-
قصائد حسينية لخادم العترة مهيمن يوسف الموسوي معرف الخاص .. mys_2019@
نزلة للمشاية ، صفر ١٤٤٥هـ ٢٠٢٣م
مهيمن يوسف الموسوي
شيعتك وفايه گصدتك مشايه
*١*
يا حُسين و بربعينك شيعتك معروفه
بالوفاء او تضحيه يا سيدي موصوفه
هالشعيره بالمشي لجلك تظل متعوفه
لو اعادي هواي ضدها بالاذه وتشوفه
لمرقدك عنايه گصدتك مشايه
*٢*
تعتني لجلك إمامي هالدول و العالم
تکصدك ولمرقدك مهما يكن كل ظالم
كل موالي بهالقضيه سيدي ما نادم
يوصلك رايد يزورك معتنيلك عازم
بيده شايل رايه گصدتك مشايه
*٣*
كل عمرنه يا حُسين النصرتك ونقدمه
لو تموت الشيعه لجلك ثوْرتك كل همه
يفدي عمره بالزياره ظل يضحّي بدمه
رايد حسين الولي باقي يظل كل اسمه
عنده افضل غايه گصدتك مشايه
*٤*
تعتنيلك سيدي كل شيعتك وانصارك
وبمشيها لكربله تطلب تريد بثارك
باقيه بنهجك تظل تنصر جميع افكارك
بهالدرب طول الحياة و تستمر زوارك
بهالقضيّه هايه گصدتك مشايه
*٥*
وبعزم عدها و إراده سيدي تمشيلك
لا تعب لا حر يِرِدها يالولي اتضحيلك
يا ابو الأكبر تظل كل شيعتك توفيلك
وبقصور تحس رغم وبكثره وتسويلك
يستمر وبرايه گصدتك مشايه
*٦*
تفتخر وبهالدرب دائم فخرها اوياها
ما تعوفه لو خطر من العده و ضدّاها
للحُسين المنذبح تفدي إله بدماها
روحه ينطيها بفخر لحسين من ضحّاها
بهالأمر حمّايه گصدتك مشايه
*٧*
شاهده بهاي المسيره و المشي نتعنّه
چم علينه بالزمن ظلّام بس اتضدنه
وبرغم منهم اذيه سيدي متردنه
نستمر لجلك إمامي نفدي كلشي العدنه
زائرين هوايه گصدتك مشايه
مهيمن يوسف الموسوي ١٧ صفر ١٤٤٥هـ ٢٠٢٣/٩/٣م يوم الأحد ٥:٥٦م
رجوع السيدة زينب "عليها السلام" من الشام إلى كربلاء في الأربعين
صفر ١٤٤٥هـ ٢٠٢١م مهيمن يوسف الموسوي
منّ اليسر و الشام ردّت غريبه
شحال العقيله اليوم وبهالمصيبه
*١*
زينب حزينه هواي حسره بگلبها
تشكي الهضم و الصار باصعب دربها
وحين العده باسياط جاي و ضربها
تروي سبيها شلون حاله كئيبه
*٢*
شافت مصايب حيل عالي حِزنها
يوم أربعين حسين وبشدّه ونها
منها الدمع سچاب واعله جِفنها
للمنذبح مظلوم جثته سليبه
*٣*
راحت على المظلوم وبگبره تنحب
يَمّه تِون باشجان والدمعه تسچب
تگلّه يخويه شلون مسبيّه زينب
صبري على فرگاك ومنين اجيبه
*٤*
حال العقيله شبيه وبهالرزيه
شافت كبر لحسين ابن الزجيه
ردّت اله وتنوح ونّه شجيه
زينب حزينه الروح حاله رهيبه
*٥*
تنشد تريده اليوم گبر الولي وين
لابن النبي المذبوح لجله تهل عين
يوم بصفر عشرين رجعت للحسين
وعدها الگلب وهواي عالي نحيبه
*٦*
ونّت لاخوها حيل لمصابه تذكر
بيوم أربعينه هواي گلْب التفطّر
تبجي تجر حسرات كلشي تغيّر
يموت الولي مذبوح هذا نصيبه
*٧*
عدها الحزن موجود باقي فلا يروح
مصاب الشهيد حسين من أصعب اجروح
يوم الاجت وشلون مدمعها مسفوح
اصعب حزن بالكون والله عجيبه
*٨*
يوم أربعين حسين اصعب حدث صار
تشوف الكبر و تزور وعدها العقل حار
ليش السبط عادوه ضده العده جار
هذا الجرح للدوم لا ما يطيبه
مهيمن يوسف الموسوي ١٤ صفر ١٤٤٥هـ ٢٠٢٣/٨/٣١م يوم الخميس ٣:٣٣م
مشاية زيارة الأربعين ، صفر ١٤٤٥هـ ٢٠٢٣م
مهيمن يوسف الموسوي
زوّار الملايين كله لجل الحسين بربعينه
وبكل هِمّه ماشين من اجله مُضحّين كاصدينه
زوار زوار
*١*
لجل الحُسين المنذبح كلها اجت مشايه
بهذا العهد طول العمر تبقى إله وفايه
من كل مكان و تعتني لابن النبي عنايه
كلها تريد ازيارته بيوم اربعينه الغايه
كل شيعي و ينادي متهمنا الاعادي والاذيه
باقي كل ودادي كل شوگي بفؤادي للمنيّه
زوار زوار
*٢*
وشگد ظلم النه يجي لا ما يأثّر بينه
لو كلها بينه تنتقد وشما تره تعادينه
نفدي العمر لابن النبي فدوه اله امضحّينه
طول القرون چم حكم عدنه عزم تدرينه
متردنه المخاطر لو چانت كبائر من تضدنه
وبكل قوه صابر كثره هذا ظاهر ونوجدنه
زوار زوار
*٣*
كل الطوائف تعتني بحبه اجت متجمعه
تذكر مصاب المنذبح منها تهلّ الدمعه
بيوم اربعينه كاصده بهذا الامر مقتنعه
اتزور الضريح تشاهده بحزن و مناحه تنعه
حسره و حرگه يبچون والزينب يواسون وبمشيهم
وبدمهم يضحّون كل هذا اليسوّون والوليهم
زوار زوار
*٤*
لجل الزياره و ننتظر يمته تجي ونتاني
صوت الموالي و المحب گايل كثر ايماني
ابقى أزوره سيدي وشما تضد عدواني
عندي يقين بداخلي وحسين يتلگاني
وبيوم القيامه لا ماكو ندامه من تعنّوه
عد تاج الكرامه وارثها الامامه لو يكصدوه
زوار زوار
*٥*
خلها علينه و شاهده يبقى جميع العالم
وبكل سنه لزيارته لا ما يردنه الظالم
اليمنعنه وبهذا الدرب يكدر منعنه واهم
ليوم القيامه و يستمر هذا مشينه دائم
كل احنه مشينه لحسين اعتنينه وبأراده
نفخر گاصدينه وبحبنه اجينه وبقياده
زوار زوار
*٦*
بهاي الزياره سيدي كلها اجت متوحده
واللي جمعنه ازيارتك ولمرقدك مستنده
وبيوم عشرين بصفر يمّ الکبر متّحده
لجلك يضحي و يفتخر ينطي تره الي عنده
تنطي كل عمرهم وبشدة فخرهم من يضحّون
وبعالي صبرهم من اللي يضرهم ما يرجعون
زوار زوار
*٧*
مفتخره كلها زيارته واعلى الاذيه تصبر
وشما تقدّم بالعمر عدها شعور تقصر
لا كل موانع لا عده عن كل منعها تگدر
بهاي العقيده تستمر طول الزمن بس تفخر
تبقى هالقضيه ولحد المنيه كل عمرنه
متردنه الاذيه نوصل غاضريه وبفخرنه
زوار زوار
مهيمن يوسف الموسوي ١١ صفر ١٤٤٥هـ ٢٠٢٣/٨/٢٨م يوم الاثنين ١:٣٠م
نزلة زيارة الأربعين، صفر ١٤٤٣هـ ٢٠٢١م مهيمن يوسف الموسوي
لهفة عاشقين بإخلاص و يقين
متعنيه الحُسين زواره زواره
*١*
نگصد حسين الولي بهِمَّه و إراده
ما يِهمنه كل درب طال أمتداده
كل موالي يوصل حسين إعتقاده
رايد يزوره و يحقق كل مُراده
لحسين الولاء نفديله الدِماء
نادت هالنداء زواره زواره
*٢*
مِن نزور إبن النبي عدنه عقيده
مِن إجلنه حسين ضَحّه بدم وريده
بالزياره نشكره هذا النريده
والعِده لا ما يردنه بكل مكيده
ضد كل الطغاة تبقه و بثبات
وبطول الحياة زواره زواره
*٣*
شفنه أنواع المصاعب بالزياره
و الموالي مستمر ثابت قراره
صامد بدربه فلا يغير مساره
يفدي دَمّه للولي بشوفة مزاره
كلها مِن تصيح ابدمعه و نويح
تگصد للذبيح زواره زواره
*٤*
نعمه مِن ربَّ السِمه نزوره ولينه
هاي رحمه و مكرمه هِيّه تجينه
نحمد الله بهالفضل واجب علينه
والأجر كِثره فلا يوصفه حچينه
وبيوم النشور أجره اللي يزور
ابجنّه و قصور زواره زواره
*٥*
كلمن ايزور السبط وبكل هيامه
يعتني للمنذبح راعي الإمامه
من علامات التقي هاي العلامه
