96716
{فَأَمَّا الزَّبَدُ فَيَذْهَبُ جُفَاءً ۖ وَأَمَّا مَا يَنفَعُ النَّاسَ فَيَمْكُثُ فِي الْأَرْضِ} [الرعد: 17] أعتذر عن الرد على الأسئلة والاستشارات لأجل غير مسمى، البوت للتناصح والمقترحات فقط (@Nafea3_bot)
بعد قليل إن شاء الله:
ننشر لكم النسخة الصوتية من بودكاست خطوة (سلسلة البحث عن الذات)
🌀 كيف أنجو من شتات النفس والإفراط في التفكير؟
🔹 لا أجد لك أعظم وأرجى من صفة "الصدق مع نفسك"
🔸 كن صادقاً في:
- تعريف نفسك "مميزاتها ومشاكلها" + تعريف احتياجاتك + تعريف البيئة المحيطة والتحديات التي تواجهها..
- الاعتراف بكسلك وعدم رغبتك "الكاملة" في الأخذ بالحلول حتى تحل هذه المشكلة..
- الاعتراف أن أغلب وقتك مصروف على الشكوى والإفراط في التفكير لا في اتخاذ خطوات عملية في الحلول ولو كانت خطوات بسيطة..
- الاعتراف بسرعة شعورك بالملل وقلة صبرك على ظهور ثمرة مجاهدتك ومحاولاتك..
الصدق يُوصلك لما تريد الوصول إليه (صدق الله فصدقه الله) + يُسرع من وتيرة قبولك بالتضحيات لأجل التغيير..
الصدق يوفر عليكِ أوقات وأعمار من طرح الأسئلة على مختلف المشايخ وطلاب العلم والاستشاريين..
ربما ما تحتاجه فعلاً: جلسة صادقة متجردة لله عز وجل مع "نفسك"
نافع | Nafe3
صوتيات نافع
- الأمر مستحيل!
- بل ضرورة، أنه ضرورة..
جملة ما قرأتها فأعادت تشكيل عدة مفاهيم عندي تجاه الكثير من الأمور التي أجد لها مهرباً وكسلاً وتسويفاً..
🔸 تأتي مرهقاً من العمل وتريد النوم ولم تستوفي أورادك بعد، فتقول نفسك: الأمر مُتعِب وأنت مرهق، فترد عليها (بل إنه ضرورة)..
🔸 تستشعر الضغط النفسي والذهني والبدني من التحصيل الدراسي أو طلب العلم، فتجد من نفسك استسلاما وتسليما للأحزان، ونفسك والشيطان يتسلطان عليك، فتتذكر: إنها ضرورة..
* ترك الإباحية ضرورة، ترك العادة السرية ضرورة
* ترك الغيبة والنميمة وسوء الخلق ضرورة
* ترك التهاون والاستهتار والتكاسل ضرورة
* التوبة النصوح ضرورة
قد يكون الأمر مؤلماً جداً في البداية، فالمجاهدة ليست سهلة على الإطلاق ولكن ذِكر نفسك: هل هناك حل آخر؟ هل هناك سبيل آخر لإنجاز وتحقيق ما أريد؟
مادام ليس هناك سبيل آخر، فلا ينبغي عليّ الانسحاب أبداً: إتمام الأمور ضرورة بالنسبة لي!
وبتلك الهمة تصل إن شاء الله (لا أبرح حتى أبلغ)
أتدري لما ترجع القهقري؟ لأنك تترك فرصة لذلك، لأنك تترك مساحة وفُرجة وتعمل بسياسة "الباب الموارب" كما يقولون!
أغلق أبوابك، أحكم سد المنافذ، وستجد نفسك أمام "إنها ضرورة" وستنصاع وتنقاد إليك نفسك إن شاء الله ولو بعد حين.
نافع | Nafe3
صوتيات نافع
الشطارة مش في أنك تصنع طالب علم أو خبير متخصص في مجاله وهو كان عنده الإمكانيات، لأن دا سهل جداً وأي حد يقدر يعمله..
الشطارة الحقيقية أنك تسحب واحد من مستنقع الجهل والمعاصي إلى حديقة ورياض الإيمان والعلم والطاعات، علشان كدا بنلاقي كثير من الأخوة والأخوات بيفضلوا أنهم يوفروا طاقتهم للي على مزاجهم "نوعاً ما"، للي يُرجى منه خير "سريع" في نظرهم "علشان يحققوا إنجاز بسرعة"، لكن في تعاملاتهم مع أغلب العصاة أو المتبرجات أو غير المسلمين أصلاً بتلاقي عندهم تراجع في الهمة وعدم طمع في هدايتهم: علشان دعوتهم خاضعة للإنجاز المادي (أنا عايز أخلي أخ يلتحي ويبقى داعية/ أنا عايزة أخلي بنت تنتقب وتبقى زينا)..
