-
قناة تهتم بالحان الملا علي السكيني اهلا وسهلا بكم
أبوذيات (الهلال )00 لسان حال السيده زينب عليها السلام
وهل بيه
المصاب انجمع بمحـرم وهل بيه
تروح اخوان من عندي وهل بيه
وانوح اشكثر ملجومــه وهل بيه
دموع اعله المشو بالغاضريــــــه
*
لسان حال العليله عليها السلام
وراحات
عمامك ياكَلب شـــــــالت وراحات
وكَمت افرك بألم روحي وراحات
بعدهم مافرح مرلـــــــي وراحات
فوك المرض والعله الخفــــــــــــيه
*
لسان حال السيده حميده عليها السلام
حميده
يالحنــــــــــين يبو اطباع ال حميده
بعدك تنتحب ظلـــــــــــــت حميده
تعرف بالنفـــــــــــل يوم ال حميده
هز الكَاع بجــــــــــــيوش ال اميه
*
للأنصار
وحر بيه
ابجيش حسين جم عابس وحر بيه
أبي ومغوار وامشـــــكر وحر بيه
بكَلبهم جمرة الغـــــــيره وحر بيه
يكر ويفرهـــــــــــد ارواح آل اميه
لسان حال ام القاسم عليه السلام عند قبر ولدها
تراباك
اقبل باللحد واشــــــتم تراباك
وعطر الحسن يوليدي تره بيك
تأيس عيني ماتنطــــر ترابيك
يجاسم بعد ماترجع علــــــــــيه
لسان حال الامام الحسين مخاطبا أم علي الأكبر عليه السلام
مات املنه
يليله انوح منـــــــه مات املنه
وآنه اوياج ننصب ماتم ألــنه
على الروحه حنينه و ماتمــــلنه
يحيف الأكبر اتنوله المنــــــــيه
للعباس عليه السلام
بالعراك
العضيد وطب حرب ثاره بالعراك
وخسف بيده النهر راكن بلع راك
بضربته الراس مالـــــحك بلع ريك
مثل طبرة علي حامي الحمــــــــــيه
لسان حال السيده زينب عليها السلام يوم العاشر
وجدماي
لهب حرك الخيم جفي وجدماي
وادور وين اجد جربه واجد ماي
اشوف حسين عد عيني وجدامي
يلوج امن العطش فوك الوطــــــيه
**
الشاعر ابو علي الركابي
https://t.me/joinchat/AAAAAETad_xqtaJx-17XqQ
هــو أميــري حيـــدر
كل مصيــري حيـــدر
1
حيدرنا مـعروف بالشدة موصوف
مايعرف الخوف لـو كثرة سيوف
مشهودة الأفعال عـن دربـه مازال
بالحــومـة خيال قَتـّـــــــال الأبطال
بالشدايــــد حيـــدر
هـو قائــــد حيـــدر
2
نبايــع لابــو أتراب حـد يــوم الحساب
غَيـرة فــلا نــريــد فَـــــرّاق الأحزاب
يامحلـــى هالعيـــد بأجمــل مـــواعيد
وي النبــي اليـوم أيـــد بوســـط أيـد
من البداية حيـدر
للنهـــــاية حيــدر
3
الهــــــادي وافـــاه والبـــــاري عــلاه
كـل مؤمــن اليـوم حيــــدرنــا مــولاه
الما بايــع الجـــود مـن الجنة مطرود
والبايــــع الحيــــد وفـــــه بــــالعهود
حبـه أمانة حيدر
خير أجانه حيدر
4
كــل هــاي السنين والينـه أبـو حسين
كــل احنــه أنصـار وبـــدربــه ماضين
رغــم اليكــرهون رغـــــم اليعـــادون
حمـــاي الــدخيـل ساكـــن بالعيـــــون
يبقــــه أول حيـــدر
حبــه أجمل حيـــدر
5
لــو ماأبـو الأيتام جا ضاع الأسلام
مايبقــه كــل دين ولانـــرفـع الهام
جا مات الإحسان فـي كـل الأزمان
لو ماأسم أبو حسين يعــلــــي بالأذان
منقـد ألنه حيدر
بيـده جنة حيدر
6
بــلايــه أنتخابات بـــلايــه شعارات
لأجل الولي اليوم ننطيها الأصوات
ذوله أحنه أنصار مـــانرضــه بالعار
مــو رابـع نكـول أول علــــــي صار
عنده راية حيدر
بالـــولاية حيدر
شطره
امجد صاحب الشطري
أبيات ابوذيه للسيده زينب ( عليها السلام ) ....
لا چـــف گــالـــو العنــدك ولا عيــن
وگمـــت ما انهض أبروحي ولاعين
بنــات حســين ظــل يبچن ولاعــــن
يــــــوم الطحت عالشاطـــي رميـــه
*
السبعــه أهمــــوم گلبــي مــــا يكفن
المصايـــب ليــش منـــي مـــا يكفن
شعجـــب جِبْرِيل بالطف مايــه كفن
اخــوي حسين بــأرض الغاضريه
*
الگلــب مــالوم بس النـوح نفسـه
على المگطوع فوگ الترب نفسه
وهـــو طــه النبي معـــرف نفسه
تدوسه الخيل بويه أعلى الوطيه
*
الشاعر موسى البديري
اداره ريحانة المصطفى 👇
ان كنت تبحث عن جمال الالحان وروعتهة واحدث القصائد ودقتهة ما عليك سوه الدخول والاشتراكك بقناة اه يادمعة رقيه👇
/channel/deaa1989
مالك الكروب ضياء البحراني نتشرف ابحضرتكم /channel/nbbccjcv
وخيمات
ليالي الطف علي بالطـــف وخيمات
وإلي بالطف عبي إحتركن وخيمات
وإلي كافــل غـده إمكطـع وخي مات
( وإلي ابنيات لزمن حيل اديه)
#هادي_الموسوي_
***
لوعبيچن
طريــق الشام خله لوعه بيچن
اوسوط الشمر ياما لوع بيچن
التراب فراش عدچن لوعبيچ
( بيش اتغطت الطفله رقيه)
#هادي_الموسوي
https://t.me/joinchat/AAAAAETad_xqtaJx-17XqQ
يازينب
شـيـبـي يـالليالـي السـود من چان
