-
قصائد حسينية لخادم العترة مهيمن يوسف الموسوي معرف الخاص .. mys_2019@
بحق السيدة فاطمة الزهراء "عليها السلام"
مهيمن يوسف الموسوي ١٤٤٥هـ ٢٠٢٣م
بوداع امّي إجه همّي افارگ فاطمه الزهره
*١*
مصيبة فاطمه امي تقهر كل گلب زينب
حضر ليها الأجل يمها واشاهد وآنه بس انحب
اصعب هالوكت مرني عليها روحي تتعذّب
ضلع منها نكسر تنزف من غدر العده اتعجّب
القهر عندي وحگ جدي متألمه واجر حسره
*٢*
مقهوره وألم بيّه على بنت النبي المختار
ما الها ذنب عدها يجيها هالعده الاشرار
ضلعها منكسر منهم نبت فوگ الصدر مسمار
دماها عالأرض تنزف ودمعها امن البچي مدرار
بحزن والهم الگلب يهتم وضعها ينقهر امره
*٣*
على البضعه صعب حالي منيتها اجت ليها
متألمه اشوف امي نفسها من تجر بيها
صدرها امن الكسر صارت متغيره معانيها
ألم ويّه النفس عدها من هذا الجره اعليها
ودمع سچاب على الأحباب دليلي شلون وبصبره
*٤*
باول عمري و تألّم على أمي الزجيه هواي
مهمومه و ألم عندي ضدي واگبلت دنياي
اشوف الطاهره الزهره بمنيتها وصعوبه هاي
شتحمل قهر عندي رزيّه والأذه وياي
بألم روحي بچي و نوحي عالي بالگلب قدره
*٤*
دمعتي اعلى الوجن تنزل من أمي أجلها حان
وآخر كلمه وياها عندي باديه لاحزان
حزني و القهر بيّه من موت الزجيه بان
مو ضد حكمة الباري ربي الخالق الرحمن
لچن صعبه الفگد غربه الحزن متعنّي للحره
*٥*
باول هالعمر شفته وداع الطاهره البضعه
حاله صعبه مو هينه عليها ساچبه الدمعه
اعرف هالأجل جاها لاكن گلبي شيقنعه
احاول والصبر ليها صعوبه شلون شيوسعه
ضلع مكسور الگلب مقهور من جاها العده بغدره
*٦*
حالي من شفت فاطم متعنيه المنيه اليوم
گلبي و روحي متلوعه عليها كل قهر و هموم
ليش الطاهره ماتت ظلموها بخيانة گوم
يخونون النبي بذكره من وصّه عليها دوم
وصيته تروح وقهر و جروح ابچي بكل أذه و عَبره
مهيمن يوسف الموسوي
١٠ جمادى الأولى ١٤٤٥هـ
٢٠٢٣م/١١/٢٥ يوم السبت ٤:١٧م
قناة فيها كل ما تحتاج من قصائد مع الحان جديد وحديثة
/channel/kamelAbdullah
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
تم نشر اجمل قصائد لاستشهاد الزهراء ع
. /channel/Saadhadi83
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
شوط كربلائي بحق فاطمة الزهراء عليها السلام
١٤٤٥هـ ٢٠٢٣م
مصاب الطاهره الزهره وضلعها المنكسر بآلام
وهجوم الخانو العتره يضدّوها العده الظلام
.......
جريمه منها ما صارت فلا احد نفسها صار
عجيبه هالأمر ياذي ويخلّينه بدمع مردار
بجرمهم والظلم منهم ضدّ المصطفى المختار
بضعته فاطمه يدرون
لاكن يا عجب ينسون
بحقد وشلون يتعنّون
عليهم غاضب الرحمـٰن عصو امره و كثر احكام
.......
عجيبه شلون من فعلو جرمهم و الحقد بيهم
شياطين بفكرهم حيل فلا احد يصل ليهم
على خير النسه فاطم بفعلهم حيل يغريهم
على دار الوصي الكرار
يهجمون العده الاشرار
عليهم يغضب الجبار
بنت خير الخلق كلها هجمو وبكره وإقدام
.......
هاي الراضيه الزهره كرمها الخالق بكثره
مقام و منزله عدها فلا نكدر وصف أمره
ابوها المصطفى المرسول وهي صارت الدّرّه
يأذّوها العده وسفه
وعمرها لاكي كل حتفه
وأبوها الكل تره تعرفه
نبيهم هو والدها اله هالدين و الاسلام
.......
بغضهم عالنبي و حيدر فلا منهم شبه موجود
حقدهم و البغض عدهم ابد ما عنده كل احدود
اشباه الرجال بهاي فلا نخوه ولا كل جود
على حرمه يضدوها
بكثر كلهم يأذوها
بلا علّه يعادوها
ذكرها الطاهره ويروح فلا تصبح تظل اوهام
.......
باب المرتضى حيدر يدفعونه على الزهره
خلف الباب هُمْ يدرون عدوها باقي وبشرّه
اثر دفعه على البضعه ضلعها حيف متكسره
نابت عالصدر مسمار
خلّه والدمه مدرار
شافت وشكثر اخطار
فلا نخوه وشرف عدهم تشهد باقيه الايام
.......
ملائك كلها حزنانه وفجيعه و المصيبه تظل
وحيدر للزجيه هواي دمعه عالوجن ويهل
گلبها بهالرزيه شلون عجيبه هالقهر يحمل
من بعد النبي طــه
مصايب بس تعنّاها
فاطم بس اذه جاها
فلا ترضه عليهم دوم عدوها بجرمه بس ينلام
.......
مظلومه الزجيه حيل عاشت كل عمرها هموم
واشد كل العمر من مات ابوها المصطفى المظلوم
من بعض البشر شافت كره وشكد حقد بالكوم
يعادوها ويأذوها
وبت طه يعرفوها
وصيته من ينكروها
خانو كل عهد وياه ووعدهم منگطع ما دام
.......
تبقى الطاهره الزهره قتلها بكل کلب للدوم
الموالي بكل وكت يذكر رزيّتها تظل كل يوم
مجالس ينصب بحسره ويرضه خالقه القيوم
فضلها فاطمه شكبره
حسافه تموت بالغدره
اجتّه الخانت العتره
عليهم باقيه اللعنه على ابشع فعل واجرام
.......
يتجدد حزنّه هواي من نذكر رزيّتها
فلا تشبه ولا منها مثل هايه مصيبتها
واصعب من اجه ليها عدوها وكل أذيّتها
ضلع منها انكسر وبساع
طفلها منطرح عالگاع
يا فضّه تصيح بساع
وباب المرتضى محروگ من اخسه البشر واقوام
.......
