-
خدمة اهل البيت (ع)
قصيده طلب حاجه من مولاتي
السيده رقيه ع
........................................
منج يارقيه طالبه مراد
ابوج احسين يامكصد الوفاد
........................................
اريدن طلبتي منج بهليوم
مشيه عليج ابوفاضل الجيدوم
وننخاج بكلب مهموم هليوم
بجاه الغربت بدروب البعاد
......................................
احلفج يارقيه بزينب الحره
مشيه عليج وجدتج الزهره
اريدن حاجتي منج يلزغيره
تكضيه رقيه بنت الحسين
.....................................
لاتفشليني وانه الزامطت بيج
اريدن حاجتي تكضيه بديج
دعائج مستجاب الله مخليج
احلفنه برقيه رب العباد
..........................................
اتريد اليوم منج والله ذريه
احلفج بلحسين اطيه يرقيه
واريدن تفتحي قسمه البنيه
بديه يارقيه سلمي المراد
......................................
خادمتج انه واليوم اندبنج
اريدن حاجتي هليوم من يمج
اصيح بصوت مولاتي واندبنج
خادمتج انه تنطين المراد
بقلم خادمة المنبر الحسيني ام حسين المسعراوي من العماره نسألكم الدعاء
/channel/omhusseinAlmasarawy
نعي السيده رقيه عليه السلام
فراكج ياعمه عذباني
اعاين على مجانج ألاماني
قاسي عليه يازماني
كلبي انكطع وصيح عمه ياعمه
....................................
اكعد بنص ليل اذكرج
واكول عمه اطاج كلبج
خليتي،عيني عله دربج
بلكت تجي تهود ونيني...اه يابن امي
...................................
بلكت تجين شوي احضنج
مشتاكه ياعمه احبج
متعلمه كلساعه اشبكج
من ريحه الغالي دردي..ياعمه
......................................
محتاره يوم لاربعين
شلون لو ينشدني حسين
يكلي بناتي وين ماوين
محتار كلبي شلون بيه....ياخويه
...................................
ياناس محتاره انه حيره
جم وحده راحت هم زغيره
دفنت كل وحده بديره
مالوم كلبي من المصايب..علي بويه
......................................
مالوم كلبي وصار عطاب
كلساع ادفن من الحباب
وكبورهم ضلت بلاباب
شعتب بعد كفيت العتاب...يابن امي
................................
كفيت العتب خويه وكعدبت
بيه يخال ابني سويت
من ديرة الديره فتريت
انه الكطع كلبي الفراك...ياخويه
.................................
ياخويه فاركت البنات
وجو الرمل نامن الحلوات
الجانن كبل مدلاات
ردن ياعمه اليوم ليه...ياعمه
..................................
خويه رقيه لامتني
كلساع عنك ناشدتني
ماتت على راسك موتتني
نار البكلبي خوبه تلهب...يابن امي
.............................................................
بقلم خادمة المنبر الحسيني ام حسين المسعراوي نسألكم الدعاء
/channel/omhusseinAlmasarawy
قصيدة لابن الامام الحسين عليه السلام
علي الاكبر ع على طور ياعباس حركو خيمنه مله باسم
......................................
يالاكبر امك تناديك....يالاكبر مدري شجره عليك
............................................
اصيح بصوت يالاكبر يايمه دخيل حاجيني
افكدك ياعزيز الروح وانته سلوى البعيني
ردتك للدهر والعوز ودوم تعوض اسنيني
يالاكبر...شنهو الماذيك
يالاكبر..امك تناديك
..........................................
تمنيت انه ميته اليوم ولااشوفنك موذر
اصيح عليك بلحومه يمه ياعلي الاكبر
مادري خذاك البين مني والدهر الاغبر
يالاكبر....اسم الله عليك
يالاكبر....أمك تناديك
.........................................
مثل طير الحمام انته روحي عليك لهفانه
عساني الكربله لاجيت وشوفن ذبحته هنانه
يالاكبر والدمع يجري وروحي عليك وجعانه
يالاكبر....امك تحاجيك
يالاكبر...امك تناديك
...........................................
بفراكك انه مكدر يايمه مانمت ليلي
شلون اصبر على ايامي شلون اصبر على سنيني
اشوفن صورتك يمي اوماتكدر تحاجيني
يالاكبر..راحت لياليك
يالاكبر امك تناديك
.................................
احن الشوفتك كلساع يبني ويانضر عيني
اعاين على الشباب ابجي كلت بلكت تلاكيني
فراكك ياعلي يمه زود همي وونيني
يالاكبر...يمته الاكيك
يالاكبر امك تناديك
......................................
تأليف خادمة زينب عليه السلام
أم حسين من العماره لايجوز حذف الاسم
نسألكم الدعاء
/channel/omhusseinAlmasarawy
قصيده ثكيله لاربعين لسان حال مولاتي زينب عليه السلام
ماطابن جروحي يوم الفاركوني
طول العمر انحب اضل على دللوني
......................................
ماطابن جروحي ولكلب مهموم
اتمنى شوفتهم اخوتي بهل اليوم
وعلى الكبر انعه نعوه المهضوم
شهرين ياهناس عمين عيوني
.....................................
افتحلي كبرك كوم اختك وجيتك
من اليسر وضيم خويه اعتنيتك
شو بلكبر يا خوي نايم لكيتك
كعدو يبعد اهلي او تلكوني
......................................
عفت البنات هناك ودفنتهن
عذرني خويه حسين ماجايبتهن
كل وحده بديره خويه عفتهن
من ضرب وضيم تعبن امتوني
........................................
