السلام عليكم ورحمة الله وبركاته
بعد أن حذف حساب اليوتيوب قناة الرادود على العنبر هذا رابط القناة الجديد
فضلا وليس أمرا الاشتراك بهذه القناة
alianberofficial?si=bGchCvfSATWZ9FrK" rel="nofollow">https://youtube.com/@alianberofficial?si=bGchCvfSATWZ9FrK
مقدمه الى الامام الصادق وحزنه من واقعة الطف
عاشت اوياه الالام الالام
تجري عيناه لسبي الشام سبي الشام
***
ربت ويــاه جمــره مــنْ الخيّم تســعر
وي جـمرة مصاب حسين ابــو الاكـبر
شلون اعيونه ما تجري الدمع الاحـمر
مــن يذكـــر چــبـد عبـــدالله التفطـر
ويذكر بــــآه الايتــــــام الايتـــــــام
تجري عيناه لسبي الشام سبي الشام
****
حرگ الدار جــدد تــدري يـا لـوعه
من طاح الحسين ورضو اضلوعـه
حرگ خيام عمته وروحه مفجوعه
يكف اشلون كلي وتنشف ادموعه
تشهد الاه الايـــــــــام الايـــــــــام
تجري عيناه لسبي الشام سبي الشام
***
شكثر آهِـات عــن طـف الحزن يروي
هــز صــوتـه الارض والعالم العــلوي
جمرات الطفــوف بگلبه ظــل تچوي
آه يحسين صوتـــه بكـل وكت يدوي
جــدي ويلاه من الاسهـام الاسهام
تجري عيناه لسبي الشام سبي الشام
***
العماته انسبن مــا تطفــه جمــراته
تمشي وي النفس كـل لحظه آهاته
الستر يسبونه تضحـك يمّه شـماته
قــرأنــه المجــالس دمعـــه ايــاتـه
زينب وياه بالاحــــلام الاحــــــلام
تجري عيناه لسبي الشام سبي الشام
***
روايــات المجــالس وصـلت انــه شــگد
لمصـــاب حسين خـل ثوبك يظل اسود
تطفه النار لـو دمعــك جـرى اعلى الخد
موش حسين مرمي اعلى الارض احمد
امـــه تنعــاه يا الاكـــرام يا الاكــــرام
تجري عيناه لسبي الشــام سبـي الشام
****
الشاعر
موسى البديري
ميمر ( جعفري ) مجنس إلى الامام جعفر الصادق عليه السلام
يالتنشــد أعليــه منيــن
شيعي وأمامــي جعفــر
*
تنشــد علّــّي گلبـــي سـؤالك مله
أهوى شخص تعرفني من يا مله
هاك استمـــع لكن أبصــوت المـلا
من منظري الدم جعفري
حب حيدره يظل مصدري
ما أبــدل أبحـب الإل
كنوز الأرض والجوهر
**
بجعفــر الصــادق تعلّه دوم الرايــه
يا مــذهب الما درس علمــه و رايه
من الزغــر شهگــت غرامــه الريــه
شهگت عشگ وگلبي يدگ
جعفري ابقى من صدگ
وما اعوفه ابدن للموت
لــو ينگطع هل المنحر
*
كــل الحقــد يالناصبــي مــن جــدك
واعـرف هزل طبعك تره مــن جـدك
جد واجتهد شنو الربـــح مــن جدك
خذ مايلي واسمع الي
ما تدخل الجنه وعلي
يــا جنه گلــي الوعدوك
وچم جيل بيها اتقشمر
****
وارث عشگهم مــن أبي مــن جـدي
جديت انه وكــل الربــح مــن جدي
لا مو هزل اخذ الحجي مـن جــدي
بلا حيدره خير الورى
لا جنه يــوم الاخره
الجنــه تــره بالكــرار
صدگ أبغيره تخسـر
*
اربعطـعــش الهــم بصمـت أبعشـره
وعشرة عشگهم ما أمل هل العشره
بــالك تگلـــي أمبشــريــن العشــره
يا عشره اجب اقره الكتب
تسعه تراهم بالچذب
أواحد فقط بس معروف
لــو رايــد اقـــره المصدر
*
مـــا اتبـــع أهـــل الشــرك لا غيّها
شما تلغي ثق مـــا استمـــع لاغيها
بـــس جعفــر وغيره تـــره لاغيها
يظل مذهبي لا ما أبي
غيره ولا لذ مشربي
الشارب عشگ حب الآل
گلبه يظل غصن اخضر
*
الشاعر
موسى البديري
شيعي أبقه وموالي الكل يعرفوني
والصادق أمــامي وﮔـــرت أعيوني
***
شيعــي وأفتخــر واليت للعتــره
لن بيهم وصية طــه ابو الزهــره
أواليهم وأظلن لــو ألــف مـــره
أمــوت وأحيا وأنــوبه يفجروني
***
يفجروني ويظل صوتي بفخر ناطق
شيعي انه وامامي جعفــر الصــادق
مشيت بهل درب والله بجدم واثـق
وكل هــاي البشر مــا أذل يعــرفوني
***
ماذلــن أوالــي لثنعـش معصـــوم
وأمامي جعفـر الصاق يظل للــدوم
بسمــه جعفري أتسمــه بين الكوم
أمامـي وجعفــري كلهـم يسموني
***
أمامي وجعفري وعالــي يظل الــراس
والصــادق أمامــي دگ أليــه الســاس
شيعي وجعفــري والغيره مــن عبـاس
وفده المذهب أضحي براسي وعيوني
***
نضحي لمذهب الصادق مهج ورواح
وحبه نشيله بالدنيـــا درع وســلاح
بوجه تكفير أميه كل مــوالي صــاح
