-
Журналист Нурхон Элмирзаеванинг ижодий канали @nur_2903
Мен ўлсам мойчечак гулидан изланг...
✍ Нурхон Элмирзаева
🎤 Шохиста Файзиева
t.me/nurxonelmirzayeva
☘ ☘ ☘
Арзимайсан бир томчи ҳам ёшларимга,
Азобларни ямлаган бардошларимга,
Бўғзимгача тўлиб кетган тошларимга,
Энди дуо қилар мендек ошиғинг йўқ...
✍ Нурхон Элмирзаева
🎙 Навбаҳор Дархонова
Каналимизни кузатишда давом этинг🌺
t.me/N_Darxonova
Кўзларим йўлингда,
Юрагим қўлингда
Бўлсада зорману
Бир оғиз сўзингга...
🎤 Юлдуз Усмонова
t.me/nurxonelmirzayeva
Қанийди
Қанийди, шу яшилликка сингиб кетсам,
Тополмаса юрагимни толдирганлар.
Мени излаб оёқлари толиб кетса
Бўлар-бўлмас сўз деб дилим қолдирганлар.
Қани кўм-кўк зилол бўлсам, оқсам сокин
Тубларимда асраб ўтсам юрагимни.
Зарар беролмаса ҳеч ким, оғритмаса,
Англасалар у менга кўп керагини.
Булут бўлсам, тўйиб-тўйиб йиғлаб олсам,
Кўз ёшимдан униб чиқса майса, экин.
Сўнг бир зумда қуёш бўлиб чарақласам,
Шамол бўлиб эсиб турсам секин-секин.
Нур мисоли табиатга сингиб кетсам,
Тополмаса дилозорлар, қувнаб юрсам.
Қанийди, шу сингиш ила кўкка етсам,
Ва қанийди у ерда сен кутиб турсанг...
Нурхон Элмирзаева,
11 июнь, 2019.
t.me/nurxonelmirzayeva
☘ ☘ ☘
Хайр дема, тингламоқлик менга оғир,
Бу сўз отар ғам, азоблар қаърисига...
✍🎤 Нурхон Элмирзаева
t.me/nurxonelmirzayeva
Пушаймонлиқ
Ичингдаги аламу ғазабларни тўкиб турсанг, юклардан фориғ бўласан, дейишарди.
Бўлмаган гап экан, фориғ эмас, аксинча оғриқ туйдим ва баттар оғир бўлдим.
Биринчи ва охиргиси бўлсин. Ўзимнинг йўлимда юрганим минг карра афзал экан: ичингга ют, ҳикматини кут!
Мени кечиринглар ичимдаги туйғуларим, қалбимдаги азизларим. Сизлар аслида қамаллигингиз билан гўзал эдингиз.
Нурхон Элмирзаева
t.me/nurxonelmirzayeva
Энг гўзал ва баланд нотанг мен бўламан!
Зўрма-зўраки ва ҳиссиз куйлар кўнглингни тўлдиролмаганида излаб қоласан мени.
Нурхон Элмирзаева
t.me/nurxonelmirzayeva
* * *
Жаҳаннам қаерда эканини биласизми? Жаҳаннам - инсон юрагида меҳр-муҳаббат барҳам топган манзилдадир.
Фёдор Достоевский
t.me/nurxonelmirzayeva
Бир кун овозимни ютаман ичга..
✍🎤 Нурхон Элмирзаева
t.me/nurxonelmirzayeva
Баъзида ўзинг билан ёлғиз қолишдан ёқимлиси бўлмайди.
Айниқса, ташқарида ёмғир ёғиб турган бўлса.
Ширин хаёл суриш, гўзал хотираларга берилиш, қалбингга қулоқ солиш, хуллас, ҳаммаси ўзинг учун ва ўзингга боғлиқ кечинмалар.
Мен бундай ҳолатни дам-бадам соғинаман. Сиз-чи? Сизда ҳам шундай ҳолат бўладими?
