-
خدمة اهل البيت (ع)
نعي المسير زينب عليه السلام الى الشام
.............................
دربي طويل وتعباني
ولاواحد المنكم اجاني
تدرون سوه زماني
.............................
خويه الدهر مارحم بينه
من ديره الديره مشينه
تمنيت ابو فاضل يجينه
................................
تمنيتكم ياخواني وياي
وتشوفون خويه وضيم دنياي
محتاره بلعيله يولاياي
................................
تدري المره الماعده خوان
تجيه العيله منين ماجان
محتاجه وكفتكم ياوليان
..................................
خويه الدرب كلش طويل
واسمع حجي ياخويه وعيل
يكلولي وين الكفيل
...............................
يشتموني وصاحو غريبه
صحت الولي منين اجيبه
ياابوعلي ولله مصيبه
................................
كلساع كلولي سبيه
حتى نسوني هاشميه
وابوي الفحل حامي الحميه
..................................
ترضى ياابو رقيه يشتمون
كلساع ياخويه يضربون
وانه غريبه شلون بشلون
................... ...............
طبيت للشام وبجيت
ماعندي والي تحيرت
بيه يخال بني سويت
.................................
طبيت لشام واجوني
عليكم ياخويه يسالوني
كلي شجاوب ياعيوني
...............................
اكهلم عفتهم على وطيه
وانه غريبه شلون بيه
يسمعوني جلمه رديه
................ ...............
محتاره بيهم حيروني
مليت خويه ويسالوني
ومن البجي عميت عيوني
..................................
ابوذيه
المصايب مرمن كلبي يالاخوان
عليكم ذاب دلاالي يالاخوان
بعد ماضل والي عندي ولاخوان
عفتهم على ترب فوك الوطيه
...................................
بقلم خادمة المنبر الحسيني المله ام حسين المسعراوي من العماره لايجوز حذف الاسم الفاتحه الى الشاب علي ابن محمد
/channel/omhusseinAlmasarawy
نعي لاربعين لسان حال مولاتي زينب عليه السلام
افراكهم للكلب مرد
وانه غريبه ومالي احد
طاحت الخيمه وين اكعد
...........................
افركهم بيدلي حيلي
عكبهم تره مانمت ليلي
يادمعتي عل الخد دسيلي
.............. . ..............
ياعين ابجي ولاتسكتين
راحو هلج المن تنضرين
بعدهم ياعيني وين ترحين
................ . ...........
صعبات ياخويه اليالي
مهضومه كضن ياحال حالي
مضيعه ودور عين والي
..................................
راح الولي النشف دمعتي
وراح اليكلي خويه اسكتي
وراح ابو جلمه كال اختي
...................................
كون الكبر ينفك وحاجيك
وسولف ضيم البكلبي وابجيك
مهضومه اختك جاي ليك
...........................
بقلم خادمة المنبر الحسيني ام حسين المسعراوي من العماره نسألكم الدعاء الفاتحه الى روح الحجيه والدتي كريمه بنت خاتون
.
/channel/omhusseinAlmasarawy
قصيده ثكيله الى سيدي ومولاي امير المؤمنين عليه السلام لسان حال مولاتي زينب عليه السلام.
ياخويه حسين حاجيني...ابويه صوابه ماذيني
ايتامه يونون..على الحاله ينشدون
ابويه صوابه ماذيني
..............................
حاجيني يابعد اهلي شنو الماذيه
اخاف الطبره البراسه تأثر بيه
اسمعنه يون خويه واصد عليه
دكعدلي يامهيوب..كلبي عليك مصيوب
ابويه صوابه ماذيني
..............................
تمنيت الجرح البراسه ابراسي
وتخمد كبل ابويه اليوم انفاسي
حيل فراكه ويومه تره جاسي
كلبي عليه مالوم....اريده يطول اليوم
ابويه صوابه ماذيني
...............................
ريض بل النعش خليني اودعنه
واخر شوفه ياخويه اشوفنه
واكله بويه من عكبك منو النه
واخبره بضيمي الجاي...عليه مصايب هواي
ابويه صوابه ماذيني
...............................
كلي شلون يابويه تفاركني
ومنهو الي على الدنيا يساعدني
يابويه من عكب عينك يدللني
راح وياك الدلاال...حالي صار ياحال
ابويه صوابه ماذيني
...........................
مايتعوض الوالد لون تدري
يبوالحسنين وفراكك شلع كلبي
وبقت عله الدرب عيني الك تربي
بلكت ليه ترجع..
تنشفلي المدمع
ابويه صوابه ماذيني
..............................
بقلم خادمة المنبر الحسيني الشاعره والمله ام حسين المسعراوي من العماره نسالكم الدعاء لايجوز حذف لاسم
/channel/omhusseinAlmasarawy
أنا ألمولود في كعبتي__أنا ألمقتول
بعد سجدتي فلا تنسوا مصابي
___ياشيعتي💔🥺
قصيده تنقري بعده اطوار وصيه لامام علي عليه السلام الى ابا الفضل العباس عليه السلام
ياعباس اوصيك بوصيه،
ايدك بيد زينب للمنيه،
.............................
اخيتك ياابو فاضل عينك عليه
امانه بركبتك زينب تخليه
من بعدي يابويه انته التباريه
تضل اله السند بويه وتجيه
....................................
من بعدي تره تتحمل هموم
عليه يضل كلبه بويه مالوم
اريدنك تداريه ياجيدوم
تضل مهضومه يابويه عليه
....................... ...........