بيها يتميز تره بيوم القيامه
كل أجره عظيم مِن ربٍ رحيم
بجنّات النعيم زواره زواره
*٦*
مِن نزور حسين ميضيّع تعبنه
بالزياره حتماً ايْسر كل گلبنه
لو حوائج نِطلب ايحقّـق طلبنه
والأهم نبقه إله بهذا دربنه
انزور الشهيد كل مَرّه نعيد
هذا اللي تريد زواره زواره
*٧*
ندعي ربنه الخالق و ربّ البريّه
ننحسب من زائرين إبن الزچيّه
و يشفعنّه حسين و بيوم المنيّه
هالشفاعه بالحشر إلنه هويه
وبفضل الإمام من بين الأنام
ابعالي المقام زواره زواره
مهيمن يوسف الموسوي
٣٠ محرم الحرام ١٤٤٣هـ
٢٠٢٢/٩/٨م الأربعاء ١:٥٢م بغداد
نزلة زيارة الأربعين ، صفر ١٤٤٤هـ ٢٠٢٢م
مهيمن يوسف الموسوي
ملايين بعزم و إصرار اجت لحسين مشايه
يواسونچ على امصابج الچ واللّه وفايه
يا زهراء يا زهراء
*١*
تعنّت للولي المذبوح كلها باربعينه اليوم
تزوره بكل حزن و تنوح على اللي منقتل مظلوم
لابو الأكبر اجت تمشي كل هاي البشر و الكوم
فلا همها التعب لو صار اجو لحسين عنايه
يا زهراء يا زهراء
*٢*
يا مولاتي يالزهره من كل صوب اجت زوار
من كل الدول هاليوم متعنيه لابو الاحرار
توصل كربله رادت لابو اليمه تصير أنصار
تنصر ثورته كلها تحقّق لجله كل غايه
يا زهراء يا زهراء
*٣*
بمشيها الكربله رادت تواسي زينب الحرّه
مثل ما بالسبي تمشي اجت لحسين متيسره
زوار اعتنت وبشوگ دمعهم عالوجن يسره
يفاطم لابنج المقتول كل زائر حمل رايه
يا زهراء يا زهراء
*٤*
بهاي الاربعين انشوف عن كل عام مختلفه
حال الزاير الملهوف فلا نگدر تره انوصفه
يفاطم معتني زاير ما همه اشصبح ظرفه
تحده كل صعوبه تصير وبهمه وعزم جايه
يا زهراء يا زهراء
*٥*
على هاي الشعيره هواي كثر ناس و يلومونه
يبت اشرف نبي بالكون عليها ما يردّونه
وشما لو يحاول دوم بمشينه ما يمنعونه
تصبر عالاذيه دوم لا متْصير شكّايه
يا زهراء يا زهراء
*٦*
يفاطم ريتچ اتقبلين المشه كاصد لابو الأكبر
تشفعيله و تنقذينه يفاطم ساعة المحشر
جنان الباري يسكنها فلا يمسه ابد كل شر
يم المصطفى و آله عظيمه منزله هايه
يا زهراء يا زهراء
*٧*
مو عن كل طمع نخدم نريد حسين يرضا كون
واذا قصرنه بالخدمه كل هذا الأمر ميهون
الولي ابن النبي اعلينه ما يرضه عجيبه شلون
نفديله العمر كله لا متغرني دنيايه
يا زهراء يا زهراء
تمت و الحمد لله تعالى، مهيمن يوسف الموسوي
كربلاء المقدسة| مرقد عون بن عبد الله بن جعفر الطيار "عليه السلام"
١٦ صفر ١٤٤٤هـ٢٠٢٢/٩/١٣م يوم الثلاثاء ١٢:١٠ص
بحق الطفلة رقية بنت الحسين "عليها السلام" محرم ١٤٤٥هـ ٢٠٢٣م
مهيمن يوسف الموسوي
مشتاكه الك يحسين ريتك تجيني الحين
شفت الهضيمه وآنه يتيمه
ريتك تجيني الحين
*١*
يا بويه يا سبط النبي تدري برقيه
مشتاكه الك بويه شكثر يبن الزجيه
لمن متت فوك الثرى صرت باذيه
طول الوقت صبح و مسه ذكرك عليه
حزنانه عندي الروح دمعي بقهر مسفوح
شفت الهضيمه وآنه يتيمه
ريتك تجيني الحين
*٢*
طفله فلا مو للحزن يا بويه تدري
كل فركتك صعبه علي ما يبقه صبري
باول حياتي وبّعدت و بهذا عمري
صارت حياتي بس قهر ما ارفض امري
فكدك ابد ميهون اكضي حياتي شلون
شفت الهضيمه وآنه يتيمه
ريتك تجيني الحين
*٣*
محتاجه بويه الشوفتك ليش اتركتني
تدري بمماتك منذبح وزداد وني
من يوم عاشر بس اون وبكثره حزني
هاي المصيبه و الحزن ومنين اجتني
باول سنيني هموم حزني بقه للدوم
شفت الهضيمه وآنه يتيمه
ريتك تجيني الحين
*٤*
تقبلها بويه بهالعمر مسبيه آني
لمّن متت يا والدي يغدر زماني
كل آل اميه هالعده بحقده إجاني
سابني صعبه عالهزل حين الولاني
من كربله للشام بويه شفت آلام
شفت الهضيمه وآنه يتيمه
ريتك تجيني الحين
*٥*
فوك الهزل وآنه اصعدت ومجتّفيني
بهذا الوضع يبن النبي ومعذبيني
ولجلك دليلي منقهر هماله عيني
بهذا الوضع شوف شجره ريتك تجيني
من العده الانذال بحقد و خيانه نال
شفت الهضيمه وآنه يتيمه
ريتك تجيني الحين
*٦*
من ديره والديره أنه مسبيه بنتك
يمك يبويه بهالحدث تدري آنه ردتك
لاجن ذبيح اعلى الارض بعيوني شفتك
فوك الثرى جسمك بقه من آني عفتك
بحر الشمس مطروح ونحرك وسف مذبوح
شفت الهضيمه وآنه يتيمه
ريتك تجيني الحين
*٧*
طول الدرب يا سيدي بدرب السبايه
بس الاذيه و الحقد معروفه هايه
لا يمي بويه و نحتمي بيك الحمايه
واحنه بنات المصطفى خير البرايه
اعظم جرم بالكون هذا الذي ويكون
شفت الهضيمه وآنه يتيمه
ريتك تجيني الحين
......
مهيمن يوسف الموسوي
٨ صفر ١٤٤٥هـ
٢٠٢٣/٨/٢٥م يوم الجمعة ٣:٧م
اساسية بحق الامام الحسن المجتبى "عليه السلام" محرم ١٤٤٥هـ ٢٠٢٣م
مهيمن يوسف الموسوي
نصاب الحسن مسموم بگلبچ قهر وهموم
بهاي الرزيّه شفتي الاذيّه
*١*
يا فاطمه الزهره شكثر كل بلواچ
حزن وقهر باقي فلا ما خلّاچ
لمّن رحلتي فاطمه وتعناچ
هاي الرزايا باقيه دوم اوياچ
اول ابن مغدور من كل عده أهل الجور
من آل اميه شفتي الاذيّه
*٢*
مصاب الحسن يا فاطمه بيج الصار
ميته وعلمتي عادته حيف اشرار
عدهم طبع بس الخيانه و غدار
جان العده للمجتبى بوسط الدار
جعده تسمّه شلون لجله حزين الكون
بنوح و عزيه شفتي الاذيّه
*٣*
شحاله دليلج فاطمه وبيا حال
لمّن دريتي بالحسن دمعج سال
صابه العده بسم الخيانه الچتال
باقرب شخص منه حقد وشكد نال
کلب الحسن يا ويلاه حيف السموم الجاه
حيل التقيّه شفتي الاذيّه
*٤*
يم الحسن لجل الابن منقهره
حين الدريتي والدليل بحسره
منج دموعج هامله بكل عبره
ليش العده لابنج كثر وبغدره
عندج قهر واحزان بحسره وألم واشجان
آه الزجيّه شفتي الاذيّه
*٥*
چبد الحسن من العده متسمم
ابنج يزهره بهالوضع متألّم
لسبط النبي روح و گلب بيه الهم
جعده فلا عدها الگلب متندّم
سبط النبي المختار شاف الاذه واخطار
دمعج سريه شفتي الاذيّه
*٦*
بضعة نبينه المصطفى بهذا اليوم
سابع صفر بيه الحزن عندج دوم
لجل الحسن روح و دليلج مالوم
من الاعادي ضاهدينه مظلوم
مصابه بألم ذكراه حين العده من جاه
جتّه المنيّه شفتي الاذيّه
*٧*
وبكل سنه بهذا الحدث متألمه
وبمجلسه يا فاطمه متحزمه
گلبچ يلوع و منقهر وبهمّه
سم العده سار بجبدته و دمّه
ثاني أبن من راح صوت الرزايا ناح
روحج نقيّه شفتي الاذيّه
مهيمن يوسف الموسوي
٣ صفر ١٤٤٥هـ
٢٠٢٣/٨/٢٠م يوم الاحد ١٢:٠٣م
شوط كربلائي بحق زيد بن علي الشهيد "عليه السلام" قام بالثورة ٢ صفر ١٢٢هـ
محرم ١٤٤٥هـ ٢٠٢٣م مهيمن يوسف الموسوي
يا زيد الشهيد انطيت دمك والعمر لحسين
تطالب ثاره و تنصره تنصر ثوْرته والدين