عَلـي گـام أيتمرجل چـان من چان
مـا واحـد وصـل لـلـخـيـم من چان
گـمـر وبّـيـرغـه أيـرفـرف عـليـه
* * *
عگب عين الـبـرز بالطف ورّج آل
أمـيّـه ولا ثـبـت راكـب ورّجـال
الشمر صاير عَلي فارس ورجال
شـتـمـني وخـله أثـر لـلـسـوط بـيـه
* * *
تـنـيـت ومـا رجـع واحد لمتناي
لـحـد ما بالـدمـع عيني لمتناي
شفت سوط الشمر ورم لمتناي
والاصـعـب خوّف اسكينه ورقيه
* * *
دلـيـلي بـغـيـبة الـخـوان وَجـار
وتـحـملت الـربط بحبـال والجّار
انه الماصد خيالي ضيف والجار
الـزمـن خلـه الـعـده ايصدون اليه
* * *
✍ خادم الحسين ع
الشاعر رعد الچريخي
https://t.me/joinchat/K2AMZMDE0pZjMGIy
كون اگضي أيامي. بخدمتك يالضامي
روحي أنته وكل حياتي اومهجتي يحسيني
اوخادمك واتمنه خـادم. تگضي كل اسنيني
يلي معليني ابخدمته. اوخــيره تارس عيني
والله يكفيني ابحياتي. انت مـــــــاناسيني
غايتي واحلامي. . بخدمتك يالضامي
امن المهد أمي اوغلاتك بسمك اتلوليلي
اوجانت توصيني أكبر واخدم بكل حيلي
تنحب او اسمعها تبجي ابكل نهاري اوليلي
اوأمي تتوضى ابدمعهه. . اعليك من تحجيلي
اوتنتفظ گدامي . بخدمتك يالضامي
بيتنا من الزغر شفته. اوبيه صوت اقرايه
اوالدي عنده المجالس. اغلى مني اهوايه
البيت كله ايصير موكب. من تجي المشايه
او راية العباس عدنه. تضوي جنها امرايه
اوكل هلي واعمامي. بخدمتك يالضامي
يلي ماشفت ابخدمتك غير رفعت راسي
انت گلبي اوانته عمري. وأغله من أنفاسي
اوعلي كل الشعر جبته اوجيتك ابكل باسي
اوماوصل ربع الأحسه. وماوصل لاحساسي
مذهبي واسلامي. بخدمتك يالضامي
انه ذاك الماله حوله. اوطلعتني ابصيتك
اوطلع صوتي اوطلع اسمي من خدمت ابيتك
ياعظيم الشرف انته. والفخر خاجيتك
الف خيــــــعونه التربه واخذ ،من تربيتك
اليوم اشد احزامي. بخدمتك يالضامي
وين ما أمشي حبيبي. صيتك ايماشيني
اويرتفع بسمك كياني. اوخيرك ايغطيني
سيدي الخاطر عيونك ناسك اتماشني
اوين ماطب ديره. لهفت ربعك اتلاگيني
اوهرش كلبي الدامي. بخدمتك يالضامي
خادم الزهراء ابو احمد الطائي
https://t.me/joinchat/AAAAAETad_xqtaJx-17XqQ
مقدمه لیلة الاولی من محرم
کل الخدم تنهان
شفناهه بلعین
بس ابکرامه اتعیش
خدام الحسین
_
ماترید اشهود مکشوفه القضیه
شفنه ینهان الخدم غیرالشفیه
بس یظل غالي الخدم ابن الزچیه
راسه عالي ومایطخ حدالمنیه
اینول الشرف یاناس
وبطول السنین
بس ابکرامه اتعیش
خدام الحسین
_
نحمدالله من علینه ابهل خدامه
کل شخص منعدنه یتباهه ابوسامه
والله هنیاله الذی یخدم امامه
ایعیش کل عمره ابشرف عزه وکرامه
خدام ابوالسجاد
صرنه مجانین
بس ابکرامه اتعیش
خدام الحسین
_
مانعوفه اي وحگ بنته العلیله
بلطم والنوح انواسي العقیله
احنه غیراحسین ماعدنه وسیله
الذنوب اهواي چفتهه ثجیله
ابهای القصیده اتصیح
کل الموالین
بس ابکرامه اتعیش
خدام الحسین
ابصوت صحنه یلله حی اعله المجالس
کلنه مجنونین بیه وصرنه عابس
المنابرتبقه النه اکبرمدارس
مدرسة عباس فازالبیهه دارس
اتعلمنه من عباس
وانضحي للدین
بس ابکرامه اتعیش
خدام الحسین
امسجل اسمه کلمن المجلس یحضره
الطم واللي بچه وراسه یطبره
والله هنیاله النذرلحسین عمره
باچرابیوم الحشرحیدریعبره
ایعبرالعشاگ
بلشده وایعین
بس ابکرامه اتعیش خدام الحسین
___
حسین غایه حسین نعمه حسین رحمه
ایفوز دنیه وآخره کلمن یخدمه
هذا باب الله وحبیب الزهره امه
والمشه ابدربه الزچیه اتسجل اسمه
ایدلل الخدام
ابن المیامین
بس ابکرامه اتعیش
خدام الحسین
خادم الزهرا(س)علی سیلاوی
https://t.me/joinchat/AAAAAETad_xqtaJx-17XqQ
#قصائد_السيده_زينب_ع
#محرم_١٤٤٢
ضلام ضلام مولاتي الله يعينج
_
عن يا جرح اكتب الج واجروحج اهواي
مفروض يم عون وعلي اعميها عيناي
ليل الشماته اشكد صعب يالفاكده الراي
من الله لا ينطي الشمر حارمكم الماي
عذاب عذاب جبتيها كل اسنينج
ضلام ضلام مولاتي الله يعينج
_____
داست عله حسين اشكثر يا زينب الخيل
وانتي وحيده ابكربله مايبقه كل حيل
يا ليل بفراك الاهل يا و حشه هل ليل
يم النهر طاح الكمر و ادموعج اسيل
ونين ونين ينسمع من احسينج
ضلام ضلام مولاتي الله يعينج
_
ليلج يزينب يختلف ليلج معانات
يالفاكده اوجوه الاهل اهاتج آهات
من جاج يم عون الخبر عباسج المات
شفتج ركضتي من الخيم زينب مسافات
ركض ركض صوب الشريعه عينج
ضلام ضلام مولاتي الله يعينج
__
جم طفله منج تايه وانتي تلمين
مذهوله واعيونج تصب ماعندج امعين
محتركه الاخيام وشفت زينب تركضين
عالهزل بغياب الكمر شفتج تصعدين
