اهازيج جديده لكفيل زينب قمر بني هاشم ع
-------///////-------
انولــد عبــاس حيدر قبـــل چفوفــه
ابن حيدر علي وصــولاته معـــروفه
ناس ابسيفه ماتت ناس من شوفه
(( ترعبهم نظرات اعيونه ))
---------
من اعيون الجيوش تخاف صف ايلوذ گام ابصف
اســـرافيل چــن سيفــه نفـــخ بيهم وهــز الطـــف
غـــده بحيدر علي الكـــرار بس عبــــاس يتوصف
(( وبحيدر گام يوصفونه ))
----------
الطفل لو رادو اينوموه ابدللول وتشوفه يسلهم اعيونه
بس عباس عكس الناس بسم حسين لو رادو ينومونه
وبأسم زينــــب لــون ازمــاط كل هــاشم يفــزعونـــه
(( وبسم اخته الكافل ينخونه ))
---------------
الشاعر
موسى البديري
تلاكه وياي وجهه مورد وفرحان
والبسمه اعلى وجهه بسحر منتشره
ياهو انته سألته أورد عليّ شعبان
انه البيه طلكة فاطمه الـــــــــــزهره
وما جابت مثل ما جابت النسوان
مــــــا جابت طفل لا جابت الثـــوره
كبر بذنه طه وانشد التـــــــوحيد
والتوحيد بيــــــه انصـــــاغ بالقدره
سماه الرسول حسين بأمر الله
ابن ســـــــر الوجود ويا عظم سـره
يهز بيه المهد ويلولي بالقرآن
جبــــريل الامين وعينه اتنظـــــــره
الوادم لو طفل عدهه اتكفل بيه
بس حسين جبريــل الكفل امــره
الشاعر
موسى البديري
أجيــت لمــرقدك يا سيــدي بلهـفه
وأدري كل عليل بحضرتـــك يشفه
أجيت لمــرقدك وهمـومي مــــا تنعـد
أجـيت ودمعــي لمصابك يهل عالخـد
أذا مـــا جيــك ألمن سيــدي المقصـد
أروحاً ويــن كثـره أجروحــي وكلفــه
كلفـــه أجــروحي بيهن معتـني لبابــك
وتطيب أجِروحي والله بشمت أعتابك
يديـــوان الكــرم يمعـــزب أحـبابـــك
وكـل محــتاج ألك لازم يمــــد چـفـــه
كـــل محتاج لـــو جــار الزمان آويــاه
يگصــد حضـرتك يشكيــلك مــن ألاه
ولبابــك يمـد يــا أبــو الرضــا يمنــاه
وي مـــدت يمينــه مدمعــه يــذرفـــه
يذرف مـــو دمــع لا يـذرف أبروحــه
وي دمــع اليسيل أجروحه مسفوحه
يــا أعظم طبيب وتنظـــر أجروحــه
طبيبه أنته وعلاجه ومرقدك وصفه
وصفه أنته وتطيب كل شخص معلول
وتطيب ألي يجيـك بعلتـــه والمشلـول
وأجيت أبلوعتي يا أبو الرضا شتكــول
عجـز كـــل طـــب علينه وطبك نعرفـه
طبك سيدي كــــل طــــب عجـز عنـــه
النبي عيسى أبن مريم والله أخذ منـه
أظل أنخــاك لا مـــــا أگطــــع الضنـــه
ظامــي وأطلبك يــــا سيدي أبرشفــه
رشفــــه أبسلسبيلك روحـــي تحييهه
ونظــــره لروحي مــا يبقه جـرح بيهه
علتي شما تطــــول أنتــــه التداويهـه
وجرح گلبي بحضرتك ينگطـع نزفــه
*
الشاعر
موسى البديري
يگلي الشامت من النوح كف اه
وگلبي النوح أبد مايوم كفـــــاه
على المات ويلف الگيد كفــــاه
وبقت فوك الجسر جثته رميـــه
الشاعر
موسى البديري
يا گيد الذكــرته بالمطامير
حگــه سيـدي دلاَّلك يحيّر
بالسجون المظلمه تذكرت بت فاطمه
حگـه سيـدي دلالك يحـيّر
****
سيــدي المسجون ادري ينتظــر جيّـت هله
وعينه عالبـاب ويتــاني والمـدامــع هاملـه
يذكر اولاده وبناته وبالحزن صوتــه اعتله
واعتقــد كــل ذكرياتك مـن مصايــب كربله
يا ذكره التصبر بيها هل الروح
عمتك بالسبي وكافلها مذبــوح
حسين جثته مهشمه تذكرت بت فاطمه
****
من سجن للثاني وسفـه امــر بيــك الا رشيد
تذكــرت عمتك اسيره وسفـه راحت يم يزيد
تذكرت مچتوفه اديها من نظرت أعلى الحديد
وكل زمــان يـمر عليكم بي مصـايبكم تـزيد
يا موقف ذكرت بذيــچ السجون
محتاره العقيله وتجري العيون
وعالخدر متعلمه تذكرت بت فاطمه
****
مــو جديـد الگيـد ادري والدمّــه المنّه يسيل
الگيـد مـوروث وعـذابـه بالسـبي ألكـم عليل
أمگيد اعلى الناگه وسفه والدرب كلش طويل
نفـس ذاك الگـيد منّـه جسمـك الناحل يمـيل
گيد الچان والله لزين العباد
بيه اتگيدت بسجـون بغداد
وگيد گلبه يألمه تذكرت بت فاطمه
****
من سجون البصره تالي الطاغي جابك بالألم
مگيد لسجن ابن شاهك منه يا ساگ انهشم
اتجددت صـوره بخيـالك حيدره حين انشتم
انشتمت اهناك العقيله من بعد حـرگ الخيّم
كل لحظه العقيله بالك أتدور
ليل اظلم ابد ما شاهدت نور
خوف وأيتام وضمه تذكرت بت فاطمه
****
بالمطــاميــر وتمـرلك ادري كــل الذكــريات
يبدي نوحك يـا امامي أتعـود ذيچ النايبات
صعبه بت طاها محمد بالخرايب مـن تبات
وهيه ســر النور واقــره والحمد والذاريات
هالظلــمه أتـكــرر بالمطــامير
ليش بظلمه وسفه زينب تصير
وعالگمر متعلمه تذكرت بت فاطمه
*
الشاعر
موسى البديري
23 رجب 1445
أبكي على بابِ الرجـا بالسجنِ واويــلاه
والدمعُ من عيني جرى حزناً على بلواه
دمـــعٌ تفجـــر ينعى أبنَ جعفر
حزناً على بلواه
* * *
يسلطان الصبر والنـوح والـدمعــه
ويا سابع أمـام أتنوح ألك سبعـــه
يـا ســر الإلــه ومنهجـــه وشـرعه
عليك أملاك تنحب والعرش ينعه
العرشُ ينعى فقدكَ بالنـــوحِ والأمـلاك
والأرض تبكي والسما بالحزن أذ تنعاك
والكـــونُ كبـــــرّ ينعى أبنَ جعفر
* * *
دمعـــات الجفـــــن تتفايض بعبــره
ولو حسره گضت نورث ألف حسره
للگضّــه بضلامــات الســجن عمــره
