-
خدمة اهل البيت (ع)
مقطع صوتي من الشاعره ام حسين المسعراوي
Читать полностью…
قصيده لامام الحسن عليه السلام
مسموم الحسن ياناس...وسم كطع جبوده...وسم كطع جبوده
مايدري رسوله لله ...ولايدري الفحل عوده ..مايدري الفحل عوده
ماننساك يامسموم....ماننساك يامسموم
. ....................................
ابو محمد ياوسفه عليه ...جبده مكطع ومسموم..
يلوج من آلام والون...وكلبه من العده مهضوم ..
وحبابه تنوح عليه...ويصحون يامسوم..
ماننساك يامسموم....ماننساك يامسموم
.............................................
لله يساعدك يحسين..يوم الي شفت جبده..
مسموم وين يمك....اخوك وبيدك توسده.....
شلون وبلكبر مولاي...بيدك تحفر بلحده...
ماننساك يامسوم....ماننساك يامسموم
. ..........................................
عمت عيني عليه شلون......سمه مغير ألوانه
زينب تنضر وتبجي...دكله العده خوانه
كلبي ولله فطرته ...ضل يتكلب بجانه
ماننساك يامسموم...ماننساك يامسموم
.............................................
لاتنسون ابو محمد...بلمجلس تذكرونه
هذا ايامكم ياناس....بثواب وفاتحه اقروله
واجب ماتم واعلام...بلموكب ترفعوله
ماننساك يامسموم ...ماننساك يامسموم
.......................................
مضلوم الحسن تدرون.....ياشيعه لاتنسونه
كله تطلع تعازي....وجادر ينصبونه
وكله تصيح يامسوم....وابو حيدر تعزونه..
ماننساك يامسموم...ماننساك يامسموم
.. ..........................
بقلم خادمة المنبر الحسيني ام حسين المسعراوي من العماره نسألكم الدعاء الفاتحه الى روح الحجيه والدتي كريمه بنت خاتون
/channel/omhusseinAlmasarawy
قصيده الى عزيزه قلب الحسين عليه السلام السيده رقيه عليه السلام
..................................
لاتسموني سبيه..ولا تصيحيو الخارجيه
انه بت سيد البشر..وجدي حارب هلكفر
صيحو بسمي يارقيه
.................................
لاتسموني سبيه وانه اصلي هاشمي
ولاتسلبون التراجي شفتو ماعندي ولي
لو دره العباس عمي جان يفنيكم فني
شحده اليكرب ثنيتي شحده اليوصل ألي
عمي وينك ماتجيهم..اوكف وسكت حجيهم
انه اصلي هاشميه..لاتسموني سبيه
..................................
انه بنت حسين انه وعمي صكار الزلم
ولله لويدورن بيه الشام كله تنهجم
شيل عني الصوط وابعد بيكم انه مااهم
لاتسموني سبيه وانه اهلي اهل الشيم
انه اهلي اهل الكرامه..توارثوها هل لامامه
بله لاتزمخ عليه..ولاتسميني سبيه
.................................
وين ابوي اليوم اريده ستوني شفته بلحلم
كتله يابويه اخذني كلبي مايحمل محن
لزم اذني اومن لزمني حيل حسيت بألم
وين يابويه التراجي كتله راحن بلخيم
كتله بويه وياك اخذني..بويه ماصاحولي بسمي
يصيح هاي الخارجيه..تقبل يصيح السبيه
.................................
بويه صاحولي سبيه ليش ماعرفو هلي
كلي بويه حسين كلي أنه موجدي علي
شفت عمتي يضربوها ودمع منه يهلي
مادره العباس عمي ليش مايفزع الي
ليش بصوط ضربونه..بويه همه يعرفونه
كتله لاتربط اديه..ولاتسميني سبيه
..................................
بويه من صاحو سبيه كلبي احسه انفطر
صحت وين اهلي وعمامي خلافهم صار الدهر
اخذونه يابويه يساره وصرنه كلحنه بخطر
الشمس حركت وجهنه ونمشي صرنه عله الجمر
كامو يشتمون بينه..بويه ماتدري نسبينه
صحت انه اسمي رقيه..لاتسموني سبيه
..................................
بقلم خادمة المنبر الحسيني المله ام حسين
المسعراوي من العماره لايجوز حذف
قناة الشاعرة ام حسين المسعراوي
خدمة اهل البيت (ع)
/channel/omhusseinAlmasarawy
قصيده فزاعيه الى السيده رقيه عليه السلام
اون عليج يابت العزوبيه
وسمج بل شدد ينجاب طاريه
.....................................
