-
قصائد حسينية لخادم العترة مهيمن يوسف الموسوي معرف الخاص .. mys_2019@
وزن الفائزي| بحق فاطمة الزهراء عليها السلام
لحن / للطف وصلنا ، باسم الكربلائي
مهيمن يوسف الموسوي
يالهادي بعدك مختلفه امتك
بيّن حقدها و الكره ظلموها بنتك
..........
يالهادي تدري شنهو اللي يسري
لمّن متت يالمصطفى كلشي تغيّر
كلّ التودهم بيّن حقدهم
ضد الزجيّه بضعتك حقده تظهّر
تغيّر طبعهم يلّي تحبهم
كلها تعادي ام الحسن منهم اذه و شر
جاروا عليها صارت تجيها
بس الاذيه و الكلب عجبه تصبّر
أهل الضلاله ضد العداله
و الفاطمه كلها تضد ظلموها بنتك
.........
ظلت تنادي تدري يهادي
يلّي توصّي امّتك بالزهره آني
هيجي جزاتي انهوا حياتي
كل العده اعليه بحقد لمن اجاني
الداري اجوني ما قدّروني
حركوا على بابي الحطب من اعتناني
صعبه عليه آنه الزجيه
عادوني بويه هالبشر ضدي زماني
شافت مصايب بنت الاطايب
من البشر بس الغدر ظلموها بنتك
.........
ما حسّبتهم هيجي فعلهم
بداره عليَّ المرتضى كلها تگصده
بحقد و ظلامه الراعي الامامه
من كل قبيله اتجمعت صارت تضده
بيّه يأذوه كل اليعادوه
لمّن يأذّيني العده يظهرلي حقده
كل الاذيه صارت عليه
يدفع علي باب او فلا أكدر أصده
كسرولي ضلعي و ظل يجري دمعي
وضعي صعب يالمصطفى ظلموها بنتك
.........
تدري اشجرالي بعدك يغالي
مسمار نابت بالصدر ضلعي تهشّم
لمن تكسّر وضعي تغيّر
روحي تأذّت يالنبي و جسمي تألّم
طايح جنيني ومألّميني
اول شخص مات بغدر من جور مظلم
ميت ضحيه امن اهل الرديّه
من الاعادي منجتل بالدم تخذّم
اذّوها فاطم ذوله الظوالم
يالهادي بعدك جم نذل ظلموها بنتك
.........
قهر و حزنها وشدة محنها
شافت مصايب من متت وبكل عمرها
موتك فجعها وغيّر وضعها
ظلت تون و لفرگتك خلّص صبرها
دمع التسيله بونّه ثچيله
لمن متت صعب الگلب يحمل قهرها
فراگك جعلها رايح فرحها
لاخر عمرها بس بجي بهذا امرها
متأذيه هيه بهاي الرزيه
بكسرة ضلعها و غيبتك ظلموها بنتك
.........
عدها بضعتك صعبه فرگتك
يالمصطفى بنتك لَحَد ساعة أجلها
باخر عمرها شوفك يسرها
ماكو وسيله الشوفتك و رايح املها
ونّها و بچيها ظل باقي بيها
فراگ الأبو اصعب و اشد من كل عللها
هذا الاجاها من كل عداها
كل غيبتك بيها القهر شدة ألمها
بحزن و نوايب مدمعها ساچب
بس الحقد من البشر ظلموها بنتك
........
احمد نبينه تدري بعلينه
تعرف وضع فارس بدر شنهو الجراله
بموت الزجيّه حامي الحميه
وبگلبه ظل بس الحزن و الهَم بقاله
سالت دمعته وبكل حسرته
من فاطمه ماتت بقى قهره الصفاله
بالمحنه هايه واعظم جنايه
ظل حيدره صابر على فعل الضلاله
الزهره بزغرها حطها بگبرها
وبلا ذنب بنتك تره ظلموها بنتك
.......
مهيمن يوسف الموسوي
/channel/mys_313
وزن التجليبة| نعي بحق فاطمة الزهراء عليها السلام
مهيمن يوسف الموسوي
لحن : چن شاهدت حيدر بالطفوف اليوم ، باسم الكربلائي
يحيدر و شعظم صبرك على الزهره
شفتها بس تلوع امن الألم كثره
ضلعها مِنكسر مِنّ العده و غدره
كلما تتنفس متألّمه
وگلبك زايد حِزنه وهمّه
****
گلبك يا علي بهاي المصيبه الصار
على امصاب الزجيّه لو غدر الأشرار
أذّوا فاطمه بنت النبي المختار
يا وسفه الزهره مظلومه
صارت مقهوره و مهمومه
****
تشوف ام الحسن منها الضلع مكسور
فلا تكدر تجبره و الأمر مگدور
تكسّر و بكثر من كل رجال الجور
منّك تجري ابعَبره الدمعه
مقهور اعله الزهره البضعه
****
تنظر للحسن و حسين بسّ إتنوح
و أم كلثوم وهم زينب گلبها إجروح
على أمهم مناحه بالگلب و الروح
شنهو البيك بهاي الحاله
من ولدك دمعه همّاله
****
تشوف الطاهره زينب صفت بهموم
على أمها الدمع منها كِثر هاليوم
تبچي عالزجيّه وكل دمعها ادموم
حزنانه اعله امها و بس تنحب
حال الزهره أذّه زينب
****
يحيدر شاهدت هاي الرزيّه شلون
فلا صارت نفسها بالأرض و الكون
بنت خير الرسل ضدها العِده المعلون
أذاها و عاداها الظالم
بأصعب حاله صارت فاطم
مهيمن يوسف الموسوي
/channel/mys_313
وزن الموشح | بحق فاطمة الزهراء " عليها السلام"
مهيمن يوسف الموسوي
لحن: جينه ننشد كربله مضيعينها ، حمزة الزغير
لحن نزلة : جينه ننشد كربله مضيعينها ، باسم الكربلائي
فاطمه بنت النبي ظلموها
كل اعاديها بحقد أذّوها
****
خانت الناس الرسول المصطفه
بالنذاله و الغِدر متوصّفه
عن تعاليمه وسف صاير جِفه
والشريعه المسلمه عافوها
****
خانت المختار وسفه امن البشر
واغضبوا ربنه الجليل المقتدر
مو خيانه للنبي هيّ كثر
بالزجيّه بضعته عادوها
****
لو ردت احصي الجِره حاير شگول
يا عجب هالگد صبر گلب البتول
من عدوها اللي كِثر منها ينول
بت محمّد بالأذه جازوها
****
اول امصيبه على خير النساء
موت والدها النبي مِنّ العِداء
منقتل بالسم وسف هذا الجزاء
وفاطمه بهذا الحدث فجعوها
****
من توفه المصطفه تبچي و تون
ساعد الله الطاهره ام الحسن
هالمصيبه بالگلب أعظم حزن
وبرحيله هالعِده قهروها
****
فاطمه عدها الگلب صاير جريح
ما هِده ونها و بچيها و النويح
كل وكت بضعة محمّد بس تصيح
من متت روحي تره عذبوها
****
حگها روحي مِن متت تبقى بعذاب
بويه موتك بالدهر أعظم مُصاب
والخلايق بالحِزن بعدك تُصاب
هالفجيعه بالقهر ينعوها
****
فاطمه حين التنوح اعله النبي
يا وسف مِنّه منعها الناصبي
هالعِده و الفاطمه أحقاد بي
من بچيها اعله الأبو منعوها
****
ما إله حق هالعِده بهذا المنع
لو صدگ مسلم تره و هو ورع
كون يتبع بس نبيّه و يقتنع
للديانه المسلمه اينصروها
****
نوب عن حقها خذوه بكل غصب
واضحه بيهم خيانه بهالدرب
عالنبي و دينه تتركه و تنگلب
كل وصيته الفاطمه تركوها
****
عن فدك هاي الأرض عندي أمر
هاي هاديها النبي البنته الطُهر
وبأمر رب الخلايق و البشر
ومن بعد موت النبي غصبوها
****
و الأشد وأصعب عليها فاطمه
من عدوها بالأذه متحزّمه
وبحقد للدار وسفه هاجمه
و بفعلهم هالعِده رعبوها
****
شعلوا النار اعله باب الطاهره
تلتهب كلها وسف متوجّره
هالبشر للمختار صارت غادره
فاطمه الزهره فلا راعوها
****
راحوا اعله الباب دفعوه ابحقد
و الزچيّه تلوذ بيه و تستند
رادت الزهره دفعهم بس تصد
لاچن الأنذال ما رحموها
****
فاطمه عدها أنكسر حيف الضلع
من أثر باب العليها مندفع
وأصبحت بنت النبي بأصعب وضع
صابره رغم العِده روعوها
****
منها ساگط محسن و فوگ الأرض
و السبب هالباب حيل إعليها رض
من عدوها اللي ابد ما يتعض
كل وصايا المصطفه خانوها
****
من أثر هذا الجره مِنّ العِده
ماتت الزهره ابغدر هالحاقده
كل مخافه من الجلاله فاقده
يا عجيبه الزهره من قتلوها
****
هالمصيبه وأحزنت رب السِمه
والوصي حيدر هِمل دمعه دِمه
للزجيّه منقهر حامي الحمه
و الموالين الدمع ذرفوها
****
فاطمه حين التوفت كل مُحب
فجعته و خَلّت دمع عينه يصب
و الحزن نار و لهيبه بالگلب
و المجالس بالقهر نصبوها
****
مستمر عدنه الألم و شگد ننوح
و الجرح ما يلتئم عدنه و يروح
مقتل الزهره ترك بينه جروح
شيعة الكرار ما ينسوها
مهيمن يوسف الموسوي
/channel/mys_313
ميمر بحق النبي محمد صلى الله عليه وآله وسلم
مهيمن يوسف الموسوي ١٤٤٣هـ ٢٠٢١م
حالك يحيدر و الصار حين الرحل هادينه
..........
