22090
Бу ерда сиз халқаро муносабатлар, ижтимоий сиёсат, фалсафа, тарих, китобхонлик бўйича фикрларимни ўқиб боришингиз мумкин. Осторожно Сарказм!!! 18+ Реклама - @The_Blesssed Альтер Эго 👉 @Alimofflive
Аввалги театримиз ва киномиз ҳақида
Сигма подкастни яқиндан бери кузатишни бошладим. Ойбек Вейсалўғли Копадзе билан суҳбат олишган экан, жуда ёқди.
Ойбек акани олдинлари телевизорда кўрардим. Кўрсатувлари бўларди. Ҳозир дарс бериш билан банд эканлар.
Анча ёқимли ва қизиқарли ҳикояларга бой подкаст бўлибди. Тавсия қиламан:
https://youtu.be/SchLwj70BYE?si=tEbpQja1hFUS4ToN
Камдан-кам учрайдиган касалликлар ҳақида
Дунёда турет синдроми, шарко касаллиги, кистик фиброз, акромегалия каби жуда камёб, генетик касалликлар бор. Буларнинг баъзиларини “Доктор Ҳаус” сериалида ҳам эшитган бўлсангиз керак.
Так вот, бунақа дардга чалиниш эҳтимоли 10 минг ёки 100 мингдан бир бўлиши мумкин. Шунинг учун ҳам бундай касалликлар учун бериладиган “Орфан” дори воситалари жуда кам ва қиммат бўлади. Юқоридаги видеода гапирган опа шу масалани кўтариб чиқибдилар.
Унинг айтишича, шундай дориларни чет элдан олиб келиш маҳаллий компанияларимизга жуда қимматга тушаркан. Ишлаб чиқарувчилар савоб учун қўшимча дориларни текинга беришгаям тайёр, но импортчи компания уни олиб келиш учун миллиардлаб фойда солиғи, қўшилган қиймат солиғи тўлашига тўғри келади. Шунга, уларга ортиқча дорини олиб келиш невигодно бўлиб қолади.
Агар давлат томонидан айнан шу турдаги дориларни олиб киришга солиқ имтиёзлари берилса, камёб хасталикка чалинган кўплаб болаларнинг ҳаётини сақлаб қолиш мумкин бўлади.
🧠@nurbekalimov
3 июль Кондиционерларни қадрлаш куникан.
Бу кун нафақат кондиционер ихтиросини тан олиш, балки унинг бугунги ҳаётимиздаги аҳамиятини тан олиш учун ўйлаб топилган. Шу куни кондиционер технологияси қанчалик ривожланганини ва унинг бизга тақдим этаётган барча афзалликларини - ёзнинг жазирама кунларида бизни салқин сақлашдан тортиб, хонадаги ҳаво сифатини яхшилашгача бўлган барча афзалликларини қадрлашимиз керак экан.
Кароче, ҳаётимизни озгина бўлсаям осонлаштиришга ёрдам берадиган бу ажойиб ихтирони ҳурмат қиладиган кунакан бу.
Кондиционер яратилиши хронологиясига бирров кўз югуртирсак. 1758 йилда Бенжамин Франклин ва Жон Хедли буғланиш билан боғлиқ тажрибалар ўтказиб, келажакда совутиш технологияси учун асос яратади.
1842 йилда Доктор Жон Горри замонавий кондиционер тизимлари сари муҳим қадам бўлган сиқиш ёрдамида муз ҳосил қилувчи машина яратади.
1876 йилда Николай Лвов хусусий уйлар учун кондиционерни лойиҳалаштириб, бугунги турар жой биноларининг асосчисига айланди.
1902 йилда Уиллис Карриер босмахонада намликни назорат қилиш учун биринчи замонавий электр кондиционерни ихтиро қилди.
1931 йилда Х.Х.Шульц ва Ж.К. Шерман дераза токчасида жойлашган биринчи хона кондиционерини ихтиро қилиб, кондиционерни оммага қулайроқ қилади.
2000-йилларга келиб технологиядаги ютуқлар дастурлаштириладиган термостатлар, Wi-Fi бошқаруви ва ақлли уй интеграцияси каби хусусиятларга эга энергия тежовчи кондиционер қурилмаларига олиб келди.
Бу кунни кансанер тагида ётволиб қайноқ кўк чойдан ҳўплаб кино кўриб нишонлаш керак🙂↕️
Бу ерда кондиционер рекламаси бўлиши мумкин эди😁
🧠@nurbekalimov
NYT: Исроил ҳарбийлари Ғазода ўт очишни тўхтатишни истаяпти, гарчи бу ҲАМАСга ҳозирча ҳокимиятда қолиш имконини берса ҳам. Нетаняху эса ўзи ва генераллар ўртасидаги келишмовчиликни чуқурлаштираётган бундай сулҳга қарши
Агар Ливанда кенг кўламли уруш бошланса, Исроил ҳарбий раҳбарияти Ғазо секторида сулҳ тузиш тарафдори бўлади, деб ёзади The New York Times разведка хизматларидаги манбаларга таяниб.
Бундан ташқари, генералларнинг фикрича, ўт очишни тўхтатиш ҳали ҳам ҲАМАС қўлида бўлиб турган асирларни озод қилишнинг энг тезкор йўлидир. Ўз навбатида, Бенямин Нетаняху сулҳ ғоясини қўллаб-қувватламайди, чунки бу, унинг фикрича, ҲАМАСга "урушдан омон қолишга" имкон беради.
Исроилнинг юқори мартабали ҳарбий амалдорларига кўра, Ливандаги Ҳизбуллоҳига қарши қуруқликда уруш бошланса, армия тикланиши учун вақт керак бўлади. Шу билан бирга, ҲАМАС билан сулҳ Ҳизбуллоҳ билан “нозик хавфсизлик масалалари” бўйича келишувга эришишни осонлаштириши мумкин. Гап шундаки, Ҳизбуллоҳ аввалроқ ЦАХАЛ Ғазо секторидаги жангларни тўхтатмагунча Исроил шимолига зарба беришда давом этишини маълум қилган эди.