اون عليج يل جدج شطر مرحب
وعمج بل الحرب معروف ومجرب
للطملج يامولاتي فلا اتعب
مصابج حيل اذاني ياعلويه
... ................................
مصابج حيل اذاني وهدم حيلي
عليج اليوم اون وذايب ادليلي
بت حسين تستاهل دمع هيلي
بكل شده تمر انصيح يارقيه
.....................................
انتي بل حوائج دوم معروفه
احلفج بل كفيل الكطعو جفوفه
وحلفج بل مشت الشام مجتوفه
يامولاتي مدي ايدج عليه
........................................
ياكضايه الحاجه اليوم اندبنج
مهمومه وأريد مراد من يمج
متردين كل نخوه مثل عمج
وانتي ام الكرم وام العزوبيه
....................................
اليوم اذكر مصباج وعمي عيوني
ادك صدري عليج والطم امتوني
شلون انسه التراجي وصحتي اذون
عليج العين هذا اليوم معميه
.... ...........................
بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف
/channel/omhusseinAlmasarawy
قصيده فزاعيه السيده رقيه ع لسان حال مولاتي زينب ع عندما سلبو اقراط السيده رقيه ع
ياهو الجار ترجيتج ياعلويه
وخله ركبتج للكاع ملويه
......................
ياهو الجار ترجيتج وسل دمج
مايدرون ياذاك الفحل عمج
حسافه البطل نايم مادره بعلمج
صعبه عله الولي جرت الترجيه
..................................
صعبه دكول زينيب خويه اعليه
يجرون التراجي وتبجي ارقيه
خلوها تون وركبه مدميه
بت اهل الكرم واهل العزوبيه
...................................
بت اهل الكرم وشلون طكوها
ومن اذانه الترجيه جروها
مايدرون عمه ياهو وابواها
حسافه تعيل بينه هلصخرجيه
................................
عسه ايدك انشلت يلخذته
ترجيه زغيره ماعفته
تجره من اذنه وألمته
وركبته عفته ليش ملويه
..................................
ماشفتج ياعمه من عمت عيني
ماخليته يوصل ليج تدريني
شدهاني الحرك من طب صواويني
ماعدهم رحم عمه بني ميه
...................................
بقلم خادمة المنبر الحسيني ام حسين المسعراوي من العماره لايجوز حذف الاسم نسألكم الدعاء
/channel/omhusseinAlmasarawy
قصيده الى زوار الحسين عليه السلام
زهره دكول هله بزوار الحسين
على الموعد اجيتو يامحبين
بكل خطوه سلامه يامواسين
هله بجاي رافع رايه الدين
خدام ابو رقيه ياموالين
مشيكم هذا ورمت الرجلين
مانساه وخليكم بهل العين
وهله بنصبو الموكب للحسين
ذوله انصار زينب ولمعزبين
موقفكم مشرف يا معزين
اقضيه حوائجكم بهل الحين
واشكركم انه خدام الحسين
ماقصرتو وي ابني ياطيبين
على الموعد اجيتو يامحبين
مؤاكم الجنه ياموالين
كله تصيح لبيك يالحسين
...................................
بقلم خادمة المنبر الحسيني ام حسين المسعراوي نسألكم الدعاء
/channel/omhusseinAlmasarawy
قصيده فزاعيه السيده زينب عليه اسلام
... ..........................
ياخت عباس حكج لو تونين
مثل اخوانج اخوه وين تلكلين
..................................
عفتيهم على الغبره مطاعين
ادري بيج كلبج صار نصين
لاعباس يمج لاولاحسين
عمت عيني عليج شلون تبجين
عن جثت اخوج انتي تدورين
مثل خوانج اخوه وين تلكين
شلون ميسره يم عون تمشين
وانتي اخت البطل عباس وحسين
شلون الوحدج زينب تروحين
اجيتي مدلله وي الميامين
هسه ميسره وين الملاعين
عمت عيني عليج شلون تمشين
الناكه مهزله وانتي تركبين
صعبه دخلتج وسط الدواوين
ينشدونج على العباس وحسين
ادري بيج لابن امج تلوجين
كدامج يضربه راس الحسين
لله يساعدج بس تهمل العين
يخلونه بطشت وانتي تنضرين
على العباس كمتي هم تصيحين
خويه شلون طبيت الدواوين
حكج يالعقيله لوتعبين
مثل خوانج اخو وين تلكلين
..................................