تسعـــر للأبـد مـــا بـردت الجمــــره
جمرُ الأسى لمصابه تسري بهِ الأحشاء
جمرًُ توارثَ نارهُ من محنتِ الزهـــراء
والقلب يسعــر ينعى أبنَ جعفـر
* * *
يا دمع النواظــر هـــل على مصابه
من داره لسجن طاغي العصر جابه
عليه تســأل هله وتتنطـــره أحبابه
البدر عن شيعته شوه طول أغيابه
البدرُ طالَ غيابهُ فـــي ظلمـــةِ السجـــان
وَسمي الكليمِ شبابهُ في زحمتِ القضبان
سجــنٌ تكـــدّر ينعى أبنَ جعفر
*
يا وارث علــي ويــه الزچيـــه أمـــك
شابهــت الحسن يــا سـيدي بسمـــك
وثلث أيام مثل حسين ظل جسـمـك
بقيــود العلــيل أصبــــح نـزف دمـك
نفس القيودِ تشابهت في معصمِ السجاد
قد قيدوا كـف الهدى بالسجن في بغداد
قيــــدٌ تكــرر ينعى أبن جعفر
* * *
يا مسمـــوم مثلك بالسجـــن سمـوه
وعدوانه بقيوده يـــا وسف شالـــوه
بچفوفه السناسل عالجســر خـلــوه
ونادو بالنعش بس أهله مــا حضروه
هــــذا وريثُ محمدٍ هــــذا ولــــي الله
ملقاً على جسر الأسى بالقيد من ينعاه
جبريلُ يحضر ينعى أبن جعفر
* * *
مسجون الدمع حزنك كتبله أفراج
يا بحر الصبر صـار الدمــع أمــواج
يا باب الحوائـــج جيتك ومحتـاج
وليا بــاب تگصد سيدي الأفــــواج
باب الحوائج والرجا جئناك بالحاجات
والدمعُ منـا أنهراً يجـري مــع العبـرات
قلـــبٌ تفطـــر ينعى أبنَ جعفر
* * **
لشاعر
موسى البديري
هوسات للإمام الكاظم عليه السلام
وحگ گيد البچفك يـــــا أسد بغـداد
نگصدلك زحف يـــــا وارث الأمجـاد
ورثنـاهــه محبــتك مــن أبــو لاولاد
(نسحگ روس العادو نهجك ــ
يــا كعــبه ونگصد ونحجك)
* * *
يا كعبة صــبر وتگصـــدك الكونيـن
مشايه ألك نقســـم بنحــــر حسين
يالحبك فرض يا سيدي مـن الدين
(مشايـــه لگبــرك نتعنــه ــ
يالگبرك روضه من الجنه )
* * *
نگصدلك بلهفه وخلــــي نتفجــر
نار الشوگ بينه بكل وكـت تسعر
عشاگ وننادي موسى أبن جعفـر
(عشاگ ويا موت يردنه ــ
وبدمنه الكاظم عاهدنه)
* * *
يا جسر المصايب والنحــب والنـوح
ياهو الفوگ ظهرك گلي ظل مطروح
نعش موسى أبن جعفر للعوالم روح
مطروح الدين وأركانــه ــ
ونشيعه وتنظر عدوانه )
* * *
يالكاظــم گصدنــه بحرگـــــه هــــذا اليوم
سمعنه أعلى الجسر جسم الولي المسموم
نشيعه ولو جرى مـــــن عدنه نهـر أدمــوم
(بدمانه نشيــع والينــه ــ
يالكاظم بسمك نادينه )
* * *
يا بـاب الحوائـــــج ما تـــــرد عنــاي
أجيت أنه أشتكيلك من هضم دنياي
أعرفــك للحوائـــــــج سيدي گضـاي
( الحاجات الكاظم يگضيهه ــ
والحــاجــه أبيــدك ينطيهه )
الشاعر
موسى البديري
إذا وكتــك يســد أبوجــهــك البيبــان
چـــفك لا تمــده لكـــائنـــاً مـــن كــان
***
أنصحك يا ألزمانك دار وجهه ويـاك
بــالــك لا تمـــد لكائنـــــاً يمــنـــاك
كـون ألــي تگصده يگول عد عيناك
وينه بهل الوكت ما يحصل الإحسان
*
كــون ألي تگصـــده يگــلك أتفضــل
ما تبقى أعلــى بابـه حتـى مـــا تنـذل
أدليــك الــدرب خــاف انته مـا تندل
بس بــاب الحــوائج فـاتـــح البيبان
****
اذا عنـك زمانـــك وجهـــك يديـــره
اگصد مــوسى گله طايــح ابحــيره
بابــك سيدي مــا عنــدي ابد غيره
وليا صوب يگصد سيدي الحيران
***
يگصــد بابــك المحتــار مــن تشـتــد
يــا بــاب الحوائــج مــا تـــرد احــــد
يظــل مفتــوح بابــك غيـــرك الينسد
يباب الله الچبيــر الما يـــرد لهفـــان
****
يشري مـا وجهــك بــس ابن جعفــر
وغيــره يــريد وجهــك مايــه يطشر
أســد بغــداد هــذا المـــا يرد مضطر
إذا موجــك عــلا وخــذلنك الذرعان
****
شما هـاج الزمان وطفحت أمواجـه
يظل موسى ابن جعفر باب للحاجـه
ميـرد الچفـــوف الجتّــه محتــاجــه
قبله مــن الكرم معــروف للجوعان
****
الشاعر
موسى البديري
قصيدة ( ليل اهدعش ) وكان الإمام يتذكر عمته السيده زينب عليها السلام في ظلمة ذلك السجن
ليل السجن ليل اهــدعش بالغاضريـه
كل يــوم بالكاظم تمــر ذيــچ الــرزيه
يتذكــر أطفــال مچتوفه بحبـــال
بالغــاضــريــه
**
آه يـــا ليــل السجن بــالمطاميــر ويـــوّن
عمته يذكــرها العقيله وتجـري عينه
يذكر أطفال وعطـش وخوف من ليل اهدعش
حسره تكسر خاطره وروحه الحنينه
تنرسم كــل المآسي بـروحه
لو ذكر زينب تزيد أجروحه
زينب أسيـره أمحيره بالطــف سبيه
محتاره بأطفــال وحـرم بت الزچيه
تتلاهب الروح كافلها مذبوح
بــالغاضـــريــــه
*
بالسجن تتراوه أِلــه كل مآسي كــربله
كـل تفاصيل المصيبه وصــدر الحسين
الخيل لمّن داستــه عالثرى من رضته
عمته نظرت عالشريعه وهملت العين
أتمـنت العبـــاس يفــــزع ليهـا
يشوف زينب شنهو صاير بيها
بالسجن وينــادي يــا محنت عذابـــچ
بگلبي يــا زينب تظل جمرة مصابــچ
بگليبي جمرات ما تطفه هيهات
بــالغاضـــريــــه
*
ينظر أقيـوده ويّـون عمته يذكرها أبحزن
شلون مچتوفـه بحبــل وي الفواطم
بس حرم وبلا ولي تنادي يابويــه علــي
والكفلها أعلى النهر يا وسفه نايم
ينتحب موسى ابن جعفر دومه
أبالّه حالــة عمتّه مـــرسومــه