Генштабда 30 га яқин генерал бор, жумладан, унга штаб бошлиғи Херци Ҳа-Леви, армия, ҳаво кучлари ва денгиз флоти қўмондонлари, шунингдек, ҳарбий разведка бошлиқлари киради.
New York Times ҳарбий стратегиянинг бундай ўзгаришини сўнгги ойларда Нетаняху урушдан кейинги режаларни тузишдан қочаётгани билан изоҳлайди. Бу анклавда ҳокимият бўшлиғи пайдо бўлишига олиб келади - ҳарбийлар қайтиб, Ғазонинг аввал эгалланган қисмларида яна жанг қилишга мажбур бўлишади.
Ҳарбийлар ҳар доим секторга қайтиши ва операцияни давом эттириши мумкин,, Ғазодаги танаффус эса Ливандаги кескинликни камайтиради,
Айни пайтда бундай сценарийда улар гаровга олинганлар озод қилиниши эвазига ҲАМАСни ҳокимиятда сақлаб қолишни афзал кўришади, бу эса Исроил учун энг ёмон вариант эмас,
Транспортнинг аҳамияти ҳақида
Бирор ерга дам олгани борган одам борки транспортга иши тушади. Мошинни орқасига еб-ичарни сообразит қилиш учун нарсаларни тахт қилиб, сокин жойда китоб ўқишга киндлни олиб, оиланг билан тоғ-поғга чикетасан. Или ҳамма оғайниларнинг билан Самарқанд-Бухоро қилиб келмоқчи бўлсанг, автобус гаплашасан.
Вот автобус ё бирор транспорт бўлмаса, мен тасаввурам қилолмайман қанақа қилиб дам олгани боришни. Моно брат ҳам жуда тўғри таклифни беряпти ома. Так вот, шу йилгача туристик компанияларга четдан транспорт воситаларини олиб кириш учун имтиёз берилган эди.
Бу йилдан шу имтиёз бекор қилинибди. Энди туркомпаниялар хориждан транспорт олиб кириш учун 60-70 фоиз бож тўлаяптикан.
🧠@nurbekalimov
Тошкентда ёш болани бир экак калтаклаётгани акс этган видео ижтимоий тармоқларга сиздирилди. Ушбу ҳолат юзасидан Болалар омбудсмани изоҳ берди.
Аниқланишича, жорий йилнинг 30 июнь куни Мирзо-Улуғбек туманида яшовчи нафақадаги М.А. 2020 йилда туғилган набираси А.А. (ўғил бола) билан сайр қилиш учун кўчага чиққан вақтида набираси А.А. югуриб узоққа кетиб қолган, бобоси эса набирасидан хавотир олиб, болани қидирган.
Сўнг, набирасини уйидан олисроқ бўлган мактаб олдида топиб, жаҳл устида уни бир неча бор қаттиқ урган.
"Ҳозирда ҳолат юзасидан терговга қадар текширув доирасида болага етказилган жароҳатнинг даражасини аниқлаш юзасидан суд-тиббий экспертиза тайинланган. Бу борада қўшимча ахборот берилади", - дейилади хабарда.
🧠@nurbekalimov
Демократлар Байденни 21 июлдаёқ президентликка номзод сифатида кўрсатиши мумкин
АҚШ Демократик партиясини Дональд Трамп билан дебатдаги муваффақиятсиз чиқишдан сўнг Байден ўрнини партия ичидан бошқа бир номзод эгаллаши ҳақидаги суҳбатларни тўхтатиш мақсадида Жо Байденни сайловда муддатидан олдин номзод қилиб кўрсатиш имкониятини кўриб чиқмоқда, деб ёзипти Bloomberg
Ёзилишича, бу 21 июл куни, партия қўмитаси Чикагода бошланадиган асосий қурултой олдидан жараёнларни якунлаш учун йиғилганда содир бўлиши мумкин.
Демократлар 7 августда рўйхатга олиш тугайдиган Огайо штатидаги сайлов бюллетенида Байденнинг иштирокини таъминлашмоқчи.
Лекин ҳозирги режалар бошқа мақсадга ҳам хизмат қилиши мумкин, яъни ўтган ҳафтадаги баҳслардан сўнг Байденни алмаштириш ҳақидаги гапларни бостиришга ёрдам бериш. Шу билан бирга, мунозарадан олдин ҳам сўровлар Байденнинг қайта сайланиши сайловчиларнинг унинг ёши ва иккинчи муддат давомида ўз вазифаларини бажариш қобилияти ҳақидаги хавотирлари билан мураккаблашишини кўрсатди.
11 июль куни Манхеттенда 2016 йилги сайловлар олдидан Дональд Трампнинг порно актриса Сторми Дениелсга пул тўлаганлик иши бўйича ҳукм чиқарилиши режалаштирилган. Бундан ташқари, 15-18 июль кунлари Милуокида Республикачиларнинг миллий қурултойи бўлиб ўтади, унда Трампнинг президентликка номзод сифатида расман кўрсатилиши кутилмоқда.
Зарилми шунча иш? Чоллар чойхонада ош қип ўтиришса бўмасмикина…😁
🧠@nurbekalimov
Олим мени исмим (нет)
Ўша видеони кўрмаган одам қомади. Шахсан ўзим бундан 2 йилча олдин кўргандим шекилли. Хозир эса инста ва комментларда трендга айланиб кетди.
Қайсидур уддабуронлар шу Олим билан шартнома қилиб, блогер қиламиз там реклама оламиз дебам юришибдикан.