لمّن توفه المصطفى متسمم
يَمّه بقيت إنته بحزن و بكل هم
وضعك تغير يا علي و قهرك عم
شفت الرسول المختار وسفه العده ماذينه
..........
روحك تأذت و حزنت يا بو حسين
بموت الرسول المصطفى اتهل العين
وياك الخلق كلها اله حزنانين
حتى الموالي ابهاليوم حزن و قهر تدرينه
..........
يَمّ النبي إنته البقيت و مهموم
محّد حضر حين التوفه امن الگوم
وسفه ابو الزهره الزجيه مظلوم
مِنّ البشر حيف انخان كلها بحقد ضادينه
..........
حين التغسل المصطفى شنهو البيك
موقف ابد لا مو سهل صعب اعليك
حزنك على فكده يحيدر ماذيك
حزنت عليه الأكوان مات انتهت اسنينه
..........
الله يعينك بالدفن يا مولاي
يالمرتضى حزنك كثر يالحمّاي
حزن المصيبه بالگلب صعبه هاي
تدفن حبيب الرحمن گلبك علي شيعينه
..........
چان السند وكت المصاعب ويّاك
و اشلون بعده يا علي وي اعداك
قله الينصرك بالحياة و يفداك
بعده تشوف الازمات يابو الحسن والينه
..........
من ارجعت بعد الدفن بس احزان
ميت نبي كل الأمه بإنس و جان
هذا الذي مُنزل عليه القرآن
اعظم مصيبه والله مات النبي و حامينه
..........
دين الصمد لجله حزين و مجروح
اصله و فروعه للنبي صار ينوح
كل مسلم بفگده جمر عنده الروح
يسعر لهيب الاحزان و من الصبر ملينه
..........
تمت و الحمد لله تعالى
مهيمن يوسف الموسوي
١ شهر ربيع الأول ١٤٤٣هـ
٢٠٢١/١٠/٨م الجمعة ٣:٥٤م بغداد
لرقية بنت الحسين عليها السلام
لحن غيرتك و الواك / باسم الكربلائي
باليسر و الشام شافت الآلام
ظلت رقيه تنوح مهمومه عدها الروح
......
يبو اليمه إذا تدري شنو الصاير
الك طفله صفت بين العده الجائر
سبوها أعله الهزل و الها البشر ناظر
رغم هذا گلبها عالأذه صابر
صاعده عالنوگ للنسه ميلوگ
صار الگلب مجروح مهمومه عدها الروح
...........
سبيه يالولي بنتك رقيه هاي
وسط أهل الغدر صارت بلا حمّاي
بضعن بيه العده هو إله حداي
بعد موت الكفيل أو انته يا مولاي
يا حسافه تكون وي عداها شلون
وي آل اميه تروح مهمومه عدها الروح
...........
رقيه يالولي يحسين مشتاگه
تحس موت الابو صعبه تره افراگه
كلبها و لهفته كثرانه اشواگه
عدها اُمنيه ويّاك تتلاكه
بس تريد تشوف والگلب ملهوف
منها الدمع مسفوح مهمومه عدها الروح
...........
بضعنهم يالولي بنتك سبوها اعداك
بخرابه كعّدوها هالعده جازاك
صعب صارت يبو اليمه بدون احماك
رقيه رادتك تدري تظل وياك
بس تون يحسين منها تهمل عين
يلي بظلم مذبوح مهمومه عدها الروح
...........
حزنها و القهر زاد برقيه حيل
ظل منها الدمع يحسين بس ايسيل
تون واعله غيابك كل نهار او ليل
فراكك بالكلب عدها صعب وثكيل
عالأبو الي مات بالكلب حسرات
عن الفكر ميروح مهمومه عدها الروح
...........
على راسك رقيه باجيه هاليوم
أجلها معتني الها الامر محتوم
فلا كدرت تشوفك منذبح مظلوم
وجبهتك يالولي تنزف كثر لدموم
ماتت اعلى الراس ونخمد لأنفاس
لا ظل جفن مشبوح مهمومه عدها الروح
تمت و الحمد لله
مهيمن يوسف الموسوي
٨ صفر ١٤٤٤مـ
٢٠٢٢/٩/٥م يوم الاثنين ٤:١٣م
الخدمة الحسينية
مهيمن يوسف الموسوي
حُسين شهيد كربلاء كربلاء
حُسين غريب كربلاء كربلاء
*١*
إمامي يا ابو اليمّه نواليك ابعشگ للدوم
تربّينه و ترعرعنه على امحبتك يسيد الگوم
حُسين و هالأسم يكفي نحبه وبرغم كل لوم
إمام و سيدي إنتَ فلا آنه نسيتك يوم
حُسين شهيد كربلاء كربلاء
حُسين غريب كربلاء كربلاء
*٢*
تجنن عابس ابحبك صُبح مضرب مثل إلنه
ينظرك هوَّ متفاخر يحسك عالارض جنّه
فداك بنفسه و بروحه نهج عنده و يعلمنه
محبته و تضحياته اتظل درس و لكل محب منه
حُسين شهيد كربلاء كربلاء
حُسين غريب كربلاء كربلاء
*٣*
إذا عابس نزع درعه فلا هَـمّـه الخطر لو جاي
لچن احنه أشد و اقوه فدينه الروح يا مولاي
فلا يردنه العِده عنّك يزورك كل محب عناي
رغم كل اليضدّونه يظل كل شيعي إلك وفاي
حُسين شهيد كربلاء كربلاء
حُسين غريب كربلاء كربلاء
*٤*
تظل تشهد يبو الأكبر مصاعب مرت اعـلينه
قبل مدة زمن چنه العده كلها تعادينه
يمنعونه نجي انزورك وسف كلها تاذينه
لچن لا ما تراجعنه رغم كل اليمر بينه
حُسين شهيد كربلاء كربلاء
حُسين غريب كربلاء كربلاء
*٥*
محبتك ساريه بدمنه صعب بينه تره تنزال
و موالينك تظل كلها على نهجك فعل و اقوال
فلا ظلم العِده ردنه ونضحي بالنفس والمال
على طول الزمن نبقه نخدمك جيل بعد اجيال
حُسين شهيد كربلاء كربلاء
حُسين غريب كربلاء كربلاء
*٦*
يبن طه النبي الهادي عهد يبقه فلا ننساك
نواليك بفخر احنه رغم ما عشنه احنه اوياك
قِوَه لإسلام و اتخلّد لَمَن إنته نطيت إدماك
عجب ننسه الفضل هذا و نأيّد كل جميع اعداك
حُسين شهيد كربلاء كربلاء
حُسين غريب كربلاء كربلاء
*٧*
نخدمك بالاعز عِدنه و نحس يا سيدي امقصرين
بعمرنه ما نوفّيلك ولو كل الدهر يحسين
دماك الطاهره سالت لجل نصرة جميع الدين
قليله بحقّك الخِدمه لَوَن نخدم نظل لسنين
حُسين شهيد كربلاء كربلاء
حُسين غريب كربلاء كربلاء
مهيمن يوسف الموسوي
رجوع السيدة زينب "عليها السلام" من السبي
مهيمن يوسف الموسوي
من اليسر هاليوم جيت إعله گبرك
شفنه يخويه هموم رايد اخبرك
يا خويه يحسين يا خويه يحسين
...........