لكن تاخد بيد واحد عادي من عوام الناس وتقلل المعاصي من حياته؟ أو تاخدي بيد واحدة متبرجة وتسحبيها لبيئة الإيمان؟
لا يا عمو نافع، تو ماتش طاقة للكلام دا، خلينا ننجز :)
الله يصلح قلوبنا ويُنير بصيرتنا لقول الحق ورحمة الخلق!
🌀 كلمات بسيطة في مسألة "الحفاظ على النفس":
- كونك مسالماً لا تؤذي أحداً لا يعني أنك ستظل في سلامة وأمان من الأذى والابتلاء، فالأصل أن تتعلم كيف تحافظ على نفسك ونفسيتك "وفي ذلك الكثير والكثير من الدورات على الشبكة واليوتيوب"
- كونك "ذو نية طيبة" لا يعني أن من أمامك سيحفظ ويحافظ عليك ولا يخادعك، فالمؤمن كيّس فطن والشريعة تعلمك ألا تكون كالخُب وليس الخب يخدعك كما بين سيدنا عمر بن الخطاب رضي الله عنه وأرضاه.
- كونك ضعيفاً ومستكيناً لا يعني أن من أمامك سيرحمك ولا يعتدي عليك، وهنا يأتي أهمية اكتساب القوة وحيازتها والتركيز على الحصول عليها، فالعفو عند المقدرة "يكون عند المقدرة" لا عفواً نتاج الضعف والخَوِرَ..
الحفاظ على نفسك مسؤوليتك الشخصية، واكتساب القوى بمختلف مجالاتها شيء لن يتم بمجرد سماع الدورات والصوتيات والكتب ولكن يأتي بالمعالجة والممارسة والصبر والتعب والإرهاق والمجاهدة تماماً مثل زرع الأشجار، تحميها وترعاها وتسقيها وتصبر ثم تصبر ثم تصبر حتى يكون لكم منها ظل تستظل به وجذع قوي تركن إليه وتنتفع بقوته..
((ولن يتقلد المرء القوة ولن يكتسبها وهو يتشكى ويتبكى ويبث شكواه هنا وهناك مستضعفاً نفسه ومظهرها ضعفه لمن أمامه فطمع فيه ويأكله، إنما اكتساب القوة بالمجاهدة والصبر على المكاره وإلزام النفس رغماً عنها بما يصلحها وينفعها وإلا فما ينتظرك في النهاية هو استضعاف غيرك لك وسلبه لحقوق المعنوية وربما المادية!))
نافع | Nafe3
صوتيات نافع
السلام عليكم ورحمة الله وبركاته
🌀 نتوقف عن النشر حتى بداية شهر فبراير القادم إن شاء الله لنُعينكم على المذاكرة والاجتهاد بتركيز وللتخفف من الهاتف والانشغال بالإشعارات، ويمكنكم الاستفادة من هذا المنشور والذي به حلول لأغلب المشاكل التي تمرون بها (رابط المنشور)
سيبدأ برنامج القوى الخمس بإذن الله بعد امتحانات نصف العام الدراسي مباشرةً...
(واجب الوقت: الاستدراك والتحصيل الدراسي وبذل الجهد والإحسان كما سبق واتفقنا)
وفقكم الله لما يحب ويرضى ولا تنسونا من صالح الدعاء 💐
وابقوا فرحونا بدرجاتكم وتقييماتكم يا شباب، نأمل فيكم خيراً ونعول عليكم كثيراً والله..
طبعا الكلام دا بعد الامتحانات ما تخلص يا إنسان، واجب الوقت الحصري لك دلوقت: مذاكرتك فقط لا غير.
Читать полностью…
تخيل نص عمرك يضيع في استسلام لنزغ الشيطان: أنت مش كويس، أنت منافق، أنت مش صالح، أنت مش صادق..
حرفياً فترة شبابك وطلبك للعلم والقوة في العبادة الشيطان بيلعب بنفسيتك ويشكلها زي العجينة!
