19532
🎙 Кәсіби және рухани даму жайлы подкаст 💳 Қолдау: 4400 4301 0531 4071 📍 Amsterdam, Netherlands
Сергек: штрафтан инновацияға, қаланың бас күзетшісі қалай істейді? / Әсет Ахметов / Narikbi LIVE #109
Сергек технологиясы қазақстандықтардың жолдағы тәртібін түбегейлі өзгертті десек, қателеспейміз. Көпшілік үшін Сергек — тек жол қозғалысын бақылайтын, айыппұл салатын камералар жүйесі. Алайда, бұл технологияның арқасында жол апаттарынан болатын өлім-жітім 40-50%-ға азайғанын білеміз бе?
Подкаст барысында Сергектің негізін қалаушысы Әсет мырзамен бірге халықты алаңдатқан маңызды сұрақтардың жауабын іздедік:
- Сергек камералары қалай жұмыс істейді?
- Айыппұлдар қайда жұмсалады?
- Сергекті айналып өту мүмкін бе?
- Кептелістерді Сергек арқылы шешуге бола ма?
және басқа да қызықты тақырыптарды талқыладық.
Сонымен қатар, Әсет мырзаның жаңа жобасы — Tasqyn анимация студиясы туралы да сөз қозғадық. Бұл студия қазақ тіліндегі сапалы мультсериалдар жасап, балаларымызға отандық анимацияны қолжетімді етуге атсалысуда.
https://youtu.be/A000RvKY0Gg
Айтпақшы, әлгі чехолдың түрі осындай. Үсті магнитпен жабылып, сыртқа шыққанда қызметкерлер арнайы магнитпен ашып береді.
Читать полностью…
Осы жылдың ең қызықты әрі жылы подкастымыз Раиса Қадыр ханыммен өткен шығарылым деп есептеймін. Дайындық барысында тұлғалың қаншалықты терең екенін түсінесің ғой. Бұл тұрғыда Раиса ханымның айтары көп екеніне көзім жетті.
Ал бүгін КітапАл-дағы достарым Раиса ханымды қонаққа шақырыпты. Байқағаным - біз қамтымаған тақырыптар қозғалыпты. Қарап, қолдап қоюға кеңес беремін.
Менен өткендер әдеттегідей комменте “Нәрікбиден келдім” дейміз ғой, иа?)
https://www.youtube.com/watch?v=1vbx8XxzM10
2014
Ескі альбомды ақтарып отырып, мына суретке көзім түсті. Бұл — 10 жыл бұрынғы Нәрікби. Әлі студентпін, бірақ фуллтайм жұмыста жүрген 20 жасар жігіт. Алматыда өткен конференцияда түскен сурет. Көзімде — арманның ұшқыны, күлкім ерекше.
Сол уақытта студент бола тұра, жұмысымнан $1000 жалақы алатынмын. Бірақ кейін девальвация бұл соммаға жету мүмкіндігін азайтты. Осыдан кейін доллар бағамын жиі тексеру әдетке айналды.
Қазір бұл оңайырақ: Яндекс Поиск доллар бағамын лезде көрсетіп береді. Ал егер Яндексты негізгі іздеу жүйесі ретінде орнатсаңыз, шотыңызға 1000 теңге бонус түседі. Толығырақ 👉🏻осы сілтемеде.
Ал, сіздер 10 жыл бұрын не істеп едіңіздер?)
Равкат Мұхтаров: Алматы ауасы, масхилатқа депутат болу, әлеуметтік белсенділік / Narikbi LIVE #107
Бізде қонақта белгілі эколог әрі экономист, ауа ластану зерттеушісі және әлеуметтік белсенді - Равкат Мұхтаров. Равкат Назарбаев Университетінің (экономика), University of Alberta, Канада (қоршаған орта экологиясы) түлегі.