ايدك بيد زينب بويه خليه
وانته الكربله بيدك توديه
طول الدرب يوليدي تماشيه
لاتنسه يابويه هاي الوصيه
....................................
يبويه زينب اختي لاتوصيني
ولله اطيه روحي بويه وعيني
امي علمتني الوفه تدريني
ماعوفنه لو كطعت ايديه
..................................
صاحب غيره ياعباس اعرفنك
يانعم لاخو ولله كفو منك
اردي بكربله تفديله جفك
ام الربتك ولله وفيه
....................................
بقلم خادمة المنبر الحسيني الشاعره والمله ام حسين المسعراوي من العماره لايجوز حذف الأسم نسالكم الدعاء
/channel/omhusseinAlmasarawy
قصيده تنقري بعده اطوار
الى سيدي ومولاي امير المؤمنين عليه السلام
اصيح بصوت وين تريد عنه..ياكافل حملنه
بقينه احنه يتامه منهو النه....ياكافل حملنه
...............................
اصيح بصوت بويه عليك وانحب
ليش تعوفني تدريني اعتب
عليك اصرخ يابويه اليوم واندب
وسفه هنذل فرق شملنه..ياكافل حملنه
................................
بويه لودريت الصار بيه
من شال النعش عيني جريه
هلدنيه ضلمت بويه عليه
وراح وراحت وياه المحنه..ياكافل حملنه
..............................
ضلت هل ارامل والمساكين
تصيح بصوت رايح وين ابو حسين
عليك الكلب بويه صار نصين
ولاواحد بعد ضل من اهلنه..ياكافل حملنه
...............................
ابن ملجم كسرني بويه كسره
خلااني اون واجذب الحسره
كلبي عليك بوبه خلص صبره
نصيح عليك ياعزنه وضمدنه...ياكافل حملنه
................................
عليك الروح متحيره يوالي
من يوم رحت ياحال حالي
راح وياك ياابويه دلاالي
منهو اليم عكبك شملنه...ياكافل حملنه
................................
بقلم خادمة المنبر الحسيني الشاعره والمله ام حسين المسعراوي من العماره نسالكم الدعاء لايجوز حذف لاسم
/channel/omhusseinAlmasarawy
نعي لامام علي عليه السلام لسان حال مولاتي زينب عليه السلام وكل من فقدت اب
ونيتلك ونات ونات
يوم الرحت بويه الكلب مات
مرت عليه ايام صعبات
مالومه من ضيم روحي
................................
مالومه وجرع مصايب
ومن الفراك الكلب ذايب
المن بعد يابويه اعاتب
بطلنه عتبنه علي بويه
..............................
شنعاتب بعد بطلنه العتاب
اعتب عليمن والولي غاب
ضليت اون ودمع سجاب
ياضيم العليه محد يحمله
................................
ضيم العليه هواي بهواي
ومر عله ريجي صابح الماي
على فراكم هلذايب اجلاي
ارجع تره كلبي تعذب
.................................
ارجع وخل نكعد سويه
وحجيلك الضيم العليه
تراني تايه ومامش تجيه
عميانه من البجي عيوني
..................................
عيني عمت ورايدتكم
وضلت مشبوحه الدربكم
بالباب بوبه مناطرتكم
مهضومه وادور عين والي
.....................................
بقلم خادمة المنبر الحسيني الشاعره والمله ام حسين المسعراوي من العماره لايجوز حذف الأسم نسالكم الدعاء
/channel/omhusseinAlmasarawy
قصيده الى سيدي ومولاي ابو الحسن علي ابن ابي طالب عليه السلام
.................................................
اليله تبجي فاطمه...تصرخ الحامي الحمه
ياحبيبي ياعلي
.................................................
اليله تبجي وتبجي وياها السمه
فاطمه بضعه محمد تصيح حماي الحمه
الضربه البراسك ياحيدر الكلبي والله تألمه
شلون ابن ملجم تجرأ وفيض الراس بدمه
رجت اركان السمه.....تصرخ الحامي الحمه ياحبيبي ياعلي
..................................................
تبجي وتصرخ تنادي ياحبيبي ياعلي
شلون يجسر يضربك وانته ياحيدر ولي
عليك كلبي صاح حيدر والله وعيوني تهلي
انته كل واحد يندبك همه والله ينجلي
الدمعه تجري من دمه....تصرخ الحامي الحمه ياحبيبي ياعلي
............................................
ارد اذكرنك ياحيدر والله من جنه سوه
انته اتكلي يافاطم وانه اكللك يالهوى
والله من عصروني أنته صرت للجروحي دوه
اتكلي لاتبجين اسكتي انه شيال الوه
تبجي اليله السمه....تصرخ الحامي الحمه ياحبيبي ياعلي
.............................................
ياعلي زينب تريدك لاتخليه وتجي
خاف تعتب ياوليه تكول عافوني هلي
شلون من يجبل عليه العيد ماعده ولي
تصيح يايمه يازهره تصيح يابويه علي
تصيح كلبي تألمه....تصرخ الحامي الحمه ياحبيبي ياعلي
............................................
ياعلي زينب تنضرك ودموع مهامله
شلون بيه ياصميده من تروح الكربله
ياهو اليحامي خدره منهو اليشيل الوه
يكله موجود ابوفاضل هذا سبع الكنطره
ادري بيج مألمه...تصرخ الحامي الحمه ياحبيبي ياعلي
.................................................
تأليف خادمه زينب ع ام حسين المسعراوي من العماره لايجوز حذف الاسم نسالكم الدعاء يازهراء ع 😭😭😭
/channel/omhusseinAlmasarawy
قصيده فزاعيه الى مولاي أبا الحسن علي ابن ابي طالب عليه السلام
................................................
