96716
{فَأَمَّا الزَّبَدُ فَيَذْهَبُ جُفَاءً ۖ وَأَمَّا مَا يَنفَعُ النَّاسَ فَيَمْكُثُ فِي الْأَرْضِ} [الرعد: 17] أعتذر عن الرد على الأسئلة والاستشارات لأجل غير مسمى، البوت للتناصح والمقترحات فقط (@Nafea3_bot)
السلام عليكم ورحمة الله وبركاته
🌀 نتوقف عن النشر حتى بداية شهر فبراير القادم إن شاء الله لنُعينكم على المذاكرة والاجتهاد بتركيز وللتخفف من الهاتف والانشغال بالإشعارات، ويمكنكم الاستفادة من هذا المنشور والذي به حلول لأغلب المشاكل التي تمرون بها (رابط المنشور)
سيبدأ برنامج القوى الخمس بإذن الله بعد امتحانات نصف العام الدراسي مباشرةً...
(واجب الوقت: الاستدراك والتحصيل الدراسي وبذل الجهد والإحسان كما سبق واتفقنا)
وفقكم الله لما يحب ويرضى ولا تنسونا من صالح الدعاء 💐
وابقوا فرحونا بدرجاتكم وتقييماتكم يا شباب، نأمل فيكم خيراً ونعول عليكم كثيراً والله..
طبعا الكلام دا بعد الامتحانات ما تخلص يا إنسان، واجب الوقت الحصري لك دلوقت: مذاكرتك فقط لا غير.
Читать полностью…
تخيل نص عمرك يضيع في استسلام لنزغ الشيطان: أنت مش كويس، أنت منافق، أنت مش صالح، أنت مش صادق..
حرفياً فترة شبابك وطلبك للعلم والقوة في العبادة الشيطان بيلعب بنفسيتك ويشكلها زي العجينة!
ولو أنك محافظ على ورد قراءة يومي من السنة النبوية ومواقف النبي محمد صلى الله عليه وسلم لعلمت أن هذا الدين أعظم دين وأن سيرة النبي محمد صلى الله عليه وسلم فيها الخير الكثير وحلول لمشاكل الحياة ومواقفها النفسية والاجتماعية وغيرها..
بس مش بتقرأ لأنك مش حريص، وشعورك بتأنيب الضمير (المزيف) بقى أقوى من رغبتك في العلم والتصدي للشيطان في كيده، ومن هنا يأتي الحزن ثم الاكتئاب ثم الصد عن العبادة ثم الانتكاسة والقعود...
🌀 بالنسبة لحفلات السينيور والـ fun day وغيرها:
شوف يا سيدي، أنت ممكن عادي تحضر الحفلة وتسمع الأغاني وتهيص وتتبسط وتتصور والدنيا مختلطة وكله، وهتروّح بيتكم سليم معافى ومش هتحصل لك حادثة في السكة ولا هتموت فجأة تاني يوم، بل وهتتخرج بتقدير عالي وتشتغل وتتجوز والدنيا تبقى تمام..
بس عارف إيه اللي ممكن جداً جداً يحصل وأنت مش واخد بالك؟ أنك تسقط من نظر الله عز وجل خلاص!
- عايز الحفلة؟ خدها
- عايز النجاح؟ خده
- عايز الفلوس والزواج من اللي بتحبه؟ خد اللي أنت عايزه
(كُلا نُمِدُّ هَؤُلاءِ وَهَؤُلاءِ مِنْ عَطَاءِ رَبِّكَ)
(قل من كان في الضلالة أي في الكفر فليمدد له الرحمن مدا) قال أهل التفسير: "أي فليدعه في طغيان جهله وكفره"
شوفت "يدعه" دي؟ يعني يتركه!
اللي انت عايزه هتاخده، بس ممكن جداً متاخدش ربنا في حياتك..
🔹 نصيحتي لك ولكِ: خافوا، خاف جداً من سقوط من نظر الله عز وجل
(الـ Fun day المختلط لأ، المعازف لأ، الاختلاط والموسيقى والحفلات لأ)
"وربك فكبر": عظم شأن ربك في نفسك ومراقبة ربك لك، دائماً اسال نفسك وحاسبها، هو أنت راضي عني؟ اسمي عندك ايه يا رب؟
حافظ على نفسك، بلاش تخاطر بعلاقتك بربك!