Нурхон Элмирзаева
t.me/nurxonelmirzayeva
Кетдинг сохта бахтнинг қасрига...
🎤 Мардон Ирсалиев
t.me/nurxonelmirzayeva
Ўтинч
Жавоби йўқ саволларга кўмма мени
Бор умримни битта сўзда этолмам шарҳ
Юрагингда ёнган бўлса ишқ учқуни
Ўшал оташларда мени англасанг бас.
✍ Нурхон Элмирзаева
🎙 Навбаҳор Дархонова
Каналимизни кузатишда давом этинг🌺
t.me/N_Darxonova
Жавоб бўлса учратмасди бизни Худо,
Иккимиз ҳам жавоби йўқ саволлармиз.
Нурхон Элмирзаева
t.me/nurxonelmirzayeva
Менинг ёшлигим
Ёшлигимда мендан хунук қизалоқ бўлмаган (юқорида суратни интернет программаси менинг бугунги суратимга нисбатан ишлаб берган болалигим сурати ).
Ўртоқларим қишлоғимизнинг ўғил болалари эди асосан, гупиллаган қордаям чап билагим подачалардан ёрилиб волейбол ўйнардик, чапақайманда. Баскетбол, футбол ўйнардик, ҳатто ланка тепардим, ланка зўр чиқиши учун ўзим тайёрлардим, ерни чуқурча ўйиб, иккита гугурт чўпни ярим сантиметр оралиғида суқардимда, унинг устидан машинанинг акумляторининг сеткалик альюминини эритиб дарҳол қуярдик. Масса қотиб, қўрғошинга айлангач, қалин тугмадек чиройли бўлар, уни чақалоқ кафтичалик эчки терисини остига сариқ сим билан қотириб, сўнг терини ёлларини обдон тарардим, ана кўрингда у ланка кун давомида тепсангизам ерга тушмай, бир маромда оёларингизга енгилгина қайтиб келаверади. Айниқса, бундай пайтда бошқалар қачон ютқазаркан деб навбат кутиб турса роҳатда.
Ердан кўра тепаларда кезардим кўпроқ. Одатда мени ердан тополмаган бечора икки бувим дарахт шохидан топар ва "тез тушақол, онанг ўлдиради боламлаб" ўтирарди, дарахтнинг энг баланд шохидаги қолган-қутган мевалар кўзимни ўйнатаверар, ўшани олиб жойида карсиллатиб емаганча уйқум келмасдида, нима қилай? Айниқса кеч кузгача шохда қолиб кетган банди бақувват олмаларни айтмайсизми, тошдек, ҳам асалдек, карсиллаши нариги ҳовлигаям эшитилгандек бўларди. Кун ора ё ўша дарахтдан ё томдан сакраб тушиб, бир жойимни қонатиб олардим, коримга яна ўша икки бувим ярарди, чўнтакларида айнан мен безори набиралари учун қоғозга ўралган қозонни қора куяси бўларди, уни тез ёрдамга ишлатишарди, сакрашим натижасида ерга ноқулай тушиб ё иягим йиртилиб кетар, ё қошим ёриларди, шунда ўша куяни босиб қонни тўхтатишарди. Тез ёрдамлардан анча мунча қора чизиқлар қолиб кетган бу юзда... Э хуллас, қисқа қилиб айтганда одаммас бўлганман. Буниям энди тушуняпман.
Эҳ, эслаш ҳам мароқли.
Хуллас, мана бу интернет ўйин хадя қилган мана бу қизалоқ ҳечам менинг ёшлигим эмас, бу фаришта!
Нурхон Элмирзаева
t.me/nurxonelmirzayeva
* * *
Мен ўлсам мойчечак гулидан изланг
Дунёни шу гулдек кўрмоқ истовдим -
Тикансиз, беозор, нафис жудаям.
Юрагим ёришиб кетади боқсам.
Истардим - шу гулдек қалбларга оқсам,
Қуёшнусха бўлиб юрсам чарақлаб.
Синчиклаб қаранг-а, ўхшайди жуда
Беозор, бегина мўмин қалбига.
