96716
{فَأَمَّا الزَّبَدُ فَيَذْهَبُ جُفَاءً ۖ وَأَمَّا مَا يَنفَعُ النَّاسَ فَيَمْكُثُ فِي الْأَرْضِ} [الرعد: 17] أعتذر عن الرد على الأسئلة والاستشارات لأجل غير مسمى، البوت للتناصح والمقترحات فقط (@Nafea3_bot)
🔹 أقصر وأبسط حل للشتات وقلة التركيز والضعف العام؟
- تبعد عن المعاصي والذنوب (لأنها بتضعف الروح والبدن) وتُكثر من الاستغفار + تاكل كويس وتنام كويس + تقوم باللي عليك والمطلوب منك (سواء كان مذاكرة أو شغل)
تشخيص المشكلة: أنت بتهرب، بتهرب من ألم بذل المجهود والتعب، فمشكلتك مش في الشتات على قد ما مشكلتك في الهروب وقلة المواجهة..
ولو سمعت دروس وفيديوهات الدنيا: هنرجع برضة لنقطة الصفر وهي أنك بتهرب ومش عايز تحس بالألم ولا تتعب في مجهود..
والسبب: عدم استحضار النية في مذاكرتك وتحصيلك الدراسي + عدم أخذ نفسك بجدية + إهمالك في حق نفسك وعدم تقديرها قدرها الذي ينبغي..
اقرأ بقى الكلام دا تاني وافهمه كويس جداً وحاول تذكر نفسك به من حين لآخر علشان الدنيا سهلة جداً، ٱنت عارف المشكلة وعارف الحل والعلاج في إيدك بس محدش هيشربه بالنيابة عنك..
دي مسؤوليتك: فـ لو هربت منها دلوقت هتتراكم وتنفجر في وشك في يوم من الأيام، فأنت حر بقى يا إنسان..
اتفقنا يا شباب؟
آخد منكم عهد وكلمة شرف شخصية منكم أننا نلتزم بالكلام ونصبر على النتيجة؟
▪️فضفضة متفرقة (4)▪️(تتمة)
🔅 يبقى اتفقنا: لا هتعرف تعدل كل حاجة في وقت واحد، مش هتعرف تتعلم وتكتسب كل حاجة في وقت واحد، والأمر التالت:.....
🔅 ليفل الوحش (مجاهدة نفسك): بص يا ريس، دلوقت هنعتبر أنك عربية، العربية بتتكون من جزء خارجي ظاهر للناس وهو الهيكل المطلي بالألوان (إشارة للبدن) والجزء الداخلي اللي بيحرك العربية وهو الموتور أو المحرك (إشارة للروح)
أنت روح وبدن، هيكل وموتور..
🔅 عايز عربية حياتك تمشي صح؟ لازم تاخد بالك من الموتور كويس جداً جداً ويتعمل له صيانة ومتابعة ومراقبة وعمّرة كل فترة والتانية..
🔅 موتورك هو قلبك، هو سيد الجوارح والمتحكم فيها، فلو القلب فيه مشكلة يبقى أنت عندك مشكلة في عربيتك مش هيحلها الهيكل الخارجي..
🔅 طيب أعمر الموتور "قلبي" إزاي؟ (زيادة الطاعات وترك المعاصي)، بس كدا..
🔅 طيب أنا بعمل طاعات كتير وبرضة معاصي نوعاً ما بس حالي خربان برضة، ليه؟
الإجابة: علشان أنت عملت الطاعات ببدنك "بالهيكل الخارجي للعربية" إنما الموتور فيه مشكلة، فكدا كدا ممكن العربية تمشي معاك شوية وتؤدي شوية مشاوير عادي بس الموتور مصيره يطلع دخان ويعطل والعربية كلها تقف، ودا اللي بيحصل لك بالظبط لما تقرأ قرآن وتطلب علم وأنت مقيم على الإباحية والعادة السرية وذنوب الخلوات: علشان الهيكل الخارجي للعربية هو اللي ماشي عادي بس الموتور عيان وعطلان..
