نزله الى سفير الحسين مسلم بن عقيل عليه السلام
مسلــم بــدمــه والله خلــد نهضــتــه
دون ابن عمه شعلــه صــار لثورته
*
مسلــم منيــن البــدايــه بيـــك محتـــار الفكـــر
شلون توصف تضحياتك تخجل أحروف الشعر
حسين مــن خـط المسيره لكربله انتــه الحبــر
وچـــان دمــك حيل واضـــح ايـــه لازم تنذكـر
مسلــم بعلمـه دينه چانــت غايتـــه
دون ابن عمه شعلــه صــار لثورته
*
مسلم اختاره أبو اليمه عن عقيده وعن علم
يــدري لو خانــت الكوفه عزمه لا مــا ينثلم
مثـل حيــدر چان زوده علــي صگــار الزلم
فــرع من أصــل الشجاعه أبو طالب والنعم
مسلم وعزمــه علي عمّــه وهيبته
دون ابن عمـه شعله صار لثورته
*
اختاره عن علّه ودرايه عــن دليل ومعرفــه
يعني مسلم بالأساس اختاره جده المصطفى
يمثل الــدين الحسينــي وبالسفــاره يكلّــفــه
دون أهــــل بيته ابواليمه بالوسام أمشرفه
مسلــم وهمــه حسيــن تعلا رايته
دون ابن عمه شعله صــار لثورته
*
خاضها أدروب المنايا الخيل تاهت والرجال
الجيش كله أهناك ناده هذا حيدر بيها صــال
چنــه ذو الفقــار بيده يكســر أرماح ونصال
عزمه عزم الوالي حيدر ثابت بثگل الجبــال
ما يــزل جدمــه مــا تنــدگ هـــامتــه
دون ابن عمّـه شعلــه صــار لثورته
*
حسّبو لو دمه يجري تثبت أركـان القصور
ما درو مــن دم محمد دمــه عالظالم يثـور
اگصد وشوف العلامه الظلت لكل الدهــور
مسلم الشمس بكبرها فوگ گبته ظل تدور
فوگــه ملتمــه العزه طــافت گبتـه
دون ابن عمه شعله صــار لثورته
*
مسلم التاريــخ يمــك دنگ شيذكر صور
دايـــخ بلوحــة جهـادك حيرّت كل البشر
لوحه راسمها أبائك صـاغها چـف القـدر
نبقه محتــارين بيها لحد ظهور المنتظر
مسلم ورسمه حيّــر ألــي نظـرتـــه
دون ابن عمه شعلــه صــار لثورته
*
الشاعر
موسى البديري
مســلم يــــا حبّــر ثــورة أبــو الأحـــرار
دمــك مـــــا بــرد لليـــــوم دمــــك حــار
*
يـــا أول دمــــــاء تسـيــــل للثــــوره
يـــا حبّــر العقيـــده المـــا نشـف حبــره
يحّيــر بصفحتـــك كــل منصـــف اليقره
قليله شــما تخــط يـــا مسلـــم الإخبـــار
*
قليله شما روَّت عنــك شجـــاعه وزود
يــا صلــب العقيـــده المثله مـا مـوجود
متهمـك لــوّن الــكــوفــه كلهــا جنـــود
تــرد الخنـــدق بحملــة علــي الكـــرار
*
علــــي الكــــرار زودك بــيّ تتسمـــه
مــــو عالخـــال مسلــم طــالـــع لعمّــه
الهــوه بالمعـركــه مبخـــوت اليشمّــه
شــــح لحملتــك بالــريــه مــــا ينـــدار
*
مــــا ينــدار بالـــريه الهــوه لعــزمـــك
جيـــش البــاغي بالكــوفه فـــلا همـــك
حــارت بيــن حـيــدر تيّـهـــت اسمــــك
لان ضــربــت يمينـــك تشبـــه الفــقــار
*
ضــربت يمنتـــك تمطــر حجــر سجيـل
بالكـــوفه نــزل چنه أعلـى أهـــل الفيل
سقــر وبضربتــك شــافوا عذاب الـويل
جـهنــم حـــــاوطتهم وسّطتــهــم نـــــار
*
بيـــك أتّــحيّــَر التــاريـــخ والكــتّــاب
يـا ورث علـــي الشلعّــت يمينــه البــاب
غضب رب السمه النازل علـى الأحزاب
لحــد يـــوم القيـــامـه بـــاقيـه الآثـــــار
*
الشاعر
موسى البديري
مسلم چــن حيــدر بالكوفــه
مسلم چــن حيــدر بالكوفــه
* * * * * *
حيـــدر غــدرت بيـــه ألامـــه
ومسلم شـــــابه حيــدر عمـه
غــــدروه ومـــا راعــو ذمــه
غــــدّاره ألامـــــه ومعروفــه
****
مسلـم عــــاد أحـنين وخيبـــر
يشبــــه حيــدر بيـهم لـــو كــر
مسلم صــاحو لا ظـــن حيـدر
جيش الباغي هــــــز أصفوفه
****
حيّــرْ عـــدوانه أبصـــولاتــه
يشبه عمـــه أبكـــل حملاتــه
احتـــار التــــاريخ بجلماتــه
شيوصـــف مسلم بحـــروفه
****
عن حكمه حسين من أختاره
أول واحـــد مــن أنصــــــاره
بالكوفه عـــــــاد شچم غـاره
وحملاتــه بحيــدر موصوفـه
****
بغـدر الكــــافر گيّــد أيـــــده
وينذل جـان الباغــي يريـده
وينكـــر راد حسين أعضيده
وحب حسين بگلبه يشوفــه
****
وين الباغي وجيشه وقصره
عالجور أعلـن مسلم نصــره
دمه تفجر گبـــــه وحضـــره
والعــالــم يگصــد ويطوفــه
****
الشاعر
موسى البديري
ما مــد أيـده ودنگ راسه
مــا ســاوم بالدين
مسلم حيدر أصله وساسه
منْ اختـاره حسين
أبو اليـمــه يـريــده
گلب ينبض عقيـده
****
مسلــم والكـــلام يحـيّــر
من نحجي اعلى شخصيته
الــربــاه حيــدر الكــرار
نعـــرف شنهـي تـربـيــته
مــن بيت النبي الاطهار
شَــرّف ربنـــا اهــل بيتـه
ثوري وما يطخ الراس
مــنْ حســين ثــوريــتــه
يـدري بمسلم ثابـت عـزمـه
مــا يخض للجـور
ضـده الكـوفه لـو متحزمـه
وحـده اهنـاك يثور
آبــه يجري بوريـــده
گلب ينبض عقيـده
****
قـرَاك الراوي مــن فكـره
حسـبْ ما يفتهم يقراك
عكس حسين أبو السجاد
لاعظم مرحلـه اختــارك
مــرحلــة الــدمـاء تفــوز
لكــن وبشــرط ينـعــاك
لــذلك ما رفضــت الـدور
للعــالـم شمــس خــلّاك
أعظم مبعـوث لهل الثــوره
هيج حسين يـريد
يدري بشخصك ثابت فكره
يعَارضْ فكر أيزيد
عــزم تتفايض أيــده
گلب ينبض عقيـده
****
الكوفه شاهـده لليـوم
مسلم ظل شمس نحره
لمّــن تنظــر بتجــريد
وبــأنصاف للحضــره
وين الظالــم وجيشـه
منْ أتصد على قصره
تعرف بالدماء تعيش
مــن تضحـي للـزهره
مسلم عايـش ينبض گلبه
مــن ساعة عاشور
مــو مرقــد وايوان وگبّه
شَمس وشعّت نور
الدهــر ردد نشــيده
گلــب ينبض عقيـده
****
مسلم سوره للاخلاص
أيــه انرتل أحـروفـه
اول ثائــر ويـه حسيـن
مسلم قــائــد الكـوفـه
رفع رايـة علـي بيمناه
بعقيده ثابته اﭼفـوفـه
رايـه المهـدي يرفعـها
وكــل العــالم يشوفــه