كلامي عن الاحتفالات المختلطة اللي فيها تبرج واختلاط شباب وبنات وأغاني، أي صورة تانية من الاحتفالات وليس فيها معصية ولا مخالفة شرعية لديننا فهي مباحة بلا شك..
نافع | Nafe3
صوتيات نافع
جالي خبر عن اقتراب حفلات تخرج وسينيور ومختلطة بين البنات والشباب وأن فيه مشتركين من نافع ناويين يروحوا الحفلات دي..
يا رب يطلع خبر كاذب..
▪️فضفضة متفرقة (4)▪️(تتمة)
🔅 يبقى اتفقنا: لا هتعرف تعدل كل حاجة في وقت واحد، مش هتعرف تتعلم وتكتسب كل حاجة في وقت واحد، والأمر التالت:.....
🔅 ليفل الوحش (مجاهدة نفسك): بص يا ريس، دلوقت هنعتبر أنك عربية، العربية بتتكون من جزء خارجي ظاهر للناس وهو الهيكل المطلي بالألوان (إشارة للبدن) والجزء الداخلي اللي بيحرك العربية وهو الموتور أو المحرك (إشارة للروح)
أنت روح وبدن، هيكل وموتور..
🔅 عايز عربية حياتك تمشي صح؟ لازم تاخد بالك من الموتور كويس جداً جداً ويتعمل له صيانة ومتابعة ومراقبة وعمّرة كل فترة والتانية..
🔅 موتورك هو قلبك، هو سيد الجوارح والمتحكم فيها، فلو القلب فيه مشكلة يبقى أنت عندك مشكلة في عربيتك مش هيحلها الهيكل الخارجي..
🔅 طيب أعمر الموتور "قلبي" إزاي؟ (زيادة الطاعات وترك المعاصي)، بس كدا..
🔅 طيب أنا بعمل طاعات كتير وبرضة معاصي نوعاً ما بس حالي خربان برضة، ليه؟
الإجابة: علشان أنت عملت الطاعات ببدنك "بالهيكل الخارجي للعربية" إنما الموتور فيه مشكلة، فكدا كدا ممكن العربية تمشي معاك شوية وتؤدي شوية مشاوير عادي بس الموتور مصيره يطلع دخان ويعطل والعربية كلها تقف، ودا اللي بيحصل لك بالظبط لما تقرأ قرآن وتطلب علم وأنت مقيم على الإباحية والعادة السرية وذنوب الخلوات: علشان الهيكل الخارجي للعربية هو اللي ماشي عادي بس الموتور عيان وعطلان..
يُتبع لسه...
نافع | Nafe3
صوتيات نافع
رجاءً رجاءً محدش يبعت يقول أن القناة بتجلد وأن المحتوى شديد..
الجلد دا للناس اللي شغالة ومركزة على نفسها وبتحس أنها مقصرة وبتستدرك ما فاتها..
إنما اللي بننشره في القناة هي الحالة الواقعية الموجودة واللي أنت مش بتسمعها من حد علشان أنت طول حياتك بتدور على حد يطبطب عليك وبس.. إنما تتغير وتتحسن لأ..
أي محاولة للتحسين والترقية ولو كانت بـ 1% إحنا بنرحب بها جداً جداً وبنشجع صاحبها وبنتابع معاه وبناخد بيده لما يقع، إنما اللي بييجي على البوت من النوعية دا قليل، الأكثرية فاكريني معايا عصا سحرية ويلا اتفضل مشكلتك اتحلت بدون مجهود منك..
الجلد دا له ناسه ونسأل الله ألا يجعلنا ممن يبثون اليأس في قلوب المسلمين، إنما اللي بنذكركم به هو الواقع وبس.. أنت بقى منزعج ومتضايق أن حد بيفكرك بيه فـ دي مش مشكلتنا :))
خلينا نتفق على أمر مهم جداً: لازم تركز على نجاتك الشخصية أولاً قبل أن تفكر في أي أمر آخر..