اندهولي ابوزينب موش اله النومه
خل يكعد يهد ويمسح ادمومه
. ........................................
صكار الزلم واليوم يردونه
وتخاف العده من خزرت عيونه
ممنونه البو الحسنين ممنونه
🏴غرب واليه زينب تندب 🏴
.......................................
اكعد ياعلي سيفك يبجيني
كوم انهض يابوي اوشيله ياعيني
انه احاجيك يابويه دحاجيني
🏴يبجي عليه السيف يريده 🏴
....................................
ياليث الحرب اكعد من النومه
شلون تعوف زينب بويه مهمومه
بويه ام البنين عليك مالومه
🏴يالوالي وشلون تغرب 🏴
...............................
شلون تنام عينك بويه يالوالي
انه خلافك ذليله الضيم ياحالي
لوميته يابويه وياك اشوالي
🏴هضموني يابويه خلافك 🏴
.......... .........................
اريد انصب عزه وين التكابلني
راح احزام ضهري وراح جد ابني
يامحبات بله عليه عازني
🏴انعازيه بدموع العين 🏴
..................................
تأليف خادمه زينب ع ام حسين المسعراوي من العماره لايجوز حذف الاسم نسالكم الدعاء 🏴🏴🏴🏴🏴🏴
/channel/omhusseinAlmasarawy
برقية تعازي اليوم والزينب نوديها / ملاجواد الجنوبي الشاعره والمله ام حسين المسعراوي
Читать полностью…
قصيده قضاء حاجه من ابو الحسن عليه السلام
على طور حسين الوالي رايه العباس
ياابو السبطين ياحيدر علي
انريد بزهره نحلفك يالولي
تقضي النه كل حوائج...وللمرض انته تعالج
هليله هليله انخو ابو حسين
.............................
نحلفك مولااي بزهره البتول
نريد من عندك المراد وننول
انته سيدي كل الحلول
ياعلي اليله نندبك...قاضي الحاجه نعرفك
هليله هليله انخو ابو حسين
..............................
ياابو اليثين ننخاك ونون
عدنه كثره هموم مولااي ومحن
بمجلسك نطلبه ها يابو الحسن
ادري بيك وماتردنه...وبلحشر انته سندنه
هليله هليله انخو ابو حسين
.............................
اليوم احلفك بجفوف عله النهر
سيدي وصلنه مرحله الخطر
انريد من هليله من عندك نصر
انته ابو الحمله ولينه...نصيح بسمك ياعلينه
هليله هليله انخو ابو حسين
................................
انته يامولاي عندك منزله
ادعيلنه يم الله بهل المشكله
بجاه كلمن مات ضامي بكربله
بجاه عبدلله ورقيه ...تزبح منه هلبيله
هليله هليله انخو ابو حسين
..................... ..........
ياعلي اتمنه ازورن حضرتك
صارت بعيده علينه كبتك
سيدي تدري الشفه بزيارتك
تدري احنه مانعوفك...لوخطر نمشي نزورك
هليله هليله انخو ابو حسين
.............................
بقلم خادمة المنبر الحسيني الشاعره والمله المسعراوي من العماره نسالكم الدعاء لايجوز حذف لاسم
/channel/omhusseinAlmasarawy
الى كول من يخدم قمر العشيره
😭😭😭😭😭😭😭
من اموت اوتغمض عيوني..بعلم عباس لفوني
وصيتي هاي..اونه بدناي
الابوفاضل تودوني
.......................................
كبل لاموت اوصيكم..وصيتي هاي اسمعوها
لون اجنازتي تنشال..اومن داري اخذوتها
الابوفاضل تودوني ..اوبلحضره تطوفوها
اوصيكم.. امل بيكم..لبوفاضل تودوني
😭😭😭😭😭😭😭😭
يأهلي لومتت باجر..اوكرب وكت الاجل مني
لاتنسون الوصيه..اذا جهزتو الدفني
اخذوني الكربله بليل..ازور الي تكفلني.
تطوفوني. تزوروني. الابوفاضل تودوني
😭😭😭😭😭😭😭😭
احلفكم يادفانه..وصلولني الاخو زينب
ترانه من الزغر اخدم..واريد بخدمتي اعتب
ماينساني ابو فاضل..بليله وحشتي اندب
اكله ادخيل..ياسبع ليل. الابوفاضل تودوني
😭😭😭😭😭😭😭😭
بعد عندي وصيه الكم..اذا ردتو تغسلوني
اريد بجفني اتكتبون..ياعباس ياعيوني
وبصفه اسم الحسين..خادمته تسموني
كضيت اسنين..واضل الحسين
البو فاضل..تودوني
😭😭😭😭😭😭😭😭
احلفك يالااهي اليوم. بزهره وعلي حيدر
اريد بمجلس العباس..تاخذ روحي على المنبر
زغيره تدري يالاهي..خدمته اوكلبي اتفطر
وصيتي هاي..وانه بدنياي..لبوفاضل تودوني
الى كول من يقرء القصيده يذكرني ونسب القصيده
خادمه المنبر الحسيني ام حسين المسعراوي من العماره لايجوز حذف الاسم
/channel/omhusseinAlmasarawy
قصيده فزاعيه لفقد لابو وكل عزيز
راح اليوم مني الشايل الهم
عليه الضيم من بعده يتلملم
...................................
راح اليوم مني العينه،عليه
خلاني اون عليه ليليه
يدريني نحيله،وحيل مابيه
....انهد حيلي يابويه عليك ....
