فـــوگ المـــرقــد تعلـــى الرايــه
****
بـــاچــر مــــن يظهــر مهدينــــا
يقيــم الحـق ونهجــــــه ودينــه
للغرقــد مـــــن يگصــــد بينــــه
للــبنيــان يـــــدگ الثـــــايـــــــه
*
ايــدگ الثـــايــه يعلــي الگبــــه
لـــلأحــرار يشيـــــد كـعــبـــه
جيش الباغـــي يذلـــه وحـزبــه
ويجــتث نسلـــه ويگطع مـــايه
*
يگطـــع مـــاي الشجـره القـذره
يشــيــد لـــلأطهــار الحضـــره
ويرفــــع ذيـــچ الرايه الخضره
رايــه مـــن الله تصبـــح أيـــــه
*
أيـــــه ومهــديـــنــــا يعليــــها
وكـــــل العـالــم ينظــــر ليهــا
يخسر كـــل بـــاغـــي يعـاديها
بحقده يموت وحچيه ورايـــه
*
بالمهـدي الحــــق لمـــن يظهـر
ويبني المــرقــــد در وجــوهـر
تعرف ياهــو البــاچـر يخســـر
ويـــــا نــاس لطــاها الـوفايـه
*
ياهــو الــوافـه لحــق العتــره
وياهـــو العــاده لأل الزهـــره
وياهـــو النــــاذر الهم عمــــره
وياهـــو الالهم ســوهّ قــرايـه
*
باچـــر نصبــر ننطــر بـاچـــر
هـــل الكون الهم يگصد زاير
مهدينـــا وي العـــالم حـاضر
كلهـــا لمــرقدهم عنّـــايـــه
*
الشاعر
موسى البديري
قصيدة ( عاشر البقيع ) في مناسبة ذكرى هدم قبور ال محمد. في البقيع
عاشــر هدم الگبـــور نــار بگلبك تفـــور
ابد مــا تبــــرد النــار يمته مــوعد الثــار
يغــايــــب
*
يـــا أبـــو صالــــــح
گلبــك الله يساعـــده
جـرحه محّــد ضمــده
اهـلـك أبيــن العــده
ضحــايـــا
يـــا أبـــو صالــــــح
الحقــد ذاك الأولـي
بعده ضد حيدر علي
شوكت همك ينجلي
النهــايــــه
يـــا أبـــو صالــــــح
بعــده طفك مــا گضه
من الجديد من المضه
يجــري دم الرافضــه
منـــايــــا
جيل يـورثه لجـيل دمنـه ودمكم يسيل
عندك ندري الإخبار يمته موعد الثـــار
*
أرد أســـألـــك
عن جرح ينزف تعـــب
شلـون تنظــر بالعجب
للبقيــــع ابـــلا گبــب
تشـوّفــــه
أرد أســـألـــك
يا جــرح ينزف دمـه
ضلــع أمـــك فاطمـه
الصدره خيل تهشمه
وتعــوّفـــه
أرد أســـألـــك
جـرح عمتك ما شفه
بالحِبّـــال مچتفــه
من وگع راعي الوفه
وچفــوفـــه
ينـزف گلبك أجروح بكل طف انته مذبوح
وخيـل أعليك تندار يمّـته موعـد الثار
*
يــدمي گلبــــك
من تصد گبـر الحسـن
ابـلا منايـــر لا صحن
ادري بعيونــك حچـن
مشــاعـــر
يــدمي گلبــــك
للبــقيـــع وللجــــره
لبنيِ الزهره الطاهره
أبــلا بنـاء المگبــره
ومنــايـــر
يــدمي گلبــــك
وجفنك يهــل مدمعه
مــن تصد للفاجعــه
شحــــال أم الاربعـه
البــواتـــر
أتصد أبجفن همّال مراقد عتــرة الإل
الهــم بقـــت اثــــأر يمته مــوعد الثــار
*
لـــو زرتهـم
بــالبقيــع وتــربتــه
نار تسعــر حسرتــه
تطفه ما اظن جمرته
مسعــره
لـــو زرتهـم
والمدامــع سايلـــه
ادري تذكــر حرمله
والجره ابطف كربله
تـــذكــره
لـــو زرتهـم
ترسم أبعينك صّــور
صدر فوگه شچم اثر
وسيف يگطع چم نحر
تنـظــره
تذكر ذيچ الأنحور وخيول أعلى النسه أتدور
تشاهد ذيچ الإخطار يمتــه مــوعد الثــار
*
فــي ظهــورك
تبني ذيـــچ الاضرحه
سرهم انته أتوضحه
والمعــانــد تفضــحه
بحســامــك
فــي ظهــورك
رايــة الحــق تعتلــي
ونسمع بأسم الولي
من البقيع انه وهلي
أبنظــامـــك
فــي ظهــورك
مشي تگصد هل الملا
للبقيــع و كـــربلــه
والخــدّم متــواصلـــه
بغــرامـــك
بس أأمرها وتشوف بيدك تصبــح أسيوف
غيــره وعزه وإصـرار يمته موعــد الثــــار
*
الشاعر
موسى البديري
مطالبنـــــا البقيــــع نعلـــي بنيــانه
وبأســم المــرتضى يتــردد آذانـــه
۩ • • • • • ۩ • • • • • ۩
مطالبنــا تظــل لأخــر نفــس بينــا
يــا جيــل اليجــي يجـدد أمـانيـنا
لحد مـــا يظهر المــوعــود مهدينا
وتعلى الرايه بيده وتوصل اسمانه
۩ • • • • • ۩ • • • • • ۩
مطــالبنــــا الگبـــب تتعلــى للعتــره
ونطب زوار احنه نصلي بالحضــره
نشم ريــحت محمـد والله والـزهره
تحيي أنفوسنــا البالفــرگـه ذبــلانه
۩ • • • • • ۩ • • • • • ۩
مطالبنا البقيـع أربــع گبــب بيــها
نصَبحــها بــزيارتنـــا ونمسيــهـا
حمام الحضره يرجع يفتـر اعليها
ومثل طيــر الحمام اگلوب لهفانه
۩ • • • • • ۩ • • • • • ۩
مطالبنا نطــب من بــاب ابو محمد
نــزوره ونــدري بي لا مــا يرد أحد
كــريـم وبابــه للحــاجات مـا ينسد
يستقــبل جميــع أحبـابه ديـــــوانه
۩ • • • • • ۩ • • • • • ۩
وزين العــابدين أنهـل الــه الدمعه
أمام الشاف يا حجـه أنهشم ظلعه
نــزوره ونگعــد أبابـــه نظــل ننعه
ونــذكر يـــا مصــاب الهدمْ أركانـه
۩ • • • • • ۩ • • • • • ۩
ويـم البــاقـــر نجـــدد مــأسينــه
شاف الطف عــذابه بأول اسنينه
يومـــك سيدي مـا لحظه ناسينه
ونعرفــك بالحشــر لا لا متنسانه
۩ • • • • • ۩ • • • • • ۩
والصــادق نزوره ونگعـــد أبابـــه
وبلهفــه نشـــم ونقبـــل أعتابــه
كريم وما يـرد فــد يوم أحبــابه
وبابــه نــروَي أرواح عطشــانه
۩ • • • • • ۩ • • • • • ۩
الشاعر
موسى البديري
چم عاشر بعــاشر عبر
وعينـك تهــل يالمنتظر
لنار السبي وگطع النحر يغــايـــب
*----------*----------*
يا المهدي چم عاشر اجه لجروحك يضيف أجروح