يا مولاي يا مولاي
*١*
نذكرك سيدي كلنه يا ابن الولي السجاد
ثورتك عالظلم تبقى تذكرها تره العُبّاد
يا ثائر على الظلام بيك و نقتبس امجاد
فلا همك عدوك حيل باقي بفكرتك كل حين
يا مولاي يا مولاي
*٢*
باول من صفر ناديت تطالب للذبيح الثار
گاصد تطلب بثاره من كل العده الاشرار
ترضه الخالق بفعلك يامن تنصر الاحرار
وبدم الحسين تكون تفديله إله لسنين
يا مولاي يا مولاي
*٣*
مرّت جم سنين اعليك كل ذكرك بقه خالد
رغم ننسه يريد اعداك عكس فكر العده الحاقد
يا ناصر لإمام حسين على كل الظلم ناقد
ضد كل الشرور هواي تعادي كل عده و الشين
يا مولاي يا مولاي
*٤*
نستلهم فكر منك يا زيد الشهيد هواي
على نهضة إمامي حسين والدينه صرت وفاي
تعنيت بعزم وإصرار على الحگ والنصر عناي
رغم كل الاعادي دوم بخيانه هواي معروفين
يا مولاي يا مولاي
*٥*
بزمن جان الظلم موجود من كل آميه دوم
فلا يمعنك مكايدهم همّك تنصره المظلوم
ثاره تطلب و ثوره ترضه الخالق القيوم
كلها عادتك منهم حسافه حيف غدارين
يا مولاي يا مولاي
*٦*
تظل يا سيدي و مولاي خالد للأبد ذكراك
وارث من علي السجاد علوم و معرفه وياك
بحكمه ثوْرتك عالحگ نذكرك واحنه عد عيناك
ومصابك نذْكره كلنه بحزنّه وهامله كل عين
يا مولاي يا مولاي
*٧*
مصابك نذكره بونّه يامن للنصر ضحيت
لحسين الولي مولاي عمرك بالحرب وافديت
رغم قلة الينصرونك ثوره سيدي سويت
لجلك بالعمر ضحّو دونك بالحرب ميتين
يا مولاي يا مولاي
*٨*
يامن للذبيح حسين تطالب حيل و بثاره
الثورته و مقتله تنصر تريد و خالده افكاره
اسمك يقترن وياه يظل للدوم تذكاره
وأنصارك تظل وياك وبكل عام مذكورين
يا مولاي يا مولاي
مهيمن يوسف الموسوي
٢٤ محرم ١٤٤٥هـ
٢٠٢٣/٨/١٢م يوم السبت ٣:١١م
موشح بحق الامام السجاد "عليه السلام" محرم ١٤٤٥هـ ٢٠٢٣م
مهيمن يوسف الموسوي
اظلمت هاي الأرض واكوانها
للولي السجاد كلّ احزانها
*١*
اليوم ارض المصطفى الهادي الأمين
كل موالي بيها مقهور و حزين
لمقتل السجاد زين العابدين
ولمصابه ونّت ابأشجانها
*٢*
غاب من دين النبي رابع عمد
جان للدين الامام أحسن سند
رابع انوار الائمه منفگد
والديانه اهتزت بأركانها
*٣*
اليوم كل علم ومعارف و الحكم
غابت وعن البشر عن الامم
من رحل عنه الولي بسم و ظلم
راح من كل شيعته و وليانها
*٤*
مظلمه اليوم المدينه بموتته
غاب عنها وما يرد ولسيرته
شيعة الكرار كلها فكدته
ظلّت تنوح وتون كل شانها
*٥*
آه واعلى هالمصيبه الفاجعه
كل موالي اليوم هلّت مدمعه
من اجت ليها الرزيه و سامعه
والمدينه محزنه بميدانها
*٦*
غاب زين عباد واحسن كل بشر
والملائك من درت بيها القهر
ملتحق بحسين من مات بغدر
محزنه لجله لانس وي جانها
*٧*
مات مسموم بحقد من العده
بفعلته وجرمه تره شكد حاقده
ضدّت العتره وفلا مو سانده
بالخيانه وشكثر الوانها
*٨*
هالمصاب اليوم لجله كل محب
يذكره بحسره و دمع عينه يصب
هالمصييه و الجرح بيها الگلب
هالرزيه بالگلب نيرانها
*٩*
كل موالي و كل محب جنّ و إنس
بهالرزيه يشعر بروحه و يحس
ذاكرينه نستمر گطع النفس
لو كثر شيعة علي عدوانها
*١٠*
نذكر السجاد كلنه بهالعمر
ذكره خالد و المصيبه بالدهر
بصوت عالي لو حجينه نفتخر
تلهج الشيعه يظل تبيانها
مهيمن يوسف الموسوي
٢٩ محرم ١٤٤٥هـ
٢٠٢٣/٨/١٧م يوم الخميس ٧:٣٩م
موشح بحق الامام محمد المهدي "عجل الله فرجه"
محرم ١٤٤٥هـ ٢٠٢٣م مهيمن يوسف الموسوي
يا إلــٰه الكون و المعموره
للفرج عجّل يربّي اظهوره
*١*
طوّل اغيابه علينه المنتظر
لشوكت يا سيدي من ننتظر
يمته للمهدي نشوفه بالنظر
وشيعته بهذا الحدث مسروره
*٢*
ندري يا ربي غيابه بحكمتك
غيبة المهدي علينه غايتك
شيعة الكرار كلها تبعتك
وبكلامك يالصمد مأموره
*٣*
ندعي عجّل يا إلهي بهالظهور
ينصر الدين و فلا يبقه شرور
نفدي دمنه و العمر ننطي النحور
بهالأمر كل شيعته مفخوره
*٤*
ينصر الاسلام تعله رايته
كل تعاليمه تظل كل غايته
وبرغم كلها العده لو عادته
للشريعه تبقى بس منصوره
*٥*
يالصمد ربي على المهدي العَجَل
يظهر و ينصرنه باقي هالأمل
ندعي مهدينا بظهوره بهالعمل
هالدواعي للفرج منظوره
*٦*
آه و الآه شتفيد بهالأمر
يمته تخلص غيبته عن البشر
ما نعارض حكمتك ربي و قدر
ندري بالمهدي و غيابه و دوره
*٧*
بهالزمن يا ربي موجوده الفتن
ما يردها بس إمامي ابن الحسن
لو ظهر واعلى الخلق بيه الأمن
والشريعه تكون باحسن صوره
*٨*
لو ظهر واعلى الخلق النه الامام
يا الهي ما تظل جور و ظلام
ينصر الدين القويم أعلى اللئام
ما يظل ظلم الاعادي و جوره
*٩*
ندعي يا ربي العجل باقرب زمان
راية الإسلام تعله بكل مكان
المسلم و شيعي يظل بيه الأمان
والامام اعلى الدين يصبح سوره
*١٠*
يا مغيّر حالة الكون العظيم
يا الهي و خالقي ربٌ رحيم
بالفرج عجل لجل دين القويم
شيعته والنصرته منذوره
مهيمن يوسف الموسوي
٢٧ محرم ١٤٤٥هـ
٢٠٢٣/٨/١٥م يوم الثلاثاء ١:١٨م
للاستشهاد الامام السجاد عليه السلام
لحن: هذا اللي صار بعد المختار ، باسم الكربلائي
ليش المعصوم ميّت مسموم
مات السجاد و متسمم من أرذل گوم
......
إمام اعلى البشر كلها علي السجاد
متميز عليهم بأفضل العُبّاد
بحياته بس ظلم و الجور هو ساد
نفس جده النبي و حيدر رجع و نعاد
مر بلوعات وكلبه بحسرات
كلها اتضده و حيف تأذه. منهم مظلوم
......
ابن سيد البشر طه النبي المختار
وجده المرتضى حيدر علي الكرار
وبْن حسين يالمات بغدر لاشرار
معروف بصفاته وارث الاطهار
كل علمه هواي بدينه وفاي
قدم عمره و رايد نصره بأمر القيوم
......
كتاب الله الجلاله من نزل عدهم
جبريل الملك هو هبط يمهم
هذولي اللي فلا أحد يماثلهم
عليل الطف ابو الباقر تره منهم
رابعهم صار من الاطهار
علمه و فكره يشبه جده علمه للدوم
......
يعادونه علي السجاد يا وسفه
إمام اعلى المَلا كلها تره اتعرفه
ظلم و الجور و الباطل صبح ظرفه
عمره الي كضه ما نكدر انوصفه
حيف اتجازيه منّ اتعاديه
منهم متألّم كل گلبه صاير مهموم
......
بحقد و بكل غدر سوّه العده الجائر
يكيده بغدرته و كره لابو الباقر
يسمونه و يقتلونه اببغض ظاهر
فضله و كل مقامه عالخلق ناكر
ميت مغدور من أهل الجور
جسمه اتلوع بالسم صاير ميت مالوم
......
من مات الولي السجاد متسمم
المدينه بس حزن بيها و قهر خيم
الموالي بفكده أصبح هو متألًم
بحسره و مدمعه الهامل نصب مأتم
كلبه مجروح. حزنه بالروح
بمصابه تبجي بكل حسره ويهلّ ادموم
......
