Nasafnews.uz | Rasmiy kanal

26 Jun 2025 09:34

#Tezkor

KATTA CHEGIRMALAR - Lokatsiyalar

❗️Faqat bugundan! idea'da Konditsionerlarga va Sovitkichlarga -50% gacha KATTA CHEGIRMADA

❗️- 50% 🔻 ARCTIC 12" (2AW12HE) - 398 000  199 000 so'mdan
❗️- 40% 🔻 SITRONIC 12" (A4JIRID1) - 499 000  299 400 so'mdan
❗️- 50% 🔻 INDESIT 210L (125А) - 299 000  149 500 so'mdan
❗️- 50% 🔻 LORETTO 211L (220I/DF-BL) - 349 000 174 500 so'mdan
❗️- 40% 🔻 PREMIER 261L (261TFD/W) - 329 000 197 400 so'mdan
❗️- 40% 🔻 KLEO 290L (UCR365I) - 399 000 239 400 so'mdan
❗️- 40% 🔻LORETTO 317L (330INFBL) - 619 000 371 400 so'mdan 24 oyga*

☑️ Boshlang'ich to'lov - YO'Q
☑️ Kafillar kerak emas - YO'Q
☑️ Ovoragarchilik - YO'Q

📍Manzillarimiz 👉 Lokatsiyalar

Shoshiling! Aksiya faqat 30-iyungacha muddatli to'lovga amal qiladi va tovarlar soni cheklangan!

Batafsil ma'lumot:
📞 71-230-7799 | Chat Muxlisa

👉 -50% CHEGIRMALAR | Instagram | Do'konlarimiz

Nasafnews.uz | Rasmiy kanal

25 Jun 2025 08:12

Вилоят ҳокими Европа Иттифоқининг юртимиздаги расмийларини қабул қилди

Муротжон Азимов ҳамда Савдо-саноат палатасининг вилоят ҳудудий бошқармаси раҳбари Европа Иттифоқининг юртимиздаги элчиси Тойво Клаар бошчилигидаги делегацияни қабул қилди. Бу ҳақда вилоят ҳокимлиги матбуот хизмати хабар бермоқда.

Учрашувда вилоятнинг иқтисодий барқарор ўсиш суръатлари ҳақида батафсил маълумот берган вилоят ҳокими Европа Иттифоқига аъзо бўлган давлатлар билан энг истиқболли соҳаларда, хусусан, таълим, қишлоқ хўжалиги, туризм, экология, кичик ва ўрта бизнес, яшил энергетика ҳамда саноат каби қатор йўналишларда ҳудудий лойиҳаларни амалга ошириш ва тажриба алмашиш бўйича фаол ҳамкорликка тайёр эканлигини билдирди.

Сўнгра делегация аъзоларига Мираки туризм маҳалласида амалга оширилган лойиҳалар таништирилди. Меҳмонлар томонидан эса ҳудудда яратилган шароит ва имкониятлар юқори баҳоланди.

@nasafnewsuz расмий саҳифаси

Nasafnews.uz | Rasmiy kanal

24 Jun 2025 07:53

Қашқадарёнинг 4 та ҳудудида электр энергиясидан ноқонуний фойдаланиш ҳолатлари фош этилди

Бош прокуратура ҳузуридаги Департамент Ғузор, Қарши, Қамаши туманлари ҳамда Қарши шаҳар бўлими томонидан ишлаб чиқариш бинолари ҳамда дала майдонида тижорат мақсадида электр тармоқларига ўзбошимчалик билан уланганлик ҳолатлари аниқланди.

👉 nasafnews.uz/2089-.html

@nasafnewsuz расмий саҳифаси

Nasafnews.uz | Rasmiy kanal

23 Jun 2025 19:25

Ўзбекистон Республикаси Президентининг тегишли фармонлари билан:

– Бекзот Мардонович Мавлонов Ўзбекистон Республикаси Президентининг ёрдамчиси лавозимига тайинланди ва шу муносабат билан Ўзбекистон Республикаси Президентининг ҳуқуқий экспертиза ва комплекс таҳлил қилиш масалалари бўйича маслаҳатчиси лавозимидан озод этилди;

– Азиз Юлдашевич Магрупов Ўзбекистон Республикаси Президентининг ташқи инвестициялар масалалари бўйича маслаҳатчиси лавозимига тайинланди ва шу муносабат билан Ўзбекистон Республикаси Президентининг ёрдамчиси лавозимидан озод этилди.

@nasafnewsuz расмий саҳифаси

Nasafnews.uz | Rasmiy kanal

23 Jun 2025 18:12

⚡️ Қашқадарёда катта байрам!