بقلم خادمة المنبر الحسيني المله ام حسين المسعراوي من العماره لايجوز حذف الاسم نسألكم
/channel/omhusseinAlmasarawy
مقطع صوتي من الشاعره ام حسين المسعراوي
Читать полностью…
قصيده ولائي الى كربلاء طلب في عالم رؤيه
المستهل من سيدي لامام الحسين عليه السلام
كربلاء هيه الولاء....لحسين هذا نداء
رايه وبصف رايه..اجت هل مشايه
كربلاء هيه الولاء..لحسين هذا نداء
......................
اجت هل مشايه كله الحضرتك
ولله ياابو رقيه حلو خدمتك
مانمل صدكنه من زيارتك
يمك احنه الغايه..رايه وبصف رايه
.........................
سيدي انته ذخرنه بل الحشر
شماتمر بينه لامااسي ولخطر
لجلك وللموت ونبيع العمر
للك هم وفايه...رايه وبصف رايه
.......................
الك جينه سيدي عنايه
شايلين شموع ويه رايه
للك تبقه شيعتك وفايه
جينك للك مشايه..رايه وبصف رايه
.........................
ولله كل هاي الشباب محزمه
اجت يامولاي تبجي بدمه
تصيح كله ياحسين مألمه
جينه هم عنايه...رايه بصف رايه
....................
للك باابو سكينه كله هاي الحشود
انته باب لله في يوم لورود
يلي ماكو مثلك بهذا الوجود
اسمك بهل الرايه...رايه وبصف رايه
..........................
بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف
/channel/omhusseinAlmasarawy
قصيده فزاعيه لاستقبال مشايه الحسين عليه السلام
عساكم ماتعبتو انصار الحسين
منصوبه الجوادر والمعزبين
.........................
هله بجاي رافع رايه احسين
أمر كول يزاير على العين
تفضل فوت اغسلك الرجلين
عساكم ماتعبتو انصار الحسين
...........................
احنه بخدمتك اهلا يمشاي
للموكب تفضل فوت وياي
ياميت هله بجاي عناي
عساكم ماتعبتو انصار الحسين
..........................
يازوار ابورقيه هله بيكم
خدام الحسين احنه نحيكم
بوسط عيونه ولله نخليكم
عساكم ماتعبتو انصار الحسين
.........................
واتفضل يازاير كلشي موجود
وهلن بالجه الينه من الحدود
علمنه الحسين الكرم ولجود
عساكم ماتعبتو انصار الحسين
.......................
كل هاي المواكب باسم الحسين
سفره دايمه تفضلو ياطيبين
اهلن بيك يزاير على العين
عساكم ماتعبتو انصار الحسين
.........................
بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف لاسم
قصيده ثكيله على لحن بنات الشام اذني
طريق الشام تعبني...ومتني خويه يوجعني
من الحبل ماشيلنهن ايديه...مهضومه ياخويه وحيل مابيه
طريق الشام تعبني
..........................................
محتاره شسوي اليوم وين اطي الوجه لاوين
وعاين علدرب وابجي ياابن امي اجر الونين
يوجعني المتن ياخويه كوه ارفع لايدين
تعالو شوفي ياحالي بس دمعي يجره بلعين
ومرمات رجليه ....صعبه عليه مسبيه
وسياط البضهري اثرن بيه
مهضومه وحيل مابيه
.........................................
كلساعه اصد الراس وصيح عليك يبن امي
اعاين لحيتك بدم وزايد علكلب همي
جسمي من المشي تعبان كوه اشيله ياجدمي
درب طويل ياخويه وانه حرمه الوحدي
عليه صعبه يالوالي....وياحال الهضم حالي
كلساعه ياخويه تنشد رقيه
مهضومه ياخويه وحيل مابيه
.......................................
بناتك يالولي تعبن خويه تحيرت بيهن
عطشانات تعبانات ومرمات رجليه
ينشدني عليك هواي مدري شلون احاجيهن
محتاره يابو سجاد مدري وين اوديهن
خويه لله يساعدهن...سوط هواي المهن
يبجن ياولي ويديرن عليه
مهضومه ياخويه وحيل مابيه
.........................................
اعاين على العليل شلون باخويه مكيدينه
مكسور الضهر يمشي وسلسلة بيدينه
ودم يجري من رجليه ياخويه نطفت عينه
ماتدرون يبن امي بصار وجره علينه
وينك خويه ياعباس...اريدنك يابو نوماس
اكعد شوف خويه شلون مسبيه
مهضومه ياخويه وحيل مابيه
..........................................
