-
خدمة اهل البيت (ع)
هوسات لمولد ابا الفضل العباس عليه السلام
هله بروح والريه هله يمفضل عليه
هله لو اندب باسمه اكول الحاجه مكضيه،
يوم نولد زينب صاحت هله باهلجيه
ها ها ....فرحت بيه ام عون ليله .....
🌹🌹🌹🌹🌹🌹🌹🌹🌹🌹
من شالته زينب شمر يدينه،
وشافته الشجاعه من فتح عينه،
كالت ياهله ابحامي الضعينه،
ها ها ....ضوه الكون جيت الوالي
🌺🌺🌺🌺🌺🌺🌺🌺
دورت وبحثت الكتب ياهناس،
لكيت اربع أئمه قبلو جف عباس
هاي المنقبه العده موثوقه وله أساس
هاها ...بجفوفه،ويقبل يحيدر
🌼🌼🌼🌼🌼🌼🌼🌼
دكله ام البنين شلون قبلته
كالله علي بيه الوفه شفته،
بيوم طف تضل عطشانه،ياشفته،
ها ها ....الحسين،الروح يضحيه
🌺🌸🌺🌸🌸🌸🌸🌼🌻🌻
دكول ام البنبن رضعته وفه ياابو الحسن عباس
يرفع راس زينب بين هاي الناس
تسمونه،ابو فاضل لان ماينقاس
هاها ...زود البيه من عمامه
بقلم خادمة المنبر الحسيني ام حسين المسعراوي من العماره لايجوز حذف الأسم نسالكم الدعاء
/channel/omhusseinAlmasarawy
قصيده فزاعيه الى صاحب السجده الطويله على لسان معصومه تريد ابو الفضل العباس ع يحضر شتكول
ياهو يجيب عمك يحضر اليوم
يفنيهم ابو فاضل الجيدوم
.....................................
من فوك الجسر واندب ياعباس
ترضاها الجنازه اتشيله الناس
وينك ماتجي ليه يانوماس
تدري بل الكلب ياعمي مهموم
....................................
اعرفنك شهم ماتنام على العيله
عمي انهض البوي اليوم تجيله
نايم على جسر محد اجه ايشيله
ياعمي تراهو ابوي مسموم
.......................................
افزعو يابني هاشم الراهبكم
مطروحه الجنازه تريد جيتكم
وينه الي يجي عنايه من عدكم
ضل عله الجسر مطروح هليوم
........................................
فك كبرك يابو فاضل تعناله
محد وي اخوي اليوم هم شاله
ابو محمد غريب يريد خياله
وينك يابطل ماتنهض اليوم
.....................................
غريب الوحده ويدير بل العين
وضل عله الجسر ويجر بل الونين
جنه يصيح ياعباس ياحسين
ماتدرون ماجتكم العلوم
......................................
تاليف خادمة زينب عليه السلام الشاعره أم حسين المسعراوي لايجوز حذف الاسم نسألكم
/channel/omhusseinAlmasarawy
قصيده مربعه مولاتي زينب ع تعازي مولاتي معصومه ع
اجت زينب تعازي اليوم معصومه
تكله مصابنه واحد يامهضومه
.........................................
ياعمه اجيتج ولكلب مهموم
خلينه نتكابل نبجي علمسموم
على الوليان عمه حيلنه مهدوم
ادري عله لأبو ضليتي مالومه
........................................
ياعمه يازينب ردت اشوفنه
وبحضني اخليه واودعنه
وروح وياه بالدفنه ودفننه
كضبت السنين عليه مهمومه
.....................................
الوداع اه يالوداع يذوم الروح
هيجتي يعمه عليه الجروح
لهسه وداع اخوتي بالي ميروح
تره الوداع يكتل عمه معصومه
..........................................
يون كلبي ياعمه عليه ونات
صارت شوفته بالبيت هيهات
ادري مايرد ياعمه المات
اصد الحجرته وانضر على هدومه
...........................................
الله يساعدج عمه يامعصومه
بس مصاب جدج مامثل يومه
عاري باشمس ومسلب هدومه
ثلث تيام ضل نايم على الحومه
..........................................
بقلم خادمة المنبر الحسيني ام حسين المسعراوي من العماره لايجوز حذف الاسم نسالكم الدعاء
/channel/omhusseinAlmasaraw
الى صاحب السجده الطويله موسى بن جعفر ع
....................................
انه الكاظم ضلموني..بلا ذنب سموني
...........................................
انه الكاظم ياشيعه
خلوني بسجن وديعه
ماصارت مثلي فجيعه
عدوان وهم ظلموني
...............................
كالو لن جدك حيدر
وحسين وعودك جعفر
نجرم بيك ونتجسر
ليش بسجن تخلوني
.............................
خلوني بظلمة وحسره
والسم بجبدي ويسره
محد من اهلي ويدره
وبلاذنب هضموني
.........................
.سنين ومسجون بغربه
واهله اينضرون الدربه
وعينه من المظلم تربه
بلكي الهلي يرجعوني
...........................
صحت بصوتي ويعيوني
وين الشيعه ايعينوني
أنه منين اتعرفوني
حيدر جدي تعرفوني
............................
تأليف خادمه زينب ع ام حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
هوسات لامام الكاضم عليه السلام
يانار السجن بلكلب لهابه
مسموم ويون وماضي اصوابه
يدير العين ماكو يمه احبابه
.....يحضرونه جاوين احبابه.....
يلوج من الألم محد اجه يشيله
راد ابنه الرضا يحضر يتجيله
عمت عيني عليه مالحك يعينه
.....مهضوم وتكتل وناته......
ذبو عالجسر ماجنه جده حسين
كله دكول جا هذا الغريب منين
مغطينه بعباته عمت عيني الزين
....ماعرفو اليكضي الحاجه.....