24-июн куни соат 18:00 да, Қашқадарёда вилояти Шаҳрисабз шаҳрининг Амир Темур хиёбонида ёшлар учун шоу гала-консерт дастури бўлиб ўтади.

Барча қашқадарёлик ёшларни фестивалда фаол иштирок этишга чорлаймиз!

Концерт дастурига кириш мутлақо БЕПУЛ!

Янги руҳиятдан илҳомланиб бирлаш!

Манзил: Амир Темур хиёбони

@nasafnewsuz расмий саҳифаси

Nasafnews.uz | Rasmiy kanal

23 Jun 2025 12:19

#Xushxabar

BUGUNDAN! idea'da Ham sovg'ali ham chegirmali aksiyalar davom etmoqda! - Manzillarimiz

🎉Texnikalar BOZOR NARXIDA aksiyasi
🎁 12" Konditsioner + 32" Smart TV sovg'aga
🎁 24" Konditsioner + 2 kamerali Sovitkich sovg'aga
🎁 Gaz plitasi + 3 ta sovg'a
🎁 Kir yuvish mashina + 43 Smart TV sovg'aga
🎁 Sovitkichlar + 12" Konditsioner sovg'aga
🎁 Sovitkichlar + Changyutkich sovg'aga

Smartfonlar:
-40%🔻Oppo A57s (4/64) 148 000 88 800 so'mdan oyiga
-40%🔻Oppo A18 (4/128) 189 000 113 400 so'mdan oyiga
-40%🔻Oppo A3x (4/64) 199 000 119 400 so'mdan oyiga
-40%🔻Oppo A3x (4/128) 229 000 137 400 so'mdan oyiga
-30%🔻Oppo A38 (4/128) 179 000 125 300 so'mdan oyiga
-30%🔻Oppo A3 (6/128) 279 000 195 300 so'mdan 24 oyga*

☑️ Boshlang'ich to'lov - YO'Q
☑️ Kafillar kerak emas - YO'Q
☑️ Ortiqcha ovoragarchilik - YO'Q

📍Do'kon Manzillari - Lokatsiyalar

Batafsil ma'lumot:
📞 71-230-7799 | Chat Zarina

*Barcha narxlar muddatli to'lovga ko'rsatilgan va aksiyaga qarab muddati farqlanishi mumkin!

👉RASMIY KANAL | Instagram | Do'konlarimiz

Nasafnews.uz | Rasmiy kanal

21 Jun 2025 12:06

Президентнинг Қашқадарё вилоятига ташрифи (видео)

@nasafnewsuz расмий саҳифаси

Nasafnews.uz | Rasmiy kanal

20 Jun 2025 16:10

Президентнинг Қашқадарёга ташрифи якунланди

Президент Шавкат Мирзиёев Қашқадарё вилояти Кўкдала тумани маъмурий марказидаги улкан бунёдкорлик ишлари билан танишди.

Шу билан давлатимиз раҳбари Қашқадарёга ташрифини якунлаб, Тошкентга қайтиб келди.

@nasafnewsuz расмий саҳифаси

Nasafnews.uz | Rasmiy kanal

20 Jun 2025 12:22

“Сўнгги йилларда коррупцияга қарши курашиш бўйича қилаётган ислоҳотларимиз ўз самарасини бераяпти”,

Nasafnews.uz | Rasmiy kanal

20 Jun 2025 11:57

Йиғилишда йўл ва инфратузилма масалаларига алоҳида эътибор қаратилди

“Ғузор – Бухоро – Нукус – Бейнеу” йўлининг вилоятдан ўтган 100 километрини реконструкция қилиш ҳисобига ҳудуднинг транзит салоҳиятини 3 карра ошириш мумкин. Бу лойиҳага Қарши шаҳридаги янги айланма йўлнинг қолган 13 километри ҳам қўшилса, аҳоли эътирозига сабаб бўлаётган тирбандлик масаласи ҳал бўлади. Мутасаддиларга бу борада келгуси йилдан амалий ишларни бошлаш топширилди.

Шунингдек, “Қарши – Шаҳрисабз – Китоб” магистрал йўлининг 106 километрида реконструкцияни бошлаб, 4 тасмагача кенгайтириш, Қамаши ва Яккабоғ марказидан айланиб ўтадиган 34 километрли янги йўл қурилишини ҳам бошлаш вазифаси қўйилди.

Ушбу 106 километр йўлнинг икки томонига камида 1 миллионта дарахт экиб, “яшил белбоғ” барпо этиш зарурлиги қайд этилди.

