-
قصائد حسينية لخادم العترة مهيمن يوسف الموسوي معرف الخاص .. mys_2019@
ميمر | للهلال
مهيمن يوسف الموسوي / محرم ١٤٤٣هـ ٢٠٢١م
حِين اليجي شهر النوح قهر او ألم بس جابه
*١*
لمّـن مُـحـرَّم قـــادم اعــليـنه ايصـيـر
يبدي الحزن بينه او صعب كل تفسير
تـفسـيـره بينه مو سـهـل هو اچــبيـر
هذا الشهر حِزنه اهواي نــار الحــزن لهّـابـه
*٢*
حـال المـوالي و الحــزن عـنــده نـار
يذكـر مصايـب هالشهر شنهو الصار
بآل النبي مـن كــل عــداهـم لأشــرار
يـذكــر مـصيـبتهـم دوم عـيـن المحب سچابه
*٣*
شهر الحزن شهر المصايب و النوح
شــيعة عـلي كـلهـم گــلبهـم مجـروح
كــل الحـــدث وبـكـربـلـه أذّه الــروح
تبـقه طـــوال الازمــان تنصب عـزه لمصـابه
*٤*
هـذا الشـهـر كــل الخــلـق بالاكـــوان
بيـهـا عــلامـــات القهـر و الاحـــزان
أرض او سمه كلها تره إنس او جان
تـعـلـن عــزائه منصـوب تســـتـقـبل ابأحــبـابه
*٥*
كــل الخــلـق وابهالشــهــر و آلامـه
چــم نايـبه عــنـده او قـهـر بـأيّـامـه
تـحــزن عـله سـبـط النبي وايـتـامـه
تذكـر مصـابه واشـلـون قتله او جـميع اسبابه
*٦*
كِـــل الخــلــق تـنصـب عــزائـه بالآه
تِـذكـــر ابـو اليـمّه التخــضــب بـدماه
عـالـغــاضــريـّه منـذبــــح يا ويـــــلاه
حـيـن انقـتل عالتـربـان صـارت دمـاه اخـضابه
*٧*
كـلمـن يــوالي المصـطــفه والعــتـره
يـنـصــب مــآتـم وبـحــزن و بعـبــره
بـيـهـا يـواســي حــيــدره و الزهــره
يبچي او يـون لا ميطيب جـرح السبط و صوابه
*٨*
سَـــوّه قـتـل ســبـط الرســول المخـتـار
گــلـب المـــوالي مـنـجــــرح للأبـــــرار
جـــرحـه حــــزن آل النبي و الاطــهــار
مقـتـل إمـامـه للــدوم حـزنه صعــوبه احـسـابه
*٩*
كِـلّه مـحــرم بالمحــــب نــوح او هــم
نـاصــب مـجـالــس للسـبـط و المـأتـم
بـيـن البـشــر بـس الحــزن هــو عَــم
كـلهـا تـواسي الزهــراء بأحسن شخص بأنسابه
*١٠*
گـلـب المـوالي للحـسـيـن المـظـلـوم
صـايــر حـزيـن ابكـل حـياته مهموم
هـمّه عـله مقـتل إمـامــه كــل يـــوم
كــل العــمـر مـا ينـسـاه حَــد الأجــــل و كـتـابـه
تمت و الحمد لله تعالى
مهيمن يوسف الموسوي
١ شهر شوال ١٤٤٢هـ١٤٤٢هـ
١٤/٥/٢٠٢١م الجمعة ٤:٥٠م بغداد
مجرشة | لسان حال الإمام المنتظر "عج" عند قدوم شهر محرم
مهيمن يوسف الموسوي محرم ١٤٤٣هـ ٢٠٢١م
يا حُسين المنذبح يبن الزجيّه
اذكر امصابك يجد صبح ومسيّه
من يجي ويبدي الشهر
ابمحرم بس قهر
اذكر امصابك يجد صبح ومسيّه
========
حِين اليهل شهر الحزن جايب عليّه احزانه
حزنه يجد كل الوكت شع بالگلب نيرانه
ياسيدي او كل الجره ابهذا الشهر أذّانه
مهديكم ابكل الدهر روحي حزن مليانه
كل سِنه اذكر مقتلك يبن الصميده
تضحياتك بالدِمه لجل العقيده
والديانه تستقر
ابمحرم بس قهر
اذكر امصابك يجد صبح ومسيّه
======== ١
عاشور ناره بالگلب وامصابك اياذّيني *
قتلك يجد ما ينسي مهديكم وتدريني
اول ليالي بالشهر يبدي الحزن بونيني
اذكر يجد وبكربله لمّن تحامي الديني
كل حوادث كربله و الصار بيها
وبذكرها بس حزن روحي عليها
والصبر عندي صبر
ابمحرم بس قهر
اذكر امصابك يجد صبح ومسيّه
======== ٢
اول حدث من اذكره حين الحدث بالكوفه *
مسلم إجه او راد النصر كل قصته معروفه
كلها تأيده بالحرب گالوا ولا منعوفه
كل العساكر جاهزه واعله النصر مصفوفه
والغدر منهم صبح اهل الخيانه
لا ضمير او لا شرف وابلا أمانه
مسلم ابنص الخطر
ابمحرم بس قهر
اذكر امصابك يجد صبح ومسيّه
======== ٣
لو من رحل ضعنك يجد كِلّه مواقف صعبه
من المدينه و اطلعت رايح لأرض بس غربه
بنتك إجت يا سيدي او منها الدمع منصبّه
صارت تودعك فاطمه و رادت تروح ابرغبه
سيدي حين العفت بنتك غريبه
هم عليله او هم جرح هاي المصيبه
وشعمل بيها الدهر
ابمحرم بس قهر
اذكر امصابك يجد صبح ومسيّه
======== ٤
واذكر يجد حِين البرز بأرض الحرب والغدره *
لأكبر شبيه المصطفه روّع دليلي او صبره
وابن الحسن يا سيدي القاسم صغير ابعمره
حين العِده ليهم قتل وابلا ندامه بأمره
للديانه المسلمه صاروا ضحايه
من أجلها او من أجل تبقه الولايه
من الهي هالقدر
ابمحرم بس قهر
اذكر امصابك يجد صبح ومسيّه
======== ٥
عمّي الگمر حِين اذكره حامي النِسه والخِدّر
قَدَّم حياته للنصر حامل شجاعة حيدر
فادي چفوفه اعله النهر عنده شهامه او يگدر
موقف حزين او بالگلب من يَمّ عدوّه سَدّر
حارب ابسيفه بقه والحد مماته
چتلته صارت غدر صعبه نجاته
شاهد اعليه النهر
ابمحرم بس قهر
اذكر امصابك يجد صبح ومسيّه
======== ٦
لاچن أشد موقف يجد يَمّ العده و اشراره
انته بقيت ابلا سند وحدك عله اخطاره
كلها الجيوش الخاينه ضدك صبح اقراره
من كل جهه بأرض الحرب صارت إلك فجاره
منچتل يا سيدي فوگ الوطيّه
والحرم صارت سبي امن الغاضريّه
والشمر حز النحر
ابمحرم بس قهر
اذكر امصابك يجد صبح ومسيّه
======== ٧
@mys_313
تمت و الحمد لله تعالى
مهيمن يوسف الموسوي
٣٠ شهر رمضان المبارك ١٤٤٢هـ
٢٠٢١/٥/١٣م الخميس ١١:٤٦ص بغداد
بسم الله الرحمن الرحيم
{ ذَٰلِكَ وَمَن يُعَظِّمْ شَعَائِرَ اللَّـهِ فَإِنَّهَا مِن تَقْوَى الْقُلُوبِ ﴿٣٢﴾ } سورة الحج ٣٢ صفحة ٣٣٦ .
