هاليوم هالـــيوم تنصيب الولي
للــــدوم للـدوم والينه علــــي
*
بحـــج الوداع ينـادي هاليوم هاليوم تنصيب الولي
أبحر الهجير الهـادي هاليوم هاليوم تنصيب الولي
خسران مــن يعادي هاليوم هاليوم تنصيب الولي
وربحان من ينادي هاليوم هاليوم تنصيب الولي
للناس أمره أصبح جلي
**
نعلنهه هـــاي البيــعه هاليوم هاليوم تنصيب الوالي
للموت شخصه انطيعه هاليوم هاليوم تنصيب الولي
حبه أبـــــــــد منبيعه هاليوم قاليوم تنصيب الولي
بحبه أنتسمه الشيعـه هاليوم هاليوم تنصيب الولي
عالعالم أفخر بالولي
***
الباري ربنـه أختاره هاليوم هاليوم تنصيب الوالي
للدين تزهي أنــواره هاليوم هاليوم تنصيب الوالي
هــــــــز الكفر بتاره هاليوم هاليوم تنصيب الوالي
للوالي نبقه أنصاره هاليوم هاليوم تنصيب الوالي
غذوني بمحبته هلي
**
بارينـــه نصب حيدر هاليوم هاليوم تنصيب الوالي
والهادي كــال وحذر هاليوم هاليوم تنصيب الوالي
العاداك حيدر يخسر هاليوم هاليوم تنصيب الوالي
الوالاك باجر يفخــر هاليوم هاليوم تنصيب الوالي
من ينظر لوجهك علي
*
أنواره عالامه تشـــــع هاليوم هاليوم تنصيب الوالي
أختاره ربنه من الجمع هاليوم هاليوم تنصيب الوالي
نعلگ لهل فرحه شمـع هاليوم هاليوم تنصيب الوالي
خل النواصب تستمع هاليوم هاليوم تنصيب الوالي
حيدر شمس ما تنجلي
***
الشاعر
موسى البديري
طاري أسمك لهيب الروح بخ بخ
وغيرك مـارضـا المخــتار بخ بخ
تــدري البايعــك والگــال بخ بخ
نكــر هــل البيعــه أبن الجاهـليه
❤️❤️❤️
#موسى_البديري
الثبات على الولايه ان شاءالله تعالى🌺🌺
https://youtu.be/1-XgVfVcrNA?si=0OBciyr8HHkfsSHt
Читать полностью…
قصيدة ( حبر الثوره ) الى سفير الحسين مسلم ابن عقيل عليهما السلام
مسلم يــا حِبــر الثـــوره
بعــزه أبتـاريخــك نقـــره
دمــك ظـل يسطـــع بدره
يا مبعوث حسين يا مبعوث حسين
*
تــاريخـــك لــــوّن نقــــراه نتشيــم
فصولك معجـزه سجلها قانــي الدم
حسين أول ضحيه شخصك القـــدم
يعرف غيرك لهل النهض ما يرهـم
بأسراره اختصاك
حسين من اختاراك عن حكمه
بعــزه تمثل الدين
يدري بهـاي حسين وبعلمــــه
قائـــد.. وحسيــن يعــرفــــك
والله ... ما يخضع چفك
نحتار.. بيش احنه انوصفك
يــا مبــعــــوث حســين
*
تاريــخ الكرامــه أبشخصك أتجسد
وصفحــة كبريائك مـا وصلها احد
المــواقف بالدمــه وبالعّــزه تتخلد
والك بالكوفه موقف صعبه يتجدد
مـــــا صافحة أيــزيد
ومـــا مديت الأيــد للجائر
دمــك غيـــره يــفــور
ظل بـــركان يثــور يا ثائر
دمـــــك ... عالظالم نهضـه
عـزه ... وإخلاص أبنبضه
سيفــك ... نـــار وتتلضّــه
يــا مبــعــــوث حســين
*
درس وضحّته بالكـوفـه يحّير أجيـال
الغـدر هيهات مو من شيمت الإبطال
فــرق ال النبي عـن زمــرة الأنـذال
لذلك انتــه باقــي وغيرك الي إنزال
صحنـك شــع أنـوار
وبيك تحـج زوار للحضـره
وين أصحاب الجور
زلـزلهم عاشــور من نحره
نصرك ... مسلم يتجدد
كل يوم ... ذكراه يتخلد
بركان ... دمك مايبرد
يــا مبــعــــوث حســين
*
مسلــم للمجد خطيــت مــوســوعـه
مو شرط النصر بچفوف مجموعـه
خانــو بيك بــس النصرتــك طوعه
ظلت للدهــر ذكــراهــا مـــرفــوعه
نادت يـــا مغــوار
حمـــلات الكـــرار جــددهـــا
مجتمعه الأحزاب
انهض شيل الباب واحصدها
حـيـــدر ... مــا ثنّه أبضــربه
بـزوده ... الميدان يگلبه
خصمك ... ادري انته ترعبه
يــا مبــعــــوث حســين
*
عكس كل الحروب اهناك يومك صار
واحــد انتــه ثابـــت والــزلم طشـار
ناس اتگول مسلم لــو علــي الكـرار
لان ضربت حسامــك چنها ذو الفقار
ماخذ منّــه الـــزود
چــن حيدر مــوجود بالكوفـــه
ناس أتفــزع نـاس
چـن هــــذا العبــاس وتشوفــه