“Тошкент-Термиз” йўлининг Қашқадарё ҳудудидан ўтган 60 километри ҳам 4 тасмали қилиниб, цемент-бетон қопламага ўтказилади. Жорий йилда бу йўлнинг 20 километрини қуриб битказиш топширилди.

Қашқадарёда 3 минг километр тупроқ қопламали йўл бор. Мутасаддилар олдига бу йўлларни тўлиқ шағал қопламага ўтказишни бошлаш вазифаси қўйилди. Вилоятдаги 9 та кўприкни тўлиқ таъмирлашга топшириқ берилди.

@nasafnewsuz расмий саҳифаси

Nasafnews.uz | Rasmiy kanal

20 Jun 2025 11:48

Муборакдаги Газни қайта ишлаш заводи атрофидаги тайёр инфратузилмаси бор, темир йўл ўтган 200 гектар майдонда инновацион саноат зонаси ташкил этилади.

Ушу саноат зонасида кластер тизими асосида нефть-кимё, электротехника, робототехника ва қурилиш материаллари бўйича 5 та йирик лойиҳани бошлаш вазифаси қўйилди.

Вилоят пахта етиштириш бўйича етакчи бўлсада, тўқимачилик саноатидаги улуши 10 фоизга ҳам етмайди. Ҳозирда 100 минг тонна ип-калаванинг атиги 28 фоизи қайта ишланади.

Шу мақсадда Косондаги 40 гектарда ташкил этилган янги технопаркда 200 миллион долларлик 12 та лойиҳа қилиш режалаштирилган. Лекин сув тозалаш иншооти ва канализация йўқлиги учун ишлар тўхтаб қолган. Мутасаддиларга технопарк инфратузилмаси учун маблағ ажратиш топширилди.

Умуман, 400 миллион долларлик 35 та лойиҳани бошлаб, бу йил ип-калавани қайта ишлашни 51 фоизга, келгуси йили 100 фоизга етказиш вазифаси қўйилди.

@nasafnewsuz расмий саҳифаси

Nasafnews.uz | Rasmiy kanal

20 Jun 2025 11:02

Бу йил Қашқадарёда 470 минг одамни банд қилиш, 150 минг аҳолини камбағалликдан чиқариш, Китоб тумани, Қарши ва Шаҳрисабз шаҳарларини “ишсизлик ва камбағалликдан ҳоли ҳудуд”га айлантириш мўлжалланган.

Президентимиз бандликда ишга солинмаган имкониятларни кўрсатиб берди.

Масалан, Шаҳрисабз тумани Ҳисорак-Ғелон йўли бўйидаги 16 гектар, Қамашида 65 гектар, Ғузорда 42 гектар ерларни туризм масканига айлантириш мумкинлиги таъкидланди. Шу каби, Қашқадарёнинг Чироқчидан ўтган 103 гектар қирғоғида сайёҳлар учун дам олиш масканларини ташкил қилиш мумкин.

Кўкдаладаги Чиял деҳқон бозори ҳудудида 50 га яқин тадбиркорлар Чиял яхнасини тайёрлаб, сотади. Бу 100 йиллик анъанага айланган. Ҳозир бозор фақат якшанба куни ишлаяпти. Агар шароитни яхшилаб, меҳмонхона ва автотураргоҳ қурилса, кўп йиллик тарихга эга бу жой кунлик режимга ўтиб, ойига 100 минг одамга хизмат қила олади.

Шаҳрисабз шаҳри маҳаллаларида 100 дан ортиқ аҳоли уй шароитида темирчилик билан шуғулланади. Уларга қулай бўлиши учун Шаҳрисабз шаҳри Қорасув маҳалласидаги 4,5 гектар бўш ерда темирчилик микро-марказини ташкил қилиш топширилди. Бундай микро-марказлар Қарши шаҳри, Деҳқонобод, Касби, Китоб, Косон ва Чироқчида ҳам ташкил қилинади.

Хорижда меҳнат қилаётган қашқадарёликлар юқори даромадли ишлар билан банд бўлиши учун Қарши давлат университетида камида 100 нафар ўқитувчини немис, япон, корейс тили бўйича малакасини ошириш, камида 10 минг одамни хорижий тилга ўқитиш, хорижда кам даромад топаётган фуқароларимизни ўзимизда ишли қилиш муҳимлиги қайд этилди.

@nasafnewsuz расмий саҳифаси

Nasafnews.uz | Rasmiy kanal

20 Jun 2025 10:05

Қашқадарёда чорвачиликни комплекс ривожлантириш дастури бошланади.

