غـربـلـها الــزمـان وطـــاح مــن طــاح
وثـبت زاچي الـحليب وصـافيَ الـلون
الـمـواقف بـالـمحن تـجـلي الـعـلاقات
يـتـسامى الـعـالي بـيها ويـنزل الـدون
فــــــزع خـــوتــك ويــبــيـن الـــزيــن
الـيـحـل الـعـاصـيات بچفـــه وتــهـون
تــجـارب والـتـجـارب خـيـر مـصـداق
دفــزعــهــم وجــــــرب لا يــنــكــرون
جــــزا الله الــنـوايـب بـيـهـن اطــبـاع
يـبـيـنـلك شــمــا بــالـسـاس مــكـنـون
انــــه يــادهــر مــــا مــحـتـاج فـــزاع
ولانـــي مـــن الـيـذبها شـلـون مـالـون
بـعدني انـه اعـله حدها وواگف شراع
وصـاحي مـن الخلل بالحفظ والصون
عــصــي أعــلــه الـنـوايـب بـالـمـلمات
والــي ديــن بـذمـمهم مــوش مـديون
مـعـافـى اطـلـعـت مــن فـتـالة الـعـوز
وبـعـدني انـضـح وفــه كـلما يـعوزون
بـلاكـت ردت أجــرب فـزعـة اعـضـاي
حــتـى امــتـاز بـيـهـم مـــن يـفـزعون
لأنــــي بـغـيـرتي مـــا گصـــرت يـــوم
وصــرتـلـهـم درع گبـــــل الـيـطـلـبون
ولا ســويــت مــنــه وگلـــت ســويـت
واتــغـاضـه واعــبــر شــمــا يــسـوون
انــه يـوسـف واخـوتي الـذيب والـبير
وبـاعـونـي بـضـاعـه وگلـــت بـالـهـون
ونـكـرت الـصـار كـلـه وگلــت مـاصـار
ورمــونـي وگلـــت لايـابـه يـتـشاقون
ومـــن ضگهــم الـعـوز بـسـاعة الـعـوز
افرشت روحي بكبرها وصرت ماعون
الــوعـاء اشـبـيـه يـنـضح بـالـذي بـيـه
ونـضـحتلهم عـسـل حـدمـا يـشـبعون
ونـضـحـولي مــذمـه وگلـــت لابـــاس
ولگيـتـلـهم أعـــذار وگلـــت يـصـفـون
الـمـصـيـبة لا صــفـو لا عــدلـو مــيـل
وگامــــو ويـــن مـــا مــالـت يـمـيـلون
انــــه يـــا دهـــر مـــو شچاي لـلـحـال
ولاضــــاگت عــلـيـه ورايــــد الــعـون
انــه مــدوخ الـوكـت بـمـطاول الـبـال
وانـــه وصـفـة صـبـر لـمـن يـجـزعون
عـظـم هـدهـد والاگي مـنـاحر الــروج
واهـــم بــالـراگ لـــو طــبـو يـغـرگون
انــه خـايـف عـلـيهم مــا عـلي خـوف
غــشـمـه وخــــاف بـاولـهـن يـعـثـرون
وإلا انـــــه ضگت حـــدمــا تــكـفـيـت
الــوحــل جــــدام يـالـبـراگ تـمـشـون
لـبـست مــن الـوكـت وابـليت الـثياب
وفــصـلـت الـصـعـاب اردان ومــتـون
حــفـر بــيـه الــزمـان هــواي أخـاديـد
وعـجـني ولاچنــي واطـلعت مـسنون
وقـريـت بـلوح سـفره الـبين الـسطور
وشـفت عصاة موسى وشفت فرعون
انــه مـوشـر يـدهـري وضـايگ الـويل
وانـــه فـــولاذ عـاصـي شـمـا يــدگون
چوانــــي الــزمــان بــنــار مــــن نـــار
وذبــانــي بـخـضـمـها بـحـظـن أتـــون
انـــــه يـــادهــر هـــــذا وهــــم ذولاك
انـتـحاسب والـيـضم الـصدگ مـلعون
چنــت عــاگد الـسـاني الـشامت يـلوم
وانــه نــزري الـطـباع مــن الـيـلومون
أســامـح وانـــه بــيـه هــواي لچمــات
وادفــنـهـن دفــــن بــلـكـت يـحـسـون
هيا هاي وداعتج لا تستحين
دوسي فوك الروح اللعبي
وادعيني ولا تجين
حطني شذرة بخنصرك واتباهه بيه
وصوغني بأذنك تراجي وسن ذهب حطني على بختك حتى اذوب بشفتك وي المحاجي
ولا تخليني كحل برموش عينك ، انت دمعاتك عزيزة
و خاف اطيح وي البواجي
طفيتها بكلبي الجكارة
جي حن اله وسولف اخبارة