يُتبع لسه...
نافع | Nafe3
صوتيات نافع
▪️فضفضة متفرقة (4)▪️
🔹 أنا مش عارف/عارفة مالي، حالي مش متظبط ومش عارف/عارفة أنجز حاجة في حياتي ولا شخصيتي، أعمل ايه؟
الحمد لله رب العالمين والصلاة والسلام على رسول الله صلى الله عليه وسلم، بصوا يا شباب:
🔅الإشكالية: أكبر 3 مشاكل وتحديات عندك في شخصيتك: عايز تعدِل كل حاجة مرة واحدة + عايز تكتسب حاجات كتير مع بعض + صبرك ومجاهدتك وإصرارك نسبتهم قليلة إن لم يكونوا صفر.
🔅أنت عايز إيه؟ حياة طيبة وهدوء وسكينة مع القدرة على مواجهة الكم المعتاد من البلاء والنصب والكدر والتعب في الدنيا، دا اللي أنت عايزه ودا هدفك وهدفنا كلنا.
🔅لازم تفهم أمر مهم جداً: كل حاجة وليها وقت، كل مكانة ولها ثمن وتضحية، كل شيء وله ثمن ومدة معينة علشان ييجي لك.
🔅لازم تتيقن أنك مش هتعرف تصلح وتعدل كل حاجة في نفسك وفي اللي حواليك في نفس الوقت، لازم صبر ومجاهدة ومحاولات لا تنتهي لحد ما ربنا يفرجها عليك
🔅لازم تقبل أن فيه حاجات هتعرف تصلحها وتعدل منها وفي حاجات تانية هتعجز عنها، ولك في سيرة النبي صلى الله عليه وسلم أسوة وعبرة في أن لم يُقدر الله له أن يهدي أقرب الناس إليه من قومه وعشيرته... فلازم تتقبل دا وأنت بتحاول أو بعد انتهاء محاولاتك.
🍀🍀 (شوفت أنا كتبت كام "لازم" فوق؟ خد بالك بقى، علشان كلمة "لازم" معناها أنك تفكر نفسك بالمعاني دي من حين لآخر)
🔅ترتيب حياتك كالآتي: الله عز وجل، نفسي، بقية الناس (علاقتي بربي أهم شيء في حياتي، ثم مصلحتي الشخصية وكياني ونفسيتي "بدون أنانية أو إضرار بأحد"، ثم التعامل مع الناس بشكل عام): وأي خلال في الترتيب أنت اللي هتشيل تبعاته..
🔅 طيب مش عارف تصلح من نفسك وتتخلص من أمور كتير مزعجة ليك ليه؟ علشان مستعجل، علشان بتقارن، علشان بتمد عينك لنماذج شابة ناجحة في حياتها وصفاتها وأنت مش عارف كم المجاهدة اللي بذلوه والتعب والبكاء والصبر والتضرع لحد ما ربنا هداهم، علشان عايز الحاجة على الجاهز ومش راضي تصبر ولا تقبل أن كل شيء بياخد وقت وأنك لو جمعت 9 نساء حوامل كلهن في الشهر الأول عمرك ما هـ ينتج عن جمعهم طفل عنده 9 شهور!
يُتبــــع ....
نافع | Nafe3
صوتيات نافع
زي مثلاً: تجد اهتمام شديد جداً بالتماس ساعة الدعاء في آخر نهار الجمعة
طيب ماهو الدعاء بين الأذان والإقامة لا يُرد، بتاخد بالك من النقطة دي؟ هل بتستثمر أنك ترفع ايدك بين الأذان والإقامة وتدعي في كل صلاة وترفع حاجتك لله عز وجل؟
أو الاهتمام القوي بصلاة التراويح والخشوع والبكاء فيها، طيب ماهي صلاة العشاء أهم وأوجب هل بتركز فيها؟
نصيحة: خلي تدينك على ما كان عليه النبي محمد صلى الله عليه وسلم والصحابة الكرام، بلاش تدين السوق واللي الناس بتسوق له بكونه أعظم أجراً لأن في الغالب الناس بتقلد بعضها وخلاص..