أنـــه أبــن العقيــده يالتكفـــروني
***
أنه أبن العقيده وأهوى داحي الباب
أنــه المــا أذلن يـــوم للإرهــــاب
لو جسمي يتوذر لـو أصير أخضاب
قــربان لعلــي خلهــم يقـدمــونـي
***
الشاعر
موسى البديري
قصيدة لذكرى تهديم قبور البقيع في الثامن من شوال
بالبقيـــع أربـــع گبب
تنبنـــي باچـر ذهــب
واالمواكب تنصّبْ يم الضريح
يمنه يالزاير تفضـل وأستريح
*
بينه جمره جمرة الفارگ حبيبه وعنه غايب
بينه جمره جمرة العطشان طفله وگلبه ذايب
بينه جمره للبقيع ولوعته وفعـل النواصب
بينه جمره جمره تسعر بالگلب لجل الحبايب
تطفــه جمــرات الدهر
مــن يجينــه المنتظــر
بعالي صوته أهناك بالدمعه يصيح
يمنــه يالزايــر تفضــل وأستريــح
*
تعله رايه باچـر بعـون الله وترف عالمناير
تعله رايه بالبقيع المهدي همْ ويانـه حاضر
تعله رايه مطرزه ابلون الدمه ونزف المناحر
تعله رايه وتنصب بأرض البقيع اعظم شعائر
ونقـــره مقتل بالدمــع
والخــلايـــق تنفجـــــع
ابصوت عبد الزهره نصرخ يالذبيح
يمــنه يالزايــر تفضــل وأستــريــح
*
للغوالي نبني مرقد من ذهب يسحرها العيون
للغوالي نعتني أنـزور بـرغم كل اليضدون
للغوالي للبقيع من الطفوف أحبابه يمشون
للغوالي تدخل أصحاب المواكب من يعزون
أبصوت ياسين أو وطن
نلطم أبوســط الصحـن
وموكب الخدمه ينصبونه المسيح
يمنــه يالزايــر تفضــل وأستريـــح
*
من نجيكم نگصد لصحن الحسن احنه ابطلبنه
من نجيكم ندري ابو محمد كـريم وما يردنه
من نجيكم آوياكــم أبدم النحـر نكتب عهدنه
من نجيكم نگطع اچفوف اليضدكم واليضدنه
نلبس أثيــاب المجــد
والله عنكم مــا نـــرد
نجيبه خادم يمكم الطايح جريح
يمـنه يالزايــر تفضــل وأستريــح
****
بالمناره نـــرفــع أذان التشهــد بالـــولايه
بالمناره عالمباشــر تستمــع كــل البرايــا
بالمناره نقــره أسماء الايمه أهل الهدايه
بالمناره علم مــرفــوع وعليه مكتوب ايه
اية النصــر المبين
تنظر الها العالمين
قد جاء نصر الله للكون الفسيح
يمنه يالزايــر تفضل واستريـــح
****
الشاعر
موسى البديري
مطالبنـــــا البقيــــع نعلـــي بنيــانه
وبأســم المــرتضى يتــردد آذانـــه
۩ • • • • • ۩ • • • • • ۩
مطالبنــا تظــل لأخــر نفــس بينــا
يــا جيــل اليجــي يجـدد أمـانيـنا
لحد مـــا يظهر المــوعــود مهدينا
وتعلى الرايه بيده وتوصل اسمانه
۩ • • • • • ۩ • • • • • ۩
مطــالبنــــا الگبـــب تتعلــى للعتــره
ونطب زوار احنه نصلي بالحضــره
نشم ريــحت محمـد والله والـزهره
تحيي أنفوسنــا البالفــرگـه ذبــلانه
۩ • • • • • ۩ • • • • • ۩
مطالبنا البقيـع أربــع گبــب بيــها
نصَبحــها بــزيارتنـــا ونمسيــهـا
حمام الحضره يرجع يفتـر اعليها
ومثل طيــر الحمام اگلوب لهفانه
۩ • • • • • ۩ • • • • • ۩
مطالبنا نطــب من بــاب ابو محمد
نــزوره ونــدري بي لا مــا يرد أحد
كــريـم وبابــه للحــاجات مـا ينسد
يستقــبل جميــع أحبـابه ديـــــوانه
۩ • • • • • ۩ • • • • • ۩
وزين العــابدين أنهـل الــه الدمعه
أمام الشاف يا حجـه أنهشم ظلعه
نــزوره ونگعــد أبابـــه نظــل ننعه
ونــذكر يـــا مصــاب الهدمْ أركانـه
۩ • • • • • ۩ • • • • • ۩
ويـم البــاقـــر نجـــدد مــأسينــه
شاف الطف عــذابه بأول اسنينه
يومـــك سيدي مـا لحظه ناسينه
ونعرفــك بالحشــر لا لا متنسانه
۩ • • • • • ۩ • • • • • ۩
والصــادق نزوره ونگعـــد أبابـــه
وبلهفــه نشـــم ونقبـــل أعتابــه
كريم وما يـرد فــد يوم أحبــابه
وبابــه نــروَي أرواح عطشــانه
۩ • • • • • ۩ • • • • • ۩
الشاعر
موسى البديري
الى مملكة العواهر
شيعه احنه ويظل تاريخنا يشـرفك
يبن المدري يـاهــو ومحــد يعرفـك
انتِــه المــا تتَعّــب كلـمن يوصفــك
( ومعروفه بأصلك بي لوله )
الشاعر
موسى البديري
https://youtu.be/p8gbsODBOOc?si=nxGVLqdEs1as_J2q
Читать полностью…
((هوسات الى أمير المؤمنين))
****
مو هامك علي مصيوب هـــام الدين
طبروه بالغدر يا حيـف يا ابو حسين
ولن صوت الوحي جبريل بالصوبين
