96716
{فَأَمَّا الزَّبَدُ فَيَذْهَبُ جُفَاءً ۖ وَأَمَّا مَا يَنفَعُ النَّاسَ فَيَمْكُثُ فِي الْأَرْضِ} [الرعد: 17] أعتذر عن الرد على الأسئلة والاستشارات لأجل غير مسمى، البوت للتناصح والمقترحات فقط (@Nafea3_bot)
قال ابن رجب رحمه الله: "ومن حفظ الله للعبد: أن يحفظه في صحة بدنه وقوته وعقله وماله، وكان أبو الطيب الطبري قد جاوز المائة سنة وهو ممتع بعقله وقوته، فوثب يومًا من سفينة كان فيها إِلَى الأرض وثبة شديدة، فعوتب عَلَى ذلك، فَقَالَ: هذه جوارح حفظناها عن المعاصي في الصغر، فحفظها الله علينا في الكِبَر."
يعني حفظك لنفسك وسمعك وبصرك ويدك ورجلك عن معصية الله عز وجل = تُحفظ لك في كبر سنك..
المعصية لها دور كبير ورئيسي في ضعف قوتك الجسدية والنفسية، المعصية شؤم في كل حاجة!
والحل: كثرة الاستغفار والتوبة النصوح والرجوع متى أذنب، وإن الله لا يمل حتى تملوا.
نافع | Nafe3
صوتيات نافع
يعني معقول بعد كل اللي بيحصل فيا دا وكمان أنا السبب؟
- لأ، مش أنت السبب، بس أنت سبب.. (من أمن عدم وجود رد فعل = تزايد في ظلمه وبغيه!)
مش أنت السبب في البلاء والظلم دا، وعلى الباغي تدور الدوائر حتى ولو كان الوالدين، لكن أنت سبب أنك سايب نفسك ومش بتدافع عن حقك "بأدب واحترام وأخلاق" ومش بترفض التعدي والظلم النفسي والشخصي عليك..
فأنت "ملطشة" علشان مش بتتعلم إزاي تقوي شخصيتك..
- طيب إزاي أقوي شخصيتي؟
- شوف المنشور دا (هنـــــــــا)
- شوف اللقاء دا مع بودكاست ثمانية (هنــــــــا)
- ودي سلسلة الشخصية القوية (هنــــــــــــا)
وافهم صح لو تكرمت، بر الوالدين مش معناه أنك تمسخ شخصيتك وتمحيها خالص، الله عز وجل خلقك حر والعبودية لله عز وجل فقط وخفض الجناح للوالدين والتذلل لهم عبودية ولكن ليس على حساب حقك المعنوي، ففرق بين بر الوالدين والطاعة بالمعروف وبين صناعة شخصية مؤثرة لأنك لو تركت نفسك وأهملت فيها مش بس هتظلم نفسك دا أنت هتظلم أولادك ويبقى كدا جيل آخر ضعيف مثلك..
ولعل من أقوى أسباب طلب القوة الشخصية: هو انك تتخيل أولادك في موضع استغلال وإضعاف من غيرهم من الناس، فتنتفض همتك وتستعين بالله على إصلاح وتزكية نفسك وتقوية شخصيتك حفظاً لنفسك وعلى أولادك..
والله من وراء القصد.
علشان كدا بقول لكم: مينفعش أبداً تسمع درس مركزي في التزكية وإصلاح قلبك ومش معاك ورقة وقلم وبدون ما تسجل الفوائد!
مينفعش!
صاحب الهم في صلاح الأمة وكاتب علو الهمة في أمس الحاجة لدعواتكم له بالعافية والشفاء..