السلام عليكم اخواني الرواديد
إنطلاقاً من هذه الآية القرآنية المباركة
سنقوم ان شاء الله تعالى بتوفيق من الله تعالى و أهل البيت "عليه السلام" بنشر برنامج قصائد محرم ١٤٤٣هـ ٢٠٢١م تدريجياً ونسأل الله تعالى القبول لنا ولكم ان شاء الله .
يُهدى ثواب النشر و كل ثواب يتحصل من القصائد إلى روح والدي الغالي "رحمه الله تعالى"
السيد يوسف مجيد الناجي الموسوي
رحم الله من قرأ سورة الفاتحة على روحه الطاهره و الدعاء له بالرحمه في المجلس الحسيني و في كل وقت ، جزاكم الله خير الجزاء .
خادمكم @mys_313
مهيمن يوسف الموسوي
٢٨ شهر ذو القعدة ١٤٤٢هـ
٢٠٢١/٧/٩م الجمعة ١٠:٢٩ بغداد
#للتذكير
٢٩ شهر ذو القعدة ذكرى استشهاد الإمام محمد بن علي الجواد "عليه السلام" على يد زوجته ام الفضل يتحريض من المأمون و بأمر من المعتصم و بتشجيع أخاها ، فإستشهد "عليه السلام" مسموماً اثناء فطوره بعد الصيام
٢٩ شهر ذو القعدة يوم السبت
٢٠٢١/٧/٩م
خادمكم
مهيمن يوسف الموسوي | بغداد
قصيدة رئيسية للإمام علي بن موسى الرضا "عليه السلام"
تقرأ بمرقده الطاهر او في استشهاده الشريف
مهيمن يوسف الموسوي ١٤٤٢هـ ٢٠٢٠م
للرضا ننصب عزيّة هالإمام إبن الزجيّة
بالغرب وسفة الرضا صارت وفاتة
لا أهل يَمّه و مُحب ساعة مماتة
واويلاه واويلاه
...........
إمامي من عدّوه منفطر چبدة
تسمّم والرضا أحمد تره جدّة
بأرض كلها غُرب وابساعة الشدّة
مُحبينة وأهل ماكو وسف عندة
والإلم عند الإمام يصعب اعليه الكلام
بالغرب وسفة الرضا صارت وفاتة
لا أهل يَمّه و مُحب ساعة مماتة
واويلاه واويلاه
........... ١
بأرض طوس الغريبة منچتل مسموم
جواد إبنه ينوح ويبچي من ادموم
عله المتسمّم او مِنّ العدة مظلوم
دمع يهمل حزين او كل دليلة اهموم
والجواد إبنه ينوح گلبة صاير بس جروح
بالغرب وسفة الرضا صارت وفاتة
لا أهل يَمّه و مُحب ساعة مماتة
واويلاه واويلاه
........... ٢
وحيد او بس جواد إبنه وسف يا ناس
ألف لعنة عله الحكموا بني العبّاس
حقدهم عالنبي وآله صعب ينقاس
غدرهم للرضا بيّن هذوله ارجاس
والرضا جدّة الأمين حاكم اعله المسلمين
بالغرب وسفة الرضا صارت وفاتة
لا أهل يَمّه و مُحب ساعة مماتة
واويلاه واويلاه
........... ٣
غريب ابنص بشر بس الجواد اوياه
بعيد وعن وطن جدّة النبي ويلاه
تهجّر من بني العباس يا وسفاه
ظلم عانه الرضا مِنّ العده واللّه
عانه إنواع الظلم للعده صاير خصم
بالغرب وسفة الرضا صارت وفاتة
لا أهل يَمّه و مُحب ساعة مماتة
واويلاه واويلاه
........... ٤
حِزن كل الخلگ كل البشر و الجان
مُحبين الرضا تهمل دمع لحزان
نِعه ابموته جميع اعله الأرض واكوان
ملائكة العرش يالتعبد الرحمـٰن
للرضا كل الحزن وبسنينة من گضن
بالغرب وسفة الرضا صارت وفاتة
لا أهل يَمّه و مُحب ساعة مماتة
واويلاه واويلاه
........... ٥
تمنّه ابموته تحضر كل بني هاشم
تشيعة وابوطن جدّة يهالوادم
أخوته كلها يَمّه والحزن عائم
لچن قسمة مماتة بالغرب لازم
وبأرض قلّة القريب صاير ابنصها غريب
بالغرب وسفة الرضا صارت وفاتة
لا أهل يَمّه و مُحب ساعة مماتة
واويلاه واويلاه
........... ٦
صُبح نعش الرضا وسفة بأرض غربة
يشيعة ابكل حزن ابنه تره صعبة
يدفنة والدمع أذّه وسف گلبة
مُصابة مو سهل عنده وحگ ربّة
يدفن وهمّاله عين والگلب صاير حزين
بالغرب وسفة الرضا صارت وفاتة
لا أهل يَمّه و مُحب ساعة مماتة
واويلاه واويلاه
........... ٧
تمت و الحمد لله
مهيمن يوسف الموسوي
٦ ربيع الأول ١٤٤٢هـ
٢٠٢٠/١٠/٢٤م السبت (بغداد)
@mys_313
هوسات لولادة الإمام علي بن موسى الرضا "عليه السلام"
ولادته ١١ شهر ذو القعدة ١٤٨هـ
مهيمن يوسف الموسوي ١٤٤٢هـ ٢٠٢١م
ولادة ثامن أئمّتنه الرضا المعصوم
سعادتنه يريت او بالحياة اتدوم
إمامي إبمولده إنزاح الحِزن و هموم
ونهنّي الشيعه و قائمها
..........
تهانينه نقدمها السيدي القائم
نباركِله إبسعادتنه او فرح عائم
نهنّي او ما يِهمنه كل عِده او لائم
للمهدي إنشارك فرحتنه
..........
يبو الطلبه إمامي كل إنس و الجان
گلبهم للرضا هو صُبح فرحان
ولادة سيدي إبنك بِعد لأحزان
فرحانين إبميلاده إحنه
..........
محافلنه او فرحنه للرضا كِلها
حوائج كل مُحب بيها تره حَلها
او تحامي بالحشر نصبح تحت ضِلها
بس خدّام العتره بيها
..........
كراماته او صِفاته سيدي او مولاي
تِظل تشهد علومه لا تِشك وبهاي
حكيم إبكل نشر دِينه او سديد الراي
قَوَّه دِينه بين الأمّه
..........
فلا نِگدر نوصّف كل جُزء مِنّه
قليله إشما نعرفه نبتعد عَنّه
مقامات الرضا ثامن أئمّتنه
يشبه جَدّه الهادي او سِبطه
..........
