2902
قصائد،،نعي،،،ابوذيات،، كل ماهو مايخص القضية الحسينيه ستجدونه هنا للحزن والافراح قناة الرادود محمد الدبي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
فاطمه ألمحد عـرف مكنونها
الله خالق كلشي لجل أعيونها
لولا فاطم ماخلق ربنا الفلك
ولا سمه مبنيه يخلق لا مَلَك
ألما يوالي فاطمه حتماً هلك
فاطمه سر مستتر مضمونها
لا أرض مدحيه يخلق لا شمس
ولا گمر يضوي ولا جن وأنس
اليوم هيه وباچر وهيه الأمس
بمعرفتها أتدور خلي أقرونها
نعم يرضى الله الرضاها أم الحسن
والغضبها يغضب الله بـكـل زمـن
صـار حـالـه حـال عُــبـاد الـوثن
ألـمـا نـصرهـا مـن اليظلمونها
بـاب الله بـابـهـا أيدفعه الـنـذل
وتنعصر ويطيح من عدها الحمل
ويلي مـن كسر الظلع ظلت تون
بـيـا ديـانه ويـا شـرع ياذونها
بغضاً بـحـيـدر علي هـذا الجره
حـالها أشلون العقل يـتـصـوره
أتخيل أنته جيش فازع ضد مره
وبين باب وحايط أيعصرونها
بين باب وحايط المحسن وگع
گوة گام تجر نفس من الوجع
وسوط قنفذ بيدها ويلي أنطبع
وركد من العصره حيل أمتونها
لحد ما ماتت بقت تبچي وتون
بليل وبسر وصت يصير الدفن
حيدر أعله أفراگها عاش بحزن
مايطيب العيش اله من دونها
حسين حمدان الدلفي
لسان حال الامام علي عليه السلام في تشيع مولاتي الزهراء عليها السلام يقول
علي حسين واو ويلاه
شيعتج انه ابدمعه العين
بس محد ايشيعه ابنج حسين
ضل عل الترايب ثلث تيام
ومطشر ابطول الميادين
على حسين واو يلاه
****
بضلعج كسر بس ضلعه مطحون
ويلي بحصيره حسين مدفون
والتهضم وتجرحني بس هاي
ايذبحونه يم ابنيتج ام عون
على حسين واو يلاه
****
يم راسج انعه وحيل مكسور
بس ماكو مثل امصاب عاشور
حسينج يافاطم خيل ينداس
وعلى الترايب يبقه مشمور
على حسين واو ويلاه
****
كل ميت إكراماً يدفنوه
جا ليش ابنه حسين داسوه
هدو علي بل الخيل وحجار
فوك الترايب عاري خلوه
على حسين واو يلاه
زينب تلمه وتبجي وتنوح
وبكل مكان حسين مجروح
ماضل ضلع سالم بل الحسين
وصوت اخته من النوح مبحوح
مرتضى محمد الموسوي
قصيدة بحق الزهراء عن الامام علي عليهما السلام
يالروحي تهواچ ما اكَدر انساچ
بهم وقهر عفـتيني وياج اخذتي سنيني
--------------------------------------------------
وية نعشچ احلى ايام العمر خـــــذتيها
حسرة ودموع وبواچي بالكَلـب عفتيها
يالزچية صعبة حالي فركتـــچ تاذيها
روحي مجوعة ابغيابچ والحزن غاطيها
ما تنشف العين لخير النساوين
دم بُعدچ ايبچـيني وياچ اخذتي سنيني
--------------------------------------------
يالعفتي وسط الـــــــــروح آه اونة
بنعشچ مشة الدفــــــــان وابعد عنة
شكَد چنت احـــــسب واحلم واتمنة
ومن رحتي يالزهرة كَطعت الظنة
اخذيني وياچ يعذبني فركَاچ
من رحتي ما خذتيني وياچ اخذتي سنيني
--------------------------------------------
اتمنى موتي ولا اشوف الفركَـــــــة
ابالي تعيش وياچ اخر شبــــــــــــكَة
وتاكل ابروحي من مشيتي الــحركَة
مثلچ حنيـــــنة بالبـــــشر ويــن الكَة
ما ابطل النوح لو تطلع الروح
فراكَچ صعب ياذيني وياچ اخذتي سنيني
___
ايهزني الحنين ودمعي يجرح خدي
بس ذكريات ويـــــــاچ ظلت عندي
من اتذكر العشرة الـــــمواجع تبدي
تمر الليالي وانة انوح لــــــــوحدي
ما اكَدر انساه العمر الكَظيناه
هنا چنتي اتحاچيني وياچ اخذتي سنيني
-----------------------------------------------
منچ فلا شبعت عيــوني وشلتي
كلش قليلة ايام عشـــنة ورحتي
تبقى تعيش ايامــــــچ ابذاكرتي
مدري شيريد وياي ظالم وكتي
من صابچ الباب لب الكَلب صاب
والسطرة صابت عيني وياچ اخذتي سنيني
--------------------------------------------------
فراكَ النحبهم بينة يــــزرع حســـرة
وصعبة الليالي اتمر علينة وكَـــشرة
شيصبرة دلالي خــلص كل صـــبرة
وياچ اخذتي الــــروح ها يالـــزهرة
يجرحني الغياب وفراكَ الاحباب
بحلامي بس مريني وياچ اخذتي سنيني
------------------------------------------------
أسألكم الدعاء رائد الاسدي
گعديه. بصوت. مسلم المطيري
شكثر ونها. شگد حزنها
كلمات الشاعر
حسن لعيبي الحريشاوي
من شيع الزهره شيع علي عمره بليل الضوه انشال
تكثر تره جروحه الدافن بديه روحه المن بعد ظال
****
مفارك علي الليله الروح ومن يمشي مشيت مجروح
اتروح كل ضحكه وصوت شمعة البيت من اتروح
شايل حياته بتابوت ومن يبجي يبجي بلا صوت
امبين علي شگد مخنوك عالزهر اضن راح ايموت
الليله علي شيع عمر للمگبره بليل
وبيده دفنها زهرته وما بي بعد حيل
شابك گبرها ودمعته عالخد دمه اتسيل
جرحه علي شكبره ولازم بديه ظهره ومتغير اهواي
محني الظهر يمشي ضيع علي كلشي ومن يبجي بهداي
غالي وفگد غالي وما ظلت آمال
**
عالگبر خله ايده وصاح بعدج علي ما يرتاح
