قصيدة ( كل الخدم ) من وزن الميمر المجنس
شهر الدمـــع آه يحسين
كــل الخــدٓم تنتظــــره
*---------------*---------------*
شهر الحزن خـدامك انتــه تعــدله
عده وعــدد كــل عام والله تعـدله
والمــايـل بمجلس عـــزاء أتعــدله
لكن شرط يبقى ويــاك
كــون الــزمــن ميغيره
*---------------*---------------*
أنادي بألم شهر الحزن مــر بينا
طعم الفــرح يــا سيدي مر بينا
عدنـــــه جفـن للفاجعه أمربينه
كل وكت يجري الدمعات
لجــل المصــايب حمــره
*---------------*---------------*
شهر الحزن مـولاي لــوعـه وعَبرَه
مـن ثورتــك ناخــذ دروس وعِبره
مــركب محبتــك للشدد بي عبِره
الما يركب بحب حسين
محـد بـــعــد اليعبــره
*---------------*---------------*
شهر الحزن ركن الصبر هـد بينا
وموج الدمع من الحزن هد بينا
عجــل لثـــارك سيــدي هــد بينا
أنــادي بمجالسنا الثار
والمهدي عجـــل أمـره
*---------------*---------------*
وي الدمــع عدنه لمصابك عشره
وحزنك فــلا مثلــه يمـر لا عشره
بالنحـــر نقسم والليــالي العشره
لأخـــر نفس نبقى وياك
يبــن الــزچيــه الزهــره
*---------------*---------------*
انشد الحزام أبكـل عــزم و انعگده
ومجلس عــزائك كل زمان انعگده
شهــر المحـرم مــا نبطـــل عگــده
عگد العمر وي عاشور
وقعه الشيعي بعمــره
*---------------*---------------*
عن مجلسك ذاك الظلم مـا ردنه
ردنـه محــرم غيــره لا مــا ردنه
ويومك يظل طول العمر ماردنه
يومك شعل بينا أحزان
مثـــل الخيم مستعــره
*---------------*---------------*
جننـه حبــك مــا شخـص جننــه
يا مــن خدمتك تنحسب جنه انه
من الخطر صحنك يظل جُنه انه
صحنك آمان لهل الناس
كم مـن حديث أنـــذكره
*---------------*---------------*
الشاعر
موسى البديري
هل إهلال إحزان العتره
أول ليــله تسعــر جمـره
***
بده إهـــلال النــوايب وأعلن الدمـعـه
بده شهـر الحـــزن للعتـــره والبضعـه
هــــاليوم العَــــزِه منصـوب بالسبعــه
لحسين وظل يجــري العبــره
هل إهـــلال إحـــــزان العتره
***
يا عبــره التنــوح أهــل السمــه بيهه
ويــا ونّـه علـــى المذبـــوح تجـــريـه
ونّت فاگـــده المن عـــدهــه واليهــه
تسعـــــر بالـــدلال الجمـــــره
هل إهــــلال إحــــزان العتره
***
تسعـــر جمــرة مصابـــك يبو اليـمــه
بگلـــب كـــل مؤمن وزايــد ألك همـه
راس أعلى الرمــــح ومخضب ابدمه
وجسمك مــرمي فوگ الغبره
هـــل إهـــلال إحــزان العتره
***
جسمك فوگ ارض الطف يظل عريان
وعليه تلعب خيول أهل الكفــر ميدان
بصـدرك سحگــو الانجيــل والقــــران
جسمك كل كتب الله وسره
هل إهـــلال إحزان العتره
***
كتـــاب الله انتــــه وســره الأعظـم
يغسلك فوك ارض الطف نجيع الدم
لـــو مــــا منحـــرك بالسيف يتخذم
محّد هــــذا الدين يــذكــره
هل إهــــلال إحـزان العتره
***
ديـــن الله ثبـــت يحسين مـــن دمـك
صرت كعبـه عشگ يــا مـوت اليضمك
وحگ جدك وأبوك ويه الحسن وأمك
بدمانـــه تمشي ابكل گطـره
هل إهـــــلال إحزان العتره
***
الشاعر
موسى البديري
قصيدة ( لميته بحصيره ) لدفن الأجساد الطاهره حوار بين الامام السجاد والسيده زينب عليهما السلام
لميته بحصيره جسم الحسين
لو سالم لگيته يا ضــوه العين
نحـر ظــل بعــد الــذبح
راسه ذاك اعلى الرمــح يا عمه الحسين
****
عمّــه سولفلي عظــم هــاي الــــرزيه
من گصدت اليوم لارض الغــــاضريه
شلون شفت حسين ظـل جثه رميــه
شحاله من رضته العشــره الاعوجيه
خَبّرنــي يعمّـه بصـــدره اشصَار
مثل ايتامه جسم حسين طشار
حسين كلّه أصبح جرح
راسه ذاك اعلى الرمــح
****
گلهـا والدمعــه جـرتْ منـه يعمّـه
آه يا جرح الطفوف شكبره همــه
بالحصيــره والــدي ظليــت المّـه
عمه وبلهفت امفارگ گمت اشمه
لميته بديه وشاغت الـــروح
مذبوح ويلمْ بجروح مذبوح
صعب يـا عمّـــه الشرح
راسه ذاك اعلى الرمح
****
عمّــه يا جـرح الـذي گلبك مضهده
گلها والدمعه جـرت من فوگ خده
عمّـه كـون اليندفن راسـه نوســده
بس نحر وبلايا راس شلــون شده
وســدت النحـر وبگلبــي اهــات
مثل حسين عمه ياشخص مات
حسين أبو الوجه السمح
