Onlíner па-беларуску

03 Oct 2023 09:51

Выяўляецца, што гісторыя беларускага мовазнаўства — гэта не толькі кнігі і вучоныя, але і кіно.

6 кастрычніка ў 11.00 у Цэнтральнай навуковай бібліятэцы імя Якуба Коласа НАН будуць паказваць дакументальны фільм пра Беларусь.

«Ад прадзедаў спакон вякоў...» быў зняты ў 1997 годзе і прысвечаны беларускай мове. Нагода для мерапрыемства — 235-годдзе з нараджэння лінгвіста, этнографа і фалькларыста Івана Насовіча. Пра яго таксама будзе паказаны фільм.

Уваход бясплатны, чытацкі білет не патрэбны. Адрас: вул. Сурганава, 15, першы паверх, п. 110.

Onlíner па-беларуску

01 Oct 2023 13:22

Ельня гарыць.

Мясцовае агенцтва экскурсій піша, што лясніцтва і самаахвотнікі ўжо другі дзень працуюць над сітуацыяй. Пажар ўзяты пад кантроль, але яшчэ не патушаны.

На сайце МНС афіцыйнай інфармацыі пра ўзгаранне на балоце няма. Аднак у зводцы пра здарэнні за апошнія суткі на карце ў Міёрскім раёне адзначаны лясны пажар.

Onlíner па-беларуску

30 Sep 2023 09:01

А што, калі б па жыцці Мінска зрабілі анімэ?

Разабралі нашы архівы і прагналі іх частку цераз AI. Вынік глядзіце самі.

Onlíner па-беларуску

29 Sep 2023 12:20

🎞 Што глядзець па-беларуску?

Белгідрамет абяцае, што з наступнага тыдня пахаладае.

Сабралі кіно, якое ідэальна падыдзе для восеньскага вечара ў кампаніі партнёра, сяброў ці сам-насам з сабою. Усе фільмы можна знайсці тут.

Onlíner па-беларуску

27 Sep 2023 20:08

Розніца паміж мансардавым акном і люкарнай у тым, што першае ляжыць у плоскасці даху, а люкарна ўяўляе сабой невялікую надбудову з зашклёнай фасаднай часткай. Пры гэтым шкло размешчана вертыкальна і знаходзіцца ў адной плоскасці з фасадам, а не пад нахілам.

Звычайна люкарны нагадваюць уманціраваныя ў мансарды невялікія хаткі, у якіх ёсць дах, сцены і зашклёны фасад. Яны не толькі асвятляюць памяшканне мансарды, але і, пагадзіцеся, надаюць архітэктуры ўсяго будынка адмысловы шарм.

А на фота вышэй у якасці прыкладу — нядаўна адрэстаўрыраваны палац Валовічаў у Свяцку каля Гродна — помнік архітэктуры канца XVIII стагоддзя.

Onlíner па-беларуску

26 Sep 2023 10:39

У Брэсце з воданапорнай вежы зробяць офісны будынак з рэстаранам.

Вось як гэта будзе выглядаць. Апошняе фота — адзін з першых рэндараў. Тады да вежы хацелі дабудаваць шкляны будынак і абсталяваць усярэдзіне ліфт. На шчасце ці не, але ад гэтай ідэі адмовіліся.

Onlíner па-беларуску

24 Sep 2023 14:04

Некропалі Мінска — якія яны?

Калі вы стаміліся ад шпацыраў па парках ды наведванняў галерэй, прапануем звярнуцца да гісторыі, якая хаваецца за могілкамі горада. Сабралі 3 найбольш цікавыя на наш погляд месцы.

Onlíner па-беларуску

22 Sep 2023 14:59

Так, статыстыка прымушае задумацца. 

Але ёсць і іншая лічба. Кампанія Whoosh кажа, што за гэты сезон на іх электрасамакатах праехалі больш за 2 950 569 км. Гэта 3,8 палёту да Месяца і назад!

Больш за 8% жыхароў Мінска скарысталіся электрасамакатамі прынамсі адзін раз. Сярэдні ўзрост карыстальнікаў — 29 гадоў.

Сэрвіс робіць выснову: горад гатовы да паступовага зніжэння колькасці аўто, ён мае вялікі патэнцыял для мікрамабільнасці. І нават калі вы не шануеце электрасамакаты — ніхто не забараняў старыя добрыя веласіпеды.

Onlíner па-беларуску

21 Sep 2023 10:25

🧻 Пакі саломы ў выглядзе рагачоўскай згушчонкі і туалетнай паперы.

Беларускі дызайнер Лёша Лімонаў фантазіруе над незвычайным размяшчэннем рэкламы і прапануе брэндам дапамогу з рэалізацыяй.

Onlíner па-беларуску

20 Sep 2023 17:11

🌇 У Мінску з'явіўся яшчэ адзін мурал. Дзе яго шукаць?

Ён знаходзіцца на фасадзе дома №46 па вуліцы Громава. Гэта насупраць ГЦ Diamond City і выдатна праглядаецца з МКАД. Назва арт-аб'екта — «Засцярог».