Одfмларга нима бўляпти? Минде опқараганда бировни хотинини бошини айлантириб юрган ёки ўзини бировни хотинига боши айланган, мени назаримдаги типичний паскудани нега одамлар қаҳрамонга айлантириб юборишяпти?
Ҳа вазият кулгили, репликалари ҳам жуда кулгили, базара нет. Лекин, бу қанақадир инсоний туйғулар ва бир оиланинг фожеасику? Ҳиёнаткор аёлни шу йўлга етаклаган ёки аёл еталаган бўлса шу йўлга еталанган эркакнинг қилмиши қачон қандайдир монетизация қилса бўладиган контентга айланиб қолди?
Сал ғурури бор-ки одам бундай олимларни олқишлаш тугул юзига тупуради. Уни томоша қилишдан кўра бундайларни кенсл қилади. Сиз этта нима бўганини билмайсиз дейишлари мумкин да. Лекин ҳеч қачон "ебқўймаган" эркак бировни уйидаги шкафни ичида яшириниб ўтирмайди. Яна қаранглар. Я так вижу.
🧠 @nurbekalimov
АҚШнинг Европадаги бир нечта ҳарбий базаси эҳтимолий террорчилик таҳдиди туфайли юқори шай ҳолатга келтирилди
АҚШнинг икки расмийсига кўра, Америкаданинг Европадаги маъмурий бинолари ёки ҳарбий хизматчилари террор ҳужуми нишонига айланиши мумкинлиги хавфи бўлгани учун, дам олиш кунлари Европадаги бир неча АҚШ ҳарбий базаси юқори даражадаги шай ҳолатга келтирилди, уларнинг хавфсизлик даражаси иккинчи энг юқори даражага кўтарилган.
АҚШ армиясининг Европа қўмондонлиги штаб-квартираси жойлашган Штутгарт гарнизони ва Германиядаги базалари ўзларининг огоҳлантириш даражасини “Чарли” даражасига кўтарган, дейди манбалар.
Ушбу статус "ҳодисалар содир бўлганда, ё террорчилик ҳаракати, ё ходимлар, ёхуд объектларга ҳужум қилиш эҳтимолини кўрсатувчи разведка маълумотлари олинганда амал қилади".
Европадаги базада жойлашган манбалардан бири CNNга "камида 10 йил давомида" бундай даражадаги таҳдидни кўрмаганлигини айтди ва бу одатда ҳарбийлар "фаол ва жиддий таҳдид" олганлигини англатади.
Хавфсизлик чораларини кучайтиришга нима сабаб бўлганлиги номаълум, лекин Европа расмийлари қитъада, айниқса Париж олимпиадаси арафасида эҳтимолий террорчилик таҳдиди ҳақида огоҳлантирмоқда.
Агар АҚШ кимнидир террорчилик таҳдидидан огоҳлантирса бунга ишанориш керак. Крокус тасдиқлайди.
🧠@nurbekalimov
Билселар, шу ҳафта Павел Дуров бизга меҳмон бўпкетти. Қайтганидан кейин Ўзбекистон ҳақидаги таассуротларини ёзипти каналида.
Братни ёзишича, Ўзбекистондаги 37 миллион аҳолининг 70 фоиздан ортиғи Телеграм’да ва мамлакатнинг бутун иқтисодиёти ушбу платформа орқали бошқарилади (ҳар бир бизнесда Телеграм боти ёки канали бор).
Яна Ўзбекистонга сафар давомида тез ривожланаётган Тошкентнинг замонавий инфратузилмаси, Шарқий Ўзбекистоннинг тоғли ландшафтлари, Бухоро ва Самарқанднинг бой тарихи уни ҳайратда қолдирганини алоҳида таъкидлабди.
“Мен жуда кўп ёш ва иқтидорли, қалби тоза инсонларни учратдим. Самимий қабул учун миннатдорман ва бу йил қуёшли Тошкентда кўпроқ қолишга умид қиламан”, деган Дуров постида.
Велкам ту Узбекистан братим🫡
🧠@nurbekalimov
6 ёшли болани камар билан калтаклаган шахсга жиноят иши қўзғатилибди
Самарқанднинг Тойлоқ туманида 6 ёшли ўгай ўғлини калтаклаган эркак руҳий касалликлар шифохонасига ётқизилганди. Ҳолат юзасидан жиноят иши қўзғатилибди.
36 ёшли Ш.Н. ўзи билан бирга 2024 йилдан шаръий никоҳда бўлган Т.Д.нинг 6 яшар ўғлини ўз ҳовлисида камар билан урган.
Унга нисбатан Жиноят кодексининг 110-моддаси 2-қисми “а” банди (қийнаш) билан жиноят иши қўзғатилиб, дастлабки тергов олиб борилмоқда.
Ўзидан ожиз бегуноҳ гўдакни қийнаган бундай кимсалар албатта жазосини тортиши керак.
🧠@nurbekalimov
Ilm olish uchun Oʻzbekistondan Shvetsariyaga
Sigma Podcast mening sevimli podkastlarimdan biri hisoblanadi. Asosan turli sohalardagi olimlar bilan suhbatlardan iborat.
Bu safar ancha noodatiy qahramon chiqibdi. Yangi Zelandiya, Daniya va Shvetsariyada molekulyar biologiya va biotexnologiya sohasida ta’lim olgan oʻzbek qizi, Surayyo Akramxanova.
Qiziq tomoni, Surayyo dastlab Westminsterga oʻqishga kirib, keyin u yerni tashlab Yangi Zelandiyaga ketgan ekan.
Umuman biotexnologiya va akademik sohani toʻliq ochib bergan yaxshi suhbat boʻlibdi.
Aytgancha, Surayyo ta’lim olayotgan ETH Zurich dunyodagi nufuzli oliygohlardan biri hisoblanadi. Juda koʻp Nobel laureatlari chiqqan va hatto Eynshteyn ham ishlagan shu universitetda.