تمت و الحمد لله تعالى
مهيمن يوسف الموسوي
١٠ شهر ذو القعدة ١٤٤٢هـ
٢٠٢١/٦/٢١م الاثنين ٧:٠٣م بغداد
هوسات لولادة فاطمة بنت الإمام الكاظم "عليها السلام"
ولادتها ١ شهر ذو القعدة عام ١٧٣هـ | مرقدها في قُم المقدسة
مهيمن يوسف الموسوي ١٤٤٢هـ ٢٠٢١م
لأرض قُم اعتني لجل الزيارة روح
تره فاطم ولادتها تِسرّ الروح
تزيل اهمومك او ينزاح هو ايروح
وانهنّي الكاظم والدها
................
يِقدَّم كل موالي المرتضه الكرار
تهانيّه يقدمها ابفرح گلبه انمله بانوار
ولادة فاطمه بت سابع الأطهار
مسرور الشيعي ابمولدها
................
تِربت فاطمه بين الائمه أثنين
أبوها كاظم الغيظ النصر للدين
لأخو هو الرضا نهجه نفس لحسين
عِلم الهادي او دينه عدها
................
@mys_313
تمت و الحمد لله تعالى
مهيمن يوسف الموسوي
٢٩ شهر شوال ١٤٤٢هـ
٢٠٢١/٦/١١م الجمعة ١٢:١٠ص بغداد
تجليبة للامام الصادق "عليه السلام"
مهيمن يوسف الموسوي ١٤٤٢هـ ٢٠٢١م
إمامي الصادق او واسع تره عِلمه
ورث عِلم النبي او حيدر ابو اليمّه
................
أبو الكاظم علومه والحِكم عِنده
ورثهن من نبينه المصطفه جدّه
ولا أحّد گدر علمه تره ايحده
علومه چن بحر كلّشي صُبح بإسمه
................
إمامي الصادق ابعلمه صُبح موصوف
إذا تعرف حياته يا موالي اتشوف
نشر دين النبي بين البشر معروف
فضل عنده ابنصر دينه عله الأمه
................
عقايد و الفقه بيها تره ناطق
تميّز عالأئمة جعفر الصادق
إمامي ابكل قضايه المعضله حاذق
مناهل للموالي او ناشر الحِكمه
................
عقايدنه الاصيله للبشر عَلّم
گِـضه عمره لأجلها سيدي مهتم
لجل دين النبي هو كِثر قدّم
يظل شاهد عله علِمه الدِرَس يَمّه
................
شُبَه صارت عله دينه ولا محتار
يقدّم لليشك كِثره الادلّه صار
دليله امن العقل حتّه النقل مختار
شكوك اللي يناظر زالت ابكلمه
................
ولاية حيدره او دين النبي المرسول
نصرهن عالعِده الحگ دومه هو يگول
علومه كل عدوّه مِنها لا مينول
ولا يگدر عليها اشما كِثر ظُلمه
................
حياته الصادق او عاشر كِثر حُكّام
ضمنهم من أُميّه الحاقده او ظُلّام
او بني العباس شايف منهم الآلام
إمامي ما يهاب الظالم او حُكمه
................
إمام الجعفريّه كل زمن مظلوم
معاناته ابحياته كل شهر كل يوم
يعادونه العِده او گلبه صُبح مهموم
لچن ثابت عله نهج النبي او عزمه
................
إمامي امن الزغر عانه الظلم ويلاه
يظهدونه او يأذّونه جميع اعداه
تهجّر من وطن جده الف وسفاه
لأن عِلمه يدرسه هو او يفهمه
................
علومه كل زمن تبقه تره مصدر
شِمل كل العلوم او للفِكر حيّر
قبل عِلمه يفيد او هالوكت أكثر
علومه كِثره هي عِنده منظمه
................
@mys_313
تمت و الحمد لله تعالى
مهيمن يوسف الموسوي
١٩ شهر شوال ١٤٤٢هـ
٢٠٢١/٦/١م الثلاثاء ٥:٣٥م بغداد
للتذكير
تقسيم ليالي شهر محرم الحرام
٣٠ ذو الحجة ليلة هلال محرم
١ محرم ليلة مسير الضعن إلى كربلاء و الخدمة الحسينية
٢ محرم ليلة فاطمة العليلة عليها السلام
٣ محرم ليلة ام البنين عليها السلام
٤ محرم ليلة مسلم بن عقيل عليه السلام
٥ محرم ليلة أنصار الحسين عليه السلام
٦ محرم ليلة ابا الفضل العباس عليه السلام
٧ محرم ليلة القاسم ابن الامام الحسن عليهما السلام
٨ محرم ليلة علي الاكبر عليه السلام
٩ محرم ليلة العاشر الوداع و عبد الله الرضيع
١٠ محرم ليلة الوحشة
١٢ محرم دفن الاجساد الطاهرة
٢٤ محرم ليلة استشهاد الامام السجاد عليه السلام
مهيمن يوسف الموسوي
موشح لهدم قبور البقيع
مهيمن يوسف الموسوي ١٤٤٢هـ ٢٠٢١م
للبقيع او عجّل ابكل ثارها
تنبني او إلها تِجي زوارها
...........
يا إمامي المنتظر يمته الظهور
عالعده ابثارك يمهدينا تثور
تنبني اگبور البقيع ابكل سرور
زاهيه كلها او تِشع انوارها
...........
من قبل متهدمه اگبور البقيع
هالحدث خَلّه الگلب عدنه فجيع
ما گِدرنه تنبني او ضدنه المنيع
من فعل اهل الحقد واشرارها
...........
عامره أگبور البقيع او زاهيه
هالمراقد للموالي حاميه
والحوائج بيها حتماً گاضيه
مِن تِجي اتبعد جميع أخطارها
...........
سيدي طال الصبر يالمنتظر
چم قرن صار الموالي ينتظر
ينتظر يمته ظهورك عالبشر
ناصر الكل شيعتك واحرارها
...........
يا زمن ننصب مجالس لا منع
بالبقيع الطاهره او من ننجمع
نلطم اعله حسين وانهل الدمع
او للنبي او ذريته مِن اطهارها
...........
يمته يا مولاي يصبح هالأمر
ناصرين اوياك دينك وابفخر
ننصب الرايات او اعله كل گبر
عالبقيع او شامخه تذكارها
...........
يا إمامي لو تجي من غيبتك
بالبقيع اتصلّي كل شيعتك
نفدي دمنه سيدي والنصرتك
للديانه ناصرين افكارها
...........
كل موالي للنبي او آله يريد
ناهجه كل الأمم نهج الشهيد
ما تريد الناصبي او حربه الشديد
بالبقيع او بالأخص وديارها
...........
سيدي عجل ظهورك يا إمام
حاربونه ابجور او اذه اهل اللئام
ما منعهم كل أدلّه بالكلام
رافضه إلنه وسف أقرارها
...........
كل محب يا سيدي وضعه صعب
حالته بس المصايب بالگلب
منمنع مِن الزياره و الدرب
من بقيعه ينمنع لو زارها
...........
@mys_313
تمت و الحمد لله تعالى
مهيمن يوسف الموسوي
٢٧ شهر رمضان المبارك ١٤٤٢هـ
٢٠٢١/٥/١٠م الاثنين ٩:٢١م بغداد
گعدة لأمير المؤمنين الإمام علي "عليه السلام"
مهيمن يوسف الموسوي ١٤٤٢هـ ٢٠٢١م
طور : يا وجود الدين يا نور العقيدة
الرادود الحاج حمزة الزغير
يا علي انواليك كل احنه سويّه
ما نعوفك سيدي الحدّ المنيّه
هالعقيده ثابته ابكل الحياة
كل موالي بيها يطلع بالنجاة
بالقيامه يسكن ابجنة عدن
............