Гэта ўжо 11-ты мурал, створаны ў рамках праекта «Традыцыі дзеля будучыні». Яго запусцілі яшчэ ў 2021 годзе да 100-годдзя «Беларусбанка».

Onlíner па-беларуску

18 Sep 2023 16:50

🤔Асабістую вяндлярню не хочаце?

У Шчорсах будынак XIX—XX стагоддзя прадаюць усяго за 37 рублёў. Аўкцыён адбудзецца ўжо заўтра, пабудова з'яўляецца гісторыка-культурнай каштоўнасцю.

Па-руску вяндлярня — «коптильня». Зверху яна драўляная, з гонтавым дахам і шатром, ніжняя частка — цагляная. Усярэдзіне прастора падзелена на ярусы, там мясцілі прадукты.

Onlíner па-беларуску

16 Sep 2023 18:47

👩‍💻 Якія любімыя месцы ў супрацоўнікаў Onlíner?

Спыталі калег пра Мінск і вытокі гэтай любові.

Onlíner па-беларуску

15 Sep 2023 13:18

🧦 Нечаканая «калаба» — Mark Formelle выпусціў шкарпэткі з тэкстамі... «Песняроў».

Неўзабаве тавар паступіць у продаж. А пакуль брэнд прапаноўвае накінуць ідэй для наступных «музыкальных» пар.

Onlíner па-беларуску

13 Sep 2023 17:30

А ці ёсць яшчэ нешта падобнае ў Беларусі? Мы доўга глядзелі свае фотаархівы і змаглі ўзгадаць толькі сядзібу Гатоўcкiх у вёсцы Чырвоны Бераг Жлобінскага раёна, пабудаваную ў канцы ХIХ стагоддзя. Глядзіце, якія там аўтэнтычныя і сімпатычныя хімеркі.

Onlíner па-беларуску

12 Sep 2023 09:00

❤️‍🩹 Музей беларускай літаратуры збірае грошы на помнік Змітраку Бядулю.

Для вытворчасці і ўстаноўкі яго неабходна 12,5 тысячы рублёў. На дадзены момант сабрана каля 6 тысяч.

Вось як цяпер выглядае магіла паэта на Усходніх могілках Мінска і які манумент на ёй плануецца. Тры гады таму рэшткі пісьменніка перанеслі з Казахстана ў Беларусь.

Хочаце дапамагчы? Клікайце сюды.

Onlíner па-беларуску

02 Oct 2023 08:59

Праз два дні пажар на Ельні атрымалася патушыць.

Пра гэта ўчора позна ўвечары напісала мясцовае агенцтва экскурсій.

Па іх словах, у тушэнні было задзейнічана больш за 40 чалавек. Мінлясгас лічыць, што прычынай магла стаць неасцярожнасць рыбакоў ці ягаднікаў пры абыходжанні з агнём.

Onlíner па-беларуску

01 Oct 2023 11:08

«Ніхто не адарваны ад зямлі». Вось так продкі адзначалі збор ураджаю.

У народзе абрад Багачы даўно знік: ён не праводзіцца ў вёсках, але Студэнцкае этнаграфічнае таварыства аднавіла яго і з 2013-га штогод ладзіць у філіяле літаратурнага музея Янкі Купалы ў Вязынцы. Мы пабывалі на Багачы і прывезлі адтуль каларытную замалёўку — з танцамі і запамінальнымі спевамі.

https://youtu.be/S2B_eX3kLVI

Onlíner па-беларуску

29 Sep 2023 15:54

НЦСМ падрыхтаваў невялічкія падарункі на свой дзень нараджэння.

Што трэба зрабіць? Наведаць выставу Цэнтра мастацтваў (пр. Незалежнасці, 47) у гэтыя выходныя.

Пры набыцці квітка вы атрымаеце паштоўку з рэпрадукцыяй карціны вядомага беларускага мастака. Усе яны знаходзяцца ў фондзе цэнтра.

Onlíner па-беларуску

28 Sep 2023 14:56

🏛️ Веткаўскі музей збірае грошы на экспанат — і ім патрэбна дапамога.

Размова ідзе пра Царскую браму — элемент іканастаса ў царкве. Гэта вельмі рэдкі і амаль невядомы помнік стараабрадніцкага мастацтва Веткі.

На здымках вы пабачыце поўны экспанат і тое, як ён цяпер прадстаўлены ў музеі. Левую яго частку знайшлі ў прыватнай калекцыі, яе кошт — 8500. Сума перавышае бюджэт установы. Калі хочаце дапамагчы — рэквізіты ёсць у пасце.

Onlíner па-беларуску

26 Sep 2023 11:51

Лах-нэская пачвара who?

Разам з А1 едзем на поўнач Беларусі шукаць вадзянога монстра, выглядваць НЛА і браць інтэрв'ю ў «кантакцёраў».