چفك ... نكس چم رايه
بالكون ... ما صارت هاي
ظلت ... يــا مسلم ايـه
يــا مبــعــــوث حســين
*
مسلم من هويـّت ويضحك أبقصـره
ربــك زلـــزلاه وعــلا الك حضـــره
ربــك هيـــچ رادك للخلــگ ثـــوره
الينصـر ربــه لابـد ربــه الينصـره
دمــك بعــده يفــور
ينزف في عاشـور حــريــه
دم الحگ لــو سـال
كون يربـي أجيال ثــوريـه
دمك ... يا مسلم مو دم
ثـوره ... للعـــالم قــدّم
منك ... لازم نـتعلــــم
يــا مبــعــــوث حســين
*
الشاعر
موسى البديري
هوسات الى مسلم ابن عقيل عليه السلام
مسلم حاصر الكوفه ولعــب بيها
خله العالي سيفه يصــير واطيها
الما شايف علي بالكوفه رد ليها
(( من حيدر وارث طبراته ))
*
مثل ناعور جفه الموت ظل يفتر
اسد بالكوفه واكف بالحرب يزأر
مسلم أنــه عمي المرتضى حيدر
(( والموت بضربت فقاري ))
*
صگر چنه يتخير صيد اليريـده
مــا يــرتاح الا يحّصـل الصيـده
ملك المــوت چنه محّــزم بأيده
(( كل ساعه يحاصر عدوانه ))
*
علـــي الكــرار زودك بيــه تتسمه
مــو عالخــال مســلم طالـع لعمه
الهوه بالمعركه مبخــوت اليشمه
(( حيرها الكوفه بصولاته ))
*
الشاعر
موسى البديري
قصيدة ( سحك قصر الاماره ) الى سفير الامام الحسين مسلم بن عقيل عليهما السلام
سحگ قصـر الامــاره بگلــب مستـعــره نـاره
اعتـلا يقــره الزيــاره السلام عليك يا حسين
*
طعم الزيــاره يختلــف
لو طبگ وي طعم النزف
وكت الشدد مــا تنسي محـــــــال
أول زياره من الگلـب
تعجز توصفها الكتــــب
يا كاتب أيوصفها الي بمقــــــال
من نوى فرض الزياره مسلم شچان الشعور
سيـدي يحسـين ازورك لكـن أبــدم النحـور
وانته تستاهل يغالي اسحگ القصــر وازور
يبو اليمــه إمــامـي ازور وگلبي ضامي
الك ابدي بسلامي السلام عليك يا حسين
*
لزيارتك صعب الشرح
يا سيدي أبطعــم الذبـــح
أول زيــــاره أمطــرزه أبـــدمــــاء
نكتبت أبصفحات الدهر
وانرسمت أبأغرب صــور
أول زيـــاره تـعتــلـي السمـــــــاء
بالزياره حسين يسمع صوتك الكلش عـذب
مر ببواليمه سلامك كـال هــذا من المحـب
تقبل ادخل يا أمامي لجنتك وســط الگـلب
قبل فـرض المناحر أنــادي وگلبي حاير
أمـامي اقبلني زاير السلام عليك يا حسين
*
متيمم أتراب الحــــرب
وثوبك جديد من الضرب
ومتعطـر بــذاك الدمــه اليســيل
لجـــل الحبيب اتخذمت
مسلم شبيهك ما شفت
هاي آخر ازيــاره وبعد رحيــــــل
ابد ما هماك جرحــك همــك أتزور الإمــام
انه ما شايف شبيهك تنزف اجروحه غرام
يبتدي بحاضر أمامي وينتهي بأجمل سلام
أمامي وانته غايه الك دمـــي البدايه
و أزورك بالنهايه السلام عليك يا حسين
*
يا سيدي كاتب درس
عن الابه وعزت النفس
حد الممات ومــا تذل عجيـــب
ظنـوا تمدهــا يمنتـك
والهم تنزل هــامتــك
گلت انه ربـاني علي الحبيــب
ما اعوف حسين أمامي اكتب أبدم الـوريد
والله اگص اچفوف أديه وابد ما أصافح يزيد
الفوز ابواليمه قبلني دونه من اوگــع شهيد
أموت انه أعلى حبه أمامي ومايه اشربه
أزوره وأهوى دربه السلام عليك يا حسين
*
بيــن الزيــــاره والحـــرب
يا سيدي حسرة محب
فـوگ القصـر منــك بـدت دمــــوع
من تهوى انته أعلى الارض
حسيت بالخيل شترض
يا سيدي ابطــــف كـــربله ضلـــوع
بين فرض الموت حاير بين فرض ازيارتك
چنت تتمنى يا مسلم خيــل بالطف رضتـك
دون ابو اليمـــه حبيبـك بالحوافــر جثتــك
اظل بيك انه حاير قلم ومتاني شاعر
زرت بس بمشاعر السلام عليك يا حسين
**
الشاعر
موسى البديري
حوار بين ام البنين وولدها العباس توصيه بطاعة الحسين وزينب عليهما السلام
شگد ﭼبيره آنـه خـادمة ْالحسين
شگد ﭼبيره خادمه وتفديله عين
گلها عبــاس بفخـر
ﭼفوف انطيه ونحر فــدوه
****
آنــه كــرمني الاله وصــرت لجلـه خــادمّــه