من هسه بين فرگاج وصفك كمت راح براح
ما حاسب الهذا اليوم حسبالي عشرتنه ادوم
من رحتي وانه بلا روح وما شايفه عيوني النوم
كبرني فگدج فاطمه يمكن الف عام
وگمت اعثر بنسمة هوه وكل ليلي ما انام
والزاد مر بفركتج صايرله ايام
من يوم مارحتي لازمها خاصرتي هد حيلي فركاج
كلما يمر ذكرج بدمعي اركض الكبرج وابدي احجي وياج
ويالزهره بغيابج متگطع اوصال
***
كلما احس صدري ضاك للمكبره حيل اشتاك
والها بدمعتي تعنيت وكلتلها مابيه افراك
يالزهره ضعت بلياج وعافيتي اخذتيها وياج
ملهوف اردن للبيت واختنك من ما الكاج
شنسه وعلى الذكره عشت يا اغله الاحباب
وكلما احن وتذكرج اركض عله الباب
وتدرين حيل اتغيرت ماجني ابو تراب
افراكج كسر ظهري ونار اشعر بصدري وما اكدر انساج
ما بطلت نوحي بجيتج ترد روحي ويا محله ملكاج
ما احمل الفركه وهجرج علي طال
***
كلتيلي ارجع للبيت وياريت اله ما رديت
تلگتني زينب بالباب ولمن شفتها احتاريت
لا بيه اكللها عليج ولا بيه اكللها شبيج
شبكتني وتنام تريد زينب وضعها ايبجيج
اتكلي وين امي مشت وشكبره همها
كلما افز من نومتي تنومني يمها
مكسوره البنيه تظل لو ماتت امها
مشتاكه اشوفنها والصدري اضمنها بيديه الزغار
ورجع اشمنها ولا لحظه اعوفنها وما ريدن احتار
ومن ما لكيت امي وحده الدمع سال
*
كلتلي بويه امشي وياي عندي حجي وياك اهواي
خليني اون ونحب حيل لاتكلي زينب بهداي
ليش امي عافتني بليل وليش اسمع اصهيل الخيل
وليش من انام اسمع صوت زينب تشوفين الويل
رايح يكلي بكربله زينب تحيرين
ومتونج ايصيرن زرك ومسبيه تمشين
عليجن خيمجن تحترك وشكد تركضين
رايح يعذبونج وشكد يسبونج وتحتاري بيتام
تظلي بلا خيمه وتباتي بالهيمه وياغربت الشام
ويازينب اجفوفج تاكلها الحبال
***
ايكلي زينب تدرين مايظل شي من حسين
رايح يطحننه الخيل وبس الحوافر تلگين
بحر الشمس يبقى اهواي ويظل يدور عله افياي
عالرمل تدرين اينام ومحد انطاه شربت ماي
يصعد على صدره الشمر ويحز وريده
ويخلي راسه عله الرمح ويرفعه بيده
وزينب يجيج الخيمتج سبيج يريده
ايرفعه جدامج وتشوفه ايتامج الغالي مذبوح
من ينگطع نفسه بصدره يجي ايرفسه ابن امج ايروح
وتشاهده عيونج نايم عل ارمال
***
تمت
ميثم العمري
#قبل #القصيدة...
هل تعلم: ان الرواية الاولى لشهادة الزهراء(ع) والتي تصادف يوم( ٨ ربيع الثاني) تصادف ايضاً
يوم اربعينية رسول الله(ص وآله)...
فكيف قضت الزهراء تلك الليالي
#القصيده #متعددة #الاوزان #والانتقالات...
..ـــــــــــــــــ ❁ ❁ ❁ ـــــــــــــــــ
بربعينك .. خلص عمرها
بربعينك .. اخفت گبرها
ماتت الزهره وگضن دمعاتها
يارسول الله وطفن شمعاتها
بربعينك
ـــــــــــــــــ ❁ ❁ ❁ ـــــــــــــــــ
.
يارسول الله بغيابك
انفتح باب الدمه
حيدر انشدن چفوفه
ونسطر خد فاطمه
.
كلها صاحت... مات ابوها
بعد ما عدها حمى
وبعتبتك .. عذبوها
ومحسن بدمه ارتمى..
.
من عصروها ... الضلع اتكسر
اتلگاها... وشوف شعدها
.
من الرفسه.. تمشي وتعثر
ينزف دمها.. ولطمه بخدها
.
تدري بيها .. اخفت جرحها
تدري بيها .. مظلم صبحها
ارتجت اركان السمه لأنّاتها
يارسول الله وطفن شمعاتها
بربعينك
ـــــــــــــــــ ❁ ❁ ❁ ـــــــــــــــــ
.
اربعين اليوم بيهن
بگد عمرها الي گضه
شماتشاهد دمعه من دم
اعله خد المرتضى.
.
تدري حيدر .. شمانظرها
يترس بحزنه ألفضا
.
يمه ذبلت .. من زغرها
والضلوع مرضرضه
.
بخدها الصفعه .. صارت زرگه
الضلع مورم... ولحد چفها
.
بعد شتخفي.. حتى الشهگه
شرحت كلشي.. ياوالدها
.
ياهضمها... بعظم رزيه
ياهظمها .. بهاي المسيه
طاحت وسمعت ضحك شماتها
يارســول الله وطفن شمعاتها
بربعينك
ـــــــــــــــــ ❁ ❁ ❁ ـــــــــــــــــ
.
اربعين اعليها مرن
چن رمح بيها يفت
ألحسن يكسر گلبها
الدمعته من تلتفت
.
امنياتي .. يُمه گلها
العصره بضلوعي ردت
.
منين اقبلچ.. خاف الچمچ
ريت لو دونچ متت
.
يمه بجفي .. جبت اميه
يبست روحچ ... يالعطشانه.
.
راح ارويج .. شويه شويه
بلكي تعينچ .. يالذبلانه
.
منچ اسمع .. رتلتي الحروف
منچ اسمع.. عن طاري الطفوف
ياكـربله وعن كربله كلمـاتها
يارسول الله وطفن شمعاتها
بربعينك
ـــــــــــــــــ ❁ ❁ ❁ ـــــــــــــــــ
.
اربعين امصاب عدها
ويه كل طلعت شمس
حسين ماتگدر تحضنه
منهد ما طگها الرجس
بس تشمه .. يجري دمها
والضلع بي ينترس
.
الريه عدها .. يزيد المها
بالهوه من تنلمس
.
وصت زينب ... يُمه امنيتي
اشتم نحره ... ولثم صدره
.
يوم العاشر .. لو صليتي
ودعي حسين .. بآخر نظره
.
ياحزنها... بهاي الليالي
ياحزنها... بعدك يغالي
سـوره بلباب نسـبن آياتها
يارسول الله وطفن شمعاتها
بربعينك
ـــــــــــــــــ ❁ ❁ ❁ ـــــــــــــــــ
.
اربعين احزاني خلصت
واربعينيات الچ
يمه يالحره العقيله
بعدي لو ماتو هلچ.
.