تمسك بالقرآن والسنة، تمسك بالهدي النبوي لأن خير الهدي هدي محمد صلى الله عليه وسلم، تمسك بهما ولن تضل أبداً..
* طيب وقتنا ضيق أو فيه مذاكرة أو في المواصلات، نتصرف إزاي؟
- يا حبيب قلب أخوك، الحاجات المركزية اللي فيها تغيير وتزكية وقواعد مينفعش تسمعها في وقت دوشة وانشغال زي وقت المواصلات، بس الوقت دا ممكن تستغله وتسمع فيه بودكاست مثلاً فيه معلومات نافعة ومفيدة ومفيش مشكلة تستفيد من الوقت دا، أو تراجع وردك من القرآن أو تقرأ حاجة خفيفة زي المطويات والرسائل..
إنما المركزيات زي دروس التوحيد والعقيدة والسلوكيات وعلاج الذنوب وغيرها: لازم لها تفرغ تام وتركيز وتقييد قواعد..
أومال هـ تزكي نفسك بالطاعات والقربات إزاي لو مش بتكتب وتقرأ وتتعب!
أنت بتتعب علشان تنجو من النار وتدخل الجنة، دا أسمى هدف لك في الحياة...
هو ايه موضوع أنك تسمع درس أو صوتية أو تقرأ كتاب من غير ما يكون معاك ورقة وقلم وتلخص قواعد تطبقها وتمشي عليها؟ التصرف دا خاطئ جداً من وجهة نظري..
لما تيجي تصرف وقتك على حاجة: اصرفه صح!
دائماً وأبداً: أي شيء ترجو النفع تعامل معه على أنه شيء قابل للتلخيص واستخراج القواعد منه، وبعدها تراجع القواعد والأصول دي من حين لآخر علشان تذكر نفسك بيها وتتعلمها..
طيب ليه ورقة وقلم؟ علشان احنا في زمن الشتات وقلة التركيز والنسيان وتزاحم المهام، فلازم شيء يذكرك بما عليك وشيء يختصر عليك الوقت قليلاً فلا تُعيد سماع درس أو قراءة كتاب وكأنك تسمع وتقرأ لأول مرة
+ علشان تطبق: العلم يهتف بالعلم فإن أجابه وإلا ارتحل..
التطبيق والتنفيذ علامتيّ الجدية في الطلب، وما دون ذلك هو ضياع وقت وترفيه مش أكثر.
نافع | Nafe3
صوتيات نافع
متخافوش من عنوان الفيديو، اللقاء ماتع جداً وفيه فوائد عظيمة!
أنصحكم به الليلة..
نافع | Nafe3
صوتيات نافع
لَم يلِد ولم يُولَد
لَم يلِد ولم يُولَد
ولم يكُن لهُ كفوًا أحَد
تعرف أن الشيطان ممكن يفضل يخدع فيك ويضحك عليك ويسمعك اللي نفسك فيه، بل ويحفزك ويحمسك بس في الاتجاه الخاطىء؟
آه والله، صدقاً!
الشيطان دا خبيث، يقبل منك القليل فالقليل مقابل أنه يصدك عن الكثير، يشغلك بالمفضول علشان يصدك عن الفاضل..
يقبل منك شعارات رنانة زي حال الأمة والمسلمين والتمكين للدين علشان يغفلك عن طلب العلم وقيام الليل وزيادة ورد القرآن وكثرة الصيام..
عايز نصرة الأمة؟ وماله يا عمنا..
ادخل اعمل قناة على التليجرام، شير وانشر، جادل ونافح لحد 2 الصبح، بس كدا تمام تصبح على خير، أنت دلوقت مرهق فنام لك شوية علشان تصحى الفجر..
- صحيت بعد الظهر وفاتك فرضين؟ معلش...
