-
خدمة اهل البيت (ع)
قصيده ثكيله الى سيدي ومولاي ابا الحسن ع لسان حال مولاتي زينب عليه السلام
ياابو زينب.....ترضى ابقى انه يتيمه
ياابو زينب....والله ياابويه هضيمه
يااعز من روحي انته
لو رحت ترجعلي يمته
ياابو زينب...ياابو زينب...ياابو زينب
...............................
بويه متعوده تمر بيه واشوفك
شلون كلي بترب ياابويه اعوفك
عيني على الباب انتضر شبكه جفوفك
بويه اكعد لاتغمضهن اجفونك
وين رايح...بويه تدري معلمه انه عليك
وين رايح..كبال عيني شلون تسبلهن اديك
يااعز من روحي انته
لو رحت ترجعلي يمته
ياابو زينب...ياابو زينب..ياابو زينب
..............................
تدري اخلافك تضل روحي حزينه
البيت ما يراد عكبك ياوالينه
حتى ايتامك بجت وتصيح وينه
شلون ابو لايتام يمشي ويخلينه
هل يتامه...كله تصرخ ياعلي حامي دخيله
هل يتامه...دكول وسفه راح هليله ولينه
يااعز من روحي انته
ولو رحت ترجعلي يمته
ياابو زينب..ياابو زينب..ياابو زينب..
...............................
دنيا اخلافك يبويه اصبحت ضلمه
وسفه راحت عشرتك وذيجه هلمه
واحنه ضلينه يتامه والله هضمه
ولحسين عليك بوبه زاد همه
صاح بويه...لاتخلينه ياغالي وهم تروح
صاح بويه.... عليك ماتبطل مدامعنه وننوح
يااعز من روحي انته
ولو رحت ترجعلي يمته
ياابو زينب...ياابو زينب..ياابو زينب
..............................
اخ يفراكك ياابويه شلون جتال
والله من يوم رحت تعذب الحال
من عمت عين الدهر شلون ميال
خله حملي اللي عليه باحمل الجبال
مااحمله ....فراكك يعذبني ويعور دليلي
مااحمله.....والله بويه بروحتك مانمت ليلي
يااعز من روحي انته
والو رحت ترجعلي يمته
ياابو زينب..ياابو زينب..ياابو زينب
...............................
بقلم خادمة المنبر الحسيني الشاعره والمله ام حسين المسعراوي من العماره نسالكم الدعاء لايجوز حذف لاسم
/channel/omhusseinAlmasarawy
قصيده لمولولد لامام الحسين عليه السلام
🍬🍬🍬🍬🍬🍬🍬🍬🍬
معيدين اليوم احنه معيدين
لأن هذا اليوم مولود الحسين
🌸🌸🌸🌸🌸🌸🌸
اليوم املاك السمه زف الخبر
ليله فرحان الرسول ومبتشر
طشو الورود وهنو المنتضر
لأن هذا اليوم مولود،الحسين
🌸🌸🌸🌸🌸🍬🍬🍬
نزل جبرائيل ويهز المهد
ولاملاك تنثر عليه الورد
دخل بيت المرتضى اليوم السعد
لان هذا اليوم مولود الحسين
🌸🌸🌸🌸🌸🌸🌸
جناح فطرس رجع من شال الحسين
دنك عليه قبله فوك الحبين
كله فرحانه وتصفك لايدين
لان هذا اليوم مولود الحسين
🌸🌸🌸🌸🌸🌸🌸
ياهلا وميت هلا بسبط الرسول
اليوم فرحانين ونهني البتول
علكلو اشموع بصحن فحل الفحول
لان هذا اليوم مولود الحسين
🍬🍬🍬🍬🍬🍬🍬
معيدين آليوم كلنه مولده
كل سنه نقيم الفرح ونجدده
كله فرحانه الشيعه معيده
لأن هذا اليوم مولود الحسين
🌸🌸🌸🌸🌸🌸🌸
🌸🌸🌸🌸🌸🌸🌸
بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف الاسم
/channel/omhusseinAlmasarawy
سلام عليكم ارجو نشر هذا المقطع في جميع تواصل لاجتماعي لان هاي القصيده كل ماانزله بكروب يكلولي،مولج ولكل يعرف القصيده،ألي
ارجو نشر الفيديو
الى صاحب السجده الطويله موسى بن جعفر ع
....................................
انه الكاظم ضلموني..بلا ذنب سموني
...........................................