مهيمن يوسف الموسوي
شوط كربلائي للسبي
يعباس الكمر تدري زينب من رحت عنها
شحالي بالسبي بعدك مصايب حيل اذنها
شحچيلك يخويه شلون على حالي بعد فكدك
زينب تنسبي عالنوك واعوفك عالترب وحدك
غيابك يصعب اعليه يأذيني بكثر بُعدك
غدر بيه الدهر و الناس
يخويه يالگمر عباس
سبيّه اوي العده الارجاس
ورزاية كربله بكثره يخويه بس يألمنها
جنت مهيوبه وياكم يبو الغيره يكافلني
لجن لمن متت بالطف كلشي مختلف مني
تقبلها بسبي زينب لعادي حيف ينظرني
لاجن باليسر هيهات
يذلّوني يبو الوكفات
رغم بيه كثر حسرات
وبطول الدرب زينب على كل الجره ونها
اشاهد روس ويايه موجوده على لرماح
ودمهن عالارض ينزف يعباس بكثر من ساح
شحالي من اشاهدهن شايلهن عده سفاح
اباوع راسك اكبالي
صعب يا خويه يا غالي
وبهذا الوضع حالي
راسك بالدمه تخضّب مصايب زينب اذّنها
ياخويه الكمر تدري لمن بعّدت و الصار
آنه ام الخدر اصبح يسبيني العده الاشرار
ولا جنهم يعرفوني ابويه حيدره الكرار
وخويه المنذبح لحسين
يكافل كلنه معروفين
نسه يا حيف مسبيين
ويشاهدنه العده الخاين رزايه والاذه جنها
شحامي يا گمر هاشم يخويه كل نسه واطفال
يأذوني و يقهروني كل هاي العده الانذال
وعلى حالك يبو فاضل دمعي اعلى الوجن همّال
بديه جم حبل صاير
يأذّيني العده الجاير
وعلى العيله العقل حاير
مسبيه العقليه شلون اذه هالجيش لوعنها
تمنيتك يخويه اليوم عدل يا كافي يمّي
فلا احد يصل ليّه ولا يبقه بگلب همّي
لاكن خويه و شبيدي جتيل أعلى الارض مدمي
بعدك موتك يبو الغيره
العقيله صارت بحيره
سبيه اوي العده اجبيره
وأنه جدي النبي الهادي سلاله طاهره منها
سبونه بكربله و شفنه رحنه كلنه للكوفه
وعدوّك يا گمر هاشم يريت انته تره تشوفه
يأذّونه و يعادونه بسّ احقاد معروفه
كلبي بهالوضع تدري
شحمل يا قهر بأمري
يعباس و نفذ صبري
العيله والنسه بشوگ للوليان كل حنها
شحجيلك يكافلني گلبي شاهد المأسات
يسرونه الف وسفه لاكن ما اذل هيهات
وروحي محزنه ليكم بيها يالگمر حسرات
تقبلها بلا كافل
صعب يا سيدي حاصل
يحدي هالضعن قاتل
كلها عيلتك بعدك مصايب حيل شافنها
يا كافل چنت تدري كفيلي يالگمر بحماك
وبخدري اظل يمكم يا خويه تره وياك
لاكن من متت بالطف يحديها الضعينه اعداك
بعد كل الخدر وشلون
امشي اوي العده الملعون
على زينب ابد ميهون بلايا وبس تعنّها
يا شبل الوصي حيدر وضعي باليسر صعبه
من أرض الطفوف هواي سبينه يا عسر دربه
كلها آل اميه أحقاد ضد المصطفى و ربّه
شنهو هالنسه و اطفال
سبي راحت مع الانذال
وصفينه باصعب الاحوال
كثر من الاذيه هواي الف يا حيف جربنها
١:٥٢م
مهيمن يوسف الموسوي
٢٠٢٣/٨/٧م يوم الاثنين ١٩ محرم ١٤٤٥هـ
للسبي ، محرم ١٤٤٥هـ ٢٠٢٣م مهيمن يوسف الموسوي
يبويه كون موجود تحضرنه
تشوف شلون هاليوم تنظرنه
بلا وليان قهر و احزان
يبويه كون موجود تحضرنه
*١*
يبويه لو الي تحضر تشوف الصار باحوالي
مصايب كربله سوّت حزين هواي دلالي
بعد ولياني من غابوا بقهر يا حيدره حالي
گضو وبكربله بالطف ضحايه راح كل غالي
ولا عالبال يرحون من يمي
ودمع همال وزداد كل همي
على الخوان قهر و احزان
يبويه كون موجود تحضرنه
*٢*
بحمه خواني يا حيدر جنت يا بويه وياهم
يحاموني ويراعوني لچن هاليوم بجفاهم
فلا باقي كل واحد فلا كل حالي بحماهم
جثث ظلت على الغبره سليبه نازفه ادماهم
واهلّ العين لحسين و الكافل
صرت لا وين وياي هالحاصل
سبي العدوان قهر و احزان
يبويه كون موجود تحضرنه
*٣*
يبويه لو تشاهدني على حالي و شنهو الصاير
العقيله بيا وكت صارت سبيه اوي العده الجائر
على نوك الهزل اصعد عدوي باليسر ناظر
وانه الما جان ينظرني وعلى حالي الکلب صابر
وحزن بالروح موجود ويايه
دمع مسفوح مذروف وهوايه
بوضع خذلان قهر و احزان
يبويه كون موجود تحضرنه
*٤*
يحيدر كربله منها مصايب شاهدت عيناي
واشدهن من يجتفوني سبيه لا اخو وياي
وانه ام الخدر زينب صعب هاي القضيه هاي
فلا لحسين مو يمي ولا يمي بقه الوفاي
بلا كفال عباس كافلني
صعب هالحال ما راح كل حزني
بكثر لأكوان قهر و احزان
يبويه كون موجود تحضرنه
*٥*
احامي بهالوضع المن سبايه هالنسه واطفال
سُكينه لو رقيه احمي العده منهن باذيّه نال
سبايه وكلهن اتجتفن بديهن ترتبط لحبال
وعلى حسين الولي دمعي بكثر يا حيدره من سال
تأذّي الكوم وياي يا حيدر
بگلب مهموم واحزان بس تكثر
انس و الجان قهر و احزان
يبويه كون موجود تحضرنه
*٦*
يحيدر يا علي بويه دليلي بي قهر و جروح
العقيله باليسر راحت يأذّي هالأمر بالروح
وعلى اهلي و مصيبتهم دمع عيني بقهر مسفوح
واشدهن يقهر ايلوّع كفيلي و الولي المذبوح
فلا عباس وحسين يحميني
وسط هالناس نظرات تأذيني
الاعادي خان قهر و احزان
يبويه كون موجود تحضرنه
*٧*
بنات المصطفى و آله يبويه شافت الآلام
تعادينه و تأذينه علينه تعتني الظلام
بحقد وشكد كره منهم اشد واصعب تره الايام
بظلم اخسه البشر منه تعادينه وسف حكّام
العِده معروف باحقاد ويانه
يريت تشوف لانذال من جانه
ابد ما هان قهر و احزان
يبويه كون موجود تحضرنه
مهيمن يوسف الموسوي
١٣ محرم ١٤٤٥هـ ٢٠٢٣/٨/١م يوم الثلاثاء ١٢:٥٢م
للإمام الباقر عليه السلام
مهيمن يوسف الموسوي ١٤٤٤هـ ٢٠٢٣م
يا إمامي الباقر و عمرك مصاعب
يا إمامي شاهدت كل المصايب
يا إمامي اشصبـّرك و بهالنوايب
*١*
باقر اعلوم النبي أحسن صفاتك
يا صبر عندك حمل كل نايباتك
والرازيه شاهدت باول حياتك
واستمرت سيدي الساعة مماتك
باقي صابر وبرغم كل الأذيه
باقي صابر والجِره من آل اميه
باقي صابر يا ابن نسل الاطايب يا إمامي
*٢*
بيمن ابدي سيدي والله عجيبه
أربع سنين و شفت اعظم مصيبه
بالطفوف بكربله قصـة رهيبه
گلبك بحسره صـُبح حاله كئيبه
شاهدتها كربله و شنهو الجرالك
شاهدتها بس حزن والهم بقالك
شاهدتها كل عدوّك و الكتايب يا إمامي
*٣*
شاهدت بدر الهواشم عالشريعه
كل چفوفه امن العـِده صارت گطيعه
ساعد الله گلبك بهاي الفجيعه
جسمه شفته مؤذّر و جثه صريعه
يجري دمّـه بالسهام و من تصوّب
يجري دمّـه والجسد بالدم تخضـّب
يجري دمّـه سال دمعك تراقب يا إمامي
*٤*
شفته بالطف الولي بين آل أميّه
ظل وحيد حسين بس بالغاضريه
كلها ضدّه و حاطته كل الاذيّـه
والجيوش اتحاربه مو سهله هيـه
لا بوفاضل بالحرب لحسين يَمّه
لا بوفاضل ينصره و يروح هَمّه
لا بوفاضل منذبح فوگ الترايب يا إمامي
*٥*
والحـُسين بكربله و بلا مـُناصر
شفته كلها حاطته كل العساكر
صار بين اسيوف هوّ بيوم عاشر
يا عجبيه تحملت و شلون صابر
من تأذّه والشمر رايد يقتله
من تأذّه شاهدت لمـّن وصلّه
من تأذّه گلبك بكل حسره ذايب إمامي
*٦*
سيدي حالك فلا يوصفه كلامي
منگضي عمرك مصايب يا إمامي
اصعب اعليك الولي المذبوح ضامي
و نذبح راسه و صـُبح كل جسمه دامي
عالوطيّـه جثـّته و صارت خضيبه
عالوطيّـه وأصبحت وسفه سليبه
عالوطيّـه والاعادي كلشي ناهب إمامي
*٧*
وِنـْعـَرف منهو العده و شنهو كيانه
چانوا ايذوّك كثره بكل زمانه
تالي عمرك تقتلك اهل الخيانه
والعِده بسَمّك كِثر من لوّعانه
كل حياتك بس قهر شفت بسنينك
كل حياتك يالولي الله يعينك
كل حياتك ونملت بس المتاعب إمامي
مهيمن يوسف الموسوي
١٤٤٤هـ ٢٠٢٣م
شهادة الإمام الصادق عليه السلام
نبعث بحسرة گلب واشجانه
للامام المنتظر مولانه
.......
بهالمصيبه كل موالي بالحزن
صادق العتره اله يبچي و يون
دمعته تسري بقهر و بكل شجن
زيّدت هاي الرزيّه احزانه
.......
جعفر الصادق اله باقي الولاء
نذْكر امصابه بألم وبهالعزاء
شنهو وضعك سيدي تبچي بدماء
حاضر بهذه العزه ويّانه
.........
يا ابو صالح عليك اچم مصاب
گلبك و روحك تون رغم الغياب
و بمصاب الصادق او صرت بعذاب
كل دليلك والحزن عنوانه
.........
تذكر الصادق لَمَن ضدّه العده
ليش كلها عادته و هم تضهده
قلّه من شيعة علي من تسنده
عايش ابأصعب وضع دنيانه
.........
عانه انواع الظلم من تذكره
من اميّه اهل الحقد و الجائره
وي بني العباس بس تكره تره
بس حقد وشگد أذه بعدوانه
.........
حالك الصاير يبن خير الأنام
بهالمصيبه اللي تأذي يا إمام
جعفر الصادق يسموه اللئام
نحزن اوياك بكثر خلّانه
.........
بالمجالس من اجيت بيا وضع
من تشوف الشيعه تبجي تهل دمع
من اجل صادقنه كل هذا الجزع
هالمصاب و ننقهر سوّانه
.........