نبقى نعوض بكرة...
وهلم جرا...
وتروح زهرة عمرك وشبابك، لا حققت شيء في عباداتك ولا أورادك ولا ترقيت علمياً..
شوية حماسة كدا ورضيت ضميرك وتدخل تنام وكل سنة وأنت طيب يا طيب..
فهمت اللعبة؟
#أورادك_أولاً
#الواجبات_أولاً
سلسلة طيبة جداً لشحذ الهمم والتأسي بمن سبقنا من "الرجال الحقيقيون" الذين صدقوا الله ما وعدوه في عبادتهم وزهدهم وإخلاصهم لله عز وجل..
هذه السلسلة خفيفة وسهلة الألفاظ وقوية المعاني، أنصحكم بقراءتها وهي تصلح لكافة الأعمار من 16 عام فما فوق.
جزاكم الله خيراً: لمن أرسل صوتيات (فضفضة متفرقة 4) المحال إليها ولمن نقل المقال في ملف، أحسن الله إليكم ونفع بكم.
Читать полностью…
▪️فضفضة متفرقة (4)▪️(تتمة 2)
🔅 يعني بصريح العبارة كدا: أنت مهتم بالشكل الخارجي وتأدية الواجب بس من برة لكن القلب خربان بسبب الذنوب وعدم التعهد، والقلب لا يصلح إلا بعبادات فيه مداومة ومجاهدة وتدبر، إنما فكرة الأداء لمجرد الأداء دي مش هتمشي مع القلب..
🔅 طب الحل ايه؟ أقولك.. كدا عرفنا المشكلة فين وشخصناها، عايزين الحل بقى..
1. هتجيب ورقة وقلم وكشكول ولا كراسة
2. هتقعد في مكان منعزل تماماً عن أي ضوضاء
3. هتسمع السلسلة اللي هحط لك اللينك بتاعها تحت، تسمع كل يوم درس
(الرابط: https://www.youtube.com/playlist?list=PLtYj0Vd8x6cOOoz0EmJCz6BxKqOcZqQMh)
4. تسمع والورقة والقلم في ايدك، كل لما تلاقي فائدة أو قاعدة شايف فيها صلاح قلبك، توقف الدرس وتسجلها بايدك بتدبر وتركيز شديد وبعدها ترجع تكمل الدرس تاني
5. بعد الانتهاء من السلسلة دي، هتلاقي شوية قواعد وفوائد أنت سجلتهم، عارف هتتصرف معاهم إزاي؟
- تبدأ تطبق كل يوم من القواعد اللي أنت كتبتها بيدك..
- تبدأ تراقب نفسك فيه تغيير ولا لا بعد فترة لا تقل عن شهر "بشرط المداومة اليومية على القواعد الفوائد دي"..
- تصبر ثم تصبر ثم تصبر لحد ما النتيجة تظهر..
- تعتمد اعتماد كامل على الله عز وجل وتتبرأ من حولك وقوتك، والسلسلة دي هتعلمك تعمل كدا ازاي بالتفصيل إن شاء الله..
بس كدا، الموضوع يسير في قواعده وخطواته، بس الشرط الأساسي أنك تتمسك وتلتزم بالحرف في كل اللي قولناه فوق = عايز تاكل الشهد يبقى لازم تتحمل إبر النحل، وإبر النحل هنا المقصود بيها المثابرة والمجاهدة والصبر وتاخد الأمور واحدة واحدة مش بالجملة، علشان اللي هتتعامل معاه بالجُملة هيروح منك بالجُملة برضة وهترجع زي ما كنت وأسوأ..
الطريقة دي فيها حل مشكلة الإباحية ومشكلة العصبية ومشكلة العقوق وأي مشكلة في حياتك إن شاء الله..
مش مطلوب منك غير حاجة واحدة وبس: تسمع الكلام + تطبق اللي اتفقنا عليه + تصبر جداً جداً جداً بحسن ظن بالله عز وجل..