انه الكاظم ياشيعه
خلوني بسجن وديعه
ماصارت مثلي فجيعه
عدوان وهم ظلموني
...............................
كالو لن جدك حيدر
وحسين وعودك جعفر
نجرم بيك ونتجسر
ليش بسجن تخلوني
.............................
خلوني بظلمة وحسره
والسم بجبدي ويسره
محد من اهلي ويدره
وبلاذنب هضموني
.........................
.سنين ومسجون بغربه
واهله اينضرون الدربه
وعينه من المظلم تربه
بلكي الهلي يرجعوني
...........................
صحت بصوتي ويعيوني
وين الشيعه ايعينوني
أنه منين اتعرفوني
حيدر جدي تعرفوني
............................
تأليف خادمه زينب ع ام حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
صباح حزين لمصابك سيدي ومولاي ياباب الحوائج
عظم الله اجركم واحسن عزائكم 😢💔🏴
قصيده فزاعيه لسيدي ومولاي موسى ابن جعفر عليه السلام
طلعو ياشيعه للعزه
اليوم يوم الكاضم
....................................
تذكروها مصيبته
اه يا الغريب وقصته
مسجون سمو جبدته
يبقه عزانا دائم
........................
طلعو ودكو عالصدر
للميت بسم الغدر
ذبو مكيد علجسر
رفعو عليه علايم
.........................
لبسو سواد واحزنو
لمصابه كومو تحزمو
احضرو المجالس ولطمو
كل شيعي كلبه هايم
...............................
كلوبنه متألمه
ونعازي حماي الحمه
بدموع نبجي من دمه
نقدم عزه للقائم
...........................
وين ألي يحضر مجلسه
ويبجي ويون الغربته
عالجسر شمرو جثته
شلون سمه الضالم
..........................
بقلم خادمة المنبر الحسيني ام حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
قصيده مربعه مولاتي زينب ع تعازي مولاتي معصومه ع
اجت زينب تعازي اليوم معصومه
تكله مصابنه واحد يامهضومه
.........................................
ياعمه اجيتج ولكلب مهموم
خلينه نتكابل نبجي علمسموم
على الوليان عمه حيلنه مهدوم
ادري عله لأبو ضليتي مالومه
........................................
ياعمه يازينب ردت اشوفنه
وبحضني اخليه واودعنه
وروح وياه بالدفنه ودفننه
كضبت السنين عليه مهمومه
.....................................
الوداع اه يالوداع يذوم الروح
هيجتي يعمه عليه الجروح
لهسه وداع اخوتي بالي ميروح
تره الوداع يكتل عمه معصومه
..........................................
يون كلبي ياعمه عليه ونات
صارت شوفته بالبيت هيهات
ادري مايرد ياعمه المات
اصد الحجرته وانضر على هدومه
...........................................
الله يساعدج عمه يامعصومه
بس مصاب جدج مامثل يومه
عاري باشمس ومسلب هدومه
ثلث تيام ضل نايم على الحومه
..........................................
بقلم خادمة المنبر الحسيني ام حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
قصيده فزاعيه الى صاحب السجده الطويله
وين اهله وعمامه خل يحضرون
الكاظم عل الجسر ويدير العيون
..........................................
وين اهله وعمامه خل تجي اتشيله
وسفه عليه سمه كطع دليله
يعاين على الجسر مهدود ياحيله
.....يفزعوله خلي شجعان......
وين اولاد هاشم مايحضرون
يشيلون الجنازه فوك المتون
يلطمون الصدر وعليه يبجون
....يحضرونه جاوين الساده......
مايدورن اهله شلون سموه
فوك علجسر لانذال ذبوه
مسنسل بسلاسل حيف خلوه
....يسمونه وشلون الوالي.....
معصومه عليه شلون محزونه
تصيح شلون أبويه يغمض عيونه
بسجن مضلم عمت عيني يخلونه
....تون عليه اليوم تريده.....
حسافه تموت مايدرون بيك اهلك
ماتنهض بني هاشم وتفزعلك
وبعيد الدرب مااضن وصل علمك
......يالهيبه وشلون تغرب......
بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف
/channel/omhusseinAlmasaraw
نعي وحديث الى صاحب السجده الطويله موسى بن جعفر ع
عندما سم الإمام عليه السلام يلتفت بزنزانه مضلمه وسم قطع جبده فناداه اين اهلي اين خواني اين عشيرتي ياجدي ياحسين ثم بكى على فراق اهله فتمنى الإمام اولاده بجانبه وابنته تنعى عليه وولده يرفع جنازته .....😭شيكول امامنا
الميت غريب شلون حاله
ايريد الاهل يمه تنعاله
لاولد يمه وتجاله
.......................
