96716
{فَأَمَّا الزَّبَدُ فَيَذْهَبُ جُفَاءً ۖ وَأَمَّا مَا يَنفَعُ النَّاسَ فَيَمْكُثُ فِي الْأَرْضِ} [الرعد: 17] أعتذر عن الرد على الأسئلة والاستشارات لأجل غير مسمى، البوت للتناصح والمقترحات فقط (@Nafea3_bot)
لمن أجعل دعائي في آخر ساعة من نهار يوم الجمعة؟
* لنفسي ولأهلي ولأبي وأمي وجدي وجدتي وإخواني وأخواتي وصلة أرحامي
* لمشايخنا وطلاب العلم الربانيين الذين يخوضون معارك طاحنة للحفاظ على هيبة وسلامة التدين في نفوسنا
* لكل مكروب ومديون ومأسور وملكوم، بفك الكرب وسد الدين وصلاح البال والحال
* لكل مبتلى بالمرض والضعف، بالشفاء والعافية ورفعة البلاء مع رفعة الدرجات
* لكل محروم من الزواج ومحروم من الإنجاب، أن يروي الله عطشهم ويرزقهم من فضله وخزائنه التي لا تنفذ
* للمكلومين من شباب وبنات الأمة، والمستضعفين في الأرض من المسلمين في كل مكان
* الدعاء لموتى المسلمين والمسلمات ولمن رحل عن عالمنا وهو تحت الأرض، هؤلاء أحوج ما يكونوا إلى دعوات برحمات تتنزل عليهم عسى الله أن يقيد لنا من يترحم علينا بعد مماتنا، فالجزاء من جنس العمل، ومن حرص على المسلمين قيد الله له من يحرص عليه ولو بعد مماته.
فيكون الدعاء متوازناً لنفسي ولأهلي ورحمي ولعموم المسلمين والمسلمات، فلا نغفل عنهم فهم مكروبين!
من واقع الأسئلة اللي كانت بتيجي على البوت خلال السنتين اللي فاتوا، حابب أسأل سؤال من طرفي أنا
((ليه مش بتسمع الكلام؟))
والسؤال دا موجه لكل أهل نافع اللي بقالهم أكثر من 3 شهور في القناة كحد أدنى، حقيقي ليه مش بتسمع الكلام؟ ليه مش بتنفذ وتطبق اللي بنتكلم فيه وبندلل عليه وبنحذر منه؟
وخد بالك: أنا مش بقولك ليه مش بتسمع "كلامي" لأن العبرة مش بكلامي وكلام فلان، العبرة بالحق والصح، لكن أنا بسألك ليه مش بتطبق الكلام بشكل عام؟
إشكالية كبيرة أنك تبقى فاكر الحل في عصا سحرية أو حد عند الإجابة لسؤالك فلما تاخد الإجابة كدا الدنيا هتبقى تمام من تحرك من طرفك وحرص واهتمام وجدية وصبر على النتيجة والثمرة!
تصرفات وعادات مش قويمة وبتعاني منها والحل بيُعرض لك هنا وبيتم تذكيرك به من حين لآخر، بيحصل مش كدا؟
طيب ليه مش بتسمع الكلام؟!
أنت في معركة يومية مع المجاهدة والجدية والانضباط والصبر والحفاظ على الإيمان وزيادة الطاعات والقربات (فإن لم تكن في زيادة فانت في نقصان)، وفي استمساك عصيب بالعادات الجيدة والأخلاق الحسنة وترك العادات والأخلاق السيئة، ولن تنتهي هذه الحرب إلا وأنت في قبرك، فلا يضيق صدرك باستمرار المجاهدة ولا تتعامل معها على أنها ثِقل، استعن بالله ولا تعجز واحرص على ما ينفعك وأري ربك خيراً وثق في موعوده بالهدى مادمت تجاهد (جاهد نفسك في جنب الله، تشاهد بركات ومننه عليك)، ولا تخسر معركتك اليومية حتى لا تخسر مقعدك في الجنة!
(فلا اقتحم العقبة): لكل مكانة ثمن وعقبة، فادفع ثمن المكانة ووطِن نفسك على تحمل أشد ألم وعلى معالي الأمور مستعيناً بالله متيقناً في وعده (والذين جاهدوا فينا لنهدينهم سبلنا)، أي: والذين جاهدوا أهواءهم فينا بالتوبة؛ لنهدينهم سبل الإخلاص، «وإن الله لمع المحسنين» أي مع المؤمنين بالنصر والعون.
