2902
قصائد،،نعي،،،ابوذيات،، كل ماهو مايخص القضية الحسينيه ستجدونه هنا للحزن والافراح قناة الرادود محمد الدبي
مولد السجاد ع
علي السجاد مـيلاده ** الف مبروك يالساده
ها / مـبارك والله مــبارك
نور وطالع من النور
----------
الچفافي الخضر من هاشم ..رحت فدوه الچفافيهم
دگ مــــيدانهـم هــوســات .. يـــم احــسيـن واليهم
يهــنــونـــه بعلــي الـــسجاد .. واهـــوه هــم يهنيهم
حلوه الساده لمتهم ** وحلو رباط هوستهم
ها / المايفرح لحســين الليله
ما محسوب امن الخدام
----------
حي الله الحچي المملوح .. وحي الله اليگولونه
يا انـــسان غـــير حســين .. يستـــاهل اتهنــونه
المايفـــرح لبــو السجاد .. عمه اليعميهن اعيونه
تره ابميلاد المهيل ** يفرح وين المعدل
ها / الساده اتگــل للساده
حلوه الهوسه اويه العوام
-----------
ابـــاب حســين والمــيدان .. بجويــريد رد صـــيفه
گال احســين اجه العـباس .. خلـو الـــسالفه بكـيفه
خيهـــوس اخـــــو زيـــنب .. بـــس يــهوس بسيفه
شوف اشسولف العباس ** وگال اشهود هاي الناس
ها / اچفوفي وذني اعيوني
فدوه يــروحن للسجاد
----------
ربنه اوهــوه مـــن عرش .. زف لحـســين البشاره
علي خطار اجه امن الله .. وقيس اشلونه خطاره
شكد ماداره فايـض نــور .. زاد الـنـــور الـــبــداره
ومن داره الشمس غارت ** وهذي الگبل ماصارت
ها / الشمس التضوي الدنيه
لنها اتجدي اباب احسين
--------
امتــــداد الآل بالـســـجاد .. مبارك يابني هاشم
انربط سباح داحي الـباب .. باخـر ورگه بالقائم
امبارك من گلب والــسان .. الكم صاحت الوادم
وين الي يريد امراد ** يحظر مولد السجاد
ها / الشغـــله المامــحلوله
گول انحلت هذا اليوم
----------
حيدر تركي الكربلائي
ميلاد الامام الحسين ع
.
.
.
هــايـم هــايـم .. من زغري بحسين
هــايـم هــايـم .. من زغري بحسين
________
هايم وقصة غرامي . ما اوصفها ابكلامي . ابتدة لحسين امامي
من الاصلاب
حبه من الله سجيه . ومن نفخها الروح بيه . إلي حسيته هويه
اغلى الاحباب
اسمه يجري وي دمائي . وصار معروف انتمائي . كربلائي كربلائي
احلى الالقاب
راسم راسم .. صـــورته بالعــين
هايم هايم .. من زغري بحسين
________
ابروحي حسيته وضميري . من اذكره اشتم عبيري . حسين بس حسين اميري
شلون انساه
يجري بالشريان احسه . تره حقي من اقدسه . ماشفت بالدنيه نفسه
ماكو والله
حبه لاماصح نظيره . وروحي بمحبته اسيره . وين ما ناظري اديره
حسين الگاه
دايم دايم .. مــو مـــره مرتــين
هايم هايم .. من زغري بحسين
________
حقي لو اتجنن اني . ابغيره مايلهج لساني . مثله لا ماشفت ثاني
ابين هالناس
بي عطف هالكون كله . دوم يامحبوبي اگله . عيشتي ابلاياك ذله
يابو الاحساس
روحي ابو اليمه اعتبرته . ابحبه دلالي اختبرته . ياگلب لو ما ذكرته
ابجدمي تنداس
لازم لازم .. وتــَـرجع الــــديـــن
هايم هايم .. من زغري بحسين
________
انه مديون ابحياتي . لـ الذي ساكن ابذاتي . حسين روحي وامنياتي
واحلى الاحلام
صورته ابعيني رسمها . لمَن اشتاگ انه اشمها . حقي بعيوني اضمها
من الايام
غارو وگالولي كافي . نشعر ابحبك خرافي . گلت كون الله يشافي
المثلي ماهام
واهم واهم .. والــيحب حبــين
هايم هايم .. من زغري بحسين
________
أحمد الباري واشكره . دوم بس بحسين اقره . صار بيني اوبينه عشره
بگلبي موجود
حبه اني ماورثته . حسين من الذر عرفته . إلتقيت اوياه وشفته
اوبينه اعهود
الخاطره هالكون اضده . هوه يدري اشگد اوده . روحي والدلال عنده
وانتم اشهود
خاتم خاتم .. بـثيديه الاثنــين
هايم هايم .. من زغري بحسين
________
صورة حسين ابخيالي . ماتفارگ لحظه بالي . تشهد اعليه الليالي
وهاي الاشعار
يمي احسه ابكل دقيقه . مو وهم لابل حقيقه . انتو لو ردتو الوثيقه
ابگلبي اثار
والدليل العندي علمي . حللو اجزاء جسمي . احروفه تلگوهن ابدمي
ماكو اسرار
ناجم ناجم .. هـالعشگ من وين
هايم هايم .. من زغري بحسين
_________
حيدر تركي الكربلائي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
اخذوني وياكم يزوار
ادخل ضريحه وتبرد النار
ــــــــــــــــــــــــــــــــــــــ
اخذوني وأخذوا ادموع العيون
خلوني اطوف اوي اليطوفون
موسى بن جعفر چان مسجون
وهسه اسد بغدادكم صار
ــــــــــــــــــــــــــــــــــــــ
اخذوني يم عطّاي الامراد
اطبخ واوزع للخدم زاد
حــيـــهم اصيحن هايلاولاد
الكاظم وحيد ورايد انصار
ــــــــــــــــــــــــــــــــــــــ
خلوني يم الحضره ياناس
لازملي ريشه وابقه كناس
خدمة الكاظم تاج عالراس
هذا ابو الملگه المالح الحار
ــــــــــــــــــــــــــــــــــــــ
مشتاكه روحي للجوادين
بشوفة گببهم تفرح العين
امجدي على باب الامامين
حالف اظلن ليل وانهار
ــــــــــــــــــــــــــــــــــــــ
اشلون الشمس يدفنهه سرداب
وايظل وحيد ابعازة احباب
الله فتحله للفـرج باب
ومن كل بقاع الدنيه ينزار
ــــــــــــــــــــــــــــــــــــــ
للكاظميه الليله عناي
وي المواكب امشي مشاي
شايل الرايه وابني وياي
وانعوف اهلنه وكل الاديار
محمد الجماسي
اللهم_عجل_لوليك_الفرج
ياغريب المحنتك نبچي ونون
يالگضيت اسنين من سجن السجن
والله ياموسى ابن جعفر ننحب العظم الرزيه
دوم بمصابك نواسي فاطمه الزهره الزچيه
دمعة المكسور خاطر ضلت الاجلك جريه
كل محب ينعه وينادي ياغريب الكاظميه
بالطوامير المضلمه ممتحن..