يـا كبــر حظــي يغالــي بيّــه قبلت فـاطمــه
ويا عظم حظك ييمه تموت لجله من الضِمّه
يعني آنــه وانتــه يبني اختـارنـا رب السمّه
يا عظمها يبني هــاي المنـزله
يا عظمها نفدي الحسين وهله
گلها عبــاس الگمر
ﭼفوف انطيه ونحر فــدوه
****
يمّـه عباس ارد اخبــرك واستمع يبني الي
حيدر مـنْ اتعنـه ليه وراد يخطب مـن هلي
انته يبني الغايه ﭼانت من سأل عنـي علي
رادك احــزم لعضـيدك خــادم وهــو الـولي
يا أبو فاضل گله خــادم مــو اخـو
يا أبو فاضل وأدري بيك انته كفو
خــادم وبيها الفخر
ﭼفوف انطيه ونحر فــدوه
****
يبني وﭼفوفك يغالـي التبقى بـاﭼر عالثـره
اربعه أِفـدّيْ الزﭼيــه واشعـر انه امقصـره
يــا عظم حظّــه ييمّه اليخدّم امـه الطـاهـره
والعليّ ترضه الــزجيه حظّه هـذا شمكبـره
ترضى عني فاطمه بيوم الحشر
ترضى عني والله يوليدي افتخر
گلها راح اتــرك اثـر
ﭼفوف انطيه ونحر فــدوه
****
يبني يا عباس اگرب والحجي منـي اسمـعه
خــادم لزينب اريــدك هــاي بنــت الشــافعه
من سمع منها الوصيّه الگمر سـﭼّب مدمَعه
يــا فخــر خــادمها آنــه البل جـلاله مگبعـه
آنــه كافل يمّه خــدر ال النبي
آنـــه كافل قبلة العّــز والعّـبي
مو فقط افــدي النظر
ﭼفوف انطيــه ونحر فــدوه
****
باﭼر انته اعلى الشريعه تفدي يوليدي العمر
الماي ما اريدك تضوگه لو صبح ﭼبدك جمر
گلها يــا يمّــه ومحمد ﭼبــدي اخليه يستـعـر
ومــا اضوگن منه گطره گبـل الحسين الطهر
مــا اشربه لــو أحــس گلبـي دوّهَ
مــا اشربه وضامي سر القل هوه
فدوه لو ﭼبدي استَعــر
ﭼفــوف انطيــه ونحــر فــدوه
****
الشاعر
موسى البديري
مشايه للجواد مشايه للجواد
مشايه للجواد
***
مشايـــه نتعنــــه الك يبن الــزجيـــه
أخطار ندري بهل الدرب والله ومنيه
مشايـــه صدگ مــــا نمل للكاظميــه
تـــرسم مسيرتنــــه تظل الغاضـــريه
يحلالك الحداد مشايه للجواد
مشايه للجواد
***
مـوكبنـــه متعنــــي الك رافعلــه رايــه
مـــا چنها رايه الكصدتـك لا چنـها أيـه
يبن الرضا اتظل حضرتك قبلة هدايــه
غايتنه نوصل عتبتك تبقه انت غايـــه
ونلبس الك سواد مشايه للجواد
مشايه للجواد
***
مشايــه نتعنه بعـــزم منخاف الإخطار
يبن الرضـا والكل اجــــت متعنيه زوار
تفجير كل أهل الحقد ما يثني الإصرار
وقعنه بالدم العهد نبقه احنــــه أنصــار
يا سيد العباد مشايه للجواد
مشايه للجواد
***
لو سال دمنه اعلى الارض يصنع عجايب
بركــانه مــــا يخمد ابـــد ضد النـــواصب
مـــو مـــوكب النفدي الك نفدي مـــواكب
وللحضره نــوگفلك درع ونصـف كتــايب
رغم اهل العناد مشايه للجواد
مشايه للجواد
***
زلـــزال وبروس الحقد أصبـــح مشينه
والي يمسها حضـــرتك نكطـــع يمينــه
لأيد الخبث وأهل الكفــر ما صافحينه
شيعة علـــي ويبقه علــي بالعــز ولينه
أميرا للبلاد. مشايه للجواد
مشايه للجواد
***
العادانه خــل ينظـــر مشي هاي الملايين
جاباهـــا شــوگ محبتك للحضره ماشين
متخـــاف عبوات الكفـــر يبن الميـــامين
متعوده عالعز عالفخر مــن كربلـه حسين
من كربله الرشاد مشايه للجواد
مشايه للجواد
****
الشاعر
موسى البديري
ميمر طلب حاجه الى الامام الجواد عليه السلام
باب الجواد اتعناه
لا ما ترد بالحسره
*-----*-----*-----*
معروفه اليضكه الزمـن واهـواله
يگصد كريم الگوم يشكي الحاله
غيـر النبي شعدنـه وعتـرته وأله
وباب الجواد شمحلاه
تــرد بالفــرح والبشره
*-----*-----*-----*
ضكانــي دهــري وبابـــك اتعنيته
جبت الدمـع يـم گــــبرك اوهليته
چفي لضريحــك سيـدي مـــديته
وادري اليطلبك بالاه
بالحاجه گلبه اتسره
*-----*-----*-----*
اليتعنه گبرك واليگصدك حـايــر
ابابـــك اتگله اهــلا بهـل الــزاير