كلمـا يمــر شهــر الحــزن يـــزداد دمعــك والنـــوح
الف وتسعميــة ألـــم وعمتـــك سبيــه مـــن تــروح
حگك تنــادي بكــل وكـت مــا يشفى جـرح المذبوح
يــا جــرح آذى ال النبي
جرح الذبح جرح السبي
آيـــات تسترهــن عبــي يغــايــب
*----------*----------*
استعرض أجــروحـك صعب مــو جرح حتى يعـدي
مــن الباب جــرحـك للسبي مـــا ينوصف يالمهـدي
يـــا جـــرح اكتبـــه تنلچـم وجـروحـك أتظــل تــدّي
مــن اكتــب نهــر يالمنتظـر عطشان تصــرخ جدي
الماي شكثر ادري تــرف
چنه جرح يجري النزف
يعجز لجرحـك كل وصف يغـــايـــب
*----------*----------*
يا المهدي جــدك عالارض مگطوع بالطـف نحره
ياذيــك ادري بـس اشــد خيــل ألي رضـت صدره
وما اعتقد صدف اثنعش شمر الخنّه مـن ايطبـره
لكــل حجّه طبـره بمـرهفه أتحملهن ابـن الزهـره
ألــف وتسعميــه وبـعــد
بگليبه مــا ألهـن عــدد
جـرح الرضيع البالمهد يغـــايــــب
*----------*----------*
راح اترك أجــروح الجسد واذكــر جرح حيل اثـــر
يــا المهــدي وادري يألمــك يبقـى لحـد مـــا تظهـر
بحسين يالمهـدي أشجــره مــن طــاح ابنـه الأكبــر
گــام اوگـع فـــوگ الأرض يــوليدي صــاح وكبّــر
طايــح نبي أبنص الحـرب
موذر يشوفه من الضرب
هذا الجرح جـدا صعـــب يغــايـــــب
*----------*----------*
يــا المهـدي وبگلبــه جــرح مــا تنــوصــف أثـاره
مـــن راح يـمْ العلگمــي وكــض الحســين اكتــاره
مــن شــاف يمنــاه عالارض وانـوب شاف ايساره
أهنــاك التفّــت صــوب الخيّم وبگلبه تلهـب نــاره
محتــار لــــو رد للخيّــم
وبوجهـه مرســوم الألـم
شيگلها عن راعي العلم يغــايـــــب
*----------*----------*
يا جـرح أوصفنـه استحي كــون الحچي يتحـجب
صعبـه اگــول أبحضــرتك مسبيـه راحـت زينــب
العّفـه مشــت متيسره وعالهــزل گـامت تــركـب
والأشــد قــرآن الخــدّر يــا وسفـه ظــلـت تنسب
جرح العقيله أعظم جرح
يالمهدي اشد مـن الذبـح
بدلالك أصبــح چن رمح يغــايـــــب
*----------*----------*
الشاعر
موسى البديري
بالدمعــه اتــودع والــدها
****
هــل اليوم زينب بالولي مفجوعـه
بيا دمعــه محتـاره وحـزن يالوعه
جفن العقيله مـــا بطـلها ادمــوعه
من باب الزهره مواعدها
****
مــن بــاب امـها والدمــع صاحبـها
لهامة علـي بالسيــف مــن خضبـها
هل الدمعه ما تنشف تظل تسچبها
( زينب والمدمع ياذيها )
****
تــودع وليهــا بالألــم والحســره
وگلب العقيله اتصوب وي الزهـره
والطف وراهــا ويـا عذابه وجمره
( وألطف ما تخمد جمراته )
****
وي اليتامى تهـل دمــه دمعـتهـا
وما بردت مــن البـاب يا جمرتها
الفگـدت ابـوهــا تختـلـف ونتـها
( للتالي تصرخ يا بويه )
****
تصد النعش من داره شال الليله
گلب العقيله من الحزن هد حيله
طول العمر دمع الفجيعه تسيله
(. يعينه الله الفاگد أحبابه )
****
وحشه يبويه الدار صرنه احنه ايتام
وشلون عين الفارگ أحبــابه تنـام
بحسره العمــر يگضيه وبهــم وآلام
( للموت ودمعاته بعينه )
****
الشاعر
موسى البديري
قصيده گعديه لأستشهاد امير المؤمنين على زون ياليل طول ساعاتك
يا عيد غايب والدنـه
يا عيد يا هو يعايدنه
غايب عنه الكـــــرار
يــــا عيد والفكرأحتار
***
يا عيد تدريني زينب تدريني بت حيدر علـــي
واصبحت تدري يتيمه مفارگه احبابـــي وهلي
بالعشره احبس دمعتي من عگب عين الولـي
من بعده احلامي انتهت
وصفحة الامي ابتدت
وعالدمع عيني تعـودت
ودلالـــي بالهم مبتلي
يـــــا عيد مبتليه بهـــمي
من يوم كسرو ظلع امي
مــن يوم جرح البسمار
يــــــا عيد والفكر احتار
***
يا عيد مجروحة گلب مـــــن فگد امي الزچيه
من زغري ودموعي تصب ونتي ونـــه خفيه
وانوبه يجرحني الزمن بوالدي حامي الحميه
يـــــا عيد كافيك بعـــد
جروحك انوبه الأشد
بالگلب ما ألهن ضمـد
ولا بعد الهن نشفيــه
حـــــزيت دلالي بجيتـــك
يـــا ريت لا جيت وشفتك
بحــــزان تدريهه الــــدار
يــــــــــاعيد والفكر احتار
***
يا عيد متحيره بجوابي وگلبي بالعبرات حايــر
شرد اگل الي يناشد عن ابــــوي اليجي باجــر
ترضى اگلهم ذاك گبـــره صايـــر ابين المگابـر
والله محتاره بجـوابـــي
يا حسرتــــي ويا عذابي
يا هو اليهون مصابــي
وگلبـي مثل الجمر صاير
كانون بالروح ويسعـــــر
مـــن غايب عن عيني حيدر
فرگــــاه خلــــِف اثـــار
يــــــــا عيد والفكر احتار
****
يا عيد شلبس من تهل ويا ثوب أطلعه لجيتك
أرد أطلع الثوب الاسود للحزن أگلب فــرحتك
وارد اهل دمــــــع المواجع ويه ساعت هلتك
يـــــا عيد هليت بحزن
نـــاس بفرح وانه اون
ويون الحسين وحسن
يا ريت ما جت ساعتك
هليت لــــو جبت اللوعه
هليت مــــن جفني ادموعه
دمعـــــــي عالخد حـــدّار
يـــــــــا عيد والفكر أحتار
***
ايتام من بعد الولي يا عيـــد اصبحنه وغــــرب
بعيوني انظر للحسن دمعاتي تجــــري وينتحب
وحسين من اسمع يون يا عيد يكسر كل گلــب
حزنان اخـــــوي لوالده
والحسن بالون ساعده
وكلما اعيوني اتشاهده
دلالــــــي مني ينسلب
ايتام صــرنه بهـل الليـله
والكـون مــن دم يبچيله
وينــــــــك آه يالمختــار
يا عيد والفكــــر احتار
***
موسى البديري
علي هـوه الأمـير. الأول والأخيــر