مشتاك الاهلي كلش اليوم
وكلبي تراهو محمل هموم
وسمي صعد والجبد مالوم
.......................................
وعن لسان معصومه ع وهيه تنتضر اباها
وكل يوم تجلس تسأل عليه وتبكي
شتكول
اخ اخ اخ بويه يابويه
محله الابو محله غلاته
من يجبل عليه شحلاته
وشلون يتمه بناته
...................................
انه متانيه سنين واليالي
يرجع ابوي الدللاني
يتيمه من عكبه تراني
......................................
اريد اكعد باب السجن وانطر
بلكت يجي كلبي تفطر
وسأل عليه راح والمر
........................................
اريد ابجي عله ابوي الدللاني
مهضوم كلبي اوماجاني
جنه غفه عني ونساني
.......................................
والسان حال لإمام الرضا عليه السلام شيكول
بويه من سجن السجن عليك انشد
وعليك بويه حيلي منهد
جاوين الكاك واهود
.......................................
سمعنه الينسجن نتواجه وياه
وبيا سجن اندوره نلكاه
ويلي عله ابوي الراح ويلاه
.........................................
ياجسر وين ابوي وينه
بيك انشمر وتيتمينه
يايوم الاكشر هم علينه
................................
نعي كرناوي ختام مجلس
على الكاظم لهل ادموع العيون
وعلى الكاظم دكومو نوحو وياي
شلون عله الجسر ياناس مطروح
مثل جده الحسين الماشرب ماي
ابوطلبه تره كضاي حاجات
يرحب بليزور وجاي عناي
.............................................
تأليف خادمه زينب ع ام حسين
المسعراوي
من العماره لايجوز حذف الاسم نسالكم الدعاء ياموسى بن جعفر 😭😭😭🏴🏴🏴🏴🏴🏴
/channel/omhusseinAlmasarawy
قصيده ختاميه عزاء الإمام موسى بن جعفر ع
واويلي على المسموم.....واويلي على المسموم
نزلت فاطمه الزهره
تبجي وتنحب بعبره
والله حالته خطره
واويلي على المسموم
تزلت تبجي وتنادي
يمه ورم افادي
رواحو كلهم ولادي
واويلي على المسموم
شلون عله الجسر ذبوه
تصرخ يمه ماغطوه
حتى ميه ماساكوه
واويلي على المسموم
شيعه اليوم حزنانه
تصيح احاه مولانه
وين اليلطم ويانه
واويلي على المسموم
شيلو اجنازته بونه
بعيدين الاهل عنه
راح الحيد المجنه
واويلي على المسموم
................................
تأليف خادمه زينب ع ام حسين المسعراوي
من العماره لايجوز حذف الاسم نسالكم الدعاء
/channel/omhusseinAlmasarawy
قصيده ثكيله لفقد لاحباب
بدم ابجن يالعيون...الراحو مايردون،
فركاهم كتلنه....تره ذوله اهلنه
بدم ابجن يالعيون
.......................................
بدم ابجي ياعيني ولاتبطلين
عزازج هلمشو المن تنضرين
علينه احبابنا صارو بعيدين
على الراحو يروحي لاتعتبين
الراحو مايردون..بدم ابجن يالعيون
..........................................
الدار اخلافهم ضلمه وخليه
شيعود الذي رحلو عليه
بعد ماكو ولي لاكو تجيه
اضل طول العمر احمل اذيه
الراحو مايردون...بدم ابجن يالعيون
............................................
ثجيل افراكهم لامانحمله
تره يضل بلمذله الضيع أهله
كلبي على البعد بله شيصبره
ولله كسرتي ياناس كسره
الراحو مايردون...بدم ابجن يالعيون
...........................................
تره تفكد اهل تبقى ذليله
بعد ماتحجي لو مرت العيله
تضل بفراكهم روحي نحيله
عكبهم كلبي مضيع دليله
الراحو مايردون...بدم ابجن يالعيون
.........................................
محتاجه يجون اهل المحنه
من راحو بعد محد وصلنه
فركاهم طبع بلكلب ونه
تره بلمكبره ذوله اهلنه
الراحو مايردون..بدم ابجن يالعيون
فركاهم كتلنه...تره ذوله اهلنه
..........................................