Чорвачилик учун Қишлоқ хўжалиги жамғармасидан 12 ойгача 14 фоизли кредитлар ажратилади. Бу орқали вилоятдаги 127 та чорвадор тўлиқ қувватга чиқади.

Ери ҳам, фермаси ҳам мавжуд бўлган 630 та чорвадорга мол сонини 12 минг бошга кўпайтириши учун арзон ресурслар ажратилади.

Мутасаддиларга халқаро молия институтларидан жалб қилинган 150 миллион доллар ҳисобидан ушбу лойиҳаларни молиялаштиришни бошлаш топширилди.

@nasafnewsuz расмий саҳифаси

Nasafnews.uz | Rasmiy kanal

20 Jun 2025 09:51

Давлатимиз раҳбари кеча турли объектларга ташрифдан олган таассуротлари билан бўлишди.

Масалан, уч йил олдин Чироқчидан ажралиб чиққан Кўкдала тумани. Ўтган даврда бу ерда 120 километр сув, 210 километр электр тармоғи қурилди, 605 километр тупроқ йўллар таъмирланди, 19 та мактаб, 22 та боғча, 5 та оилавий поликлиника ишга тушди. Ишлаб чиқариш корхоналари 3 карра ошиб, 220 тага етди.

Қисқа даврда Миракининг ўзида 180 миллион долларлик 200 дан ортиқ лойиҳа ишга тушди, 2 минг иш ўрни яратилди. Яна 150 миллион долларлик лойиҳаларда ишлар кетаяпти.

Яккабоғ туман марказида 1 минг 400 хонадонли 54 та кўп қаватли уйлар, “Эко бозор”, замонавий савдо ва кўнгилочар маркази барпо бўлди.

“Тўғриси бу менга жуда маъқул бўлди. Мана туман маркази қандай бўлиши керак! Бундай лойиҳаларни ҳар бир туман, ҳар бир маҳаллада қилсак, ўша ҳудудга маданият киради, ислоҳотларимиз жойларгача етиб борганининг яққол натижаси бўлади”,
- деди давлатимиз раҳбари.

Шаҳрисабз шаҳрида 10 миллион долларлик кўп тармоқли замонавий клиника ишга туширилди. Ҳар бир ҳудудда камида 1 тадан мана шундай хусусий клиника очилишига кўмаклашиш зарурлиги кўрсатиб ўтилди. Бунинг учун давлат 140 миллион доллар ресурс ажратишга тайёр.

“Қисқа қилиб айтганда, Шаҳрисабз, Яккабоғ ва Кўкдалада ишга тушган янги лойиҳалар “Ислоҳотлар штаби”га тайёр андоза. Республикадаги барча туман ҳокимлари Шаҳрисабз, Яккабоғ ва Кўкдалани келиб кўрсин, ўргансин, ўзида ҳам мана шундай янги-янги лойиҳаларни қилсин”,
- деди Президент.

@nasafnewsuz расмий саҳифаси

Nasafnews.uz | Rasmiy kanal

20 Jun 2025 06:49

⚡️“Қашқадарёда йўлларнинг сифатини ўзгартирамиз. Йўл бўлмаса иқтисодиёт бўлмайди” — Президент

Кеча Президент Шавкат Мирзиёев поездда Шаҳрисабзга кетиш чоғида вилоятимиздаги йўллар атрофини ободонлаштириш ва йўлларнинг сифатини яхшилаш бўйича масъулларга топшириқ берди.

@nasafnewsuz расмий саҳифаси

Nasafnews.uz | Rasmiy kanal

26 Jun 2025 08:23

Абитуриентлар сони сўнгги 7 йилдаги энг кам даражага тушди

Жорий йилда 732 минг 411 нафар абитуриент рўйхатдан ўтди. Бугун 23:59 гача тўловларни амалга оширмаганлар ҳисобига тестга кирувчилар сони янада камайиши мумкин.

Абитуриентларнинг гендер таркиби қуйидагича:

эркаклар — 346 минг 299 нафар;
аёллар — 386 минг 112 нафар.