بعونه الله ما تبقى كسير الخاطر
وبابي الإلــه اختصـاه
للحاجتــه متعســره
*-----*-----*-----*
مديته چف العوز واجري الدمعــه
أبـاب الجــواد وادري تنظر وضعه
وصوت الكلب وآهاته انته تسمعه
وتدري الگلب يا مــولاه
هــام ابمحبـــة العتـره
*-----*-----*-----*
فوگ الجسر لمـن اصـد أنوارك
ادعي الإله ابهبتك وإســرارك
خليني لايذ سيـدي بأســوارك
جنـه ودليلـي اتعـناه
بشواگه يشتم عطر
*-----*-----*-----*
فــاز اليگصدك واليـدگ بيـبانــك
خاب اليضدك واليحب عدوانـك
رغــم الحقد عالــي يظل بنيانك
رب الجـــلاله العــلاه
مثل الگمر شــع بدره
*-----*-----*-----*
كعبــة مجد كلها أتعنــه اطوفــك
تكحل جفنها سيدي من أتشوفك
واهم يظل كل مــن يظن نعوفك
انتـه النفس وبلياه
يخلص ابنادم عمره
*-----*-----*-----*
الشاعر
موسى البديري
لذا فقول الامام الرضا (عليه السلام) في مولد امامنا الجواد (عليه السلام): "قد وُلِد لي شبيه موسى بن عمران فالق البحار، وشبيه عيسى بن مريم،..."(٣) إشاره وتثبيت لهذه الحقيقة أي وجود مقامات الائمة وعظم شأنهم. بعض مصاديق أوجه الشبه بين الامام الجواد(عليه السلام) والنبيين موسى وعيسى(عليهما السلام):
حيّرتَ موسى. شابهتَ عيسى
يا تاسع الأنوار
***
يــا تاســع بدر فوگ العــرش يضِوي
يسطــع عــالارض والعــالم الــعـلوي
تحير أهل العقول بشخصك شتروي
واسمك يالجواد بكل وكــت يــدوي
أزكى البرايا حلو السجايا
يا تاســع الأنـــــوار
**
مثـــل مــوسى معـاجــز عنــدك اهوايـه
ومثــل عيســى صــرت يـــا سيدي ايـه
لديــن المصطفى شخصــك رفــع رايــه
ضامي الــدين بس دمـك صبـح مــايه
تهدي البرايا. تروي الضمايا
يا تاســع الأنـــــوار
***
شابهت الــولاده بعيسى ابن مــريم
يا شـبل الرضــا يبن النبــي الأكــرم
بمهـده وعيسـى بأمر الخالـق أتكلم
بمهــدك يالجـــواد اللسانك تــرنـــم
في المهدِ تشهد اللهُ أحــــد
يا تاســع الأنـــــوار
***
يــا وارث علــوم المصطفــى وحيــدر
النبي مــوسى بعلـومك حگـه يتحيّر
وموسى ويه الخضــر مذهول يتصبر
ربــع علمــك يحمله شلون مــا يـكدر
موسى تحيّر للهِ كبـــــــــــــر
يا تاســع الأنـــــوار
***
سمعنه أعلى النبي موسى أعلى عصاته
شگ بيــها البحــر معــروفــه أيــاتـــه
أنــظــر للجــواد أنظـــر عــلامــاتـــه
تحيّــر منين تشــرح عـــن كــرامتـــه
نبقى ننادي بابَ المرادِ
يا تاســع الأنـــــوار
**
الشاعر
موسى البديري
إلى السيدي ومولاي الامام الجواد وقصيدة ( اثر حافر )
بصدرك أحــس عـــاشر
وبي باقـــي اثـــر حافـر
ونـــار العطش تسعر لظى
يـــا سيـــدي يبن الرضــا
بـــي باقـــي اثــــر حافـر
۩ ۩ ۩ ۩ ۩
يــاهــو المــات منكـم لـو دنــه حتفـه
على أفــراش المنيه عــن رغــم انفـه
لــو سم لـــو قتـــل وأعــداءه تتشفه
ودمكم بعده يجري وما گطــع نــزفه
نــفس الحقــد بعـده
هـــذا الـــزمــــن رده
چــي احنــه الكــم رافضه
يــا سيــدي يبن الــرضـــا
۩ ۩ ۩ ۩ ۩
يتاسع نــور بيــن بـالسمــه أهـــلالــه
وحقـــد المعتصــم بــالســـم تعنـالــه
الحقد موروث ضــد المصطفى والــه
متت مسموم غريب امفارگ أعيالــه
وحدك عشــت غربــه
يـــا سيـــدي صعبــه
هذا الحكــم بيـه القضـا
يــا سيــدي يبن الــرضا
۩ ۩ ۩ ۩
عشت عاشـر محــرم سيــدي بصـبرك
ســم المعتصم خيـل وسحگ صــدرك
يمن لحسين نــوح ودمعـه كــل عمرك
ومثله مـن العطش هم استعر جمـرك
وأتحمــلت وحــــدك
سم وعطـــش چبدك
وفوگ السطح بس الفضا
يـــا سيـــدي يبن الرضــا
۩ ۩ ۩ ۩ ۩
مثــل حسيــن بالحـــر منصهر خــدك
وعشت اشلون ظل أعلى الترب جدك
لچن فــوگ الرمح كل راس ما عندك