Онангдек бағрингга босмоқ истайсан.
Улоқтиргинг келмас, оёқ остига,
Хонангни яшнатар, қуримайди тез,
Кўрганнинг ғуборин тарқатар шу кез.
Ўлсам уруғини сепинг қабримга
Тўлқиндек очилсин, турсин солланиб,
Остида борлигим сезмасин биров.
Ёд этгали келса кимдир ҳойнаҳой
Оқбарглаб оралаб кезсин, тополмай
«Мойчечакка айланиб кетибди» десин!
Мен ўлсам қордай оқ гуллардан изланг...
Нурхон Элмирзаева,
11 июнь, 2020.
t.me/nurxonelmirzayeva
Иқрорлик
Мен шундай яралдим - чориғим сабр,
Кўнглим куйлагани бир «Чўли ироқ».
Гуноҳкорга икки дунё биттадир,
Тангрим, ҳозирданоқ оловингда ёқ!
Нурхон Элмирзаева,
11 июнь, 2019.
t.me/nurxonelmirzayeva
Қанийди, шу яшилликка сингиб кетсам,
Тополмаса юрагимни толдирганлар...
✍️ Нурхон Элмирзаева
🎙️ Ораста Азаматовна
t.me/nurxonelmirzayeva
Тўкилаётган ёшларни ҳамма кўра олади.
Тўкилолмаётганларини эса фақатгина дўст.
Дўстлик - ана шу!
Нурхон Элмирзаева
t.me/nurxonelmirzayeva
Мени кечир, мени кечир севганим учун,
Ҳаётингга бемаҳал кирганим учун...
🎤 Алишер Файз
t.me/nurxonelmirzayeva
* * *
Парво қилманг одамларнинг пичирига,
Бахтли бўлмоқ учун кўринг чораларни...
✍🏻 Нурхон Элмирзаева
🎤 Нигора Бердиева
t.me/nurxonelmirzayeva
Мингта дилбар керакмас,
Битта бўлсин, зўр бўлсин.
🎤 Шоҳжахон Жўраев
t.me/nurxonelmirzayeva
Бир кун...
Бир кун
Овозимни ютаман ичга,
Бир кун.
Баҳорни ҳам севмай қўяман.
Кунингиз қолади қаҳратон қишга,
Сасим ҳам топмайсиз, сассиз сўяман!
Жаҳлингиз чиқолмай бўласиз хуноб,
«Кулдир»мас, «йиғлат», деб из-из йиғлайсиз.
«Севармисан?» - сўрар эдингиз бот-бот,
Аллақачон севдим.
Афсус.
Билмайсиз!
Билмайсиз.
Севганим.
Куйганим тунлар,
Узун исмингизни юракка ўйдим.
Оҳ, бу муҳр мени эзди бутунлай,
Оғриқлардан ўзни унутиб қўйдим.
Саҳрога йўлингиз тушса ногаҳон,
Томоғингиз қақраб, йўқолса мадор.
Тўхтанг!
Сув демоққа шошилманг, бир он,
Бир умр саҳрода яшадим бемор!
Менман, ўша саҳро қизи, чин ошиқ,
Менман - оташ ичра қуриган лабман.
Ҳа-я, тезроқ ичинг, об сизга тортиқ,
Сизни кўриб турган ўша шафақман.
Бир кун жим кетаман, билмай қоласиз,
Сиз мендан кетгандек хайрлашмай, жим.
Жимликда жимгина йиғлаб оласиз,
Яна менга оғир - сезади қалбим...
Нурхон Элмирзаева,
19 апрель, 2020.
t.me/nurxonelmirzayeva
"Қушадаси, 26 феврал.
Ўша кундан бери сен менинг учун бир бегонадан, душмандан бошқа нарса эмас эдинг, Комрон. Ҳеч маҳал юз кўришмаслигимизни, то ўлгунимизча кўзимиз кўзимизга тушмаслигини, бир-биримизнинг овозимизни бир умр эшитмаслигимизни билардим.