يا علي حال الموالي يعرض إلك هالحقيقه
من سلك درب العدل من الطفوله كل طريقه
ملتزم وبكل تعاليم الديانه بالوثيقه
من عالم الذر يا علي ناده يصيح انته الولي
غيرك فلا هو إلي واقسم أنه ابرب الخليقه
يا إمامي ما نخالف كل عهدنه
نستمر لو كل شخص هو يضدنه
هالعقيده ثابته ابكل الحياة
كل موالي بيها يطلع بالنجاة
بالقيامه يسكن ابجنة عدن
............
كل موالي من نشأته يا علي ابدرب الولايه
معتقد إنته الإمام اعله البشر بيك الهدايه
للديانه المسلمه ناصر محمد للنهايه
يا حيدره فارس بدر دين النبي بيك انتصر
بين الخلايق و انتشر عالخلق بأحسن درايه
بالگلب يا سيدي ثابت يقيني
ما يِهزّه كل ظنوني لو تجيني
هالعقيده ثابته ابكل الحياة
كل موالي بيها يطلع بالنجاة
بالقيامه يسكن ابجنة عدن
............
كل موالي الحضرتك يا حيدره ابربّه تأيّد
من فضل ربّ الجلاله او تابع ابنهجه مُحمّد
بالولايه الحيدريّه هالشرف والله ماله كل حد
هذا الشرف والمنزله بس المحب يصبح إله
بين الخلق هو حِله او خالق الأكوان يشهد
بالولايه يا علي مفخور بيها
هالكرامه للبشر صعبه تجيها
هالعقيده ثابته ابكل الحياة
كل موالي بيها يطلع بالنجاة
بالقيامه يسكن ابجنة عدن
............
للنبي الهادي صرت يا حيدره إنته وصيّه
حكمة الباري قضاها للنبي سيد البريه
نصّبك إنته الخليفه للديانه الأحمديه
گال النبي خير البشر والوا علي ابكل العمر
ديني ينصره او يستقر وبفضل حامي الحميه
كل فضيله ابحضرتك صعبه اعدها
يا بطل وبكل حرب وانته اسدها
هالعقيده ثابته ابكل الحياة
كل موالي بيها يطلع بالنجاة
بالقيامه يسكن ابجنة عدن
............
يا بطل وكت الحرب مِثلك فلا احّد يحيدر
راعب العدوان كِلها والعدو مِنّك تحيّر
سيفك المعروف قاتل كل صناديد العده الشر
كل الحرايب شاهده حين التقاتلها العده
بس الرعب بيها سِده وبقتالك بس تفكّر
چم حرب بيها صرت انته بطلها
بالشجاعة كل شخص صعبه يِصلها
هالعقيده ثابته ابكل الحياة
كل موالي بيها يطلع بالنجاة
بالقيامه يسكن ابجنة عدن
............
يا علي ابفعلك تطبّق كل تعاليم الإمامه
بالخفاء إتساعد الفقره يحيدره واليتامه
حتّه لا تِنذل تكون ابكل مهابه وابكرامه
مثلك فلا نلگه بعد واحد عله الفقره سند
ساعة محنته و الشدد عالبشر يعله مقامه
للفقير إنته السند وبكل حياتك
هالصفه يا سيدي أجمل صفاتك
هالعقيده ثابته ابكل الحياة
كل موالي بيها يطلع بالنجاة
بالقيامه يسكن ابجنة عدن
............
طبّقت يا حيدره ابحكمك تعاليم الديانه
وبدولتك ما تفرق بالبشر تحمل أمانه
ناصرت دين الرسول او حاربت اهل الخيانه
حكمك صبح مضرب مثل بين البشر هو الأصل
كل الظلم ماكو او رحل والعدل صار ابمكانه
تتّبع منهج مُحمّد و الأصاله
حاكم اعله المسلمين ابكل عداله
هالعقيده ثابته ابكل الحياة
كل موالي بيها يطلع بالنجاة
بالقيامه يسكن ابجنة عدن
............
عالم ابكل الحوادث بالسمه او كل القضايه
بالفلك عالم يحيدر وبطريقه وبعنايه
وبطرق كل الأرض وبكتابك آيه آيه
تحمل كنز او احسن درر مثلك فلا احّد گدر
علمك يحيدر چن بحر لا نهايه او بس بدايه
كل حياتي ما تِكفّي يا إمامي
عن وصف فضلك تره يعجز كلامي
هالعقيده ثابته ابكل الحياة
كل موالي بيها يطلع بالنجاة
بالقيامه يسكن ابجنة عدن
............
@mys_313
تمت و الحمد لله تعالى
مهيمن يوسف الموسوي
٢٣ شهر رمضان المبارك ١٤٤٢هـ
٢٠٢١/٥/٦م الخميس ١١:٥٦م بغداد
لطم عقائدي بحق الإمام علي "عليه السلام"
مهيمن يوسف الموسوي ١٤٤٢هـ ٢٠٢١م
عن خلافة حيدره كِثره الأدلّه
قاطعه واللي عرفها ما تِضِلّه
من العقل و القرآن
بالحق وضح كل برهان
قاطعه واللي عرفها ما تِضِلّه
.............
خِلق ربّ الجلاله هالأرض و الكون
حِكمته بالفعل هذا ولا مكنون
خِلق جِن او إنس رايد إله يعبدون
يميّز منهو صالح عالبقيّه ايكون
عالأرض صار الإنس عنده خلافه
هالأمر مِنّ الجليل او مو خرافه
تشهد لإنس ويّه الجان
بالحق وضح كل برهان
قاطعه واللي عرفها ما تِضِلّه
.............
إذن هي الخلافه ابكل معانيها
أمر ربنه او حِكمته يا بشر بيها
أبد مو كل تشاور وبنواحيها
دليلي من كِتاب الله او سور ليها
من كتاب الله الجزء لأول تطالع
صفحه سِتّه هالقضيّه هي واقع
كرّم الهي الإنسان
بالحق وضح كل برهان
قاطعه واللي عرفها ما تِضِلّه
.............
دليل امن العقل واضح عله الافكار
اذا حاكم گِرَب موته شخص يختار
خليفه للقياده او للحكومه صار
يكون أنسب عله حكمه ولا يحتار
هالأمر كل البشر كلها تأيده
للحكم لازم خليفه واليسنده
يقوه الحكم عالعدوان
بالحق وضح كل برهان
قاطعه واللي عرفها ما تِضِلّه
.............
حديث المصطفه الهادي ابوحي ربّه
ولا عن كل هوه نفسه ولا گلبه
إلهي للنبي اوحه او سلك دربه
وصيّه من بعد موته ولا ايخيبه
حامي لإسلامه او ينصره بإستقامه
حيدره هو المناسب للإمـامه
تقوه او عداله او إيمان
بالحق وضح كل برهان
قاطعه واللي عرفها ما تِضِلّه
.............