بالسجن گضيت عمرك شنهو ذنبك ياولينه
زمره ماعدهم عداله ولا رعو حرمة نبينه
حجة الله اعله الخليقه وبالحديد امگيدينه
ضلت اخلاف الامامه موحشه اديار المدينه
بالسجن ياويلي أصبح مرتهن..
حير السجان صبرك ياحليف السجده حيره
كاظم الغيض وصفاتك يا ابن جعفر چثيره
بالصلاة ابذاك وضعك تبچي ودموعك غزيره
بالسجن ودروس تنطي وكلمن ايقرر مصيره
وما تميز انهار من ليل اليجن..
يا امام الرافضيه يومك ابدا مانسينه
من تمر ذكرة مصابك چنهه نار وتسري بينه
اليوم من كل صوب اجينه ياسندنه واعتنينه
جتك احبابك تنادي الك مشايه اجينه
مثل ملهوف وعله احبابه يحن..
مايهمنه الموت لجلك سيدي وحبك دفعنه
نوصلك رغم المخاطر وبمواكبنه طلعنه
وبوجه كل طاغي نصرخ مايعيش اللي منعنه
شيعتك يبن الزجيه عابسيه احنه ابطبعنه
رافضيه ويشهد اعلينه الزمن ..
سيد علي الموسوي
دكتور گـــلولي ويشــــافي الـــــوادم
گلتلهم أسمة وگالو أسمة الكـــــاظم
بس مايــــرجع كـــــلمن اتعـــــنالة
الكرم عند موسى ابن جعفر دايـــــم
دخيلك ٠٠٠ اليتعنة حظــرتـك
دخيلك ٠٠٠ رايد بس نظـــرتك
دخيلك ٠٠٠ من زغري عشكتك
ياسيدي يابالرضا
=================
من الــــزغر يتماشة حبك بيــــة
من خيرك انتـة امترسات أيديـــة
ريحانة الزهرة ونعـم من خيـــرك
ياموسى ابن جعفر يخير الـــدنـية
دخيلك ٠٠٠ ياشمــعة حياتي
دخيلك ٠٠٠ أحظرلي امماتي
دخيلك ٠٠ ياساعـــة نجاتي
ياسيدي يابالرضا
=================
ادخل حظــرتك جني داخل جنــــة
يابالرضا وبچفـــك انتـــة اتلمــــنة
يالخيـــــمة انتـة وتجمع الطامــــة
أبمجلــــسك يابالـــرضا سجلــــنه
دخيلك ٠٠٠ أرزقـــني رحمتك
دخيلك ٠٠٠ وفقني الخدمتك
دخيلك ٠٠٠ لاتگطــع نعمتك
ياسيدي يابالرضا
=================
وجهك شمس عالدنية هوهَ الضـــاوي
المنجرح أسمـــك يذكـــرة أيــــداوي
من المهد يتمــاشة حبــــــك بيـــــة
يعجـز يســولـف انتـة عنـــــــك راوي
دخيلك ٠٠٠ ياهوهَ البـــالريـة
دخيلك ٠٠٠ عطرك أيمــر بية
دخيلك ٠٠٠ ياشمس مضوية
ياسيدي يابالرضا
==================
دكتور بغداد وتشـــافي المرضة
اليگصدك بالحاجة ابد مترفضة
بحر الفضائل انتـة يا ابن جعفر
كلشي نريدة يمك احنة انفرضة
دخيلك ٠٠٠ ياحبـــيب الزهرة
دخيلك ٠٠٠ رايد انـــة نظــرة
دخيلك ٠٠٠ يالتشيل الحسرة
دخيلك يابالرضا
=================
كُتبت
السيد عبدالرحمن الموسوي ✍🏻
لامتـكـفي الگـبور .. تدفن حزن عاشور
يزينب يزينب
***
يالمــن حزنچ اونــچ خـجل يعـقوب
يم حيل الرچيچ ويـم صــبر متعوب
لون گلبچ حديد امن الطفوف يذوب
يخت الذي راسـه عالــرمح مـصلوب
شلون ام گلب مكسور .. تــدفن حزن عاشور
يزينب يزينب
***
يالشلتــي المصــيبه الابــد ماتنشال
ثگيله ولوهــت تهــدل امتون اجبال
حزنــچ يعــجز ايــشــيله الـف رجال
خصوصا من ندهتي وما اجه الكفال
صعبه الخيها منحور .. تــدفن حزن عاشور
يزينب يزينب
***
الباب ابمــوتچ انسد بس فتح بيبان
يالمـوتچ قضــيه مـــو كـــلام السان
غفت عيناچ بــس حزنچ بقه سهران
على الضل عالتراب مســلب وعريان
هيه الشافت انحور .. تدفن حزن عاشور
يزينب يزينب
***
كــل الشيعــو جــثـــمانچ ايصـــيحون
دفنــچ مو ســهل يحــظر كــفيلچ كون
يالشفتي المـــصاب الماتــشوفه اعيون
ابراس احسين شفتي الوادم ايهوسون
والدمعاتها اتفور؟ .. تدفن حزن عاشور
يزينب يزينب
***
المثلـچ بيه حزن اهله يدفنوه وين
يمخجله يـزينب دمــعتچ كل عين
اهل الشام بيـــچ اشــسوو وتبچين
هلگد مابچيتي بچــه راس احسين
گلب الگاع مفطور .. تدفن حزن عاشور
يزينب يزينب
***
حيدر تركي الكربلائي
قصائد السبي
.
.
.