رايـة ديــن الله المهيوبـه
خطها بدمّه حسين
من دم المنحـر مخضوبه
حتى يعيش الدين
الدمّه سجل قصيده
گلب ينبض عقيـده
****
مسلم مـو جــرح ننعــاه
وبس نستعرض اجروحه
انكطع منه النحر معلوم
لكــن عــايش ابــروحــه
مسلم مـنْ نهـض للدين
قـــدّم دمّــه أطـــروحــه
لا شــك دمّـــه يتخـلــد
الرَخـصْ للهـدف روحــه
مسلم ظل رايه ومرفــوعـه
مــا نــزلت لليوم
واضح من حيدر مشروعه
يظل قـائم للــدوم
لظهور ابن الصميده
گلب ينبض عقيـده
****
الشاعر
موسى البديري
ســــلام الله علــى الناصــر عضيــده
ســـــلام الله ونعــم يــا أبــو حميــده
*
مسلم يـــا عظيــم وبسملــة ثــــوره
ألك ابعــث ســلامي محمـل بحسره
زغير أصل الشعر والموقف شكبـــره
ويـــــا مـــوقــف أوصفنــه أبقصيده
*
القصيده اگبال شخصك حگهه تتحير
أوســع مـــن خيالــي وأعظــم واكــبر
واحـد مـــا خفـــت واگبــالك العسكـر
أســد بالكوفـــه والجيـــش الطــريده
*
أسد بالكوفــه تزأر يا شبــل عدنان
نكست الـــروايا وجندلت فـــرسان
مدد صايــح عــدوك والفكر حيران
واحــــد انتــــه تختــــار التـريــــده
*
واحد والجيــوش أتلـوذ صـف بصـف
گلبت الكوفه وحدك گبـل يـوم الطف
علــى قصــر الامــاره بــرايتك تزحف
وجيش أهــل الكفــر يبــعث بــــريده
*
بريده ايگول ودي أجيوش للحومه
وابن أزيـــاد حــار بگعدته ونــومــه
علــي الكرار هــــذا الشاعت أعلومه
المنايـا أعلــى الكفــر وزعهــا بيـــده
*
وزعّــت المنايــا الجــيش زلــــزلته
عالــي الجيش بيــدك انتــه نزلتــه
تــاريـــخ السفــاره بـــزود شـرفته
وظـل بيــك المجــد يلهــج نشيده
*
الشاعر
موسى البديري
هوسات الى السيده الطاهره ام البنين عليها السلام وهي توصي ابا الفضل بهذه الوصيه
***
ﮔبل لا تروح يا عباس وصيه من امك اسمعها
زينــــب يـــا ﮔمـــر عدنـــان بالك يهل مدمعها
عينــي كلها والهــامـــه واديـــه فدوه اﮔطعها
(( ولزينب منذوره اسنيني ))
**
فــدوه اسنيني منـذوره كلهن بس لاسم زينب
غضب عباس وأتخيل اخو زينب لـون يغضب
نـــار الغيــره ظـل تفـــور بيه أبكل كتّر تلهب
(( عباس أبغيره مرضعينه ))
**
ييمه أبغيــره رضعتــك حلـــيب أمطعـــم أمــروه
حتــى أتوافــي يا عبــاس بالطــف يبني للخــوه
وأريد الموت دون حسين يبني يصير الك سلوه
(( وبدمك كون اتوافيني ))
**
الشاعر
موسى البديري
ميمر مجنس ( اربع اقمار ) إلى سيدتي أم البنين عليها السلام
قدمتـــي أربــع أقمــــار
وربـــچ وهبلـــچ ســـره
*
وفــه الگمـر وي الــولــي مــن ســـره
والله كــرامـــه كــرمـــچ مــن ســـره
يسر الله گلب الزهره كـل مـن ســره
وســريتي گلــب الزهــراء
ابتضحيتــچ ويــه العتـره
**
وي حيـــدر الكرار صنتـي العِشــره
بعشــرة محــرم كرميتــي العَشــره
موش أربعه أتمنيتي عندچ عشـره
كلهم فــده لجل حسين
ولا يــنذبــح عــالغبـــره
*
والله ونعــم تضــحيتــچ وي البضعـــه
انطيتي أربعه ولا حسين سيف يبضعه
هـــذا وفــائـــچ مـــا سمعنـــه بِضـعــه
دوّرنه هــذا الــتاريـــخ
مــا ذكــــر مثلچ حـــره
*
من الزهره كل هذا الفخر من طاها
والله گمـر غيرگ ابــد مــن اطــاها
أربـــع أقمـــار البــاري مـــن انطاها
أنطتهم بكــل إخـــلاص
فـــدوه لبنــين الـــزهره
*
أم البنيــن اسمـــچ فخــر قــارينـه
وحگـــه يتحّيــر لــو قــره قــارينه
بــاب الحوائـــج واحنه بي قـرِّيِنه
وألّــي دعا بأم عبـــاس
البــاري يسهــل أمـــره
*
حگه المحب لــو بيچ حايــر وصَفـه
مثـــل البــدر نــورچ اشـــد وأصفـه
لكـــل العــلل أنتــي صفيتي وصفـه
تشفى العلل والإسقــام
البيچ يتــوسل مره
*
ماكــو شبيهــچ بالنســـه حصلَنــه
واسمـچ حــرز بيها النفس حصّنه
بيــچ أنتــوسل بالدعاء حصه انه
والينّخه بيـچ المعبـود
خيــر أيتحول عســره
*
الشاعر
موسى البديري
موشح إلى السيده الطاهره ام البنين عليها السلام
صرتــي للإخـــلاص مثـــل البسـمـله
ورتلــچ بـــأيمــان مصحــف كــربلــه
*----------*----------*----------*
رتلــچ هـــذا الـــزمــــان أبكبـــريـــاء
ومنـــچ أتعلـم دروس أعظـــم وفــاء
بسملــة أخـــلاص صـــرتــي بكربـلاء
واسمــچ أبكـــــل زود ظـل يــرتــلـــه
*----------*----------*----------*
يرتله أبكـل زود والله وكــل وفخــر
يلّــي علمتــي الگمــر يصبــح گـمــر
لا خسوف ايمرله مــن ينطي النحــر
النحر مــــن ينطيــه نـــوره يكمـَلّــه
*----------*----------*----------*
نــوره يكمل لـــو نـذر ذيـچ الچفـوف
ودون أبــو اليمـه يتــوذر بـالســـيوف
طــاح لكــن قبلــه أصبــح بالطفــوف
بعــزه أصحـــاب الـــوفـــه تستقبــله
*
طاهــره وعبــاس طــاهـــر مــرضعـه
مـــن علـــي الكــرار أصــلــه ومنبعــه
أبِغيــره متنســيه وأبــاء ومشـــرعــه
فاض بالطــف غيــره والــزود اعّتلــه
*----------*----------*----------*
فاض غيــره وزود يـا طيبــة أصــل
والفــرع مــن أصلــه لازم يكتمـــل
احتـــار بيچ الدهر يكتـب يا فصــل
وأنتــي موسوعــه بجـلالــه أمنــزله
*----------*----------*----------*
انتــــه موســوعه مجد يــأم المـجـد
وحگــه تــاريــخ الفخــر لــو يستعد
لفاطمــه الزهــره نذرتي أربــع الـولد
وعالصعيــد بدمــها كلــهــا أمغسلــه
*----------*----------*----------*
مثلـــچ التــاريــخ مـــــا ذاكــر مــره
تضحــي بأقمــار أربعــه فوگ الثـرى
لابن ضـــرتــها وتحــس امقــصــره
وخــدر زينــب ابنــچ أصبــح كافلـه
*----------*----------*----------*