ماعرفو الكاضم جي مغطينه
ماحسبالهم هو المكيدينه
كالو هسه مولانه يجي علينه
...نفجعو بيه اليوم الشيعه...
..................... ..............
بقلم خادمة المنبر الحسيني ام حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
قصيده فزاعيه،الى صاحب السجده الطويله مولاي موسى بن جعفر عليه السلام
مثل يوم ابو رقيه يومك اليوم
يالكاضم عليك الحيل مهدوم
.........................................
نلطم عالصدر ونصيح ويلااه
مثل الحسين يومك ماحملناه
كل شيعي تهل اليوم عيناه
عليك عيونه تبجيلك دموم
....................................
ياأبو طلبه عليك الكلب مفطور
يومك كل سنه جن يوم عاشور
ننصبلك عزه ونذكر المنحور
بيارغ سود نرفعلك يامسموم
.........................................
غريب انته مثل جدك يامضلوم
كضيت العمر بالسجن مسموم
كلبك على لأهل مولاي مالوم
من السم تون ولحيل مهدوم
.....................................
يامولاي الك قمنا مجالسنا
وبشارع نصبناها مواكبنه
رفعنالك اعلام بكل جودرنا
ننوح عليك يامولاي هليوم
......................................
ننوح عليك نذكر العطشان
ثلث تيام ضل نايم بتربان
وراسه بسمهري وفوك لاسنان
محرم سيدي يايومك اليوم
.......................................
بقلم خادمة المنبر الحسيني ام حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
قصيده الى صاحب السجده الطويله موسى بن جعفر ع على لحن باسم عينك مدرته بيوم عن عيني
....................................
الكاظم علجسر ويدير بعيونه
وين الشيعه والنعشي يشيلونه
........................................
بوسط الروح شلنه اجنازه الوالي
ومن دمع العيون نغسل الغالي
وننصب مأتمه بلروح لتالي
الاسد بغداد راح اليوم خيعونه
.......................................
ياشيعه علي معصومه تنخاكم
فوك الروس شيلو نعش مولااكم
وغسلو الوالي من ادموع عيناكم
عميانه على الوالي تره عيونه
.......................................
بكل عبره نعزي فاطمه اليله
ننوح بكل هضم ولمدمع انسيله
نصيح بكل ألم لمصاب واليه
بكل عبره على الكاضم يعزونه
.....................................
زهره على الضلع نزلت عليه تلطم
يوليدي اجيتك كابعه بلهم
يلمسموم حيلي عليك متهدم
مثل احسين بمصابك يفجعونه
........................................
ياباب الحوائج نضره من يمك
بضلع الطاهره الزهره احلفنك
اريد مراد والله اليله من يمك
المعصومه انه واليوم ممنونه
....................................
تأليف خادمه زينب ع ام حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
قصيده ثكيله المولاتي زينب ع
تعاتب الدنيا
.............................................
الدنيا عذبتني .....من زغري ولتني
اخذت اغله الاحباب ..نامو حدر التراب
والله مرمرتني ..ولله مرمرتني
.........................................
الدنيا عذبتني وخلتني غريبه
راحو اهلي مني والراح شيجيبه
من ديره الديره امشي انه سليبه
تسعر بلكلب نار تجويني ولهيبه
اخذت اغله الاحباب ..نامو حدر التراب .....والله مرمرتني
.......................................
هذا الزمن غدار حملني النوايب
من زغري ولتني ياناس المصايب
انه وكل خواتي ضلينه غرايب
لاضل عدنه واليان ولاحتى كرايب
راحو اغله الاحباب ..نامو حدر التراب ...والله مرمرتني
........................................
زينب انه شحجي البيه يشيب الراس
راحو اغله الاعزاز حسين ويه عباس
خلوني وحيده بوليه هاي الرجاس
صبري بصبر ايوب لاولله مينقاس
راحو اغله الاحباب ...نامو حدر التراب والله مرمرتني
.......................................
حزني حزن يعقوب مافل ونساني
كضيت اسنين عمري مهمومه وتاني
لارجعو الغياب ولاواحد لفاني
مدري اعتب على البين مدري عله زماني
راحو اغله الاحباب ...نامو حدر التراب ....والله مرمرتني
............................................
جنت مدلله دوم جان اسمي العقيله
هسه بديره الشام صرت انه ذليله
هذا الصار بيه والله مالي حيله
ماضل عندي والي بلهم اشتكيله
راحو اغله الاحباب ..نامو حدر التراب ...والله مرمرتني
.........................................
تأليف خادمه زينب ع
ام حسين المسعراوي من العماره
لايجوز حذف الاسم
/channel/omhusseinAlmasarawy
قصيده ثكيله السيده زينب عليه السلام القصيده بعنوان ...أمنيه زينب ..ع
وديني عمه الكربله وديني
مابين اخوتي اريدك تخليني
بلكت يشوفوني ويكعدون
عن حالي ياعمه ينشدون
وديني عمه الكربله وديني
.......................................
وديني عمه الكربله ارد ابدي العتاب
للعافو عيوني تهل وتنضر على الباب
كضيت السنه حسره وألام وبدمع سجاب
روحي ياخوتي تمرمرت ومليت الغياب
بلكت يشوفوني ويكعدون
وعن حالي ياعمه ينشدون
وديني عمه الكربله وديني
.....................................
بلكت يفزون اخوتي ونعشي يشيلون،
وبيديهم تراب لاحد عمه يهليون
يم الكبر كلهم سو عليه ينوحون،
مهضومه كضيت العمر وتهل العيون
بلكت يشوفوني ويكعدون
وعن حالي ياعمه ينشدون
وديني عمه الكربله وديني
...........................................
أمنيتي ياعمه علي تدفني يمهم
عالفركه مرة ياسنه مشتاكه الهم
تكتل مسافات درب بعدتني عنهم
بنوح اكضيت العمر ولون بعدهم
بلكت يشوفوني ويكعدون
عن حالي ياعمه ينشدون
وديني عمه الكربله وديني
.........................................