اجيتك من بعد كل السبي و آلام
شفت بعدك لاذه من العده الظلام
سبوني عالهزل رحت بغصب للشام
يخويه هاليسر أصعب علي لايّام
بس القهر شفناه من آل أميّه
آل النبي جازاه بس بالأذيّه
يا خويه يحسين يا خويه يحسين
...........
تمنّينك عدل و تشوف حالي إشلون
عدوّك بالضعن و بكل حقد يحدون
رغم احنه بنات المصطفه يعرفون
خذونه يا عجب بينه تره يسبون
كلها نسه واطفال راحت سبايه
متغيّره الأحوال بهاي الرزايه
يا خويه يحسين يا خويه يحسين
...........
على يا كل جرح زينب تره تصبر
يخويه باليسر صعبه على الخدِّر
فلا والي حمه الها يبن حيدر
حزينه و القهر عدني يخي اكثر
فكدك لَوَن عباس كافل خِدرنه
لو وي عده ارجاس صاير يسرنه
يا خويه يحسين يا خويه يحسين
...........
يبو اليمه عيالك شافت الصعبات
دربنه حامل الأخطار و الكلفات
وأشد بالشام هيَّ مرّت ابلوعات
يخويه بس قهر شفنه و كثر مأسات
وسْط الاعادي صار ضعن الهواشم
گلبي اشتعل بالنار واعله الفواطم
يا خويه يحسين يا خويه يحسين
...........
يزيد بقصره طبينه النسه و أطفال
شِفت راسك يضربه انذل الانذال
دليلي يسعر و كل مدمعي همّال
لچن زينب صبوره وبشبه لجبال
آذن علي السجاد اخطب عليهم
وبخطبتي العُبّاد ماكو حچيهم
يا خويه يحسين يا خويه يحسين
...........
على كلمن يضدك يا ابو اليمَّه
عليهم خاطبه و گلبي انجله همَّه
شنو ذنبه الحسين و منهدر دمّه
و يظل فوگ الترايب منطرح جسمه
سبط النبي المختار وسفه تضدّوه
و ابن الولي الكرار انتم تعرفوه
يا خويه يحسين يا خويه يحسين
...........
گلت آنه على كل العده الجائر
ذكرنه ما تزوله انته مو قادر
يظل ثابت بأمر رب السمه القاهر
فقط انته تكون و بالحشر خاسر
اهل العلم و الدين خالد ذكرهم
طول الدهر باقين طيب اثرهم
يا خويه يحسين يا خويه يحسين
...........
مهيمن يوسف الموسوي
بحر الطويل | بحق السيدة رقية بنت الحسين "عليها السلام"
مهيمن يوسف الموسوي
رقيّه و بيتمها تناديك ابألمها
يا حُسين يا حُسين
*١*
يبن حيدر وكت إنته تحاربها العِده الأشرار
فلا أحّد بقه ينصرك يبن بنت النبي المختار
شفت جيش العِده وسفه يحوطك بالحرايب صار
يغدرونك يبو اليمَّه مثل غدرة علي الكرار
شفت جثتك خضيبه صعب هاي المصيبه
ياحُسين ياحُسين
*٢*
يبويه وراسك اگبالي وأگلّك شنهو صار اوياي
شفت بعدك اذه كثره وعليّه ضدي كل دنياي
بعد موتك على الغبره مصايب شاهدت عيناي
دليلي امن الأذه اتلوّع سبب غدر الدهر وإعداي
يبويه بهالرزيّه دمع عيني سريّه
ياحُسين ياحُسين
*٣*
إجتنه للخيم كلها العِده ومنهم قهر و الخوف
يقهرونه لأن صرنه فلا والي وكفيل إنشوف
ويخوفونه وكت هجموا على إخيمنه بجيوش اصفوف
خيامك يا أبو اليمَّه حرگها وبالغدر معروف
وبده وسفه سبينه فلا والي علينه
ياحُسين ياحُسين
*٤*
أنه طفله ويأذّوني بسبيهم هالعِده الغادر
فلا رحمه ولا أمروّه وشفت عدهم حقد ظاهر
على آل النبي الهادي يضدّه كل بشر جائر
نسه وفوگ الهزل تصعد وعلينه كل شخص ناظر
لچن باقي خِدرنه رغم إحنه بيسرنه
ياحُسين ياحُسين
*٥*
يبويه بدخلت الكوفه تمنيتك عدل يحسين
تشوف الخانتك بينه شماته صرنه مسبيين
وأشد للشام طبينه اشوف اعداي فرحانين
ولا چَنّه يعرفونه عيالك يا شهيد الدين
وسف كلها تضدنه فلا راعوا نسبنه
ياحُسين ياحُسين
*٦*
چِنت بحماك يا بويه أنه بعز و الفخر موجود
لچن بعدك صُبح وضعي دَلَالي باليسر مفگود
مصايب و القهر عندي يبويه و حزني ما محدود
وأشد حزني على فگدك فلا ترجع إليّه تعود
صُبح وضعي بغيابك صعب أحمل مُصابك
ياحُسين ياحُسين
*٧*
رحت عنّي وبقت بنتك جروح بفرگتك و هموم
ثلث اعوام كل عمري و دليلي امن القهر مالوم
يتيمه باول إسنيني وشفت بس الأذه امن الگوم
بنات المصطفه الخِدّر فلا صارت سبيّه يوم
عجب إحنه سبونه بأذه لمّن خذونه
ياحُسين ياحُسين
مهيمن يوسف الموسوي
دارمي | بحق مسلم بن عقيل "عليه السلام" مع الإمام المهدي المنتظر "عجل الله تعالى فرجه"
مهيمن يوسف الموسوي محرم ١٤٤٣هـ ٢٠٢١م
عندك كِثر ثارات يمته تطالب
مسلم سفير حسين شاف المصايب
*١*
يالمهدي يا مولاي يا صاحب الثار
ريتك تجينه كون تنصرها الاحرار
مسلم تأذه اهواي من كل الاشرار
قصته حزن و هموم بيها العجايب
*٢*
تدري يمهدي اشلون مسلم صفاته
لجل السبط مولاه قدم حياته
ينصر قضيته يريد بيها نجاته
دينه يظل للدوم بأعلى المراتب
*٣*
يا سيدي من راح حامل قضيّه
بالكوفه راد اصلاح لأهل البريّه
يتبع إمامه حسين إبن الزچيّه
والمجتمع حيكون وابلا شوائب
*٤*
راد الظلم و الجور ينهي امتداده
يبقه العدل ميروح وبكل قياده
والحگ يظل موجود عالي السياده
هذا ابفضل الانصار بأقوء الكتايب
*٥*
لاچن تغدره حيف اهل النذاله
حين اليريد يروح لجل العداله
ما حقق المطلوب من الرساله
صارت تضده حيل وكت الحرايب
*٦*
بالكوفه يا مولاي كلها تغدره
من كل جهه مغدور محد ينصره
ربنه الجليل و صار هو يصبره
سَوّه غدر لأشرار كل گلبه ذايب
*٧*
مسلم الف وسفاه مات ابخيانه
كل التنصره عود وابلا أمانه
خانو إلـٰه الكون ضد الديانه
من القصر شمروه تدري يغايب
*٨*
عجل ظهورك ريت تفرح محبّيك
كلنا تره للموت احنه نواليك
نبقه و نظل وياك من اليعاديك
ثار السفير يعود رغم النوايب
*٩*
عندك يمهدي ثار من الاعادي
كلنا نكون اوياك وانته القيادي
دمه السفير و بيه احنه ننادي
رغم العده الانذال رغم المصاعب
*١٠*
حقه علينه نروح يالمهدي كلنه
بيك احنه منصورين إنته أملنه
ما ننسه كل معروف هذا اصلنه
مسلم فداها الروح لجل الاطايب
تمت و الحمد لله تعالى
مهيمن يوسف الموسوي
٢٢ شهر ذو القعدة ١٤٤٢هـ
٢٠٢١/٧/٣م السبت ٤:٠٣م بغداد
لطم بحق ام البنين "عليها السلام"
مهيمن يوسف الموسوي محرم ١٤٤٣هـ ٢٠٢١م
تجليبة
توصّي ام البنين لجل نصر الحُسين
لأبنها صاحب النوماس
أبو الغيره الشهم عباس