جيتك يابعد اختك ياحال حالي
انحب واصيح بصوت ماعندي والي
عشت بهضم وبخوف ذيج ليالي
من ابجي خويه عليك مايخلوني
........................................
مرت عليه ايام ياخويه صعبه
وليسر هد الحيل ياكلف دربه
بس العليل وياي وشحال كلبه
تدري بخرابه عداك ياخوي كعدوني
. ..........................................
بقلم خادمة المنبر الحسيني ام حسين المسعراوي نسألكم الدعاء
الفاتحه الى روح الحجيه والدتي كريمه بنت خاتون والدي كاظم نعيم موسم
/channel/omhusseinAlmasarawy
مقطع صوتي من الشاعرة ام حسين المسعراي
Читать полностью…
قصيده الى مولاتي زينب عليه السلام
عندما فقدت اخوتها
...............................................
وين الفاكده الخوان.....وين الضايكه لوعه
هاي ام الحزن زينب....بل الخوان مفجوعه
................................................
تعالن يمي واسني ..على الخوان عازني
انه ام الحزن والضيم...شلون الدهر عذبني
خلاني غريبه هناه...ماادري الوكت خوان
......................................................
وين الفاكده الخوان....تجر وياي فد ونه
لاهو اخوواحد....وغسلنه واجفننه
اشو كلهم كضو اليوم.... او ماعندي بعد عوان
.................................................
لوراح الاخو ياناس...منهو الينغر عليه
رتك خويه هيبه تضل....وتعود الفرح ليه
مادري خذاك البين.... بكيت الو حدك حيران
..............................................
بعد انه بعد شحجي....اومن عندي الجبد عايب
اخوي اومرمي على التربان....شفته ابوصط الحرايب
عمت عيني الاسهم ماذيه....وخلوه الدمه جروان
...................................................
زينب نادت بلوعه...وين الي تواسيني
راحو مني الخوان....وراح الضوه البعيني
انه الضايكه الوعه....وانه الفاكده الخوان
.......................................................
تأليف خادمة زينب عليه السلام
أم حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
قصيده مربعه تنقري للمغارك اعزاز يوم العيد
يوم العيد اريد انصب عزيه
على الراحو ولا نشدو عليه
.................................
يوم العيد اريد ابجي عليهم
وتذكر الكعدات وحجيهم
هنياله اليروح اليوم ليهم
على بلوه الدهر انه شبديه
...................................
هذا العيد اجه ومفاركه احباب
كلساع التفت عيني عالباب
بلكت لن يردولي الغياب
صحت يهل المحنه ردو ليه
..................................
صحت ياهل المحنه وين ماوين
الشوفتكم تره مشتاكه العين
هنياله الوصل للمكبره الحين
ويشوف العزيز بهل المسيه
....................................
يم كبر الولي ارد اكعد وابجي
وكللك تره ماعندي متجي
هموم هواي عندي منين بويه احجي
ماتدري يبويه الصار بيه
...................................
انه خلافك ذليله وحال حالي
من يوم الرحت رايح دلاالي
صعبه عالمره الماعده والي
ماضنك بعد ترجع عليه
................................
بقلم خادمه المنبر الحسيني ام حسين المسعراوي لايجوز حذف لاسم نسألكم الدعاء اهدي هذا العمل إلى والدتي المرحومه حجيه كريمه بنت خاتون الفاتحه
/channel/omhusseinAlmasarawy
نعي لامام علي عليه السلام لسان حال مولاتي زينب عليه السلام وكل من فقدت اب
ونيتلك ونات ونات
يوم الرحت بويه الكلب مات
مرت عليه ايام صعبات
مالومه من ضيم روحي
................................
مالومه وجرع مصايب
ومن الفراك الكلب ذايب
المن بعد يابويه اعاتب
بطلنه عتبنه علي بويه
..............................
شنعاتب بعد بطلنه العتاب
اعتب عليمن والولي غاب
ضليت اون ودمع سجاب
ياضيم العليه محد يحمله
................................
ضيم العليه هواي بهواي
ومر عله ريجي صابح الماي
على فراكم هلذايب اجلاي
ارجع تره كلبي تعذب
.................................
ارجع وخل نكعد سويه
وحجيلك الضيم العليه
تراني تايه ومامش تجيه
عميانه من البجي عيوني
..................................
عيني عمت ورايدتكم
وضلت مشبوحه الدربكم
بالباب بوبه مناطرتكم
مهضومه وادور عين والي
.....................................
بقلم خادمة المنبر الحسيني الشاعره والمله ام حسين المسعراوي من العماره لايجوز حذف الأسم نسالكم الدعاء الفاتحه الى الروح الحجيه والدتي كريمه بنت خاتون
/channel/omhusseinAlmasarawy
قصيده تنقري بعده اطوار
الى سيدي ومولاي امير المؤمنين عليه السلام
اصيح بصوت وين تريد عنه..ياكافل حملنه
بقينه احنه يتامه منهو النه....ياكافل حملنه
...............................
اصيح بصوت بويه عليك وانحب
ليش تعوفني تدريني اعتب
عليك اصرخ يابويه اليوم واندب
وسفه هنذل فرق شملنه..ياكافل حملنه
................................
بويه لودريت الصار بيه
من شال النعش عيني جريه
هلدنيه ضلمت بويه عليه
وراح وراحت وياه المحنه..ياكافل حملنه
..............................