راسه ذاك اعلــى الرمـح
****
تگله انشدك عمه عــن محنة كفيلي
گلها عالشــاطـي تهــدم كلــه حيلي
شفـت چفينه وصحـت يمّه يـويلي
عمّي يـــا عبـاس راح يطـول ليـلي
يــا عمّــه شسولف عنــه محتـار
من كثر الهضم بعده الجسد حار
الـﭽنه ساعــات الصبح
راسه ذاك اعلـى الرمح
****
ارد اســألك مـن بعـد راعي الشريعه
ويـن گلّـي وســدت منحــر رضيعــه
عمه گلها وضاگـت بعينــه الوسيعـه
لصدر ابوه حسين هاي اكبر فجيعه
نحر حسين وي نحر الطفل صار
وسدتــه واحــس گلب الابو نــار
ذبــح صــاير يــم ذبـح
راسه ذاك اعلى الرمح
****
مــن گصدت الأكبــر ودامي نظــرته
ﭽن محمد عالارض مطروحه جثته
ويا جــرح جسام ومصـابه ومحنته
اخ يا خويــه صحـت يمّــه وشبگته
شحــاله ألّي يــوسد بيــده خوان
عليل وبيدي اوسد گلب عطشان
يــا دوه لعلتــي يصح
راسه ذاك اعلى الرمح
****
الشاعر
موسى البديري
العاشـر چــم جــرح گلبــچ. ترك بي
وشفتي اخيولهــم صــدره. ترك بي
چـم طفلـه وطفــل زينــب تركبيـه
ويركبچ ســوط مرجــانــه وامـيه
*----------*----------*----------*
الشاعر
موسى البديري
تذبــح الـروح دللول دللول
وابني مذبوح دللول دللول
*
آنــه ام الرضيع الفطمتــه النبلــه
آنــه الفاگــده والنــوح الي يحلــه
تصد عيني المهد والمدمـع تهمله
وكل ساعه أفز وبــأسمه انـدهلـه
يمه نــاديت دللول دللول
ألها حنيت دللول دللول
*
معـروفــه التلولي للطفـل عـدها
شحال ألي تلولي ومات واحدها
إذا خالـي المهــد الله يســاعدها
گضت أيامـك الحلـوات شيـردها
اسهر الليل دللول دللول
تهدم الحيل دللول دللول
**
اصبّر گلبـي بيش الحــاير بهمـه
يـا عـطـر الـورد وگليبـي يشتمه
أفـز وتخيـلك نـاديـت يــا يمـه
يعـرض منحـرك متخضب أبدمه
اصرخ بصوت دللول دللول
ذابــح المـوت دللول دللول
*
دللولك يتيمـه ابطـارف بشفــافــي
عفت حضني ييمه وعالرمل غافي
برد حضنك حسافه البيك ظل دافي
زغيــر وادري طبعك يمه متجـافي
گلبي ينعــاك دللول دللول
يذبح اجفاك دللول دللول
*
جرحك يبنـي حـد الموت مـا يشفـه
خشن چـان السـهم يالرگبتك تـرفـه
ارتوه گلبك ييمه مـن عــذب نـزفـه
شبچي أوليدي دمعي أعليك ما كفه
تجرح الروح دللول دللول
تـزّيد النـوح دللول دللول
*
باچــر للسبي مــن امشــي يالغـالي
شلون اصبر واشوفن راسك اگبالي
نحــرك يمه نــاعم والرمــح عــالي
يلچمــني الرمــح بالممشه يــبرالي
گلبـك يريــد دللول دللول
وراسك بعيد دللول دللول
*
الشاعر
موسى البديري
قصيدة ( كل الخدم ) من وزن الميمر المجنس
شهر الدمـــع آه يحسين
كــل الخــدم تنتظــــره
*
شهر الحزن خـدامك انته تعــدله
عده وعــدد كــل عام والله تعدله
والمايل بمجلس عـــزاء أتعــدله
لكن شرط يبقى وياك
كون الــزمــن ميغيره
*
أنادي بألم شهر الحزن مــر بينا
طعم الفــرح يــا سيدي مر بينا
عدنـــــه جفن للفاجعه أمربينه
كل وكت يجري الدمعات
لجل المصــايب حمــره
*
شهر الحزن مولاي لــوعــه وعَبرَه
من ثورتــك ناخــذ دروس وعِبره
مــركب محبتـك للشدد بي عبِره
الما يركب بحب حسين
محـد بـــعــد اليعبــره
*
شهر الحزن ركن الصبر هد بينا
وموج الدمع من الحزن هد بينا
عجــل لثــارك سيــدي هـد بينا
أنــادي بمجالسنا الثار
والمهدي عجـــل أمره
*
وي الدمــع عدنه لمصابك عشره
وحزنك فــلا مثلــه يمر لا عشره
بالنحـــر نقسم والليــالي العشره
لأخـــر نفس نبقى وياك
يبــن الــزچيه الزهره
****
انشد الحزام أبكـل عــزم و انعگده
ومجلس عــزائك كل زمان انعگده
شهــر المحرم مــا نبطـــل عگده
عگد العمر وي عاشور
وقعه الشيعي بعمــره
*
عن مجلسك ذاك الظلم مـا ردنه
ردنـه محــرم غيــره لا ما ردنه
ويومك يظل طول العمر ماردنه
يومك شعل بينا أحزان
مثـــل الخيم مستعــره
*
جننـه حبــك مــا شخـص جننــه
يا مــن خدمتك تنحسب جنه انه
من الخطر صحنك يظل جُنه انه
صحنك آمان لهل الناس
كم من حديث أنـــذكره
**
الشاعر
موسى البديري
https://youtu.be/ZbqKyyVZyjA?si=3Bbf27U3CaYk3zj4&sfnsn=mo
Читать полностью…
قصيدة ( ظهر العاشر ) وما جرى بعد واقعة الطف
ألـمْ ألـمْ يا ظهـر العــاشـر
خيّم خيّم ما عـدنا ونـاصـر
قيّـم قيّـم مسحوگـه بحـافـر