من بعدهم .. يبدي طفچ
وي اخوچ وكافلچ.
وبذبحهم.. يجري دمعچ
وعالهزيله محملچ.
.
زينب يمه .. يالملهوفه
للعباس .. بذيچ الگطعه
.
يمه الكافل .. عيني تشوفه
السهم بعينه .. يظل ميطلعه
.
يمه زينب .. يكثر ونينچ
يمه زينب .. الله يعينچ
هواي تندب فاطمه لخيماتها
يارسول الله وطفن شمعاتها
بربعينك
ـــــــــــــــــ ❁ ❁ ❁ ـــــــــــــــــ
.
من وفاتك لربعينك
يارسول الله شكثر
ليله ليله ويه الزچيه
خلصت بيهن عُمر
.
خل تخبرك .. الشريفه
عن گلبها الي انفطر
من الصحابه .. والسقيفه
چم رمح بيها استقر
.
وصت حيدر .. يخفي المدفن
حتى اعداها .. ميزوروها
.
عيون الشيعه .. تعرف يبچن
وسط الدمعات .. ايدوروها
.
هايشيعه .. اسمع بجيكم
هايشعه .. كل يوم اجيكم
بالمجـالس تحظـر بآهـاتها
يارسول الله وطفن شمعاتها
بربعينك.
تمت بفضل ربي وعطاء اهل البيت
.
#لابأس بذكر المدخل التعريفي للقصيده لتبيان #فكرتها للجمهور… .
.
حسن الموالي الفاطمي
.
السبت
٢٣سبتمبر ٢٠٢٣
./channel/noorAlhseenn
لاستشهاد الصديقة الزهراء عليها السلام
السلام على الزچيه. عِدَّتِي وزادي
على الاسلام كله. بضعة الهادي
★★★★★
السلام على الزچيه العالمه الحره
الحكيمه القانته والطاهره الزهره
التقيَّه الحانيَّه والقائمه. الدرَّه
الشفيعه بالحشر. لوقرب ميعادي
★★★★★
السلام على الحليمه الكوثر الرحمه
البليغة الزاهده. ويافخر للامه
البتول ام المجد. والعلم والحكمه
ماخاف القيامه البسمچ اينادي
★★★★★
السلام على الفخر حوراء أنسيه
العليَّه العابده الجوهره القدسيه
الشريفه الشافعه الدره السماويه
الهزت كل صلف ظالم استبدادي
★★★★★
السلام على الشهيدة المضت مظلومه
الوفيه الصابره فاطمة. المهظومه
ياركن الهدى الي تون. ملچومه
العليها اتون جبال الأرض والوادي
★★★★★
السلام على الصفيَّه ودره مكنونه
الجليله الصائمه الزاهره الميمونه
الغريبه الناحله كل وكت محزونه
بعمر مثل الورد بيه القدر حادي
الشاعر حسن لعيبي الحريشاوي
/channel/noorAlhseenn
زينب اني يالزچيه ...فرگتج كلش صعب
ردي وخليني اعيشن...خل يدگ ليه الگلب
ـــــــــــــــــــــــــــــــــــــــــــــــــــــــــــم
يمه مخنوگه بدونج ...صدري ماضل بيه هوه
ريت روحي وياج تطلع ..ونندفن يمه سوه
ضلمه صارتلي حياتي.. بعد ما بيها ضوه
يمه بس ردي عليه....
بعد وكت ااعله المنيه...
ردت من امشي سبيه...ردتج بين الغرب
ـــــــــــــــــــــــــــــــــــــــــــــــــــــــــــم
چنت اشوفج واني بالهم..مايضل عندي زعل.
من شفت متنج ييمه... كلشي بيه هالنحل
يمي من ضيم السقيقه ..مابگه عندي امل
طيحوج اعله الترابه
شلون مجموعه عصابه
لبسوا لباس الصحابه... ماكو عدهم بس سلب
ـــــــــــــــــــــــــــــــــــــــــــــــــــــــــــم
گلبه اسود ماكو رحمه ال يحرگ ويكسر ضلع
وخله بت سيد الرساله اعله ابنها تنفجع
من هد مافاركنه جدنه مانشف منج دمع
ياطمعهم بالخلافه
هجموا اعليج بصلافه..
خالفوا جدنه حسافه....هيجي جازو بالضرب
ـــــــــــــــــــــــــــــــــــــــــــــــــــــــــــم
يمه محسن ردته يكبر...عون اليه بكربله
ردته وي كفالي باچر....تلوذ بيه العايله
باجر أنه بلا اخوتي...واعله ناگه و مايله
شمحله لوخواني كثره
خيل ماشوف اعله صدره
لاتوج بخيامي جمره ..ولاسبي وضيم الدرب
ـــــــــــــــــــــــــــــــــــــــــــــــــــــــــــم
راح اعليه المصايب...ممشه چن سيل النهر
راح شيب يغطي راسي.وابقه يمه بلانضر
وبعد لانوم ويجيني ...واگضي عمري بس سهر
من يطبرونه ابونه
وينمرد جبده اخونه
والحسين يسلبونه....واليجيني بس رعب
مقتدى الشبلاوي
/channel/noorAlhseenn
موشح
جينه ننشد فاطمة عن الضلع
من نبت بسمار بي ماينشلع
وفوگ هذه الضيم محسن من وگع
ونذل رد وسطرها بعينهه
(::::::::::)
لمهم اعله الباب جند محزمة
وكلهم ايريدون جتلت فاطمة
والمصيبة مانخت حامي الحمة
يمها ما رادت يجي ويعينهه
(::::::::::)
گوة تتنفس بقت من الكسر
ويا صبرها الواگع بنار وعسر
دمعة ام الحسن تمهيد الأسر
وبتده من اليوم ذبح احسينهه
(::::::::::)
حايرة ومجروحه من غير الهضم
ومن ضربته النذل وصلت للعظم
ليش مثل الزهرة انشد تنضلم
بيا ديانا اتصير هاي بدينهه
(::::::::::)
اليوم لجل الزهرة مغتاض الرحيم
وليش يضرب فاطمة بجفه الزنيم
نسأل الله يصب علي نار الجحيم
الخله فاطم ماتكمل اسنينهه
(::::::::::)
جاب نار بجفه ويريد الحطب
والابالس لمهم وبيهم خطب
صاح كون الضلع اترك بي شطب
مايطيب ولا يكف اونينهه
(::::::::::)
خادم الزهراء الشاعر محمد البنداوي
/channel/noorAlhseenn
كلش اشتاكينه ل زينب
كلبي يسئل بنكساره
ليمته نبقى ابلا زياره
هايه زينب يا غياره
وحيده
جم سنه مرتهه هايه
الكبه ما فوكاهه رايه
هايه الخوتهه ضمايه
غريبه
صعبه المعود كل سنه يمهه
صعبه ما ايخلونه يروح الهه
*