بقلم الشاعره والمله ام حسين المسعراوي من العماره لايجوز حذف لاسم نسألكم الدعاء
/channel/omhusseinAlmasarawy
انا كل همي يـ بوصالح رضاك
مسألة توفيقي عايفها وراك.
حديث ونعي الى جبل الصبر زينب عليه اسلام
......................................
عندما دنت المنيه من مولااتي زينب عليه اسلام جالس بجانبها الامام زين العابيدين عليه اسلام
قال عمه أرى وجهكي تغير قالت عمه فراق بيني وبينكم فبكى الامام وقال عمه انتي عزيزه عليه والله يعز عليه فراقك
ثم حضنها وبكى شيكله مولاانه زين العابدين ع
ايكله .. انتفارك مضنيت انه وياج انتفارك
اخ عمه ..معارك وانه وي الموت ياعمه معارك
...........................................
ثم بكت زينب ع قالت لاتبكي يابن اخي لتفت زينب ع يمينا وشمالا قال عمه الى اين تتلفتين تكله عمه
التفت بلكت يجوني
اخ اخ اخ ..وعله ضيم كلبي يناشدوني
ليش بغرب اهلي تركوني
..................................
التفت بلكت جاي عباس
ويشيل الجنازه كبال هناس
يدري بخيته بدون حراس
............................
عمه الجنازه تريد خوان
يوصلون اخيتهم للمجان
وادري بخوتي كلش احنان
......................................
تكله عمه بنفسي والي وتعاتب وياه
واكله يخويه واكض يمناها
واكعد شويه اسامروياه
.....................................
وحشه الجنازه بغير واليان
وياهو اليشيل النعش يخوان
خويه حرمه وغريبه اومالي عوان
......................................
تأليف خادمه زينب ع ام حسين المسعراوي من العماره لايجوز حذف الاسم
نسألكم الدعاء اه اه يازينب 🏴🏴🏴🏴😭😭😭😭😭
/channel/omhusseinAlmasarawy
قصيده الى مولاتي زينب عليه اسلام فزاعيه
........................................
ماعدي اخو وي اليدفنون
لاعباس لالحسين يدرون
.................................
جنازه تريد خويه ثلث خوان
وين حسين عني وكمر عدنان
محتازه اخو ايصير دفان
🏴 جاوينه الحسين الليه 🏴
.......................................
اعاين ولتفت مايمي عباس
مارضى الجنازه اتشيله الناس
خمس خوان عدي رفعه راس
🏴ايحضروني وين الشجعان 🏴
.........................................
ياجناز وديني الخوتي
مايدرون بيه اليوم موتي
اصيحن على ولي ماسمع صوتي
🏴ايدفنوني جاوين اخواني 🏴
...... ..............................
اون بهداي محد يسمع الونه
وين اعزاز كلبي البيهم محنه
جاوين البطل عباس المجن
.🏴متانيته زينب كلوله 🏴
..................... . ...............
اريده يحضر الدفنه ابو فاضل
سبع ومخيف اخوي ويصطر
العايل
حسافه هلوكت وياي شومايل
🏴امن اخواني بعدني البين 🏴
............................................
تاليف خادمه زينب ع ام حسين المسعراوي من العماره لايجوز حذف الاسم
نسالكم الدعاء اه اه يازينب 😭
/channel/omhusseinAlmasarawy
قصيده فزاعيه الى مولاتي زينب عليه اسلام
٠٠٠٠٠٠٠٠٠٠٠٠٠٠٠٠٠٠٠٠..........................
عونه الزار شباجج يازينب
نطب الحضرتج وحيل ننحب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عونه الراح والزينب تعنه
نكض شباجه وننحب بونه
ننسه همومنه وننسه اهلنه
....هنياله وزار الحضره....
...................................
اول مااجي وادخل الحضرته
اللطم حيل وابجي عله مصيبته
منهد حسين ماطابت بعلته
....مهضومه وخلاف اخوته....
................................
سهليلي الزياره ارد ازورنج
وصرخ حيل يم بابج واندبنج
يامهضومه يازينب اكللج
....مولاتي واتشرف باسمج.....
.....................................
اكعد بصحن واسوي القرايه
وابجي عله الغريب الماشرب مايه
وقرالج قصيده ولله بهدايه
...ممنونه الخوانج زينب....
.......................................
اسويلج المجلس واجمع الناس
وقرالج البوفاضل العباس
موهذا كفيلج تاج فوك اراس
.....ايسمونه كضاي الحاجه.....