(( ركن الدين اليوم اتهدم
وي هامك حيدرينزف دم ))
***
انفجعت للمصـاب اليوم انس وجان
مــــا صــــابو علــي لا صابو القرآن
ومو دمه النزف ظل ينزف الايمــان
(( مو دمه السال ابمحرابه
آيات الباري السچابه ))
**
وي زينب لسيل اليــوم مني ادموم
من شاف علي بسيف الغدر مهشوم
اتگله العيد اجانــــي والگلب مالوم
(( مصيوب الوالي بهل اليله
وي زين نگعد نبجيله ))
***
يميزان العدل يـــــا رحمة الجبار
يا سيف الاله ومنبع الاســــــــرار
وي هامك تصوب يا علي المختار
(( وي هامك مصيوب الهادي
وكل مرسل هاليوم ينادي ))
***
ركن ديـن الاله اليــوم وسفــه انهار
من صابو غدر هامــــت علي الكرار
وكل شيعي وموالي ابگلبه شبت نار
ويندب لو دونك ظل هامي
ولا راسك يا حيدر دامي ))
***
الشاعر
موسى البديري
وداعاً وداعاً. يبويه يا علي حيدر وداعاً
*
هاي اخــر ليله يــا حـامــي الحميه
شلون اودعك بويه أنه بهل المسيه
تــرد باچــر يا علــي اردود الــرزيه
جدد امصــابك فگــد امــي الزچيه
وداعاً وداعاً يبوبه والگلب يسعر وداعاً
*
هــاي اخــر ليله يا راعــي اليتامه
بدمعــه تتمنى تــرد بويه بسـلامه
ينشدوني والدمــع الهــم علامــه
عمه اخبرينا شجره براس الامامه
وداعاً وداعاً يبويه والجفن احمر وداعاً
*
انظــر الــوالي ودمـع عيني يلالـي
صعبـه يوميــه أودع بويـه غالــي
الليله اخــر ليله وي عــزي ودلالي
هوه يا عيد اليجي وغايب هلالي
وداعاً وداعاً يبويه ابنوحي اتصبر. وداعاً
*
هــاي اخــر ليله وانــوب المنــايا
تبــدي بعـدك لو رحـت كل الرزايا
بويه باچــر امشــي للشام بسبايا
واترك اهلي عالرمل كلهم ضحايا
وداعاً وداعاً يبويه وبالنسه اتحير. وداعاً
*
بويــه ريـت العيد لا بعـدك يجيــني
هــوه المــن جاينـي وآنـــه ابونيني
بيش اصبر روحي وعيوني وحنيني
شمس أنته وظلمه من بعدك سنيني
وداعاً. وداعاً. يبويه بعدك اتيسر. وداعاً
**
الشاعر
موسى البديري
قصيدة ( ٱهٍ حيدر ) ملمع لذكرى شهادة الامام علي عليه السلام
يا صرخةَ وحيُ الجبار
يا أبتي يا حامي الجار
رأسُـــكَ يُطبر آهٍ حيـــــدر
يا أبتي يا حامي الجار
*
صرخه من گلب مفجوع
صرخ گلبي ودموعي تسيل
مثل صرخت وحي الباري
يبويه مــن صــرخ جبريـل
ودمعي بويــه لمصــابــك
مثل دمـك علـي من يسيل
يشسمي الغابت بهل اليوم
صفـت أيامـي بعـدك ليـل
يا ملجئ قلبي الحيران
بعـــدكَ أمـــاً للإحــزان
قلبـــي يُنــحـــر آهٍ حيـــــدر
*
وعد يا ابو اليتامه اليوم
أشوفــك سابـح أبدمك
واصفــر وجـهــك الليلــه
يبويه ومختلـف رسمـك
وهمـي يــا أبــو الأيتـام
علي وارثته مــن همـك
مثــل هـاي اليتامه تــريد
روحي يـــا علـي يمـك
يا أبتي دمــعُ الأيتـــام
يروي لكَ جــورُ الأيــام
وجَعَــاً أكبـــر آهٍ حيـــــدر
*
يبويه البــاري بآياتــه
شكثر يا ابا الحسن حذّر
وگال أبمحكم التنزيــل
اليـتيـم إيـــــاك لا تقهــر
بس أشقى البشر كلها
براســك چــم گلب دمــر
يبويه وصرخة الأيتام
مثل جبريــل مــن كبّــر
تبكي بدموعِ الأحزان
تنعـى آيــاتُ القــران
صوتٌ كّبـــــر آهٍ حيـــــدر
*
يرويلــي قصص وإلام
يبويه هامــك المفتــوح
ودمــك بويه يـوم سال
يظل أبكل وكت مسفوح
اشوفن منــه يـا كــرار
چم منحـر يظل مـذبوح
عني من تروح اليوم
سبايا بويـه احنه أنروح
رأُسكَ والضلعُ المكسور
بـــابٌ للنحــرِ المنحــور
نـــارٌ تسعـــر آهٍ حيـــــدر
*
يبــو الأيتـــام يـــا كــرار
الهـــم انتــه تچــايــه
يبويـه حيــرت الأيتـــام
باچــر تبقــى ويايـــه
من كافل ضعنه أيطيح
ابكتره توگــع الــرايه
وما ينشف دمع عيناني
لــو شــح النهر مايه
أمٌ بــعـــدكَ لــلأيتـــام
في دربِ الكوفةِ والشام
دربٌ مقفـــر آهٍ حيـــــدر
**
الشاعر
موسى البديري
گعدية ( ال dna ) في حب وولاء امير المؤمنين وحديث النبي ان من يبغضه ابن زنا
حبــك يا علــي يمّيـز البــرايــا
الطاهــر مولده من ابن البغايا
ال dna گبل چان حب حامي الحميه
****
العــالم بقمــة عطائــه بالعلــوم المعـــرفيـــه