Tavsiya qilaman:
https://youtu.be/s1LjqdMwmKA?si=UD8msBr5bnGZ0ski
SpaceX Халқаро космик станцияни орбитадан олиб чиқадиган қурилма яратмоқчи экан
NASA SpaceX’ни Халқаро космик станциянинг иш муддати тугагач, уни орбитадан чиқариб ташлайдиган қурилма яратувчиси сифатида танлаганини маълум қилди.
Айтишларича, икки гигант ўртасида тузилган шартнома суммаси 843 миллион доллар экан. Калифорниядаги компаниянинг бўйнига фақат космик кемани ишлаб чиқариш вазифаси қўйилган. Жараён тугаганидан кейин қурилма миссия давомида АҚШ космик агентлигининг мулкига айланади.
Қурилма NASA ва унинг халқаро ҳамкорларига 2030 йилда Халқаро космик станциянинг орбитадан “хавфсиз ва масъулиятли” олиб чиқилишини таъминлаш ва аҳоли яшайдиган ерларга қулаш хавфининг олдини олиш имконини беради.
Тахмин қилинишича, қурилма худди станциядек Ер атмосферасига қулаб тушади. станция вайроналари Тинч океанига тушиши режа қилинган.
Сен твиттерда бекорчилик қимасдан ишларингни қилсанг битаямта китоб ўқисан, Илон Маск твиттерда бекарчилик қилавермаса машнақа ишлар қилади😁
🧠@nurbekalimov
🥳😀😌🤌👍😱🤔✨
Aksiya tugashiga 3 kun qoldi!
30-iyungacha TBC Kredit’ga ariza topshiring va sovrinlardan birini yutib olish imkoniyatini qo‘lga kiriting! 🎁
O‘yinda quyidagi yutuqlar o‘ynaladi:
Ikki kishilik Turkiyaga sayohat, iPhone 15 Pro, Smart TV va 10 000 000 so‘m miqdoridagi pul mukofotlari!
So‘nggi o‘yin 5-iyul kuni soat 18:00 da TBC Bank’ning Telegram kanalida o‘tkaziladi va 25 nafar g‘olib aniqlanadi! 🎉
Veb-saytga o‘ting, ilovani yuklab oling va aksiyada ishtirok eting.
Reklama
Қуёшда турган баклажкали сувлар хавфи ҳақида
Кўчадаги кетятганда кўп магазларда кўрасларми, баклажкадаги сувлар кўчада туради қалашиб. Ёзми, қишми, фарқи йўқ. Ҳаммаям тушуниб-тушунмай, шу туриб қолган сувни сотволоради. Билмайдики, соғлиққа энг зарарли нарса шу. Так вот, четелда қуёш нурида туриб қолган пластик идишлар зарари ҳақида тадқиқот қилинибди.
Унга кўра, қуёш нури таъсирида пластик сув идишларидан чиқадиган учувчи органик бирикмалар (VОC) соғлиқ учун хавфли. Тадқиқот ультрабинафша-А ва қуёш радиациясида чиқариладиган VOCʼларнинг турлари ва токcиклигини чуқур ўрганиб чиқди ва ичимлик суви хавфсизлигини кафолатлаш учун такомиллаштирилган сақлаш усулларининг муҳимлигини таъкидлади.
Пластик сув идишлари қулай ва ҳамма жойда бор, лекин уларда потенциал хавфлар ҳам йўқ эмас. Қуёш нури идиш таркибининг бузилишига ва инсон саломатлигига потенциал зарар етказадиган учувчан органик бирикмаларни чиқаришига олиб келиши мумкин. Бутилкаланган сув бозори ривожланиб борган сари, янада хавфсизроқ альтернативаларга эҳтиёж туғиляпти.
Олимлар ультрабинафша-А ва қуёш нурлари таъсирида олти турдаги пластик сув идишларидан чиқарилган VОCʼларни таҳлил қилишди. Натижалар кўрсатдики, барча синовдан ўтган баклажкалар алкан, алкен, спирт, алдегид ва кислоталарнинг мураккаб аралашмасини ишлаб чиқаради. Жуда заҳарли VOCʼлар, шу жумладан, н-гексадекан каби кансерогенлар соғлиқ учун жиддий хавф туғдиради.
Полиетилен терефталат (PЕТ) идишлар жамият саломатлиги ва хавфсизлигига дахл қилади. Ушбу VОCʼлар ҳақида маълумотга эга бўлиш ишлаб чиқариш амалиётини такомиллаштириш ва сув идишлари учун зарарсиз материал танлашга ёрдам беради. Қолаверса, бу потенциал зарарли бирикмалар таъсирини камайтириш учун истеъмолчиларнинг хабардорлигини ошириш ва саноатда қатъий қоидалар ўрнатишга эҳтиёж бор.
Сув обиҳаёт, лекин пластикдаги қуёшда кўп туриб қолган сув ўлимга яқинлаштирувчи йўл экан, буни унутишма🫡
🧠@nurbekalimov
Politico: Риши Сунакдан бошқа ҳамма унинг омадсизликка учраганини билади
Бугун Буюк Британияда парламент сайловлари бўлиб ўтмоқда, шундан сўнг мамлакатда янги бош вазир пайдо бўлиши мумкин - амалдаги вазирлар маҳкамаси раҳбари Риши Сунак ва унинг тори партияси ғалаба қозониш учун деярли имкониятга эга эмас.
2010 йилдан бери мухолифатда бўлган Лейбористлар партияси кўпчилик овозни олиши мумкин дейишмоқда билгичлар.
Сўнгги саккиз йил ичида Сунак консерваторлар учун бешинчи бош вазир бўлди, улар учун 2022 йил айниқса жуда қийин кечди. Дастлаб Борис Жонсон ковид чекловлари вақтида халққа " сиз уйда қолинг" деб, ўзи шотирлари билан маишат қилиб, винка ичиб ўтиргани ортидан келиб чиққан "Қани адолат? Маҳалла қаҳқаравотти?", "Журналистлар чидаб туролмади, барчасини айтиб ташлади!" деган кипишлар фонида истеъфога кетганди, орадан етти ҳафта ўтгач, унинг ўрнини эгаллаган Лиз Трасс опа ҳам ўз курсисини бўшатиб қўйди.