هظم هظم وين اليسر ووينج
ضلام ضلام مولاتي الله يعينج
_
مولاتي معذوره الدمع لو طر الاخدود
عباسج ابصف النهر مكطوع الازنود
صاب السهم عين الكمر لا حتى والجود
حكج تونين المشو كلهم ترى احيود
وكت وكت شد الحبل جفينج
ضلام ضلام مولاتي الله يعينج
_______
تمت بحمد الله واهل البيت ع
الخادم:ناجي ابو كيان الصالحي ونسالكم الدعاء
ياحسين
نـظرهـن شـابـح عيـونـي ويربيك
وعمت عين الـدهـرخويـه ويربيك
طحت والشمر كض شيبك ويربيك
تـگـوم شـلـون يـاوالـد رقيـه
*--------------------*------------------*
✍بقلم خادم الحسين ع
الشاعـر رعـد الجـريخـي
{ملك الموت والنفس المطمئنة}
آنـــه الـمـلـك قـابـض ارواح اهـوايــه
آنـــه الـمـلـك يـاربـي تــدري بــهـايــه
يــم الـحـسـيـن اتـحـيـرت
مـا اكـدر وعــاجــز صــرت
*---------------*---------------*
ربـي مـلـك الـمـوت أنـه وگـلـبـي مفجوع
هايـه اول مـره ابـچـي وتـجـري الـدمـوع
شـفـت ابـن بـضـعـة نـبـيـك بـين الجموع
لعبت الخيل اعله صدره وطحنت اضلوع
گـلبي انكسر مـا اگـدر اقـبـض روحـه
گـلبي انكسر شاهدت عيني جـروحـه
سـهـلـه الـقـضـيه اتصورت
*---------------*---------------*
صـعـبـه عـنـدي وآنـه حـاير بين الامـريـن
بـيـن امـرك هـذا انـفـذه وبـيـن الحـسـيـن
اجروحه كثـره كـلـهـه تـنـزف گربت الفين
الهادي جدي ايصيح اسمعه وچبده نصين
صـايـر وصل صارت اعيوني بعـيـنـه
صـايـر وصل والـدمـعـه بيني وبيـنـه
صــديــتــه والـنـاظـر درت
*---------------*---------------*
انه خـايـف خاف اجيسه وألچم اجروح
يـمـه واكـف حـايـر انــه وعفته مطروح
ربـي ربـي ادعـيـك انـتـه التقبض الروح
عذر عاجز يرجو مـنـك عـذره مـسـمـوح
هذا الـسـبـط والعـطـش غـيـر لــونــه
هـذا السـبـط وانـتـه تـــدري شـلـونـه
دمــعــي يــهــل واتـعـذرت
*---------------*---------------*
الخيل طبعت بي اثرهه وصدره محفور
قـطـع صـايـر كـلـه جسمـه وباقي منثور
دم وريـده ايـفـوح عـطـره ويسطع النور
روحه ترفه وگلبي احسه لجله مـكـسـور
رغـم الـجـره عجّبـنـي وجـهـه ونـوره
رغـم الـجـره صـديـتـه باجمل صـوره
الـنـحـره اعتنيت وكـبّــرت
*---------------*---------------*
حاله صعبه اگبالي اشوفه صـايـر اشـلاه
ونـحـره يـهـتـف هــذا حـالـي انـه جـداه
يا الـهـي حـسـيـن اريـدن ابـچـي وانعـاه
الـكـوثـر امه وهـوه بـاقـي ذابـلـه اشـفاه
فوگ العطش حرهه يچوي الـحـومـه
فوگ العطش مـسبي حتـه اهـدومـه
لـمـصـابـه حـيـل اتحسرت
*---------------*---------------*
راح اسوي اجناحي خيمه واصنع افياي
وانته تـدري بحاله يارب ضـامـي للـمـاي
رخصه منك هسـه اطلب وانـتـه مـولاي
حسين لجلك انطه روحه وقـدم اهـواي
بصعب وضع عـيـنـي دامـي تـشوفـه
بصعب وضع حـاشـه انـتـه اتـعـوفــه
بـجـنـاحـي اضـلـل قــررت
*---------------*---------------*
✍ بقلم خادم الحسين ع
الشاعر رعد الجريخي
ليلــــــــــة الوداع الاخيره
الامام #الحسـين ع يخاطب زينب الحوراء ع
بقلم المقصر ناجي ~~~~~~~~~~~~~~~~~~~~~
حان الاوداع يزينب حان الاوداع
_______________
شــــدي حيـــلج يالعقيله للمصايب
بعد ساعــه واخـــوتج فوك الترايب
باجـــر اضــلين وحـــــــدج للنوايب
لا اخو يضــــــلج يزيــنب لا كرايب
حان الاوداع يزينب حان الاوداع
_______________
شدي حيلـج بت علـــي ساعه اخيره
بعد لحـــضــه وينـــذبح بدر العشيره
عالهــــزل باجر يزينــــب ياهي حيره
محـنتج يم الـخـدر تصــــــبح جببره
حان الاوداع يزينب حان الاوداع
_______________
شدي حيلج عـنــدج ايتامـــي امانه
بعد خــــوانج يضــــــل بيدج لوانه
كل فـرد باجر يـضــــل خالي مكانه
بعد لحــــضه والشمـل يفكـد حنانه
حان الاوداع يزينب حان الاوداع
_______________
شــدي حلـــيج للسـفر باجر تشوفين
ازلام غربه بالضعن مو خوج الحسين
عالـــنهر باجــــــر يزينب مـن تـــمرين
عالشريــعه اجفوف توكع من الاحنين
حان الاوداع يزينب حـــــان الاوداع
_______________
شدي حيلج بعد موقف دخلـت الشام
ادري صعبه يبت حيــدر مجلس العام
باجر اتــحيرين بمــــــرج بين الايتـام
باجر اتكــضين ليــلــــــج كله بوهــام
حان الاوداع يزيــــنب حان الاوداع
_______________
بقلم الملا ناجي الصالحي ✏✏✏
ونسالكم الدعاء خادمكم /channel/nbbccjcv
الشاعر رعد الچريخي
#قناة_تختص_بنشر_القصائد_الحسينية
للتواصل مع خدام الحسين ع
عبر الرابط
@Raadalghurikhe
.
.