كلشي يهون يبن امي بس شلون بديوان
من ادخل يسالوني عليك وعلكمر عدنان
صعبه عليه ياخويه من يسالني ابن الزان
ويضرب راسك كبالي ويتمضحك عليه شمتان
شلون اتحمل الموقف...وبراسه اسوط يلف
شلون اتحمل حجايتهم ليه
مهضومه ياخويه وحيل مابيه
.. ..........................................
بقلم خادمة المنبر الحسيني ام حسين المسعراوي من العماره نسألكم الدعاء
/channel/omhusseinAlmasarawy
/channel/omhusseinAlmasarawy
قصيده ثكيله السيده زينب عليها السلام عندما فقدت اخوتها
انه الفاكده كلبي وعيوني....اريد اهلي يلهوادم يجوني
اريد اخوي وينه ...وي حامي الضعينه
انه الفاكده كلبي وعيوني
...................................
اريدنك يخويه ترد عليه
يرتاح الكلب من كل اذيه
تدريني غريبه شلون بيه
ماعدي يبو فاضل تجيه
ارجعلي ياغالي....تره صعبه اليالي
انه الفاكده كلبي وعيوني
........................................
ذبيت الكلب ولعين يمكم
بعد شلي بعيوني الفاركتكم
ماريد العمر خويه بعدكم
كلشي مات بيه من هدكم
فكدت العقل ورايه...من ماحجو وياي
انه الفاكده كلبي وعيوني
... ...................................
مهضومه وادور عين والي
كلمن شافني يبجي عله حالي
راح وي يخوتي عزي ودلاالي
مايدورن بيه وجرالي
صفيت انه غريبه.....الكفلني منين اجيبه
انه الفاكده كلبي وعيوني
..........................................
شعتب ولعتب مايفيد ياناس
انه الفاكده حسين وي عباس
تره تفكد اخو شيصير الحساس
لوراحت سبيه وي الرجاس
مسيت بلااي والي.....حال الضيم حالي
انه الفاكده كلبي وعيوني
...................................
تره التفكد اخو ان ليل ماتنام
ضل تفكر بصعبات لايام
لوتبجي العمر كله متلام
شوفتهم صفت عدي بلاحلام
يايوم اليرجعون. ..وعليه يطبون
انه الفاكده كلبي وعيوني
........................................
بقلم خادمة المنبر الحسيني ام حسين المسعراوي من العماره نسألكم الدعاء الفاتحه الى روح الحجيه والدتي كريمه بنت خاتون
قصيده ثكيله الى خدمه الحسين عليه السلام في القبر
دعائي بلكبر ابقه اخدم حسين.....واسمع صوت حمزه ومله ياسين
عزيه هناكه يقرون........وتهل دمع العيون
دعائي بلكبر ابقه اخدم حسين
........................
ياربي تعلمت الطم واواسي
وبحسين افتخر مرفوع راسي
اخافن بلكبر تخمد انفاسي
اريد اقره وياهم.....وابجي على بجاهم
دعائي بلكبر ابقه اخدم حسين
............................
من اسمع صوت حمزه تهل العيون
وتذكر المصيبه وكطع المتون
وصيحن ياحسين وي الينادون
وللطم ولضرب الراس...من انضر العباس
دعائي بلكبر ابقه اخدم حسين
................................
الا هي ارد احلفك بل زجيه
اريدن بلكبر احضر عزيه
واوزع ماي ياربي بديه
واسمع مله ياسين..... وضرب صدري جفين
دعائي بلكبر ابقه اخدم حسين
.........................
انه من زغر ياربي خادم
وبحب الحسين سنين هايم
ولامره على الخدمه انه نادم
اخدمه بماي العيون.....وكطعله هل المتون
دعائي بلكبر ابقه اخدم حسين
.............................
اوكف بسره وي ا لرواديد
هو يصيحلي ويمدلي لايد
واقراله قصيده يكلي هم عيد
من اقره عله زينب.....دمعه حسين ينصب
دعائي بلكبر ابقه اخدم حسين
.........................
بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف لاسم
/channel/omhusseinAlmasarawy
قصيده الى مولاتي زينب عليه السلام
عندما فقدت اخوتها
...............................................
وين الفاكده الخوان.....وين الضايكه لوعه
هاي ام الحزن زينب....بل الخوان مفجوعه
................................................
تعالن يمي واسني ..على الخوان عازني
انه ام الحزن والضيم...شلون الدهر عذبني
خلاني غريبه هناه...ماادري الوكت خوان
......................................................
وين الفاكده الخوان....تجر وياي فد ونه
لاهو اخوواحد....وغسلنه واجفننه
اشو كلهم كضو اليوم.... او ماعندي بعد عوان
.................................................