Шундан сўнг, ўнгларни бирлаштиришга муваффақ бўлган Риши Сунак бошини сарак сарак қилиб катта сиёсий саҳнага кириб келди. Даунинг стрит кўчасида иримини қилиб исириқ писириқ тутатиб олгач унинг юлдузи порлай бошлади. Аммо сўровлар ва маҳаллий экспертларнинг айтишича, бир неча кундан кейин Сунакнинг юлдузи ҳам сўнади.
Биз Францияда ўнглар муваффақиятини кузатаётган бир даврда Британияда марказ сўллар ниҳоят 14 йил деганда ҳокимиятга келишлари мумкин. Дунё сиёсатида тектоник плиталар силжиши кузатилмоқда деса ҳам бўлаверади чамам.
🧠@nurbekalimov
Ижтимоий тармоқларда “сэдфишинг” авж олиб кетди
“Сэдфишинг” — ижтимоий тармоқ фойдаланувчиларининг бошқаларнинг раҳмини келтириш учун ўзи ҳақида турли постлар жойлаши, шахсиятини бўрттириб кўрсатишга мойиллиги.
Ижтимоий медианинг бу тенденцияси кўплаб муҳокамаларга сабаб бўляпти, чунки “эътибор изловчилар” фойдаланувчиларни тобора ўзига тортяпти.
Journal of American College да 2021 йили чоп этилган тадқиқотга кўра, кўплаб “сэдфишерлар” ўзларини ташвишли ҳолатда намоён қилишади. Бу эса “ижтимоий қўллаб-қувватлашнинг кескин етишмаслиги билан юзага келмаслиги, аксинча, ташвишли яқинликнинг доимий хусусияти билан кучлироқ боғлиқ бўлиши мумкин” деган хулосани келтириб чиқаради.
Лос-Анжелесдаги Newport Healthcare компаниясининг маслаҳатчиси Дон Грант (PhD) Fox News Digital’га бу ҳодиса янгилик эмаслигини айтди.
Таъкидлашларича, бу тенденция 2019 йилда Кендалл Женнер қатнашган кампанияда ҳам акс этган. У Проактив билан ҳамкорликнинг бир қисми сифатида акне (ҳуснбузар) билан курашаётгани ҳақида эълон қилганида омма эътиборини тортган эди.
Сэдфишингни айниқса, ёш Z-авлодда кўп кузатиляпти. Ота-онасидан, атрофдаги яқинларидан, хуллас, унга эътибор бериши, вақт ажратиши керак бўлган одамлардан ололмаган меҳрни интернетдан излаш машнақа жиддий психологик ҳолатларни келтириб чиқараркан.
🧠@nurbekalimov
Sovrin jamg'armasi 300 mln. so'm bo'lgan "BRB Fintech Hackcelerator"da ishtirok eting!
Biznesni rivojlantirish banki sizni dolzarb masalalarini hal qilish va qimmatbaho sovrinlarga ega bo'lish uchun tanlovda qatnashishga taklif etadi.
Axborot texnologiyalari sohasidagi ko'nikmalaringizni namoyish eting!
Ishtirok etishning afzalliklari:
🌟 Sovrinlar: 1-o‘rin — 150 000 000 so‘m, 2-o‘rin — 100 000 000 so‘m, 3-o‘rin — 50 000 000 so‘m.
🌟 Yetakchi ekspertlar bilan ishlash.
🌟 Kuchli jamoa yaratish va yangi do‘stlar topish imkoniyati.
O'zingizni sinab ko'rishga tayyormisiz? Havola orqali ro'yxatdan o'ting
https://brb.uz/hackcelerator 🔙
Reklama
«Мусулмон жамияти бошқа, ислом бошқа, мусулмон жамияти тамоман бошқа нарса. Чунки мусулмон жамиятига қарасак, дунёда бугун исломни амалиётга жорий қилган жамиятлар бор. Ўша жамиятларни солиштирганда кўпчилик мусулмон жамиятлар фарқли бўлиб чиқмоқда».
Фарҳод Мақсудов ⚜️
Қурултойнинг «Ўзбеклар тарихими ёки Ўзбекистон тарихими?» деб номланган қуйидаги сонида тарих тушунчаси, тарихни даврлаштириш ҳамда Ўзбекистон тарихини қандай тушуниш борасида зўр суҳбат қурилган.
👉 https://www.youtube.com/watch?v=HMSKFS6lLs0&t=1s
Макрон партияси мағлуб бўлган Франциядаги парламент сайловларидан сўнг мамлакат бошқариб бўлмас ҳолга келиши мумкин
New York Times Макрон даврининг эҳтимолий якуни ҳақида ёзмоқда ва бу якунда уни ўзи айбланмоқда.
Макрон ва унинг партияси, ўта ўнгчи Миллий фронт ва сўллардан иборат “Енгилмас Франция” партиялари томонидан сиқиб чиқарилгач, парламент назоратини йўқотмоқда.
Биринчи турдаги мағлубият унинг мамлакат ички сиёсатидаги етти йиллик ҳукмронлигига барҳам берди. Бундан олдин у нафақат муддатидан олдин сайлов ўтказишга мажбур бўлди, балки "Макронизм" деб номланувчи марказчилар ҳаракатини ҳам амалда тарқатиб юборди.
Марин Ле Пен партияси ҳали парламентдаги мутлақ кўпчиликни кафолатлагани йўқ, лекин бунга яқинлашиб қолди. Макрон эса ҳамма нарсани хавф остига қўйиб, муддатидан аввал сайловларни эълон қилган ҳолда, катта эҳтимол билан якунда мандатларнинг атиги 1/3 қисмига эга чиқиши мумкин.
