظم ونهـه
أحير بيا مصيبه لـــو أوصفنهه
**
يا محنـت رقيـه ويا عــذاب الشـام
روح حسين هـــاي وللگـــلب شمـام
سبيه أشلــون تالي بوليـــه الظــلام
وأمــلاك السمـا جانن يخـــــدمنهــه
* * ***
يا محنت رقيـــه أشلـــون أوصفهــــه
بالشام أعلـــى زينب جـددت طفهـــه
ومثل چــف العقيــــله گيــدو چفهـــه
ومـــن عزهه يويلي گطعــت أبظنهه
* * ***
يا محنت رقيـــه التدمـــع ألهـه العين
شافت بالحلم چن يمهه أبوهه حسين
فزت مـــن حلمهــه وتصفــگ الچفين
وأجن يمهه الفواطم ظل ينشدنهــه
* * ***
ينشدنهـــه وگلبهـــه أتگبـــــع بهـمـــه
أجـــت يــم العقيلـــه أتگلهه يـا عـمـه
چـان أهناه أبــوي حسين أبــواليمــه
وغفت روحي يعمه أبحضنه أحسنهه
* * ***
مـــن نومه گــعـد خايف ذهيـل أيزيــد
گلَوله يتيمـه أتشـوف أبوهـــــه أتريــد
أخذ راس الولي ألهه عســاهـــه أتهيد
وعلى راس الولي خل تسكت أبونهه
* * ***
ولـــن تنظر رقيـــه أبطشت المــذهب
راس حسين أبوهه بالـدمه مخضــب
هــــوّت فوگه تشمه والگلــب يلهـــب
تگلهه أشلون بعدك روحي أصبرنهه
* * ***
أبگلب يلهب تشمه وخمــدت الأنفـاس
ولن روح العزيزه فاضت أعلـى الراس
گلــــي بيا مصيبـــه يا محـــن تنقـاس
بس بالطف مصاب الطفله أقيسنهــه
**
موسى البديري
قصيده للسيده رقيه(( عاشر الخرابه))
خويــــه يا عذابـــه عاشـــر الخــرابـــه
فَـــزت أبدمعــــه رقيـــه
رجّعتّلـــي الغاضــريــــه
*
خويه صعبه آه يــا ذيـچ الخرابــه ويــا حــزنها
خويه صعبه بس حـرم وبـلا كفيل ألـوي ضعنها
خويه صعبه مــن بـده ليــل الخرابه وزاد ونـهـا
خويه صعبه شلون عيني بالخرابـه تسد جفنها
تغفه صعبه عيني لا اخّـو اليجنـــي
وينظـــر لهاي الــرزيه
رجعتلـــي الغاضــريـــه
*
يا مصابه خويه جمر الشام يلهب وي دليلي
يا مصابه بالخرابه والگمـــر مــا ضوه ليلي
يا مصابه عـاشـر أحزان الخرابه أبلا كفيلي
يا مصابه شلون اصّبر طفله بالون تشتكيلي
عمّه هسه اجاني دنيتي وزماني
چان يمي بهل المسيه
رجّعتّلــي الغاضـريــه
*
بالخرابـه أنعاد يــوم العاشـــر وحـــزنـه عليـه
بالخرابـه خويه نحرك شفته مــن دمعـة رقيـه
بالخرابـه سهم گلبــك شفته وي ذيــچ المسيه
بالخرابـه شفـت صدرك داسته اخيول ال اميه
نــادت الحنيـنه عمّه أبــويه وينه
شعتذر يبن الزچـــيه
رجّعتّلـي الغاضـريـه
**
عمّه اريده نـادت بليـل الخــرابـــه وبيَّه جمــره
عمّه اريده هسـه بحضانـه جنت شممني عطره
عمّه اريده منين اجيب الصعدت الخيل أعلى صدره
عمّه اريده منين اجيبــه والشمـر حــزّاله نحره
عمّه غمضي عينچ وبطلي من ونينچ
ونامي يا عمّه رقيه
رجّعتّلـي الغاضــريـه
*
ما أجاني عمّه أبوي السافر وعن عيني غايب
ما أجاني عمّه مــا اگـــدر أنــام مـــن النوايب
ما أجاني عمّه حضن الـــوالد ينسي المصايب
ما أجاني عمّه مــا يرضه نظل احنه غـرايب
عمّه والله حيــره بالغـــرب أسيره
والشماته أتعيل بيه
رجّعتّلـــي الغاضــريــــه
*
عمه زينب خويه صاحت والطشت بالراس اجانه
عمه زينب وين حضه الدافي شــو خالــي مكانه
عمه زينب بنــته آنــه ومنهو اليعوض حنــانــه
عمه زينب نـــادت وعالـــراس ردتلك أمـــانـــه
ماتت الحزينــه راحت مـــن أدينه