نهد حيلي وصحت وين اليكابلني
راح عزيز كلبي راح جد ابني
ماابطل عليه النوح لاوني،
....شلون انساه الكايل بويه....
بعد جلمه البويه المن احجيه
شال اليوم من البيت راعيه
تبجي العين من يسمع بواجبه
.....ضيعناه البيه مروه....
ضيعنه الحنين وين نلاكاه
تره ماترهم العشره بلاياه
مهموم الكلب خلاافه خلااه
.....الكلب يون عله فراكه...
يون كلبي عليه اليوم ونات
بعد راحت بعد وياه الكعدات
جانت زاهيه ويام حلوات
.....شيرده ألشال وغرب....
بقلم خادمة المنبر الحسيني ام حسين المسعراوي من العماره لايجوز حذف الاسم نسالكم الدعاء هذه القصيده هديه الروح الشهيد والدي كاظم ابن نعيم موسم المسعراوي الفاتحه
/channel/omhusseinAlmasarawy
قصيده فزاعيه لسان حال مولاتي زينب عليه السلام عندما دفنو امير المؤمنين عليه السلام
بهيده وي ابوكم من تغسلونه
تره صوابه كلف خافن تلجمونه
..................................
اوصيكم يخوتي من تغسلونه
بهيده الماي لورتو تصبونه
وصواب البراسه لاتأذونه
على المغسل بهيده من تخلونه
.................................
كولوه تره زينب بقت تنحب
وكولوله عليه الكلب هل عطب
عميانه عليه العين المعتب
شلون وبلكبر خويه تنزلونه
.................................
يابو رقيه بهيده من تدفنونه
على راسه الجفن لالا تلفونه
اخافن جرح البراسه تلجمونه
وبهداي التراب عليه تهيلونه
.................................
وين اليون ويلطم وياي
راح الزين مني وطفه عيناي
فراكك حيل هدني وذوب حشاي
الف وسفه ابوي يغمض عيونه
..................................
الف وسفه يبويه تشيل من يمنه
وبتراب النجف تنام ياعزنه
ياجرح البراسك حيل جارحنه
يبجون اليتامه اليوم يردونه
..................................
بقلم خادمة المنبر الحسيني الشاعره والمله ام حسين المسعراوي من العماره نسالكم الدعاء لايجوز حذف لاسم
/channel/omhusseinAlmasarawy
نعي لسان حال مولاتي زينب عليه السلام تنعى ابيها
................................
عزيز لابو وحمل وشال
وضليت اون ودمع همال
راح الولي وعاف لاعيال
..............................
ريت الفجر لايطلع اليوم
كلبي عله ابوي محمل هموم
اباوع الراسه يجري دموم
...................................
اثاري الابو كلش حنين
وداه زماني وين ماوين
راح الذي يكلي شتريدين
.................................
يبجون اخوتي بعتبت الباب
ودموعهم طاحت بل العتاب
ايصيحون ابونه حمل وغاب
...................................
ونيت ونه بأثر ونه
على ابوي الحنين الراح منه
شيعودهم راحو اهلنه
........................... ..
عكب لابو نصبح ذليلين
بل بيت شلنه وراح الاحنين
عليك بويه العمي العين
...............................
تأليف خادمة زينب عليه السلام أم حسين المسعراوي من العماره لايجوز حذف الاسم نسألكم الدعاء
/channel/omhusseinAlmasarawy
قصيده فزاعيه السيده زينب عليه اسلام
... ..........................
ياخت عباس حكج لو تونين
مثل اخوانج اخوه وين تلكلين
..................................
عفتيهم على الغبره مطاعين
ادري بيج كلبج صار نصين
لاعباس يمج لاولاحسين
عمت عيني عليج شلون تبجين
عن جثت اخوج انتي تدورين
مثل خوانج اخوه وين تلكين
شلون ميسره يم عون تمشين
وانتي اخت البطل عباس وحسين
شلون الوحدج زينب تروحين
اجيتي مدلله وي الميامين
هسه ميسره وين الملاعين
عمت عيني عليج شلون تمشين
الناكه مهزله وانتي تركبين
صعبه دخلتج وسط الدواوين
ينشدونج على العباس وحسين
ادري بيج لابن امج تلوجين
كدامج يضربه راس الحسين
لله يساعدج بس تهمل العين
يخلونه بطشت وانتي تنضرين
على العباس كمتي هم تصيحين
خويه شلون طبيت الدواوين
حكج يالعقيله لوتعبين
مثل خوانج اخو وين تلكلين
..................................
بقلم خادمة المنبر الحسيني المله ام حسين المسعراوي من العماره لايجوز حذف الاسم نسألكم
/channel/omhusseinAlmasarawy
سلام عليكم سوف تبدأ دوره تعليم القرآه الحسينيه الى شهر محرم اعتباره وره شهر رمضان الي تحب تسجل
وان شاءالله موفقين الخدمه الحسين عليه السلام وجه الوجه مو بلكروب
الشاعره والمله ام حسين المسعراوي
الى مولاي أبا الحسن علي ابن ابي طالب عليه السلام قصيده فزاعيه
..............................................
نصبت فاتحه زينب دمشنه نعازيه
على ابوها البطل كل حيل مابيه
............................................
مشنه انروح كلنه البت علي اليله
يستاهل ابو زينب تلطميله
كومي وياي والميدان وسعيله
يازينب ياوليها...نصبت فاتحه زينب
.........................................