Сўнгги 7 йилдаги абитуриентлар сонига назар ташласак, 2025 йилда рўйхатдан ўтганлар сони энг паст кўрсаткични ташкил этмоқда:

▪️2019 йил — 1 млн 66 минг 925 нафар
▪️2020 йил — 1 млн 484 минг 85 нафар
▪️2021 йил — 948 минг 211 нафар
▪️2022 йил — 1 млн 214 минг 232 нафар
▪️2023 йил — 1 млн 18 минг 7 нафар
▪️2024 йил — 894 минг 279 нафар
▪️2025 йил — 732 минг 411 нафар

@nasafnewsuz расмий саҳифаси

Nasafnews.uz | Rasmiy kanal

25 Jun 2025 06:25

Қўшни давлатлардан контрабанда йўли билан олиб келинган наркотик моддалар тўхтатиб қолинди

Давлат хавфсизлик хизматининг Қашқадарё вилояти бўйича бошқармаси ва ички ишлар органлари ҳамкорлигида ўтказилган тезкор тадбирда Сурхондарё вилоятининг Узун туманида яшовчи, 1995 й.т. шахс Тожикистон Республикасидан контрабанда йўли билан олиб келинган 896 гр “гашиш” моддасини келгусида сотиш мақсадида Денов тумани ҳудудидаги хуфия жойга яшириш учун олиб бораётган вақтида қўлга олинди.

Шунингдек, тезкор тадбир давом эттирилиб, унинг яшаш хонадонидан ҳам 2 кг 260 гр “опий” моддаси тегишли тартибда расмийлаштириб олинди.

@nasafnewsuz расмий саҳифаси

Nasafnews.uz | Rasmiy kanal

23 Jun 2025 19:47

Ўзбекистон Республикаси Президентининг фармони билан:

– Саидлазиз Саидасилович Саидкаримов бошқа ишга ўтиши муносабати билан Ўзбекистон Республикаси Президенти Администрацияси Назорат инспекцияси бошлиғи лавозимидан;

– Уткиржон Ғайратович Кодиров бошқа ишга ўтиши муносабати билан Ўзбекистон Республикаси Президенти Администрацияси Ҳудудлар билан ҳамкорлик қилиш ва таҳлилий материалларни тайёрлаш департаментининг раҳбари лавозимидан;

– Жахонгир Жовахирлаевич Ибрагимов бошқа ишга ўтиши муносабати билан Ўзбекистон Республикаси Президенти Администрацияси Режалаштириш ва ахборот таъминоти департаменти раҳбари ўринбосари лавозимидан озод этилди.

@nasafnewsuz расмий саҳифаси

Nasafnews.uz | Rasmiy kanal

23 Jun 2025 18:14

⚡️Саида Мирзиёева янги лавозимга тайинланди

Ўзбекистон Республикаси Президентининг фармони билан Президент Администрацияси тузилмасига ўзгартиришлар киритилди. Президент Администрацияси раҳбари лавозими ташкил қилинди.

Ўзбекистон Республикаси Президентининг фармони билан Саида Шавкатовна Мирзиёева Ўзбекистон Республикаси Президенти Администрацияси раҳбари лавозимига тайинланди.

@nasafnewsuz расмий саҳифаси

Nasafnews.uz | Rasmiy kanal

23 Jun 2025 12:24

❗️ Курьерлик фаолиятини амалга ошириш тартиби белгиланди

“Электрон тижоратда курьерлик хизмати фаолиятини амалга ошириш тартиби тўғрисида”ги низом Адлия вазирлигида давлат рўйхатидан ўтказилди (рўйхат рақами: 3631-сон, 18.06.2025 й.).

Низом электрон тижоратда курьерлик хизмати фаолиятини амалга ошириш тартибини белгилайди.

Низомга кўра, курьер тадбиркор ҳамда етказиб бериш хизмати операторлари билан меҳнат шартномаси ва (ёки) фуқаролик-ҳуқуқий шартномалар асосида товарларни етказиб берувчи жисмоний шахс, шу жумладан ўзини ўзи банд қилган шахс ҳисобланади.

Етказиб бериш хизмати операторлари ва курьерлар, шартномада назарда тутилган бўлса, харидорлардан товар ва (ёки) етказиб бериш хизматлари учун тўловларни қабул қилишга ҳақли.

Бунда, назорат-касса техникасини мажбурий қўллаш ёки электрон ёхуд қоғоз шаклида чек (квитанция) тақдим этилиши лозим.

Озиқ-овқат маҳсулотларини етказиб беришда транспорт воситалари ва термоконтейнерларни тоза ҳамда соз ҳолатда бўлиши, мунтазам ювилиши ва дезинфекция қилинишига амал қилиш лозим.

Курьерга қуйидагиларни амалга оширишга йўл қўйилмайди, жумладан:

🔹 товарнинг қадоғини ўзбошимчалик билан очиш;

🔹 харидорларнинг шахсий маълумотлари ва етказиб берилаётган товар ҳақидаги маълумотларни учинчи шахсларга ошкор қилиш.