مثـــل حســـين چـــان أمنيتـك أودك
تتمنـــه يالــــوالـــي
مثله برمـــح عالــي
وجسمك خيول ترضرضه
يـــا سيدي يبـــن الـــرضا
۩ ۩ ۩ ۩ ۩
يمن واسيت ابو اليمـه وعشـت الآم
وظل أبــلا دفــن جسمـك ثلث تيـام
لچن مــولاي مـــا مسبيه الك أيتــام
سبي عمتــك أحســه بالدليل أسهـام
ادري سبـــي الحــره
بلگبــك اثـــر جمــره
صواب السبي بگلبك مضى
يـــا سيـــدي يبن الرضــا
۩ ۩ ۩ ۩ ۩
تظـل جمــرة مصابـك تستعــر بينــه
لحد مـــا يظهـــر المــوعــود مهدينه
نحيـي أمصابك ابـدمعتنـه تــدرينــه
وسفينة نـــوح گبــرك يبقـى يحمينه
گبـــرك يظــل كعبــه
بيّه تخلــص الكربـــه
واليطلب انته تعوضه
يـا سيدي يبن الرضا
۩ ۩ ۩ ۩ ۩
الشاعر
موسى البديري
اهازيج كتبت في ولادة الامام الرضا عليه السلام
*
يا ضامن الحبك من لهيب النار
يبو كلب الرؤوف الما يرد محتار
يباب الله الجبير اليكرم الخطار
( وبابه مكضيه الحاجه )
*
ثامن نور نورك عالعرش يضوي
وكراماتك تظل ابكل وكت تدوي
ابحر جودك احيرن سيدي شأروي
( شمس الله الما غابت ساعه )
*
إنه من البعد مديت جف العوز
وادري باليندبك يا أمامي يفوز
شلون اليبغضك فوك الصراط يجوز
( والضدك مرفوضه أوراقه )
*
يا شمس الشموس التضوي بالاكوان
شمسك ظل تشع مولاي بخريسان
يا علٌه التميز الشرك عالايمان
( يا علت شرعه الله ودينه )
*
الشاعر
موسى البديري
https://youtu.be/1-XgVfVcrNA?si=92HgWFhHs6WowUY_
Читать полностью…
قصيدة بمناسبة ولادة السيده معصومه بنت الامام الكاظم عليهما السلام
بـــاب الحــوائـــج هــــاي
يالمحــب نـــادي ويـــــاي
يمعصومه يمعصومه
۩ ♠️♠️♠️ ۩ ♠️♠️♠️ ۩
بـاب الحوائـــج أزهــرت بهلال ذو القعـده
السلطانه بت موسى الامام اليعتني يسعده
مــن البعــد چـــف الأمـل للطاهــره أنمده
ونـدريها معصومه وعـلي الحيران مترده
بنت الكــرم والجــود
باب الها مــا مسدود
يمعصومه يمعصومه
۩ ♠️♠️♠️ ۩ ♠️♠️♠️ ۩
بنــت الإمـام أخت الإمـام وحـاجتي يمها
بحضرتها چن ريحة نبي طاب الذي شمها
معصومه من ذنب وزلل غير الزچيه أمـها
مــنْ البعد گلبـي اليحــب بالــدمعـه كلمها
يخت الرضـا بهل يــوم
عينـــچ علـــى المهموم
يمعصومه يمعصومه
۩ ♠️♠️♠️ ۩ ♠️♠️♠️ ۩
مــرقدها چن قبله وتحج كـل الخلگ بيـها
چنهـا شمس فــوگ الأرض گبتهـا تضويها
باب الحوائــج حاجتــك ثـق هيه تگضيها
لبــاب الكريمــه اعتني والدمعـــه أِجريهـا
گللهــا بالــــدمعـــات
يمـــچ تره الحاجــات
يمعصومه يمعصومه
۩ ♠️♠️♠️ ۩ ♠️♠️♠️ ۩
عنها تــره الصادق روه وأخذ الحي منّــه
كلمن يـــزور الطاهـــره واجب اله الجنـه
أباب الكريمــه يا المحب لا تگطـع الضنه
حلّفــها بأمهـــا فاطمـــه وبحيــدر اتغنــه
حلّفهــا بــالكــــرار
تسرك تره الإخبار
يمعصومه يمعصومه
۩ ♠️♠️♠️ ۩ ♠️♠️♠️ ۩
والدهــا بابــه الما يـــرد فـد يوم خطاره
ومعروف أخوها بالرضـا يــرضيها زواره
گللها يــا بنت النبــي ويـــا علــة أسـراره
نيــران گلبي مرقـــدچ بي تنطفـي نــاره
كلمن گصــدها وزار
لا ما يظــل محتــار
يمعصومه يمعصومه
۩ ♠️♠️♠️ ۩ ♠️♠️♠️ ۩
الشاعر
موسى البديري
گعدية ( ال dna ) في حب وولاء امير المؤمنين وحديث النبي ان من يبغضه ابن زنا
حبــك يا علــي يمّيـز البــرايــا
الطاهــر مولده من ابن البغايا
ال dna گبل چان حب حامي الحميه
****
العــالم بقمــة عطائــه بالعلــوم المعـــرفيـــه
وصل فـي علم الوراثه لجوهر اسرار الخليه
ياهو چان الاصله طاهر عن اصل ابن البغيه
الهادي اختصر هل المسئله
بهـذا الفحــص گبــل المَـلا
الامــه شريـفــه أمــأصلــه
بحب علــي خيــر البــريــه
الامــه طاهــره وطـــاهر حليبه
عنده المرتضى روحــه وحبيبه
چان الفحص معروف حب حامي الحميه