بين چف وچف حبل .. وگـــيــدونه عالـهزل
والـحچي يابالفـضـل
ايشيب الراس
***
مــشينه والــحچــي اتطــشر والماينـحچي گــالوه
وطولي الچـان ماينــشاف خويه وداعــتك شافوه
شالو عالرمـــح راســك وصـد اعلـــيه مـــن شالوه
وي ماطـاحت ادمـوعي متـــني من الضرب ورموه
والــي دمعــتـها تـــدر .. بسوطه يضربها الشمر
حـــالنـــه لا موســـهل
ايشيب الراس
***
الخوه من رحت خويه ماضـل كلشي للخوه
عگـب امروتك خـويه الناس منــيلها امـروه
طلعنه طلعت المكـسور الماوياه ظـهر تچوه
نمشي بين هذا وذاك بس من نمشي بالگوه
ماتمــر حــتى بـحـلم .. نطـلـع ابـيــن الــزلم
اسمعنه شي ماينحمل
ايشيب الراس
***
يخــويه العــاشر بـكــبره ومعانــاته ومـأسيه
السبينه خويه مايوصل وحقك خمسه بالميه
القتـل يابالـفضل عــاده النــه وهــاي مرضيه
بس مااعـــتقد ســامع گــبل مســـبيه علويه
ظعن هيبتنه انچتف .. صرنه فرجه للاسف
والـسبي اشـنع فعل
ايشيب الراس
***
الشــماته بالدرب صفين ولازم بالـشــماته نمر
گــدام الضــعن ملعون بحـــبال النســاء ايجر
نگله لاتمر بالناس وعلـى رايه وطريقـه ايصر
لابينـه نفــر ونـفــر ولا بـيـــنه نضـــل نـنــطر
وعلـه صوت الناحيه .. امن الخجل والمستحه
اسمعنه شي ماينقبل
ايشيب الراس
***
نخـــيتك والنـــذل گـــلــي لاتنـــخــين يازينــب
لو يــفزع ابـو فاضل خـــيامـچ چـــان ماتـــلهب
وچان حسين مامذبوح ولا ضــل عاري ومسلب
أيســـي كـــافلج مـــيت خـويه يريدنـي اتـعذب
يا أبوفاضـــل صحت .. ومن على الناگه طحت
يالاخو ثكيل الحمل
ايشيب الراس
***
حيدر تركي الكربلائي
مولد الامام علي ع
من عالم الذر حبينه حيدر
نادينه بسمه علي علي علي علي
****
وي علي حبنه ابتده گبل الولاده
ابغير عشگه ندري متفيد العباده
ابذاك عالمنه علي شفناه قياده
انطقنه عالفطره تره ثالث شهاده
ابنص هاي الگلوب والينه منصوب
اشمحلاته رسمه علي علي علي علي
****
ابعالم الارحام صرنه وعلي بينه
وچان حبل الحب فرض ملتف علينه
نستمع نبضات تهتف يا ولينه
من گلب امنه عشگ صافي يجينه
حبه شربناه واسمه عرفناه
وصرنه نشمّه علي علي علي علي
****
سيرة الحب بس علي ما عدنه غيره
افتحنه ناظرنه وبدت هاي المسيره
نذكر اتبارك لاهالينه العشيره
هذا ابنكم حيدري واضح مصيره
واضح دربنه ربونه اهلنه
واجب نفهمه علي علي علي علي
****
يكبر الحب بينه ظل كل ما كبرنه
لقبونه رافضيه ولايگ النه
غير حيدر ابد والله ما عشگنه
النار حصتهم لچن حصتنه جنه
الما حبه خسران تنتظره نيران
والينه رحمه علي علي علي علي
****
ياللي ما تفهم عشگنه اهواي معذور
چي نحبه حيدره تكرهنه مجبور
كل وكت عندك سؤال ابراسك ايدور
الكعبه ليش الهل وكت حايطها مفطور
ابيت الله نيشان للوالي عنوان
من الله نعمه علي علي علي علي
****
الشاعر اياد الديراوي
الغدير
علي اول عشــگ بـينه
علي وبس علي والينه
علي والدنيــه تــدرينه
نحبه نحبه
***
نحبه ومانحـب غيــره علــناهه
مو من هسه من الذر حچيناهه
وحـق طــه وما انــزل على طه
محبة علي نقــسـم ماتــركناهه
علي ويعـرف اسامينه
علي وبس علي والينه
علي والدنيــه تــدرينه
نحبه نحبه
***
علي نحـبه محــبه موطبيــعيه
عبيده ونفــخر بهـاي العبـوديه
نغالي أي نعــم احــنه بمـعانيه
علي فوق البشر جوه الالوهيه
عــلى اعــناد اليعادينه
علي وبس علي والينه
علي والدنــيه تــدرينه
نحبه نحبه
***
الاشـــكل عالــكلام الســابق نــسأله
علي وبالـــدنيا هذي يابـــشر مـــثله
علي القبلــه بكبـــرها ســوته قبـــله
علي وبس علي وغيره نرفض نقبله
علي ودين الله بس دينه
علي وبــس علـي والـينه
علي والـدنيـــه تـــدرينه
نحبه نحبه
***
اليضدونه بعلي چي بسمه نتغنه
كــلام ويوصـل الهم احنه نـتمنه
اختصاراً للكـلام الينــحـچي عنه
الماعنــده علي مايشــتـم الجــنه
على المـــعبـر يجــزينه
علي وبس علي والينه
علي والدنــيه تــدرينه
نحبه نحبه
***
علي اول عشــگ بگلوب احـبابه
علي مو فقط جدمه نقبل اترابه
علي خيـرالله كـله طــايح ابـابه
علي ســـر الوجود وعلـة أسبابه
علي وچــفه ينجـــينه
علي وبس علي والينه
علي والدنيــه تــدرينه
نحبه نحبه
***
أبو الساده وســبع تنـعام بالساده
عوام وساده كلهم حسبت أولاده
نطانه علــي بــس نطــانه بزياده
مراد الله ويفــوز الياخــذ امراده
نعــــم لازال ينـطـــينه
علي وبس علي والينه
علي والدنيــه تــدرينه
نحبه نحبه
***
حيدر تركي الكربلائي
•«﷽»؏» 🌹
#قصائد 1446 هـ
ــــــــــــــــ❀○•○•○☆○•○•○❀ــــــــــــــــ
يموعود يابن الحسن
مته تعود يابن الحسن
#######1######
مهدي شيل الراية
شيعتك وفاية
والرجال حـﭼـاية
للحرب عناية
والفرات ومايه
كربلاء الغاية
يموعود يابن الحسن
#####2####
گمر يروي سكينه
حشد ينصر دينه
بالدمه ضحينه
بالدمع خطينه
انت غالي علينه
نصرك متانيه
يموعود يابن الحسن
#####3####
حشد شعبي وزوده
من الگطيعة زنوده
يحرس عله حدوده
غيرتك موجودة
من ابو ابو فاضل جوده
ينتظر موعوده
يموعود يابن الحسن
####4####
حيدر وي الزهرة
حظرو لسامرة
المهدي اجه للحظرة
الوالي يحرس گبرة
نبـﭼـي يمه بعبرة
ربي عجل امره