ولو أنك محافظ على ورد قراءة يومي من السنة النبوية ومواقف النبي محمد صلى الله عليه وسلم لعلمت أن هذا الدين أعظم دين وأن سيرة النبي محمد صلى الله عليه وسلم فيها الخير الكثير وحلول لمشاكل الحياة ومواقفها النفسية والاجتماعية وغيرها..
بس مش بتقرأ لأنك مش حريص، وشعورك بتأنيب الضمير (المزيف) بقى أقوى من رغبتك في العلم والتصدي للشيطان في كيده، ومن هنا يأتي الحزن ثم الاكتئاب ثم الصد عن العبادة ثم الانتكاسة والقعود...
🌀 بالنسبة لحفلات السينيور والـ fun day وغيرها:
شوف يا سيدي، أنت ممكن عادي تحضر الحفلة وتسمع الأغاني وتهيص وتتبسط وتتصور والدنيا مختلطة وكله، وهتروّح بيتكم سليم معافى ومش هتحصل لك حادثة في السكة ولا هتموت فجأة تاني يوم، بل وهتتخرج بتقدير عالي وتشتغل وتتجوز والدنيا تبقى تمام..
بس عارف إيه اللي ممكن جداً جداً يحصل وأنت مش واخد بالك؟ أنك تسقط من نظر الله عز وجل خلاص!
- عايز الحفلة؟ خدها
- عايز النجاح؟ خده
- عايز الفلوس والزواج من اللي بتحبه؟ خد اللي أنت عايزه
(كُلا نُمِدُّ هَؤُلاءِ وَهَؤُلاءِ مِنْ عَطَاءِ رَبِّكَ)
(قل من كان في الضلالة أي في الكفر فليمدد له الرحمن مدا) قال أهل التفسير: "أي فليدعه في طغيان جهله وكفره"
شوفت "يدعه" دي؟ يعني يتركه!
اللي انت عايزه هتاخده، بس ممكن جداً متاخدش ربنا في حياتك..
🔹 نصيحتي لك ولكِ: خافوا، خاف جداً من سقوط من نظر الله عز وجل
(الـ Fun day المختلط لأ، المعازف لأ، الاختلاط والموسيقى والحفلات لأ)
"وربك فكبر": عظم شأن ربك في نفسك ومراقبة ربك لك، دائماً اسال نفسك وحاسبها، هو أنت راضي عني؟ اسمي عندك ايه يا رب؟
حافظ على نفسك، بلاش تخاطر بعلاقتك بربك!
كلامي عن الاحتفالات المختلطة اللي فيها تبرج واختلاط شباب وبنات وأغاني، أي صورة تانية من الاحتفالات وليس فيها معصية ولا مخالفة شرعية لديننا فهي مباحة بلا شك..
نافع | Nafe3
صوتيات نافع
جالي خبر عن اقتراب حفلات تخرج وسينيور ومختلطة بين البنات والشباب وأن فيه مشتركين من نافع ناويين يروحوا الحفلات دي..
يا رب يطلع خبر كاذب..
▪️فضفضة متفرقة (4)▪️(تتمة)
🔅 يبقى اتفقنا: لا هتعرف تعدل كل حاجة في وقت واحد، مش هتعرف تتعلم وتكتسب كل حاجة في وقت واحد، والأمر التالت:.....
🔅 ليفل الوحش (مجاهدة نفسك): بص يا ريس، دلوقت هنعتبر أنك عربية، العربية بتتكون من جزء خارجي ظاهر للناس وهو الهيكل المطلي بالألوان (إشارة للبدن) والجزء الداخلي اللي بيحرك العربية وهو الموتور أو المحرك (إشارة للروح)
أنت روح وبدن، هيكل وموتور..
🔅 عايز عربية حياتك تمشي صح؟ لازم تاخد بالك من الموتور كويس جداً جداً ويتعمل له صيانة ومتابعة ومراقبة وعمّرة كل فترة والتانية..
🔅 موتورك هو قلبك، هو سيد الجوارح والمتحكم فيها، فلو القلب فيه مشكلة يبقى أنت عندك مشكلة في عربيتك مش هيحلها الهيكل الخارجي..
🔅 طيب أعمر الموتور "قلبي" إزاي؟ (زيادة الطاعات وترك المعاصي)، بس كدا..