****
الهادي بين هل الحقيقه من بدايات الرساله
يعني گبل الكون كله الجينه تظهر والسلاله
بحب علي الكرار تطلع هل النتيجه وياه آلـه
بـلا اجهــزه تبين البـشر
وللجينه ما ياخذ صــٓور
حب حيدراعظم مختبر
مختـبـر رب الجـــلالـه
اهواي ارحام طلعت مـو شريفه
والناتــج وضَــح يــوم السقيفه
بين اصله للناس حب حامي الحميه
****
وضّـح الهادي محمد والدليل مــن الــروايه
اليبغض الكـرار هــذا شالته اراحــام البغايا
اكبر من الفحص حيدر صــار للعالم هدايـه
شكــــرا الهـــي يالعلــي
طاهر نسب انــه وهـلي
معروفه چي نهوى علي
مــن البــدايه للنـهــايه
اغلى مــن الهوى حيدر علّـيَنه
يعني الحبه ظل طاهر الجيِنه
الجينه بيها موجود حب حامي الحميه
****
حــب علي بعده يتنـقل بالاصـلاب الجعفريه
وبغضه هم ظل يتنقل من صلب اذناب اميه
لحد هــذا اليوم بعده يكشف انســاب البريه
الله يــا هــــذا الــــزمـن
وضـــح حـقــائــق للعـلن
البغضوا علي عبدوا وثن
والبغــض ديـن وهــويـه
اليبغض حيدره معروفه اصوله
ناكــر ديــن بــارينــه ورســـوله
ودين الله شرط كون حب حامي الحميه
****
عالمباشر شفنه وادم تفخـر ابـغض الصميده
واليحــب حيدر تحلل مـن بغضهم دم وريده
ضنوا نــعوف الولايه وحيدره اصـل العقيده
منعوف حب المرتضى
سمـونه لجــله رافضـه
خل يسمــع الي بغضه
والي غيــره مـا نريده
الاول حيـدره وبـهايه ايـه
حد الموت منعوف الولايه
دمنه اليجري متروس حب حامي الحميه
****
الشاعر
موسى البديري
موال للإمـــــــام علـــــــــي (عليه السلام) شعر موسى البديري
فرحانه شيعة علي بهلال ذو الحجه
والايم أيلومني يدوّر علّـــي حجــــه
گلي دليلك شنو حيدر علــــي حجـه
راكــــع وهــــب خاتمه بأيه ثبت نصه
وأقره حديث النبي مو تقره هاه نصه
عالين نبقه بعلي منصير أبـــد نصه
فاز الذي بايعه أوراح و گصد حجه
********
مســلم يــــا حبّــر ثــورة أبــو الأحـــرار
دمــك مـــــا بــرد لليـــــوم دمــــك حــار
*
يـــا أول دمــــــاء تسـيــــل للثــــوره
يـــا حبّــر العقيـــده المـــا نشـف حبــره
يحّيــر بصفحتـــك كــل منصـــف اليقره
قليله شــما تخــط يـــا مسلـــم الإخبـــار
*
قليله شما روَّت عنــك شجـــاعه وزود
يــا صلــب العقيـــده المثله مـا مـوجود
متهمـك لــوّن الــكــوفــه كلهــا جنـــود
تــرد الخنـــدق بحملــة علــي الكـــرار
*
علــــي الكــــرار زودك بــيّ تتسمـــه
مــــو عالخـــال مسلــم طــالـــع لعمّــه
الهــوه بالمعـركــه مبخـــوت اليشمّــه
شــــح لحملتــك بالــريــه مــــا ينـــدار
*
مــــا ينــدار بالـــريه الهــوه لعــزمـــك
جيـــش البــاغي بالكــوفه فـــلا همـــك
حــارت بيــن حـيــدر تيّـهـــت اسمــــك
لان ضــربــت يمينـــك تشبـــه الفــقــار
*
ضــربت يمنتـــك تمطــر حجــر سجيـل
بالكـــوفه نــزل چنه أعلـى أهـــل الفيل
سقــر وبضربتــك شــافوا عذاب الـويل
جـهنــم حـــــاوطتهم وسّطتــهــم نـــــار
*
بيـــك أتّــحيّــَر التــاريـــخ والكــتّــاب
يـا ورث علـــي الشلعّــت يمينــه البــاب
غضب رب السمه النازل علـى الأحزاب
لحــد يـــوم القيـــامـه بـــاقيـه الآثـــــار
*
الشاعر
موسى البديري
مسلم چــن حيــدر بالكوفــه
مسلم چــن حيــدر بالكوفــه
* * * * * *
حيـــدر غــدرت بيـــه ألامـــه
ومسلم شـــــابه حيــدر عمـه
غــــدروه ومـــا راعــو ذمــه
غــــدّاره ألامـــــه ومعروفــه
****
مسلـم عــــاد أحـنين وخيبـــر
يشبــــه حيــدر بيـهم لـــو كــر
مسلم صــاحو لا ظـــن حيـدر
جيش الباغي هــــــز أصفوفه
****
حيّــرْ عـــدوانه أبصـــولاتــه
يشبه عمـــه أبكـــل حملاتــه
احتـــار التــــاريخ بجلماتــه