واويــــلاه واويـــــلاه
****
ذبــح والموت دايــر كــل كتــر بينــه
وعلــى التــربان ظلت بــويه اهــالينه
حــرگــوها الخيّــم مــن طــاح واليـنه
اعلــى كبر الگــاع حرم وايتام هجينه
علـي علـي الحگ ياحيـدر
هلــي هلـي ما سالم منحر
ألــي ألـــي يا گــلب اتفطر
واويـــــلاه واويـــــــــلاه
****
المحد جاب اسمها بسوء اي انسان
كلها تصيح زينــب طلعــت العـدوان
المــا سمعــت گبــل بس اية القران
هسه اسمــع شتم يــا داحي البيبان
شفت شفت الما مــر ابالي
وكت وكـت ينشاف خيالي
حرت حرت اجمــع بعيالي
واويــــــلاه واويـــــــلاه
****
نــار وخيــل هجمت كلها لخيـامي
ومــذعــوره يبويـه هجـت ايتــامي
صــورة امــي صارت كلهـا گـدامي
عــاد الطــف عليّه لــوعة ايــامي
رجــع رجــع باب امي الزهره
جمّــع جمّــع آهــــات وحسره
دفـــع دفـــع كـل ذيچ الزمره
واويـــــــلاه واويـــــــــــلاه
****
عالتل وانـــدب ودلالي كلــــه جروح
يجدي حسين من كتر الظهر مذبوح
كتاب الله ظل اعلى الرمـــل مطروح
خيــل وانـــار المن نتجــه ونـــروح
ذَبـِـــح ذَبـِــح انظـر بأحزاني
رمِـح رمِـــح شايــل خـوّاني
جــرح جرح واحــد عالثاني
واويـــــــلاه واويــــــــــلاه
*
دليلـــي اليــوم بـــويــه بــيا ألــــم حـــايــر
العطش ابسط جـــرح مـــر بيه بالعـــاشــر
حسين شحـــال گلــبــه بـــدوست الحـــافـر
اعلى كبر الگاع جسمه من السحگ صاير
وذر وذر شيَّلم اوصـاله
قهــر قهــر مــنْ الخـيّـاله
گمــر گمــر ذايــــب دلاله
واويـــــلاه واويـــــلاه
*
اسولف عــن جــرح يا بــويه اتحير
حــرم بين الاعــادي وسفــه تتعــثر
يتــامه تصيــح عّمه وتنــدب الخـدّر
سبي صاحو يزينب گومي بت حيدر
سبــي سبي للشام وكـوفـه
نبــي نبــي بنته ومعـروفه
عبّـي عبّي طلعت مچتوفـه
واويــــــلاه واويـــــــــــلاه
****
الشاعر
موسى البديري
https://youtu.be/B2CWxhrcYI8?si=J_s9oULi3nCgniNp
Читать полностью…
قصيدة ( كل الخدم ) من وزن الميمر المجنس
شهر الدمـــع آه يحسين
كــل الخــدٓم تنتظــــره
*---------------*---------------*
شهر الحزن خـدامك انتــه تعــدله
عده وعــدد كــل عام والله تعـدله
والمــايـل بمجلس عـــزاء أتعــدله
لكن شرط يبقى ويــاك
كــون الــزمــن ميغيره
*---------------*---------------*
أنادي بألم شهر الحزن مــر بينا
طعم الفــرح يــا سيدي مر بينا
عدنـــــه جفـن للفاجعه أمربينه
كل وكت يجري الدمعات
لجــل المصــايب حمــره
*---------------*---------------*
شهر الحزن مـولاي لــوعـه وعَبرَه
مـن ثورتــك ناخــذ دروس وعِبره
مــركب محبتــك للشدد بي عبِره
الما يركب بحب حسين
محـد بـــعــد اليعبــره
*---------------*---------------*
شهر الحزن ركن الصبر هـد بينا
وموج الدمع من الحزن هد بينا
عجــل لثـــارك سيــدي هــد بينا
أنــادي بمجالسنا الثار
والمهدي عجـــل أمـره
*---------------*---------------*
وي الدمــع عدنه لمصابك عشره
وحزنك فــلا مثلــه يمـر لا عشره
بالنحـــر نقسم والليــالي العشره
لأخـــر نفس نبقى وياك
يبــن الــزچيــه الزهــره
*---------------*---------------*
انشد الحزام أبكـل عــزم و انعگده
ومجلس عــزائك كل زمان انعگده
شهــر المحـرم مــا نبطـــل عگــده
عگد العمر وي عاشور
وقعه الشيعي بعمــره
*---------------*---------------*
عن مجلسك ذاك الظلم مـا ردنه
ردنـه محــرم غيــره لا مــا ردنه
ويومك يظل طول العمر ماردنه
يومك شعل بينا أحزان
مثـــل الخيم مستعــره
*---------------*---------------*
جننـه حبــك مــا شخـص جننــه
يا مــن خدمتك تنحسب جنه انه
من الخطر صحنك يظل جُنه انه
صحنك آمان لهل الناس
كم مـن حديث أنـــذكره
*---------------*---------------*
الشاعر
موسى البديري
الكون يعلن سيدي لفگـدك حــداد
وتنّشـر بأحــزان رايــات السـواد
*
تنّشــر رايــات حــزنك عالضــريـح
وكل محب بأسمك يبو اليمه يصيح
چنــه ينظـرلك علــى الغبــره ذبيــح
والخيـول أتدوس صــدرك بالعنــــاد
*
رايـه تعلـن للخلـگ بـــدأ العـــزاء
وتصــرخ الأكــوان آ يــا كــربــــلاء