كضيت العمر حسره وألام وبليل مانام
اذكر مصايب كربله وياذيج لايام
ينشدني كلبي عله اخوتي لشوفه محتام
اسنين جني مفاركه ماجني العام
بلكت يشوفوني ويكعدون
عن حالي ياعمه ينشدون
وديني عمه الكربله وديني
...................................
أتمنى هسه بكربله اخواني اليدفنون
برايات وعلام الحزن همه اليشيعون
يخلون عمه جنازتي عليه ويصلون
زينب غريبه ام الحزن بكبري يكتبون
بلكت يشوفوني ويكعدون
وعن حالي ياعمه ينشدون
ودوني عمه الكربله وديني
...... ................................
بقلم الشاعره والمله ام حسين المسعراوي من العماره لايجوز حذف الاسم نسألكم الدعاء
/channel/omhusseinAlmasarawy
قصيده الى مولاتي زينب عليه اسلام فزاعيه
........................................
جاوين اخوتي خلهم يفزعون
يتحزمون ولنعشي يشيلون
.................................
جنازه تريد خويه ثلث خوان
وين حسين عني وكمر عدنان
محتازه اخو ايصير دفان
🏴 جاوينه الحسين الليه 🏴
.......................................
اعاين ولتفت مايمي عباس
مارضى الجنازه اتشيله الناس
خمس خوان عدي رفعه راس
🏴ايحضروني وين الشجعان 🏴
.........................................
ياجناز وديني الخوتي
مايدرون بيه اليوم موتي
اصيحن على ولي ماسمع صوتي
🏴ايدفنوني جاوين اخواني 🏴
...... ..............................
اون بهداي محد يسمع الونه
وين اعزاز كلبي البيهم محنه
جاوين البطل عباس المجن
.🏴متانيته زينب كلوله 🏴
..................... . ...............
اريده يحضر الدفنه ابو فاضل
سبع ومخيف اخوي ويصطر
العايل
حسافه هلوكت وياي شومايل
🏴امن اخواني بعدني البين 🏴
............................................
تاليف خادمه زينب ع ام حسين المسعراوي من العماره لايجوز حذف الاسم
نسالكم الدعاء اه اه يازينب 😭
/channel/omhusseinAlmasarawy
قصيده إلى السيده زينب ع
...............................
اريد امشي الكبر زينب
اطب للحضره والكيه
اكله من العراق انه. .. حسين ايسلم عليه
..........................
اجيتج يااخت عباس ابجي بدمعه عيوني
اكله من العراق انه اجيتج ياضوه اعيوني
اكله اليوم ملهوفه ...اجيت الكبرج انشوفه
انه من العراق إنه حسين ايسلم عليه
.............................
ألزمت شباجه وابجي صحت زينب يامضلومه
ادري بيج يم طاهر وعله حسين مالومه
ماطول النفس بينه ...ضل حسين والينه
وأنه من العراق أنه حسين ايسلم عليه
.................................
اكله من العماره انه اجيتج يااخت عباس
وتكلي هله اومرحب من حضره ابو النوماس
اسالج على البطل عباس ..وين الدرع وين الطاس
اكله من العماره انه عباس ايسلم عليه
..................................
من شباج ابو الحرار اجيتج والله شجايه
وحلفج بيه يازينب تكضي طلبتي هايه
انريد انشوف مهدينه ....تره حنه والله ملينه
اكله من العراق انه حسين ايسلم عليه
................................
اريد اطلب طلب منج ادخيلج لاتفشليني
وحلفج بلسبع عباس يازينب تعينيني
ادنيه هواي تعبتنه ...مهضومين خلتنه
انه من العراق أنه نخوتي لاترديه
..... ........................
بقلم الشاعره أم حسين المسعراوي من العماره لايجوز حذف الاسم
نسألكم ادعاء
/channel/omhusseinAlmasarawy
قصيده طلب من الإمام المهدي عجل الله فرجه
.............................
اه يازينب اه..شكثر شفتي من المصايب والحزن
اه يازينب اه..كلبي متروس المصابج بلمحن
.......................................
إنه المهدي ياعمتي وكلبي ممرود
من يجي عليه محرم كل سنه يعود
افتر بكل مجالس ودمعي ايجود
وانخه بلكت هل الأمر يصدره المعبود
اه يازينب اه..شكثر شفتي من المصايب والحزن
اه يازينب اه..كلي متروس المصابج بلمحن
...................................
مايمر ياعمه يومي اله اذكرج
وذكر الضربات ياعمه عله متنج
اومن كصدتي عله الشريعه اويهل دمعج
كعدتي يم عمي اوندبتي اومايسمعج
اه يازينب اه..اشكثر شفتي من المصايب والحزن
اه يازينب اه. كلبي متروس المصابج بلمحن
...................................
انه مكسور الكلب ياعمه تدرين
من اجت الخيول تسحك جدي الحسين
بهايه ادموعي بدمه تنزل من العين
انه اتمنى يعمتي اضهر الحين
اه يازينب اه..شكثر شفتي من المصايب والحزن
اه يازينب اه..كلبي متروس المصابج بلمحن
.......................................
والله مانسه رقيه بلخرابه
من تنادي عله الحسين اكعدلي يابه
اوبد مانسه الطفل يومه اوخضابه
من شفت جدي الحسين بحضنه جابه
اه يازينب اه..شكثر شفتي من المصايب والحزن
اه يازينب اه..كلبي متروس المصابج بلمحن
.............................. ......