Па таямнічым збегу абставін бачылі азёрную анаконду толькі моцна пажылыя ці на падпітку.

https://people.onliner.by/2023/09/25/muzhyku-zdalosya

Onlíner па-беларуску

24 Sep 2023 17:50

😌 У філіяле літаратурнага музея Янкі Купалы, што ў Вязынцы, адбылася рэканструкцыя абрада «Багач».

Нашы продкі традыцыйна праводзілі яго 21 верасня — у дзень восеньскага раўнадзенства.

Крыху пазней распавядзем больш падрабязна, а пакуль — невялічкая справаздача ад нашага журналіста.

Onlíner па-беларуску

23 Sep 2023 09:01

«Неяк знайшоў павука ў саксафоне. Уявіце, чаго ён наслухаўся...»

Працягваем фотацыкл Аляксандра Ружачкi «Апантаныя». Сённяшняя гісторыя — пра мінчаніна Мікалая Гуркіна, які рамантуе саксафоны (і не толькі іх).

https://people.onliner.by/2023/09/23/truba-dy-sprava

Onlíner па-беларуску

21 Sep 2023 11:59

Некалькі дзён таму мы публікавалі інфармацыю пра збор на помнік Змітраку Бядулю.

Музей беларускай літаратуры дзеліцца: «Эфект быў, і ён заўважны. З моманту публікацыі сума на рахунку вырасла з 6100 да 7600 (прыкладна). Таму яшчэ раз дзякуем за неабыякавасць і зычым усяго найлепшага!»

Вы крутыя, не забывайцеся пра гэта❤️

Дапамагчы можна тут.

Onlíner па-беларуску

20 Sep 2023 17:41

Гэта сандрык — невялікі карніз над акном, дзвярыма або балконам. Служыць і як дэкор, і як перашкода для ападкаў.

А на фота — былая сядзіба графаў Талстых у Грудзінаўцы Быхаўскага раёна. Асабняк быў пабудаваны ў XIX стагоддзі ў класічным стылі і разам з навакольным паркам і фантанам з'яўляўся адным з найпрыгажэйшых маёнткаў Магілёўскай губерні.

Фасад двухпавярховага дома дэкарыраваны пілястрамі і сандрыкамі рознай канфігурацыі. У агульнай кампазіцыі вылучаюцца два элементы — купал і прыгожая паўкруглая веранда з калонамі.

На жаль, ужо шмат гадоў сядзіба стаіць закінутай. Не ў лепшым стане цяпер і парк, дзе ўсё яшчэ растуць дрэвы, якія заспелі графаў Талстых.

Onlíner па-беларуску

19 Sep 2023 16:36

Тут @autoonliner сабралі здымкі вінтажных „аварыек“, што калісьці можна было сустрэць на дарогах Беларусі.

Сярод іх былі нават тралейбусы! Памятаеце такое? (👍 — так, 👎 — не, занадта малады).

Onlíner па-беларуску

18 Sep 2023 13:22

💚 Фатографы Слава Мазай і Лёша Угальнікаў шмат гадоў рабілі здымкі прыроды Беларусі — і вось нарэшце выпусцілі кнігу.

Знойдзеце любімыя месцы? «Кут» выйдзе накладам 100 асобнікаў, далей усё залежыць ад попыту. Купіць яго пакуль можна толькі анлайн.

Onlíner па-беларуску

15 Sep 2023 17:02

🚣‍♀ У Гродне запусцілі вечаровыя сплавы па Нёмане.

Працягласць складае каля 8—10 кіламетраў. Па часе — 60—80 хвілін.

Да канца месяца запланавана яшчэ чатыры такія сплавы: 16, 22, 23 і 27 верасня. Ці будуць іх праводзіць у кастрычніку, пакуль невядома, піша NewGrodno.

Onlíner па-беларуску

14 Sep 2023 15:59

🖌 Што хаваецца за межамі прац Шагала?

Папрасілі штучны інтэлект пашырыць межы вядомых і не вельмі карцін.

Onlíner па-беларуску

13 Sep 2023 17:23

Гаргуллі — гэта рознага роду нячысцiкi і фантастычныя жывёліны, якіх ляпілі ў выглядзе невялікіх скульптур на фасадах сярэднявечных будынкаў. Служылі яны для адводу дажджавой вады: струмень выліваўся прама з адчыненай пашчы істот. А вось падобныя на іх хімеры (яшчэ адзін від пачварак) выконвалі ўжо чыста дэкаратыўныя функцыі.

Гаргуллі і хімеры сталі адным з атрыбутаў сярэднявечнай еўрапейскай архітэктуры. Аднак у Беларусі яны амаль не сустракаюцца. Адказ на нашу загадку — Нясвіжскі замак, дзе жалезныя цмокі былі ўсталяваны, верагодна, падчас рэканструкцыі. Як няцяжка здагадацца, яны з'яўляюцца элементам вадасцёку.

Onlíner па-беларуску

11 Sep 2023 17:01

🏛 Што мінчане апранаюць у тэатр?

Падпільнавалі гледачоў: ад школьнікаў ды пенсіянераў да навукоўцаў і саміх артыстаў.