Собиқ бош вазир Эдуард Филиппнинг фикрича, Миллий ассамблеяни тарқатиб юбориш тўғрисидаги қарор 2017 йилги президентлик сайловларидан кейин пайдо бўлган сиёсий конфигурацияга амалда чек қўяди.
Ўшанда 39 ёшли Макрон прагматик марказ атрофидаги ғоялари билан урушдан кейинги Франциянинг устунлари бўлган голлизм тарафдорлари ва социалистларни мағлуб этиб, ҳокимият тепасига келганди.
Бу юриш бир мунча вақт ишлади, лекин президент ишончли мўътадил сиёсий партия туза олмагани сабабли, натижада у ёлғиз қолди ва иттифоқчилар доираси қисқара бошлади.
Материалда айтилишича, Макроннинг муваффақиятсизлиги унинг Европадаги сиёсатининг оқибати бўлиб, аввал унга яхши хизмат қилган позицияси бугунги кунга келиб қулаган.
Хозир Макрон учун “Миллий фронт”ни парламентдаги мутлақ кўпчиликдан маҳрум қилишни ўзи ғалаба бўларди. Бу Франциядаг сўл ҳаракатнинг қанчалик умидсиз аҳволда эканлигидан далолат беради.
Италия ёки Белгиядан фарқли ўлароқ, Францияда узоқ вақт давомида тайинланган ҳукуматсиз яшаш маданияти йўқ. Аммо энди бундай имконият пайдо бўладиганга ўхшайди.
Гап шундаки, агар Марин Ле Пеннинг партияси мутлақ кўпчиликни қўлга киритса, Макрон бош вазир сифатида Ле Пеннинг шотири ёш Жордан Барделлага чидашига тўғри келади.
Бу эса мамлакатда умуман бошқа бошқа идеологияларга эга бўлган Президент ва Бош Вазирнинг бирга ишлашларини англатади.
Оддий дехқонча тушунтирадиган бўлсам, бу уканг ҳам уйлангандан кейин ўзини катта одам деб ўйлаб, оилавий масалаларда ўз сўзига эга бўбқолиб ғашинга тегишига ўхшайди😁
🧠@nurbekalimov
Қачон ўзбеклар бир-бирини қўллаб-қувватлайди?
Халқ, ёшлар, мана шундай имконият: #qonimdagalaba челленжида қатнашиб, футболчиларимизга мотивация берайлик! Видеони кўринг, миллатни бирлаштирувчи челленжда қатнашишга ундамоқда!
Бундай прецедент уларни нафақат ҳозир, нафақат энг яқиндаги Олимпиада, балки келажакда ҳам руҳлантиради. "Биз учун туриб берадиганлар бор" деган туйғуни беради.
Челленж шарти: 20 июлгача "O‘zbekistonlik" трекидан фойдаланиб, футбол мавзусида суратга олинган 1 дақиқали видеони Instagram'га #qonimdagalaba хештеги билан жойлаш. Соврин: 10 та энг яхши видео учун 50 миллион сўмдан!
Ўзингизни Парижга кетишга тайёрланаётган футболчиларимиз ўрнига қўйиб кўринг. Лойиҳа уларга зўр стимул беради.
⚡️Сусамбил лойиҳасининг муаллифи Нодир Нишонов «Гарри Поттер» франшизасининг энг қизиқ ва муҳим образларидан бири саналган Албус Дамбдор ҳақида видео тайёрлабди.
«Гарри Поттер» ҳақидаги фильмларни ҳаммамиз кўрганмиз, туркумга оид китобларни ҳам ўқиганмиз. Лекин Дамбдорнинг биографияси шу даражада катта ва қизиқки, унинг таржимаи ҳолига оид баъзи тафсилотларда экранда ҳам, асар саҳифаларида ҳам акс этмаган. Хуллас Сусамбил'нинг бу видеоси шу ҳақда. Поттерман бўлсангиз кўриш шарт. Каналда бошқа фильм ва сериалларга оид видеоларни ҳам топсангиз бўлади. ✨
👉 https://www.youtube.com/watch?v=J4OoRe-3v58
Бойлар камбағалларга қараганда генетик жиҳатдан кўпроқ саратонга чалиниши мумкин экан
Хелсинки университетида ўтказилган янги тадқиқот ижтимоий-иқтисодий статус ва бир қатор касалликлар ўртасидаги муносабатни ўрганиб чиқди.
Юқори даражадаги ижтимоий-иқтисодий статусга эга бўлганлар кўкрак, простата ва бошқа саратон турлари учун юқори генетик хавф остида.
Кам таъминланганлар эса депрессия, ичкиликбозлик ва ўпка саратони билан бирга диабет ва артритга генетик жиҳатдан кўпроқ мойил бўлади, дейди мутахассислар.
Ўзбекларни юз йилдан бери айтиб юрадиган гапи боридию, "Сахар бу бойларни касали" деган. Шу ривоят хорам бўпти.
🧠@nurbekalimov
Telegram'нинг ўзбек сегментида ҳуқуқ, санъат, илм-фан, ижтимоий ҳаёт, бизнес ва бошқа соҳаларга ихтисослашган энг фаол блогерларнинг каналларини тавсия қиламан. Бу каналлардан янги билимлар, қизиқарли фактлар, чиройли таҳлиллар топасиз.
Барча блогерларнинг каналларини битта ҳаволага жойлаб қўйдик. Уни босиб, истаганингизга ёки бирдан ҳаммасига обуна бўлишингиз мумкин.
Telegram'да кўп вақт ўтказсангиз, бу вақтни унумли сарфлашга ва фойдали маълумотлар олишга ҳаракат қилинг. Ушбу каналлар сизга мана шундай маълумот манбалари бўлиб хизмат қилади.