Бұл шығарылымда біз Алматыда қашан таза ауамен тыныс алатынымызды, мәжіліс депутат болуға ұмтылысы мен әлеуметтік белсенділігі үшін қалай бірнеше рет тәртіп қызметкерлерінен ұсталғандығын талқыладық.
https://www.youtube.com/watch?v=BNS8jeeUg28
Салем, достар. Бұл подкастты жазу маған ерекше қызық болды. Рахима ханым шынымен де өз ісінің хас шебері екеніне көзім жетті.
Байқағаным, қазір жеткіліктікті деңгейде тәжірибесі жоқ психологиятар көбеюінен бұл салаға қатысты негатив ойлар өте көп. Оны түсінуге болады. Ал, шынымен қиын кейстармен жұмыс істеп, тығырыққа тірелген адамды шығарған мамандарды көп кездестіре бермейсің.
Осы орайда нағыз профессионал адамдарды шақырсам көңілім көтеріліп, мендегі сұрақтар толастап бітпей кетеді. Сол үшін осындай шығарылымдай маған ерекше ләззат аламын. Сіздерге де осыны жеткізе алдым деген сенімдемін.
Ютубтың алғашқы сағаттары маңызды ғой, мүмкін болса коммент қалдырып, қолдап жіберсеңіздер.
Дана Молдақұлова: қайда инвестиция жасаймыз? / Narikbi LIVE #104
Бүгінгі қонағымыз жас ғалым, KIMEP университетінің профессоры, PhD - Дана Молдақұлова. Дана ханым өзінің инвестиция нарығына қалай келгені, Кореяның әйгілі KAIST университетімен магистрлық оқуы мен серіктестігі жайлы, әйгілі PwC компаниясындағы аудиторлық жұмысы мен бастысы - қай нарыққа кіріп, табысты болуға болатыны жайлы сөз қозғадық.
- Индия нарығы не үшін жақын арады озық болады?
- Электро-көліктер нарығының болашағы не болмақ?
- Жасанды интеллект бұл нарықты қалай өзгертпек?
Инвестиция - ол әрқашан риск пен тәуекелге байланған, сондықтан біздің сөздерімізді инвестициялық кеңес емес, тек біздің ойымыз деп қабылдаңыз.
https://youtu.be/DIxpmJtrZNc
Нұрмұхаммед Досыбаев: Шымкенттен Кембриджге дейін. Жеке меншік мектеп ашудың құпиясы / Narikbi LIVE #104
Подкаст қонағы Кембридж университетінің магистры, білім беру саласының эксперті - Нұрмұхаммед Досыбаев.
Нұрмұхаммед мырза еліміздің танымал Astana Garden School жеке меншік мектебінің негізін қалаушысы. Қазіргі күні Hyperion School атты жаңа заман мектебін ашқан.
Бұл шығарылымда Нұрмұхаммед мырза Шымкенттегі әкімшілік жұмысынан Кембридж университетіне түскені, кейін білім саласының реформалары мен жаңа форматтарды іздеуі және жақсы мектеп директорының жалақысы қандай болуы қажет деген сұраққа дейін жауап беруге тырыстық.
https://youtu.be/BINn4sojJS4
Дөп-ке де келіп қалдық. “Нәрікбиден келдім” деген комменті қалдыруға ұмытпаймыз, иа? 😜
Читать полностью…
Абдрашит мырзаның подкасты 100мың қаралымға жақындап қалыпты. Бұл дегеніміз шығарылымдағы тақырыптар расымен көп адамға өзекті болғаны ғой.
Ал Абеке өз ойларын жазып тұруға арнайы канал ашып қойыпты. Маған төмендегі жазбасы ұнады.
Сіздер де жазылып қойыңыздар.
/channel/abdrashitulkibay/164
Ал, қазақ тілді трансляцияға кіріңіздер. acm icpc final. Мен, Нәріби және КЗ құрама командаларының тренелері болады. Қызық болады.
https://www.youtube.com/live/KX3EsPh-HWg?si=H5Bsy4E3RLIG26J1
Жанәділ Талдыбаев: әлем оқушыларын IT оқытатын 100 млн стартап / Narikbi LIVE #101
Бүгінгі шығарылым қонағы Codiplay халықаралық стартапының негізін қалаушы - Жанәділ Талдыбаев.