@nasafnewsuz расмий саҳифаси

Nasafnews.uz | Rasmiy kanal

23 Jun 2025 08:38

Қашқадарёга 50 дан ортиқ туман/шаҳар ҳокимлари ташриф бюрди

Давлатимиз раҳбарининг топшириғига асосан, бугун Бухоро, Навоий, Сурхондарё, Жиззах ва Сирдарё вилоятларида фаолият юритаётган туман ва шаҳар ҳокимлари Қашқадарё вилоятига ташриф буюриб, ҳудудларга йўлга қўйилган лойиҳаларни ўрганмоқда.

👉 nasafnews.uz/2088-.html

@nasafnewsuz расмий саҳифаси

Nasafnews.uz | Rasmiy kanal

21 Jun 2025 09:43

“Eco Expo”да икки давлатнинг экологик сиёсати муҳокама қилинди

“Eco Expo Central Asia 2025” кўргазмаси доирасида Қозоғистон Экология ва табиий ресурслар вазири Йерлан Нисанбаев ва Ўзбекистон Экология вазири Азиз Абдуҳакимов иштирокида икки давлатнинг экологик ҳамкорлиги муҳокама қилинди.

Вазирлар ўртасидаги мулоқот давомида мутахассислар тайёрлаш, барқарор сиёсатни амалга ошириш ва инновацион ечимларни жорий этиш бўйича режаларга эътибор қаратилди. Ҳар икки томон икки томонлама ҳамкорликни давом эттириш ниятида эканлигини билдирди.

@nasafnewsuz расмий саҳифаси

Nasafnews.uz | Rasmiy kanal

20 Jun 2025 13:39

Президент Шавкат Мирзиёев Қашқадарё вилоятини ҳар томонлама ривожлантириш вазифаларини белгилаб берди.

@nasafnewsuz расмий саҳифаси

Nasafnews.uz | Rasmiy kanal

20 Jun 2025 12:20

Ўтган беш ойда Қашқадарёдаги 551 та маҳаллада бирорта ҳам жиноят содир этилмади.

Шу билан бирга, содир этилаётган ҳар учта жиноятдан биттаси вилоят марказидан узоқда жойлашган, туристлар кўп ташриф буюрадиган Шаҳрисабз, Китоб, Чироқчи, Яккабоғ туманлари ва Шаҳрисабз шаҳрига тўғри келаётгани қайд этилди.

Масъулларга маҳаллаларда криминоген вазиятни яхшилашга қаратилган “ички ишлар органлари минтақавий бошқарув тизимини” жорий этиш топширилди.

Бунда вилоят ички ишлар бошқармасининг хавфсиз туризм бўйича тизими Шаҳрисабз шаҳрида жойлашади ва ушбу 5 та туманда жиноятчиликни жиловлашга масъул бўлади.

Ҳозирда Қашқадарёда 5,5 минг ишсиз ёшлар бор. Яна 36,5 минг битирувчи меҳнат бозорига кириб келаяпти.

Ёшларни “Ёшлар бизнеси” дастури, 13 минг нафар олийгоҳ битирувчисини “Келажакка қадам” дастурига қамраб олиб, уларнинг тадбиркорлиги ва бандлигига кўмаклашиш топширилди. Яна 5 минг ёшлар қишлоқ хўжалигида даромадли бўлади.

@nasafnewsuz расмий саҳифаси

Nasafnews.uz | Rasmiy kanal

20 Jun 2025 11:54

#TEZKOR

⚡️Qashqadaryoliklar! Faqat 1 kun! 20-IYUN idea’da -70% gacha "MEGA CHEGIRMALAR"

❗️— 70% Artel 276 Sovitkich 329 000 98 700 so'mdan
❗️— 70% Artel 32 Smart TV (H3200) 169 000 50 700 so'mdan
❗️— 70% SHIVAKI Gaz plitasi (6400-G) 299 000 89 700 so'mdan
❗️— 70% MIDEA (MC08MEBU) 132 000 39 600 so'mdan
❗️— 70% PANASONIC (MJCB600STQ) 229 000 68 700 so'mdan
❗️— 70% BOSCH (MFW67440) 309 000 92 700 so'mdan
❗️— 70% ARTEL (HB-801W) 109 000 32 700 so'mdan
❗️— 40% iPhone 13 Oq (128GB) 699 000 419 400 so'mdan 24 oyga*

👉-70% gacha CHEGIRMALI TEXNIKALAR

☑️ Boshlang'ich to'lov - YO'Q
☑️ Kafillar kerak emas - YO'Q
☑️ Qog'ozbozliklar - YO'Q

* Barcha do'konlar 24:00 gacha ishlaydi va narxlar muddatli to'lovga 24 oyga ko'rsatilgan! Shoshiling, mahsulotlar soni cheklangan!