كـافــل الخِــدّر أستــاذ التضحيـات
رضــع طاهر مــن حليبچ مكــرمات
فاض غيره بيوم شــح مايه الفرات
وبقـى خالــد وي ابــن سيـد المـــلا
*----------*----------*----------*
بقى خالــد والــزمــن سجـل صَــوّر
غـرف بيده ومــا شرب مــاي النهـر
هالمـواقــف حيّــرت كــل البـــشر
حگـــه لــو ظــل الـــزمـن يتــأملـــه
*----------*----------*----------*
حــگه يحتار الــزمن طــول السنين
جامعـه أنـتي خرجيتي أربــع بنيـن
اتعيـنو أنصــار مــن دون الحــسين
أستـاذه أنتــي والگـمر بيــچ اعتــله
*----------*----------*----------*
الشاعر
موسى البديري
ام البنين ع تتمنى لو انها ذهبت لكربلاء ودون الحسين وزينب عليهما السلام قتلت
****
يا يمــه كـون اشبـع ضمّه
و أتغسل أبفيــض الـــدمّه
دونـــك يضنــوة فاطــمـه
حبيبي يا حسين حبيبي يا حسين
*
كــون متعنيه الطفـوف وابـره ضعنـك بالــدرب
ومـن تحنْ للــزهره يبني آنــه أضمــك للگلـب
ادري يبني حسين خايـف مثـل أمــك أنضــرب
الصار بيها ريته بيه والله يبني شگـد صعب
وبعيني يــا ريت أنسطر
ومثــل الــزچيه أنعصـر
وظلعــي بغدرهم ينكسر
حبيبي يا حسين حبيبي يا حسين
*
كـــون ويــاكــم ييمّــه آنـــه رحـــت لكــربلــه
ومثــل زينــب واليتــامــه انسبــي وي العايلـه
كــون ســوط الحره زينـب ابمتني انه استقبله
وكون مـو زينب شتمـها لا شتمنـــي حــرملـه
و بأيــدي يــاريته الحبّل
ودون زينـب عل الهزل
ولا شمــتْ بيــها النــذل
حبيبي يا حسين حبيبي يا حسين
*
كون ضامي اگليبي دونك مــا وصــل گلبك عطش
وكون جسمي الطاح دامي وعالرمل يبني أنفرش
ودون زينب آنــه أنوحن عل الاخــو بليل اهـدعش
شلون وانتــه ابن الزچيه مــا حمل جسمك نعش
دونك يريــت أعلــى الــرمل
أبفيض الدمه جسمي أنغسل
لا والـــي يمّــي ولا أهــــــل
حبيبي يا حسين حبيبي يا حسين
*
كــــون دونك آنــه اطيحن رضــت أبصدري الخيــول
وريت صدرك يبني سالم وفوگ صدري اتظل تجول
خــايفه أربــــع بنينــي مــــا وفـــــو وي البتــــول
باچــر بيوم القيامـــه شنهو عـــذري وشــرد اگــول
يا وليدي دونك عل الثره
جثتـــي ييمــه امــــوذره
ومن چفي گطعو خنصره
حبيبي يا حسين حبيبي يا حسين
*
ريت بالطف انه وانظر طيحت ابني أعلى النهر
شلون يــا روح الـزچيه صحت يـا خويه الگمر
انته جيشي أحــزام ظهري وانكسر مني الظهر
كون ظهري انكسر يبني ومني محزوز النحـر
يــا يمه محتــاره بحـرم
من حرگوا علينه الخيم
وماكو رفيف مـن العلم
حبيبي يا حسين حبيبي يا حسين
*
كـون مسبيه وأروح أعلــى الهــزل متيسره
دون زينب بالضعينه أدروب وحشه ومقفره
و أوگف أبديوان أميـــه بالحـــرم متحيــره
وتبقه بــت حيــدر أميره معــززه ومقـــدره
وبالطشت راس ابني الگمر
يضـربه يــزيد أعلــى الثغر
ومنــك فـــلا گطعـــو نحــر
حبيبي يا حسين حبيبي يا حسين
*
الشاعر
موسى البديري
ميمر مجنس ( اربع اقمار ) إلى سيدتي أم البنين عليها السلام
قدمتـــي أربــع أقمــــار
وربـــچ وهبلـــچ ســـره
*
وفــه الگمـر وي الــولــي مــن ســـره
والله كــرامـــه كــرمـــچ مــن ســـره
يسر الله گلب الزهره كـل مـن ســره
وســريتي گلــب الزهــراء
ابتضحيتــچ ويــه العتـره
**
وي حيـــدر الكرار صنتـي العِشــره
بعشــرة محــرم كرميتــي العَشــره
موش أربعه أتمنيتي عندچ عشـره
كلهم فــده لجل حسين
ولا يــنذبــح عــالغبـــره
*
والله ونعــم تضــحيتــچ وي البضعـــه
انطيتي أربعه ولا حسين سيف يبضعه
هـــذا وفــائـــچ مـــا سمعنـــه بِضـعــه
دوّرنه هــذا الــتاريـــخ
مــا ذكــــر مثلچ حـــره
*
من الزهره كل هذا الفخر من طاها
والله گمـر غيرگ ابــد مــن اطــاها
أربـــع أقمـــار البــاري مـــن انطاها
أنطتهم بكــل إخـــلاص
فـــدوه لبنــين الـــزهره
*
أم البنيــن اسمـــچ فخــر قــارينـه
وحگـــه يتحّيــر لــو قــره قــارينه
بــاب الحوائـــج واحنه بي قـرِّيِنه
وألّــي دعا بأم عبـــاس
البــاري يسهــل أمـــره
*
حگه المحب لــو بيچ حايــر وصَفـه
مثـــل البــدر نــورچ اشـــد وأصفـه
لكـــل العــلل أنتــي صفيتي وصفـه
تشفى العلل والإسقــام
البيچ يتــوسل مره
*
ماكــو شبيهــچ بالنســـه حصلَنــه
واسمـچ حــرز بيها النفس حصّنه
بيــچ أنتــوسل بالدعاء حصه انه
والينّخه بيـچ المعبـود
خيــر أيتحول عســره
*
الشاعر
موسى البديري
قصيدة (يالحبايب) لفاطمه العليله عليها السلام
يهلــي نــاويـــن السفـــر
ذكــرى عـــوفولي وأثـــر
لـــو عطركم لـــو صــور يـــالحبــايـــــب
ــــــــــــــــ ♠♠♠♠♠ ــــــــــــــ
يهلي اليسافــر للغــرب يتـــرك اثـــر لحبــابــــه
خاطـــر يسكّـنْ لهفتــه ويخــف علــيه أمصابـه
غيــر الهــوى محد يجــي باچــر الــه يدگ بابــه
يبقى يتـــاني أعلــى الـدرب بلكن تـــرد غيابــــه
الفاگـــد أحبـــاب الگلب
چنه عــايش بالغــــرب
يتنظــرهــم عـالـــدرب يـــالحبــايـــــب
ــــــــــــــــ ♠♠♠♠♠ ــــــــــــــ
عنــدي طلب يــا والـدي أدمـوعي راح تخبــرك
انطيني خيـط أعمامتـك خاطر أشـم بي عطـرك
أِتــوسده وروحـي تظـن يابويــه تغفــه لصـدرك
من عطـره دلالــي يحس سيف الشمر حز نحرك
عطــره يــرسملي صـور
سيفه يگطــع بالنحــر
وصــدرك اشعــر بي اثر يـــالحبــايـــــب
ــــــــــــــــ ♠♠♠♠♠ ــــــــــــــ
يــا عمّـه يـا حيـف وأسف وجهـچ يغــيب أعلــيه
وبــاچـــر تــروح لــكربلـــه يـا عمتّـي الحنّـيـه
انطيني من ثوبـــچ علگ اغفــه عليــه أشـويــه
يا عمّه أشمّـه واعـرفــچ رحتـي لغــرب مسبيه
عمّــــه وبحالــچ أحـــس