أحاديث الولايه الحيدره كِثره
تبيّن كل مقامه او منزله او قدره
يمسلم والي حيدر بالحرب نصره
وتِبعه ابكل قضيّه او نفّذ لأمره
من كلام المصطفه خير البريه
عالبشر بيّن فضل حامي الحميّه
عالي الفضل عالاكوان
بالحق وضح كل برهان
قاطعه واللي عرفها ما تِضِلّه
.............
يوصّي امته الهادي عله حيدر
خليفه من بعد موته تره يگدر
يناصر للعقيدة الصادقه او اكثر
يبعد كل خطر من كل رجال الشر
هالوصيّه كل شخص حين السمعها
أيّدت هاي القضيّه وبوضعها
واضح عليها التبيان
بالحق وضح كل برهان
قاطعه واللي عرفها ما تِضِلّه
.............
لچن حين انچتل أحمد نبينه ابسم
تغيّر كل وضع أمته او ظلمها عم
كلام المصطفه كل أمره متحطّم
خليفه للنبي مو حيدره الأعلم
نصبوا مو حيدره هو الخليفه
خالفوا أمر النبي اهل السقيفه
ضد النبي والفرقان
بالحق وضح كل برهان
قاطعه واللي عرفها ما تِضِلّه
.............
تمت و الحمد لله تعالى
مهيمن يوسف الموسوي
١٧ شهر رمضان المبارك ١٤٤٢هـ
٢٠٢١/٤/٣٠م الجمعة ٢:٤٨م بغداد
بحق الإمام محمد الجواد "عليه السلام"
مهيمن يوسف الموسوي ١٤٤٢هـ ٢٠٢١م
يشيعه يا موالين همومي النصرة الدين
حياتي و بيها بس مأساة
فلا طعت الظلم هيهات
همومي النصرة الدين
............
زماني و العِده كِثره يضدوني
أنه إبن النبي و حيدر يعرفوني
ظلمهم و الحقد منهم يأذّوني
لچن عن منهجي لا ما يمنعوني
يضهدوني العِده أهواي بقيت او ثابت الراي
حياتي و بيها بس مأساة
فلا طعت الظلم هيهات
همومي النصرة الدين
............
جواد العتره آنه من نسل لأطهـار
سنيني يا موالي بس أذه و أخطار
توكلت اعله ربي الخالق الجبار
أگول الحگ رغم كل العِده الأشرار
رغم قِلّة سنيني نصرته هو ديني
حياتي و بيها بس مأساة
فلا طعت الظلم هيهات
همومي النصرة الدين
............
حياتي يا مُحب چانت كِثر ضِدّي
لچن آنه الصبر هو تره عندي
قدوتي المصطفى و آله و علي جدّي
أظل ثابت لَحَد أصبح أنه ابلحدي
أذكروني يشيعه مصابي أكبر فجيعه
حياتي و بيها بس مأساة
فلا طعت الظلم هيهات
همومي النصرة الدين
............
يضدني المعتصم منه فلا سالم
جعل حكمه على الشيعه وسف ظالم
واشد هو عليه ابكل حقد ناقم
ظلم و الجور هو اعله البشر حاكم
يعادي الجعفريّه فقط منه اذيّه
حياتي و بيها بس مأساة
فلا طعت الظلم هيهات
همومي النصرة الدين
............
أنه عمري يشيعه امن البشر مظلوم
يظلموني العِده وگلبي صُبح مالوم
أنه شاب و متت بالسم چتل مسموم
لچن ما أعترض هذا الأمر محتوم
يغدروني إبحقدهم فلا ينعد ظلمهم
حياتي و بيها بس مأساة
فلا طعت الظلم هيهات
همومي النصرة الدين
............
إذا تذكر مماتي ابنوح و بحسره
اذا يهمل دمع من عينك ابعبره
دمعكم ما اعدّه ابفضله و بقدره
ثوابه و الفضل عالي تره أجره
تذكرون الجرالي على طول الليالي
حياتي و بيها بس مأساة
فلا طعت الظلم هيهات
همومي النصرة الدين
............
أجازي بالحشر واشفع أنه الكم
تذكروني الجواد و هذا كل همكم
تنصبوله العزه حتى على دمكم
جنان الباري هذا يا بشر حقكم
لأن تحيوا مصابي متت وبعز شبابي
حياتي و بيها بس مأساة
فلا طعت الظلم هيهات
همومي النصرة الدين
............
تمت و الحمد لله تعالى
مهيمن يوسف الموسوي
٢٦ شهر ذو القعدة ١٤٤٢هـ
٢٠٢١/٧/٧م الأربعاء ١١:١٤ص بغداد
لطم بحق الإمام علي الرضا "عليه السلام"
مهيمن يوسف الموسوي ١٤٤٢هـ ٢٠٢١م
لإمامي المنتظر كلنه نعزيه ابحزن احنه
للرضا ثامن إمام حالته صعبه الكلام
شاف المصايب شاف المصايب
..............
إمامي المنتظر صعبه نِعد حِزنه
على اجداده القهر ما يبتعد عَنّه
ذكر قتل الرضا جده بألم ينعه
مصابه و مقتله حتماً أشد محنّه
عجيبه هالگلب يصبر
على جده الرضا يگدر
للرضا ثامن إمام حالته صعبه الكلام
شاف المصايب شاف المصايب
..............
ذِكر حين الرضا و كل الزمن غدره
ينصرونه البشر قِلّه على نصره
يظلمونه العده وهالگد كِثر صبره
لچن لا ما سكت عن نصرة العتره
إمامي المنتظر غايب
لچن عنده الگلب ذايب
للرضا ثامن إمام حالته صعبه الكلام
شاف المصايب شاف المصايب
..............
تأذّه و نضهد هو ابظلم حاكم
جميع اللي حكم وسفه إله ظالم
يعادونه رغم هو ابن فاطم
امام اعله البريه من نسل هاشم
تغرب من وطن جده
كثر من البشر ضده
للرضا ثامن إمام حالته صعبه الكلام
شاف المصايب شاف المصايب
..............
صِدِر وسفه بيان الحاكم المأمون
على كل المَله منشور هو يكون
يهجره للرضا و ظلمه نفس هارون
حِزن مهدينه هو إبكل كثر هالكون
دليله امن القهر مجروح
لجل جده حزين اينوح
للرضا ثامن إمام حالته صعبه الكلام
شاف المصايب شاف المصايب
..............
تِعذّب و بحياته مثله ما صاير
يضهدونه إبحقد كل العِده الجائر
لچن هو تِحدّاهم بقه صابر
على كل الظلم منهم تره الصادر
يعادونه العِده كلهم
ابد هذا فلا حقهم
للرضا ثامن إمام حالته صعبه الكلام
شاف المصايب شاف المصايب
..............
نَهج جدّه النبي و حيدر بطل صفين
تِحدّه كل شخص ضَدّه نفس لحسين
إمام و واجب اعليه النصر للدين
لجل ربنه الجليل و خالق الكونين
بإمامي الغايب الموعود
ألم عنده فلا محدود
للرضا ثامن إمام حالته صعبه الكلام
شاف المصايب شاف المصايب
..............
قَتل جدّه الرضا سَوّه الگلب لچمات
فلا ينسه إمامي المنتظر مِن مات
إذا يذكر مصابه بس يجر ونّات
دليله چم مصاب الحامل و حسرات
لجل قتله همل دمعه
صعب أصبح تره وضعه
للرضا ثامن إمام حالته صعبه الكلام
شاف المصايب شاف المصايب
..............