📞 71-230-7799 | Chat Nigina

📍Qarshi Lokatsiya Manzil: Qarshi sh., Islom Karimov k. (бывший Арбат)
📍Qarshi Mall Lokatsiya Manzil: Qarshi sh., Alisher Novoi k., uy 27 (KSM «Qarshi Mall»)
📍Chiroqchi Lokatsiya Manzil: Chirakchi sh., Mustaqillik k. (Xalq Bank qarshisida)
📍Koson Lokatsiya Manzil: Koson sh., Mustaqillik k. (2-maktab qarshisida)
📍Kitob Lokatsiya Manzil: Kitob sh., Katta yol k. (Markaziy bozor)
📍Yakkabog Lokatsiya Manzil: Yakkabog sh., Jambul, Saxovat k. (KSM Al-Kamol)
📍Shahrisabz Lokatsiya Manzil: Shahrisabz sh., Ipakiyuli k., 1 (Makro supermarket)
📍Guzor Lokatsiya Manzil: Guzor sh., YONKISHLAK MFY, Gulshan k. (Eski dehqon bozori Guzor)

-70% CHEGIRMALAR | Instagram | 📍 Do'konlarimiz

Nasafnews.uz | Rasmiy kanal

20 Jun 2025 11:10

❗️Китобдаги 100 гектар майдонда 20 тонна олтин захираси аниқланган

Жорий йилда Қашқадарёга 3,5 миллиард доллар инвестиция жалб қилиш режалаштирилган.

Ўтган беш ойда Косон, Китоб ва Чироқчида инвестиция қарийб 3 карра ошгани таъкидланди.

Шу билан бирга, вилоятдаги 12 та конга саноат кириб бормаган. Ҳозирда қурилиш материаллари соҳасида 150 миллион долларлик 16 та лойиҳа тайёрланган. Мутасаддиларга тегишли конларни аукционга чиқариш топширилди.

Китобдаги 100 гектар майдонда 20 тонна олтин захираси аниқланган. Табиатга зарар етказмасдан ёпиқ усулда олтинни қазиб олишга 100-150 миллион доллар пул тикаман, деган талабгорлар кўп. Ушбу конни ҳам аукционга чиқариш зарурлиги қайд этилди.

Китобдаги яна 5 та истиқболли майдонда 39 тонна олтин, Чироқчида 10 минг тонна ноёб металлар ресурси аниқланган. Бу майдонларда геология ишларини бошлаш топширилди.

@nasafnewsuz расмий саҳифаси

Nasafnews.uz | Rasmiy kanal

20 Jun 2025 10:15

Йил бошидан вилоятда мева-сабзавот экспорти 2 карра ошиб, 62 миллион долларга етди.

Кўкдаладаги 6 минг гектар лалми ерда тарвуз, вилоятнинг 13 та туманидаги 6 минг гектар экин ерларида помидор етиштиришни йўлга қўйиш орқали тарвузнинг йиллик экспортини 30 миллион долларга, помидорни эса 5 миллион долларга етказиш мумкинлиги кўрсатиб ўтилди.

Помидор, бодринг ва бошқа сабзавот уруғларининг импорти катталиги, маҳаллий шароитга мос, унумдор ва касалликка чидамли навлар йўқлиги қайд этилди. Шу муносабат билан Жанубий деҳқончилик илмий-тадқиқот институти Мексикадаги халқаро ғалла ва маккажўхори маркази (CYMMIT) билан ҳамкорлик ўрнатиб, 500 турдаги янги нав олиб келгани маъқулланди.

CYMMIT вакиллари Қашқадарёда ғалла ва озуқа экинлари бўйича марказ очмоқчи. Энг муҳими, мексикалик ҳамкорлар ўзининг тезкор нав яратиш технологиясини олиб келаяпти. Ушбу марказ фаолиятини ривожлантиришга 3 миллион доллар йўналтириш топширилди.

Бундан ташқари, картошкачиликни ривожлантириш мақсадида Қишлоқ хўжалиги жамғармасидан картошка етиштириш харажатининг ярми учун 10 фоиздан 12 ой муддатга имтиёзли кредит ажратилади. Картошкачилик техникалари импорт божидан озод этилади, юқори авлодли уруғ харид қилишда ҚҚСнинг 50 фоизи қайтариб берилади.