لجل نصر الحُسين لجل نصر الحُسين
َ*١*
ييمه يا ابو الغيره او گمر هاشم
اعرفك بالحرب انته مُصِر عازم
تجاهد حتى يبقه الحگ تره دائم
لجل نهج الحُسين ابن الطُهر فاطم
يبن حامي الدخيل لاذه عنه تزيل
تبعدها العده الارجاس
أبو الغيره الشهم عباس
لجل نصر الحُسين لجل نصر الحُسين
*٢*
اعرفك شاركت حيدر كثر غزوات
حرب صفين بيها أقوى كل حملات
تناصر حيدره بيها يبو الوكفات
حرب طف كربله ماكو ابد كلفات
اذا حان النزال اعرفك بالقتال
تقاتل حد گطع لأنفاس
أبو الغيره الشهم عباس
لجل نصر الحُسين لجل نصر الحُسين
*٣*
ييمه ابكربله تنصر إبن حيدر
إمامك للمبادئ و القيم ينشر
يحارب من اجلهن ضد عدوه الشر
تأيده او تسنده ابسيفك او تره أكثر
ييمه للعضيد تنصره اعله يزيد
بطل ادري فلا تنقاس
أبو الغيره الشهم عباس
لجل نصر الحُسين لجل نصر الحُسين
*٤*
نصر كل الحرايب مو شرط بيها
تموّت كل عدوّك تعتني ليها
اكو بعض الحرب تبقه معانيها
ضمنهن كربله وإشما جره اعليها
يظل منهج الإمام رغم كل اللئام
يطبقه كل شخص بالناس
أبو الغيره الشهم عباس
لجل نصر الحُسين لجل نصر الحُسين
*٥*
اذا بأرض الحرب أنته صرت موجود
تحامي للامامه او ناصره او متعود
تقاتل كل عدوه او تحمي كل الجود
تضحّيله العمر وأعرف گطيعه ازنود
ييمه بالممات تقدمله نجاة
لجل نصره على الانجاس
أبو الغيره الشهم عباس
لجل نصر الحُسين لجل نصر الحُسين
*٦*
وداعك يا گمر هاشم صعب يبني
لچن هذا الأمر هو النصر ديني
حزينه عالسبط وانته او يظل وني
صعب افگد بنيني تبتعد عنّي
امر من الجليل يجب هسه الرحيل
يظل شوگي او تره الاحساس
أبو الغيره الشهم عباس
لجل نصر الحُسين لجل نصر الحُسين
*٧*
دعائي بالنصر يمه يظل واللّه
لجل نصر السبط ضد الشرك واعداه
لچن حالي تغيّر بس حزن و الآه
عيوني امن القهر يذرف كثر دمعاه
وداعك بالدموع دليلي بس يلوع
خطوره من عدوّك حاس
أبو الغيره الشهم عباس
لجل نصر الحُسين لجل نصر الحُسين
تمت و الحمد لله تعالى
مهيمن يوسف الموسوي
٧ شهر ذو القعدة ١٤٤٢هـ
٢٠٢١/٦/١٨م الجمعة ١١:٥٩ص بغداد
گعدة نجفية بحق العليلة فاطمة بنت الحسين "عليها السلام"
مهيمن يوسف الموسوي محرم ١٤٤٣هـ ٢٠٢١م
صفت داري غريبة بعد الاطايب
تأذّيني المصيبة او كل النوايب
ضعن الاهل شال
مني الدمع سال
صفت داري غريبة بعد الاطايب
........................
من أرض جدي النبي راحل ابويه او عياله
گاصدين الكربله كلهم بأمر ربّ الجلاله
ناصر الدينه ابقتاله للعده و أهل النذاله
ودع ابو اليمه الوطن آنه ابغيابه بس أحن
صعبه اعيش ابهالزمن ماكو اهل بيت الرساله
دار الأهل خليّه من الأودهم
غاب الأبو عليّه او كل الأحبهم
وسفه الدهر نال
مني الدمع سال
صفت داري غريبة بعد الاطايب
........................
كل وداعه والدي ابحزْن او دِمع عيني أسيله
بنته ظلّت بالديار الخاليه هي عليله
والدي حسين الشهم محد يعوضه او لا مثيله
حين التركني او رحل يرجع الي ماكو أمل
بين الحزن و النوح اظل غيبته والله ثگيله
حزن البُعد جراحه صعبه اوصفه
بَعد الابو المناحه او دمعي اذرفه
حال البُعد حال
مني الدمع سال
صفت داري غريبة بعد الاطايب
........................
گلبي ذايب وبألم من ودّعـت كِل الضعينه
والدي حسين او نِشدته ليـش او تبعّد علينه
آنه ما أگـدر يبويه فرگتك وإنته ولينه
بنتك يبن فارس بدر لمّن تروح ابقه ابقهر
هَم و مصايب تستمر كل حياتي بس حزينه
ليش الزمن غدرني بأول حياتي
مِن الأبو حرمني او كل امنياتي
بُعد الأبو طال
مِنّي الدمع سال
صفت داري غريبة بعد الاطايب
........................
مِن زِغر عُمري حسافه غادر اعليه زماني
بالمصايب و القهر والنوح هو رِماني
والدي غاب او تركني باليتم حطّم أماني
لمن رحل وضعي اختلف حزني بده و دمعي انذرف
عنّي ابد لا ما يجف باقيه آنه أتاني
بنته ابألم حزينه او زايد قهرها
وحشه تره المدينه يصعب أمرها
بيها العده صال
مِنّي الدمع سال
صفت داري غريبة بعد الاطايب
........................
من رحل عِنّي الأبو بس المدامع دوم تجري
والدي كل فرگته او حزنه ابدليلي هو يسري
مختلف صار العمر آنه صفيت ابهذا أمري
يوم او أشد عندي صعب دم مدمعي هو يصب
حزني يفتت كل گلب من عمايل هذا دهري
صارت تره الليالي ظلمه و حزينه
هذا اللي جرالي بأرض المدينه
عندي الوضع گال
مني الدمع سال
صفت داري غريبة بعد الاطايب
........................
يا دهر چانت حياتي اويه الأهل بيت النبوّه
عايشه ابعز او فخر وبكل حنان امن الأبوّه
والحِمه من كل خطر همه اخوتي اهل المروّه
چان العمر يمهم تره بيهم چنت متفاخره
حين المشو دمعي جره للأبو او كل الأخوّه
داري ابلا اهلها وحشه ابجفاهم
صعبه علي حِملها آنه ابوراهم
عندي الصبر مال
مني الدمع سال
صفت داري غريبة بعد الاطايب
........................
هالمصيبه يا دهر خَلّت دليلي نار يسعر
من ضعن اهلي رحل والكربله وضعي تِغيّر
هالرزيّه بالگلب خَلّت دمع مِنّي تفجّر
فگد الأهل كلهم سوه نفس اليعيش ابلا هوه
جرح الحزن ما بي دوه لو اظل كِثره أفكّر
صارت تره حياتي صُبح او مسيّه
والحد وكت مماتي بس الاذيّه
حزني ولا زال
مني الدمع سال
صفت داري غريبة بعد الاطايب
........................
المُصيية
كل بنت تفگد ابوها من وكت يصبح وضعها
بس حزن عدها او ألم منها همل بس دمعها
واليتيمه من بعد موتت ابوها اللي فجعها
يبقه العمر بس الحِزن
طول الوقت هي تِون
يصبح عمرها چن سِجن
هي تتمنّه أجلها من أجـل شوفة أبوها
........................
تمت و الحمد لله تعالى
مهيمن يوسف الموسوي
١٨ شهر شوال ١٤٤٢هـ
٢٠٢١/٥/٣١م ٨:٣٨م الأثنين بغداد
٤- قصائد بحق فاطمة بنت الحسين "عليه السلام" العليلة
Читать полностью…
بمناسبة عيد الغدير الاغر
مهيمن يوسف الموسوي ١٤٤١هـ ٢٠٢٠م
.