Codiplay - бұл әлемнің 13 елінде 300 астам мектептерде жұмыс істеп жатқан, оқушылардың IT сауаттылығын көтеретін платформа.
4 жыл бұрын ғана басталған бұл компания қазіргі күні $100 млн valuation (оценка), қазіргі тартып жатқан инвестициясы $20 млн.
Жанәділ бұл идеяның қалай келгені, ақша жоқ болып тұра, ковид кезінде пәтері мен көлігін сатып компанияны бастағанын баяндап берді. Одан бөлек Корей мемлекетіндегі мединица саласындағы бизнесін талдап, бұл елді де талқылап шықтық.
Одан бөлек еліміздің өңірлерінде қалай білім сапасын арттыруға болатынын да айтып шықтық. Қысқасы, бұл эпизод әлемді өзгерткісі келетін адамның қандай жол өтіп шығуы керек жайлы деп ойлаймын.
https://youtu.be/GoB7TfVUP-A
Абдрашит Түлкібай: мидің мүмкіндіктері, депрессия, салмақ тастау / Narikbi LIVE #99
Бүгін подкаст қонағы белгісі психофизиолог маман - Абдрашит Түлкібай. Біздің қозғаған тақырыптар кең ауқымды болғанымен, бәрі ми және оның мүмкіндіктерінің айналасында болды.
Не үшін салмақ тастау біздің миымызға байланысты? Адам депрессия екенін қалай анықтаймыз? Неге адам жиі қарыз болып қала береді? және т.б. сұрақтарды қозғап шықтық.
https://youtu.be/CUbzkm06r48?si=dFojGQUGWeLfoI11
Достар, бүгінгі подкаст шығарылымы мен үшін ерекше. Бұл қонағымыз өзіміздің Атыраудан шығып әйгілі Stanford университетінде PhD жасап, қазіргі таңда АҚШ-та сәтті фармацевтикалық компанияның негізін салушы болып табылады.
Біздің заманымыздың Қаныш Сатпаеві деп ойлаймын. Әлемді ғалымдар өзгертеді. Сол себепті жаңа қонағымыздың ғылымға арнаған өмірін, жүрген жолымен таныса кетіңіздер.
https://youtu.be/yz8Lyf_Or5E
Азамат мырзаның подкастын кім қарап үлгерді?
Қалай әсер етті?
Кім енді ерте оянамын деп шешті? 😅
Balochistan
Шетелде жұмыс істеудің бір қызық тұсы - түрлі халықтардың өкілдерімен танысып, олардың тарихы мен мәдениеті жайлы біледі екенсің. Кейбірімен алғаш рет сөйлескенде, тіпті өмірімде естімеген елдер мен аймақтардың бар екенін түсініп, таңғаламын. Бірде сондай қызықты оқиғаның куәсі болдым.
Бір ай бұрын жұмыстағы намазханада бір жігітпен сөйлесіп қалдым. Танысып, қай елден екенін сұрағанымда, ол: «Balochistan» деп жауап берді. Мұндай елді бұрын-соңды естімегендіктен, қайта сұрадым. Жауабы сол қалпы өзгермеді.
Сөйтсем, Белуджистан — тәуелсіздікке жете алмаған халықтардың мекені екен. Ол Пәкістан, Ауғанстан және Иран шекараларында орналасқан. Аумағының 44%-ы Пәкістанға тиесілі. Халқының саны шамамен 12-15 миллионға жетеді. Діні — сунниттік ислам, ал негізгі тілі — белудж тілі. Сонымен қатар, тарихындағы ағылшын отаршылдығының ізі қалдырып кеткен урду, пушту, ағылшын тілдерін де меңгерген.