نافع | Nafe3
الشعار بيقول: Work Smarter Not Harder
فالناس عملت كدا، فـ عضلة الاجتهاد والإحسان حصل لها ضمور، وبقى فيه تكاسل واستسهال لكل حاجة، لحد ما الإتقان والضمير بقوا في الحضيض!
أنت تـ Work بما يرضي الله، دا شعارك
(ليبلوكم أيكم أحسن عملاً)
(حتي يٌسأل عن أربع: وعن ماله من أين اكتسبه وفيما أنفقه)
نافع | Nafe3
الموضوع مش هيتوقف على حذفك للواتساب والتليجرام، لأن الحذف معناه توفر وقت بزيادة، طيب ناوي تعمل ايه في الوقت دا؟
لازم تنشغل، لازم تشتغل..
مفيش مفر عن العمل، فوفر على نفسك وبلاش تهرب..
فيه ناس أدمنت الإباحية لمجرد أنه حاسس بالملل ومش عايز يعمل حاجة مفيدة علشان (كسلان)، ولحد دلوقت مش عارف يخرج من إدمانه وحياته خربت!
لازم تنشغل، لازم ترفع شعار العداوة والحرب على الكسل!!
((راجع منشور "الأوراد اليومية"، اطبعه وعلقه في غرفتك وذكر نفسك به دوماً))
وشك نور بالحجاب إزاي وإحنا بنحجبك علشان الناس متبصش لوشك ونعينهم على غض البصر؟!
Error 404 والله العظيم!
لو عايز تفهم نفسك والآخرين وتتعامل مع نفسك بطريقة سوية وصحيحة وتتعلم الكثير من معالم فقه النفس، أنصحك بالاطلاع على سلسلة (دراسات نفسية إسلامية - 10 أجزاء من مكتبة النفس التواقة 👆)
Читать полностью…
🔸 خدوا نموذج "إسلامي" ناجح أهو:
عن أبي هريرة رضي الله عنه قال: فَقَدَ النبي صلى الله عليه وسلم امرأةً سوداء كانت تلتقط الخِرَق والعيدان من المسجد، فقال: ((أين فلانة؟))، قالوا: ماتت، قال: ((أفلا آذنتموني؟!))، قالوا: ماتت مِن الليل ودُفنتْ؛ فكرِهنا أن نوقظك، فذهب رسول الله صلى الله عليه وسلم إلى قبرها، فصلى عليها وقال: ((إذا مات أحد من المسلمين، فلا تدَعُوا أن تُؤذِنوني))
محدش لا يعرف اسمها ولا تفاصيل حياتها سوى أنها رُزقت بصلاة النبي محمد صلى الله عليه وسلم على قبرها، صلاة رحمة ونور ونحسب أنها شفاعة لها يوم القيامة..
((قاعدة مهمة جداً لك في الحياة: حب الشهرة والظهور هيجيب أجلك))
محدش طلب منك تكوني واجهة للفئة المظلومة يا إنجي
طبعا لا يخفى هتكوني واجهة جميلة ازاي
نقاب متبع الموضة مع تنازلات بسيطة مش هتأثر يعني
أنت عايشة دور المجاهدة يا إنجي
عايشة دور المنقذة اللي بتنقذ المنتقبات من فكرة إنهم معقدات، والمنقذة اللي هتمنع الظلم الواقع على المنتقبات وتساعد في توفير فرص شغل لهم ونهتف "تحيا إنجي"!
محدش كان طلب منك أنت وزوجك تصدروا لنا يوميات الحب الحلال، المنتقبة الكيوت والملتحي الطيب.
استغليتوا النقاب واللحية لحد ما اتشهرتوا وبقى عندكم متابعات مغيبات بحجة "احنا بنحسن صورة الملتزمين".
وهتستغلوهم تاني لحد ما تتشهروا أكتر بحجة "واجهة للفئة المظلومة".
مش فاهمين والله إيه علاقة الفيديو التافه اللي عاملاه أنت وزوجك بإنك بتحببي البنات في النقاب؟
لا أصل احنا بنثبت إن الملتزمين مش معقدين
مين طلب منكم تثبتوا؟
وبتثبتوا بطريقة لا ترضي الله ليه؟
تم نصحكم مرارا ومفيش فائدة
بتقابلوا الإنكار عليكم بالاستهزاء
لا حجابك يرضي الله
ولا أفعالك أنت وزوجك ترضي الله
سعيكم ضال وتحسبون أنكم تحسنون صنعا
إنا لله وإنا إليه راجعون.