........................................
كليلي يازينب وشتريدين
انعالج على العباس وحسين
لواحجي على حالج تريدين
....مهضومه تبجيلج عيني....
....................................
تكول احجي على خواني الزينين
هذوله اولاد حيدر وانتي تدرين
طبو كربله وخلو نياشين
....مشهوده الخوانج زينب....
...................................
تأليف خادمه زينب ع ام حسين المسعراوي من العماره لايجوز حذف الاسم نسالكم الدعاء اللهم سهل زياره مولاتي زينب عليه اسلام 😭😭😭😭😭
/channel/omhusseinAlmasarawy
هوسات لمولد ابا الفضل العباس عليه السلام
هله بروح والريه هله يمفضل عليه
هله لو اندب باسمه اكول الحاجه مكضيه،
يوم نولد زينب صاحت هله باهلجيه
ها ها ....فرحت بيه ام عون ليله .....
🌹🌹🌹🌹🌹🌹🌹🌹🌹🌹
من شالته زينب شمر يدينه،
وشافته الشجاعه من فتح عينه،
كالت ياهله ابحامي الضعينه،
ها ها ....ضوه الكون جيت الوالي
🌺🌺🌺🌺🌺🌺🌺🌺
دورت وبحثت الكتب ياهناس،
لكيت اربع أئمه قبلو جف عباس
هاي المنقبه العده موثوقه وله أساس
هاها ...بجفوفه،ويقبل يحيدر
🌼🌼🌼🌼🌼🌼🌼🌼
دكله ام البنين شلون قبلته
كالله علي بيه الوفه شفته،
بيوم طف تضل عطشانه،ياشفته،
ها ها ....الحسين،الروح يضحيه
🌺🌸🌺🌸🌸🌸🌸🌼🌻🌻
دكول ام البنبن رضعته وفه ياابو الحسن عباس
يرفع راس زينب بين هاي الناس
تسمونه،ابو فاضل لان ماينقاس
هاها ...زود البيه من عمامه
بقلم خادمة المنبر الحسيني ام حسين المسعراوي من العماره لايجوز حذف الأسم نسالكم الدعاء
/channel/omhusseinAlmasarawy
قصيده فزاعيه الى الإمام الحسين عليه السلام عندما سحقت جسمه الخيل
ماذا قالت زينب عليه السلام
...................................................
لاياخيل عوفن صدر الحسين
اخته واكفه شو ماتخجلين
................................................
زينب واكفه وتصيح عوفنه
هذا ابن امي الغالي سحكتنه
شعجب ياخيل شنجن ماعرفتنه
زينب واكفه شو ماتخجلين
...........................................
ترضن بل الصدر وعيوني اتشوف
ماكدر اجي ماخذنه الخوف
وكفتو على الحسين اصفوف بصفوف
تسحكين الصدر اوماتخجلين
............................................
يخسفن بل الصدر ويلوج خلنه
عطشان الولي بسجن دعوفنه
خلني اجي ميه اشربنه
بسج بعد كافي ماتخجلين
........................................
تلعبن على الصدر وصاير بحاله
ماكلتن اخيته واكفه كباله
روعتن بناته وتبجي عياله
ادوسن بل الحوافر ماتخجلين
.............................................
لوعباس حاضر ماتدوسنه
تدرن بيه سبع هل الحيد المجنه
يكطع روسجن فنجن تأذنه
تشوفنه وحيد وماتخجلين
...............................................
تأليف خادمة زينب عليه السلام
أم حسين المسعراوي من العماره نسألكم الدعاء لايجوز حذف لاسم
/channel/omhusseinAlmasarawy
فيديو من الشاعره ام حسين المسعراوي
Читать полностью…
اداء الخادم محمد السماوي
الشاعره الكبيره ام حسين المسعراوي
نعي عن لسان مولاتي معصومه
تنعى أبيها موسى ابن جعفر ع
بعيد الدرب مالحكت بيه
تمنيت بيديه اداويه
وكعد وياه وداريه
.......................
بعيد الدرب بويه عليه
ومالحكت وكت المنيه
لاولد يمك لابنيه
.............................
لاولد يمك يتجيلك
وسم يبويه هدم حيلك
ميت غريب ومن يجيلك
................................
مسموم ابو وحال حاله
ويلتفت مايمه عياله
بعيد الدرب محد اجال
.............................
تمنيت احط راسك بحضني
وتسمع يبويه عليك وني
وكلك تره فركاك هدني
...............................