بعقيدتنه تظل فاطم فلا ننكر ظلم و الجور
شهد وبهالأمر و الصار عدنه يستمر مذكور
بنت المصطفى يأذون خالف كل حجي و مأمور
أُمر بيها النبي و يذكر
بضعتي فاطمه ايكرّر
فضلها ينذكر يؤُمر
لاكن خالفو امره جريمه تنذكر لأعوام
مهيمن يوسف الموسوي
بحق الامام الحسن العسكري "سلام الله عليه" ربيع الاول مهيمن يوسف الموسوي ١٤٤٥هـ ٢٠٢٣م
جينه العسكري زوار متردنه ابد لأخطار
مهما كل اذه لو صار
*١*
اجينه نعتني هاليوم سامرّه
الموالي بحسرته ومنه تهل عبره
لجل حادي عشر معصوم كل قهره
على مصابه و رزيته و موتته بغدره
تعنّينه الولي كلنه ما همنه العِده ايردنه
نفديله بفخر لاعمار مهما كل اذه لو صار
*٢*
إمامي العسكري وارث علم جدّه
النبي المختار وي حيدر معَ ولده
منار المعرفه كلّ العلم عنده
لاكن يا حسافه والعده ضدّه
ابو المهدي يظل ذكره يالعالي القدر وأمره
نبقه للأبد أنصار مهما كل اذه لو صار
*٣*
گصد كل شيعي ويوالي ابو اليمه
يزور العكسري وگلبه إله همّه
على مصابه حزن موجود وبدمه
فلا يعوفه الموالي وباقي كل عزمه
سامره نظل بيها ولو كثره اعاديها
ننصر كل علم وافكار مهما كل اذه لو صار
*٤*
يعاني امن الاعادي يشبه اجداده
يضهدونه و يــأذّونــه تره القاده
لاكن هالإمام اعلى النصر عاده
ثابت وبنهج جده علي فاده
لو قلّه الينصرونه وهم كثره اليأذّونه
كل شيعي بفكرته سار مهما كل اذه لو صار
*٥*
عهد نبفه بدربنه بكل محب موجود
لو كلها تضدنه والظلامه اتسود
حبنه للنبي وآله فلا محدود
لابو المهدي مصابه بالکلب موجود
عزانه لمقتله دائم لابو الحجة الولي القائم
كل دمعه المحب مدرار مهما كل اذه لو صار
*٦*
سامره اجيناها بقهر واحزان
دخلنا المرقد بحسره وألم واشجان
نشاهد گــبّــتـه وعمره نذكره الچان
من شاف الامام امن البشر خذلان
والدمعه على الخدين من يمنه تهلّ العين
نبقى بالدهر احرار مهما كل اذه لو صار
*٧*
إمام العسكري امصابه صعب بينه
مثل كل الائمّه للدوم ياذينه
لمصابه كل موالي هامله عينه
ويزوره لمرقده كل عمره وسنينه
نظل وبهالعهد كلنه فلا احد يبعّدنه
لو شفنه حقد لاشرار مهما كل اذه لو صار
مهيمن يوسف الموسوي ٩ ربيع الاول ١٤٤٥هـ ٢٠٢٣/٩/٢٥م يوم الاثنين ١٠:٤٢ص
بحق الامام الحسن العسكري "سلام الله عليه" ربيع الاول ١٤٤٥هـ ٢٠٢٣م
مهيمن يوسف الموسوي
كل ما يكون بخاطري لجل الامام العسكري
ونواسي مهدينا بكلها تعازينا
لجل الامام العسكري
*١*
للمنتظر نبعث إله بموت الحسن متسمّم
شحاله نگلّه سيدي گلبك كثر متألّم
باول حياتك شاهدت هاي المصيبه و الهَم
اصعب رزيّه بالگلب يا سيدي شگد تهضم
بيه المناحه و القهر يا سيدي يالمنتظر
من اجله والينا بكلها تعازينا
لجل الامام العسكري
*٢*
للعسكري صوت المُحب لمصيبته ويردّد
وبكل سنه بهذا الحدث لجله العزاء انجدّد
للغايب المهدي إله بيه القهر ما ينحد
الله يعينه بوالده حين اليشوفه اتوسد
شافه يلوع امن الالم وسِم العِده يملي الجسم
وبحسره يدرينا بكلها تعازينا
لجل الامام العسكري
*٣*
صوت الفجيعه و القهر موجود بين الشيعه
مصاب الحسن واعلى المَله وبكل ألم ونذيعه
نبقى بعهدنه نستمر هـٰـذا العهد منبيعه
ربّ الجلاله بهالأمر كلنه تره ونطيعه
هاي الرزيّه و بالگلب بحسره دمعنه من يصب
بالدمعه واسينا بكلها تعازينا
لجل الامام العسكري
*٤*
للمهدي وبحسرة گلب والوالده مقهورين
مات الحسن بالسَم ظلم كلها إله حزنانين
كلها بني العباس ضد ابن النبي حامي الدين
مات بغدر من العِده بهذا الحقد معروفين
والعسكري شاف المِحن وابنه بمماته بس حِزن
من اجله سوّينا بكلها تعازينا
لجل الامام العسكري
*٥*
للغايب المهدي بقهر شنهو الوضع وشحاله
شاف الابو وبموتته وعينه بكثر همّاله
من الألم مات بغدر بالسِم وسف ينداله
ويرسل تعازيه المُحب مجلس عزه سوّاله
الله يعينه أعلى القهر شاف الابو موته حضر
تهمل كثر عينا بكلها تعازينا
لجل الامام العسكري
*٦*
ليش الحسن من البشر صارت مماته بغدره
هاي الجريمه و الحقد اصعب قتل وشكبره
فوك الحصار بمنزله وشگد اعادي كثره
تالي يموت بسم وسف ولجله الابن وبحسره
مهدينا شاف القتل وگلبه صبر وبهالفعل
ينصر فكر دينا بكلها تعازينا
لجل الامام العسكري
*٧*
مصاب الامام العكسري بگلب المحب لا ميروح
لمصيبته طول الوقت حزن و دمعنه مسفوح
للمهدي مولانه شكثر والحالته الها انوح
اعليه الموالي منقهر عنده دليله مجروح
باقي عزانه مستمر لا ما يردنه كل امر
والقوّه خلّينا بكلها تعازينا
لجل الامام العسكري
مهيمن يوسف الموسوي ٣ ربيع الاول ١٤٤٥هـ ٢٠٢٣/٩/١٩م يوم الثلاثاء ٧:٥٨م