Әңгіме барысында бұл аймақтың саяси және тарихи қиындықтарын, олардың не себепті тәуелсіз ел бола алмағанын түсіндім. Гугл деректері бойынша, Белуджистан — күрд халқынан кейін тәуелсіздігі жоқ, халқы ең көп ұлттардың бірі.
Осының бәрін ой елегінен өткізгенде, тәуелсіздік біз үшін тек сөз ғана емес, баға жетпес ұлы құндылық екенін сезінесің. Иә, елімізде көңіл түсіретін мәселелер де жоқ емес. Бірақ бізде ең бастысы — сол мәселелерді шешіп, болашақты жарқын етіп құруға мүмкіндік бар.
Ал кейбір халықтарда ол мүмкіндіктің өзі жоқ. Сондықтан біз Тәуелсіздігімізді бағалай білейік, қастерлейік, ұрпаққа аманат етейік.
Тәуелсіздік күні құтты болсын! 🇰🇿
Dave Chapelle
Есте қалар оқиғалардан, мен жақында әйгілі стендаптың аңызы болған - Дейв Шапелдің (Dave Chapelle) концертіне бардым. Бұл есім сізге ештеңе білдірмесе, гуглдан іздеп көруге кеңес беремін. Қысқаша айтсам, бұл америкалық шоу бизнестің ең танымал өкілдерінің бірі, тірі аңыз десем кем болмас.
Дейв стендап жанрымен 16 жастан айнасылып келе жатыр. Қазір 51 жаста. Оның жеке концерттері (ағылшынша - special, спешл деп айта берейін) Netflix платформасында көп.
Оның әзілі өте өткір, дәл тиеді, қоғамды оятады. Талай рет өз әзілдері үшін хейт қабылдап, қоғам тарапынан сөз естіген. Мысалы, ол трансгендер адамдар туралы әзілдеп, америкалық либералдар тарапынан кэнселлинг-қа (cancelling, жоқтау, қабылдамау мәдениеті) ұшыраған. Оған қарамастан, Дейв өз сөзінен еш қайтпайтын азамат.
Тағы бір ерекшелік - Дейв осыдан жиырма жыл дұрын Ислам қабылдап, мұсылман атанған. Қызығы, оны күні кешеге дейін ешкім білмеген. Біраз адамға бұл тосын сый болды.
Танымалдығына қарамастан, Дейв осыдан бірнеше жыл бұрын “менің соңғы спешлым” деп ең соңғы түсірілімін Нетфликсе жариялады. Американдықтар үшін бұл үлкен жаңалық болды, себебі бұл легенданың бұдан басқа спешлдарын көру мүмкіндігі болмайды деп түсінді.
Алайда, ол әлі де лайв спешлдар өткізіп жатыр екен. Мен соған барып қайттым. Сонымен, Роттердам қаласындағы концертіне Амстердамнан бір жарым сағат көлік айдап бардым. Концерт залына жақындағанда шегі жоқ кезекті байқадым.
Неге сонша адам кіре алмай тұр? - деймін ішімнен. Сөйтсе, кірген әрбір адам ұялы телефонын өшіріп, арнайы магнитпен толық жауып тастайтын чехолға салу керек екен. Яғни, шоу үстінде ешкім телефон қолдана алмайды.
Бұл қалай болады екен? - деген ой кетті. Алайда, бұл керемет шешім екеніне тез-ақ көзім жетті. Залда жиналған 4000 мың адамның ешқайсысы сторис түсіріп, инстаграмын тексеріп, мазаны алмады.
Екі сағат бойы бәрінің назары тек шоуда болды. Мен көптен бері осындай сезімде болмадым. Әдетте, “қызық емес қой” деп телефон ақтарып кететін Нәрікби, бұл жолы концертті басынан аяғына дейін рахаттанып көрді.
Ал, Дейв болса әдеттегідей әлемдегі ең өзекті тақырыптарды ортаға салып, адамды бір ойландырды. Миға кәдімгідей демалыс болды.