هدني الفراك سنين بسنين
وعله الدرب مشبوحه العين
السجن مدري وين ماوين
.................................
عميانه بويه عليك عيني
وعليك ماهود ونيني
ردت طارش يابويه بس يجيني
.......................................
مفطر دليلي من الفراك
ودمع ينزل بويه حراك
مهضومه عليك وماخذه الراك
..... ...............................
فراكك صعب بويه وعماني
والدهر بلوه هم بلااني
ضالم عليه يازماني
..............................
بقلم خادمة المنبر الحسيني ام حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
قصيده فزاعيه،الى صاحب السجده الطويله مولاي موسى بن جعفر عليه السلام
مثل يوم ابو رقيه يومك اليوم
يالكاضم عليك الحيل مهدوم
.........................................
نلطم عالصدر ونصيح ويلااه
مثل الحسين يومك ماحملناه
كل شيعي تهل اليوم عيناه
عليك عيونه تبجيلك دموم
....................................
ياأبو طلبه عليك الكلب مفطور
يومك كل سنه جن يوم عاشور
ننصبلك عزه ونذكر المنحور
بيارغ سود نرفعلك يامسموم
.........................................
غريب انته مثل جدك يامضلوم
كضيت العمر بالسجن مسموم
كلبك على لأهل مولاي مالوم
من السم تون ولحيل مهدوم
.....................................
يامولاي الك قمنا مجالسنا
وبشارع نصبناها مواكبنه
رفعنالك اعلام بكل جودرنا
ننوح عليك يامولاي هليوم
......................................
ننوح عليك نذكر العطشان
ثلث تيام ضل نايم بتربان
وراسه بسمهري وفوك لاسنان
محرم سيدي يايومك اليوم
.......................................
بقلم خادمة المنبر الحسيني ام حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
هوسات لامام الكاضم عليه السلام
يانار السجن بلكلب لهابه
مسموم ويون وماضي اصوابه
يدير العين ماكو يمه احبابه
.....يحضرونه جاوين احبابه.....
يلوج من الألم محد اجه يشيله
راد ابنه الرضا يحضر يتجيله
عمت عيني عليه مالحك يعينه
.....مهضوم وتكتل وناته......
ذبو عالجسر ماجنه جده حسين
كله دكول جا هذا الغريب منين
مغطينه بعباته عمت عيني الزين
....ماعرفو اليكضي الحاجه.....
ماعرفو الكاضم جي مغطينه
ماحسبالهم هو المكيدينه
كالو هسه مولانه يجي علينه
...نفجعو بيه اليوم الشيعه...
..................... ..............
بقلم خادمة المنبر الحسيني ام حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
قصيده الى صاحب السجده الطويله موسى بن جعفر ع
..........................................
لاتلومونه لاتلومونه..لوفاضت دمعات عيونه
...................................................
على الكاظم نبجي ونتحسر
شلون تسمه كلي وتجسر
جده حسين وعوده الجعفر
وسمونه ويسمونه ليش العدوان ايسمونه
......................................
معروف باخلاقه ودينه
موسي الكاظم تهمل عينه
لاحد يمه وهمه ايعينه
ويخلونه ويخلونه مسجن بغربه ايخلونه
......................................
من عكب السجن ايسمونه
ما خلو اهله ايشوفونه
ومن الغربه تربي اعيونه
ويضلمونه ويضلمونه ليش الإمام ايضلمونه
.....................................
اليوم احبابك كله تذكرك
تبجي عليك وتكصد كبرك
ياقاضي الحاجات اندبلك
تبجي عيوني تبجي عيوني اليوم عليك وتبجي عيوني
........................................
قصه موسى تحير فكري
دموع الشيعه الجله وتجري
اليوم امصابك هيج جرحي
ويهضمونه ويهضمونه ليش الانذال ايهضمونه
...................................
تأليف خادمه زينب ع ام حسين المسعراوي
من العماره لايجوز حذف الاسم نسالكم الدعاء
/channel/omhusseinAlmasarawy
الى صاحب السجده الطويله موسى بن جعفر ع
....................................
انه الكاظم ضلموني..بلا ذنب سموني
...........................................
انه الكاظم ياشيعه
خلوني بسجن وديعه
ماصارت مثلي فجيعه
عدوان وهم ظلموني
...............................
كالو لن جدك حيدر
وحسين وعودك جعفر
نجرم بيك ونتجسر
ليش بسجن تخلوني
.............................