🔅 طيب أنا بعمل طاعات كتير وبرضة معاصي نوعاً ما بس حالي خربان برضة، ليه؟
الإجابة: علشان أنت عملت الطاعات ببدنك "بالهيكل الخارجي للعربية" إنما الموتور فيه مشكلة، فكدا كدا ممكن العربية تمشي معاك شوية وتؤدي شوية مشاوير عادي بس الموتور مصيره يطلع دخان ويعطل والعربية كلها تقف، ودا اللي بيحصل لك بالظبط لما تقرأ قرآن وتطلب علم وأنت مقيم على الإباحية والعادة السرية وذنوب الخلوات: علشان الهيكل الخارجي للعربية هو اللي ماشي عادي بس الموتور عيان وعطلان..
يُتبع لسه...
نافع | Nafe3
صوتيات نافع
رجاءً رجاءً محدش يبعت يقول أن القناة بتجلد وأن المحتوى شديد..
الجلد دا للناس اللي شغالة ومركزة على نفسها وبتحس أنها مقصرة وبتستدرك ما فاتها..
إنما اللي بننشره في القناة هي الحالة الواقعية الموجودة واللي أنت مش بتسمعها من حد علشان أنت طول حياتك بتدور على حد يطبطب عليك وبس.. إنما تتغير وتتحسن لأ..
أي محاولة للتحسين والترقية ولو كانت بـ 1% إحنا بنرحب بها جداً جداً وبنشجع صاحبها وبنتابع معاه وبناخد بيده لما يقع، إنما اللي بييجي على البوت من النوعية دا قليل، الأكثرية فاكريني معايا عصا سحرية ويلا اتفضل مشكلتك اتحلت بدون مجهود منك..
الجلد دا له ناسه ونسأل الله ألا يجعلنا ممن يبثون اليأس في قلوب المسلمين، إنما اللي بنذكركم به هو الواقع وبس.. أنت بقى منزعج ومتضايق أن حد بيفكرك بيه فـ دي مش مشكلتنا :))
خلينا نتفق على أمر مهم جداً: لازم تركز على نجاتك الشخصية أولاً قبل أن تفكر في أي أمر آخر..
بمعنى: هتلاقي حواليك ناس على الإسلام وعلى غير الإسلام، هتلاقي ناس على الالتزام وعلى غير الالتزام، هتلاقي ناس في بلاء وناس في عافية، وأحوال الناس متغيرة ومتقلبة وكلٌ ميسر لما خلق له وكلٌ أيضاً له اختباره الخاص مع الله عز وجل..
المطلوب: لو سمحتِ ركز على نجاتك الشخصية مما في الدنيا وفي الآخرة
الدنيا: النجاة من الشتات والمعاصي والذنوب والكسل والهم والحزن، اللي محتاج هروب اهرب منه واللي محتاج مواجهة واجهه
والآخرة: أنت عارف محتاج تنجو من اللي فيها إزاي وأنت أدرى بذنوبك ومعاصيك وما في نفسك الأمارة بالسوء..
طيب بنقول الكلام دا ليه؟ علشان أكيد مش هنقضي حياتنا كلها في القناة ماسكين في أهم 5 مشاكل (الكسل، الهم والحزن، الشتات وعدم التركيز، الإباحية والعادة السرية، الهروب من ألم تكاليف الحياة)..
أنت محتاج تسأل نفسك: هو أنا هنقل امتى؟ هتخلص من الحاجات دي امتى وانطلق في طريقي لله عز وجل ولنفسي..
90% من المشاكل اللي على البوت بقت عبارة عن أنماط متكررة، وبتدل على أن اللي بيسأل لم يكلف نفسه لا بسماع صوتيات ولا قراءة منشورات ونطرح السؤال وجاوبني هالحين يا اخوي..
النقطة الهامة في مقصدي: (اغتنم خمساً قبل خمس)، فالمتوفر لك الآن قد لا يُتوفر لك غداً، يعني لو ضيعت وقتك وعمرك وأيامك في السؤال عن مشاكل بسيطة واستنزفت طاقتك وطاقة اللي قدامك في أسئلة إجاباتها موجودة بالفعل = كدا مش هتلاقي حد يجاوبك على الأسئلة الهامة الحياتية والشخصية اللي هتقابلك في مراحل زمنية متقدمة من الآن..
والخلاصة: أنت مش محتاج علم زيادة ولا إجابات أكثر بقدر ما أنت محتاج تتحكم في شهوة طرح الأسئلة والانشغال بمشاكل حلولها بالفعل مطروحة ومتوفرة إلا أنك مكسل تاخد بيها وعمال تلف وتدور بين المشايخ تسأل نفس السؤال وتاخد إجابات مختلفة ومفيش نتيجة ولا تغيير يُذكر..