ثاري مانساه عمه لاتخافين
بس اريدن شيعيتي تندعي بكل حين
بضهور ايعجل الله ياموالين
وارد اعاتب كل موالي عاف الحسين
اه يازينب اه..والله اضهر واخذ بثار الحسين
اه يازينب اه..صدكي عمه ثارج بركبتي دين
🏴🏴🏴🏴🏴🏴🏴🏴
تأليف خامه زينب عليه اسلام أم حسين من العماره هاي القصيده االي الف المستهل الإمام المهدي عجل الله فرجه بعالم الرؤيه روحي لكم الفداء لايجوز حذف الاسم 😭😭😭🏴🏴
/channel/omhusseinAlmasarawy
قصيده فزاعيه الى مولاتي زينب عليه اسلام
٠٠٠٠٠٠٠٠٠٠٠٠٠٠٠٠٠٠٠٠..........................
عونه الزار شباجج يازينب
نطب الحضرتج وحيل ننحب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عونه الراح والزينب تعنه
نكض شباجه وننحب بونه
ننسه همومنه وننسه اهلنه
....هنياله وزار الحضره....
...................................
اول مااجي وادخل الحضرته
اللطم حيل وابجي عله مصيبته
منهد حسين ماطابت بعلته
....مهضومه وخلاف اخوته....
................................
سهليلي الزياره ارد ازورنج
وصرخ حيل يم بابج واندبنج
يامهضومه يازينب اكللج
....مولاتي واتشرف باسمج.....
.....................................
اكعد بصحن واسوي القرايه
وابجي عله الغريب الماشرب مايه
وقرالج قصيده ولله بهدايه
...ممنونه الخوانج زينب....
.......................................
اسويلج المجلس واجمع الناس
وقرالج البوفاضل العباس
موهذا كفيلج تاج فوك اراس
.....ايسمونه كضاي الحاجه.....
........................................
كليلي يازينب وشتريدين
انعالج على العباس وحسين
لواحجي على حالج تريدين
....مهضومه تبجيلج عيني....
....................................
تكول احجي على خواني الزينين
هذوله اولاد حيدر وانتي تدرين
طبو كربله وخلو نياشين
....مشهوده الخوانج زينب....
...................................
تأليف خادمه زينب ع ام حسين المسعراوي من العماره لايجوز حذف الاسم نسالكم الدعاء اللهم سهل زياره مولاتي زينب عليه اسلام 😭😭😭😭😭
الفاتحه الى روح الحجيه والدتي كريمه بنت خاتون
/channel/omhusseinAlmasarawy
قصيده الى مولاتي زينب عليه اسلام فزاعيه
........................................
ماعدي اخو وي اليدفنون
لاعباس لالحسين يدرون
.................................
جنازه تريد خويه ثلث خوان
وين حسين عني وكمر عدنان
محتازه اخو ايصير دفان
🏴 جاوينه الحسين الليه 🏴
.......................................
اعاين ولتفت مايمي عباس
مارضى الجنازه اتشيله الناس
خمس خوان عدي رفعه راس
🏴ايحضروني وين الشجعان 🏴
.........................................
ياجناز وديني الخوتي
مايدرون بيه اليوم موتي
اصيحن على ولي ماسمع صوتي
🏴ايدفنوني جاوين اخواني 🏴
...... ..............................
اون بهداي محد يسمع الونه
وين اعزاز كلبي البيهم محنه
جاوين البطل عباس المجن
.🏴متانيته زينب كلوله 🏴
..................... . ...............
اريده يحضر الدفنه ابو فاضل
سبع ومخيف اخوي ويصطر
العايل
حسافه هلوكت وياي شومايل
🏴امن اخواني بعدني البين 🏴
............................................
تاليف خادمه زينب ع ام حسين المسعراوي من العماره لايجوز حذف الاسم
نسالكم الدعاء اه اه يازينب 😭الفاتحه الى روح الحجيه والدتي كريمه بنت خاتون
/channel/omhusseinAlmasarawy
قصيده فزاعيه المولاتي جبل الصبر زينب عليه السلام
الج تاريخ ثابت بدواوين
ابوج الكسر خشوم السلاطين
....................................
الج تاريخ ثابت بل العزوبيه
رجفتي بخطبتج كل بني ميه
انتي معربه وامج الحوريه
اخت عباس انتي الماتثنين
..................................
الج تاريخ يافخر النساوين
مثل حيدر علي لو ردتي تحجين
يارفعه الراس انتي اخت الحسين
تستأهل عليه نعمي العين
.........................................
تستأهل عليه نلطم الهام
بت الشطر مرحب بت لاكرام
خل ننصب جوادر نرفع اعلام
هاي اخت البطل الضحه الجفين
......................................
هاي اخت ليوث واخت لاسباع
زينب من سمه ترجف الكاع
تاريخج يضل لليوم ماضاع
علم مرفوع يازينب تضلين
........................................
علم مرفوع انتي ورافعه الراس
شجاعه البيج بيه نضرب مقياس
اخوتج بلحرب شردو لارجاس
مثل عباس لو ردتي تصولين
........................................