Читать полностью…
بشكل عام عمري ما جربت المذكرات الشخصية ولا طبعتها ومشيت عليها، ليا نظام خاص ماشي عليه ألا وهو أن أقصى خطة بعملها هي الخطة الربع سنوية (3 شهور) ودا لأن ظروفي الخاصة فيها تغيرات كل فترة مش بتسمح أني أشغل دماغي وطاقتي وواقتي بعمل خطة سنوية متخرش الماية وبعدها تخر عادي علشان الظروف والطوارئ 😂
فأنا ماشي بنظام (يومك يومك)، محدد أنا محتاج أخلص إيه خلال الأسبوع، بقدم الواجبات على النوافل لدرجة أن فيه نوافل بقالها سنتين مش بعملها علشان فيه حاجات مقدمة عليها وبفكر أسقطها من حساباتي أصلاً (وأقصد بالنوافل أمور عايز أحققها لكن لسه ملهاش وقت دلوقت)..
فأنا ماشي بنظام "اليوم، الأسبوع، الشهر، الربع سنة"، دا أقصى شيء بالنسبة لي والحمد لله نتائجه طيبة ومريحة للنفس..
طبعاً بتكلم عن ظروفي الخاصة، وما يستقيم لي قد لا يستقيم لك، فاحرص على ما ينفعك "أنت" واستعن بالله ولا تعجز..
والمهم تطبق وتنفذ في الآخر سواء عملت خطة ولا لا، علشان أنت عارف نفسك كويس يا إنسان 🌝
🔹 أقصر وأبسط حل للشتات وقلة التركيز والضعف العام؟
- تبعد عن المعاصي والذنوب (لأنها بتضعف الروح والبدن) وتُكثر من الاستغفار + تاكل كويس وتنام كويس + تقوم باللي عليك والمطلوب منك (سواء كان مذاكرة أو شغل)
تشخيص المشكلة: أنت بتهرب، بتهرب من ألم بذل المجهود والتعب، فمشكلتك مش في الشتات على قد ما مشكلتك في الهروب وقلة المواجهة..
ولو سمعت دروس وفيديوهات الدنيا: هنرجع برضة لنقطة الصفر وهي أنك بتهرب ومش عايز تحس بالألم ولا تتعب في مجهود..
والسبب: عدم استحضار النية في مذاكرتك وتحصيلك الدراسي + عدم أخذ نفسك بجدية + إهمالك في حق نفسك وعدم تقديرها قدرها الذي ينبغي..
اقرأ بقى الكلام دا تاني وافهمه كويس جداً وحاول تذكر نفسك به من حين لآخر علشان الدنيا سهلة جداً، ٱنت عارف المشكلة وعارف الحل والعلاج في إيدك بس محدش هيشربه بالنيابة عنك..
دي مسؤوليتك: فـ لو هربت منها دلوقت هتتراكم وتنفجر في وشك في يوم من الأيام، فأنت حر بقى يا إنسان..
اتفقنا يا شباب؟
آخد منكم عهد وكلمة شرف شخصية منكم أننا نلتزم بالكلام ونصبر على النتيجة؟
▪️فضفضة متفرقة (4)▪️(تتمة)
🔅 يبقى اتفقنا: لا هتعرف تعدل كل حاجة في وقت واحد، مش هتعرف تتعلم وتكتسب كل حاجة في وقت واحد، والأمر التالت:.....
🔅 ليفل الوحش (مجاهدة نفسك): بص يا ريس، دلوقت هنعتبر أنك عربية، العربية بتتكون من جزء خارجي ظاهر للناس وهو الهيكل المطلي بالألوان (إشارة للبدن) والجزء الداخلي اللي بيحرك العربية وهو الموتور أو المحرك (إشارة للروح)
أنت روح وبدن، هيكل وموتور..
🔅 عايز عربية حياتك تمشي صح؟ لازم تاخد بالك من الموتور كويس جداً جداً ويتعمل له صيانة ومتابعة ومراقبة وعمّرة كل فترة والتانية..
🔅 موتورك هو قلبك، هو سيد الجوارح والمتحكم فيها، فلو القلب فيه مشكلة يبقى أنت عندك مشكلة في عربيتك مش هيحلها الهيكل الخارجي..
🔅 طيب أعمر الموتور "قلبي" إزاي؟ (زيادة الطاعات وترك المعاصي)، بس كدا..