/channel/raadghurikhi
ابو ذيه
دم دمعي لبو زينب ،،يهل كون
ريت الغدرو بحيدر ،،،يهل كون
امطر غضب زلزلهه ،،يهل كون
الليله انصاب حماي الحميه
بالمسجد وگع حيدر ،،،،،علينه
اركان الهدى انهدمت ،،،علينه
صوت النايحه لجله ،،،،علینه
الشيعه مكدره وتنصب عزيه
ياعلي ياعلي ياعلي
تبچيك الارض والسمه ،،،،،، ونهار
بطل حيلي لَمن طبروك ،،،،،ونهار
أگضي الليل اون اعليك،،،،،،ونهار
فجعنه ابن المرادي بهالرزيه
اصواب لصوبك للروح،،،،،،مارد
روحي فدوه الك والعيش ،،مارد
ريت وياك ياحيدره و،،،،،، مارد
فدوه تروحلك كل البريه
ليالي القدر لگليبي ،،،،، لونه
واسود ثوبنه اصبح ،،،،،لونه
الطبر هامت علي ميت،، لونه
ولا يفجع بناته بهالمسيه
ام احمد الساعدي
لتعجيل الفرج
نسألكم الدعاء
1-5-2021
نزلت قصائد كثيرة لطميات رجالية
مربوعة
تجليبة
نصاري
نعي
ابوذيه
هوسات
لمصاب مولاي امير المؤمنين على هذا الرابط👆🏻
ونرجو من الله القبول
ياعلي
بويه وينك يـالـخـذك وسـفـه التراب
بويه وينك الـيـتـم أصـعـب عـــذاب
هـــذا صـــوت أيــتـــامـــك
گــــــوم كـمـل اصــيــامــك
*-------------------*--------------------*
يـحـمـل شـلـون الـمـدامـع والمصيبه
الـيـجـيـه الـعـيـد ومـفـارگ حـبـيـبـه
ايـجـدد أحـزانـه ومـئـآسـيـه ونحيبه
يـالـعـفـتـنـه بـدنـيـه غــداره وعجيبه
إنته تدري كـلـشـي بـوداعـك يــروح
إنته تدري ياعلي صـعـبـه الـجــروح
صــعــبــه حــيـــل آلامــــك
*-------------------*--------------------*
يـتـمـيـت الـدنـيـه كـلـهـه ويـتـمـتـنـه
بـشـهـر الـصـيـام بــــوداعـك فاجئتنه
رايـح لـوحـدك يـحـيـدر مـــا خـذتـنـه
عـلـقـتـنـه بـعـالـمـك لـيـش وعـفـتـنـه
يمته ترجع إنـعـيـد ونــفــرح نــريــد
يمته ترجع مــاگــلــت رايـــح بـعـيـد
انـســـه طــبــرت هـــامـــك
*-------------------*--------------------*
مـاتـت الـبـسـمـه ونـريـد النه أبتسامه
صـعـبـه يـابـويـه يـسـمـونـه اليـتـامـه
الـمـدامـع بـالـحـزن تــركــت عــلامــه
والـزمـن بـجـفـاك صـوبـنـه بـسـهـامـه
إشگد بچينه إرجـع وشوف الـدمـوع
إشگد بچينه نـنـتظر مـلـگـه ورجـوع
عــلــي شــــد احــــزامــــك
*-------------------*--------------------*
فــارگـتـنـه يـالـوجـودك خـيـمـه إلـنـه
بـيـك مـجـتـمـعـه العـواطـف والمحنه
بـغـيـبـتـك يالمرتضى إتـطـشـر شملنه
وابـتـدت رحـلـة مـصـايـبـنـه وحـزنـه
هايه دنيه يـنـهـظـم بـيـهـه الـيـتـيـم
هايه دنيه والـيـتـم جـرحـه عـظـيـم
شــلــون نــنــســه أيــامــك
*-------------------*--------------------*
تـلـزم الـبـاب الـيـتـامـه الـمـغـربـيــــه
وتـهـتـف بـإسـمـك يـحـمـاي الحـمـيه
إشـوكـت تـمـسـح مـدامعهه الـجـريـه
لـلـحـزن والـنـايـبـه نـصـبـت عـزيــــه
ظلمه دارك خـيّـم اعـلـيـهــه الـظـلام
ظلمه دارك إقـريـنــه لـلـنـور الـسـلام
أوكـــف أعـــلــه اجــدامــك
*-------------------*--------------------*
إنـفـجـعـت الـدنـيـه يـحـيـدر ارجعلهه
الـتـسـأل الـيـوم اشنجاوبهه ونـگلـهـه
هــــايـه أيـتـامـك مـدامـعـهـه تـهـلـهـه
رفـعـت الـلـيـلـه الـمـنـاحـهـه ومستهله
بس مناحه والـحـزن عـگـبـك رهـيـن
بس مناحه زايــــــد الـيـوم الـحـنـيـن
دمـــه الـــراس أوســـامـــك
*-------------------*--------------------*
✍خادم أمير المؤمنين ع
الشاعر رعد الچريخي
ودعت عمري. من رحت تدري
بويه يابويه
"""""""""""""""
بويه ياحيدر علي بهاي المسيه
جيت ازورك والحزن خيم عليه
اذكر اجروحي ومصاب الغاضريه
شلون من ضليت مچتوفه وسبيه
اتمحنت بأمري. من رحت تدري
بويه يابويه
"""""""""""""""
بويه احچيلك ودمعاتي اعله خدي
بكربله ظليت يابو الحمله وحدي
اخواني كلها مذبحة وبس حيرة عندي
وآنه كل لحظة الحزن بعيوني يبدي
دمعتي تجري .من رحت تدري
بويه يابويه
"""""""""""""""
بويه باوع من تصلي سجده سجده
تبجي ما تكدر دمع عينك ترده
ودمك السال بركعتك بيش اشده
طاح جن الماي عاالكاع وتبده
وانكسر ظهري. من رحت تدري
بويه يابويه
"""""""""""""""
صحت ياحيدر يبويه ودمعي سچاب
شلون ماتحضر يبويه تشوف الاحباب
كلبي يوم الطف يبويه من حزن ذاب
ااخ يابويه المنيه بهذا المصااب
وحترك خدري . من رحت تدري
بويه يابويه
"""""""""""""""
هاي دمعاتي تهل اعله المصيبه
وباجر احضر ياعلي بمجلس غريبه
لو شفت كل عاشك يودع حبيبه
هيج يوم العاشر يصير بنحيبه
محزمة بصبري. من رحت تدري
بويه يابويه
"""""""""""""""
الى خادم الامام علي الشاعر مصطفى النائلي
أبوذيات (الهلال )00 لسان حال السيده زينب عليها السلام
وهل بيه
المصاب انجمع بمحـرم وهل بيه
تروح اخوان من عندي وهل بيه
وانوح اشكثر ملجومــه وهل بيه
دموع اعله المشو بالغاضريــــــه
*
لسان حال العليله عليها السلام
وراحات
عمامك ياكَلب شـــــــالت وراحات
وكَمت افرك بألم روحي وراحات
بعدهم مافرح مرلـــــــي وراحات