وصل فـي علم الوراثه لجوهر اسرار الخليه
ياهو چان الاصله طاهر عن اصل ابن البغيه
الهادي اختصر هل المسئله
بهـذا الفحــص گبــل المَـلا
الامــه شريـفــه أمــأصلــه
بحب علــي خيــر البــريــه
الامــه طاهــره وطـــاهر حليبه
عنده المرتضى روحــه وحبيبه
چان الفحص معروف حب حامي الحميه
****
الهادي بين هل الحقيقه من بدايات الرساله
يعني گبل الكون كله الجينه تظهر والسلاله
بحب علي الكرار تطلع هل النتيجه وياه آلـه
بـلا اجهــزه تبين البـشر
وللجينه ما ياخذ صــٓور
حب حيدراعظم مختبر
مختـبـر رب الجـــلالـه
اهواي ارحام طلعت مـو شريفه
والناتــج وضَــح يــوم السقيفه
بين اصله للناس حب حامي الحميه
****
وضّـح الهادي محمد والدليل مــن الــروايه
اليبغض الكـرار هــذا شالته اراحــام البغايا
اكبر من الفحص حيدر صــار للعالم هدايـه
شكــــرا الهـــي يالعلــي
طاهر نسب انــه وهـلي
معروفه چي نهوى علي
مــن البــدايه للنـهــايه
اغلى مــن الهوى حيدر علّـيَنه
يعني الحبه ظل طاهر الجيِنه
الجينه بيها موجود حب حامي الحميه
****
حــب علي بعده يتنـقل بالاصـلاب الجعفريه
وبغضه هم ظل يتنقل من صلب اذناب اميه
لحد هــذا اليوم بعده يكشف انســاب البريه
الله يــا هــــذا الــــزمـن
وضـــح حـقــائــق للعـلن
البغضوا علي عبدوا وثن
والبغــض ديـن وهــويـه
اليبغض حيدره معروفه اصوله
ناكــر ديــن بــارينــه ورســـوله
ودين الله شرط كون حب حامي الحميه
****
عالمباشر شفنه وادم تفخـر ابـغض الصميده
واليحــب حيدر تحلل مـن بغضهم دم وريده
ضنوا نــعوف الولايه وحيدره اصـل العقيده
منعوف حب المرتضى
سمـونه لجــله رافضـه
خل يسمــع الي بغضه
والي غيــره مـا نريده
الاول حيـدره وبـهايه ايـه
حد الموت منعوف الولايه
دمنه اليجري متروس حب حامي الحميه
****
الشاعر
موسى البديري
نبقــه أنــادي حيــدر حيــدر
روح الهــادي حيــدر حيــدر
***
نبقــه بحبــك نـلهــج نـهٓتــف
لو دمنــه يســيل ومــا ينشف
أسمــك بيــه الكــون أتشـرف
ولحبك يــرخــص هــالمنـحـر
***
نفدي المنحـر نـرخص دمنــه
أتــروح أرواح ولا ميهمـنـه
جـرحــك يــا حيــدر علمـنــه
نثبــت والله ومـــا نتـغــير
***
نـثبــت وبـحبـــك نتـعلــه
حبــك عَـــزّه ولا مـــو ذلــــه
الـدنيا بغيــرك لا مــــا تحلـه
رغـم الجـــور بحـبك نفـخــر
***
نفـخــر عالــعــالــم للتــالـــي
أنـت من الله منــصب والــي
يرخـص كلشي وتبقه الغالـي
نبقــه نحبـــك لــــو نتــــوذر
***
لجــلك نقـبــل لـــو نتگـطــع
لـو كلهه تضدنه ومـا نـركــع
خـــل أرواح لحبــك تتطـلـع
مــا يطـلـع حبـــك يتجــذر
***
خــل كـــل الــراد يعــادينـه
حيــدر قــائــدنــه أواليــنـه
حيــدر نهــج البــاري وديـنه
والمـا بـايــع حيــدر يخـسر
***
خــط الــدين أبــدم الـهــامه
وبزوده وعزمــه وصمصامـه
والبـــاطـل حطـم أصنــامــه
لدين الــباري حيـدر مصــدر
***
نخــط بدمنــه العهد أنـوقعه
وخــل العــالم كلهـه تسمـعـه
لو تطبگ سبعه أعلى السبعه
منعـوفــك نقســم يــا حيدر
***
الشاعر
موسى البديري
للصـادق شيعــه اتسمَــينه
للصــادق شيعــه اتسمَيـنه
***
نفخــر والله بهــاي النعمـه
شيعــه ونتبــع نهـج اليمه
الضيع درب الصادق اعمه
ضيــع دنيــاه وظــل دينه
***
ضيــع دينـــه الضيــع نهجــه
من الله الصادق اصبح حجه
المـــا يتبــع دربِــه شيترجــه
ضيّـع ديـن الله وهــاديــنــه
***
الصادق سر ديني وعنواني
واضـح نهجي مــو سفياني
يبـقى الاول لا مــو ثاني
مــذهب حيــدر حق والينه
***
هـاك اسمِع وانظر اخبـاري
عـن جده يروي مـن الباري
مـِو عــن افــلان الـما داري
مــن يا مصدر ماخــذ دينه
***
الصادق دين الله ومضمونه
نفخــر بأسمــه من يسمونه
لجلــه لهل يــوم يعـادونـــه
دمنــه لديــن الله مرخصينه
***
يرخص دمنه لمذهب جعفر
روينــا الــگـاع بــدم احمــر
مــا بيـنا الخــاف ويتــعـذر
مــا دام القائــد مهــدينــا
***
باچـر مــن يظهــر خــدّامـه
بس للمهدي انطـخ الهـامــه