بمعنى: هتلاقي حواليك ناس على الإسلام وعلى غير الإسلام، هتلاقي ناس على الالتزام وعلى غير الالتزام، هتلاقي ناس في بلاء وناس في عافية، وأحوال الناس متغيرة ومتقلبة وكلٌ ميسر لما خلق له وكلٌ أيضاً له اختباره الخاص مع الله عز وجل..
المطلوب: لو سمحتِ ركز على نجاتك الشخصية مما في الدنيا وفي الآخرة
الدنيا: النجاة من الشتات والمعاصي والذنوب والكسل والهم والحزن، اللي محتاج هروب اهرب منه واللي محتاج مواجهة واجهه
والآخرة: أنت عارف محتاج تنجو من اللي فيها إزاي وأنت أدرى بذنوبك ومعاصيك وما في نفسك الأمارة بالسوء..
طيب بنقول الكلام دا ليه؟ علشان أكيد مش هنقضي حياتنا كلها في القناة ماسكين في أهم 5 مشاكل (الكسل، الهم والحزن، الشتات وعدم التركيز، الإباحية والعادة السرية، الهروب من ألم تكاليف الحياة)..
أنت محتاج تسأل نفسك: هو أنا هنقل امتى؟ هتخلص من الحاجات دي امتى وانطلق في طريقي لله عز وجل ولنفسي..
90% من المشاكل اللي على البوت بقت عبارة عن أنماط متكررة، وبتدل على أن اللي بيسأل لم يكلف نفسه لا بسماع صوتيات ولا قراءة منشورات ونطرح السؤال وجاوبني هالحين يا اخوي..
النقطة الهامة في مقصدي: (اغتنم خمساً قبل خمس)، فالمتوفر لك الآن قد لا يُتوفر لك غداً، يعني لو ضيعت وقتك وعمرك وأيامك في السؤال عن مشاكل بسيطة واستنزفت طاقتك وطاقة اللي قدامك في أسئلة إجاباتها موجودة بالفعل = كدا مش هتلاقي حد يجاوبك على الأسئلة الهامة الحياتية والشخصية اللي هتقابلك في مراحل زمنية متقدمة من الآن..
والخلاصة: أنت مش محتاج علم زيادة ولا إجابات أكثر بقدر ما أنت محتاج تتحكم في شهوة طرح الأسئلة والانشغال بمشاكل حلولها بالفعل مطروحة ومتوفرة إلا أنك مكسل تاخد بيها وعمال تلف وتدور بين المشايخ تسأل نفس السؤال وتاخد إجابات مختلفة ومفيش نتيجة ولا تغيير يُذكر..
من الآخر: التغيير له ثمن، محدش هياخد الدواء بدلاً عنك، التغيير طعمه مر، إصلاح النفس والتزكية أمر مش هين، إصلاح القلب والعيوب أمر بياخد وقت طويل، التوبة مهمة عمرية، مش هتحقق كل شيء في نفس الوقت..
والله قبلت بالمعادلة دي وركز على نفسك، يبقى نرجو لك التوفيق والنجاة في الآخرة..
لم تقبل وفضلت تضيع عمرك ووقتك، يبقى اعرف أنك مُحاسب على العمر مرتين "مرة على العمر ومرة على فترة الشباب"..
مشاكلك كلها لها حلول، فكرة أنك مش عايز تطبق ومش صابر على النتيجة دي مشكلتك أنت.. وللأسف هتفضل كدا زي ما أنت محلك سر علشان مش عايز تفتح عينك وتوسع مداركك أن كل حاجة حواليك ليها ثمن وأنت مغرور في نفسك أنك مش عايز تدفع حاجة وتاخد كل شيء مجاناً!
وغرورك مش هينفعك في الدنيا ولا في الآخرة.
ربنا يهدينا ويصلح حالنا ويعيننا على أنفسنا.. جيل مخدوع في نفسه وعنده استحقاقية بشعة إلا من رحم الله!
فكرني لما كان في لقاء مع عمرو أديب وبيقوله: المشكلة في الـ Mentality يا عمرو (ساخراً من عقول الشباب المصري).