@mys_313
تمت و الحمد لله تعالى
مهيمن يوسف الموسوي
٢٤ شهر ذو القعدة ١٤٤٢هـ
٢٠٢١/٧/٥م الاثنين ٦:٥١م بغداد
#للتذكير
٢٣ شهر ذو القعدة ذكرى استشهاد الإمام علي بن موسى الرضا "عليه السلام" على إحدى الروايات التي تُبين إن استشهاده "عليه السلام" ٢٣ شهر ذو القعدة ٢٠٣هـ على يد المأمون .
٢٣ شهر ذو القعدة يوم أمس الاثنين
٢٠٢١/٧/٤م
خادمكم
مهيمن يوسف الموسوي | بغداد
هوسات لولادة الإمام الكاظم "عليه السلام"
ولادته ١٧ ذو القعدة ١٢٨هـ
مهيمن يوسف الموسوي ١٤٤٢هـ ٢٠٢١م
بأهل بيت النبوه سابع الأنوار
على الدنيه إنولد و الخير هو صار
يِكمّل منهج الصادق إبن لأطهـار
اوصافه الكاظم معروفه
......
تِلقّب سيدي الكاظم ابو الطلبات
نقدمله ابفرح كلنه تره الحاجات
فلا هو يخيبنه ابد هيهات
والحاجه حتماً يگضيها
......
سعاده او خير هو سيدي الكاظم
إجه الهالدنيه هايه بالعلم عالم
علم من الصمد وبكل فعل عازم
يشبه اجداده بفعاله
......
نبارك سيدي الصادق على المولود
نهنيه ابعشگ عدنه الفرح موجود
فرحنه ابمولد الكاظـم فلا محدود
يِستاهل فرحتنه الكاظم
......
اذا تحي الولاده كل فقر متشوف
يوفقك سيدي الكاظم تره معروف
كريم ابهالصفه بيها صُبح موصوف
ينطيك ابجاها عد ربّه
......
يشيعي يا محب قدّم تهاني اليوم
لامامي المنتظر عَنّه نبعد اهموم
فلا يصبح دليله منقهر مالوم
حِين انباركله بالمولد
......
تمت و الحمد لله تعالى
مهيمن يوسف الموسوي
١٦ شهر ذو القعدة ١٤٤٢هـ
٢٠٢١/٦/٢٧م الأحد ٢:٠١م بغداد
موشح بحق السيد الشهيد محمد محمد صادق "قدس الله سره"
مهيمن يوسف الموسوي ١٤٤٢هـ ٢٠٢١م
يا مُحمّد صادق او كل نهظتك
عالظلم وبكل شجاعه ثورتك
...........
سيدي ابوكتك قبل أصعب زمان
بس ظلم والجور عنده او لا أمان
والغدر موجود هو ابكل مكان
والخطأ إنته تمنعه عادِتك
........... ١
كل عدوك سيدي ابذاك الزمن
حاربك وبكل وسيله وبفتن
والسبب صوت الديانه منعلن
والحكومه يا حسافه عادَتك
........... ٢
واجهت انته ابعزم كل اللئام
من أجل كل البشر تبقه ابسلام
عايشه ابكل معرفه لا مو ظلام
والنبي او آله يسيّد قدوتك
........... ٣
سيد محمد تظل طول الحياة
مفخرة آل الصدر بيك النجاة
طلّعت كل البشر مِن السباة
والفكر عدها صحه ابكل خطبتك
........... ٤
كل موالي ابنهضتك بيك اهتده
بالصلاة الجمعه ارعبت العده
كل محبّينك يسيد سانده
للمبادئ و القيم والجمعتك
........... ٥
شاهده الكوفه تظل طول الدهر
من تصلّي الجمعه بيها بالخطر
كل عدوّك ما يتركك مستقر
لاچن إتصر عالصلاة او دعوتك
........... ٦
يالخذت من حيدره الوالي الاميـر
للبشر إنته تساعد و الفقيـر
ما صُبح قبلك فلا هسّه نظيـر
والبشر كلها تره ما شبهتك
........... ٧
أعظم إنجازك يسيد يا أصيل
مُحي للجمعة فلا إنته تميـل
من أجل ظلم البشر لازم يزيل
ما يمعنك كل عده لو أذّتك
........... ٨
سيدي كل ثورتك ضد الظلُم
تنشر الاسلام كِلّه بالامم
ما يمعنك كل شخص عنده لئُم
والعِده أهل النذاله قتلتك
........... ٩
قاتلك ظالم خسيس إشما حچيت
للصمد ربك إله الغالي نطيت
مصطفه او سيد مؤمل من فديت
مِن أجل نصر الديانه او صولتك
........... ١٠
سيدي كل منهجك باقي او يظل
عن تعاليمه عهد لا ما نِزل
ما نعوفه او ما نهمله للأجل
زاكيه تبقه يسيّد سمعتك
........... ١١
سيد القائد صبح نفسك تره
عانه ما عانه ابحياتك و الجره
رادوا الانذال وسفه تِغدره
عادته الاشرار يشبه لوعتك
........... ١٢
سيدي حين المتت انته شهيد
مقتدى ابنك يحارب چم يزيد
ظالمين اهواي رايدهم تبيد
مِن صفاتك عِنده حتى هيبتك
........... ١٣
حارب ابنك مقتدى كل ظالمين
متبع نهجك نهج جده الحُسين
للنصر ويّاه كِثره الناصرين
عالي صوت الحق نفس كل حالتك
........... ١٤
ينتهي فكرك صعب هو يزول
ما يمنعه كل عده حين الينول
بالقيـم حتى المبادئ و الأصول
ثابته هي او تظل كل قصتك
........... ١٥
تمت و الحمد لله تعالى
مهيمن يوسف الموسوي
٤ ذو القعدة ١٤٤٢هـ
٢٠٢١/٦/١٥م الثلاثاء ١١:٢٧ص بغداد
بحق الإمام جعفر الصادق "عليه السلام"
أستشهاده ٢٥ شهر شوال ١٤٨هـ
مهيمن يوسف الموسوي ١٤٤٢هـ ٢٠٢١م
إمامي جعفر الصادق عله دينه صُبح ناطق
رغم الخطر و الآلام
مِنّ العده و الظلام
صادق العتره صادق العتره
.....................
إمـامـي صـادق العتره حياته بس ألم و هموم
اُميّه الحاكمه منها لأذيّه و الظُلم كل يوم
حقدهم عالنبي او آله حسافه امن العده مظلوم
تحوطه بالخطر وسفه او دِليله امن القهر مهموم
تأذه امن العده الظالم لأشد هو تره الحاكم
كل العمر و الأيّام
من العده و الظلام
صادق العتره صادق العتره
.....................
حياته وبوطن جدّه الرسول المصطفه المختار
زمانه بس خطر صاير صُبح ضدّه حقد لأشرار
أُمّيه بالحكم حتماً حقدهم والإمـامي صار
سياستهم أذه بيها عله الصادق إبن لأطهار
يضهدونه او يعادونه رغم هُمّه يعرفونه
جَدّه النبي و الضرغام
من العده و الظلام
صادق العتره صادق العتره
.....................