والخدم تتمنه كلهه
تلطم وتبجي ابصحنهه
كلش اشتاكينه الهه
الحنينه
يبجي ليله وي نهاره
الرايح ال زينب زياره
بكلبه تلهب ويلي ناره
او ونينه
تذبح من تباوع عل الصحن ياويلي
تذبح الصحن فارغ هاي هدت حيلي
**
ابكربله مرقدهه ريته
يم الحسين ابحميته
او ما تطب شام او اذيته
عذاب
او ماتطب ديوان اميه
او لا يسموهه السبيه
وحتى جا مرقد رقيه
ابكربله
زينب كون مو بل الشام يم اخوتهه
زينب ابكربله اصير اشكبر حضرتهه
***
تعبت اهواي ابعمرهه
او ميته والغربه بعدهه
او ماكو كل زاير يمرهه
مصيبه
من الحبل زركات اديهه
يالطم يكفي عليهه
صرنه نتحسر نجيهه
الحبيبه
وسفه ماكو زاير بل الصحن ينعاهه
وسفه ابلا يه زوار الوكت خلاهه
****
روحي تنعه ابكل وكتهه
خاف اموت او ما زرتهه
طلبه من زينب ردتهه
ازور
حتى لو بس مره رايد
الباب الاخضر يمه كاعد
ارد ازورج الله شاهد
ونوح
وكتي بس افكر همي اصيرن زاير
وكتي ابجي لم عون اني وحدي اوحاير
مرتضى محمد الموسوي
#خدام_الحسين
#للشهداء
#ليلة_الجمعه
ياليلة الجمعه عدنه غياب
بتراب النجف مدفونه الأحباب
ياليلة الجمعه عدنه غياب
*---------------*---------------*
كل جمعه التمر اشتاق ليهم
من راحوا بجيت شكد عليهم
يهل دمعي بهظم واذكر حجيهم
ياريت الوكت لو يرد بيهم
ضلمة الدار تنشد وين الاحباب
*---------------*---------------*
وين اهل المحنه لفاركونه
خلو بالكلب لجمه ونسونه
عزاز بعيد شالوا مايجونه
بعد ذيج المحنه هل جفونه
عافوني غريبه شنهي الاسباب
*---------------*---------------*
ناموا بالكبر طشر شملنه
ندك بيبانهم جاوين اهلنه
نشوف مجانهم ينزل دمعنه
وحشه الدار اضلم يانزلنه
حسره وبنفس يادكت الباب
*---------------*---------------*
موحش بيتهم ياوكت الغروب
شبان لفكدهم كلبي معيوب
راحوا من وكت وسدوهه البوب
علينه اعزاز تنعي هاي الكلوب
ويضل الدمع يعزاز خنياب
*---------------*---------------*
شبان وغفيتوا وسط الكبور
وعليكم هل گلب يعزاز مفطور
جنتوا دنيتي يالجنتوا السور
من شالوا هلي ضل طافي النور
اصيحن ياهلي ومااسمع اجواب
*---------------*---------------*
✍️باقر جبار الشويلي
يافاطمه... الباب حــــــــيل أذانه
يافاطمه... ماخذ أعـــــــز انسانه
حسره تلـحگ حــسره
الضـلع بـــــين كـسـره
ابخدچ أثــــر صــطره
يافاطمه....... يافاطمه
〰〰〰〰〰〰〰〰〰〰〰〰〰〰
بــــــين بضلعچ كسـر
ماذيني حيل صوابچ
كـــــلما تونين انهظم
چانتي شنهي اسبابچ
ياريت اعـــــلم بالجره
ولاشوف دم اخظابچ
بعدچ ابريعان العــمر
موهسه وكت اغيابچ
مابيه أون...يـــــم الحسن وعيونچ
مابيه أون...گليلي هســـــه شلونچ
آعصاب هــل متوتره
ابخدچ أثـــــر صطره
يافاطمه...... يافاطمه
〰〰〰〰〰〰〰〰〰〰〰〰〰〰
يم الحسن هــــذا حقد
ادريه اوچـــــــان ابالي
والحرب ادريــــه لـلزلم
بس بيچ شلـــــو حالي
الفراگ مـــاگدره صعب
غـــالي ويفارگ غـــالي
اخ مـــــــن هـذا البلد
يبـــــــقه الحــقد لتالي
يدور الوكت...وكسر اضلوعه الصابچ
يدور الوكت...واخذ ابثــــار اصوابچ
الطــال عــــمره نبتـره
ابخـدچ أثــــــر صطره
يافاطمه........ يافاطمه
〰〰〰〰〰〰〰〰〰〰〰〰〰
زينب اگبالچ من تـــــون
يكسر الخاطر ونهــــــا
كــل ساعه هم يمچ تجي
حني يشارك حنهــــــا
ويـاچ أهي نفس الوجه
يـــــم الحسن اشوفنهــا
عــــل الحزن مابيه تره
خاف انــــــه ابعد عنها
بعيوني اشوف...انفاسچ اخر مـابقن
بعيوني اشوف...ادموع عينچ نگطن
رايـــــــحه ام العــتره
ابخدچ أثــــــر صـطره
يافاطمه........ يافاطمه
〰〰〰〰〰〰〰〰〰〰〰〰〰
صاحت حسين وشمته
گـــالتله يبـــني اخوانك
بعد انه ماضلي عمر
والـموت شـاني وشانك
جاوين اروح اليا كـــتر
گالتلي ظـــــل بمچانك
انـــــــــته تغسلني علي
مـــاتدي خـــل عدوانك
اصبر اصبر...الــله يــــــدري ابحالك
اصبر اصبر...ازغـــــار هـــايه اطفالك
ويـــاچ حـلوه العــشره
ابخدچ أثــــــر صـطره
يافاطمه........ يافاطمه
〰〰〰〰〰〰〰〰〰〰〰〰〰
الأجـل حــان اوآيست
والروح طـلعت مني
والنوح اسمعه بكل كــتر
ون الوحــي وي وني
اعيوني راحـن بالدمع
وجروحي حيل اذني
افراگ التحـبه اشكد صعب
وطاري، الهجر يلچمني
اتروح وياه...جـــناز صوب المگبره
اتروح وياه...اوروحك عليه مرمره
الاخــبار هـل منتشره
ابخدچ أثــــر صطره
يافاطمه..... يافاطمه
〰〰〰〰〰〰〰〰〰〰〰〰〰〰
ابو ماجد الشغانبي
٢/٩/٢٠٢٦
/channel/noorAlhseenn
احنه وين
والمصيبه اليبجي منها المهدي وين
ياحسين
شسوه جرحك بالزچيه ياحسين
الهي ان كان عمري مرتع للشيطان فاقبضني اليك
نصرة للجمهورية الإسلامية 🔥
الصلاة على محمد وآل محمد
مدد يابقية الزهراء🙏
الإضاءة الصح هي سر الصورة الحلوة! رينك لايت RK42 الأصلي بألوانه المميزة، يغير جودة تصويرك 180 درجة. 🌟
السعر: 7000 دينار ✨
للطلب: @OL_J_OL
الامام الحسين عليه السلام ينعى أمه السيدة فاطمة الزهراء عليها السلام ..