وحطيت نار بصفها ناره
وغنيت حزني وية السكارة
غنيت جرحي وصار تعويد
ولا غفت عيني ولا رضا يهيد
ملجوم كلبي بفرحة العيد
وحزنة انطبع وية الموليد
حزنه انبطع كلبي اعلى راسي
وما يكضي ليلى ويكضي كاسي
الفضلته مرة انا اعلى ناسي
موسم عشرته هواي قاسي
تدرون امس بالطيف مرني
وفزيت كاره روحي واذني
جي سمعت باسمي يغني
ما اريده خل يروح عني
ما اريده لا يلفيني بالنوم
فزيت كاره حتى الهدوم
ملجوم منه هواي ملجوم
ما اعذرة لو توصات معدوم
ما اعذرة من يطلب رضاتي
ذاك الكبل جان بلهاتي
الكتله مراة انت امنياتي
خل يمشي ما ترهملة اغاتي
خل يمشي لا اشوفة المذلة
وانا ابن ابوي واسمه دله
جانت عشرتي وياك زلة
وعشكك نزل ع الروح عله
عشكك سهر و هموم والام
وانا الكبل بالمغرب ينام
محتام اكضي الليل محتام
من ما تجي حروفك والاحلام
من ما تجي حروفك عليه
جان الحرك يبدي من ادية
وضحكاتي ما تجهب عليه
وهسه الضحك صبح ومسية
هسه الضحك تارس سنونه
و طش الخضار بروحي لونه
و كولوله ناسيهن عيونة
ومرتاح مر يومي بدونه
مرتاح انام بدونه مرتاح
وما مر وجع دونه بالاصفاح
ولا يضن ليلي يخلص نياح
كاضيها اهلهل وسط الافراح
من الباب اجاني وكلت
بابي انه ما ينسد
وعزبته كتله هلا
ما سدلي باب بوجه
وبيبان گلبي شگد
بس للاسف بالغت
حسبالي تعبي حلو
انطيت كل الكحل
والجفن چان ارمد
والله انقهر ع التعب
و للاسف گلبي نقي
المفروض گلبي اسود
عقيل العرد
طفل كلبي اجه وما شايل فلوس..
وانتي منين ما اعاين دكاكين
جبار رشيد
ثق بأنني أستطيّع أن أجازف بالتخلي عن
كل شيء في حين يصبح المكسب نفسي
يا بلاد الرافدين السكته عيب
الصوت ذمة برگبة اليگدر يصيح
وانه وين وي النفايات القديمة
وي المسلة لهسه ضال
بيه ماتت جم قصيدة وبيه خظر جم شهيد
وبيه كاعد چم نبي وماعندي بيت
انه زايد عالحياة
ياهو ينطيني وفاته وياخذ الكلشي بحياتي
وياهو ينطيني ثمن شيلة خواتي ، خاف ارد لسنين ما قبل النظام خاف ارد لفوضويتي
كلشي جائز ماكو شي اسمه حرام العمايم انتقام
وين انكيدو الجميل ووين سقراط العظيم
جان كلكامش معمم يقره ايات الخلود بجامع الفقره اغاني
اية منهم تايبين و اية منهم يا حمد مر بينه شارع ضايعين
اكتب اسمي بدفتر النسيان يا جيل السخافة باجر الجيل الجديد يحطلي تمثال وقصيدة
بباب كل عنوان للحب والترافة
عزيز عسكر
اثنين جانو الك ماكو بحياتك فقط انا ونظر عينك
وعينك درتها ورحت ولا جني منك جنت وبكل سهولة اخسرت واحد من اثنينك
من كتلك معزتك من معزت الماي
ما اقصد الماي الـ بالنهر موجود
تذكر من وكف عباس يم الجيش
كدامة العطاشة و من وره عامود
واجه ذاك السهم بالجود وتبديت
اقصد ع التبده من هذاك الجود
شما باجر تزيد بخبثك وياي
انا باجر يزيد الطيب بيه
يشمرها الهدية اليزعل وياك
جا تشمرني وتخلي الهدية
كل يوم اني اذا ما اضحكك وياي
احاول حتى لو ضحكك عليه
مـوش انـته الـلبـالي ولا انـت الـمقصود
مــدري شـلـون رهـمت وانـت صـرت انـت
وردتـــك عـــود تــرهـم مـارهـمـت ويـــاي
وردت بـــس مـــا تـهـيـأ الـحـاسبه وردتــه
عـلـى الـخـامس وســادس كـالـبتهه ويـاك
وارخــيـلـك حــبــل وبــــلا وعــــي تـعـتـه
ويـمر صـيفك واجـرعه وعـود اتاني شتاك