بلايا والمِحن صارت تأذّي كل موالي دوم
ضمنهم سيّدي الصادق إمامي او والي كل الگوم
توكّل عالصمد ربّه إله الناس و القيّوم
صحيح امن العِده گلبه انجرح واصبح تره مالوم
لجل دين النبي جدّه صُبر من كل شخص ضدّه
اهل الحقد و الحكّام
من العده و الظلام
صادق العتره صادق العتره
.....................
شِهد مِن الحُكم أصبح يحكمونه بني العباس
عِداهم و الحقد مِنهم هذوله أهل الغَدر لأرجــاس
لإمامي جعفر الصادق بغضهم ما إله مقياس
يأذّونه او موالينه او مُحبينه او جميع الناس
اشد من المضوا هُمّه وإمامي إزداد كل هَمّه
يصبر عليهم چم عام
من العده و الظلام
صادق العتره صادق العتره
.....................
تِبع نهج النبي الهادي او نشر دينه او نصر فِكره
يدرس سيدي الصادق علوم الواسعه او كِثره
تقوّه مذهبه او اصبح شمخ واتعله كل قدره
موالينه او محبينه يإيدونه عله نصره
نصر دينه او بقه ثابت بقه وبكل گلب نابت
جرح الأذه ما يلتام
من العده و الظلام
صادق العتره صادق العتره
.....................
تهجّر سيدي الصادق وسف مِنّ العِده الغادر
سبب هو نشر دينه عله كل المَله ناشر
لأن علم النبي يدرسه او يأيد كل فكر صادر
عدوّه ابفعلته هاذي غِضب ربّ السمه القادر
ظلمهم و الحقد كلهم صفات اهل الكفر عدهم
عدهم كِره وسفه دام
مِن العده و الظلام
صادق العتره صادق العتره
.....................
إمامي جعفر الصادق حفيد المرتضه حِيدر
عدوه ابكل حقد وسفه يچتله وبغدر يغدر
فلا عُجبه إذا أصلّه جميع اجداده اهل الشر
ظلمهم ما اله كل حد على كل الچتل تگدر
غضب رب السمه ابفعله عجيبه سيدي جتله
مات ابعنب هو سام
مِن العده و الظلام
صادق العتره صادق العتره
.....................
@mys_313
تمت و الحمد لله تعالى
مهيمن يوسف الموسوي
٢١ شهر شوال ١٤٤٢هـ
٢٠٢١/٦/٣م الخميس ٢:٤٧م بغداد
#للتذكير
ذكرى أستشهاد الإمام جعفر بن محمد الصادق "عليه السلام" ٢٥ شهر شوال ١٤٨هـ
المصادف ذكراه بتأريخ ٢٠٢١/٦/٧م
٢٥ شهر شوال ١٤٤٢هـ يوم الاثنين
لطم لهدم قبور البقيع
مهيمن يوسف الموسوي ١٤٤٣هـ ٢٠٢١م
ندعي الجلاله الواسع كماله
لجل النصر عالأرهاب
نبني قبور الاطياب
نبعث رساله الواسع كماله
...............
ندعي الصمد رب الخلق و الاكوان
وبمنزلة آل النبي عالإنسـان
يقضي حوائجنه بالنصر عالعدوان
حِين البقيع التنبني الباطل فان
تصبح مراقد إلها نوافد
نحي الشعائر للدوم
ضد كل شرار الگوم
نبعث رساله الواسع كماله
...............
يمته نصرنه عالعده او كل الشر
بين الخلايق تعله راية حيدر
بيها المبادئ و الشريعه او اكثر
بأرض البقيع الطاهره او من نحضر
بيها نصرنه ننشر فكرنه
كل العقيده و الدين
تبقه العقايد كل حين
نبعث رساله الواسع كماله
...............
عجّل إلهي بالنصر عالأشـرار
كلنا نزيل الظالمه و الأخطار
تبقه فقط شيعة إمـامـي الكرار
بأرض البقيع البيها كل الأطهـار
ماكو الاعادي ونظل ننادي
كلنا فدينه الأرواح
ضد كل عدونه السفاح
نبعث رساله الواسع كماله
...............
مجلس عزه لأم البنين ابونّات
احنه ننصبه بالحزن و الحسرات
كلنا نواسيها ابقهر و بدمعات
دمعي يهل منّي ابكدر و بعبرات
نذكر قهرها او غدرة دهرها
بأرض البقيع يحضرون
شيعة علي هيّ اتكون
نبعث رساله الواسع كماله
...............
نذكر إمامي المجتبه ابن الزهره
حين التسمم بالچبد و بغدره
من العده وسفه نكر كل قدره
لجل الحسن مجلس ننصبه ابعبره
قتله ابخيانه وبلا امانه
خانوا وليهم يا حيف
سم القتل صار ابسيف
نبعث رساله الواسع كماله
...............
مجلس نقيمه و القهر أذّه الروح
عن كل علي السجّاد بس حِزْن او نوح
قصة حياته چم مصيبه واجروح
شاهد ابوه احسين مرمي مذبوح
شاف المصايب وأصعب نوايب
بأرض البقيع او متهيد
تِذكر حياته ابتجديد
نبعث رساله الواسع كماله
...............
واصعب واشد هو إمامي الباقر
اربع سنين ابكربله من حاضر
شاف السبط جده انذبح من كافر
راح ابسبي من العده ويصابر
نحي مصابه عن كل عذابه
بأرض الطفوف او من صار
شاف الضحايه الاحرار
نبعث رساله الواسع كماله
...............
لو جعفر الصادق تحده الظالم
هو ولا خاضع ابد للحاكم
من آل مروان البني كل هاشم
بس الظلامه بالاذيّه ناقم
جور او ظلامه ضد الإمامه
قصة حياته مظلوم
گلبه ابسببهم مالوم
نبعث رساله الواسع كماله
...............
@mys_313
تمت و الحمد لله تعالى
مهيمن يوسف الموسوي
٤ شهر شوال ١٤٤٢هـ
٢٠٢١/٥/١٧م الاثنين ١٢:٣٤ص بغداد
لطم بحق أمير المؤمنين "عليه السلام"
مهيمن يوسف الموسوي ١٤٤٢هـ ٢٠٢١م
ميمر نجفي
طور : رحنه بضيعنه هاليوم اجينه
الرادود وطن النجفي
كل اليتامه يابو الإمامه
صاير گلبها مهموم
ريتك تجيها هاليوم
تبچي ابملامه يابو الإمامه
............
يا حيدره كل اليتامه بيها
بعدك حزينه والفقر ماذيها
چانت عزيزه يا علي اتحاميها
عطفك عليها والمحنّه ليها
بعدك غريبه إبجرح المصيبه
صاير عمرها إبآلام
صعبه عليها الأيّام
لا مو سلامه يابو الإمامه
............
فضلك عليها يا علي ما تِنساه
چانت تِعيش إبكل كرامه واللّه
ظلّت بعد موتك حزينه ويلاه
محّد يساعدها الفقرها وسفاه
يسچب دمعها هذا وضعها
تصبر عله الأخطار
عدها الفِكر مِحتار
يا بو الشهامه يابو الإمامه
............
يا بالحسن چانت تِعيش الفقره
او كِلمن يتيم إيعيش عالي قدره
إنته حِماها امن الخطر و الغدره
گلبك عليها يحتمل كل صبره
منهج مُحمّد عندك تأيّد
نفس النهج للدوم
تنصر شكو مظلوم
تبقه ابكرامه يابو الإمامه
............