أضلوع لو اكسر بالطمي
يتعوضن شيعوض أمي
مو بس يغّيرن كون اعمي
يتعوضن شيعوض امي
لوكل عضو من اعضائي يدّمي
يتعوضن شيعوض امي
لتمينه هالليلة سوية
مأتم على اضلوع الزجية.. يالمه هاي وماتت امنه
مگبل غريب وي الغريبة
مناوب الماعدهن جريبه ..موتت هظم شيشد أزرنه
يمه . فاطمة
انه ابنچ الحُسين ناصب عزيه
يمه .فاطمة
عفّرته خدّي تُراب يمه الزجيه
يابثّ يفيد ويا كمد يمه الحنينه ابهونچ
غير انه ابنچ يمه لازم هسه بين اعيونچ
تعيشين ممكن دوني بس ماعيش انه بدونچ
واويلااااه يافاطمة
___
چنت ادعي يارب امي شافي
ما أوفي من تعطش شفافي
ماتت الزهره اشلون اوافي
ما أوفي من تعطش شفافي
وتذرني خيل اعله الفيافي
ما أوفي من تعطش شفافي
لحد كربله ومايگضي نوحي
تطلع لحد ماشوف روحي .. لهذا الضلع كون الحوافر
وجهي بسهام الطف الطمه
ياغصن عاش وماتت أمه .. هاليوم كون يصير عاشر
يمه . فاطمه
مسطوره الچ يمه عين وعيوني تبره
يمه. . فاطمه
بسهام اطفي الثنين ولو عندي عشره
فوگ الترب انصب عزا حي لو چنت هم منصرع
من انسلب وسط الفله حاله وحيده من الجزع
لو عشرة اخيول وحجر مايوفن الهذا الضلع
واويلااااه يافاطمة
___
حرگو الباب واجه أبالي
اخيامي حرگوهن اگبالي
تتراكض أطفالي وعيالي
اخيامي حرگوهن اگبالي
كل ذني لأمي ولا أُبالي
اخيامي حرگوهن اگبالي
نعي الولد مو مثل أمه
تبجي ربه ويبجيها هضمه .. وال اه تطلع ماهي اي اه
ياجرح الي يكلفني هزله
يهونن هذن للأمه عدله .. مادام هيه ابموته تنعاه
يمه . فاطمة
ما حسبت يطيح محسنّه يمه
يمه . فاطمة
حسبته بيده ماي من انه أَضمه
حسبته ينصب مأتمي مو انه انصب مأتمه
دمه ترس وجه الارض بدم الرضيع اترس سمه
ماقصر ابهذا العزه مادام لامي فاطمه
واويلااااه يافاطمة
___
مو بس ثلاث أيام عاري
فوگ الرمح ماتطفى ناري
وهديلها إشعالرمح قاري
فوگ الرمح ماتطفى ناري
ياذبح يوفي الي تباري
فوگ الرمح ماتطفى ناري
خايف ابذبحي تجي هيه
تتعب خطيه امي الزجيه .. وكل اليصير الها أواسي
ذاك العزاء وسط الخرابه
لأمي الزجيه اهوه ثوابه .. يلتم شملنا فوگ راسي
يمه .فاطمة
البيچ بيه كون يايمه فاطم
يمه . فاطمة
مكسوره الچ ضلوع وابقى انه سالم
جرت سهم من مهجتي أهون وله تجري نفس
افتر السوگ اعله الرمح مااوفي عصره من الأمس
او ولو الف حافر سحگ صدري وله الباب انرفس
واويلااااه يافاطمة
___
اللهم عجل لوليك الفرج المنتقم
محسن الحمداني
/channel/noorAlhseenn
الامام الحسين عليه السلام ينعى أمه السيدة فاطمة الزهراء عليها السلام ..
أضلوع لو اكسر بالطمي
يتعوضن شيعوض أمي
مو بس يغّيرن كون اعمي
يتعوضن شيعوض امي
لوكل عضو من اعضائي يدّمي
يتعوضن شيعوض امي
لتمينه هالليلة سوية
مأتم على اضلوع الزجية.. يالمه هاي وماتت امنه
مگبل غريب وي الغريبة
مناوب الماعدهن جريبه ..موتت هظم شيشد أزرنه
يمه . فاطمة
انه ابنچ الحُسين ناصب عزيه
يمه .فاطمة
عفّرته خدّي تُراب يمه الزجيه
يابثّ يفيد ويا كمد يمه الحنينه ابهونچ
غير انه ابنچ يمه لازم هسه بين اعيونچ
تعيشين ممكن دوني بس ماعيش انه بدونچ
واويلااااه يافاطمة
___
چنت ادعي يارب امي شافي
ما أوفي من تعطش شفافي
ماتت الزهره اشلون اوافي
ما أوفي من تعطش شفافي
وتذرني خيل اعله الفيافي
ما أوفي من تعطش شفافي
لحد كربله ومايگضي نوحي
تطلع لحد ماشوف روحي .. لهذا الضلع كون الحوافر
وجهي بسهام الطف الطمه
ياغصن عاش وماتت أمه .. هاليوم كون يصير عاشر
يمه . فاطمه
مسطوره الچ يمه عين وعيوني تبره
يمه. . فاطمه
بسهام اطفي الثنين ولو عندي عشره
فوگ الترب انصب عزا حي لو چنت هم منصرع
من انسلب وسط الفله حاله وحيده من الجزع
لو عشرة اخيول وحجر مايوفن الهذا الضلع
واويلااااه يافاطمة
___
حرگو الباب واجه أبالي
اخيامي حرگوهن اگبالي
تتراكض أطفالي وعيالي
اخيامي حرگوهن اگبالي
كل ذني لأمي ولا أُبالي
اخيامي حرگوهن اگبالي
نعي الولد مو مثل أمه
تبجي ربه ويبجيها هضمه .. وال اه تطلع ماهي اي اه
ياجرح الي يكلفني هزله
يهونن هذن للأمه عدله .. مادام هيه ابموته تنعاه
يمه . فاطمة
ما حسبت يطيح محسنّه يمه
يمه . فاطمة
حسبته بيده ماي من انه أَضمه
حسبته ينصب مأتمي مو انه انصب مأتمه
دمه ترس وجه الارض بدم الرضيع اترس سمه
ماقصر ابهذا العزه مادام لامي فاطمه
واويلااااه يافاطمة
___
مو بس ثلاث أيام عاري
فوگ الرمح ماتطفى ناري
وهديلها إشعالرمح قاري
فوگ الرمح ماتطفى ناري
ياذبح يوفي الي تباري
فوگ الرمح ماتطفى ناري
خايف ابذبحي تجي هيه
تتعب خطيه امي الزجيه .. وكل اليصير الها أواسي
ذاك العزاء وسط الخرابه
لأمي الزجيه اهوه ثوابه .. يلتم شملنا فوگ راسي
يمه .فاطمة
البيچ بيه كون يايمه فاطم
يمه . فاطمة
مكسوره الچ ضلوع وابقى انه سالم
جرت سهم من مهجتي أهون وله تجري نفس
افتر السوگ اعله الرمح مااوفي عصره من الأمس
او ولو الف حافر سحگ صدري وله الباب انرفس
واويلااااه يافاطمة
___
اللهم عجل لوليك الفرج المنتقم
محسن الحمداني
/channel/hxzeu1
تنويه القصيدة لخادم الحسين عليه السلام الشاعر تحسين الكناني
يمة برگبتي ثارين
ثارج وثار الحسين
ما تغمض اعليهن عين
يازهراء
….