🔅 طيب أنا بعمل طاعات كتير وبرضة معاصي نوعاً ما بس حالي خربان برضة، ليه؟
الإجابة: علشان أنت عملت الطاعات ببدنك "بالهيكل الخارجي للعربية" إنما الموتور فيه مشكلة، فكدا كدا ممكن العربية تمشي معاك شوية وتؤدي شوية مشاوير عادي بس الموتور مصيره يطلع دخان ويعطل والعربية كلها تقف، ودا اللي بيحصل لك بالظبط لما تقرأ قرآن وتطلب علم وأنت مقيم على الإباحية والعادة السرية وذنوب الخلوات: علشان الهيكل الخارجي للعربية هو اللي ماشي عادي بس الموتور عيان وعطلان..
يُتبع لسه...
نافع | Nafe3
صوتيات نافع
▪️فضفضة متفرقة (4)▪️
🔹 أنا مش عارف/عارفة مالي، حالي مش متظبط ومش عارف/عارفة أنجز حاجة في حياتي ولا شخصيتي، أعمل ايه؟
الحمد لله رب العالمين والصلاة والسلام على رسول الله صلى الله عليه وسلم، بصوا يا شباب:
🔅الإشكالية: أكبر 3 مشاكل وتحديات عندك في شخصيتك: عايز تعدِل كل حاجة مرة واحدة + عايز تكتسب حاجات كتير مع بعض + صبرك ومجاهدتك وإصرارك نسبتهم قليلة إن لم يكونوا صفر.
🔅أنت عايز إيه؟ حياة طيبة وهدوء وسكينة مع القدرة على مواجهة الكم المعتاد من البلاء والنصب والكدر والتعب في الدنيا، دا اللي أنت عايزه ودا هدفك وهدفنا كلنا.
🔅لازم تفهم أمر مهم جداً: كل حاجة وليها وقت، كل مكانة ولها ثمن وتضحية، كل شيء وله ثمن ومدة معينة علشان ييجي لك.
🔅لازم تتيقن أنك مش هتعرف تصلح وتعدل كل حاجة في نفسك وفي اللي حواليك في نفس الوقت، لازم صبر ومجاهدة ومحاولات لا تنتهي لحد ما ربنا يفرجها عليك
🔅لازم تقبل أن فيه حاجات هتعرف تصلحها وتعدل منها وفي حاجات تانية هتعجز عنها، ولك في سيرة النبي صلى الله عليه وسلم أسوة وعبرة في أن لم يُقدر الله له أن يهدي أقرب الناس إليه من قومه وعشيرته... فلازم تتقبل دا وأنت بتحاول أو بعد انتهاء محاولاتك.
🍀🍀 (شوفت أنا كتبت كام "لازم" فوق؟ خد بالك بقى، علشان كلمة "لازم" معناها أنك تفكر نفسك بالمعاني دي من حين لآخر)
🔅ترتيب حياتك كالآتي: الله عز وجل، نفسي، بقية الناس (علاقتي بربي أهم شيء في حياتي، ثم مصلحتي الشخصية وكياني ونفسيتي "بدون أنانية أو إضرار بأحد"، ثم التعامل مع الناس بشكل عام): وأي خلال في الترتيب أنت اللي هتشيل تبعاته..
🔅 طيب مش عارف تصلح من نفسك وتتخلص من أمور كتير مزعجة ليك ليه؟ علشان مستعجل، علشان بتقارن، علشان بتمد عينك لنماذج شابة ناجحة في حياتها وصفاتها وأنت مش عارف كم المجاهدة اللي بذلوه والتعب والبكاء والصبر والتضرع لحد ما ربنا هداهم، علشان عايز الحاجة على الجاهز ومش راضي تصبر ولا تقبل أن كل شيء بياخد وقت وأنك لو جمعت 9 نساء حوامل كلهن في الشهر الأول عمرك ما هـ ينتج عن جمعهم طفل عنده 9 شهور!
يُتبــــع ....