Бұдан түйген ойым - келешекте осындай іс-шаралар ұйымдастыратын болсам, осылай телефонды өшіргізіп қояр едім. Эффектін айтып жеткізе алмаймын)
Арсен Шади: Түркия идеологиясы, Сауд Арабия мен Иран саясаты, Палестина шешімі / Narikbi LIVE 108
Бүгінгі подкаст қонағы – шығыстанушы, полиглот Арсен Шади мырза. Осыдан 5 жыл бұрын дәл осы подкастта алғаш рет жолыққан Арсен екеуміз бүгін шығыс әлемінің қыр-сырына үңілеміз.
Бұл шығарылымда біз өзекті әрі маңызды сұрақтарды қозғадық:
- Түркияның идеологиясы қандай бағытта дамып жатыр?
- Сауд Арабиясы жаңа саясаты арқылы нені көздейді?
- Иран мен Израиль арасындағы қарым-қатынастардың астарында не жатыр?
- Және ең бастысы – бұл оқиғалар біздің елге қалай әсер етеді?
Шығыс – сан қырлы, әрі күрделі аймақ. Ондағы жағдайларды түсіну арқылы әлемдік процестердің терең мәнін ұғынуға болады. Бұл тақырыпты тек кәсіби маманмен талқылау мүмкіндігі сізге жаңа білім мен терең түсінік сыйлайтынына сенімдіміз.
https://youtu.be/SdjLQXEuwMQ
Равкат мен үшін ешқашан мойымайтын әлеуметтік белсенділікке үндейтін азамат. Ол тіпті өз белсенділігі үшін 15 тәулікке де қамалған. Өзінің ана тілі өзге болса да, қазақ тілін жетік меңгеріп, экологияны насихаттап жүр. Бұл мен үшін нағыз қаһармандық деп білемін. Қалалық маслихат депутаты болуға күресі мен оқиғасы тіпті ерекше.
Әдетте мына тақырыптағы подкасттар көп қаралым жинамайды. Бұл өкінішті-ақ. Алайда, сіздердің қолдауларыңызға сенемін. Ютубтағы алғашқы сағаттар маңызды ғой.
Видеоға кіріп, коммент қалдырып кетсеңіздер риза боламын) Көп рахмет!
Қайрат Құрманбаев: қорларға ақша жинау, орамал мәселесін қалай шешеміз / Narikbi LIVE #106
Бүгінгі қонағымыз белгілі исламтанушы, PhD докторы, доцент Құрманбаев Қайрат ағаымз. 2018-2024 жылдар арасындағы Нұр-Мүбарак университетінің проректоры қызметін атқарған Қайрат ағамыз ғылым жолындағы өмірін, қоғамдық қорлардың жұмыстары, психология мен исламның қарым-қатынасы, орамал мәселесін жақын арады шеше аламыз ба және басқа да маңызды тақырыптарды қозғадық.
https://youtu.be/OqNkDeybyZA
Рахима Куандыкова: эмпатия, ата-ананы қабылдау, біздің рөлдеріміз қандай? / Narikbi LIVE #105
Бүгінгі подкаст қонағы халықаралық реестр психотерапевті - Куандыкова Рахима Жолтановна. Рахима ханым 19 жылдық психотерапия тәжібиресімен 300 астам психолог мамандарды оқытып, халықаралық нарықта сұранысы бар түлектер шығарған.
Осы шығарылымда біз транзакт анализ бағытының қыр-сырын түсінуге тырыстық.
- тұлғаның қандай рөлдері бар?
- ата-ананың маңызы қандай?
- психологиялық жараларды емдеу арқылы қалай өзгере аламыз?
және т.с.с сұрақтарға жауап іздедік.
https://youtu.be/GH7WHTVe1Jw
Салем, достар! Кішігірім паузадан кейін біз қайта оралдық.
Алдағы апталарда сіздерге барынша шығарылымдармен қуантуға тырысамыз.