الما يهوى المهدي واسلامه
كافــر هــذا باطــل دينـــه
****
الشاعر
موسى البديري
أبيات ابوذيه للامام الصادق عليه السلام
على الصادق يگلبي ابنوح حضر آه
أمــام وماله فـــوگ الگــاع حضـره
اليـــوم بمجلسه المنتظـــر حضـراه
يعـــزي شيعتـــه بهـــاي المسيــــه
*
حـــزن الطـف حزن گلبـي يعمّـه
وأنشـــدچ عالجـره أهنـــاك يعمه
بالطف عالارض طاحــت يا عمّه(*)
مــن حـــزو نحـــر روح الزچيه
(*) اي عمامه
*
الشاعر
موسى البديري
هذه القصيده خاصه ولائية للإمام جعفر الصادق وولاء الشيعه إلى أمامهم عليه السلام
جعفـريـون نبقـــه ويــــرف العـــلم
جعفريون تــاج صرنه أعلى الأمم
دمنــه ينبض بالـــولاء
كلنــه للمذهـــب فـــداء
*
جعفري صــوت الينادي – تعـــب وذل الأعـادي
صوت الأحرار
أرواح للمذهــــب فدينه – وبدمه العـــز وقعينه
نبقــه أنصـــار
جعفـر الصــادق ولينــه – روح يالتسئل علينه
والله تحتـــــار
احنـه ذلينــه المنــايـــا – وتشهد بهاي البرايا
أقـــره الأخبار
جعفريون احنـــه عنـــوان المجد
جعفريون يشهد بهـــاي الحشـد
والله رخصنـــه الدمــاء
كلنـــه للمـــذهب فــداء
*
يا التناشــد عالهـويـــه – جعفـريـه جعفــريـــه
بختم الحسين
مــن ختمها أبدم وريده – هالهويه أصل العقيده
للمـــــواليــن
چفــوف قدمنه ومناحر – حتـى نحييها الشعائـر
ونحيي هالدين
والگمــر عزمـه وآبائه – الها رخص كل دمائــه
وأنطــه چفيــن
جعفريون والگمـــر خــط الهـــدف
جعفريون وهســه خطتهــا النجف
بفتـــوه لبينـا النــداء
كلنـــا للمــذهب فـداء
*
راية المذهــب فخرنــه – الها رخصنـه عمــرنه
تعتلي ابـزود
رايـه مــن دم المناحــر – انرفعت أبعز عالسواتر
واحنه الجنـود
رايه من چــف الامامه – عالنهر ظلـــت علامـــه
بذيــچ الزنود
والحشد مـــن اعتناها – رفـــع للعالي لـــواهــا
وقــدم أعهود
جعفريون بالدمـــه أنخــط العهــد
جعفريون أنــادي يالقــائــم مــدد
يمته تحضــر كــربـــلاء
كلنا للمـــذهــب فــــداء
*
صوت ياجعفر نرفعه –صوت مصحوب وي دمعه
من المحاجر
عهد يالصادق نطيعـك – نعتنــي بـــاچــر بقيعـك
بـالشعـــائــر
منبــرك بالعـز ننصبـه – وبالذهـب تتعلـــه گبــه
وي المنــاير
ونعتني بلهفه ونـزورك – نــرتوي بشمـت عطـورك
والمنـــابـــر
جعفريون شما گصه ويانــه الزمن
جعفريون نصرخ ابوسط الصحن
نقيم بالحضــره العـــزاء
كلنــا للمذهــب فـــــداء
*
باسمك بعــزه انتسمه – والله يــا مـولاي نعمه
يـــا فخرنه
باچـر بيــوم القيامـه – كل شخص يدعى بأمامه
ما خســرنه
وأنته يــا جعفــر أملنه – بيـك يتقبـل عمـلنـه
يـــا ذخرنه
ينــادي ويــن الجعفريه – انتــو يخيـر البــريــه
في حشرنه
جعفريون صوت من نص الحشر
جعفريون الجنــه بيكم تفتخـــر
بيد حيــدرنه اللــــواء
كلنــا للمذهــب فــداء
*
الشاعر
موسى البديري
جعفــر الصــادق أمامــي ودينــي
ومذهبــه لــدرب العــدل يهـديني
****
يــا التنـاشد عنـي تعـرف مذهبي
واعــرف بنهجك حقـود وناصـبي
أمــي غــذتنــي عشـگ ال النـبـي
أوالــدي بحـب جعـفــر مــربينـي
****
مــا أزل عنهــم ولا عنهـم أحيـد
يمشي بالشريان حبهم والــوريد
بهل الكلام بكل وكت ابقى أعيد
شيعــي والكــرار گــرتْ عينـــي
****
انــه اتبــع ناس يروون الكــلام
من امام وعن امـام وعن إمــام
عن رسول الله عـن رب الأنــام
مثـــل هــاي السلسلـه دنطينـي
****
جعفــري يسموني تاج وبي فخر
افتخر عالناس اهوى اثنـي عشر
ابــدي بالكــرار حـــد المنتـظــر
هيـچ طاها المصطفى اموصيني
****
جعـفر الصــادق اتبعه ومـا أحيـر
مذهبــك طالب گبل عنـده يصير
راح اگلك كلمه اخذها من الأخير
مـــا اعوفـــه بحبه عجنو طينـي
****
ما اعوفه أمنصب بأمــر السمـاء
وما ابطل كل وكت انصب عزاء
دمعـــة الصــادق تهــل لكــربلاء
شلــون ابطـل دمعتـي وونيـني
****
الشاعر
موسى البديري
كعديه بعد أن تم بناء معابد بوذيه بالخليج ومنع بناء قبور ال محمد اقول في هذه القصيده
ألامه المنعت أنشيّد المراقد