فوك المرض والعله الخفــــــــــــيه
*
لسان حال السيده حميده عليها السلام
حميده
يالحنــــــــــين يبو اطباع ال حميده
بعدك تنتحب ظلـــــــــــــت حميده
تعرف بالنفـــــــــــل يوم ال حميده
هز الكَاع بجــــــــــــيوش ال اميه
*
للأنصار
وحر بيه
ابجيش حسين جم عابس وحر بيه
أبي ومغوار وامشـــــكر وحر بيه
بكَلبهم جمرة الغـــــــيره وحر بيه
يكر ويفرهـــــــــــد ارواح آل اميه
لسان حال ام القاسم عليه السلام عند قبر ولدها
تراباك
اقبل باللحد واشــــــتم تراباك
وعطر الحسن يوليدي تره بيك
تأيس عيني ماتنطــــر ترابيك
يجاسم بعد ماترجع علــــــــــيه
لسان حال الامام الحسين مخاطبا أم علي الأكبر عليه السلام
مات املنه
يليله انوح منـــــــه مات املنه
وآنه اوياج ننصب ماتم ألــنه
على الروحه حنينه و ماتمــــلنه
يحيف الأكبر اتنوله المنــــــــيه
للعباس عليه السلام
بالعراك
العضيد وطب حرب ثاره بالعراك
وخسف بيده النهر راكن بلع راك
بضربته الراس مالـــــحك بلع ريك
مثل طبرة علي حامي الحمــــــــــيه
لسان حال السيده زينب عليها السلام يوم العاشر
وجدماي
لهب حرك الخيم جفي وجدماي
وادور وين اجد جربه واجد ماي
اشوف حسين عد عيني وجدامي
يلوج امن العطش فوك الوطــــــيه
**
الشاعر ابو علي الركابي
https://t.me/joinchat/AAAAAETad_xqtaJx-17XqQ
نـار الخيام چوتلي اديه
ومن السياط تصرخ رقيه
يالوحدي عفتوني دم سالت عيوني
وتصرخ رقيه
راح الخدر خويه الكمر // واحنه انولينه
اوسوط الشمر ماينحمل ،// بيد عبينه
يشتمنه ويحز بالنحر // ويراوي بينه
اونشكي يخويه من الحبل // گطع ادينه
بضعنك يخوي. ماباقي خيمه
واختك تنوح. وي كل يتيمه
.يخواني ردولي دم سالت عيوني
وتصرخ رقيه
ـــــــــــــــــــــــــــــــــــــــــــ
تقبل يعباس الرجس // ينظر خيالي
ويجـاسر اعله ام الخدر // بعدك يغالي
ماتنحشم خويه المره // الماعدهه والي
ومن هضمتي حتى الصخر.// ناح اعله حالي
صارت رماد. كل وحده بينه
وخنگتنه حيل. . ذبحة ولينه
. مهضومه شوفوني دم سالت عيوني
وتصرخ رقيه
ـــــــــــــــــــــــــــــــــــــ
خويه الاسر ماينحمل //لوع كلبنه
ومن همه وهم الهزل //كلش تعبنه
ماينفع اويانه الصبر //؛وشما صبرنه
يرجع يذكرنه الرمح //بطيحت ذخرنه
فوگ الرماح. روس الغوالي
وكلما تلوح. اذكــــــــر دلالي
. ها يالتركتوني دم سالت عيوني
وتصرخ رقيه
ـــــــــــــــــــــــــــــــــــــــ
من التعب من الركض،// اوكف وطيحن
ولوطگني ياخويه النذل//عباس اصيحن
دمعاتي ياخويه جمر،//عالخد يسيحن
ومتوني من سوط الشمر.//مايستريحن
دمي يسيل. والدمعه حمره
وبين الضلوع. تجويني جمره
.ليش اني عفتوني دم سالت عيوني
وتصرخ رقيه
ـــــــــــــــــــــــــــــــــــــــــــــ
مانسه طعنات الاسر،// حتى بمماتي
اوماانسه طفي اوغربتي// وحركت عباتي
خويه وعلي نار استعر //لاخر حياتي
من شبگتي فوك الهزل // انه اوبناتي
بيّه جروح لاخر عمر
تسعر تضـــل من الشمر
ومن حرگت امتوني. دم سالت عيوني
وتصرخ رقيه
خادم الزهراء ع ابو احمد الطائي
https://t.me/joinchat/AAAAAETad_xqtaJx-17XqQ
هالله هالله ياكمر جيب وياك النهر
هاي زينب يخو زينب حشمت عباسها
.............................................
طلعت امن الخيمه زينب والكمر شد رايتــه
ركض ليها واعتناها بيده شايل لامتـــــــــــه
من وصل دك صدره كلها اي وحق اللا فتى
ألا ازلزل كربله وقره يمها الزلزله
وهوس العباس زينب ماتدنك راسها
هــــــاي زينب يخو زينب حشمت عباسها
..............................................
عزم واغتاض ابو فاضل عن يمينه وميسره
أتوسط الميدان وحــــــده والزلم لزمت سره
واحد العباس كلهم ذاك كلــــــــــــهم حيدره
واحد الواحد سأل هذا يا موت النزل
وقادة الفرسان كامت تنتخي بحراسها
هــــــاي زينب يخو زينب حشمت عباسها
....................................................
شهر فقاره اخو زينب واعتنه للمشرعه
ونزل أسرافيل يمه ونفخ بــوق القارعه
كله يا عباس حيهم حــــــان يوم الواقعه
وكله عزرائيل جاي كله خل يمشي وراي
ألا اخلي الزلم تمشي وتحسب أبانفاسها
هــــــاي زينب يخو زينب حشمت عباسها
.....................................................
من وصل للماي شاله ورجفت ايده ابأيـــــده
يسمع امن ابعيد زينب خويه سكنه اتريـــــده
ترس جوده وشهر سيف ورجع صوب البيده
والزلم من شافته بالسهام اتـــــــولته
وابوفاضل فوك صدره الجود حاضن طاسها
هــــــاي زينب يخو زينب حشمت عباسها
................................................
دخـــــن العباس راسه وعينه صدت عالخيم
عايـــن العسكر تطوفـــــه والسهم يتبع سهم
وكع من انصاب جوده وعرف ساعتها وعلم
هاي لحضات الأجل وكام للموت ارتجل
وقدم الزينب جفوفه حتى يرضي احساسها
هــــــاي زينب يخو زينب حشمت عباسها
...............................................