محاصره بجيش الرجس
والنسه أبّحـــر الشمس يـــالحبــايـــــب
ــــــــــــــــ ♠♠♠♠♠ ــــــــــــــ
باچــر رقيه مسافــره ويبقـى الحــزن خطـاري
وادري ابدليلـچ يستعـر ونـــارچ تشابــه نـــاري
هـــاچ الــتراچي تلوگ الچ حتـى تظـل تذكــاري
يــا خيتي أحـس يتسلبن ويبقى دمـاهن جــاري
وانظـــر ابديـــرة غــرب
گاعـــده فــوگ الترب
أورد خــدچ ينـظـرب يـــالحبــايـــــب
ــــــــــــــــ ♠♠♠♠♠ ــــــــــــــ
يلّي نــويتو أعلى السفـر بالصبر يهلي ادعـولـي
لعبـدالله عوفولــي رسـم مهــد الطفــل عوفـولي
روحي لــوّن تشتاگ الـــه لمهــده تـروح تلـولي
ومن مهده يوگع عالارض ادري العده شذبحولي
مـــن اصــــدن للمهـــد
چنــه مذبــوح الـــولد
گلبــي ما يحمل بعـد يـــالحبــايـــــب
ــــــــــــــــ ♠♠♠♠♠ ــــــــــــــ
يا عمي مــن گبل السفـر انظــر علــيَّ بعينـك
وخلّـي يميني التــرتعش يـا عمــي بين أيمينك
باليسرى ضمني أعلى الگلب فدوه رحت لسنينك
بــاچــر أحس عالــمشرعه يتگطعــن چفــينـك
ايطيحن أعلــى المشرعه
اچفــوفــك المتگطعــه
هــــايـه اكبــــر فاجعــه يـــالحبــايـــــب
ــــــــــــــــ ♠♠♠♠♠ ــــــــــــــ
الشاعر
موسى البديري
ابوذيه الى العليله بنت الحسين عليهما السلام
مثـــل ونّـي فصيــل النــوگ مــا ون
صحت ونّــي يحادي الضعن مــا ون
بعد يــا هــو يالنــاشــد وين ما ويـن
عگـــب عين الابو مــن أبعــد عليـــه
۩ • • • • • ۩ • • • • • ۩
الشاعر
موسى البديري
قصيدة ( نموت وياك ) لسان حال الانصار يقولون لأمامهم الحسين عليه السلام
نموت وياك حتى نعيش يحسين
بس ويــاك احنه نعيش مــرتين
كل شي وياك بي روح حتى المـات مذبــوح
مــــــــا مــــــــــــــات
****
اصعـب موتـه بــس ويـاك وبنفــس الوكت سهـله
الصعوبه البيها انته حسين انته الدين وانته اهله
نتخيّر بيــن جنــه ونــار ويـــاك الممـــات احــلــه
نــرخص دونـــك الارواح يمن روحك علينا اغله
فدوه نروح الك يا والد العتره
يا ديــن الالــه ومنهجه وسره
ودونك دمنه مسفــوح حتى المــات مذبــــوح
مــــــــا مــــــــــــــات
****
لــوّن نمــوت الك يحسين مـــو مــره الف مــره
ونــرد نعــيش هــم وياك ودونـــك والله نتــذرى
منعوفك ابد يحسين وحگ ضلع امـــك الــزهره
الخلود المات بس وياك الممات العَز الك عمره
الخلود وياك يا سـر الله والدين
المات وياك عايش هذا يحسين
يا قبله من الجــروح حتى المـــات مذبوح
مــــــــا مــــــــــــــات
****
المــات بكربلائــك هــاي دونــك يا ابــو اليــمه
وفوگ الغبره ظل مطروح تغسل من نزف دمه
هــذا الفــوز يـــا مــولاي وهــايه نعمّة النعمّـه
الموت شگد صعــب لكن دونك مكرمّهَ ورحمه
نضحي ارواح الك يا وارث الهادي
لحد اخــر نفس بس بأسمـك انادي
انته الروح للروح حتى المات مذبوح
مــــــــا مــــــــــــــات
*
اتخــذوه جَمــل هاليــل مــن گلهم ابــو الاكبــر
گالــو يــا ابــو عبدالله العّـنــك يبتعــد يخــســر
محمد انتــه بالميــدان نشوفــك يــا شبل حيدر
گبل نحرك يبو الاحرار نرَخّص سيدي المنحر
مناحــرنا الك يبــن النبــي فـــدوه
هوه العمر دونك كل شي ما يسوه
الا ودمــه مسفـوح حتى المـــات مذبوح
مــــــــا مــــــــــــــات
*
وعــدّ جــدك مناره تصير الك يا سيدي وحضره
وتزورك سيــدي البلــدان يبن الطــاهره الزهره
شعظها احنه بضريحك ذاك يـمْ بابك نشم عطره
يتَخَلد مـنْ يصير ويــاك تــرفعه وترفــع بقـدره
يحسين الخلــود انطيتــه الــرفعه
يبن سر الوجود الطاهره البضعه
بنيت ابدمك اصروح حتى المــات مذبوح
مــــــــا مــــــــــــــات
*
يحسين شكبــر حضنّــه احنـه نصيـر بكتـارك
ونــور البينه يــا مــولاي ماخـذ هيبة انوارك
يمر بينا غــدا مولاي كـل عاشگ گصد زارك
دنيــا واخــره يحسين نفخــر احنــه انصـارك
باچــر بالامــامه تنـــدعي الامه
دنيا واخره احنه ويه ابو اليمه
يمن اسمك على اللوح حتى المات مذبوح
مــــــــا مــــــــــــــات
*
الشاعر موسى البديري
قصيدة ميمر الى سفير الحسين عليهم السلام
رغـــم الألم دمـــك رسم
طـــول الدهــر لوحة قيَّم
بالكـــوفه ظلت لليــوم
تحيّــر عقــــول اللوحه
****
دمــك رسم لوحـــة عشگ بالكــوفـــه
لـوَّنهــا مـــرسم مصـــرعك بچـفوفــه
مــاكـــو شبيه ألهــا ولا مـــوصوفــــه
دم النحــر راسم صَّــور
مـــا شافتـــه أعيــون البشــر
بيها النحــر لمــن غـــاب
شـع الضوه مـــن صبحـه
*
شمس الكرامــه أشـــرقــت مـن دمــك
شمــا حاول يغطيها يفشــل خصــمــك
رغــم الحقــد بإخـــلاص لــون رسمــك
من الدمه بلون الضمه
لــروح الزچيــه فاطمـــه
رخصــت دمــك لحسيـــن
مــوقف صعب لو اشرحه
*
قصــة جهـــادك ملحمـــه تظل كبــــرى
بدمـــك لبــو الأحـــرار وافيــت أمـــره
تــاريخـــك أتخطـــه دمـــاك الحمــــره
دمـك كتــب مـو بالــذهب
بعزه نضحيها الـــرگب
والدمّـــه خـط التـاريخ
محــد يحـــاول مسحه
*
جيــوش ال أميـــه تحــاربك مجموعـه
وحـــدك يـــا مسلم والمنــاصر طوعــه
الثائـــر يضحـــي مــن اجل مشروعــه
أعظم درس يفدي النفس
وما يخضع لچف الرجس
دمــك رســـم لـلأجيـــال
منهــج تعـــاله أبصرحه
*
كــون السفيــر يصيــر يفهــم درسـك
وحــدك سفيـــر ولا حمايـــه تحرسك
لجـل الهــدف ضحيت مسلم نفســك
حتى بشرف تحمي الهدف
لو عالترب دمـــك نزف
بالـــدم وفيـــت وي حســين
گبل الطفــوف وجــرحه
*
كــون السفيــر لقصتـــك يفــهمهــا
ولوحـــة وفائك كل وكـت يرسمها
ودمـــك كرامه هــل الخلگ علّمهـا
لكل المــلا اسمــك علا