ليل المطاميـــر وذكــر ليــل العقيله
من بعـد كافلها صفت هيـه الكفيله
يا حسرة الليل والمدمع يسيل
بــالغاضـــريــــه
*
الكاظــم أبيــوم أنشتم سالت أدموع الألم
ذكر عمته اشلون شتموها بسبيها
نادت أبصوت الهضم انــه زينب ونشتم
وآنه بت الزهـــره ريحــانة أبيها
آنـــه زينب والشــرف بطباعي
وگبل مـا مــر الشتم بسمــاعي
بالكاظم أتمر الصور تلچم جُروّحه
عمته زينب بالسبي يحلاله نوحه
حرمه وغريبه بالطف سليبه
بــالغاضـــريــــه
*
ليــل مَــر بصفنته منّــه زادت ونتّــه
جدد اعلى الكاظم أهمومه وعذابه
ليل ما مثله جـره ناره تبقه اموجره
اشد من ليل اهدعش ليل الخرابه
طفله رادت بس تشوف الغالي
تگله بويه شعطلك يالـــوالي
جابولها الراس ابطشت بنّته الحزينه
عمّــه صاحت ليش أبوي امخضبينه
ليل الخرابه أصله وعذابه
بــالغاضـــريــــه
**
الشاعر
موسى البديري
بيت ابوذيه طلب حاجه الى باب الحوائج موسى بن جعفر عليه السلام
زمانــي ربّــه ألـي يــا حيـــف عـّلاه
وعليّ الچــان دونــي انــوب عـــلاه
اگصدت موسى ابن جعفر ليش علا
اطيحــن والشمـــاته تلـــوچ بيه
الشاعر
موسى البديري
الســـــلامُ علــى الـكــــفِ المـقيـــد
الســـــلامُ علــى القــلـــبٍ المـسهـد
*
أبدمعــة أعيونـي ألك ابــدي سلامـي
لچفــك وگيــــده اونـن يـــا إمــامـــي
أبسجــن اظلم يــا ابن خيــر الانامـي
نوركَ الوضــاءُ رغمــاً قــــد تــوقـــد
*
مــن مطامير السجـن نــورك تــلالــه
رغم أهــل الجور وأصحــاب الظلاله
هيــچ ربــــك راد سبحانــه وتعـالــى
نـــورُ وجـــه الله فيـــكَ قــد تجسـد
*
ابچفــك الأغـلال صلــت والسـلاسل
وابتهــالك سيــدي للبـاري واصــل
رغــم كــل الجـور چـان البيك نـازل
تُــرعـــبُ الطاغــوتَ حيــنَ تتهجــد
*
صاغ رب الكون مــن سجنـــك مناره
وگصدتــك يــا سيـدي العــالم زيــاره
أبابـــك أتنـاجي أبدمــع كـل الحيـاره
بابُــكَ للعـــرشِ حتمـــاً هــــو يمتـــد
*
صــار گيـدك سيــدي مــن الله حضـره
وجسرك اصبح للجنان الخضره عبـره
ويـن ذاك الطاغي شــو محــد يذكــره
ذكــــرُكَ البـــاقـــيُ دومـــاً يتــــردد
*
أسـد بغــداد أصبحــت تــاج آلها انـته
الدنيا ظلمه ومرقدك شمـس الله شفته
ضامي جيت ومــرقدك ماي ورشفته
ارتــــوي عشقــاً وحــبـــاً أتـــوقــــد
*
الشاعر
موسى البديري
باب الحوائج حضـــــرتك
هيبــة. محمـد هيبتــك
يا مسموم يا أبو الرضا
يا مسموم يا أبو الرضا
*
باب الحوائـــج دمعتــــي أجريهــه
لمصابك أونـــت حــــــزن أنعيهـــه
جمرة مصابــك نار تسعــر بيهــــه
ويا دمعه جمـــرات الحزن تطفيهه
من أذكر مصابك والسجن
أصرخ وأصيح أنه بحــزن
يا مسموم يا أبو الرضا
يا مسموم. يا أبو الرضا
*
ينشدنــي دلالــــي وأظـلــن حيـــران
وين السجـــن وين الظلم والسجــان
وين الطغاة أصبحت وين الجيمـــان
ّيـم عتبتـه ذلــت وخضعــت تيجــان
مثـــل العبيد أتعنتــه
لتــــراب گبرك شمته
يا مسموم يا أبو الرضا
يا مسموم يا أبو الرضا
*
نـــور الإله بحضرتــــك وأسراره
مـــن گبتك شعت جميــع أنواره
العــــــٍالم لهيبت مرقدك محتاره
وسجانــك أنزالت جميع آثــــاره
أنزال السجـن والشــادته
وصحنك أملاك الخدمته
يا مسموم يا أبو الرضا
يا مسموم يا أبو الرضا
*
زوار ألك هـــــاي الخــلگ تتمنــه
يالروضتك موصوفه مـن الجنــه
شگـــــد فجــرو نبقه ألك نتعنــه
ونعلنهــــه حبــٍـك سيدي جننـــه
جننـــه حبـــك يا ذخــــر
ويشهد على الحب الجسر
يا مسموم يا أبو الرضا
يا مسموم يا أبو الرضا
**
باب المـــــراد تحيــرت يا مـــــولاي
متعني بهمومـي لضريحـك شكـــاي
أشكليك آلامـــي ومصــايب دنيــاي
ضامي الدليل وحضرتك أعذب ماي
ضامي الدليل لحضرتك
تروي الگلب يا شوفتك
يا مسموم يا أبو الرضا
يا مسموم يا أبو الرضا
*
الشاعر
موسى البديري
بـالمنيــه يـــــا گــمـــر
ردتــك لنعشي أتحضر
يــا أبو فاضــل يــا أبو فاضــل
♠♠♠♠♠
يــا گمــر تحضـرني ريتــك بالمـنيـه
تشيــل نعــش العذبتهـا الغاضـريــه
صعبـه نعـش الحـره من يبگه رميـه
غـريبـه حتى من جاني الأجل
غـريبـه مـن بعدكم يـا الأهــل
غـريبـه ودمــع المفــارگ همل
يــا أبو فاضــل يــا أبو فاضـل
♠♠♠♠♠
ويــاكم ابطف كربلــه أتمنـيته مـوتي
وحشــه نعشي لو طلع وبلايا إخـوتي
خويــه انادي وينكسر بالعبره صـوتي
هضيمه لنعشي ما واحد حضر
هضيمه لموتي واشعر بالخطـر
هضيمه بغــربه اموتن يا الگمر
يــا أبو فاضــل يــا أبو فاضــل
♠♠♠♠♠
خويه چانــت أمنيـه ابگلــب العقيلـه
يمــي تحضــر والدمـع عالخد تسيـله
چفـــك لنعشــي يبـو فــاضــل يشيله
حسافه چفــك الهيبـه انگطــع
حسافه خويه عالشاطي وگـع
حسافه نعشي مـن غيرك طلع
يــا أبو فاضــل يــا أبو فاضــل
♠♠♠♠♠
خويه سهم حسين مطبوع أبدليلي
بعاشر أمصـابه هدم يالغالي حيلي
لحـد منيتي منــه اصـــرخ آ يويلي
رماني ىخويه سهم النـــايبه
رماني ونــاره ظلــت لاهبــه
رماني ىورحت بعده امسلبه
يــا أبو فاضــل يــا أبو فاضــل
♠♠♠♠♠