حزنـك يعـم الأرض وأهــل السماء
وتنتحب لمصــابك السبعه الشـداد
*
تنتشــر رايـــات حــزنـــك للمـــلا
والأنظــار أتديــر كلــهــا لكــربلــه
ليومك أعيــون الخلايــق هاملــه
وذكرك أبكل ارض موجود وبـلاد
*
تــرتفع رايــات حزنـــــك بالطفوف
العـالم يصـد مرقدك چنه و يشوف
امگطــع أبيــن السنـابك والسيوف
وعالرمل مطـروح في حــر الوهـاد
*
يرجــع أمصابــك يبو الأكبــر جديـد
وتنظــر الأكــوان جسمك عالصعيـد
المــاي يمــك لكــن أبــدم الــــوريـد
مغســـل ومذبــوح تنظــرله العبـــاد
*
كــل حــزن يخلص اله حــد وعمــر
بس مصــابــك سيـدي ظـل مستمر
مــأتمــك بالگـــاع وبيـوم الحـشـــر
جــدك بيــوم الحشــر يعلــن حــداد
**
الشاعر
موسى البديري
قصيدة ( منارات العشگ) تحكي زياره ومشاهد من واقعة الطف
يم منــارات العــشگ
ليش بالعبره اختنـگ
ينرسم مشهد حــرگ وانظر لمصابه
****
منْ أگصد الحضره وأصد صوب المناير
أبّـالي تتزحــام صـوَر وابقـه آنــه حاير
طفلــه اذكــر عالــدرب ظلــت تنــاطــر
چنـي اسمــع حمزه مــن يقــره يجــابر
مـــا دريت بكــربلــه
مـن سبــوها العايله
صوت بالعبره اعتله سَلبّوا ثيــابــه
****
بگلب كــل مــؤمـن لبو اليمه حراره
ﭽــن مخيّمْ مشتعـل ما تطْفـه نـاره
شگـد مشاهـد تنــرسم وي الـزياره
أيتــام فـرّت تصـرخ وكلهـا حيّــاره
منْ بعِـد نهــر الدمّـه
استمع صوت الضمه
واصل لسابع سمه وأوگف اعلى بابه
****
من امشي يم حسين بأرض الغاضريه
مــاي اسمــع چنـــي لاطفــال الزچيـه
أمشـي چنــي واستمــع صـرخة رقيه
عــمّــه وينَــه كافلـــﭺ يالهــاشميــه
خويه أطفال وحـــرم
تنادي حرگوها الخيم
وينــه شيّـال العَـلمْ طوّل بغيـــابه
****
يم ضريحه ظاگت بعيني الوسيعه
تنــرسم لو شاهــدت گبره الفجيعه
چنهه نبلــة حرملــه ذبحة رضيعه
طفل ظامي ومنعو أعليـه الشريعه
بيـن طفلــه ونبلـته
حسين حيره حيرته
سهم نحره وﭽبدته والدمه خضابه
****
بعبـرتــي اتعنيــت تـلْ الــزينـبيــه
كلـت أزوره والحـزن خـيّــم علـيـه
صـوت اسمعه چني من تل الرزيه
رغم كــل الصـار ابقــى انـه الأبيه
انــه قــران العبــي
حتى لو اروحن سبي
النصر باﭽـــر زينبي ورايتي المهابه
****
مــن ازور الكــافـل ودمعـي اسيله
صفنتي أبابـه تظـل كلـش طـويلـه
أحــس صـوت بمرقـده آ يالعقيـله
آه مـن الشــام وهمـومــه الثجيله
خويه يا بــت فاطــمه
طاغي شخصج يشتمه
يا ستر كـــل الســمه وتگعد بخرابه
****
الشاعر
موسى البديري
نبدل رايــة العطشان ســوده وتنــزل الحمره
وكل عاشگ لابو الاحرار يلطم بالحزن صدره
نواسي الليله داحي الباب وأمه الصابره الزهره
( و الزهره نعزيها اليله )
موسى البديري
وزن حمزه الزغير
هـــــا يهــــلال دمــــع همـــــال
يــــوم البينــت بسمـــــاك
*
يهـــلال الحــزن والنـوح
عســن لا بينـت بسمـــاك
وعسن لا نــورك الليـلـه
يهـــلال الحـــزن ضــوّاك
فجعت الهادي من هلّيـت
فجعـــت الدنيا والأمـــلاك
هلالك چنه سيف المـوت
يگطـــع منحـر الشافـــاك
هـــــا يهــــلال دمــــع همـــــال
يــــوم البينــت بسمـــــاك
****
يهــــــلال الحـــزن والاه
عســن لا بينـــت هــاليـوم
دمـــع العــــالم العلـــوي
مـــن هليت هــــل ادمـوم
لان گلــب الزچيه يلــوع
وعلى مصاب الولد ملچوم
بحزنها اتنـــادي يوليدي
اه يحسين يــــا مظلـــوم
هـــــا يهــــلال دمــــع همـــــال
يــــوم البينــت بسمـــــاك
****
يهــلال الدمــــع همـــال
الك وسط الگلـب جمــره
بشهرك يا هـلال النوح
حسين أتـــوســد الغبــره
بشهرك يا صدر ينداس
محمــد سحگــو ابصـدره
محمد رضـّو اضلــوعه
وعالغبــره انگطـع نحره
هـــــا يهــــلال دمــــع همـــــال
يــــوم البينــت بسمـــــاك
****
يهـــلال الحــــزن زينـــب
بشهرك تــدري محتــاره
تنـظــرلك لچــن بحـــزان
هـــلالك تعـــرف أخبــاره
تدري الكافل مــن يطيــح
بكتــره ايمينــه ويســاره
وبعد غيبت گمرها شلون
المخيــم تلتهـــب نــــاره
هـــــا يهــــلال دمــــع همـــــال
يــــوم البينــت بسمـــــاك
****
يهــلال العليلـه أتنـــوح
مـــنْ أتصــد عليــك العين
أهلهـا سافــرو للمــوت