كلمن يوالي حيدره حامي الحميّة
ربحان دنيا وآخره بأعظم جزيّة
علي علي علي
______
رب الجلالة للنبي انطه أمر
لازم توالي حيدره كل البشر
أعلن نبينه المصطفه الفارس بدر
واجب يمسلم ولعلي اتوالي ابفخر
واجب عليكم هالفعل هاي الولاية
والو علي خير العمل حد المناية
علي علي علي
______
يا هالبشر هذا الأمر لازم يصير
قرر الهي ابحيدره هو الأمير
حيدر إمام اعله البشر وابلا نظير
هذا حكم رب الخلق الله الكبير
هاي الولايه بالحشر بيها نجاتك
بيها تظل كل العمر وبكل حياتك
علي علي علي
______
ناجي اليوالي حيدره ابيوم الوعد
جنة يفوز و مزهرة كلها ورد
هالمنزلة بس اليوالي و مستعد
لازم يظل ويّه علي يبقه ابعهد
لازم تطيعه ابكل أمر لا لا تعوفه
لجله تكون إنته ابصبر بأصعب ظروفه
علي علي علي
______
انصر يربي كل شخص ناصر علي
آنه الرسول وهالدعاء حقق الي
كلمن يأيد حيدره هو الولي
نصره يربي بالشدد خل ينجلي
نصره الهي ابكل زمن آنه اناشد
بعد علي كل المحن والشدايد
علي علي علي
______
رب الجلاله ابهذا الأمر يحمل حِكم
يعني علي بعد النبي ايقود الأمم
فضله تعله عالبشر فوك القمم
واللي يبغضه بالحشر عنده الندم
هي الولايه چن فرض من الجلاله
احنه فلا بي نعترض لا مو عداله
علي علي علي
______
حيدر قريب امن النبي بالمنزله
وي الرسول المصطفى عنده صله
فضله و مقامه عالبشر هو عله
علمه بحر يگدر يحل كل مشكله
يبقه إمام و للأبد لا ما نعوفه
يوم القيامه هو السند أحنه نشوفه
علي علي علي
______
تمت و الحمد لله تعالى
مهيمن يوسف الموسوي
١٧ شهر ذو الحجة ١٤٤٢هـ
٢٠٢١/٧/٢٨م الأربعاء ٥:٢١م بغداد
#عيد_الغدير
مبارك لكم عيد الغدير الاغر
عيد الله الأكبر
نسأل الله الأقدر
الثبات على ولاية حيدر
كل عام و انتم ثابتين و مطيعين و موالين للإمام علي بن ابي طالب "عليه السلام"
خادمكم
مهيمن يوسف الموسوي
١٨ شهر ذو الحجة ١٤٤٢هـ
٢٠٢١/٧/٩م الخميس ١٢:٦ص بعد منتصف الليل / بغداد
وزن العگيلي| نزلة بحق فاطمة الزهراء عليها السلام
مهيمن يوسف الموسوي
لحن : باجر مهدينا يصيفيها ، باسم الكربلائي
لحن : صوبني مصابك يالأكبر ، باسم الكربلائي
مظلومه و مهمومه الزهره
بعد الهادي تبچي بعبره
****
حين إتوفه الهادي بالسم
لجله البضعه تنصب مأتم
لاچن صارت بس تتألّم
صعبه إعليها لا متذكره
****
گلب الزهره زايد همّه
مقهوره حيف و متألمه
شافت لوعات امن الأمّه
لاچن صبرت هيّ بكثره
****
أول حادث صار اوياها
بعد الوالد سوّه اعداها
غاصب حقها و هم أذّاها
عاداها الخاين و بغدره
****
غاصب حقها مِنّ الهادي
بويه ظلّت بَس إتنادي
جرحوا روحي و كل أُفادي
بعدك أيّامي بس مُرّه
****
تدري بالبضعه و شبيها
كثره امن الگوم إمعاديها
آه شلون او متعنّيها
ومن الوصيته تتبرّه
****
هجموا و الداري من بعدك
كلها الناس و صارت ضدّك
عود آنه البضعه من عندك
شعلوا نار ابّابي و جمره
****
رادوا للدار ايدخلوها
بنتك موجوده ايعرفوها
لاچن يالهادي أذّوها
و محميّه بالباب و كثره
****
دفعوا وسفه الباب ابقوّه
ذوله بلا غيره و امروّه
تدري بيّه اعداك اسّوّه
من ظلمه خلّاني احتقره
****
من الدفعه اتكسّر ضلعي
متألمه و متغيّر وضعي
حزنانه و يهمل كل دمعي
أذّوني كل هاي الزمره
****
نابت بالبسمار بكل صدري
يالمختار اتحيّر فكري
و منّي المحسن ساگط تدري
أوّل مَن ضَحّه امن العتره
****
ظلّت متعذبه امن الصاير
و گلب الزهره باقي صابر
طاعت أمر الله القادر
مقتنعه ابحكمه و كل أمره
****
ماتت بعد الصاير بيها
راحت يم ربها و باريها
و تجري الدمعه بس إعليها
من الاولاد بكل حسره
****
ظلّت أم كلثوم و زينب
و إخوتها اوياها بس تنحب
نار الأحزان و بس تلهب
عالزهره صارت متحيره
****
صعبه اتعيش ابلايه فاطم
عنهم وسفه ابعدها الظالم
بس إتنوح ابدمع الساجم
من بعد الزهره منكسره
مهيمن يوسف الموسوي
/channel/mys_313
وزن الطويل | بحق السيدة فاطمة الزهراء " عليها السلام"
مهيمن يوسف الموسوي
أجازي بالحشر كلمن خدمني و بصدق نيّه
أنه الزهره و شفيعه إلكم و ربنه الشاهد إعليّه
****
يا شيعة علي الكرار أنه البضعه و تعرفوني
كرامه امن الصمد عندي أجازي إللي يخدموني
و كلمن يذكر امصابي ابدمعهم من يواسوني
رضاي ايحصل و يصبح يرضه إعليْه باريّه
****
إذا فعلاً تخدموني و تريدون الشفاعه إتكون
كون بكل فرض واجب عنّه دوم لتركون
وأهم كل الفروض إتصير صلاتك كون لتهملون
وخلّي أعمالك التصدر للمعبود مرضيّه
****
قدوه للبشر خَلّگ لتغرگ أبد دنياك
أمشي و بطريق الصح رغم كل اليصير اوياك
لا تتبع أبد شيطان وإحذر مِنّه لو غرَّاك
عليمن بالحشر تخسر تدري الدنيا مگضيّه
****
الخادم لو يريد الفوز بالجنّات يتنعّم
بدينه يلتزم للدوم و بكل ما أُمر يهتم
يطبق دينه ابفعله و بالخيرات يتجسَّم
كون بكل حياته يصير لا مو فتره وقتيّه
****
أتباهه أنه بيكم على كل الإنس والجان
لو لجل العِلم تِسعه بصدق موجود للرحمــٰن
تصبح أفضل الخدَّام عِلم عندك كِثر وإيمان
تتميَّز تره بعلمك و الخدمه المثاليّه
****
إذا خادم صدگ إنته عجَّل للفرج كل يوم
إبني المنتظر ذِكره و على بالك يظل للدوم
إدعي بالظهور إيصير يظهر عالمَله و الگوم
ينصر دينك الإسلام بالحكمه الإلــٓهيّه
****
للمهدي إذا تدعي يظهر ناصر الدينه
بدعائك للفرج يصبح على كل العِده إتعينه
و الثار النبي و آله يحارب كل مُعادينه
عالناس العدل ينشر بهالحمله الرساليّه
****
إذا خدّام تنحسبون للظالم فلا إتنصار
لازم ترفضه و تگول أرفض كل حكم جائر
و كلمن للبشر يظلم بفعله و الأذه الظاهر
و على هذا الفعل تبقه و بكل روحك الثوريّه
****
بنهج المصطفه و آله تبقه و بمدىٰ الأيّام
بوصاياهم تظل للدوم و تطبّق كل فكر لإسلام
فلا عَنّه تِزل و تصير ضدّه و رافض الأحكام
عكس فِكره و تعاليمه و فلا تحقق معانيّه
****
هالدنيا فلا تبقه بيوم الواقعه تنزال
كلشي ينمحي بيها و تتغيَّر تره الأحوال
عجب همّك عليها يكون و بيها تنبني الآمال
و تترك دينك و شرعه و أعماله العباديّه
مهيمن يوسف الموسوي
/channel/mys_313
بحق السيدة فاطمة الزهراء عليها السلام
مهيمن يوسف الموسوي ١٤٤٢ ٢٠٢٢م
عَنْ بَضعَةَ المُصطفىٰ بَنتُ النَّبيُّ ٱلخَاتمُ
خَيرُ النِّسَاءِ جَمَيعاً إنَّها فَاطمُ
قالَ الرسولُ أباها ذاكراً شأنها
قد قالها بَضعتي في مَحضرِ المُسلمُ
يؤذيني لو بضعتي جاءَ إليها الأذى
هذا كلامٌ صريحٌ وصفهِ يُفهمُ
بعدَ رحيلِ النبيُّ خالفوا قولهِ
قد أظهروا حقدهم ليسَ بهم نادمُ
جاءوا لها قاصدينَ البضعةَ قَتلِهَا
في بابها أشعلوا نيرانِهم تضرمُ
قالَ اللعينُ على بابِ عليُّ أهجموا
جرمٌ عظيمٌ قبيحَ فعلهِ آثمُ
قالوا لهُ خَلفَ بابَ دارهِ فاطمٍ
قالَ الشنيعُ وإن قد بادرهم هاجمُ
قامَ بحقدٍ وكرهٍ دافعاً بابها
أمُّ أبيها تأذّت من فعلهِ الظالمُ
ما بينَ بابٍ وَحَائِطْ فاطمٍ ضلعها
قَد أصبحَ كسرهِ مِنهُ نزيفُ الدمُ
مسمارُ بابٍ بصدرِ البضعةَ نابتٌ
ما أكبرَ المذنبُ في جرمهِ الأعظمُ
حتىٓ الإلـٓهُ بقتلِ فاطمٍ أغضبَ
مَنْ كانَ في قَتلِها بأساً لهُ دائمُ
كُلَّ الزمانِ يظلُّ ذكرها باقياً
مظلومةٌ فاطمة دمعٌ لها ساجمُ
مهيمن يوسف الموسوي
٢٠٢٢/١٢/١م يوم الخميس ٣:٠٥م
٧ جمادى الأولى ١٤٤٤هـ
/channel/mys_313
للاستشهاد للنبي محمد "صلى الله عليه وآله وسلم "
ماتَ رسول الله وكل الخلق تنعاه
نال الشهاده. بيها اراده
ماتَ رسول الله
........