خويه مرسومه أعلى دلالي الفجيعــه
يــوم طاحن خويــه چفيــنك گطيـعه
طاح گلبي وياك خويه أعلى الشريعه
منيتي ريت اجتني ابطيحتك
منيتي يـــوم طبـرو هــامتــك
منيتي هســه اجتنــي بغيبتـك
يــا أبو فاضــل يــا أبو فاضــل
♠♠♠♠♠
چانــت أمنيتي النعش انتــه التحـمله
ودمعك أعلى افراگي يا خـويه تهمـله
وأعليه ظهـرك ينكسـر گـــوه تعــدلــه
حسافه بالغـرب جسمـي نحـل
حسافه نعشي يمشي بلا أهـل
حسافه مـات وي مـوتي الأمل
يــا أبو فاضــل يــا أبو فاضــل
♠♠♠♠♠
الشاعر
موسى البديري
نعـش زيـنب طلـع يــا حيــف وحــده
وحدي ظعني السبي من سار وحــده
المنــايا إسهــام وحــده بـثـر وحـــده
البـدايــه البــاب ختمـتــها بـــرقـيــه
*
الشاعر
موسى البديري
ميمر مجنس مع كربلائي للسيده زينب عليها السلام التي ترجمة الدماء التي سالت في ارض كربلاء
رغم السدّه ورغم العدّه
زينب أميره وقائده
ما ذلت أنذل الجيش
مــن زيـنب الثــوريـه
♠♠♠♠♠
يـــا قائده وجيش الكفــر ما همها
يــا عالــمّــه جــــلْ الـــذي علّمــها
هيبـــة علـــي رب العرش راسمها
هيبه وفخر أخت الگمر
من وضحّت ســر النحــر
هالنحر صوت ألاحرار
هـز الكــره الارضــيه
♠♠♠♠♠
ســر الزچيــــه فاطمـــه مــن ســـرها
وحيدر بطوله ومفخــره مــن ســرها
عالمصرع الحادي غصب من سـارها
لا ما تذل فوگ الهزل
مهيوبــه والدمــعه تهل
گلتله يا ابو الأحرار
تبقى النصــر راعيه
♠♠♠♠♠
يــــا بسملـــة طــــف النصــر يالحـــره
يـــا طلسم المنحــر صمــوده ونصــره
طــف كربله ابصـــوتچ بقى يشع بدره
يا بسمله لطف كربله
طــول الــزمــان أنــرتلـه
يـــا آيـــة ظلت لليوم
لــكــن ولا مــقـريــه
♠♠♠♠♠
آيـــه صمــودچ يـــا شخـص تاليها
وصــوت الدمـه لهذا الوكت تاليها
ودم النحـر ثــق ينتصـــر تــاليـــها
رغم الألم دمه رسم
لكــل الخلگ ثــورة قـيَـم
بصوت العقيله لهل اليوم
حســين انتصــر تــاليــه
♠♠♠♠♠
تــرجمــة زينــب للمنــاحــر كلــمــه
لاء الــرفض لحسين خطهــا أبدمــه
منها العقيله أيزيد كســرت خشمــه
صوت الدمه الكل يفهمه
ثـــوره يظــل وقـــائمــه
ثورة نحور الأطهار
يرسم أبه وحــريـه
♠♠♠♠♠
سيف الكــلام لبت علـي ماضي الها
تعرف ألامه أعلى النبي مـاضي الها
أي والـذي أبحــر الشمس مـــا ظلها
هيبة علـي ما تنولي
رغم الألم ظــل تعتلي
والدرسـاها الكــرار
بالله تظــل محمـيه
♠♠♠♠♠
مچتوفـــه ضنـــو بالحبــل ذلتــها
بت حيدره اخشوم الزلم سحگتها
ثوره تظل طـــول الدهــر خطبتها
بت حيدره ما چن مره
گلبتٕـهـا يـــوم الاخـــره
كد كيدك أتصيح أبصوت
أيـــامـــك المگــضــيه
♠♠♠♠♠
طبــت أميــره والفخــر عـاده الها
ويا ويله كلمن بت علي عـاده الها
بيــرغ گمــر عدنان مـن عــاد الـها
بعزة نفس. أنطت درس
ما يعلا ابد صوت الرجس
بس تبقى لائك حسين
مثــل الهــوى بالـــريـّـه
♠♠♠♠♠
الشاعر
موسى البديري
هالكون أبتشر ---- ميلاد الگمر
يا أبا الفضل. يا أبا الفضل
•••••••
هاليله ميــلاد الگمر والغيـــره والنومــــاس
هاليله شمعات الفرح تضوي ابصواني الياس
هاليلـه أمـــلاك السمـــا متعنيه بالاحسـاس
گصدت لحيدر هنته فـــي مــــولد العبــاس
وبهذا الشهر ----- ميلاد الگمر
يا أبا الفضل - يا أبا الفضل - يا أبا الفضل
•••••••
بميلاده فرحـانه الشمس من نوره مكسوفه
والگمــر مـن نور الگمر ما خذهن احـــروفه
وحيدر علي ابفـرحة گلــب قبلهن أچفــوفه
مـــن حگه لـــو راح الگلــب للمرقد يطوفه
وبالحضره اعتمر .... ميلاد الگمر
يا أبا الفضل - يا أبا الفضل - يا أبا الفضل
••••••
من زغــره والـرايه ابفخر حيدر علي انطاها
والگمـــر بچفوف البخــت بالغيـــــره هزاها
لليـــوم هالـرايه بقـــت عالگـبــه تلگــاهــــا
بچفوفـــه ثبتها الگمـر مــــا ينحني الــواها
ترف طول الدهر ...... ميلاد الگمر
يا أبا الفضل - يا أبا الفضل - يا أبا الفضل
•••••
بحروفـه مـزروع الوفه ما بين كــل حرفين
مكتوب اسم زينب شرف مزروع وسط العين
لــــو گلت عباس الگمر معناه اگـول حسين
وين اليشبها بهل الخلگ بس گلي يحصل وين
ما مثله بشر .... ميلاد الگمر
يا أبا الفضل - يا أبا الفضل - يا أبا الفضل
••••••
لـــو ضاكــت الدنيا أبقهر والحاجه متعسره
لباب الحوائــج اعتني واگصدلــــه للحضره
يگضيها كل حاجــه الك بس حلفه بالحــره
من عنده تاخـــذ حاجتك والفرحه والبشره
يرد ابكل فخر ..... ميلاد الگمر
يا أبا الفضل - يا أبا الفضل - يا أبا الفضل
**
موسى البديري
شعبان هل لينه بفرح وي هلت أهلاله
ميـــلاد أنـــوار الهدى البكون تتلالـــه
أتهل علينه أعياد
لو بينه مر ميلاد
*----------*----------*
وي هلت أهلالــه بفـرح
هـــل بالسمــا هــلاليـن
اهــــلال شعبان البــزغ
والثــاني هـــل لحسين
ومو مره مولود السبط
لا منــولـــد مــــرتيـــن
بثلاثـــه شعبـان أنولـد
وبالعاشر أحيــا الديــن
جبريل هز بيه المهد سبط النبي المختـار
وفرحانه أمــلاك السمه وتنثر ورد وزهـار
وتنادي أبو السجاد
لو بينه مــر ميــلاد
*----------*----------*