يا صبر عندك إمامي يا صبر
هالرزيه سيدي بيها القهر
و المناحه و الحزن عدها كثر
عندك هواي الجزع و اركانه
مهيمن يوسف الموسوي
موشح رجوع ضعن بني هاشم من الشام إلى كربلاء
صفر ١٤٤٥هـ ٢٠٢٣م مهيمن يوسف الموسوي
ردّت امن الشام وبأحزانها
گاصده اگبور الأهل وليانها
*١*
راجعه اطفال و نِسه منّ اليسر
گصدت حسين وهَلَه بحزن و قهر
تدفن الروس و تزوره بهالأمر
تبچي و تنوح بألم واشجانها
*٢*
يوم عشرين بصفر بيه الألم
من ترد ولكربله كل الحرم
تشكي كلّ الصار بيها و تنهضم
بس اذيه واگبلت عدوانها
*٣*
زينب الحره اجت هماله عين
رايده تزور الگمر ويه الحُسين
وكل بني هاشم اهلها الطاهرين
والاشد گبر الاهل خوّانها
*٤*
گصدت بقهر وألم يم الگبر
رايحه بلوعه و مصيبه اعلى النهر
عالگبر منها الدمع يسچب كثر
يلهج بذكره و وفائه السانها
*٥*
ودفنوا راس الگمر راس الكفيل
صار وبدفنه نياحه و بس عويل
شحال صاير يا حزن عند العليل
لكربله الروس الاهل دفانها
*٦*
للحسين المنذبح گصدوا إله
زينب الحره واجت هالعايله
والعليل بدمعته بس هامله
والملائك والانس وي جانها
*٧*
اصعب امصاب و ألم بالأربعين
من تردّ العايله بگلب الحزين
للحُسين المنذبح من حاقدين
والارض حزنت تره بسكانها
*٨*
هالنسه و اطفال وشبيها جروح
بأربعين حسين والحزنانه روح
والحزن وسط الگلب لا ما يروح
تبچي وبحسره على شجعانها
*٩*
شاهدت هالعايله گبور الاهل
بهالمصيبه كل دمعهم بس همل
صعبه هذا اليوم عدهم وشحصل
والاشد منهو يردها اوطانها
*١٠*
آه ولهاي المصيبه الفاجعه
كل موالي روحته متلوعه
لو ذكرها ساجبه كل مدمعه
شيعه كلها ازلامها او شبانها
مهيمن يوسف الموسوي ١٦ صفر ١٤٤٥هـ ٢٠٢٣/٩/٢م يوم السبت ٣:٥٢م
رجوع السيدة زينب "عليها السلام" من الشام إلى كربلاء في الأربعين
صفر ١٤٤٥هـ ٢٠٢١م مهيمن يوسف الموسوي
مِنّ اليسر ردّيت شفت الأذه و عانيت
زينب سبيّه بين آل اميّه
خويه عباس خويه عباس
*١*
يا كفيلي بحالتي مقهوره آني
تدري من بعدك تره يغدر زماني
كل عدوّك من متت جاي و ولاني
عالهِزَل رحت بسبي بضعنه خذاني
بنت النبي و شلون بين العده الملعون
قهر و اذيه بين آل اميه
خويه عباس خويه عباس
*٢*
يوم عشرين بصفر جيتك يكافل
والدمع مني سچب و هواي هامل
عالجره بدرب السبايه واللي حاصل
والجسد من الاذه يا خويه ناحل
طول الدرب بحبال خله دمانه سال
صعبه عليه بين آل اميه
خويه عباس خويه عباس
*٣*
اشتكيلك يالاخو وكل دمعي يسچب
رايحه للشام تقبل هيه زينب
كل دليلي منقهر وبناره يلهب
بربعينك يالگمر هاليوم انحب
لگبرك إجيت اليوم روح و گلب مهموم
بالغاضريه بين آل اميه
خويه عباس خويه عباس
*٤*
راجعه و روس الاهل جيت الدفنها
روحي و اعلى فركتك عالي حزنها
من متت زينب مصايب بس ولنها
جم رزيه واگبلت روحي اجنها
اشكي الجره و الحال حين الاعادي نال
معروفه هيّه بين آل اميه
خويه عباس خويه عباس
*٥*
يا كفيل العايله تدري شجرالي
بمجلس ايزيد النذل كل هذا حالي
من متت يم النهر هيجي صفالي
بحيرتي وكل القهر هذا البقالي
اشكي هضم دنياي وشكد اذه وياي
دمعي سريه بين آل اميه
خويه عباس خويه عباس
*٦*
للكبر جيتك يخويه يا كفيلي
من وصلت الكربله ونزاح حيلي
روحي كلها محزنه وكله دليلي
ولمصابك كل نهاري و كله ليلي
بيوم أربعينك جيت يم الگبر ونّيت
بنت الزجيه بين آل اميه
خويه عباس خويه عباس
*٧*
بالضعن بس النسه هاليوم اجينه
روحي لمصابك تظل خويه حزينه
والاشد يوم أربعينك يا ولينه
منهو الي ردنه يخي لارض المدينه
ارجع يبو النوماس وتشمّتت هالناس
بنوح و عزيه بين آل اميه
خويه عباس خويه عباس
مهيمن يوسف الموسوي ١٢ صفر ١٤٤٥هـ ٢٠٢٣/٨/٢٩م يوم الثلاثاء ١٠:٢١ص
موشح رجوع السيدة زينب "عليها السلام" من الشام إلى كربلاء
صفر ١٤٤٥هـ ٢٠٢٣م مهيمن يوسف الموسوي
وين گبر حسين بس دلّوني
رايده بزيارته عينوني
*١*
يا علي السجاد دليني الگبر
كلبي لحسين انمله حزن و قهر
بربعينه يوم عشرين بصفر
رايده گبره تشوفه اعيوني
*٢*
وين كبر حسين يا ابن الشهيد
ندفنه راس الولي كلنه نريد
وذكر مصابي واذه من كل يزيد
عالگبر بس رايده تخلوني
*٣*
اشكي لحسين الاخو بدرب السبي
شلون كل هاي النسه وي اجنبي
وكلها تدري بالنسب جدنه النبي
جنهم الانذال ما عرفوني
*٤*
آه گلبي وشحمل نوح و مصاب
ارد اكلّه المنذبح صرت بعذاب
لاچن شبيده فلا عنده جواب
من اكله هالعده ياذوني
*٥*
يا علي السجاد يا زين العباد
رايده اشكي حياتي واضطهاد
يم اخويه المنذبح انشر حداد
حسره و بگلبي شكثر تدروني
*٦*
جيت من ذاك السبي و ذاك الألم
للولي اشكي الاذيه و انهضم
رحنه للشام وكثر احنه حرم
عالهزل حيف العده يسبوني
*٧*
بربعينه اليوم عندي اشجم كلام
ابدي وبونّي على حسين الإمام
و عالجرالي امن الاعادي الانتقام
بالاهل وبكربله قهروني
*٨*
جيت لحسين السبط باصعب وضع
ندفن الراسه و يهل مني الدمع
بهالرزيه زينب و عدها جزع
بموت الحسين بذبح فرقوني
*٩*
من بعد كل الاذيه باليسر
جيت وبدمعي السجب مني كثر
حسين مظلوم بمصابه و بغدر
وزينب الحره عجب يسروني
*١٠*
هالنسه و اطفال كل العايله
ردّت بحسره وقهر ولكربله
عالگبور وكل دمعهم هامله
بهالقضيه وشكثر عذّبوني
مهيمن يوسف الموسوي ١٣ صفر ١٤٤٥هـ ٢٠٢٣/٨/٣٠م يوم الاربعاء ١٠:١٦ص
رجوع السيدة زينب "عليها السلام" من الشام إلى كربلاء في الأربعين
صفر ١٤٤٣هـ ٢٠٢١م مهيمن يوسف الموسوي
يخويه للگبر جيتك أنه زينب تعنّيتك
ازورك يا إبن حيدر و دليلي امن القهر يسعر
أنه زينب تعنّيتك
*١*
يعباس الشهم جيتك أنه بحزني
على گبرك يخويه زاد كل ونَّي
مصابك يا گمر هاشم يألّمني
واحس روحي بفركتك هل تعذّبني
غيابك يصعب اعليّه بعد موتك اذه بيّه
يحامي للنسه الخدّر دليلي امن القهر يسعر
أنه زينب تعنّيتك
*٢*
يكافلني يبو فاضل صعب أمري
رحت مسبيه بين اعداك هم تدري
فلا مرّه مثلها صارت بعمري
وسط كل العده صاير وسف يِسري
مصايب شافت عيوني عداي اهواي اذّوني
عجب گلبي بقه يصبر دليلي امن القهر يسعر
أنه زينب تعنّيتك
*٣*
دمع عيني على فگدك صُبح مدرار
عظيمه هالفجيعه منها لا ما صار
سبيه امچتّفه ويّه العِده الأشـرار
و تركتك عالنهر يا فارس المغوار
على الغبره إنهدر دمّك عدوّك و بكثر يمّك
وشاهد جسمك اتوذّر دليلي امن القهر يسعر
أنه زينب تعنّيتك
*٤*
كفيلي وتْركتني يالبطل عبَّاس
وسط كل العده اهل الغدر لأرجاس
فلا أعتب أنه يا صاحب النوماس
لچن جيت بهمومي الما يِحدها اقياس
حِزن عندي و ألم كِثره بقت و بداخلي العَبره
زماني إعليّه متغيّر دليلي امن القهر يسعر
أنه زينب تعنّيتك
*٥*
شفت بعدك يبو فاضل قهر و احزان
رزايا و افجعت كل الإنس و الجان
عليها احزنت ارض و سمه الأكوان
مشيئه امن الجلاله الخالق الرحمٰن
حكم رب السمه بينه مصايب كربله اعلينه
فلا بيها مفر نگدر دليلي امن القهر يسعر
أنه زينب تعنّيتك
*٦*
يخويه يا كفيل العايله و حمّاي
منو يرد الضعن لارض المدينه اوياي
صعب زينب ترد و بلا اخو الوفّاي