لوراح الاخو ياناس...منهو الينغر عليه
رتك خويه هيبه تضل....وتعود الفرح ليه
مادري خذاك البين.... بكيت الو حدك حيران
..............................................
بعد انه بعد شحجي....اومن عندي الجبد عايب
اخوي اومرمي على التربان....شفته ابوصط الحرايب
عمت عيني الاسهم ماذيه....وخلوه الدمه جروان
...................................................
زينب نادت بلوعه...وين الي تواسيني
راحو مني الخوان....وراح الضوه البعيني
انه الضايكه الوعه....وانه الفاكده الخوان
.......................................................
تأليف خادمة زينب عليه السلام
أم حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
فزاعيه القضاء الحوائج من سيدي ومولاي لامام الحسن عليه السلام
كلمن ينخه ابو محمد
مايرجع ابد فشلان
.......................................
كريم ومايرد كصاد
مد جفك واخذ المراد
حلفه بداعت الوراد
جبتك ولكلب حيران
..............................................
احلفه بزينب انه اليوم
يزيح من الكلب الهموم
يرفع ايده المهضوم
يكضيه بن عالي شان
..................................
معروف الكرم عده
وانه لايذه بسده
انخه تخلص الشده
احلفك بلكمر عدنان
............................................
معزب ونعم منك
سهله الحاجه من يمك
احلفك بل بطل عمك
انته تجبر الكسران .....
............................................
منك رايده الجبره
عليك الطاح على الغبره
بداعت زينب الحره
تدري بلكلب حزنان
..........................................
.
بقلم خادمة المنبر الحسيني ام حسين المسعراوي نسألكم الدعاء اللهم اقضي كل حاجه
الفاتحه الى روح الحجيه والدتي كريمه بنت خاتون
/channel/omhusseinAlmasarawy
قصيده ثكيله الى كريم اهل العباء الإمام الحسن عليه السلام
...............................................
انه الحسن ضلموني.....وبلاذنب سموني
................................................
انه الحسن ياشيعه..
وأمي الزهره الوديعه
ماصارت مثلي فجيعه
عدوان وهم ضلموني
..................................
سموني وطعنو جبدي
شحجي ومنين انه ابدي
ولله لوحيدر يدري
بهاي الحاله ايشوفوني
. ..................................
وينك باحيدر عني
بويه اندب ماتسمعني
عدوانك سمو بدني
ترضى اعداك ايغدروني
..................................
زينب نادت يلوالي
خويه تمرد دلاالي
عكبك تنذل احوالي
عله مصابك تعمي عيوني
....................................
يالعايش بين جفوني
اكعد يانور عيوني
ريت اليوم ايسموني
وبموتك هل روعوني
...................................
تأليف خادمة زينب عليه السلام
أم حسين المسعراوي من العماره لايجوز حذف الاسم نسالكم الدعاء الفاتحه الى روح الحجيه والدتي كريمه بنت خاتون
/channel/omhusseinAlmasarawy
نعي السيده رقيه عليه السلام
فراكج ياعمه عذباني
اعاين على مجانج ألاماني
قاسي عليه يازماني
كلبي انكطع وصيح عمه ياعمه
....................................
اكعد بنص ليل اذكرج
واكول عمه اطاج كلبج
خليتي،عيني عله دربج
بلكت تجي تهود ونيني...اه يابن امي
...................................
بلكت تجين شوي احضنج
مشتاكه ياعمه احبج
متعلمه كلساعه اشبكج
من ريحه الغالي دردي..ياعمه
......................................
محتاره يوم لاربعين
شلون لو ينشدني حسين
يكلي بناتي وين ماوين
محتار كلبي شلون بيه....ياخويه
...................................
ياناس محتاره انه حيره
جم وحده راحت هم زغيره
دفنت كل وحده بديره
مالوم كلبي من المصايب..علي بويه
......................................
مالوم كلبي وصار عطاب
كلساع ادفن من الحباب
وكبورهم ضلت بلاباب
شعتب بعد كفيت العتاب...يابن امي
................................
كفيت العتب خويه وكعدبت
بيه يخال ابني سويت
من ديرة الديره فتريت
انه الكطع كلبي الفراك...ياخويه
.................................
ياخويه فاركت البنات
وجو الرمل نامن الحلوات
الجانن كبل مدلاات
ردن ياعمه اليوم ليه...ياعمه
..................................