يـاحـنـضـل مــــرار ان كــــاض وان شــتّـه
لـهـسـه مــرورتـك تــحـت الـلـسـان تــبـات
عــكـده وكـــل حــلـو بــهـواك مـــا ضـكـته
واحـــس بـمـنجلك يـحـصد ورود الـشـوك
اول مـــــــا نــــمـــا الــحــديــن وشـــرتـــه
ابــاريـلـك عـلـيـمـن لــيــش بــعـد ارجـــاك
مـجـفـي وكـــل ســبـب لـلـوصـل كـطـعـته
دنـــاك انـــه الـرجـيـج الـمـايعرف الـغـيض
لــــو انــــه الـيـسـيل الــمـاي مـــن تـحـتـه
انــا مــن اغـتاض افـك لـلغيض مـية بـاب
واغـــلـــك لــلـمـراضـه ولــلـصـلـح ســـتــه
انـــا يـسـمـر نــكـور ومــثـل نــكـر الـطـيـر
اول مـــــال لــجــحـت الــبــيـك فــرزنـتـه
مــوصـاحـب طــويـلـه ولا ثــمــل بــهــواك
ولا انــــت ولام كــلـبـي وصـــدك والـمـتـه
اذاً سـيـان عـنـدي ان رحــت وان ضـلـيت
دامــنــت اعــلــه هــجـرك عــمـر عـاشـرتـه
اذا هـــــذي رغــبــتـك والــهـجـر ســلــواك
مــــوش انــــه الــيـعـت بــذيــال بـايـعـتـه
ولانــه الـيـشتري غـالـي ويـبـيع ارخـيـص
ويــحـط ثــمـن نـفـسـه بــسـوك عـاطـفـته
ولـــــو ادري اتــغـنَّـج والــغـنـج مــطـلـوب
بـــس لــعـب الـعـواطـف فــاتـي او فـتـتّـه
انــا بـشـرع الـعـشك ديـن وصـلاة وصـوم
وبــثـكـل الــبــوارح لــــو حــكــم صــمـتـه
وبــشـرعـك شــطــارة وغــالـب ومـغـلـوب
وكــلـمـن يــــرى الــنـاس بـعـيـن شـاكـلـته
انـاحـزنـي الـتـلولي اعـلـه الـمـهد الـوحـيد
مـايـنـشـبـع مـــنــه شــكــثـر مــــا عــفـتـه
عــلــى الــغــارب حـبـلـها وروح لا رديـــت
مــلــيـت الـمـسـايـس مــــا نــفــع شــفـتـه
مـقـفـولـه وابــــوه الــيــدك بـــاب اهـــواك
لابــــد يـوصـلـك لـــو تــضـل بـــس انـــت
شلون ماطكت عشب بيه الثواني
ويخلص الليل ويخضر ليل ثاني
بيه واهس كافر وربج هداني
الليل شبعني سفر وانه بمكاني
علي رشم
البيوت التي لا تسمع فيها الموسيقى لاتدخلوها بسلام امنين 🖤
اجمل عزف لسيدة الغناء دخولية اغنية ( انت عمري )
ومشهد غيابك خرابة
وصوتي مبحوح شيصح
الشوارع كلها مسكونة
وصفير وصوت ريح
والهياكل والجماجم ملحمة
والناس ميتة
ووحدي اعثر واطيح
ولو خبر منك يجيني
الناس تعدل من جديد
ضوه يبين من بعيد
مطر ينزل
شمس تضحك
المشانق تنصب مرجوحه
لاطفال الشهيد
الورد يطلع بالجماجم لو تجيني
واقدملك اعتذاري وانكساري وكل حنيني
لو كلت هذا خطية
وياما كتلك من اديه تروح
بس مو من اديه
وياما كلتلك شوفتني جنازه امي
من ثگل وجهك عليه
من بلد يدخل حرب
تتهدم بيوته
ولو گلب قرر يحب
تتگطع بتوته
الحرب من تنتهي
يتعمر الينهدم
ويتعوضون المشوا والجرحى والموتى
بس من يخلص العشگ
ويبدي الفراگ الصدگ
يبقى اليحب ينتظر
يا ساعة من القهر ينشال تابوته
عقيل العرد
حاسديني جروحك محلياتني
چا دواك شگد حلو يسويني ؟
عبد الكريم القصاب
كل عام وانتم بالف خير اعادة الله عليكم بالصحة والسلامة
عيد اضحى مبارك
علي تعبر اذا حطولي سم بالزاد
بس ماتعبر علي وجوه مسمومة
ناس تحب طشاش وكل خراب اثنين
يحسدون الكصيبة شلون ملمومة
ما گلتلي من البدايه
الـحب ظلاله
الشوگ لعنه
حتى لا أكفر و أحبك
.
ميثاق الهلالي