والحلم صار المنيه
رجّعتّلـــي الغاضــريــــه
*
الشاعر
موسى البديري
قصيدة ( ليل الخرابه ) الى السيده رقيه عليها السلام
ليلـي چــن ليــل اهـــدعـــش
خـــوف وإحـــزان وعطــش
بالخرابــه بالخرابـــه
*
خويــه يــرعب والله يا ليل الخرابـــه
عليّ رد ليل اهــدعش والله وعــذابه
منين أبديـلك واســـولفلك مصـــابــه
حــرم خويــه ولا أهل عندي وگرابه
غريبه أتذكــرت ليــل اهــدعش
غريبه خـــوف وآلام وعطــش
غريبه الحزن من صبري نهش
بالخــــرابــه بالخـــــرابـــه
*
بالخرابــه الليـــل نگضيـــه بـــرزيــه
چنــه ليل اهدعش بـأرض الغاضريه
خويــه شحچيلك مصــاب الصار بيّـه
بالخرابــه مـــن بچــت بنتــك رقيـــه
يخويه بيش اصبــر الفاگـــده
يخويه وهيـه شوفــك رايــده
يخويه يصعــب البينــه ســدّه
بالخــــرابــه بالخـــــرابـــه
**
آه يـــا ذيــچ الخرابــه ويـــا ألمـها
خويه شحچيلك مصايبها وهضمها
يــوم گعـــدتلي رقيــه مــن حلمـها
شلون أصبرها وتريدك انتـه يمـها
تنّادي وين أبــوي اشـأخــره
تنّادي بحالي أريد آنه اخبّره
تنّادي والعـــــدو بيــها دِره
بالخــــرابــه بالخـــــرابـــه
*
خويه جابوا راسك ونظرت عالراس
نادت بصوت الحزن يالكلك إحسـاس
بويه غايب ليش انته وعمـي عباس
خويه شبگت راسك وما ظلت أنفاس
حنينه وتـــانتــك بيـــها تِمّـــر
حنينه بسوطــه لوعها الشمر
حنينه وخلص من عدها العمر
بالخـــرابــــه بالخــــرابـــــه
*
آه يا ليل الخــرابـــه الـــزاد حزنـي
مـــن هنّد سألـــت تريد إخبار مني
عنــك أتنــاشد يخــويه انـوب عني
حگي يــا أبو الأكبـر من يزيد وني
دموعي خويــه تشرح قصتي
دموعي جمر يحـرگ مهجتي
دموعي هيه صـــارت سلوتّي
بالخــــرابــه بالخـــــرابـــه
الشاعر
موسى البديري
https://youtu.be/-XaslZRRVYo?si=9mSbH__NuPIvtOTJ
Читать полностью…
https://youtu.be/51XlbilJixs?si=AAGEEVGnjnEJn5hn
Читать полностью…
بعد عودة الضعن الى المدينه وسمعت ام البنين صوت الناعي ينعى الحسين خرجت مذهوله
صوت النعي منين يـــا يمّــه يحسين
يا بشر خبرني شجره نــار بدليلي اموجره
صوت النعي منين
**
ام البنيـــن الاربعــه بـــأرض المدينـــه
نيــران تلهــب والگلـــب دايــم ونينـــه
والينـتظــر غايــــب يــــرد الله يعينــــه
ما تهده ناره وعالدرب مشبوحه عينـه
تتنطـر إخبـــار أوسط الگلب نار
شيطفي ناره المسعره نــار بدليلي اموجره
صوت النعي منين
*
تــدريهـا التفـارگ ولـــد تتنطـــره أيعــــود
وكل ساعه لفراشه تصد كل ضنها موجود
شحــال التفـــارگ أربعـــه آويــاهم العـود
أحــا يگلـــب الوالـــده بالحســره ممــرود
توگف على الباب واتانــي غيـــاب
وشيصبر المتحيــره نــار بدليلي اموجره
صوت النعي منين
*
منتظره ردتهم لچن صــوت النعـي صـاح
ركضتله بس وسط الگلب صوبها برماح
ياهو انته صحت والدمع من الجفن طـاح
يالتنعه گلبي وي النعــي من الصدر راح
تنعــامن اليــوم وشجايب اعلوم
وينه عزيز الطاهره نــار بدليلي اموجره
صوت النعي منين
**
لمـن ســـأل عنها أنــذهل ام الولّــد هــاي
تسأل على حسين ابدمع بس فاگده الراي
گــال الهـا ولــدچ عالثـــره گلتله عينــاي
وطاح الگمر يم النهر بس ما شرب ماي