بجمر المهج. متاني الفرج. وآخذ بأيدي ثاري
وبكل صبح. ينهض جرح. يهيّج بصدري ناري
لصوت الضلع. يجري الدمع. واظلم عَلي نهاري
ظليت اون. ع المنطعن. بالصحرة باقي عاري
ما تشفة بية الجروح
يومية تطلع الروح
گلبي اعلة ضلعج ينوح
يازهراء
….
يومية من. افتح جفن. منظر الباب اشوفة
طيحة طفل. جرة حبل. كافل هوة جفوفة
تجري الدمة. من فاطمة. المحسن بقت حروفة
لهذا الامر. باقي انتظر . ثاري ابد ما اعوفة
من فعلة السقيفة
متألمة الشريفة
هالأمة مو نظيفة
يازهراء
….
ضاگ الفضى. والمرتضى. ملتزم بالوصية
والشرذمة. متحزمة. ع الظلم للزجية
أتآمرو. وتعاونو. ع الكسر والاذية
صاحت مرة. اني ترة. بت سيد البرية
هجمو بكل صلافة
كل همهم الخلافة
منهجهم الخرافة
يازهراء
….
للباب اجو. واتأكدو. ان في الدارِ فاطم
كفٌ نتن. قال وإن. للخد صار لاطم
ويلٌ لمن. متقصداً. حرمةُ آل هاشم
كم خالفو. لم يعرفو. للثأر يوجد قائم
بهالجملة صوته يبدي
يال ثاراتَ جدي
اطلبها وانا المهدي
يازهراء
….
من غيبتي. لحد طلعتي. ابعث الة سلامي
طال الصبر. ضاگ الصدر. عالبقة بجرحة دامي
الظل وحّدة. بين العدة. حاير وگلبة ضامي
كل يوم احن. وابجي واون. واتنطر انتقامي
وبثاري گلبي يبرد
ويبرد گلب محمد
وحكم السقيفة ينهد
يازهراء
•بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
(گعديه ) لاستشهاد الزهراء عليها السلام
شكثر ونها شگد حزنها
البلصحابه خاب ظنها
فاطمه ابعمر الورد عذبوها اهل الحقد
شگد حزنها
★★★★★
اشخذت من حگ الصحابه اليدّعون اصحاب ابوها
انطوها بس ون الليالي ابگلب قاسي عاملوها
نسوا هيّه بت محمد ابسلب حگها اتذكروها
معنى الوصيه اليستمع
فاهمها عن سوء الطبع
يعني القصد كسر الضلع بغير معنى فسرّوها
مارعوها وضيعوها
بت محمد خالفوها
بهلمواقف. والقصد عذبوها اهل الحقد
شگد حزنها
★★★★★
شگدروايات ابكتبهم القصه چم واحد ذكرها
خاف تتغير مواقف كلمن القصه نكرّها
مايگول اشجره عليها وياهو الظلوع الكسرها
اقره الكتب عبر الزمن
مهمومه هاي ام الحسن
بشر النوايب والفتن ماتت باول عمرها
علضربها والي سبّها
الزهره ظلت تدعي ربها
على الباري تعتمد. عذبوها اهل الحقد
شگد حزنها
★★★★★
وبالاحاديث الشريفه طه يروي قول ربّها
فاطمه يرضه الرضاها ويغضب الباري الغضبها
ليش ظالم مارحمها بالهظم يكسر گلبها
من خالف الله والنبي
يعمل بأصله الناصبي
مثل الاسيره التنسبي عمدن بسوطه ضربها
ماتاسف ماتحسف
على البيها. الحق تشرف
من عنيد ومستبد عذبوها اهل الحقد
شگد حزنها
★★★★★
بيت بالايمان مبني فقه واخلاق وعقيده
حتما اتباع الظلاله ابخير يبقه ماتريده
الوعي ايعذّب فكرهم للصنم همه عبيده
من عاونوا چف القدر
راح الطفل ضلع انكسر
من بعد ابوها ابچم شهر راحت الربها شهيده
مانصفّها الماعرفها
باطن احقاده كشفّها
بغضب كل حاقد يصد عذبوها اهل الحقد
شگد حزنها
★★★★★
كلمه هزّت عرش ربها الگالها اباب الزچيه
فاطمه بالدار گالوا ( وان ) رد وزاد غيّه
الحطب كوّمه ورايد بالحرگ ينهي القضيه
صوبها بصواب الغدر
قصده ضلعها ينكسر
ولطفل اصبح يحتظر وعجّل عليها المنيّه
عذبوها بعد ابوها
على الونّه عودوّها
من السقيفه لِلَّحِدّْ عذبوها اهل الحقد
شگد حزنها
الشاعر حسن لعيبي الحريشاوي
/channel/noorAlhseenn
شوط كربلائي
حيدر غسلج بالليل ويجر حسره بأثر حسره
ومن شاف الضلع مكسور شال أيده ولزم ظهره
*
ألليله حيدر بيا حال حزين ودمعته اتلالي
شال أم الحسن بيده وللمغيسل مشه الوالي
يعينه الله علي رايد بيده ايغسل الغالي
انحنه والصدره ضماها وكام ايسولف وياها
علي ما أضنه ينساها