وكان في لقاء آخر لما سأله "أنت شربت خمور وكدا" فرد عليه: نفسي مش بتروح لها..
ولا لما أدى العزاء في وفاة ملكة إنجلترا..
وطوام كبرى لا تنتهي، علشان المينتالتي خربانة أصلاً..
وذكر أثر ابن عباس: "إن للحسنة ضياء في الوجه، ونورا في القلب، وسعة في الرزق، وقوة في البدن، ومحبة في قلوب الخلق، وإن للسيئة سوادا في الوجه، وظلمة في القبر والقلب، ووهنا في البدن، ونقصا في الرزق، وبغضة في قلوب الخلق".
Читать полностью…
قال ابن رجب رحمه الله: "ومن حفظ الله للعبد: أن يحفظه في صحة بدنه وقوته وعقله وماله، وكان أبو الطيب الطبري قد جاوز المائة سنة وهو ممتع بعقله وقوته، فوثب يومًا من سفينة كان فيها إِلَى الأرض وثبة شديدة، فعوتب عَلَى ذلك، فَقَالَ: هذه جوارح حفظناها عن المعاصي في الصغر، فحفظها الله علينا في الكِبَر."
يعني حفظك لنفسك وسمعك وبصرك ويدك ورجلك عن معصية الله عز وجل = تُحفظ لك في كبر سنك..
المعصية لها دور كبير ورئيسي في ضعف قوتك الجسدية والنفسية، المعصية شؤم في كل حاجة!
والحل: كثرة الاستغفار والتوبة النصوح والرجوع متى أذنب، وإن الله لا يمل حتى تملوا.
نافع | Nafe3
صوتيات نافع
يعني معقول بعد كل اللي بيحصل فيا دا وكمان أنا السبب؟
- لأ، مش أنت السبب، بس أنت سبب.. (من أمن عدم وجود رد فعل = تزايد في ظلمه وبغيه!)
مش أنت السبب في البلاء والظلم دا، وعلى الباغي تدور الدوائر حتى ولو كان الوالدين، لكن أنت سبب أنك سايب نفسك ومش بتدافع عن حقك "بأدب واحترام وأخلاق" ومش بترفض التعدي والظلم النفسي والشخصي عليك..
فأنت "ملطشة" علشان مش بتتعلم إزاي تقوي شخصيتك..
- طيب إزاي أقوي شخصيتي؟
- شوف المنشور دا (هنـــــــــا)
- شوف اللقاء دا مع بودكاست ثمانية (هنــــــــا)
- ودي سلسلة الشخصية القوية (هنــــــــــــا)
وافهم صح لو تكرمت، بر الوالدين مش معناه أنك تمسخ شخصيتك وتمحيها خالص، الله عز وجل خلقك حر والعبودية لله عز وجل فقط وخفض الجناح للوالدين والتذلل لهم عبودية ولكن ليس على حساب حقك المعنوي، ففرق بين بر الوالدين والطاعة بالمعروف وبين صناعة شخصية مؤثرة لأنك لو تركت نفسك وأهملت فيها مش بس هتظلم نفسك دا أنت هتظلم أولادك ويبقى كدا جيل آخر ضعيف مثلك..
ولعل من أقوى أسباب طلب القوة الشخصية: هو انك تتخيل أولادك في موضع استغلال وإضعاف من غيرهم من الناس، فتنتفض همتك وتستعين بالله على إصلاح وتزكية نفسك وتقوية شخصيتك حفظاً لنفسك وعلى أولادك..
والله من وراء القصد.
علشان كدا بقول لكم: مينفعش أبداً تسمع درس مركزي في التزكية وإصلاح قلبك ومش معاك ورقة وقلم وبدون ما تسجل الفوائد!
مينفعش!
صاحب الهم في صلاح الأمة وكاتب علو الهمة في أمس الحاجة لدعواتكم له بالعافية والشفاء..