نافع | Nafe3
صوتيات نافع
زي مثلاً: تجد اهتمام شديد جداً بالتماس ساعة الدعاء في آخر نهار الجمعة
طيب ماهو الدعاء بين الأذان والإقامة لا يُرد، بتاخد بالك من النقطة دي؟ هل بتستثمر أنك ترفع ايدك بين الأذان والإقامة وتدعي في كل صلاة وترفع حاجتك لله عز وجل؟
أو الاهتمام القوي بصلاة التراويح والخشوع والبكاء فيها، طيب ماهي صلاة العشاء أهم وأوجب هل بتركز فيها؟
نصيحة: خلي تدينك على ما كان عليه النبي محمد صلى الله عليه وسلم والصحابة الكرام، بلاش تدين السوق واللي الناس بتسوق له بكونه أعظم أجراً لأن في الغالب الناس بتقلد بعضها وخلاص..
تمسك بالقرآن والسنة، تمسك بالهدي النبوي لأن خير الهدي هدي محمد صلى الله عليه وسلم، تمسك بهما ولن تضل أبداً..
* طيب وقتنا ضيق أو فيه مذاكرة أو في المواصلات، نتصرف إزاي؟
- يا حبيب قلب أخوك، الحاجات المركزية اللي فيها تغيير وتزكية وقواعد مينفعش تسمعها في وقت دوشة وانشغال زي وقت المواصلات، بس الوقت دا ممكن تستغله وتسمع فيه بودكاست مثلاً فيه معلومات نافعة ومفيدة ومفيش مشكلة تستفيد من الوقت دا، أو تراجع وردك من القرآن أو تقرأ حاجة خفيفة زي المطويات والرسائل..
إنما المركزيات زي دروس التوحيد والعقيدة والسلوكيات وعلاج الذنوب وغيرها: لازم لها تفرغ تام وتركيز وتقييد قواعد..
أومال هـ تزكي نفسك بالطاعات والقربات إزاي لو مش بتكتب وتقرأ وتتعب!
أنت بتتعب علشان تنجو من النار وتدخل الجنة، دا أسمى هدف لك في الحياة...
هو ايه موضوع أنك تسمع درس أو صوتية أو تقرأ كتاب من غير ما يكون معاك ورقة وقلم وتلخص قواعد تطبقها وتمشي عليها؟ التصرف دا خاطئ جداً من وجهة نظري..
لما تيجي تصرف وقتك على حاجة: اصرفه صح!
دائماً وأبداً: أي شيء ترجو النفع تعامل معه على أنه شيء قابل للتلخيص واستخراج القواعد منه، وبعدها تراجع القواعد والأصول دي من حين لآخر علشان تذكر نفسك بيها وتتعلمها..
طيب ليه ورقة وقلم؟ علشان احنا في زمن الشتات وقلة التركيز والنسيان وتزاحم المهام، فلازم شيء يذكرك بما عليك وشيء يختصر عليك الوقت قليلاً فلا تُعيد سماع درس أو قراءة كتاب وكأنك تسمع وتقرأ لأول مرة
+ علشان تطبق: العلم يهتف بالعلم فإن أجابه وإلا ارتحل..
التطبيق والتنفيذ علامتيّ الجدية في الطلب، وما دون ذلك هو ضياع وقت وترفيه مش أكثر.
نافع | Nafe3
صوتيات نافع
متخافوش من عنوان الفيديو، اللقاء ماتع جداً وفيه فوائد عظيمة!
أنصحكم به الليلة..
نافع | Nafe3
صوتيات نافع
🔅 ثباتك الشخصي عليه أجر أعظم مما تتخيل، لأن أجر ثباتك على دين الله وأخلاقيات وأدبيات الشريعة ليس مقتصراً عليك ولكن ممتد إلى غيرك..
أما تعلم أنك كملتزم ومتدين أنك مُراقب ومُتابَع من الناس؟ أما تعلم أن غيرك يراك ويتابعك ويتابع مواقفك وسمتك في صمت ليرى هل في الالتزام صدق وخير أم لا؟
اثبت، استعن بالله عز وجل على أمراض قلبك والهج بالدعاء وداوم على قيام الليل فهو حل كل مشاكل قلبك المستعصية..