شيوصـــف مسلم بحـــروفه
****
عن حكمه حسين من أختاره
أول واحـــد مــن أنصــــــاره
بالكوفه عـــــــاد شچم غـاره
وحملاتــه بحيــدر موصوفـه
****
بغـدر الكــــافر گيّــد أيـــــده
وينذل جـان الباغــي يريـده
وينكـــر راد حسين أعضيده
وحب حسين بگلبه يشوفــه
****
وين الباغي وجيشه وقصره
عالجور أعلـن مسلم نصــره
دمه تفجر گبـــــه وحضـــره
والعــالــم يگصــد ويطوفــه
****
الشاعر
موسى البديري
ما مــد أيـده ودنگ راسه
مــا ســاوم بالدين
مسلم حيدر أصله وساسه
منْ اختـاره حسين
أبو اليـمــه يـريــده
گلب ينبض عقيـده
****
مسلــم والكـــلام يحـيّــر
من نحجي اعلى شخصيته
الــربــاه حيــدر الكــرار
نعـــرف شنهـي تـربـيــته
مــن بيت النبي الاطهار
شَــرّف ربنـــا اهــل بيتـه
ثوري وما يطخ الراس
مــنْ حســين ثــوريــتــه
يـدري بمسلم ثابـت عـزمـه
مــا يخض للجـور
ضـده الكـوفه لـو متحزمـه
وحـده اهنـاك يثور
آبــه يجري بوريـــده
گلب ينبض عقيـده
****
قـرَاك الراوي مــن فكـره
حسـبْ ما يفتهم يقراك
عكس حسين أبو السجاد
لاعظم مرحلـه اختــارك
مــرحلــة الــدمـاء تفــوز
لكــن وبشــرط ينـعــاك
لــذلك ما رفضــت الـدور
للعــالـم شمــس خــلّاك
أعظم مبعـوث لهل الثــوره
هيج حسين يـريد
يدري بشخصك ثابت فكره
يعَارضْ فكر أيزيد
عــزم تتفايض أيــده
گلب ينبض عقيـده
****
الكوفه شاهـده لليـوم
مسلم ظل شمس نحره
لمّــن تنظــر بتجــريد
وبــأنصاف للحضــره
وين الظالــم وجيشـه
منْ أتصد على قصره
تعرف بالدماء تعيش
مــن تضحـي للـزهره
مسلم عايـش ينبض گلبه
مــن ساعة عاشور
مــو مرقــد وايوان وگبّه
شَمس وشعّت نور
الدهــر ردد نشــيده
گلــب ينبض عقيـده
****
مسلم سوره للاخلاص
أيــه انرتل أحـروفـه
اول ثائــر ويـه حسيـن
مسلم قــائــد الكـوفـه
رفع رايـة علـي بيمناه
بعقيده ثابته اﭼفـوفـه
رايـه المهـدي يرفعـها
وكــل العــالم يشوفــه
رايـة ديــن الله المهيوبـه
خطها بدمّه حسين
من دم المنحـر مخضوبه
حتى يعيش الدين
الدمّه سجل قصيده
گلب ينبض عقيـده
****
مسلم مـو جــرح ننعــاه
وبس نستعرض اجروحه
انكطع منه النحر معلوم
لكــن عــايش ابــروحــه
مسلم مـنْ نهـض للدين
قـــدّم دمّــه أطـــروحــه
لا شــك دمّـــه يتخـلــد
الرَخـصْ للهـدف روحــه
مسلم ظل رايه ومرفــوعـه
مــا نــزلت لليوم
واضح من حيدر مشروعه
يظل قـائم للــدوم
لظهور ابن الصميده
گلب ينبض عقيـده
****
الشاعر
موسى البديري
ســــلام الله علــى الناصــر عضيــده
ســـــلام الله ونعــم يــا أبــو حميــده
*
مسلم يـــا عظيــم وبسملــة ثــــوره
ألك ابعــث ســلامي محمـل بحسره
زغير أصل الشعر والموقف شكبـــره
ويـــــا مـــوقــف أوصفنــه أبقصيده
*
القصيده اگبال شخصك حگهه تتحير
أوســع مـــن خيالــي وأعظــم واكــبر
واحـد مـــا خفـــت واگبــالك العسكـر
أســد بالكوفـــه والجيـــش الطــريده
*
أسد بالكوفــه تزأر يا شبــل عدنان
نكست الـــروايا وجندلت فـــرسان
مدد صايــح عــدوك والفكر حيران
واحــــد انتــــه تختــــار التـريــــده
*
واحد والجيــوش أتلـوذ صـف بصـف
گلبت الكوفه وحدك گبـل يـوم الطف
علــى قصــر الامــاره بــرايتك تزحف
وجيش أهــل الكفــر يبــعث بــــريده
*
بريده ايگول ودي أجيوش للحومه
وابن أزيـــاد حــار بگعدته ونــومــه
علــي الكرار هــــذا الشاعت أعلومه
المنايـا أعلــى الكفــر وزعهــا بيـــده
*
وزعّــت المنايــا الجــيش زلــــزلته
عالــي الجيش بيــدك انتــه نزلتــه
تــاريـــخ السفــاره بـــزود شـرفته
وظـل بيــك المجــد يلهــج نشيده
*
الشاعر
موسى البديري
اهازيج بمناسبة زواج النورين علي وفاطمه عليهم السلام