عليل و بس نسه اوياها يساقي الماي
لچن هذا الجره و صاير سبب ظلم العده الجائر
وأحس حزني تره يكثر دليلي امن القهر يسعر
أنه زينب تعنّيتك
مهيمن يوسف الموسوي ٢١ صفر الخير ١٤٤٣هـ ٢٠٢٢/٩/٢٩م يوم الاربعاء ٤:٤١م
رجوع السيدة زينب "عليها السلام" من الشام ، صفر ١٤٤٥هـ ٢٠٢٣م
مهيمن يوسف الموسوي
يخويه حسين للشام ودّوني
حسافه اعداك صاروا ينظروني
وجيت اليوم بدليلي هموم
يخويه حسين للشام ودّوني
*١*
اجيتك خويه مهمومه على اللي صار باحوالي
حزينه هواي مقهوره عليّه الضيم يجرالي
سبيه حيف يا خويه بعد ذاك الخدر تالي
على نياك الهزل اصعد فلا ويّاي كفّالي
حزينه الروح يحسين والينه
عليك انوح وبحسره ونينه
حزن للدوم بدليلي هموم
يخويه حسين للشام ودّوني
*٢*
علي لوعات من مرّن عجيبه والگلب صابر
أشدهن يالولي اعليه و صبح حتى الفكر حاير
لَمَن ظلّيت عالغبره اشد موقف الي صاير
ذبيح و يجري كل دمك على صدرك طبع حافر
ضلوعك ليش مولاي متكسره
بقيت شلون مطروح عالغبره
صرت مظلوم بدليلي هموم
يخويه حسين للشام ودّوني
*٣*
صعب اصعد على الهزّل خذوني اعداك مسبيه
وانه ام الخدر زينب عجب هيجي جره اعليه
زماني و البشر ضدي وقهر وهموم بس بيّه
فلا كافل ولا والي بسندهم آنه محميه
فلا عباس وياي كافلني
ولا لحسين حماي حاميني
دمع مسجوم بدليلي هموم
يخويه حسين للشام ودّوني
*٤*
شفت يحسين يالوالي تشمّت بينه كل اعداك
لَمَن بالشام دخلنه فلا شاف الضعن بحماك
سبوها عيالك و شافت اخس كل الاعادي اوياك
عجب يبن النبي الهادي عدوّك بالسبي جازاك
الاعادي هواي يا حيف اذونه
رغم والله كلهم يعرفونه
لأمر معلوم بدليلي هموم
يخويه حسين للشام ودّوني
*٥*
على قصر العده طبّت نسه آل النبي الخدّر
عجب يحسين هالموقف عليها اعداك بس تنظر
لَچَن زينب فلا تنذل أنه بنت الوصي حيدر
خطبت بخطبتي اعليهم اضدّن باطل و كل شر
رغم هالحال حزنان كل گلبي
لَچَن وارضيت بالصار من ربي
الحدث مقسوم بدليلي هموم
يخويه حسين للشام ودّوني
*٦*
لَمَن راسك انظرنه يزيد اعليه ضل يضرب
حسافه بالعصا ضارب جبهتك منّه تتصوب
اشوفه و مدمعي يجري دليلي هواي متعذب
ابن خير الخلق كلها يضربه حيل و تعجب
عليك العين يحسين سجابه
الكلب مقهور من غاب أحبابه
كثر مالوم بدليلي هموم
يخويه حسين للشام ودّوني
مهيمن يوسف الموسوي
٤ ربيع الاول ١٤٤٤هـ
٢٠٢٢/٩/٣٠م يوم الجمعة بغداد ١٠:٤٨م
بحق الطفلة رقية بنت الحسين "عليها السلام" محرم ١٤٤٥هـ ٢٠٢٣م
مهيمن يوسف الموسوي
رقيه طفله شمسويه منّ حسين حرموها
مسبيه الف وسفه عدوها حيل اذوها
مظلومه مظلومه
*١*
يخويه حسين من بعدك رقيه بنتك الصارت
مشتاقه الك كثره على غيابك يخي حارت
دمعها عالوجن سايل وعدوها بالأذه جارت
بنتك والعده ضدها عجب وشلون جازوها
مظلومه مظلومه
*٢*
زينب تنْشدك و تكول يخويه بنتك بحيره
تروح شلون مسبيه غريبه رايحه الديره
تباوع عالرمح راسك نظرها شلون وتديره
ينزف بالدمه تشاهد عدوها من يخلّوها
مظلومه مظلومه
*٣*
غيابك مو سهل عدها فلا تحمل ابد فركاك
تمنّت يا ابو اليمه رقيه تكون بس وياك
تبجي لفركتك يحسين تشوفك حيل تتمنّاك
عدوك يا وسف منه وبكثره هواي ظلموها
مظلومه مظلومه
*٤*
تريدك لو تمر بالطيف يخف منها الحزن و النوح
تره افراك الابو اعليها يخلّيها الکلب مجروح
طفله وبزغر سنها منها كل دمع مسفوح
واشد جور العده وظلمه رغم يحسين يدروها
مظلومه مظلومه
*٥*
يدروها عزيزتكم طفله تنظلم منهم
يأذونه و يقهرونه يخويه هاذ كل همهم
نذاله والحقد ضدنه اجتنه وبكثر عدهم
كل دين و شريعه حيف يا مولاي خانوها
مظلومه مظلومه
*٦*
دخلت للقصر بنتك وكبال العده الاشرار
يزيد وبيها ظل يقهر يجيب الراس عالانظار
راسك جابه متقصد يم بنتك يخويه صار
رقيه اتشاهد و تنحب بشد لاحزان سوّوها
مظلومه مظلومه
*٧*
رقيه تنحب بحسره من راسك تشوفه العين
متأذيه بكثر خويه اشد واصعب تره هالحين
لاكن بالبجي هدئت ميته ولحكتك يحسين
من كل ظالم و جائر وبهذا اليوم موتوها
مظلومه مظلومه
*٨*
اويلي شلون من ماتت نظرها امن البجي معمي
وكلبها امن الحزن مقهور اشاهدها بألم يمي
رقيه طفله ونظلمت وحك بنت النبي امي
عدونه لا رحم عنده جريمه شلون فعلوها
مظلومه مظلومه
*٩*
يخويه حسين لو تدري على غيابك قهر و آلام
واشدهن من لاجل جاها دفناها بغرب هالشام
وسط كل الاعادي تكون يجاورها بشر ظلام
كبرها بالغرب وحده منو امن الناس زاروها
مظلومه مظلومه
*١٠*
عمرها بس خمس أعوام رقيه من اجاها الموت
يخويه تذكرك ظلت باقي مستمر هالصوت
طفله صعبه يا خويه يحملها تره التابوت
مو وكت الكبر وتروح عدونه ما يبقوها
مظلومه مظلومه
مهيمن يوسف الموسوي
٦ صفر ١٤٤٥هـ
٢٠٢٣/٨/٢٣م يوم الأربعاء ١٢:٣١م
موشح بحق الامام الحسن المجتبى "عليه السلام" محرم ١٤٤٥هـ ٢٠٢٣م
مهيمن يوسف الموسوي
آه لمصاب الحسن بيه الجزع
أذّه كلها شيعته و هلّت دمع
*١*
يا عظيم امصاب مر اعلى المحب
يقهر الروح ويگطّع كل گلب
لو نذكره كل مدامعنه تصب
بالحزن كلمن مصابه يستمع
*٢*
للحسن وسفه الغدر لمّن اجاه
والعده باقرب شخص حين الولاه
وبنذاله وبخيانه وكت اللگاه
راد سمّه و ينقتل وبهالوضع
*٣*
سمّته جُعده بِنَت لاشعث وسف
زوجته عدها الگلب لا ما يرف
چان عدها يموت كل هذا الهدف
بهالقضيه باقيه ما تمتنع
*٤*
شلون عدها هالأمر جداً سهل
تقتل المعصوم وبهذا العمل
رادته يوصل اله كون الأجل
بموتته وبلا قهر لا تنفجع
*٥*
جبده بالسم نمله حيف الحسن
ظل يلوع امن الالم و شكد يون
عادته الاشرار كل اهل الفتن
ومن نسل جده النبي تقوى و ورع
*٦*
كل عدوه مع اله قوه و نزال
لو يجيله و يعتني حين القتال
بس خيانه عنده ويلي ولا محال
للغدر وشكد نذاله يندفع
*٧*
ليش مسموم الحسن وبلا ذنب
ضد ظلامة آل اميه هالسبب
كل حقيقه تنذكر لا ما تنحجب
ينقتل من العده أهل الطمع
*٨*
هالمصيبه و الرزيه الفاجعه
كل موالي امن الخلق هل مدمعه
تدري مظلوم الإمام و قانعه
تنذكر هاي المصيبه بكل جمع
*٩*
عادته الانذال كل اهل الغدر
كلها تدري والده فارس بدر
والنبي جده تره خير البشر
بهالامر كل العده ما يقتنع
*١٠*
باقيه هاي المصيبه والألم
نذكر الصار و جره واعلى الأمم
شلون سبط المصطفى شاف الظلم
ضدّته الاعداء ضد كل الشرع
مهيمن يوسف الموسوي
١ صفر ١٤٤٥هـ
٢٠٢٣/٨/١٨م يوم الجمعة ١١:١٣ص
شوط كربلائي بحق زيد بن علي الشهيد "عليه السلام" قام بالثورة ٢ صفر ١٢٢هـ
محرم ١٤٤٥هـ ٢٠٢٣م مهيمن يوسف الموسوي
على كل الظلم و الجور ثار بوجه كل ظالم
ضد آل اميه ثار فلا يمنعنه ابد حاكم
*١*
زيد او ثورته بيها يطلب للذبيح الثار
على الحك بارز بهمه وبهذا الامر مغوار
ما رده العده وغدره ولا ايمنعه اذه واشرار
ينصر رايد المظلوم
من هاي البشر والگوم
يرضه الخالق القيوم
ثوره و النعم منها فلا ردّه عده اللائم
*٢*
ما همه الاعادي هواي ولا ردّه ابد شرّه
برز وبكل شجاعه بيه ينصر رايد العتره
بنهج جده الحسين يكون باقي مستمر بأمره