خويه رقيه لامتني
كلساع عنك ناشدتني
ماتت على راسك موتتني
نار البكلبي خوبه تلهب...يابن امي
.............................................................
بقلم خادمة المنبر الحسيني ام حسين المسعراوي نسألكم الدعاء
/channel/omhusseinAlmasarawy
قصيده طلب حاجه من مولاتي
السيده رقيه ع
........................................
منج يارقيه طالبه مراد
ابوج احسين يامكصد الوفاد
........................................
اريدن طلبتي منج بهليوم
مشيه عليج ابوفاضل الجيدوم
وننخاج بكلب مهموم هليوم
بجاه الغربت بدروب البعاد
......................................
احلفج يارقيه بزينب الحره
مشيه عليج وجدتج الزهره
اريدن حاجتي منج يلزغيره
تكضيه رقيه بنت الحسين
.....................................
لاتفشليني وانه الزامطت بيج
اريدن حاجتي تكضيه بديج
دعائج مستجاب الله مخليج
احلفنه برقيه رب العباد
..........................................
اتريد اليوم منج والله ذريه
احلفج بلحسين اطيه يرقيه
واريدن تفتحي قسمه البنيه
بديه يارقيه سلمي المراد
......................................
خادمتج انه واليوم اندبنج
اريدن حاجتي هليوم من يمج
اصيح بصوت مولاتي واندبنج
خادمتج انه تنطين المراد
بقلم خادمة المنبر الحسيني ام حسين المسعراوي من العماره نسألكم الدعاء
/channel/omhusseinAlmasarawy
عندما ذهبت مولاتي زينب عليه السلام مسبيه السان الحال المقطع الاول تغريد الثاني الطور
.......................................................
تكله شسولفلك يابو فاضل ياخويه جره عليه
مشيت ميسره الشام ويسموني مسبيه
راح الخدر راح العز ضلينه بمهضميه
اكعد شوفني شحالي ورجع يالولي ليه
..................................................
طبيت ياخويه الدواوين
يكولون جاهاي المره منين
مايدرون بيه انه اخت الحسين
............................................
طبيت ولهضمه كتلتني
ونار البكلبي جاويتني
وضربات الامتني ألامتني
......................................
حجي السمعته يهدم اجبال
شلون الوكت ياخويه ميال
انه الميره وحالي ياحال
.....................................
خويه تدرون بيه مدللتكم
وشلون عفتوها اختكم
انه العزيزه الجنت عدكم
......................................
اراس ياخويه عماني
اشوفه كبالي وموتاني
خويه الهضم ولله علاني
.....................................
عيله وره عيله تجينه
اوماكو ولي ينغر علينه
وحنه حرم خويه شبدينه
.......................................
بقلم خادمة المنبر الحسيني ام حسين المسعراوي من العماره نسألكم الدعاء
/channel/omhusseinAlmasarawy
قصيده الدخول زينب عليه السلام
الى الشام
.........................................
للشام هل جينه ...ونريد اهالينه
محد لفه علينه....محد لفه علينه
..........................................
للشام ودوني تتهامل عيوني ...ياخويه نهضولي
انه عزيزتكم زينب واخيتكم...ياخويه رد لينه
....................................................
طبينه للديوان..ياخويه والنسوان...يتباجن عليكم
هاي اتصيح اخويه...وذيج اتصيح ابويه
صاحن ياهالينه
........................................
سكنه عليك اتنوح خويه بكلب مجروح
ياخويه وين انروح
بويه الابو هيبه والابو شيجيبه..يابويه حاجينه
............................................
صدت على العباس خويه يبو النوماس
تفرج علينه الناس
ترضى يابو الغيره اختك تره بحيره..محد نشد بينه
.............................................
جيتك يخال ابني اشكي ضرب متني...ياخويه ألمني
يدفعني من عدكم..كل ماصل يمكم..محد نهض لينه
........................................
تأليف خادمة زينب عليه السلام
أم حسين المسعراوي من العماره نسالكم الدعاء
/channel/omhusseinAlmasarawy
نعي المسير زينب عليه السلام الى الشام
.............................
دربي طويل وتعباني
ولاواحد المنكم اجاني
تدرون سوه زماني
.............................
خويه الدهر مارحم بينه
من ديره الديره مشينه
تمنيت ابو فاضل يجينه
................................
تمنيتكم ياخواني وياي
وتشوفون خويه وضيم دنياي
محتاره بلعيله يولاياي
................................
تدري المره الماعده خوان
تجيه العيله منين ماجان
محتاجه وكفتكم ياوليان
..................................