*----------*----------*
حيدر أمير أعلى الخلگ وبهايه أيه ...حيدر
بأمر الله متنصب ولي كــل البرايا ... حيدر
خصه الإله مــن البشر بأمر الولايه ... حيدر
أول فــدائي للنبـي لحـد النهــايــه ... حيدر
اخو الهادي البشير. الاول والاخيـــر
*----------*----------*
صوت الرفض ضد الظلم بسمك نرفعه... حيدر
بسمك ننادي وهل البشر أسمك تسمعه... حيدر
نهج الله انته اتمثله ودينه ويه شرعه... حيدر
اصل الديانه حبك وهم انته فرعه... حيدر
علي صوت الضمير. الاول والاخيـــر
*----------*----------*
هــذا ندائــي للابــد وارفـع نــدائي ... حيدر
شيعي وأوالي حيــدر وارفع لوائي ... حيدر
هــذا العهد ويه الولي انَخط ابدمائي..حيدر
لحب حيدر وحب عترته ابنحري فدائي...حيدر
فدائي شما يصير. الاول والاخيـــر
*----------*----------*
خل النواصب تستمع من هـوه ديني... حيدر
ياهو الوصي للمصطفى طه الاميني ... حيدر
وبحيدر آنـه وعترته ثابــت يقيني ... حيدر
بالشده بس اندب علي هو يجيني ... حيدر
اندبه مــنّ أحير الاول والاخيـــر
*----------*----------*
كلمــة عشگ يــا ناصـبي للرافضيه ... حيدر
يبقه أميــري وأفتخــر حــد المنيه ... حيدر
حيدر هويتي وللأبـد تبقه الهــويه ... حيدر
مفروض حب المرتضى من الله ونبيه ... حيدر
أميري مـنٔ القدير. الأول والأخــيــر
*----------*----------*
خل تستمع كل الخلگ صوت الروافض.. حيدر
لكل ناصبي ضدك علي احنه نناهض.. حيدر
نوالي اليوالي حيدره انعادي اليعارض.. حيدر
رب الجلاله بأيته حب علي فارض .. حيدر
آمان من السعير. الأول والأخــيــر
*----------*----------*
الشاعر
موسى البديري
(( هوسات الى ذكرى شهادة أمير المؤمنين عليه السلام ))
*----------*----------*
مو هامك علي مصيوب هــــام الدين
طبروه بالغدر يا حيــف يا ابو حسين
ولن صوت الوحــي جبريل بالصوبين
(( ركن الدين اليوم اتهدم
وي هامك حيدر ينزف دم ))
*----------*----------*
انفجعت للمصـاب اليوم انس وجان
مــــا صــــابو علــي لا صابو القــرآن
ومــو دمه النزف ظل ينزف الايمـان
(( مو دمه السال ابمحرابه
آيـــات البــاري السچابـــه ))
*----------*----------*
وي زينب لسيل اليـــوم مني ادموم
من شاف علي بسيف الغدر مهشوم
اتگله العيد اجانــــي والگلب مالوم
(( مصيوب الوالي بهل اليله
وي زيـنـب نگعــد نبچيــله ))
*----------*----------*
يميزان العدل يـــــا رحمــة الجبار
يــا سيـف الاله ومنبـــع الاســـرار
وي هامك تصوب يا علي المختار
(( وي هامك مصيوب الهادي
وكل مرســل هاليوم ينــادي ))
*----------*----------*
ركن ديــن الاله اليــوم وسفــه انهار
مــن صابو غدر هامــــت علي الكرار
وكل شيعي وموالي ابگلبه شبت نار
ويندب لو دونك ظل هامي
ولا راسك يـا حيدر دامــي ))
*----------*----------*
الشاعر
موسى البديري
وزن نجفي من التراث
يا ناعـي المصيبـه شهل الصيحه الرهيبه
نادت يــالـمجبلين گلبي انجسم نصين
**
يـــا نـــاعـي المصيبــه هلـــت الدمعـــه
وي صـــوت اليهـز عرش الله والسبعه
اظــن جبـــريل هـــذا اليصــــرخ وينعه
انطبـــر ديــــن الاله وعلّته وشـــــرعه
يا نـــاعي الامامـه اصبحنـه يتـــامـه
من بعدك يبو حسين گلبي انجسم نصين
*
يـــا نــاعــي المصيبـــه انعـــه ليــامي
الگلـــب للنوح بعده من الضلع ضامي
وي بسمـــار امــــي منطبـــر هــــامي
وگبـــل الوالـي راسي أمخضب ودامي
اصـرخ هالمسيـــه يا حـامي الحميــــه
رايـــح يا بويه لوين گلبي انجسم نصين
****
يا نــاعي الصوت خلِّـف بالگلب اثار
مثل مـــا خلِّف من أمـي اثر بسمــار
يـــا گلـــب يتحمـل فـــرگت الكــــرار
مـــنْ البـــاب وجّـــتْ بالگلـب يا نـار
نـــار امي الزچيــه وجّــت هســـه بيه
تسعر بيـِّه نـارين گلبي انجسم نصين
****
يناعي مصاب حيدر ريض بهونـك
يتامــه اهـــواي بسك لا يسمعونـك
اذا گصــدو الك ظــلوا ينشـــدونـك
بالك لا تحيـــر وينخـطـــف لــونـك
گلهم باچر يگـــوم أبــوكم نــايم اليوم
حگهه تدمع العين گلبي انجسم نصين
*
يناعـــي مـــا تفيد اللــوعه والحنـّـه
اذا ابـــونه مشــه وبحسره فــارگنه
باچـــر مـــن يجينـــه العيــد بالونـه
حگي مـنْ الفــرح لــو اگطع الضنه
يـــا عيــد بغيابـــه يتعنه أعلــى بابــه
عيدي دمع وونين گلبي انجسم نصين
*
يا نــاعي المصيبه أوداعـه ياذينــي
شايل روحــي أنــت وزايـد اونينــي
چــم أوداع شـافـــت للأهــل عينــي
يظل طاري الوداع امرافگ اسنيني
يـــوداع الغــــوالي سهـرني الليــالي
يا أهلي يـــاطيبين گلبي انجسم نصين
*
الشاعر
موسى البديري
مجموعة ابوذيات بذكرى شهادة الامام علي عليه السلام
علـــى النـــوح الـــدهر طشنه ولمنــه
وبعــــد مـــا تهــــده ونتنــــه وألمنـه
أجانــــه العيـــــد لا أبــــونـــه ولا أمنـه
صرنـــه أيتـــام حمّــــــاي الحميــــــه
** **
يبويـــه أهــــلال عيـــد الفطـر هل هل
ودمـــع عينـــي عليك أدمــوم هل هل
يبويــــه الشامــت بهـــل يــوم هـلهــل
لچـــم گلبــــي ونهــــاري اظلم عليه
** **
دمـــع عيني دمــه من العين منسال
ودليلي مـــن المصــايب دوم منسال
على هامــك السيـــف اشلون منسال