والوالد علي السجاد
تبع كل سيرته ونگاد
الرضا رب السمه و عبّاد
بالثوره بقه صامد عليها معتني عازم
*٣*
من الصادق المعصوم طلب رخصه بثورته ايريد
لجل المنذبح عطشان عزمه والگصد ميهيد
باول من صفر ثائر وبهاي الحرب صنديد
ورث من حيدره عزمه
ينصر ثورته همّه
فده لحسين كل دّمه
يطالب راد وبحگه بقضيته دوم ما نادم
*٤*
رايد ينصر المظلوم ميهمه الاذه و آلام
ولا كلها يعادونه من هاي البشر حكام
بثباته باقي متهيئه رايح معتني باقدام
گايل عالنصر للدوم
لجله هالگلب مهموم
ذبيح اعلى الثره مدموم
ضد كل آميه كون وبحربي بكثر حازم
*٥*
مثل ما جدي بالثوره زيد و كايل الهيهات
هيهات الظلم وياه اتبع جدي حين المات
زيد بهالأمر جمّع زلم ضد العده و ظلمات
برز بيهم بشجاعه هواي
لجل الحگ اجه عناي
وبدينه بكثر وفاي
كل هاي العقيده بيه بگلبه ثابت او لازم
*٦*
جمع لجل القضيه هاي زلم لجله إله انصار
وبدمه و حياته يريد تتخلد تظل لأفكار
المن معتني لحسين يضحّي هواي بالأعمار
فده كل الاهل للدين
سره وبكل درب لحسين
باقي بهالأمر لسنين
زيد بهالحرب للدوم باقي مستمر جازم
*٧*
لاكن والعده بغدره بخيانه والحقد معروف
ضد آل النبي الهادي وبهذا الكره موصوف
بكلام الله و نبيّه دوم ميطبقه تره ويعوف
زيد الثائر اعلى اعداه
يغدرونه الف وسفاه
اذّاهم تره السوّاه
ما هاب الأجل لو جاي دينه رايده سالم
*٨*
تغدره هالعده الخاين تقتله بالحرب مغدور
تعاديه البشر يا حيف دمه اعلى الارض مهدور
ولجله كل محب حزنان گلبه امن القهر مفطور
نظل طول الزمن بالنوح
لمصابه الگلب مجروح
حزنه مستمر بالروح
نذكره بكل سنه وكل عام دمعنه عالوجن ساجم
*٩*
هذا ابن الولي السجاد ثورته خالده متروح
نتعلم بطولاته وعلى مصابه الدمع مسفوح
من ثار البطل باصرار على دم الولي المذبوح
منه هالبشر و الناس
قدوه صاير او مقياس
نهض وبكل عزم واحساس
طلع بمهنده يحارب ولو شاف الاجل قادم
*١٠*
كلها شيعة الكرار على زيد الشهيد هواي
تنوحه المقتله و تبچي على حين الاذه من جاي
لحسين الولي ينصره والفكره يظل حمّاي
رغم بُعده على موته
لاكن ما ترك صوته
ضد كل العده ابفوته
رايح معتني بأهداف بالثوره بكثر فاهم
مهيمن يوسف الموسوي
٢٣ محرم ١٤٤٥هـ
٢٠٢٣/٨/١١م يوم الجمعة ١٠:٤٠م
نزلة ميمر بحق الامام السجاد "عليه السلام" محرم ١٤٤٥هـ ٢٠٢٣م
مهيمن يوسف الموسوي
خلّص حياته حزنان دمعه بكثر مسراها
*١*
شيحمل مصايب و المحن و الاشجان
تشهد على احزانه تظل انس و جان
يذكر مصاب المنذبح والوليان
بعد الامام المظلوم بروحه المصيبه اوياها
*٢*
گلبه ابو الباقر فلا مثله صار
شاف الرزايا و الاذه و الأخطار
بعينه يشاهد منذبح ابن اطهار
ذبحة ابوه اعلى الكاع بروحه و گلب حملاها
*٣*
الله يعينه بهالحدث من شافاه
فوك الثرى حسين الإمام و يلگاه
شمر النذل وسفه بغدر من ذبحاه
هاي المصييه السجاد بطول العمر ذكراها
*٤*
شاف الحسين اعلى الثرع متوذر
بوضعه عجب عنده الگلب من يصبر
وجثته تظل فوك الترايب بالحر
وبلا غسل لا دفان لجثته تره سوّاها
*٥*
رابع أمام أعلى البشر و الاكوان
الله يعينه من يشاهد نيران
بحرگ الخيم وبكل حقد من عدوان
لهاي النسه و الأطفال باصعب وضع يلگاها
*٦*
ام الخدر زينب يشاهدها شلون
لا كافل الظل لا اخوها اليحمون
والله صعب هذا الوضع لا ميهون
وبيا مصيبه السجاد بهذا الوضع حلّاها
*٧*
بكيد و سلاسل منسبي بهذا الحال
وهو عليل امن المرض دمعه سال
شبيده على هاي النسه و الاطفال
كلها تضدّه وما موجود ناصر اله يفداها
*٨*
بضعن العده وكل النسه للكوفه
شاف الاعادي بهالحدث و يشوفه
بيه الشماته و الغدر موصوفه
ذكرو علي بهذا الحال يامن لجلهم جاها
*٩*
وبكل قهر ظل ابو الأكبر حيل
من الخيانه امن الخلايق يا ويل
وكلهم درو عالحك تره لا ميميل
ولد الرسول المختار تالي فلا بحماها
*١٠*
لاخر حياته مضطهد من إعداه
قدم لجل دين النبي و السوّاه
لجل المبادئ والعمر من يفداه
ينصر شريعه والدين باحسن وضع خلّاها
مهيمن يوسف الموسوي
٢٨ محرم ١٤٤٥هـ
٢٠٢٣/٨/١٦م يوم الاربعاء ١١:٤٩ص
بحق الامام علي السجاد "عليه السلام" محرم ١٤٤٥هـ ٢٠٢٣م
مهيمن يوسف الموسوي
يبو حمزه الثمالي دريت الصار حالي
هذا البچي والنوح لجل الولي المذبوح
دريت الصار حالي
*١*
حگك عليه بحيرتك هالكد بچي هواي
حين الذي وبجيتك كايل يمولاي
ليش المناحه هالكثر قهر و حزن جاي
حسين الابو مات بغدر لا ما شرب ماي
اشد واصعب مصيبه الگلب زايد نحيبه
حزني يظل بالروح لجل الولي المذبوح
دريت الصار حالي
*٢*
هم مر عليك وهم شفت مثل النظرته
رغم الحزن وشكد قهر آنه صبرته
من والدي بسيف الشمر صارت نحرته
وكثره تحوطه وحاقده كلها غدرته
تغدره هالكتايب شحمل گلبي مصايب
دمعي بقهر مسفوح لجل الولي المذبوح
دريت الصار حالي
*٣*
ظل والدي و بكربله بين آل اميه
كلها تضده و عادته و شاف الاذيه
همّه يعرفونه السبط ابن الزجيه
تالي يذبْحونه بحقد بالغاضريه
على الحك من ينادي اجت كثره الاعادي
حزنه ابد ميروح لجل الولي المذبوح
دريت الصار حالي
*٤*
ابن النبي و المرتضى كلهم يعرفوه
ليش نقتل فوك الثرى وسفه يغدروه
مات بضمه ورغم التعب كثره يعادوه
حتى بمماته و مقتله صاروا يأذّوه
نفس موته قليله بمصابه لا مثيله
فوگ الأرض مطروح لجل الولي المذبوح
دريت الصار حالي
*٥*
شصبر على هذا الحدث دمعي بكثر سال
و وضعي على سبط النبي متغير الحال
لمن اشوفن بالشمر وبسيفه جتّال
والوالدي نحز النحر وبكل حقد نال
خيول الاعوجيه على ضلوعه هيّه
داست علي و تروح لجل الولي المذبوح
دريت الصار حالي
*٦*
شفت الخيول اعلى الضلع واعليها داست
دم و عظم صارن سوه وبقوه اثرت
يا ويلي حين الي اجت بحسين سوّت
طحنت ضلوعه يا وسف كل عيني نظرت
على الغبره رميّه صعب والله عليّه
جسمه نمله بجروح لجل الولي المذبوح
دريت الصار حالي
*٧*
حرگ الخيام وشاهدت حال السبايه
لاما شبيه امن البشر كل البرايه
كل النسه بيها الرعب معروفه هايه
لاكن فلا باقي الگمر يمهن حمايه
عليل وما اساعد بقليل آنه اساند
بكيدي فلا مسموح لجل الولي المذبوح
دريت الصار حالي
مهيمن يوسف الموسوي
٢٧ محرم ١٤٤٥هـ
٢٠٢٣/٨/١٥م يوم الثلاثاء ١:٢١ص
نزلة للسبي محرم ١٤٤٥هـ ٢٠٢٣م مهيمن يوسف الموسوي
يكرار بويه شفنه باليسر
يكرار من عدونه بس ضرر
*١*
بويه يا حيدر اكلك والجره باحوالي
من رحل عني اخوتي ما بقه كل غالي
بس همومي و دمعتي يا حيدره يصفالي
لا كفيل العندي يمّي بالضعن يبقالي
على انياك رايحه ودمعي كثر
يكرار من عدونه بس ضرر
*٢*
تدري يا حيدر اخوتي من رحو من يمّي
سيدي حزني عليهم بالگلب كل همّي
والقهر بالروح عندي ساري حتى بدمّي
من يشتمونك يبويه و للزجيّه امّي
تمنيت بويه يا ريت اتحضر
يكرار من عدونه بس ضرر
*٣*
آه يا بويه شگلك من رحت مسبيه
شاهدت بس المصايب والرزايا اعليه
والقهر روحي و دليلي حيدره بس بيّه
كربله بيها يحيدر بس مصاعب هيّه
يمولاي والگلب عندي صبر
يكرار من عدونه بس ضرر