Читать полностью…
بشكل عام عمري ما جربت المذكرات الشخصية ولا طبعتها ومشيت عليها، ليا نظام خاص ماشي عليه ألا وهو أن أقصى خطة بعملها هي الخطة الربع سنوية (3 شهور) ودا لأن ظروفي الخاصة فيها تغيرات كل فترة مش بتسمح أني أشغل دماغي وطاقتي وواقتي بعمل خطة سنوية متخرش الماية وبعدها تخر عادي علشان الظروف والطوارئ 😂
فأنا ماشي بنظام (يومك يومك)، محدد أنا محتاج أخلص إيه خلال الأسبوع، بقدم الواجبات على النوافل لدرجة أن فيه نوافل بقالها سنتين مش بعملها علشان فيه حاجات مقدمة عليها وبفكر أسقطها من حساباتي أصلاً (وأقصد بالنوافل أمور عايز أحققها لكن لسه ملهاش وقت دلوقت)..
فأنا ماشي بنظام "اليوم، الأسبوع، الشهر، الربع سنة"، دا أقصى شيء بالنسبة لي والحمد لله نتائجه طيبة ومريحة للنفس..
طبعاً بتكلم عن ظروفي الخاصة، وما يستقيم لي قد لا يستقيم لك، فاحرص على ما ينفعك "أنت" واستعن بالله ولا تعجز..
والمهم تطبق وتنفذ في الآخر سواء عملت خطة ولا لا، علشان أنت عارف نفسك كويس يا إنسان 🌝
أهم المنشورات المتعلقة بالدراسة والامتحانات والتركيز وغيرها في قناة (نافع):
1. الشتات وعلاجه (1)
2. الشتات وعلاجه (2)
3. عن التركيز (1)
4. رسائل شخصية (1)
5. التعامل مع الصعوبات (1)
6. التعامل مع الصعوبات (2)
7. أزمة التليفون وكيفية علاجها (1)
8. بداية التفوق العلمي من... التجاوز!
9. كيف أتعلم الانضباط والالتزام؟
10. عن الامتحانات والنفسية
11. مش عارف أذاكر، الحل ايه؟
12. طاقتي خلصت!
13. إدارة الأولويات (التركيز 2)
14. أضع برامج كثيرة ولا ألتزم بها!
15. كيف أجد الدافع للاستمرار في المذاكرة خصوصا في أوقات الإحباط؟
16. كيف يحالفني التوفيق والنجاح؟
17. العادات و (أحسن عملاً) "صوتية هامة"***
18. ضيق الصدر والبكاء عند المذاكرة (صوتية هامة)***
19. الدنيا وإعادة الحسابات (صوتية هامة)
20. تغيير العادات والسلوكيات (بالشكل الصحيح)
21. صحح مسارك بصدق (الجزء الثالث والأخير)
🪷 لو عايز مصدر بسيط في الاطلاع على المواقف التربوية من السيرة النبوية، ممكن تبدأ بالكتابين دول من باب الانتفاع، لغتهم سهلة ويسيرة وربنا كتب لهم القبول بين الناس..
كيف عاملهم (/channel/baz_book/5589)
أحوال المصطفى (/channel/baz_book/5591)
ما تهت عنه بالأمس تعلم أن تركز عليه اليوم..
لا بأس عليك فيما مر، لا تجمع بين ثقل الاستدراك وتعب الحسرة على ما فات..
اليوم يوم جديد، هدية ونعمة من الله عز وجل لك، فأحسن استقبال النعمة واشكر المنعم ولا بأس عليك فيما مضى..
عايز تروح ترمي كور ألوان على الناس يا إنسان؟
تعالى هعملك لون أحمر في راسك، اقترب ولا تخف..
▪️فضفضة متفرقة (4)▪️(تتمة 2)
🔅 يعني بصريح العبارة كدا: أنت مهتم بالشكل الخارجي وتأدية الواجب بس من برة لكن القلب خربان بسبب الذنوب وعدم التعهد، والقلب لا يصلح إلا بعبادات فيه مداومة ومجاهدة وتدبر، إنما فكرة الأداء لمجرد الأداء دي مش هتمشي مع القلب..
🔅 طب الحل ايه؟ أقولك.. كدا عرفنا المشكلة فين وشخصناها، عايزين الحل بقى..