حبيب الله و رسوله و للرسل خاتم
متسمم يموت بغدرة الظالم
لجل طه النبي متغير العالم
حزن بالكون صاير و العزه قائم
جن و انس حزنان قهر الخلائق بان
تنصب عزيه هاي المسيه
ماتَ رسول الله
........
الملائك بالسمه كلها دمعها ايسيل
أولهم حزين و منقهر جبريل
مصاب المصطفى الهادي يهدّ الحيل
النهار بمقتله صاير شبيه الليل
موته يغيّر الكون حزنه ابد ميهون
بفكده المحبين صاروا حزينين
ماتَ رسول الله
........
من مات النبي و نوره علينه غاب
كلها أمته اختلفت رغم لمصاب
لأغلب خانته و قلّه بقت لأحباب
ضد كل سُنّته و صاروا تضد لكتاب
صاروا عكس ما راد ضد خالق العبّاد
بيّن حقدهم و المن بغضهم
ماتَ رسول الله
........
رسول الله وصيته هي معروفه
الخليفه و الوصي حيدر علي يشوفه
لاكن أمّته وسفه تره اتعوفه
بغدرهم ليش صارت دوم موصوفه
لجل الطمع و الجاه سارت فلا بمسراه
مو عالوصيّه الحامي الحميه
ماتَ رسول الله
........
يگولون الخليفه بشورى نصباناه
كل مسلم يوافق عالشخص راده
لاكن هالامر ضد النبي واللّه
عكس ما وصّه هادينه و عكس مسراه
طه النبي المختار وصّه بعلي الكرار
حيدر علينه ينصرّه دينه
ماتَ رسول الله
........
خلافه المصطفى الأمه ظلم و احقاد
لجل مال و مناصب و الكره بس ساد
بين الناس كلها الباطل و يزداد
ما همها رضا ربنه و شنو الّي راد
بالدنيا مغرورين ما طبقت للدين
غرهم أملهم يعلى شأنهم
ماتَ رسول الله
........
تمت و الحمد لله تعالى
مهيمن يوسف الموسوي
٢٨ صفر ١٤٤٤هـ
٢٠٢٢/٩/٢٥م
٢:٢٤ص
للسبي
مهيمن يوسف الموسوي
بدرب السبي حرنه فوك الهزل صرنه
يا حيدر بويه تدرينه تعرف شنهو الصار اعلينه
فوك الهزل صرنه
.....
زينب يبويه صايره بين الزلم ممشاها
محد بقه يحدي الضعن كافلها ما وياها
بس العليل الي بقه هو الي صفه بحماها
معقوله زينب يا علي هيجي العده جازاها
بنت النبي المختار مسبيه بين أشرار
منه لوعات و تلفينه تعرف شنهو الصار اعلينه
فوك الهزل صرنه
.....
متعلمه وي اخوتي كلهم الي يحموني
وآنه اخت راعي اللوه كل العده ايعرفوني
بنوك الهزل آنه اصعدت يا حيدره غصبوني
وحسين اخويه المنذبح وبذبحته فجعوني
زينب غريبه ليش وسط العده و الجيش
يا بويه كلهم تاذينه. تعرف شنهو الصار اعلينه
فوك الهزل صرنه
.....
يا بالحسن زينب صفت بين الاعادي وسفه
و آنه اخت سبط النبي كل الخلق و تعرفه
واخت الكمر يل بالحرب حيف انكطع كل جفه
عجبه اصيرن باليسر بحبال بس متجتفه
و ام الخدر صارت بهاي النسه حارت
لا كافل باقي ايحامينه تعرف شنهو الصار اعلينه
فوك الهزل صرنه
.....
مشونه بويه بالمدن كلها علينا تنظر
آنه العقيله و اصبحت بين الغرب اتيسر
بين آل اميه ماشيه حالي حزين و يقهر
لاجن على هذا الأمر كلبي عجب و اتصبر
من السبي و قهره بكلبي بقت حسره
دنيانه وشسوّت بينه تعرف شنهو الصار اعلينه
فوك الهزل صرنه
.....
آنه الجنت ويّه هلي كلها اخوتي ويّاي
وهسه يبويه بهالزمن امشي أنه بين اعداي
كافل الي جان الگمر من كل خطوره حمّاي
وبموتته و كل غيبته صعبه تره كل دنياي
حالي بعد عباس حادي الضعن لارجاس
كلهم صارت بس تاذينه تعرف شنهو الصار اعلينه
فوك الهزل صرنه
.....
وحسين اخويه الي نذبح هو إليه والي
من مات زينب حايره صاير صعب كل حالي
احمي النسه من العده بحزني و قهر دلالي
همي و مصابي بالگلب من الاذه اليجرالي
فوك الحزن عندي كلها البشر ضدي
لوعه و حسره بس ظلينه تعرف شنهو الصار اعلينه
فوك الهزل صرنه
.....
مهيوبه آنه و افتخر من امشي وي اخواني
ليش الوكت هيجي فعل مسبيه وي عدواني
و أعله فكد كل اخوتي مستعره كل أحزاني
من عالثرى ماتو ذبح هذا الحدث أذاني
بدرب اليسر وضعي بونه همل دمعي
واعله كل غيبة والينه تعرف شنهو الصار اعلينه
فوك الهزل صرنه
مهيمن يوسف الموسوي
للاربعين لسان حال السيدة زينب عليها السلام
مهيمن يوسف الموسوي ١٤٤٣هـ ٢٠٢١م
لحن يزينب راح ابو الغيره | ابو بشير النجفي
يخويه للگبر جيتك أنه زينب تعنّيتك
ازورك يا إبن حيدر و دليلي امن القهر يسعر
أنه زينب تعنّيتك
.............
يعباس الشهم جيتك أنه بحزني
على گبرك يخويه زاد كل ونَّي
مصابك يا گمر هاشم يألّمني
واحس روحي بفركتك يا ولي تعذبني
غيابك يصعب اعليّه بعد موتك اذه بيّه
يحامي للنسه الخدّر دليلي امن القهر يسعر
أنه زينب تعنّيتك
.............
يكافلني يبو فاضل صعب أمري
رحت مسبيه بين اعداك هم تدري
فلا مرّه مثلها صارت بعمري
وسط كل العده صاير وسف يِسري
مصايب شافت عيوني عداي اهواي اذّوني
عجب گلبي بقه يصبر دليلي امن القهر يسعر
أنه زينب تعنّيتك
.............