مشنه انروح لليستاهل الونه
هذا الحيد ابو الحسنين المجنه
بكل شده ابو زينب تندبنه
تون وحيل مابيه...نصبت فاتحه زينب
............................................
اريد احجي عليه اليوم ممنونه
هذا البلحرب تشهدله افنونه
أبو العباس يالكلكم تعرفونه
وام حسين عازيه...نصبت فاتحه زينب
.................................................
مشنه انروح نبجي ونلطم وياها
راح اليوم كافلها ويرجواها
تره فراك الابو ياناس اذاها
راح الينشد عليه.....نصبت فاتحه زينب دمشنه نعازيه
............................................
تأليف خادمه زينب ع ام حسين من العماره لايجوز حذف الاسم نسالكم الدعاء ياعلي مدد🏴🏴🏴🏴🏴🏴🏴🏴
/channel/omhusseinAlmasarawy
قصيده فزاعيه الضربه لامام علي عليه السلام
شحال زينب يوم شافت طبرته
مضروب ويسيل الدمه من هامته
..........................................
شحال كلبج يوم شفتي اصوابه
تصيح منهو الصوبك،يايابه
كامت تون ودموعه سجابه
من دمه وجه مخضب شافته
.......................................
اليوم زينب حايره ومهضومه
دكله بويه طبرتك مسمومه
بدم اجاها مسبحات اهدومه
تلكته وبردانه الدم مسحته
.................................
اليوم زينب ولكلب منه نفجع
وعيونه مابطلت من الدمع
دكول ماودعته ابويه ومن طلع
تاليه مصوب وجاني بهامته
......................................
يساعدج لله يازينب على الجره
شلون شفتي هامته امطبره
نار كلبج على ابو موجره
سمعيته يتالم ويجر بحسرته
....................................
دكول زينب على لابو عينوني
اليوم جرح الوالي طفه عيوني
يم الولي ياخويه بس ودوني
طايح عمود البيت بضربه هامته
..........................................
بقلم خادمة المنبر الحسيني الشاعره والمله ام حسين المسعراوي لايجوز حذف الأسم نسالكم الدعاء
/channel/omhusseinAlmasarawy
قصيده ثكيله الى سيدي ومولاي امير المؤمنين عليه السلام
لسان حال مولاتي زينب عليه السلام تسال عن حال ابيها
...............................
يحسين انشدك يبن أمي
عن حال ابونه يبن أمي
وبلوعه كلب ناديت....خويه حسين مارديت
عن حال ابونه يبن أمي
...............................
يازينب لاتساليني عن احزاني
وخبرج عن زماني ألي تولاني
اهموم وضيم خويه دهري راواني
اخذ مني العزيز بحسره خلااني
تكله نغدرنه يبن أمي...بعزنه وضمدنه يبن أمي
بروحي لويريد افديه....خويه حسين مارديت
عن حال ابونه يبن أمي
................................
ضلينه غرايب نجذب الونه
على الراح وبعد مامش رجه منه
اصيحن بويه من عكبك منو النه
ياحماي الحمه انته ألي الكافلنه
اخذوني يمه يبن أمي...اصرخ واشبكه يبن أمي
خلافه بليتم ضليت...خويه حسين مارديت
عن حال ابونه يبن أمي
..................................
احجيله واريده اليوم ينشدني
ياجرح لاشد بويه الضاهدني
جرحك يالولي هو الهاضمني
ووداعك ياغالي والله تاعبني
انضر الحالي يبن أمي...كسره الوالي يبن أمي
ودعته وعليه ونيت...خويه حسين مارديت
عن حال ابونه يبن أمي
.................................
وديني يخويه ارد اشم صدره
وضمدله الجرح واشده الطبره
دكات الكلب عن حالتي تخبره
يسمع ونتي ودمعاتي ولعبره
خلنه نتوادع يبن أمي...وي ابونه يبن أمي
ينضر اليه اتمنيت..خويه حسين مارديت
عن حال ابونه يبن أمي
................................
يكله بس بعد كافي يمهضومه
لعد فكد لابو ضليتي مالومه
نوبه صوابي يازينب يامضلومه
تشوفيني جسد متوسط الحومه
حجيك مردني يبن أمي...وصوب جبدتي يبن أمي
وبلوعه كلب ناديت...خويه حسين مارديت
عن حال ابونه يبن أمي
..............................
بقلم خادمة المنبر الحسيني الشاعره والمله ام حسين المسعراوي من العماره نسالكم الدعاء لايجوز حذف لاسم
/channel/omhusseinAlmasarawy
قصيده مربعه تنقري بعده اطوار الى سيدي ومولاي امير المؤمنين عليه السلام
اليوم الشيعه اتنوح المصاب ابو الحسنين
ضل محرابه خالي ويبجي الحسن وحسين
.................................
اليوم الشيعه اتنوح ..وتبجي بكلب محزون
فكدت راعي الزود..لجله تعمي العيون
ياسيف التجره..وخمد نور الجفون
بدم نبجي ياابو حسين...عليك ونعمي العيون
...............................
املاك السمه عليك..تصرخ بسموات
تبجي بكلب مهضوم..ودكول الوصي مات
وتهدمت ياناس...اركان الهديات
المصابك ياوالي...صار الكلب نصين
..............................
ضل محرابه خالي...ويتامه محزنين
كله تلطم عليه...راح مشيد الدين
شلون النذل يضرب...حامل رايه الدين
شلون اجسر شلون...وسوه الهامه نصين
...............................
بل الحسرات زينب...تنادي ياابو الحسنين
تكله شلون بويه..تتركنه وحيدين
مانكدر الفركاك..تعمه اخلافك العين
من تروح عنه..نضل احنه غريبين
.................................