من الآخر: التغيير له ثمن، محدش هياخد الدواء بدلاً عنك، التغيير طعمه مر، إصلاح النفس والتزكية أمر مش هين، إصلاح القلب والعيوب أمر بياخد وقت طويل، التوبة مهمة عمرية، مش هتحقق كل شيء في نفس الوقت..
والله قبلت بالمعادلة دي وركز على نفسك، يبقى نرجو لك التوفيق والنجاة في الآخرة..
لم تقبل وفضلت تضيع عمرك ووقتك، يبقى اعرف أنك مُحاسب على العمر مرتين "مرة على العمر ومرة على فترة الشباب"..
مشاكلك كلها لها حلول، فكرة أنك مش عايز تطبق ومش صابر على النتيجة دي مشكلتك أنت.. وللأسف هتفضل كدا زي ما أنت محلك سر علشان مش عايز تفتح عينك وتوسع مداركك أن كل حاجة حواليك ليها ثمن وأنت مغرور في نفسك أنك مش عايز تدفع حاجة وتاخد كل شيء مجاناً!
وغرورك مش هينفعك في الدنيا ولا في الآخرة.
ربنا يهدينا ويصلح حالنا ويعيننا على أنفسنا.. جيل مخدوع في نفسه وعنده استحقاقية بشعة إلا من رحم الله!
فكرني لما كان في لقاء مع عمرو أديب وبيقوله: المشكلة في الـ Mentality يا عمرو (ساخراً من عقول الشباب المصري).
وكان في لقاء آخر لما سأله "أنت شربت خمور وكدا" فرد عليه: نفسي مش بتروح لها..
ولا لما أدى العزاء في وفاة ملكة إنجلترا..
وطوام كبرى لا تنتهي، علشان المينتالتي خربانة أصلاً..
وذكر أثر ابن عباس: "إن للحسنة ضياء في الوجه، ونورا في القلب، وسعة في الرزق، وقوة في البدن، ومحبة في قلوب الخلق، وإن للسيئة سوادا في الوجه، وظلمة في القبر والقلب، ووهنا في البدن، ونقصا في الرزق، وبغضة في قلوب الخلق".
Читать полностью…
بسم الله الرحمن الرحيم،
نعود إلى برامجنا وإصداراتنا الصوتية مرة أخرى بإذن المولى..
🔹 تبدأ الدفعة الأولى من "القوى الخمس" يوم 09 فبراير (وسيتم التعليق بالتفصيل على جدول البرنامج ومقاصده وأهدافه تباعاً في ذلك الموعد..)
🔸 وننشر أولى إصداراتنا في قناة "محيط" يوم 10 فبراير (مع توضيح نبذة مختصرة عن مقصد القناة وهدفها)
ونستمر في نشر إصداراتنا الصوتية المسجلة وبرامجنا هنا على "نافع" بدءً من الغد إن شاء الله..
كل مشروع له سمته الخاصة ومختلف تماماً عن غيره، فلا تشابه بينها وإنما هو تمايز وترادف في الإفادة إن شاء الله.. وفقنا الله وإياكم ونفع بنا وبكم وأعاننا على كل خير وإصلاح، آمين.
/channel/muqatie30
قناة طيبة وجزا الله القائمين عليها..
العلاج وصل بفضل الله.. شكر الله لكم وأحسن إليكم ودمتم بنياناً لبعضكم بعضاً يا آل نافع الكِرام.
Читать полностью…
🔅 منشور مؤقت أحذفه بعد حين إن شاء المنان:
بالنسبة لمسألة إيقاف النشر، هي مقصودة في ذاتها لسبب معين:
🔹 أريد منكم أن تتعلموا الاعتماد الكامل والتكلان التام على الله عز وجل وأن تخرجوا من دائرة إدمان التحفيز والتشجيع، والتي هي "لا أستطيع أن أدرس وأعمل إلا بعد أن أتشجع وأتحفز لذلك"
لا، هذا ليس أمراً صحياً وليس ما تعودنا عليه هنا في القناة، نحن تعودنا على: أنت المسؤول عن نفسك، أنت معيار المحاسبة، إنها مسؤوليتك الفردية والشخصية..
قد يحتاج المرء للتشجيع من حين لآخر لذلك تركت منشور الصوتيات أعلاه لتتفقدوه متى احتجتم لذلك، لكن أريد أن أنبهكم إلى أن أعظم مسبب لعدم العمل هو الشعور بالملل والرغبة في الهروب من التكاليف..