وتصفــگ من مشوا چفين
تصـدلك تصرخ بحسره
شيـــردهم ليـــه البعيـدين
يهـــلال الحـــزن حنيت
أغفه إبحضن أبوي حسين
هـــــا يهــــلال دمــــع همــال
يــــوم البينــت بسمـــــاك
****
يهـــلال الحــــزن للدوم
بهــــلالك يظـــل النـــوح
نــــوح الفاگـــد أحبابــه
يـــا دمعه التردله الروح
ويـــا دمعـه لــون تسيل
تشافي البلگلب مجــروح
جــرح حسين ما يشفه
ومن عنده النحر مذبوح
هـــــا يهــــلال دمــــع همـــــال
يــــوم البينــت بسمـــــاك
****
الشاعر
موسى البديري
يا هلالاً للبكـاء قد فجعتَ الأولياء
***
يا هلال من الأزل شايل الم
تنرسم دمعه على أعيون الأمم
يا محرم للدمه ظل يجري دم
كلُ منْ فوقَ السماء
يا هلالا للبكاء
***
يا هلالاً بالأفق چنك جرح
تنرسم چن سيف ويريد الذبح
يا نحر حزيت لو ردنه الشرح
نحرَ سيد الأنبياء
يا هلالا للبكاء
***
يا هلال ومن تهل فوگ العباد
تحِرم الأحباب بثياب السواد
تنوح لجل الفاجعه السبعه الشداد
وأتى منها النداء
يا هلالا للبكاء
***
يا هلال ابطلعتك تبچي السور
لن كتاب الله حزوله النحر
اختلط دم حسين وي دم الفجر
وبكى الكونُ دماء
يا هلالا للبكاء
يا هلالاً قد بكى منهُ الرسول
وبكى الكرارَ بالدمعِ الهطول
يا هلالا قد رمى قلبَ البتول
يومَ كربٍ وبلاء
يا هلالا للبكاء
***
يا هلال النوح يجري بطلعتك
گلي بالله شلون زينب شافتك
چنهه لا هليت بالطف نادتك
قد هوى فيك اللواء
يا هلالا للبكاء
***
ريت لا هليت لا عيني تشوف
طلعتك يهلال في يوم الطفوف
تلگتك عيناي بالدمع الذروف
فيكَ قد جلَ العزاء
يا هلالا للبكاء
***
الشاعر
موسى البديري
هــل هلال قميص حسين المخضب
ظهــر والكُــون كلّـه امكــدر وينحـب
*-----*-----*-----*
موش هــلال انظــر بالسمّـه وحــاير
قميص حسين أشوفه وبي اثر حافر
أنرسم بالكون والله بمحنـة العـــاشر
وخنصــر منگطـع والثــوب التسلــب
*-----*-----*-----*
قميص حسين هــذا الناگــع أبدمـه
وصوت يصيح آه يحسين يــا يمّـه
حرگ بالكون چن مـن انظر اشتمه
واناشد شنهي هــاي البگلب تلهـب
*-----*-----*-----*
أشمْ ريحة خيّم محتــرگـه بنفـاسي
ويهل دمع البواچي وتنتحب ناسـي
لراس حسـين ادنگ بالحــزن راسي
على راس الرمح مرفوع چم كوكب
*-----*-----*-----*
بــدت ريحة محــرم تتــرس الـــريه
واحس بالعاشــر وضيمــه ومأسيـه
اصــد چن بخيالــي الحــره مسبيــه
وتصد راس الكفلها الدامي ومخضب
*-----*-----*-----*
فتــح بـابــه لمصاب الـزهره دلالي
باچــر عالتراب تشــوف چـم غالي
حــزن عاشور حـدّ المـوت يبـرالي
مــو بس الشَعَر حتى الگلب شيّب
*-----*-----*-----*
هــلال انتظــره والله بصــافي النيه
يــــرد أيـــام گعــدتنـــا الحسينيــه
شحلات الدنيا بس لحسين مگضيه
ومن ماي السبيل بكل وكت اشرب
*-----*-----*-----*
الشاعر
موسى البديري
وحــگ ألــي ابچفوفـه لم الحسيـن
مـــا أبطـــل عـــزائــي لأم الحسين
أظــل اللطـم وانوحـــن لما الحسين
تطيب أضلوعه وضلوع الزچيه
*
الشاعر
موسى البديري
قصيدة ( ياهو أنته ) إلى ابو الفضل العباس ومكانته عند أهل البيت عليهم السلام
يــا أبو فاضــل ... ياهو انته
حيره شخصك ... ما عرفته
الف لام وميم نــزلت بالــسور
لهسه بالتفسير محتاره البشر يا هو انته
****
عنك أحــروفي اجـت تكتــب قصيده
شعدها عنك فكــره يــا ابـن الصميده
غير كافــل أخته بس انگطعــت أيـده
وأنت چــان الــدين يتــروه بـــوريده
الدين من دمك روه
والوفه طش بالهوه
انت لجل القل هـوه دمــائــك
يا أبو فاضل ... انـــه حاير
ومثلي حيره ... من المنابر
شتارك بگلب اليحبونك إثــر
لهسه بالتفسير محتاره البشر يا هو انته
****
كل حروف الشعــر نجمعها ونوصفك
حگهـا خجــلانه فــلا تگــدر تنصـفك
الساقــي انته الكافـــل وأكثـر نعـرفك
صـرت ظهر حسين ما نگدر نفهـمك
انتــه جيشه لو ظهر
حيــرتــنا يالگمـــر
شتــارك ابگلبه اثــر رحيلك
انتـه ظهــره ... لو عضيده
بحيره تنشد ... هالقصيده
وبحر شخصك ما شفت مثله بحر
لهسه بالتفسـير محتــاره البــشر يا هو انته
****
حايــر أبمــوقــف ولا مــره فهمتــه
ولا گدرت أبشعري يالكافــل وصفتـه
حسين من گلك يخـويه بنفسي انتـه