آية مجـــد وتــرتلــه
اليروي العقيده من أدماه
ربـــه كـــرامـه يمنــحه
*
الشاعر
موسى البديري
قصيدة ( حبر الثوره ) الى سفير الحسين مسلم ابن عقيل عليهما السلام
مسلم يــا حِبــر الثـــوره
بعــزه أبتـاريخــك نقـــره
دمــك ظـل يسطـــع بدره
يا مبعوث حسين يا مبعوث حسين
*
تــاريخـــك لــــوّن نقــــراه نتشيــم
فصولك معجـزه سجلها قانــي الدم
حسين أول ضحيه شخصك القـــدم
يعرف غيرك لهل النهض ما يرهـم
بأسراره اختصاك
حسين من اختاراك عن حكمه
بعــزه تمثل الدين
يدري بهـاي حسين وبعلمــــه
قائـــد.. وحسيــن يعــرفــــك
والله ... ما يخضع چفك
نحتار.. بيش احنه انوصفك
يــا مبــعــــوث حســين
*
تاريــخ الكرامــه أبشخصك أتجسد
وصفحــة كبريائك مـا وصلها احد
المــواقف بالدمــه وبالعّــزه تتخلد
والك بالكوفه موقف صعبه يتجدد
مـــــا صافحة أيــزيد
ومـــا مديت الأيــد للجائر
دمــك غيـــره يــفــور
ظل بـــركان يثــور يا ثائر
دمـــــك ... عالظالم نهضـه
عـزه ... وإخلاص أبنبضه
سيفــك ... نـــار وتتلضّــه
يــا مبــعــــوث حســين
*
درس وضحّته بالكـوفـه يحّير أجيـال
الغـدر هيهات مو من شيمت الإبطال
فــرق ال النبي عـن زمــرة الأنـذال
لذلك انتــه باقــي وغيرك الي إنزال
صحنـك شــع أنـوار
وبيك تحـج زوار للحضـره
وين أصحاب الجور
زلـزلهم عاشــور من نحره
نصرك ... مسلم يتجدد
كل يوم ... ذكراه يتخلد
بركان ... دمك مايبرد
يــا مبــعــــوث حســين
*
مسلــم للمجد خطيــت مــوســوعـه
مو شرط النصر بچفوف مجموعـه
خانــو بيك بــس النصرتــك طوعه
ظلت للدهــر ذكــراهــا مـــرفــوعه
نادت يـــا مغــوار
حمـــلات الكـــرار جــددهـــا
مجتمعه الأحزاب
انهض شيل الباب واحصدها
حـيـــدر ... مــا ثنّه أبضــربه
بـزوده ... الميدان يگلبه
خصمك ... ادري انته ترعبه
يــا مبــعــــوث حســين
*
عكس كل الحروب اهناك يومك صار
واحــد انتــه ثابـــت والــزلم طشـار
ناس اتگول مسلم لــو علــي الكـرار
لان ضربت حسامــك چنها ذو الفقار
ماخذ منّــه الـــزود
چــن حيدر مــوجود بالكوفـــه
ناس أتفــزع نـاس
چـن هــــذا العبــاس وتشوفــه
چفك ... نكس چم رايه
بالكون ... ما صارت هاي
ظلت ... يــا مسلم ايـه
يــا مبــعــــوث حســين
*
مسلم من هويـّت ويضحك أبقصـره
ربــك زلـــزلاه وعــلا الك حضـــره
ربــك هيـــچ رادك للخلــگ ثـــوره
الينصـر ربــه لابـد ربــه الينصـره
دمــك بعــده يفــور
ينزف في عاشـور حــريــه
دم الحگ لــو سـال
كون يربـي أجيال ثــوريـه
دمك ... يا مسلم مو دم
ثـوره ... للعـــالم قــدّم
منك ... لازم نـتعلــــم
يــا مبــعــــوث حســين
*
الشاعر
موسى البديري
هوسات الى مسلم ابن عقيل عليه السلام
مسلم حاصر الكوفه ولعــب بيها
خله العالي سيفه يصــير واطيها
الما شايف علي بالكوفه رد ليها
(( من حيدر وارث طبراته ))
*
مثل ناعور جفه الموت ظل يفتر
اسد بالكوفه واكف بالحرب يزأر
مسلم أنــه عمي المرتضى حيدر
(( والموت بضربت فقاري ))
*
صگر چنه يتخير صيد اليريـده
مــا يــرتاح الا يحّصـل الصيـده
ملك المــوت چنه محّــزم بأيده
(( كل ساعه يحاصر عدوانه ))
*
علـــي الكــرار زودك بيــه تتسمه
مــو عالخــال مســلم طالـع لعمه
الهوه بالمعركه مبخــوت اليشمه
(( حيرها الكوفه بصولاته ))
*
الشاعر
موسى البديري
قصيدة ( سحك قصر الاماره ) الى سفير الامام الحسين مسلم بن عقيل عليهما السلام
سحگ قصـر الامــاره بگلــب مستـعــره نـاره
اعتـلا يقــره الزيــاره السلام عليك يا حسين
*
طعم الزيــاره يختلــف
لو طبگ وي طعم النزف
وكت الشدد مــا تنسي محـــــــال
أول زياره من الگلـب
تعجز توصفها الكتــــب
يا كاتب أيوصفها الي بمقــــــال
من نوى فرض الزياره مسلم شچان الشعور
سيـدي يحسـين ازورك لكـن أبــدم النحـور
وانته تستاهل يغالي اسحگ القصــر وازور
يبو اليمــه إمــامـي ازور وگلبي ضامي
الك ابدي بسلامي السلام عليك يا حسين
*
لزيارتك صعب الشرح
يا سيدي أبطعــم الذبـــح
أول زيــــاره أمطــرزه أبـــدمــــاء
نكتبت أبصفحات الدهر
وانرسمت أبأغرب صــور
أول زيـــاره تـعتــلـي السمـــــــاء
بالزياره حسين يسمع صوتك الكلش عـذب
مر ببواليمه سلامك كـال هــذا من المحـب
تقبل ادخل يا أمامي لجنتك وســط الگـلب
قبل فـرض المناحر أنــادي وگلبي حاير
أمـامي اقبلني زاير السلام عليك يا حسين
*
متيمم أتراب الحــــرب
وثوبك جديد من الضرب
ومتعطـر بــذاك الدمــه اليســيل
لجـــل الحبيب اتخذمت
مسلم شبيهك ما شفت
هاي آخر ازيــاره وبعد رحيــــــل
ابد ما هماك جرحــك همــك أتزور الإمــام
انه ما شايف شبيهك تنزف اجروحه غرام
يبتدي بحاضر أمامي وينتهي بأجمل سلام
أمامي وانته غايه الك دمـــي البدايه
و أزورك بالنهايه السلام عليك يا حسين
*
يا سيدي كاتب درس
عن الابه وعزت النفس
حد الممات ومــا تذل عجيـــب
ظنـوا تمدهــا يمنتـك
والهم تنزل هــامتــك
گلت انه ربـاني علي الحبيــب
ما اعوف حسين أمامي اكتب أبدم الـوريد
والله اگص اچفوف أديه وابد ما أصافح يزيد
الفوز ابواليمه قبلني دونه من اوگــع شهيد
أموت انه أعلى حبه أمامي ومايه اشربه
أزوره وأهوى دربه السلام عليك يا حسين
*
بيــن الزيــــاره والحـــرب
يا سيدي حسرة محب
فـوگ القصـر منــك بـدت دمــــوع
من تهوى انته أعلى الارض
حسيت بالخيل شترض
يا سيدي ابطــــف كـــربله ضلـــوع
بين فرض الموت حاير بين فرض ازيارتك
چنت تتمنى يا مسلم خيــل بالطف رضتـك
دون ابو اليمـــه حبيبـك بالحوافــر جثتــك
اظل بيك انه حاير قلم ومتاني شاعر
زرت بس بمشاعر السلام عليك يا حسين
**
الشاعر
موسى البديري