خويه الدرب كلش طويل
واسمع حجي ياخويه وعيل
يكلولي وين الكفيل
...............................
يشتموني وصاحو غريبه
صحت الولي منين اجيبه
ياابوعلي ولله مصيبه
................................
كلساع كلولي سبيه
حتى نسوني هاشميه
وابوي الفحل حامي الحميه
..................................
ترضى ياابو رقيه يشتمون
كلساع ياخويه يضربون
وانه غريبه شلون بشلون
................... ...............
طبيت للشام وبجيت
ماعندي والي تحيرت
بيه يخال بني سويت
.................................
طبيت لشام واجوني
عليكم ياخويه يسالوني
كلي شجاوب ياعيوني
...............................
اكهلم عفتهم على وطيه
وانه غريبه شلون بيه
يسمعوني جلمه رديه
................ ...............
محتاره بيهم حيروني
مليت خويه ويسالوني
ومن البجي عميت عيوني
..................................
ابوذيه
المصايب مرمن كلبي يالاخوان
عليكم ذاب دلاالي يالاخوان
بعد ماضل والي عندي ولاخوان
عفتهم على ترب فوك الوطيه
...................................
بقلم خادمة المنبر الحسيني المله ام حسين المسعراوي من العماره لايجوز حذف الاسم الفاتحه الى الشاب علي ابن محمد
/channel/omhusseinAlmasarawy
قصيده مربعه الى حامل الواء ابالفضل العباس عليه السلام
................................................
عندي عتاب وي عباس.....عتاب الاخو وي اخته
شلون تعوفني ياخوي...حملي انته التكفلته
......................................................
اريد اعتب عليك اليوم.....خويه شلون عايفني
موانته الكلت بحماي....كلي شلون تاركني
بيك يزيد ياخويه...شوفه شلون هاضمني
شلون تعوفني وحيده وحملي انته التكفلته
..... ..........................................
خويه شلون مني تروح...وانته الضوه البعيوني
مااكدر انه بلاياك.....اخوي وكافل ضعوني
شلون عداك يامشكر...منك خويه حرموني
موكتلي تعاي وياي....وحملي انته التكفلته
.......................................................
عليك العين ياعباس....ماتبطل مدامعه
تضل طول العمر تبجي...عليك اومااسكته
ياخويه هل الحرم تابيك...كلي شلون عايفه
شلون عداك ضربوني....وحملي انته التكفلته
.......................................................
سكنه عليك ياخويه.....تعتب ولكلب ذايب
تريد الماي من يمك.....من عده الجبد عايب
دنهض كوم ياجيدوم...خويه الهاي الحرايب
دنهضلي يبونوماس...حملي انته التكفلته
......................................................
جيتك خويه انه بليل... النهر العلكمي تعنيت
عثرت وانه امشي بلجفين.....وجسمك بلا راس الكيت
كعدت يمك وصحت بصوت...انه ميته تتمنيت
كلتي كومي خويه وياي....حملي انته التكفلته
..................................................
تأليف خادمة زينب عليه السلام
أم حسين من العماره لايجوز حذف الاسم نسالكم الدعاء
/channel/omhusseinAlmasarawy
السلام عليكم فرحه اليتيم وفرحه الفقير الي تحب ساهم ملابس مدرسه لايتام بثواب امواتكم لكم لاجر والثواب تدخل خاص الشاعره ولمله ام حسين المسعراوي من العماره
وعادي من المحافضات نستقبل دزنه ارصده نصرفهن
قصيده لى زوار الحسين عليه السلام المشايه
رايه العباس تمشي ويانه
الك متوجهين يامولانه
................................. .
الك متوجهين وبزود وفخر
ولله الجللك سيدي نبيع العمر
ماتهمنه الا ميه والشمر
للك يابو رقيه نفدي دمانه
...... ... ........................
كلنه الك مولاي جينه مطينين
نلطم على الراس ونطك الجبين
لوتريد اجفوف نكطعلك ودين
جينه حفايه الك مولانه
.......................................
رايه ابصف رايه كلحنه سوه
ورايه العباس شيال الوه
شما يميل الريح ويهب الهوى
احنه مشايه الك مولانه
...................................
ازهره ويانه اجت مشايه
تكول اهلن بل اجو ويايه
هله بموعدكم يهل الوفايه
امشو ويزينب اجت حزنانه
....................................
انطلقت من لبصره هايه القافله
من العماره ماشيه هاي المله
هله بزوار صاحت كربله
كله ويزينب اجت عوانه
.....................................