يعني فدوه يگول شخصك ما عرفته
حيره يا ابـن الولي
يا هو اليوضح ألي
الكافل انته لو علي يشوفك
يا أبو فاضل ... يا عظمها
كلــمه رايــد ... افتهمــها
حسين من كلك فدوتك يالكمر
لهسه بالتفسير محتاره البشر يا هو انته
****
واهــمْ الينظــر الك گبــه ومنـاره
وانته بيك أعقول هل الوادم حياره
اعتذر ما ﭼنت اعرفـك بس زيـاره
وانته دين ومبدأ وفكـره وحضاره
من گصدت المشرعه
النهر يجري ومنبــعه
الماي محّـد مــانعــه تشربه
يجري مايه ... وما شربته
قصَدك انته ... مــا عرفته
لان تدري حسين دلاله انفطر
لهسه بالتفسير محتاره البشر يا هو انته
****
يا گمر محتــار ياهــو الـي اسـأله
عن سؤال يَحّير ومـا عنــدي حَلّه
انته ﭼم معصوم ﭼف أيدك يقَبله
حگي مـن احتــار بيك العمـر كلّـه
حيّـرَتـنـي الأسئــلة
عن عظمْ هل المنزله
شخصك ايه مُنزَله وعجيبه
شخصك ايه ... للبريا
ايه ماكو ... منها ايه
آيــه حـدْ اليــوم رتلها الــدهر
لهسه بالتفسير محتاره البشر يا هو انته
****
الشاعر
موسى البديري
تضمين مستهلات تراث إلى القاسم ابن الإمام الحسن عليهما السلام
على الشبان أنوح أبدمعـــه سچابــه
مثل رمله أعلى ابنها التنعه لمصابه
*
نهل احنه لمصابــك كــل وكت دمعـــه
مــنْ ننظــر يجاسم بالعـــرس شمعــه
مــنْ أنشــوف احنـه الفـاگــده التنعــه
مــنْ حمــزه الزغيــر يقــره ونسمعــه
يــمّــه اذكــــرينــي مــنْ تمر زَفّــت شباب
مـن العرس محروم حنتّــي دم المصــــاب
شمعــة شبابــي مــن يطفــوهـــه
حنتي دمي والجفن ذاري التـراب
يمّه اذكريني من تمر زفت شباب
*
حفر بينا الحزن لمصابك أبكـل عــام
مــن نفگـــد شبــاب ونشعــر بـــآلام
چــم أم التسـاهــر والجفــن مــا نـام
مــن ينعــي النويني بمستهل جسـام
جسـام يا ضنوتي رايح رايح من أعيوني
مـا رحمني الدهـر وانتـــه نـور البصـــر
رايــح رايـــح مــن أعيـــوني
*
شلون الأم تــوّدع كـــل هــوه الـريه
وتعـــرف بيـــه مـــا منــه بعــد جيه
باچــر عنـك امشــي أوليـدي مسبيه
ويــرد بينــه الــزغير حمـزه يوميه
يــا محلا الـــوداع بهـــل المسيه
وعلـــوم المنيـــه
بيـــن الفـــاطمـــي والفـــاطـميه
*
علــى الشبان مــا يفتـــك بعـد حزني
ولا يخلــص شبيـــه أم الــولـد ونّـي
انشدهــا التنـــوح أتجــاوبــك عنــي
يصــرخ بي جــاسم كـــل وكت يبني
آ يبني شگــول أعليــك آ يبني
دوهــني زمــاني بيــك دوهني
*
الله يســاعد التفــگــد وحــيــد ألهــا
بــس النــوح طــول الليــل يشغلــها
مثل حــال الغريبــه الـــراح كــافلها
وظــل عبدالرضا هل الدمعه يهملها
زينب يــا غريبه الله شمصيبــه
وجهچ يا زينب وين مذبوح اخوچ حسين
والجثــه سليبــه الله شمصيبــه
**
الشاعر
موسى البديري
الما عنده حسين ميت مرتين
يا لذه يشـــوف بعمره
الما اليعشگ ابن الزهره
****
المـا عنــده الحُســين بدنيتــه شعنـده
ضايــع والطــريق الســالكــه يبعــده
الما شاف الحقيقه اعيونه اظن رمده
مثـــــل البيــده كــض المــاي وتبــده
بدربــه الانــوار والضـد يحــتار
مـــا اظنه يشوف الگمره
الما اليعشگ ابن الزهره
****
الما عنده الزياره وضايگ الخدمـه
هــذا امضيــع الايمـــان والنعــمــه
الهوه الما بي حُسين شلون يشتمه
الما شاف المناير هذا احسه اعمى
دنـيــا بليـــاه شتنــفــع والله
يخســر لاشــك كــل قدره
الما اليعشگ ابن الزهره
****
الما ضــايك لهب عاشور وآهاتــه
ولا مــره تّچــوه بذيــچ جمــراتــه
عــايش ألمــن الخســران كل ذاتـه
طعم منطــي الحيــاة بكل جراحاته
اول مذبـــوح للدنيــا الــروح
ميّــت مـــا يـنفــع عمــره
الما اليعشگ ابن الزهره
****
الما كحــل عيِـونـه بشـوفت الگبـه
أولا مــــره گصــــد عنــاي للحــبه
هذا الي صــدگ عايش الف غـربه
حسين الدنيا كلها الواسعـه الرحبه
بلا حبه شلون لا طــعم ولــون
مــا يشتم عطــر العتـــره
الما اليعشگ ابن الزهره
****
تخيلها الحيــاة بلا حــزن عــاشور
ظلام تصـــير كلها ولا يمرها النور
الحياة احياها يوم القدم الها انحور
اذن واجب نذكره شما الكون يدور
يالبيّـه تلــوم مــا ابطــل دوم
ينـــسى القــرآن وذكـــره