خادم الحسين
#الشاعر
محمد الموالي
💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
/channel/Amabeha5533
💠⚜قناة المواليد⚜💠
🔰⚜عشاق ام ابيها⚜🔰
👇👇👇👇
/channel/Alhseean
💠⚜قناة قصائد نسائيه⚜💠
🔰شاعرات ام ابيها⚜🔰👇👇👇👇
@ya_katealkafen
منبر عشاق ام ابيها
🔖¦رابـط الـمـجـمـوعه
✋السلام على من خفي قبرها
https://t.me/joinchat/ze7ifDBn6I02NWQy
صعبه يا زينب عليچ * بالحبل تنشد اديچ
يالعقيلة * يالعقيلة
*-------------------*------------------*
انتي اخت حامي الشريعه ذاك عبـاس
چنتي مهيوبه بوجوده و رافعّه الراس
عذبت كلبـــج يزينــب نضرة النـــــاس
ادري مصيونه و اميره وكلچ احساس
گلبچ اتحمل جروح بخدچ انحفرن سفوح
يالعقيلة * يالعقيلة
*--------------------*----------------------*
سهله ما ضنهه وجبيره انشاف الخيال
صعبه عالهزل صعدتي بــيــــن الرجال
والاشد حچيي الشماته الشـــيـــب الحال
شافـــو الحاله الأليمة ودمعچ الــســال
سائلو عــــن الكفيل والحچي يذوب الدليل
يالعقيلة * يالعقيلة
*--------------------*----------------------*
طلعتج وي المحامي بــيهـه يـــــدرون
حتى يجرّح دليلچ عــنــه يــحـــجون
حگهه لو سالت دمعتچ تچـوي العيـون
بالغرب شفتي الاعادي تحدي الضعون
وينچ اوين القيود عمرچ ايات وسجود
يالعقيلة * يالعقيلة
*---------------------*---------------------*
مدللت عباس چنتي الاسمه ينهــاب
رحتي مجتوفه واسيره وي الاجناب
شتمو گبالچ هضيمه قالع البـــــــاب
وطبّت الديوان اصعب يم الحجــــاب
بالقصر طال الوقوف والزلم خدرچ تشوف
يالعقيلة * يالعقيلة
*--------------------*----------------------*
دخلوچ بحال يجــــرح يا دواويـــن
صدلچ ايزيد ويلاعب راس الحسين
ستهزء وكـرر سؤاله كافلچ ويــــن
ايجاوب عيونج دمعهه من تسكتيـن
چنتي بالعز والدلال صرتي ما بين الرجال
يالعقيلة * يالعقيلة
*--------------------*-----------------------*
خادم الحسين
✍الشاعر رعد الجريخي✍💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
/channel/Amabeha5533
💠⚜قناة المواليد⚜💠
🔰⚜عشاق ام ابيها⚜🔰
👇👇👇👇
/channel/Alhseean
💠⚜قناة قصائد نسائيه⚜💠
🔰شاعرات ام ابيها⚜🔰👇👇👇👇
@ya_katealkafen
منبر عشاق ام ابيها
🔖¦رابـط الـمـجـمـوعه
https://t.me/joinchat/CApOYURwqL2W_R_06oYO8w
مو عليلة...بويه كل الحيل بيـــه
مو عليلة...بويه حتى اسأل رقيه
وياك أخذني ألمن عفتني
بويه يحسين
....................................................
يالنويت اعله السفر وياك اخذها ابنيتــــــــك
بيه حيل أمشي اعله طولي مو عليلة وداعتك
أمس جنت آنه ورقيه نلعب ابفي حجرتــــــك
لو رحت عني وعفتني والله اموت بفركتــــك
تدري بيها...الطفلة من تفكد ابوها
تدري بيها...تركض اتحشم أخوها
من ودعتني المن عفتني
بويه يحسين
.................................................
بويه عني لو رحت ياهو الينشف دمعتــــي
وانته عايفني وحيده وعازة والله عازتــــــي
وياك بويه خل اسافر حالي من حال اخوتي
عالاقل عبدالله اشيله من يفز بغربتــــــــــي
يا ضحكتي...فدوه بس عاين عليه
يا ضحكتي...لا تكلي هاي هيــــه
بويه انتضرني المن عفتني
بويه يحسين
..........................................
أمراً وطاعة يبويه يالنويت اعله السفــــر
رحت ابقى وانتضر طارش يرد منك خبر
أيحرسك الباري ويبعدك من مردات الخطر
يالحنين وداعتك دمعي كسر كلب الحجر
اكضي ليلي...بويه ترجع بالسلامة
اكضي ليلي...امفرفحه مثل الحمامة
هجرك ذبحني المن عفتني
بويه يحسين
.........................................
انتضر ياساعة يوصل خبر منك ماوصل
مثل يعكوب انتضرتك لحد ما وجهي ذبل
خايفه ومرعوبه بويه واحس كل جسمي نحل
مدري صح آنه عليلة مدري وافاك الأجل
بيه حركة...وجن احس روحي يتيمه
بيه حركة...وشوغة الفاكد هضيمـــه
انطر بعدني المن عفتني
بويه يحسين
....................................................
لحضه لحضه ولن اعاين جايتني ام سلمى
وياها قارورة وعجيبه اطرافها اتكاطر دمه
العوض بالله بنيتي كالت والدج يا فاطمـــــة
بعد ما يرجع عليج وروحه صعدت للسمـــه
واسمعتها...وطحت من طولي عليهـا
واسمعتها...وما مصدكه اسمع حجيها
يالواعدتني المن عفتني
بويه يحسين
................................................
خادم خدمة الحسين
الشاعر
محمد الموالي
حسين عايش للابد ....واحنه نبقه عل العهد
*
حسين خيمتنه الجبيره وبيهه يلتم الشمل
هوه مثل الدنيا هوه يبقه ينطينه الامل
احنه من يكعد يسولف كلهه تسكت لو سئل
حسين كل الدنيا عدنه وما نبدله ويه الجهل
الشيعه تبقه عل الوعد ....حسين عايش للابد
*
هوه ابو الاكبر يشيعه يبقه واحد ماكو غيره
حسين مثل الرايه عدنه الهه هيبته الجبيره
كلشي بل دنيا دموع وانت الادموع الغزيره
احنه نعشك كلشي بيك وهيه روحك هم انيره
اي وحق رب الصمد ....حسين عايش للابد
*
هذا هوه حسين هذا كاعد الشمر اعله صدره
ذاك الي يحز بوريده وذاك الي يحز بيده نحره
حسين فوك الغبره طايح وهوه واعياله الاسره
منهو عدنه والي ينصره وهوه رايح ماكو غيره
هوه دين الله الاحد .....حسين عايش للابد
*
حسين من شاف ابو فاضل كله ياخويه النهر
وانت شايف هل اليتامه ماكو بلصحره مفر
اشلون بينه لو مشينه منهو يبقه ويه الخدر
تبقه زينب والايتام و الله ينطيهه الصبر
الخيمه تبقه بلا وتد ..... حسين عايش للابد
انت ابو الغيره الجبيره الماكو منهه ولا مثيل
طاح يم النهر هوه الدنيا طاحت يل الجبيل
هسه راح امشي سبيه يعني ما يبقالي حيل
من بعد ذيج الضايف هسه راحت اويه الرحيل
النار ماتخمد بعد ..... حسين عايش للابد
**
خادم الحسين ع