Сіздерден жалғыз өтінішім: кейінгі подкастқа комментарий жазып, лайк басып кетсеңіздер. Ютубтың алғашқы сағаттары өте маңызды ғой.
Ал, қай қонақтың келгенін күтіп жүрсіздер? Комментарий жазып кетіңіз, заявка қабылдаймын)
Көшбасшылық
Күні кеше еліміз 20 миллион халық санына жетті, бұл әрине үлкен жетістік. Бірақ бұл санның көп немесе аз екені қаншалықты маңызды? Еліміздің болашағы тек санға емес, сол халықтың ішінен шығатын көшбасшыларға да байланысты емес пе?
Мысал ретінде Эстонияны алайық. Халқы бар болғаны 1,3 миллион адамнан тұрады. Соған қарамастан, бұл ел әлемдік деңгейде өзін көрсетіп келеді. Мысалы, әйгілі Skype пен қазір Uber-дің басты бәсекелесі Bolt компаниясын жасаған да эстондар. Ал елдегі жұмыссыздық деңгейі небәрі 6,3%. Бұл халық санының маңызды емес екенін дәлелдейді. Маңыздысы – қоғамдағы көшбасшылардың болуы.
Мен Қазақстанның да болашағы сіз бен біз секілді көшбасшыларға тәуелді екеніне сенемін. Осы орайда InDrive компаниясының Beginit жобасы – еліміздегі жас көшбасшыларды қолдауға арналған бағдарлама. Еліміздің әр өңірден жастар іріктеліп, өздерінің жобаларын ұсынып, арнайы лагерьлер мен білім курстарына қатысып, жобаларын жүзеге асыруға толық қолдау алады.
Бұл жоба тек біздің елде емес, көрші Қырғызстан және шалғайдағы Нигерия мен Пәкістанда жүзеге асып, өзінің өзектілігін көрсеткен.
Қазір тіркелу кезеңі аяқталуға жақын, бірақ келесі қалаларда әлі де үлгеруге мүмкіндік бар:
• Қостанай: 4 қазан 2024
• Орал: 8 қазан 2024
• Ақтөбе: 14 қазан 2024
• Ақтау: 17 қазан 2024
• Қызылорда: 21 қазан 2024
• Тараз: 25 қазан 2024
Барлық ақпарат пен тіркелу үшін сілтеме осында. Көшбасшы болуға қадам жасап, бұл мүмкіндікті жіберіп алмайық.
Бүгінгі қонағымыз программист және подкастер Нәрікби Мақсұтпен Еуропадағы өмір, IT индустрия, жасанды интеллект пен отандық мамандардың потенциалы туралы тілдестік.
Сонымен қатар Алматыдағы транспорт пен қауіпсіздік, қара әзіл және колониализмді де талқыладық.
Тамашалаңыз!
https://youtu.be/xupb_NanPMY
Рабиға Төлебай: білім алу, орамалды қыздың жағдайы, исламдағы психология / Narikbi LIVE #102
Подкаст қонағы Аль-Азхар және Каир университеттерінің магистры, Құран хафизы әрі 8 қырағат иесі, Абай шығармаларын араб әлеміне таныстарған отандасымыз - Рабиға Төлебай.
Бұл шығарылымда біз қыз балаға білім алуға жолдыры, қоғамдағы орамалды қыздардың жағдайы, әлеуметтік желіде қандай қарым-қатынас құру керек және т.б. көптеген тақырыпты қозғадық.
https://youtu.be/pyJxoWHV5Ug?si=ZVtBK4HEE8LQ8bu-
ACM ICPC Finals
Салем, бұйырса 17-19 қыркүйек аралығында Астанада боламын. Мақсат - ACM ICPC Finals (әлемдік спорттық бағдарламалау финалы) біздің елордада өтеді. Бұл не мағына береді дегенде жауап берейін.
Мен мектеп кезінен информатикадан есеп шығарып, олимпиадаларға қатысатын едім. Басында ол аудандық, қалалық басталып, кейін республикалық және халықаралық жарыстар ауысады. Мен бәріне қатысып шықтым.