ابيات ابوذيه الى السيده الطاهره ام البنين عليها السلام
أنــه بمهــدك نــذرتـك يمه لحسين
شحلاتك وانته واگـف يم الحسين
أذا تــوگــــع أنــــادي يمه الحسين
فـــدوه الطـــاح دونــــك عالــــوطيــه
*
عفه گلبي شحمل طعنـــات ويـــروح
بغيابك مــا بعــد ظل حيل وي روح
تمّنه الطف يگصده آوياك ويــروح
ودونــــك كــــون تسحگني اعـــــوجيه
♠♠♠♠♠
ضعنهم راح شــــال الــروح ويـــــــاه
ودليلـــي أبنــــار لمَن ســـار ويـــــــاه
على ابن الزهــره اصيحــن آه وي آه
وأگـــل عباس افــــدي ابن الـــــزچيــه
♠♠♠♠♠
الشاعر
موسى البديري
بســـم الله.. گــوم الفـــاتحــه اقـــرأها
وتوَّجـــه للجليله أبــدمعـــه وانخــاهـا
۩ ۩ ۩ ۩ ۩
اذا دنيــاك ضاگــت بــالعســــر والهـم
وليـــل النــايبــات أعليــك صار اظلم
وإذا وكتـك عليك بكــل حــزن خيــّم
انخّــه أم البنيــن وشـــوف نخــواهــا
۩ ۩ ۩ ۩ ۩
أنخــه أم الـبنيــن ودمعتــك هلـهـا
الصعبه أم الگمر ثق هيــه التحلـهـا
ربـــك كــرمــاهـا وعـــلا منـــزلهــا
البــاري لجل أبــو الأحـــرار عـلّاها
۩ ۩ ۩ ۩ ۩
عـــلاهــا بمحبتهــا لابـــو الأحـــرار
لان نذرتلــه بالطــف أربعــة أقمـــار
مثل ام البنين بهـل النسه مــا صـار
إذا گلنــا الـــوفــه ينجــاب ذكــراها
۩ ۩ ۩ ۩ ۩
صــارت للــوفـــه أم الگمـــر عـنــوان
مثـــل البسمله لكل سـوره بــالقــرآن
معـروفــه جــزه الإحسان بالإحسـان
مـا رادت جـــزه بس يــرضه مولاها
۩ ۩ ۩ ۩ ۩
ما رادت جزه بس يرضه عنهـا حسـين
مثل الطاهــره ام عباس يحصـل وين
ضحت أربعــه وتجــري دمــوع العيـن
لـــحسين الكـريمــه نــذرت أربــاهـــا
۩ ۩ ۩ ۩ ۩
أنطــت كــل ولــدها الحره ام عبـاس
عنـوان الوفــه بس بيها ظل ينقــاس
رفــع ذكــراهــا ربنـا أبين كـل النـاس
وبــاب أهـــل الحوائــج الله خـلاهــا
۩ ۩ ۩ ۩ ۩
بـاب أهــل الحـوائــج وآنـــه دگيتـــه
وچــف الحاجه الـچ يـا حـره مـديتـه
أبـاب حسين دمعــي بحسـره هليتـه
لان ادري الجليلــه أهنـــاك الگــاهــا
۩ ۩ ۩ ۩ ۩
الشاعر
موسى البديري
قصيده گعديه ( اربعه انطيتك ) الى ام البنين عليها السلام
من التراث على وزن حمزه الزغير هاي دار النوايب عتبوها
اربعــه انطيــتـك واعـــرف قليــله
ودمعي الك يبني ما ينشف مسيله
اعتــذر يبن الــزچيه
كون دونك عالوطيه
وريت آنــه انسبي دون العقيــله
****
يمه يمه حسين منــك اعتــذر يبن الــوديعـه
مو فجيعه ولدي راحوا روحتك اكبـر فجيعه
عالشريِعه الگمر طايح وانته طايح للشرَيعهَ
يحسين يـــا لــبْ الگلــب
گالولي ما ضگت العـــذب
حگي من انوحن وانتحب
وبيده ذبحــولـه رضيعــه
مثلك بدهــري مــا مــرت رزيه
يشوف كل لحظه بعيونه المنيه
طيحت اخوانه وبنينه
لو سبي اخته الحزينه
بعد عينه مشت رحله طويله
****
حسين يا روح الوديعه ويا عطر للهادي احمد
عشــره لــو كلهم ضحايا فــدوه الك الله يشــهد
الأمــه فاطمّـة الزچيـــه بيها مــا ينقــاس احـــد
يبن الوديعــه الطاهــره
فدوه البنبن اعلى الثره
يحسـين والله مقصــره
عالرمــل گالـــوا امـــدد
ريت دونــك اظل فــوگ الــوطيـه
ودونك بصدري تسحگ الاعوجيه
وسفه يحسين وهضيمه
امـــك تنـــوح العظيمـه
يعينها الله لمصايبها الثجيله
****
من اجاني الخبر عنك وصوت هز كل المدينه
ينعه فگد اربــع بنيني عظم اجــرچ يالحـزينه
ما نشدتك گتله عنهم گلي ويـن حسين وينه
گلي ودمــع عيــنه يســح
عطشـان بس شابـــع ذبح
وانرفع راسه اعلى الرمـح
ومــن دمــــاه مخضبيــنه
يالحــزينــه بقـت جثتــه رميـه
والحرم وسفه مچتوفه وسبيه
وزيـنب بذيــچ الخرابه
تنوح لحسين ومصابه
تگله گلبي فلا يگطع عويله
****
صدك زينب اه يزينب راحت ومچتوفه اديها
وهيه ستر الله وحجابه الناس تتفـرج عليها
وكــون مسبيه بدلها مــن بعد طيحت وليـها
وعالهزل امشــي بلا ولي
ومحروسه بت حيدرعلي
فـــدوه بنيني وكــل هلي
ومحـد يشــاهــد سبيــها
كون ســوط العده صاير عليه
ودون زينب اطب لبّنْ الدعيه
ويشتم اهلي مو اهلها
مـن بعـد عيـن الكفلها
وابقه محتاره ياهو الاشتكيله
****
حسين يــا كبــره آنه حظي الگلب ضحالك بنينه
وطاح دونـك گمر هــاشم والسهم طفّـاله عينــه
وضامي يم جرف الشريعه بكتره يسراه ويمينه
يا نهر مات مــن الضمه
حيل اعتذر من فاطمه
لــو باقي بيده صـارمه
ما مشت زينب حزينه
ما تشب نار خيّم ستر العقيله
وما يمرها السهر لو باقي ليله
لكـن بطيحت گمــرهــا
ما نصف وسفه دهرها
بعد كافلها هيّه اضحت كفيله
****
الشاعر موسى البديري
الســلام علــى أّم البنين الطاهـــره
الســلام علــى أّم البنين الطاهــره
*
يــا سـلام الله على الطيبــه الجليلـه
علــى الضحت أربعــه دون العقيـلــه
الوفيــه الصابــره الحــره الاصيلـــه
الكلها بالطــف بالمـواقــف حاضــره
*
يــا ســـــلام الله علـى أم الامــاجــد
ألألها تاريخ الفخر لــي هسـه شاهـد
أربعـــه أنطت مـا بقه تچايـه واحـد
فــدوه لأبـن الــزهـره كلهـم عالثـره
*
عجزت أبحور الشعر توصف بحرها
شمعه لحسين وحسن نذرت عمـرها
بالمدامــع وصّـت الغـــالي گمـــرها
يبنــي بـالك تبقــى زينـــب حــايـره
*
قـدّمــت أربــع كــواكب مــن سمــاها
الباري بالطف عـز قدرها وكــرمـــاها
والمجــد طـول الزمــن بيهـا إيتبـاها
بحـــر جــــود وللمــواقــف حاضــره
*
للكــرم شــــلال طافـــح بيــن أديـهـا
بحـــر زاخـــر مــــا تـــرد اليعتنيــها
تگضي حــاجاتك لـون تقـسم عليـها
بالحسـين وعطــش گلبــه ومنحــره
*
قــاضيه الحــاجات هـاي أم الكرامه
ضحت بكل شي لأجل نصر ألإمامـه