ضلت هل ارامل والمساكين
تصيح بصوت رايح وين ابو حسين
عليك الكلب بويه صار نصين
ولاواحد بعد ضل من اهلنه..ياكافل حملنه
...............................
ابن ملجم كسرني بويه كسره
خلااني اون واجذب الحسره
كلبي عليك بوبه خلص صبره
نصيح عليك ياعزنه وضمدنه...ياكافل حملنه
................................
عليك الروح متحيره يوالي
من يوم رحت ياحال حالي
راح وياك ياابويه دلاالي
منهو اليم عكبك شملنه...ياكافل حملنه
................................
بقلم خادمة المنبر الحسيني الشاعره والمله ام حسين المسعراوي من العماره نسالكم الدعاء لايجوز حذف لاسم الفاتحه الى روح الحجيه والدتي كريمه بنت خاتون
/channel/omhusseinAlmasarawy
قصيده فزاعيه طلب حاجه من أمير المؤمنين عليه السلام
....................................
من صار زماط حيدر زامطت بيه
ابو الحسنين اذبن حملي عليه
.....................................
ازامط بيه بكل شده تمر بيه
واجيبه اسمه انه لوعالو عليه
هذا الحيد يمبجي الصخرجيه
ايسمونه كاضيه العتبه
.................................
ماعندي علي غيرك وسيله
اريد انخاك ولمدمع اسيله
نضره ياعلي منك اليله
ازامط بيه اليسوه زماطي
..............................
اريد انخاه وبلعباس احلفنه
عندي اليوم حاجه وارد اندبنه
ميرجعني ابو زينب اعرفنه
بس انخاه يكضي الحاجه
.................................
احضرت المجلسك هليله ونخاك
ازامط بيك ماتنسانه حاشاك
ياحيدر علي كلحنه بحماك
يحامينه لو طحنه بشده
................................
بزهره احلفك يابو حسين
اريد الحاجتي من بهل الحين
مشيه عليك ذاك الكطع جفين
تكضيه يلكلك غيره
...................................
تأليف خادمة زينب عليه السلام الشاعره أم حسين المسعراوي لايجوز حذف الاسم نسألكم
/channel/omhusseinAlmasarawy
قصيده فزاعيه الضربه لامام علي عليه السلام
شحال زينب يوم شافت طبرته
مضروب ويسيل الدمه من هامته
..........................................
شحال كلبج يوم شفتي اصوابه
تصيح منهو الصوبك،يايابه
كامت تون ودموعه سجابه
من دمه وجه مخضب شافته
.......................................
اليوم زينب حايره ومهضومه
دكله بويه طبرتك مسمومه
بدم اجاها مسبحات اهدومه
تلكته وبردانه الدم مسحته
.................................
اليوم زينب ولكلب منه نفجع
وعيونه مابطلت من الدمع
دكول ماودعته ابويه ومن طلع
تاليه مصوب وجاني بهامته
......................................
يساعدج لله يازينب على الجره
شلون شفتي هامته امطبره
نار كلبج على ابو موجره
سمعيته يتالم ويجر بحسرته
....................................
دكول زينب على لابو عينوني
اليوم جرح الوالي طفه عيوني
يم الولي ياخويه بس ودوني
طايح عمود البيت بضربه هامته
..........................................
بقلم خادمة المنبر الحسيني الشاعره والمله ام حسين المسعراوي لايجوز حذف الأسم نسالكم الدعاء الفاتحه على روح الشاب علي ابن محمد
وروح المرحومه الحجيه الوالده كريمه بنت حسن بنت خاتون
/channel/omhusseinAlmasarawy
قصيده الى سيدي ومولاي ابو الحسن علي ابن ابي طالب عليه السلام
.................................................
اليله تبجي فاطمه...تصرخ الحامي الحمه
ياحبيبي ياعلي
.................................................
اليله تبجي وتبجي وياها السمه
فاطمه بضعه محمد تصيح حماي الحمه
الضربه البراسك ياحيدر الكلبي والله تألمه
شلون ابن ملجم تجرأ وفيض الراس بدمه
رجت اركان السمه.....تصرخ الحامي الحمه ياحبيبي ياعلي
..................................................
تبجي وتصرخ تنادي ياحبيبي ياعلي
شلون يجسر يضربك وانته ياحيدر ولي
عليك كلبي صاح حيدر والله وعيوني تهلي
انته كل واحد يندبك همه والله ينجلي
الدمعه تجري من دمه....تصرخ الحامي الحمه ياحبيبي ياعلي
............................................
ارد اذكرنك ياحيدر والله من جنه سوه
انته اتكلي يافاطم وانه اكللك يالهوى
والله من عصروني أنته صرت للجروحي دوه
اتكلي لاتبجين اسكتي انه شيال الوه
تبجي اليله السمه....تصرخ الحامي الحمه ياحبيبي ياعلي
.............................................
ياعلي زينب تريدك لاتخليه وتجي
خاف تعتب ياوليه تكول عافوني هلي
شلون من يجبل عليه العيد ماعده ولي
تصيح يايمه يازهره تصيح يابويه علي
تصيح كلبي تألمه....تصرخ الحامي الحمه ياحبيبي ياعلي
............................................
ياعلي زينب تنضرك ودموع مهامله
شلون بيه ياصميده من تروح الكربله
ياهو اليحامي خدره منهو اليشيل الوه
يكله موجود ابوفاضل هذا سبع الكنطره
ادري بيج مألمه...تصرخ الحامي الحمه ياحبيبي ياعلي
.................................................