لبوذا بكل فخر تبني المعابد
منعت حتى الأذان ردت تعبد أوثان
لبوذا بكل فخر تبني المعابد
****
أمــة الإسلام لحظه وين بيـچ الدهـر يمـشي
بسرعه تيهتي الحقيقه وبعد متفقهين كل شي
مات ابو طالب وگلتي مشرك ومؤمنها وحشي
خل نحچي عن هذا الزمن
معبــد بنيتـــي للــوثـــن
چــن الكفــر نــــاده بعـلـن
بالجــزيره انعــاد عـرشي
رد هسه الكفر بأرض الجزيره
وابـن الباغيــه صــاير أميــره
الحكمت هسه غلمان ردت تعبــد أوثان
****
لبوذا تبني الامه معبد وللنبي تهدم منـاير
اسأل الامه العظيمه وين دين الامه صاير
بالبقيع اربع مراقـد ليش مهدومـات حـاير
بالعتــره وصـاها امته
خالفــت كـل اوصيته
وي الرســول وعترته
ظل ضمير الامه كافر
ألامــه الخــالفت الله ونبيـه
ما اشك والله هل ألامه بغيه
نكرت كل الأديان ردت تعبد أوثان
****
هل التعــايش وين عنـه چانت ألامه الكريمه
ذبحت حسين وبنينه وابـد مــا گالــت ظليمه
وبأحزمة هند وسميه صـارت الشيعه غَنيمه
ولا مــرقــد الألنــه سلــم
عالارض چم صرح انهدم
بغضوا علي وعبدو صنم
وبغضو الـزهره العظيمه
مخفي الزهره عالامه گبرها
ســر ولا بشــر يعلم بسـرها
نكرت بيها قران ردت تعبد أوثان
****
رجعت ألامــه لــوثنها لــزمن ذيــچ الجاهليـه
رجعــت ويحكمها باغي من نسل ابن الدعيـه
نفس ذاك الحقد رده ضد بني الزهره الزچيه
باقي الحقد ضدهم فرض
من الامه بالطول وعرض
لا مــرقــد الهــم عالارض
والبقيــــع اكبـــر رزيـِــه
ألامه تدعّي الحب والحضاره
للهــادي فــلا خلـــت مــنــاره
بحكم أحفاد سفيان ردت تعبد أوثـــان
****
أمـه بس مفتيهه حـاقــد ما يحب عترة نبيه
أصــل ديــن الامـه واضــح للزچيــه ناصبيه
لدين ابو سفـيان رجعت تفتي بيهم ال اميه
رد مجتمعهم جــاهلـي
ما يهوى ابـد منهج علي
وحيـدره الـديــن الاولي
لا ذبــح يقبـل لا ســبيه
الضيع حيدره وضيع طــريقه
يعني امضيع الحق والحقيقه
حيدر اصل الايمان ردت تعبد أوثـــان
****
الشاعر
موسى البديري
قصيدة ( عاشر البقيع ) في مناسبة ذكرى هدم قبور ال محمد. في البقيع
عاشــر هدم الگبـــور نــار بگلبك تفـــور
ابد مــا تبــــرد النــار يمته مــوعد الثــار
يغــايــــب
*
يـــا أبـــو صالــــــح
گلبــك الله يساعـــده
جـرحه محّــد ضمــده
اهـلـك أبيــن العــده
ضحــايـــا
يـــا أبـــو صالــــــح
الحقــد ذاك الأولـي
بعده ضد حيدر علي
شوكت همك ينجلي
النهــايــــه
يـــا أبـــو صالــــــح
بعــده طفك مــا گضه
من الجديد من المضه
يجــري دم الرافضــه
منـــايــــا
جيل يـورثه لجـيل دمنـه ودمكم يسيل
عندك ندري الإخبار يمته موعد الثـــار
*
أرد أســـألـــك
عن جرح ينزف تعـــب
شلـون تنظــر بالعجب
للبقيــــع ابـــلا گبــب
تشـوّفــــه
أرد أســـألـــك
يا جــرح ينزف دمـه
ضلــع أمـــك فاطمـه
الصدره خيل تهشمه
وتعــوّفـــه
أرد أســـألـــك
جـرح عمتك ما شفه
بالحِبّـــال مچتفــه
من وگع راعي الوفه
وچفــوفـــه
ينـزف گلبك أجروح بكل طف انته مذبوح
وخيـل أعليك تندار يمّـته موعـد الثار
*
يــدمي گلبــــك
من تصد گبـر الحسـن
ابـلا منايـــر لا صحن
ادري بعيونــك حچـن
مشــاعـــر
يــدمي گلبــــك
للبــقيـــع وللجــــره
لبنيِ الزهره الطاهره
أبــلا بنـاء المگبــره
ومنــايـــر
يــدمي گلبــــك
وجفنك يهــل مدمعه
مــن تصد للفاجعــه
شحــــال أم الاربعـه
البــواتـــر
أتصد أبجفن همّال مراقد عتــرة الإل
الهــم بقـــت اثــــأر يمته مــوعد الثــار
*
لـــو زرتهـم
بــالبقيــع وتــربتــه
نار تسعــر حسرتــه
تطفه ما اظن جمرته
مسعــره
لـــو زرتهـم
والمدامــع سايلـــه
ادري تذكــر حرمله
والجره ابطف كربله
تـــذكــره
لـــو زرتهـم
ترسم أبعينك صّــور
صدر فوگه شچم اثر
وسيف يگطع چم نحر
تنـظــره
تذكر ذيچ الأنحور وخيول أعلى النسه أتدور
تشاهد ذيچ الإخطار يمتــه مــوعد الثــار
*
فــي ظهــورك
تبني ذيـــچ الاضرحه
سرهم انته أتوضحه
والمعــانــد تفضــحه
بحســامــك
فــي ظهــورك
رايــة الحــق تعتلــي
ونسمع بأسم الولي
من البقيع انه وهلي