الما اليعشگ ابن الزهره
****
المنطينه حيــاته ومهجتــه ونحره
وتحـــت الخيل لله هشمو صــدره
قليل انطيه لـو مر ذكره بس عبره
لحـــد الان يحينا بهــوى الحضـره
حسين العطشان يروينه احسان
ينكــر ديـــن الله وســـره
الما اليعشگ ابن الزهره
*
الشاعر
موسى البديري
قصيدة ( المشاهد ) تتضمن صور من ايام عاشوراء والأربعين
صور حبك عجيبه
يبـو اليمـه وغـريبـه
ننادي منها ويــلاه
وتــرد بينه المصيبه
مشاهد حبك آيـات
تـرتلـها السمــاوات
**
يحسين شعضمها امصيبتـك هــاي
رسمتلي صــور يــا سيدي اهــواي
شفت شايب يشرب صورتك مـاي
ينــادي ما تـوافي ادمــوع عيـناي
يصيح ابدمعة العين
ريت اهناك يحسين
جسمي انداس والله
دونـــك بالميــادين
ودونـك بيه طعنات
تـرتلـها السمــاوات
****
شفت موقف صعب من بالي امحيه
ولا بـالدمعــه ويعـــدي واعـــديــه
طفلـه اهنــاك ركضــت بالتشـابيه
تكــض بنتــك رقيــه خــايفه اتيــه
تگلها ابدمعـه وبـآه
ابوﭺ حسين عفناه
صوره عدنه بالبيت
سـالـم يمنــه والله
وهلـت منها دمعات
تـرتلـها السمــاوات
****
مشهـد شفتـه لكــن حيّــر الكــون
عفيه عيوني عندي وظلت عيون
مـوكـب للخدّم بــس ما يشوفون
عمّـيـه اعيـونهــم لكـن ينــادون
نشوف احنـه المناره
فقط وكت الزياره
نحس حسين موجود
ينــادينا البشــاره
علينا يجري عبرات
تـرتلـها السمــاوات
****
يبو اليمه المشاهد تارســه الــروح
كلها اجروح صعبــه انعـد الجـروح
چم شاب أعلى دربك مات مذبوح
وما عفنه الزياره كــل سنه نــروح
بوكت گطع المناحر
حبيب انشوفه حاضر
واكف وي الأنصار
يسجــل بالدفــاتـــر
المات وياك ما مات
تـرتلـها السمــاوات
****
يا مـوقف اذكره وموقف أنساه
ولا بالآه يخلـص واجــذب الآه
طفل مشــاي يهتف واحسـيناه
سحر حبك عجيب وما فهمناه
طفل باسمــك ينــادي
يهز كلب الاعادي
بزغره يصرخ ابصوت
اظل خادم مرادي
دربـــك بي كرامــات
تـرتلـها السمــاوات
****
حبــك بالأرض مالــه منــافــس
بدليل حسين منتشره المجالس
بتشابيهك امس رد بينه عــابس
مات من العشك وبگلبه واهـس
كملــها المسيره
عــابس وي اميــره
شافك بالتشابيه
عشك ما صح نظيره
من شوكه اظن مات
تـرتلـها السمــاوات
****
الشاعر
موسى البديري
ألبَستْ اسود من جديد
شكراَ حسين الشهيد
يا ابا عبدالله يا ابا عبدالله
**
سيدي شكــرا الك چـــي انــه خــادم
أنضاف عام لعمري في هاي المــأتم
بين قـــاري وبين شاعـــر بين لاطم
حلوه لجــلك سيدي نگضي المواسم
وألك تقبلنا عبيد شكراَ حسين الشهيد
يا ابا عبدالله يا ابا عبدالله
*
سيدي عمري أنحسب من الخدامه
يعني چم عام انگضه لجل الامامه
ألف شكـــرا سيــدي لجـل السلامه
الخدمه ذله بس ألك تعني الكرامه
عــام للخدمه جديد شكراَ حسين الشهيد
يا ابا عبدالله يا ابا عبدالله
*
شكـــرا أعيوني الك تجري المدامـع
هــوه عمري المو ألك يحسين ضايع
سيــدي الويـــاك فايــز أنــي ســـامع
اقبلني خادم مو لجل سلطه ومطامع
خادم اقرالك نشيد شكراَ حسين الشهيد
يا ابا عبدالله يا ابا عبدالله
**
اقبلني يــا مــولاي خادم بالمــجالس
والتقبله يفــوز والله ابـــلا منــافس
اكنس المجلس انظفه اقبلني حارس
اقبلني اوزع ماي لو تقبلني جالس
خادم بكل شي التريد شكراَ حسين الشهيد
يا ابا عبدالله يا ابا عبدالله
**
سيدي عن معتقد ادري انته حاضر
وانه عمري بخدمتك سويته عاشر
گالــو الزارك تــزوره بالمقـــابـر
واني اريدك يوم اظل ابگبري حاير
تمدلي يبن الزهره ايد شكراَ حسين الشهيد
يا ابا عبدالله يا ابا عبدالله
**
الشاعر
موسى البديري
قصيدة ( اول مره ) تروي حال الامام الحسين عند شهادة أخيه ابي الفضل عليهما السلام
اول مــره حسين انظــرله بمشيه يميل
وشمس العاشر چنها بعينه صارت ليل
رد حســين ولازم ظـهره
مرسومه بنظراته الكسره
بمشيه يميل
****
حيره منين اسولف وابدي بأحزاني
يــوم اتوادعــوا للمــوت خــوانـــي
هــوو للگـــاع واحـد شابگ الثاني
بســاعتها تغّـَيـر شكلــي والــوانــي
اول مـــره بعمــري انظــر هيــچ اوداع
انظر لحسين شلون اهوى فوگ الگاع
وخانگته يــا حيف العبره
مرسومه بنظراته الكسره
بمشيه يميل
****
ودعني ومشــه ودلالي راح ويـاه