لا تتراجع أبداً، فلا تدري كم الحسنات التي تأتيك يوم القيامة ولا تدري مصدرها لتكتشف أنها كانت من ثباتك وتأثر الكثيرين بك وأنت لا تدري..
لا ترجع القهقري، واعلم أن صلاحك وإصلاحك على المستوى الشخصي مهم للغاية، وليعلم أهل الحقد والحسد على الدين أنه كلما أخذوا منا 100 شخص إلى عالم الفتن والمعاصي والذنوب سيخرج لهم رجل واحد أو امرأة واحدة قيمتهم تعلوا على الـ 100 شخص كلهم..
تذكر دوماً قول سيدنا علي رضي الله عنه وأرضاه: "حال رجلٍ في ألف رجل خير من قول ألف رجلٍ في رجل"، فليكن حالك كذلك..
نافع | Nafe3
صوتيات نافع
إذا ابتلاك الله بأهل بيت يخسفون بثقتك بنفسك الأرض ويحقرون من شأنك، فاصبر واحتسب ولكن أن ترضى بذلك ولا تسعى لتعزيز قوتك الشخصية والنفسية فلا تسمع دورات ولا تقرأ كتب في هذا الشأن، فهذا عيبك وخطأك أنت..
قد لا يكون لك يد في البلاء الواقع عليك من أهلٍ مسيئين ظالمين غير متفهمين، ولكن لك يد مباشرة في كيفية التعامل معه..
فإنك إن رضيت بالوضع القائم، فأنت السبب الأكبر في ضعف شخصيتك وإضعاف نفسك..
انتبه لذلك تكرماً ولا تلم غيرك على تكاسلك، فأنت من أهمل نفسه في رد الفعل وترك غيره يؤثر فيه سلباً...
نافع | Nafe3
صوتيات نافع
اللّه مُطَّلِع عليك
الشيخ سمير مصطفى
نافع | Nafe3
صوتيات نافع
🔅 بالنسبة لموضوع: (مفيش وقت) واللي متعلقة بمسألة ضيق الوقت أمام الواجبات والمهام
إن شاء الله نتناول الجانب دا في صوتية تُعرض قريباً، نسأل الله لنا ولكم السداد والتوفيق.
ابشروا خيراً..
جزاكم الله خيراً: لمن أرسل صوتيات (فضفضة متفرقة 4) المحال إليها ولمن نقل المقال في ملف، أحسن الله إليكم ونفع بكم.
Читать полностью…
▪️فضفضة متفرقة (4)▪️(تتمة 2)
🔅 يعني بصريح العبارة كدا: أنت مهتم بالشكل الخارجي وتأدية الواجب بس من برة لكن القلب خربان بسبب الذنوب وعدم التعهد، والقلب لا يصلح إلا بعبادات فيه مداومة ومجاهدة وتدبر، إنما فكرة الأداء لمجرد الأداء دي مش هتمشي مع القلب..
🔅 طب الحل ايه؟ أقولك.. كدا عرفنا المشكلة فين وشخصناها، عايزين الحل بقى..
1. هتجيب ورقة وقلم وكشكول ولا كراسة
2. هتقعد في مكان منعزل تماماً عن أي ضوضاء
3. هتسمع السلسلة اللي هحط لك اللينك بتاعها تحت، تسمع كل يوم درس
(الرابط: https://www.youtube.com/playlist?list=PLtYj0Vd8x6cOOoz0EmJCz6BxKqOcZqQMh)
4. تسمع والورقة والقلم في ايدك، كل لما تلاقي فائدة أو قاعدة شايف فيها صلاح قلبك، توقف الدرس وتسجلها بايدك بتدبر وتركيز شديد وبعدها ترجع تكمل الدرس تاني
5. بعد الانتهاء من السلسلة دي، هتلاقي شوية قواعد وفوائد أنت سجلتهم، عارف هتتصرف معاهم إزاي؟
- تبدأ تطبق كل يوم من القواعد اللي أنت كتبتها بيدك..
- تبدأ تراقب نفسك فيه تغيير ولا لا بعد فترة لا تقل عن شهر "بشرط المداومة اليومية على القواعد الفوائد دي"..