تأليف خادمه زينب ع ام حسين المسعراوي من العماره لايجوز حذف الاسم نسالكم الدعاء يازهراء ع 😭😭😭 الفاتحه الى الشاب علي ابن محمد
والمرحومه الحجيه كريمه بنت خاتون
/channel/omhusseinAlmasarawy
قصيده فزاعيه لسان حال مولاتي زينب عليه السلام عندما دفنو امير المؤمنين عليه السلام
بهيده وي ابوكم من تغسلونه
تره صوابه كلف خافن تلجمونه
..................................
اوصيكم يخوتي من تغسلونه
بهيده الماي لورتو تصبونه
وصواب البراسه لاتأذونه
على المغسل بهيده من تخلونه
.................................
كولوه تره زينب بقت تنحب
وكولوله عليه الكلب هل عطب
عميانه عليه العين المعتب
شلون وبلكبر خويه تنزلونه
.................................
يابو رقيه بهيده من تدفنونه
على راسه الجفن لالا تلفونه
اخافن جرح البراسه تلجمونه
وبهداي التراب عليه تهيلونه
.................................
وين اليون ويلطم وياي
راح الزين مني وطفه عيناي
فراكك حيل هدني وذوب حشاي
الف وسفه ابوي يغمض عيونه
..................................
الف وسفه يبويه تشيل من يمنه
وبتراب النجف تنام ياعزنه
ياجرح البراسك حيل جارحنه
يبجون اليتامه اليوم يردونه
..................................
بقلم خادمة المنبر الحسيني الشاعره والمله ام حسين المسعراوي من العماره نسالكم الدعاء لايجوز حذف لاسم الفاتحه الى الشاب علي ابن محمد إلى المرحومه الحجيه كريمه بنت خاتون
/channel/omhusseinAlmasarawy
نعي لسان حال مولاتي زينب عليه السلام تنعى ابيها
................................
عزيز لابو وحمل وشال
وضليت اون ودمع همال
راح الولي وعاف لاعيال
..............................
ريت الفجر لايطلع اليوم
كلبي عله ابوي محمل هموم
اباوع الراسه يجري دموم
...................................
اثاري الابو كلش حنين
وداه زماني وين ماوين
راح الذي يكلي شتريدين
.................................
يبجون اخوتي بعتبت الباب
ودموعهم طاحت بل العتاب
ايصيحون ابونه حمل وغاب
...................................
ونيت ونه بأثر ونه
على ابوي الحنين الراح منه
شيعودهم راحو اهلنه
........................... ..
عكب لابو نصبح ذليلين
بل بيت شلنه وراح الاحنين
عليك بويه العمي العين
...............................
تأليف خادمة زينب عليه السلام أم حسين المسعراوي من العماره لايجوز حذف الاسم نسألكم الدعاء الفاتحه الى المرحومه الحجيه كريمه بنت خاتون والشاب علي ابن محمد
/channel/omhusseinAlmasarawy
مقطع صوتي من الشاعرة ام حُسين المسعراي
Читать полностью…
قصيده فزاعيه الى السيده رقيه عليه السلام
اون عليج يابت العزوبيه
وسمج بل شدد ينجاب طاريه
.....................................
اون عليج يل جدج شطر مرحب
وعمج بل الحرب معروف ومجرب
للطملج يامولاتي فلا اتعب
مصابج حيل اذاني ياعلويه
... ................................
مصابج حيل اذاني وهدم حيلي
عليج اليوم اون وذايب ادليلي
بت حسين تستاهل دمع هيلي
بكل شده تمر انصيح يارقيه
.....................................
انتي بل حوائج دوم معروفه
احلفج بل كفيل الكطعو جفوفه
وحلفج بل مشت الشام مجتوفه
يامولاتي مدي ايدج عليه
........................................
ياكضايه الحاجه اليوم اندبنج
مهمومه وأريد مراد من يمج
متردين كل نخوه مثل عمج
وانتي ام الكرم وام العزوبيه
....................................
اليوم اذكر مصباج وعمي عيوني
ادك صدري عليج والطم امتوني
شلون انسه التراجي وصحتي اذون
عليج العين هذا اليوم معميه
.... ...........................
بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف
/channel/omhusseinAlmasarawy
قصيده الى عزيزه قلب الحسين عليه السلام السيده رقيه عليه السلام
..................................
لاتسموني سبيه..ولا تصيحيو الخارجيه
انه بت سيد البشر..وجدي حارب هلكفر
صيحو بسمي يارقيه
.................................
لاتسموني سبيه وانه اصلي هاشمي
ولاتسلبون التراجي شفتو ماعندي ولي
لو دره العباس عمي جان يفنيكم فني
شحده اليكرب ثنيتي شحده اليوصل ألي
عمي وينك ماتجيهم..اوكف وسكت حجيهم
انه اصلي هاشميه..لاتسموني سبيه
..................................
انه بنت حسين انه وعمي صكار الزلم
ولله لويدورن بيه الشام كله تنهجم
شيل عني الصوط وابعد بيكم انه مااهم
لاتسموني سبيه وانه اهلي اهل الشيم
انه اهلي اهل الكرامه..توارثوها هل لامامه
بله لاتزمخ عليه..ولاتسميني سبيه
.................................
وين ابوي اليوم اريده ستوني شفته بلحلم
كتله يابويه اخذني كلبي مايحمل محن
لزم اذني اومن لزمني حيل حسيت بألم
وين يابويه التراجي كتله راحن بلخيم
كتله بويه وياك اخذني..بويه ماصاحولي بسمي
يصيح هاي الخارجيه..تقبل يصيح السبيه
.................................