وطبعاً مش هوصيك أنك لازم تجدد نيتك في كل دا أنه لله عز وجل..
ربنا ينفع بك ويصلح حالك ويعينك وتسمع الكلام وتبطل تشتكي من مشاكل سببها أنك مش بتسمع ولا بتطبق ولا بتصبر..
تمت بفضل الله.
نافع | Nafe3
صوتيات نافع
هنشر الجزئين الباقيين كمان شوية لما تقرأوا بتمعن وتركيز، مش مهم عندي الشير والتفاعل، المهم القراءة بتركيز.
Читать полностью…
منشور مهم جداً لكم بخصوص النفسية والتعامل مع الأخطاء، كمان شوية إن شاء الله..
Читать полностью…
أعظم مشاريع عمرك قاطبة: واجباتك وفروضك + البعد عن المعاصي
- واجبك في: إقامة الصلاة بتدبر وخشوع
- واجبك في: حفظ الجوارح عن المعاصي
واجبك في: حقوق العباد المادية والمعنوية (عن ماله من أين أكتسبه وفيما أنفقه)، وهلم جرا..
ركز على فروضك أولاً، تعلم واجباتك في الدين أولاً، ثم استزد من النوافل ما يفتح الله عليك بك..
وتذكر دائماً قول الرب جل وعلا: (أحب إلي مما افترضته عليه) = أي أن أحب شيء إلى الله عز وجل هو أتيان ما فرضه عليك، وهو في الغالب ما تقصر أنت فيه وتتجاوز وتفرط به، فانتبه!
احنا نغير اسم القناة من نافع إلى ملتقى أبناء الصعيد ووجه قبلي
منورين والله ويا رب نصائح أهل وجه بحري تمشي معاكم 😅
ولما أدي لحد سلسلة أو playlist يقولي سمعتها بس مفيش نتيجة ومتغيرتش برضة وسمعت كل المقاطع والدروس يا شيخ وبرجع تاني للذنوب والتقصير..
أول سؤال بسأله والله: هو أنت كتبت حاجة ورا الشيخ أو لخصت كلامه لنفسك؟ وصبرت شوية لحد ما تستقر على العبادات الجديدة دي؟
يقولي لأ
ببقى ساعتها عايز اعمله لحمة مشوية في صينية بطاطس علشان كدا له فايدة للبشرية أكتر 🌝🌝
.
.
🔅 من مشاركات البوت الثرية، شكر الله لمن أرسلتها:
السلام عليكم ورحمة الله
أردتُ مشاركة بعض الأفكار بما يخص الصوتية الأخيرة (جزاكم الله خيرًا) إذا سمحتم في شيء كتبته لنفس السؤال.
=
ممّا يستمدّ المرء قيمته؟
سؤال، تكثُر إجاباته عندي لكن في كل مرة أرى فيها نقصًا يخلُّ بالميزان.. ثمّ رأيتُ من العبث أن أبدأ بتنقيح الإجابات قبل أن أعرّف الميزان الخاص بي تعريفًا شفّافًا صادقًا لا يمنعه مانع من أن يتقاطع مع نقاط حرجة تستلزم وقوف قوي وحاضر.
أقصد بالنقط الحرجة، أن يعرّف الإنسان قيمته بالمكتسبات المادية فحسب، وإنما المقصد هو تعريف قيمة النفس بتجرّد من الألقاب والمسميات.