وطـــبر راسك يحماي الحميـــــه
** **
ريض يـــا نعــش بــرجـــاك مــرهان
مو تدري الگــلب بالنــــوح مـرهان
جزّن حلــوه الليــالي وبقـن مــرهن
وبعد هيهـــات وكتـــي يحن عليه
** **
عگــب عينــاك أدگ الصــبر والهــم
وبعد هيهات أجافــي النـــوح والهــم
علــى المطــبور راسه بسف والهــام
أنـــوح ولا تهيـــد الــــروح بيه
*
الدهــــر وياي ســوه الراد مــا راد
ومصابك يـــا علي لحشاي مــــارد
يبويـــه الگلب راد ويـــاك مـــاراد
عليـــه تبعد يحمــــــاي الحمــيه
** **
الـــدهـــر عالـنوح هــددني وعـيــده
وحــــزن أم الحســــن رده وعيــده
الگلب بحــــزانه متگبـــع وعيــده
صــــــار همــــوم وآلام ورزيــــه
** **
بزغر سنـــي وچفــوفي الــدهر لاون
ولا دمعــه التسلـــي الـــــروح لاون
يبويــــه رايـــح ليـــا صــــوب لاوين
أجانــــه العيد ونعيّـــد ســـويــــه
** **
الشاعر
موسى البديري
قصيده مقدمة عزاء من وزن العكيلي لجرح امير المؤمنين عليه السلام
جرحــك يــا ابــو حسيـن الليله
*
شد للموت الليله احــزامــك
وأختــم بالمحراب أصيامـك
مــا نصفــت ويــاك أيامــك
گضتها آوياك أبكـــل حيلـه
*
يـا حيــدر جرحــك ما يبـره
بگلب أحبابك خلِف حسـره
بـالقــرآن الليلــه الطبــره
تنــزف آيــاتــه وتــرتيلــه
****
جرحـك هـز أركـان السبعه
وهــدّم ركن الدين وشرعه
جبريــل أبصوته ظـل ينعـه
بالأكــوان ودمعــه يسيلــه
****
جرحـــك معــروف بأسبــابــه
مـن غدرت بالهادي أصحابـه
مــا طـايــب لليــوم أصـوابــه
گـلــب المهـدي هــدّم حيــلــه
****
ظـلــت منــه أتنــوح الحــــره
يلـچمهــا وي ضلع الــزهــره
منــه حســين اتــوذر نحـــره
أبصدره الظالم سحگت خيله
****
جرحــك بعــده يسيـل أبـدمـه
مــا ناشف مــن غــدر ألامه
مجمــوعه لبغضـــك ملتمــه
جيــل يسلـم البغــض لجيلـه
****
الشاعر
موسى البديري
https://www.facebook.com/share/v/628BS9tHPe12g7vu/?mibextid=w8EBqM
Читать полностью…
قصيدة ( باچر عاشور ) وصية الامام علي إلى السيده زينب عليها السلام
وصاني حيدر يا زينب باچـــر عاشــور
باچر عينچ بالطف تنظر مذبـح النحور
تسهل هل الطبره يا بــويه الحره
باچر عينچ بالطف تنظـر مذبح النحور
**
نظـــر دمعــي ابــوي وگلــي يــا زينـب
گلبـــچ ادري بي مثــل الجمـــر يلهـــب
انفجعتي بيوم شفتي شيبي المخصب
بـاچــر بالطفــوف يمــرلــچ الأصـعب
باچر خيل أتشوف اعيونچ عگب الخوان
ومحتاره بأيتام وعيله ورَكضــت نسوان
وأّخيــمْ مستعره يــــا بويه الحره
*
دمعتـچ گـال ظميهـا لظهــر عاشــور
يــوم التنظر أعيونــچ گطيعـه أنحور
تهون الطبره باچر چم جسد مطبـور
واظلــم ليلــچ ومــا بي يزينـب نــور
باچر ظلمه وليلچ يــرهب عگب العباس
باچر مفجوعه ومسلوبه مــا بين الناس
وبآه وحســره يــا بويه الحره
*
طبيبي ضمد اصــوابي وگطــع نــزفه
تشاهـد باچــر اعيونــچ صـــور كلفـه
بصدر حسين خيل ادوس يـا وسفـه
واخــوچ الكافــل يطيـح بغـدر چفـه
چــم صـوره يشاهـد دلالـچ يــا زينب آه
فوگ الغبـره حسين مگطع تغسل بدماه
ومرضرض صدره يا بويه الحره
*
عد راسي مــن أمــوت اليـوم أولادي
وللتشييــع باچــــر صحبتــي أتنــادي
وصريع حسين وحـده وجـده الهادي
وسبــي للشام بيكم يحــدي الحــادي
والحادي ما يرحم زينب مچتوفه أحبال
ومحتاره ابيتـام وخــدر بـــويه وأطفال
وبگلبــچ جمــره يــــا بويه الحره
**
لبـنْ راد الطبيــب وفــزعت الأيتــام
ظنهم بويـه جـرحي وطبــرتي تلتام
ترد الفزعه لكن بويـــه بـأرض الشام
شتم وأحجــار يبويه بغربتـچ والآم
والأصعب ديوان الباغي متروس أجناب
مصابچ يا زينب ما مثله بالكون أمصاب
ورثيتي الزهـره يــــا بويه الحره
**
الشاعر
موسى البديري
اليــوم زينــب يــا عظـيم أمصـابها
سيــف المــرادي طبــرها وصـــابـها
*
اليـــوم زينب يــا عظم همها السده
اليــوم طبـرت راسها اسيوف العده
شلــون أوصف أنــه گلــب الفـاگـده
يـــا حــزن بعـــد الــولــي ينتــابها
*
اليوم زينب تنحب وبعبــره وتنـوح
تدري گلب الحره ما يحمل جـروح
ريت دونك يـا علـي زينـب تــروح
ولا تفـــارگ بـالصيــام أحبـــابهـا
*
بويه نــار افــراگك تشــب بالــدليل
ودمعي ما ينشف يبويه يظل يسيـل
تميــل ويـــاي الــرزيـا شمـــا إميــل
بــدت مــن أمــي الزچـيــه وبـابـهـا
*
آيه حــزن الحره يــاهــو يفســره
بالدمــع تنظــر أبـوهــا أمحيــره
بويه نادت يا وصي خيــر الـورى
بويه زينب مــا يطــيب أصوابـها
*
بويــه بـاب أمــي فتـح بــاب الألم
منــه راسك يا علي بسيف انجسم
آه يــا نــاره تــــوج منــها الخــيّم
جسوم تبقى مــن دمـاها اخضابها
*
اصوابي ما يشفه يا ابو الحمله ابد
غصص بالطف تنتظــر زينــب بعد
أخيول أميه باچـــر ترض يـا جسد
جسد طاها اترضــه فوگ أتـــرابها
*
بويه أجانه العيد مو وكــت الدمـع
صعبــه لــو بالعيــد زينــب تنفجــع
فيض دمعي نـــار وبـراس الشمــع
نار يــا طبـرت علــــي ومحـــرابها
*
بويه أجــاني العيد بـس إبـلا هلال
شلي بجيته والفـرح يــا بويه شال
مــن رحت يــا حيـدره راح الدلال
انتــه فرحــت دنيتــي وأسبـــابها