بويه صاحولي سبيه ليش ماعرفو هلي
كلي بويه حسين كلي أنه موجدي علي
شفت عمتي يضربوها ودمع منه يهلي
مادره العباس عمي ليش مايفزع الي
ليش بصوط ضربونه..بويه همه يعرفونه
كتله لاتربط اديه..ولاتسميني سبيه
..................................
بويه من صاحو سبيه كلبي احسه انفطر
صحت وين اهلي وعمامي خلافهم صار الدهر
اخذونه يابويه يساره وصرنه كلحنه بخطر
الشمس حركت وجهنه ونمشي صرنه عله الجمر
كامو يشتمون بينه..بويه ماتدري نسبينه
صحت انه اسمي رقيه..لاتسموني سبيه
..................................
بقلم خادمة المنبر الحسيني المله ام حسين
المسعراوي من العماره لايجوز حذف
قناة الشاعرة ام حسين المسعراوي
خدمة اهل البيت (ع)
/channel/omhusseinAlmasarawy
قصيده الدخول زينب عليه السلام الى الشام
فزاعيه
شلونج من وصلتي الشام يازينب يامهضومه
اشوفج حايره وروح مالومه
............. . .............................
طبت تنتحب وشلون طبته
اجسوم اخوانه على الغبره عافته
كدام الغرب وتسيل دمعته
على ابن امه تراهي اليوم مهضومه
................................................
تلكوج بطبل ودفوف كدامج
وانتي المانضر واحد تره خيالج
جاوين اخوتج ماواحد الجالج
كلهم على الترب نومه يامضلومه
...........................................
تحشمين الزلم وزلم بل الحومه
وادري بيج على الخوان مالومه
ماعدج والي ضليتي مهمومه
اكعدو ياهلي صحتي من النومه
.........................................
تكول شعطله الكافل اوماجانه
ليش بين غربه الوالي خلاانه
اريد ازلام تدخل خويه ويانه
فدو اكعد تراني اليوم مهضومه
...........................................
محتام الكلب ويريد شوفتكم
وين اليوم كلي خويه غيرتكم
ترضى اليوم بلمجلس عزيزتكم
اريد اليوم فزعتكم من الحومه
.............................................
تأليف خادمة زينب عليه السلام
أم حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
قصيده ثكيله لرجوع مولاتي زينب عليه سلام
باراس لامام الحسين عليه السلام
جبت الراس يابن امي....وجيتك كابعه بهمي
مهضومه وجيتك اه يا خال ابني
ماتكعد تشوف اصياط البمتني
اجيتك كابعه بهمي.
........................
جيتك يالولي وكل حيل مابيه
من هضم الدنيه الجارت عليه
رحت ميسره ياخوي مسبيه
من ضرب الامتن توجعني ايديه
ماتدري شجره عليه....تولوني بني ميه
مهضومه وجيتك اه يا خال ابني
ماتكعد تشوف اصياط البمتني
جيتك كابعه بهمي
...........................
بلمجلس ياخويه عداك طبوني
من كثر الزلم مخطوف يالوني
شفت الراس خويه وهملن عيوني
صحت ياخويه كوم وياي عينوني
صحت وينك يا ابو رقيه....شوف الي جره عليه
مهضومه وجيتك اه يا خال ابني
ماتكعد تشوف اصياط البمتني
جيتك كابعه بهمي
.........................
هنا يانازلين هنا وين الكبر دلوني
جيت وامن بعيد انحب اشوفن كره عيوني
اريد اللطم اريد الطم بس توجعني امتوني
يم الكبر ارد انعه بلكلت لن يسمعوني
فك باب الكبر ليه...جيتك خوي مسبيه
مهضومه وجيتك اه يا خال ابني
ماتكعد تشوف اصياط البمتني
جيتك كابعه بهمي
...........................
فك باب الكبر يا خوي خليني اشمنك
مشتاكه الك هليوم مشتاكه احبنك
تمنيت اندفن وياك ياخويه واضل يمك
فراكك يالولي جتال كلي شلون اعوفنك
ماكدر على فراكاك....افرح لوشفت ملكاك
مهضومه وجيتك اه يا خال ابني
ماتكعد تشوف اصياط البمتني
جيتك كابعه بهمي
..........................
بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف لاسم
الفاتحه الى روح الحجيه والدتي كريمه بنت خاتون والدي كاظم نعيم موسم
/channel/omhusseinAlmasarawy
قصيده الى مولاتي زينب عليه السلام يوم فقدت اخوتها
جنت اسمع كبل من تحجي الناس
تره فراك الاخو ايشيب الراس
............................................
ربينه من الزغر يابن أمي خوان
بيت امنه وابونه الكلهم احنان
يضل كلبي عليك اليوم لهفان
طاح البيت كله خويه ولاساس
..............................................
عمت عين الوكت فرك شملنه
شمحله الكعده وياكم ياهلنه
ولله فراكهم جود وكتلنه
ماتدرون بينه بين ارجاس
........................................
حلوين اخوتي لمن يكعدون
على الكلفات وذله ينشدون
اصيح بصوت خويه وماتردون
طاحت هيبيتي من طاح عباس
.............................................
اثاري فركه الخوان تكتل
ولله خلافكم كلبي شبع ذل
اشوفك بلكبر ياخويه محمل
تدرون الاخو هيبه ونوماس
...........................................
وين ألي يحن ويكول اخيتي
ويصيح عليه لاتبجين اسكتي
ياعمت الولد ادري نهضمتي
ردو ياخوتي ياشيله الراس
...........................................