- تصبر ثم تصبر ثم تصبر لحد ما النتيجة تظهر..
- تعتمد اعتماد كامل على الله عز وجل وتتبرأ من حولك وقوتك، والسلسلة دي هتعلمك تعمل كدا ازاي بالتفصيل إن شاء الله..
بس كدا، الموضوع يسير في قواعده وخطواته، بس الشرط الأساسي أنك تتمسك وتلتزم بالحرف في كل اللي قولناه فوق = عايز تاكل الشهد يبقى لازم تتحمل إبر النحل، وإبر النحل هنا المقصود بيها المثابرة والمجاهدة والصبر وتاخد الأمور واحدة واحدة مش بالجملة، علشان اللي هتتعامل معاه بالجُملة هيروح منك بالجُملة برضة وهترجع زي ما كنت وأسوأ..
الطريقة دي فيها حل مشكلة الإباحية ومشكلة العصبية ومشكلة العقوق وأي مشكلة في حياتك إن شاء الله..
مش مطلوب منك غير حاجة واحدة وبس: تسمع الكلام + تطبق اللي اتفقنا عليه + تصبر جداً جداً جداً بحسن ظن بالله عز وجل..
وطبعاً مش هوصيك أنك لازم تجدد نيتك في كل دا أنه لله عز وجل..
ربنا ينفع بك ويصلح حالك ويعينك وتسمع الكلام وتبطل تشتكي من مشاكل سببها أنك مش بتسمع ولا بتطبق ولا بتصبر..
تمت بفضل الله.
نافع | Nafe3
صوتيات نافع
هنشر الجزئين الباقيين كمان شوية لما تقرأوا بتمعن وتركيز، مش مهم عندي الشير والتفاعل، المهم القراءة بتركيز.
Читать полностью…
منشور مهم جداً لكم بخصوص النفسية والتعامل مع الأخطاء، كمان شوية إن شاء الله..
Читать полностью…
أعظم مشاريع عمرك قاطبة: واجباتك وفروضك + البعد عن المعاصي
- واجبك في: إقامة الصلاة بتدبر وخشوع
- واجبك في: حفظ الجوارح عن المعاصي
واجبك في: حقوق العباد المادية والمعنوية (عن ماله من أين أكتسبه وفيما أنفقه)، وهلم جرا..
ركز على فروضك أولاً، تعلم واجباتك في الدين أولاً، ثم استزد من النوافل ما يفتح الله عليك بك..
وتذكر دائماً قول الرب جل وعلا: (أحب إلي مما افترضته عليه) = أي أن أحب شيء إلى الله عز وجل هو أتيان ما فرضه عليك، وهو في الغالب ما تقصر أنت فيه وتتجاوز وتفرط به، فانتبه!
احنا نغير اسم القناة من نافع إلى ملتقى أبناء الصعيد ووجه قبلي
منورين والله ويا رب نصائح أهل وجه بحري تمشي معاكم 😅
ولما أدي لحد سلسلة أو playlist يقولي سمعتها بس مفيش نتيجة ومتغيرتش برضة وسمعت كل المقاطع والدروس يا شيخ وبرجع تاني للذنوب والتقصير..
أول سؤال بسأله والله: هو أنت كتبت حاجة ورا الشيخ أو لخصت كلامه لنفسك؟ وصبرت شوية لحد ما تستقر على العبادات الجديدة دي؟
يقولي لأ
ببقى ساعتها عايز اعمله لحمة مشوية في صينية بطاطس علشان كدا له فايدة للبشرية أكتر 🌝🌝
.
.
🔅 من مشاركات البوت الثرية، شكر الله لمن أرسلتها:
السلام عليكم ورحمة الله
أردتُ مشاركة بعض الأفكار بما يخص الصوتية الأخيرة (جزاكم الله خيرًا) إذا سمحتم في شيء كتبته لنفس السؤال.