*
شحالها الحره وغمض جفن الإمام
وفجعو بـراس الولي شهر الصيام
على الدنيا بويه مــن بعـدك سـلام
والســلام اليــوم تحـــت أتــرابهــا
*
الشاعر
موسى البديري
كعديه إلى كريم ال محمد الامام الحسن المجتبى عليه السلام
برمضان الحسن أشــرق جماله
صلي أعلـى النبــي الليله والــه
اليوم أنولد ديــوان للزهــره الزچــيه
****
الليله أول نــور أزهـر للنبي وشــع بكمــاله
اليله حتى أمــلاك ربنه عالنبي صلـت واله
لان اول نــور ازهر للزچيه بكــل خصــاله
يا نــور وي شهر الفـرض
عم السما طول وعــرض
نور الحسن شع عالارض
والكــرم تــمم كمـــالــه
أيــه وللكــرم جـــده تــلاهــا
للزهره وعلي البــاري نطاها
بــاب الكرم موصوف للــزهـره الـــزچـيه
****
بلهفه حيدر شاله بيده وعطــر للجنه يشمه
يا علي سمـيه گالت فاطمه وفــرحانه أمــه
گلها يـا بت النبوه من الله راح يكون اسمه
وبعينه صدله المصطفى
غــذاه حكمــه ومعــرفه
من جده ماخذ كل صفه
نوره من نوره أويه رسمه
وارث جــده بخـلاقـــه وصفـــاتــه
وظل شخص الحسن من معجزاته
ايه للحسن لليوم للزهــره الزچــيه
****
نور من صلب الصميده ومن رحم امه الزچيه
شــابه المخــتار جــده أوالــده حــامي الحميه
كــوّنــه رب الجــلاله ســيد لـهــاي البــريـــه
لليوم أنــــواره تشــع
لكل غانمه هــوه نبع
ابن المبادئ والشرع
رغــم كــل الناصبيه
رغم أهــل الحقـد يبقى أمامي
وآنه بكل فرض ابعث سلامي
وادري يوصل الشوگ للزهــره الزچــيه
****
عالكرم لـو ردنــا نحچي حاتم يحّيــر بــزمـانـه
صعبه ما نگـدر نقـــارن بالحسن هـــايه خيـانه
فرق بين الوهب عمره وبين وهاب بس حصانه
باب الكرم سده الحسن
يشهد اله باقــي الـزمن
بالســر مضيـف وبالعلن
والوصف حــاير لسـانه
أهــلا بالحــسن نــاده مضيــفه
بحيره يظل عمر كلمـن يضيفه
يبقى الحــسن عنــوان للزهــره الزچــيه
****
شكثر تاريخ النواصب حــاول يغــير الحقيقه
الحسن مثل الذهب باقي واضح ويلمع بريقه
لان نهجه نهــج جــده والنبي واضح طـريقه
ضــده الصحــاح اتجنـدت
وچم عوره من عدها بدت
مــن ربنــا كلــها اتفـنـدت
والبقــت بــــس العــريقــه
من نفس الصحاح اقره حياته
تظهــر للعـلن كــل مكــرمــاتــه
شع رغم الحقد نور للزهــره الزچــيه
**
الشاعر
موسى البديري
قصيدة لذكرى تهديم قبور البقيع في الثامن من شوال
بالبقيـــع أربـــع گبب
تنبنـــي باچـر ذهــب
واالمواكب تنصّبْ يم الضريح
يمنه يالزاير تفضـل وأستريح
*
بينه جمره جمرة الفارگ حبيبه وعنه غايب
بينه جمره جمرة العطشان طفله وگلبه ذايب
بينه جمره للبقيع ولوعته وفعـل النواصب
بينه جمره جمره تسعر بالگلب لجل الحبايب
تطفــه جمــرات الدهر
مــن يجينــه المنتظــر
بعالي صوته أهناك بالدمعه يصيح
يمنــه يالزايــر تفضــل وأستريــح
*
تعله رايه باچـر بعـون الله وترف عالمناير
تعله رايه بالبقيع المهدي همْ ويانـه حاضر
تعله رايه مطرزه ابلون الدمه ونزف المناحر
تعله رايه وتنصب بأرض البقيع اعظم شعائر
ونقـــره مقتل بالدمــع
والخــلايـــق تنفجـــــع
ابصوت عبد الزهره نصرخ يالذبيح
يمــنه يالزايــر تفضــل وأستــريــح
*
للغوالي نبني مرقد من ذهب يسحرها العيون
للغوالي نعتني أنـزور بـرغم كل اليضدون
للغوالي للبقيع من الطفوف أحبابه يمشون
للغوالي تدخل أصحاب المواكب من يعزون
أبصوت ياسين أو وطن
نلطم أبوســط الصحـن
وموكب الخدمه ينصبونه المسيح
يمنــه يالزايــر تفضــل وأستريـــح
*
من نجيكم نگصد لصحن الحسن احنه ابطلبنه
من نجيكم ندري ابو محمد كـريم وما يردنه
من نجيكم آوياكــم أبدم النحـر نكتب عهدنه
من نجيكم نگطع اچفوف اليضدكم واليضدنه
نلبس أثيــاب المجــد
والله عنكم مــا نـــرد
نجيبه خادم يمكم الطايح جريح
يمـنه يالزايــر تفضــل وأستريــح
****
بالمناره نـــرفــع أذان التشهــد بالـــولايه
بالمناره عالمباشــر تستمــع كــل البرايــا
بالمناره نقــره أسماء الايمه أهل الهدايه
بالمناره علم مــرفــوع وعليه مكتوب ايه
اية النصــر المبين
تنظر الها العالمين
قد جاء نصر الله للكون الفسيح
يمنه يالزايــر تفضل واستريـــح
****
الشاعر
موسى البديري
بيت ابوذيه لذكرى هدم قبور أئمة البقيع عليهم السلام
جــرح هـدم البقيــع الصبــر هـدماه
وجفــن العيـن مــن النــوح هد ماه
وحـگ البطفــوف انسلــب هــدماه
هــدم جــرح البقيــع أركـــان بيــه
الشاعر
موسى البديري
ابوذيات
وحــگ ألــي ابچفوفـه لم الحسيـن
مـــا أبطـــل عـــزائــي لأم الحسين
أظــل اللطـم وانوحـــن لما الحسين
تطيب أضلوعه وضلوع الزچيه
*
أنـــه بعالــم خيالــي شفت الحسين
شبگته ودَمـَه تگطـر شفت الحسين
ونْ گلبــــي لـچنــه شفتَه الحسين
احبـــك خادمـــك عبـــدك سويه
*
العاشــر چم جــرح گلبـچ ترك بي
وشفتــي خيــولهم صدره ترك بي
چــم طفلــه وطفــل زينب تركبيه
ويركبچ سوط مرجانه وأميه
*
الشاعر
موسى البديري
https://youtu.be/_-SxV6GGGJM?feature=shared
Читать полностью…
علي علي علي. ننادي في الشدائد
ولي ولي ولي. رغماً على المعاند
عشقنـــاهُ. ونهـــواهُ
*----------*----------*
أذا هالكون يطبگ بالعسر والهـم
وعلينــه الدنيــا بالآلام تتحـــزم