ولـــدچ مطــاعين گالت والحسين
گللها ظل اعلى الثره نــار بدليلي اموجره
صوت النعي منين
*
مــا همتــچ هـــاي الولــد كلهم مچـــاتيــل
بحسين خبرنــي شجـره ودمعـاتـچ تســيل
مــذبوح وبصــدره تــرض يم الگمـر خيل
والراس عالرمح أنرفع كــل لحظه ويميـل
يوليدي مذبــوح وزينب سبي تروح
وبالدمه جثته امعفره نــار بدليلي اموجره
صوت النعي منين
*
صاحــت يــا ابو السجــاد ريتك تجينـي
وريـــت الخيــول أدوس دونـــك بنينـي
يبنّ الــزچيه يطــول نـوحـي أو ونينـي
أعميهـا لــو متسيـل بالــدمعــه عينــي
ما ابطل النوح لو تطلع الروح
ابچي عزيز الطاهره نــار بدليلي اموجره
صوت النعي منين
*
كـــل الــولــد لحسين بالطــف هديــه
وســالم يــرد يــاريت شبــل الزچيــه
صدري يريتــه انــداس بالاعــوجيـه
ودونــه علـى التربــان بالغاضــريـه
من اشرب الماي تتـــلاهب اچلاي
چبدي ألك متفطره نــار بدليلي اموجره
صوت النعي منين
**
بس الك ظل مكســور يوليدي ظهري
وي نحرك المگطوع گطعولي نحـري
يحسين أظــل أنعــاك يوليدي دهــري
وفــدوه لونه يــروح بالدمعـه عمري
ما تنشف العين يوليدي يحسين
أنعاك أظل لــــلاخره نــار بدليلي اموجره
**
الشاعر
موسى البديري
قصيدة ( آه يا جابر ) من وزن الموشح بعد عودة الامام السجاد عليه السلام ولقائه بجابر بن عبدالله الانصاري
آه يـــا جــابــر تنــــاشــد عـالجـــره
منين اسـولف والله روحـي مّحيره
*----------------*---------------*
منين أبـديلك واسولف يــا مصـاب
مــن مصــايـب كــربلــه دلالـي ذاب
عن أبــوي حسين لــو عـــن الشباب
اجســوم ظلت مــن دمـاهـا أمعفره
*----------------*---------------*
أرد اسولفلك علــى حسين شسده
بعــد ذبحــه داستـه أخيـول العـده
وجثتــه ظلت عالــرمـال أمــوسده
بعــد مــــا گطعــت أميــه منحـــره
*----------------*---------------*
آه يــا جابــر بعــد عيني شتشـوف
عالشريعه الگمر مگطوع الچفــوف
قِبلِــه صــايــر للنـــبال وللسيـــوف
وجثتــه عالشــاطــي بگت متوذره
*----------------*---------------*
أهنــاه يجابر طـاح الأكـــبر عالتـراب
وجاسم ابكتـره دماه أصبح خضـاب
يا مصــاب الطــفل مــا مثلـه مصاب
آه يـــــا نبلـــة ضــمـــاه امـــوجــره
*----------------*---------------*
آه يـــا جــابــر شسـولــف يــا الـــم
يــوم شــبت نــارهم وسـط الخـّيم
عمي بالطف هجـتْ أطفــال وحـرم
وين تشرد والطفـــوف أمحـاصــره
*----------------*---------------*
آه يــا سهـم ألــي صــوّب مهـجتّــي
يمْ يــزيــد بحســره وگفــت عمّــتي
شلــون يــا جــابـر أبطــل دمعـتّــي
وگلب زينــب نـــــار تلهــب مسعـره
*----------------*---------------*
آه يــــا شــام الشمــاتــه وحســرتّــه
تبقى حـــد المــوت تسعـــر جمـــرتّـه
يا مصاب احچيــه روحـي الشـافـتّه
عن رقيه أمصــاب مــا مثلـه جـــــره
*----------------*---------------*
آه يــا جابــر جمــر مـــا أظـن يهيد
روس فوگ أرمــاح وبأيدي الحديد
ابتشر يـا وسفــه وشمّت بينـا يزيد
تظـــل جمـــراتـي لحّــدْ الاخـــره
*----------------*---------------*
الشاعر
موسى البديري
موشح عودت السيده زينب عليها السلام إلى كربلاء يوم الاربعين