الشاعر مصطفى كامل البدري
https://t.me/joinchat/AAAAAETad_xqtaJx-17XqQ
كافل اليتيم.:
نزله
ل اولاد ام البنين ع
مـانهاب أعدانه. . چف علي ربانه
وكلنه نفداچ يزينب كلنه نفداج
احنه خوانچ يزينب والملا يعرفونه
لا تخافين اعله خدرچ كلهم يهابونه
حرس منذورين كلنه من الزغر خلونه
والدچ وام البنين اثنينهم نذرونه
ولاتهمي اويانه. چف علي ربانه
وكلنه نفداچ يزينب. كلنه نفداچ
هايخت عباس شنهو الجيش وتخافينه
وانتي تدرين ابأخٌوتچ محد يلاوينه
الكون لو تردينه كله انطشره تعرفينه
يلي من اجلچ خلقنا الباري ومسوينه
الخدمتچ سوانه. چف علي ربانه
وكلنه نفداچ يزينب كلنه نفداج
ياأميرتنه وأختنه وأنتي فخر الهاشم
ترخص الأرواح لجلچ والعمر مو لازم
لاوحگ أمچ ياحرة لو شهرنا الصارم
نگلب الحومه اعله اهلهه ونهد عرش الظالم
ما يرد الــوانه چف علي ربانه
وكلنه نفداچ يزينب كلنه نفداچ
بزود أخوتچ يالعقيلة اشيمي يابت علي
ومانريد ادموع عينج عالنواضر تعتلي
اطلبي وشتردين منه گولي خوية ادللي
ومانعوف ركاب عدهم لاوحگ روح الولي
رددي باسمانه چف علي ربانه
وكلنه نفداچ يزينب كلنه نفداچ
ابو فاضل صال بينه ورفع بيده الرايه
وانتي اعيونچ علينه وشوفي العناية
من ظهر حيدر اخوتچ وأمنه الوفاية
ماگرب واحد علينه الا صار ادماية
للفحل عوانه. جف علي ربانه
وكلنه نفداچ يزينب كلنه نفداچ
خادم الزهراء ع ابو احمد الطائي
https://t.me/joinchat/AAAAAETad_xqtaJx-17XqQ
السيده زينب ع
أبوذيه
مــشــت وايـــــــام عِــزتــنــه.. مـتـنـعاد
وجـثـيـره أجـروح الـبـگـلـبـي.. مـتـنـعـد
صـحـت يـانـاس خـــلـــولـــي.. متن عاد
إذا تــعــبــت أشــيــل إعــلــيــهْ رقـيــه
. . *-------------*--------------*
✍بقلم خادم زينب ع
الشاعر رعد الجريخي
بحق الشاب القاسم ابن الحسن ع
يالسافرت طال السفر * منك ردت يبني خبر
انظرلك بثوب الزفــــــاف اتمنيت
يالتارس عيوني بضحكتك والبيت
*---------------*---------------*
طالت السفره و اتاني ترد عليــه
لازمه اثياب العرس و افرك بديه
غايب و ذكرك يغالي يعيش بيـــه
يمته ترجع و العمر نگضي سويه
ليل الهجر يترك دمع * يوميه اگولن ننجمع
موتي اجه وانت بغيابك ما اجيت
*---------------*---------------*
يمه اتامل بعدني ابالـــــي رجعــــه
خلصت دموعي بغيابك دمعه دمعه
مظلم البيت واشوفه بلايه شمعــــه
تغفى عيني و بالحلم صوتك اسمعه
اجبر على النوم الجفن * اغفى ويغطيني الحزن
مر الهجر يوليدي تدري ومليت
*---------------*---------------*
فرگتك نار بدلــيلــي يجـــوي ألمهه
لجيتك امك تتانـــــي واضل حلمهـــه
مطشره اسنين العمر و انت التلمهــه
روحي شمعه و الهجر عگبك عدمهه
اصعب جرح جرح الولد * من طولت حلمي ابتعد
مشتاگه عيني تصد جمالك يا ريت
*---------------*---------------*
العدهه مثلك بالاماني اتاني عرســه
اتحضر هدوم العرس هيه وتلبســــه
و تدعي للباري بفرح يا ربي احرسه
و انه وياي الدمـــــع يوليدي هســـه
يالغالي ما حاجه الشرح * بُعدك ترك بالخد جرح
مثل الحمامه بلا جناح اتأذيت
*---------------*---------------*
ريتك النوحي و ونيني هــذا تسمــع
يمه مو بيدي و غلاتك عيني تدمــــع
حاولت املك شعوري و صبري اجمع
نجمة اسهيل وتجيني بليلي تلمــــــع
ما ظل بعد بس الامل * فرگه وجرح گلبي حمل
احسب ليالي بحالي هذا وتانيت
*---------------*---------------*
ماتت احلامي بغيابك كلهــــه يبنـــي
ردتك النعشي تشيله و گبري تبنــــي
موتي احسنّه دنالي و ظهري محني
اصبر شلون و ألم هجرك جرحنـي
لمن غبت عشت بألم * صار الدمع بجفوني دم
بخد امك اجروح ومدامع خليت
*---------------*---------------*
✍ بقلم خادم الحسين ع
الشاعر رعد الچريخي
ماي الفرات احسبني ابنـار المخيَّم ذِبني
أرد احترگ حد العِشِگ يل عِشگـك امعذبني
_____________________
يحسين كل انســان عنده ٱمْـنِـيَّه
وامنيـتي يمـــك شــادها بترچيه
مو يوم كـون آنه احــترگ يوميه
بتقـصيري، خلِّي النــار تاكـل بِـيه
سكنه اوحَرِگ خيمتها أرد اشعر بشوغـتها
وشگد بچت… وإلمن شچت… وشعاتبت جاوبني
_____________
أرد احــترگ حـدما أصــيرن جـمره
بلكي اشعــر بشـــوغات زينب مـرَّه
كون الدمـوع اعليـــــك تنزل حمره
حيل أرد ادگ صدري و اطلع العبره
بلكي امن ادگ ما أدري واكسر ضلع من صدري
وافديه الك وتخيلك بالمجـــــلـس اتراقبني
_____________
چَـمِــلْني حيل الما يعـيشــك يتعب
أمنيتي أطب بجــرح گلبك وانحب
أرد انظر شــلـون اعتنـتـــلك زينب
من شافت الخيل عله صدرك تلعب
مِن الخيم للمصرع ياوكت زينب تطلع
جَـتَّك ركُض تطـوي الارض وتگــلك اتلاحگني
_____________
وچم طفلــه طلعـت نارها ابرجليها
تركــض وزينب كلــها عـين اعلـيها
يحـســين وَصّي الريـح يرحم بيها
يطفي الخيم بس ناري لا يـطفـيها
خليها تِحرگ جِـلدي حتى قِيــام المهدي
واشكي إله ..من كربله .... بيها الزمن حاربني
_____________
ٱنگص خنصرك بس بقن عشره ايامك
او بيهن تظل مشتعله نار اخيامك
افياي ارد اصيرن فوگ روس أيتامك
حته احـتــــرگ أكـثر واعــيش آلامك
أتمـنه شَهگـه بصدرك واشـعر بكسرت ظهرك
وابچي قهر يم النحر والحــافِــر ايتـربني
_____________
يحسـين يم النهر شنهو احـسـاسك
وي روحه رادت تطلع انت انفاسك
اشگـد طوّلت چم يوم يم عبـاسـك
شو للخـــــيم ردِّيت أبيـض راسـك
راجع بلايا اعمــامه حاسِـر امدنگ الهـامه
ياحسرتك ياكسرتك صحت الاخو شيبني
_____________
مرتجى الحساني
07819457321
خادم الزهراء مرتجى الحسَّاني /channel/nbbccjcv
☆ بـسم رب الحجـة ☆
الـقصـيدة : يسلطان الهيام
اداء : سيد فاقد الموسوي
كلـمات :
♧♧♧♧♧♧♧♧♧♧♧♧
يسلطان الـهيام...