ماذا أفعل في الخلافات والإشكالية الموجودة بين كثير من المشايخ وطلبة العلم وأنا أشعر بالشتات والحيرة بينهم؟
أخي، أشاركك ما أخترته لنفسي وأذكر به نفسي يومياً:
🔸 "كفى بطلب العلم والحرص عليه والاجتهاد وعدم الزهد فيه: "بركةً" ألا يُدلس عليّ أحد ولا يكذب عليّ أحد ولا يستخدمني أحد لغرض سيء أو نية فاسدة، كفى بالاجتهاد في الطلب والصبر عليه بركةً ألا أكون خاضعاً لمن يدلس على الناس في دينها بسبب قلة علمي (العلم سيادة، فانظر بماذا تتقوى ولماذا تتقوى بالعلم "رحمة من ربي لعموم المسلمين، ودفعاً للصائل وزجراً له")
نافع | Nafe3
هنجمع مواد مرئية وصوتية ومقروءة وخطط مجربة وهنعمل فريق متابعة قوي جداً يتابع الناس لحظة بلحظة في خطط تنموية حياتية وشرعية.. (دي فرضية مش حقيقة)
لو اتشقلبنا على رؤوسنا كمسؤولين، مفيش أي تقدم يُذكر في حياتك غير لما حضرتك تشتغل بالموجود..
هي دي الفكرة، قناة نافع زيها زي أي قناة تانية ويمكن أقل بكتير، مئات القنوات على اليوتيوب والتليجرام، ملايين الكتب ومئات الآلاف من قوائم التشغيل وفواتيح عظيم من العلوم والمعارف..
بس برضة مش هتعمل حاجة علشان أنت مش "عايز"..
عايز تشتغل على نفسك؟ اليوتيوب موجود واتفضل اشتغل
عايز تكتسب علوم وخبرات؟ الكتب موجودة في كل حتة، اتفضل اقرأ واشتغل
عايز عايز عايز؟ المصادر في كل مكان، اشتغل، بنفسك، الرحلة فردية، المسؤولية عليك أنت والناس آخرها توجه!
بس دا مش هيحصل، وهاردات الأجهزة مليانة كتب ودروس ومواعظ
مش هيحصل ليه؟ علشان أنت مش "عايز" بصدق، لما تبقى تعوز هتدور وتشتغل..
زي لما الجوع يقرص على بطنك، مش بتهدأ غير لما تضرب الأرض تطلع أكل، ولو بعد نص الليل..
الموضوع موضوع صدق في الاحتياج (أنك محتاج تعرف، محتاج تتعلم، محتاج تنشغل بنفسك)
لما يتوفر الصدق: إن شاء الله تتوفر العزيمة والتوفيق الرباني..
غير كدا، (أنت عارف النتيجة من غير ما أقولك)
نافع | Nafe3
السلام عليكم ورحمة الله وبركاته،
أعتذر عن استقبال أي أسئلة على البوت لأجل غير مسمى لكثرة انشغالي، وأترك البوت متاحاً فقط للمناصحة أو الدلالة على أخطاء في الصوتيات أو المنشورات.
أعلم أن البوت يمثل مصدر مساعدة كبيرة لكثير من أهل نافع لكن لحين إتاحته مرة أخرى أنصح السائل أن يتفقد قناة الصوتيات أولاً ولعله إن شاء الله يجد إجابة لسؤاله (قناة صوتيات نافع)
ملاحظة: 90% من الأسئلة فعلاً إجابتها في إصدارات سابقة بقناة الصوتيات.
معركة يومية: كل يوم ستشعر بالألم والملل وستكون مُطالباً بالمجاهدة، كل يوم! (حتى يفتح الله عليك وتتحول المجاهدة إلى لذة وحلاوة إيمانية في القرب من الله عز وجل، لكن لابد أن تصبر، ليس لك زاد إلا الصبر والتصبر بالله عز وجل!)
هذه هي الدنيا، أنت في دار اختبار لا دار جزاء ومثوبة، كما أنك كل يوم تُذاكر استعداداً لاختبار آخر العام..
فاصبر على ألم المجاهدة ومخالفة هوى النفس (تلك الشريك الخائن الذي إذا غفلت عنها لحظة، خانتك بالمعاصي والذنوب)، اصبر ولك الجنة إن شاء الله..
يا شباب الجملة فيها آية وحديث، ايه اللي بيضحك بس الله يهديكم :))
Читать полностью…
يا إنسان، اتق الله في نفسك
الأمر جاد، والذنوب آخرتها نار..