اليــوم زينـــب ردت لـــوليــــانــهـــا
لكــربله قبـــلـــة جميـــع احـزانــــها
*
اليــــوم ردت زينــب بنـــوح وانـــين
لبواليـمـــه حســـين يــوم الاربعـــين
نـــادت السجـــاد گبـــر حسين ويــن
ويـــن كــــافـــل زينـــب وعـنـــوانها
*
هــذا گبــر حســـين نــاداهـــا بــألم
وذاك گبــر الكـــافـل وراعي العـــلم
اطيور چنها أتجمعت كــــل الحــرم
وناحــت أيفـــت الگلــــب اشجـانها
*
هـوّت مثــل الطيــر زينــب عالـگبـر
خويه بعدك بس مصايب هل العمـر
خويــه يـا ضلــع السـلم مـا منكسـر
يـــوم فوگگ لــوّوّ خــويه أعنــانـها
*
خويــه عشـــر خيــول داسنـك لمّــه
بضغــا بجـــدك وابـــوك و فــاطمــه
وجثتك اعلى الگـاع متغسله أبدمـه
والچفــن وسفـــه صبـــح تــــربانهـا
*
تعنـــت لكــافلــها والمــدمــع ذروف
صدگ نادت خويه مگطوع الچفوف
ريت تگعد خــويه وعيــونك تشوف
زينب مـــن الشـــام شنهـي الـــوانها
*
خويه مچتوفين رحنه أعلى الهزيـل
ينضـرب بالسوط كــل واحــد يميـل
خــويه محتاره بحرم تــدري وعلـيل
بســوگ بالشـــام وتصــد عـدوانــها
*
خــويه صعبــه مــن اگلـك يالگمــر
واگفــه ابديــوان والشــامت نظـر
ويــن صاح الكافل وگلبــي انكسـر
وبيّه شمـتت كـل بنـــي سفيـــانها
*
الشاعر
موسى البديري
قصيدة ( عاصمة السماء ))
العــالــم بأســره گاصــد الحضـــره
يعني هـــذا الكــون كلّــه كربلائي
*
العالــم أتـعنــه لضريحــك سيــدي رافـــع لــواء
أنَخّــطْ عليه لبيك كلنا ودونــك أنضحــي الدمــاء
عاصمه لكل دوله ندري وياهي عاصمةْ السماء
بالدمــه انّخطـتْ أسسهـا العاصمه بس كــربلاء
العاصمه الكبره مصدر الثوره
ويفخر العالم يصيح ألها انتمـائي
يعني هذا الكــون كلــه كــربلائي
*
الكون مشــاي اعتنالك قــادم مـن أربع جهـات
حسين يــا قبلـة غــرام أطــوف بيـه الكائـنـات
المـا فهم يحسين حبـك مــا فهم هــاي الحيــاة
يا حسين الكِره دربــك هـــذا احسنله الممـات
أيه ظل حبك ثوره ظل دربك
لان حبــك أيه فــارضته السمائي
يعني هذا الكــون كلــه كــربلائي
حسين يا ســرْ الخليقـه وبسملـة كـــل الخـلــود
حسين يــا صــرخة ضماير فززت هـذا الـوجود
ألك مــن كل صوب گصدت سيدي تمشـي الوفود
والسفـارات ودولهــا لمــرقـــك گصـدت حشـود
احتارت أبنصرك كلها يـم گبـرك
ترفـع الصـوت وتنـادي خذ ولائي
يعني هذا الكــون كلــه كـــربلائي
*
الدّول لــو رفـَرف علمها كلها تشعر بالفخـر
والعلم بحسين رفـرف مــن نــزف دم النحـر
انظــر الشــام وتوجــه للحسين بهـل النظــر
وين صــارت ال اميه وياهو گلي الي انتصر
السيف لو نحره ياهو شع بدره
الكون كلـه يهتف حسين الفــدائي
يعني هـــذا الكــون كلــه كربلائي
*
حسين أنــت الجــاذبيه وبضـريحـك تجتمــع
والدليــل ابكبــريائك كـــربلــه ظلــت تشـــع
أنــت فلسفــة الغـــرام وفلسفة كـــل الـدمـع
العالم لصوت الضماير من ضريحك يستمع
منـــك أتِعّــلم أَنتصـــار الدم
تعلم العالم درس نصــر ألـــدمائي
يعني هــذا الكـــون كلـه كربلائي
*
الشاعر
موسى البديري
خــويه رديـت .... للغاضــريه
يلهب الروح .... جمر الرزيه
يلهب الروح .... جمر الرزيه