بقلم الشاعره والمله ام حسين المسعراوي من العماره لايجوز حذف الإسم نسألكم الدعاء
الفاتحه الى روح الحجيه والدتي كريمه بنت خاتون
/channel/omhusseinAlmasarawy
قصيده لمولولد لامام الحسين عليه السلام
🍬🍬🍬🍬🍬🍬🍬🍬🍬
معيدين اليوم احنه معيدين
لأن هذا اليوم مولود الحسين
🌸🌸🌸🌸🌸🌸🌸
اليوم املاك السمه زف الخبر
ليله فرحان الرسول ومبتشر
طشو الورود وهنو المنتضر
لأن هذا اليوم مولود،الحسين
🌸🌸🌸🌸🌸🍬🍬🍬
نزل جبرائيل ويهز المهد
ولاملاك تنثر عليه الورد
دخل بيت المرتضى اليوم السعد
لان هذا اليوم مولود الحسين
🌸🌸🌸🌸🌸🌸🌸
جناح فطرس رجع من شال الحسين
دنك عليه قبله فوك الحبين
كله فرحانه وتصفك لايدين
لان هذا اليوم مولود الحسين
🌸🌸🌸🌸🌸🌸🌸
ياهلا وميت هلا بسبط الرسول
اليوم فرحانين ونهني البتول
علكلو اشموع بصحن فحل الفحول
لان هذا اليوم مولود الحسين
🍬🍬🍬🍬🍬🍬🍬
معيدين آليوم كلنه مولده
كل سنه نقيم الفرح ونجدده
كله فرحانه الشيعه معيده
لأن هذا اليوم مولود الحسين
🌸🌸🌸🌸🌸🌸🌸
🌸🌸🌸🌸🌸🌸🌸
بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف الاسم
/channel/omhusseinAlmasarawy
قناه الشاعره ام حسين المسعراوي عماره
قصيده ثكيله الطلب حاجه من لامام الكاضم عليه السلام باب الحوائج
ياباب الحوائج....ياموسى بن جعفر
منك طالب امراد.....مني لاتعذر
...........................................
ياباب الحوائج نضره ليله منك
احلفك بازجيه ولعباس عمك
الحاجه امنته يامولاي يمك
منك طالب امراد.....مني لاتعذر
..........................................
انه المجلسك جيت ودموعي جريه
هموم هواي عندي التمن عليه
جيت وكلبي مالوم الك مديت اديه
منك طالب امراد....مني لاتعذر
...........................................
الك مديت اديه جيت اليوم انخاك
وانه ادريك مولااي متردني حاشاك
عندي حاجه يمك تكضيه انه ارجاك
منك طالب امراد...مني لاتعذر
...........................................
بحسين ارد احلفك ياابو طلبه هليوم
تدري كلبي مولاي من ضيم مهموم
كضاي الكلافات مثل عمك الجيدوم
منك طالب امراد....مني لاتعذر
.............................................
مثل عمك العباس مترجع اليندبك
وليوصل يزورك يجيب مراد منك
مشهوده الوكفات حيدر علي جدك
منك طالب امراد...مني لاتعذر
.............................................
بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف لاسم
ملاحضه تكدرون تغيرون طالب طالبه اذا مجلس نسائي
/channel/omhusseinAlmasarawy
قصيده فزاعيه لسيدي ومولاي موسى ابن جعفر عليه السلام
طلعو ياشيعه للعزه
اليوم يوم الكاضم
....................................
تذكروها مصيبته
اه يا الغريب وقصته
مسجون سمو جبدته
يبقه عزانا دائم
........................
طلعو ودكو عالصدر
للميت بسم الغدر
ذبو مكيد علجسر
رفعو عليه علايم
.........................
لبسو سواد واحزنو
لمصابه كومو تحزمو
احضرو المجالس ولطمو
كل شيعي كلبه هايم
...............................
كلوبنه متألمه
ونعازي حماي الحمه
بدموع نبجي من دمه
نقدم عزه للقائم
...........................
وين ألي يحضر مجلسه
ويبجي ويون الغربته
عالجسر شمرو جثته
شلون سمه الضالم
..........................
بقلم خادمة المنبر الحسيني ام حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
نعي وحديث الى صاحب السجده الطويله موسى بن جعفر ع
عندما سم الإمام عليه السلام يلتفت بزنزانه مضلمه وسم قطع جبده فناداه اين اهلي اين خواني اين عشيرتي ياجدي ياحسين ثم بكى على فراق اهله فتمنى الإمام اولاده بجانبه وابنته تنعى عليه وولده يرفع جنازته .....😭شيكول امامنا
الميت غريب شلون حاله
ايريد الاهل يمه تنعاله
لاولد يمه وتجاله
.......................
مشتاك الاهلي كلش اليوم
وكلبي تراهو محمل هموم
وسمي صعد والجبد مالوم
.......................................
وعن لسان معصومه ع وهيه تنتضر اباها
وكل يوم تجلس تسأل عليه وتبكي
شتكول
اخ اخ اخ بويه يابويه
محله الابو محله غلاته
من يجبل عليه شحلاته
وشلون يتمه بناته
...................................
انه متانيه سنين واليالي
يرجع ابوي الدللاني
يتيمه من عكبه تراني
......................................
اريد اكعد باب السجن وانطر
بلكت يجي كلبي تفطر
وسأل عليه راح والمر
........................................
اريد ابجي عله ابوي الدللاني
مهضوم كلبي اوماجاني
جنه غفه عني ونساني
.......................................
والسان حال لإمام الرضا عليه السلام شيكول
بويه من سجن السجن عليك انشد
وعليك بويه حيلي منهد
جاوين الكاك واهود
.......................................
سمعنه الينسجن نتواجه وياه
وبيا سجن اندوره نلكاه
ويلي عله ابوي الراح ويلاه
.........................................
ياجسر وين ابوي وينه
بيك انشمر وتيتمينه
يايوم الاكشر هم علينه
................................
نعي كرناوي ختام مجلس
على الكاظم لهل ادموع العيون
وعلى الكاظم دكومو نوحو وياي
شلون عله الجسر ياناس مطروح
مثل جده الحسين الماشرب ماي
ابوطلبه تره كضاي حاجات
يرحب بليزور وجاي عناي
.............................................
تأليف خادمه زينب ع ام حسين
المسعراوي
من العماره لايجوز حذف الاسم نسالكم الدعاء ياموسى بن جعفر 😭😭😭🏴🏴🏴🏴🏴🏴
/channel/omhusseinAlmasarawy
قصيده الى صاحب السجده الطويله موسى بن جعفر ع
..........................................
لاتلومونه لاتلومونه..لوفاضت دمعات عيونه
...................................................
على الكاظم نبجي ونتحسر
شلون تسمه كلي وتجسر
جده حسين وعوده الجعفر
وسمونه ويسمونه ليش العدوان ايسمونه
......................................