بحق النبي الأعظم "صلى الله عليه و آله و سلم" صفر ١٤٤٥هـ ٢٠٢٣م
مهيمن يوسف الموسوي
تغيّب وانطفه نور النبي المُرسل
ياللي مُصحف الباري عليه أُنزل
*١*
نحجب نور النبي الهادي بمثل هاليوم
منيته تعتني امن الخالق القيوم
مات المصطفى خير الخلق و الگوم
عمره وانتهى او ليه الاجل منحل
*٢*
جبريل و ملائك كلها حزنانه
وكلّ المسلمين بونّه باشجانه
الخلق هاليوم كلّه حزنه باكوانه
وموالين النبي منهم دمع يهمل
*٣*
على طــٰـه النبي حزنانه احبابه
دمعهم عالوجن وبحسره سچابه
رسول الله غيابه و يصعب امصابه
محبّينه گلبهم يا عجب يحمل
*٤*
اشرف كل خلق مخلوق بالاكوان
مات وكل ملائكة السمه باحزان
ومن اول نبي لجله بقهر واشجان
مقهوره بألم عاللي جره ويحصل
*٥*
حزن كل الخلق لجل النبي المختار
و موالينه دمعهم عالوجن مدرار
وبموته ركن من الديانه انهار
نبي الأمه أجه ليه الاجل يرحل
*٦*
الوحي بموته حزين و منقهر جبريل
بعد المن يجيله و بالوحي التنزيل
على خير الخلق كلها دمعته تسيل
وكلها العالم بأسره الخبر يوصل
*٧*
ملائكة السمه لجل النبي المعصوم
على طه النبي بحسره وقهر وهموم
واشد كل الحزن حين الدرو مسموم
عدوّه يغدره بحقده وظلم يُقتل
*٨*
عزرائيل وبموت النبي طـاهـا
وملائك محزنه والناس وياها
المُحب للمصطفى كل موته أذّاها
وعلى خير الرسل مجلس إله تعمل
*٩*
مصاب المصطفى الهادي اشد لمصاب
عليه المُسلم ومنه الدمع سچّاب
لجل طــٰـه ابو الزهره العَزه ينصاب
للهادي النبي بحسره وقهر تفعل
*١٠*
بغياب الرسول و منطفي هالدين
واجب ولمصابه ساچبه كل عين
يظل ذكر الرزيّه يستمر لسنين
بگلب كل المحبين ومصابه حل
مهيمن يوسف الموسوي ٢٩ صفر ١٤٤٥هـ ٢٠٢٣/٩/١٥م يوم الجمعة ١:٣٧م
بحق النبي محمد "صلى الله عليه و آله و سلم" صفر ١٤٤٥هـ ٢٠٢٣م مهيمن يوسف الموسوي
ضدّ الرسول الگوم لجله علي مهموم
مات النبي مسموم
*١*
يا حيدره بموت النبي بيك الصار
مات بخيانه امن الاعادي الاشرار
شحالك إمامي بهالأمر يا كرار
بهاي المصيبه والقهر للمختار
بگلبك ألم و جروح بيك القهر بالروح
مات النبي مسموم
*٢*
تعرف نبينه المصطفى يا حيدر
بسم الحقد بيه العده من يغدر
كالو على خير البريّه يهجر
الله يعينك يا علي من تصبر
شفت الخيانه هواي يا سيدي و مولاي
مات النبي مسموم
*٣*
مات الرسول المصطفى حامي الدين
شلون اصبرت يا حيدره بهذا الحين
لمصيبته والموتته اتهلّ العين
بهاي الرزيه تنقهر يا بو حسين
طــه الرسول و مات بيه الگلب حسرات
مات النبي مسموم
*٤*
خير الخلايق والانس حتى الجان
لموت الحبيب المصطفى هالاحزان
ولجله يحيدر كل عزيّه بالاكوان
و حزنت ملائكة الأرض و الرحمــٰن
طـٰه مصابه بالكون يا سيدي ميهون
مات النبي مسموم
*٥*
بيك اشجره و مات البشير المرسول
گلبك على خير الخلايق شيگول
تشوف العده بحقده يسمّه مسؤول
وهذا الأمر يوم القيامه محلول
ظلم النبي و الصار بيوم الحشر هالثار
مات النبي مسموم
*٦*
يا بالحسن من شاهدت كل اعداك
بدفن النبي جانو فلا مو وياك
من البشر راحت يحيدر عافاك
قلّه تعينك هالقضيّه تفداك
بين السقيفة وبين موت النبي حامي الدين
مات النبي مسموم
*٧*
لاكن اشد بيه الألم و العبره
تدفن نبينه المصطفى وبگبره
شحال الگلب عندك يون بالحسره
ودمعك على الوجنات هلّ بكثره
طاح الشرع واسلام بغدر العده و الظلّام
مات النبي مسموم
مهيمن يوسف الموسوي ٢٣ صفر ١٤٤٥هـ ٢٠٢٣/٩/٩م يوم السبت ٩:٢٠م
تعزية إلى الامام محمد المهدي "عجل الله فرجه" في زيارة الأربعين
صفر ١٤٤٥هـ ٢٠٢٣م مهيمن يوسف الموسوي
يالمهدي يا مولاي الله يصبرك
يوم أربعين احسين گلبك يقهرك
شتذكر تصبر هنه المصايب يالولي بكثره
*١*
يوم بصفر عشرين بيه الرزيه
رد الضعن هاليوم لابن الزجيه
من اليسر و الشام للغاضريه
تذكر مصايب حيل وبحيرة أمرك
شتذكر تصبر هنه المصايب يالولي بكثره
*٢*
زينب اجت بهموم تذكر وضعها
لارض الطفوف تكون يهمل دمعها
تبچي بمناحه هواي تون ابجزعها
الها الگلب حزنان واعليها فكرك
شتذكر تصبر هنه المصايب يالولي بكثره
*٣*
لابن النبي المظلوم زينب تعنّت
يَم الکبر و تنوح والدمعه هلّت
بهذا الحدث واللّه حيل و تأذّت
شحالك عليها شلون زينب تحيرك
شتذكر تصبر هنه المصايب يالولي بكثره
*٤*
نوبه على العباس كافل خدرها
لگبره اجت بهموم عالي قهرها
هموم اليسر تشكيه عدها صبرها
بيك شجره مولاي يالعالي قدرك
شتذكر تصبر هنه المصايب يالولي بكثره
*٥*
ام الخدر وشلون شافت مصايب
ردت حزينه هواي مدمعها ساچب
للكافل المغوار ابن الاطايب
شحال العقيله اوياه وبحسره ذكرك