*
خويه أجيت من اليسّر
شايله أبروحي عذاب مــن الجـره أوصار
عمري بعدك مـو عمر
عمـري لــوعّـه ونايبه وأهمــوم وإخــطار
مــن يمر بيــه الظهـر
وامشي بالشـام وتصدني أعيون الأشرار
كون ميته مــن الزغر
ولا تشاهــد ضعنـي وأتصدْ ليّه الأنظــار
الوادم أتصيح .... يالخــارجيـه
يلهب الــــروح .... جمــر الرزيـه
*
خويه ششرح يا جـرح
حگــه جفني لــو دمّــه مّـــن الجفن سال
مــا اســولف عـالذبـح
بعــده راواني الــزمان أهمــوم وأهــوال
خويه لا ناصـر يصــح
وينظــر أطفــال أونسـه شـدوهـا بحبال
أيطول يبن أمي الشرح
الشامت الشــاهدني خـويه تدري شگال
زينب أيصيح .... ويـن السبيه
يلهب الروح .... جمر الرزيه
*
آه يــــا درب السبــي
خويه نــاره تختلط وي مجره الأنفـاس
خيمه ماكو بس عبي
بيها استـر وجهي عـلّ لا تنظــر النـاس
يبـّـره ضعنـي ألاجنبي
يا حسافه مـن وگــع عالشاطـي عبـاس
چنــه مــو ال النبــي
وعالرمح يا خويه عيني تشاهد الـراس
خويه يحسين .... ينظر عليه
يلهب الروح .... جمر الرزيه
*
راح اسولف عالجره
واسمــع اشسـوت يخــويــه بيّ الأيــام
من مشيت أميســـره
ومن وصل ضعني يخويه لخربت الشام
بس نسّه وانـه مره
وفــزّت أبــدمعــه رقـيــه مـــن الأحـلام
وين أبوي اشأخره
ناحــت ابلــوعــه يخــويه كـــل الأيتـام
ريتك اتشوف .... حالــة رقيــه
يلهب الروح .... جمر الرزيه
*
خــويـه اكبـــر نايبـه
منين أبــديها واسـولف قصـــتّي منيـن
أيزيد مجلس ناصبـه
وانه أطب ياوسفه وأوگف بالدواوين
الخله أناري أمـلهبه
يضرب شفافك وعاين خويه يحسين
صحت وانه امسلبه
وين ابو فاضل يشــاهد حالــتي ويـن
وينظر شلون .... للهــاشميـه
يلهب الروح .... جمر الرزيه
*
أرد أروح لكــافلي
يسوه لو ردت آنه أعــاتب كـــل الأعتــاب
انه زينب بــت علي
خويه راسي من النوايب والســبي شـاب
يلّـي تبّـره لمحملـي
وسفه بعدك خويه ظـل تبرالي الأجنـاب
العدهه مثلك تنولي
لا يبو فاضــل لچن معــروفــه الأسبـاب
وسفه الچفوف .... ظلت رميه
يلهــب الــروح .... جمر الرزيه
*
الشاعر
موسى البديري
هوسات إلى للامام الحسن المجتبى عليه السلام
اليله ابمجلسك مديــت اليك چفـــوف
يسلطان الكــرم باب الكـــرم معــروف
فــز مني الگلــب متعنــي ليك يطوف
(( وبابك يطلب حاجاته ))
***
كــون بكربـله يالحـــسن يم حسين
نبنيــلك ضـــريـــح بين هالــگبتــين
ونگصدلك زحــف لـو تنگطع رجلين
(( ونلبي وخل يسمعونه ))
***
ألك حضره بگلب كل شيعي مبنيه
اطوفنها أبدمـــوع العين يــــوميه
خـــل ابغيضها أتمــــوت الوهابــيه
(( ونطوف الحضره أبكل ساعه ))
***
ال سعــــود صبراً والــزمان يــدور
چف المهدي يهدم يالبغايا أقصـور
ويبني للحسن گبـه وضريــح ينور
(( وبالحضره يردد آذانه ))
**
الشاعر
موسى البديري
يــا چبد انفطــر سابـع من صفـر
چبد النبوه والامامه
☼ ــــــــــ ☼ــــــــــ ☼
يوم ســابع مــن صفـر يـوم الفجيعه
أنصاب چبد الطاهره الزهره الوديعه
بيوم عاشور الحسن تنعـى الشَريَعـه
فگد ركـن الديـن وأســواره المنيعـه
تنعــه الأنبيــاء بدمــوع العـزاء
چبـد النبـوه والامــامه
☼ ــــــــــ ☼ــــــــــ ☼
بغضاً بطاها النبــي والله وعتــرته
گصــدو لبحر الكــرم سمّـو چبدتـه