أبنظــامـــك
فــي ظهــورك
مشي تگصد هل الملا
للبقيــع و كـــربلــه
والخــدّم متــواصلـــه
بغــرامـــك
بس أأمرها وتشوف بيدك تصبــح أسيوف
غيــره وعزه وإصـرار يمته موعــد الثــــار
*
الشاعر
موسى البديري
الى من يريدون حل الحشد ويسعون الى ذلك
ابن العاص اعرفه وعندي منهاجه
گبل گلــت الحشد بایگــله ثلاجــه
اعــرف الي تريده وما تنوله بيوم
ما احــل الحشد للموت احتــاجـه
( وبراسك ثابت نيشانه )
الشاعر
موسى البديري
اهزوجه الى مملكة العواهر وورثة قوم لوط
عديم الأصل مسني بخسة اللسانه
وتاريـخ اعــرفه وشنهي عنــوانــه
هذا ابن النزع مـن سيف ذو الفقار
يتبجح بصوته وناسي ياهو انــه
انه البسطالي ساحگ روس خوانه
( لليوم يون من طکاتی )
الشاعر
موسى البديري
ابوذيه الى الامام علي عليه السلام
علي البــاري يوصّــف حبه جُنّه
وعلــي المختار گايـل حبه جَنّه
علـــي عگلــي بغرامه حبه جنّه
تسودن بالعشگ حد المنيه
أمان
الجنه
الجنون
الشاعر
موسى البديري
بالدمعــه اتــودع والــدها
****
هــل اليوم زينب بالولي مفجوعـه
بيا دمعــه محتـاره وحـزن يالوعه
جفن العقيله مـــا بطـلها ادمــوعه
من باب الزهره مواعدها
****
مــن بــاب امـها والدمــع صاحبـها
لهامة علـي بالسيــف مــن خضبـها
هل الدمعه ما تنشف تظل تسچبها
( زينب والمدمع ياذيها )
****
تــودع وليهــا بالألــم والحســره
وگلب العقيله اتصوب وي الزهـره
والطف وراهــا ويـا عذابه وجمره
( وألطف ما تخمد جمراته )
****
وي اليتامى تهـل دمــه دمعـتهـا
وما بردت مــن البـاب يا جمرتها
الفگـدت ابـوهــا تختـلـف ونتـها
( للتالي تصرخ يا بويه )
****
تصد النعش من داره شال الليله
گلب العقيله من الحزن هد حيله
طول العمر دمع الفجيعه تسيله
(. يعينه الله الفاگد أحبابه )
****
وحشه يبويه الدار صرنه احنه ايتام
وشلون عين الفارگ أحبــابه تنـام
بحسره العمــر يگضيه وبهــم وآلام
( للموت ودمعاته بعينه )
****
الشاعر موسى البديري
مجموعة ابوذيات بذكرى شهادة الامام علي عليه السلام
علـــى النـــوح الـــدهر طشنه ولمنــه
وبعــــد مـــا تهــــده ونتنــــه وألمنـه
أجانــــه العيـــــد لا أبــــونـــه ولا أمنـه
صرنـــه أيتـــام حمّــــــاي الحميــــــه
يبويـــه أهــــلال عيـــد الفطـر هل هل
ودمـــع عينـــي عليك أدمــوم هل هل
يبويــــه الشامــت بهـــل يــوم هـلهــل
لچـــم گلبــــي ونهــــاري اظلم عليه
دمـــع عيني دمــه من العين منسال
ودليلي مـــن المصــايب دوم منسال
على هامــك السيـــف اشلون منسال
وطـــبر راسك يحماي الحميـــــه
ريض يـــا نعــش بــرجـــاك مــرهان
مو تدري الگــلب بالنــــوح مـرهان
جزّن حلــوه الليــالي وبقـن مــرهن
وبعد هيهـــات وكتـــي يحن عليه
عگــب عينــاك أدگ الصــبر والهــم
وبعد هيهات أجافــي النـــوح والهــم
علــى المطــبور راسه بسف والهــام
أنـــوح ولا تهيـــد الــــروح بيه
*
الدهــــر وياي ســوه الراد مــا راد
ومصابك يـــا علي لحشاي مــــارد
يبويـــه الگلب راد ويـــاك مـــاراد
عليـــه تبعد يحمــــــاي الحمــيه
الـــدهـــر عالـنوح هــددني وعـيــده
وحــــزن أم الحســــن رده وعيــده
الگلب بحــــزانه متگبـــع وعيــده
صــــــار همــــوم وآلام ورزيــــه
بزغر سنـــي وچفــوفي الــدهر لاون
ولا دمعــه التسلـــي الـــــروح لاون
يبويــــه رايـــح ليـــا صــــوب لاوين
أجانــــه العيد ونعيّـــد ســـويــــه
الشاعر
موسى البديري
أيا محرابَ حيدرَ ما الذي يجري
كتابَ اللهِ دامٍ ساعـــة الفجـــرِ
أصابوا فرض بارينا
أم رأســا لهادينـــا
يا محــــراب حيــدر أســألك هاليـــوم
يا هامه التسيل وتجـري منهه أدمــوم
فرض الباري صابوه وي شهــر الصوم
لــــو قــــرأن ربنـــه الواحـــد القيــوم
هوى التوحيدُ والإخلاصِ في الأرضِ
أم هــذي دمــاءُ الدينِ والفــرضِ
أصابوا هامة الدينا
أم رأســـا لهادينـــا
أسأل وأنشد وجاوبنـــــي يالمحراب
هذا الدين طايـــح وبدماه أخضـاب
لو حيدر علي بذكر الفجـــر ينصاب