شتذكر تصبر هنه المصايب يالولي بكثره
*٦*
حين الاجت و تنوح هاي العقيله
صبرك عليها شلون دمعك تسيله
بس البچي بحسرات عندك وسيله
كلها حياتك دوم ولهذا عمرك
شتذكر تصبر هنه المصايب يالولي بكثره
*٧*
لابن النبي المظلوم يوم أربعينه
كل عيلته بيا حال كل الضعينه
ولهل الرزيه هاي روحك حزينه
بقهر ومناحه دوم گلبك يجبرك
شتذكر تصبر هنه المصايب يالولي بكثره
*٨*
وبكل سنه وكل عام يالمهدي باحزان
لمصيبة المظلوم وبلوعه واشجان
جرح الحزن ميطيب طول الزمن بان
بيك المناحه تكون وبكلّه دهرك
شتذكر تصبر هنه المصايب يالولي بكثره
*٩*
يوم أربعين شحال من دفنو الراس
راس الولي المظلوم هم راس عباس
وكل الهواشم بيه وشعندك احساس
بهاي المصيبه حيل مكسور ظهرك
شتذكر تصبر هنه المصايب يالولي بكثره
*١٠*
يوم بصفر عشرين يوم الزياره
تزور الولي لحسين دمعك تجاره
ويّه الاجه مشاي كل الحياره
موت السبط مذبوح حيل و يأثرك
شتذكر تصبر هنه المصايب يالولي بكثره
مهيمن يوسف الموسوي ٢١ صفر ١٤٤٥هـ ٢٠٢٣/٩/٧م يوم الخميس ١٢:٤٤م
ميمر | فاطمة الزهراء "عليها السلام"
مع الخدام يوم القيامة
صفر ١٤٤٥هـ ٢٠٢٣م مهيمن يوسف الموسوي
بيوم الحشر ياخذ أجر
كلمن خدم ابن الطُهر
بيوم القيامه الزهراء تجازي الخدم عالخدمه
*١*
تجازي الزجيه بالقيامه الخدّام
ياما لجل ابن النبي يفدي ايام
ضحّه بحياته بخدمته وبكل عام
لجل الولي لا ما تردّه الظلّام
عنده وعد عالمعتقد
من يستمر بهذا العهد
مهما الظرف وشما صار ينصر إمامه همّه
*٢*
كلمن بذل لجل الحسين انطه أموال
كل دنيته والآخره باحسن حال
واللي تعب وبخدمته و دمعه سال
رغم اليعارضهم أعادي الانذال
خل يطمئن يعوف المحن
اجره شكثر بام الحسن
حتماً شفيعه واللّه وتسجل الزهره اسمه
*٣*
الخادم اذا رايد إمامه ايقبله
يبقى بمسيره يستمر ويعمله
يرضه الصمد رب الجلاله بفعله
لازم فلا عنده تظل اي زلّه
بهذا الامر طول العمر
يبقى ويظل بي يفتخر
يبذل حياته لحسين اسمه و ولائه بدمّه
*٤*
لجل الحُسين المنذبح من تتعب
تعبك ابد لا ما يروح او يذهب
بيه الاجر يوم الحشر تتعجّب
من الصمد و العتره بس تتقرب
عالي الفضل بيوم الأجل
والله ونعم باقي ويظل
كلها خدمتك متروح اجرك چبير اشعظمه
*٥*
يلّي اخدمت لجل الولي زواره
وطول الدرب كلها فلا محتاره
وبخدمتك يبقى الكرم تذكاره
صرت لإمامك تشبه الانصاره
تخدم صدگ ما تفترگ
لابن النبي گلبك يدگ
حبّه سِره بالشريان وحتى الزجيّه امّه
*٦*
ام الحسن وبموكبك يا خادم
تحضر اله تشوف الخدامه فاطم
منهو الصدگ يخدم تره امن العالم
گلبك على الخدمه فلا ما نادم
لجل السبط عندك فقط
بس الولي بهمّه و نشط
و نيته سليمه للدوم لجل الولي كل عزمه
*٧*
ربّ الجلاله المقتدر خالقنه
بهاي الخدامه للولي فضلنه
ترضه علينه فاطمه شاهدنه
كلما نقدّم للحسين شعدنه
و الطاهره النه تره
هم راضيه كلما جره
بهاي القضيه واللّه بيها الفخر و النعمه
مهيمن يوسف الموسوي ١٨ صفر ١٤٤٥هـ ٢٠٢٣/٩/٤م يوم الاثنين ١٢:٠٥ص
نزلة بحق فاطمة الزهراء "عليها السلام"
مهيمن يوسف الموسوي ١٤٤٥هـ ٢٠٢٣م
فاطمه مولاتي حزني يبقى بذاتي
*١*
فاطمه امصابچ يظل طول الزمان نذكره
عالحقيقه ما نجامل كل عدونه و غدره
من اجه بحقده يعادي للنبي و العتره
بضعته المختار منها كل ضلعها ايكسره
بالگلب حسراتي حزني يبقى بذاتي
*٢*
للبشر كلها نوضّح شاهده هالعالم
للنبي صارت خيانه والعده ضد فاطم
للزجيّه معتني بحقده اجاها الظالم
هالعده والدار حيدر بالأذيّه هاجم
هامله دمعاتي حزني يبقى بذاتي
*٣*
بهالعقيده ما اجامل كل شخص عادانه
هاجمين اعداج ضدّج هالخبر أذانه
خالفو أمر الرسول الواضح ابتبيانه
من بعد موته تبيّن هالعده خذلانه
بحسرتي وآهاتي حزني يبقى بذاتي
*٤*
خلها للعالم نبيّن فاطمه مظلومه
من رحل سيد الرسل صرتي بحزن مهمومه
أُمّته وسفه و حسافه خاينه كل گومه
ما تنفّذ كل وصيته بهالأمر معلومه
بروحي كل لوعاتي حزني يبقى بذاتي
*٥*
وبمصابج فاطمه مثله ابد ما صاير
لو نذكره كل عقلنه بهالحدث ظل حاير
باب مدفوع اعلى ضلعچ كل دليلچ صابر
هالعده بحقده الضلع منج يفاطم كاسر
الخالقي شكواتي حزني يبقى بذاتي
*٦*
للمصيبه كل حياتي لفاطمه منذوره
والرزيّه بكل وكت بين المحب مذكوره
عالبريّه الناس كلها بقصّتچ منشوره
ليش ظلموچ الاعادي بهالحقد مغدوره
هالأمر غاياتي حزني يبقى بذاتي
*٧*
بكل سنيني بهالرزيّه هالحزن لوعنّي
ما تركني اوياي باقي ما رحل عن ذهني
جمرة مصابچ تظل عندي و دمع هل منّي
والقهر يا فاطمه بروحي و گلب كل حزني
ما تصل كلماتي حزني يبقى بذاتي
.......