1. هتجيب ورقة وقلم وكشكول ولا كراسة
2. هتقعد في مكان منعزل تماماً عن أي ضوضاء
3. هتسمع السلسلة اللي هحط لك اللينك بتاعها تحت، تسمع كل يوم درس
(الرابط: https://www.youtube.com/playlist?list=PLtYj0Vd8x6cOOoz0EmJCz6BxKqOcZqQMh)
4. تسمع والورقة والقلم في ايدك، كل لما تلاقي فائدة أو قاعدة شايف فيها صلاح قلبك، توقف الدرس وتسجلها بايدك بتدبر وتركيز شديد وبعدها ترجع تكمل الدرس تاني
5. بعد الانتهاء من السلسلة دي، هتلاقي شوية قواعد وفوائد أنت سجلتهم، عارف هتتصرف معاهم إزاي؟
- تبدأ تطبق كل يوم من القواعد اللي أنت كتبتها بيدك..
- تبدأ تراقب نفسك فيه تغيير ولا لا بعد فترة لا تقل عن شهر "بشرط المداومة اليومية على القواعد الفوائد دي"..
- تصبر ثم تصبر ثم تصبر لحد ما النتيجة تظهر..
- تعتمد اعتماد كامل على الله عز وجل وتتبرأ من حولك وقوتك، والسلسلة دي هتعلمك تعمل كدا ازاي بالتفصيل إن شاء الله..
بس كدا، الموضوع يسير في قواعده وخطواته، بس الشرط الأساسي أنك تتمسك وتلتزم بالحرف في كل اللي قولناه فوق = عايز تاكل الشهد يبقى لازم تتحمل إبر النحل، وإبر النحل هنا المقصود بيها المثابرة والمجاهدة والصبر وتاخد الأمور واحدة واحدة مش بالجملة، علشان اللي هتتعامل معاه بالجُملة هيروح منك بالجُملة برضة وهترجع زي ما كنت وأسوأ..
الطريقة دي فيها حل مشكلة الإباحية ومشكلة العصبية ومشكلة العقوق وأي مشكلة في حياتك إن شاء الله..
مش مطلوب منك غير حاجة واحدة وبس: تسمع الكلام + تطبق اللي اتفقنا عليه + تصبر جداً جداً جداً بحسن ظن بالله عز وجل..
وطبعاً مش هوصيك أنك لازم تجدد نيتك في كل دا أنه لله عز وجل..
ربنا ينفع بك ويصلح حالك ويعينك وتسمع الكلام وتبطل تشتكي من مشاكل سببها أنك مش بتسمع ولا بتطبق ولا بتصبر..
تمت بفضل الله.
نافع | Nafe3
صوتيات نافع
▪️فضفضة متفرقة (4)▪️
🔹 أنا مش عارف/عارفة مالي، حالي مش متظبط ومش عارف/عارفة أنجز حاجة في حياتي ولا شخصيتي، أعمل ايه؟
الحمد لله رب العالمين والصلاة والسلام على رسول الله صلى الله عليه وسلم، بصوا يا شباب:
🔅الإشكالية: أكبر 3 مشاكل وتحديات عندك في شخصيتك: عايز تعدِل كل حاجة مرة واحدة + عايز تكتسب حاجات كتير مع بعض + صبرك ومجاهدتك وإصرارك نسبتهم قليلة إن لم يكونوا صفر.
🔅أنت عايز إيه؟ حياة طيبة وهدوء وسكينة مع القدرة على مواجهة الكم المعتاد من البلاء والنصب والكدر والتعب في الدنيا، دا اللي أنت عايزه ودا هدفك وهدفنا كلنا.
🔅لازم تفهم أمر مهم جداً: كل حاجة وليها وقت، كل مكانة ولها ثمن وتضحية، كل شيء وله ثمن ومدة معينة علشان ييجي لك.
🔅لازم تتيقن أنك مش هتعرف تصلح وتعدل كل حاجة في نفسك وفي اللي حواليك في نفس الوقت، لازم صبر ومجاهدة ومحاولات لا تنتهي لحد ما ربنا يفرجها عليك
🔅لازم تقبل أن فيه حاجات هتعرف تصلحها وتعدل منها وفي حاجات تانية هتعجز عنها، ولك في سيرة النبي صلى الله عليه وسلم أسوة وعبرة في أن لم يُقدر الله له أن يهدي أقرب الناس إليه من قومه وعشيرته... فلازم تتقبل دا وأنت بتحاول أو بعد انتهاء محاولاتك.