لحيـدر علـي أزهــر بدر
بـالرابــــــع بشعبــــان
للخـوه مضــرب للمــثل
بي حـــارت الأذهــــان
عبــاس راعـي ألمرجلـه
وجــوده صبــح عنـوان
مــن زغره سمـاه الكمـر
يــزهـر كمــر عــدنــــان
غيره وشجاعه ومرجله يتفايض واحساس
سماه كمـر هاشم علي راعي الوفه العبـاس
للخـوه وفه وزاد
لو بينه مر ميلاد
*----------*----------*
وبخامس أيامه انولـد
للعتــره رابــــع نـــــور
زين العبـــاد ومــولـده
أسعـــد أنــس والحور
رابع أمام أعلى الخلك
للدين اصبـــــح ســور
نور اليشع مـن جبهتـه
نــور الله بيــه منشور
بنواره دنيانه أشرقت طيبه وعدل وأيمان
ويــرتل أياتــــــه بفــــرح بالمـولد القـــران
وتنادي يالسجاد
لو بينه مر ميلاد
*----------*----------*
عاشك وهمن بالمحـب
وكليبي بيــه هــــأيــم
نــار انتظاري ليا وكـت
تسعـــر يبــو الـقـــاسم
دلالي كل نبضه يـــدك
يالمهـــدي يــالــقـائــم
جفن اليحب ليا وكــت
عــن شوفتــك صـايـم
يمته ترفرف رايتك بيهه بعزم تحدي
كل يوم انادي للفرج قائمنه يالمهدي
منك نريـد مراد
لوبينه مر ميلاد
*----------*----------*
الشاعر
موسى البديري
لمصاب ابن جعفــــر دم تجــــري العيـــون
نبقى بحزن وبآه يومك فلا ننساه
*
لمصابك ادموع المحب تجـــاره
وگلب الموالي الليله تسعر ناره
لا شيعته واهله التعـرف أخباره
ليلة بسجن هــارون وي انهاره
ابسجن اظلم ايامــه والينه مسجون
سر الوحي ومعنـــاه يومـــك فلا ننساه
دم تجري العيون
*
دمع النواظر سـيل هاليله ادمـــــوم
للكاظـــم وچبــده التگطـــع مسموم
حگه الگلب لمصابه لو ظل مهموم
باب الحوائــــج بالسجن ظل للــدوم
من البصره والبغداد بكيوده مرهون
للسندي مــــن جاباه يومك فلا ننسـاه
دم تجري العيون
*
بچفوفـــه القيود وحـــديد واغـــــلال
ويا حال أمامي بهالوضع أصعب حال
مـــن ثگل ذاك الگيد منــــه الدم سال
عمته ذكـــــرها اشلون مچتوفه حبال
زينــب امگيديهــا تمشي وي الضعون
گيد الهضم شافاه يومك فــلا ننساه
دم تجري العيون
ادري اليموت اتحضره كل احبابه
ينعون فگـده ابدمعتهم السچابـــه
يالكاظم احــــاه وعظيم امصابـــه
وحــــده بسجن سهم المنيه صابه
محد حضـــر يمه لنعشه ويشيعون
محد حضر شالاه يومك فـــلا ننساه
دم تجري العيون
*
ادري اليمــوت احبابــه اليشيعونه
بنوح اهله وبجاري الدمع يبچونه
وسجانـــه موسى الكاظم يشيلونه
وفــــــوگ الجسر عدوانه يخلونه
فوگ الجسر خلوه وظلوا ينادون
أملاك السمه تنعاه يومــك فلا ننساه
دم تجري العيون
*
ذليت هـــارون وقيــــوده ابصبرك
وأعلنت من سجنك ملاحم نصرك
هاي المناير منه يسطــــــع بدرك
هل العالــــم اتعنه يطوف ابگبرك
تعنتلك أحبـــابك رغم اليفجرون
فاز الذي زاراه يومك فــلا ننساه
دم تجري العيون
*
الشاعر
موسى البديري
نعي عن الأمام موسى أبن جعفر (عليه السلام ) شعر موسى البديري
.
نفس الكسروا أضلوع الزچيه
يجدي خلــــوا أگيود بأديـــــه
نفس گيـــود حماي الحميــــه
علينه أردود هالموقف تكرر
*
نفس ليل هدعش عالغبره الحيـود
موحــش عالعقيله وجفن مرمــود
خذو موسى ابن جعفر بيده الگيود
بليل اظلم وللبصره سرو بيــــه
****
مشو بالكاظم من ارض المدينه
وكل شيعي عليه هملــت عينــه
صاحو وين يا عزنه اولينــــــه
مثل ضعن العقيله الشمر يحديه
*
مثل گيد العليل أمگيـده أچفوفـه
وعلى البلدان عــدوانه تطــوفه
تسيل أدمـــوم عين الي تشـوفه
راهب ال هاشم بيده الگيود
*
.الباغي أبسم أبن جعفر يـوّصيه
وأملاك السمه تخدمه وتحن ليه
بأمر حكـم السقيفه يأتمــــر بيه
بسم وسيف كون الآل يگضون
* * *
سم چبد الحسن ردوه الأنذال
يـــوميـــــه يــرد يســمم الإل
ولا چن جدهم الشافع بالإعمال
باچر بالحشر المن ينظرون
****
.لسجن بغداد وسفه أنوب جابوه
وحديد بأيده مــا فد يـــوم شالوه
بسجن مظلم أنـــوب أعداه خلوه
وأمر محد يصل يمه ويزوره
* * *
مــن سجن لسجن طال أنتظـاره
بسجن مــا ينعرف ليله ونهـاره
وگلبه أعلى الأهل مشتعله نـاره
بعيدين الأهــل محد يزوره
*
بسجن أضلم وابن شــاهك تولاه
ما رحم موسى ابن جعفر يويلاه
يضربــه أبلا رحم وأنوبه شتماه
تذكر حال زينــــب والنساوين
*
.ألك تنقـــاد كلهه الانس والجــــان
ومن هيبت طلعتك خضعت التيجان
أظن گلبه حجــر يا سيدي السجـان
يضربك وأنتــــــــــه سر الله ونبيه
*
يعاني السم يعاني ومحد أحــــذاه
والا واحد من أهله الگصد شافاه
ومثـــل سم الحســـن لحشاه فتاه
يريت أشبول هاشم جانت ويــــاه
تصــل يمـــه أبصوارمهه أتعنــاه
وتفك باب السجن بالحسره والاه
وتجبّل راســــه وتغمضله عينــاه
وعلـــى الكاظم فرد ونه يونـون
*
يگلي الشامت من النوح كف اه
وگلبي النوح أبد مايوم كفـــــاه
على المات ويلف الگيد كفــــاه
وبقت فوك الجسر جثته رميـــه
*
لما رأى علي ابن سويد الأمام
وعدّنه شوكت يا مولاي ينشده وهلت الدمعــــه
يبن أسويد گلالـــه جريبـــه تصير هالطلعـــــــه
على جسر الرصافه يصير موعدنه الظهر جمعه
وأبن أسويد دلالـــــه فرح ولهل الخــبـــر سره