مهيمن يوسف الموسوي
١٤ جمادى الأولى ١٤٤٥هـ
٢٠٢٣/١١/٢٩م يوم الاربعاء ١:٣٥ص
بحق فاطمة الزهراء " سلام الله عليها"
مهيمن يوسف الموسوي ١٤٤٥هـ ٢٠٢٣م
يغايب وين تطول اسنين تنصره الدين
الك ثارات
*١*
امامي المنتظر يمته ظهورك عالملا و الناس
تنصر فاطمه الزهره من كل خاين وارجاس
مظلومه وضلع منها تكسّر ونگطع لانفاس
ألمها بهالحدث تعلم فلا عنده ابد مقياس
عليها الثار تضد لاشرار تبث لافكار
كثر صولات الك ثارات
*٢*
ضلع بنت النبي تكسّر ظلموها العده بكثره
تطالب سيدي بحگها تنهي كل بشر شرّه
امك فاطمه البضعه مصاب و ويلي من امره
عدوها معتني بحقده اجاها بكل كره غدره
دفع للباب صعب لمصاب ضلعها نصاب
تجر حسرات الك ثارات
*٣*
يمهدي حجة الباري ينتظرك مصاب امك
عجل تظهر اعلينه يروح و ينجلي همك
وبثار الطهر تطلب وبقوه وكثر عزمك
فلا يكدر عده يغلبك يصل وبكل ألم يمك
تضد اعداك نظل وياك العمر يفداك
تهل دمعات الك ثارات
*٤*
تظهر عالخلق كلها عالحگ صوتك اينادي
أطالب ثار مولاتي لجل بنت النبي الهادي
حقايق عالبشر تظهر وبكل صوب كل وادي
وأنصارك يبو صالح لجلك كل محب فادي
يسيّد الكوم نتاني اليوم بگلب مهموم
صبر ما مات الك ثارات
*٥*
بنت المصطفى امك ظلموها البشر مولاي
ياهي بيها و تطالب صعبه بهالقضيه هاي
فدك منها يغصبوها ومنعوها البجي و الراي
لو كسر الضلع منها منهم بس أذه الي جاي
ضلع مكسور أمر مغدور خيانه و جور
فقط لوعات الك ثارات
*٦*
عجيبه هالبشر تترك كلام المصطفى و ربّه
مقام الزهره عالعالم فلا وحده تصل قُربه
بنت اشرف نبي و بضعه يغدروها تره صعبه
وبلا كل سبب عدها العده ضدها بده حربه
صعوبه الحال ودمعها سال عدوها نال
قهر وآهات الك ثارات
*٧*
ندعي بالفرج يقرب كل مخفي ظهوره ايصير
تظهر كلها و تشوفك فلا گلب الموالي يحير
بظهورك سيدي اعلينه منك للزجيه خير
تنصرها رغم ميته كل مخفي بلا تفسير
بأمرها يكون على هالكون ابد ميهون
بچي بعبرات الك ثارات
مهيمن يوسف الموسوي
٥ جمادى الأولى ١٤٤٥هـ
٢٠٢٣/١١/١٩م يوم الأحد ١:٤٦ص
قناة فيها كل ما تحتاج من قصائد مع الحان جديد وحديثة
/channel/kamelAbdullah
اجمل قنوات التلجرام لنشر وتلحين القصائد الحسينية👇
/channel/+QYhwKvqAiD7e_b1P
مولد السيدة زينب الحوراء "عليها السلام"، مهيمن يوسف الموسوي ١٤٤٥هـ ٢٠٢٣م
نبعث تهانينه بكثره الفخر بينه
بزينب ولادتها يا محله فرحتها
مولاتي مولاتي مولاتي
*١*
اشرق علينه و اتضح نور الولاده
شيعة علي بهذا الفرح عالي اعتقاده
لجل العقيله بت علي يعلن وداده
زينب ولادتها شرف بيها السياده
من فاطمه و حيدر بيها الفضل يكثر
بزينب ولادتها يا محله فرحتها
مولاتي مولاتي مولاتي
*٢*
هاي الجليله والنعم عالي فضلها
امها الزجيه الطاهره زاكي أصلها
بهذا المقام اعلى النسه محد وصلها
شاهد يظل واعلى البشر زينب فعلها
بمولدها مسروره والناس مفخوره
بزينب ولادتها يا محله فرحتها
مولاتي مولاتي مولاتي
*٣*
كل الملائك بالخلق أرض و سماها
مبتشره حين الي درت خير الاجاها
تبعث تهاني تفتخر بيها التباها
لبنت الوصي هاي المحبّه وكل ولاها
يا محله مولدها الكرار والدها
بزينب ولادتها يا محله فرحتها
مولاتي مولاتي مولاتي
*٤*
مولاتي زينب كل محب من الموالين
مبتهجه روحه بالأمر هاي المحبين
بذكرى الولاده عالمَلا كلهم مُنادين
خير و مسرّه والفرح وبهاي لسنين
بنت الوصي نذكر وهذا الذكر يكثر
بزينب ولادتها يا محله فرحتها
مولاتي مولاتي مولاتي
*٥*
زينب يبت خير الورى و بنت الزجيه
بهاي الولاده ونسعد كل البريه
والله فخر واعلى الملا وبهالقضيه
نحيي الولاده و الذكر صبح و مسيه
ننصب الج محفل بكثره الخبر ننقل
بزينب ولادتها يا محله فرحتها
مولاتي مولاتي مولاتي
*٦*
من فاطمه بيج شكثر منها صفاتج
تقوى و عفاف و هم علم كلها حياتچ
عندج شبه من فاطمه علم و صلاتج
بيج الفضائل تكتمل معروفه ذاتج
وبمولدج زينب بهذا الفرح نرغب
بزينب ولادتها يا محله فرحتها
مولاتي مولاتي مولاتي
مهيمن يوسف الموسوي
٦ جمادى الأولى ١٤٤٥هـ ٢٠٢٣/١١/٢١م
يوم الثلاثاء ١١:٣٢ص
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
بحق فاطمة الزهراء عليها السلام
مهيمن يوسف الموسوي ١٤٤٥هـ ٢٠٢٣م
بموت الزجيّه اصعب رزيّه
*١*
شحالك يحيدر من شفت ضلع الطهر مكسور
ضدها الاعادي بلا سبب منهم حقد و الجور
بهاي المصيبه و القهر عندك فلا مگدور
حزنك عليها بالکلب يا سيدي معمور
شفت الاذيه اصعب رزيّه
*٢*
بگلبك فكد ام الحسن بيك الألم و النوح
خلّت مصيبتها بس قهر وشكد حزن بالروح
هاي التقيّه يا علي بروحك شديده اجروح
بنت النبي من تنذكر منك دمع مسفوح