يموعود يابن الحسن
#####5######
والله لامنهابه
داعش وارهابه
سيف عاف اگرابه
غيرتك لهابه
تعنتك احبابه
الوطن تفدي اترابه
#####6#####
من نطب للحومه
نصيح يامظلومة
الوگع يعرف يومه
من تسيل ادمومه
هلهلت مظلومة
امه مامندومة
###7###
حشدك عله الساتر
وبدمائه يخاطر
من نطيح ﭼادر
بصفه ننصب اخر
ندري فايز باﭼـر
بالجنان الفاخر
###8####
كل شهيد نزفه
بجاسم اله نحلفه
والحسين وطفه
والكفيل وﭼـفه
ربك ادعو بلطفه
نريد مثلك زفه
#######
بقلمي
سجاد الناصري
خدّامك نظل وانروحلك فدوه
الدنيه ابلا عزائك كلشي ماتسوه
ــــــــــــــــــــــــــــــــــــــ
لاتحرمنه من هذا الكرم والجاه
ابجاه اوليدك الاكبر وعبدالله
هذا مجلسك سبحان من سواه
يحب بس الترافه ويكره القسوه
ــــــــــــــــــــــــــــــــــــــ
غير الخدمه گلّي شيملك ابن آدم
واحنه اوياك وي غيرك منتوالم
العالم الهه دنيه ومجلسك عالم
يارب العشگ يالصحبتك حلوه
ــــــــــــــــــــــــــــــــــــــ
وين انروح انته اتروح ويانه
اموفقنه وعزائك هوّه سوّانه
وامخلّي اعله كل السان ذكرانه
منطينه التماسُك انته والقوه
ــــــــــــــــــــــــــــــــــــــ
تاخذنه الحياة ونمشي مدري الوين
واتحرك مؤشر جذبتك يحسين
ونرجعلك حمام ونصفگ الجنحين
وابنار الندم مولاي نتچوّه
ــــــــــــــــــــــــــــــــــــــ
اشما ذب الشباك ابليس بينه وصاد
اتذكرنه بمناجاة ابنك السجاد
ابو والابو ابطبعه ايسامح الاولاد
وكل غيمه وراهه انشوفلك صحوه
ــــــــــــــــــــــــــــــــــــــ
تتكالب علينه الدنيه وانّاجيك
واتلمنه ابعباتك واحنه نفرح بيك
زحفاً ياحسين الكربلاء نأتيك
واتزيد الصلابه ابگاعنه الرخوه
ــــــــــــــــــــــــــــــــــــــ
مولاي الرجال ادموعهم ليرات
واحنه ابمجلسك دمعاتنه ارخيصات
شيكض الدمع والـمشن علويات
وي چتال اخوهن لليسر گوه
ــــــــــــــــــــــــــــــــــــــ
الذله اباب غيرك ذله عد الناس
وابابك كرامه وبيهه رفعة راس
واحضرنه عليك ابداعة العباس
لوصرنه جنايز بالارض جوّه
محمد الجماسي
#اللهم_عجل_لوليك_الفرج
ياراس السنه ايهمني# وهم بي
احتفال الناس مو طبعي# وهم بي
راس احسين شاغلني# وهم بي
الوذ برحمته ويستر عليه
محمد الجماسي
#الناشر_الحاج_فلاح_حسن_الليال_الفاطميه
قصيدة بالسان حال مولاي صاحب العصر والزمان عج
يا أهل العزائات ..قليلة تلث روايات
يلا شدوا الحيل ياأهل اللطم
تلث روايات ونشد بيها العزم
جن محرم اگبل وحرگ الخيم
توسط المجلس يخادم لا تهم
الزهره ام الكرمات. قليلة تلث روايات
انه ووياكم ابنها بالدمع
نبجي لزهراء مكسورة ظلع
تگلي يالمهدي يوميه انوجع
لوسمعت حسين گلبي ينفجع
ماننساج هيهات... قليلة تلث روايات
يلا يااهل العزه ماضل وكت
تلث روايات وقليلة من صحت
حگي من الطم عليها ومن نحت
بت محمد وسفه ياضالم تعت
گلبي انترس طعنات... قليلة تلث روايات
لافته مدگوگه كون بكل درب
اسم يازهراء مكسورة گلب
وكون في كل بيت مجلس ينصب
وبحضورج يم حسن دمعي يصب
حسره وحزن واهات... قليلة تلث روايات
بالروايه الثالثه اه يم حسن
تحزموا خدامج المدمع مزن
تحضرت هيئاتها تصيح بحزن
ليش گبر ام الحسن مابي صحن
خدي نترس دمعات... قليلة تلث روايات
✍باقر جبار الشويلي
اهدي ثوابها الئ مولاي صاحب العصر والزمان عج
بنية شفاء ولدي
قناة حيدر تركي الكربلائي:
الفاطميه
.
.
.
عـاشــوراء .. الــزهـــراء
قــد اقــبل
يابو صالح
_____
ردت الايـــــام .. وكـــــــبـــرت الالام .. ابگلبك انته اشضام
يــارزيه
اشخله بيك الباب .. چم جرح ومصاب .. ادري راسك شاب
عالزچيه
متبدي من عـينك نهر بس الله يدري اشكبره
يالخلصت عمرك بچي مـاذيــك جـرح الزهره
يــوما أت .. لــلاهــات
قــد اقــبل
يابو صالح
_____
حزنك المنشور .. بي ضلع مكسور .. وبي وجه مسطور
وبي عذابات
تحـترگ ادريك .. ومــحد ايطفيك .. محــسن امــأذيك
وكلك اهات
اهاتك اتفطر الصخر بسمار چن بضلوعك
خدك امصـلاية دمع صلت عليها ادموعك
حزن الآل .. في الأصال
قد اقبل
يابو صالح
_____
شهگـــتك دخان .. دمعـــتك نيران .. اتلچــمك البيبان
لو شفتها
عيشتك جرحين .. بيها عاشورين .. الفاطمه وحسين
وضفتها
انته الحزن بس حصتك وعطر المجالس عطـرك
بسمار لــو حافر فــرس يالمهدي شنهو ابصدرك
واويلاه .. سمهم الاه
قد اقبل
يابو صالح
_____
تتــنحب مالو .. عالظــلع مهظوم .. تعـثر امــن اتگون
بالمصايب
دمعتك تسبيح .. يالزچيه اتصيح .. انـته من اتطيح
عالترايب
لو طحت تذكر فاطمه من طاحت اعله الغبره
تتبده يالچـنك دمــع من تذكــر انته السـطـره
دمـعً لاح .. فيك وصاح
قد اقبل
يابو صالح
__
اهدومك اتضل سود .. عالذي مگيود .. وگبلك الممرود
شايل اهواي
حيدره امن انگاد .. گــادو السجاد .. يلي صرت ارماد
انته من هاي
ابدلالك اشسوه السبي وهيچي تهل دمعاتك
چيه عالهزل يالمنتظر راحــن ســـبي عماتك
صوت عزاء .. صوت بكاء
قد اقبل
يابو صالح
_____
سـيدي ندريك .. شنهو المبــچـــيك .. فاطــمه اتاذيك
يالمغيب
وعالجره مقهور .. تبچي عالمنحور .. هسه وين اتدور
وين تنحب
يم مذبح حسين السبط لو بالبقيع انته اتنوح
لجــل الزچــيه وَنــتك لو عالذي ظل مطروح