ولدك يحيدر من متت بيها الصار
تبچي الفراگك والگلب يسعر نار
چتلك يأذّي كل شخص يا كرار
وسفه ابغدر راسك تطبره الأشرار
حامي الحميّه أعظم رزيّه
ساجد عله المحراب
راسك عدوّك صاب
وابلا ندامه يابو الإمامه
............
ولدك يتامه من متت يا حيدر
نفس البقيّه او من متت ما تِگدر
كل غيبتك صعبه او گلبها اتفطّر
إنته سندها يا علي من كل شر
إنته شرفها هيبه او فخرها
لجلك حزينه أهواي
إلهم چنت حمّاي
غيره او نشامه يابو الإمامه
............
زينب تنوح الفرگتك مهمومه
ظلت يتيمه امن الدهر مظلومه
يا حيدره موتك تعجّل يومه
كلها بناتك من رحت مالومه
زينب تنادي وسفه الاعادي
غادر عدونه ابسيف
بعدت ابويه حيف
و ابكل حسامه يابو الإمامه
............
حين الغبت عن الأهل والأنظار
حزنت عيالك كل دمعها مدرار
حزن الگلب لو من صفت وحشه الدار
ظلمه صفت وانته الضوه و الانوار
ظلمه او كئيبه محنه رهيبه
يا حيدره الصنديد
حزن المصيبه ميهيد
عالي مقامه يابو الإمامه
............
@mys_313
تمت و الحمد لله تعالى
مهيمن يوسف الموسوي
٢٤ شهر رمضان المبارك ١٤٤٢هـ
٢٠٢١/٥/٧م الجمعة ١٠:١٣م بغداد
نزلة ولائية بحق الإمام علي "عليه السلام"
مهيمن يوسف الموسوي ١٤٤٢هـ ٢٠٢١م
ابقه موالي دوم ميهمني كل اللوم
...........
حيدره لجله فقط يصبح ولائي
عالي صوتي ابهالأمر يبقه ندائي
ما أعوفه للإبد وأصبح فدائي
أفدي عُمري الخدمته هذا رجائي
من الطفوله اوياه يشهد علي اللّه
...........
ما يهمني كل شخص يرفض كلامي
حيدره يبقه الوصي او هو إمامي
كل تحياتي إله وبعث سلامي
بس علي حامي الحمه ابگلبي هيامي
گلبي عشگ حيدر بس المُحب يگدر
...........
نتّبع منهج مُحمّد بالوصيّه
حِين گال المصطفه ابحامي الحميّه
حيدره هو الوصي واعله البريه
و الخليفه لو متت يصبح إليّه
نفذوا وصيتي هاي إلكم صبح رجواي
...........
هالعقيده الصادقه بيها نجاتي
بالگلب ثبتت تره وبكل حياتي
عالعهد باقي او اظل دائم ثباتي
للنبي او آله مُحب والحد مماتي
للمصطفه المختار والعترته الأطهار
...........
كل موالي المرتضه ابيوم القيامه
من شفاعة حيدره يِعله مقامه
يسكن ابجنّه زهيّه وبكرامه
وبجوار المصطفه او حِيدر إمامه
بين النبي او آله يا محله كل حاله
...........
منهج العتره إتبعه امن البدايه
من زغر سني چنت عندي الهدايه
ابكتاب الله الجليل او بالولايه
باقي وابهذا العهد حِدّ النهايه
عهدي ثبت بالروح ثابت ابد ميروح
...........
ما يهمنه كل خطوره لو تجينه
من عدو حيدر علي واحمد نبينه
حاربونه بالظلم كلهم علينه
والموالي صامد او فادي سنينه
شفنه الظلامه اهواي لاچن ثبتنه الراي
...........
كل محب عانه ابحياته امن الظلامه
من عدوه ما صبح هو ابسلامه
حاربه ابحقده حسافه بإنتقامه
والموالي اشما حدث ثابت كلامه
من كل خطر لأشرار صامد عليهم صار
...........
كل ظلم حاكم أبد لا ما يردنه
عن عقيدتنه ولا بيها منعنه
لو زيارة كربله او كلّه دربنه
ثابته ابگلب المحب صعبه يصدنه
قوه و عزم و صرار وإشما تجي لأخطار
...........
كل موالي الحيدره او احمد نبيّه
مضطهد من ظالمه جور او أذيّه
من زمن عهد النبي او حيدر وصيّه
هالظلامه للمحب حدّ المنيّه
كل العده غادر مِنّه الأذه صادر
...........
تمت و الحمد لله تعالى
مهيمن يوسف الموسوي
٢١ شهر رمضان المبارك ١٤٤٢هـ
٢٠٢١/٥/٤م الثلاثاء ٩:٠٥م بغداد
تجليبة للامام علي "عليه السلام"
مهيمن يوسف الموسوي ١٤٤٢هـ ٢٠٢١م
ندب صوت الحزن بين الأرض كبّر
ملك جبريل صايح منچتل حيدر
............
علي حِين اليصلي للصمد عابد
تصوّب من عدوه الغادر او حاقد
إجه الحيدر يسل سيفه او إله گاصد
عله الهامه يضربه يا وسف يغدر
............
تصوب حيدره ابسيف الغدر ويلاه
طَبرته ابهامته خَلّت تسيل ادماه
ابن ملجم يخون المرتضه وسفاه
طبر راسه بحقد گلبه او جميع الشر
............
يصيح ابصوته جبريل او ينادي صار
تِهدّم من رِكن دين الصمد وإنهار
علي من العده انصاب ابغدر لإشرار
وصي الهادي إنچتل فارس حرب خيبر
............
ملائكة السمه كلها درت بأمره
علي اتصوّب غدر وبمسجده الغدره
بعد سجده انطبر وبهامته الطبره
يصيبه ابسيفه ولفضله وسف ينكر
............
موالينه علي حين الدروا مطبور
عدوّه الحاقده اتغدره ابسيوف الجور
حزنهم عالوجه صاير صُبح منشور
إبن ملجم ضرب حيدر عجب يگدر
............
ملائكة السمه صارت حزينه اليوم
سماوات السبع بيها الخلق مهموم
عله طبرة علي من العده مظلوم
مصاب المرتضه ابكل الخلق حيّر
............
ملائكة التسبح للخالق الأكوان
تغير كل وضعها منتشر لأحزان
حزنها اعله علي صاير تره عنوان
صعب وصفه حزنها للصخر كسّر
............
حِزَن كل الموالي الحيدره الكرار
وصي الهادي مصابه ابكل دِليله نار
أشد كل المصايب والوصف محتار
لهيبه هالحزن چنه جمر يسعر
............
يظل مقتل علي ابكل الزمن تنعاه
محبينه مجالسهم تظل واللّه
صعب تترك مصاب المرتضه و تنساه
تجدد كل سنه مأتم وإله تحضر
............
وصف حِزن الموالي من رحل مولاه
ولو يبقه العمر يحزن فلا جازاه
أبو اليمه علي قدم لجل ربّاه
نصر دينه عله كل العده و أكثر
............
@mys_313
تمت و الحمد لله تعالى
مهيمن يوسف الموسوي
١٩ شهر رمضان المبارك ١٤٤٢هـ
٢٠٢١/٥/٢م الأحد ١:٥٠ص بغداد