علاج السلوكيات الإدمانية على الوسائل الرقمية لا يتم فقط بالبعد عن مصادرها، ولكن نجاح العلاج يعتمد على الانشغال، انشغال بأوراد وأعمال وقراءة واطلاع ورياضة، أن يكون اليوم مشغولاً بالأهداف اليومية والأوراد التي لسد حيز الفراغ المتاح لهذه الوسائل، فتزهد نفسك مع الوقت في تفقدها والاطلاع عليها حتى تصل إلى نتيجة نهائية وهي: استثمار واغتنام كل دقائق العمل فيما ينفعني
أما الاكتفاء بالانقطاع فقط عن وسائل الإدمان الرقمي، فستجد إدماناً آخر بصورة أخرى، وصدق من قال (نفسك إن لم تشغلها بالحق شغلتك بالباطل) "بغض النظر عن صورة الباطل وتضييع الوقت عليه سواء كانت في الهاتف أو اليوتيوب أو التليجرام أو غيره"
((لازم تفضل مشغول، لازم يومك يكون مزحوم، لازم تجبر نفسك على العمل وتكابد على الكسل، وإلا فالخيار الآخر هو الفراغ ثم الذنوب!))
نافع | Nafe3
ديننا دين عزة، لا يُسوق إليه بالمعنى الحديث ولكن يُدعى إليه..
وفارق كبير بين التسويق "ترغيب الشخص في شيء ما" وبين الدعوة "بيان والباطل والحلال والحرام والجنة والنار"..
التسويق: أنت تستخدم كل الوسائل "حتى المتبذلة" لكي تبيع الفكرة أو المنتج لمن أمامك حتى يأخذها، مثل جمل (شوفي وشك نور إزاي بالحجاب) و(شوف صحتك اتحسنت إزاي لما بطلت سجاير وإباحية)، كأن الأمر متعلق بالشكل والبدن وليس متعلقاً بأنك عبد ومأمور بالطاعة والبعد عن مصادر المعصية!
أما الدعوة: أنت تحرص بالخير والرحمة لمن أمامك لكنك لن تكذب ولن تداهن ولن تترخص في المنكر لأجل "تأليف القلوب" ولن تتنازل عن حق الله عز وجل على الناس لأجل "زيادة أعداد المهتدين" مقابل التخلي عن بعض ما أُختلف فيه أو ترك "السُنن" لأجل كثير من "المصالح"، وكم رأينا من بدأ بترك السنن حتى ترك الفروض وبارز الله بالمعاصي جهاراً!
تأسرني مقولة سيدنا عمر رضي الله عنه وأرضاه: (نحن قوم أعزَّنا الله بالإسلام فمهما ابتغينا العزَّة في غيره أذلَّنا الله).
أنت عزيز بتوحيدك، عزيز بدينك، عزيز بإسلامك، ولو كنت أقل أهل الأرض شأناً وأفقرهم مادةً ومالاً في نظر الناس.
وفرق كبير بين الاستعلاء والعزة بالدين وبين التكبر على الناس بالتدين، فأنت تعامل الناس برحمة وبخفض الجناح وبتواضع ولا تتكبر عليهم بما منّ الله عليك به من الهدى (كذلك كنتم من قبل فمن الله عليكم)، وفي نفس الوقت تستعلي بالتوحيد وتنكر المنكر بضوابطه وتأمر بالمعروف طمعاً فيما عند الله من الأجر والمثوبة.
وهذا الفرق مهم جداً ودقيق جداً ويغفل عنه كثير من الدعاة، خصوصاً بين صفوف النساء..
نافع | Nafe3
طلب العلم أونلاين فيه خير عظيم، بس فيه إشكالية خفية وخطيرة جداً:
هو أن طالب العلم فاكر أنه لما يسمع درس تزكية وموعظة قلبية، هيتغير في نفس اللحظة ويستمر في ثبات على التغيير الجديد!
فاكر أن قلبه دا زرار إنتر أول ما يضغط عليه هيديله أوامر وينفذ!
مهمة التزكية، اللي الصحابة رضوان الله عليهم عاشوا عمرهم كله بيجاهدوا نفسهم عليها، أنت عايز تختزلها في درس أو سلسلة دروس وبعدها ترجع تقول أصلي انتكست؟
هو فين بناء الإيمان أصلاً علشان تقول انتكست؟ مكنش فيه بناء من أساسه!