🍀🍀 (شوفت أنا كتبت كام "لازم" فوق؟ خد بالك بقى، علشان كلمة "لازم" معناها أنك تفكر نفسك بالمعاني دي من حين لآخر)
🔅ترتيب حياتك كالآتي: الله عز وجل، نفسي، بقية الناس (علاقتي بربي أهم شيء في حياتي، ثم مصلحتي الشخصية وكياني ونفسيتي "بدون أنانية أو إضرار بأحد"، ثم التعامل مع الناس بشكل عام): وأي خلال في الترتيب أنت اللي هتشيل تبعاته..
🔅 طيب مش عارف تصلح من نفسك وتتخلص من أمور كتير مزعجة ليك ليه؟ علشان مستعجل، علشان بتقارن، علشان بتمد عينك لنماذج شابة ناجحة في حياتها وصفاتها وأنت مش عارف كم المجاهدة اللي بذلوه والتعب والبكاء والصبر والتضرع لحد ما ربنا هداهم، علشان عايز الحاجة على الجاهز ومش راضي تصبر ولا تقبل أن كل شيء بياخد وقت وأنك لو جمعت 9 نساء حوامل كلهن في الشهر الأول عمرك ما هـ ينتج عن جمعهم طفل عنده 9 شهور!
يُتبــــع ....
نافع | Nafe3
صوتيات نافع
هيحصل حاجة لو صارحت نفسك أنك مش عايز تبطل إباحية؟
أنك مش عايز تبطل كسل؟
أنك مش عايز تبطل تسويف؟
أنت مش مش عارف، أنت مش عايز..
فكرة أنك تصارح نفسك بكدا دي لوحدها نص العلاج، لأنك اعترفت وواجهت نفسك..
بعدها الحل بيكون يسير بأمر الله علشان فيه مصارحة ومكاشفة ذاتية، فبقيت عارف نفسك وعارف أنها مأوى كل سوء، وبقيت بتتعامل معاها بحذر ولما بتقع بتقوم بسرعة وتستدرك ما فاتك..
لكن لعلك بقيت مبسوط بمخدر "مش عارف أعمل ايه، مش عارف أتصرف ازاي، مش عارف أبطل إزاي"، فبقيت مش عايز حد يواجهك بشيء لدرجة أنك بقيت تقول: أنا سمعت كل الفيديوهات والمقاطع وبرضة مفيش فايدة!
إزاي! إزاي واحد يسمع ويقرأ وبرضة مفيش فايدة؟
أقولك إزاي: من صدق الله صدقه الله (أنت مش عايز "بصدق")، وهي دي الـ 50% من حل المشكلة.
- أنت بتنتقد صلاح علشان غيران منه!
- وهل يغار المرء من رجل يشارك في عيد من يدعي لله الصاحبة والولد؟ سبحان ربي عما يصفون
اللي بيعجبني في التعليقات على الشخص دا أن الناس كلها بتذكره بالله عز وجل وأن اللي بيعمله جُرم شنيع في حق نفسه وحق من يتابعونه..
كل سنة نفس العك، وبرضة كل سنة نفس التعليقات المبهجة من أي حر لا يرضى لتوحيده أن يُخدش بأعياد ليست من ديننا ولا عقيدتنا..
هيفضل محمد صلاح واللي بيعمل فتنة (كل عام).. وهيفضل الأفاضل المحترمين سبب في تذكير الناس بمعاني التوحيد..
(قل هو الله أحد الله الصمد لم يلد ولم يولد ولم يكون له كفوا أحد)..
واللي بيتابع محمد صالح وراضي عن اللي بيعمله وقلبه مش بينكر دا، والله أخشى عليكم من فتنة مضرة تصيبكم فلا تقوم لكم قائمة أبداً بحق غضب الله عليكم في عدم الإنكار عليه، فانتبهوا فإن لكم ناصح محب يريد لكم الخير..