👉 /channel/addlist/XV-Lp2nMTPtkOWVi
Францияда муддатидан олдин парламент сайловлари бошланди
Францияда Миллий ассамблеяга муддатидан олдин сайловларнинг биринчи босқичи бошланди. Натижада мамлакатда II жаҳон урушидан кейин биринчи марта ўта ўнг ҳукумат тузилиши мумкин.
Сайлов участкалари маҳаллий вақт билан эрталаб 8 да очилди, турли аҳоли пунктларида овоз беришнинг тугаш вақти фарқ қилиши мумкин, аммо йирик шаҳарларда 20:00 гача овоз бериш мумкин. Айни вақтда парламентдаги ўринлар тақсимоти бўйича биринчи exit-poll ва прогнозлар кутилмоқда ва якуний натижалар 7 июль куни бўлиб ўтадиган иккинчи турдан кейин маълум бўлади.
Навбатдан ташқари сайловлар президент Эммануел Макроннинг Европа парламенти сайловларида марказлашган иттифоқи мағлубиятга учрагани ва Марин Ле Пен партиясининг ғалабаси фонида парламентни тарқатиб юбориши ортидан тайинланган эди.
Охирги ижтимоий сўровларга кўра, бугун Марин Ле Пеннинг ўта ўнгчи Миллий фронт партияси биринчи ўринни эгаллаши мумкин, бироқ парламентни назорат қилиш учун зарур бўлган мутлақ кўпчиликни ололмайди.
Ле Пеннинг ўзига кўра, агар Миллий фронт 577 ўринли Миллий ассамблеяда мутлақ кўпчиликни қўлга киритса, Макрон унинг 28 ёшли шагирти Жордан Барделлани бош вазир этиб тайинлашдан бошқа чораси қолмайди.
🧠@nurbekalimov
“Бутунжаҳон ёшлар фестивали-2024”нинг очилиш маросими😎
Куни кеча “Бутунжаҳон ёшлар фестивали-2024”нинг тантанали очилиш маросими дунёни пойтахти Самарқанд шаҳридаги туризм марказининг боқий шаҳар мажмуасида бўлиб ўтди.
Фестивал доирасида ўрин олган тадбирлар юртимизнинг 5 диққатга сазовор манзиллари: Самарқанд, Бухоро, Хоразм, Тошкент вилоятлари ва пойтахтимиз Тошкент шаҳрида давом этади.
Келиб, кўриб, қатанишиб мазза қиворадиган ери 🎉
🧠@nurbekalimov
1925 йил 9-ноябрь куни Германия ва умуман дунё тариҳидаги энг ваҳший ҳарбий қисмлардан бири бўлмиш СС ташкилоти вужудга келади. Бошида 8 кишидан иборат бўлган ва асосан Адольф Гитлернинг шахсий қўриқчиларидан ташкил топган ушбу ҳарбий бўлинма, кун келиб Европа бошига энг қора кунларни солишини ҳеч ким ўйламаганди.
"Тарих ракурси" дастуримизнинг бугунги сони айнан шу ҳақида👇
https://youtu.be/xxUvlC2MnqU?si=lrdDz5s0C0F4fgBl
Тошкент вилоятида нарколаборатория очган хорижликлар қўлга олинибди
Маълум бўлишича, 1998 йилда туғилган Украина ва 2001 йилда туғилган Озарбайжон фуқаролари вақтинча яшаб турган Юқори Чирчиқдаги уйда 411 гр Alfa-PVP синтетик гиёҳвандлик воситаси, 7 кгга яқин яримтайёр наркотик моддалар ва 237 кг прекурсорлар борлиги маълум бўлган.
Айтилишича, улар бу ерда махфий нарколаборатория ташкил қилиб, чет элдан олиб келинган хомашёлар билан синтетик гиёҳвандлик воситаларини тайёрлаш ва сотиш билан шуғулланган.
Ҳолат юзасидан жиноят иши қўзғатилган, “меҳмон”ларга нисбатан қамоққа олиш эҳтиёт чораси қўлланган.
🧠@nurbekalimov
АҚШ президентлигига номзодлар Жо Байден ва Дональд Трамп теледебатларнинг биринчи раундини ўтказдилар
Айтишларича, Жо Байден шу қадар ёмон чиқиш қилиб, ҳатто ўз ҳамфикрларини ҳам ташвишга солган. Масалан, New York Times таҳлилчиси ва Байден тарафдори бўлган Томас Фридман: "Мен бу дебатларни томоша қилиб йиғладим. Байден четга чиқиши керак" - деб айтган.
Дебат 90 дақиқа давом этган. Ушбу қарама-қаршилик томошабинларсиз телестудияда ўтди. Учрашув бошланишидан олдин номзодлар бир-бирларининг қўлларини сиқишмаган, мунозаралар оралиғидаги танаффусда бир-бирлари билан мулоқот қилишмаган. Байден эса Трампни тез-тез исми билан эммас, "бу йигит" деб атаган.
Сиёсатчилар мамлакатдаги иқтисодий инқироз, тиббий хизмат, ноқонуний миграция, Украина ва Афғонистондаги можароларни ҳам муҳокама қилдилар.
Assosiated Press агентлиги Байден ва Трамп кўплаб фактик хатоларга йўл қўйганини таъкидламоқда. Мисол учун, Байден 15 минг ишчи ўринлари яратганини айтган, аслида эса бу 15 млндан ортиқ эди. Байден инсулин уколлари нархини ҳам чалкаштириб юборди. "Бу инсулин инъекцияси учун 15 доллар, 400 доллар эмас." Аммо аслида бу укол 35 доллар туради, унинг нархи Байден имзолаган 2022 йилги инфляцияни пасайтириш тўғрисидаги қонунда чекланган.