@nasafnewsuz расмий саҳифаси

Nasafnews.uz | Rasmiy kanal

20 Jun 2025 09:57

Йиғилишда вилоятнинг ишга солинмаган энг катта захираси, бу – унинг суғориладиган, яйлов ва ўрмон ерлари экани таъкидланди

Мисол учун, Қашқадарёдаги суғориладиган қишлоқ ерлари 515 минг гектарни, томорқа ва боғдорчилик ерлари 45 минг гектарни ташкил қилиб, республикада биринчи ўринда. Ёки, вилоятда 1,3 миллион гектар яйлов ва ўрмон ерлари мавжуд. Бунча ер билан бутун республиканинг гўштга эҳтиёжини бемалол қопласа бўлади.

Ўтган йили вилоят қишлоқ хўжалигида 43 триллион сўмлик маҳсулот яратилди.

"Агар илм билан ресурс ва салоҳият тўлиқ ишга солинса, кўчати, уруғи, экин экишга янги агротехнологиялар жорий қилинса, сув ва энергия тежамкор технологиялар кенг қўлланилса, бу рақамни беш йилда бемалол 100 триллион сўмга олиб чиқиш мумкин",
- деди Президент.

Вилоятдаги 1,3 миллион гектар яйлов ва ўрмонлардан самарали фойдаланиш, уларга инвестициялар жалб қилиб, ерларни айланмага киритиш ва лойиҳа қилиш учун алоҳида компания ташкил қилиниб, унга акциядорлик жамияти мақоми берилади.

Унга дастлабки босқичда 100 миллион доллар берилади. Компаниянинг ўзи ҳам 500 миллион доллар инвестиция олиб келади. Бу маблағлар ҳисобига компания икки йилда вилоятдаги камида 200 минг гектар яйлов ва ўрмон ерларига сув чиқариб, лазерли текислаб, сув тежовчи технологиялар жорий қилади.

Миракида 520 гектар қир-адирда янги терраса усулида ташкил қилинган, 4-5 ойда мева берадиган узум, гилос ва олма боғлари компанияга методик база бўлади.

@nasafnewsuz расмий саҳифаси

Nasafnews.uz | Rasmiy kanal

20 Jun 2025 09:50

Президент Шавкат Мирзиёев раислигида Қашқадарё вилоятини комплекс ривожлантиришнинг устувор вазифаларига бағишланган йиғилиш бошланди.

"Вилоятдаги ўзгаришларни кўриб, одамлар билан гаплашиб, ислоҳотларимиз уларнинг ҳаётига шиддат билан кириб бораётганига яна бир бор амин бўлдим. Олдинлари битта вилоятдаги ўзгаришлар билан танишишга бир кун етарди. Шу кунларга етиб келдик, ҳозир битта туманга бир ҳафта ҳам кам",
- деди давлатимиз раҳбари.

Саккиз йил аввал вилоят саноатининг ярмидан кўпи нефть-газ ва кимё тармоғи корхоналарига тўғри келгани, ўтган даврда электротехника, қурилиш материаллари, тўқимачилик, мебелчилик соҳаларида катта сакраш бўлиб, ҳозирда бу тармоқларнинг саноатдаги улуши 54 фоизни ташкил этаётгани таъкидланди.

Лекин қилинган ишлар билан чекланмасдан, янада юқори суръат билан ишлаш лозимлиги кўрсатиб ўтилди.

Президентимиз жорий ҳафта бошида ҳокимларга юқоридан топшириқ кутмасдан, ўзи ташаббус қилиб, проактив ишлашга ўтиш бўйича аниқ вазифаларни белгилаб берганини эслатди. Қашқадарёда ҳали ишга солинмаган камида 15 миллиард долларлик салоҳият бор. Бу имкониятларнинг камида учдан бири лойиҳага айлантирилса, вилоятнинг ялпи ҳудудий маҳсулотини келгуси беш йилда бемалол 10 миллиард доллардан ошириш мумкинлиги таъкидланди.

Шу муносабат билан Қашқадарёда вилоят "Ислоҳотлар штаби" тузилиши белгиланди.

@nasafnewsuz расмий саҳифаси

Nasafnews.uz | Rasmiy kanal

20 Jun 2025 06:18

2025/2026-ўқув йили учун 1-синфга онлайн қабул бошланди

Бугун, 20 июнь куни соат 09:00 дан бошлаб 2025/2026-ўқув йили учун умумий ўрта таълим мактабларининг 1-синфига онлайн қабул бошланди.

Электрон аризаларни қуйидаги платформалар орқали юбориш мумкин:

▪️ my.maktab.uz — Мактабгача ва мактаб таълими вазирлигининг электрон платформаси;

▪️ my.gov.uz — Ягона интерактив давлат хизматлари портали.

@nasafnewsuz расмий саҳифаси