جرحا بات .. لامامات
قد اقبل
يابو صالح
_____
تمت والحمد لله
حيدر تركي الكربلائي
گلبي بكربلاء .. تشهدلي السماء
واتنفس هواء
من صحن الحسين
------
گالولي بسـك بالغـــت .. اشهالحب البـــيه تتغنه
مو عذبتنــه ابهالعــشگ .. شـــو سولف النه عنه
گلتلهم انه اهوه شخص .. هواي احله من الجنه
اشـــما حبه واتـــدنه اله .. العرش الجـليل اتدنه
مو سر وخفاء .. تشهدلي السماء
واتنفس هواء
من صحن الحسين
-----
گالولي حبك بيه نحس .. نبـرة فكر رجعيه
لشوكت تبــقه منطوي .. وعايش ابهالعقليه
گلتلــهم الحـــب للـ لذي .. يـتفايض انسانيه
والگلبه صخره مو بشر .. شمعرفه بالحنيه
والحب بالدماء .. تشهدلي السماء
اتنفس هواء
من صحن الحسين
-------
گالولي بعض امن البشر .. شعندك ابفكرك شارد
واخذتني صفناتي وحرت .. بــين الارد والــمارد
گالولي كل حب ينتهي .. گلت اله حب بس واحد
مايـخلص اولاينــتهي .. يبـــقه بدلــيلـي خــــالد
نوع امن الوفاء .. تشهدلي السماء
اتنفس هواء
من صحن الحسين
------
الله رزقني بمـــعرفه .. ودوم اشكر الله اعليها
نعمه واجتني امن السمه .. وشلون افرط بيها
امحبة ابو اليمه الصـدگ .. والـبـاقي ماسميها
گلمة احــبك بـــس اله .. والـغيره مـا حاچيها
حبيته ابنقاء .. تشهدلي السماء
اتنفس هواء
من صحن الحسين
-------
امحبة ابو اليمه الهوه .. التتــــنفسه هــالـــريه
ومرات اذا عنه ابتعد .. اتضيج الوسيـعه اعليه
ميت احس لو ماشفت .. ضـــي قبـــته الذهبيه
ياناس بس بصحنه احس .. تتـطـــمن الـنفسيه
وما احچي برياء .. تشهدلي السماء
اتنفس هواء
من صحن الحسين
--------
اشتاگه وانه بحظرته .. واشـــواگي ماتــــتوصف
معجونه يمكن طينتي .. ياناس مـــن مــاي الطف
بيه اقره بس ماينختم .. هواي اكبر امن المصحف
گالولي عَرفه وصيحت .. يانــــاس مــايـــــتعرف
وناديت ابنداء .. تشهدلي السماء
اتنفس هواء
من طف الحسين
------
حيدر تركي الكربلائي
ابميلاد عباس الحنين
مـبروك يــا ام البنــين
__
اعتله الصوت اعتله .. هله ومية هله
هله بـراعـي اللواء .. ومــراجل كربله
ابو اليمــه ابتـــشر .. لمن شاف الگمر
يقبل ايده ويگول .. اجه احزام الظهر
يالجايبه حصن الحصين
مبـــروك يـــا ام البنـــين
-------------
الضوه وهوه الضوه .. من اخدوده ارتوه
شكــثر شايل ضـياء .. لعــد راعــي اللوه
نــده زينـــب عـلي .. ويـگلـــها اتـــــدللي
الحلمتي بيه اجاچ .. الكفيـــلج هلــــهلي
وتطش عليچ الياسمي
مــبروك يا ام البنــــين
--------------
السمه واهل السمه .. تــبارك فاطمه
نعم وام الحـسين .. ابگــمرها هايمه
تحــب هـذا الولد .. ابــو فاضل بعد
ابحظن ام البنين .. وللملاگه استعد
وبكــربله عنــده يقين
مـبروك يــا ام البنــين
__
تبــــيـن قـــــصــــته .. الشـجاعه بگصته
العفيفه اويه الحليب .. اعله زينب وصته
تگـــلــه ام الخـــــدر .. تــره اتامرك امـــر
واذا اتـــريد النجـوم .. احـــذرك تعــــتذر
وعن الخدر تدرينه امين
مـــبروك يا ام البــــنيــن
_
ابحظن امه وقسم .. وفي امبين نعم
بطل يطــلع اكــيد .. الِـگمــاطه ابعلم
اشحلاته لو غــفه .. ينگـــط عاطــفه
ولمن يبچي تكول .. كأنـــه العاصفه
عباس عنده الغيره دين
مـبروك يا ام البـنــــــين
___
علي وجها انشرح .. وبــبو الغيره فرح
يوصيه بالحسين .. وعلى صدره مسح
علي عـــقد الــوله .. يگـــول اتــأمـــله
الولد هـــذا يصــير .. عظــيم المـــنزله
ويصير خادم للحسين
مبــروك يا ام البنـــين
--------------
حيدر تركي الكربلائي
ياموسى بن جعفر مدد
////////////////////
باب الحوائج گبتك.. والناس كلها گصدتك..للحظره
ولاواحد ترده ابد.. لو گال مولاي المدد.. انتظره
مولاي اريد زيارتك وارد ابجي انه اعله اعتابك
ارزقني فدوه مروتك سجدة شكر يم بابك
لهفانه مولاي شكثر روحي بضريحك تفتر
وهناك وي ذيج الخدم ارد الطم أعله مصابك
مولاي انه گلبي انمرد
ياموسى بن جفر مدد
////////////////////
مشتاگ الك يابو الرضا.. محلاته لو يمك كضه.. كل عمري
مولاي كاتلني الندم.. احسبني انا وي الخدم.. طگ صبري
للكاظميه اتحظرو كل الخدم گدامي
والله وي كل المشو جانت اجيك احلامي
لو ماتصح زيارتك مولاي أضل متاني
شنهي نفعهن سيدي لو ماتجيك اجدامي
باب الحوائج للشدد
ياموسى بن جعفر مدد
///////////////////////
لولاك مايهوه الگلب.. انت امانة كل محب.. بعيونك
ادعيك مولاي شكثر.. امنيتي أضل كل العمر.. مجنونك
يلگبتين بمرقدك شادهني هذا المنظر
وكلما اصدلهن كمت مولاي أضل اصور
يابو الحوائج للكصد تگضيله من ياگبه
من ثنينهن تدعيله إذا بدموعه اجاك المظطر
مايخسر الجايك ابد
ياموسى بن جعفر مدد
//////////////////////////
باب المراد الينشرح.. بيه گلبي لو زرته الصبح.. بدموعي
من يمك اطلب حاجتي.. بس انت تكضي طلبتي.. وموضوعي
حزمني بحزام الخدم وانذر حياتي انا الكم
والله ل اخر هل عمر ياسيدي ماهدكم
وارزقني جمره من الخيم وسط الكلب خليها
ومن گلبي اجاوب للنشد هذا الرزق من عدكم
ماخاب العليك اعتمد
ياموسى بن جعفر مدد
///////////////////////
ذليت هارون شكثر.. من تسجد ال الله شكر.. وتذلهم