قال ابن القيم في (الوابل الصيب): الذكر يعطي الذاكر قوة، حتى إنه ليفعل مع الذكر ما لم يظن فعله بدونه، وقد شاهدت من قوة شيخ الإسلام ابن تيمية في سننه وكلامه وإقدامه وكتابه أمراً عجيباً، فكان يكتب في اليوم من التصنيف ما يكتبه الناسخ في جمعة وأكثر، وقد شاهد العسكر من قوته في الحرب أمراً عظيماً، وقد علم النبي صَلَّى اللهُ عَلَيْهِ وَسَلَّمَ ابنته فاطمة وعلياً رضي الله عنهما أن يسبحا كل ليلة إذا أخذوا مضاجعهما ثلاثاً وثلاثين، ويحمدا ثلاثاً وثلاثين، ويكبرا أربعاً وثلاثين، لما سألته الخادم وشكت إليه ما تقاسيه من الطحن والسعي والخدمة، فعلمها ذلك وقال: "إنه خير لكما من خادم" فقيل: إن من داوم على ذلك وجد قوة في يومه مغنية عن خادم.
Читать полностью…
🔅 ثباتك الشخصي عليه أجر أعظم مما تتخيل، لأن أجر ثباتك على دين الله وأخلاقيات وأدبيات الشريعة ليس مقتصراً عليك ولكن ممتد إلى غيرك..
أما تعلم أنك كملتزم ومتدين أنك مُراقب ومُتابَع من الناس؟ أما تعلم أن غيرك يراك ويتابعك ويتابع مواقفك وسمتك في صمت ليرى هل في الالتزام صدق وخير أم لا؟
اثبت، استعن بالله عز وجل على أمراض قلبك والهج بالدعاء وداوم على قيام الليل فهو حل كل مشاكل قلبك المستعصية..
لا تتراجع أبداً، فلا تدري كم الحسنات التي تأتيك يوم القيامة ولا تدري مصدرها لتكتشف أنها كانت من ثباتك وتأثر الكثيرين بك وأنت لا تدري..
لا ترجع القهقري، واعلم أن صلاحك وإصلاحك على المستوى الشخصي مهم للغاية، وليعلم أهل الحقد والحسد على الدين أنه كلما أخذوا منا 100 شخص إلى عالم الفتن والمعاصي والذنوب سيخرج لهم رجل واحد أو امرأة واحدة قيمتهم تعلوا على الـ 100 شخص كلهم..
تذكر دوماً قول سيدنا علي رضي الله عنه وأرضاه: "حال رجلٍ في ألف رجل خير من قول ألف رجلٍ في رجل"، فليكن حالك كذلك..
نافع | Nafe3
صوتيات نافع
إذا ابتلاك الله بأهل بيت يخسفون بثقتك بنفسك الأرض ويحقرون من شأنك، فاصبر واحتسب ولكن أن ترضى بذلك ولا تسعى لتعزيز قوتك الشخصية والنفسية فلا تسمع دورات ولا تقرأ كتب في هذا الشأن، فهذا عيبك وخطأك أنت..
قد لا يكون لك يد في البلاء الواقع عليك من أهلٍ مسيئين ظالمين غير متفهمين، ولكن لك يد مباشرة في كيفية التعامل معه..
فإنك إن رضيت بالوضع القائم، فأنت السبب الأكبر في ضعف شخصيتك وإضعاف نفسك..
انتبه لذلك تكرماً ولا تلم غيرك على تكاسلك، فأنت من أهمل نفسه في رد الفعل وترك غيره يؤثر فيه سلباً...
نافع | Nafe3
صوتيات نافع
اللّه مُطَّلِع عليك
الشيخ سمير مصطفى
نافع | Nafe3
صوتيات نافع
🔅 بالنسبة لموضوع: (مفيش وقت) واللي متعلقة بمسألة ضيق الوقت أمام الواجبات والمهام
إن شاء الله نتناول الجانب دا في صوتية تُعرض قريباً، نسأل الله لنا ولكم السداد والتوفيق.
ابشروا خيراً..