كل الشيعه اليوم...حزنانه ومغبره
كل رمضان مولاي...نذكره الطبره
ونواسي الزجيه..وي زينب الحره
بمصابك يامولاي..طفه عميانه تره العين
.............................
بقلم خادمة المنبر الحسيني الشاعره والمله ام حسين المسعراوي من العماره نسالكم الدعاء لايجوز حذف لاسم
/channel/omhusseinAlmasarawy
قصيده ثكيله الى سيدي ومولاي ابالحسن علي عليه السلام على لحن مرتضى حرب بجي عبدلله آذان
يابويه حان لاذان..ماتكعد ياسلطان
اكعد خلي اسمع صوت اذانك
بالمسجد يابويه خالي امجانك
يابويه يابوبه
......................................
اكعد وصلي الفجر
كلبي عليك انفطر
مشتاكه الصوتك بالاذان
وحش بويه مسجدك
ونسمع ونين بامنبرك
علمك يابويه هز لاكوان
ضلت ايتامك تون
محد عليهم يحن
يصيحون وين ألي يجي جان
خالي منبرك ليش....بيش نعوضك بيش
اكعد خلي اسمع صوت اذانك
بالمسجد يابويه خالي مجانك
يابوبه يابويه
......................................
ابصوتك اكعد الصلاه
ورتاح من اسمع شجاه
وليوم ماكو اذان اسمعه
ضليت اون وتحسرت
من فدوه الصوتك صحت
ونزلت عليك بحركه دمعه
شلون احمل فركتك
طول عليه غيبتك
تدري يابوبه الفركه صعبه
ارجع ياضوه العين...غيابك مر ياابو حسين
اكعد خلي أسمع صوت اذانك
بالمسجد يابويه خالي مجانك
يابويه يابويه
..........................................
بويه من يوم الرحت
عيني ابدن ماغفت
ضليت اون ودمع سجاب
كلساع اعاين ونتظر
بلكت تجي عليه وتمر
وتشوف حالي عليك ياحال
من بعدك تمرنه المحن
وغدار يابويه الزمن
وتدري الوكت يابويه ميال
خلافك نبقه أيتام....فراكك بويه جم عام
اكعد خلي اسمع صوت اذانك
بالمسجد يابويه خالي مجانك
يابويه يابويه
...............................................
متعودين احنه عليك
اضمنه يابويه باديك
وهمومنه نسولفه يمك
البيت مضلم من رحت
ودنيا كله تغيرت
من فاض بلمحراب دمك
يابويه ولله فركتك
هدتني ويه امصيبتك
وسوه بيه بويه علمك
علمك هدم الحيل.....بويه مساهره اليل
اكعد خلي اسمع صوت آذانك
بالمسجد يابويه خالي مجانك
يابويه يابويه
......................................
هم اسمع اذانك بعد
وترجعلي ايام السعد
من جنه نكعد انه وياك
كل وكت بويه اشتاكلك
عيني تحن الشوفتك
ضل بيتنه مضلم بلاياك
خالي مجانك يالولي
ونصيح بويه ياعلي
تدرينه كلنه بويه بحماك
رد تريدك الروح.....كلبي عليك مجروح
اكعد خلي اسمع صوت اذانك
بلمسجد يابويه خالي مجانك
يابويه يابويه
........................................
بقلم خادمة المنبر الحسيني الشاعره والمله ام حسين المسعراوي من العماره لايجوز حذف الأسم نسالكم الدعاء
/channel/omhusseinAlmasarawy
إلى سيدي ومولاي ابو الحسن علي ابن ابي طالب عليه السلام قصيده
المستهل قصيده ونص نعي عن لسان مولاتي زينب عليه اسلام
................................................
اندب ياعلي اليله واريدك
كوم امسح دمعتي بويه بيدك
زينب انه بنتك...مااحمل فركتك
كوم امسح دمعتي بويه بيدك
...........................................
انه زينب يالعزيزه....شلون تفجعني بمصابك
ليلي ابقه مساهره...وابجي يابوي الغيابك
كلبي مايحمل فركتك.. كلي شيعوض مكانك
تبجي عليك العيون...وتلطمللك المتون
كوم امسح دمعتي بويه بيدك
.............................................
عيني مشبوحه عله دربك..بلكي بلعيد وتجيني
ابجي يابويه الغيابك..ليش بويه تخليني
تدري مااحمل افراكك..ولااهود من ونيني
بويه ارجعلي فدوه...مااحمل البلوى
.............................................
صرت يابويه يتيمه واليتم يابويه يكتل
وتدري بلتفكد ابوها..عكب عينه والله تنذل
خاف هلفركه تطول..وانته تدري بويه محمل
ليش اتعوف بنتك. .ارجعلي عله بختك
كوم امسح دمعتي بويه بيدك
..............................................
جملت ضيمي يابويه..من حجيت بكربله
بويه شحمل من مصايب..وتدري بيه مدللة
وصي يابويه بكفاله..المحملي ويعدلله
عباس اليكفلج..هوه الي يوصلج
كوم امسح دمعتي بويه بيدك
.........................................
لاتوصيني يابويه..كلبي مايحمل عذاب
شلون كلي بويه احمل..كربله وذاك المصاب
شلون اشوف احسين بويه...شيبه من دمه خضاب
ولوكطعو الجفين...امشي بويه لاوين
كوم امسح دمعتي بويه بيدك
......................................