تنصب عزيّه اصعب رزيّه
*٣*
شافت ظلم منّ العِده يا سيدي مولاي
وغصبو فدك منها لجن مو صعبه كل هاي
اكثر اذه وبفاطمه كسّر الضلوع هواي
لبنت الرسول المصطفى حيل شكثر وفاي
صبح و مسيّه اصعب رزيّه
*٤*
من فاطمه غابت يحيدر بس قهر و آلام
شلون اصبرت من فاطمه ضدها العده الظلام
بفكد البتول الطاهره صارت أشد لايام
بحزنك عليها و البجي وقهرك فلا تنلام
هاي التقيه اصعب رزيّه
*٥*
بضعة رسول الله النبي وروحك تظل بهموم
المن تون وليا قهر تذكر مصايب دوم
لاكن اشد كسر الضلع شدة حزن هاليوم
ضد فاطمه كلها اجت احقر جميع الكوم
وبلا حميه اصعب رزيّه
*٦*
عندك صبر يا بالحسن ولفاطمه بكد الكون
صبرك على امصاب الطهر هالكد تظل وشلون
مسمار نابت بالضلع يا سيدي ميهون
فاطم تموت بلا ذنب من العده المعلون
اول ضحيّه اصعب رزيّه
*٧*
حزنك عليها وشكثر يا حيدره الكرار
ما ينّسي هذا الحدث بيه القهر عالصار
رغم الألم ترضه بحكم رب السمه الجبار
تموت الزجيه فاطمه بقتل البشر لاشرار
دمعه سريه اصعب رزيّه
مهيمن يوسف الموسوي
بحق ولادة النبي محمد "صلى الله عليه و آله و سلم" مهيمن يوسف الموسوي ١٤٤٥هـ ٢٠٢٣م
صلاة بكل فرح نرسل
ولآخر نبي مُرسل
بسعاده ينّصب محفل
بمولد نبينه بمولد نبينه
*١*
بمولد نبينه المصطفى خير البشر
فرحانه كلها بمولده باحلى خبر
بين الخلايق و المَلا حين انتشر
بهاي المحافل والنبي بيه انذكر
نِذٍكره بمولده كلنه
بفخر وبكل محافلنه
يظل للدوم واجبنه
بمولد نبينه بمولد نبينه
*٢*
طه النبي وبمولده لجله انعمل
هاي المحبين بفرح نصبت حفل
نوّر ارضنه والخلق سيد الرسل
ذكر النبي بين المَلا كلها وصل
لنبينه المصطفى الهادي
المحب وبفرحته اينادي
مِلَه أرض و سمه و وادي
بمولد نبينه بمولد نبينه
*٣*
كل الملائك تبتشر بأرض و سمه
خيرات كلها واعتنت من قادمه
بمولد بنبينه تستعد متحزمه
تستقبله بهذا الحدث متعلّمه
تبث فرحه ولادة اليوم
على كل الأنس والگوم
فلا يبقى گلب مهموم
بمولد نبينه بمولد نبينه
*٤*
بهاي السماوات السبع كلشي اختلف
بمولد ابو الزهره تره كلها اتعرف
ذكره و تهاني راسله احسن شرف
يا محله لو صلّه المحب لجله ألف
نصلّي اعلى النبي و آله
الموالي هواي يحلاله
سعاده بهالحدث حاله
بمولد نبينه بمولد نبينه
*٥*
بيه الرسول و نفتخر من انولد
جِنّ وانس كل الخلق حيل انسعد
بيوم القيامه المصطفى النه سند
منه الشفاعه بالگبر والمعتمد
يريت و هالفرح بينه
نِذِكره دوم هادينه
ابو الزهره هواي حامينه
بمولد نبينه بمولد نبينه
*٦*
خلها البشر من كل صنف بس تستمع
تشوف السعاده و الفرح واحسن وضع
بالمولد الفرحه تعم وشما منع
للمصطفى الهادي النبي بيه الورع
صفاته بمولده نذكر
بنبينه عالمَلا نفخر
ذكرنه للنبي يكثر
بمولد نبينه بمولد نبينه
*٧*
آخر رسول امن الرسل بيه الفرح
دين الجلاله عالملا بفضله وضح
توحيد ربنه ونتشر بيه و صبح
وشما نعدد كل صفه وشكد مدح
فلا يوفي النبي ذكراه
صفاته و العلم محلاه
نظل طول العمر وياه
بمولد نبينه بمولد نبينه
مهيمن يوسف الموسوي ١٦ ربيع الاول ١٤٤٥هـ ٢٠٢٣/١٠/١م يوم الاحد ٤:١٨م
موشح بحق الامام الحسن العسكري "سلام الله عليه" ربيع الاول ١٤٤٥هـ ٢٠٢٣م
مهيمن يوسف الموسوي
اليوم وبهاي المصيبه الفاجعه
كل موالي للحسن هَل مدمعه
*١*
كل مُحب للعسكري بونّه و حِزن
يذكر امصابه و مماته والمِحن
وشجره من العِده وشاف الفتن
خالفت امر الصمد مو سامعه
*٢*
آه لمصاب الحسن بيه الألم
ليش عادوه الاعادي بالحكم
من بني العباس شاف شكد ظلم
بكل قضيّه ظالمه و هم شانعه
*٣*
مضطهد منهم يعادونه شكثر
الحالته كل شيعي هاليوم ابقهر
يصعب اعلينه مصابه و هالأمر
تنسه كل هذا الظلم ما قانعه
*٤*
كل زمانه العكسري بيه العداء
ليش وابن المصطفى بهيچي جزاء
گضّه عمره منظلم شاف العناء
والاعادي بكل ظلمهم خانعه
*٥*
هذا ابو المهدي و يعاني بالسنين
آه من كل الاعادي الظالمين
بمجلس ونذكر مصابه ناصبين
ما يردنه كل اعادي و مانعه
*٦*
نذكر شحاله وكت جاه الاجل
شلون سمّه بالجسم بيه اشعمل
ولمنيته بيا وضع حين الوصل
هالعده بخوف الصمد ما رادعه
*٧*
مقتل المعصوم بالسم ينغدر
كل موالي لموتته لا ما گدر
يصبر شلون الرزيته بلا ذكر
ويدري روح الشيعي بس متروعه
*٨*
للامام ابن النبي و سيد المَله
ناصر الدين بحياته مو معضله
كل يضدّه وبفكرته قاتله
العكسري كلها علومه واسعه
*٩*
نذْكره بسامره مولاي انسجن
بداره متحاصر وسف طول الزمن
لاكن و باقي بثباته و هم علن
كل ظلم و الجور ضدهن دافعه
*١٠*
بالگلب باقي مصاب العكسري
لجله كل دمعي يهل من ناظري
والحزن حسرات صار ابخاطري
هالمصيبه باقيه ما راجعه