معروف باخلاقه ودينه
موسي الكاظم تهمل عينه
لاحد يمه وهمه ايعينه
ويخلونه ويخلونه مسجن بغربه ايخلونه
......................................
من عكب السجن ايسمونه
ما خلو اهله ايشوفونه
ومن الغربه تربي اعيونه
ويضلمونه ويضلمونه ليش الإمام ايضلمونه
.....................................
اليوم احبابك كله تذكرك
تبجي عليك وتكصد كبرك
ياقاضي الحاجات اندبلك
تبجي عيوني تبجي عيوني اليوم عليك وتبجي عيوني
........................................
قصه موسى تحير فكري
دموع الشيعه الجله وتجري
اليوم امصابك هيج جرحي
ويهضمونه ويهضمونه ليش الانذال ايهضمونه
...................................
تأليف خادمه زينب ع ام حسين المسعراوي
من العماره لايجوز حذف الاسم نسالكم الدعاء
/channel/omhusseinAlmasarawy
نعي عن لسان مولاتي معصومه
تنعى أبيها موسى ابن جعفر ع
بعيد الدرب مالحكت بيه
تمنيت بيديه اداويه
وكعد وياه وداريه
.......................
بعيد الدرب بويه عليه
ومالحكت وكت المنيه
لاولد يمك لابنيه
.............................
لاولد يمك يتجيلك
وسم يبويه هدم حيلك
ميت غريب ومن يجيلك
................................
مسموم ابو وحال حاله
ويلتفت مايمه عياله
بعيد الدرب محد اجال
.............................
تمنيت احط راسك بحضني
وتسمع يبويه عليك وني
وكلك تره فركاك هدني
...............................
هدني الفراك سنين بسنين
وعله الدرب مشبوحه العين
السجن مدري وين ماوين
.................................
عميانه بويه عليك عيني
وعليك ماهود ونيني
ردت طارش يابويه بس يجيني
.......................................
مفطر دليلي من الفراك
ودمع ينزل بويه حراك
مهضومه عليك وماخذه الراك
..... ...............................
فراكك صعب بويه وعماني
والدهر بلوه هم بلااني
ضالم عليه يازماني
..............................
بقلم خادمة المنبر الحسيني ام حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
قناه الشاعره ام حسين المسعراوي عماره
قصيده ثكيله لسيدتي ومولاتي جبل الصبر زينب عليه سلام
على الحن الرادود محمد الجنامي يم حضرتك جاي....
بأخر انفاس....واندب خويه عباس
محتاجه تجيني...وينك يانوماس
ارجع ياغالي....تدري بلاي والي
وينك يانوماس
.............................................
خويه وينك ماتجي......باخر انفاسي ومشتاكه أشوفك
ادري مكطوع الجفوف...ونعشي ماتكدر تشيله مألومك
جلمه الخويه الكلته لهسه هيه بالي
اتمنى ترجعلي ياوالي تشوف خويه حالي
انه لمن ضيعتكم ضاع تدري دلاالي
وانته تدري ياابوفاضل بلاخو شكد غالي
عيني على الباب....خويه ودمعي سجاب
اتمنى تجوني...وي الهوى الهاب
سوده ليالي.....تدري ياوالي
وينتك يانوماس
.............................................
تدري خويه بلاخت....تريد وكت الموت اخوته يحضرون
التفت يمنه ويسار...خويه حسبالي تجوني وي اليشيعون
ردت بس واحد يجي ويغمض العيون
يشيل بيده جنازتي يحطه عله المتون
خويه اعاين ولتفت بوجه اليدفنون
كلت بلكي خواني ليه اليوم يلفون
انه الغريبه...وانه ام المصيبه
قصتي تشيب الراس...خويه وعجيبه
خلصت حياتي...دموع لحد مماتي
وينك يانوماس
.................................................
عيني عل الباب اواون...بلكلي هسه ولن يجيني خوي عباس
احجيله بغيابه شجره...شلون ضربوني عله متني كوم لارجاس
خويه مشتاكه اشوفك انته عندي غالي
ولله بغيابك ياوالي الدنيه شلت حالي
ياكعدتي بل الخرابه بيه اعد ليالي
روسكم كدامي تمشي صوبت دلاالي
وناكه تحدي...وانه خويه وحدي
وسوط عله متني...ولاوالي عندي
ضربه اوجعتني...بجتفي الامتني
وينك يانوماس
................................................
انه محتاجه الك...بهل المرض تلفيني وتسال عليه
تكعد اكبالي وتنوح...بيدك تسبله يالوالي اديه
انه منتضره تجيني ياابو فاضل وينك
ولله مشتاكه اشوفك تحط عيني بعينك
من تكلي خويه زينب ولزم بجفينك
انه اتمنى ياوالي تشيلني متنينك
للمكبره وياي...تمشي خويه حدايه
وانته تهيل التراب...وترشلي الماي
ياغالي اريدك...تدفني بيدك
وينك يانوماس
..............................................
أتمنى تحضر بدفن...وانته بيدينك تهيل تراب كبري
خويه ولله تمرمرت..عشت باحزان والم كضيت عمري
ياحسافه البين فرق خويه بيني وبينك
كطعت جفوفك عمتني ولسهم البعينك
لون حاضر هسه يمي تشيلني بمتنينك
الغربه التشيل الجنازه خويه موجفينك
موتت الغربه....ولله خويه صعبه
بس يمي سجاد...مفطور كلبه
يعاين عليه....ودمعه جريه
وينك يانوماس
............................................
بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف لاسم
/channel/omhusseinAlmasarawy
الى مولاتي زينب عليه سلام قصيده فزاعيه
.....................................
يومج اه يازينب يهدم الحيل
وسافه ام الخدر هليوم وتشيل
...........................................