مولاي ماچن منسجن.. مرتاح بس همه الحزن.. بگصصهم
راهب بني هاشم صدگ راهبهم بزنزانه
انت اول انسان اليحط عله بگلبي سجانه
تاريخك ينگط ضوه من ضلمة الطاموره
يااسد بغداد وثبت هذا الاسم عنوانه
لبغداد بس انت الاسد
ياموسى بن جعفر مدد
////////////////////////
امجد عداي الزيدي
ليلك وليل هدعش نفس الجرح سويه
والسجن يشبه طشت شايل كلب رقيه
ياغريب اذكر هلك كل ما شفت اذيه
____
طف كربله بحزانك شفت الشمر سجانك
بس ماشفت حافر فرس داس بصدر خوانك
شفت الدمع بعيونك دم يابس اعله متونك
يالمنسبي وابلا سبي مجتوف ويضربونك
نفس الهوه بأنفاسك والدم يهل من راسك
من جم سنه وحدك عشت لااهلك ولاناسك
بينك وبين الاهل قصه حزن طويله
وبنتك اتاني بقت جن فاطمه العليله
منين ماصدلك جرح يرسملي غاضريه
_
جروحك ابد متعوفك وحلمت شمسنه تشوفك
ذكره اعله حيطان السجن كاتب نعي بجفوفك
يمشي العطش بجروحك ماتنسة ابد مذبوحك
ساعه اعله جدك من تون ساعه تون لروحك
بضرب الضهر تتحير تتبجي وتضل تتذكر
يم النهر جدك عثر وضهره اعله اخيه تكسر
ادري من طف كربله شيبك ترس لحيتك
والسبي اول سبب لو كربت منينك
مثل عمتك دمعتك لمن تهل سبيه
___
كلما يطول غيابك اهلك تحن وأصحابك
باب الوفيه ام الكمر بفركاك صارت بابك
سجنك شبيه العاشر من الخيم للحافر
شفتك عليل وعلتك جوت ادين الباقر
دمعك اذا يتلاكه مثل الرمح والناكه
متعلمه عينك عالسهر ماتكدر اعله فراكه
جفنك وليل السجن بيهن حجي وملامه
من يمر طاري الخيم بيدك تلم يتامه
تتبدي تتخيل جمر بس ياجمر منيه
_
بكل سجن عندك ذكره دمعه اعله جدك حمره
والعمره ماضالم بشر بالسجن يخلص عمره
بس الله يسمع صوتك حكك دعيت لموتك
اربع حماميل اقبلت يشيلونك بتابوتك
بس تخلص من ايامك مليت من الامك
وشكد صور كبل الاجل صارت اضن كدامك
اذكرت جدك من وكع وعيونه عالحبيبة
والشمر لمن اجه صاحت صرت غريبه
اثنعطش طبره عالنحر وياك اعد بديه
____
فوك الجسر يالكاظم يمك تنوح الوادم
لا والمهم تشيعت واندفن جسمك سالم
مو مثل جدك عاري تغسل ابدمه الجاري
جسمه بقه ابلايه دفن وبحاله يدري الباري
يبدي الجرح من يومه ماسلم خيط هدومه
جسمه تكطع وانثر بكل شبر وسط الحومه
جرحه خلالك جرح ماينتهي بمماتك
شايل حسينك جنت دمعه بردن عباتك
لحد يعوف الدمع دمعك كتب وصيه
_
سيد معتز الحسيني
ابوذيات
يـبـن جـعـفـر عـلـيـك الـدمـع .. ياريت
السجن والـدنـيـا حـيـل ويـاك .. ياريت
لـحَـد مـوتـي اخـدمـك اضـل .. ياريت
اشـكبـر حـضـي وتـصـد عينـك عـلـيـه
*---------------------------*--------------------*
اشــمــا اخـدم اگـولــن الــك .. مديت
وحبل وَصلي بـدمـوع العين .. مديت
اديــه الــحـضــرتـــك مـولاي .. مديت
اعـرفـك بالـكـرم چـفـك سـخـيـه
*--------------------*-------------------*
خادم موسى ابن جعفر (ع)
✍الشاعر رعد الجريخي
وحشه مرقدچ ما يَمَّه مشايه
لا موكب عزاء السنه ولا رايه
شيريد الدهر منچ یعلویه
تره مره انسبیتي وماهي يوميه
ابگبرچ والعِدَه ايريدوچ مَسبیه
مو هايه التلوگ اعليچ مو هايه
ذكرى ومن تمر چانت يبت حيدر
زوار ومواكب كلهه تتحظر
يامَحله الخَدَم يم مرقدچ تفتر
وابصوت النحيب اتضج الولايه
يامَحله المواكب من تطب الشام
هلا ابزوار زينب تصرخ الخِدَّام
صدگ رَدِّينه نقره الدنيه هاي ايام
واحنه اهل الجرح تلچمنه الحچايه
إلچ لا ما تجف دمعة بواچينه
ومن هذا الجرح مايوم مَلِّينه
تضل طول الوكت هالجمره تچوينه
وحگ العالفرات وماشرب مايه
وحگ حيدر أبوچ وفاطمه أمِّچ
عليچ ابعاد بس اگلوبنه يَمِّچ
يالحزنچ حِزِنَّه وهمنه من هَمِّچ
ذكرچ حاظر ابكل عَزَه واقرايه
مادام النَفَس بينه نضل اوياچ
ننسه الدنيا كلهه وإنتي ماننساچ
عاهدناچ يابت علي عاهدناچ
وخدامچ تضل مولاتي وفايه..
سيد علي الموسوي
جهنم ما اطبها
ولا اعرف دربها
شلون تلوحني النار
وأمامي علي الكرار
مرتاح انه ياعلي صك القيامه بايدك
ماتوصل لجسمي ابد هالنار وانه اريدك
يابالحسن يوم الحشر عليته بس نشيدك
اصرخ اوالي حيدره درب السراط يريدك
بس حبك نجاتي
واغلى من صلاتي
وصفك سر الاسرار
وامامي علي الكرار
...
من مهدي انه تعلمت ولاية علي مطلوبه
امي تناغيلي بصدق وابوي هم محبوبه
لاعذب الله امي وابو غذوني ريحة ثوبه
لمايشم ريحة علي روحه تظل مسلوبه
بروحي عايش انته
اميري وتاجي ردته
عليه الزمن لو جار
امامي علي الكرار
...
لمن اصلي ياخلگ وبسمك علي اتشاهد
وبايدي مااجتف ابد وبصحنه انه كاعد
متوضيه روحي بالنجف وربي عليه هم شاهد
يامنكر يخوفك بعد يم الفحل متواعد
النواصب من اذلها
وبحبك اعلها
صهر النبي المختار
وامامي علي الكرار
لاعذب الله امي وابو بولايتك ربوني
گالولي اشهد ان علي ولوله تطفى عيوني
ملفوف كاروكي بعلگ بسمك علي يسموني
هلاسم خاتم عالگلب ودگات له سمعوني
...
الباري مجد اسمه
وبالكونين رسمه
ملاذي شماحجه وصار
وامامي علي الكرار
...
ماكو خلافه بس علي اسمع كلامي وفهمه
ماعوف نهجه للابد وارفض حكمهم نقمة
يالناصبي اسمع احجي اول خليفه بحكمه
تايه تضل بلا علي ماعدكم انتم علمه
ابو بكر وعمرهم
بس بسمكم نذلهم
اصلهم ذله وي عار
وامامي علي الكرار
...