منعوف الوصي لـو لجله نتخذم
وعلى منحر محبتك نبقه نترنم
علي علي علي. فداءً يا أمامي
ولي ولي ولي. عليٌ يا غرامي
فدينـــاهُ. ونهــــواه
*----------*----------*
شمــا جار الحقد وشما علينه يضج
شمـــا گالت لسنهم بالخبـث وتلــج
شمــا هبــت رياح الحقد كام اتعـج
بس نندب علي كل شده بيه تفرج
علي علي علي. بِأسمــهِ ننــــادي
ولي ولي ولي رغماً على الاعادي
ندبنــــاهُ. ونهــــواهُ
*----------*----------*
منعوفــك علــي نقسم يــداحي البـاب
لــو ضدنه تصيـر الــدنيا كلــهه إرهاب
لــو نتگطع بحبــك نصيــر أخضـــاب
فدى لهامك علي الصابوهه بالمحراب
علي علي علي. ننادي للمنايا
ولي ولي ولي. وليــاً للبرايــا
عرفناهُ. ونهواهُ
*----------*----------*
مــر بشده أنتــه وأنــدب التهواه
وخــل أنــه أمــرن بالعــسر والاه
بس أندب علي بالشده أنـه ألگاه
أعوفه أتريد ما يحله العمر لولاه
علي علي علي. يـا أول الكلامي
ولي ولي ولي. ولــيٌ للحمِــامي
ضمناهُ. ونهواهُ
*----------*----------*
يــا أول عشگ مــر عالمحب بالــذر
يا مذبح عشگنه اليجـري دم أحمـر
يـا محراب حـب الشيعه يــا حـيدر
منعوفــك لـون كــل ســاعه نتفجر
علي علي علي. فــداءٌ يا حيــاتي ِ
ولي ولي ولي. يبقى الى ألمماتي
فدينــاه. ونهـــواهُ
*----------*----------*
يا شمس الحقيقه المـا يمرهه الليل
واضــح بالدليــل ومــاكو أي تأويل
الضدك يا علي ضد مجمـل التنزيل
عليه ذكراك ينزل چن حجر سجيل
علي علي علي. عليٌ يـــا أميــري
ولي ولي ولي. من الهادي البشيري
مسكنــاهُ. ونهــواهُ
*----------*----------*
الشاعر
موسى البديري
هالليله المــوالي أشتدت أحــزانــه
ودين الله هــوّت ونهدت أركانــه
*----------*----------*
أركانه هــــّوت من طبرت المحـراب
ودين الله وكتابه وي علينه أنصـاب
صابوا كل نبي وي هام داحي الباب
وأمــلاك السمـه هالليلــــه حزنانـــه
*----------*----------*
حزنانــــه وتنــادي يـا علي الكرار
يا دين الإلـــــه ومنبــع الأســــرار
صابوا هامتك وي هامت المختار
يــا نفس النبي ويذكـــرهه قـرآنه
*----------*----------*
يا نفس الـــــــرسول بأية التنزيل
مـــو دمك يحيدر دم نبينه يسيل
حگه لو صرخ وكت الفجر جبريل
وبسمك يا علي ظل يندب أللسانه
*----------*----------*
أللسانه نــدب يا عمـلت الكوفــــه
شمس الله هوتوهالليله مكسوفه
والــوادم أجــت واليهه ملهوفـــه
وشافت حيدره متغيره اللوانــــه
*----------*----------*
گصدت شيعته وي الحسن وحسين
وزينب مــن دمه تهمل دموع العين
شافت راس أبوهــه منجسم نصين
تگله أنريـــد بويــه تعيّـد ويانـــــــه
*----------*----------*
نعّيد بويه مو تدري أجانــــــــه العيد
وعيدي أشلون بويه وأنته عني بعيد
حزني شما گضه يرجع عليه أجــديد
ودهري من الزغــر بس ونه غــذانــه
*----------*----------*
غذانه حزن مــن طبرتك مــولاي
وياريت الطبر هامك طبرلي هاي
علينه بالمصايب تعتني دنيـــــاي
الموت بشيعتك شو كثرت اللوانه
*----------*----------*
يوميــــه أنتفجر لنه ألك شيعه
ويوميه أنتروع ألــــف ترويعه
حبك مــــا نبدله نعلنه ونذيعـه
تبقه أنته علي الكرار مولانــــه
*----------*----------*
الشاعر
موسى البديري
قصيدة ( ٱهٍ حيدر ) ملمع لذكرى شهادة الامام علي عليه السلام
يا صـــرخةَ وحيُ الجبــار
يا أبتــي يا حامــي الجار
رأسُـــكَ يُطبر آهٍ حيـــــدر
يا أبتي يا حامي الجار
*
صـــرخه مــن گلب مفجوع
صرخ گلبي ودموعي تسيل
مثــل صرخت وحـي الباري
يبويــه مــن صــرخ جبريـل
ودمعــي بــويــه لمصــابــك
مثــل دمـك علـي من يسيل
يشسمي الغابت بهــل اليوم
صفـت أيامـي بعـــدك ليـــل
يا ملجئ قلبي الحيران
عـــدكَ أمـــاً للإحــــزان
قلبـي يُنــحـر آهٍ حيـــــدر
*
وعــد يا ابو اليتامه اليوم
أشوفــك سابـــح أبدمــك
واصفــر وجـهــــك الليلــه
يبويـــه ومختلـف رسمـك
وهمـي يـــا أبــو الأيتــــام
علــي وارثتـــه مــن همـك
مثــل هـاي اليتامــه تــريد
روحـــي يـــا علـــي يمـــك
يـــا أبتــي دمــعُ الأيتــــام
يــروي لكَ جـــورُ الأيــــام
وجَعَــاً أكبـــر آهٍ حيـــــدر
*
يبويـــه البــــاري بآياتـــه
شكثر يا ابا الحـسن حذّر
وگـــال أبمحكـم التنزيــل
اليـتيـم إيـــــاك لا تقهــــر
بــس أشقــى البــشر كلها
براســك چــم گلـب دمــر
يبويـه وصــرخة الأيتــام
مثــل جبريـــل مــن كبّـر
تبكــي بدمــوعِ الأحزان
تنعـى آيــــاتُ القـــــران
صوتٌ كّبـــر آهٍ حيـــــدر
*
يــرويلــي قصــص وإلام
يبويـــه هامــك المفتــوح
ودمــك بــويه يــوم سـال
يظل أبكل وكت مسفــوح
اشوفــن منــه يـــا كــــرار
چـم منحـر يظــل مـذبوح
عنــي مــن تـــروح اليــوم
سبايا بويـه احنـــه أنروح
رأُسكَ والضلعُ المكســور
بـــابٌ للنحـــرِ المنحــور
نـــارٌ تسعـــر آهٍ حيـــــدر
*
يبــو الأيتـــام يـــا كــرار
الهــــم انتــــه تچــايــه
يبويـه حيــرت الأيتـــام
بــاچــر تبقــى ويــايـــه
مــن كافل ضعنه أيطيح
ابكتــره تـــوگــع الــرايـه
ومــا ينشف دمع عيناني
لــو شــح النهـــر مـــايــه
أمٌـــن بعـــدكَ لــلأيتام