آه يــا دمعات ابو اليمـه وحسـرتـه
ردت ابطشت الحسن لوعة محنته
بآهات وأنين من ينعه الحسين
چبـد النبـوه والامــامه
☼ ــــــــــ ☼ــــــــــ ☼
يوم سابع مــن صفــر يـوم المصيبه
حسين بالحسره يتوادع وي حبيبـه
خويه نــاده الحسن وبــونه عجيبـه
شيبتك يحسين على الغبره خضيبه
وأبين الفلول تنداس بخيول
چبـد النبـوه والامــامه
☼ ــــــــــ ☼ــــــــــ ☼
يــا مصيبة زينــب بهــاي المســيه
عــاد چبد الحسن بالحــره الـرزيـه
شافت ابچبده مصاب أمها الزچيه
ولوعــة الطبره وألـم ذيــچ المنيـه
بدموع وعذاب تنعى يا مصاب
چبـد النبـوه والامــامه
☼ ــــــــــ ☼ــــــــــ ☼
آه يــا سـابــع صفــر آه مــن سهامـه
صوبت وسفه بحقد نعش الامــامــه
اهناك عباس انتفض جــرد حسـامـه
اليــوم أخليـه للدهــر يبقى عــلامــه
صعبه ينفطــر من سم الغــدر
چبـد النبـوه والامــامه
☼ ــــــــــ ☼ــــــــــ ☼
بعد ضد الحسن حقـد أهـل السقيفه
وضد علي الكرار والزهـره الشــريفه
مــا يشيد مــرقــده بأمــر الخليــفـه
والبقيــع ابكبــره مــا كفــه مضيــفه
حقد أهل الفتن صاب أبكل زمن
چبـد النبـوه والامــامه
☼ ــــــــــ ☼ــــــــــ ☼
الشاعر
موسى البديري
ميمر إلى الأمام الحسن عليه السلام الذين بين الاقواس هو معنى الجناس
گبــه وصحن گبــر الحسن
باچــر نعليــه بالعلــن
وتتعتنه كــل الــــزوار
بلهفه وتطب للحضره
*----------*----------*
يمته الــزمن ينصــف كــريم العتـره
ويبنـي منايـــر بالبقيــــع وحضـــره
بصحن الحسن يمته المواكب تقره
يا ضنوتي تهل دمعتي
بصوت النويني وحسرتي
لو يمه اذكريني أبصوت
حمـــزه ونجــر العبـــره
*
يمته الــزمن ينصح آوياهم مره (مره واحده)
أيـــامـه وي عتــرة محمــد مـره (من المراره)
بگبــر الحسن يمتـه بحنين أنمّره (نزوره)
أنشوف الذهب فوگ الگبب
وبصحنه ينزاح التعب
ونهتف يا باب الله اليوم
چــــف اليضد أنبتـــره
*----------*----------*
بسابــع صفــر يمتــه ألك نتـعنـــه
ويمته نطب باب الصحن والجنه
تدري المحــب يــا سيدي شيتمنه
من كربله الكل راجله
وتهتف مواكبنا هلّه
زوار أبو محمد هاي
بيها البشر مفتخره
*----------*----------*
يمّتـه زيـارة حضـرتـك أنعد ألها (نحسب لها)
ومثل أربعين حسين هم أنعد ألها (العده والعدد)
ومشايه للحضره أبشغـف نعـدُ الها (نعدو نمشي)
أبسابع صفر كل البشر
تگصدلك بلوعه وقهر
ومأتم تنصبه الأحباب
وتــواسي بيك الــزهـره
*----------*----------*
يمتــه المواكــب يمــك اتدگ ثـايــه
وبّسم الحســن تستقبــل المشــايــه
بوسط الصحن يا سيدي ترف رايـه
رايـــة فخـر مـن الگمر
ظلت ترف طول الدهــر
هل الرايه تبقى بكل زواد
ابــن الحســن تنتظـٕــره
*----------*----------*
رايــة محمد عالصحـن مـا تهوه (لا تسقط)
الضد الحسن روحي ابد ما تهوه (لا تحب)
گالو إمامـك من زمن مات اهوه (هوه مات)
بعزة نفس ما يندرس
مــا تگــدر اتظـم الشمس
شمس الله گبره يظل دوم
بــــأرض البقــيـع شكبــره
*----------*----------*
يمـته الصحـن للعالم يفــك بــابــه
ورغــم الحقـد تگصدله كل أحبابه
لا مــا يــرد كــل التجيـه طــلابـــه
المّد يمنته وهل دمعته
يگضيها لابد حاجته
باب الله ابن الـزهراء