مهيمن يوسف الموسوي ٦ ربيع الاول ١٤٤٥هـ ٢٠٢٣/٩/٢٢م يوم الجمعة ٢:١٧ص
اجواء المدينة المنورة بعد شهادة النبي الأعظم
صفر١٤٤٥هـ ٢٠٢٣م مهيمن يوسف الموسوي
وحشه المدينه ميّت نبينه
غاب النبي المختار لا ظل علم وافكار
صعبه علينه ميّت نبينه
*١*
بموت الرسول المصطفى بفگده الوضع متغيّر
ارض المدينه الطاهره بيها البشر متكدر
ميّت نبيها و ارتحل شحاله المُحب من يصبر
خيّر الخلايق و الرسل بعده البشر متحير
بهاي المصيبه حاله كئيبه
راح الرسول اليوم بنص الگلب لهموم
شنهو البدينه ميت نبينه
*٢*
بيه المدينه تزدهر كلّه بفضل هادينه
وبيه الديانه تنتشر يعلى يظل كل دينه
لاچن اجه أمر الصمد هــٰـذا قدر بارينه
عـنـّه يروح المصطفى بفگده بكثر ياذينه
واصعب رزيّــه بيها الاذيـّـه
حال المُحب باحزان للي قرا القرآن
غايب ولينه ميت نبينه
*٣*
بموته ابو الزهره النبي بيّن قضايا كثره
منهو اليحبّه و اليود منهو الذي ويغدره
من بحتضاره للأجل من ينتهي كل عمره
مـحّــد بقه بهـٰـذا الوضع اله علي و الزهره
وقلّه اليودّه لحيدر يسنده
كلها تعوف الصار بهذا الغدر لاشرار
والله بجينه ميت نبينه
*٤*
واضح طبعهم ينعرف كلمن بِعد عن طاها
بوكت الوفاة و ما اجت موته فلا اذّاها
ركضت بعض من البشر يَم الطمع تلگاها
گصدت سقيفة ساعده وكلمن اجه وياها
لجل المناصب بيها تطالب
بحقد وخيانه و صاح شنهو النبي لو راح
بيها انتهينه ميت نبينه
*٥*
بغسل النبي و كل دفنته حيدر بقه ايسويها
وشجم يعينه بالامر ينصر نبيّه بيها
بس الموالي من صدگ روحه بقهر وشبيها
متجرّحه بحقد العده بموت النبي امأذيها
زادت جروحه حزنانه روحه
عنها الحبيب او مات بفگده يجر حسرات
روح الحزينه ميت نبينه
*٦*
چنها المدينه مظلمه ماكو نهار او كل ليل
وحال المُحبين النبي طول الوقت دمع ايسيل
نابت حزنهم بالگلب ثابت ابد لا ميميل
أذّاهم بموته بكثر قوته تروح و كل حيل
نصبت عزيّه صبح و مسيّه
منها تهل الدمعات تبچي وتونّ ابآهات
من فاگدينه ميت نبينه
*٧*
آه الرسول المصطفى لوعة مصابه و فگده
بالمسلمين و باقيه المسلم حسرته عنده
بيوم الذي مات ارتحل تقهر مصيبه وحده
تبقى المدينه مكدره حزن و قهر متّحده
نبقى نذكره وبعالي أمره
طول الزمن و سنين ذكره يظل كل حين
بس ذاكرينه ميت نبينه
مهيمن يوسف الموسوي ٣٠ صفر ١٤٤٥هـ ٢٠٢٣/٩/١٦م يوم السبت ١:٠١ص
بحق النبي محمد " صلى الله عليه و آله و سلم" صفر ١٤٤٥هـ ٢٠٢٣م مهيمن يوسف الموسوي
هالمصيبه من رحل خير البريه
هالمصيبه تركت بگلب الزجيه
هالمصيبه تنقهر واصعب رزيه
هالمصيبه
*١*
من رحل سيد البشر و الزهره ناحت
بويه تترك فاطمه و بونه صاحت
للنبي متوجّهه والزهره طاحت
عالگبر تبچي و تون وبحسره راحت
ولأبوها بالکلب زايد ألمها
ولأبوها والعده منه حرمها
ولأبوها بكل وكت تنصب عزيه
هالمصيبه
*٢*
فاطمه الزهره اجت وبكل مناحه
والگلب عدها بكثر زادت جراحه
من بعد موت النبي ما عدها راحه
وبسبب غدر العده ما بي سماحه
وبغيابه كل وكتها بس تذكره
وبغيابه للگبر بنته تحضره
وبغيابه كل دمع عدها سريه
هالمصيبه
*٣*
بهالرزيه فاطمه اصعب عمرها
فاگده خير البشر صار بأمرها
للابو بعده تون زايد قهرها
ويغيابه فاطمه شلون بصبرها
يا هضيمه فاطمه الزهره بحزنها
يا هضيمه للنبي وزداد ونها
يا هضيمه نادت و صعبه عليّه
هالمصيبه
*٤*
فاطمه بموت النبي يهمل دمعها
وابتعدت عنها الابو ويصعب وضعها
للزجيّه الطاهره بحسره جزعها
موته مسموم بغدر لاكثر فجعها
وبخيانه والنبي ساعة مماته
وبخيانه يا وسف هيجي جزاته
و بخيانه شاف طــٰه بس اذيّه
هالمصيبه
*٥*
فاطمه بموت الابو وبموته تصبر
هالأمر من الصمد ربنه يقرر
لاكن اغيابه صعب واعلي متكدر
وبنفسها موتته وهواي أثّر
كل حزنها للرسول هواي كثره
كل حزنها باچيه وبحيل حسره
كل حزنها من اجت ليه المنيه
هالمصيبه
*٦*
من بعد موت النبي وبحيره كلها
والزمن بيه الغدر من الحصلها
كل غيابه بفاطمه بحسره جعلها
وبحزنها اعلى الابو ماكو مثلها
وبغيابه فاطمه لجله ألمها
ويغيابه موتته الوالد هضمها
وبغيابه وافجعتها هالمنيّه
هالمصيبه
*٧*
كل لياليها التمر صعبه عليها
هالمصاب و هالألم شسوي بيها
ما بقه بس البجي شيطلع بديها
كل وكت تذكر ابوها بكل حچيها
يا صبرها عالنبي وكل غيابه
يا صبرها للابو ولوعة مصابه
يا صبرها تذكره صبح و مسيه
هالمصيبه
مهيمن يوسف الموسوي ٢٥ صفر ١٤٤٥هـ ٢٠٢٢/٩/١١م يوم الاثنين ١٢:٥٠م
موشح بحق النبي محمد"صلى الله عليه و آله و سلم" صفر ١٤٤٥هـ ٢٠٢٣م مهيمن يوسف الموسوي
يالرسول وأُمّتك كل حالها
من بعد موتك تَفرُّق نالها
*١*
يا رسول الله النبي الهادي الأمين
ريت حاضر هالزمن هاي السنين