الشفيعــه الشـــافعه بيـوم القيــامه
إلنّــه توگــف بالشــدايـد حـــاضـره
*
الشاعر
موسى البديري
قصيدة ( اعتذر منچ يزينب ) وكأن ام البنين تعتذر لأنها كانت تتمنى أن لها بنت ذهب اسيره بدل السيده زينب عليها السلام
اعتذر منــچ يزينــب
يمه مــا عندي بنات
دونچ يشدون اديهن
عالهزيله امسلبات
قدمت أربع ولد ظني ابو اليمه يرد
يمه مــا عندي بنات
*-----*-----*-----*-----*
دمعي أسيله يــالعقيلـه بـأعتــذاري
حسره عمري ناري تسري أه ينــــاري
ريت كــل هاي المصيبه المرت بطف كربله
عندي كــون ابنيه دونــچ بالمصايب معوله
وتنظــر إخــوتهـا ضحــايا اربعتهــم بالفــلا
وســالم حسين وبنينه وكــل بناته وكل هله
ولدي كون الطـف ذبحهم
عالرمــال امگطعــين
وسالم ابن الزهره يرجع
والله يمه تگرلي عين
ابــد ما همني البعد ظنـي ابو اليمه يـرد
*-----*-----*-----*-----*
لا كفيلـچ وحشــه ليلـچ يمـــه زينب
والظلامه بس يتــامــه كلها تنحب
اخ مــن ليــل الفجيعــه مــن بعـد حــرگ الخيّـم
بنتي كــون بحيــره دونچ تجمــع أطفـال وحـرم
وكــون مــو أنتـي الصرختي وينــه شيال العلم
بنتي كــون الي تنادي وجــدها ريته ألي أنشتم
يعينج الله أعلى الفجيعه
شطولـه ياليل اهدعش
حــرم مذهــوله ويتـامه
وخوف وهموم وعطش
المــن ايتامچ تصـد ظني ابو اليمه يـرد
*-----*-----*-----*-----*
والله حيره يـالامــيــره بهل الرزيه
بلا عشيره أنتي أسيره من ال اميه
كون مــو أنتي السبيه بنتـي راحـت للسبي
وشمر ريته يشد أديها يگلها عالناگه اركبي
وسـوط البمتنچ عليها وسالمـه بنـت النـبي
وريت مو أنتـي أسيـره يا أبــه و قبلة عبي
كون مــو چفــچ يـزينب
والله ينشـد بحبال
ريت عندي ابنيه دونچ
والله يربات الدلال
وفاگده إخوان أولد ظني ابو اليمه يرد
*-----*-----*-----*-----*
اه يوسفه والله كلـفــه والله بـلــوه
يــا ألمها شكبره همها الفگدت أخوه
حيرت السوگ ومصابه كون مــو بيـچ اليمـر
والله يــا يمــه يزينــب الــچ ميلـوگ اليسـر
ريت عندي ابنيه دونـچ واگفــه بحــر الظهـر
وريت مو أنتي الدخلتي بنتي دخلـت للقصر
والشماته تصد عليها
والـچ مــا واحـد نظـر
فــدوه انه وكل بنيني
وما يمــر عينـچ سهر
ومحد لچفـچ يشـد ظني أبو اليمه يــرد
*-----*-----*-----*-----*
يا مصابه بالخرابه شكبره صبرچ
والرزيه من رقيه حسره عمرچ
والله صعبه بت محمد بالخـرايب مــن تبات
يساعــدچ الله يــزينب يــا عظمـها النايبات
كــون بنتي بحيره ظلت تجمـع أيتام وبنات
وتگعــد بدمعتها تنعه يســاعد الله الفاگدات
تصـبــر بدمعــه رقيـــه
تگلها ما مات الحسين
بس ابو فاضل وإخوته
عالــرمال مگــطعيــن
فدوه طعنات الچبد ظني أبو اليمه يـرد
*-----*-----*-----*-----*
الشاعر
موسى البديري
محتار ابوصفچ والله
قــدمتــي ولــــدچ لله
يالطاهــره يالصابــره
مثلچ وفــه ما شفناه
*----------*----------*
اجمع كل شي عنچ واصفن واحتار
وأفكــر بيــچ لكــن تعجــز الأفكــار
ليش اختــارچ الله بحكمتــه الجبار
مــره تكــونين انتـــي لحيدر الكرار
محتار بسرچ هــل الكــون
ظل سرچ مخفي ومكنون
عن هالبشــر يمْ الگمــــر
سـرچ عجــزنا بمعناه
مثلچ وفــه ما شفناه
*----------*----------*
النــذر لله كــل شي وهــم نــذر عمــره
حتمــاً ربنــا يــرفــع للبشـــر قــــدره
وأنتي انطيتي كل شي لفاطمه الزهره
والــزهــــراء وجـــه البـــــاري وســـره
قــدرچ رب العـز عـلاه
بحسين وكــرّم معنــاه
بيـچ الوفـه أعظم صفـه
ســر الوفـاء ومعــناه
مثلچ وفــه ما شفناه
*----------*----------*
مثلـــج يــا مــره بــالكــون شبهتها
تضحي أربع بنين وتفــدي ضــرتهـا
وترد لحسين تجري بحسره دمعتها
مــا مثلــچ ابـــد يالحــره ســـوتــها
ضحيتيهم لجل الــدين
رخصتي دمهم لحسين
بطف كربله فــوگ الفله
ولحسين دمعچ والآه
مثلچ وفــه ما شفناه
*----------*----------*
مثلـــج خادمــه لـحســين مـــا شفنـه
تضحي أربـع ولــدهــا يعــــود تتمنــه
ومــن شافــت بشــر ظلت تجـر الونه
عــوف الاربعـــه وردلــي خبـــر عـنّــه
عن حسين انطيني إخبار
بوليدي جــاوبني شــصار
گلها بحزن ظلت توّن
گلهــا تغسل بــدمــاه
مثلچ وفــه ما شفناه
*----------*----------*
لهاي التضحيــه الباري مقــام انطــاچ
بـــاب الحاجـــه يــم الاربعـــه خـــلاچ
مــا خــــاب اليهل أدمـــوعه وتنعنــاچ
الله بهــل الكـرامــه بعـزتــه اختصــاچ
مو عن صدفه لا هيــهات
من صرتي باب الحاجات
المد يمنته وهل دمعته
ياخذ الحــاجه بيمناه
مثلچ وفــه ما شفناه
*----------*----------*
تـــرد الزهـره باچــر يالوفيــه الــدَين
بالمحشر تدنگ من تجـي الصـوبـين
طبــق بي الخـــلايق تنظــر الچفـين
تـرد ذاك الوفــه ام الحـسن وحـسين
وتنـــادي يــم العبــاس
بيچ الوفـه بس ينقاس
تگول بفخــر يـم الگمــر
تــاج الخــدر سميناه
مثلچ وفــه ما شفناه
*----------*----------*
الشاعر
موسى البديري
هلـي گـــبــل المنيـــه
يجي الطـــارش عليه
*
عليكم روحـي ظــل تنحب يهلـها
وجفنــي ادمــوم للفــرگه يهلــهـا
عليله وبعـد فركتكـم يـاهــو الهـا
اذا روحـــي لفــت ليهــا المنــيه
*
لا مكســور اكض گلبـي وايبـره
ولا مــن علتّــه يصحــه ويـبـره
تمنـه وي الأهــل رايــح ويبــره
لضعن أهلي مثل سكنــه ورقيـه
*
أودعهــم لچــن أيــدي متنشــال
عليلـه ودهــري احسّنــه متنشال
زغيره وهمي مـا اظنه متن شال
مثــل همي وبُــعد أهــــل الحميه
*
يا جــرح الهــدم روحــي تسلها
العّــله وفـرگــت أحبـابي تسلـها
عيني دمـوم مــن راحـو تسلـها
وتشبح كـــل وكــت للغـاضريـه