تأليف خادمة زينب عليه السلام
ام حسين من العماره المسعراوي لايجوز حذف الاسم نسالكم الدعاء الفاتحه الى روح الحجيه والدتي كريمه بنت خاتون
/channel/omhusseinAlmasarawy
قصيده تنقري بعده اطوار مربع فزاعي ليله العاشر وداع زينب ولحسين عليهم السلام
اليوم اخر وداع وياك يحسين
كلبي عليك خويه انكسم نصين
.... ............................
اليوم اخر وداع وياك يبن امي
من تروح تدري ابقه ابهمي
تدري خلافكم محد تره يحمي
باجر على الرمل كلكم مطاعين
................................
خويه الخوه كلي شلون افله
ولله وداعتك ماهي محله
عليك دموع عيني بس اهله
ماحمل غيابك ياضوه العين
...................................
تعال وياي اكعد يابعد روحي
باجر من تروح تهيج جروحي
اضل طول العمر مابطل بنوحي
عليك الكلب بس يجذب بلونين
...................................
ياخويه اليوم طول ليل اسهر
اضل وياك خويه عليك وانضر
يكله ليله انه اعليج انطر
باجر عكبي زينب وين ترحين
.................................
شبكه وكام دمعه عله والوجن سال
يازينب خويه ثاري الدهر ميال
باجر بلايسر تمشين ياحال
وانه منذبح وانتي تنضرين
....................................
بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف لاسم
/channel/omhusseinAlmasarawy
الفاتحه الى روح الحجيه والدتي كريمه بنت خاتون
قصيده تنقري بعده اطوار وصيه لامام علي عليه السلام الى ابا الفضل العباس عليه السلام
ياعباس اوصيك بوصيه،
ايدك بيد زينب للمنيه،
.............................
اخيتك ياابو فاضل عينك عليه
امانه بركبتك زينب تخليه
من بعدي يابويه انته التباريه
تضل اله السند بويه وتجيه
....................................
من بعدي تره تتحمل هموم
عليه يضل كلبه بويه مالوم
اريدنك تداريه ياجيدوم
تضل مهضومه يابويه عليه
....................... ...........
ايدك بيد زينب بويه خليه
وانته الكربله بيدك توديه
طول الدرب يوليدي تماشيه
لاتنسه يابويه هاي الوصيه
....................................
يبويه زينب اختي لاتوصيني
ولله اطيه روحي بويه وعيني
امي علمتني الوفه تدريني
ماعوفنه لو كطعت ايديه
..................................
صاحب غيره ياعباس اعرفنك
يانعم لاخو ولله كفو منك
اردي بكربله تفديله جفك
ام الربتك ولله وفيه
....................................
بقلم خادمة المنبر الحسيني الشاعره والمله ام حسين المسعراوي من العماره لايجوز حذف الأسم نسالكم الدعاء الفاتحه الى الروح الحجيه والدتي كريمه بنت خاتون
/channel/omhusseinAlmasarawy
الى مولاي أبا الحسن علي ابن ابي طالب عليه السلام قصيده فزاعيه
..............................................
نصبت فاتحه زينب دمشنه نعازيه
على ابوها البطل كل حيل مابيه
............................................
مشنه انروح كلنه البت علي اليله
يستاهل ابو زينب تلطميله
كومي وياي والميدان وسعيله
يازينب ياوليها...نصبت فاتحه زينب
.........................................
مشنه انروح لليستاهل الونه
هذا الحيد ابو الحسنين المجنه
بكل شده ابو زينب تندبنه
تون وحيل مابيه...نصبت فاتحه زينب
............................................
اريد احجي عليه اليوم ممنونه
هذا البلحرب تشهدله افنونه
أبو العباس يالكلكم تعرفونه
وام حسين عازيه...نصبت فاتحه زينب
.................................................
مشنه انروح نبجي ونلطم وياها
راح اليوم كافلها ويرجواها
تره فراك الابو ياناس اذاها
راح الينشد عليه.....نصبت فاتحه زينب دمشنه نعازيه
............................................
تأليف خادمه زينب ع ام حسين المسعراوي من العماره لايجوز حذف الاسم نسالكم الدعاء ياعلي مدد🏴🏴🏴🏴🏴🏴🏴🏴 الفاتحه على روح والدتي الحجيه كريمه بنت خاتون
/channel/omhusseinAlmasarawy
قصيده ثكيله الى سيدي ومولاي امير المؤمنين عليه السلام على لحن باسم الكربلائي مرت سنه أو نص
..................................
وصيتي يابويه هاي سمعوها
بعيونكم زينب تخلوها
انته ياعباس الي تكفله
ماريد احد بويه يهضمه
....................................
زينب زينب
هاي العزيزه واغله من روحي
بويه بويه
بس تنجرح تلجم تره جروحي
تدمع عيني
من تكلي بويه عليك كل نوحي
عباس بويه
زينب امانه يابعد روحي
ماريد احد يزمخ عليه
مخدره حيدر مسميه
انته ياعباس الي تكفله
ماريد احد بويه يهضمه
.................................
بويه وصيتي
من تبجي زينب لاتلخلوها
ادري ادري
بويه بطبرتي حيل اذوها
شتنسه شتذكر
عصرت الزهره البيه فجعوها
هضمه بهضمه
مرت عليه بويه لوعوها
شلون الوكت يابويه عذبه
فراك العزاز هوايه ألمه
انته ياعباس الي تكفله
ماريد احد بويه يهضمه
...............................