لما وضعو الجنازه على الجسر ورئ الطبيب المسيحي
أحلفك بالمسيح أعليك تصد وتشاهد الحالــــه
تشوف ألنه الغريب أشبيه حتى أنخبر أعياله
ونظر ليه الطبيب وكال خل أهلـــــه أتعنالــــه
تطلب ثار لن مسموم وبـلب الجبــــــد أثـــــــر
أجابه أبن سويد
وين أهله وعمامــه وين
وين أشبول أهـــل عدنان
تگصد موسى هذا الحيـن
وتشوف أفعال هالسجان
وين أشبول هاشم ويــن
تگصد موسى أبن جعفر
وتطلب ثاره أبثـــــارات
ثار لچبده التفطــــــــــر
صدگ باب الحوئج مات
باب المايرد مضطــــــر
نشيعه أحنه بمهج ورواح
فوگ الجسر نفديلــــــه
الشاعر
موسى البديري
يــالكاظـــم تلــمــع أنــــوّارك
يــالكاظـــم تلــمــع أنـــــوّارك
*
أنــــوارك يــالكــاظــم تـلمـــع
شمــس الله چنـها مــن تطلــع
مـثـل حسـين بيــوم المصــرع
ميــت بــس قائــــد أنصــــارك
*
ميــت بس تــرهب عـــدوانك
خايــف من عنـــدك سجــانك
الـــراهب فعــلاً ظل عنوانـك
تــــرهبهـم ظلـــت إســــرارك
*
إســـــرارك ظلــت مكنــونـــه
يـــا نــور الـــرادو يطفــونــه
مسجـــون أعــدائه أيهـابونه
ونــــور الله يشـــع بكتــــارك
*
ســجانــك هـــــارون الظــالـم
خايف مــن اسمـــك يالكاظـم
هيبــه التبــرالك مـــن هاشــم
هيبــة هاشــم تحچي إخبـارك
*
تحچي اخبارك مـا طخ هامـه
رافــض للجـــور وأيـــامــه
رغم السجن وذيــچ أعـوامـه
مــا غابــت شمـسك وأنـوارك
*
مــا غابـت شمــس الله الكبره
شمســك تزهــر يبن الــزهــره
وين الباغي أيشوف الحضره
ويشـــــاهــد لهــفــت زوارك
*
ينظــــر زوارك ويشـــوفــك
كعبـه وكلهـا بلهفه اتطـوفـك
نقسـم يــالكاظــم منعــوفـك
بگلب العاشگ صـــارت دارك
****
الشاعر
موسى البديري
واويـــلاه يمسمـــوم واويـــلاه
واويـــلاه يمسمـــوم. واويـــلاه
****
آه يــا مسمــوم يــا عظم المصاب
بسجن أظلم گضه يا وسفه الشباب
واليصد لموسى ينظر بـس ثيــــاب
نحل جسمه من القيود الضالمـــه
***
آه يــــا مسموم آه يـــــــــا محنته
آه يــــا صبره وعظيم مصيبتــــه
گيدو يسراه حيـــــــــــــف ليمنته
شابهه السجاد گيده والدمــــــــه
****
آه يـا مسمــوم يــا كهــف الصبـــر
شيعته بيا حــــــــال ظلت تنتظــر
سمعت أجنازه يوسفه أعلى الجسر
نعش أبن جعفر أعلى الجسر أنرمه
***
آه يـــــــــا مسموم محد گبّلـــــــه
ولا غمضله أعيونه واحد من هله
مثل حال حسين وحـــده بكر بله
وهوه سبط الهادي وأمــه فاطمه
***
آه يا مسموم مـــــــــن إلا رشيـد
گبله يــا ميت مسلسل بالحديـد
صار للأحرار أسمه أروع نشيــد
ونور صحنه يصعد لحد السمـــه
***
آه يا مسمــوم يا كعبــــــــــة محن
بصبرك أنذلت تـــراهي أهل الفتن
إلك بغداد أصبحت حضره وصحن
أبذّله ذيـــــــچ أعداك ضلت نايمه
****
شعر
موسى البديري
أبيات ابوذيه الى مولاي الإمام الكاظم عليه السلام
السجن وسفه أعلى ناسك حيف حالك
بســــلاســل وبقيـــود اشــــلون حالك
ليــــل اظـلــم نهــــارك صــــار حالك
چن ليل اهــدعش بالغاضـــريه
*
الگلــب ون لمصابـــك هــاي ونتـــاه
وانشــد عـالفـرح. بجفـاك وين تاه
الرجس هارون فوگ العرش وانتـــه
بسجن اظلم يبن خيــر البريـــه
*
الحزن والنــوح لمصابــك بيّ اداك
يمّــن باچـــر تلـــوذ أمــه بـيّـــدك
حســافه أقيـود يالكاظم بيّـــداك
وجســم ناحــل يمّام الـــرافضيه
بي اداك .. يضرب أو يقصف
بيدك .. جدك
بيداك .. يديك
*
الشاعر
موسى البديري
ميمر مجنس الى الامام الكاظم عليه السلام
حالـــي أعَـرضّه يــا أبـو الرضــا
الأرض ضاگت والفضا
ولبابك آنــه اتعنيت يالما تــرد طلّابك
*
روحي أجت بس منكسر خاطرها
وبس الحزن يــا سيدي خـاطرها
اقسـم عليـك بــأمــك وخــاطـرها
لحالــي تصدْ يالما تـــردْ
حتى اليندبك من بعدْ
وأبابــك آنه وانخاك
وبگلبي نار أمصابك
*
اسمــك كرامــه وبالگلـب دگـيتــه
وبــابـك يا أبو طلبـه بدمع دگيته
علگتــه همـي أبحضــرتك دگيته
وادري الفــرج يبــن الحجج
يا مهجتي وكل المهج
ويمــك تهّيــد الأرواح
من تسجد أعلى أعتابك
**
لبـابــك أمــدن بالــدمع كـفّينـي
عــوّز البشر يــا سيــدي كـفّينـي
حبـــك كنـز وبــدنيتــي يكفّينـي
مــا افتقـر حبــك ذخـر
بالدنيا والله وبالحشر
حبــك ربـــح بالدارين
يــا سـيدي لأحبــابــك
*
جبت الحـزن يم حضـرتـك هدّيته
ومــن التعــب گلبي بفــرح هدّيته
اهدي الدمع وانته أبفخــر أهديته
كــل اليسر بعـد العسر
أبابك يرد ومبتشر
باب الله بابك مـولاي
وبوجهي متسد بابك
*
هذا الوكت حطني وطحني أبراحه
ومتعني بابـك بـس أعض بالــراحه
بابــك وصلته وگلبي حس ابــراحه
مــاي ونــزل ابگلبي الذبل
رد وَرّد وشع الأمل
بــاب السماء المفتوح
جنـه وأشم بـأطيابك
*
يم گبرك وروحي أرفعّت كفّـاهـا
نــادت يمــولاي الحــزن كفّــاهـا
چفــك أحـسّـه للشـدد كـفّــاهــا
تجلي الشدد ها يا الأسد
حتى الذهب يمك سجِدْ
ينادي أبنظرتك مولاي
خليني أشــمْ أتـــرابك
*
الشاعر
موسى البديري