خلوني بظلمة وحسره
والسم بجبدي ويسره
محد من اهلي ويدره
وبلاذنب هضموني
.........................
.سنين ومسجون بغربه
واهله اينضرون الدربه
وعينه من المظلم تربه
بلكي الهلي يرجعوني
...........................
صحت بصوتي ويعيوني
وين الشيعه ايعينوني
أنه منين اتعرفوني
حيدر جدي تعرفوني
............................
تأليف خادمه زينب ع ام حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
قصيده فزاعيه الى صاحب السجده الطويله على لسان معصومه تريد ابو الفضل العباس ع يحضر شتكول
ياهو يجيب عمك يحضر اليوم
يفنيهم ابو فاضل الجيدوم
.....................................
من فوك الجسر واندب ياعباس
ترضاها الجنازه اتشيله الناس
وينك ماتجي ليه يانوماس
تدري بل الكلب ياعمي مهموم
....................................
اعرفنك شهم ماتنام على العيله
عمي انهض البوي اليوم تجيله
نايم على جسر محد اجه ايشيله
ياعمي تراهو ابوي مسموم
.......................................
افزعو يابني هاشم الراهبكم
مطروحه الجنازه تريد جيتكم
وينه الي يجي عنايه من عدكم
ضل عله الجسر مطروح هليوم
........................................
فك كبرك يابو فاضل تعناله
محد وي اخوي اليوم هم شاله
ابو محمد غريب يريد خياله
وينك يابطل ماتنهض اليوم
.....................................
غريب الوحده ويدير بل العين
وضل عله الجسر ويجر بل الونين
جنه يصيح ياعباس ياحسين
ماتدرون ماجتكم العلوم
......................................
تاليف خادمة زينب عليه السلام الشاعره أم حسين المسعراوي لايجوز حذف الاسم نسألكم
/channel/omhusseinAlmasarawy
قصيده لحفض المجالس وخدمه لامام الحسين عليه السلام
الى لامام الكاضم عليه السلام
بمانه موسى بن جعفر......
ياخدام
قيموها مجالسكم ....ياخدام
مايدخل مرض الكم....ياخدام
ولعباس حاضركم...ياخدام
ندك صدرونا ونلطم على الهام
........................................
بل الكاضم تحزمنه...ياخدام
وفتحنه مجالسنه ...ياخدام
يذهب هلوباء منه..ياخدام
نضل الدوم يامولاي خدام
.......................................
ماهمنه المرض جينه...ياخدام
للمجلس تعنينه...ياخدام
امانه موسى والينه...ياخدام
متحزمين اجينه كلنه بحزام
........................................
أمنه مجالسنا...ياخدام
شنهو المرض يمنعنه...ياخدام
بيده الكاضم يلمنه...ياخدام
صاح بصوت أمنو ها يخدام
.........................................
ياميت هله بيكم...ياخدام
الزهره تحيكم...ياخدام
امانه موسى اخليكم...ياخدام
هله بجاينه ويلطم على الهام
......................................
بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف الهم احفض مجالس الحسين عليه السلام
/channel/omhusseinAlmasarawy
قصيده فزاعيه الى مولاتي زينب عليه السلام
.........................................
زينب خويه اجيتج لاتعتبين
اشيلج على المتن ماعدي جفين
........................................
ماخلي النعش اتشيله الناس
تدريني اخوج انه العباس
تسميني الفحل اورفعت الراس
ماعوفج ياخويه ياضوه العين
.......................................
اجيج محزم واكطع اصوبين
منون انه منج ياخت الحسين
كليلي يازينب وشتريدين
بس ياخويه ماريدج تعتبين
.....................................
من كبري واسمعنج تندبين
وادري بيج ياخويه تعتبين
لكلبه عليج اليوم صوبين
اخوج أنه يزينب وانتي تدرين
....................................
شلعتي كلوبنه ياخويه اليوم
انه وحسين نبجي عليج بدموم
زيدتي علينه اليوم الهموم
ها يم عون كليلي شتريدين
.....................................
اجيتج شايل البيرغ بمكفاي
تدريه يزينب شيميتي هاي
ازتج للكبر وحسين وياي
على راسي ياخويه أنتي تأمرين
.........................................
تأليف خادمة زينب عليه السلام الشاعره أم حسين المسعراوي لايجوز حذف الاسم نسألكم الدعاء
/channel/omhusseinAlmasarawy
قصيده الى جبل الصبر زينب عليه السلام
فزاعيه
............................................