بقلم خادمة المنبر الحسيني الشاعره والمله ام حسين المسعراوي لايجوز حذف الأسم نسالكم الدعاء
/channel/omhusseinAlmasarawy
قصيده ثكيله الى سيدي ومولاي امير المؤمنين عليه السلام
ليش اليوم بويه..مهضومه عفتني
شو حملت عني..بويه وفاركتني
...............................
ليش اليوم بويه...ماتسئل عليه
من غيرك ياوالي...من يلتزم بيه
بويه لون بيدي..افديك أبديه
ومصابك يبويه فت جبدي وكتلني
................................
وغيابك ياابويه..شكد اثر بحالي
مالي عين انضر..مجانك يضل خالي
ولاكثر ياابويه..هاضمني الوالي
ايكلي يزينب...الفركه عمتني
.................................
يوم رحت مني...بويه هملت العين
ضل بعدك ياغالي...يبجي الحسن وحسين
طول اليل مانام...بس اجهر بلونين
ريت الضرب الراسك..يابويه ضربني
...............................
شلون انساك بويه...وانته ضوه عيوني
من حملو نعشك..كلتلهم اخذوني
من عندك ياوالي...انكطعت اضنوني
صحت بصوت وانحب...ياابويه عفتني
...............................
بويه سمر غيرك...ماتهواه روحي
ضل الكلب مجروح ..ماطابت جروحي
ماكتلي ياابويه...تعاي وياي روحي
ريت الكبر بويه...هليله يطمني
..............................
بقلم خادمة المنبر الحسيني الشاعره والمله ام حسين المسعراوي من العماره نسالكم الدعاء لايجوز حذف لاسم
/channel/omhusseinAlmasarawy
قصيده فزاعيه الموساه مولاتي زينب عليه السلام بمصاب ابيها
برقيه تعازي اليوم وزينب نوديه
بمصاب لابو كلنه نواسيه
.................................
برقيه حزن مكتوبه بعبره
مولاتي عليج دموعنه تجره
نواسيج بلطمنه الصاحب الطبره
عمت عيني عليه شال واليه
..................................
أجر ونات زينب ونووياها
يتيمه البين هذا اليوم خلاها
وبفكد لابو عل راس طكاها
بت حيدر علي كلنه نواسيه
.................................
تمنينه بضريحج ننصب المأتم
ندك عله الصدر مولاتي نبجي بدم
على الهامات كلنه بحضرتج نلطم
يازينب مجالسنا اقبيله
..................................
مفجوع الكلب بمصاب ابو الحسنين
بهذا اليوم كل شيعي يصب العين
ممنونين الج يم عون ممنونين
واجب كل محب زينب يعازيه
.................................
لايمه حبايب يبجن وياها
رحل عنه الحنين اليوم خلاها
يفراك لابو ياحيل اذاها
وكومو وياي وزينب دعينبه
..................................
بقلم خادمة المنبر الحسيني الشاعره والمله ام حسين المسعراوي من العماره نسالكم الدعاء لايجوز حذف لاسم
/channel/omhusseinAlmasarawy
قصيده ثكيله الى سيدي ومولاي امير المؤمنين عليه السلام على لحن باسم الكربلائي مرت سنه أو نص
..................................
وصيتي يابويه هاي سمعوها
بعيونكم زينب تخلوها
انته ياعباس الي تكفله
ماريد احد بويه يهضمه
....................................
زينب زينب
هاي العزيزه واغله من روحي
بويه بويه
بس تنجرح تلجم تره جروحي
تدمع عيني
من تكلي بويه عليك كل نوحي
عباس بويه
زينب امانه يابعد روحي
ماريد احد يزمخ عليه
مخدره حيدر مسميه
انته ياعباس الي تكفله
ماريد احد بويه يهضمه
.................................
بويه وصيتي
من تبجي زينب لاتلخلوها
ادري ادري
بويه بطبرتي حيل اذوها
شتنسه شتذكر
عصرت الزهره البيه فجعوها
هضمه بهضمه
مرت عليه بويه لوعوها
شلون الوكت يابويه عذبه
فراك العزاز هوايه ألمه
انته ياعباس الي تكفله
ماريد احد بويه يهضمه
...............................
بويه عباس
اطيني جفك خل اكلفنك
زينب عندك
هاي العزيزه اريده منك
ادري ادري
ماتخلف وام البنين امك
اعذر اعذر
لوطاح بويه بكربله جفك
معذور لوطك السهم عينك
وزينب تدور بويه جفينك
انته ياعباس الي تكفله
ماريد احد بويه يهضمه
.............................
بويه زينب
ماريد اشوف الدمعه بعيونج
ادري فراكي
كلش صعب يابويه مالومج
صبري صبري
بطف كربله لو طكو متونج
صيحي بويه
لو شالو السوط ويضربونج
وحسين كدامج يضربونه
فوك الرمح راسه يخلونه
انته ياعباس الي تكفله
ماريداحد بويه يهضمه
................................
تأليف خادمة زينب عليه السلام الشاعره أم حسين المسعراوي لايجوز حذف الاسم
/channel/omhusseinAlmasarawy
نعي لسان الحال مولاتي زينب عليه السلام لفقد ابيها واهلها
ابوذيه
بويه الهضم من بعدك ولااني
لون تشوف احوالي ولااني
حيل مغيره رسومي ولااني
روحي تمرمرت ارجع إليه
..............................
شالو نعشه مني وتربي عيناي
وركضت اتبع اثرهم تربي عيناي
على تابوت ضلت تربي عيناي
صحت خلوني اشيلنه بديه
...............................