أدري الدين حيدر يعني فد أمصاب
دمُ التوحيدَ في المحــرابِ قد سالا
ونــال السيفُ مـــن علياهُ مـــــانلا
دمُ المحراب يهدينا
أم رأســــا لهادينـــا
يا محــراب حاجيني أجيت أنشـد
يا راس أنطبــــر جاوب لتتـــــردد
صابوا راس حيدر لو نبينــه أحمد
ركن الباري صابوه وحسافه أنهد
دينُ الله هُدت منــهُ أركـــانا
وفي المحرابِ دامٍ طاحَ قرآنا
نارُ الفقد تكوينا
أم رأسا لهادينا
يا محراب حيدر مــن هوى القـــــرآن
هوت سورة محمد والله والإنســــان
هوت قاف وزمر فوگاهن الفرقــــان
وهتف جبريل ينعى أبعبره وأبحزان
عليُ الطهرِ في المحرابِ قد غيلا
وينعــاهُ بصوتِ الحُزنِ جبريــلا
ينعى فقد والينا
أم رأسا لهادينا
يا محراب مقصوده الصـــــلاه والدين
وكلهــــه تجمعـت والله ببوالحسنيــن
أنصابن بالفجــــر من زمـــرة الباغين
بغدرهم هامته أنشطرت أسـف نصيـن
نصفٌ وحــد الباري مــدى العمرِ
ونصفٌ يعشقُ المولى مــع الذكر
دمُ الكرار يروينا
أم رأسـا لهادينا
**
الشاعر
موسى البديري
هالليله الموالي أشتدت أحزانه
ودين الله هوّت ونهدت أركانه
*
أركانه هــــّوت من طبرت المحراب
ودين الله وكتابه وي علينه أنصـاب
صابوا كل نبي وي هام داحي الباب
وأملاك السمه هالليلــــه حزنانـــه
*
حزنانــــه وتنادي يا علي الكرار
يا دين الإلـــــه ومنبع الأســــرار
صابوا هامتك وي هامت المختار
يا نفس النبي ويذكـــرهه قرآنه
*
يا نفس الـــــــرسول بأية التنزيل
مـــــو دمك يحيدر دم نبينه يسيل
حگه لو صرخ وكت الفجر جبريل
وبسمك يا علي ظل يندب أللسانه
*
أللسانه ندب يا عمـلت الكوفــــه
شمس الله هوتوهالليله مكسوفه
والوادم أجت واليهه ملهوفـــــه
وشافت حيدره متغيره اللوانــــه
گصدت شيعته وي الحسن وحسين
وزينب من دمه تهمل دموع العين
شافت راس أبوهه منجسم نصين
تگله أنريد بويه تعيد ويانـــــــــه
*
نعّيد بويه مو تدري أجانــــــــه العيد
وعيدي أشلون بويه وأنته عني بعيد
حزني شما گضه يرجع عليه أجــديد
ودهري من الزغر بس ونه غذانــه
*
غذانه حزن مــن طبرتك مـــولاي
وياريت الطبر هامك طبرلــي هاي
علينه بالمصايب تعتني دنيـــــاي
الموت بشيعتك شو كثرت اللوانه
*
يوميــــه أنتفجر لنـــه ألك شيعه
ويوميه أنتروع ألــــف ترويعه
حبك مــــا نبدله نعلنه ونذيعــــه
تبقه أنته علي الكرار مولانــــه
***
الشاعر موسى البديري
گعدية ( ال dna ) في حب وولاء امير المؤمنين وحديث النبي ان من يبغضه ابن زنا
حبــك يا علــي يمّيـز البــرايــا
الطاهــر مولده من ابن البغايا
ال dna گبل چان حب حامي الحميه
****
العــالم بقمــة عطائــه بالعلــوم المعـــرفيـــه
وصل فـي علم الوراثه لجوهر اسرار الخليه
ياهو چان الاصله طاهر عن اصل ابن البغيه
الهادي اختصر هل المسئله
بهـذا الفحــص گبــل المَـلا
الامــه شريـفــه أمــأصلــه
بحب علــي خيــر البــريــه
الامــه طاهــره وطـــاهر حليبه
عنده المرتضى روحــه وحبيبه
چان الفحص معروف حب حامي الحميه
****
لها بقيه
موسى البديري
قصيده مقدمة عزاء من وزن العكيلي لجرح امير المؤمنين عليه السلام
جرحك يــا ابو حسيـن الليله
*
شد للمـوت الليله احــزامــك
وأختــم بالمحراب أصيامـك
مـــا نصفــت ويــاك أيامــك
گضتها آويــاك أبكـــل حيلـه
*
يـا حيــدر جرحــك ما يبـره
بگلب أحبابك خلِـف حـسـره
بـالقــــرآن الليلــه الطبــره
تنــــزف آيـــاتــه وتــرتيلــه
****
جرحـك هـــز أركـان السبـعـه
وهــدّم ركن الدين وشــرعــه
جبريــل أبصوتــه ظـل ينعـه
بالأكــوان ودمـعـــه يسيلــه
****
جرحـــك معـــروف بأسبــابــه
مـن غــدرت بالـهادي أصحابـه
مــا طـايــب لليــوم أصـوابــه
گـلــب المهـدي هــدّم حيــلــه
****
ظـلــت منــه أتنــوح الحــــره
يلـچمهــا وي ضــلع الـــزهــره
منــه حســين اتـــوذر نحـــره
أبصدره الظـالم سحگت خيله
****
جرحــك بعــده يسيـل أبـدمـه
مــا ناشــف مــن غــدر ألامــه
مجمــوعــه لبغضـــك ملتمــه
جيــل يسلـــم البغــض لجيلـه
****
الشاعر
موسى البديري