شيعي انه وبكل فخر رافضهم اعله الفطرة
باحساسي عايش ياعلي وماناسي انه السطرة
وماناسي بابك من حرگ ولمن سبوها الحرة
هاي سقيفتهم غدر ودموعي نزلت عبرة
الثار ومانسينه
وينك يمهدينه
بسيفك شل الاشرار
وامامي علي الكرار
...
باقر جبار الشويلي
مولاتي زينب عليها السلام
صاحت بدمع المصيبه
لا تخلّوني غريبه
٠٠٠٠٠٠٠٠٠٠٠٠
هذه ايام الزيارة الزينبية
لا تخلوني احس چني سبية
وحشه يا زواري غيبتكم علية
آنه بنت المرتضى وامي الزجية
گلبي ما يخمد لهيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠
كل سنه تملون صحني يالغيارى
يمي تحيون المجالس والزياره
گلبي نار وبس دمعكم يطفي ناره
ياحلاة المجلس بصوت المناره
تحضر الزهره الحبيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠
آنه زينب لا تعوفوني وحيده
انتم اهلي وآنه عن اهلي بعيده
مجلس امي بمرقدي الليله اريده
بليلة مصابي تسمعوني قصيده
ما يذل راس النجيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠٠٠
گلبي يبرد من تجوني وروحي تروه
اشم ريحة كربله وعطر الأخوّه
لعطر ابواليمه الحبيب جروحي تهوه
وعطر ابوفاضل كفيلي الكلّه نخوه
منين ابوفاضل اجيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠٠٠
بكربله تمنيت موتي آخر انفاس
بين اخوي حسين گبري وبين عباس
آنه ما احمل بُعدهم والله يا ناس
قدري عالي بروس اخوتي ارفع الراس
جرحي ما ألگه طبيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حگي دم ابچي واضل ثَكلَه وحزينه
لا بقيت ابكربله ولا بالمدينه
شحال الايون ماكو من يسمع ونينه
واليموت بغربه ينسل من حنينه
اندفن وحدي عجيبه
لا تخلّوني غريبه
٠٠٠٠٠٠٠٠٠٠٠٠٠٠٠٠٠٠٠٠٠
زينب اني الماكو من طيبة حناني
حيل عذبني وجرح گلبي زماني
لديرة الشام بقهر رجعني ثاني
من مدينة جدي وخواني خذاني
والاخو يكتل مغيبه
لا تخلّوني غريبه
سيد زيد الفحام
مولد الامير علي ع
.
.
.
ردد الــسـاني .. عـلي قـرآنـي
علي علي يابالحسن علي قراني
---------------
علي بــاء البــسمله الحـاظر ذكـرها
علي جنه وعالارض فاحت عطرها
علي بـيـك الــدنـيه ماكـفه شـعرها
علي ذكـرك حـسنــه واخـذ اجــرها
ابذكرك انــه اتعبدت
الهذا والله اتسيدت
وبالحديـث اتأيدت
والنبي انطاني .. علي قرآني
علي علي يابالحسن علي قراني
---------------
علي بالفـرقان وبـفــاطر لـگيــتـك
علي رتلـتك بـوجـداني وقــريـتك
علي هــذا الكون بعــته وشتريتك
علي والله انسه حياتي لو نسيتك
شلون انسه حيدره
وانتــه دنيه واخره
حبــي محــد فسره
ما الك ثاني .. علي قرآني
علي علي يابالحسن علي قراني
---------------
علي سورة ال عمران اوي مـريم
علي بس بيك العـكل والله تهـيم
علي يالوجهك صحو مايـوم غيم
علي واعـلنها بعـلي انـــي متـــيم
واليــگلي رافضي
ابعلي انه مرتضي
الامر هذا يقـتضي
اعلن ايماني .. علي قرآني
علي علي يابالحسن علي قراني
---------------
علي فاطر علي ياسـين ومحمد
علي بمـحـبتك ايمـانـي تجــسد
علي بالــدلال ماغـيـــرك تـخــلد
علي واحد علي خالد علي اوحد
انته حبي الاولي
انته حبـي الازلي
انته ياحيدر علي
وهذا عنواني .. علي قرآني
علي علي يابالحسن علي قراني
---------------
علي بالفتح وعـلي بسـورة الكوثر
علي ديـني ومذهـبي انتـه يحيدر
علي واسمي عـلوي وبالاسم افخر
علي وي اسـمك اصـيـح الله اكـبر
الارض تشهد والسمه
حــبي وقعــته ابدمه
علي ياحــامي الحمه
وبيه متفاني .. علي قرآني
علي علي يابالحسن علي قراني
---------------
علي سورة هل اتى اتوضح خصاله
علي الله ايعـرفـــه سـبحانـه تعــلى
علي عـلـــمه مـن لـدن رب الجــلاله
علي والـهذا الـســبب اهـوى وصاله
مايهــمـون الحــچو
الرضو والي مارضو
اعليه ادري اتحـملو
امن اعلنت اني .. علي قرآني
علي علي يابالحسن علي قراني
---------------
علي مو سوره علي مصحف غرامي
علي ايــاتــه يــمَـثلــــهــن هــيامــي
علي بيك اعتـرف بـس انتـه امـامي
علي والله الـشوفـتك دلالـي ظـامي
انه شيـــعي منـهـــجي
بحب علي والله التجي
الخــوف يمــي مايجـي
عندي برهاني .. علي قرآني
علي علي يابالحسن علي قراني
---------------
خادم اهل البيت حيدر تركي الكربلائي
هوسات لامير المؤمنين ع
علي ومحتار شكتب بيك .. حيل السالفه اتحير
يالــجـــبريل گــــدامــــك .. يطـلـع كلـش ازغير
الناس اتسير اعله الـناس .. وانتـه الربك اتسير
يالربـك فاتحــلك بـابه
------
الناس اصناف ياحيدر .. لكــن انتــه صنـــفك غير
يمسوي للفقره اجيوب .. وتارس حوصلة كل طير
خيـر الوادم اشـــويون .. وانته يفيـض چفك خير
يمشبع الوادم ماعونه
----
يقيسونه علي اويه افلان .. وانه ابنبــي ماقيسه
عيسى وچيه حيه الميت .. الوادم عاجه ابعيسى
علي ولومــات هذا الكون .. يحيـه لمـن ايجـيسه
ويــرد الكون بعافــيته
------
حيدر تركي الكربلائي
نعلن اليوم الحداد
نرتدي ثوب السواد
لنبي نحظر نواسي....لچبده مسموم ومأسي
✿────↻✿...✿↺────✿
✿────↻✿...✿↺────✿
ناصب بروحي العزه يبن الزجيه
يحظر الرادود يقره اعله القضيه
يبدي بيها من مشت زينب سبيه
ينعه عالهادي بمصابه بهل مسيه
ياعلي الهادي نصيح
والگلب بعدك جريح
بگلبنه الجرح قاسي...لچبده مسموم ومأسي
✍باقر جبار الشويلي
✿────↻✿...✿↺────✿
نفس ذاك اليوم ذكرني مصابك
مثل جبد الحسن مسموم وخضابك
خادمك يالهادي انه ودكيت بابك
بحسرة واشواق المحب يشتم ترابك
اه ياهذا المصاب
شيب اطفال وشباب
والطم بيدي عالراسي...لچبده مسموم ومأسي
✍ابو سلام الجابري
✿────↻✿...✿↺────✿
ياعلي الهادي قرينه المهدي حاضر
واكف ويانه واشوفه بلايه خاطر
من المصايب والسقيفه بدون ناظر
ظهره حدب من وراها بلا مناصر
بونه ودموع وحزن
احنه بعدك بس نون
هدت جبال الرواسي....لچبده مسموم ومأسي
✍باقر جبار الشويلي
✿────↻✿...✿↺────✿
نقره مولاي التعازي ومديت اديه
الي جرحك بلگلب ياريته بيه
فدوه الترابك رحت يبن الزجيه
الصوبك مولاي ماعده حميه
حكي مولاي من اون
اليوم مو يوم الدفن
وياي ونت هاي ناسي...لچبده مسموم ومأسي
✍ابو سلام الجابري
✿────↻✿...✿↺────✿
من عزانه الحضرتك تسمع كلامي
بدمعة وثياب الحزن اصرخ امامي
باچر المهدي يجي وعنك يحامي
ياخذ بثار الظلع وثارك يظامي
ابچي بدموم وقهر
اعليگ اعميه النظر
لمذهبي انت الاساسي ...لچبده مسموم ومأسي
✍باقر جبار الشويلي
✿────↻✿...✿↺────✿
✿────↻✿...✿↺────✿
كل عام وانته ابخير يا اغلا حسين*
كل عام وانه اكشخلك ابدمع العين*
العيد كون اسمع شربت انته الماي*
وعبدالله يمك يكبر وصاير زين*
...........................