إذن;
الميزان هو أننا في الأصل عباد الله، ومتى كنّا مدركين تمامًا معنى ذلك، سرنا في الحياة بناء على هذا الأساس، ربما تتساءل ما علاقة ذلك بقيمة النّفس، لأنّ النّفس وحدها لا تكفي فإذا دققتَ أكثر فإن تضخيم الإنسان لنفسه يأتي أحيانًا من مؤثرات خارجية أهمّها الناس، فتجد من ينظر لغيره نظرة إجلال إذا كان ممن يملك مستوى تعليمي معيّن أو وظيفة خارقة، أو أن أحدهم يملك شخصية رائعة، وآخر يقرأ مئات الكتب، أو ذكي جدًا، أو يعمل في شركة كذا، يملك بيت كذا، وآخر يلتف من حوله الناس، فإذا قيلَت في الشخص هذا الإطراءات وبالغ غيرُه في ذكرها أمامه ضخّم شعوره بقيمته مما قيل أو مما أُنعِمَ عليه أو مما يجيد فعله، وحدد قيمته بناء على الناس دون وعي منه، فإذا اختلى بنفسه وسكت جمهور الإطراء، أصابه الوهن والقلق وداخله يتساءل : حقًا من أنا؟!
لذلك من المهم جدًا أن يعرّف الإنسان قيمة نفسه تعريفًا مجرّدًا من الألقاب والخانات التي يصطنعها الناس فيقسّمون ويصنفنون بحسب الظاهر فقط..
ما معنى قيمة؟ تُقال في شيْء له ثمن، قدر معيّن، شكل وأسلوب..
ما معنى أن يكون للمرء قيمة؟
أن يكون كيان له مُحببات ومُكرهات، حرية اختيارات، شجاعة المحاولات، واختلاف التجارب، يستطيع ممارسة حياة كاملة مع نفسه دون تقييد وهمي متّصل بعالم أفكاره.
ما معنى أن يكون قيمة للإنسان المُسلِم؟
تبدأ من أساس البناء، أنّه عبدٌ لله سبحانه وتعالى بكل تفاصيله، قيمته مرتبطة بأسمى ما يُمكن وهي العبودية..
فيترتب على ذلك أن قيمة النفس أيضًا تساوي قدر معرفتك بها، تعرف جانب قوّتها فتدعمها وتستثمرها فيما يرضي الله، تعرف ضعفها فتتقبّله وتحاول فهمه بالقدر المستطاع فلا تيأس من خطئك وجهلك وقصورك..
قيمة النّفس، بعدد التجارب التي يُثبِت فيها المرء نفسه باجتهاده، واحترامه لقدراته التي أودعها الله فيه ولم يسوّف في تفعيلها والاجتهاد فيها...
قيمة النّفس، أنّ يشعر المرء بمنّة الله عليه وتوفيقه في أن يربط بين معارفه وسلوكياته في حياته..
قيمة النّفس، أن تعرف أنك مُكلّف ومُستخلَف ولابدّ أن تؤدّي وظيفتك التي لأجلها أنت هنا، فأعطي ما عندك.. ولا تركن إلى هواك..
قيمة النّفس، أجلها في مقام (العبودية)
وفي ذاك استغناء عن الخلق، وتواضع النّفس، وصواب الفكرة.
والحمدلله.
كُتِبَت في ٢٢ فبراير ٢٠٢١
https://www.youtube.com/watch?v=7pDXZDFS3EI
نافع | Nafe3
صوتيات نافع
#علمني_مكاني #فقه_النفس #في_مكاني
ابتُليتُ بجلدِ الذات أو (وهم الكمال) كما تعلمت من معلّمي
حتي التفكير المستمر في الانتحار
فجاءت (شوي شوي .. هوّنوا على أنفسكم) لتنتشلني من هذا المعتقل النفسي.
أصبحتُ أحاول أن أحقق الممكن وأمحوَ المستحيل من قائمتي
فوجدتُ أنّ الممكن كثيرٌ جدًا
لكنى كنت أتركه لما لا أملكه ..
كنتُ ممن يردّدون (الدنيا ليست لي .. الدنيا لأصحابها .. فلن أطوّر نفسي في شيء دنيوي)
فعلمتُ أنّى كنتُ فقط أخادع نفسي حتى لا أبذل مجهودًا ..
الآن أبحث عن الثواب في تطويري لنفسي ومهاراتي في الدنيا، أن يأجرني الله عليها في الآخرة ..