والله ايموت الف موته علي لو فارك الزهره
*
شال الماي ابو الحمله وعليها يبجي كام اهواي
لن يسمع علي دخيلك غسل فاطمه بهداي
الغالي اشلون كلبها انطاه عالغالي يدير الماي
بعلي املاك السمه احتارت من ايده عله الضلع صارت
الدنيه بحيدر اندارت
شال أيده وكعد بالكاع حيدر خنكته العبره
***
كام ودمعته بعينه يكلها عليج أون معذور
حياتي وبيده اغسلها وشوفن خدج المسطور
وشيظل فاطمه بالشاف من عندج ضلع مكسور
انكسر من شدت العصره وعينج فاطمه حمره
ادري من وره السطره
وحكج لوما الوصيه جان الكل خذت عمره
**
جفنها علي بحزنه وبده يتوادع وياها
ولن زينب اجت لمها وبجه عرش الله لبجاها
وحسين اعتنه مهموم وكعد يم أمه حاجاها
الحسن يبجي ويريد أمه الصدرها رايد اتضمه
يكلها دنيتي ظلمه
امي وزهرتي بدنياي الفاكد أمه شيصبره
***
يبجون وعلي محتار الزهره اطفال عافتهم
يريد أمه الطفل بالليل وانه اشلون اسكتهم
حنت فاطمه وأنت الصدرها برقه ضمتهم
منظر ماتحمله العين زينب والحسن وحسين
بحضن أمهم غفو هالحين
المنظرهم بجت أملاك وكامت تسجب العبره
****
تمت
ميثم العمري
/channel/noorAlhseenn
تنتظركَ الليالي لتُظهرَ شمسها.. تنتظركَ الأيامُ غداً مُشرقاً يُنسيها أمسَها.. والأرواحُ لتكشفَ رمسها.. والقلوبُ لتجلي يأسها.. والأرضُ لتُبارك وتُعلي غرسها وتنتظركَ نفسي لتصيرَ أُنسها همسها وقدسها.🌹
☘️
💦
رَبَّــنـــا عَـجِّـــل لمَـهـدِيــنـا الفَـرَج
فَـقَـد ضاقَت سَـيِّـدِي فِينـا المُهَـج
.......... .......... .......... ١
لا دُمُــوعٌ لكَ تَـهــمِـــي إنَّـمَـا
هوَ عُمرِي مِن جُفُوني قَد هَمَا
بَيـنَ أظفـارِ المُلِمَّـاتِ ٱرتَمَـىٰ
﴿ والـرَّزايـا تَـنـبَــرِي مِـن كلِّ فَـج ﴾
.......... .......... ..........٢
فإلىٰ ما الصبرُ ما صَبرٌ بَقَىٰ
و فُـؤادُ العُـمـرٍِ بالآهِ استَقَىٰ
ماتَ بالدُّنيا السَّلامُ والنَّـقـا
﴿ بَعدَكَ الأرواحُ أضحَت في حَرَج ﴾
.......... .......... ..........٣
ضاقتِ الأرواحُ يا نَسلَ الهُدىٰ
كـلُّ شـيءٍ حُـزنُـهُ جَـهـرَاً بَـدَا
فَبُكـاءُ الـوَردِ قَطـرَاتِ النَّـدَىٰ
﴿ و بكـاءُ البحـرِ مَـوجـاتُ اللُّجَـج ﴾
.......... .......... ..........٤
إنَّـمـا الآهاتُ جُرحٌ يَغـتَـلـي
ودُهوراً ذَا الرَّدىٰ لا يَنجَـلِـي
ابعَدوا الخيرُ بإبعـادِ عَـلِــي
﴿ ثـمَّ هـامُ الـديـنِ بالسيـفِ يُشَـج ﴾
.......... .......... ..........٥
صارَتِ الدَّنيا جَحِيماً حاطِمَة
حَـتَّـىٰ أنــوارُ الصَّبـاحِ قاتِمَـة
دَهـرُنـا بـابٌ و نَحـنُ فاطِمَة
﴿ ثمَّ هَشمُ الضلـعِ عَن هـٰذا نَـتَـج ﴾
.......... .......... ..........٦
مـا لعَـيـشٍ بِـفِـراقٍ يُستَطاب
والحبيبُ منذُ ألـفٍ في غِيـاب
صارَ يا مَهـدِيُ قَلبِي باغتِرَاب
﴿ و دمُ الأحـداقِ بالـدمــعِ امتَـزَج ﴾
.......... .......... ..........٧
طالَ بُعدٌ منكَ يا ابنَ الأكرَمِين
وبقايا الدينِ تَبقـىٰ في الأنيـن
دُولٌ تَسعَـىٰ لقَـضـمِ الثائِريـن
﴿ و لفَـجـرِ الحَـقِّ نُــورٌ مـا انبَـلَـج ﴾
.......... .......... ..........٨
بَـلَـغَ الإفسـادُ أرضـاً وسَمَـاء
مثلُ ماءٍ عندَهُم سَفكُ الدِّمَاء
أيـنَ أنـتَ يـا إمـامَ الأوفِياء
﴿ لكَ شوقٌ فـي دمِ القلبِ اختلج ﴾
.......... .......... ..........٩
غَصَّتِ الأرضُ جميعاً بالدمِ
لا مناصَ مِن سِياطِ الظالمِ
كـلُّ شَـيءٍ منهمُ لَـم يَسلَمِ
﴿ سَـيِّـدِي عَـجِّــل فَدُنيـانـا هَـرَج ﴾
﴿ فَمَتـىٰ نَسمَــعُ مَـهـدِيـنـا خَـرَج ؟﴾
.......... .......... ..........