*
أبـويــه گـاصــد لحتفــه بـنـيتـه
وتهــدم كــل أمــل الهـم بـنــيته
حنيــن أيخـــاف تتــأذه بـنيــته
الاذيه أهــوّن تره الفرگه منيه
**
الشاعر
موسى البديري
ابوذيات الى السيده فاطمه العليله عليها السلام
*
بعدكــم روحــي بـس ونــي لهوألها
ودمــوعي كالجمــر عالخد لهلــها
مشــو والعيــن مشبــوحـه لهلــها
عليله وبلكــي يلتفتـــون أليـــــه
*
ونّــي بكــل كتــر بالـــدار يــدواي
عليهــم والگــلــب تنــور يــدواي
سلوتي انتم يلب احشـاي يــدواي
دواي ابعـد دنـت ليــه المنيـه
*
الشاعر
موسى البديري
قصيدة ( اغفه بحضانك ) إلى السيده فاطمه العليله عليها السلام
اغفه بحاضنك اشــوف العافيه
باﭽر بحضن المواجــع غافيـه
العله والفرگه ســوه
لـو رحت راح الهوى
****
خلني بحضانك يبويه اغفه بس هذا المسه
مركب أحزاني تشوفه هسه يم شخصك رسه
طفله والدمعه أعلى خدي والزمن تدريه قسه
ريت روحي بحظن عطفك تطلع اليوم وعسى
كون يمك بويه اخلص اسنيني
ولا تظل بــس للمدامـع عيـني
يطفه بعيوني الضوه
لو رحت راح الهــوى
****
باچر بحظن المواجـع بعــد عطفك يـا أِبـه
بنايبه مــن تغفه عيني وتَفــز بويـه بنائبه
الصاحب اللعلّه اونينه يــا فـرح اليصاحبه
عني لــو يبعــد ضعنكم خيّــم ابقى مسلّبه
النوح ينهش بويه تدري بروحي
ومو جرح ويطيب كثره جروحي
نوحي كلــه لنينوى
لو رحت راح الهوى
****
بلا ابـو دار الحبـايب وحشـه حيــل ومظلمـه
يا عطش گلب اليفارگ بويه اش من الضمّه
خلّني بأحضانـك اشمن عطـر امــك فــاطمـه
باﭽــر أخيــول الاعــادي بالحوافــر تهَشمّه
حضنك الدافي يبويه شحاله
مــنْ تــرضه بكربله الخيّـالــه
بدمك الحافـــر روه
لو رحت راح الهوى
****
بويــه اليفارگله واحد على الدرب يتأمله
وبيش يصبر بويه گلي من يفارگ عـايله
آنــه مــنْ علتــي انوحن لـو انوح لكربله
ريته گبل الطف ذبحني سهم نبلة حرمله
بيش اليفــارگ يصبـر روحـه
وحگه ما يبطل ونينه ونوحه
نــوح اليفـــارگ دوّهَ
لو رحــت راح الهوى
****
العلّـه والفــرگـه يبــويه باچــر يمّــرن علــيّ
تعمه بويه اعيوني بعدك يالـﭽنت لعيوني ضيّ
هسه اغفه بفَيّ حنـانك بــاﭽـر انه بلايا فَــيّ
لا اخــت لا عمّـه يمي لا ابــو لا باقي خَـيّ
كربلــه تفرهدهم مــن اعيـوني
كون امـوت ولا اظــل لضنوني
نجتمع صعبه سوه
لو رحت راح الهوى
الشاعر
موسى البديري
حسـينــيه فــدائيــه
زلم شمرتها ثوريه
تنــادي للابد علي علي مدد
****
المجالس جابت القاده
جنود بخدمــة السـاده
تذل فــرعون واحفاده
تظل طــول العمـر
جابــت زلــم ثــوريه
للمــذهــب فــدائيــه
زلــم كـلها حسينــيه
العمر نذروه نــذر
الـدرب بحسـين ننـدله
المجالس ترفض الذله
التماده بصوتنه نگله
فلا نشخى العدد
علي علــي مدد
*
الحاقــد يفهــم الفكره
اللطم علمـنا عالثـوره
شعل بينه الف جمـره
ابد مــا تنطفي
اليضَّدنه انذله ونضده
العلينـا اطـاول شحده
جنود المرتضى تــرده
وفي يتبـع وفي
ولا بينــه التعــز روحـــه
الشــهاده بيهه اطــروحـه
الحرب احنه الها الملوحه
عقيـده ومعتقـد
علي علي مدد
*
نزعــل سـاعه لـو مـده
نتـوحـد ساعـة الشـده
اخونـه بروحنه نسنده
زلم شيعــة علي
نمطـرها غضـب احـمر
نقلعه البـاب وي خيـبر
اسد واحـدنه مـن يزأر
خصمنه يبتلي
التطاول ضدنه وتماده
نظرها صولت الســاده
ذلــت اهـلـه واسيــاده
أله الكـون استعد
علـي علـي مــدد
*
عـابس علَّـم الشيعــه
العمـر لحسينّه انبيعــه
يظل قائــدنا ونطيـعه
أمـر يأمر امــر
جنوده ونفخر بهايه
ابد ما تهوه اله رايه
قاده وتمشي مشايه
تظل طول العمر
بيضه وصافيه النيه
بحرب لابسله بيريه
بالفتوى الجهـاديــه
جهز عده وعدد
علي علـي مـدد
*
الشاعر
موسى البديري
أنهـــم فتيــه .. آمنــــوا بــربهــم
أنهـــم فتيــه .. آمنــــوا بــربهــم
**
فتيه مـن ( آل عليٍ ) بـرزوا لسـوح الشـرف
اتلاگو وي الموت بالطف مو مثل أهل الكهف
ضحوا أبدم الكرامه مـن اجــل أعظم هدف
لجـــل دين الله تعالى ابــد ما واحــد رجف
أنهــم حقـــــاً .. دافعوا عـن نهجهم
أنهـــم فتيــه .. آمنـــــــوا بــربهــم
**
اقــره تاريــخ البطوله والشرف في كربلاء
خطوا آيــات المواقف والمجد مــن الدمـاء
جدهم الهادي محمـد عكـس ولــد الطلقـاء
جادوا بأرواح للطـف عــدهم الـدنيا فنـــاء
آمنـوا الدنيــا .. مسكناً لغيــرهــم
أنهـــم فتيـــه .. آمنــــوا بــربهــم
*
آمنـــوا بحسيـن يعنــي امنـــوا بــس بـالإله
حسين للباري نــذرها روحـه وولاده ودماه
حسين باع الروح لكن بالدمّه الدين اشتراه
ولــذلك ال هـاشم سلكــوا أبــدربه وخطاه
بذلــوا النفســهَ .. فتيـــةً لـــدينهــم
أنهـــم فتيــــه .. آمنــــوا بــربهــم
*
لاعبوا بالطف خصمهم ال هــاشم بالحديـد
مــو مثـل لعب ال أميــه بالقــرود وبالعبـيد
فرق بيـن الطاح بالطف غسلــه دم الــوريد
وبين طاح أبكاس خمره فرق عن ابن الشهيد
ملئــوا الدنيــا .. صيحتــاً بـذكــرهم
أنهـــم فتيـــه .. آمنـــــوا بــربهــم
*
كـون قــرأن الجــلاله لهسه ينــزل عالبـشر
چان بالطــف ألف أيه نــزلت وعــدّت سُور
فتيه ما ضمهم كهفهم ضحوا ابگطع النحر
الدنيا گبه صــارت الهم صاغها چف القـدر
نُــورهم يبقى .. خالدا وذكــرهــم
أنهـــم فتيــــه .. آمنـــوا بــربهــم
*
أنهــم فتيــة محمــد مــا يهابــون الحتـوف
تشهد الدنيــا عليهم يـــوم بــرزو بالطفـوف
طعمّــه خلوهــا المنــاحر للنبــال وللسيوف
ابد ما صافحو ظالم ظلوا انظاف الچفـوف
أنهــم صفــوه .. سارعوا لحتفهــم
أنهـــم فتــيــه .. آمنــــوا بــربهــم
**
الشاعر
موسى البديري