يشيال النعش مرني عله عباس
ماأرضه النعش اتشيله الناس
................................
شعطل العباس سبع الكنطره
لاحضر لاشال نعش الطاهره
هاي زينب بلحزن متمرمره
🏴كعد ليه يابيك الهيبه 🏴
شيال النعش وديني لحسين
شيل اجنازتي ويبجي بلونين
زين اعرف اخوي وكلش احنين
🏴متانيته زينب كلوله 🏴
تدروني غريبه بلايه وليان
ياخويه الجنازه اتريد خوان
بعد منهو اليشيل النعش ياحنان
🏴ايشيلونه وين واليان 🏴
يشيال النعش وديني للعباس
مايرضه اخويه اتشيلني الناس
صاحب مرجله وغيره يانوماس
🏴ينكط غيره عباس اسمك 🏴
ياخويه الاخوه بضيج ينراد
منهو ايشيل نعشي وانتم ابعاد
اعتب ولعتب وياك مافاد
🏴ارجعولي يهلي وخواني 🏴
...............................................
تأليف خادمة زينب عليه السلام
أم حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
قصيده فزاعيه المولاتي زينب عليه السلام
.... .....................................
زينب احسن النسوان
واهل الزود اهاليه
.............................................
امه فاطمه الزهره
من بيت النبي العتره
ابوها الكافر ايبتره
راحت سبي تاليها
........................
اخت عباس المشكر
هذا الحير العسكر
خلاهم جثث تفتر
نعم لولي واليها
...........................
ماطاحت عبايته
من حركوها خيمته
فوك الوجه خلته
محد يكد اعليه
.........................
زينب تربيه حيدر
فنهم يوصلو العسكر
هيه الحامت الخدر
فن واحد يصل ليه
............................
اطلبي يانخيتيه
وبلحاجه نديتيه
وبلعباس حلفيه
ولله ليوم تكضيه
........................
متقصر ابد وياج
الي لاطمه بيمناج
تكلج هله ويا حياج
تطي الحاجه بيديه
................................
تأليف خادمة زينب عليه السلام
ام حسين المسعراوي من العماره لايجوز حذف الاسم نسالكم الدعاء
/channel/omhusseinAlmasarawy
قصيده ثكيله السيده زينب عليه السلام القصيده بعنوان ...أمنيه زينب ..ع
وديني عمه الكربله وديني
مابين اخوتي اريدك تخليني
بلكت يشوفوني ويكعدون
عن حالي ياعمه ينشدون
وديني عمه الكربله وديني
.......................................
وديني عمه الكربله ارد ابدي العتاب
للعافو عيوني تهل وتنضر على الباب
كضيت السنه حسره وألام وبدمع سجاب
روحي ياخوتي تمرمرت ومليت الغياب
بلكت يشوفوني ويكعدون
وعن حالي ياعمه ينشدون
وديني عمه الكربله وديني
.....................................
بلكت يفزون اخوتي ونعشي يشيلون،
وبيديهم تراب لاحد عمه يهليون
يم الكبر كلهم سو عليه ينوحون،
مهضومه كضيت العمر وتهل العيون
بلكت يشوفوني ويكعدون
وعن حالي ياعمه ينشدون
وديني عمه الكربله وديني
...........................................
أمنيتي ياعمه علي تدفني يمهم
عالفركه مرة ياسنه مشتاكه الهم
تكتل مسافات درب بعدتني عنهم
بنوح اكضيت العمر ولون بعدهم
بلكت يشوفوني ويكعدون
عن حالي ياعمه ينشدون
وديني عمه الكربله وديني
.........................................
كضيت العمر حسره وألام وبليل مانام
اذكر مصايب كربله وياذيج لايام
ينشدني كلبي عله اخوتي لشوفه محتام
اسنين جني مفاركه ماجني العام
بلكت يشوفوني ويكعدون
عن حالي ياعمه ينشدون
وديني عمه الكربله وديني
...................................
أتمنى هسه بكربله اخواني اليدفنون
برايات وعلام الحزن همه اليشيعون
يخلون عمه جنازتي عليه ويصلون
زينب غريبه ام الحزن بكبري يكتبون
بلكت يشوفوني ويكعدون
وعن حالي ياعمه ينشدون
ودوني عمه الكربله وديني
...... ................................
بقلم الشاعره والمله ام حسين المسعراوي من العماره لايجوز حذف الاسم نسألكم الدعاء
/channel/omhusseinAlmasarawy