بيت اخر لطلب الحاجه من باب الحوائج عليه السلام
شمه توصل ليدي بس دهري لها حال
الدنيــا بحـــال تتحـــول لهــا حـــال
گالــوا شدتـــك صــدگ لــهـــا حـــل
حلهــا أهنـــاك بــأرض الكاظميــه
الشاعر
موسى البديري
بعد أن التقى ابن سويد بالأمام الكاظم عليه السلام وقال له الامام أن موعدنا الجمعه على الجسر ببغداد كان متلهف لهذا اللقاء لكنه لم يكن يعلم أن نعش الامام الكاظم سوف يكون هناك
موعد لقائــي آويــاه فوگ الجسر الگاه
ولمـن جاني الصوت ما حسبيت الموت
محبوبـــي بالتابـوت مـوعد لقائي آوياه
**
يا شيعه محبوب الگلب
لمن لگيتــه أبــدمعه
شابگته ودموعي جرن
والروح ذابـت شمعه
يا يـــوم أشوفك سيدي
خبّرَني گـــال الجمعه
فرحان بي راح التقــي
ليش ألتقيــه وأنّعــه
ما حسبت يا ناس هيچ انه أودعــه
وبگلبي تسعر نـــار انتظـــره جمـعه
منتظــره بالآهــــات
گالولي خلگ مـــات
أمصابه اشد أمصاب دمع الجفن سچاب
مـــا ينحمل الغيـاب موعد لقــائي آوياه
**
مختنگ جيتـه للسجــن
هـــوه الهـــوه البــريــه
ودنيـاي ظلمـه بغيبتــه
نـور الله هــوه وضيــه
ابلياه أحس كل شي عدم
دنيـــاي أحــس مگضيه
ضامـي تعنيتـه أبعـطش
الكــوثــر أبوجهه وميّــه
مسجونه كل دنياي مو موسى مسجون
وحگها تسيل ادموم من تبچي العيــون
بشوگــي اله اتعنيت
افديــه أِنــه أتمنيت
لكــن بنـي العبــاس لا ذمــه لا إحــساس
سجنو اعـــز الناس مــوعـد لقائي آوياه
*
مـن شفته حاجيتـه بألـم
وگلبي اليحب ظل حاير
يـــا سيـدي ليــل اليمــر
بيك انــه أحس العاشـر
والگيد بچفوفــك صفــه
مــولاي طبعــت حافــر
هوه السجن درب السبي
تمشيه أحس وحــايــر
بعيونه شفـت الشـــام والله ومصــابه
ويـــوم السجــن يـا ناس چنه الخرابه
عاشــــر محــرم عــاد
چنــه بسجن بغـــداد
بگيد الچفوف أيشوف عمته سبيـه أطوف
وكافل بـلايا اچفـوف موعد لقائي اوياه
*
بوجهه شفت مطبوع اثر
وهلت أدموعي أبحسره
هــذا الأثــر منـــه شفـت
مسطــور خــد الـزهـره
وبگيده چني انظـر علي
مچتوف مــــن الــزمره
يا جمرة الفاگــد أهــــل
تسعــر لهيـب الجمـره
أصــل السجن للبــاب أصـل الـــرزيـه
يــوم الـــذي كســـــروه ضلع الزچيـه
هل السجن أصله أهناك
يــوم السقيفه أنحـاك
بسم جعده چبده يـذوب هذا الأمـر محسوب
من أهــل الغدر مكتوب موعد لقائي آوياه
*
منتظــــر جمعــه أبلهفتــي
وادري يوافي أعهـوده
هسه يجيني أعلى الــوعــد
واشتــم عبيــر أوروده
ولن صوت أجاني عالجسر
جثــه بـقــت ممــدوده
وعالجسر شاهـدت النعش
لكــن تشـــده أقيــوده
فوگ الجسر خلـــوه أربــع حمــاميـل
ومن ثگل ذاك الگيد نعش الولي يميل
وفه أبعهوده اويــاي
شلته أبدمــع عيناي
گلبي الـه مشتــاگ مـا حسبت الفراگ
ليش الضــوه ينبـاگ موعد لقائي آوياه
**
الشاعر
موسى البديري
ميمر كربلائي إلى السيده زينب عليها السلام
بنــت الولــي شيعــة علـي
نــادوا يحـره اتدللي
يومچ تـره بأرض الشـام
طــف كــربله يســوونه
*-----*-----*-----*-----*
لمــن يـمــر يومــچ يزينب بيــنا
بلوعة وحـزن يـم گـبرچ اتعنينا
وبسمــچ ينوح وينتحب ناعينا
بلوعة گلـب يبچي بالمحب
مـا تبـقى زينب بالغرب
وكل المواكب بالنــوح
نعشچ تــره يشيعونـه
*-----*-----*-----*-----*
يم الحزن هاچ أخذي منه احچايه
يومچ وحگ عبـاس راعـي الرايـه
لابـد يجــي ونتعــنه بـيَٓ مشـايــه
والقـــافلــه مــن كربــلــه
تمشي بمدامع سايلــه
وصوت المواكب بحزان
يهـل العــزى ضيفـونــه
*-----*-----*-----*-----*
أخذي العــهد يا زينب المظـلومه
يومچ مثل طــف كربلاء ويوميه
كلها تحج بي وتجيچ اعلــومــه
لوعه ودمــع ونَــه وشـمع
كل محب لجلچ ينفجع
وينادي يخت العباس
شيعة علــي محزونه
*-----*-----*-----*-----*
ارض التي اتحيرتي يمَـه بقصـره
بسمچ صفت هاليوم بنـت الزهره
هـذا النصر ويزيــد ضايـع نصـره
ربــچ أمـــر يــمْ الفخــر
رايتچ تعلى أعلى البشر
وموقفچ ضد الطغيان
كــل البـشـر يتلــونــه
*-----*-----*-----*-----*
يـا عالـمه ويـا فاهــم و متفهــمه
گلتي ليزيد اهــناك أعظـم كلـمـه
كد كيدك حسين انتصر وي دمـه
رغم العــده ورغــم السده
الله كــلامچ أيــده
ايــه كلامــچ للـيوم
يــا زينــب يرتلــونه
*-----*-----*-----*-----*
شاءالله يومــچ ينعرف مضــمونه
ومعنى النصــر والموقف يفهمونه
بكــل جامعـه هــذا النصر يقـرونه
وتــوصفــه. بكل معــرفه
زينب كلامچ فلسفه
بقصر الكفر گلتي اهناك
مـا ربحــوا العــادونـــه
*-----*-----*-----*-----*
رحتـي سبيه وســفه يــمْ الحـاقد
چنتي اسيره وهسـه انتـي القـائد
صوب الضريح العالم مـن يشاهد
يفهــم درس عــزت النفس
انتي وضعتيله الأسس
وظل الدرس حد اليوم
يــا زينب ايطرحــونه
*-----*-----*-----*-----*
اول مــره ذلـت بنـي مـرجـانــه
وهدت قصـر ذاك البغـي وبناينه
ديـن الله زينـب ثبتـت أركانــه
بكــل مقـدره الحـگ تنصـره
بنت الزچيـه الطاهـره
وشرع الإله بهل الكون
زينب حمت مضمونه
*-----*-----*-----*-----*
الشاعر
موسى البديري
تمت ١٥ رجب ١٤٤٥