في دربِ الكوفةِ والشام
دربٌ مقفـــر آهٍ حيـــــدر
**
الشاعر
موسى البديري
أشما تمر فتن ما اعوف أبو الحسن
عهـد عهــد
حبيبي الأولي أنـــادي يــا علي
مــدد مــدد
وعيونك ما خونك علـي علـي
*
يردوني اعوفك يا علـي
بأســم التطــور يالـــولي
يردوني أمل مــن عندك
يــوميــه شبهــه تنطرح
يا نسمه وبوكت الصبح
عدواني جــابو ضــدك
كــل ظنهم أتغيـر وأمـل
ضنوني عــن دربك أزل
وأنكــر يحيـدر عهــدك
يـا حجة الله أعلى البشر
وآياتــه وإســرار الســور
بيــمن اقيســـن ودك
يا ابا الحسن صدگ قبله انته للعشگ
تظـــل تظـــل
حبــك صدگ سحر يخنگـونه ينتشـر
أمــــل أمــــل
مجنونك ما اخونك علـي علــي
*
يوميه بدعــه اهل الفتـن
جابوها ألي يا ابا الحسن
يــردوني اصدگ بيـــها
هوه الرضــع مــن الزغــر
وصرت انته أله كل العمر
يــــا بــدعــه اليمشيــها
ملقـــح ولايـه من الأزل
عنهـا فــلا جدمـه يـــزل
مدمــن أظــل أعليــها
الما عنـده نــور أولايتك
ظلمـــه بــلايـــا محبتك
يــا نــور اليضـــويهــا
يـا منبع الضوه اتنفسك هـوه
عمــــر عمــــر
يــا حجة الملا بكل أيه منزلــه
ذكـــر ذكـــــر
يقرونك ما أخونك علـي علــي
*
من زغري الهــج بالولي
انهض اگولن يا علـــي
هوه العشگ عالفطــره
ياهــو اليغيــر فطــرتي
لا مــــا اعــوف ولايتي
لو طــرح ميت فكــره
ضــد حيدره ألتمت دول
مــن يوم وحي الله نزل
بهذا الحقــد احنــه ادره
فقـــاره چنه القــارعــه
ياهـو البرزلــه يـوزعــه
نصين سيفــه يشطــره
حب حيدر الحياة ما يعرف الممات
هـــــوى هــــوى
حب ساحر الطفل حب تارس العقل
ضـــوه ضـــوه
يـدرونك مـا أخونك علـي علــي
*
يا علي ناس العادتــك
رادوهــا تنــزل رايتك
صار العكس ظل تعله
مّن الله مرفوعـه تظل
يا سيـدي بكـل الـدول
محد عــرف هـل العله
معروفه رايـــات الكفر
يم رايتك مــا تستقــر
سيفــك اخــاف اتسله
راواهــم بيــوم الزعــل
بدر وحنين اوي الجمل
يا علــي معنــى الـــذله
هل الرايه بالنجف للعفه للشرف
عِلّــت عِلًــت
مــا تهــوى لا ابد هالرايه معتقد
بقــت بقـــت
مضمونك ما اخونك علـي علــي
*
گبـرك لان كعبة وسٓــوّر
يا حيــدره طول الدهر
كل حر يجيه ويشمـــه
بفيلـه ابـرهه رد بحقـد
وتعنـه گبــرك مستعــد
كـــل ظنه هوه يهدمه
يا فيل يوصل حضرتك
وبالشدد تعرف شيعتك
عالموزمــه متعلمــه
يا ابا الحسن حبك فرض
أصل المحبه والبغض
كلمــن وعفٌــت أمــــه
يــا سيدي قسم نفهـم ألمــا فهم
درس درس
نهــزمهم الجمــع وگبتك تظل تشــع
شمس شمس
يهابونك مـا أخونك علـي علــي
**
الشاعر
موسى البديري
قصيدة (( شوك ارتوي)) من وزن الميمر المجنس
گلبي اليدگ ينبض عشگ
يا حبي يا عشگ الصدگ
هذا الگلب شوفه شلون
بأسمـــك علي دگـــاتـــه
*----------*----------*
نبض الگلــب بأسمك يظل للتالي
أيــة عشـگ مــن تنقــري للتــالي
المبغض تحيّـر ظــل ينادي تالـي
كتله أبفخر نار وسقر
للعاده حيدر بالسوّر
دين الله بي تم للناس
اقــره بحكـم آيــاتــه
*----------*----------*
أبدّرت نجيبه وطاهـــره يــا حي در
انــه أرضعت حبــك علــي يـا حيدر
دارك صفت وسط الگلب يا حي دار
رغم اليضد وأهل الحقد
بگلبي تظل قبلة مجد
بنبض الگلب يا كرار
كــل عاشگ بلهفاته
*----------*----------*
شوگ ارتوي بگبرك علي لـو قَبلَــه
حـايــر شوصفـك دنيتي لــو قَبلــه
وي الخلگ انتــه صـرت لـــو قَبلــه
قبل الملأ نورك ملّه
هذا الوجود أبأوله
نورك ونور المختار
سر الوجـود وذاته
*----------*----------*
انته الأســـد غيــر أسد مــا عـدها
ألامــه بيمينك بالنصــر مــو عدها
وعمــر ابن ود گبلك زلم ما عدها
نادى الخصم. وين الزلم
بس انته ناديت أبعزم
انــه علي وذو الفقار
مــا تنّسي صـولاتـه
*----------*----------*
خيـــول العــده أبــدم الكـفر حجّلها
ومن غيــرك لهاي البشــر حجـه الها
عونه الگصد ارض النجف حجه الها
وطاف وسعى أبركنك دعا
يا رحمة الله الواسعه
يا حجة الله أعلى الناس
عاشگ گصــد بــآهــاتـه
*----------*----------*
نــاس التبغضـك يا علــي مــا أودها
وغيــرك ولــي كـل شيعتك مـا ودها
لغيرك ابــد چلمـة عشــگ مــا اودها
خير الوره يا حيدره
دنيانه انتــه وآخـره
أول عشگ مر بالروح
نشعر طعم شــوغـاتـه
*----------*----------*
يالراكع وچفـــك وهــب خاتـمها
بيـك الوصيه المصطفى خاتمـها
صفحـت أعمالي بالحشر خاتمها
بالاخره. چف حيدره
كل محب يختم دفتره
والما ختمله الكرار
يتحّيـر بحسراتــه
*----------*----------*
اسمك حرز وسط الگلب دگيته
علگته همـي بحضـرتـك دگيته
بذكرك علي چف الحقد دگيته
رغم الزمن. يا أبا الحسن
رايه أنتــه ظلت بالعلن
مرفوعه رغم أهل الجور
ربنــا رفعــها لـذاتــــه
*----------*----------*
الشاعر
موسى البديري
على وزن حمزه الزغير رحمه الله قصيدة ( دهري ذبني)
غـــايــب عنّـــي عيـــد المبــارك ياهـــو اليــگلـــي
۩ ۩ ۩ ۩ ۩
يــا بويه باچــر عيد گــوم أبسـلامــه
وعيــد اليمرنــه شلون واحنـه يتـامه
دمعي بزغر بالعين صايــر عــلامـه
والـدهر مّــن البــاب صوب سهامــه
حزنـي دايــم عيـــد المبــارك ياهـــو اليــگلـــي
۩ ۩ ۩ ۩ ۩
يــا بويــه هـــذا العيد عيــد النـوايــب