بويه عباس
اطيني جفك خل اكلفنك
زينب عندك
هاي العزيزه اريده منك
ادري ادري
ماتخلف وام البنين امك
اعذر اعذر
لوطاح بويه بكربله جفك
معذور لوطك السهم عينك
وزينب تدور بويه جفينك
انته ياعباس الي تكفله
ماريد احد بويه يهضمه
.............................
بويه زينب
ماريد اشوف الدمعه بعيونج
ادري فراكي
كلش صعب يابويه مالومج
صبري صبري
بطف كربله لو طكو متونج
صيحي بويه
لو شالو السوط ويضربونج
وحسين كدامج يضربونه
فوك الرمح راسه يخلونه
انته ياعباس الي تكفله
ماريداحد بويه يهضمه
................................
تأليف خادمة زينب عليه السلام الشاعره أم حسين المسعراوي اهدي هذا العمل إلى روح والدتي الحجيه كريمه بنت خاتون الفاتحه
/channel/omhusseinAlmasarawy
قصيده فزاعيه الى مولاي أبا الحسن علي ابن ابي طالب عليه السلام
................................................
اندهولي ابوزينب موش اله النومه
خل يكعد يهد ويمسح ادمومه
. ........................................
صكار الزلم واليوم يردونه
وتخاف العده من خزرت عيونه
ممنونه البو الحسنين ممنونه
🏴غرب واليه زينب تندب 🏴
.......................................
اكعد ياعلي سيفك يبجيني
كوم انهض يابوي اوشيله ياعيني
انه احاجيك يابويه دحاجيني
🏴يبجي عليه السيف يريده 🏴
....................................
ياليث الحرب اكعد من النومه
شلون تعوف زينب بويه مهمومه
بويه ام البنين عليك مالومه
🏴يالوالي وشلون تغرب 🏴
...............................
شلون تنام عينك بويه يالوالي
انه خلافك ذليله الضيم ياحالي
لوميته يابويه وياك اشوالي
🏴هضموني يابويه خلافك 🏴
.......... .........................
اريد انصب عزه وين التكابلني
راح احزام ضهري وراح جد ابني
يامحبات بله عليه عازني
🏴انعازيه بدموع العين 🏴
..................................
تأليف خادمه زينب ع ام حسين المسعراوي من العماره لايجوز حذف الاسم نسالكم الدعاء 🏴🏴🏴🏴🏴🏴
/channel/omhusseinAlmasarawy
قصيده فزاعيه الى لامام علي عليه السلام
اليوم عله الولي نخسفه الصدور
ناره ماطفت بگلوبنه اتفور
♾️♾️♾️♾️
اليوم عله الولي الكلب مجروح
نصيح بصوت يامطبور ونوح
علامات الحزن بوجوهنه تلوح
....حزنانه اليوم الشيعه....
...................... . ...............
اخسفو صدوركم وعموها العيون
يستاهل ابو زينب تلطمون
عليه اليوم مرتج كله الكون
....مضيعينه البيه الغيره...
...................................
ناره بلكلب تسعر ولهابه
ابو الحسنين ولله ماضي صوابه
زينب تنتحب وتصيح يايابه
...ونو وياها لليسوه الون.....
....................................
عليك اليوم تبجي كل لايتام
تدك اصدوره وتلطم على الهام
من عكبك تجيهم سود لايام
...تون عليه اليوم ايتامه...
..................................
نون عليك يستاهل الونه
ابو العباس انته البيك المحنه
وسفه السيف طك راسك يالمجنه
.....يالهيبه شلون يضربك.....
بقلم خادمة المنبر الحسيني ام حسين المسعراوي من العماره نسألكم الدعاء الفاتحه الى روح الشاب المرحوم علي ابن محمد والمرحومه الحجيه الوالده كريمه بنت حسن بنت خاتون
/channel/omhusseinAlmasarawy
قصيده فزاعيه الموساه مولاتي زينب عليه السلام بمصاب ابيها
برقيه تعازي اليوم وزينب نوديه
بمصاب لابو كلنه نواسيه
.................................
برقيه حزن مكتوبه بعبره
مولاتي عليج دموعنه تجره
نواسيج بلطمنه الصاحب الطبره
عمت عيني عليه شال واليه
..................................
أجر ونات زينب ونووياها
يتيمه البين هذا اليوم خلاها
وبفكد لابو عل راس طكاها
بت حيدر علي كلنه نواسيه
.................................
تمنينه بضريحج ننصب المأتم
ندك عله الصدر مولاتي نبجي بدم
على الهامات كلنه بحضرتج نلطم
يازينب مجالسنا اقبيله
..................................
مفجوع الكلب بمصاب ابو الحسنين
بهذا اليوم كل شيعي يصب العين
ممنونين الج يم عون ممنونين
واجب كل محب زينب يعازيه
.................................
لايمه حبايب يبجن وياها
رحل عنه الحنين اليوم خلاها
يفراك لابو ياحيل اذاها
وكومو وياي وزينب دعينبه
..................................
بقلم خادمة المنبر الحسيني الشاعره والمله ام حسين المسعراوي من العماره نسالكم الدعاء لايجوز حذف لاسم اهدي هذا العمل إلى والدتي الحجيه كريمه بنت خاتون الفاتحه
/channel/omhusseinAlmasarawy
نعي لسان الحال مولاتي زينب عليه السلام لفقد ابيها واهلها
ابوذيه
بويه الهضم من بعدك ولااني
لون تشوف احوالي ولااني
حيل مغيره رسومي ولااني
روحي تمرمرت ارجع إليه
..............................