فتعلموا اقتحام العقبات، تعلموا أن يكون الله هو الملجأ والملاذ عند الصعاب، تعلموا ألا تعتمدوا على التشجيع بقدر أن تتعلموا إنزال حاجتكم بالله عز وجل في ركعتين أو اللهج بالدعاء وكثرة الاستغفار والحوقلة..
انفكوا عن الاعتماد على البشر وكلام البشر ووطدوا علاقتكم بالله عز وجل، فإنما أوتينا جميعا في حياتنا وخُذلنا كثيراً لأننا انتظرنا الناس وكلام الناس ثم أوٌكلنا إلى أنفسنا وضاعت الهمم بعدها..
أنزلوا حاجتكم بالله عز وجل وانتفعوا من تجربة توقف النشر، اعملوا في صمت، صلوا في خفاء، والله يعلم السر وأخفى ويعلم ما في قلوبكم ويسمع أنين حاجاتكم.
الله يوفقكم وينفع بكم يا آل نافع.
أهم المنشورات المتعلقة بالدراسة والامتحانات والتركيز وغيرها في قناة (نافع):
1. الشتات وعلاجه (1)
2. الشتات وعلاجه (2)
3. عن التركيز (1)
4. رسائل شخصية (1)
5. التعامل مع الصعوبات (1)
6. التعامل مع الصعوبات (2)
7. أزمة التليفون وكيفية علاجها (1)
8. بداية التفوق العلمي من... التجاوز!
9. كيف أتعلم الانضباط والالتزام؟
10. عن الامتحانات والنفسية
11. مش عارف أذاكر، الحل ايه؟
12. طاقتي خلصت!
13. إدارة الأولويات (التركيز 2)
14. أضع برامج كثيرة ولا ألتزم بها!
15. كيف أجد الدافع للاستمرار في المذاكرة خصوصا في أوقات الإحباط؟
16. كيف يحالفني التوفيق والنجاح؟
17. العادات و (أحسن عملاً) "صوتية هامة"***
18. ضيق الصدر والبكاء عند المذاكرة (صوتية هامة)***
19. الدنيا وإعادة الحسابات (صوتية هامة)
20. تغيير العادات والسلوكيات (بالشكل الصحيح)
21. صحح مسارك بصدق (الجزء الثالث والأخير)
🪷 لو عايز مصدر بسيط في الاطلاع على المواقف التربوية من السيرة النبوية، ممكن تبدأ بالكتابين دول من باب الانتفاع، لغتهم سهلة ويسيرة وربنا كتب لهم القبول بين الناس..
كيف عاملهم (/channel/baz_book/5589)
أحوال المصطفى (/channel/baz_book/5591)
ما تهت عنه بالأمس تعلم أن تركز عليه اليوم..
لا بأس عليك فيما مر، لا تجمع بين ثقل الاستدراك وتعب الحسرة على ما فات..
اليوم يوم جديد، هدية ونعمة من الله عز وجل لك، فأحسن استقبال النعمة واشكر المنعم ولا بأس عليك فيما مضى..
عايز تروح ترمي كور ألوان على الناس يا إنسان؟
تعالى هعملك لون أحمر في راسك، اقترب ولا تخف..
▪️فضفضة متفرقة (4)▪️(تتمة 2)
🔅 يعني بصريح العبارة كدا: أنت مهتم بالشكل الخارجي وتأدية الواجب بس من برة لكن القلب خربان بسبب الذنوب وعدم التعهد، والقلب لا يصلح إلا بعبادات فيه مداومة ومجاهدة وتدبر، إنما فكرة الأداء لمجرد الأداء دي مش هتمشي مع القلب..
🔅 طب الحل ايه؟ أقولك.. كدا عرفنا المشكلة فين وشخصناها، عايزين الحل بقى..
1. هتجيب ورقة وقلم وكشكول ولا كراسة
2. هتقعد في مكان منعزل تماماً عن أي ضوضاء
3. هتسمع السلسلة اللي هحط لك اللينك بتاعها تحت، تسمع كل يوم درس
(الرابط: https://www.youtube.com/playlist?list=PLtYj0Vd8x6cOOoz0EmJCz6BxKqOcZqQMh)
4. تسمع والورقة والقلم في ايدك، كل لما تلاقي فائدة أو قاعدة شايف فيها صلاح قلبك، توقف الدرس وتسجلها بايدك بتدبر وتركيز شديد وبعدها ترجع تكمل الدرس تاني
5. بعد الانتهاء من السلسلة دي، هتلاقي شوية قواعد وفوائد أنت سجلتهم، عارف هتتصرف معاهم إزاي؟
- تبدأ تطبق كل يوم من القواعد اللي أنت كتبتها بيدك..