Алайда, университетке түскенде бұл мүлдем басқа деңгейге өтеді. Біз әлемдік чемпионаттарға қатыса бастадық. Кәдімгі спорттағыдай ол жерде ширек-финал, жартылай-финал және финал кезеңдері бар.
Бұл командалық спорт түрі. 3 адамға 5 сағатқа 10 шақты есеп беріп, кім алға шықса, келесі кезеңге өтеді. Менің командам жартылай финалдан ары қарай өтпеді.
Ал, Қазақстан болса біраз уақыт финалға шыға алмай келді. Басты себебі, өту үшін ресейлік командалармен бәсекеге түсу қажет, олар болса осал емес.
Бірақ, соңғы жылдары жағдай өзгеріп, тіпті қазақтың баласы жақында алтын алып, чемпион атанып келді. Ал кезінде әлемнің түкпір түкпірінде өтетін біз армандаған финал осы Астанада өтеді. Жүз жылда бір болатын жағдай мен үшін.
Бұл финалға кезінде осы телеграмның негізін қалаушысы Павел Дуровтың ағасы Николай Дуров кезінде алтын алып топ жарған. Қазіргі күні ChatGPT жасайтын адамның біразы осы финалдарға қатысқан. Қысқасы, біздің мамандықтың іріктелген мықтылары жиналады.
Сіздерге Аман екеуміз @amanutemuratov бұйырса қазақ тілінде лайв трансляция жасауға тырысамыз.
Фотоларда менің мектептегі және универдегі кездерім)
Мади Фазл: Алжирге сапар, жеке өмір, білім саласы / Narikbi LIVE #100
Бүгінгі подкаст қонағы белгілі полиглот - Мади Фазл. Мадимен алғашқы подкасттан кейін не өзгерді, халықаралық отбасы құрудың ерекшеліктер, Алжир мемлекеті туралы, білім алу саласының қазіргі жағдайын айтып өттік.
Және де бізде кішігірім мерейтой! Бұл біздің 100 эпизод. Қолдап келе жатқаныңызға көп рахмет!
https://youtu.be/L0WVY7Xe6s4
Нұрлыбек мырзаның өмір жолын кім қарап үлгерді?
Ғылымға қызығып кеткен адам бар ма? Жалпы, қандай әсер алдыңыздар?
Ұялмай пікір қалдырып кетсеңіздер. Шыны керек, көбі осындай қонақтарды жиі шақыра бермейді. Ал маған керісінше, осы саланың адамдарымен сұхбаттасу ерекше ләззат береді. Сол сезімімді жеткізе алдым ба екен деген сұрақ қой..
Айтпақшы, бұйырса жақын күндері тағы бір қызық тұлғамен таныстырамын..
Нұрлыбек Мүрсәлі: Атыраудан Stanford-қа, АҚШ-тағы 15 жыл, $20 млн бизнес / Narikbi LIVE #98
Бүгінгі қонағымыз Stanford университетінің түлегі, биотехнология PhD, ғалым әрі кәсіпкер - Нұрлыбек Мүрсәлі. Осы сұхбат барысында біз Нұрлыбектің Атыраудан Америкаға жолын, ғылыми зерттеулер жолында өткен қызық оқиғаларын талқылап шықтық.
Тағы біз Нұрлыбектің АҚШ нарығында көш бастап тұрған Biodock компаниясы ($20 млн valuation) жайлы сөз қозғадық.
Ғалымдар неге кәсіпкер болуы қажет? Күрделі ауруларды қалай AI арқылы емдейміз? Қазақстанда қандай мүмкіндіктер бар? тағы сол секілді сұрақтарды жеңінен жауап іздеуге тырыстық.
https://youtu.be/yz8Lyf_Or5E
Бүгінгі жетістігім - теледидарға шықтым 😆
Ал күміс құтты болсын! Демеу жарайсың 💪