الساعه ٦ صباحا
قصيدة ( جرح الشام ) تقرأ بطريقة التراث قصيدة حمزه الزغير الماي شلون اشربنه او بطريقه حديثه
جــرح الشــام فــلا يلتــام
تسعـــر جمـــــرة أمصــابه
*---------------*---------------*
جـــرح الشام مـا يهجع
ولا يگطع ابـــد نــزفــه
جــرح الفــاگده إخـوتها
ابـــد لا تعتقــد يشفــه
مو سهله الحرم بالسوگ
الشــامت بيــها يتشــفه
ولا بالعشره اظـم وجهي
وعــن الگـــوم اتخــفــه
وتشــوف الناس أخـــت عباس
تمشي ويــاهـــا ســــلابــه
*---------------*---------------*
جــرح الشــام يــاذيني
ويظل يلچمهن أجروحي
اشــد كــل نايبــات البين
جمــر يتــلاهب أبروحي
نوحــي لغيبت الخــــوان
يبقى لجرحه اشد نوحي
لان ذبـاح يمشــي ويــاي
ويمـــي راس مذبـوحــي
تجــري العيـــن لاخــوي حسين
من اشوفن شيبت اخضابه
*---------------*---------------*
جــرح الشــام اشــد وأكلف
من جرح الطفوف أضعـاف
شــافــو زينــب الشمـــات
وگبــل چـانت ولا تنشـــاف
مسبيه أعله هــزل النــــوگ
وعلى البلدان ظــل تنطـاف
گلبي مــن الطفــوف ينـوح
وعليه جـرح السبي ينظاف
جـــرح نـــزفـــه فـــلا يشفــــــه
بگلبي يوجــــع أصــــوابـــه
*---------------*---------------*
جرح الشـام ظـل للـدوم
يصعــد بالنفـس نيــران
اشـد مــن نــار خيمــاتي
لمّن طــاحـــوا الخّــوان
بيــت الطبـــه جــبرائيـل
أطبه امچتفــه بـديـوان
گلبي مــن الحزن مذبوح
ويضحك ابن أبو سفيان
نظـــر لينـــا شمــت بينـــا
وگلبــي راد غيـــابـــــــه
*---------------*---------------*
جــرح الشـام منــه يلـوع
گلبـــي ولا يكــف ويهيــد
مــن طبينا لأرض الشـــام
بسبينا الناس عدهم عيـد
وشفت ثغر العميد حسين
يضربــه ابخيزرانه أيـزيد
وشفت رايــة گمــر هاشم
يوسفه انحملت أبغير أيــد
صحــت وسفــه لـــون چفـــه
يـــرد ويشــاهـــد أحبـــابـــه
**
الشاعر
موسى البديري
ايةُ الصبرِ قبلةُ الخدرِ
في مدى الدهر أنها زينب أنها زينب
***
على زينب لون تكتب شعــر وبحــور
شـــرط كل القوافي مطــرزات ابنـور
زينب يعنـــي زينب واقعـــة عاشــور
بـنت البسملـه والنقطــه بنت الطـــور
سورة النصرِ أية الدهرِ
من اذا تدري أنها زينب أنها زينب
***
اسمهـــا مـــن تكتـبه خطـه بالإحساس
وخلي أحروف اسمها كون بين أقواس
ودنگ مـــن تكتبه وهبــــط الها الـراس
لا تنظـــر اسمها المـــا تصدهــا النــاس
أيةُ الباري في ثنا الدارِ
رمزُ أشعاري أنها زينب أنها زينب
***
العاشــر يا التناشــد هيـــه عنوانـــــه
صموده وكبـــريائه وصبــره وايمانـه
ايه مـــن الصبـــر ذاكـــرهـا قـــرانــه
ويمها ايــوب كلها اتــلاشت احزانــه
حزنهُ صــلا للذي حـــلا
فيها تجـــلا أنها زينب أنها زينب
***
أنتوضـه لبيت ربنه وننــوي عالقبلــه
وزينب بيت عفّـــه مــــا يصــح مثله
يتوضـــه الشاعــر الـــي راد يكتبلــه
ولا يخدش اسمهـــا يِوّصفــه بالـذله
زينبٌ حيــدر امُها الكوثــر
للعزِ مصدر أنها زينب أنها زينب
***
العمـر كلــه العقيلــه مــا تطــخ الهـام
واذا رايد شهود الشــاهد الهــا الشـام
گبل ذلت يزيــد وهسـه كثـره اقــزام
بالك لا تخـط أعلــى العقيلـه اوهـــام
علمها القرأن مصدرُ الإيمان
علةُ الأكوان أنها زينب أنها زينب
***
الشاعر
موسى البديري
***
بالغرب جــاها الأجل
لا اخــو يمها وأهـــل
زينب بـــذاك المحـل
يا حسافه. يا حسافه
*
عن مصاب الحره لـو نحچي الرزيه
أمنيــه رادتهـا بـــت أمهـا الــزچيـه
أتمنــت إخوتها تجــي قبـل الــمنيه
لكــن شخلــت عليهــا الغاضـــريـــه
الموت بالغربه صعب
وجفن اليتاني يصب
اخوتها ظلوا عالترب
يا حسافه يا حسافه
*
من وداع الطــف جمر يسعـر لهيبـه
مــا بطل يـوم وسكن دمـع المصيبه
تذكــر حسين البقـت جثتــه سليبـه
والگمر عالشاطي والهامـه خضيبه
تذكــرت ذيـــچ الشباب
من الدمه صارو خضاب
والگمر عالشاطي غاب
يا حسافه يا حسافه
*
أتذكــرت گبل المنيــه أوداع أهلها
بالطفــوف وذكـرت أوداع الكفلها
اتمنتــه يگصدها والدمعــه يهلها
ذكرت الطف عالنهــر واگع أملها
عالنهر طـــاح الكفل
أهناك مر بيها الأجل
من مخيمــه اشتعـل
يا حسافه. يا حسافه
*
يهلي نادت چنهـا والمدمـع تجاره
ويـن يليوث الوغــه الكلكم غياره
گلبي سـاعات المنيه تسري نـاره
تطفه لــو مريتو يا أهلي بزيــاره
يهل يصوبني الجـره
بالسيــوف امــوذره
والجثث فــوگ الثره
يا حسافه يا حسافه
*
يهلي معروفــه اليموت أهلــه تشيعه
وتنحب أعليـه بالمنيه وتجـري دمعه
وسفه يهلي اتــوزعيتو قطعـه قطعه
للمنيه أعليكم انـــه بحرگـــه انعــــه
نــاري چـــن نــار الخيّم
مـــن هـــوه ذاك العــلم
ابگلبي غافي اشجم سهم
يا حسافه يا حسافه
*
مــاتت أبغربــه العقيلــه الهـاشميــه
مـن ظلم أهـل الظلاله وغــدر أميه
بالغــرب محــد نصب الها العـــزيـه
وهسه ألها تنوح كل هـــاي البريه
ماتت أبحسره وقهــر
أخــت عبــاس الگمـر
استشهدت وي النحر
يا حسافه يا حسافه
***
الشاعر
موسى البديري