الليله النــور مــنّ النــور تتمم عقد قرٱنه
مو عالگاع لا بالكون والأمـــلاك فرحـانه
أنبياء الله گصدت ليه تشارك فرح مولانه
( وتنادي أمبارك مولانه )
*
مبـــارك يـــا علــي الكرار هاليله يبو العتــــره
اقترن نورك يبو الحملات وي الطاهره الزهره
ومـــنْ انطبگن النورين من عدهم اجت عتره
( ضوّت عرش الله ودنيانه )
*
السما السابع فرح موجود هليله لعلي الكـرار
وبأمـــر الله لمحمد گـــال زوج هـــذه الأنـوار
آية من الله هل النورين بيها انجمعت الإسرار
( وبحيدر والزهره أنواره )
*
غصبن عالمعـاند تم زواج النــور مــن النـــور
وتمـــت آية التطهير يــم العـــرش يـــم الحـور
بيها كل نبي ومرسل تحصن صارت الهم سور
( وأملاك تهلهل هل الليله )
*
الشاعر
موسى البديري
أبوذيات للامام الجواد (عليه السلام )
دمــوعك عالجـــواد اليــــوم ..... سلهه
وعلى أمصابه اليالي أبحزن ..... سلهه
سيوف السم زمانه أشلــون ..... سلهه
وطبرن جبـــدته وأصـــبح رميــــه
***
على مصاب الجـواد ألون ..... لــــونه
ومصابه أهـــروش دلالي ..... لــــونه
بحــر بجفوني يالســـامـع ..... لـو أنه
أصبه أعليه دمع حد المنيــــه
**
الشاعر
موسى البديري
قصيدة ( منارات العشگ) تحكي زياره ومشاهد من واقعة الطف
يم منــارات العــشگ
ليش بالعبره اختنـگ
ينرسم مشهد حــرگ وانظر لمصابه
****
منْ أگصد الحضره وأصد صوب المناير
أبّـالي تتزحــام صـوَر وابقـه آنــه حاير
طفلــه اذكــر عالــدرب ظلــت تنــاطــر
چنـي اسمــع حمزه مــن يقــره يجــابر
مـــا دريت بكــربلــه
مـن سبــوها العايله
صوت بالعبره اعتله سَلبّوا ثيــابــه
****
بگلب كــل مــؤمـن لبو اليمه حراره
ﭽــن مخيّمْ مشتعـل ما تطْفـه نـاره
شگـد مشاهـد تنــرسم وي الـزياره
أيتــام فـرّت تصـرخ وكلهـا حيّــاره
منْ بعِـد نهــر الدمّـه
استمع صوت الضمه
واصل لسابع سمه وأوگف اعلى بابه
****
من امشي يم حسين بأرض الغاضريه
مــاي اسمــع چنـــي لاطفــال الزچيـه
أمشـي چنــي واستمــع صـرخة رقيه
عــمّــه وينَــه كافلـــﭺ يالهــاشميــه
خويه أطفال وحـــرم
تنادي حرگوها الخيم
وينــه شيّـال العَـلمْ طوّل بغيـــابه
****
يم ضريحه ظاگت بعيني الوسيعه
تنــرسم لو شاهــدت گبره الفجيعه
چنهه نبلــة حرملــه ذبحة رضيعه
طفل ظامي ومنعو أعليـه الشريعه
بيـن طفلــه ونبلـته
حسين حيره حيرته
سهم نحره وﭽبدته والدمه خضابه
****
بعبـرتــي اتعنيــت تـلْ الــزينـبيــه
كلـت أزوره والحـزن خـيّــم علـيـه
صـوت اسمعه چني من تل الرزيه
رغم كــل الصـار ابقــى انـه الأبيه
انــه قــران العبــي
حتى لو اروحن سبي
النصر باﭽـــر زينبي ورايتي المهابه
****
مــن ازور الكــافـل ودمعـي اسيله
صفنتي أبابـه تظـل كلـش طـويلـه
أحــس صـوت بمرقـده آ يالعقيـله
آه مـن الشــام وهمـومــه الثجيله
خويه يا بــت فاطــمه
طاغي شخصج يشتمه
يا ستر كـــل الســمه وتگعد بخرابه
****
الشاعر
موسى البديري
هايم يالرضا لصحنك خذاني الشوگ.
واحس گلبي يطوف بروضة الحضره🌹
احسه من البعد نايم على الشباچ
مثل مخنوگ بس يمك يشم عطره🌹
خليني ابضريحك بس گلب مولاي
عاشگ ريحتك يا ريحة العتره 🌹
ادري الزار گبرك واليطوف اهناك
يسر گلب الزچيه الطاهره الزهره 🌹
مولاي الملوك ابابك امدنگين
خاضع تاجه يمك يجذب الحسره🌹
بليلة مولدك طلبيتك الحاجات
ومديت الچفوف اليمنه واليسره 🌹
وادري ما تردني ولا ترد محتاج
يباب الله الچبير اليكرم الفقره 🌹
الگلب يمك امانه وانت باب الله
وكسر گلبي بضريحك شخصك يجبره🌹
الشاعر
موسى البديري
https://youtu.be/HzxeeAd5dKg?si=ngBfGI1mtReRy6F4
Читать полностью…
https://youtu.be/WCDCpW1VmIU?si=a7MPIoSII_iZdPW9
Читать полностью…