✍🏼علي نوري الحلفي
♦️القصيدة فصيحة
من بحر الرمل (الموشح بالشعبي)
/channel/noorAlhseenn
لاستشهاد فاطمة الزهراء عليها السلام وزن مجرشه
فارگ حيدر شمعة عمره. متعذب من بعد الزهره
يبچي وناحب. گلبه الذايب
متعذب من بعد الزهره
★★★★★
چتال ياحزن الوصي واختلط ليله بصبحه
يابيت مامر بيه فرح. ومنين تلفي الفرحه
من فارگ احباب العمر والحزن كاسر جنحه
ذكراها أبد ماتنسي. وماتنطوي هلصفحه
غربه وليل وآه ودمعه بنوح وخاف الناس اتسمعه
وعلى الغايب. گلبه الذايب
متعذب من بعد الزهره
★★★★★
بياحال حيدر من يرد. دفنت الغالي اچفوفه
قسوه يحس هذا الفعل موعادته المعروفه
يخفي الجروح بياكتر لودمعته المكشوفه
وعدوان وگفت بلدرب. مهظوم حال اتشوفه
خاف الناس تشوف عيونه ذبلانه ومتغير لونه
من كل جانب. گلبه الذايب
متعذب من بعد الزهره
★★★★★
صعبه اليودع جنته. وتصير غربه ايامه
وتغيب ايام الفرح. وتحظر سنين آلامه
ليل اليمر عين البشر. ياليل حيدر نامه
مايخطي نشاب الدهر. بلگلب حط اسهامه
الغالب دهره تغلبه اجروحه
حد الموت معاشر نوحه
بيها يطالب. گلبه الذايب
متعذب من بعد الزهره
★★★★★
للدار صعبه من يرد. حيدر ويگصد ليها
بس وحشه مليانه وحزن واغله الخلگ مابيها
والعشره ماترجع بعد. يچوي الگلب ماضيها
وشلون حيدر حالته. كلما سمع طاريها
شحال الصابر بعد أحبابه
المحد منهم يوصل بابه
ياهو يجاوب. گلبه الذايب
متعذب من بعد الزهره
★★★★★
فگدين مرن بالوصي. جمره اشد من جمره
فگد النبي هد الگلب. وانوب فگد الزهره
راح الحبيب المصطفى. هيبته وراحة فكره
وراحت الزهره ام الحسن سلوة زمانه وعمره
نورين امفارگ موسهله
يساعد الله الفاگد خله
وفاگد صاحب. گلبه الذايب
متعذب من بعد الزهره
الشاعر حسن لعيبي الحريشاوي
/channel/noorAlhseenn
(تلث دگات تراث)
(شيخ الفتن)
ماگولن اصحاب
الحرگوو الباب
ومخفيه الأسباب
(::::::::::::::::::::::)
لمن هجم شيخ الفتن ؟ وبإيده ناره
لوو فاطمة نادت علي وشايل فقاره
ماخله واحد يوصل ويملك جساره
جا فصل راسك عالجسد شيخ الفقَاره
ولمن هجم صاح
هسه انه مرتاح
اقهر ابو تراب
ومخفيه الأسباب
(::::::::::::::::::::::)
لوله الوصية جا حلم عينك تصدهه
وهيهات أيدك يا بغي شضن تطگهه
تهجم على الماخالفت لرب عهدهه
وكل هذه وتأسس بعد موتت ولدهه
وجبت العصابة
إلا مو صحابة
والكلهم ارهاب
ومخفيه الأسباب
(::::::::::::::::::::::)
گلهم وان يا للأسف سمعت كلمته
وبسمار نابت بالصدر شثگلت عصرته
ورهابي ؟ هذه مو صحابي انه العرفته
ثار انه اطلبه الرافضي وماانسى طگته
والبايعه ابليس
من فعله شتقيس
شيطان الأحزاب
ومخفيه الأسباب
(::::::::::::::::::::::)
ومن وره الباب وسمعته وشنهو اليريده
وطلاب متحزم اجه البيت الصميده
كسر ضلعها ياسف من ضربت ايده
ومن وره فعالك ياعلي گلبه شيهيده
ولوله الوصية
اتمر بالزجية
ومتأذي الأحباب
ومخفيه الأسباب
(::::::::::::::::::::::)
يادين انشد يا شرع يا ملة عندك
يل تعبد اصنام أوثن سمعني ردك
وباجر لجل خد ام حسن لنسطره خدك
يل عاهدت شيطانك أوفيته وعدك
وشيخ الفتن ليش
متحزم بجيش
ومزيد الامصاب
ومخفيه الأسباب
(::::::::::::::::::::::)
خادم الزهراء الشاعر
محمد البنداوي
/channel/noorAlhseenn
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
🎤الملا ياسر الزيادي
✍باقر جبار الشويلي
حسين خليني ابعبيدك
اذنوبي كثره ومدلي أيدك
لاتخليني واضيع.. سايم اعليك الرضيع
اذنوبي كثره ومدلي أيدك
★★★★★★★★★★
لاتخليني اويذنبي والــــدرب كلــش صعـــب
مستحي وجيت اعله بابك مذنب وخليني أطب
والله من دونك حبيبي اشعر ابأهلـــــــي غرب
هوا گلب المايريدك والله ماريــــــــده الگلب
انــه احبك بس اجرحك
كون بيه يصير رمحك
ياحلم ورد الربيع..سايم اعليك الرضيع
★★★★★★★★★★
اشما تضكني الدنيا اجيلك يمك اگعد وستراح
ومن اگوم اتراب بيه لاكن اشعر ذنبي طاح
ابقه اسولف ويدمعتي وادري راسك عالرماح
من اذكر جروحك حبيبي تنزف ابگلبي الجراح
عشرة ويالجرح عندي
لحد مايطلع المهدي
سهل امرة ياسميع…سايم اعليك الرضيع
★★★★★★★★★★
والله مااستاهل انه الگبرك ادخل يا حُسين
اذنوب كثرة اذنوب عندي يشيب من عدها الجنين
لاكن اتوسلك جيت ابدمعي وبلطم الأدين
لاتفشلني وتردني عليك بخت ام البنين
حسين مد ايدك عليه
وخلني خادم عد رقيه
ارحم اليمك صريع.. سايم عليك الرضيع
★★★★★★★★★
عفت كلشي وجيتك امشي اتسابگن دمعي وخطاي
عادت اليگصد حبيبه يمشي بس ابلاية راي
وانه اجيتك يبو اليمه وعفت كل اهلي وراي
أختنگ حيل واذكرك من اشوف اگبالي ماي
اشما اريد اشـــرب اذكرك
غافي عبدالله اعله صدرك
امخضب ابدم النجيع..سايم اعليك الرضيع
★★★★★★★★★★
حسين حط عينك عليه والطف ابحال اليتيــم
ابوجهي كل البوب تنسد ادري بس انته الكريم
أحيه من شمت ضريحك واختنگ من النسيـم
الـــراد بـيه يلوم خله ماعرف ليش انه اهيـــم
نافست بجنوني عابس
أنـه مجنون المجالس
ابدمي لجلك دوم ابيع..سايم اعليك الرضيع
★★★★★★★★★★
چلمة الخادم چبــيـرة وبيهـا مو كلمـن يحــس
گمر عندي وانه اخدمه وانته أغله من الشمس
عبـــــدك انه ومشتريني وادري ماأسوه فلــــس
وانــــتـه متفضل عليــه غـــدآ واليـوم وأمـــس
عبدك انـه ومشتريني
حسين ومجرب ونيني
ومن اون وني فضيع..سايم اعليك الرضيع
★★★★★★★★★★
ــــــــــــــــــــــــــــــــــــــــــــــــــــ
ماجد حبيب الخيكاني
ونسألكم الدعاء
/channel/noorAlhseenn
الهانا التكاثر عن ونينك حيل
ونلكد عالبطن والفرج لكد الخيل
وندور عيش وردي ورغد تالي الليل
واتلفها البچي ارسومك وطفه اعيون
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------