الك منا الســـلام... الك منا السلام...
و حگـك يـالـرضـا لملگاك مشتاگين
و چنهن لحضه لو يمك نضل سنين
بـس شـلـون ضـاگ الـگلب و الـعين
يتراوالنه يـصـيـح بگفـانه حـسـيـن
بلـوه حسين بالينه...
عاري وساتر علينه...
يسلطان الـهيام...
الك منا الســـلام... الك منا السلام...
♧♧♧♧♧♧♧♧♧♧♧♧
اجيناك مـن الـتارس الـدنيه جـروح
حـسـيـن نروح عنه نموت من نروح
مو گصدي الفرق كلكم ملكتو الروح
انته حـسين بس حـسين مـا مذبوح
حسين اخيامه ماصبرن...
مـن عـافـاهـن احـتـرگـن...
يسلطان الـهيام...
الك منا الســـلام... الك منا السلام...
♧♧♧♧♧♧♧♧♧♧♧♧
وحگك لولا شوگك وانته خو تدري
يـوم الـمـوش يـم حسين مـو عمري
اجيت احچي ويروحي شلون وشعذري
ولـچ خـايـف امـوت وكربله بضهري
السحگ ما غير ارسومك...
ومـحد سَـلَـب اهـدومـك...
يسلطان الـهيام...
الك منا الســـلام... الك منا السلام...
♧♧♧♧♧♧♧♧♧♧♧♧
سلام من الـديـار البيها بس دخـان
سلام من الخيام البيهه بس نسوان
سلام من گاع العليهه حسين ضل عريان
من الركضت ابين الجثث والوديان
الكلهن لاذن بسدهه...
تروح وتـرد وحدهه...
يسلطان الـهيام...
الك منا الســـلام... الك منا السلام...
♧♧♧♧♧♧♧♧♧♧♧♧
سلام مـن الـگـمـر مـن العلم والطاس
من الخنصر سلام من الجسد والراس
سلام مـن الـيـتـامـه الـتعثر وتـنـداس
سلام من الضعن من رخصت العباس
مـن الـركـضـن بـهـيـمـه...
من المشرعه من الخيمه...
يسلطان الـهيام...
الك منا الســـلام... الك منا السلام...
♧♧♧♧♧♧♧♧♧♧♧♧
@faqdalmawsawi
فقط لدعم القنوات المبتدئة
أرفع البوت ادمن اولا بالقناة 👈
@Almohktar_bot
ثم راسلني على الخاص 👈
@sayaddd
للمحظورين 👈
@Alsayad123_bot
هواي احبك يا إمامي يالكريم
وحبك مخلصني من كل المحن
العاشك امن ايمر عليه اسم الحبيب
تذوب روحه وينسه مأساة الزمن
ويمي من ينذكر طاريك اهيم
وگلبي احس دكاته كل دگه الحسن
امن الغرام البيه الك كل الحواس
بخير وبحب وبكرم يستشعرن
الليله ميلادك يدك باب الدليل
ومن صرت يعني اني صايرلي وطن
............
هوسه
المايفرحلك المن فرحته ايضمهه
هيه الفرحه جفك انته لازمهه
اليدك بابك يحصل امراده من يمهه
كريم وماترد روح اليجي بهمهه
ديوانك عامر يالهيبه
...............
انته النبض للدلال خليتك
ياسيدي ومن كل گلبي حبيتك
محبوبي وهيامي وعشكي سميتك
الشكر لله يامولاي واليتك
وبصيتك ضل عايش صيتي
محمد هادي العقابي
هلوو شباب بنات نعتذر راح نحذف القناة ❤️ وهايه جديده ☹️
ادخلووو 👇🏻👇🏻
https://t.me/joinchat/VZKY2dYXDRVeuS08
ملاحظه هذا مو اعلان 👍🏻
ادمنـية اقطعوا النشر خلي يشوفوهه الاعضاء 💛🌸
..ارجعلي يمرجع الشمس..
..ليلي وحش عگبك احس..
گلبي يبو حسين انفطر
وچم خاطر ابروحي انكسر
ارجعلي يمرجع الشمس
،،،،،،،،،،،،،،،،،،،،،،،،،،،،،،،،،،،،،،،،،،،،،،
يابويه جرحك چم جرح خله ابدليلي
هم تدري بويه بطيحتك موته حيلي
بالباب چنت اتنطرك سالم تجيلي
تاليها سابح بالدمه كلك يويلي
واقع اشوفن لوحلم
نصين راسك منجسم
راس الوحي شلون انطبر
وچم خاطر ابروحي انكسر
ارجعلي يمرجع الشمس
،،،،،،،،،،،،،،،،،،،،،،،،،،،،،،،،،،،،،،،،،،،،،،
ما مره بويه اتخيلت تنظرلك العين
مَدَد يبويه وهامتك مگسومه نصين
ما ادري ليش بهالوكت استعجل البين
وايريد مني ياخذك هسه يبوحسين
مستعجل عليك الأجل
وماضلي بس نوح وزعل
مكتوب اعيشن بالقهر
وچم خاطر ابروحي انكسر
ارجعلي يمرجع الشمس
،،،،،،،،،،،،،،،،،،،،،،،،،،،،،،،،،،،،،،،،،،،،،،
يمرجع بقدره الشمس ارجع اليه
ماني وديعة فاطمه امي الزچيه
مابيه حيل اعله الهضم موتدري بيه
يكفيني ضيمي ياعلي بالغاظريه
ارجعلي يا حيدر علي
غيرك يبويه ياهو الي
يسندلي يابويه الظهر
وچم خاطر ابروحي انكسر
ارجعلي يمرجع الشمس
،،،،،،،،،،،،،،،،،،،،،،،،،،،،،،،،،،،،،،،،،،،،،،
لاحگ عليه اني البچي وضيم الليالي
باچر اضحي بچم اخو يابويه غالي
بعاشر محرم من تره الوادم خيالي
ساعتها افگد ياعلي عزي ودلالي
يابويه عاشر كربله
ماتبقه وحده مدلله
كافلنه ميت عالنهر
وچم خاطر ابروحي انكسر
ارجعلي يمرجع الشمس
،،،،،،،،،،،،،،،،،،،،،،،،،،،،،،،،،،،،،،،،،،،،،،
گبالي اشوف اني الاهل فوگ الوطيه
ميتين ما واحد يجي يفزع عليه
لمن يجيني اني الشمر يچتف اديه
ويريد ياخذني غصب بويه سبيه
صحت ولا واحد فزع
وحسين گام ورد وگع
صاير ابو اليمه وذر
وچم خاطر ابروحي انكسر
ارجعلي يمرجع الشمس
الشاعر عقيل كاظم الحسناوي.