دمع عيني على فگدك صُبح مدرار
عظيمه هالفجيعه منها لا ما صار
سبيه امچتّفه ويّه العِده الأشـرار
و تركتك عالنهر يا فارس المغوار
على الغبره إنهدر دمّك عدوّك و بكثر يمّك
وشاهد جسمك اتوذّر دليلي امن القهر يسعر
أنه زينب تعنّيتك
.............
كفيلي وتْركتني يالبطل عبَّاس
وسط كل العده اهل الغدر لأرجاس
فلا أعتب أنه يا صاحب النوماس
لچن جيت بهمومي الما يِحدها اقياس
حِزن عندي و ألم كِثره بقت و بداخلي العَبره
زماني إعليّه متغيّر دليلي امن القهر يسعر
أنه زينب تعنّيتك
.............
شفت بعدك يبو فاضل قهر و احزان
رزايا و افجعت كل الإنس و الجان
عليها احزنت ارض و سمه الأكوان
مشيئه امن الجلاله الخالق الرحمٰن
حكم رب السمه بينه مصايب كربله اعلينه
فلا بيها مفر نگدر دليلي امن القهر يسعر
أنه زينب تعنّيتك
.............
يخويه يا كفيل العايله و حمّاي
منو يرد الضعن لارض المدينه اوياي
صعب زينب ترد و بلا اخو الوفّاي
عليل و بس نسه اوياها يساقي الماي
لچن هذا الجره و صاير سبب ظلم العده الجائر
وأحس حزني تره يكثر دليلي امن القهر يسعر
أنه زينب تعنّيتك
.............
مهيمن يوسف الموسوي
نزلة للزوار
مهيمن يوسف الموسوي
لهفة عاشقين بإخلاص و يقين
متعنيه الحُسين زواره زواره
*١*
نگصد حسين الولي بهِمَّه و إراده
ما يِهمنه كل درب طال أمتداده
كل موالي يوصل حسين إعتقاده
رايد يزوره و يحقق كل مُراده
لحسين الولاء نفديله الدِماء
نادت هالنداء زواره زواره
*٢*
مِن نزور إبن النبي عدنه عقيده
مِن إجلنه حسين ضَحّه بدم وريده
بالزياره نشكره هذا النريده
والعِده لا ما يردنه بكل مكيده
ضد كل الطغاة تبقه و بثبات
وبطول الحياة زواره زواره
*٣*
شفنه أنواع المصاعب بالزياره
و الموالي مستمر ثابت قراره
صامد بدربه فلا يغير مساره
يفدي دَمّه للولي بشوفة مزاره
كلها مِن تصيح ابدمعه و نويح
تگصد للذبيح زواره زواره
*٤*
نعمه مِن ربَّ السِمه نزوره ولينه
هاي رحمه و مكرمه هِيّه تجينه
نحمد الله بهالفضل واجب علينه
والأجر كِثره فلا يوصفه حچينه
وبيوم النشور أجره اللي يزور
ابجنّه و قصور زواره زواره
*٥*
كلمن ايزور السبط وبكل هيامه
يعتني للمنذبح راعي الإمامه
من علامات التقي هاي العلامه
بيها يتميز تره بيوم القيامه
كل أجره عظيم مِن ربٍ رحيم
بجنّات النعيم زواره زواره
*٦*
مِن نزور حسين ميضيّع تعبنه
بالزياره حتماً ايْسر كل گلبنه
لو حوائج نِطلب ايحقّـق طلبنه
والأهم نبقه إله بهذا دربنه
انزور الشهيد كل مَرّه نعيد
هذا اللي تريد زواره زواره
*٧*
ندعي ربنه الخالق و ربّ البريّه
ننحسب من زائرين إبن الزچيّه
و يشفعنّه حسين و بيوم المنيّه
هالشفاعه بالحشر إلنه هويه
وبفضل الإمام من بين الأنام
ابعالي المقام زواره زواره
مهيمن يوسف الموسوي
گعدة نجفية بحق ام البنين "عليها السلام"
مهيمن يوسف الموسوي محرم ١٤٤٣هـ ٢٠٢١م
يولدي الاربعه عندي وصيّه
تنصرون السبط ابن الزجيّه
يظل ثابت ولاكم
تضحون ابدماكم
تنصرون السبط ابن الزجيّه
............................
يا بنيني الاربعه عندي أنه هاي الوصايه
ادري انتم عالمين ابكل قضيّه وبدرايه
بالجلاله او نبيّه المصطفه او حتّه الولايه
لاچن وصيتي يا زِلـم يهل المراجل والشيم
لجل النصر هوّ يِعم عالخلايق و البرايه
أنه أعرفكم يولدي يالنشامه
بطوله او مرجله لجل الإمامه
تقدموها مُهجكم
لجل يصبح نصركم
تنصرون السبط ابن الزجيّه
............................
حان وكت التضحيه لجل نصر كل الديانه
حَتّى ينزال الظُلم مِنّ اليحكمون ابخيانه
خانوا المعبود ربهم والحكومه ابلا إمانه
جور او ظُلم هو إنتشـر دمكم يحقق كل نصر
يمنع إله كل مستقر للظلم ينهي مكانه
ترفعوني ابفعلكم عالبرايه
فديت الديني آنه و للولايه
لابو اليمه إمامي
فخر يبقه او وسامي
تنصرون السبط ابن الزجيّه
............................
والگمر رد عالوفيّه ام البنين ابكل عزيمه
افدي دمي او كل حياتي للنصر ضد الظليمه
حامي لحسين او عياله ما تظل حُرمه ابهظيمه
هو إمامي او سيدي يبقه إليّه قائدي
رب الجلاله شاهدي والنوايا مستقيمه
اظل آنه كفيل اعله العقيله
لَحَد دم عالنهر نحري يسيله
گلبها ابكل سروره
ترد أُمّه فخوره
تنصرون السبط ابن الزجيّه
............................
والنعم يبني يعباس الشهم يابو المراجل
يا بنيني ادري بيكم بالحرب ماكو تنازل
كل شخص منكم يظل لجل النصر هو يناضل
سبط الرسول المصطفه حَربه تره ابكل معرفه
صعب الكلام ايوصفه بالحرب المن يقاتل
أبو اليمه يولدي اهل البطوله
لجل دينه ينصره او كل اصوله
يثبتها العقيده
تظل امته المجيده
تنصرون السبط ابن الزجيه
............................
ردّت الاولاد كِلها بالحرب نفدي مُهجنه
من أجل نرضه الصمد شنهو الحياة او كل نفسنه
والحياة ابكل مذلّه او كل ظلم شنهو وضعنه
بيها فلا نبقه بعد لازم لابو اليمه سند
لجله ييُمه نستعد بالحرب واعله نصرنه
عزمهم عالحرب بأعلى المراتب
على الحگ تره هي تطالب
تحييهم تنادي
تحطمون الاعادي
تنصرون السبط ابن الزجيه
............................
رايحين الكربله احنه ابعزم و اصرار عالي
واجب اعلينه القتال ولا نِعوف احسين خالي
للديانه كل شخص مِنه يجب هو رسالي
يحمل رساله للبشر لجل المبادئ چن درر
نبعد خطوره او كل ضرر للصلح هو قتالي
يظل رب الخلق شاهد علينه
و رسوله المصطفه الهادي نبينه
تناديهم يولدي
عرفتوا كِلّه قصدي
تنصرون السبط ابن الزجيه
............................
رَد عله أم البنين ابمنطقه الكِلّه جواهر
گايل العبّاس يُمّه بالحرب لا ما أظاهر
هالحرب من الصمد هي جهاد او كل اوامر
ارضى الصمد رب السمه حين الأقدمها الدمه
لجل السبط و الفاطمه للخِدر ابقه اناصر
گُمر هاشم اعرفك بالحرايب
تحامي للخِدر مِنّ الاجانب
وخوتك يا گُمرنه
تحقق كل أمرنه
تنصرون السبط ابن الزجيه
............................
المُصيبة
بالطفوف ابكربله ضحت بنيها بالحرايب
من أجل نصر الديانه الأحمديه او كل الاطايب
ما تهم اربع ولد تفدي او تجيها بس مصايب
فدوه البنين الاربعه
او كل الچفوف امگطعه
من كل كمرها عالمشرعه
للزچيه اشما تقدم من ولد لا ما توفّي
............................