Трампнинг таъкидлашича, Америка иқтисодиёти пандемиядан олдин ҳам давлат қарзини тўлашга тайёр бўлган, бу ҳам нотўғри. Трамп даврида бюджет тақчиллиги ошган, чунки унинг 2017 йилдаги солиқларни камайтириш ислоҳоти ўзини оқламаган. Трамп 585 миллиард долларлик бюджет тақчиллигини мерос қилиб олади ва 2020 йилда пандемия бошланганидан кейин у 3 триллион доллардан ошиб кетган.
Сиёсатчилар ноқонуний миграция мавзусида ҳам тўқнаш келишди. Трампнинг таъкидлашича, унинг даврида мамлакат тарихдаги энг хавфсиз чегарага эга бўлган. Байден бошпана беришни тўхтатиш тўғрисидаги фармонидан сўнг ноқонуний миграция 40 фоизга қисқарганини айтди. Томошабинлар ушбу мавзу номзодлар учун умумий, мамлакат учун эса миллий устувор мавзуга айланганини таъкидлашмоқда.
Баҳс-мунозаралар бошланганидан бир соат ўтгач, Трамп "АҚШ президенти Байден Путиннинг ҳурматини қозонмагани учун Россия Украинадаги урушни бошлаган" деб айтди. Байден эса АҚШ Украинани қўллаб-қувватлаш учун 50 та давлатни бирлаштиришга муваффақ бўлганини таъкидлади.
CNN ўтқазган сўровномага кўра, томошабинларнинг 67 фоизи Трамп дебатларда ғалаба қозонган деб ҳисоблайди. Баҳс-мунозаралар давомида Байден бир неча бор фикридан адашиб, далилларни чалкаштириб юборди ва ҳар доим ҳам гапини аниқ якунлай олмади. Охирида унинг овози шу қадар хириллардики, сўзларини тушуниш қийин эди.
Америкалик журналистларнинг ёзишича, мунозаралардан сўнг демократлар ваҳимага тушиб, номзодни алмаштириш ҳақида ўйлай бошладилар. Аммо Байденнинг розилигисиз уни алмаштириш мумкин эмас.
Баҳсларнинг иккинчи босқичи 10 сентябрь куни бўлиб ўтади. Кузатамиз.
🧠@nurbekalimov
Ўзбекистонлик мигрант иккита жинсий тажовуз жиноятида айбдор деб топилди
Сарлавҳани ўқиб оббо Россияда деб ўйлагандирсиз. Йўқ, бу иш Англия пойтахти Лондонда бўлиб ўтган.
Снейрсбрук Қироллик судининг Би-би-сига тасдиқлашича, 26 ёшли ўзбекистонлик эркак бир аёлни жинсий зўрлашга ҳаракат қилиш, ҳамда тана аъзосини ёки жиҳозни танага тиқиш айбларида айбдор, дея қарор чиқарилди.
Суд айбдорга нисбатан жазо ҳукмини 29 августда ўқиши кутиляпти.
Суд ишидан хабардор бўлган манбанинг билдиришича, Лондон шарқидаги мазкур суд иши икки ҳафта давом этган ва 23 июнда ниҳоясига етган. Ўзбекистон фуқароси тўққиз ойдирки ҳибсда ушланмоқда.
Судда жабрланувчи аёл ҳодиса вақтида кўчада маст ҳолда бўлгани, айбдор эса унга ёрдам бериш баҳонасида уни бутазорга тортгани, ҳамда ерга ётқизиб зўрлашга урингани ва бармоқларини унинг жинсий аъзосига тиққанини айтиб кўрсатма берган.
У ёрдам сўраб қичқиришни бошлаши ортидан айбдор қочганини ҳам айтган. Ўзбекистонлик айбдор барча айбларни инкор қилган. Бироқ, полиция кузатув камераларидаги тасвирлар ёрдамида уни топишга ва шахсини аниқлашга муваффақ бўлган.
Маълум бўлишича, ўзбекистонлик йигит Британияга қишлоқ хўжалик ишларида ишлаш учун олти ойлик мавсумий виза асосида келган. Аммо, виза муддати тугагач ҳам Британияни тарк этмай, Лондонда овқат етказиб берувчи бўлиб ишлаган.
Британия қонунларига биноан, жинсий зўрлаш ва жинсий зўрлашга уриниш оғир жиноят деб кўрилади ва икки ҳолда ҳам максимум жазо этиб умрбод қамоқ жазоси белгиланган.
Аммо, охирги йилларда, Британияга Ўзбекистондан миграция даражаси ошар экан, Ўзбекистон фуқароларининг жинсий тажовузда айбдор деб топилиши ҳоллари бот-бот хабар қилинмоқда.
Хусусан, ўтган февраль ойида Британия жануби-ғарбидаги Веллингтон шаҳрида 21 ёшли Ўзбекистон фуқароси ўз айбига иқрор бўлгач, саккиз йиллик қамоқ жазосига ҳукм этилди.
Судда у виза муддати тугагач кабоб дўконида ишлаб келгани, тунда базмдан қайтаётган ёш аёлга ташлангани ва жинсий тегажоқлик қилгани, аёл қочишга муваффақ бўлиб полицияни хабардор қилгани айтилди.
Веллингтондан қочиб кетган ўзбекистонликни полиция кузатув камералари ёрдамида аниқлаб, бир неча ойдан сўнг Эссекс вилоятида ҳибсга олган.
Шу ташқи миграция агентлиги ва хусусий агентликлар Европага памилдори тергани кетаётган мигрантларимизга яримяланғоч аёл дегани бу тайёр ўлжа дегани эмаслигини, маст аёлни ҳар нарса қилиш мумкин дегани эмаслигини, хуллас умуман одамийликдан, ўзгаларнинг маданиятини ўзини ғор онги билан ўлчаш керакмаслигини тушунтириб жўнатишса яхши бўларди.
🧠@nurbekalimov