أصبح قلبي يردّد كثيرًا (مُسَخّرات ونِعم) كلما رأيتُ نعمة صغيرة أو كبيرة بقلبي أو بجوارحي أو في الآفاق حولى
ف أبدأ أفصّل فيها ف أشعر بطمأنينة غامرة.
نعم، نسيت أن أخبركم أنى لم أعد أبحث عن السعادة
بل أتمرغ في كل شعور بالطمأنينة
ويؤثر بي أكثر بكثير من مفردة السعادة المُضخّمة.
صرتُ أضع جدولى علي (أقل القليل)
وإنْ زدتُ شعرتُ بفرحة غامرة
وإنْ قصّرتُ همستُ في روحي (شوي شوي .. هونّى علي نفسِك)
ف أطمئن وأنظر أين الخلل لأعدّله غدا بمنتهى السلاسة
حفظتُ عن ظهر قلب الاقتباس عن ابن القيم، رحمه الله، عن الأنس بالله
بل كتبتُه كثيرًا بين أوراقي
وأحاول أن أدرّبَ نفسي عليه.
أصبحتُ عندما أقرأ في الصلاة (صراط الذين أنعمت عليهم) يكون أول ما يخطر لي (المستأنسين بالله).
علّمني دكتور عبد الرحمن أن أفرغ رأسي ومعتقداتى على الطاولة لإعادة تشكيلها من جديد بما ينفع.
أنا مطمئنةٌ الآن
وهذا شعورٌ غريبٌ لم أُعايشه من قبل
وكل هذا منذ سنة وشهور قليلة فقط، جعلها الله بداية كل خير في حياتي
أثّرت في مفاهيمي وحياتي دكتور عبد الرحمن ..
أسالُ الله أن يجعل لك من اسمك نصيبًا
فيرحمك رحمة واسعة في الدنيا والآخرة
أسأل الله أن يحييك حياة طيبة كما جعلك سببًا أن أحيا مطمئنة ..
سماح عبداللطيف
.
🌀 بعد وقوعك في الذنوب، تحصل لك حالتين:
1. اليأس وجلد الذات والتقريع واللوم المستمر وبث الحزن والهم في قلبك.
2. الاستعانة بالله عز وجل والوضوء والصلاة والاستغفار والتوبة وتجديد النية والعزم على عدم العودة، والتبصر بكيد الشيطان وقصم ظهره بأذكار التوبة مثل (سيد الاستغفار، قول "سبحان الله العظيم وبحمده 100 مرة"، قول "لا إلا إله الله وحده لا شريك له .... إلى آخر الذِكر 100 مرة"، قول "لا إله إلا أنت سبحانك إني كنت من الظالمين")..
الحالتين بيدك، والاختيار اختيارك..
إما أن تتقبل أنك بشر وتُذنب وستُذنب والحل في ذلك هو التوبة والاستغفار ومزاحمة السيئات بالحسنات..
وإما أن تختار الحالة الثانية التي لا هي قربتك من الله عز وجل ولا هي غفرت لك ذنوبك (وتلك هي التي يريدها الشيطان منك)
🔹قيل للحسن البصري: ألا يستحي أحدنا من ربه يستغفر من ذنوبه ثم يعود ثم يستغفر ثم يعود؟
فقال: ود الشيطان لو ظفر منكم بهذا!
(أي باليأس من التوبة والكف عنها، فلا تملوا من الاستغفار)
نافع | Nafe3
🌀 من عظيم الفوائد التي استفدت بها من أحد إخواني، قال لي:
"لما تتشعب عليك النوايا وتنسى تجددها، عود نفسك أول ما تصحى الصبح أنك تحتسب يومك كله لله عز وجل"
أي أن يومك بما فيه من قول وفعل وحتى الخاطرة والهم بالعمل الصالح، تحتسبه أنه لله عز وجل.
اللهم ذكرنا بك ومتعنا بلذة العمل ابتغاء وجهك ولمرضاتك، اللهم أعِنَّا على ذكرك وشكرك وحسن عباداتك.
نافع | Nafe3