شاهد الأُمّه شجره بالمسلمين
راحت الوحده بسبب افعالها
*٢*
ما بقت أُمتك مثل ذاك الزمن
كلها متوحده تِضِد كل الفتن
صار بس التفرقه وشگد مِحَن
ضد شريعه المُسلمة بأعمالها
*٣*
تركض اعلى الدنيا يالبيها حدود
تنسه يوم الآخره بيه الخلود
للكفر وبليس صارتله جنود
ما تحسّب بالقيامه اهوالها
*٤*
عدها هاي الأمّه واجبها و أمر
مال تاخذ لو حرام شما يضر
والطمع يا سيدي عدها كثر
رايده الدنيا تِحَصل اموالها
*٥*
يالنبي بعدك تغيّر هالبشر
بدنيته هَمّه يريد و يستقر
ناسي موته لو يجي ويوم الگبر
عادتك هاي البشر وانذالها
*٦*
بعدك الناس وصفت بيها الخداع
دنيا غرّتها وَسَف صِير ابضياع
عن تعاليمك فلا عدها اقتناع
الا قلّه امن المَلَه برجالها
*٧*
دين لاسلامي ويعاني امن العِده
رادو الاعداء كلها الحاقده
لاكن ودينك شريعه الخالده
وبسبب أهل العلم وابطالها
*٨*
عادو الأسلام رادو ما يظل
وبحقد حين التضدّه بكل عمل
ما تصير و هالقضيّه و هالفعل
باقي و بطول الأرض وشمالها
*٩*
يا نبينه وأُمتك بيها الخدع
كلمة الحگ سيدي ما تنسمع
قلّه من تلتزم عدها ورع
رحمه والدين بحياته شالها
*١٠*
سيدي طــٰه النبي سيّد المَلَه
بعدك الاسلام بيه المعضله
ما يتبعون الشرع كل مسأله
والشريعه قلّه من يدنالها
مهيمن يوسف الموسوي ٢٢ صفر ١٤٤٥هـ ٢٠٢٣/٩/٨م يوم الجمعة ٨:٣١م
شعور خدمة الامام الحسين "عليه السلام" بعد انتهاء الزيارة الاربعينية و الخدمة الحسينية
صفر ١٤٤٥هـ ٢٠٢٣م مهيمن يوسف الموسوي ، لحن: سفرة إلى الله | حيدر البياتي
خدمناه كلنه خدمناه
حسيناه لجله حسيناه
نطيناه كلشي نطيناه خدمناه خدمناه
كل المواكب يوم خلصت
الها الخدم وهواي حزنت
خدمناه خدمناه
*١*
اجينه بخدمته والأجتّه هالموالين
مُحبينه كلهم وبعزمهم عاشگه حسين
لَجَل ابن النبي الخدمه الموالي بالگلب همّه
يريد و ينكتب اسمه بسجل خدّامه
گضه احلى الوكت عدنه فلا خدمه بقت النه
يمن بالموكب و چِنّه جميل ايّامه
للحسين نخدم للحسين
موالين نبقى موالين
محبّين بكثره محبّين للحسين
لجل الولي مفتخره ضحّت
الها الخدم وهواي حزنت
خدمناه خدمناه
*٢*
مواكب نصبنه وبفخرنه هالخدامه
نضحّي و نقدّم للولي انهم للإمامه
فلا يمنه بقه الزاير گلبنه منكسر خاطر
يروح الداره هم حاير فلا مشايه
قبل چِنّه بوسط خيره زياره تنتهي حيره
فلا عدنه بقه غيره نخدمه بهايه
مضحّين بدمنه مضحّين
اله سنين نفدي اله سنين
مواسين بجرحه مواسين مضحّين
چم تضحيه لحسين سوّت
الها الخدم وهواي حزنت
خدمناه خدمناه
*٣*
حزن بالمشاعر للشعائر والدمع سال
بقهر لو رحلنه وابتعدنه مختلف حال
تروح الخدمه من يمنه ترد يا يوم نتمنّه
طبع وبزين خلتنه وحگ احسيني
ولا موكب بقه ناصب ولا ناعي يظل ناحب
محب دمعه فلا ساچب تره تاذيني
نظل دوم نخدم نظل دوم
فلا يوم غبنه فلا يوم
على الگوم على الگوم نظل دوم
أحسن صفه هالخدمه خلّت
الها الخدم وهواي حزنت
خدمناه خدمناه
*٤*
الــٰهي و كرمنه ونعرفنه بهالفضيله
يظل كل فخرنه بكل عمرنه ما نزيله
خدمنه الزاير و نفخر فلا يردنه ابد كل شر
نريده يرضه ابن حيدر على هالخدمه
أجر بيها شكثر نحْصل نظل نخدم ابد منمل
إله كُلشي تره نعمل الموالي همّه
نذرناه كُلشي نذرناه
فديناه احنه فديناه
نطيناه الغالي نطيناه نذرناه
رغم النقدمه هواي قصرت
الها الخدم وهواي حزنت
خدمناه خدمناه
*٥*
بعد هالزياره وبحياره لليخدمون
حزنّه و ألمنه ونقهرنه عاليزورون
مواكب وانتهت تخدم ولا زاير بقه و مأتم
صعوبه اعلينه نتألّم عجيبه نصبر
نتاني چم شهر لازم يفكّر للولي الخادم
يريده بخدمته عازم ولو تتكرّر
يتانون حقهم يتانون
يخدمون رادو يخدمون
يفرحون بخدمه يفرحون يتانون
بيوم أربعين حسين ونّت
الها الخدم وهواي حزنت
خدمناه خدمناه
*٦*
أملنه نريده هم نعيده عالبريّه
خدم نبقى احنه كل حلمنه للمنيّه
فخر هذا الدرب دائم ولو نسمع كثر لائم
واذا ضدنه العده الظالم ابد منعوفه
نريد تجدّد الذكره زياره و المشي كثره
خدم للدوم مفتخره على الي نشوفه
يريدون خدمه يريدون
يسوّون بكثره يسوّون
يعرفون دربه يعرفون يريدون
وبكل حزن هالعين دمعت
الها الخدم وهواي حزنت
خدمناه خدمناه
*٧*
يظل وبدعائه وبرجائه كل وكت دوم
خدم وبحياته حد مماته ما يمل يوم
يظل عدنه تره الموكب خدم للزاير و نرغب
وعلى مصابه بحزن ننحب قهر وبدمعه
بصفر نخدم ابو اليمه على حتى الضنه انقدمه
موالي يخدمه همّه فقط هالسمعه
يربحون جنّه يربحون
يكونون يَمّه يكونون
يتعبون لجله يتعبون يربحون
بهاي المواكب حيل حنّت
الها الخدم وهواي حزنت
خدمناه خدمناه
مهيمن يوسف الموسوي
١٨ صفر ١٤٤٥هـ
٢٠٢٣/٩/٤م يوم الاثنين ١١:٥١م