التوبة مهمة عمرية، التزكية مهمة عمرية، المجاهدة للهوى والنفس والشيطان مهمة عمرية، جميعها لا تنتهي إلا وأنت في القبر..
حياة الصحابة كلها عايز تختصرها في كبسولة؟
أنت عاقل؟!
بالنسبة للمنشور اللي فوق دا..
يا شباب، هو حضراتكم بتسألوني عن رأيي ولا عايزين رأي الشرع وضوابطه؟
حكم عمل المرأة مهما كانت مهنتها، موجود ع النت واليوتيوب، واضح جدا..
أنا بنتقد سلوك معين مش أصل العمل نفسه، بنتقد طريقة تفكير معنية مش حكم الدراسة والتعليم نفسه..
احنا قناة سلوكيات وعادات، مش قناة رأيكم ايه في حكم كذا وكذا..
بقالكم فترة طويلة في نافع ولسه حتى الآن مكونتوش فكرة عن هدف القناة ورؤيتها، صعب تصورها دي..
زي ما في الرسالة المثبتة: بعتذر عن استقبال أي أسئلة الفترة دي..
نقد طيب مع تحفظي على بعض المصطلحات، لكن ربنا يهدي ويصلح أحوال الأخوات..
المرأة "المتدينة" بالذات حواراتها كثرت جداً..
الكلام دا فكرني بأسئلة كثير من الأخوات اللي دخلوا طب وهندسة وصيدلة علشان يكونوا نموذج إسلامي ناجح وقوي، مع أن النموذج الإسلامي الناجح والقوي هو أنك تكون عبد تطيع الله عز وجل وتهجر معاصيه حتى ولو كنت عامل مسجد أو سائق لا يعرفك أحد.. بس هو هوى النفس "لازم نظهر"، ولو قولت للأخت دي ربي النموذج في البيت هتقولك "إيه، بعد كل الدراسة دي وأقعد في البيت، حرام عليا!" = الله، يعني الموضوع مش نموذج إسلامي بقى :))
والحمد لله رب العالمين على نعمة قفل الفيس بوك وإغلاق إشعارات اليوتيوب وعلى نعمة أن يكون المرء "فلاحاً" منعزلاً في غرفته لا به ولا عليه سوى "أرض" قلبه يحرثها ويرعاها..
"مات رسول الله صلى الله عليه وسلم ودرعه مرهونة عند يهودي، ولم يكتئب أو يحزن لأن هي دي كانت حالته ساعتها ومكنش معاه..
أمراض كتيرة زي السكر والضغط بتيجي للواحد بسبب كثرة التفكير في أشياء ليس له فيها تحكم ولا سيطرة، ولو كان أنزل حاجته بالله وافتقر عن كل حول وقوة إلا بالله، لاطمئن قلبه واستراحت نفسه ولم ينشغل إلا بالله"
.
- الشيخ: سمير مصطفى
مجلس "الحث على ذكر الله"، اللقاء التاسع عشر
إزاي أعرف الحالات الفقيرة المتعففة اللي هي أولى بصدقتي؟
1. الأقربون أولى بالمعروف: فكر في أرحامك ثم المقربين من أهلك وأصحابك ثم جيرانك.
2. راقب حال الناس المقربين لك في الشارع أو الجيرة، مين كان ظاهر وحاله اتغير، مين موظف بسيط أو راتبه لا يكاد يكفيه، مين بتزوج بنتها ومحتاجة مساعدة علشان لا تمد يدها للقروض الربوية
بلاش استسهال في موضوع الصدقات، خصوصاً للمتسولين اللي في الشارع، أرحامك ثم المقربين من أهلك ثم جيرانك أولى بخيرك عن الغريب، ولكلٍ رزقه.
نافع | Nafe3
الحرب خُدعة 😅
الإنسان الغلبان كان فاكرني هعمله برنامج جديد فوق الـ 500 برنامج اللي هو مشترك فيهم بالفعل 😅😅😅😅
* من أهم العوامل المطلوبة منك في الوصول لهدفك وصناعة نموذجك الشخصي: أن تعزل نفسك "كثيراً وليس على الدوام" في بيئة فكرية وتحفيزية داعمة "بعيداً عن المشتتات"
على قدر عزلتك على قدر سرعة تنفيذ ما تريده من أعمال وبرامج "لأنك ببساطة لست مشغولاً سوى بمشروعاتك"
نافع | Nafe3
﴿قَالَ لَا تَخَافَا إِنَّنِي مَعَكُمَا أَسْمَعُ وَأَرَى﴾
Читать полностью…