بسك ياكلب اصبر وللك هيد
احباب اليوم ماعندك والك هيد
نسوك وغربو عنك ولك هيد
بطل من العتب مامش رجيه
................................
نعي
زينب انه ومحمله هموم
وكلبي عله بويه اليوم مالوم
ولعين ضلت تبحي دموم
بطلنه عتب للضيعونه
................................
اليوم روحي تريد شتريد
تريد اليجيه بليله العيد
وتنزع سواد وتلبس اجديد
مهضوم كلبي من نوايب
................................
اليله عيني تبجي بدموم
وتذكرت الوالي هليوم
كلبي تراهو محمل هموم
مالومه من ضيم روحي
...............................
ياعيد كلي شعندك وجاي
ماكو ابو اتعايد وياي
فراكه كتلني وذوب حشاي
المن بعد اشكي واعاتب
................................
ياحيرتي ياناس حيره
راح لابو الجنت اشتكيله
كسرني الدهر كسره جبيره
ضيم العليه محد يحمله
.................................
مالوم كلبي وضال ينوح
ومحد اجه وطيبلي الجروح
صوب النجف اتمنه انه اروح
بطل العتب راحو يكلبي
..............................
روحي تون وتريد اهله
تريد الذي شالو حمله
راحو بعد وراح امله
بسج يروحي شويه هودي
................................
نعي كرناوي
عيني بجت وتريد الحباب
ومناطرتهم من وره الباب
تبجي وتهل الدمع سجاب
مافاد وياهم العتاب
.............................
مافاد وياهم عتبنه
تبرو اعزاز الكلب منه
بل العيد جيتهم نطرنه
انشوفهم ياهذا املنه
..............................
عميانه من راحو العيون
وبضيمنه جنهم مايدرون
بفراكهم كطعنه المتون
حسبالنا لينه يردون
.............................
بقلم خادمة المنبر الحسيني الشاعره والمله المسعراوي من العماره نسالكم الدعاء لايجوز حذف لاسم
/channel/omhusseinAlmasarawy
قناه الشاعره ام حسين المسعراوي عماره
...
يابو صالح ادري تحــجب رؤيتك كثر الذنوب
ياابو صالح ادري بعيونك تشوف انته العيوب
عفــيه كلبــك سيــدي شكد مهموم
تشــوف بعيــونك اذنوب بكل يوم
**........................................................
يمــته اشـوفــك ســيــدي يامهــدي
مــولاي بـــس هالامنيه الــي عندي
لو حــتى بــس مــره اشـوفك ودي
وترك اذنـوبي الــي تحجبك وعدي
يابوصالح ادري تحجب رؤيتك كثر الذنوب
يابو صالح ادري بعيونك تشوف انته للعيوب
....................................
سيدي عدنه ذنوب بكثره
وانته بيهن ياابو صالح ادره
عفيه كلبك سيدي شيجبره
مستحين تشوف كلشي ويجره
يابو صالح ادري تحجب رؤيتك كثر الذنوب
ياابو صالح ادري بعيونك تشوف انته للعيوب
..................................
ولله مشتاكين كلنه الملكاك
نعوف كلشي سيدي لوشفناك
باابن فاطم ولله للموت وياك
شيعتك يالمهدي كله تتناك
باابو صالح ادري تحجب رؤيتك كثر الذنوب
ياابو صالح ادري بعيونك تشوف انته للعيوب
...........................
احنه كل جمعه التمر ننتضرك
نكول بلكي يعجل لله بامرك
وتكعد بمنبر ابوك وجدك
وتاخذ بثار الزجيه واهلك
باابو صالح ادري تحجب رؤيتك كثر الذنوب
ياابو صالح ادري بعيونك تشوف انته للعيوب
.............................
احنه من غيرك تره مانسوى
وشوف هل دنيه بلتنه بلوه
سيدي من ضيم نمشي كوه
كفرونه اليسوى ولمايسوى
ياابو صالح ادري تحجب رؤيتك كثر الذنوب
ياابو صالح ادري بعيونك تشوف انته للعيوب
.............................
بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف لاسم
/channel/omhusseinAlmasarawy
سلام عليكم أن شاءالله نزل جديد الاستشهاد لامام علي عليه السلام وتوفيق الجميع الشاعره ولمله ام حسين المسعراوي
Читать полностью…
قصيده فزاعيه طلب حاجه من أمير المؤمنين عليه السلام
....................................
من صار زماط حيدر زامطت بيه
ابو الحسنين اذبن حملي عليه
.....................................
ازامط بيه بكل شده تمر بيه
واجيبه اسمه انه لوعالو عليه
هذا الحيد يمبجي الصخرجيه
ايسمونه كاضيه العتبه
.................................
ماعندي علي غيرك وسيله
اريد انخاك ولمدمع اسيله
نضره ياعلي منك اليله
ازامط بيه اليسوه زماطي
..............................
اريد انخاه وبلعباس احلفنه
عندي اليوم حاجه وارد اندبنه
ميرجعني ابو زينب اعرفنه
بس انخاه يكضي الحاجه
.................................
احضرت المجلسك هليله ونخاك
ازامط بيك ماتنسانه حاشاك
ياحيدر علي كلحنه بحماك
يحامينه لو طحنه بشده
................................
بزهره احلفك يابو حسين
اريد الحاجتي من بهل الحين
مشيه عليك ذاك الكطع جفين
تكضيه يلكلك غيره
...................................
تأليف خادمة زينب عليه السلام الشاعره أم حسين المسعراوي لايجوز حذف الاسم نسألكم
/channel/omhusseinAlmasarawy