تمت و الحمد لله تعالى
مهيمن يوسف الموسوي
٢ شهر ذو القعدة ١٤٤٢هـ
٢٠٢١/٦/١٣م الأحد ١٠:٣٦م بغداد
موشح بحق فاطمة بنت الحُسين العليلة "عليها السلام"
مهيمن يوسف الموسوي ١٤٤٣هـ ٢٠٢١م
ساعة التوديع مِنها لا مثيل
من ضعن بيت النبي قرَّر يشيل
.........
من أبو اليمّه يودّع عِيلته
فاطمه بنته حزينه شافته
بالدمع والنوح هي حاچته
تعتب اعليه إبقهر ليش الرحيـل
......... ١
بويه يا سبط النبي عندي عتب
شنهو گصدك مِن رحيلك و السبب
بويه مِن هسّه دمع عيني سِچب
من تروح الكربله ابكِثره يسيـل
......... ٢
رد عليها احسين بنتي فاطمه
روحتي بأمر الصمد رب السِمه
انصر الدين او تزول الظالمه
شامخه كون الديانه او ما تِميل
......... ٣
بويه صح هذا الأمر لازم يصير
حكمة الخالق إلهي و القدير
لاچن افراگك صعب وابلا نظير
بالگلب حزن البُعد بويه ثگيل
......... ٤
كل حياتي لو تموت او بس حِزن
ليلي وي إنهاري آنه بس أون
شوفتك گلبي يظل إلها يِحن
شوگي يا بويه الك لا مو قليل
......... ٥
كل بِنت بويه تعيش إبكل أمـان
وي أبوها للأبد طول الزمان
ساند البنته يظل عطف او حنان
هالصفه عِندك يبوبه يا أصيـل
......... ٦
بالضعن بويه إخذني الكربله
وي أخوتي اوياك ويّه العايله
فرگتك صعبه عليّه او معضله
من تروح ابقه ابقهر نوح او عويل
......... ٧
جاوب حسين ابألم حين اليگول
شاهد اعليّه الجلاله و الرســول
حقّچ اعليّه وحگ أُمّي البتول
لاچن ابقه ما اروحن مستحيل
......... ٨
بنتي من ربچ علينه هالقدر
ما نعارض هالحقيقه و الأمـر
فاطمه بنتي عليها ابكل صبر
وكلي أمرچ للصمد ربنه الجليل
......... ٩
فاطمه ردت عله حسين الإمـام
ناصرك ربّك يبويه عاللئام
بينك او بيني تره آخر سلام
بس ألم بعدك وحگ حامي الدخيل
......... ١٠
تمت و الحمد لله تعالى
مهيمن يوسف الموسوي
٢٥ شهر شوال ١٤٤٢هـ
٢٠٢١/٦/٧م الاثنين ١١:٣٤ص بغداد
هوسات بمناسبة عيد الغدير الاغر
مهيمن يوسف الموسوي ١٤٤٢هـ ٢٠٢١م
*١*
تنصب حيدره بأمر الجلاله اليوم
خليفه للنبي هو أمير الگوم
موالاته علي هي فرض ملزوم
من باري الكون و تنزيله
واضح أمره ابلا تأويله
*٢*
وحى رب الخلق للمصطفه المختار
يبلغها الخلايق وبعلي الكرار
اذا انتم توالوني ابعزم و اصرار
والوالاني يوالي حيدر
بأمر الخالق هو و قَرَّر
*٣*
ولاية حيدره هي كمال الدين
فلا مؤمن اذا تكره ابو السبطين
فرض من الجلاله خالق الدارين
واجب عالمسلم يِتّبعه
هذا أصل الدين و مو فرعه
*٤*
اذا عن الحقيقه تبحث المصدر
مراجع للحديث و بيها متقرر
كتب كل الفريقين الفضل حيدر
سِنّه و شيعه تعرف فضله
واللي يرفض واهم عقله
*٥*
عجب هاي البشر حيدر يبغضونه
رغم هو الخليفه و الوصي يعرفونه
نگلهم يا بشر وشما تعاودنه
نبقه احنه نوالي حيدرنه
محّد يگدر يمنعنه
*٦*
نجدد كل سنه هذا العهد لازم
على عيد الغدير انفرّح القائم
نِگلّه الحيدره انوالي ابگلب هايم
وبذكرى تنصيبه عالإمّه
المؤمن بس حيدر هَمّه
تمت و الحمد لله تعالى
مهيمن يوسف الموسوي
١٧ شهر ذو الحجة ١٤٤٢هـ
٢٠٢١/٧/٢٨م الأربعاء ٣:٣٧م بغداد
مترداف مُلمّع | للإمام الحسين "عليه السلام" و خدمته
مهيمن يوسف الموسوي محرم / ١٤٤٣هـ ٢٠٢١م
يبقى نداءِ دائــــم ولاءِ بالحُسين
مـنهُ نجاةِ حينَ المماتِ بالحُسين
*١*
مـن عــالـم الذر عـاهـدت رب الجـلاله القـيـوم
خـــادم اظــل كــل العُـمـر كـلهـا حـيـاتي للـدوم
خِـدمـة إمـامي المنـذبـح فـوگ الترايب مظلوم
هذا الشرف ما ينوصف بين الخلايق و الگوم
أفدي الدماءِ واصبح فداءِ بالحُسين
حينَ المماتِ مـنـهُ نـجــاةِ بالحُسين
*٢*
حين اليجي شهر الحزن شهر المصايب عاشور
انـصـب مـجـالـس و بألم اذكـر إمامي المنحـور
مـن العـده اهـل الغدر عدهم خيانه او بس جور
قـتـله اذكـره ابكـربله حــزن المصيـبه منـشـور
ربُّ السـماءِ يشهـد عزاءِ بالحُسين
حينَ المماتِ مـنـهُ نـجــاةِ بالحُسين
*٣*
الله يـوفــق كـل شـخص خـادم لإمـامـه المـذبـوح
كلمن نصب مجلس عزه و گلبه امن الرزايه مجروح
واللي هـمل دمـع الچـفن مـن كل عـيـونه مسفـوح
عـنـدي ثـبـت ذكـره و يـظل عـن كـل دليلي مـيروح
في كُل دعاءِ وقـتَ الرجاءِ بالحُسين
حينَ المماتِ مـنـهُ نـجــاةِ بالحُسين
*٤*
شفت المصاعب و الألم من كل رجال الاشرار
رادوا منعـنه يا وسـف متـهـمنه كـل الأخـطـار
نفـدي العـمر لا ما نهم واشما خًطر بينه صار
وبكـربله ما ننگـطـع عــن كـل زيارة لأطـهـار
يقوىٰ أنتماءِ في كـربـلاءِ بالحُسين
حينَ المماتِ مـنـهُ نـجــاةِ بالحُسين
*٥*
گـلبي بمـصابه منجـرح جـرحـه ابد لا ما طـاب
مقـتـل إمـامـي ابكربله حين الوگع فوگ اتراب
وبـكـل محـرم مـن يجي حـزني إله و الاطـياب
وذكر سبي كل الحرم حِين الصفت بين اغراب
يصـبـح بكاءِ حـيـنَ الرثاءِ بالحُسين حينَ المماتِ مـنـهُ نـجــاةِ بالحُسين
يصبح بكاءِ حينَ الرثاءِ بالحُسين
حينَ المماتِ مـنـهُ نـجـاةِ بالحُسين
*٦*
كلها حياتي قدوتي بهادي الخلق إنس او جان
او آله اهل بيت العلم تقوه او عداله او ايمان
اهل الكساء همّه خمس أحسن جميع الإنسان
منهم ابو اليمه الولي عالي الفضل عالاكـوان
هـوَّ أقـتـداءِ بأهل الكساء بالحُسين
حينَ المماتِ مــنـهُ نـجـاةِ بالحُسين
*٧*
تـقـوه العـقـيـده بالصـمـد ربّ الخلايق و الكون
بالمصطفه الهادي النبي او آله تره هي اتكون
وبـمـحــرم و العــزه آل الرســـول يحــضــرون
كـلهـم يشوفـون الخـدم وكـت النواعي يـبچـون
يعلى أرتقاءِ في كِل عطاءِ بالحسين
حينَ المماتِ مــنـهُ نـجـاةِ بالحُسين
تمت و الحمد لله تعالى
مهيمن يوسف الموسوي
٩ شهر شوال ١٤٤٢هـ
٢٢/٥/٢٠٢١م السبت ٣:٢٣م بغداد