واليعتنيـــه أيســره
*----------*----------*
أباب الحسن آنـه افتخر لو جدي (امد يدي)
تحچي هَزَل گلي اليضد لو جِدي (كلام حقيقي)
عــن ولــدي اذكـر خبر لـو جدي (جدي)
الضد الحسن سر لو علن
مو طاهــرات الرضعن
هذا اليضد أهل البيت
هالخبــر عــنْ العتره
*
الشاعر
موسى البديري
إلى كريم ال محمد الحسن المجتبى عليه السلام
يمته نـــزوره وعالگبــر ننظـر منــايـر
يمتـه المواكــب تهتف أتفضل يزايــر
وكلها اتعناه تجمعنه ذكراه
يمته المواكــب تهتف أتفضل يــزايـر
*----------*----------*
يمته نگصــد للحسن احنـه بمواكــب
للزيــاره أهنــاك غصبن عالنــواصـب
نعلـي رايـــة يا علـي والكـل تـــراقب
بحضرته التيجـان تخضع والمــراتب
كلها تزوره وبالصحن تهمــل دمعـها
عاشوره أبسابع صفـر كلهـــا فجعها
بالهم ندبناه تجمعنه ذكراه
يمته المــواكب تهتف اتفضل يـزاير
*----------*----------*
كون سابـــع صفــر نبــديها المـــآسـي
يبدل إعــلام الصحن مـوكــب رئأسي
وتعلن ليومـــه حـداد أهـــل الكـراسي
وللزچــيه بالحسـن نگصــد نـــواسـي
يمته أنّتعَنه وبالگبــر ننصــب عــزيه
يمته نواسي الطاهره الزهره الزچيه
نتعنه ننعاه تجمعنه ذكراه
يمته المـواكب تهتف أتفضل يــزايـر
*----------*----------*
من ضريـــح الحسن نحييها الشعـائــر
نلطم أصـــدور ونهـــل دمـــع النواظـر
بليلة القاسم شبـــاب الشيعــه حاضـر
والنويـني اليقــــره عالبــــث المبـــاشر
جسام ياضنوتي رايح رايح من أعيوني
ما رحمني الدهر وأنـــت نـــور البصـــر
رايح رايح من أعيوني
أبصوت المواجع نستمع احنه لمصابه
ونعلگ شمع ونهل دمع جمــرة شــبابه
وأّنادي ويلاه تجمعنه ذكراه
يمته المــواكب تهتـف أتفضل يــــزاير
*----------*----------*
أهناك مـن صحن الحسن نور الهدايه
نـــرفـــع آذان التشـــهـد بالـــولايــه
وتمســـع إذانـــي بفخــر كــل البرايا
علــي مـــن الله أبكتابــه أعظــم أيـه
عالمبــاشــر يُنقــل أذان المنـــــاره
وتنّقـــلْ للعالــم أهنــــاك الــزيـاره
تشاهدها عيناه تجمعنه ذكراه
يمته المواكب تهتف أتفضل يزايـر
*----------*----------*
كــــون مشـايـــه انتعنـــه أبـــربعينه
مـــن ضريـــح حسين نگصـد المدينه
والمـــواكب كلها منتشـــره وحــزينه
تنادي اهلـن بيـك يـــا زايــــر ولينــه
أتفضــل يزايـــر للحــسن هاليلـه يمنـــه
يسجلنه في سجله الحسن ليكم خِدمنهَ
بعزه خدمناه تجمعنه ذكـراه
يمته المــواكـــب تهتــف أتفضل يــزاير
*----------*----------*
الشاعر
موسى البديري
أبيات ابوذيه الى السيده رقيه عليها السلام
الليالي آويــاك بويــه كضن واچفان
وأعليك ادموم تجري العين واجفان
صـــدگ گالـــو بــلا تغسيل واچفان
اندفنت انته وسبي راحت رقيه
**
رقيه تگول يـــا عمـــه شجـــاهم
أهلنا . وحالي ما چنه شجــاهم
جفني الليله مــا يغفـه شجاه هم
يريد حسين عمه بهل المسيه
**
لــزيد النــــوح مــن ألاه عـــلّاه
يوم الشمر راس حسين عـــلّاه
علل صار أبدليلي موش عــــلّاه
يــوم الفجعو بــراسك رقيـــه
**
ليالي السبــي خويــه حسين مرات
وعلي وسفه الشماته أهناك مرات
رقيه أتصيح بويــه حســين مرات
ومـــره تنادي يـــا عمي الشفيه
*