- تبدأ تراقب نفسك فيه تغيير ولا لا بعد فترة لا تقل عن شهر "بشرط المداومة اليومية على القواعد الفوائد دي"..
- تصبر ثم تصبر ثم تصبر لحد ما النتيجة تظهر..
- تعتمد اعتماد كامل على الله عز وجل وتتبرأ من حولك وقوتك، والسلسلة دي هتعلمك تعمل كدا ازاي بالتفصيل إن شاء الله..
بس كدا، الموضوع يسير في قواعده وخطواته، بس الشرط الأساسي أنك تتمسك وتلتزم بالحرف في كل اللي قولناه فوق = عايز تاكل الشهد يبقى لازم تتحمل إبر النحل، وإبر النحل هنا المقصود بيها المثابرة والمجاهدة والصبر وتاخد الأمور واحدة واحدة مش بالجملة، علشان اللي هتتعامل معاه بالجُملة هيروح منك بالجُملة برضة وهترجع زي ما كنت وأسوأ..
الطريقة دي فيها حل مشكلة الإباحية ومشكلة العصبية ومشكلة العقوق وأي مشكلة في حياتك إن شاء الله..
مش مطلوب منك غير حاجة واحدة وبس: تسمع الكلام + تطبق اللي اتفقنا عليه + تصبر جداً جداً جداً بحسن ظن بالله عز وجل..
وطبعاً مش هوصيك أنك لازم تجدد نيتك في كل دا أنه لله عز وجل..
ربنا ينفع بك ويصلح حالك ويعينك وتسمع الكلام وتبطل تشتكي من مشاكل سببها أنك مش بتسمع ولا بتطبق ولا بتصبر..
تمت بفضل الله.
نافع | Nafe3
صوتيات نافع
▪️فضفضة متفرقة (4)▪️
🔹 أنا مش عارف/عارفة مالي، حالي مش متظبط ومش عارف/عارفة أنجز حاجة في حياتي ولا شخصيتي، أعمل ايه؟
الحمد لله رب العالمين والصلاة والسلام على رسول الله صلى الله عليه وسلم، بصوا يا شباب:
🔅الإشكالية: أكبر 3 مشاكل وتحديات عندك في شخصيتك: عايز تعدِل كل حاجة مرة واحدة + عايز تكتسب حاجات كتير مع بعض + صبرك ومجاهدتك وإصرارك نسبتهم قليلة إن لم يكونوا صفر.
🔅أنت عايز إيه؟ حياة طيبة وهدوء وسكينة مع القدرة على مواجهة الكم المعتاد من البلاء والنصب والكدر والتعب في الدنيا، دا اللي أنت عايزه ودا هدفك وهدفنا كلنا.
🔅لازم تفهم أمر مهم جداً: كل حاجة وليها وقت، كل مكانة ولها ثمن وتضحية، كل شيء وله ثمن ومدة معينة علشان ييجي لك.
🔅لازم تتيقن أنك مش هتعرف تصلح وتعدل كل حاجة في نفسك وفي اللي حواليك في نفس الوقت، لازم صبر ومجاهدة ومحاولات لا تنتهي لحد ما ربنا يفرجها عليك
🔅لازم تقبل أن فيه حاجات هتعرف تصلحها وتعدل منها وفي حاجات تانية هتعجز عنها، ولك في سيرة النبي صلى الله عليه وسلم أسوة وعبرة في أن لم يُقدر الله له أن يهدي أقرب الناس إليه من قومه وعشيرته... فلازم تتقبل دا وأنت بتحاول أو بعد انتهاء محاولاتك.
🍀🍀 (شوفت أنا كتبت كام "لازم" فوق؟ خد بالك بقى، علشان كلمة "لازم" معناها أنك تفكر نفسك بالمعاني دي من حين لآخر)
🔅ترتيب حياتك كالآتي: الله عز وجل، نفسي، بقية الناس (علاقتي بربي أهم شيء في حياتي، ثم مصلحتي الشخصية وكياني ونفسيتي "بدون أنانية أو إضرار بأحد"، ثم التعامل مع الناس بشكل عام): وأي خلال في الترتيب أنت اللي هتشيل تبعاته..