شالو نعشه مني وتربي عيناي
وركضت اتبع اثرهم تربي عيناي
على تابوت ضلت تربي عيناي
صحت خلوني اشيلنه بديه
...............................
بسك ياكلب اصبر وللك هيد
احباب اليوم ماعندك والك هيد
نسوك وغربو عنك ولك هيد
بطل من العتب مامش رجيه
................................
نعي
زينب انه ومحمله هموم
وكلبي عله بويه اليوم مالوم
ولعين ضلت تبحي دموم
بطلنه عتب للضيعونه
................................
اليوم روحي تريد شتريد
تريد اليجيه بليله العيد
وتنزع سواد وتلبس اجديد
مهضوم كلبي من نوايب
................................
اليله عيني تبجي بدموم
وتذكرت الوالي هليوم
كلبي تراهو محمل هموم
مالومه من ضيم روحي
...............................
ياعيد كلي شعندك وجاي
ماكو ابو اتعايد وياي
فراكه كتلني وذوب حشاي
المن بعد اشكي واعاتب
................................
ياحيرتي ياناس حيره
راح لابو الجنت اشتكيله
كسرني الدهر كسره جبيره
ضيم العليه محد يحمله
.................................
مالوم كلبي وضال ينوح
ومحد اجه وطيبلي الجروح
صوب النجف اتمنه انه اروح
بطل العتب راحو يكلبي
..............................
روحي تون وتريد اهله
تريد الذي شالو حمله
راحو بعد وراح امله
بسج يروحي شويه هودي
................................
نعي كرناوي
عيني بجت وتريد الحباب
ومناطرتهم من وره الباب
تبجي وتهل الدمع سجاب
مافاد وياهم العتاب
.............................
مافاد وياهم عتبنه
تبرو اعزاز الكلب منه
بل العيد جيتهم نطرنه
انشوفهم ياهذا املنه
..............................
عميانه من راحو العيون
وبضيمنه جنهم مايدرون
بفراكهم كطعنه المتون
حسبالنا لينه يردون
.............................
بقلم خادمة المنبر الحسيني الشاعره والمله المسعراوي من العماره نسالكم الدعاء لايجوز حذف لاسم اهدي هذا العمل إلى روح والدتي الحجيه كريمه بنت خاتون الفاتحه
/channel/omhusseinAlmasarawy
قصيده ثكيله الى سيدي ومولاي ابالحسن علي عليه السلام على لحن مرتضى حرب بجي عبدلله آذان
يابويه حان لاذان..ماتكعد ياسلطان
اكعد خلي اسمع صوت اذانك
بالمسجد يابويه خالي امجانك
يابويه يابوبه
......................................
اكعد وصلي الفجر
كلبي عليك انفطر
مشتاكه الصوتك بالاذان
وحش بويه مسجدك
ونسمع ونين بامنبرك
علمك يابويه هز لاكوان
ضلت ايتامك تون
محد عليهم يحن
يصيحون وين ألي يجي جان
خالي منبرك ليش....بيش نعوضك بيش
اكعد خلي اسمع صوت اذانك
بالمسجد يابويه خالي مجانك
يابوبه يابويه
......................................
ابصوتك اكعد الصلاه
ورتاح من اسمع شجاه
وليوم ماكو اذان اسمعه
ضليت اون وتحسرت
من فدوه الصوتك صحت
ونزلت عليك بحركه دمعه
شلون احمل فركتك
طول عليه غيبتك
تدري يابوبه الفركه صعبه
ارجع ياضوه العين...غيابك مر ياابو حسين
اكعد خلي أسمع صوت اذانك
بالمسجد يابويه خالي مجانك
يابويه يابويه
..........................................
بويه من يوم الرحت
عيني ابدن ماغفت
ضليت اون ودمع سجاب
كلساع اعاين ونتظر
بلكت تجي عليه وتمر
وتشوف حالي عليك ياحال
من بعدك تمرنه المحن
وغدار يابويه الزمن
وتدري الوكت يابويه ميال
خلافك نبقه أيتام....فراكك بويه جم عام
اكعد خلي اسمع صوت اذانك
بالمسجد يابويه خالي مجانك
يابويه يابويه
...............................................
متعودين احنه عليك
اضمنه يابويه باديك
وهمومنه نسولفه يمك
البيت مضلم من رحت
ودنيا كله تغيرت
من فاض بلمحراب دمك
يابويه ولله فركتك
هدتني ويه امصيبتك
وسوه بيه بويه علمك
علمك هدم الحيل.....بويه مساهره اليل
اكعد خلي اسمع صوت آذانك
بالمسجد يابويه خالي مجانك
يابويه يابويه
......................................
هم اسمع اذانك بعد
وترجعلي ايام السعد
من جنه نكعد انه وياك
كل وكت بويه اشتاكلك
عيني تحن الشوفتك
ضل بيتنه مضلم بلاياك
خالي مجانك يالولي
ونصيح بويه ياعلي
تدرينه كلنه بويه بحماك
رد تريدك الروح.....كلبي عليك مجروح
اكعد خلي اسمع صوت اذانك
بلمسجد يابويه خالي مجانك
يابويه يابويه
........................................
بقلم خادمة المنبر الحسيني الشاعره والمله ام حسين المسعراوي من العماره لايجوز حذف الأسم نسالكم الدعاء الفاتحه الى الروح الحجيه والدتي كريمه بنت خاتون
/channel/omhusseinAlmasarawy
مقطع صوتي من الشاعرة ام حُسين المسعراي
Читать полностью…