تأليف خادمة زينب عليه السلام
أم حسين المسعراوي من العماره لايجوز حذف الاسم نسالكم
/channel/omhusseinAlmasarawy
مقطع صوتي من الشاعره ام حسين المسعراوي
Читать полностью…
يلرايد كرامه ورفعه الراس
شيل ايدك ويصيح وياي عباس
.........................................
مد جفك الابوفاضل وانخاه
ميردك اخو زينب وحشاه
لله منزله اورفعه اطاه
شيل ايدك وصيح وياي عباس
......................................
شيل ايدك وحلفه بسم الحسين
يكضي حاجتك ويكرلك العين
مجرب بشدد يطيه بلحين
شيل ايدك وصيح وياي عباس
......................................
من تندب باسمه مايخليك
اذا عندك مرض بجفه يشفيك
صفي نيتك وهو اليعليك
شيل ايدك وصيح وياي عباس
......................................
ابو فاضل مجرب بلكرامات
بس تنخاه يكضيه الكلفات
ميرجعك ابو الغيره ههيات
شيل ايدك وصيح وياي عباس
.......................................
اليوصل مجلسه ويطلب الحاجه
يفرح كلبه ويطيه مراده
هذا ابن الفحل سيد الساده
شيل ايدك وصيح وياي عباس
.
.........................................
بقلم خادمة المنبر الحسيني ام حسين المسعراوي من العماره الفاتحه الى الشاب علي ابن محمد
/channel/omhusseinAlmasarawy
قصيده ثكيله الطفل الرضيع لسان حال امه الرباب
اناغيلك.....اناغيالك.....طول ليل اناغيلك
يعبدلله لتفت ليه.....ورضع يبني شويه
طول ليل اناغيلك
.......................................
يعبدلله يايمه ياضوه عيني
ماكدر على فركاك تدريني
اناغيلك يايمه وماتحاجيني
ماتسمع نحبتي يمه وونيني
الوليك...الوليك....طول ليل الوليلك
...........................................
جنت يوميه انغايلك ولعبنك
وكلساعه اشبكنك واحبنك
يطيح المتن مني ومااذبنك
هسه حضني فارغ ارد اضمنك
اوديلك...اوديلك...حليبك وين اوديلك
...........................................
يفتشت عيني يايمه وبعد كلبي
ولله من رحت تيهت كل دربي
كلساع اندعي صبرني ياربي
مدري علدهر لو علزمن عتبي
احاجيلك ...احاجيلك ... سهم نحرك احاجيلك
...............
وصلت الموت بفراكك وحنن ليك
وطول الليل عبد الله انه باريك
حتى من الهوى اليمر اخاف عليك
هسه ماكو يمي وترب غاطيك
خذه حيلك .خذه حيلك . ماخذ السهم حيلك
...................
در صدري ييمه وليك حنيت
يالعطشان ترضع يالولد ياريت
بهدومك اشمن يالرحت ضليت
يبني اعليك اصيح حيل ونيت
انعيلك ....انعيلك... ابنوح اوونه انعيلك
........................................
بقلم خادمة المنبر الحسيني ام حسين المسعراوي من العماره لايجوز حذف الاسم نسألكم الدعاء
/channel/omhusseinAlmasarawy
قصيده الى مولاتي زينب عليه السلام يوم فقدت اخوتها
جنت اسمع كبل من تحجي الناس
تره فراك الاخو ايشيب الراس
............................................
ربينه من الزغر يابن أمي خوان
بيت امنه وابونه الكلهم احنان
يضل كلبي عليك اليوم لهفان
طاح البيت كله خويه ولاساس
..............................................
عمت عين الوكت فرك شملنه
شمحله الكعده وياكم ياهلنه
ولله فراكهم جود وكتلنه
ماتدرون بينه بين ارجاس
........................................
حلوين اخوتي لمن يكعدون
على الكلفات وذله ينشدون
اصيح بصوت خويه وماتردون
طاحت هيبيتي من طاح عباس
.............................................
اثاري فركه الخوان تكتل
ولله خلافكم كلبي شبع ذل
اشوفك بلكبر ياخويه محمل
تدرون الاخو هيبه ونوماس
...........................................
وين ألي يحن ويكول اخيتي
ويصيح عليه لاتبجين اسكتي
ياعمت الولد ادري نهضمتي
ردو ياخوتي ياشيله الراس
...........................................
تأليف خادمة زينب عليه السلام
ام حسين من العماره المسعراوي لايجوز حذف الاسم نسالكم الدعاء الفاتحه الى روح الحجيه والدتي كريمه بنت خاتون
/channel/omhusseinAlmasarawy