انه زينب بظهري الســـوط وشــام
وكبر حزني لمصاب السبي وشــام
علــى راسك هــوّت يحسين وتشــم
عــزيزة گلبك ومــــاتت رقيــه
**
الشاعر
موسى البديري
بــأي ذنـــبٍ سُـلبــت .... رقــيــــه
بــأي ذنـــبٍ قُتــلــت .... رقــيــــه
*----------*----------*
بيا ذنــب قتلــوه يــا وسفــه الحمام
لان رايـــد بالحيــاه عيشــه بســلام
بلله يـــا عيــن التغمـض لــو تنـــام
وزينب المفجوعه بيها بهل المسيه
*----------*----------*
چان اكبر ذنــب مـن عـدهــا الحنين
تـريد أبوهــا بحلم مــر بيها الحسين
امفارگـــه وصــار العمر نـوح وانيـن
بعـد أبــوها شــافت أنــواع الاذيــــه
*----------*----------*
چــان كــل أذنــوبها بهــاي الحيـــاة
بحضن أبوها أتنــام فـد ليله وتبات
رادت اتســولفلـه عـــن النــايبــات
لكــن احاه مــن مصـــايب ال آميــه
*----------*----------*
بيا ذنب ذاب الــورد فــوگ الـرمـال
وبالعــذاب أيمـوت مـن بعــد الــدلال
تــرفـه أغصــانــه ويشدوهــا بحبال
وصعبه يذبل بالخرابه أعلى الوطيه
*----------*----------*
بيا ذنــب مــاتت رقيــه بالخــرابــه
اشــد مــن الموؤده بياتــه وكتـابـه
رد حزنها العاشر وحزنه ومصابـه
الله كــــان بعــون عمتهــا السبيــه
*----------*----------*
بيا ذنب تقهر يتيم وتجــري دمعــه
مو ابراس أحبابه هل انوبه تفجعه
هـــذا يا ديـن اليتيم البيّه تـروعــه
هـــذا دين أبناء هنــد ابـن الدعّـيه
*----------*----------*
الشاعر
موسى البديري
بعض مواجع السيده زينب عليها السلام والسيده رقيه بنت الامام الحسين عليهما السلام
سَـــلام الله على گلب العقيله
سَـــلامْ الله على صبرْ العقيله
****
منين ابديلــچ سلامـــي هــالمسيــه
وأنتي كـل دمعچ طفـوف الغاضريه
يالورثتي أبنـوح كـل حــزن الزچيه
البــاب والمحـراب والطـــف ورقيه
سَلام الله علــى دمــع العقيله
سَلامْ الله علــى صبــرْ العقيله
*
يالـورثتي الباب وهمـومه وعــذابه
ليش وكتـچ مــا يسد يالحــره بابـه
الله يــا زينــب يعينــچ عـالخـــرابه
رجع يوم العاشر وحزنه ومصابـه
سـلام الله علـــى جرح العقيله
سَلامْ الله علــى صبــرْ العقيله
*
يا مُصــابْ التنتحب وتــريد أبـوهـا
منين يـــا زينب يجــون الفــارگـوها
وسفـــه بحبــال الــورود يگيــدوها
ومن تنوح أبسوط ليش يسكتـوها
سَـلام الله علــى نَوح العقيله
سَلامْ الله علــى صبــرْ العقيله
*
يـا رقيـــه ويــا الــم محنــتْ سبيـها
بالخـــرابه ورادت الــوالــي يجيـهـا
فـزّتْ أبدمعــه وتــوّنْ زايــد بچيــها
سافــرْ أتگلها العقيله تحــاچي بيهـا
ســـلام الله علـــى همْ العقيله
سَلامْ الله علــى صبــرْ العقيله
*
نامــتْ وفــــزّت تـــَوّنْ ونّــه ثجيــله
هســه بحضــانه چنـــت هــا يالعقيله
عمّه شفت السهم غافي أبنص دليله
امشينــه يا عمـــه نــروح ونعتنيلـه
سلام الله على جَمـــرْ العقيله
سَلامْ الله علــى صبــرْ العقيله
*
لحظه والــراس ابطشت گامت تنظـره
شيبه من دم النحــر مصبوغه حمــره
وين أمه الزهــره خّـَـلْ يمّــي تحضره
هوّت فوگه وماتت الطفله أعلى نحره
سلام الله علـــى ونْ العقيله
سَلامْ الله على صبـرْ العقيله
**
الشاعر
موسى البديري