🔅 طيب مش عارف تصلح من نفسك وتتخلص من أمور كتير مزعجة ليك ليه؟ علشان مستعجل، علشان بتقارن، علشان بتمد عينك لنماذج شابة ناجحة في حياتها وصفاتها وأنت مش عارف كم المجاهدة اللي بذلوه والتعب والبكاء والصبر والتضرع لحد ما ربنا هداهم، علشان عايز الحاجة على الجاهز ومش راضي تصبر ولا تقبل أن كل شيء بياخد وقت وأنك لو جمعت 9 نساء حوامل كلهن في الشهر الأول عمرك ما هـ ينتج عن جمعهم طفل عنده 9 شهور!
يُتبــــع ....
نافع | Nafe3
صوتيات نافع
هيحصل حاجة لو صارحت نفسك أنك مش عايز تبطل إباحية؟
أنك مش عايز تبطل كسل؟
أنك مش عايز تبطل تسويف؟
أنت مش مش عارف، أنت مش عايز..
فكرة أنك تصارح نفسك بكدا دي لوحدها نص العلاج، لأنك اعترفت وواجهت نفسك..
بعدها الحل بيكون يسير بأمر الله علشان فيه مصارحة ومكاشفة ذاتية، فبقيت عارف نفسك وعارف أنها مأوى كل سوء، وبقيت بتتعامل معاها بحذر ولما بتقع بتقوم بسرعة وتستدرك ما فاتك..
لكن لعلك بقيت مبسوط بمخدر "مش عارف أعمل ايه، مش عارف أتصرف ازاي، مش عارف أبطل إزاي"، فبقيت مش عايز حد يواجهك بشيء لدرجة أنك بقيت تقول: أنا سمعت كل الفيديوهات والمقاطع وبرضة مفيش فايدة!
إزاي! إزاي واحد يسمع ويقرأ وبرضة مفيش فايدة؟
أقولك إزاي: من صدق الله صدقه الله (أنت مش عايز "بصدق")، وهي دي الـ 50% من حل المشكلة.
- أنت بتنتقد صلاح علشان غيران منه!
- وهل يغار المرء من رجل يشارك في عيد من يدعي لله الصاحبة والولد؟ سبحان ربي عما يصفون
اللي بيعجبني في التعليقات على الشخص دا أن الناس كلها بتذكره بالله عز وجل وأن اللي بيعمله جُرم شنيع في حق نفسه وحق من يتابعونه..
كل سنة نفس العك، وبرضة كل سنة نفس التعليقات المبهجة من أي حر لا يرضى لتوحيده أن يُخدش بأعياد ليست من ديننا ولا عقيدتنا..
هيفضل محمد صلاح واللي بيعمل فتنة (كل عام).. وهيفضل الأفاضل المحترمين سبب في تذكير الناس بمعاني التوحيد..
(قل هو الله أحد الله الصمد لم يلد ولم يولد ولم يكون له كفوا أحد)..
واللي بيتابع محمد صالح وراضي عن اللي بيعمله وقلبه مش بينكر دا، والله أخشى عليكم من فتنة مضرة تصيبكم فلا تقوم لكم قائمة أبداً بحق غضب الله عليكم في عدم الإنكار عليه، فانتبهوا فإن لكم ناصح محب يريد لكم الخير..
قال ابن القيم في (الوابل الصيب): الذكر يعطي الذاكر قوة، حتى إنه ليفعل مع الذكر ما لم يظن فعله بدونه، وقد شاهدت من قوة شيخ الإسلام ابن تيمية في سننه وكلامه وإقدامه وكتابه أمراً عجيباً، فكان يكتب في اليوم من التصنيف ما يكتبه الناسخ في جمعة وأكثر، وقد شاهد العسكر من قوته في الحرب أمراً عظيماً، وقد علم النبي صَلَّى اللهُ عَلَيْهِ وَسَلَّمَ ابنته فاطمة وعلياً رضي الله عنهما أن يسبحا كل ليلة إذا أخذوا مضاجعهما ثلاثاً وثلاثين، ويحمدا ثلاثاً وثلاثين، ويكبرا أربعاً وثلاثين، لما سألته الخادم وشكت إليه ما تقاسيه من الطحن والسعي والخدمة، فعلمها ذلك وقال: "إنه خير لكما من خادم" فقيل: إن من داوم على ذلك وجد قوة في يومه مغنية عن خادم.
Читать полностью…