احس حسين كل خطوة جدم ينعاه
يا ريت النهــر كله انگطع مجـراه
لان خلّــه بـدليــل حســين اخ وآه
عطشان حسينك انظــرله مــو للماي
چنــه ينــادي بيــك اتــروه ظل وياي
محتاره انظر لابن الـزهره
مرسومه بنظراته الكسره
بمشيه يميل
*
عطشان اعلى اخيّــه وگلبــه يتلــوه
واجتــه مــن الشريعــه چلمة الخوه
مــن طوله اشوفه حسين من اهوى
تعنّـه المشــرعـــه ودلالـــه يتچـوه
ينظرله حسين ابدمعــاته بـــلايا زنــود
وبكتره الرايه وچفينه لصــدره الجــود
بــدلالـــه تتــلاهب جــمره
مرسومه بنظراته الكسره
بمشيه يميل
*
تعنه المشرعـــه ومتغشي بأحــزانه
صگر چنه وكسيره بهيمه جنحـانه
نظــر عبـــاس طاحـت يمّه ذرعانه
روحــي بطيحتك مـــا تروه عطشان
يا عباس اگعــد يا خويــه شلون الحال
تنتظــرك زينـــب والخـدّر والاطــفــال
خلينـــي نـــاداه بحســـره
مرسومه بعيونه الكسره
بمشيه يميل
****
راد يشيــل اخيَّــه وگــلّــه خلــينـي
بأحضــانك امــوتن يـا نظـــر عيني
ضمايه اطفــال بأخيـــامك تتانيني
اوصّله اشلون وآنه بكتري چفيني
خليني اعلى الشاطي موذر يا مولاي
ريحانت دلالك تنطــر منـــي المـــاي
بلغ سكنــه گوطر عمره
مرسومه بعيونه الكسره
بمشيه يميل
*
رجع منْ الشريعه حســين بالگوه
اصدنله واگــولن هــوه مــو هـوه
وصل للخيمه حيــره ينادي وبلوه
چنه يگــول راحــت خويه المروه
رد حســين وانظــر طــوله ظــل يمــيل
يا زينب عالشاطي بحسره عفت الحيل
لا يمنه يــا خويه ويسره
مرسومه بعيونه الكسره
بمشيه يميل
**
الشاعر
موسى البديري
1447 هجريه
قصيدة ( استقبل محرم) لاستقبال شهر محرم الحرام تبين أننا لم ننسى الحسين حتى نستقبل شهر الحزن
استقبــل محــرم بــيش يـــا عيــــن
أنه الما ناسي يوم أمصاب الحسين
كــل وكـــتي رزيـــه
لمصــاب الغاضــريه
*----------*----------*
استقبــل محـــرم الــبس أثيـــابـــه
معنــاهــا سنه طـــول علــى أغيــابه
انه الما عايف اه يحسين ومصـــابـه
وجمــرات الحـزن كـل وكتي لهــابـه
شلون استقبلـه هوه آنــه نــاسيه
ونار امصابه بس المهدي يطفيه
يون صبح ومسيه
لمصاب الغاضريه
*----------*----------*
اذكــر يــا حــزن يــا محـنه يـا لــوعه
وروحي كــل وكت لحسين مفجـوعه
بگلبي إحزان زينب چنهه مجمــوعه
ويـا نــار الغريــب السحگو أضلــوعه
مــا ناسي مصابه وشوغت الروح
كــل صـرخه بــدليلي آه يمذبـوح
وبگلبــي عـــزيــه
لمصاب الغاضريه
*----------*----------*
هــوه آنـــه نسيـته حتـــى أتــذكــر
أشوف المـاي اذكــر چــبده المفطر
أشوف أوليدي اذكـر طيحت الأكـبر
مصــايب كـربلــه يــوميـــه تكــــرر
عايش لــوعتــه وكــل التفاصيل
من صعدت ترض بصدره الخيل
تنــوح أمــه الزچيه
لمصــاب الغاضريه
*----------*----------*
استقبــل محـرم صعبـه هــل الفـكــره
الخــادم من صدگ مــا فــارگ العبــره
وأنه الما ناسي خيل السحكت بصدره
ولا ليل اهدعش مـن جـن على الحـره
مثل ليل اهدعش ظل اسود الثوب
انــه المستــور بس حسين مسلوب
وظل أعلى الوطيه
لمصــاب الغاضريه
*----------*----------*
اليستقبــل عــزيـز أدموعــه همـــالـه
ومــن يشتــاگ الــه يــروح يتعنــاله
وآنــه الكــل وكــت عــاشـور يبراله
من اشوف عيالي اذكر ركضه اعياله
عيال المصطفى مسلوبه للشام
جفني ينــام زينــب ابــد متنام
مــن عظم الرزيه
لمصاب الغاضريه
*----------*----------*
الشاعر
موسى البديري
أهازيج بمناسبة عيد الله الاكبر عيد الغدير الاغر
عطله مو عطله علي هــوه الأمير
علي مـو رابــع علـي الاول يصير
اليقبل اهـلا والرفض خليه يطير
(( والينكر من أمه اللوله ))
****
الشگ الكعبه والله بيوم ميلاده
الأوحد حيدر القائد على القاده
امام الكون ربنا اختصه اوراده
(( بس حيدر ما رايد غيره ))
****
بالتصـويت صارت للخلگ ضجه
غير من الله حيدر عالخلگ حجه
ذو الفقــار چــنه وجيشهـم فجـه
(( والعطله امربع جبناها ))
الشاعر
موسى البديري
الـــ DNA فحــص للامــه تعبــانــه
حتــى يطابــق ابنـــه وي خــوّانــه
الطاهــر بالـولاده امبين ومعــروف
گلــه تحــب علـي الكــرار مــولانـه
(( ويبين الطاهر بنسابه ))
الشاعر
موسى البديري