بالعيد كون ايبوس الاكبر يمناك*
بمصباحه ويه اوليدك انته شمحلاك*
ويم ليلى ويه الاكبر انتم تمشون*
والماي كون ايفيض بالطف هناك*
.............................
بنتك رقيه ابحضنك وماكو اخيام*
وتلبس تراچيهه وتبوسك واتنام*
وامن الصبح تكشخلك ابحلا اهدوم*
ونمسح امن القاموس كون اسم الشام*
.............................
العيد يم زينب يرد بيك الروح*
وام عون يمك كون ما بيهه اجروح*
كل ساع خويه تگول خو ما عطشان*
وحچي الاخت ويه الاخو شگد مملوح*
............................
بالخوه تفرح من يعيدون الناس*
كون اسمع اتشابگتو انته وعباس*
وايبوس نحرك وانته تلزم الاچفوف*
اخظر ابأخظر لابس وعطره الياس*
..........................
يا عيد وانته امطشرينك يا هيل*
واعليك چانت تردح اهناك الخيل*
احلام بأحلام اشكثر عندي اوياك*
تتبده كلهن من يجي طاري الليل*
علاء المياحي
الفاتحه لروح والدي
وين ام الحسن واليوم عازتها
خل تشوف زينب فاكده خوتها
وين ام الحسن خل تنضر الحالي
غالي يروح مني ويلحگ بغالي
راحو كل هلي والظيم يبرالي
تعاي اليوم بتج شوفي دمعتها
يمه اليوم اريدج وانه بعازه
حنينه الوالده وجا بيش تتجازه
شماله الموت يمه علينه يتوازه
مكسورة گلب والزهره عافتها
مكسوره گلب محد يمر بيه
بعد حسين يمه وصرت مسبيه
راح اليوم عنه وراح طاريه
تعاي وشوفي زينب هاي ونتها
راحوا كل هلي ومن راح عباسي
عكبك ياابوفاظل شيبت راسي
انت الناس كلها ويابعد ناسي
روحي بعازتك غير انته هيبتها
يمه خلاف اخوتي وعايشه بحيره
يوميه بجفاهم ساكنه بديره
راح الجان هيبه وصاحب الغيره
تعاي وشوفي عيني عليج دمعتها
✍ابو سلام الجابري
✍باقر جبار الشويلي
مرات الفراك ينزل عله العافو دوه
ومرات الفراك يكطع عله الناس الهوه
للمحسن اشكد حنيت بس بالولد متهنيت
*
ياكلبي شيردهم بعد يمته اعله حالي ايحنون
هوه التعود عالبجي ما تلكه ابد عنده عيون
اشعاجبهم امن المكبره حته بوسطها اينامون
ليش الاودنهم صحت من عندي هيج ايروحون
شيخلص الليل والغالي نايم بالكبر
وينك صحت حيل كبرني فركاك اشكثر
ببني ردت يزهي البيت بس بالولد متهنيت
**
ذواقه حته المكبره تتخير اشلون احباب
وباب الاخذ محسن صحت يعذرني ما سمي باب
من العصر ضلعي انكسر وتدرون ضلعي ما طاب
حته الهوه بعصري اشترك يحركني جمره اللهاب
زيد عذابي يا ناس بسمار الضلع
وشتد مصابي وضل ياكل بخدي الدمع
اشكد احلمت وتمنيت بس بالولد متهنيت
***
ابجي عله ابني وسلوتي الما لحكت كمطته
والباب لو يسوه العتب جا كل وكت عاتبته
بحضيني المناغه انذبح وجفوفي ما لازمته
شبسرعه يا دنيه صحت تعب العمر ضيعته
شميت الهدوم حسبالي بالمحسن اشم
دلالي ملجوم ما ادري هذا اخر حلم
والطفلي حيل اشتاكيت بس بالولد متهنيت
****
عصروني بالباب وطحت يا ناس من العصره
والنار اشوف بمنزلي من كل كتر مستعره
الظالم سطرني اعله الوجه وعيني انطفت بالسطره
ضليت انادي بدمعتي يا فضه الحكي الزهره
هجمو عله الدار وبالحايط اثار الدمه
وتصيح الاشرار بالباب اعصرو فاطمه
وانه بجنيني هميت بس بالولد متهنيت
****
من مات محسن بالعصر ماتت احس احلامي
ما اكدر انضر يا علي زينب تون كدامي
مخنوكه اصيح بعبرتي خل عينك اعله ايتامي
اعله حسين تدري يا علي رايح تزيد الامي
لو هلت التراب افراكي يهد حيل الحسن
ورايح وره الباب تبدي المصايب والمحن
اعله اولادي عينك ناديت بس بالولد متهنيت
****
تمت
تحسين الخفاجي
صدگنـه الخبـر ونگـول هنيالـه
نـايـم والـسـهـر لعيون چـتـالـه
نصر الله التسولف دنيا بفعـاله
الـجـنـه الـيـوم امـتـانيـتـه