=
ممّا يستمدّ المرء قيمته؟
سؤال، تكثُر إجاباته عندي لكن في كل مرة أرى فيها نقصًا يخلُّ بالميزان.. ثمّ رأيتُ من العبث أن أبدأ بتنقيح الإجابات قبل أن أعرّف الميزان الخاص بي تعريفًا شفّافًا صادقًا لا يمنعه مانع من أن يتقاطع مع نقاط حرجة تستلزم وقوف قوي وحاضر.
أقصد بالنقط الحرجة، أن يعرّف الإنسان قيمته بالمكتسبات المادية فحسب، وإنما المقصد هو تعريف قيمة النفس بتجرّد من الألقاب والمسميات.
إذن;
الميزان هو أننا في الأصل عباد الله، ومتى كنّا مدركين تمامًا معنى ذلك، سرنا في الحياة بناء على هذا الأساس، ربما تتساءل ما علاقة ذلك بقيمة النّفس، لأنّ النّفس وحدها لا تكفي فإذا دققتَ أكثر فإن تضخيم الإنسان لنفسه يأتي أحيانًا من مؤثرات خارجية أهمّها الناس، فتجد من ينظر لغيره نظرة إجلال إذا كان ممن يملك مستوى تعليمي معيّن أو وظيفة خارقة، أو أن أحدهم يملك شخصية رائعة، وآخر يقرأ مئات الكتب، أو ذكي جدًا، أو يعمل في شركة كذا، يملك بيت كذا، وآخر يلتف من حوله الناس، فإذا قيلَت في الشخص هذا الإطراءات وبالغ غيرُه في ذكرها أمامه ضخّم شعوره بقيمته مما قيل أو مما أُنعِمَ عليه أو مما يجيد فعله، وحدد قيمته بناء على الناس دون وعي منه، فإذا اختلى بنفسه وسكت جمهور الإطراء، أصابه الوهن والقلق وداخله يتساءل : حقًا من أنا؟!
لذلك من المهم جدًا أن يعرّف الإنسان قيمة نفسه تعريفًا مجرّدًا من الألقاب والخانات التي يصطنعها الناس فيقسّمون ويصنفنون بحسب الظاهر فقط..
ما معنى قيمة؟ تُقال في شيْء له ثمن، قدر معيّن، شكل وأسلوب..
ما معنى أن يكون للمرء قيمة؟
أن يكون كيان له مُحببات ومُكرهات، حرية اختيارات، شجاعة المحاولات، واختلاف التجارب، يستطيع ممارسة حياة كاملة مع نفسه دون تقييد وهمي متّصل بعالم أفكاره.
ما معنى أن يكون قيمة للإنسان المُسلِم؟
تبدأ من أساس البناء، أنّه عبدٌ لله سبحانه وتعالى بكل تفاصيله، قيمته مرتبطة بأسمى ما يُمكن وهي العبودية..
فيترتب على ذلك أن قيمة النفس أيضًا تساوي قدر معرفتك بها، تعرف جانب قوّتها فتدعمها وتستثمرها فيما يرضي الله، تعرف ضعفها فتتقبّله وتحاول فهمه بالقدر المستطاع فلا تيأس من خطئك وجهلك وقصورك..
قيمة النّفس، بعدد التجارب التي يُثبِت فيها المرء نفسه باجتهاده، واحترامه لقدراته التي أودعها الله فيه ولم يسوّف في تفعيلها والاجتهاد فيها...
قيمة النّفس، أنّ يشعر المرء بمنّة الله عليه وتوفيقه في أن يربط بين معارفه وسلوكياته في حياته..
قيمة النّفس، أن تعرف أنك مُكلّف ومُستخلَف ولابدّ أن تؤدّي وظيفتك التي لأجلها أنت هنا، فأعطي ما عندك.. ولا تركن إلى هواك..
قيمة النّفس، أجلها في مقام (العبودية)
وفي ذاك استغناء عن الخلق، وتواضع النّفس، وصواب الفكرة.
والحمدلله.
كُتِبَت في ٢٢ فبراير ٢٠٢١
https://www.youtube.com/watch?v=7pDXZDFS3EI
نافع | Nafe3
صوتيات نافع