Шундай бўлса ҳам, сенинг нишонлинг эканим ҳиссини ҳамиша кўнглимда сақлаб келардим. Нима демай, нима қилмайин мен ўзимни ҳаммавақт сенинг мулкинг деб келаман ва бу тушунчадан ҳеч вақт қутула олмайман.
Ҳа, ёлғон айтишнинг нима ҳожати бор?... Буни биринчи марта бугун эрталаб, бировнинг нишонлиси бўлиб уйғонган дамимда ҳис этдим. Ҳа, бировнинг нишонлиси!
Шунча йилларнинг шунча субҳ-сабоҳида сенинг нишонлингман деб уйғониб келганимдан кейин, бирдан ўзга кишининг нишонлиси бўлиб уйғониш!.. Комрон, фақат бугун эрталабгина сендан чинакамига айрилдим. Ҳамда бирон ёдгорлик олишга, сўнгги марта бошини ўгириб орқасига, орқасида қолган нарсаларга қарашга ҳаққи бўлмаган муҳожир сингари айрилдим!.."
"Чолиқуши",
Рашод Нури Гунтекин.
t.me/nurxonelmirzayeva
Суйган бу дилимни қара, ёндирди бу ишқ...
🎤 Ботир Қодиров
t.me/nurxonelmirzayeva
Ўтинч
Жавоби йўқ саволларга кўмма мени,
Бор умримни битта сўзда этолмам шарҳ.
Юрагингда ёнган бўлса ишқ учқуни,
Ўшал оташларда мени англасанг бас.
Ҳаёт қисқа, четга суриб "нега?", "не?"ни,
Қувонайлик кўриб ранглар сараларин.
Аён этсам сенга мен кечирган кунни,
Оғир келар юрагимнинг яралари.
Сўзламоққа на вақт етмас ва на дармон,
Ҳатто ўзим кўтаролмам унларимни.
Ўтинаман, ўтинаман ё дўстижон,
Саволларда қоралама кунларимни.
Ишқ бир дарддир, бемор истаб унга даво,
Табибини топмоқ учун мудом елган.
Англадикки: бу бир синов, хўп бедаво,
Кўнгил иши азал савол бўлиб келган.
Этгинг келар бахтим учун жонинг фидо,
Мен ҳам. Синов қаршисида жуфт доллармиз.
Жавоб бўлса учратмасди бизни Худо,
Иккимиз ҳам жавоби йўқ саволлармиз.
Кўрмайсанми гулгун отиб борар чеҳрам,
Ғамларимни борлигинг-ла аритяпман.
Сезмайсанми, сезмайсанми эркагинам,
Жавоби йўқ саволларни қаритяпман.
Қувончимсан, мадоримсан, жонимга жон,
Ҳаёт отлиқ китобимда гўзал бобсан.
Билсанг эди, ҳар фурсатда ва ҳар қачон,
Адоғи йўқ саволларга бир жавобсан.
Нурхон Элмирзаева,
2 июнь, 2023.
t.me/nurxonelmirzayeva
Бола бўлсаму мана шу гулларнинг орасида яшириниб олсам, ҳеч ким томолмаса... (Фақат кўриииб ётсам кимлар мени излаётганини).
Нурхон Элмирзаева
t.me/nurxonelmirzayeva
#Болалик
Боғчани ўлгудай ёмон кўрардим.
Дадам бу ерга ташлаб кетгач нақ ярим соат додлардим.
Дугонам Зарифа билан.
t.me/nurxonelmirzayeva
Сезганмидинг?
Уч-тўрт кун деб бу ҳаётни билмадим шаън,
Дўст кўнглимни зиндонларга зор қамабман.
Эҳ билсайдинг, билсанг эдинг ғамхўргинам
Сенсиз ўтган кунларимда яшамабман!..
✍ Нурхон Элмирзаева
🎙 Навбаҳор Дархонова
Каналимизни кузатишда давом этинг🌺
t.me/N_Darxonova