اريد احجي على زينب المضلومه
ماتت بلغرب ياناس مهضومه
ياونت كلبه حيل مالومه
جاليش الدهر وياها ايميل
......................................
يومج حيل يازينب يأذيني
عميانه عليج اليوم ياعيني
اريد الحضرتج ياهو اليوديني
اجيج مطينه ودموعي اتسيل
..........................................
تستاهل الدكن صدري ام عون
وعميانه عليه اليوم العيون
على العافت جثث مطروحه بلكون
على زينب اليله الهدم الحيل
....................................
وين الكابلتني او لطمت وياي
على زينب الدكن حيل يمناي
احسبن بلعزه واكف الرواي
شلون ام الخدر هليوم وتشيل
..........................................
هاي الفاتحه زينب نصبناها
انعازي ام الحسن اونلطم وياها
على الماتت غريبه بدون ولياها
عمت عيني عليه ونت بليل
.....................................
تأليف خادمه زينب ع ام حسين المسعراوي من العماره لايجوز حذف الاسم
اه اه يازينب 😭😭😭😭
/channel/omhusseinAlmasarawy
نعي الى جبل الصبر زينب عليه السلام
انه مشتاكه أيجون العزيزين
ويكلون ياخويه شتريدين
اريد اليكلي ليش تبجين
.................................
ألوليان ليش أكطعو بيه
أوضليت انه مألي تجيه
اريد الولي ينشد عليه
..........................
أنه مناطره وعيني على الباب
بلكت يجون اليوم الاحباب
كلبي يدك وي دكت الباب
..................................
انه الغاليه وعمت ولدكم
مرت سنه أو ناطرتكم
لاجاني فرد واحد المنكم
................................
حلوه الجنازه أتشيله اخوان
انه متانيه الجيه يالاحنان
وين اليجي ويصير دفان
................................
عكبكم تره انه غريبه
ولكلي خويه منين اجيبه
وانه عاتب الزاجي حليبه
...................................
من ضيم العليه عاتبتكم
تدرون انذلت أختكم
معيول العليه ورايدتكم
..................................
تأليف خادمة زينب عليه السلام الشاعره أم حسين المسعراوي من العماره لايجوز حذف الاسم نسألكم الدعاء اه يازينب اه يازينب 😭😭😭🏴🏴🏴
/channel/omhusseinAlmasarawy
قصيده الى جبل الصبر مولاتي زينب عليه السلام
انه زينب انه اليحجون عني
سليت انه المصايب ماسلني
خلص كلبي من الونين...اريدن شوفت احسين
تراهي النوايب صدعني
.....................................
انه زينب انه شفت المصايب
من زغري تحملت النوايب
شفت اهات بدنيه وعجايب
شفت اغله لاحباب عله ترايب
ردت واحد يجي كبل المنيه
يغطيني ويسبللي اديه
خلص كلبي من الونين..اريدن شوفت احسين
تراهي النوايب صدعني
.......................................
اردن شوفتك ياخويه ياحسين
تنطرتك سنه ياكره العين
كضيت انه اليالي عليك بونين
ماتدرون بيه وين ماوين
مشتاكه الك ياعزيز كلبي
تره خلافك.بعد ماشفت دربي
خلص كلبي من الونين..اريدن شوفت احسين
تراهي النوايب صدعني .
................................
مشتاكه الك عباس هليوم
تجي وزيح من كلبي الهموم
فدو اجفوفي الجفوفك ياجيدوم
من ذكر عيونك ابجي بدموم
انه شتاكيتلك يابعد اختك
عونه الي كعد ياخويه يمك
خلص كلبي من الونين..اريدن شوفت احسين
تراهيه هلنوايب صدعني
................................
تره صعبه المره الماعده وليان
تجيه العيله خويه منين ماجان
شحجي وخوتي نومه عله تربان
محتاجتكم انه ليله ياخوان
اريدن واحد النعشي يشيله
وتراب الكبر بيده يهيله
خلص كلبي من الونين..اريدن شوفت احسين
تراهي النوايب صدعني
....................................
ياوليان لاتكطعون بيه
تدروني غريبه واجنبيه
عكب عيونكم مالي تجيه
يخويه بطيف بس مرو عليه
منتضره ياخويه هم تجوني
وانه عله درب تربي عيوني
خلص كلبي من الونين...اريدن شوفت احسين
تراهي النوايب صدعني
..................................
تاليف خادمة زينب عليه السلام أم حسين المسعراوي من العماره لايجوز حذف الاسم نسألكم
يازينب مولاتي نضره
/channel/omhusseinAlmasarawy
الى مولاتي زينب عليه اسلام قصيده فزاعيه
......................................
ابو فاضل على اخته ....شد النكاب
....................................
منكب اخو زينب ..شد النكاب
يصيح بصوت يثغب
اختي عليه تعتب
لاتعتبين خويه كلبي لهاب
...................................
اجه يدفن اخيته
وسفه عليه ميته
يكله الماي جبته
كلبه عله العقيله صار عطاب
......................................
صاح عله العقيله
يومج مالي حيله
الكلب ضيع دليله
صاح بصوت بويه داحي الباب
........................................
عمت عيني عليه
اخته وروحه بيه
منكب هم عليه
يكول اجفوفي اودي وي الهوى الهاب
..................................
تريده اليوم يحضر
يشيل اخته المشكر
كلبه عليه تفطر
عدوك ياابو فاضل خويه ماهاب
...................... ................
تأليف خادمه زينب ع ام حسين المسعراوي
من العماره لايجوز حذف الاسم نسالكم الدعاء يازينب 😭😭🏴🏴🏴
/channel/omhusseinAlmasarawy
قصيده الى كل من اشتاق الى
قبر مولاتي زينب ع
..........................................