*٤*
وأدخلت للكوفه بويه واذكرت لمّتنه
بيها نسكن و بحنانك يا علي من جّنه
ما يراني وبوكتها يا علي كل احنه
والزمن بيه غدرني كل عده ينظرنه
الف حيف هالنسه بعينه نظر
يكرار من عدونه بس ضرر
*٥*
عالنيّاك الهزّل آنه وأدخلت للكوفه
شاهدت بيها الشماته امن العده معروفه
آل اميه وبحقدها يا علي موصوفه
والغدر منها نعرفه والاذيه نشوفه
ولاشرار يا علي بينه غدر
يكرار من عدونه بس ضرر
*٦*
وبطريق الشام شفنه والاذيه زدنه
كلها يا بويه علينه بالخيانه و ضدنه
والدي حيدر عِلمهم والديانه عدنه
والنبي المختار تدري هو يصبح جدنه
فلا تهاب والحقد من استمر
يكرار من عدونه بس ضرر
*٧*
زينب بهاي المصايب يا إمامي شدّه
والعده بدرب اليساره يظهر بكل حقده
لوّعانه وبس اذيّه شاهدينه عنده
بالحبل متجتفه ادينه يا وسف متقيده
يأذون يا علي ام الخدر
يكرار من عدونه بس ضرر
مهيمن يوسف الموسوي
٢٣ محرم ١٤٤٥هـ
٢٠٢٣/٨/١١م يوم الجمعة ١:٤٦ص
موشح ، الامام السجاد "عليه السلام" يصف دفن الحسين "عليه السلام"
شلون حيره بهالوضع يا دنيتي
والدي حسين الذبيح بحسرتي
*١*
كلها هاي الناس لو جاه الأجل
يمها كل غالي و كرايب و الأهل
ايغسلونه و يدفنونه بكل عجل
اله ابويه المنقتل بي لوعتي
*٢*
ليش مقتول بخيانه من العده
ضدّته أهل الظلم و الحاقده
غدرته بطف كربله و ما سانده
هو كايل للنصر كل غايتي
*٣*
آه يا دنيا شفت منج ألم
ينذبح لحسين ويلاه بظلم
نوب و بموته يظل عاري الجسم
هالقضيه الها سريه دمعتي
*٤*
ليش ظل فوك الأرض وبلا دفن
الحالته روحي و دليلي بالحزن
جسمه متوذّر حسافه منطعن
روحي لجله بالمناحه و قهرتي
*٥*
شلون بيّه و شاهدت جسم الشهيد
راسه مذبوح ونزف منه الوريد
كل ضلوعه الخيل داست من وحيد
وبدفنته هالقهر كل حالتي
*٦*
حيره والله حيره من شفته الإمام
يصعب ايوصفه حديثي و الكلام
جسمه متوذر قطع من اللئام
بيوم دفنه روحي بيها ونّتي
*٧*
من كثر ما منطعن والله كثير
جسم لحسين الولي جمعه بحصير
بهالوضع يا دنيتي والله احير
للجلاله بهالقضيه دعوتي
*٨*
آه و الآه اشتفيد بهالوضع
الوالدي و كل دفنته كلبي نصدع
مني روحي تلوعت بيها الجزع
للصمد ربي تره كل شكوتي
*٩*
ظل ثلث تيام عالغبره صريع
كلمن يشوفه الولي بمنظر فجيع
راس الحسين الابو بجسمه گطيع
بالحزن و النوح حيل بوحدتي
*١٠*
دنيا بس منج شفت جور و قهر
والأشد دفن الحُسين و هالأمر
قطعه قطعه جسمه متوذّر وذر
وبدفنته بالحزن كل روحتي
مهيمن يوسف الموسوي
١٥ محرم ١٤٤٥هـ
٢٠٢٣/٨/٣م يوم الخميس ١٢:٠٥م
يسرني ويشرفني أن أقدم أسمى آيات التهاني والتبريكات. اليكم وللأمة الاسلامية بمناسبة حلول عيد الأضحى المبارك أعاده الله علينا وعليكم بالخير واليمن والبركات (عيدكم مبارك)
Читать полностью…
بحق الإمام محمد الجواد "عليه السلام"
مهيمن يوسف الموسوي
يشيعه يا موالين همومي النصرة الدين
حياتي و بيها بس مأساة
فلا طعت الظلم هيهات
همومي النصرة الدين
............
زماني و العِده كِثره يضدوني
أنه إبن النبي و حيدر يعرفوني
ظلمهم و الحقد منهم يأذّوني
لچن عن منهجي لا ما يمنعوني
يضهدوني العِده أهواي بقيت او ثابت الراي
حياتي و بيها بس مأساة
فلا طعت الظلم هيهات
همومي النصرة الدين
............
جواد العتره آنه من نسل لأطهـار
سنيني يا موالي بس أذه و أخطار
توكلت اعله ربي الخالق الجبار
أگول الحگ رغم كل العِده الأشرار
رغم قِلّة سنيني نصرته هو ديني
حياتي و بيها بس مأساة
فلا طعت الظلم هيهات
همومي النصرة الدين
............
حياتي يا مُحب چانت كِثر ضِدّي
لچن آنه الصبر هو تره عندي
قدوتي المصطفى و آله و علي جدّي
أظل ثابت لَحَد أصبح أنه ابلحدي
أذكروني يشيعه مصابي أكبر فجيعه
حياتي و بيها بس مأساة
فلا طعت الظلم هيهات
همومي النصرة الدين
............
يضدني المعتصم منه فلا سالم
جعل حكمه على الشيعه وسف ظالم
واشد هو عليه ابكل حقد ناقم
ظلم و الجور هو اعله البشر حاكم
يعادي الجعفريّه فقط منه اذيّه
حياتي و بيها بس مأساة
فلا طعت الظلم هيهات
همومي النصرة الدين
............
أنه عمري يشيعه امن البشر مظلوم
يظلموني العِده وگلبي صُبح مالوم
أنه شاب و متت بالسم چتل مسموم
لچن ما أعترض هذا الأمر محتوم
يغدروني إبحقدهم فلا ينعد ظلمهم
حياتي و بيها بس مأساة
فلا طعت الظلم هيهات
همومي النصرة الدين
............
إذا تذكر مماتي ابنوح و بحسره
اذا يهمل دمع من عينك ابعبره
دمعكم ما اعدّه ابفضله و بقدره
ثوابه و الفضل عالي تره أجره
تذكرون الجرالي على طول الليالي
حياتي و بيها بس مأساة
فلا طعت الظلم هيهات
همومي النصرة الدين
............
أجازي بالحشر واشفع أنه الكم
تذكروني الجواد و هذا كل همكم
تنصبوله العزه حتى على دمكم
جنان الباري هذا يا بشر حقكم
لأن تحيوا مصابي متت وبعز شبابي
حياتي و بيها بس مأساة
فلا طعت الظلم هيهات
همومي النصرة الدين
............
مهيمن يوسف الموسوي
للإستشهاد الامام علي " عليه السلام"
مهيمن يوسف الموسوي
يا بالحسن ويّاك هالشيعه ما تنساك
تنصب عزيّه بهاي الرزيّه
هالشيعه ما تنساك
.............
يالمرتضى وكل شيعتك كل الموالين
بمصيبتك من تذكرك هماله هالعين
هاي الرزية باقيه موجوده لسنين
ننصب الك نبقى العزه رغم المعادين
يا حيدره مولاي باقي المحب وفّاي
حدّ المنيّه بهاي الرزيّه
هالشيعه ما تنساك
.............
يا سيدي و بمقتلك اعظم مصيبه
لجلك بجه بحسره المحب عالي نحيبه
عنه ارحلت و بموتتك صعبه و عجيبه
وبغيبتك مثلك فلا احنه نجيبه
بيك المحب مهموم يچي عليك ادموم
صار بأذيه بهاي الرزيّه
هالشيعه ما تنساك
.............
تدري شجانه يالولي شفنه المعانات
لكن فلا نتركك نظل يا بو الكرامات
نبقى نردّد يا علي بهاي العبارات
إنته إمامي و افتخر يا طيّب الذات
ومصيبتك بالروح عنه ابد متروح
تبقى وصيّه بهاي الرزيّه
هالشيعه ما تنساك
.............
بينه تعيش امصيبتك نذكرها كلنه
يا سيدي بحسره وقهر هامل دمعنه
بطول السنين و باقيه رغم اليضدنه
وشكد يأذينه و فلا هو منعنه
ثابت عهدنه دوم ميهمنه كل اللوم
بين البريّه بهاي الرزيّه
هالشيعه ما تنساك
.............
حين تصلي نذكرك لمن يغدروك
و انته ابن عم النبي كلهم يعرفوك
تالي بخيانه تنقتل هيجي يجازوك
بحقد و نذاله منطبر من اليعادوك
بكره و حقد مصيوب راسك وسف مضروب
فوگ الوطيه بهاي الرزيّه
هالشيعه ما تنساك
.............
ننصب الك هذا العزه بحسرة گلبنه
نار الحزن متلهّبه هذا وضعنه
و المقتلك يا سيدي هامل دمعنه
و هاي الرزيه و الحزن باقي المنه
منّه تهل دمعات للمرتضى بحسرات
وبكل مسيه بهاي الرزيّه
هالشيعه ما تنساك
.............
فضلك إمامي و مقتلك دايم ذكرها
ليش الأعادي ظلمتك و بكل غدرها
بالمسجد او جاك العده و واضح أمرها
تنهي حياتك يا علي و طفّت بدرها
نورك علينه غاب لمن إجاك إصواب
بونّه شجيّه بهاي الرزيّه
هالشيعه ما تنساك
.............
مهيمن يوسف الموسوي