واشلــون أعيّـد بيــه وإهلالـه غـايــب
يــا بويـــه مــن الباب شفت المصايب
مــا يشفه ابــد بالـروح جرح الحبايب
ينــزف بعـــدك عيـــد المبــارك ياهـــو اليــگلـــي
۩ ۩ ۩ ۩ ۩
عيــد المبــارك راح يــا وسفـه منّه
وخلالـي هــذا العيد بعــد أهلـي ونه
بأحضانــه ملتمين يــا دهــري چنـه
يا وسفه سيف الموت طشر شملنه
حسره وعبــره عيـــد المبــارك ياهـــو اليــگلـــي
۩ ۩ ۩ ۩ ۩
مبــارك دمــوع العين بعــدك عليــه
وعيــد اليمــر بجفـــاك عيــد الرزيه
جــرحك يابويه أنضاف وي الزچيـه
فرهدت عيــدي اليــوم وسفــه المنيه
أنحــب بويــــه عيـــد المبــارك ياهـــو اليــگلـــي
۩ ۩ ۩ ۩ ۩
كل ساعه اصد للباب ملهوفه عيني
واذكــر يمـــاي العيـن لمّـن تجينـي
ظليت أتانــي تعــود بــويـه بحنيني
يــا سلوتي بجفـــاك أصبـح ونينــي
ونّــي زايـــد عيـــد المبــارك ياهـــو اليــگلـــي
۩ ۩ ۩ ۩ ۩
يا بويــه نـار أجفاك منها الگلب شاب
استعرت يبوالحسنين وياها نـار الباب
كــل مــا يمـــر مصــاب يتجدد أمصاب
وي وشيبك المخضوب بويه الفرح غاب
غابــت روحـــي عيـــد المبــارك ياهـــو اليــگلـــي
۩ ۩ ۩ ۩ ۩
الشاعر
موسى البديري
أنــوح مــن الرزيـــه
يحمــــاي الحميـــه
*
أنـــوح أعليك حامــي أحماي والجار
ودليلي أبنـــار بويــه أعليــك وجّــار
روحــي امچتفــه بحســرات وتجـــر
مــــدري ليـــا كتــــر دنيــــاي بيـــه
*
النــوح لــروحــي مـــا ينفــع شفه الها
وطبرتــك بويه مــا يحصل شفـه الهـا
يبــويــه أحبـــال بچفــوفــي شفلـها
اذا بــاچــــر لفتنـــي الغـــاضـــريــه
*
علــّي دنيــاي بـالإحـــزان هــامـــات
ومــن عنــدك علينا اطبــرت هامات
مــن نــاده الوحــي الكــرار هــامات
متت ويـــاك ريــــت بهـــل المســيه
*
علـّـي سيــف النــوايب دوم منسال
دمــــك يـــوم بالمحـــراب منســـال
عٓلينـٓـا نـــادت الأيتـــام مـــن ســال
يتـــامى صـرنـــه يـــا حيدر سويـه
*
الوكــت بعـدك لبــس يا حيـف ويهين
وأحــس بالگلــب نــار أجفــاك ويهـن
جرحـــك لا تظـــن يطيـــب ويهــون
يظــــل ينـــزف الـــم حــد الــمنيـــه
*
حسافــه العيــد منـي يشيل ويروح
وترك بالروح كثـــره أجروح ويـروح
لـوّن روحي مشت هاليـوم وي روح
أبــوي ولا ضگــت طعــم الـرزيـــه
*
الشاعر
موسى البديري
قصيدة ( بويه علي ) في ذكرى شهادة الامام علي عليه السلام
بويــه علــي مخنوگه تدري أنفاســـي
بويــه علــي امســح أبيـدك راســـــي
يا بــويه مثل الفقــره
أبابك علـي منتظــره
*
يا بــويه حيّرني الــزمن
يــوم ابن ملجم صابـك
مشتاگه اشوفن بسمتّك
منتظــره بــويــه أبــابك
يا بــويه گالــولي صدگ
دمــك يغالــي اخضابك
يــا شمسي الما غـرّبــت
مـو هسه وكــت أغيابك
ليل الحزن مــا تنگضـــي آهاتــــه
ليل الحزن يتــلاهبـن جمـــراتــه
وشيطفي بويه الجمره
أبابــك علــي منتظــره
*
يوم الشلت چفي بحـزن
ودمـــع المــوادع نـــازل
وبچف أبو فاضل صفت
وگتلــه يبــويه الكــافـل
زينــب وصيّـــة والــدك
لا يمــر بيــها العـــايـل
أعيوني رسمتلك نعـش
عـن گلبي باچـــر شايل
انرسمتْ خيّم بدمـــوعــك السچابـه
انرسمتْ خيّم أبنـــار العــّده الّهـــابه
بگلبـي الخيّم مستعره
أبابـك علــي منتظــره
*
يــا بـويــه وي النــايبــه
عشت انــه تدري ابزغري
يــوم المشّت ام الحسن
حسّيتـه غـــادِر دهــــري
محلاتـــه يمك يـــا الابو
لـو ينگضي كـــل عمــري
وبحضنك الدافي ياعلي
أمنيتـــي اظلن تـــدري
محله العمر يا بــويه وانتـه اگبالي
محله العمر لــو يگضي وي الغالي
بدلالـي ظلت حسـره
أبابك علـي منتظــره
*
وي المــوادع مـــن زغــر
دلالّـــي عَــاشـــر همّـــه
وماتت على أشفاف الحزن
چلمــة يــزينــب يــمّــه
وچلمــة يبويـه يــا علي
يــا بويـه أحس متيتمه
بين أمي وفــراگ الابـو
دلالّــي طــف يـــرسمه
عشت اليتم من عمر خمس اسنيني
عشت اليتم كل ساعه أشوفه بعيني
وراسي شبگته بعشره
أبابـك علـي منتظــره
*
خيمه يبويـه مــن المـحن
لـــو عــاكســت أيامــي
أحلامي بيها اگضي العمر
انهدمت يوسفه أحلامي
چم خيمه بعــدك تحتــرگ
يا علــي كــل أخيــامي
اليوم انته بيتامك حـــّرت
بالطــف تحّيـَـر أيتامـي
بويه اليتم يكسـر دليـل الفــاگــد
بويه اليتم باچــر يمر چم واحــد
لو رحنه باچــر أسره
أبابــك علي منتظره
*
عيد المبــارك يـــا علــي
باچـر تمــوت إخلافـــك
يا بويه چن طعــم الشهد
لـو تطلــع من اشفافــك
جفني يمــر بيـــه العمى
باچــر لوّن مــا شافــك
والموت لو يرضه أبـدل
ياخذنـي ريتـه وعافـك
دونك علي ريت الأجـل وافانـي
دونك علي ولا بالدمــع خلانــي
فگد الابـو شيجبــره
أبابــك علـي منتظره
*
الشاعر
موسى البديري
ابوذيات لمولد الامام الحسن عليه السلام
بدر وجــه الحـسن نــوره تــلالــه
أوجــدّه أبفخر چــم آيــه تــلالـه
جبــل وبّصفــه محتــاره تــلالـه
شجاعه وكرم جود ابن الزچيه
*
مــــواليــن وألك دايــم هـــوانـه
شحلاته أبعطــرك ينسم هــوانـه
العمــر دونك فـلا يسـوه هـوانــه⃰
حبــك قيمــه خلالــه وهـــويـه
3- ⃰هوانه .. يعني ذله وخضوع
**
الشاعر
موسى البديري