كلبي مشتاك يزينب ..كلبي مشتاك
كافي الفراك يزينب ..كافي الفراك
يمته اوصل مرقدج ...سهليلي زيارتج
كافي الفراك يازينب ..كافي الفراك
.......................................
يمته اوصل مرقدج مولاتي مشتاك
كلبي مايحمل بعد عذبني الفراك
احسد اليمشي ويزورج من العراك
وي نسمات الهوى ابعثلج اشواك
يمته اوصل مرقدج ...سهليلي زيارتج
كافي الفراك يازينب ..كافي الفراك
.......................................
مااوصفلج شعوري لمن اوصل مرقدج
والله اقرالج قصائد وذكر انه مصيبتج
انصب المأتم ابابج واحي مجلس لخوتج
مره انعه للحسين مره انعه الكافلج
يمته اوصل مرقدج ...سهليلي زيارتج
كافي الفراك يازينب ..كافي الفراك
.......................................
انه كل يوم بصلاتي ادعي والله الشوفتج
بلكي يتقبل دعائي وصل انه الحضرتج
روحي متعلقه بمقامج يمته انضر كبتج
مشيه ابوفاضل عليج سهليلي زيارتج
يمته اوصل مرقدج ..سهليلي زيارتج
كافي الفراك يازينب ..كافي الفراك
............................................
عشت كل عمري بخدمتج انتي أمي
اسمج اليشفي جروحي ايزيل همي
حبج بكلبي طبعته وي دمي
الج يامولاتي والله شكيت هضمي
يمته اوصل مرقدج ..سهليلي زيارتج
كافي الفراك يازينب ...كافي الفراك
........................................
والله كل يوم اليمر اذكر مصابج
واحلم اوصل مرقدج وابجي عله بابج
تخيل انه كربله وحركت اخيامج
محد بكل البشر يوصل عذابج
يمته اوصل مرقدج ...سهليلي زيارتج
كافي الفراك يازينب ..كافي الفراك
........................................
تألف خادمه زينب ع
ام حسين المسعراوي من العماره نسألكم الدعاء
اللهم ارزقنا زيارة مولاتي زينب ع
الفاتحه الى روح الحجيه والدتي كريمه بنت خاتون
/channel/omhusseinAlmasarawy
قصيده فزاعيه المولاتي زينب عليه السلام
.... .....................................
زينب احسن النسوان
واهل الزود اهاليه
.............................................
امه فاطمه الزهره
من بيت النبي العتره
ابوها الكافر ايبتره
راحت سبي تاليها
........................
اخت عباس المشكر
هذا الحير العسكر
خلاهم جثث تفتر
نعم لولي واليها
...........................
ماطاحت عبايته
من حركوها خيمته
فوك الوجه خلته
محد يكد اعليه
.........................
زينب تربيه حيدر
فنهم يوصلو العسكر
هيه الحامت الخدر
فن واحد يصل ليه
............................
اطلبي يانخيتيه
وبلحاجه نديتيه
وبلعباس حلفيه
ولله ليوم تكضيه
........................
متقصر ابد وياج
الي لاطمه بيمناج
تكلج هله ويا حياج
تطي الحاجه بيديه
................................
تأليف خادمة زينب عليه السلام
ام حسين المسعراوي من العماره لايجوز حذف الاسم نسالكم الدعاء
الفاتحه الى روح الحجيه والدتي كريمه بنت خاتون
/channel/omhusseinAlmasarawy
قصيده السيده زينب عليها السلام
على لحن قصيده مرتضى حرب ياهلنه
عيني علباب وناطر بلكلي ابوفاضل يجيني
والله مشتاكه اشوفه وبيده يغمضلي عيني
اريده وي ويلدفنون...ويهل عليه العيون
ياعباس ياخوي
...................................
من امس عيني علبيبان مشبوحه
كلبي من لأم تنزف تره جروحه
منتضره ابو فاضل يجي عليه
ويرتاح الكلب ويهود شويه
يغمضلي عيوني ويسبل اديه
ردته نعشي يشيله...ويصيح ياخيتي عليه
اريده وي اليدفنون ويهل عليه العيون
............................................
لاخت محتاجه خوان اليشيعوها
بساعات المنيه هم يحضروها
خويه متانيتكم يابعد كلبي
سنه عشت بهضيمه وماشفت دربي
ياابو فاضل يخويه عليك انه عتبي
خويه اتمنه تجوني...هم تهيلو تراب لحدي
اريده
........................................
اريدنك يخويه نعشي اتشيله
ياعباس وتراب الكبر هيله
اريد ك تنشر البيرغ على نعشي
واريدنك وره تابوت هم تمشي
تصيح عليه زينب خويه وتبجي
خويه ارتاح من اسمعك لو صحت بسمي يازينب
اريدك وي اليدفنون عليه يهل العيون
......... ....................................
تدروني غريبه ومالي والي
ومن رحتو تراني الضيم ياحالي
كلساعه انتضر وعيوني علباب
وكلولن هسه ايدكونه الحباب
اشوف البيت خالي مغطه بتراب
ابجي كلساعه بذكركم...ردت اشوفنكم يخوتي
اريده وي اليدفنون...ويهيل عليه العيون
...........................................
ياعباس مشتاكه اشوفنكم
انتو عيوني خويه وشمعزتكم
اتذكر يخويه كعدتي وياكم
وصارت دنيتي ضلمه بلاياكم
مشتاكه واريد اليوم ملاكاكم
خويه مشاكه الحجيكم....وذيج كعداتكم ويانه
اريده وي اليدفنون...ويهيل عليه العيون
.........................................
بقلم خادمة المنبر الحسيني المله ام حسين المسعراوي من العماره نسألكم الدعاء الفاتحه الى روح الحجيه والدتي كريمه بنت خاتون
/channel/omhusseinAlmasarawy
لحن قصيده بصوتي الشاعره ولمله ام حسين المسعراوي
Читать полностью…